بآلمستشفى شهد تجلس بمساعده سمر اللي سلمت عليها شهد: الله يسلمكم طمنوني كيفكم سمر: الحمدلله بخير "ضمت شهد" وحشتيني شهد تلف يدهآ عليها:وانتي بعد وحشتيني قوليلي كيف درآستك؟ سمر بعدت عنها وسمحت دمعتها قبل شهد تشوفها:الحمدلله ماشي الحال هنآدي: كيفك انتي يقولون تعبانه شهد تضحك:ليش كل هذآ وماني تعبانه هنآدي: هههههههه ماقصدي بشري كيف الحين؟ شهد ابتسمت لها: الحمدلله بخير جهزوآ نفسكم بكره خارجه عندكم سحر: تنورين البيت بدخلتك أنتي وولدك فيه سمعوآ صوت الباب يندق وبعده بدقايق دخلت غدير غدير تزغرط: كلوووووش الف الف الف مبروك "حطت باقه الورد وصحن الشوكولا الفخم على الطاوله وسلمت على شهد بحرآره" غدير: الحمدلله على سلامتك يالغاليه شخبارك شهد ضحكت على حركاتها وفرفشتهآ وروحها الحلوه: بخير الحمدلله انتي كيفك غدير:تمام وين البيبي بشوفه قال يوسف سميتوه مشاري شهد :ايه سميناه مشاري هنادي وسمر صفروآ بصوت وآحد وسحر فرحت بالخبر غدير لفت على البنات وسلمت عليهم ...بعد السؤال عن الحال واخر الاخبار غدير:ماعليه بنات ماجد برى يبي يسلم على شهد ويتحمد لها باسلامه ممكن تتغطون شهد تلبس طرحتها وتتلثم وخوآتهآ نفس حالها بعدوآ ورآحو بزآويه غدير :مآجد حياك أدخل ..: أحــم أحــم يآولـــد شهد:حيآك ماجد تفضل مآجد دخل ونزل رآسه بالأرض:السلام عليكم الكل : وعليكم السلام ماجد: الحمدلله على السلامه شهد بحياء وصوت يادوب ينسمع:الله يسلمك ماجد: يتربى بعزكم يارب شهد: أمين ..عقبال عندك ماجد ضحك: مانكره والله غدير بلقافه:عروسته جاهزه بس هو يترك عناده ويوافق ماجد ابتسم على كلامها: وين مشاري ابي أشوفه شهد: بالحضانه ممنوعه عنه الزياره غدير بتحطم:خساره خاطري أشوفـه شهد تضحك:راح تملين منه بس اصبري شوي ماجد:قدآمك العافيه أستئذن الحين شهد: تونا خلك شوي ماجد: انا برى انتم خذوآ رآحتكم غدير:ترى بطول هنا جاك العلم ماجد يسترق النظر لمح هنآدي من بعيد اللي سرحت فيه وبملامحه اللي حفظتها بكل منحنياته وتتأمل جسمه واسلوبه اللطيف اللي اول مره تعهده عليه ...طلع برى الغرفه وهي تحس بأنفاسهآ تتسارع أكثر بسبب قربه منهآ ووجوده بنفس مكانها ماخفت عليه نظراته اللي تحاول تلمحها بأي طريقه غدير:أفرآج يابنات تفضلوآ يالله بقهويكم سمر:لا والله أنا اضيفكم ارتاحي بس شهد تضحك:يالله صبي قهوه مشتهيتها مع الشوكولا هنادي تجلس وتفتح الصحن وتضيف مع سمر:يمي شكلها يشهي بس شهد ماراح تأكلين منها يمكن تضرك شهد تتخصر ونست المغذيات والدم اللي بعروقها:جد والله اقول هاتي بس وربي نفسي فيها سحر شهقت:شهد لاتحركي يدك ناسيه المحلول اللي فيها والا الدم والله انك ماتراعي نفسك ابد غدير بتهديد:ياويلك من يوسف بفتنه عليك شهد عبست :طيب نفسي بشوكولا سمر تمد لها قطعه:وحده بس احلمي بغيرهآ غدير: أيوه بنآت وأخر اخباركم كيف مع الدرآسه هنآدي بتأفف: يوووه قسم بالله تعب مع ذآ الحر تحسين المعلومآت مايمديها تدخل رآسك الا تتبخر الكل:هههههههههههههههه هنآدي كشرت:والله أني صادقه شهد :الحمدلله اني تركت الدرآسه والحين خلاص ماعاد برجع لهآ مالي شدة عليها غدير:ياكرهي للبنت اللي تتزوج وتترك الدرآسه شهد تضحك:بالأول قلت حياه جديده لآزم افهمه ويفهمني واهتم بالبيت وبأخوك بعد الحمل كنسلت فكره الدرآسه بربي ولدي أسنع لي سمر:ريحتي راسك مستقبلي يشبه مستقبل بس وقت يجي فارس أحلامي هنادي:ههههههههههه تدرون على أني دآجه وأكره الدرآسه على أن الفكره هذي عمرهآ ماجآت برآسي غدير فطست ضحك:يارب تسعدك هذا يعني ان تفكيرك سليم مو زي بعض النآس سمر تتخصر:ويش قصدك غديروه غدير لآزالت تضحك:أبد سلامتك
::: ::: :::
بعد يومين
عند رغد في دوآمهآ كانت توهآ دآخله المستشفى وتدعي في قلبها ان اليوم يبدون لأنهم تأخروآ عن القروبآت اللي قبلهم بيومين وهذآ يأثر عليهم ...شافت اسيل تنتظرها عند الرسبيشن رغد تعدل طرحتها: صباح الخير سوسو اسيل تسلم عليها :صباح النور ماشاء الله ويش ذآ الزين وجهك منور رغد :بالله وربي مو حاطه ولاشي عشان ما افتن ابوي موصيني ما احط روج وكحل أسيل تضحك: نفسي اخوآني كل وآحد يعطيني محاضره بالأخلاق والتربيه والحجاب يبوني طول اليوم متغطيه ومكتومه رغد تضحك: ياربي شنسوي اذا ربي خلقنا جميلات اسيل ميته ضحك:اقول ويش مفطره اليوم مزآجك عال العال رغد بأنشرآح:مدري شنو السبب بس قلبي يقول اليوم بيكون حلو ورآح نبدأ فيه أسيل تطالع الساعه كانت 8:30 صباحاً :شكل مافي زي امس وقبله شوفي الساعه كم رغد : مآ اضن أمشي نشوف القسم اللي كآتبين فيـ..."قاطعهآ صوت جوالهآ وكآنت بنت من القروب اللي معهآ تقول لهآ ان الدكتور له نص ساعه بآدي المحآضره وهم تأخروآ " أسيل بخوف: يؤؤؤ معقوله بدوآ وأحنآ ماندري رغد: شفتي لو أروى مآ اتصلت رحنآ فيهآ امشي نلحق تقول قبل قسم الجرآحه جري رآحو لمكآن محاضرآتهم وقبل يدخلون دقوآ الباب ودخلوآ د:نــعـم ..مين حضرتكم أسيل خآفت منه ومن هيبته :حــ.."ودقت رغد رغد بثقه: أحنآ طالبات من نفس القروب طالعهآ بأستغراب بعدين طالع ساعته: تدرين كم الساعه الحين رغد : أسفين دكتور بس تونآ درينا عن المكآن تعرف احنا جُدد على هذآ المكآن فضعنآ فيه صرخ الدكتور في وجههآ: عُذر أقبح من ذنب رغد وأسيل فزعوآ من صرخته وتفشلوآ لآنه بدأ تهزيئهم قدآم الطلاب والطالبات اللي مايتعدى عددهم 15 طالب وطالبه رغد بقوه: بالعربي يادكتور ندخل والا نرجع مكآن ماجينا الدكتور رفع حآجبه بحده:أمممم بعدي لك اسلوبك الوقح معي لآنك ماعرفتي منو أنآ أسئلي البقيه عن الاشياء اللي قلتهآ لهم ..تفضلي انتِ وزميلتك"قالهآ بصوت ساخر " رمت عليه نظره احتقار وقالت بصوت شبه مسموع:اسلوب رخيص وجلست اسيل همست لهآ:اووش وربي حطنا براسه من أول مره د صرخ في القاعه: بدون كلام أضن أحنآ مو أطفال نتهامس اعطوآ صحباتكم من الأورآق اللي بيدكم وكمل المحآضره وكل شوي يطالع رغد وأسيل اللي بالهم مو يم المحآضره بالأخير بعد ماطلبهم كذآ بحث سأل عن أعرآض لمرض مجهول عند الكثير من الموجودين في القاعه رغد رفعت يدهآ وعلى طول سمح لهآ تتكلم ...أبهرته بالمعلومآت اللي قالتهآ وهي كآنت نآويه تقهره زي ماهزئهآ قدآم زميلآتهآ والطلاب المتوآجدين معهم كون أن التدريب مختلط أنتهت المحاضره وطلعت رغد على طول ومعها أروى وأسيل رغد :الحمدلله انك اتصلتي علينا والا ايش يفكنا من هذا الدكتور المتوحش اووف مارمانا حظنا الا عنده اروى:وآحد من الشباب يقول انه شديد مره اصلا من دخل وهو يهدد ويتوعد بأن اللي مايطبق مزبوط رآح يطرده ويدور له دكتور ثاني يتدرب عنده رغد عصبت:شنو يحسب نفسه المستشفى مستشفى أبوه أروى بخوف: وربي مرعب ذآ الدكتور شكلي برسب عنده لامحال أسيل :شخصيته دكتاتوريه مايتفاهم أكره ذآ الاسلوب الغبي رغد :اقول ايش الاوراق اللي اعطاكم اروى تضحك: أنظمة وقوانين نطبقها ...من اول يوم زفت رغد عبست وقالت بصوت مُكره:دكتور متوحش كآن ورآهآ وسمع كلامهم وحشهم فيه ضحك بنفسه على اسلوب البنات وضعفهم تعدى من جنبهم وكأنه مآسمع شي متجهه للمرضى اللي مسؤول عنهم وعن حالاتهم اسيل ترتجف : تهقون سمعنا رغد بحقد: خليه يسمع ..الا ويش اسمه ذا المتوحش اروى تضحك:هههههه اسمه وليد رغد ميلت فمها: مو لايق عليه مرآآ امشوآ نشوف المحاضره الثانيه لا نأكل تهزيء قدام البنات والاولاد ويطيح وجهنا زياده
في الرياض صحت من النوم وماحصلته جنبهآ تأكدت أنه في الشغل سحبت جوالهآ وكانت الساعه 11 شوق قامت :معقوله نمت كل ذا الوقت بدون مآ أحس قامت غسلت وغيرت بجآمتهآ ونزلت تفطر عشان تأخذ دوآهآ وتسوي ريآضه زي ما قالت لهآ الدكتوره لأنهآ رآح تفيدهآ في أستعادة صحتهآ وتخفف من الورم شي فـ شي بعد مآخلصت من الرياضه تذكرت ميري ...رآحت للصاله ونآدتهآ ثوآني وكانت قدآمهآ شوق بأبتسامه: ميري تعالي أجلسي بأتكلم معك ميري انصاعت لأمرهآ وجلت قبالها :يس مدآم شوق بدت تتوتر أعصابهآ:ميري وين صور مآمآ نسرين ؟ ميري ابتسمت:مع أنآ جوى غرفه حق أحنا شوق: طيب جيبيها لي ميري ابتسمت وبسرعه طارت للغرفه تجيب الصندوق اللي محتفظه في من سنين طوآل أخذته لمآ رمآه فهد وهو بعمر الـ23 وسط الزباله وأنتم بكرآمه بعد مآفقد أمه وأحرق كل ذكرى لهآ معه أو مع جده أو مع أخوه باسل ورمى كل أغراضهآ وملابسهآ وتبرع جده بمجوهراتها وذهبهآ دقايق مرت بلمح البصر ورجعت ميري بصندوق خشبي فخم متوسط الجحم منحوت عليه كلمآت وحروف أنقليزيه واطرآفه معدن ذهبي ..أخذته شوق ووقفت شوق:بأخذه فوق للغرفه أشوفه بعدين أرجعه زين ميري ميري هزت رآسها ورجعت تنظف باقي التحف والمرآيآ وتنفض الغبار المترآكم عليهم هي وباقي الخدم
أمآ شوق أخذت الصندوق اللي حست بثقله وطلعت لغرفتها قفلت الباب وجلست على السرير تتأمل الصندوق ونبضاتها بدت تزدآد قوتهآ وتتسارع أكثر بدت أعصابها توتر وهي تتوقع صورة المراءه اللي حملت بزوجهآ وعآنت في ولادته وربته حتى لو مآكانت تهتم فيه كآنت رآسمه لهآ صوره في مخيلتهآ ماتدري اذا هي نفس توقعهآ أو مختلفه ...تمنت أنها تكون عايشه عشان تونسها في وحدتها وغربتهآ في هذا القصر الوآسع والفارغ الا منها هي وزوجهآ وخدمهم ...أخذت نفس طول وضغطت على نفسهآ فتحت الصندوق كآنت مبطن من الدآخل بقطيفه كُحلي لآمع في بعض المجوهرآت سحبت خآتم كان فخم جدا ماقد شافت مثله في حياتها مرصع بالألماس وياقوته في منتصفه ..لمحت زي الدرج الصغير سحبته كان فيه عقد ذهب نآعم وبعض الصور الصغيره لشخص كآن في مرحلة الطفوله أخذت تقلب فيها ملامحه تعرفهآ وتشبه عليهآ لفت الصوره وتأكدت بأنهآ صورة لفهد من عمر السنه الى عمر 18 وأغلبهآ مقاساتهآ صغيره ومكتوب عليها كلام باللغه الأنجليزيه مافهمته لان لغتها ضعيفه جدآ بدأ فضولهآ يزيد وتفتش الصندوق شالت كل المجوهرات وحطتها على جنب شآفت البوم متوسط الحجم تحت المجوهرات اخذته وخفقان قلبها يزداد أكثر ..فتحت أول صوره اللي كانت على الغلاف ...صوره رجل وسيم خمنت أنه في اوآخر الأربعين نظرته ثاقبه وملامحه حاده تشبه ملامح فهد بقليل ..قلبت الصفحه شافت صوره لفهد وخلفه برج ليزآ في أيطاليا وعمره حوالي الـ 12 بجانبه أمرآءه بيضاء طويله جسمها كأنه مجسم منحوت بأحترآف لفنآن تشكيلي ملامحهآ مستنسخه من فهد شعرهآ بني لنص ظهرهآ فآتنه جدآ ...ظلت تتأملهآ لفتره من الزمن بعدها أخذت تتصفح الصور حست ان كل صوره تنقلها لبلد غير المملكه صور قديمه وكلها خلف معالم تاريخيه او مناظر طبيعيه أخآذه وجميله ..كل الصور كانت لـتلك النسرين بجميع أحوآلهآ كانت كالأميرآت الفاتنات بجمالها وجسمهآ وضحكتهآ الساحره صورها مع وآلدهآ وأبنهآ ارجفت قلب البريئه التي تتأملهآ تنقلت بين مئآت الصور بدون اي شعور منها وبدون ان تشعر بمرور الوقت وأقترآب رجوع صآحب ملامح القاتله...رجعت كل شي في مكانه وهي تحس بان قلبها يتفطر على زوجها كل الصور توحي بحبه لأمه وتعلقه بها .. ذرفت دموعهآ عليه وهي تسترجع أصعب موقف مر عليهآ وهي ترى دموعه تنساب علي خده بسببهآ ..جرح قلبه لايبرى وهي أيضا تشفق عليه وتقاسمه ذلك الأحساس القاسي المؤلم شوق ( يآلله مآتوقعتهآ بالجمال والفتنه هذي حطمت توقعي ....تمنيت أنهآ عايشه فضولي بمعرفتهآ غريب في شي يشدني لهآ يمكن لآنهآ أم فهد يمكن؟! ...بس الأكيد أنهآ جآبت خآطفي اللي خطفني من الزمن وقتلني بالمذله وأمتهني ورجع لي عزتي بوقت ظنيت أني ميته ) قامت رجعت الصندوق عند ميري عشان فهد لآيشوفه ويصير شي مآتتمنآه ..ماتبيه يرجع لأوجاعه القديمه ويتحطم بعد مآقدر انه يتجآوز هذي العتبه بكل قوه وشموخ وكبريآء.
::: ::: :::
ببيت أبو مها رجعت هنادي بدري من الجامعه لأن مآعندهآ الآ محاضره وحده قبل تدخل الغرفه اللي فيهآ تذكرت انها شافت سيارة يوسف عند باب العماره دخلت غرفتها وبدلت ملابسهآ وأنسدحت على السرير تريح جسمها من التعب والأرهاق ... بعد نص ساعه قامت للمطبخ تسوي غدآء للبنات لما يرجعون ولشهد حتى تأكل منه خصوصا انها بفتره محتاجه للأكل حتى تستعيد قوه جسمها ..فتحت الثلاجه هنادي :وآآآآآو انواع الفوآكه والخضار شي ياليت كل يوم شهد تولد خخخخ رآحت للفريز اللي على شكل دولاب طويل فتحته وطلعت الاغراض لآنهآ نآويه تسوي مسلوقه بالخضروآت ومكرونه وسلطة يونانيه ..شدت همتها وبوقت قياسي جهزت كل شي هنادي تجلس على الكرسي: صراحه انجآز اني سويت هذا الغدآء يالله استمتعت وضيعت وقتي ..على بال مايطبخ ويستوي اشوف شهد يارب يكون زوجها راح قربت من غرفة شهد وقالت: في أحد شهد : لا يوسف من شوي رآح دخلت هنادي وكانت الغرفه بارده :زوجك هذا نشبه الله يعينك عليه المفروض يتركك فترة النفاس مو مرزوع معك بكل وقت كأنه هو اللي وآلد مو أنتي شهد ضحكت على كلام هنادي اللي قالته بغيض:يحبني شنو أسوي الله يرزقك بوآحد يحبك يطلع عيونك جلست هنادي جنبهآ وصارت ترتب الطاوله اللي كان مسويه يوسف وحاط عليها فطورهم:يعني لو زوجي يحبني بيحطني فوق راسه شهد ابتسمت لها:ايه بس انتي بعد لازم تكسبينه وتكونين طيبه معه وتخدمينه وتحسسينه بحبك له هو نفسه بيحترمك ويموت عليك هنادي :بس بس مابي اتزوج اخدم والبي طلباته ومدري ويشوه خليه عند امه شنو ابي فيه يقرفني بعيشتي حطي سوي والا ينشب بحلقي مثل بعلك مايخليني اتنفس ذرة اوكسجين براحتي شهد انفجرت ضحك :انتي متى تتعدلي ترى صرتي في الـ 20 وتفكيرك لسى صبياني هنادي عبست: مو صبياني بس انا مو راعية مسؤليه غصب بتزوجوني طيب خلوه المعرس يجي بالأول بعدين افكر شهد :زين ترى أشم ريحة أكل أنحرق هنآدي نقزت تصرخ: طبخي لآحرآآآآم ..وجرت على المطبخ شهد ضحكت عليهآ: الله يعقلك ياهنآدي رجعت عندهآ وأذن الظهر: ماحسيت بالوقت رغم اني راجعه بدري شهد : يمكن عشان دخلتي المطبخ واشتغلتي هنادي ترمي نفسها على الجزء الفارغ من سرير شهد :مو يمكن أكيد
::: ::: :::
بالمستشفى طلعت من المحآضره معصبه قهرهآ هذآ الدكتور تسلط عليهآ من أول مره كيف رآح تتعامل معه وهو حآطهآ برآسه وأبسط شي يهزئهآ رغم أنهآ اكثر وحده متفوقه بين قروبهآ ...طلعت وهي مو شآيفه أحد من اللي قدآمهآ..لحقتهآ أسيل وأروى أروى تمسك يدها:رغد أستني وين رآيحه رغد بكل عصبيتهآ اللي خلت كل القروب حولهآ: بروح أغير القروب دآم دكتور متوحش يدرسني مستحيل نتفق وآحد من الطلاب: استهدي بالله وطنشيه رغد: شفته أنت كيف يهزئني بشيء وبدون شي وكأني المسؤوله عن كل صوت وحس في القاعه الله يستر بكره عند المرضى شنو بيسوي فيني أسيل:ماعليه أمسحيهآ فيني طولي بالك يارغد ...:يابنت الناس تعوذي من الشيطان اللي بيننا وبينه درجات وتقييم لاأقل ولآ أكثر طلع الدكتور وشآفهم مسوين شكل دآئري حول رغد جآء وبعدوآ عنه د: ليش التجمهر رغد تلف تبي تمشي لكن كلمته وقفتها:أنتي ألحقيني على مكتبي رغد لفت عليه وهي نفسها تقتله ومغتاضه منه: أضن لي أسم ينآدوني فيه أبتسم ببرود:ويش أسمك رغد ودهآ تموته بأرضه: رغد ..رغد محمد القايد أي استفسار ثاني لف عنهآ ومشى ولحقته وهي بقمه عصبيتها دخل مكتبه في قسم الجرآحه ودخلت ورآه جلس على كرسيه ولف عليها ينتظرها تجلس لكن هي كآنت مآسكه كتبهآ وآقفه د: تفضلي رغد: شكرآ مرتاحه كذآ د: أجلسي لآن كلامي معك طويل ..سمعت كلامه وجلست د: أول شي أنا مامر علي طالب أو طالبه تصرف معي مثلك رغد عدلت جلستهآ وقالت بنفس نبرته: وأنا عمر مامر علي أنسان يحكم على الأشخاص من أول مره مثلك رد عليهآ وهو متفاجئ من قوتها:شوفي يارغد اللي صار اليوم أنسيه وانا أعتذر عن أي تصرف صدر مني أزعجك أنآ ما أحب أي تهآون أو تأخير في الشغل لولآ حرصي عليكم وأنتكم بتكون دكآتره في المستقبل مآكآن شديت عليكم رغد:وأنا اعتذر كمآن بس قهرني تصرفك وأسلوبك معي أنآ وأسيل بالرغم اننا مو مثل حكمك علينا د:الايام جايه وهي رآح تخليني أحكم عليكم ولعلمك أنآ المسؤول عنك أنتي وزملآئك حتى في السنه القادمه بلغيهم ذآ الشي لانه غاب عني رغد توقف: يوصل أستئذن ..مع السلامه بكل برود: مع السلامه طلعت من عنده وظغطها وصل مليون ..جوآ البنات يسألونهآ أيش قال لها ..بعد مآرآحوآ بقت أسيل أسيل تضحك: خلاص حصل خير اعتذر انسي زي ماقالك رغد: متعجرف مغرور قال أيش انا مسؤول مالت عليه ...شفتي النحاسه يعني لاصق بخشتي حتى السنه الجايه الله يعين بس أسيل ضحكت: يابنت الناس انسي يالله تأخرنا على بيوتنا وصراحه انا جوعانه مره رغد ضحكت: تدرين توي تذكرت أني مآ اكلت شي من الصباح ...اشوفك بكره بآآي أسيل : بآآي حياتي
في الرياض رجع من الشركه تعبان الشغل اليوم أرهقه بالأضافه الى الاجتمآعات ودرآسة الصفقات شوق: هلا حبيبي فهد يرمي نفسه على الأريكه بتعب:شوق الله يخليك خليهم يجيبون الغدآء هنا فيني تعب مو طبيعي شوق قربت منه :ياعمري انت باين عليك فهد يغمض عيونه:حآس أني مُرهق مره شوق ترفع التلفون اللي جنبهآ وكلمت ميري بعدهآ جآت ورى الأريكه وبدت تسوي له مسآج خفيف لرقبته وظهره فهد : آآآآآه كسبتي أجري يآشوق شوق ابتسمت :فدآك يالغالي أهم شي عندي رآحتك فهد يآدوب يفتح عيونه:حآس أني تخدرت أبي أنآم شوق :والغدآء شكلك مصفر وتعبان مو زين لك انت ترهق نفسك كثير لآزم تأكل فهد: مالي نفس أبي أنآم شوق قالت بصيغة أمر:مآفي نوم الآ بعد مآتتغدى وانا رآح أأكلك بيديني فتح عيونه وضحك: أذا كذآ ماعندي مآنع أتغدى واتعشى بعد لو تبين شوق ضحكت وقامت تفتح باب الغرفه لميري وليزآ عشآن يدخلون عربية الغدآء جوآء بعد مآطلعوآ قفلت الباب ورجعت له شوق : يالله عاد جهز نفسك رآح تأكل من أيديني فهد عدل جلسته وقرب منهآ:وأنآ جاهز يالله ترى حدي جوعان وبموت بعد شوق: بسم عليك من الموت ..يالله سم بالله سمى وصآرت تأكله وهي تضحك على شكله اللي يغنض شوي ويفتح عينه شوي والأرهاق كفيل أنه يزيد تعبه أضعاف بعد الغدآء غسل ورجع بسرعه للسرير أول ماحط رآسه غآب عن الدنيآ وأبحر في عالم الأحلام أمآ هي شالت الغدآء ونزلته للخدم وتركته ينآم بدون أي أزعاج وهي جلست تحت ترتب بعض التحف وتغير أماكنهآ وتساعدهم في التنظيف
في مدينتي دخلت البيت والساعه 2 ظهراً رمت اغراضهآ على الكنب ورآحت تسلم على شهد مشتاقه لها شهد: هلا والله هلا بحبي رغد ضحكت:ماشاء الله الوجه صاير زي التفاحه الله لايغير عليك شهد ابتسمت:انتي اللي باين انك متضايقه شنو صاير معك رغد ضحكت: بقولك كل شي بس لما اصحى في الليل الحين بأكل وبأهجم على النوم شهد ضمتها وباستهآ:نوم العوآفي رغد: تبين أحطلك معي شهد:لاهنوده اليوم مغديتني لايفوتك طبخهآ صاير يطلع معهآ اشياء وأشياء رغد مشت بسرعه للغرفه نزلت ملابسهآ ولبست بجآمتهآ البرمودآ الفوشي وركضت للمطبخ فتحت الثلاجه وشافت السلطه اللي تعشقهآ ووأكلها على جنب رغد: ياعساني أفدآك ياهنوده حآطته ومجهزته في الصحون عشان بس أكل الله لايحرمني منك دخلت شهد على دعوآتهآ وكآنت يآدوب تقدر تمشي وتتمسك بالجدآر أو الباب رغد سحبت لهآ كرسي وساعدتهآ تجلس عليه:شهودتي ترى مو زين تجلسين وتتحركين كثير ترى لسى ماصارلك أربع أيام شهد: الحمدلله انا احس اني زينه رغد:ويش درآك انتي ترى يضرك أكثر خصوصا هذي الأيام "وبدت تأكل " يم يم ويش ذا الطبخ ..على قولتك يطلع منها النتفه شهد: ههههههه هنآدي ربة بيت درجه أولى بس كسوله لو نضغط عليها بتبهرنآ رغد تطالعها بنص عين:الله عليك أقول ولدك متى بيطلعونه شهد :يوسق يقول أتصل عليهم وقالوآ أحتمال بكره أو بعده لان صحته الحمدلله زينه رغد :الحمدلله ..شاركيني الأكل شهد: والله مافي مكآن فليت بالأكل اليوم ياعمري يوسف ماخلى شي في سوق الخضار الا وجابه رغد تحك رآسه: شفت الكرآتين تحت عند الباب وأقول تونآ بأول الشهر لسى بدري على المقاضي شهد ابتسمت: يقول تغذي وعوضي الدم اللي رآح رغد ضحكت:يالبيه يايوسف يهبل الله يرزقني بوآحد زيه شهد :أميــن رغد بعد مآ أكلت وشبعت غسلت الأوآني:يالله بروح أخمد لاحد يصحيني الا العشاء شهد: خمدة العوآفي رغد تدفهآ وهي تصرخ: حتى انتي أخمدي العصر يجونك ضيوف شهد قالت بالأم: مين ياحسره هذآك لو عندنآ أم يمكن أحد يفكر يزورنآ غير خالتي وخواتي واحتمال عمآتي لاتشرهين أن أحد يجي رغد حزنت عليهآ:ليش تقولين كذآ...يالله روحي ريحي نفسك وأنا بروح انام كل وحده فيهم رآحت لغرفتهآ
العصر جآت أم عبير وأم هديل وأم خلود مهآ: حيا الله من جآنآ أم هديل: الله يحيك .. كيفك ياشهد الحين؟ شهد ابتسمت بتعب: بخير الحمدلله انتي ياعمتي شخبارك واخبار هديل ام هديل: تسلم عليك كانت بتجي بس عندها اختبار شهد :الله يسلمها ويوفقها أم عبير: وولدك كيفه شهد: بكره يطلع ام خلود:الله يبلغك فيه ..ويش سميتيه؟ شهد: مشآري مهآ:هي وزوجهآ أتفقوآ يسمونه مشآري أم عبير: مآهو مهم الأسم أهم شي صحته شهد: على قولك ياخاله .."قاطعهم دخول أم يوسف وبنتهآ مريم وأم محمد زوجة أخو يوسف الكبير ام يوسف: السلآم عليكم وقفوآ الكل عآد شهد اللي منسدحه على سريرها:وعليكم السلام مريم: الحمدلله على السلآمه ام محمد: يتربي بعزكم شهد: تسلمون ام يوسف سلمت على شهد وبآستهآ على جبينهآ وحطت صينية الحلى اللي من أفخم محلات الحلويات في المدينه :كيفك اليوم شهد ابتسمت لهآ: الحمدلله بخير مريم وأم محمد جلسوآ جنب أم هديل وقامت مهآ تضيفهم وتقوم بوآجبهم ..أمآ أم يوسف جلست جنب شهد وتهمس لهآ بكلام بدون مآحد يسمعه مهآ: كيفك يامريم مريم: بخير مآشين في الدنيآ أم هديل: وانتي يآم محمد كيف زوجك وعيالك ام محمد: كلهم بخير وعآفيه وكآنت جلستهم تبادل أخبار وسوآلف عاديه
عند البنات في غرفتهم وصلت ريم ودخلت عندهم بدون ماتمر من عند غرفة شهد سحر تضمهآ: وربي أشتقتلك ريم تضحك:شوي شوي علي وربي خنقتيني هنآدي:ريمآ أبشرك سحير وآفقت على معآذ ريم شهقت من الصدمه :جد "ضمت سحر بقوه" مــبرووك سحر حمر وجههآ: الله يبارك فيك ريم تغمز لهآ:اجل موآفقه هآه ..يومك تتغلين علينآ وتعذبينآ معآك ليش؟ سحر تضحك:أممم فكرت وأستخرت حسيت اني مرتاحه وقلت لعمي وفرح مره ريم :أكيد بيفرح أبوي وربي معاذ شآب أدمي وينحب وفوق هذآ مزيون لو أنه أسمرآني هنآدي: الشكل مو مهم الأخلاق هي المهمه سمر ترفع رآسهآ من الكتآب:هنآدي صايره تقولين حِكَمْ هنآدي: أكبر منك بيوم أعرف منك بسنه سحر تقفل كتابها:ريوم أعطينآ اخبارك شو عامله مع زوجك وحياتك ريم: مستانسه حيل سيف مو مقصر علي بشي الله يخليه لي هنآدي وهي تلعب بشعرهآ وتظفره:بكره سحر خآنوم تجينا وترجنآ مثلك بزوجهآ كل وحده تتفدآ زوجهآ من جهه شهد مو شايفه غير يوسف وشوق ماخذ عقلهآ فهد ومها مشتاقه للدفش بندر وأنتي ماتنشافين بسبب سيف الله يخلف علينآ بس محد يتذكرنآ من تزوجتوآ البيت فضى مابقى فيه أحد ريم :هنآدي عارفه كم موضوع دخلتيهم ببعض هنآدي تحك رآسها: أممم مدري ريم ضحكت: الله يخلف عليك بس ..قومي سوي شاهي هنآدي: دور سمر مو دوري اليوم سويت الغدآء سمر تقوم: خلاص بقوم أسوي شاهي لاتجلسين تذلينا بغدآك هنآدي تمد لسانها: طسي المطبخ عن يمينك
جآء يوسف ومعه ولده مشآري ...طول الوقت يسترق النظر له يحس بقلبه تولع فيه مره قطعه من روحه ومن صلبه قدآمه..ملامحه مستنسخه من امه ابتسم بخفه وهو يشوف فيه شهد حبه الوحيد وقف السياره ونزل أخذ شنطه جهزتهآ ام يوسف لولد من كل الاغراض اللي تلزمه حطهآ على كتفه فتح باب السياره وشآل ولده الصغير وطلع فيه لشقه أبو مها فتحت له رغد وكانت لآبسه عبايتها بتروح للمستشفى صرخت عند الباب:وآآآآو ياحلاته اخذته من يوسف ودخلت فيه ولحقهآ لغرفه شهد رغد قطعته بالتبويس مشتاقه للاطفال مره: تزنن ريحته فديته يوسف :اقول رغد وين شهد رغد لفت عليه: في الحمام وأنت بكرامه الحين تجي يوسف جلس قبالها وهو يشوفها مجنونه بمشاري:متى رايحه المستشفى رغد رفعت راسه : بعد شوي باقي نص ساعه يعني في وقت وهي قريبه مو ذاك البعد يوسف:وتروحين كذا بدون ماتتغطين ؟ رغد عقدت حواجبها: أيه فيها شي؟ يوسف ارتبك: لا موقصدي بس انا اعتبرك مثل اختي واخاف عليك رغد: تسلم يوسف بس هذا شغلي ويش اسوي يوسف:انتبهي لنفسك وخاصه من الشباب ترى عيونهم زايغه رغد ضحكت: ابشر طال عمرك اي اوآمر ثانيه يوسف ابتسم: سلامتك دخلت شهد اللي أخذت شور صباحي كانت لابسه بجامه بيج حفر وقفت عند الباب تأخذ نفس تحس أنهآ بذلت مجهود كبير ..مشى لها بسرعه وساعدهآ توصل لسريرها شهد: ياروح ماما أشتقتلك يوسف:الله الله من الحين تونا ماقلنا ياهادي رغد تغمز له: يؤؤؤؤ انت ماصار لك سوق عندها شهد جلست وأخذت مشاري في حضنها تحس بأن روحها رجعت لها طول فترة بعده عنها وهي في قلق خايفه عليه يموت او يصير له شي ما ارتحت الا بشوفته عندهآ وبين أحضآنهآ نزلت دموعها اللي ماقدرت تكبتها أكثر يوسف: أفآآآ دموع لالا مايصير كذا رغد: شهد علامك ليش تبكين شهد تمسح دموعها: مو مصدقه انه بحضني يوسف جلس جنبهآ:خلاص حبيبتي هدي نفسك والله ماتسوى عليك رغد وقفت: انا استئذن مع السلامه شهد: أنتبهي لنفسك رغد تتحصر:أيش فيك انتي وزوجك عليا انتبهي ومدري شنو لايكون بنتكم يوسف:اقول اقضبي الباب هذآ جآنآ خايفين عليك رغد طعت وهي تضحك عليه وسمت بالله ونزلت عند جلالي عشان يوصلها للمستشفى خايفه تتأخر ويصير فيهآ زي اليوم اللي قبله
::: ::: :::
وصلت للمستشفى نزلت من السياره رغد :جلالي تعال الساعه 2 زين جلالي: أوكِ رغد ..مع السلامه سكرت الباب وطلعت الدرج اول مادخلت مع الباب الزجاجي الكبير نزلت نظرآتهآ الشمسيه وحطتها في الشنطه ومشت للكوفي اللي ببدآة المستشفى أخذت لهآ كابتشينو وجلست بطاوله لحالهآ لان باقي وقت طويل ..خلصت اللي بيدهآ وقفت بتمشي مشت في الساحه الكبيره وفجأه سمعت صوت رغـــــــــــد رغــــد لفت بسرعه وشآفت سامر ولد عمتهآ وقفت وابتسمت له رجعت له وكآن دكتورهآ توه دآخل رغد مدت يدهآ وصافحته:هلا وغلا شخبارك يالقاطع سامر:بخير انتي كيفك مبطي عنك وعن سواليفك رغد ضحكت:افا ياللي تحب سواليفي ...ويش عندك هنآ عسى مآشر سامر:لا الحمدلله مافيني شي بس وآحد من خوياي هنآ جاي أزوره رغد :قدآمه العافيه ...انتبهت لنظرآت الدكتور وليد أستئذنت من سامر بلباقه ومشت لمكآن اجتمآعهم لبدء درس جديد أروى:يمه نظرآته تخوف الله يعين اهله وزوجته رغد :اوش د وليد:يالله كل وآحد يلبس البالطو حقه رآح نأخذ جوله في القسم ونبدأ العملي أسيل:فكه نبدأ العملي ونرتاح من صرآخه دخلوآ الغرفه ووقفوآ حول وآحد من المرضى ..طلب أنهم يقيسوآ له الضغط والسكر ويسوون له فحوصات من جديد ويشخصون حالته وكيف يعالجونه ...أخذ قروب البنات واتجهوآ لمريض ثاني د: رغد افحصي نبضه ..ارتبكت رغد قدمت شوي وحطت السماعات بأذنها وشافت نبضه رغد: منتظم د:كم ضغطه ؟..اخذت الملف رغد:75\120 يعتبر متزن د:اسيل شخصي مرضه ..خافت اسيل وبدت تفحصه والارتباك وارتجافها متضح للكل
:: ::
في الرياض كان يفطر في غرفة الطعام نزلت هي وافطرت معه شوق: فهد فهد: هلا شوق تركت اللي في يدها رفعت راسها وركزت نظرها فيه: أبي منك فلوس فهد ترك الجريده وعقد حواجبه:رصيدك فاضي ؟ شوق :لا مو فاضي بس اللي فيه مايكفي للاشياء اللي أنا ابيها فهد: كم تبين ؟ شوق:تقريبا ثلاث الألآف ريال من زمان مارحت السوق ابي اشتري فستان واصبغ شعري بغير في نفسي شوي فهد ضحك: ايه ليش لا ...الحين احولك 10 الألأف بعد ساعه وحده وتكون برصيدك شوق ابتسمت له: الله لايحرمني منك يارب بس بغيت اشاورك بشي فهد: خير شوق: ابي اتصل على ندى من زمان عنها مشتاقه لها حيل بعزمها على العشاء بمطعم منه نتسوق مع بعض فهد: براحتك سوي اللي تبين شوق :بدق عليها العصر وأقولها فهد وقف وقرب منها باسها :اذا احتجتي شي اتصلي علي شوق وقفت ومشت معه لحد الباب:ان شاء الله ...في أمآن الله ودعته وقفلت الباب ورآه وطلعت لغرفتها تكمل نومهآ وترتاح بعد مآ أخذت أدويتها
بمكآن أخر غير مملكتي الحبيبه يعيشون أنُآس حياه مختلفه بأجوآئهآ وقلوب من تعآيشهم في هذآ الوقت ...وقفت على البلكونه اللي تطل على أشهر شوآرع هذه المدينه تتأمل نزول الثلج وتيارات الهوآء البارده الذي يقشعر منه جسمهآ وحآضنه بين كفيهآ كوب سآخنن من القهوه الايطاليه ...تعودت على هذه الأجوآء لكثره سفرهآ ومرورهآ بمنآخآت تشآبه هذا المنآخ أثناء تجولاتهآ وحبهآ الابدي للسفر كآنت سرحآنه قلبها في المملكه عند أبوهآ وأحسآسهآ مغترب حاليا ..سمعت صوت ورآهآ ..:صفاء حبيبتي أدخلي كذآ راح تمرضي صفاء: مو دحين خالتي محتآجه أكون مع نفسي شوي حطت يدهآ على كتفها:أيش بك ياحبيبتي ..من أول ماجيتي هنآ وأنا حاسه انك مو على بعضك في شي مخبيته عني صفاء لفت عليهآ وابتسمت:زي أيش بخبي عنك ياخالتي شغلي تعرفي طبيعته اصلا انا ما افكر الا في شغلي وبس ..:يمكن عشقانه ؟ صفاء ضحكت:عشقانه ؟...مآعشقت أيام مراهقتي وشبابي يصير أعشق الحين رآحت علي هذي الأيام حطت يده على خدهآ وعيونه تتأملها:صدقيني في ألف وآحد يتمنون ظفرك كمان والا احد يشوف العيون الزرقاء والشعر الاشقر والبياض الصافي ويكرهوه ...لاتفكيري بسلبيه ياحبي ان شاء الله ربي يرزقك بس أدعي انتي في صلاتك صفاء ضمتهآ وتحس نبض قلبهآ يزدآد قوه:مدري لولا وجودك في حياتي أيش كآن صار مسحت عليهآ ودخلوآ مع بعض لجوآ بعيد عند الجو المثلج عشان يتدفوآ من شدة البروده
::: ::: ::: المدينه
تحديدا في الجامعه عبير تضحك: يوووه هنادي ليش معصبه روقي ياحبي روقي هنادي شوي وتبكي: اجل تطردني من المحاضره آآخ بس لو اعرف اسبها بالانجليزي كان ماقصرت عبير:شوفي انا انطردت معك وأضحك عادي خليك فري هنادي ابتسمت: أقول دام انطردنا ايش رايك اكلم جلالي يودينا مطعم نفطر بعدين نرجع البيت عبير حبت الفكره:يالله فيني جوع صراحه هنادي تطلع جوالها وتكلم جلالي:جليل وينك..حلو دآمك قريب تعالي خذني بروح مطعم بعدين برجع البيت لبسوآ عبايتهم بسرعه ونزلوا رآحوآ لمطعم قريب من الحي اللي هم سآكنين فيه بعدهآ كل وحده رجعت لبيتهم
في بيت ابو مها
شهد نامت بعد مآرآح يوسف وتركها ترتاح بعد مارضعت ولدهآ ..وصلت هنآدي فتحت الباب عليها وشآفتها هاديه ..مشت للغرفه وبعدهآ أخذت شور ينعشها بعد الحراره اللي كانت فيهآ سمعت صوت بكاء طفل في البيت عقدت حوآجبهآ ومشت ببجآمتهآ والمنشفه اللي على راسها لغرفة شهد شآفته جنب شهد ويبكي بشده قربت منه وشالته هنآدي: ياناس يجنن خلاص ياخالتو أسكت يالله نطلع عشان ماما تنآم أخذته للصاله وفتحت عنه الشرشف وخلته يتحرك برآحه وهي تتأمل شكله قدآمهآ وهو يتمغط ويحرك يديه بعشوآئيه هنآدي تلآعبه وتشيله:اضحك ياولد ليش مكشر من اولهآ معبس الله يستر من بعدين طلعت شهد من الغرفه خآيفه وشآفت هنادي جالسه على الأرض وبحضنهآ مشاري شهد بصوت خآيف: على بالي صار فيه شي هنادي تضحك: يؤؤؤؤ بدري ياختي على الخوف شهد جلست جنبهآ بصعوبه وألأمهآ زادت عليها:هآتي ميشو برضعه هنادي عطته شهد وانسدحت على بطنهآ بتشوف شهد كيف ترضعه وعلى وجهها ابتسامه عريضه شهد بتهديد:بنت غضي البصر ابي ارضع ولدي هنادي: صلي على النبي وخلي شياطينك براسك ابي اتفرج شهد رفعت حاجبها بحده: ياسلام لايكون قدامك فلم سينما هنادي عقدت حواحبها وكشرت: شهد وبعدين معك اعطيني دروس يمكن اتزوج واجيب لي بزران اتوهق فيهم يالله عاد عن الدلع الماصخ ترى ماني رجال قدام والا يوسف على غفله اللي عندك عندي شهد انفجرت ضحك:طيب بخليك بس بشرط هنادي :موافقه شهد: تقومين تسوين لي فطور لاني جوعانه هنادي وقفت :بروح امري لله والله بس عشان اكسب أجرك شهد تغمز لها: أجري وأجر ميشو حبيبي هنادي راحت للمطبخ اللي قبال الصاله وجلست تجهز الفطور لشهد وهي بالمطبخ هنادي ترفع صوتها: تدرين شهد مو لايق عليك تصيرين ام شهد ترتب شرشف ولدهآ وتلفه فيه:ليه مو لايق علي ان شاء الله هنادي: يعني انتي شخصيتك دلوعه وغنوجه يعني مو وجه أمومه شهد : الله واكبر يالحنونه نشوف بكره يليق عليك والا لا هنادي جات شايله الصينيه وجلست قبال شهد: اكيد ماراح يليق علي اصلا انا مفكره من الحين ما اجيب بزارين شهد ضحك: على كيفك هو غصب عنك هنادي ميلت فمها:يعني بالله شنو استفدتي من الزواج ولا شي انا بجلس عند ابوي اخدمه واكون باره فيه شهد ماتت ضحك: علينا ياهنادي اعترفي انك ميته على ماتتزوجي هنادي انقهرت:اووف انتي تحسبينا زيك اصلا من تزوجتي وانتي مخك فاصل مافيك رجاء ابد شهد حطت ولدها جنبها وبدت تاكل: تسلم يدك مرره طعم الحليب هنادي : الله يسلمك شهد بأنسجام:نرجع لموضوعنا هنادي: لالا كملي اكلك شهد ابتسمت:طيب ياللي تفكيرك مدري شلون ايش فيك جايه بدري من الجامعه؟ هنادي: تبين الصدق والا الكذب شهد:اكيد الصدق هنادي سحبت مشاري تبي تبوسه:اممم ماعندي الا محاضره انقلش فالدكتوره المحترمه من دخلت وهي معصبه لاني تاخرت خمس دقايق عاد تعرفين البريطانيين يكرهون التأخير بعدين ارسلت لي عبير نكته بالبلتوث وضحكت بصوت عالي وبكل بساطه قالت: Hanadi Get out of the Class شهد فطست ضحك: اما عليكم حركات انتي وعبير حلال فيكم الطرد هنادي:والا عبير تحسبها ماتفهم عربي قالت هنادي ماعليك فيها اجلسي وطردت عبير وراي شهد :هههههههههههههههه أحسن هنادي:يالله كسبت رجعه بدري ماني مصدقه ان الساعه 10 بروح اكسبها بالنوم ازين شهد : خليك معي شوي طفشانه هنادي تمدد رجولها:الا من جاب ذا المزيون هنا شهد تغمز لها: المزيون الثاني هنادي عقدت حوآجبها:ياكثر المزآوين بس من فيهم بالتحديد؟ شهد: يوسف يأبر البي هنادي أحتدت ملامحها وبانت تجاعيد وجهه: شنو ذآك مزيون وووع شهد فتحت عيونهآ على الاخير:ايه نسيت أن زوجك برآد بيت وأنآ مدري هنادي تضحك:بجد شهد زوجك مافيه ذرة جمال اشقر على قلت سنع ملامحه تسد الرزق شهد تميل فمهآ:فديته يهبل أهم شي هو أزين شخص بعيوني هنادي:تدرين عاد أن سيف ولد خالته أجمل منه شهد شرقت بالحليب :كـح كـح هذآك اللي كأنه هندي تقارنيه بيوسف يالله عاد ما اسمح لك هنادي:ههههههههههههههههههه امزح معك شهد: حسبالي انك صادقه كنت بقول ماعندك نظر
الرياض الساعه 5 العصر تجهزت شوق بعد مآكلمت ندى وأتفقت تقابلهآ في الفيصليه ..لبست عبايتها وأخذت شنطتهآ ونزلت شوق: ميري لآ أوصيك انتبهي للبيت ميري: أوكِ ماما شوق: مع السلامه طلعت وكبت السياره متجه للفيصليه ...بعد نص ساعه وصلت شوق: ألووو فينك ندى ندى: لفي ورآك ..لفت وشافت ندى بعبايتها المخصره ومتلثمه لثمة دلع ومكحله عيونها بكحل أسود وكآشخه على الأخر شوق من خلف حجابها الكامل: كيفك ندى ندى: بخير الحمدلله ودي أضمك يالقاطعه اخير تذكرتيني بس أخاف الناس يقطعوني شوق: ههههههههه ايه تذكرت والله حتى انتي ماتقلين قطاعه عني اقل شي صيري ابرك مني وأتصلي ندى: ما افضى مع الدراسه الزفت بس يالله حصلت وقت فاضي بجدولي ههههههه شوق: امشي يالله بنتسوق ونسولف على رآحتنا ندى ابتسمت : مشينا حدي متحمسه من زمان ماجيت السوق دقآيق وبدوآ يلفون بين المحلات ويشترون اللي يعجبهم ندى: شوق ايش رايك في هذا الفستان القصير احس بيليق عليك شوق تأخذه من يد ندى:بس لونه صارخ يعني ماعمري تجرأت ولبسته ندى: وربي بيطلع عليك جنان ليموني وانتي بيضاء بيصير توحفه شوق تضحك:أممممم يالله أخذه بس مو كأنه قصير مره ندى تدقها: وهذا المطلوب ياختي دلعي اخوي شوي شوق :اوووش خلاص خلاص بأخذه...بعدين شوفي هذآ التوب مره ناعم خذيه ندى: جد عندك ذوق عالي باخذه بدون اي تردد بس طلعي عليه بنطلون شوق أخذت لفه تدور بنطلون يليق على التوب اللي نقته لندى ...وظلوآ بالساعات يلفون حول المحلات الساعه 8 خلصوآ وهم هلكآنين من التعب والأكيآس لآتعد ولآتحصى شوق زآد عليهآ الألم لآنهآ بذلت مجهود وحركه طويله ندى :خلاص بنفطس من التعب والجوع شوق: يالله السوق برى بنروح لأقرب مطعم بأكل ندى نقزت ولمت الاكيآس كلها هي وشوق ونزلوآ للسيآره اللي أخذتهم للمطعم الأيطالي كآنت تأكل من الباستآ قطع انسجامها أتصال فهد شوق :هلا قلبي فهد: هلآ فيك ياللي ناسيتني شوق:هههههههههههه هو اليوم اللي خرجت فيه وطلعت ناسيتك فهد: من لقى احبابه نسى اصحابه شوق :ههههههههههههههه ندى:ياباسط كل هذا عشانه اتصل والا الشوق لعب فيك فهد ضحك على كلام ندى اللي سمعه: وينكم ؟ شوق: بالمطعم الأيطالي نتعشى فهد :دقايق واكون عندكم شوق: أنتبه للطريق مو تسرع فهد : هههههههه قريب اصلا باي قفلت منه وطلت بندى:قريب هههههههههه ندى: لالا اخوي مستخف ماكنت اتوقعه كذا دقايق وكآن فهد وآقف قدامهم ندى تضحك:هلا والله بالعاشق الولهان فهد عقد حوآجبه وسحب كرسي جنب شوق وجلس:هلا فيك ويش سالفه العاشق شوق وعلى وجههآ ابتسامه: ادري عن ندآوي اسئلهآ ندى تغمز له:ماقدرت على غيبتها الليله وجيت لحد عندهآ فهد يضحك:أكيد أحد مآيشتاق لهالورده ندى : يآنآس يآعالم تعالوآ شوفوآ المعجزه فهد الجابر يطلع منه هالكلام لالالا منت أخوي المتسلط اللي اعرفه فهد ابتسم:أنا متسلط يام لسان طويل ندى: اقول لا اكشف اورقك عند محروستك خلني ماسكه لساني شوق :لا قولي افضحيه ويش كان يسوي ؟ ندى : هذآ المتعجر المغرور كآنت تسميه دآنآ وهي صادقه اللي يقوله يمشيه علينا وشديد وعصبي بس أشوف ان كل هالاشياء تغيرت فيه بعد مآتزوجك شنو السر شوق طلت فهد وابتسمت: سبحان اللي يغير ولايتغير ندى: اي والله اللي يشوف فهد أول يقول ويش ذآ المتسلط مايتوقع انه يتسلك ويتغير فهد :خلصتي حشك ندى تشرب من العصير:لا والله في بقلبي كلام كثير فهد ابتسم:يالحقوده كل هذآ شايله علي ندى: انت تخلي القلب يصفى عليك ههههههههه شوق: لا عاد فهودي حنون ومايزعل أحد ندى شرقت : كـح كـح شوق بسرعه مدت لها منديل:عافيه فهد يضحك بشماته:ظلمتيني وهذا جزاك هههههههههه ندى تمسح فمهآ بالرقه اللي تعودت عليها:شوق تقولين انه حنون وطيب وانتي بكامل قوآك العقليه شوق تتخصر:ياويلي فديته مافي زي قلبه الله يخليه لي ندى منصدمه: لا ماعليش مره مو مصدقه اللي تقولينه اخوي عِشِرةَ سنين اعرفه زين فهد:ليش ماخذه عني فكره سيئه بذي الدرجه ندى: تذكر يوم تسطرني والا تتحكم فيني وتعاقبني هههههههههه ايام رهيبه صراحه شوق تطالع فهد بنص عين: اها يسطرك دق جوال ندى وكانت امها بتمرها في المطعم عشان يرجعون البيت فهد: اجلسي من زمان عن طوالة لسانك انا اوصلك ندى تتغنج :لالا ماما ماترتاح الا لما تشوفيني ادخل البيت معها فهد يضحك: اجل ريحتيني ندى: عاد زورونا يالقاطعين شوق: ان شاء الله سلمي على خالتي وخوآتك كثير السلام ندى : يوصل ..نشوفكم على خير شوق وفهد: أن شاء الله ندى: وانت يالمتوحش حط هالزين بعيونك "مدت لسانها وطلعت بسرعه " شوق:هههههههههههههههه ياناس عليها اختك تونس فهد مسك يد شوق وباسها:بس هي ياناس عليها وانا مالي سوق عندك شوق حمرت خدودهآ:انت لك القلب كله فهد :ويش رايك نرجع البيت هنآ الجو مآيساعد شوق: يوه السوآق نسيت انه تحت فهد ابتسم: شفته وقلت له يرجع البيت مع الأغراض شوق وقفت : ماتبي نمشي فهد وقف معهآ: يالله اكيد تعبتي اليوم باين على وجهك شوق: شوي مو مره فهد ابتسم: انتظرك تحت شوق: أوكِ
مهآ كانت تجهز نفسهآ وبنتهآ عشان زوجهآ بيمرهآ يرجعون لبيتهم بعد غيبته الطويله في الدوره ...ورغد مشغوله بدرآستهآ هي وسحر أمآ هنآدي شغلتهآ تقابل شهد ومشاري وتلبي طلباتها في انشغال الكل سمر تبدل ملابس مشاري:يآنآس صغيرون وأحمر ماني قادره امسكه شهد كآنت منسدحه على السرير ولافه على جهة سمر وهنآدي اللي يتسآعدون: بشويش عليه سمر : انتي خليك مرتاحه بس وخلي الخوف والقلق على جنب ترى بتتعبين أكثر اذا ضليتي كذآ هنآدي :سمر معاها حق ترى اقلقتينآ شهد ابتسمت لهم وعدلت نفسهآ وأخذت فرشة الشعر بتمشط شعرهآ ..دقايق ودق جوالهآ شهد: هلآ يوسف يوسف: هلآ بالصوت وصاحبته شهد ضحكت: شوي شوي علي ...بدأ يصرخ مشاري ويبكي يوسف:ويش فيه ولدي يبكي شهد: شكل المجرمات عوروه يوسف استغرب: أي مجرمات شهد ضحكت: سمر وهنادي يوسف: كيف تخلينهن يمسكونه هذول مايعرفون شي هنادي شالت مشاري وحطت بحضن شهد:خذي ولدك الدلوع له مستقبل باهر في الخكاره شهد انفجرت ضحك وطلعت صدرهآ ترضع: سمعتهآ أيش قالت يوسف يضحك: سمعتهآ العربجيه هذي قولي لها ولدي رجال وعن ستين رجعه شهد: نشوف الأياام جايه يوسف: ماعلينا بشريني ويش مسويه ؟ شهد: عادي ولاشي بس تعبت من الجلسه والنوم ابي امشي واتحرك يوسف: تحركي بس مو تتعبين نفسك شهد : ان شاء الله انت بتجي بكره الصباح يوسف: لا برجع أدآوم قطعت إجازتي
هنآدي : سمر امشي نروح للصاله خلي عبله مع عنتره سمر قامت وهي تضحك على هنادي وكلامها: ماتحسين أن الدنيا صايره ممله هنآدي: مره سمر طلعت براسها فكره: أيش راك ندخل المطبخ نسوي كيك وحلى مع العشاء نفسي بكيك هنآدي تبي تضيع طفش: يالله مها اليوم بتتركنا بدون عشاء لاهيه بزينتها هي وبنتها تقولين بتقابل الملك عبدالله ههههههههههههه سمر: ههههههههههههه اي والله تزوجن واستخفن يالله للمطبخ ودخلوآ المطبخ وبدوآ يجهزون اللي نفسهم فيه مع بعض السلطات
بغرفه سحر قفلت الكتاب وغمضت عيونهآ تفكر بالموضوع اللي مشتتها ومربكهآ كثير سحر(ياربي بعد ماعطيت عمي ردي مارجع فتح لي الموضوع مره ثانيه لايكون اهل لينا الغوآ فكرة زواجي من معآذ ...طيب ليش عمي ماقال لي ايش رد عليه أبو معاذ او جاب طاري للملكه او الزوآج ...يارربي ويش أسوي اروح أسأله أواتركه يمكن هو يجي ويتكلم فيه ...أوووف ماصرت انام زي الناس كله بسبب معاذ الله يسامحه بس الله يسامحه ) فتحت عليها رغد الباب:الحلوه شو عم بتعمل سحر ترفع كتآبها: أحفظ ذا الشي رغد ضحك: يالطيف أجل كملي رآيحه لشهوده
مشت لغرفة شهد كان الباب شبه مفتوح دقته شهد: تفضل رغد فتحت الباب: اشتقتلك يالدبه شهد ترجع تطل بولدهآ : ايه باين الشوق بعيونك حتى لمارجعتي من المستشفى ماطليتي علي رغد جلست جنبهآ ورفعت راسها لايكون زعلانه وربي كنت هلكانه من التعب السموحه شهد بنص عين: ماتكرريها ؟ رغد ابتسمت : أبدآ توبه ماعاد اكررها شهد : أيوه خليك كذآ قاطعهم أذآن العشاء رغد كشرت: مافي وقت على طول يأذن العشاء شهد ضحكت:الله يعينك ايوه حكيني شو عامله مع الدكتور المتوحش رغد : معطيته طنآش وهو كمان خف علينا شوي شكله أول بيسوي علينا شخصيه شهد :هههههههههههههههههههههه رغد تلعب بوجه مشاري: ليش ولدك بس نايم أووف من حظي كل وقته نآيم شهد: كذآ الأطفال اول ماينولدون بعدين فكه وربي صدع راسي بالبكآء " حطته جنبهآ بهدوء " شهد : قومي خلينآ نروح الاله كرهت السرير والراحه قامت رغد وساعدت شهد توقف :تقدري تمشي شهد : ايه الحمدلله احسن بكثير رغد : الحمدلله يالله بسبقك على الصاله وبجيب لنا عصير فرآوله نفسي فيه دخلت المطبخ وشآفت سمر وهنآدي حايسات رغد بضحكه: حيا الله شادت الهمه هنادي : جايه تتمصخرين رغد تمد لسانهآ وتفتح الثلاجه:لا والله بس ماشاء الله عليكم حاسين بالمسؤليه وصايرات طبخات صراحه منال العالم ولاشي عندكم سمر:رغد لاتزعجينا خلينا نركز بالمقادير لا تحوسين كل شي علينا رغد ابتسمت على اشكالهم وانسجامهم طلعت كوبين زجآج وصبت فيه العصير وطلعت لشهد اللي كآنت تمشي على مهلهآ وجلست على الكنبه في الصاله رغد :تفضلي شهد: شكرآ رغد : والله هنادي وسمر تغيروآ كنت أحسب مافي امل يتسلكون شهد : فاكره أحنا كيف كنا لولا الله ثم شوق الله يذكرها بالخير كان رحنا وطي هي اللي تغسل الملابس وتكويها وتطبخ لنا وتنظف وقليل مانساعدهآ معتمدين عليها بكل شي بس بعد زوآجهآ البيت انقلب حاله والكل حس بالمسؤليه رغد:الله ياشهد نفسي أرجع لذيك الأيام بجد مشتاقه لها شهد تشرب من كوبهآ غمضت عيونهآ:كنا الثنآئي المتمرد محد يقدر علينا شوفي كيف كل وحده فينا تغيرت رغد تمدد رجولها:الدنيا علمتنا اشياء كثيره وأهم شي تعلمته أنك ماتكرر غلطاتك في جهلك بعد كل اللي سويته صدقيني استفدت كثير شهد:أحلى شي صار في حياتي حبي ليوسف وان ربي رزقني منه بطفل كنت أتمنآه رغد عدلت جلستها قالت بجديه: تتوقعين شهد بصير يوم مثلك شهد عقدت حوآجبها بأستغراب:مافهمت قصدك رغد: أممم يعني تتوقعين اتزوج واصير أم شهد : اكيد انتي جميله ولسى صغيره بعمرك الحياه قدآمك رغد رفعت راسها: مدري احس محد يتزوج دكتوره شهد: بالعكس الحين الناس تطوروآ وصاروآ يفتخرون اذا بنتهم صارت دكتوره كوني واثقه بنفسك يارغد ماكنتِ ضعيفه رغد ضحكت: أنا مو ضعيفه دخل أبو مهآ عليهم وقطع كلامهم ابو مها: السلآم عليكم وقفت رغد تسلم على ابوها وتبوس راسه وشهد كانت بتوقف لكن وقفتها كلمته ابو مها: ارتاحي يبه انتي تعبانه .. الآ وين مشاري ودي العب عليه شوي شهد: توه نآم أبو مهآ: زين اذا صحى جيبيه لي شهد: من عيوني أبو مهآ جلس : رغد يبه أبي أقولك امس جآني وآحد من جيرآننآ يخطبك شهد ورغد أنصدموآ ولفوآ على بعضهم وبعيونهم نظرآت صدمه وأستغراب شهد: مين يايبه اللي خطبهآ أبو مهآ: ولد جارنآ غآنم اللي مطلق زوجته شهد ورغد بحده: مــيــن؟! رغد طيرت عيونهآ وقلبهآ صار ينبض بسرعه فظيعه :يبه أيش قلت ولد غآنم مستحيل أبو مها:شوفي يابوك القرار لك وأنآ ماحبيت أرفضه قلت يمكن توافقين واكون قطعت نصيبك شهد بصوت ممزوج بحده وأستغراب:يبه انت عارفه أكثر من الله يستر عليه يسكر ورآعي بلآوي مستحيل رغد توآفق رغد : ايه يبه أنآ مابيه هذا طلق زوجته أم عياله وهو سكرآن قوله ماتبي تتزوج أبو مهآ: من البدآيه أنا كنت رافض بس قلت اعطيك خبر وأشوف رآيك رغد:يبه شوف انا مستحيل اتزوج وأنا ادرس يمكن اللي اتزوجه يرفض أكمل دراستي واتخرج انا مستحيل اتزوج قبل التخرج ابو مها:بس يابنتي وقتها بيكون عمرك رآيح بتكون في الـ26 رغد: هانت يبه كلها سنتين او ثلاث اذا طولت مره شهد: يبه خلها على راحتها الدراسه مستقبلها احسن من الزواج لاحقه على الهم والغثاء رغد دمعة عيونها: اكيد فهمتني يبه أبوهآ : أيه يابنتي فاهمك واللي تقولينه عين العقل شهد: ونصيبها لسى مآجآء يالغالي ابو مها : معك حق
طلعت مهآ من الغرفه وشايله شنطتهآ وبنتها: يالله بندر تحت أشوفك على خير شهد : مو تنسينآ تعالي عاد مهآ:أن شاء الله تامر على شي يبه قبل أروح أبومها: الله يوفقك وييسر دربك ويسخر لك زوجك الكل :أمين جآت هنآدي من المطبخ وشهقت: يامشاء الله المعزب هنآ اشوف البيت منور ابوهآ يضحك:مشاء الله على لسآنك الحلو رغد: حل لك بس سليط علينا هههههههههههههه شهد: لاحرام أول يمن بس الحين صارت تجنن فديتهآ هنآدي تجلس وتدق رغد بيدهآ: تسنعي ياحظي شوفي اللي يعرفون يهرجون مو انتي ابو مها يوقف:بروح أغير ملابسي وأخذ دش بارد وألقى العشاء جآهز هنآدي تأشر على عيونها: أمرك أبن عمي تؤبر ألبي الكل:ههههههههههههههههه هنادي: يالله يالشايب الحقى ترى العشاء خمس دقايق وهو جاهز شهد تراقب ابوهآ اللي مشى وضحكه مالي أركآن البيت: فديته عسى يومي قبل يومه هنآدي: شهد ويش سر لسانك الحلو الظاهر تأثير يوسف عليك صرتي ماتقولين الآ كل حلو رغد :هههههههههههههه يعني اذا تزوجنا بنصير زيها هنادي : انا ماني مقصره على عمري من الحين بتعلم منهآ فترة انها عندنآ ماتدرين يمكن أتزوج قريب شهد بنظرة خبث:ويش عندك كل شوي بتزوج قريب لايكون في عريس وحنآ ماندري هنآدي تخربطت حست أنهآ طاحت بحفره مالهآ أخر تعرف شهد أذا حطت شي برآسها تعرفه لو غصب عن الكل:مزح وربي كله مزح شهد بنفس النظره مامشت تصريفة هنادي عليهآ أو لونها وملامحهآ اللي تغيرت: مره صدقتك أقص يدي اذا مآفي شي ومؤكد بعد رغد لفت على هنآدي:شوفي اذا في شي أعترفي يالله هنادي وقفت بتصرف نفسهآ:انتم بس فالحين بالشك أعوذبالله منكم اروح اجهز عشاء ابوي ازين لي بعد مآرجعت للمطبخ شهد همست بصوت وآطي:والله يارغد ورآهآ شي أحساسي يقول انهآ مو على قد شكلهآ في مصايب من ورآنآ رغد تتكي وتكمل عصيرهآ:تهقين ؟ شهد :قولي شهد مآقالت وبتثبت لك الايام صدق أحساسي رغد: الأيام بيننآ الله يستر بس جوآ هنآدي وسمر يجهزون السفره لأبوهم ولهم عشآن يتعشون مع بعض
::: ::: :::
بالرياض لبست فستآن لنص الفخذ وردي من الاشياء اللي شرتهآ على ذوق ندى طلت في المرآيآ وأخذت فيه لفه شوق:يؤؤ مره قصير مآينفع الا هنآ بالبيت ألبسه مره يبرز المفاتن طلت بنفسهآ توهآ تنتبه أن وزنهآ زايد وهذا الشي وآضح في عضدهآ وصدرهآ ورجولهآ شوق :اكيد من الادويه سمنتني ...رآحت جهة الحمآم وحطت رجولهآ على الميزآن شهقت لمآ شافت الزيآده حصلت في وزنهآ ...دخل فهد وشآفها بالقصير شعرهآ سآيح على طوله وطالعه مثل الأميرآت شوق رفعت رآسهآ وقالت بصوت خايف: فهد ألحق علي فهد أقترنت حوآجبه وعبس: ويش فيك شوق نزلت على الميزآن بتحطم وقربت من وفيهآ بكآء: شي مو طبيعي فهد بحده: ويش فيك خوفتيني ؟ شوق: تخيل وزني كم كيلو زآد فهد ارتاح من تكلمت أول فكر فيهآ شي كبيرمشى لعند الأريكه وهي ورآه: اكيد 5 كيلو مو باين عليك أكثر شوق حطت يدهآ على خصرهآ ووقفت قبال المرآيآ الطويله تلف يمين ويسآر .. مدت يدهآ بعدين رجلهآ وقامت تتأمل بنفسهآ ومستغربه الزيآده الغير طبيعيه بنظرهآ واللي مآعمرهآ وصلت لهآ .. لفت جهة فهد شوق بترجي : فهد شوف صايره بطه فهد ابتسم ومدد جسمه على الاريكه:أحلى بطه بعيوني شوق عقدت حوآجبهآ وبانت تجآعيد جبينهآ: فهيدآآن أنآ وين وانت وين؟ فهد: يابنت الحلال وربي مو باين عليك صح انك زدتي شوي بس جسمك حلو ومتناسق مافيه عيب شوق:بس الزياده مو طبيعيه بحياتي كلهآ مازدت 15 كليو في شهر فهد كشر: كـــــم ؟ شوق مشت له ووقفت قدآمه: 15 كليو متخيل انهآ تكونت بشهر وربي شي مو طبيعي فهد :طيب اخر مره رحتي للدكتوره جابت لك طاري الزيآده يمكن من الأدويه اللي تأخذيهآ شوق جلست جنبه وقصر الفستآن اكثر وصارت كل رجولهآ مكشوفه:أبدآ شكلي بتصل عليها الصباح في العياده واقولها انا خايفه يكون شي مو زين فهد: لا ان شاء الله مافي الا كل خير .."سحب خدودهآ المتورده "..وانا اقول الخدود هذي من وين زآدت اثاري الـ15 لها دور ههههههههه شوق تقرصه وتضيق عيونها بزعل: لاوالله بعدين توك تقول جسمي حلو ومتناسق فهد:ههههههههههههه انا اتكلم عن خدودك ويش دخل جسمك شكل بدت الوسوسه من الحين الله يستر من بعدين شوق توقف: بروح ابدل ملابسي كله من ندآآوي لو ماشريت ذا الفستان وقسته ماكان حسيت بوزني فهد مسك يدها وغمز: وين وين ؟.. خليني اشوفك بالوردي واعطيك رائي شوق تمد لسانها:منآك ياسي السيد ههههههههههه ومشت لقسم الملابس حتى تلبس لها أي شي.... دقايق ورجعت عنده بقميص ابيض طويل فهد : الحين بعد ذاك القصير الحلو تلبسين ذآ اللي مدري كيف شوق تتخصر:أقول لاتتشرط كل شي علي يهبل فهد يأخذ الريموت:روحي غيريه ماعجبني شوق جلست عنآد فيه:بس عاجبني ياحبيبي فهد يقلب بين القنوآت :بكيفك بس ترى مآرح أكلمك شوق ضحك بنفسهآ عليه:بكيفك أنت حر فهد حط فلم أجنبي على شوتايم وأنسجم معه ونآسى اللي جالسه جنبه تتابع معه ..جآت اللقطه على فنآنه أجنبيه مشهوره فهد: ماشاء الله عليهآ فيهآ جآذبيه مو زي اللي عندنآ شوق فتحت عيونهآ عالاخر وبصرخه قالت: شنووووو؟! ويش فيهم اللي عندك ياقلبي زين وجمال من زين هالشقر اللي عاجبينكم وربي مايسوون ظفر من أظافرنآ يخسون والله ويش زيننآ والا انتم يالرجال ماتملي عيونكم الا الترآب فهد مسك نفس لآ ينفجر ضحك على شكلها اللي انقلب في غضون ثوآني وزآد عليها:ماقلت شي أنا صادق شوفي بالله ويش لابسه والا حركآتهآ وجرآئتهآ كله كوم وجاذبيتها كوم حنا نبي حريمنا كذآ شوق ضيقت عيونهآ بقهر:شلون تبي نصير مثلهن يخسن والله حنآ أبرك منهن واذا جات على الجآذبيه حتى أحنآ نبي رجالنآ زي رجالهم اللي يفتحون النفس انصدم من مجآرآتهآ له وقفت وقالت بزعل : كمل سهرتك معهآ لآ أوصيك قزهآ زين طيب
مشت للسرير اللي بأخر الغرفه وبعيد عن الأريكه قفلت الستاره عشان اضاءة المزرعه مآتزعجهآ ..قفلت كل أضاءآت الغرفه وأنسدحت وهي مولعه قهر من فهد وكلامها اللي ولع الغيره بقلبهآ وأنتشرت خيوط من أضاءة البلآزمآ الكبيره المعلقه بالجدآر اللي بأول الغرفه الوآسعه جدآ ...غطت نفسهآ بالشرشف شوق( وووع ويش عاجبه بذيك الشقرآء الماصخه وين الحلا اللي فيهآ صدق ماعنده نظر اهم شي يشوفون وحده مشخلعه قدآآم عيونهم ...مالت عليه يقهر أنا اردهآ لك يافهد اجل تبيني اصير زيهآ هين ) قام من مكآنه وفيه ضحكه كآبتهآ قرب من شوق وشغل الابجوره اللي على كمودينتها فهد:زعلتي شوق تميل فمهآ: روح كمل سهرتك مع اللي عاجبتك فهد جلس على طرف السرير:شوق بجد زعلتي شوق أسندت نفسهآ وصارت شبه جالسه:ويش رايك يعني يرضيك أشوف ممثل وأقول ابي زوجي زيه رد علي يرضيك فهد :لا شوق : حتى أنآ مآيرضيني فهد: بس هي ممثله لاراحت ولا جات شوق:ماشاء الله أجل ليش تمدحهآ فهد أنطلقت ضحكآته اللي ماقدر يكبتهآ أكثر:بشوف ردة فعك شوق كشرت :سخيف فهد: خلآص عاد شوق بعنآد: ابي أنام ممكن ؟ فهد قرب اكثر منها: لا مو ممكن شوق قالت بنبره اكثر حده منه: مو بكيفك ابي انام تعبانه فهد رفع حاجبه: وتخليني جالس حالي شوق: روح تابع الفلم فهد: أبيك تتابعينه معي شوق: مستحيل لأني ميته تعب وأبي أنام فهد بنبره اقرب للحده:شووووق خلي العنآد عنك شوق بنفس نبرته: فــــهـــــد أبي أنام فهد وقف: يعني عنآد شوق : تبي تنآم حياك تبي تشوف الفلم بكيفك أنا قلت لك مبرري فهد عرف انهآ تبي تقهره: طيب نآمي يالدبه شوق بسخريه: لآ يالرشيق فهد:على الأقل ما أزيد 15 كيلو بشهر "ورفع حوآجبه بسخريه" شوق بدت تغلي منه:بجد أنك بزر يالبزر فهد يبتسم بلئم: طيب يآ عاقله بخليك تنامين لاتقولين ازعجني شوق ترمي الخدآديه وراه: غبي غبي فهد :ههههههههههه تستاهلين انتي اللي جبتيهآ لنفسك شوق صرخت :فـــــــهـــــد لف بسرعه عليهآ: أيـــــش شوق مدت لسانهآ: كـــش عليك "تلحفت بالشرشف لمآ شافته رجع لهآ بسرعه " فهد وقف جنب السرير: ياخوآفه فيك خير بعديه عنك شوق : مـــآآآآبي فهد :شوق أحسن لك والا بيصير شي انتي ادرى فيه شوق: قلت مآآبي يالعبيط فهد جلس على السرير وخنقتهآ تحت الشرشف: انا عبيط شوق تضحك: ودمك ثقيل فهد :ترى بعاقبك على كلامك ذآ شوق : مايهمني فهد ابتسم لان جات برآسه فكره يعرفهآ تكرهآ:طـــيــب يابطتي الحين أعلمك كيف تسبيني شوق تبعد الشرشف عنهآ:انا بطه ياغوريلا فهد مآت ضحك: غوريلا تخش بعينك شوق تدفه بعيد عنهآ:حشى عيني عين فيل فهد قرب منهآ وهي صارت تبعد: تبين تعرفين ويش العقاب شوق عرفت اللي برآسه: فهيد فكني من شرك ميته نعاس فهد: انتِ اللي بديتي يالله تحملي عقاب كش عليك شوق بترجي وغنج:خلاص توبه فهد: مافي مجال..يالله بس العقاب جاي جاي شوق شوي وتبكي:فـــهــــد
صبآح اليوم الثاني صحوآ كلهم بعد صلآة الفجر وافطروآ مع ابوهم هنآدي:أنا برجع أنام ماعندي اليوم شي سمر:يابختك أبو مها: يالله يابنات قوموآ تجهزوآ مابقى شي على مدآرسكم وجامعآتكم رغد تطالع الساعه بكسل:يوه باقي كثير يبه ساعتين شهد ضحكت:انتي أخر وحده تروح خليك على جنب هنآدي توقف:بروح أنام بغرفة مها وشوق عن رجة سحر وسمر لمايلبسون سحر وقفت ومعآهآ سمر رآحو للغرفه يتجهزون أبو مها: يبه شهد محتآجه شي اجيبه لك شهد: سلآمتك يبه رغد: بدري يبه وين رايح من الصبح ابوهآ: تدرين لازم اروح الجوآزآت تعرفين شغلي متنوع شهد: الله يرزقك من أبوآب رزقه أبوهآ ابتسم :يالله مع السلامه ...أتجهه لأعمآله اللي ماتنتهي رغد تنسدح على الكنبه والنعاس مسيطر عليها:مالي خلق لشي اليوم شهد سمعت صوت مشاري يبكي وقفت:تعالي عندي نسولف شوي يمكن يروح الكسل عنك رغد تغمض عيونها: تبين اروح لرجة ولدك شهد يادوب تقدر تمشي: مالت عليك خلك هنآ مرزوعه ...ورآحت لغرفتهآ قربت من ولدهآ وشافت ملامحه الحمرآء الصغيره وبكآئه يزيد حده شهد تشيل : بس بس ياماما ليش تبكي ...فديت عيونك "سكت على طول أول ماحطته بحضنهآ" شهد ضحكت: عآرفه اللي تبيه ..صارت ترضعه ولك دقيقه تبتسم على شكله الهآدي وعيونه اللي متعلقه فيهآ رغد : يوه علينا ويش ذآ الحب والابتسامات من الصبح شهد تضحك: اذكري ربك لا تصكينا بعين رغد: لاتخافين عيني بارده شهد : هه هه هه باين مره رغد تمد لسانها:مالت عليك شهد: الحين ليه ماتروحين تلبسين وتنقلعي للمستشفى رغد تحط رجل على رجل: جالسه على قلبك اليوم سمعت الجوال يدق شهد :رغد هاتي جوال اكيد يوسف رغد بنذاله: مافيني صراحه شهد رفعت حاجبها بحقد:طيب اوريك رغد نقزت:خلاص خلاص بجيبه لك ..اخذته من على الطاوله ومدت لها قربت شهد بتأخذه وبعدته رغد عنها بنذاله شهد عصبت:رغد وبعدين معك هاتيه رغد ترفع حاجبها بغرور:واذا قلت مافي شهد : بالله عاد مو وقتك شايفه هذا ناشب فيني وأبوي يدق وانتي تنكدي مو وقت حركاتك رغد ضحكت على شكلها المعصب : خلاص خذي شهد بسرعه ردت:هلآ حبي يوسف بخوف:ايش فيك مابغيتي تردين شهد تطالع برغد اللي نفسها تخقها:وحده قامت تتنذل معي يوسف تكى على الكرسي : كيف صباح غلاي شهد : زي الفل يوسف: عساه دوم مو يوم ...والعريس كيفه شهد ضحكت:يسلم عليك يوسف: هههههههههه الله لايحرمني منه شهد بصوت متغنج: بس هو الله لايحرمك منه يوسف: ولايحرمني من اللي بجنبه شهد حمرت خدودهآ: ولايحرمنا منك رغد تنرفزت: اووف منكم يرحمني ولايحرمني صدقت هنادي يوم قالت مو لايق هههههههههههه يوسف سمع كلامها: قولي لها تسكت هذي لا اصفقها شهد: ماعليك منها شغلها عندي بس اتعافى شوي وبأخذ حقي وحقك منها يوسف : يحيآ العدل لاتقصرين فيها شهد : لاتوصيني رغد :يمه منكم شهد طنشت رغد ووحطت مشاري بهدوء جنبهآ وميلت نفسهآ شوي على السرير واتحلفت بنبره حب قالت: أشتقتلك يوسف: والله أنا اكثر ذبحني الوله شهد: ايش رايك تجي الصباح اطفش لوحدي يوسف: بس أنآ بالدوآم مآنمت بعد ربع ساعه طالع شهد : تعال نام عندي مافي أحد بالبيت يوسف: أوكي بجي شهد: اجل بجهزلك الفطور يوسف بحده: لاتتعبين نفسك أنآ توي أفطرت مع الشباب في الخفاره شهد: طيب طيب ماقلت شي يوسف: زين ساعه بالكثير واجي شهد: أنتبه للطريق ولاتسرع يوسف: من عيوني ... مع السلامه شهد : مع السلامه رغد اول ماشافتها حطت الجوال على الطاوله تقلدها: أشتقتلك ..لو شفتي شكلك وانتي تقولينها ههههههههههه نكته شهد تتخصر: نطقينا بسكاتك ..وانتبهي لميشو بروح ابدل ملابسي رغد بعناد: ليش تغيرين هذي اللي كآنه دراعه حلوه عليك شهد ميلت فمهآ: تبينه يشوفوني بذآ الروب الدفش اللي مدري مها من فين جابته رغد ماتت ضحك عليها: اجل بكيفك شهد تسحبها:قومي ساعديني اختار شي البسه رغد همست بكلام خلهآ تعصب بجنون منه ومن حركآتهآ اللي تعصب فيهآ طنشتهآ ورآحت للغرفه ولحقتهآ رغد عشان تساعدهآ رغم من علمها انهآ ستنفجر عليهآ
في الرياض صحى بهدوء بدون مآيزعجهآ زي عادته أخذ له شور سآخن ينشطه وبعدهآ أفطر وأتجه لشركته وأعمآله اللي بقائمة الأنتظار ...بعد مآ أشتغل ساعتين اخذ له وقت يرتاح فيه طلع جواله ودق عليهآ فتحت عيونها بتكاسل صوت الجوال أزعجهآ وقطع نومهآ سحبته من فوق الكمودينه شوق بصوت كله نوم:هـلا فهد :صباح الخير شوق لفت على مكانه الخالي وتحسسته بيدها بعدهآ أستوعبت أنه بالشغل:صبآح النور فهد: لسى نآيمه شوق وصوتهآ زآدت بحته: ويش رآيك يعني فهد يضحك:ههههههههههه أجل عقابي جآب مفعوله شوق ابتسمت:ايه جاب مفعوله كسرتني كل جسمي يوجعني الله يسامحك بس فهد أنفجر ضحك: بس ويش رآيك بعقابي شوق تغمض عيونها: زي وجهك فهد بحده:ويش!! زي وجهي ؟ انتي مآتتوبين شوق:هههههه لا ما اتوب وعاجبتني سياستك في العقاب فهد: أشوى أنك قلتي لي شوق بدت تصحصح: ايه كثر منهآ بالله فهد حس أنهآ ماتدري عن اللي تقوله:ههههههههههههه شكلك لسى نايمه ماصحيتي شوق: لا ابشرك فايقه زين ...بترجع على الغدآء فهد يلف كرسيه على النافذه الزجآجيه:على حسب الشوق شوق عدلت نفسهآ وجلست ردت عليه بثقه:اجل بتجي فهد عقد حوآجبه:ويش يخليك متأكده؟ شوق ضحكت:شي مايخصك يالله قفل بنزل افطر بديت أجوع فهد : انتبهي بس لآ تصير الـ15 عشرين شوق: كلهآ بسببك ههههههههههه فهد: أضحكي العبره للي يضحك بالأخير يالرشيقه شوق تبي تقهره: مع السلآمه يالغوريلآ وقفلت قبل مآتسمع رده قامت وطلعت لها بجآمه ورديه وأخذت اغرآضهآ ودخلت تأخذ شور دآفي ...بعد نص سآعه طلعت من الحمآم وأنتم بكرآمه وقفت قبال المرآيآ تتعطر وهي تحس بكسل وخمول بجسمهآ ...مشت بجهت السرير أخذت جوآلهآ وانتبهت لرساله جديده من معذبهآ وعآشقهآ فتحتهآ وكآن محتوآهآ
أخذتِ روحيْ ....... و عقليْ ............... و ارتبكْ فكري يا معذبة [ القلب ] يا نبضهْ / وَ موالهْ . .
بآست شآشة جوآلهآ ونزلت لغرفة الطعآم حتى تفطر وتأخذ من أدويتهآ اللي كرهتهآ من كثرتهآ وتغير موآعيدهآ بين حين وحين .. بعدهآ دخلت المطبخ مع الخدم جآء ببالهآ تضيع وقتهآ فيه وتسوي الغدآء وحلى
نرجع للمدينه عند شهد ويوسف اللي جآء ينآم عندهآ طلعت شهد للمطبخ تجيب لهآ ولزوجهآ عصير قابلتهآ هنآدي اللي طالعه من المطبخ شهد: ايش قصتك مع المطبخ صايرين أصحاب هنآدي اللي فاتحه عين ومغمضه عين:صحيت بسبب كابوس اعوذبالله منه حسيت اني عطشانه وجيت اشرب مويه شهد: قولي أذكار النوم قبل تنامين هنآدي تتفحصهآ:ايشبك متبهذله كذآ احس فيك شي شهد تضربها بخفه: عيونك مأثره عليك شوفيني زي الورده قدآمك هنآدي دخلت ورآهآ للمطبخ:طيب مين اللي جوآ عندك شهد: سوسو حبيبي هنآدي انفجرت ضحك: بس عرفت ويش فيك ...الشوق غلآلآب شهد لفت عليهآ وهي تصب العصير:ويش رايك ترجعين تنآمين ترى قلت له مآفي أحد بالبيت وهو بينآم عندي للظهر بالغرفه هنآدي تصفر: يآسلآم سلم أيه طلعت علومك أنتِ وروميو حقك شهد : أووش يافضيحه هنادي:هذآ مايعتقك لله ...قسم بالله انك عايشه بقلق حتى الفتره اللي لازم ترتاحين فيه لاصق فيك ويش ذآ غثاء شهد : أصلا انا ما أصبر عنه هنآدي جلست على الطاوله: أجل البلا فيك شهد تطلع الصينيه وتحط فيهآ الكآسآت: يالله تأخرت على روميو سيوو هنو هنآدي:ههههههه طسي ياجولييت طلعت ورآهآ ورآحت تكمل نومتهآ قبل يأذن الظهر وتجي سمر تقلب رآسهآ وتزعجهآ زي العاده دخلت الغرفه وقفلت الباب ورآهآ يوسف :كأني سمعت أحد يكلمك شهد حطت الصينيه ومدت له العصير وجلست جنبه: أيه هنآدي موجوده عندهآ off اليوم يوسف: يوه لايكون تضايقت من جيتي شهد : رجعت تنآم بس كآنت تشرب مويه يوسف بعد مآ أخذ رشفه من كآسته: تدرين شهد خآيف عمك يجي ويقول ويش جآيبه هنآ شهد عقدت حوآجبهآ وكشرت: عادي واذا جآء عمي انت جآي عندي والا حرآم تزور زوجتك يوسف ابتسم: مو حرآم اقول ويش رآيك بعد أسبوع ترجعين بيتنآ شهد طلت فيه: من جدك تتكلم؟ يوسف مسك يدهآ وباسهآ:اي والله من جدي اتكلم شهد: لآ صعبه يوسف:خلاص أجل تحملي كل يوم بجيك شهد غمزت له: أيه هذآ اللي ابيه يوسف: اذا نمت وانآ مو دآري عن نفسي صحيني الساعه 3 عشآن اروح قبل يجي احد العصر وأتفشل شهد كشرت: يوسف حسستني انك مسوي جريمه ترآني زوجتك مو صديقتك يوسف ضمهآ:يالبى زوجتي اللي أموت فيها شهد لمحت مشآري فتح عيونه:شوف ولدك شكله بيفتح فمه الحين ويصيح يوسف : لاآآآ مآهو وقته شهد ضحكت:عآد أذا ضحك تركتك ورحت له يوسف بآسهآ:أنآ اوريك فيه هذآ من الحين بيسرقك أنآ أولى فيك
عند هنآدي جفآهآ النوم وصارت تتقلب على سريرهآ هنآدي:ياربي في أحد دآعي علي عشان ماعندي دوآم اكيد سمر دق جوآلهآ شآفت الرقم ترددت بالأجآبه هنآدي( أرد وألا لا ..مدري أخاف اندم على ردي طيب يمكن يبي مني شي لالا ويش يبي اصلا أنآ كيف ضعفت له فجاءه لايكون حب ...خلوني ارد وأشوف ) هنآدي: ألــوو مآجد ارتاح لما سمع صوتهآ:صباح الخير هنآدي:صباح النور مآجد: كيف حالك هنآدي: الحمدلله بس لو تفكني اصير بألف خير مآجد ضحك :افا كل ذآ كره لي وأنا اللي ضنيت أنك تحبيني هنآدي ارتبكت مآعرفت كيف ترد عليه :هيه أنت ويش تخربط فيه مآجد:ليش أنتي كذآ دآيم شرسه مآتخلين للوآحد فرصه يتفاهم معك هنآدي: مابيننآ شي نتفاهم عليه مآجد:هنآدي ترآني احبك وشآريك افهميني منتديات بوح عشاق هنآدي مآحست بنفسهآ :حبك قرد أحول مآيفك لآتحسب لحست مخي بكلمتين حلوين انا الحب ما أعرفه ولا ابي اعرفه تفهم والآ لا مآجد:يابنت الناس اصبري خليني أتكلم هنآدي بشرآسه:خير ويش تبي تقول مآجد: أنتي ليش كذآ دآيم متسرعه شوفي ياهنادي انا لآزم أقابلك واهمك كل شي لآنك أتهمتيني بشي مآسويته وابيك تعطيني الأشرطه اللي عندك هنآدي بلئم:أهآآآ قول كذآ الحين فهمتك يالوآطي قلت اكذب عليهآ وأقول لهآ أني احبك ومن هالكلآم عشآن توصل لغايتك ياحقير ماجد عصب: أنتي ماتحسنين ألفاظك بفهم خوآتك كلهم ليش مآهم زيك هنآدي:أنآ غير عن الكل وعاجبتني نفسي اسمع انت أشرطه أحلم فيهآ وكلامك الغبي وفره على نفسك على بالك صدقتك تكون غلطان مآجد ابتسم لآنه مالقى الآ ذآ الحل وكآنت على شفايفه أبتسامة لئم:أنآ كل كلمه قلتها لك صادق فيهآ ماكذبت بشي بس مشكله اذا حبيت لي أنسانه مجنونه نآقصها بس شهار هنآدي:المجنون انت مآجد: اسمعي اعطيني موعد لآزم اشوفك فيك هنآدي: تخسي أشوفك من زينك مآجد: هنآدي والله ثم والله غير تندمين ترآني شاريك ومآبي أخسرك لآتخليني أروح لأبوك اليوم وأخطبك واملك عليك ووقتهآ وريني قوتك وشطآرتك هنآدي ارتجفت من كلامها اللي كآن بمثابة الرصاصة القاتله لهآ: عطني وقت افكر وبعدهآ اديك موعد مآجد حس انها بدت تضعف وترضخ له(كذآ اقدر اضرب عصفورين بحجر وآحد):زين استنآك معك اسبوع لآغير سمعتي هنآدي بتأفف ياكرهي لك "قفلت الجوال ورمته على الكمودينه جنبهآ وظلت وقت طويل تفكر بكلام مآجد واللي قاله وتحاول تحصل حل لهذي المشكله اللي تورطت فيهآ لكن خوفهآ الأدهى والأمر لو أضطر ونفذ تهديده لهآ وقتها راح تخسر اشياء كثير من ضمنها كرآمتهآ وكبريائهآ هنآدي ( مدري أخر هذا الطريق أيش قلبي مو مرتاح له رغم اني أميل له ايه أنآ أميل له واحبه ويعجبني برجولته لكن حاسه انه متغير مو ماجد اللي اعرفه في شي غيره وخلاه بذآ الاسلوب الله يستر من اللي جاي الله يستر ) قآمت تغسل وجههآ بعد مآجفاها النوم عَقِبَ هذه المكالمه المريبه بالنسبه لهآ
بالرياض رجع من الشركه للغدآء حآس بشوية تعب وارهاق ...دخل في مكتبه عشآن يشوف بعض الأورآق اللي جآبهآ معه ..ماقدر يركز فيهآ رمآهآ بدرجه وطلع من مكتبه ووقف في المدخل الوآسع شآف شوق وآقف تدوره بصوته الخشن: تدورين مين؟ شوق لفت مفجوعه: بسم الله الرحمن الرحيم ...شفت سيارتك برى وناديتك مارديت علي فهد مشى لهآ: هههههه رحت المكتب شوي شوق تتفحص وجه: كأنك تعبان فهد:لآ أبد مافيني أي تعب شوق قربت منه ومسكت يده: يالله الغدآء جاهز على السفره فهد بيقهرها: ويش هذآ الجرح اللي بصدرك شوق طلت فيه بنص عين: مدري فهد ضمهآ : يالله نتغدآء والله يافيني جوع مو طبيعي شوق سحبت له كرسي:تفضل حبيبي فهد: أحم يزيد فضلك شوق جلست بالكرسي اللي جنبه : مطرح مايسري يمري فهد: على قلبك قبل قلبي شوق :هههههههههههه فهد :اقول شوقتي ماكلمتي الدكتوره شوق توهآ تتذكر :لآآآآ توي اتذكر خلاص بروح لها العصر فهد:انا ماعندي شي العصر بوديك بنفسي عشان أتطمن شوق ارسلت له بوسه من بعيد: ولك تؤبرني فهد ضحك بلئم:هآآه ترى ما أصبر شوق: خلاص توبه بأكل وأنت بعد ركز لاتروح عينك هنآ وألآ هنآ فهد أبتسم:أمرك طال عمرك سكتت شوي بعدهآ سألته: متى نآوي نروح المدينه؟ فهد:بعد بكره لآن بكره ارتب أموري عشان بروح جده اشوف باسل بعدين ارجع الرياض شوق: خذ بالك ترى مآراح أرجع بجلس فتره عند أهلي مشتاقه لهم وشهد كمآن أكيد محتآجتني فهد ضيق عيونه:وتتركيني شوق ترفع أكتآفها:شنو أسوي فيك ماتترك شغلك خله ينفعك فهد :طيب شوفي معك أسبوعين فقط بدون زياده او نقصان شوق ميلت فمها:والله قليله فهد يركز بصحنه وبنبره حاسمه:هذآ شرطي موآفقه اوديك وألا الغي كل شي شوق :لالا موآفقه يآمتوحش حرام اجلس عند أهلي فهد رفع عيونه:ترآك متزوجه وألا ناسيه شوق :لا مو نآسيه بس زوجي كل يوم مقابلني وماشوف غيره فهد: كل هذآ طفش مني شوق تغير السالفه: تغدآء وخل السوالف عنك فهد: يمه منك تقلبين بثوآني شوق ضحكت وكملت أكلهآ بهودء وهو بعد بكل هدوء كمل اكله .. بعد الغدآء طلع يآخذ له شور بعد تعب الشغل والمجهود المتعب اللي اهلك جسده دخلت الغرفه ماشافته على السرير سمعت صوت المويه وهو يغني ومنسجم شوق تضحك على صوته:وع صوته مو حلو شين مره ههههههههه لو يسمعني راح يقتلني يبيلي اقوله لايغني طلعت له بجامه مريحه عشان يلبسهآ وهي بعد غيرت ملابسهآ ولبست بجامه سبورت برمودآ لونها زيتي وفيهآ كتآبات على الجنب بالاورنج والأبيض ..رفعت شعرهآ شينون وحطت روج اورنج لآمع وبلاشر خوخي وتعطرت بعطر هآدي ..فتحت الدولاب واخذت شبشب يناسب بجآمتهآ ولونه متقارب مع لبسهآ فتحت التي في وقلبت بالقنوات على مايطلع فهد ويجلس معها .. دقايق وكآن قدآمهآ وآقف ولاف الفوطه على خصره شوق لفت عليه: شوف ملابسك جهزتهآ لك فهد: في شي ماطلعتيه روحي طلعيه شوق :انت مآتترك عآدتك المره الثانيه خذ ملابسك للحمام فهد لف يديه على خصره:ليش لآيكون عضلآتي ماهي عاجبتك شوق عبست:كمل لبسك بس "لفت تطالع التي في وهو وقف قبال التسريحه يمشط شعره الطويل شوي والكثيف ..أخذ قطرآت من دهن العود اللي مخخص للدقن ومسح فيه دقنه بخفه وكل جزيء من الدهن أقترن بجزيء أوكسجين شوق غمضت عيونهآ وهي تستمع بالريحه اللي تعشقهآ منه فهد :شوق ليش ماقلتي لي أن الوشن حقي مخلص شوق لفت عليه : الله عليك يافهد حتى اللوشن تبيني انبهك عليه فهد رفع اللوشن حقها:طيب يصير احط من حقك شوق ابتسمت: بكيفك فهد: اقول يصير والا لا شوق: يصير يالناعم وربي يصير .."رمى عليها العلبه الفاضيه " فهد عصب: لآزم أكون نآعم وألا تبين اصير تصير يدي خشنه شوق:هههههههه تدري عاد نفسي أشوفك يوم مو كآشخ فهد :خلاص بلبس سروآل وفنيله أذا يعجبك شكلي شوق: هههههههههههههههههههههههههههههههههه لالالا فهد رآح للعلاقه يأخذ بجآمته اللي معلقتهآ له: متقلبة المزآج أنتي شوق تضحك:ألبس وتعال شوف هذآ البرنامج رهيب مره
بعد يومين وصلت شوق للمدينه هي وفهد ..وعلى طول رآحوآ لبيت عمهآ فتحت سمر الباب وشافت شوق وآقف وجنبهآ شنطتهآ وأكيآس فخمه: شوقآآآآآ "ضمتهآ بقوه وقامت تبكي "وحشتيني وربي فاقدتك شوق لفت يديهآ على سمر ومسحت على شعرهآ وظهرهآ:ياعمري وربي حتى أنآ وحشتوني كلكم سمر دفنت رآسهآ بحضن شوق: الحمدلله أنك جيتي كلنآ نبيك حآولت تحارب دموعها وتكبتهآ ابتسمت وبقلبهآ غصه عليهم: بتخليني أنآ وزوجي برى سمر توهآ أنتبهت لفهد اللي وآقف عند الدرج ومعطيهم ظهره عشآن الباب مقابله وعآرف أن البيت كله بنآت: مآ أنتبهت أدخلو بروح أقول للبقيه أنكم وصلتوآ شوق بنظرآت حب وأشتياق لهذآ المكآن اللي أحتوآهآ وتقاسم معهآ أغلب لحظآت حيآتهآ: طيب أختفت سمر عن عيونهآ ودخلت تسحب الشنطه لكن وقفهآ فهد اللي مسك يدهآ فهد: خليهآ أنآ أدخلها ماتقدرين لهآ شوق ودموعهآ متعلقه برموشهآ: طيب أعطيني الأكيآس "مد لهآ الأكيآس ودخلت فتحت له باب المجلس والأضاءه .. بيت عمهآ متوآضع شقه عآديه ليست بالفخآمه اللي متعود عليهآ فهد طول عمره والأثآث ذوق كلاسيك رآقي ..وتحف بسيطه كبسآطة من يعيش بين زوآيآ هذا البيت شوق : حيآك أدخل فهد حط الشنطه في جنب الممر اللي يوصل للصاله ودخل المجلس المعزول بممر وحمآم خآص بالضيوف شوق: تبي أجيب لك شي فهد ابتسم لهآ وهو يشوف لمعة الحزن والحنين والألم بعينهآ:سلآمتك روحي لأخوآتك شوق :عن أذنك رآحت بلهفه للصاله اللي كآنوآ كلهم وآقفين فيهآ عآد ريم ومهآ المبتعدآت عنهم رغد وهنآدي ركضوآ لهآ وبصوت وآحد:وحشتينآآآآ شوق فتحت يديهآ وضمتهم لهآ بقوه ونزلت دموعهآ اللي ماقدرت تكبتهآ أكثر وشهقت:انآ أكثر وربي أكثر سحر بعدتهم وحضنت شوق بقوه وأنفجرت بالصيآح:شوووق أحبك أحبك شوق ماتبي تبعدهآ عن حضنهآ شدتها لحضنها اكثروهي تشم ريحة عطرها وكانها اول مره تشمه وتحسه يتغلغل بكل خلايا جسمها:ياعمري سحر من بين شهقاتها: مآتتخيلي قد أيش مشتاقه لك شوق:الله يشهد علي أنكم في بالي ومتلهفه عليكم مآني مصدقه أني أشوفكم "مسحت دموعهآ " وبعدت سحر عنهآ بعد ما باستهآ على خدهآ بقوه وابتسمت لهآ شوق اللي كآنت بتسأل عن شهد شآفتهآ جالسه على الكنب ومغطيه وجههآ بكفوفهآ وولدهآ جنبهآ بمهده .. قربت منهآ شوق بصوت حنون ولهفه على شوفتها:شهد ..الحمدلله على سلآمتك جلست جنبهآ تبي تحضنها وتطمن قلبها على شقيقة روحها ماحست بنفسهآ الا شهد تضمهآ بقوه وتشهق بالبكآء ..مآقدرت تتحمل أكثر وأحتد صوتهآ بالبكآء أكثر وشهد بحضنهآ تشآركهآ البكآء بصوت عالي أمـآ البقيه كآنوآ متمآسكين لآخر لحظة هزهم موقف شهد لمآ شافت شوق سمر وسحر وهنآدي تمسكوآ برغد اللي جات خلف ظهرها واللي تمسكت بيدهآ واللي ضمتها وكأنهم يستمدون القوه منهآ ...لكن في الحقيقه أنهآ أضعف وحده بينهم مكتفيه بدموعها تنزل على خدهآ بدون أي شعور تعودت تذرفهآ بصمت وتحترق من دآخلهآ أمآ هنآدي ضمت رغد حست أنهآ بتفقد شقيقتهآ تمسكت فيهآ أكثر ودفنت وجههآ بصدر رغد وكأنهآ ملجأ الامآن لهآ تذكرت ريم اللي تركتهم واستقلت في حياتهآ ومهآ اللي كل همها بنتها وتربيتها حياتها مع زوجها مابقى الآ رغد هي اللي تشاركها حياتها في هذي الشقه المتوآضعه سحر مسكت يد رغد وكل مانزلت دموعها تضغط على يد رغد لأنهآ مصدر القوه لها في هذآ الوقت تحاول تقوي نفسها وتتمالك نفسها ودموعها ..اما سمر جت خلف رغد وكانها تتخبئ عن شي مخيف ماتحب تشوفه من صحت على الدنيا وهي تفقد اغلى ناس على قلبها تذكرت شوق اللي كانت تصحيها وتلبسها للمدرسه اللي كانت تساعدها في واجبتها وتحثها على الصلاه وتنصحها في وقت بلوغهآ كانت هي أمهآ واختها وصديقتها كل شي تقوله لها لانها الحضن الدافي بالنسبه لها اللي من جات على الدنيا مالقت غيره
{شهد} تذكرت امي الله يرحمها باول خطوة لدخول شوق البيت ..ماقدرت اتحمل كابت في نفسي من أول يوم في حملي هذي الفتره محتاجه وجود أمي جنبي تساعدني وتنصحني ...حنيت لها ولحضنها امي اللي ربتني واهتمت فيني حسيت بكل اللي مرت فيه ..من شفت شوق لمحت طيف امي في عيونها حسيت أمي تناديني مشتاقه أضمهآ اشمهآ احس بوجودهآ اتأمل ملامحهآ قربت مني شوق وحضنتهآ تعبت اكتم في نفسي مافي الا هي اللي تقدر تحس فيني وبمعاناتي اليتيمه ادري اني بأتعبهآ وأزيد ألمهآ لكن مقدر أتحمل أكثر بكل تفاصيلهآ اتذكر امي عيونهآ ولمستهآ وحنيتهآ غصب عني أبكي بدل الدمع دم
مسحت عليهآ وبعدت عنهآ عشآن تمسح دموعهآ اللي تحس بحرآرتهآ في جفونهآ وتحاول تلطف الجو شوق : حسستوني أني مهاجره هنادي:لك فتره مآجيتي غصب نسوي هذي المنآحه شوق تضحك وكلهآ الم: اذا كل مره بتسوون كذآ خلاص ماعاد بجي رغد بسرعه: بسم الله عليك لاتقولي كذآ هذآ من غلاتك عندنآ شوق : الله يخليكم لي ولايحرمني منك وأشوفكم مبسوطآت وسعيدآت سحر قربت وجلست عند رجولهآ وحطت رآسها على حضنهآ:أمين يارب سمر رآحت تغسل وجههآ بعد موجه البكآء اللي مرت فيهآ ..أمآ رغد جابت علبة المنآديل لشهد وكآس مويه عشآن تهدأ شوق : والله طلعت غاليه بشكل ماتصورته هنادي تضحك:ايه يالدبه لك غلا رغد: ويش أخبارك شوق: الحمدلله بخير "لفت على شهد ومسكت خشمهآ الصغر الاحمر"بس عاد يالله وريني البيبي مشتاقه اشوفه شهد ابتسمت لهآ وشالت مشآري من جنبهآ وعدت على شوق شوق شالت بين يديهآ :مشآء الله لاقوة إلا بالله ...سبحآن الله ملامحك قطعه منك شهد :يقول يوسف يشبهني شوق : مرآآ يشبهك "باستها بخفه: بسم الله عليه الله يخليه لك ويبلغك فيه ..ويكون من الصالحين شهد: أمين يارب العالمين شوق حست بألم أسفل بطنهآ نغزهآ :يوووه نسيت زوجي بالمجلس سحر:وي مآسوينآ له شي بقوم اسوي قهوه شوق: مآيحتآج مايشرب القهوه سحر:أجل بسوي شآهي صعب يجي مانضيفه شوق وقفت : بروح له دقايق ورآجعه هنآدي تغمز لهآ:خذي وقتك معه ترى بنحبسك عندنآ مافي رجعه شوق تضحك:مزبطه أموري مشت للمجلس وتحس الألم يزيد عليهآ دخلت المجلس وسكرت الباب أول مآشآفهآ كآن وجههآ مثل الدم من البكآء وعيونهآ متورمه .. سحبت شنطتهآ وطلعت بعض أدويتهآ وبعلتهآ بدون أي شي فهد قرب منهآ بخوف:شوق فيك شي شوق نزلت رآسهآ ماتبي تبكي زيآده:مافي شي مسك يدهآ ورفع وجههآ وشآف دموعهآ تنزل بهدوء على خدهآ:ليش تبكين ؟ شوق ضمته وضلت تبكي بحضنه وهو يحاول يخفف عنهآ ..هدت شوي وضلت بحضنه بصمت فهد: أرتحتي ؟ شوق هزت رآسهآ وتحسه ثقيل من الصدآع وعيونها المتورمه اللي تحسهآ مثل الجمر فهد رفع رآسهآ له:خلاص حبيبتي هدي نفسك هذآ أنتي عند أهلك مآيحتآج هذآ البكاء شوق أخذت نفس طويل: ماقدرت أتحمل فهد ابتسم:يالله روحي لخوآتك طولتي عليهم شوق وقفت واخذت شنطتها:طيب انت بتنتظر عمي فهد: ايه بس اسلم عليه وبسافر شوق :لاتروح قبل تنآديني زين فهد :ابشري رآحت لخوآتهآ وأخذت عصير لفهد ومشاري عشان يشوفه رجعت له وقف بسرعه وشآل مشاري عنهآ شوق: ويش رآيك بميشوو فهد :ماشاء الله يحليله يهبل شوق جلست جنبه: أن شاء الله نجيب زيه فهد طل فيهآ: الله كريم شوق فهمت انه رافض هذي الفكره: فهد انت ماتبي مني عيال فهد لف عليها ومشاري بحضنه:مو هذآ قصدي انا اهم شي عندي الحين انك تتشافين ويخف المرض عنك بعدين العمر قدآمنآ وان شاء الله ربي يرزقنا من فضله شوق:فهد اذا ربي كتب وحملت بوضعي هذآ مستحيل اني اتخلى عنه زي اللي قبله فهد تنهد:شوق حياتي والله ماهو وقته اذا جاء وقت هذا الكلام بنقوله شوق سكتت اكيد ماهو فاهم عليهآ ومايحس فيهآ أو بوحدتهآ وعمرها اللي يروحو وهي تعاني من مرض أمل الشفاء منه ضعيف جدآ ..أخذت مشاري منه وتركته لحاله بدون ماترد عليه رجعت للصاله وحطته في مكآنه رغد: تعالي اجلسي مشتاقين لسوالفك جلست بينهم وبدوآ يسولفون يعلقون على مشآري
:: ::
جآء أبو مهآ ودخل المجلس لمآ شآف فهد جالس فيه ابو مهآ: ياحي الله من جآنآ فهد وقف:الله يحيك ويبقيك سلموآ على بعض بحرآره وبآس رآس ابو مهآ تقدير وأحترآم له فهد: كيفك ياعمي عسآك بخير ابو مها: بخير الله يسلمك ويش ذي المفاجئه الحلوه فهد أبتسم:عسآك انبسطت بجيتنآ ابو مهآ: والله ماني مصدق عيوني ياولدي مشتآقين لكم ولشوق لهآ فقده من تزوجتهآ فهد يضحك:مآشآء كل هذآ حب لهآ ابو مهآ: بلاك مآتدري عن غلاهآ ..بشرني كيف أحوآلك واحوآل الوآلد فهد تغير لونه وتدآرك نفسه لآينتبه له ابو مهآ:الحمدلله كلهم بصحه وعافيه أبو مهآ: الحمدلله وانت كيف أمورك وشغلك عسآه ماشي ومآيتعبك فهد : والله التعب لآبد منه مافي شي يجي بسهوله ابومهآ: معك حق ياولدي الله يرزقنآ من وآسع فضله ورزقه فهد : أمــيـــن أبو مهآ: هآه بتجلس عندنآ نجهز لك غرفتك فهد :لاياعمي رآجع للرياض توهم كلموني يقولون طلعة شغله ضروريه بكره لازم أشوفهآ بنفسي ابو مهآ: الله يعين توصل بالسلامه ودنآ تجلس عندنآ بس الأيام كثيره ان شاء الله فهد : ان شاء الله ابو مهآ: أستئذن منك شوي بسلم على شوق والله ياني ولهان عليهآ وعلى شوفتهآ هذي وصية المرحوم فهد:خذ وقتك ياعم تأمل ابو مهآ اللي طلع مشتاق وولهآن لشوق اللي يعتبرهآ أغلى من الكل على قلبه وأبوهآ موصيه عليهآ وعلى خوآتهآ ..من تزوجت فقد حسهآ وأهتمآمهآ فيه وبصحته غبط نفسه عليهآ وبنفس الوقت لآم نفسه اللي أذتهآ وعذبتهآ كثير أخذ يعد الدقايق والثوآني حتى يودعهآ ويرجع للرياض مره ثانيه لآن ورآهآ مهآم مايعلم فيهآ الآ عآلم الغيب
:: ::
اليوم اللي بعده مآقدرت تنآم فرحآنه برجعتهآ وبقربهآ من أهلهآ وعزوتهآ ..صلت الفجر وقرآءة الحزب اليومي وبعده الأذكآر..قآمت أخذت أدويتهآ وبلت ريقهآ بقطرآت من المآء ...تذكرت فهد سحبت جوالهآ من شنطتهآ ودقت عليه ..بعد ثلآث رنآت رد عليهآ شوق: السلآم عليكم فهد: وعليكم السلام شوق اشتاقت لصوته مآصار له كم ساعه مفارقهآ لكن قلبهآ يؤلمه الحنين اليه:صبآح الخير فهد:صبآح الأنوآر..كيف بنت المدينه؟ شوق: تسلم عليك فهد ضحك:الله الله الصوت رآيق شوق ابتسمت وهي تتخيل شكله بكل كلمه يقولهآ:ايه رآيق ماينقصه الآ شوفة حبيبه فهد: ويش أسمه هذآ الحبيب شوق انسدحت على سريرهآ ومدت رجولهآ وهي لسى مغمضه عيونهآ: كأن أسمه فهد فهد :ههههههه وصلتِ شوق: كيفك أنت؟ فهد بصوت حآد مريب : أي خير شوق خآفت: ويش صاير فهد :تبين الصدق شوق شوي وتبكي من الخوف وبصوت مترجي: أيـه فهد : مشتاق لك شوق :وجـع على بالي صاير معك شي لمآ رجعت طيحت قلبي فهد رجع يضحك بصوت عالي: يآنآس فديت اللي تخاف علي ..ويش رايك عاد ارجع اخذك شوق: مآ أستبعدهآ عنك تسويهآ فهد : مآولهتي علي؟ شوق: أمممم تونآ مابديت أشتآق لك فهد بتأفف: ليش أنآ اللي اشتقت شوق ضحكت ضحكة دلع: أسئل نفسك فهد يسوي نفسه زعلان: ليش متصله أجل شوق: بتطمن وصلت الرياض والآ لا فهد ابتسم :ويش رايك كم المشوار بالطياره من نص الليل نايم بفرآشي شوق: اجل ويش مصحيك من بدري؟ فهد :اتصالك ازعجني شوق :وهـ يآندآمه فهد :لالا هذا ماصار لك كم ساعه رجعتي وه ياندآمه الله يستر لاتقولي مع نفسك شوق:ههههههه هو انا اقدر فهد: اكيد ماتقدرين والا اكسر لك راسك شوق : ماتقدر خخخ فهد: شوق لاتخليني اسوي اللي براسي شوق ضحكت: خلاص قلت بتطمن عليك وبشوف وصلت طلعت بخير يالله فوتك بعافيه فهد يضحك: مع السلامه ياوليه قفلت منه وهي ميته ضحك وضمت جوالها:فديتك انا جننتني الله وكيلك قامت لشهد بتشوف صحت او لا عشان تسوي لها الفطور ..دقت الباب بخفه شهد بهمس:ادخلي شوقآ شوق :صباح الخير على الناس الأمورين شهد ابتسمت بحب: صبآح الحب شوق قربت منهآ وشافتهآ ترضع ميشو:يانآسو يهبل وهو نآيم شهد:ماخلاني انام طول الليل يبكي شوق ابتسمت:هم الأطفال كذآ..تبين أسويلك فطور شهد : ياليت وربي دآيخه ماشوف شوق: ربع ساعه ويكون جآهز ..طلعت للمطبخ وحست بنشاط وشوق لهذا المكآن بالرغم من سهرهآ طول الليله الماضيه سوت الفطور لشهد ولخوآتهآ ماحست الا بدخول عمهآ عليهآ ابو مهآ:مشاء الله عليك مآتتركين عآدتك شوق ضحكت:والله أشتقت للطبخ ياعمي في بيتي الخدم مآيخلوني أسوي شي البيت كله خدم عودوني على الكسل ابومهآ: ياحبك للشقاء يابنتي المفروض تفرحين أن عندك خدم يشوفون طلباتك شوق:هههههه المشكله أني ماتعودت طول عمري أشتغل لنفسي ولخوآتي الحين أحد يشوف طلباتي والله صعبه ابومهآ: اجل لويدري زوجك جآب من الخدم معك شوق تذكرت فهد وحرصه انهآ ماتتحرك كثير ولاتبذل مجهود بسبب مرضهآ:أكيد "لفت على عمهآ"تبيني أسوي قهوتك الحين والا بعد شوي ابومهآ:لا يابنتي لاتسوينهآ تعودت اشربهآ لمآ اروح مكتبي شوق : أجل بحط الفطور وأصحي البنآت ورآهم جآمعآت والحين الساعه 6 ونص وبعدهم نآيمين ابومهآ: ههههه الله يعينك مايصحون الا بطلوع الروح شوق : ماعليك ياعمي اصحيهم غصب عنهم ..تركت كل اللي في يدهآ ورآحت لغرفه هنآدي وسحر فتحت الباب بشويش وطفت التكييف من عندهآ وفتحت الاضاءه..رآحت للشبآك وفتحت الستاره شوق: يالله ويش ذآ النوم يابنآت راحت عليكم صلاة الفجر يالله قوموآ سمر تتمغط وتغطي وجههآ بالبطآنيه:خلوني أنام شوق تسحب عنهم البطآنيآت وصرخت: قوموآ يالله رآح الوقت سحر بكسل: كم الساعه شوق ضحكت: كم ؟! طلعت الشمس الساعه 7 نقزت سمر من السرير:يؤؤؤ الحين يحشروني بالحوش لاني متأخره"طارت على الحمآم وانتم بكرآمه " أمآ شوق رجعت تجهز السفره لهم وودت لشهد فطورهآ بغرفتهآ ..تذكرت رغد رآحت لغرفتها بعد ماطلعت من غرفة شهد وفتحتها شافتهآ فاتحه الاب توب ونآيمه جنبه على السرير...قربت منها سحبته بهدوء وطفته ..شافتها حاطه ملصق فوق سريرهآ كاتبه فيه " لآحد يصحيني الا الساعه 10 ماعندي دوآم بدري " سكرت ستارتها عن ضوء الشمس وطلعت وسكرت الباب ورآهآ..جلست عند عمها جنب السفر وجات سمر تفطر بعد ماتوضت ولحقتها هنادي وسحر هنادي بصوت كله نوم مبحوح:وين رغد ؟ شوق: ماعندها دوام بدري ابوها يقلد صوتها: كُلي والبسي لاتتاخري زي دايم سحر ضحكت وهي تنعس:باين انك مروق يبه ابوها:ايه رايق مو دايم اصحيكم لما اموت وماتصحون ومحد يسوي الفطور الا بطلوع الروح سمر :الله يخلي شوق مو دايم قبل اصلي اروح احط المويه على النار وارجع اسوي الشاهي واحط السفره هنادي:هههههه ايه تعقدنا خلاص شوق لاترجعين لزوجك اجلسي عننا بس فتره الدراسه شوق ضحكت: روحي البسي الله يصلحك سمعوآ صوت مشاري يبكي قامت وراحت لغرفة شهد وشافتهآ منسدحه وباين انها تعبانه شوق شالت مشاري تسكته:شهد علامك؟ شهد نزلت دموعها: ماني قادره اتحمل الالم من الليل وانا اقول يمكن يخف بس شكله يزيد شوق جلست عندهآ: أيش يوجعك
عند شهد كلمت يوسف يجي يوديهآ المستشفى عشآن يعطونهآ مسكن ..وصل بوقت قيآسي شهد: شوق انتبهي له شوق: بنومه عندي في الغرفه اذا جيتي نامي وارتاحي شهد تلبس عبايتهآ لمآ سمعت صوت جرس الباب:هذآ أكيد يوسف وصل شوق شالت مشاري:بروح للغرفه خليه يساعدك بالنزول وأمشي بشويش ترى مو كويس لك شهد تهز رآسهآ ..ومشت للباب بعدهآ ساعدهآ يوسف وأتجهوآ للمستشفى
::: ::: :::
بمكآن أخر من الكره الأرضيه طلعت من غرفتهآ بعد نوم عميق في هذآ الجو شديد البروده شآفتهآ جالسه جنب المدفئه الخشبيه حتى تحس بالدفاء قربت منهآ بهدوء وشافتهآ زي كل يوم مآسكه الصوره تتأملهآ صفاء: مامليتي من هذي الصوره ..:لآ ولآرآح أمل منهآ ...نفسي أعرف أي شي عنه ويحس بوجودي لكن مستحيل مستحيل صفاء باستهآ على جبينهآ:خلاص أنسي كدآ تتعذبي أكتر ..: ياليت اقدر ماكآن شوفتيني هنآ صفاء أخذت منهآ الصوره ورمتهآ وسط النآر وصارت تنحرق ..:سويتي فيني خير صفاء: أحبك يآمآمآ ..: لمآ أشوفك أنسى كل دنيتي الله يخليك ليآ صفاء ضمتهآ: ويخليك ليآ يآ أحن قلب في الدنيآ مسحت عليهآ وعلى ملامحهآ التي تميل الى الحزن أكثر:مابي أشوف الحزن في عيونك ياحبيبتي صفاء ارتسمت على شفاتهآ أشباه بسمه صفراء شاحبه:نفسي أحس أنه مهتم فيني كل حزني بسببه ..:يابنتي أنسيه والله هو الخسرآن صفاء:انا برجع السعوديه اكيد حآزم فاقدني لي فتره طويله هنآ ..:انتبهي لنفسك ولأخوك صفاء:آآآخ منه اقوله اتزوج بس عنيد مو رآضي حياته وقفت على قصته مع لمياء ..:اقنعيه تحايلي عليه صفاء:مايفيد فيه ...الحين بكلم بابا عشآن يرسل لي احد يرجعني ..: اوكِ كلميه اخذت جوالهآ وكلمت أبوهآ وأعتذر لآنه مسافر حجزت وكان من حسن حظها ان الرحله في الليل للرياض فكرت انها تأكد الحجز ومنهآ تجلس يومين بالرياض تتسوق وتشوف صحباتها
::: ::: ::: في الجآمعه جلست لوحدهآ لان عبير كنسلت على كل محاضراتها اليوم ...اشترت لها عصير يبرد عليها شوي بسبب حرارة الجو القاتله ...سمعت صوت نغمة جوالهآ تعتلي طلعته من جيبهآ وشافت رقمه تنهدت وردت عليه هنادي : نـعـم ماجد يمدد صوته:صباح الورد هنادي جلست على اقرب كرسي منها:صباح النور ماجد: اكيد بالجامعه هنادي بدون نفس ترد عليه:ويش يهمك فيه اذا كنت بالجامعه ماجد :ابد اسمع صوت رجة وصراخ هنادي: ويش تبي متصل؟ ماجد ببرود يرد عليها: صبرك شوي شوي هنادي : ماعليش عند محاضره اخلص بسرعه علي ماجد:فكرتي بكلامي لك كم يومين مآ أتصلتي قلت اشوف شكلك نسيتي هنادي:لامانسيت موآفقه اشوفك واسمع كلامك بس لمدة خمس دقايق مو اكثر اوكِ ماجد: متى؟ هنادي:والله على حسب نفسيتي ومزآجي ماجد: زين ياليت تستعجلين لاني مو فاضي لـ لكاعتك هنادي بكره: ياثقل طينتك ياشيخ اوووف ماجد ابتسم:ادري انه من ورى قلبك هنادي : نفسي اعرف منبع الثقه اللي عندك لو تعطيني منها شوي ماجد : منبع الحب "سكتت ماردت عليه " وين لسانك ماتردين هنادي: بدت المحاضره باي قفلت بوجهه وتحس قلبها يرقع كالطبول ماتدري هو خوف أو اعجآب مختلطه عليهآ كل الأحآسيس ... دخلت القاعه وبالهآ ماهو يم المحآضره أو اللي ينقال فيهآ
::: ::: ::: ..:بـشرني ويش صآر؟ ..:قربت النهآيه بس هآه نص المبلغ يكون بالبنك ..:أوكِ لو تشييك الحين بيكون النص في حسآبك ..:أيوه كذآ بدينآ نشتغل صح ..:انآ مآقدر أطول في المدينه ..كلهآ اربع أيام مو أكثر لوتستعجل شوي ..:مآيمدحون العجله بس هآه زي مآ أتفقنآ كلآم وبس تقول اللي عندك ..:انت وصلهآ لعندي كذآ يكون خلصت شغلك معي ..:المهم عندي مآتأذيهآ أو تسوي لهآ شي ..:انآ بيني وبينهآ موضوع قديم مآصارت فرصه عشآن نحط له نهايه ..:زين يوم أو يومين ويصير اللي تبيه ..:اوكِ بآآآي
رجعت من المستشفى هلكآنه من التعب يوسف معصب: شفتي انك مو مهتمه بنفسك شهد بضيقه خلق:مادريت بيصير كذآ يوسف وقف عند الأشآره:هذي الغسول مآترميه تستعمليه فهمتي؟ شهد بتعب:والله فهمت يوسف:مآتأكلي شي دسم أوفيه حرآره لأنها تاثرعلى الالتهآب زي مآقالت الدكتوره شهد :طيب يوسف: ترتاحي ولاتتحركي من سريرك سمعتي أيش قالت الحركه الكثيره هي اللي سببت لك الألتهآب الحآد شهد شوي وتبكي:خلاص وربي فهمت يوسف بتهديد:لو أحس أنك ماسويتي زي اللي قالت الدكتوره صدقيني بسحبك وبجيبك عند أمي شهد بعصبيه:يوسف خف علي وربي ما اتحمل كل ذآ بعدين ايش عرفني لا أم ولآ أخت تعلمني ايش أسوي وكيف اتصرف وهذا شي جديد علي يوسف يبرر لها:أنآ خايف عليك خايف يصير فيك شي شهد تبي تسكته عنها: لاتنسى الكريم تجيبه من الصيدليه يوسف وقف عند أقرب صيدليه:تبين شي أجيبه غير الكريم شهد تغمض عيونه وترجع على ورى تحس أن ظهرهآ بينكسر من الألم:لآ بس الكريم نزل وتركهآ بالسياره لحآلهآ وهي تتألم زآد عليهآ حرآرة جسمهآ المرتفعه وضغطهآ الهآبط حست بدخوله مد لهآ الكيس وبيده الثانيه عصير فريش بآرد يوسف : أشربيه يالله شهد:مالي نفس أحس أني برجع يوسف: قالت لك حرآرتك مرتفعه أشربيه يابنت النآس ..أخذت منه العصير وشربت منه شوي دقآيق بسيطه ووصلهآ للبيت ..سآعدهآ بالنزول دخلت جوآ المدخل .. جلست على الدرج ماقدرت تطلعه تحس بألم أسفل بطنهآ يطعنهآ وظهرهآ ألمه كل ثآنيه يزيد ..دخل وبيده كيسين أنصدم لمآ شافهآ جالسه ركض لهآيوسف: شهد شهد شهد مسكت يده بتعب:مآني قادره أطلع الدرج يوسف مسك الأكيآس زين وشالهآ بين أحضآنه تفاجئ بخفهآ لآن وزنهآ نقص شي كثير بعد الولاده والتعب ...طلعهآ ووصلهآ لحد غرفتهآ وساعدهآ تنزل عبايتهآ وتنسدح حتى ترتاح يوسف: كيف الحين؟ شهد: ميته حر يوسف : الغرفه زي الثلج شهد :حرانه مررره يوسف : ارتاحي شوي وبعدين غيري ملابسك دوري شي خفيف شكل بجآمتك ذي ثقيله شهد مسكت يده بقوه وبعينه لمعة دمع: لآتخليني يوسف باس يدهآ بكل صدق:مستحيل اتركك جلس جنبهآ يلعب بشعرهآ ويتحسس خدهآ لين أنتبه أنهآ نآمت وأنتظمت أنفاسها لمس جبينهآ وكأن حرآرتهآ خفت شوي ..بعد عنهآ بهدوء طلع من بيت ابو مهآ متجه لبيت امه
شافته طلع من زآوية الباب اللي لمحته متعدي من جنبها راحت لشهد بغرفتها دخلت وشافتها نايمه سكرت الباب عليها ورجعت عند مشاري وكملت نومها جنبه
:: ::
بهذآ الوقت في المستشفى كانت توها وآصله تاخرت ربع ساعه لان حركة الطريق متعطله بسبب حادث وسط الدآئري ترددت تدق باب القاعه اللي مخصصه لطلبة الطب خايفه منه قامت ترجف حست بأحد ورآهآ ياسر: صباخ الخير رغد لفت عليه:صباح النور ياسر: حتى انتي متأخره زيي رغد:ايه في حادث بالطريق أخرني ياسر:ههههههه نفس الشي صار معي رغد بخوف: خايفه من المتوحش اللي جوآ ياسر: ادخلي معي وانا بتكلم اذا خايفه يسوي فيك زي المره اللي فاتت رغد: طيب يالله انت تكلم معه .."دقت الباب ودخلوآ هي وياسر مع بعض " ياسر: السلام عليكم الكل: وعليكم السلام طالع الدكتور ساعته الفخمه اللي من اشهر المآركات:شفتوآ الساعه قبل تدخلون ياسر: آسفين دكتور بس في حآدث بالطريق عطلني الدكتور: تفضل ادخل ..وأنتي أنسه رغد ايش سبب تأخرك ؟ رغد طلت بيآسر وهي ترجف وقلبهآ نبضه متسارع: نفس الشي بسبب الحآدث الدكتور:اخر مره تتأخري you understand me ؟ رغد:yes, thanks ..دخلت بسرعه وجلست بين أروى واسيل وأخذت نفس طويل اروى بهمس تضحك:اليوم مزآجه حلو رغد منقهره منه قامت تدعي عليه بينهآ وبين نفسه وترمقه بنظرآت كره وحقد بعد ساعه ونص طلعوآ من المحآضره وكل وآحد متثاقلهآ لآن بعدهآ يبدآ التدريب كالعاده أسيل:بنزل الكافتيريآ رغد :انا بجلس هنآك "أشرت على الكرآسي" أروى :اجل انا وأسيل بننزل تبين شي رغد: كآبتشينو اذا ماعليك أمر ..مشت للكرآسي وهم مشوآ للكآفتيريا رغد(ليش أجل لي ساعه ونص ماتحركت من الكرسي خلوني أمشي شوي بدل الجلسه اللي بتنفخني زيآده) طلعت جوآلهآ بتكلم شوق شافت رساله جديده من فاتن ابتسمت على رسآلتهآ وقامت تدور على رسآله بصندوق وآردهآ حتى ترسلهآ لها ...مآحست بنفسهآ الآ تصدم بكتف أخلت توآزنهآ وطآحت على الأرض وطآح جوالهآ والكتآب اللي بيدهآ الثانيه تعورت بسبب طيحتهآ على الأرض كآن ورآهآ يآسر وبعض الشباب من كلاسهآ ركضوآ لهآ ياسر: سلامآت سلامآت يآرغد في شي يوجعك رغد تمسك يدهآ اللي طآحت عليهآ:لا الحمدلله بخير عبدالعزيز:شوف يدهآ يمكن فيهآ كسر رغد رعت رآسهآ له:لآ ياعبدالعزيز الم خفيف مو كسر ياسر:الله يصلحك مآتشوفين انتي رغد أخذت جوالهآ وكتآبهآ ووقفت:انا صدمت بأحد بـس مــ.."أنقطع صوتهآ لمآشافته وآقف قبآلهآ وسآكت مآ طلعت منه أي ردة فعل عكسيه او غير أرآديه ...أنقلبت ملامحهآ 360 درجه وماهي قادره تصدق عيونهآ وهي تشوفه قدآمهآ ماتفصلهم عن بعض الآ بعض الخطوآت تجمد كل شي فيهآ توقف الدم بعروقهآ حست أن الأرض تدور فيهآ ..لفت بحركه سريعه وبعدت ياسر عن طريقهآ ومشت عبدالله: رغـــد ..رغـــــــــــد طنشته وكملت طريقهآ مشى ورآهآ بسرعه ومسكهآ بقوه مع يدهآ ...وخلفهآ قروب كلاسهآ اللي بعيدين عنهم ويطالعون عبدالله اللي استغربوآ منه رغد سحبت يدها بقوه:انت ورآي بكل مكآن عبدالله عصب منها:ليش كاشفه وجهك رغد بعصبيه وحده:جايه ارقم وأشبك الشباب عبدالله انقهر منهآ ومآحس بنفسه الآ يصفقهآ كف على وجههآ لأول مره قدآم أسيل وأروى اللي كآنوآ جآيين من الكافي وبقية الشباب اللي وآقفين ورآهم بمسافه بسيطه والصدمه الكبرى كآنت لشخص حضر فجاءه مآر بهذآ الممر الشاسع حتى يعاين بعض مرضآه...طاح اللي بيدها تعلقت عيونها فيه من الصدمه اللي شلت أحسآسهآ عن أي شي حولهآ أكتفت بدمعه يتيمه أنذرفت من عينها كآنت الغيره تنهش في قلبه يغار من عينه لمآ تشوفه فكيف اذا كل الناس يشوفون وجه اللي يعتبره سر فتنتهآ الأبدي همس لها: تستاهلين أكثر من كذآ لآنك أرخصتي نفسك لي ولغيري حست بقلبها ينقبض من كلمته اللي كانت سهم قاتل له وبكل قوه تملكهآ ردت له بيدها الناعمه صفعه قدآم كل الشآهدين على هذي المعركه البارده رغد من بين اسنانهآ وبهمس حارق:بآن لي معدنك الوآطي تركته مصدوم من ردة فعلهآ ومشت لعند القاعه والبقيه تفرقوآ بلمح البصر الآ هو بقى وآقف في مكآنه
وقفت عند باب القاعه تبكي بصمت ...سمعت صوت ورآهآ د.وليد: تعالي مكتبي بسرعه ...مشى لمكتبه القريب ولحقته بدون ماتحس فتح لها الباب دخلت وجلست على الكرسي بأنكسآر ..تركتها لوحدها في المكتب وسكر عليها الباب وراح يشوف المرضى اللي تأخر عليهم
في الرياض منغمس بأورآقه ودرآسة بعض الصفقات .. قطع انسجامه نغمة جواله فهد رد بدون مآيشوف المتصل:هلآ ..:السلآم عليكم فهد استغرب الصوت:وعليكم السلآم ..:كيفك ؟ فهد: الحمدلله مين معي ؟ صفاء: بسرعه نسيت صوتي ؟ فهد ميز نبرتهآ الناعمه:صفاء؟ صفاء :ايوه انا صفاء فهد: كيفك ويش مسويه؟ صفاء: بخير الحمدلله انت كيف شغلك؟ فهد يرجع على ورى بكرسيه ويلف:ماشي الحال غريبه متصله صفاء ابتسمت: والله انا جايه الرياض وقلت لآزم أشوفك واجلس معآك فهد:آهآ متى وصلتي؟ صفاء: اليوم الصبآح فهد يطالع ساعته اللي أوشكت على الظهر:زين اذا فاضيه نتغدآء سوآء صفاء:أوكِ ماعندي مانع ايش رايك تجي في مطعم الشيرتون اللي أنآ فيه لآني جايه بدون سوآق فهد: أوكِ بأي شيرتون؟ أخذ الأسم ولحسن الحظ انه قريب منه مره مايحتآج حتى يروح بسيآرته لآنه خلف شركته اللي بموقع أسترآتيجي جدآ ...سمع أذآن الظهر بعد دقائق نزل للمسجد يصلي فيه وبعدهآ يروح لموعده مع صفاء
بعد ساعه كآن جالس بثوبه الابيض الفخم وشمآغه وكآشخ وهذآ الشي فرض يومي عليه بحكم شغله مع كبآر التجآر بالمملكه ومكآنته الأجتماعيه ونظرآته السودآء الفخمه من شآنيل وسآعته الجلد السودآء من Gusess ويقرأ جريدة الوطن على بال تنزل صفاء أنسجم بالأخبار اللي كآنت أغلبهآ عن سوق الأسهم وتوقعات صعوده للقمه مره أخرى ...حس بحركه قريبه منه تنزل الجريده وشآفه تمشي وكل العيون عليهآ لآنهآ لآفته للنظر بعبايتهآ المطرزه بأحلى التطريزآت ونظرآتهآ البنيه والشنطه البيج والكعب المتوسط والمبك آب الخفيف اللي حآطته وقف مدت يدهآ وصآفحته صفاء بأبتسامه عذبه:مسآء الخير فهد بنفس الأبتسامه: يامساء النور سحب لهآ الكرسي وجلست: ثآنكس يالطيف فهد ضحك:العفو صفاء نزلت نظرآتهآ وحطتهآ على الطاوله وهي تطالع اللي حولهآ وعيونهم عليهآ:هم شايفين شي غريب فهد ضحك بخفه:أبدآ كآشخه على ألأخير ويش تبينهم يسوون يغمضون يعني صفاء شهقت: أنا كاشخه بالعكس صاحيه من النوم وحالتي تقرف فهد :ايه باين مرره صفاء طنشت كل العيون اللي ترآقبهآ وأغلب المتوآجدين رجال اعمآل أو زوآر من دول الخليج أو أجآنب: كيفك ؟ فهد: نحمدالله بألف خير صفاء تتأمل المطعم:ستآيله حلو مو؟ فهد:مآشي حاله صفاء ضيقة عيونهآ:ايش بك مكشر ومعبس؟ فهد ينزل نظآرته مآني مكشر الا قولي لي أخبار الولد من زمآن عنه صفاء: بخير مسافر لماليزيا فهد:غريبه مآرحتي معه صفاء ميلت فمهآ:كنت بالنمسآ من شهر تقريبا واليوم وصلت ماحصلت رحله الا على الرياض فهد :كويس أنك جيتي منهآ نشوفك ونعرف أخبارك صفاء: يعني لو أنا ماتذكرت انك هنآ وأتصلت انت ماتفكر تتصل فهد :هههههههه والله حتى أنآ أمس وصلت من المدينه صفاء بأستغراب أيش لك شغل هنآك؟ فهد: يووه والله عجزتي قلت لك زوجتي من المدينه وامس وصلتهآ لأهلها صعب اخليهآ تروح لحالها صفاء ابتسمت:خساره كآن نفسي أشوها واتعرف عليهآ فهد: أليام جايه وان شاء الله بتشوفينهآ صفاء ضحكت:على قولك ..يعني أنت جالس هنآ لوحدك فهد هز رآسه:أيه جالس بمزرعتي لوحدي صفاء:بس على حد علمي انو ابوك واخوآنك هنآ فهد: ايوه بس مآروح لهم كثير منشغل بنفسي وشركآتي واعمالي صفاء رجعت على ورى: الا على طاري أعمالك..لسى تشتغل بأشياء سريه فهد ضحك: تبين الصدق ايه لسى يعني كوني رجل أعمال هذآ شي عادي بس الأشياء السريه ممتعه وانتي ادرى فيه صفاء تغمض عيونها:ممتعه مره بس متعبه برضوآ فهد:اكيد يعني مارحتي للنمسآ لشي سري؟ صفاء ضحكت:خلك في شلغك ومالك صلاح فيني فهد انطلقت ضحكت:قولي كذآ من الأول وانا اقول شهر لوحدك في النمسآ شنو تسوين
::: ::: :::
بعد المغرب في بيت أبو مها صحت من النوم بعد كوآبيس أستكآنت في منآمها ..راحت تغسل وجههآ وتغير بجآمتهآ طلعت للصاله وشافت ريم جآيه ريم وقفت وضمت هنآدي بقوه:وحشتيني يالقاطعه هنادي جلست:انتي اللي قاطعتنآ من ولدت شهد مآشفناك دخلت أم خلود اللي جآت العصر تزور شهد:هلا والله هنآدي كل هذآ نوم يالظالمه هنادي ابتسمت ووقفت تسلم على عمتهآ:شسوي ماعندي مذاكره ولاشي غير التبطح والنوم عمتهآ خذت فنجآن شاي من اللي جهزته سحر لهآ هي وريم: ماشاء الله شاهي وعلوم السنع تعالوا عندنآ بغرفة شهد ريم تشيل الصينيه:يالله بسبقكم هنآدي بكسل:مين عند شهد عمتهآ: أنا وشوق وشهد وسمر هنادي عقدت حوآجبها:ورغد وينها؟! ام خلود: شهد تقول جات متأخر من المستشفى ونامت على طول يمكن تعبانه من شغلهآ والدراسه خليها تكمل نومهآ مسكينه رآحت هنآدي مع عمتهآ للغرفه وأخذتهم السوآلف مع شوق وعمتهم
أما رغد جآت من المستشفى شبه منهآره وكآتمه بنفسهآ ماتبي تقول لأي أحد عن اللي صار حتى شهد ..دخلت غرفتهآ وكملت مسيرة بكآهآ الي قريب العصر وبعدهآ نآمت بسلآم
نرجع لهنادي طلعت من الغرفه حتى تصلي العشاء بغرفتهآ ..بعد ماخلصت من الصلاه اتصلت على عبير وقالت لهآ عن كلام مآجد عبير بتفكير:شوفي هنآدي انتي ماراح تخسرين شي خلينآ نروح ونشوف ويش يبي ونتفق معه هنآدي عصبت:مجنونه أنتي هذآ خبيث مو زي أخوه عبير ضحكت: ادري بس نشوف ماراح نخسر شي ايش فيك أنتي بعدين وين كلامك قبل كم يوم والا أنمحى هنادي سكتت شوي بعدها قالت بنبرة حزن:تدرين خايفه ونفس الوقت حآبته بس يقهرني بغروره وثقته بنفسه اللي يبيلهآ تكسير عبير :ههههههههههه هو بس بيقهرك باين انه يموت فيك ماتدرين يمكن يتزوجك من جد هنادي بدأت تضطرب نبضاتها:بس لو تزوجني ماراح ينسى المآضي هذا مستحيل عبير:ياغبيه هو يحبك تعرفين كيف يحبك يعني يشوف عيوبك حلوه هنادي :عبيروه تكذبين على مين المهم شكلي بكنسل واسحب عليه قال موعد قال يستهبل حضرته عبير:هنوده حطي براسك انه ماراح يحل عنك ألا لمآ تشوفينه وتعطينه كل اللي يخصه عندنآ هنادي :اعطيه اللي يخصه بس بكيفي أنا مو بكيفه هو عبير انقهرت:اجل كذآ ماراح يفك عنك وتحملي غثاه هنادي بتردد: اقولك خلاص توكلت على الله بنروح نشوفه بكره عبير ضحكت:ايوه هذي هنوده اللي أعرفها ...بس تعالي ايش عذرك بكره هنآدي بسخريه: السوق في غيره ياذكيه عبير ابتسمت :حلوووو اجل انا بقول لأمي نروح نجيب لبس للسبورت هنادي:ايوه أجل حتى انا بقول كذآ ويكون كلامنآ وآحد وأكلم مجود ونختار المكان عبير:هنادي أختاري مكآن بعيد عن الناس عشان مايصير لنآ شيء أو أحد يكفشنآ نروح فيهآ ترى هنادي تفكر وتدور مكآن برآسهآ:اممم طيب بقفل ألحين وأحاول الاقي مكآن مناسب وأنتي فكري وردي لي خبر عبير: صار يالله باي
في الرياض جآت معه للمزرعه من الظهر واخذتهم السوالف في شغلهم الماضي والحاضر دخلت معه مكتبه اخذت تتامل وتطالع ذوقه الرفيع وستايل مكتبه اللي مايتغير ابدآ من عرفته ومكتبه بهذآ الشكل مهما اختلفت الأمآكن صفاء:ماتتغير أبد فهد ابتسم:هذى ستايلي وأحبه من زمان صفاء جلست على الاريكات الجلديه...ورفعت راسها للمكتبه اللي مآخذه الجدآر كآمل ومليئه بأنوآع الكتب وبالوسط شآشة بلآزمآ كبيره :ذوق رآقي انتبهت لبروآز ذهبي متوسط الحجم وقفت ومشت له شآفت فهد بالبشت وجنبه شوق بيوم الزوآج صفاء بصدمه:هذي زوجتك فهد مشى لها واخذ الصوره: ايه هذي زوجتي صفاء سحبت الصوره منه وظلت فتره تطالعها:ماعندك صور ثانيه لها حابه اشوفها طلع من درج مكتبه البوم صور لهم لما سافروآ بعد زوآجهم لأنه كآن يصورها بدون ماتدري او تحس عليه وما انتبهت الا باليوم اللي عرفت كل شي يخص فهد لصورهآ ...جلست صفاء تقلب بالصور وتبتسم فهد جلس بعيد عنها:ليش تبتسمي صفاء:اممم صراحه بالمره ماتوقعتها كذآ فهد ضحك:ليش ويش متوقعتها صفاء:رسمت لها صورة بخيالي غير فهد بنظره حاده: حلوه صح؟ صفاء رفعت راسها وميلت فمها: يمكن بنظرك حلوه وفي نظر الناس لا فهد حط رجل على رجل :وبنظرك أيش؟ صفاء ضحكت: جميله جدا
رجعت كـسيـره مهآنـه والدنيآ في عينهآ لآ يتخطى حجمهآ حجراً قآسي كقسوة حظهآ العآثر عليهآ... تبحث عن ملجئ لهآ يحميهآ من الذنب الذي وقعت فيه ...لآ أحد يستطيع أن يسآعدها فهيء وحدهآ من سيتحمل قسوة النفس وقلوب أودت بهآ الي الجحيم في نظرهآ ... دخلت بهدوء دون أي حرآك منهآ وتأثير الصدمه عليهآ لم ينجلي وعقلهآ لم يستوعب مآ أصابهآ...نآمت بعد عرآك طويل وألم سكن جسدهآ الضعيف والتفكير كآد أن يقتلهآ دون رحمه أو لُطف منه
دخل عليه بعد خروجهآ ثآير ومنقهر من تصرفهآ معه ..قرب منه وعيونه تطلق نظرآت شرآر وحُمره غريبه غير عن نظرآته البارده معهآ وتصرفآته اللئيمه مآجد: شنو سويت فهآ يآوآطي أبتسم بخبث وحط رجل على رجل:ويش يخصك فيه فلوسك صآرت برصيدك مالك شي عندي مآجد وقفه وخنقه مع بلوزته بقوه وصرخ عليه بصوت حاد جدا:قلت ويش فيهآ يالوآطي دفه بعيد عنه بقوه وقال بصوت ساخر:مالك شغل بـ..... مآجد أنشل لسآنه وعقله عن أي حركه او ردة فعل عكسيه ..هدأ كل شي فيه فجأه بعد مده كآنت كافيه لكي يستوعب ماقيِل له مآجد بصوت شبه مختفي من أثر صدمته:أيــش قلـت؟ طل فيه بحده وبنبرة تهديد حاسمه: لآعاد تفكر تقرب منهآ أو تجيب طاريهآ على لسآنك لاني وقتهآ رآح أخليك تندم على كل دقيقه عشتهآ في هذي الدنيآ ماجد بنظرة احتقار:ماكنت دآري عن نيتك الخبيثه لهآ انا سلمتهآ لك بيدي الثنتين هذي "صار يطل بيديه تذكر وجه هنآدي اللي كآن مصدوم من شوفته" كيف قدرت تكذب علي كـــــيــــف؟ مارد عليه دخل في الغرفه التابعه للجنآح اللي هو فيه وتركه برى يستوعب اللي صار في هذآ المكآن
{ماجد} معقوله ؟..معقوله اللي صار الوآطي هذآ يسوي في هنآدي كذا..البنت جمعتني فيهآ احلى الصدف كله بسببي أنا اللي دمرتهآ لو مآكنت اهددهآ واتفقت معه عشآن الفلوس مآكان صار اللي صار ...انت يآماجد اللي دمرتهآ وجبرتها على أشياء ماتبيهآ طعنت أخوك ضيعت شرف أهل زوجته بدل مآتحافظ عليه عشان شوية فلوس ..الله يلعن الفلوس ويلعن الشيطآن اللي زينهآ في عيوني وخلاني اظلم هالبريئه ..أستاهل استآهل مليون كف منهآ مو كف وآحد ....آآآآخ ياربي ويش أسوي كيف اساعدهآ بعد الي سويته
طلع من الجنآح اللي بأفخم فنآدق المدينه طلع زي المجنون سآق سيآرته بسرعه جنونيه وأقرب الى الأنتحآريه كل تفكيره محصور فيهآ ماتغيب عن باله يتذكر كيف سحبهآ وهي تترجآه وتبكي لكن في هذيك اللحظة مايفكر الا بالفلوس وبـس خلى اقرب الناس لهآ يخونها يطعنهآ في ظهرهآ
::: ::: :::
اليوم اللي بعده في بيت أبو مهآ كلهم جآلسين مع بعض حتى ريم أستئذنت من سيف تنآم عند أهلهآ يومين بحكم أشتيآقها لشوق والجلسه مع شهد وسحر ...منسجمين بجلستهم مآهم حآسين باللي يصير من خلف أنظآرهم وخصوصا في قلبين يعيشآن بين زوآيآ هذآ المنزل ريم تنزل فنجآن القهوه من يدهآ :وين هنآدي صايره مآتجلس معنآ ؟ سمر اللي في حضنهآ مشاري تنغص عليه نومته وهدوه بحركآتهآ:مدري ايش جآيه بس نآيمه وماتبي تصحى أبد شوق عقدت حوآجبهآ بأستغراب:لايكون فيهآ شي وحنآ ماندري سحر: مآ أتوقع يمكن صايبهآ خمول وتبي تنام تعرفونهآ تحب النوم وتعشقه ماعندهآ مشكله لو تنام سنه شهد ضحكت على كلام سحر:بس بالعاده تجي عندنآ من أمس مآشفتهآ هي ورغد ريم رفعت حآجبهآ وميلت فمهآ:ايش فيهآ كمآن؟ شوق وقفت ومشت لغرفة هنآدي قربت من الباب اللي كآن شبه مسكر وقفت قبل تدخل سمعت صوت شهقآت متلآحقه دخلت بسرعه زي المقروصه وفتحت الابجورآت اللي جنب سرير هنآدي ..لمحت هنآدي تلف على الجهه الثانيه وتخبي وجههآ بالبطآنيه ...حطت يدهآ على ظهرها ومسحت عليه بحنيه شوق بصوت حنون:هنوده حياتي ليش تبكين؟ هنآدي من بين أوتارهآ المبحوحه وملامحهآ المتورمه من البكاء: خليني لحالي شوق ابتسمت برقه على ردهآ تعرف هنادي زين مستحيل تتكلم الا بطلوع الروح:قلبي هنو اجلسي ابي اتكلم معك هنآدي تدفن وجههآ بالمخده بنبره حاده جدا:شوق محتآجه اجلس مع نفسي مآابي أتكلم مع أحد شوق خآفت من نبرتها: هنو ياعمري اذا ماقلتي لـ... هنآدي صرخت بحده: مآبي أشوف أحد ممكن شوق قدرت انهآ تعبانه شوي وتبي تنفرد بنفسهآ شوي حآسه بالألم اللي تحس فيه هنآدي الأن كل شخص يتضايق أو يزعل يفضل أنه يكون لوحده حتى يرآجع تصرفاته أو يحآسب نفسه وغيرهآ من هذي الأشياء .. طلعت وسكرت الباب ورآهآ وقلبهآ مع هنآدي اللي تعرف شخصيتهآ أكثر من أي شخص ثآني مآفي شي ينزل دموعهآ الا شي كبير وماتقدر تتحمله وهذآ الحآصل فعلا ولكن هيهآت أن يستطيع أحد أن يقلل من حجم مصآبهآ مرت على غرفة رغد وحآولت تفتح الباب لكن للأسف كآن مقفل وسمعت صوت أغنيه عآلي جدآ تستمع لهآ في غرفتهآ دقت الباب لكن مآفتحت لهآ استغربت تجآهلهآ شوق ( ايش صاير لهم وحده تبكي وماتبي تتكلم أو تشوف أحد والثانيه مقفله الباب وصوت الأغاني على أعلى شي معقوله تكون تذآكر؟لالا ما أتوقع بشوف نهآيتها معكم انا ماجيت هنآ ألا حاسه أنه صآر شي بس الله أعلم أيش ذآ الشي ..لطفك فينآ ياررب قلبي مو مرتآح كافي اللي فيني مابي يصير لخوآتي شي موتي ولا تتأذى أي وحده فيهم ..يارب أحميهم وأحفظهم من النفوس الحآقده ) استغفرت ربهآ ورجعت لغرفة شهد المجتمعين فيهآ بدون مآتبين أي شي للبقيه
{رغد}
مشغله أغنيه لرآشد المآجد والصوت لأخر حد ...سمعت كل كلمه وتبكي على كل لحظة حبته فيهآ طحت من عيني بعد ماكنت عالي حبك ارخصته بعد ما كان غالي كل شي برضاه منك الا الخيانه بعدها يحرم على حبك وصالي كم سهرت ايام في حبك مولع مادريت انك بتمثيلك خيالي اشتكي منك واشكيك لعدالة كل منهم قال قلبك ماصفا لي كنت مالي كل قلبي وكل عيني وكنت احسب اني وسط قلبك لحالي واثري قلبك كليوم له حبايب واثري قلبك من احساس الحب خالي يا خسارة وقت في حبك قضيته ضاعت احداثه هدر طول الليالي روح انا ماني متحسف بعادك بس اعزي من بيرضى بك بدالي
ترددت كلمته في بالهآ { تستاهلين أكثر من كذآ لآنك أرخصتي نفسك لي ولغيري}
ليش أزعل وأضيق خلقي عليه أنا ارخصت نفسي له حبيته بس مو ذنبي اني حبيته ذنبي أني خنت ثقة ابوي بأسم الحب وكله طلع وهم ...صح أنا رخيصه رخـــيــصــه مررره سمحت له يلمس يدي وخدي كيف أبيه يحبني ويثق فيني ...آآآآه ياصفعته على كثر ماكسرتني على قد أنهآ قوتني أكثر وخلتني اعرف ان الحب بهذآ الزمن ماله مكآن هذا اللي اعتبرته كل دنيتي يقول عني كذآ كيف البقيه ...كيف لو يدري ابوي متأكده أنه بيتبرىء مني ...يااااااااارررب انا تبت وحرمت احب أو أسمح لأحد يقرب مني يااااارب أرحمني برحمتك ونور لي دربي وأبعده عني قفلت كل شي تعوذت من الشيطان ومسكت كتابها عشان تنسى اللي صار بالأمس وتدآوم بعد تغيبهآ اليوم ..تنهدت وتوكلت على ربها وبدت تذاكر وتسترجع معلوماتها
::: ::: :::
بأحدى مرآكز المباحث في قلب مدينتي توتر من اللي يسمعه اول مره يتخلى عن علاقة الصداقه التي تربطه فيه جن جنونه ووقف معصب في مكتبه وعيونه شوي وتطلع من مكآنهآ يوسف يصرخ على عبدالله: كيف تسمح لنفسك تمد يدك عليها ؟ عبدالله وقف وبنفس العصبيه:قهرتني بأسلوبها الهمجي ..والا ردها عاجبك يوسف بعد عن مكتبه وقرب من مكتب عبدالله:وايش دخلك فيهآ بأي حق تسالهآ أنت مو وليهآ عشان تفرض رايك عليها عبدالله طل بيوسف مصدوم:الحين صرت غلطان عشان مابيها تكشف وجههآ بدل ما انت تنصحها وتخليها تتغطى او على الأقل تتلثم زي دآيم يوسف رفع سبابته بتهديد:شوف عبدالله انت مالك دخل فيهآ نهائيا لو سمعت انك قربت من رغد راح يصير شي مايرضيك أبدآ والا انت تتمرجل عليها عشان عارف ان ابوهآ رجال شايب وماوراها لا عم ولاسند عبدالله بعصبيه حاده وصوت مثخن من الشده:شوف يوسف فهمهآ أني لو أشوفها مره ثانيه بالمنظر اللي اليوم والله أقتلهآ ولا همني شي يوسف مسكته مع ثوبه ودفه على الجدر بقوه بحكم عضلاته وقوته وطولهم المتوآزي:قسم بالله ياعبدالله لو تفكر فيهآ مجرد تفكير انا اللي رآح أقتلك مالك أي درب عليهآ تزوجت وماقالت لك اي شي وبالاخير توصل فيك تقول عنهآ رخيصه "بعد عنه واعطآه ظهره بيمشي وقال بنبرة تهديد حاده" انت الرخيص لآنك سمحت لنفسك تلعب فيهآ والا هي تموت ماتطولهآ عبدالله تنرفز من كلام يوسف: وأيش اللي جابرك تدآفع عنهآ يوسف لف عليه:لآنهآ عرضي وشرفي ولا اسمح لأي أحد يمسهآ لو بكلمه عبدالله ابتسم بسخريه: ماشاء الله صاير رجال يوسف وصل ظغطه للمليون بسبب تصرفات عبدالله اللي مستغرب انها تصدر منه: رجال غصب عنك وعن اهلك كلهم مو زي بعض الناس يلعبون على الحبلين طلع وخلاه بالمكتب لحاله ..دخل سيارته وانفاسه بدت تضيق عليه من الهوشه اللي صارت بينه وبين أعز اصحابه ...دآهمته أزمة الربو مر طيف شهد بعيونه مد يده لدرج السياره بتثاقل واخذ دوآئه بعد بختين هدت انفاسه ورجعت طبيعيه ..حرك سيارته لبيت أهله عشان يتعشاء في هذا الوقت المتأخر لأن المطآعم قفلت وهو ميت جوع من العصر مادخل بطنه الا رشفات من الماء بين كل ساعه وساعه
::: ::: :::
طلعت من غرفتها حست بالجوع فتحت الثلاجه وصلحت لهآ توست بالمربى وعصير فرآوله جلست بالصاله تأكل وهو تراقب التلفزيون بعيونهآ وتتابع أعآده لبرنآمج أوبرآ صحت من غفوتهآ البسيطه بعد مآرضعت مشاري ونامت على طول شآفت الساعه ماحست بالساعه والنص اللي نامتهآ ..اخذت جوالهآ وطلعت للصاله شافت رغد جالسه على الكنب ومتربعه تأكل بهدوء تام ..مشت لها بشويش لآن الدكتوره حذرتهآ من المشي بكثره او بسرعه تؤلمهآ ...وقفت قبال رغد وعلى وجههآ ملامح زعل رغد عقدت حواجبها بحده: ايش بك ماده بوزك شبرين ؟ شهد جلست على الكنبه اللي ماقبلتهآ:بسببك يآ أنسه ليش أمس غايبه واليوم كله مقفله على نفسك صاير معك شي في التدريب رغد: لا الحمدلله شهد مآصدقتهآ: كذآبه صاير شي اعترفي أيش هو ؟ رغد ميلت فمهآ بتأفف: قلت مآصار شي بعدين الدكتور قال عنده عمليه طويله مايقدر يعطينا محاضره ويشرف علينا فقلنا نغيب ونجي بكره شهد بشك:كمان كذابه رغد اخذت نفس طويل وزفرته بحده: طيب ينفع اقولك تعبانه وطفشانه وحبيت أرتاح شهد :رغد ويش فيك ياقلبي والله حاسه فيك ابيك تقولين لي اللي فيك رغد ابتسمت:فيني ارهاق وتعب من المجهود والمذاكره اللي تتعب مرره بس هذا هو حبيت ارتاح اليوم دق جوال شهد وفرحت بالأتصال ..ردت بسرعه: هلآ وغلآ يوسف: هلا بروحي وقلبي وبلسم جروحي شهد :سلآمتك من الجروح ياعمري ..وآحشني يوسف ضحك:وانتي أكثر كثير شهد ابتسمت:فديت الرايق أنآ يوسف: قلت أتصل عليك يمكن صآحيه عشآن طفشان وابي أجي عندك في ذآ الوقت المتأخر شهد : توي صاحيه حيآك بأي وقت يوسف :زين بمر السوبر مآركت نص ساعه وأكون عندك شهد: استنآك على نار يوسف:انتبهي لاتنحرقين هههههههههههه شهد : تنكت انت وجهك ياالله بس باي "قفلت الجوال تضحك " رغد :ويش قال عشان تضحكين كذآ شهد :يقول انتبهي لآتنحرقين ههههههههههههههههههه رغد فطست ضحك:هو صادق اصلا بعد ماولدتي صايره حريقه ههههههه شهد مافهمت قصدهآ:ايش حريقه فسريلي؟ رغد: يعني سمرتي ونحفتي بس كأنك باديه ترجعي زي اول شهد توقف:أروح غرفتي استنى حبيبي أحسن من الجلسه معك والمحشات
بالرياض نآمت بجنآح رزآن قبل يطلقهآ فهد...مرتاحه كثير بمزرعة فهد خصوصا انهآ تذكرهآ بأشخاص تحبهم كثير ...صحت قريب الفجر قامت اخذت لها شور دافي بعد ماطلعت غيرت بجآمتهآ ولبست بنطلون سبورت وبلوزه حفر عليهآ جآكيت كمه جبانيز ولفت شعرهآ كامل وطلعت خصلتين عشوآئيه على وجههآ تعطرت وحطت روج وفتحت البلكونه طلعت فيهآ جلست تتأمل المزرعه قبل الفجر والأضائه والفخامه فيهآ تذكرهآ بقصر جد فهد بجده وكيف البحر يعطيه جو هادي ... دقت في جوالهآ على أخوهآ صفاء:صباح الخير؟ حازم بزعل: صباح النور صفاء قدرت تميز من نبرته انه زعلان:فديت الزعلآن حبيب اخته حازم:الحمدلله انك أتذكرتي أخوك يامهمه صفاء بضحكه خافته: حبيبي حازم لاتزعل مني بس انت تعرف شغلي وسفرياتي اعذرني حازم:اطفش في البيت الوآسع هذآ اللي بس مجرد ديكور في جده لكن مآحد يسكنه الآ أنا والخدم صفاء:ماعليش عارف بابا مايجلس اسبوع كامل في السعوديه من كنآ صغار كيف دحين لمآ صار من اكبر رجال الاعمال في الخليج حازم:لولآ شغلي في المدرسه كان من زمان انتحرت صفاء: قولت لك أتزوج وعروستك عندي لكن انت الله يهديك عنيد واللي في رآسك لازم يمشي حازم:انتي ماتملي من دآ الشي بعد لميآء مستحيل اتزوج صفاء:برآحتك ترى انت بتدخل في التلاتين يعني فكر مزبوط اتزوج وجيب لك أطفال هم فرحة الدنيا بدل جلستك لوحدك انا ماقولتك لك أنساها بس أتنآسهآ ياخي شوفها تزوجت وجابت بنت وولد والتالت في الطريق حرآم عليك...انت كمآن شوف نفسك وحياتك ياحبيبي حازم يبيها تسكت عنها يعرفهآ اذا بتفتح هذا الموضوع:اذا تزوجتي تاني يوم اتزوج صفاء: ماجاء نصيبي عشان أوافق أما انت ولد يعني تقدر تتزوج على طول حازم اقتنع شوي بكلمهآ: خليني افكر شويه صفاء: دآيم هذا مهربك ..يالله انا بكره جايه جده باي حازم :لحظة متى طيارتك؟ صفاء :12 في الليل حازم :اوكي توصلي بالف سلامه قفلت من أخوهآ وأذن الفجر قامت تتوضى عشآن تصلي وتدعي لأخوهآ وأبوهآ ولنفسهآ بعد نص ساعه نزلت تتمشى في المزرعه مع شروق الشمس وبعدهآ تفطر وتطلع مع صحباتها اللي كلمتهم في الليل ... وقفت عند المسبح تتذكر كل أوقاتها اللي قضتهآ ورآه لكن بدون أي فايده لآهو تزوج ولآهي تزوجت أختار أنه يبعد عنهآ لآن قربه منهآ من المستحيلآت السبع في هذي الحيآه ..من سنين تركهآ ورفضت أنهآ ترتبط بأي شخص غيره مهمآ كآن نزلت دموعهآ صورته مآتفارق خيالها وأحلامهآ حتى في يقظتها تظل تتمنى قربه ووصاله ..أمنيتها في هذي الحياه تعرف مكانه عشان تروح له وتكحل عيونها بشوفته بعد غياب دآم اكثر من 8 سنين سمعت صوت ورآهآ صحآهآ من غيبوبة افكارها فهد:صباح الخير مسحت دموعها بسرعه ولفت:صباح الانوآر فهد جلس على الكراسي الخشبيه:ايش سر هذا المكان معكم يالبنات صفاء ضحكت وسحبت الكرسي وجلست:هههههههه صراحه مره حلو هادي ورايق غصب يخليك تروح لعالم تاني فهد ابتسم:ياسلام عالم ثاني وايش عالمك ياصوفي صفاء ضحكت :يآآآآآي من زمان ماحد نادآني في الدلع هذآ فهد:ما انسى موقفي مع هذا الدلع اللي احسبه اسمك هههههههههه صفاء:هههههههههه فهد:غريبه صاحيه بدري صفاء:ورآي مشواربس ممكن اخذ سواقك؟ فهد: كلهم تحت امرك وكل سيارات الكراج بخدمتك صفاء ابتسمت برضا:تسلم يافهد ماقصرت معي ابدآ فهد :ولو ما انسى مواقفك معي بأصعب لحظات حياتي صفاء نزلت رآسها :موت جدك اثر فينآ كُلنا وموت مامتك كمان فهد ما طلعت منه أي كلمه او حركه ..فضل السكون في محله فهد: وين رايحه في الرياض ؟ صفاء:بزور وحده من صحباتي انا ووحده من صديقاتي اللي هنا توهآ ولدت في بيت أهلها فهد: أوكِ انا مطول اليوم في الشركه خذي رآحتك البيت بيتك وكل شي تحت أمرك صفاء طلت في ساعتها اللي صارت 7 وربع:اوكِ انا طالعه اجهز شنطتي عشان طيارتي في الليل وبعدهآ خارجه افطر مع صحباتي فهد: مع السلامه ..طلع مع الباب وهي طلعت للغرفه عشان تسوي اللي قالته
:: ::
صحت من النوم ولبست بدون نفس ماحطت أي شي على وجهها لبست تيشرت اسود وتنوره أسود وشنطه وكُـتشي اسود ومعالم الحزن مرتسمه في وجهها البريء ...طلعت مع خواتها ووصلوآ سمر للمدرسه وبعدها هي وسحر للجامعه دخلت المبنى اللي تدرس فيه وسحر مشت لمبنى الطب... جلست قريب من القاعه مالها خلق تحضر المحآضره اللي لهآ خمس دقآيق بدت تشجعت تدخل حتى تنسى اي شي صار معهآ وقفت ومشت وهي تحس بألم يكسن أحشآئه ويلئمهآ ...دقت الباب بعدت مآ أستئذنت دخلت وشافت عبير في مكآنهآ المعتآد جلست في بدآية القاعه عشان تتحآشى اي أحتكاك فيهآ بعد الساعه الأولى من المحاضره الخاصه بماده الانقليزي طلعوآ لبريك عشر دقايق ..طلعت بسرعه بتروح لدورة المياه وانتم بكرامه ..دخلت وكانت ورآهآ عبير :هنادي ابيك تسمعيني هنادي بدون ماتلف عليها وبدون اي اهتمام:مايهمني اللي بتقولينه يكفي خيانتك لي رجاء مابي اشوفك نهائيا اطلعي من حياتي عبير مسكت يدهآ بترجي:هنآدي مادريت أنه بيأخذك وربي مادريت هو قالي انه بس بيشوفك وانا معك هنادي بنظرة احتقار:وانتي صدقتيه انتي شاركتي في تدميري انتم حطمتوآ حياتي دمرتوني الى الأبد ماكنت أضنك حقيره لهذي الدرجه عبير شوي وتبكي:وربي هو كذب علي ياهنآدي صدقيني هنآدي صفعتهآ كف بأقوى ماتملك وشدتهآ مع شعرهآ ودفتها على الجدر عشآن تثبتهآ:فهميني ليه أعطيتيه الأشرطه كأن أعطيتيه بدون مآ أدري مو قدآمي ياوآطيه ولا ترميني هذي الرميه عبير تحآول تبعدهآ عنهآ لكن ماقدرت: اقنعني اجيبك معي هنادي رجعت سطرتها كف:وانتي الغبيه صدقتيه عبير قامت تبكي:جآني بكلام لين ..انا ندمآنه هنادي صرخت عليها: انتي جيتي في الوقت الضايع ياضايعه ..انتي دمرتيني تعرفي ايش دمرتيني انتي وهو ما اقدر اسامحكم أبد الله ينتقم منكم الله يأخذ بثآري منكم استغليتوني وخربتوآ حياتي عبير بترجي: لا ياهنادي لاتدعين هنآدي بتهديد:عبير لأخر مره اقولهآ لك أبعدي عني مآبي أشوفك في حياتي أو قدآم عيوني الطريق اللي أمشي فيه مابي أشوفك فيه وتأكدي اني ماراح أعدي سوآت فيني على خير ...رجعت للقاعه بسرعه وخذت اغراضهآ وهي تبكي جآت الدكتوره البريطآنيه تسالهآ وتحاول تهديهآ لكن مآقدرت على هنادي اللي تبعدهآ عن طريقهآ ...طلعت من المبنى كله ورآحت لمكآن اول مره تسوقهآ رجولهآ له في الجآمعه التي تحوي على مساحآت شاسعه...تبي تبعد عن كل العيون وترتاح ماتبي أحد يشوفهآ في حالة انكسارهآ ..رآحت خلف مبنى مآ أكتمل بنآئه وجلست في زآويه مظلله ضمت رجولهآ وخبت وجههآ بين ذرآعهآ وصارت تبكي بهستريا وهذيك الليله المظلمه والمشؤمه بالنسبه لهآ ماتفارق بالهآ ...وتصعب عليهآ نفسهآ وهي تتوسل بمآجد وتبكي بحده وتستنجد بعبير اللي تخلت عنهآ وصارت اسيره له ..تتذكر شعورهآ المريب اللي بحيآتهآ مامر عليهآ الا في هذيك الساعات اللي مرت كانهآ سنه { عندك خيارين مالهم ثالث...ياتتزوجيني بالسر ومتى مابغيتك تكوني قدآمي ياقمري وألا تحملين عارك طول عمرك لحالك..} نآرين لامفر لهم كل وآحده منهآ لها طريقتها في التعذيب الخاصه بهآ فضلت نآر على نار ووقع أختيارهآ عليهآ ...بكت بحرقه مابقى اي شي تخسره هي متزوجه الأن لكن لآ أحد يعلم من زوجهآ ولا بأي ارض هو أمآزآل في مدينتهآ ام ذهب لمكآن أخر ومتى ما أرآدهآ تكون رهن أشارته وألا سينفذ تهديده لهآ حست بيد على ظهرها رفعت راسها خايفه ومفجوعه هذا المكان مايخطر على احد شافت بنت ماتعرفها تحاول تخفف عنهآ البنت:خير حبيبتي فيك شي تعبانه لاسمح الله ؟ هنادي مسحت دموعها وتحس بحراره فظيعه بعيونها:لا البنت جلست بمستوى هنادي وخلفها اربع بنات من شلتها تفصلهم خطوات بسيطه:اجل ليش تبكين؟ هنادي:زعلانه شوي البنت:أحد يقدر يزعل القمر...مين المجنون اللي يزعل وحده زيك "سكتت هنادي ماردت عليها " البنت:ياروحي انتي ليش كل شي فيك أسود احد ميت عندك هنادي:لا البنت مسكت يد هنادي:طيب قومي معي غير جو هنادي سحبت يدها:مابي ابي اكون لحالي البنت: طيب برآحتك بس اذا محتاجه شي او تبين اي مساعده كلميني اوكي هنادي بدون ماتعطيها وجه:شكرا ماتقصري بس انا ماني محتاجه احد البنت وقفت وابتسمت لهنادي:ان شاء الله يجمعنآ لقاء قريب هنآدي تعلقت عيونهآ فيهآ ورآقبتهآ الى أن أختفت من قدآمهآ وبدآخلهآ ألف سؤال يدور حول هذي البنت وسبب توآجدهآ في هذا المكآن تحديدآ الذي يندر توآجد البعض فيه ..رجعت رآسهآ وضمت رجولهآ وأحسآسها بالتعب يفوق أي شي قآمت وشدت على نفسهآ عشان تغسل وجههآ وتبعد عنه أي أثر للدموع وتكمل دوآمهآ سواء بحلوه أو مره
بهذآ الوقت دخلت المستشفى وكأن شي ماصار سلمت على صديقآتهآ وطلعوآ للقاعه المخصصه لهم ...كآنت منسجمه معهم وصل الدكتور ودخلوآ الكل لحضور المحآضره بدون أي تأفف والحمآس في هذآ اليوم طآغي عليهم ..بعد مآ أنتهت المحآضره أروى بكسل: احس الوقت مر بدون مانحس رغد تطالع ساعتها:يووه ورانا وقت طويل للظهر يالله الحين نروح في جوله مع دكتور متوحش ههههههه اسيل ترفع حاجبها:خلاص صرنا نمون عليه وطلعت شخصيته الحقيقه انزعي لقب متوحش عنه رغد جلست :كل شي فيه حاد نظرته حوآجبه عيونه رموشه كأن شوك من حدتها صراحه يفجعني لما يخز احد بعويناته اسيل واروى :ههههههههههههههه جاء ياسر وعبدالعزيز وسلموآ رغد – أسيل – أروى:وعليكم السلام ياسر: كيفك رغد؟ رغد :الحمدلله بخير انت كيفك ياسر:بخير ..قلت نسلم عليك عشان امس غايبه عسى ماشر رغد بأرتباك تحاول تخفيه:الله يسلمك مافيني الا كل خير بس تعبت شوي وحبيت ارتاح عبدالعزيز:ماتشوفين شر ..يالله نستاذن رغد:حيآكم ...بعد ماراحو اسيل بقهر:صدق فيهم وقاحه اروى:حسيت انهم يتشمتون على اللي صار معك رغد نزلت راسها وفضلت السكوت وتحاشي طاري عبدالله أسيل بفضول:رغد ماعليش حابه اعرف مين اللي "ماقدرت تكمل" رغد بسرعه قالت: كان خطيبي بس انا رفضته عشان معارض اني ادخل طب وادرس اروى انصدمت:انتي كنتِ مخطوبه رغد طلت فيها ببرود ماتوقعت سؤالها:أيه كنت والحين لا هو تزوج وشاف حياته بس مو راضي يشيلني من راسه اسيل جلست جنب رغد:يمكن يحبك رغد بتهرب :لالا بس حاقد اني رفضته ..الله يخليكم انسوآ السالفه هذي توترني كثير اروى مسكت كفها:ماعليه قلبي سامحينا ووعد ماعاد نجيب هذي السالفه رغد ابتسمت لهم برضاء ووقفوآ متجهين لمكتب دكتور وليد
لبست وكشخت على الأخير حطت ميك آب هآدي تعطرت وأخذت شتطتهآ الفخمه من ديور ولبست صندلهآ المرتفع بكعب بسيط نفس الشنطه لفت طرحتهآ ونزلت ..قبل تطلع حطت نظآرآتهآ بدون مآ تتغطى وخرجت لموعدهآ مع أعز صديقاتهآ اللي تزوجت ونقلت الرياض تعيش مع زوجهآ في قصر أهله الفخم ... طول الطريق تفكر بصديقاتهآ اللي من سنتين مآشافتهم تتخيل اشكالهم وتخمن بعض التغييرات عليهم ...بالأخير وصلت لبيت صديقتهآ نزلت من السياره وكآنوآ بحديقة فلة زوج ابتهال صفاء جريت لأبتهآل وضمتهآ:وحشتيني ياظالمه أبتهال قربت دمعتهآ: وربي أنتي أكثر وينك مختفيه صفاء: مشغوله بدنيتي أبتهال تسحبهآ:تعالي سلمي على عمتي وأخوآت زوجي صفاء بفرحه: يالله أبتهال تهمس لهآ: بسم الله عليك قمر وربي كل يوم يزيد جمالك صفاء ضحكت: وانتي الصادقه كل يوم يضيع عمري ابتهال حزنت على صديقتهآ اللي مآعآشت زي أي بنت بالرغم من غنى ابوهآ الفاحش وحيآتهآ اللي يغبطوهآ كثيرعليها ...دخلوآ الصاله الفخمه وبدت تسلم وأنسجمت معهم قبل روحتهآ مع أبتهال لبيت صديقتهم الثانيه بعد سآعه أستئذون وخرجوآ لبيت صديقتهم .. نزلوآ من السيآرهـ ووقفوآ عند البوآبه الخشبيه الكبيره بعد مآدقوآ الجرس صفاء تتأمل البيت وفخآمته:مآشاء الله تصميمه فخم ابتهال تضحك:عجبك يعني ؟ صفاء تتخصر:بس مو زي قصر بابا صح؟ ابتهآل:ياختي اسكتي لانتفشل دحين لو أحد يفتح الباب ايش يقول عنآ صفاء لفت بتشوف السياره اللي وقفت ونزل منهآ شخص تعرف ملامحه زين .. لفت بسرعه عشان تتحآشى شوفته اللي مامنهآ مفر... انفتح الباب وقبل تدخل طلع ولد لآبس ثوب وشمآغ صدمت فيه الولد: خير ماتشوفين طاحت نظآرتهآ من يدها وانكسرت رفعت عيونهآ المتلونه بلون البحر:أسفه متفاجئ من البنت اللي طلعت في وجهه فجأه وكأنهآ البدر ليلة أكتمآله..سرح بملامحهآ الأروبيه الفاتنه ..نزل بشويش لنظآرتهآ ولمهآ أمآ ابتهال دخلت بسرعه حتى تبتعد عن الأحرآج وقف بذوق ولباقه: أنا أسف كسرت نظآرتك كآنت بين نآرين نآر قلبهآ ونار الموقف المحرج بالنسبه لهآ ردت بشفايفهآ التوتيه:عآدي ماصار الا كل خير ألقت أخر نظرآتهآ على الشخص اللي وآقف على طرف الدرج مو مستوعب توآجدهآ بعد هذي السنين هنآ وتشوفه بهذآ المنظر اللي كآن يتهرب بسببه منهآ دخلت دآخل القصر الوآسعه تحس هالمكآن ينخقهآ ويطبق أنفاسهآ على صدرهآ كل شي بحياتها مر بفترة ركود طويل بدأ يرجع ويعصف بهآ من جديد.. سلمت على أم صديقتهآ اللي أستقبلتهم وذهنهآ في شرود قابلت صديقتهآ وسلمت عليها وعلى طفلهآ الجديد بلهفه وشوق لكن مآزآل أمآمهم جسد بلآ روح ..قبل صلآة الظهر بساعه ..أتصلت على سوآق فهد وخلته يجيهآ أبتهال:صفاء اجلسي أنآ أوصلك في طريقي وأنا راجعه صفاء ابتسمت:سآمحوني ودي أجلس بس لآزم ارجع اجهز نفسي للسفر تدرون في الليل طيارتي منال: أجلسي شوي والله مآشبعنآ من شوفتك صفاء باستهآ على خدهآ:وعد مني لمآ أجي هنآ تاني مره بزورك اوكِ منآل ابتسمت:أوكِ أنتي وعدتيني ووعد الحر دين صفاء:كم منو عندي أنآ ..يالله قلبي انتبهي لنفسك وللبيبي منآل :ان شاء الله صفاء سلمت على ابتهآل وودعتهم وخرجت ...قبل تدخل السياره شآفته يسقي زرع الحديقه ..استجمعت كل قوآهآ ومشت له بهدوء حتى مآيحس فيهآ ...ظلت فتره ورآه تتامله 8 سنين مرت عليهآ بدون شوفته متغير كثير لكن جسمه مآتغير أبدآ صفاء بصوت ممزوج بحزن ودموع: عمر ترك اللي في يده ولف بسرعه عليهآ وشخص عيونه فيهآ...تلآقت عينه بعينهآ اللي أشتاق لهآ كثير
في المدينه تطبخ الغداء ودآخله جو مع صوت الشيخ ماهر المعيقلي وهو يقرآء بعض من أيآت القرآن ...اشتاقت لأجوآهآ اللي تمآرسهآ هنآ روتين حياتها الماضيه في كل زآويه بهذا البيت تتذكر نفسها ..حست بألم في بطنها حطت يدهآ أسفل بطنهآ وجلست ترتاح شوي شوق بخوف(ياربي الالم زآيد بشكل غريب شكلي اليوم بروح للعياده أسوي كشف يمكن الورم زآيد ...يارب انت سندي وعوني كون بعوني ) مشت لشهد بغرفتها فتحت الباب بشويش شآفتها نايمه رجعت سكرت الباب وجلست في الصاله تنتظر وصول خواتها وتريح جسمها الضعيف شوي
بعد ساعه وصلت هنادي وسمر وسحر ..وساعدوآ بعضهم بحط الغدآء بعد مآ انتظروآ وصول ابو مهآ شوق :انا بروح انام شوي بغرفتي تبون شي ابو مها: يبه شوق اجلسي تغدي معنا شوق ابتسمت لعمها: عليكم بالعافيه..حاسه بارهاق شوي وبنام عشان ارتاح سمر: سلامتك شوآقه شوق بحب ردت عليها:الله يسلمك ياقلبي ..شيلوآ السفره اذا خلصتوآ سحر:روحي ارتاحي انا بشيلها واغسل كل شي لاتشيلي هم مشت لغرفتها وشغلت التكييف وانسدحت على سريرها وتحس بظهرها يوجعها كثير ووخز بطنها يزيد ماينقص ...غمضت عيونها بتعب وغطت بنوم عميق على طول
أمآ هنادي قبل تروح غرفتهآ سمعت صوت رغد تسلم على شهد وأبوهآ تركت الكل ورآحت لسريرهآ يمكن تنسى أوجآعهآ ومُصابهآ ... انسدحت في مكآنهآ بدأت أموآج لحلول ضعيفه وغير مستقيمه ..ماتدري أين الصوآب هل هو الكتمآن أو الأعتراف بالذي كآن ... فكرت كثير نست نفسهآ وتوقف عقلهآ عن التفكير عندمآ أغلق أجفآنهآ لترحل الى عالم من الأحلآم
:: ::
العصر صحت شوق على صوت جوالهآ رفعته بكسل وردت شوق:الوو فهد :مسآء الورد شوق: مسآء الخيرآت ..هلا فهد : كيفك حبيبتي وحشتيني موووت؟ شوق ابتسمت وهي تسمع صوته وتحن له: بخير الحمدلله بس فاقدتك فهد :مآي تو شوق بحب:ايش تسوي؟ فهد يلف الكرسي:ابد جالس بالشركه أشتغل طلع لي شغل مآتوقعته شوق قرصهآ قلبهآ:خير في شي صاير؟ فهد ابتسم بهدوء كأنهآ حاسه باللي يصير في غيابهآ:لا ياعمري ماصار شي بس تعرفين الشركآت شوق غمضت عيونها:فهد حاسه بيصيرلي شي فهد بحده: تفاولي خير لآتقولي كذآ شوق كل يوم يكبر هذآ الاحسآس فيهآ: يمكن مآتصدقني بس أنآ متأكده ان في شي بيصير لو عشت اليوم مآ اضمن أعيش بكره فهد خآف من كلامهآ:شوق ايش اللي قاعده تقولينه تعوذي من الشيطآن واذكري الله شوق اخذت نفس:لآ أله الآ الله خلاص انسى اللي قلته فهد خاف عليهآ خآف تحتآجه وهو بعيد عنهآ وتفصلهم مسآفات شاسعه:انا بجي المدينه عشانك شوق :لالا خليك في شغلك انا مبسوطه مع اخوآتي كمل شغلك وتعال على موعدنا بعد اسبوعين فهد بشك:متأكده مافيك شي؟ مآحست باللي يقوله من الآلم اللي دآهمه عن فجأه تمالكت نفسهآ وحافظة على نبرتهآ حتى لايحس بشي:أيه مافيني شي لآتخآف فهد حس برآحه شوي من كلامهآ ونبرتهآ العاديه: انتبهي لنفسك أذا أحتجتي أي شي كلميني أوكِ شوق : أوكِ فهد: مع السلآمه ..قفل الجوآل منهآ ورجع أنغمس بأورقه عشآن ينهي أول خطوه من خطوآته حتى يبتدي خطوه أصعب من سآبقتهآ أمآ هي قآمت توضت وصلت ودعت ربهآ يخفف عنهآ شوي من الألم اللي يجيهآ فجأه ويروح كأن مآصار لهآ شي ..حآفظت على موآعيد أدويتهآ بالثواني والدقايق ...لبست تنوره جينز ميدي وبلوزه كت فوشي ورفعت شعرهآ وحطت قلوس خفيف وطلعت لغرفة شهد حتى لو يجي أحد من أقاربهم دخلت على شهد وهي ترضع مشآري شوق بابتسآمه تخفي خلفهآ جميع أوجآعهآ:كيف القمر اليوم؟ شهد بحب: بخير انتي وينك اختفيتي الظهر شوق جلست بصينيه القهوه:تعبت ونمت شهد :يعطيك العافيه يارب شوق تمد لهآ فنجآن قهوه: تقهوي حبيبتي شهد : مشكوره..أقول شوق وجه هنآدي مره مو عاجبني شوق طلت بشهد: خليهآ على رآحتهآ يمكن متضايقه من أحد بيجي يوم تحكي فيه شهد بخوف: تنتظرينها هي تجي افرضي لو ضآعت البنت هنادي اللي فيهآ شي كبير حت جلسه معنآ زي أول ماتجلس ولا تأكل ترى ماهي حاله البنت بتموت وانتي تنتظريها تتكلم شوق بقله حيله:ويش أسوي لهآ طيب رحت وحكيت معها رفضت تتكلم وصرخت علي ..تبين اغصبهآ يمكن شي خآص ماتبي أحد يعرفه شهد ميلت فمهآ:يمكن " حطت ولدهآ في سريره وقآمت "رآيحه البس ابوي قال أهل معآذ بيجون شوق ابتسمت: اللي خطبوآ سحر؟ شهد ضحكت: ايوه روحي صحيهآ خليهآ تلبس وتكشخ عشان أمه تشوفهآ وتموت عند زوجة ولدهآ مستقبلاً شوق وقفت مع شهد ومشت لغرفة البنآت ..وشهد اتجهت لغرفة رغد وفتحتهآ بشويش طلعت لهآ بجآمه بيضآء أكمآمهآ دآنتيل فيهآ تطريز خفيف بالوردي
أما شوق صحت سحر وقالت لهآ أن أهل معآذ بيجون وقامت مرتبكه أخذت شور سريع وأستشورت شعرهآ عشآن تلبس قبل وصولهم ..فتحت جوالهآ لقت ثلاث مكالمآت من لينآ .. دقت عليهآ سحر: سلآم لينآ بزعل: وعليكم السلام أهلين بالقاطعه سحر: يؤؤ زعلانه مني؟ لينآ:أيووه زعلانه مررره بعد سحر:لمآ أشوفك ببوسك وأعتذر منك لينآ تكشر:ماينفع كذآ سحر: طيب مع الجوال ينفع لينآ بحده: طبعا لا سحر ضحكت: بس بس يالزعلان ..قوليلي أيش اخبارك لينا :اخباري إنا اليوم بنجيكم سحر حمرت خدودهآ رفعت عيونهآ تطل في شكلهآ وخدودهآ المشتعله:حياكم الله لينا:بعدين ليش ما تردين على الجوال سحر:وربي كان سايلنت وانا نايمه لينا : سمآح المره هذي بس سحر:اموآآآآآآه فديتك أنآ لينا:هاه ويش بتلبسين ؟ سحر : ايش دخلك اذا جيتي بتشوفيني لينا :مالت عليك كلمت ريم وقالت ايش بتسوي وايش بتلبس وهي صديقتي مو زوجة اخوي مستقبلاً سحر انحرجت من كلام لينا :ليوووون وجع لينا ضحكت بصوت عالي ماقدرت تمسك نفسهآ سحر: هـيـــه فجرتي اذني ترى ماني مستغنيه عنهآ سحر: لالا صايره تستحين من سيرة الزوآج يالحبيبه المهم ترى انا حبيت اقولك ان خالاتي الثنتين جايات معنآ وجدتي كمآن واكيد انا وماما سحر ارتبكت:الله يحيكم اذا مآشالكم تشيلكم عيوننآ لينا فاطسه ضحك:يبلي اسجل كلام اشك انك في وعيك سحر عصبت:ليون طسي يالله بكمل كشختي لينا :ثقلي العيار ترى بيفصفصونك فصفصه سحر ضحكت:لاتوصين ماخذه احتياطاتي لينا بتقهر سحر: حبذآ لو تلبسي شي قصير او عاري اتوقع تطلعي احلى سحر ضحكت:لالالا فكيني ياختي يمكن مايعجب اهلك لينا:اهلي وأعرفهم خذيهآ مني ياقصير ياعاري يالله باي قفلت منهآ سحر ورآحت لشوق تنآديها حتى تنقي لهم لبس لكن مآحصلتهآ .رجعت الغرفه وسمعت صوت شوق وشهد ورآهآ سحر تتخصر:وينك فيه مدآم شوق شوق تضحك:رحت اعطي جلالي ورقه يجيب ضيافه لآهل زوجك والا ماتبين نضيفهم ياحلوه سحر زآدت حُمرة وجنآتهآ:أكيد ابي المهم تعالوآ ساعدوني أيش البس شهد تمشي وتفتح الدولاب وتفكر بآللي ينآسب سحر أخذت بنطلون جينز لويست وفيه تطريز على الفخذ بالآبيض وفيه فتحآت مبطنه بدآنتيل تركوآز سحبت لهآ بدي توب تركوآز بنفس التطريز اللي على الفخذ شهد بآبتسآمه عريضه:هذآ كشخه ومرتب يطلع عليك جنآآن شوق اخذته ومدته على سحر:يالله روحي غرفتي البسي حرآم نكدنآ على سمر وهنآدي طلعوآ وسكروآ الباب ورآهم ...أمآ سحر رآحت تلبس وتشوف اذا نآسبهآ أو لآ شهد تدق الباب:هآه نفتح سحر بحده:لآ لسى مالبست البدي شهد بتأفف: ياربي لو رغد دخلت وماتقول شي عادي مو هذي من زين اللي بنشوفه شوق ضحكت على كلام شهد: عيب ترى هذي عوره حرآم تنكشف الآ عند "سكتت" شهد رفعت عآجبهآ وكآتمه ضحكتهآ:ألا عند مين تكلمي يابعدي شوق تقرصهآ بشويش:والله أنتي تدمرتي يالطيف منك مآعآد أستحيتي شهد ببرود:ياختي ترآهم كبآر مآعندي أي مشكله معهم شوق :بس بس وربي بموت ضحك وأنتي السبب شهد فتحت الباب بقوه وارعبت سحر اللي كآنت حآول تسكر البدي ..قربت منهآ وبحده: مخليتنآ ساعه عشآن تقفلي هذآ اللي نآشب بين شحومك شوق جلست على السرير وأنفجرت ضحك:حرآم عليك ياشهد يجنن جسم سحر شهد :ارفعي يدك عشآن اسكره لك يالبطه ماتوقعتك تنتفخين ومآيخش عليك سحر بتحطم: ايه زدت خمسه كيلو بس مو باين على جسمي كيف مآيخش اووف مو وقته شهد تضحك: من المذاكره والزرط اللي تزرطينه سكري فمك وسوي رجيم ترى كذآ اهل العريس بيصرفون نظر سحر رفعت حآجبهآ بغرور:هم يحصلون مثلي وين شوق تضحك: أتركوآ الكلام الفاضي وخليني أشوف كيف صار عليك شهد بعد معآنآه سكرت السحآب: كذآ صرآحه يجنن صح شوآقه شوق تتفحصه من ورى وقدآم: جد سحر طالع عليك حلو سحر: احس كآتم على أنفاسي شهد تجلس جنب شوق:عاد تحملي كلهآ ساعه بالكثير وقفت قبال المرآيآ تتأمل شكلهآ وترفع شعرهآ وتسوي فيه حركآت عشآن تقرر أيش تسوي فيه بعد معآنآه قررت تخليه ستريت بدون أي شي .. حطت ميك أب هآدي وتعطرت ورآحت لشوق وشهد بالغرفه وأخذت لفه حولهم سحر: هآه أيش رآيكم شوق : بسم الله عليك تهبلين يالله قولي الأذكآر اخاف يصيبك شي العين حق شهد بحرص:ايوه سحر لازم تقري الأذكآر وقبل تدخلي عيديهآ بعد سحر: يعني حلوو شوق قبل ترد عليهآ سمعوآ صوت الجرس ..ورآحت سحر فتحت وكآنت ريم وآصله بعد مآسلمت على سحر:ماشاء الله ويش ذآ الزين يالدبه سحر شوي وتبكي:لاتكفين ترى تعقدت اليوم وتحطمت ريم عقدت حوآجبهآ: افا من أيش؟ سحر كشرت: تخيلي البدي يالقوه دخل علي ريم انفجرت ضحك ودخلت عند شهد وشوق وسلمت عليهم:أحد قالك كلي وأنثبري لآ تتحركين انتبهي لاتنتفخين اكثر سحر:ايش فيكم اليوم علي شوق ابتسمت: غيرآنين منك شآيفنك قمر وسآرقه الأنظآر عنهم شهد انسدحت عشان تريح ظهرهآ شوي:عشتوووآ لآتكون كليوباترا على غفله سحر تمد لسآنهآ: تخسي والله اني أجمل منهآ بعد شوق وريم ضحكوآ على سحر اللي نرفزت شهد ورآحت للمطبخ تجهزت صحن الحلى والقهوه قبل وصول الضيوف
بهذآ التوقيت في الرياض أخذت شنآطهآ ونزلت للسوآق قدمت موعد طيارتهآ عن أخر الليل ..وأتجهت للمطار وكل شي صار معهآ الظهر يتكرر في بالهآ ألآلآف من المرآت ...كلمآت لآزالت حبيسة ذآكرتهآ المُنشطره { خلآص ياصفاء ماقدرتي تنسي بعد السنين هذي كلهآ} { أنا تزوجت ومرتاح مع زوجتي وأحبهآ وحبك كآن مستحيل بالنسبه لي } { تركت الشغل عندكم وجيت هنآ وتزوجت وحده من مستوآي رضت بفقري وجبت منهآ ثلاث أولآد وبنت } { توقعتك نسيتيني خآصةً أني خآدمك الفقير } كآنت جالسه على مقعده في الدرجه الآولى نزلت دمعتهآ الحآره وحرقت خدهآ... بقت وحيده في دنيتهآ..ضيعت أحلى أيامهآ فلوسهآ وفلوس أبوهآ مانفعتهآ بأي شي ..تنهدت وغمضت عيونها بألم وقلبهآ في دآخلهآ يحترق بصمت وهدوء ...تمنت أن تكون الفتاه الفقيره المكآفحه وليست الفتاه المدللـه ذآت الحيآه المترفه...مرت عليهآ ساعتين في الطياره بدون مآتحس بالوقت تفكيرهآ بعيد لكن حيآتهآ وقلبهآ أبعد ...مسآحآت ثلآثية الأبعآد تسكن جوفهآ ..ومحيط فرآغي يكآد يخنقهآ وأدخنه رمآديه حزينه منبعثه من أحترآق مشآعرهآ المتأرقه
{صفاء} كل هذآ السنين وهم وقفت عند محطته وهو تنآسآني ...أستسلم ومآقدر يجآزف ويختآرني لآني بنت العز وهو الفقير ...آآآه ياررب حياتي فآرغه من كل شي حتى المشآعر اللي كآنت تونسني زآدت همي وتعبي ... ضيعت نفسي وقلبي بشي من المستحيل يصير حتى لو كنت رآضيه بابا بيوقف في وجهي ..أحتآجك ياخالتي أحتآآج لحضنك وضمتك لي ..متى تكوني قريبه مني متى؟!
وصل للمزرعه استغرب اختفائهآ فهد : ميري وين صفاء ميري تمد له كأس العصير:في سافر بدري بابا يقول سلمي على بابا فهد فهد استغرب سفرتها : الله يسلمها ..انا بطلع انام شوي اذا اذن العشاء وماصحيت صحيني زين ميري: اوكِ سير فهد بتهديد: مو تنسي ..طلع وتركها تكمل شغلها دخل جناحه وسكر الباب لبس بجامته ورمى نفسه بتعب على السرير يحس كل عظمه في جسمه تألمه ..لف راسه لمكان شوق الفاضي ضم المخده لحضنه وريحة عطرها تفوح منهآ فهد : الله لايحرمني منك ياشوق ويشفيك غمض عيونه لمح طيفها بعيونه ونام بهدوء وسكون
في بيت أبو مهآ وصلوآ أهل معاذ واستقبلهم شوق وريم شوق تضيفهم: ياحي الله من جآنآ ام معاذ: الله يحيك كيفكم ان شاء الله بخير شوق بابتسامه:الحمدلله بخير ريم جلست جنب لينا : شخبارك ليون ؟ لينا بحياء: الحمدلله ام معاذ:الحمدلله على سلامتك ياشهد يتربى بعزكم يارب شهد: الله يبارك فيك شوق : ماشاء الله ليونه صايره قمر لينا نزلت راسها بحياء دقتها ريم وهمست لها: تراها سلفتك لاتستحين ام معاذ:كيف حال ام رياض شخبارها؟ شوق: بخير الحمدلله خالة لينا: تزورينهم بالرياض شوق: والله مو كثير فهد مايفضى الا بعد العشاء وما أقدر ازورهم بعد العشاء ام معاذ:الله يعينك دوامه مُتعب شوق ابتسم: الحمدلله على كل حال اهم شي راحته خاله لينا:يعني مانخاف على لينا اذا راحت هناك عندها اللي تونسها شوق طلت في لينا وضحكت: خليها تروح هناك وانا استلمها هههههههههههه لينا انحرجت وحمرت خدودها وهمست لريم:متى ناوين يقفلون السالفه ريم انفجرت ضحك وكلهم يطالعون فيها اما لينا طلت فيها مصدومه وحاولت تتهرب من نظراتهم ام معاذ:ايش قلتي لها يالينا لينا بأرتباك:ولاشي بس هي تبي تضحك ريم بجراءه:تقول متى يقفلون السالفه حرام استحت الكل :ههههههههههههههه شهد: طلعت زي صاحبتها الله يستر منهم شوق وقفت : عن اذنكم ...وراحت للمطبخ
