صعب جدآ عندمآ انتظرك وأنا أعلم بأنك تحتفل مع غيري وتترآقص أفرآحك لهم ... كم أود أن تُسجن معي وتبادلني كل مآ أريده يآمعذبي ..كم أريدك أن تحتوي قلقي وأحزآني وترآفق أحلامي بيقظتهآ وحآلميتهآ .. أتوق ألى أن تغتصب حروفي لتنطق لك بحبي وعشقي اللآمتنآهي ...بًّت أكره وحدتي وسودآوية أفكاري بَّت أتحايل على أنانيتي وأجبرهآ على الرضا لوبالقليل ...أنت وحدك من تستطيع أن تجعلني أعشق كل مُنآخاتي بصيفهآ الحارق وأشوقهآ الآهبه بشتآئهآ القآرس وحنينهآ الدفئ ... أنآجي ألهي أن يجبر أحلآمي الضائعه ويحمي أمنيآتي المتهآلكه ... لآ أمل ألا هو ولآ مهرب منه ألا له ..هو وحده قادر على اساعدي وشفائي
انتظرت لوقت طويل حاولت مآ تنآم لكن نعآسهآ يغالبهآ ويتلاعب معهآ ... طلعت لغرفتهآ بدلت ملابسهآ ولبست بجآمه أشتاقت أن تلبسهآ ... أخذت بندآنتهآ الفوشيه وغطت شعرهآ فيه حآولت تلهي نفسهآ بأي شي حتى مآ تنآم قبل وصوله ...سمعت صوت خطوآته قريب منه الباب حطت كل اللي بيدهآ على الطاوله .. دخل ووقف بعيد عنهآ جدآ
وبصوت رجولي مُهيب: السلام عليكم
شوق بأبتسآمه: وعليكم السلآم ورحمة الله
كآن وآقف بكشخته التي تأسرهآ وتأخذهآ لعالم أخر تذكرهآ بأيامها الأولى من الزواج كآنت تعاني من قسوته وأحتقاره وأمتهآنه لهآ لكن مآ صبرت ألا وفٌرجت عليهآ
فهد يأشر: ياهوو وين وصلتي ؟
حست على نفسه وأحمرت خدودهآ خجِله وقفت ومشت له: إن شاء الله أستانست ؟
فهد هز رآسه: أي الزواج كآن حلو وفخم
شوق ثربت منه: أتعشيت ؟
فهد: أي تعشيت
شوق : عوآفي على قلبك
فهد قرب منهآ وباسهآ بنعومه: تسلمين حبيبتي
شوق: ماتبي تبدل ؟
فهد يبعد يدينه: أذا بتسآعدين يآسلآم لآني متكسر من كثر السلام
شوق فتحت أزآرير الثوب: حسبي الله عليهم تعبوك مآعمرهم شآفوآ خير
فهد يضحك: على بالهم أنا أخو العروسه
شوق رفعت راسهآ وبغيره مجنونه:مآشاء الله شايفينك كآشخ كأنك عريس غصب يحسبونك من قرآيب العروسه
فهد:هههههه يووه انتم يالحريم على طول تغارون هذا جزآي اللي اقولك على اللي صار معي ؟
شوق تفتح كبتاته: ايه هذآ جزآك
فهد يسحب يده: أجل هاتي كبتاتي مابيك تسآعديني
شوق ابتسمت بخبث: تريحني والله
فهد يبعد عنهآ: شوفوآ كيف اللئيمه توهآ تعرض مسآعدتهآ والحين تسحبهآ
شوق رجعت جلست على الكنب وحطت رجل على رجل: ماندري مين اللئيم
فهد يغمز لهآ: رآيح البس ورآجعلك في شي وشويآت بقولهآ لك
ابتسمت بخجل وقلبهآ طاير من الفرحه ( وه ياملحه يانآآس أموت عليه نظره من عيونه تقلب حياتي وتأسرني الله لآ يحرمني من عيونه ولآ شوفته ويحميه من كل عين حآسده وشر كل ذي شر .. ياررررب)
دخل وشافهآ مبتسمه وخدودهآ محمره وتطالع بأصابعهآ بسرحآن تام : ياعيني على السرحآنه والأبتسامه من الخد الأيمين للأيسر
رغد بضحك:ويش تبي فينآ الحين صارت مره وعندهآ بيت وزوج تهتم فيه
مهآ حطت يدهآ على خدهآ وبتسأول جدي:تتوقعين هنآدي رآعية مسؤوليه والله أحس زوجهآ يغطي عليهآ ومآيبين
رغد ابتسمت: نفس الشعور بس يالله محد ينولد متعلم مع الأيام بتعرف وآجبآتهآ كـ أم وزوجه
مهآ بتحطم: مآ أتوقع هنآدي تكون أم بتآتآ
رغد مآتت ضحك: لو قلت لك أنهآ حامل بتصدقين ؟
مهآ فتحت عيونهآ على الأخير وصرخت:مستحييييل
رغد تضحك على شكل مهآ: أمس زفت لنآ الخبر
مهآ بعدم تصديق: من جدك تتكلمين ؟
رغد هزت راسهآ:sure
مهآ تقلب عيونهآ :مآ اصدق والله
رغد: بعد كم شهر بتتأكدين
مهآ: ههههههههههههه الله يوفقهآ ويصلحهآ
رغد: أمييين
::
::
صبآح اليوم التالي
نزل من الغرفه والتعب مرتسم على وجنتيه طوآل ليلته المآضي يحآول يهديهآ لكن مآقدر ألآ بعد مآ أتصل على الدكتور قُرب صلآة الفجر وأسعفه بمهدي لهآ كآنت بأشد الحآجه أليه ...مآغبت عينه ثآنيه عنهآ يرآقب سكونهآ ... جلس على الكرسي الخشبي بآلحديقه أخذ أنفآس طويله وعميقه شرب قهوته الصبآحيه حتى تبعد عنه النوم وتسآعده على الموآصله لسآعات طوآل ... سمع صوت من خلفه
مرآد: كيف شوق دحين ؟
فهد تنهد: نآيمه
مرآد ميل فمه: شوفت مآمآ دخلت لغرفتهآ وأنآ نآزل حسبتهآ صاحيه
فهد شرب فنجآن قهوته: أنت ليش مآجلست مع أبوك بالفندق ؟
مرآد: لأنو بيسآفر الظهر لجده ورجعنآ أنا ومآمآ
فهد بأستغراب:وحآزم ؟
مرآد: بيجلس يومين عشآن مآ يسيب صفاء لوحدهآ
فهد ابتسم: أهــآ
مرآد تكى على الطاوله: من جد بتسآفروآ وتخلونآ أحنآ ومآمآ هنآ ؟
فهد رفع حآجبه: ومن قال بتجلسون بتسآفرون معنآ وألا ماتبي تشوف أخوك الثاني
مرآد توسعة أبتسآمته على شفايفه: أكيد أبغى أشوفوه
فهد : قريب المغرب بنسآفر روح جهز أغرآضك
مرآد يطالع الساعه: يؤؤؤ لآحقين نرتبهآ لسآعهآ الساعه 9 الصباح
فهد: طيب
مرآد بفضول: فهد دحين أخوي التآني أيش أسموه ؟
فهد طالعه بحده: مآقالت لك أمي ؟
مرآد يحآول يتذكر: لا
فهد: أسمه بآسل
مرآد بعفويه: الله مرآآ حلو أسمه
فهد بعصبيه: لآ ويش رايك تتغزل فيه بعد تعدل بكلامك يآولد أحس جآلس مع بنت مو مع ولد
مرآد بخوف: يعني أيش أقول متلا ؟
فهد بحده: مآ أدري ويش تقول بس كلام الغنج هذآ اللي تعودت عليه رآح أخليك تعيفه
مرآد كشر: بشويش عليآ
فهد مآقدر يتحمل: قوم أنقلع عني
مرآد بزعل: أيشم سآوي لك عشآن كل مآجلست معآك خآصمتني
فهد صرخ عليه: أنقلــــع
قآم بسرعه وهو يتكلم ويتحلطم بزعل وعصبيه من تصرفآت فهد معه اللي يجهل سببهآ
وتحديدآ عند بيت أبو مهآ قبل تنزل: متى رآح تجي ؟ بآسل: مآ ادري اذا خلصت أتصلت عليك هنآدي : أوكِ .. نزلت من السياره وطلعت لشقة أبوهآ أستغربت أن الباب مفتوح دخلت وسكرت الباب هنآدي بصوت عالي: يآ أهل البيت هل من أحد هنآ ريم طلعت من المطبخ وشآفتهآ: هلآ والله هنو كيفك هنادي تسلم عليها: الحمدلله كيفك أنتي ؟ ريم تلف: زي الورده هنآدي تنزل عبايتها: وين البقيه ؟ ريم: أدخلي الغرفه تلآقينهم كلهم مشت للغرفه وشآفتهم جالسين وبينهم ولدين :سلآم الكل: وعليكم السلآم هنادي:ماشاء الله حتى عمآتي هنآ يعني لو مآجيت ماتتصلون علي أم هديل:ههههههههه ولو أنتي الغاليه هنادي جلست:باين أني غاليه "انتبهت للولدين وبتسآؤل" مين الحلوين ؟ شهد ابتسمت:خمني مين ؟ هنادي تتفقدهم:أمم لو مآ اعرف أن أخوآن عبير كبآر قلت أخوآنهآ خلود: مآتتوقعين مهآ : أخوآننآ ياحلوه هنآدي شهقت: أخوآن مين ؟ رغد: أخوي وأخوكِ عبدالرحمن وتركي محمد القايد هنادي بصدمه: تكذبين ألا اكيد تكذبين شهد: ماعليش توك مصدومه كنآ زيك بس خفت صدمتنآ سحر ابتسمت: مآتحسين أن في وآحد يشبهك بالمره ؟ هنآدي وهي مصدومه: أكيد تكذبون ماهم أخواني عيآل الجيرآن بس أي جآر فيهم ؟ مهآ رفعت تركي لحضنهآ: بالله هذآ مايشبهك من أول ماشفته تذكرت بس انتي شعرك أطول هنادي بحده صرخت: مهآآآوي لا تلعبين معي قوليلي من هذول خآف من صرخت هنآدي وتمسك بملابس مهآ بقوه وغطى وجهه على صدرها مها بحده: عآجبك كذا خوفتيه رنيم وقفت جنب أمهآ وتدف تركي: أبعد عن مآمآ شهد تضحك:بدت غيرة البنات هنآدي لفت على عمتهآ: عمه تكفين فهميني احس اني دخت من اللي أشوفهم أم هديل قبل تتكلم أندق جرس الباب رغد: سمر حبيبتي أفتحي الباب سمر : طيب " وقفت ورآحت للباب فتحته بدون مآ تسأل مين ..تعلقت عيونهآ بالأنسآنه اللي وآقفه خلف الباب وبيدهآ شنطه سودآء صغيره مو بآين منهآ أي شي كـ العآده رفعت الغطآء عن وجههآ المحمر من البكآء وبآنت ملامحهآ المتورمه شوق بصوت مبحوح: ســـمـــر سمر مآتحركت وهي تشوفهآ قدآمهآ مآهي مصدقه أن اللي تفصلهم عن بعض شبة خطوآت صحت على صوت طفل يبكي ونبرة شوق المبحوحه:مآ أشتقتلي سمر بدون أي أدرآك منهآ ضمتهآ بقوه وأنفجرت بحضنهآ: أشتقتلك مووت والله شوق مررت يدهآ على شعرهآ المنسدل: وحشتيني ياحبيبتي سمر سحبتهآ من يدهآ ومآ أنتبهت للي ورآهآ: أحلى مفاجئه وربي شوق قبل تمشي لفت على أم فهد: تفضلي خالتي .. وأنتي ميري أم فهد: تسلمي حبيبتي دخلوآ كلهم ونزلوآ عبايتهم بالصاله بهدوء وبدون مآ أحد يحس فيهم ..بدأ رآكآن بالبكآء شوق: ميري رضعيه أكيد جوعآن ميري:أوكِ مآمآ سمعوآ صوت طفل برى الغرفه أم هديل بأستغراب:أحد بيجيكم ؟ مهآ: لا رغد رفعت صوتهآ: سمر مين اللي جآء ؟ دخلت الغرفه بخطوات هآديه : أنــآ
لفوآ على مصدر الصوت وصرخوآ بصوت وآحد: شــــوووق شوق تبكي قبل تسلم عليهم:ليش مآقلتوآ لي لــيـــش أم هديل ضمتهآ لصدرهآ وبكت معهآ: سآمحينآ ياحبيبتي شوق تبعد عنهم: وألا عشاني بعيده عنكم مآتبون تقولون لي مهآ بحزن: والله كنآ خايفين عليك شوق: هذآ تسمونه خوووف ؟ دخلت أم فهد وقالت: شوق ايش كنآ نقول من الصباح شوق تركتهم ومشت بسرعه لغرفة عمهآ .. فتحت الباب وأستنشقت أوكسجينآتهآ فتحت الأضاءه المكآن فرآغ × فرآغ مآبقى الا بعض الذكريآت قربت من سريره وضمة مخدته لصدرهآ وهلت دموعهآ بدون توقف ..لحقتهآ مهآ وسكرت الباب خلفهآ تقطع قلبهآ على شكلهآ وهي تبكي حطت يدهآ على كتفهآ: شوق حبيبتي مآيجوز اللي تسوينه شوق تخبي وجههآ بيديهآ: مآ أخذت العزآ بعمي خليني على الأقل ابكي وأعزي نفسي بنفسي مهآ:لو كآن حي رحمة الله عليه زعل من اللي تسوينه شوق: مهآوي ليش كل حيآتنآ عذاب في عذآب مهآ:انتي تقولين كذآ ياشوق.. أنتي أكثر وحده فينآ صابره ومحتسبه ..أستغفري ربك وأدعيله بالرحمه والمغفره الموت حق وكلنآ مآشين على هذآ الدرب شوق ضمة مهآ بتعب : مآ عدت أقوى أتحمل أي شي مهآ لفت يديهآ على ظهرهآ: يآ عمري أنتي كلنآ معك كلنآ حولك بس أنتي أهدي خلينآ نرجع الغرفه كلهم مشتآقين لك فوق ماتتخيلين شوق بعنآد: لآ خليني شوي هنآ مآتدرين هالمكآن ويش يعني لي مهآ قدرت رغبتهآ : برآحتك حبيبتي أحنآ ننتظرك برى
بآلغرفه رغد بهمس: تتوقعين مين ؟ شهد بفضول:علمي علمك سحر:هنادي انتي تعرفين قرآيب زوجك مين هذي ؟ هنآدي بأستغراب: والله مدري أول مره أشوفهآ أم هديل دخلت وبيدهآ صينية قهوه: حيآ الله من جآنآ أم فهد: الله يحيك ..ليش تعبتي نفسك أنآ بتطمن على شوق وأروح أم هديل: لزوم نضيفك " مدت لهآ نفجآن قهوه" تفضلي أم فهد: تسلمين هنآدي :ميري هآتي ركوني بأبوسه سحر قربت أكثر من هنآدي عشآن تشوفه ...أخذته بحضنهآ: ماشاء الله كبر شوي شهد: ياحياتي يهبل هنادي تقرص خدوده بخفه: ركونآ حبيبي أنــآ سحر تسحبه: لو سمحتي هذآ ولد أختي بعدي عنه هنآدي تتخصر: وأنآ زوجة عمه بعدي يدك بس رغد تغمز لهم عشآن يسكتون أم فهد بفضول: أنتي زوجة مين ؟ هنادي رفعت عينهآ لهآ: زوجة بآسل أخو فهد أم فهد أبتسمت لهآ " بسم الله عليهآ نعومه .. آآه متى أشوفك يآبآسل وحشتني يآنور عيني " سحر تحاول تسحبه بشويش:الله يخليك وربي ميته على مآ اشيله هنآدي بتطفشهآ: لآ لو يدري فهد أن الكل بيشيله كآن مآجابه شهد: بس أحنآ خآلاته هنادي تضحك: وحيدهَّ والله لآيكسر الدنيآ عشآنه " لفت على أم فهد" صح وألا أنآ غلطآنه " أم فهد: معك حق
أستغربت من نظرآتهآ الغريبه بآلنسبه لهآ كل ما لفت بأتجآههآ تشوفهآ تتفحصهآ بدون ملل أو تعب ... أنشغلت برآكآن واخوآتهآ ومآ سمعت الحديث اللي دآر بالزآويه الأخرى أم هديل: ماعرفتينآ ياشوق شوق ابتسمت بذبول: ماعليش سامحوني والله ماني حاسه بشي أم فهد بخوف مسكت يدها: حبيبتي في شي يوجعك أكلم فهد يجي شوق حطت يدها البارده على يد أم فهد: لا ياخالتي أنا مرتآحه هنا " لفت على عمتهآ ومهآ " نسيت أعرفكم على خالتي نسرين أم فهد وبآسل مهآ طيرت عيونهآ بشوق ونقلت نظرآتهآ لأم فهد اللي أبتسمت ولفت على عمتهآ مستغربه ومآهي مصدقه كلام شوق شوق : كآنت مسافره وتوهآ رجعت ام هديل بأستفسار:اللي أعرفه لما جآء فهد خطبك قال أن أمه ميته شوق بتعب: عمه السالفه طويله مالنآ ومال الي كآن مهآ(أجل في سالفه الله يستر ياشوق حآسه ورآك كومه أسرآر):فرصه سعيده ياخاله نورتِ بيتنآ ام فهد ابتسمت بحب: تسلمين ياحبيبتي منور بأهله الطيبين شوق طلت بهنآدي: خالتي هذي هنآدي تصير شقيقه مهآ وبنت عمي أم فهد كملت عنهآ بهمس: وزوجة بآسل شوق ابتسمت: كيف عرفتي ؟
ام فهد: المهم اني عرفت شكلهآ صغيره ياشوق شوق هزت راسهآ: أي صغيره يعني بـ 22 ام فهد: الله يحفظهآ شوق : هاتوآ رآكآن سحر : اقول انسي أن عندك ولد مآحسبنآ شفنآه بعد بتسحبينه منآ شوق ضحكت: خلي ميري ترضعه سمر بأعتراض: بعدين بعدين لآحقين عليه دق جوآلهآ وقامت برى الغرفه ترد بهمس هنآدي: هلا حبيبي باسل: هاه امرك حبيبتي هنآدي كشرت: أممم ظروري تمرني شوق توها جآيه ماشبعت من شوفتهآ باسل: أوعدك اجيبك بكره من الصباح الحين ابيك تسوين لي أنآ وفهد عشا تعرفين جاي من سفر وتعبآن هنآدي أستسلمت للأمر الوآقع: طيب خلآص بلبس مرني باسل: خمس دقايق واكون عندك تجهزي هنادي :أوكِ ...قفلت الخط ورجعت للغرفه هنادي أبتسمت: كآن نفسي اجلس معكم الجلسه هذي ماتنعوض ام هديل: لسى ماتعشيتي هنادي تلبس عبايتها: سامحوني بس زوجي لحاله مقدر اتركه بدون عشاء شوق وقفت وباستها: الله يوفقك حبيبتي حطيه بعيونك هنادي تتخصر وتكشيره: ياحلاوه قولوا له يحطني بعيونه شهد : مايحتاج نقوله حاطك بعيونه من زمان هنادي تمد لسانه: اووش انتي قاطعهم صوت جوال شوق .. مشت لشنطتها وطلعت جوالها وردت بصوت حزين: اهلين فهد فهد: كيفك الحين ؟ شوق: الحمدلله بخير .. وينك ؟ فهد: جاي لكم بأخذ أمي ونروح لبيت باسل شوق همست: درى عن الموضوع ؟ فهد تنهد: لا بعده مآدرى .. زوجته عرفت ؟ شوق: لا فهد: زين لاتقولين لهآ مرآد بتأفف: قول لها تخلي ماما تنزل صرنا قريبين فهد طالعه بنظره جامده سكته : اقول شوق شوي وارجع اتصل عشان امي تجهز شوق: طيب حبيبي اللي تشوفه فهد بأهتمآم: انتبهي لركون واذا احتجتي شي على طول اتصلي علي شوق: من عيوني ... يالله باي هنادي تأشر بيدهآ: يالله اشوفكم بكره إن شاء الله ..باي الكل : باي طلعت من البيت وركبت السياره هنادي: مساء الخير باسل: مساء النور لفت على الكراسي الخلفيه وشافت أغراض كثيره :اوووف ويش ذا ؟ باسل: مخدآت ومن الذي منه عشان فهد مطول هنا هنادي ابتسمت: اووه اجل بيجلس عندنا باسل يضحك: ايه وتأجلت سفرتي لجده هنادي تذكرت: يووه لايكون بطبخ عشاء مايمدي مرره باسل: لا عامل حسابي طلبت عشاء بس طبعا مانستغنى عن خدمآتك هنادي تغمز له: هذا أهم شي هههههههههههههه باسل: مآ أرتآح وانتي بعيده عني
بعد مرور سآعه وقف عند بيت أبو مهآ وأتصل على أمه يخبرهآ بأنتظآره .. دقايق ونزلت له دخلت سيارته اللي أستأجرهآ حتى مآ تُكبل حركته:مساء الخير فهد+ مراد: مساء النور نسرين لفت لورى وطالعة مرآد المتملل من هذآ اليوم: يالطيف أيش بك زعلآن ؟ مرآد بتأفف: ماما طفشت بموت من الطفش خلينآ نرجع جده أيش نبغى نجلس هنآ فهد مكتفي بأبتسآمه عريضه مرتسمه على خده أمه بتودد: مآعليش حبيبي تحملنآ شوي يومين وبنرجع والحين بنروح بيت أخوك مرآد بطفش: بنشوف أخرتهآ معآكم انتي وأولآدك اللي مدري ايش نهآيتهم فهد بنبره حآده: مرآد تأدب وانت تتكلم مرآد يميل فمه ويرجع لجواله اللي بيده: سورري غلطنآ ومنكم السمآح نسرين طالعت فهد بخوف من ورى لثمتهآ الخفيفه: أتصلت على أخوك ؟ فهد هز رآسه: ايوه وهو جالس ينتظرنآ في بيته نسرين أبتسمت وهي تتذكر هنآدي: زوجته حبوبه أرتحت لهآ بالمره فهد ضحك: ايه هنادي تنحب على طول نسرين تنهدت وأخذت نفس طويل: مطولين على مآ نوصل ؟ فهد يطالعهآ : يعني ربع ساعه بالكثير مرآد من ورآهم بطفش: ياحبيبي ربع ساعه كمآآآن فهد: أمي كيف شوق ؟ ردت بصوت هادي: كويسه فهد : لا قصدي لمآ تركتيهآ كيف كآنت ؟ بنفس النبره: قلت لك كويسه صحيح أنهآ زعلآنه بس حسيت أنهآ هدت لمآ جلست مع أخوآتها وأتكلمت معهم فهد وهو مو مرتآح : الحمدلله ..قربنآ نوصل مرآد : اخيرا جآء الفرج فهد بحزم: امسك لسآنك هذآ لآ أقطعه واخليك تشيله بيدك مرآد ( أووف منه متى ارجع عند بابا وحآزم بدال التهزئ اللي أخذه بالطالع والنازل ) وقف السياره ونزل وسآعد أمه تطلع الدرج وكأنهآ أميرته وقفوآ ثلآثتهم قدآم بوآبة العمآره لف على أمه وبنبرة ترجي قال فهد: أمي عدلي غطآيتك شوي يعني لو أحد شآفك كذآ ويش بيقول نسرين رفعت حآجبه: أكثر من كذآ فهد يرفع اللثمه ويعدلهآ زين حتى تستر اغلب وجههآ: مآبي كل من هب ودب يشوف محآرمي سكتت لأول مره لآن محد تجرأ من قبل وطلب منهآ هالشي كونهآ هي حرة نفسهآ ..وقفوآ عند المصعد ودخلوآ ..ثوآني وكآنوآ وآصلين لعند بيت باسل فهد شد نفسه أكثر وأخذ نفس طويل قبل يدق الباب ...تلقف مرآد ودق الجرس فهد بنظره حآده: شكرآآ ع اللقافه مرآد بينرفزه ابتسم بخبث: ولو أحنآ بالخدمه أنفتح الباب وكآن فهد بالوآجهه ودخل على طول قبل أمه ومرآد وسلم على باسل اللي حضنه بحب وأشتيآق باسل : هلآ وغلآ بأبو رآكآن تو مآنورت المدينه والله فهد يربت على ظهره : هلا فيك كيف حالك بآسل يأشر بعكآزه: زي مآتشوف بخير الحمدلله " دف الباب بيسكر" حيآك تفضل فهد مسك الباب بيده: لحظة معي ضيوف بآسل يغمز له: مآتقدر تخلي أم رآكآن بعيده عنك فهد أبتسم : ياليت والله ...لف وطلع لبرى ..تفضلوآ دخل مرآد وبعده أمه وسكر فهد الباب وأستند عليه وهو يتأمل باسل اللي يطالع مرآد بتفحص ومد يده له : اهلين وسهلييين مرآد ضحك: أهلين بيك فهد يطالع باسل: ما سألت مييين ؟ باسل ينزل رآسه مايبي يطالع بالحرمه اللي وآقفه بين فهد ومراد: مييين ؟ نزلت لثمتهآ وهمست: مآعرفتني يآ بآآآسل رفع راسه بسرعه زي المقروص وعيونه ترمي بنظرآت مبهمه متفاجئه لآ معنى لهآ مرت دقيقه .. دقيقتين ..وثلآث وهو مآ تحرك من مكآنه من أثر صدمته ..بلع ريقه وهو يطالعهآ بعيون دآمعه بــآسل: أمــ......ـــ....ـــي!!! نزلت دموعهآ مآ قدرت تكبتهآ أكثر وردت بصوت مخنوق: أيوه أمـــك رمى عكآزه وركض لهآ ضمهآ بقوه لصدره وهو يصرخ : مآآآني مصدق ..أكيد أنآ بحلم دآر فيها وهو يضحك ويصآرخ : أمي رجعت ...هنآآآآآآآآآآآآآدي أمي أمــــــي بعد عنهآ وسحب طرحتهآ عن شعرهآ ومرر يده على وجههآ وبعيونه دموع فرح تشآركه لحظآته :متأكده أنك أمي حضنت وجهه بين كفوفهآ الدافيه وبكت: كبرت يآ ولدي رجع ضمهآ وأخذ نفس طويل وقلبهآ بشغف وحب قبل كفوفهآ ودفن وجهه بين كفوفهآ الدافيه فرحته بشوفتهآ كفرحة الأعمى الذي أستعآد بصره ليرى أحبآبه .. عآش لمده يحمل أسم يتيم ألم وفجأه بدون أي مقدمآت تعود لتكون بحيآته وينطق لسآنه بأعذب كلمه خُلقت في الوجود رفع رآسه وطالعهآ: مشتآق لك يآ أمي .. والله العظيم مشتآآآق ضمته لصدرهآ ورجعت تبكي أكثر: مو قدي الأيام اللي عشتهآ بدونكم كآنت مثل الجحيم مرآد متكتف بعيد عنهم(ياعيني على الدراما المكسيكيه): مطولين على كدآ بآسل توه يستوعب انه موجود: وهذآ مين ؟ فهد حط يده على شعره وخربه بيده: أخونآ الصغير هههههههههههـ جلسوآ الكل على الكنب وكآنت هي ترآقبهم من بعيد من خلف الباب .. سكرت الباب بشويش وصدمتهآ لآ تقل عن صدمة بآسل: يعني هي أمـــه ؟...ليش مآقالت لي شووق مشت للسرير وجلست عليه وغمضت عيونهآ تتخيل نفسهآ بنفس موقف بآسل ويكون موت أمهآ وأبوهآ كذبه عآشتهآ وترجع تحضنهم وتبكي بأحضآنهم وتمسح أيآديهم دمعتها ... نزلت دموعهآ بصمت مسترسل هنآدي: آآه يبه ياليت موتك يكون كذبه يآآليييت سمعت أصوآت ضحكهم برى وابتسمت بألم سعيدين بجمعتهم بعد غربه وعذاب سنين طوآل قُدر لهم أن يجتمعوآ من رب العبآد .. ولـ جمعت الأحبآب بعد الفرآق ألذ وأجمل مدت يدهآ للكمودينه بتتصل على بيتهم تشوف الأحوال ..لكن أستوقفهآ دخول بآسل وعلى وجهه علآمآت السعآده وعيناه تلمع ببريق الفرح وقفت وابتسمت: تتهنى برجعتهآ يارب ضمهآ بقوه وبصوت كل فرح: مآني مصدق ياهنآدي حآس اني طاير بالسمآء من كثر الفرح أبتسمت لفرحته وبنبره ضآحكه: عساه دوم حبيبي سحبهآ من يدهآ : يالله معي لآزم تسلمين على أمي هنآدي بخوف: سلمت عليهآ في بيتنآ باسل عقد حوآجبه بأستغراب: كنتِ تدرين ؟ هنآدي هزت راسهآ بالنفي: لا بس شفتهآ مع شوق باسل يبتعد عنهآ : ألحقيني بصرف فهد ومرآد للغرفه الثانيه وأنتي تعالي للصاله هنادي تطالع بجآمتهآ: كذآ ؟ باسل ضحك وطلع للصاله ووقف عند الكنب: فهد ماتبي ترتآح من الجلسه ؟ فهد يضحك: قول تبي حرمك تأخذ رآحتهآ مرآد يتكتف: وكمآن هنآ ..أوووف باسل: حيآكم بالمجلس قآموآ عدآ أمه اللي بقت في محلهآ تنتظر خروج هنآدي بآلغرفه لمت شعرهآ بسرعه وحطت روج رودي وتعطرت ومشت للباب فتحته بشويش وهمست :باسل باسل يأشر لهآ: تعالي هنوده مافي أحد طلعت بخطوآت متردده ومنزله رآسهآ بحياء وقفت جنبه : كيفك خالتي ام فهد: بخير حبيبتي ...آسفين أربكناكم بزيآرتنا هنادي: لا عادي البيت بيتكم أم فهد: أيش بكم وآقفين ..ارتآحوآ بآسل: انا بروح عند فهد بالمجلس وانتم سولفوآ مع بعض لين أرجع هنآدي:انا بسوي قهوه أم فهد وقفت: بسآعدك حبيبتي هنآدي: لآ والله خليك مرتاحه كلهآ دقايق وأجي باسل يرجع لأمه بخطوآت سريعه ويجلسهآ: أنتي ارتآحي اليوم كلنآ بخدمتك امه من قلب: الله يخليكم ليآ يا نور عيوني
في بيت أبو مهآ أندق الباب وكآن أبو خآلد رآجع يأخذ عبدالرحمن وتركي ... وقفت ورى الباب وودعتهم بحب رغد تنزل طرحتهآ: يارب أحفظهم وبلغنآ فيهم مهآ ترفع صوتهآ: سمعتك والله سمعتك رغد ابتسمت ورجعت للصاله: وإذا سمعتيني ويش بيصير يعني ...جلست وتربعت جنب شهد اللي مشغوله بولدهآ شوق طلعت آآه طويله من صدرهآ وأعقبتها بـ: كل هذآ يصير بغمضة عين مهآ حطت يدهآ على كتفهآ: وبعدين يآشوق غآوية نكد انتي ؟ شوق طالعتهآ بعيون لآئمه: حطي نفسك مكآني ..عمك اللي بمكآنة أبوك ربآك وتعب عليك ووقف معآك بأصعب أيام حيآتك وأمرهآ حآول يبعدك عن الكل عشآن ترتآح نفسك يودع الدنيآ بدون مآتدرين ..ويش بيكون موقفك وقتهآ ؟ شهد رفعت راسهآ: اللي راح راح ياشوق مانقدر نرجعه شوق تلف وجههآ عنهم : مآ أحد بيحس اللي فيني لأنكم مآعشتم الحيآه اللي عشتهآ رغد بحزن: ليش تقولين كذآ ...طول عمرنآ عآيشين معك وحآسين فيك مهآ : خلآص انسي وأدعي لأبوي بالرحمه هذآ أمر الله مانقدر نغيره شوق: والنعم بالله جآت ميري ومدت لشوق جوآلهآ: مدآم جوآلك يرن شوق : شكرآ ميري .. شآفت مسج من فهد ( نسيتيني؟!!!) سكرت الجوال لأن نفسيتهآ مآتساعدهآ تكلمه أو ترد عليه بمسج ...جآت ريم بروحهآ الحلوه ريم: يالله احلى عشاء لأحلى بنآت في الكون مهآ توقف وتمد يدهآ لشوق: يالله شوق تعبنآ ريم وعمتي لآزم نفضي الصحون شوق رفعت راسهآ وأبتسمت لهآ ووقفت بمسآعدة مهآ اللي قرصتهآ على خدهآ بشويش وبدأت تعلق كالعاده: ايووه نبيك هيكآ يالله أمشي وبعدين ورآنآ سهره طويله عريضه نفصفص فيها العلوم والأخبار على كيف كيفك شوق ضحكت: أي هذا المهم مهآ مسكت يدهآ وسحبتهآ: عصافير بطني بتصوصو وريحة الأكل يمآآآمي تشهي رغد :يالله شهد ماتبي تتعشين شهد بدون نفس: مالي نفس الحين رغد عبست: شلون مالك نفس يالله بتأكلين غصب عنك والله الأكل مع الجمآعه مافي زيه فيه بركه ولذته غير شهد تميل فمهآ: والله مالي نفس رغد تهمس لها: شوفي الكل مجتمعين على السفره حتى عمتي مآبقى الآ انتي يالله عاد لا تزعليني عليك شهد جآملتهآ : طيب والله عشآنكم بس رغد تضحك: أيوه اتركي حركآت الحريم هذي اللي تلوع الكبد شهد ترفع يدها: يارب يوريني فيك يوم يارغد ...عاجلا وليس أجلا رغد ضيقة عيونها بخوف وبترجي: تكفين أستغفري ربك تكفيييييين شهد تمشي عنهآ للمقلط : مابي أستغفر حلال فيك دعوتي رغد بنبرة تغلي: يهووون عليييك شهد لفت عليه : ايه يهوون ويالله من قبل شوي مسويه لي موال عراقي عشان أكل قدآآمي بسرعه
الكل اجتمع على سفرة العشاء أم خلود بحب: الله لا يفرقكم يارب ويجمعكم بالأفراح إن شاء الله الكل: إن شاء الله مهآ تمد يدهآ: سموآ بالله شوق تتأملهم وحده وحده الكل يأكل ومبسوطين ويسولفون ويضحكون ... حست بحنين لأيامهآ المآضيه لمآ كآنت تجهز لهم الأكل وتراعي أمورهم وتلبي لهم طلباتهم سمر تمد لهآ صحن سلطه: شوقه اعرفك تحبين هالسلطه يالله كُلي شوق : تسلمين سمورتي شهد تصب لشوق عصير: وهذآ الكوب مني يالله أشربيه كله سحر: ياعيني على الدلع رغد : عشنآ وشفنا محد دلعنآ ماشاء الله ياحظك شوق تضحك: بسم الله علي وعلى حظي اذكري ربك رغد : ههههههههههه ماشاء الله الله لايضرك ياحلوه مهآ تتربع زين: أقول يازين الضرب بالخمسه ريم تدقهآ: وين الإيتكيت مس مهوي مهآ تغمز لهآ: عند الأكل لا أتيكيت ولآ تمآتيك أهم شي تاكلين وانتي مرتاحه
::: :::
في بيت بآسل تعشوآ الكل وجآء وقت النوم بعد يوم طويل وسفر متعب ...رتبت هي وبآسل مكآن نومهم وأنتهت من شغل البيت ودخلت غرفتهآ وهي حآسه بتعب وأرهآق وحكه تتبعثر على جلدهآ الرقيق ... غسلت وغيرت ملابسهآ عل وعسى تخف عنهآ ... أنسدحت جنبه بآسل: يعطيك العافيه تعبتك معي الليله هنادي : تعبك رآحه بآسل يطالع السقف بفرح: يالله ماعمري حسيت بالفرحه زي اليوم هنادي لفت على جهته وحطت يدهآ على خده وعلى شفاتهآ بسمه بسيطه: طبيعي ياقلبي هذي أم والأم دنيآ بآسل باس يدهآ: معك حق دنيآآ غير ... مافكرت بيوم يصير معي هالشي هنادي بفضول: بسول في سؤال بخاطري اعرف اجابته بآسل : قولي حبيبتي هنادي بنظره جديه: ليش أمك كآنت بعيده عنكم وقلتوآ أنهآ ميته وهي أساساَ عايشه ومتزوجه بعد بآسل تغير وجهه وهو يتذكر كلام فهد اللي صعقه فيه لمآ كآنوآ لحالهم وخبره بالحكآيه من الألف الى الياء : هنآدي هذا الموضوع قفلي عليه ولآعآد تسأليني عنه المهم عندي أن أمي موجوده بيننآ وأتمنى مآ تتضايق منك بكلمه أو تصرف هنادي كشرت: مآني قليلة ذوق عشآن أضايقهآ بآسل: ادري فيك ياعمري أنك أرق وأطيب قلب في هالدنيا بس حبيت أنبهك لأن أمي متعوده على روتين معين بحياتها والكل يخدمهآ هنادي طالعته بنظره مآفهم معنآهآ: تصبح على خير باسل :تلآقي الخير
بجهه أخرى من البيت مر الوقت وهو يحاول ينآم لكن النوم مجآفيه فتح الضوء وجلس على فراشه رجع يديه خلف راسه وأستند للخلف وغآص بتفكيره العميق ...بدأت حياته تركد وتهدأ عوآصفهآ الهائجه بدأت تتضح خطوط مسيرته كآن شآب أعزب وأصبح الأن زوج وأب ..وضعه الجديد لآ يستطيع التأقلم معه ...قطع تفكيره دخول أمه عليه نسرين: ليش مآنمت حبيبي فهد يعدل جلسته: مجآفيني النوم نسرين ضحكت: أكيد مشتاق للحبايب ابتسم كسآبق عهده بالأبتسآم ..ابتسآمه تسحر ممزوجه بنظره حالمه تأسر: كأنك حآسه باللي فيني نسرين: كلنآ مشتآقين يامآمآ بس يالله يومين وتتعدل الأوضاع فهد ضحك بصوت عالي: أعتراف خطير يآ امي خطييير نسرين: ههههههههههههههههه فهد: يعني مو بس مرآد يبي يرجع نسرين: هذي المره طولت بسفرتي كثير فهد: متى نآويه ترجعين ؟ نسرين: بعد يوم أو يومين رآح أكلم أبو حآزم يرتب رجعتنآ وأنت خليك هنآ مابي أتعبك فهد: تعبك رآحه يآ امي أنتي تأمرين أمر " سحب كفهآ وباسهآ" ابي أعوض سنيني اللي راحت ضياع وتهور وجهل نسرين ابتسمت : أولهآ تشيل ذآ الشي " وأشرت على الوشم القديم المرسوم على كتفه" فهد كشر : يووه عاد هذآ يبي له شغله طويله نسرين: هذآ اول خطوه للتعويض فهد: امي ..قولي أنك رآضيه علي نسرين مسحت على وجهه: رآضيه عليك يآ اول فرحتي فهد بنظرآت حزن: تحبيني ؟ نسرين هزت رآسهآ بالأيجآب: رغم كل اللي صار ألا أنك الوحيد اللي غلآه غير عن البقيه أنت اول فرحتي وأول أحسآس حلو بعمري فهد ضم كفوفهآ لصدرها: الله يحلي أيامك أكثر وأكثر نسرين ابتسمت: يالله الحين حآول تنآم .." باسته على جبينه" تصبح على خير طلعت وخلته لحاله يفكر فيهآ ويتحسر على ايامه المآضيه بدون مآ يحس بوجودهآ أو ينطق بأسمهآ ... سحب جواله من جنبه ودق على رقمهآ
وصله صوتهآ المبحوح اللي تحاول تخفي خلفه بكاها: هلآ فهد فهد: كيفك ؟ شوق: الحمدلله أنت كيفك ؟ فهد: نص ونص شوق ضيقة عيونها الدآمعه: يؤؤ ليه ؟ فهد: فاقدك أنتي ورآكآن شوق ابتسمت: ماتفقد غالي يارب ..خلاص تعال شوفنا اذا مرره مشتآق فهد يضحك: والله أجي شوق: ادري فيك تسويهآ فهد: يالبى الضحكه اللي تسحر شوق بنبره خجوله: لالا مشتآآق بقووه هذا شوق لي وألا لولدك فهد: لكم الآثنين شوق: أختار وآحد بس فهد: اكيد لرآكآن شوق تضحك: باييين صرآآحه فهد تغيرت نبرته للجديه: اقولك أخذتي علاجك وألا زي دآيم تنسين شوق: لآ اخذته لاتخاف وراي ستين ألف وحده تذكرني فيه مايحتاج توصي فهد: زين والله ريحتيني شوق: ليش ماتنآم تأخر الوقت ؟ فهد رد بنفس نبرتها: وانتي ليه ماتنامين ؟ شوق بتأفف: لاترد على السؤال بسؤال فهد :انا مانمت لآنكم بعيدين عني وانتي ؟ شوق بعدت الشرشف عن صدرها: وانا عشان تغير مكآني فهد بتحطم: أهــآآآ دخلت مهآ وشهقت بقوه: تكلمين بالجوال وهذي اللي مسويه لي رجه تعبانه بنام شوق تأشر لهآ عشان تسكت ورجعت لفهد: يالله فهد بسكر الحين فهد: أنتبهي لنفسك ولولدنآ شوق : إن شاء الله وانت بعد .. في أمآن الله سكرت الجوال وتعلقت عيونها بمهآ: تبين شي ؟ مهآ : لا سلامتك بس أشوفك سهرآنه شوق تعدل سدحتهآ: شوفيني بنآم يالله عاد خليني أنا وميري ورآكآن ننآم مهآ تسكر الأضاءه :تصبحون على خير شوق: وأنتي من أهله هدأ البيت مآ بقى أحد صاحي ألا رغد اللي كآنت تقرأ كتآب عن علم النفس لقته بالصدفه في غرفتها ..طفشت وقفلته وصلها مسج على الجوال من رقم غريب صدمها " اوقفي عند شباك غرفتك "...مشت للشباك بسرعه وبعدت الستاره عنه استغربت من وجود سياره قبال بيتهم وشخص وآقف جنبها ..بسرعه طفت نور الغرفه ولبست نظارتها عشان تدقق بالنظر أكثر رغد بشهقه:هذآ ويش يبي جاي الحين ؟..راقبته بتأفف وفجأه دق جوالهآ وشافت الرقم الغريب تراجعت عند اخر رنه وانقطع الخط رغد: أحسن " رن الجوال مره ثانيه وأحتارت قلبها ينبض بسرعه وبخوف غريب تشجعت وفتحت الخط وبقت ساكته ..:صباح الخير رغد بهدوء: صباح النور ...: كيفك رغد بجفاء وآضح بنبرتها: خير في شي ؟ وليد بضيقه: اووف ليش كل هذا ...كذا ترحبين بالمتصلين ؟ رغد بتوتر: لو سمحت دكتور وليد اذا عندك كلام قوله وخلنا ننهي المكالمه على خير واذا ماعندك يفضل انك تعرف حدودك وليد بنبره رايقه: رجاء رغد الرسميه خليها بوقتها الحين كلميني زي مآ تكلمين أي شخص بعيد عن الالقاب والمسميات رغد اخذت نفس وقالت: أمر ويش بغيت ؟ وليد: أول شي اوقفي عند الشباك رغد : وبعدين ؟ وليد: اوقفي بالاول وبعدين نكمل رجعت للشباك بخطوات متثاقله ووقفت على جنب مايقدر يميزها اذا موجوده او لا بسبب ظلام غرفتها رغد: وبعدين ؟ وليد يبي يطول المكالمه اكثر: ويش شايفه ؟ رغد بتافف: سيارتك وليد بتمهيد:رغد انت عارفه ليش جيت هنا وبهذا الوقت بالذات رغد: لا والله ما اعرف وليد: كل هذا وماتعرفين او ماحسيتي بشي رغد بعصبيه: لاتلف وتدور علي اذا عندك شي قوله والا مضطره اقفل الخط وليد تنهد تنهيده طويله وأعقبها بـ: أحـــبـــك يآرغد والله العظيم أحبك قفلت الخط بوجهه وعضت شفتها السفلى بقوه وضربت الجدار بقوه وغيض وعيونها مافارقته ...رجع أتصل وماردت اتصل مره واثنين وثلاث وهي مستنده على الجدار وتطالعه بعيون تائهه واحسآس مبهم وتضجر من وجوده بـ الأسفل ردت : في شي بعد ؟ وليد: ابي اسمع ردك رغد: ردي بأيش ؟
وليد: على اللي قلته رغد تميل فمهآ وبنبره جافه: وليد رجاء اتركني بحالي بأعتبر أنك ماقلت لي شي وليد بحده: بس أنآ جاد باللي اقوله رغد: اذا تظن اني بقولك مية أهلين وسهلين تراك غلطان وانت عارف انت أيش بالنسبه لي وليد بقوه: لآ مآني عارف ياليت تقولين رغد: اللي بيننآ تعليم وبس ولايمكن يتطور لأكثر من كذا أنا تعبت منك ومن الكلام اللي ينقال عني ايام الدراسه والقصص والحكآوي اللي صارت وبسببك انت وغبائك ..شوف انا اترجاك هذي المره أنك تخليني بحالي وتبعد عني وليد: يعني مايهمك ويش اللي بقلبي رغد : طبعآ لا ... اخر همي الحب وهذي الخرابيط رجاء رجاء رجاء اتركني لحالي وشوف حالك وليد:مهمآ قلتي ومهمآ بتقولين الحقيقه مآ تتغير أحبك وأموت فيك رغد عصبت: لآعآآد تتصل علي أوكِ ... قفلت جوالهآ بالمره ورمت على سريرهآ وانسدحت جنبه بقوه وكلهآ غيض من تصرفه اللآسوي بنظرهآ ...سمعت صوت فرآمل سياره ركضت بسرعه لشبآكهآ وكآن الشارع فاضي رغد من قلب: يااارب دلني على طريق سعآدتي وابعد عني كل شر
بـ غرفتهآ أشتآقت تفرش سجآدتهآ بمكان احتضنهآ طويلا وكان هو الملجئ والمنفى الوحيد لغربة ايامها وتيهان مشاعرها وتبعثر احلامهآ ..توضت بهدوء وبحركه تكاد لا تسمع صلت وقراءة قرأن بزآوية غرفتها المحببه الى قلبها ...بعد ما أنتهت رفعت يديهآ وبدأت تدعي ربهآ وتطلب من سحائب رحمته وغفرانه ..طال دعآئهآ وتنآثرت دموعهآ وهي بين يدي العلي القدير مسحت وجههآ بكفيها ..نزلت جلالها وقامت بهدوء وقربت من وحيدها الساكن في مكآنه ومعالم النقاء والطهاره مرتسمه على مقلتيه باسته على جبينه وأبتعدت عنه ..أخذت جوالها وطلعت للصاله المظلمه فتحت الضوء وجلست لحالها شوق تطالع جوالها: أكيد نآم صرنا قريب الفجر ..لالا خلوني ادق واجرب حظي ضغطت على رقمه واتصلت ..من أول رنه رد على اتصالها شوق ابتسمت: صباح الخير فهد: صباح النور شوق: شكلك مانمت فهد: ماجاني نوم وأنتي شوق: حتى انا صليت وقراءة قرآن وماقدرت انام قلت اتصل عليك اشوف اذا نمت او لا فهد يضحك: تشوفين والا شي ثاني ؟ شوق عقدت حواجبها بأستغراب:شي ثاني!!! فهد : يعني مشتاقه مثلا شوق:ههههههههه تقريبا فهد: كنت حآآس والله شوق : فهد فهد: هلآ شوق: شرايك نصلي الفجر بالحرم ؟! فهد بدون أي اعتراض: خلاص جهزي نفسك بألبس واجيك عشان يمدينا نوصل قبل الصلاه شوق فرحت: مشكور حبيبي الله لا يحرمني منك فهد من قلب: ولآ منك قفلت جوالها وبسرعه دخلت غرفتها وطلعت عبايتها وشنطتها وقبل ترجع الغرفه شافت باب غرفة رغد شبه مفتوح وضوء الأبجوره متسلل للممر ..قربت ودقت الباب رغد: مين ؟ فتحت الباب ودخلت: ليش مانمتي ؟ رغد: متعوده اسهر " انتبهت لعباتها وشنطتها وسألت بخوف" فيك شي ؟ شوق: بروح انا وزوجي نصلي الفجر بالحرم تروحين معنآ ؟ رغد تنهدت براحه: لآحبيبتي خذوآ راحتكم وأدعي لنا شوق: انتبهي لرآكآن أوكي رغد: من عيوني
في بيت بآسل صحت من نومهآ وكل جسمهآ يألمهآ والحكه زآدت بعدت الشرشف عنها وصآرت تحك جلدها بقوه وعنف اكثر وتحس بأن حرارتهآ مرتفعه قآمت للحمآم وغسلت وجههآ ورجعت لغرفتهآ اخذت المنشفه ونشفت وجههآ ويديهآ ووقفت قبال المرايا شآفت وجههآ وصرخت بــــــــآآآآآآآســــــــــــل قآم مفجوع على صوت صرختهآ اللي أفزعته :بسم الله أيش صاير هنآدي تبكي وتحك جلدهآ: شوف شوف جسمي " تاشر على يديهآ وجههآ " فتح الآبجوره بسرعه وضيق عيونه أكثر ونقز من مكآنه وشهق:ليش متورمه كذا كآن وجههآ متورم ومُتلون بلون الدم الغزالي ردت بصوت خآيف وباكي: جسمي يوجعني آآآآحس كأن شي يقرصني باسل بخوف من شكلها المنتفخ : الحين اوديك المستشفى قام لبس بنطلون وتيشرت بسرعه واخذ عبايتهآ سآعدهآ في لبسهآ ولمس كفهآ المنتفخ وكآن حار: نمتِ مآفيك شي هنآدي تبكي: بسم الله الرحمن الرحيم والله ماكآن فيني شي باسل يفتح باب الشقه بشويش وطلعوآ متجهين لأقرب مستشفى
::: ::: :::
بعد صلآة الفجر وتحديدآ في ساحة الحرم شربت من ماء زمزم وبلت ريقهآ وقفت ولفت عليه: يالله لبست صندلها وقبل تتحرك تسللت يده لكفهآ ومسكها ومشوآ مع بعض ..رفع عينه للسماء وخيوط الظلام بدأت بالذوبآن وشفق الفجر يتسلل برويه يحمل معه نسمآت إلهيه بارده فهد: الجو ماينفوت "لف عليها" صـــح ؟! شوق شدت قبضتها على يده: صـح ضلوآ يمشون بصمت والمسآفات تطول وبعضهآ يقصر فهد: مطولين وإحنا ساكتين ؟ شوق : ماعندي شي اقوله فهد وقف وطلع جواله : اقولك صوريني هنآ شوق طالعته بعيون مصدومه: خيير ويش فيك قلبت مره وحده فهد يطلع جواله وهو يضحك: توي تذكرت سحبت جواله وصورته كذآ صوره :هآه كيف بس اللقطآت فهد: حلووه زي صاحبهآ شوق :ههههههه وآثق فهد يسحب يدهآ وكأنه خآيف انها تضييع منه: تعالي بس ميت جوع بنفطر شوق كشرت: تأخرت على راكان فهد: معه ميري خلينآ نفطر اليوم مابرجعك لين اطفش منك شوق سكتت منحرجه منه سألته: وين نفطر ؟ فهد يأشر على مطعم: هنآ يالله ...دخلوآ المطعم وكآن شبه خالي من الناس الا من بعض الزوآر ..أختاروآ كبينه مغلقه وجلسوآ فيهآ نزلت نقابهآ ولفت على الشباك الزجآجي تتأمل الحرم منه شوق بنظره تأمل: الله شوف كيف المنظر فهد بنفس نظرتها: خطييير شوق سحبت المنيو:يالله اطلب لي أممممممم على ذوقك مافيني انقي فهد: ههههههه كسل أعوذ بالله " طلع يطلب دقايق ورجع لها ..مآحست بدخوله لآنهآ سارحه بعالم ثاني جلس ولآ التفت له والشرود سآرقهآ كليا عيون بريئه وملامح اقرب للطفوله لكن اصبحت شاحبه بسبب تقلب الظروف والأقدار ..وشفآه تبتسم بلطف ..سرقه الشرود هو الأخر يتأملهآ وكأنه يرآهآ لأول مره صحى على لمستهآ ليده شوق: وين وصلت ؟ فهد ارتبك: هاه قريب شوق ميلت فمهآ: وين قررريب ؟ فهد حط يده فوق يدها: عندك شوق طالعته بنظرآت أستفهآم مآفهمت قصده ..كمل بصوت: عيوونك تلمع بشي غريب عجزت افهمه شوق: كل هذا الغموض بعيوني ؟! فهد ابتسم: لآ بس ماقدرت اوصل لسر هالنظره شوق رجعت نفسهآ وتكت على الكرسي : تبيه بدون عناء ؟ فهد: ياليت شوق: سِرها أنت
عند باسل وهنادي فتح باب شقتهم ودخلوا باسل: شآيفه كله من أهمآلك في أكلك ماعاد تأكلين فلافل هنآدي اللي أختفى تورمهآ بعد المهدئ:والله ماعندهم سالفه وانت مصدق؟ باسل يجلس على الكنب: أي مصدق ماشفتي شكلك قبل نروح طيرتي عقلي كانك حونشيه " ورفع حواجبه" خبطته على كتفه :طيب بوريك الحونشيه شنو بتسوي باسل يرمي عليها كيس الكريم: حطي منه قبل تنامين "وقف وتثاوب" الله برجع انام هنادي تسبقه للغرفه وتنزل عبايتها: ياربي مستعجل على النوم باسل يسكر باب الغرفه وينزل بلوزته: أي مستعجل ماشبعت نوم بس خربتي نومتي هنادي بقهر: بدل ماتقول اهم شي صحتك عندي تقول خربتي نومتي باسل يضحك: لا الحمدلله رجعتي طبيعيه هنادي بحده: تستهبل ؟! باسل قرب منها: وانا اقدر استهبل على حبيبتي " سحب الكيس وطلع الكريم" يالله حطي منه حاس انك بتلعبين بذيلك وماتحطين منه هنادي تجلس على السرير: بحط بس كلامهم ما عجبني والله ماهم دارين عن شي
باسل: بتكذبينهم يعني ؟!..يالله بس حطي وخلينا ننام
العصر دخلت مهآ غرفتهآ بتصحيهآ وقبل تقرب منها سمعتها تهذي بأسمه ...عقدت حواجبها بأستغراب وقربت: رغد رغد قومي يالله صرنا العصر ماجاها رد منها رجعت تحاول تصحيهآ لكنهآ منغمسه بنومهآ بدون احساس ...خلتهآ وطلعت من الغرفه مهآ( تصحين يارغيد واعرف من اللي تهذين بأسمها في أحلآمك ) شافتهآ سرحآنه ونغزتها مع خصرها: سرحانه وين مها :ولاشي يالله تعالي نتقهوى شوق :بجيب راكان واجي مها: اوكي جلسوآ كلهم بالغرفه منسجمين بسوالفهم وجوهم العائلي اللي أسترجعوآ فيه اغلب ذكريآتهم وأيامهم بحلوهآ ومرهآ
في بيت باسل أم فهد: قلت لآ أنا بكلم ابو حازم يرسل لي السواق عشان نرجع جده باسل بأصرار: امي قلت لك أنآ بسافر خلاص روحي معي انتي وهذا الشبل " وصقع مراد على فخذه" فهد يحاول يقنعها: امي بلا عناد قالك هو بيسافر ام فهد: لا ابيه يجلس مع زوجته باسل: هي بتجلس عند اهلهآ مراد بطفش: ماما الله يرضى عليك وآفقي المهم نرجع جده لو على سيكل باسل لف عليه: لو قلت حمار مو أحسن ؟ فهد: ههههههههههههههههههه ام فهد :طيب خلاص بنروح مع باسل باسل بفرحه: ايوه قوليها من اول يآ أم فهد ..اجل بكره بنمشي مراد نقز من مكانه: أحلف ؟ باسل بثقل : امم احتمال مراد كشر: اووف يافرحه ما تكمل باسل: انت فهد بخلي مفتاح الشقه معك اجلس لوقت ماترجع الرياض فهد برفض: لا بروح فندق باسل بحده: فهد عن الحركات اللي مالها داعي ليش الفندق وبيتي موجود فهد يسايره: طيب خلآص بقعد فيه أندق الباب وقآم باسل يأخذ صينية القهوه من هنآدي هنآدي بتعب: بروح الغرفه أذا بغيت شي تعال هناك باسل يهز راسه بأيجآب: طيب رجع وابتسم لهم : وهذي أحلى قهوه لأحلى ناس امه وقفت: بروح أشوف هنآدي وراجعه لك باسل: لا يآ أمي راحت ترتاح امه ابتسمت: حابه أجلس معهآ عيب أسيبهآ لوحدها ...طلعت للصاله وأستغربت انه آمو مجوده قربت من باب غرفتها ودقته بشويش كآنت منسدحه على السرير وتعبانه ردت بصوت تعبان: تفضل فتحت الباب بشويش ودخلت وعلى شفاتها ابتسامه نقيه: كيفك حبيبتي هنادي اعتدل : الحمدلله ام فهد: فيك شي حبيبتي ؟! هنآدي : سلآمتك بس حاسه بشوية ارهاق بعد اللي صار اليوم ام فهد: تبين أسويلك حآجه ؟ هنادي : لا مآبي شي بس ابي أريح جسمي ام فهد : الله يتمم لك على خير حبيبتي هنادي من قلب: أمييين أم فهد: بعد المغرب رايحه لزياره .. تجي معي ؟ هنادي بلباقه وهي مو متعوده عليها او تأخذ وتعطي معها أكثر: لا خالتي روحي انبسطي انا بجلس في البيت ام فهد: اجل بخلي فهد ومراد يروحوا معي حتى تاخذي راحتك مع باسل هنادي بأحراج: عآدي ياخاله والله ماضايقوني أبد ام فهد وقفت: ماعليش بس حابه يروحون معي ..اخليك تنامي وترتاحي حبيبتي اذا احتجتي شي نآديني لا تستحي هنادي بحياء: إن شاء الله طلعت وتركتها لحالها بالغرفه ...راقبتهآ ألى ان أختفت عن عينها وابتسمت على تصرفهآ
{ هنآدي } ياحليلهآ مرره طيبه ماتوقعتهآ كذآ ... أول ماشفتهآ حسيتهآ متعجرفه وشايفه نفسهآ بس أكتشفت انهآ حنونه حيييل ولآ تبي تضآيق أحد لو بكلمه ... من جد محظوظ باسل بأم مثلهآ الله يخليهآ لنا ولا يحرمنآ من وجودهآ بحيآتنآ
بعد العشاء كآنوآ الكل بالغرفه وهي من ضمنهم جوآ شهد وريم وزآدوا الجلسه ونآسه كآنت مهآ مسويه حلى وقهوه حتى ينبسطوآ أكثر بجلستهم اللي مآ نقصهآ إلآ هنآدي اللي تراعي باسل وأهله وتلبي طلباتهم رغد وقفت : بروح أصلي العشاء وأجي "ألآ بدخول شوق وهي شايله راكان بين أحضآنهآ " تقبل الله شوق: منآ ومنكم ..جلست على الأرض وتربعت .. سمورتي بالله هاتي رضاعة ركوني جوعان سمر تأشر على عيونها: من عيوني غالي والطلب رخيص شهد تميل فمهآ: ياسلام لو أنآ كان كسرت الدنيا "تقلد صوتهآ" اووف طفشتوني هاتي ودي ياليتكم ماتزوجتوآ وخلفتوآ الكل:ههههههههههههههههههههههههههه رنيم تقرص مشاري اللي صرخ وبكى ...لفت عليه شهد مفجوعه شهد كشرت: ويش سويتي بولدي يامفتريه " أخذته وحآولت تسكته " ريم تسحب رنيم : بطله انتي " وباستها" سحر : لا تشجعينها على الضرب شوق تبوس راكان: وه يا نظر عيني شوفوآ الزين اللي غطى على الكل سحر كانت بجنبهآ وباسته بقوه: أحــــــبـــــه حلالالاه غير شهد : والله مافي زي ميشو شوفوآ العيون الساحره سمر بلقافه: سبحآن الله يوسف مصغر شهد تضمه: يالبييييه دخلت مهآ هآيجه وصرخت بصوت عالي أفزع الكل وعلى وجههآ معالم العصبيه المجنونه : ويـــن رغد؟! شوق استغربت من شكلهآ قبل دقايق كآنت تكلمهآ بهدوء وروقآن والحين أنقلب حالهآ رأس على عقب ردت بصوت هادي: راحت تصلي ريم خافت من شكلها: مهآ ويش صاير مهآ لفت عليهآ ردت بحده: أنخرسي مابي اسمع احد تبادلوآ نظرآت الأستفهام والفضول وعيونهم أنتقلت على رغد اللي دخلت وسألتهم: مآشفتوآ جوالي مدري وين حطيته مهآ تخصرت ورفعت حآجبهآ بقهر وعصبيه طلعت الجوال وأشرت فيه: قصدك هذآ ؟ رغد ما لآحظت ملآمحهآ المحتده: ايييه " مدت يدهآ لكن قبل توصل له صفعتهآ بكف صدم كل العيون اللي تراقب الوضع بصمت بحت " غمضت عيونها ماهي مستوعبه الكف اللي لآمس خدهآ الناعم بقوه أختل منهةتوآزنهآ ..بعدت شعرهآ عن وجههآ اللي تبعثر بعشوآئيه وطالعت مهآ بعيون تائهه ونظرآت متفاجئه شدتهآ مع شعرهآ بقوه وصرخت عليهآ:هذي أخرتهآ توصل فيك أن تخلين بيتنآ لموآعيدك الغراميه .. كذآ ابوي ربآك " شدتهآ بقوه وصرخت بصوت أعلى" ردي وين لسآنك دفتهآ بقوه وصرخت: عن ويش تتكلمين !! أكيد انجنيتي صفعتهآ كف ثآني وأنطلقت صرخآت من الكل :مهآآآآآ ... فتحت الجوال على صندوق الوارد وورتهآ رساله وليد اللي نست تمسحهآ .. وبالصدفه لقت له مسج وصل من ربع ساعه مهآ تبكي وتشد بلوزة رغد بقوه: لييش يارغد ليييش ..ضيعتي ثقتنآ فيك ياحسآآآفه ماتعلمتي من غلطتك الماضيه ... من ويش مخلوق قلبك رغد تطالع الجوال بعيون مصدومه حاولت تحرر نفسها من قبضه مها لكن ماقدرت مها تهزها اكثر: ردي ...والا ماعندك رررد على سواتك رغد تبكي:أبعدي ..خليني بحالي ..كانت بتضربها لكن كانت يد شوق اسرع ليدها ومسكتها .. بعدتهم عن بعض شوق بحده: مها بلا جنان ويش قاعده تقولين انتي ؟ مها تمد لشوق الجوال وبعيون دامعه: اقري شوفي بنت عمك المحترمه ويش يطلع منها شوفي اختي المـ...
شهد صرخت عليها: مهآآآ التزمي حدودك لو سمحتي ...كلنا نغلط مافي احد معصوم من الخطأ تركتهم وراحت لغرفتها قفلت الباب على نفسها واستندت عليه نزلت دموعها كالسيل الجارف وقلبها ممتلي قهر وألم من الظروف التي تعاندهآ والقلوب التي لا تتفهمها .. ضمت رجولها لصدرها وخبت وجهها وارتفع صوت بكاها
بـ مكان الحدث شوق: بدل ماتعدلين الوضع تزيدينه سوء مها بقهر: تبيني اشوف اختي ترمي نفسها بالنار واسكت شوق بحده: مو بالطريقه هذي .. انتي بأسلوبك هذا تخلينهآ تصر على الغلط مها لفت على شهد: وحضرتك اكيد عارفه وساكته شهد بقوه: ويش دخلك انتي .. ترى رغد كبيره وفاهمه وواعيه تسوي اللي تبي ماحد له دخل فيها ومو انتي اللي تجين تحاسبينها .. حاسبي نفسك قبل شوق بترجي: الله يخليكم ماله داعي التجريح مهآ تتخصر: شوفيها واقفه بصفهآ بدل ماتنصحها شهد انقهرت من كلامها :اسمعي مها رجاء لاتتدخلين برغد إن شاء الله تموت مالك دخل فيها مها بنبرة قهر: انتي اللي لاتتدخلين فيهآ وابعدي عن طريقها سحر وقفت : خييير كأنكم أطفال مو كأنكم بالغات وواعيات شوق: مها رجاء خلي كل شي علي انا بتفاهم مع رغد وبعرف منها ليش سوت كذا شهد بتنجن من ظلمهم لها: لآ تظلمونهآ رغد مالهآ ذنب بس انتم متهورين على طول تحكمون على الأمور بدون ماتدرون عن الظروف ... خلتهم بالغرفه وراحت لرغد دقت الباب وكانت تسمع صوت بكائها .. ترجتهآ ألآلآف المرات لكن دون فايده .. مايوصلها أي رد منها شهد تبكي: رغد حبيبتي افتحي اوعدك محد يدخل الغرفه غيري رغد تصرخ: خلوني برووووحي مابي أحد ماااابي ... أكرهكم كلكم كـــــــــــلـــــــكـــــم شهد بترجي: افتحي الله يخليك افتحي بعد ربع ساعه من ترجي شهد وشوق اللي حاولت مع شهد لكن ماشافت أي تجاوب من رغد ورجعت لعند البقيه .. فتحت لشهد وكآن وجههآ متورم من البكاء وعيونهآ مُحمره ودموعهآ مبلله خدودهآ ...أرتمت بحضن شهد وطلعت شهقه تردد صدآهآ بالممر المجآور لغرفتها .. وتأهوهت بألـــم شهد شدتهآ لحضنهآ أقوى وبكت معهآ: بس ياعمري حسبي الله ونعم الوكيل فيهم رغد بحآلة مزريه من البكاء وبصوت متقطع تتخلله شهقآت لآ إرآديه لآ تستشعرهآ سوء القلوب المقهوره التي لآ حول لها ولا قوه:مآسويت شي ...والله ..والله شهد تدخلها الغرفه وتجلسهآ على السرير: وربك أني أعرفك مآتسوينهآ رغد تأشر على قلبهآ: آآآآآآآآآآه بموت من القهر شهد تضمهآ: سلآمتك من القهر يا قلبي لاتحرقين أعصابك مايستاهل الموضوع رغد تمسح دموعهآ: ليش حظي كذا ؟.. ليش التعب يعشقني قلبي مايتحمل والله مايتحمل شاركتهآ البكاء بالصمت .. خانهآ النطق عن التبرير وقلبهآ يعتصر ألماً وتوجعاً على آآآهآتها التي تخرج من صدرهآ وكأنهآ خنآجر تطعن مخارج حروفهآ ...طالت مده أحتضانهم لبعض وأنسكآب الدمع من أجفانهم دخلت شوق وأوجعهآ قلبهآ على شكلهم وبالأخص رغد المنهآره تمآما شوق: تعوذي من الشيطآن الرجيم وأستغفري ربك أنه توآب غفور رغد صرخت وضربت خدودهآ: مآســـــويـــت شـــــي مـــآآآآســــــــــــووووويــــــــت شوق خآفت من ردة فعلهآ العكسيه:مآقصدي رغد : أطلعي برآآآآ مابي الآ شهد ..محد يحس فيني غيرهآ محد يعرف أسراري ألا هي .. برآآآآ اطلعوآ من حياتي كلهآآ .. كلهآآآآآ شهد تمسكهآ: أهدي مايصير اللي تسوينه طلعت شوق وسكرت الباب شآفت بعيونهآ لمعة القهر والغبن ... رفعت راسهآ وشافت ريم وسحر وآقفين وسمعوآ رغد وصرآخهآ اللي يصدح بأركآن البيت كله ريم بتألم: تحزززن سحر: لآحول ولاقوة إلآ بالله .. ويش نسوي سمعوآ صوت باب الغرفه انفتح وشهد تجري ورآهآ وقدرت تمسك يدهآ : استني يارغد بروح معك رغد تسحب يدهآ بقوه: أبعدي عنـــي شوق تحاول تمنعهآ:وين بتروحين ؟!! رغد تصرخ: مالك خص فيني مهآ طلعت وبغرور: رايحه تقابلينه حبيب القلب وتشكين له ؟! رغد لفت عليها وردت بحقد: انقلعي عند زوجك مالك مكان بيننا طلعت بعد ماصدمت الكل بكلمتها .. وشوق وشهد يحلقونها في المدخل شهد تبكي: رغد لا تصيرين مجنونه شوق: استني بنجي معك طنشت الكل ونزلت لغرفه جلالي وخلته يشغل السياره ومشوآ على طول ... وهي بالطريق اخذت جوال جلالي ودقت على هنادي هنادي بصوت ناعس: هلا رغد : هنادي وين بيت روان ؟ هنادي باستغراب: لييش ؟ رغد صرخت: بدووون ليييش قولي وييين ؟ هنادي: جلالي يعرفه ... سكرت الجوال بوجهها رغد وهي تبكي: وديني بيت روان صديقة هنادي جلالي بفضول: زيين .. بس انتي ليش يبكي رغد والله انتي كويسه وجوا قلب مرره نظيف رغد زاد بكاها وماردت على كلامه ... بعد دقايق طوال وصلوآ للـ الفيلآ اللي تسكنهآ روآن وأهلهآ .. مآ أنتبهت للسيارات اللي وآقفه في حديقة البيت ..نزلت من سيارتهم ودقت الجرس ثواني وأنفتح الباب ...:نعم رغد: وين روان ؟ ..:موجوده رغد: ابي اشوفها ضروي ..: تفضلي دخلت وهي تبكي وبصوت عالي نآدت: روآآآآآآآآآآآآآآن .. روآآآآآآآن وييينك ؟ طلعت من قسم الضيوف مرعوبه من الصوت اللي ينآديهآ وأم فهد ورآهآ روآن شهقت: رغــــــــد ؟! رغد تبكي : وين ولد عمك الـ ... روآن قربت منهآ والخوف ممتلكهآ: ويش فيك رغد ؟ رغد صرخت: مالك خص ابي ولدك عمك المحترم ويييينه ؟ روان: بقسم الرجال عندنآ ضيوف رغد تبكي : ماشاء الله علييييه الحين أوريه لفت تبي تدور على قسم الرجال لكن يد روان كانت اقرب لها: أستني الحين اخليه يجي رغد تبعد يدها عنها : لآ ابي اشوف ابوكِ بعد عشآن يعرف الدكتور وليد ويش يسوي ببنآت الناس روان شهقت: وليييد ؟ رغد: اييه روآن: دالي روحي نآدي وليد بسررررعه رغد بحده:قلت لك ابي اشوف ابوك كمآن روان تحاول تمسكهآ: استني لا تتهوري رغد : ههه اتهور ؟.. أي بتهور عاجبني التهور اليوم ام فهد اللي عرفتهآ : يابنتي اهدي رغد تبكي بحرقه وقلة حيله: مقهوره قلبي ينفجر من كثر القهر .. تركتهم وطلعت مع الباب وكآن بالصدفه أن وليد جاي للبيت من الملحق الارضي الخاص بالضيوف تعلقت عيونه فيهآ وهو يشوفهآ تسكر الباب وتبكي .. لفت وشآفته ومشت له بسرعه وصرخت: يآحقير ... حسبي الله ونعم الوكيل فيك ... اشوف فيك يوم وليد بخوف: خييير ؟! رغد تبكي رفعت يدهآ بتصفقه كف لكن وقفتهآ روان : رغـــــــد رغد تبكي: أنت خربت حياتي الكل صار يشك فيني بسببك حتى أختي أقرب الناس لي خليتهآ تجرح قلبي بسببك وليد بحده: أيش مسوي ؟ رغد تتخصر: لآ مآسويت شي صراحه وأمس!! جاء أبو روآن على اثر صوتها وفهد اللي انصدم لمآ شاف رغد واقفه وعيونها متورمه من البكاء ابو روآن: ايش اللي صاير ..خير إن شاء الله وليد بأرتباك :خير ياعمي.. سوء تفاهم رغد تبكي: شوف وليد بكره تجي تخطبني فآآآآآهم وتعدل غلطتك بنظر اختي وألآ بقتل نفسي وأرتاح من هذي الحياه رجعت للسياره ورمت نفسهآ على الكرسي بقوه بدأت تفقد احساسها بجسمها ونفسها تكت على ورى وهمست بصوت مبحوح من كثر الصراخ: روح جلالي غمضت عيونها وكآن اخر شي تدركه بيومها
ببيت ابو مهآ سآعتين مرت على خروجها من البيت شهد بقلق: والله لو يصير لها شي مآ اسامحك يامهآ مها تبكي حاسه بالذنب وضميرها يأنبها:خلاص بس اللي فيني كافيني ريم: الله يسآآآمحك مآكآن له داعي كل اللي صار شوق اللي فقدت أعصابهآ: يارب كون معهآ .. دق جوالهآ وردت ..هلا فهد
فهد بثقل: هلا فيك ..كيفك شوق ماتبي تحسسه بشي: الحمدلله انت كيفك ؟ فهد: ماشي الحال ... وصلت رغد؟ شوق بلعت ريقها وخفق قلبها من الخوف: من قال انها برى ؟ فهد بنبره قاسيه: شوق انا عارف بكل شي وصلت والا لا ؟ شوق: لا لسى فهد شهق: ماجات البيت ؟.. لها تقريبا ساعتين طالعه من عندنا شوق بخوف: ايش؟!!! ساعتين فهد : ايه .. شوفي سواقكم بسرعه واعطيني خبر سكرت من فهد وعلى طول اتصلت على رقم جلالي .. حاولت اكثر من مره لكن مافي أي استجابه .. مرت ساعه وهم يتصلون على جلالي لكن تنتهي محاولاتهم بالفشل شهد تبكي: اكيد صار شي سحر تهدي شهد: تفائلي بالخير مها حاطه يده على فمهآ وتراقب الوضع ودموعها على خدها .. رجعت اتصلت شوق على جلالي شوق صرخت: جلالي وينكم ؟ جلالي بصوت مخنوق: هذا رغد مافي يصحى مدام شوق : كيف يعني ؟ جلالي : مايدري مدام انا قول رغد رغد بس هو في نوم مافي يتحرك شوق تبكي: مآآآآتت ؟ الكل صرخوآ: لآآآآآآآآآآآآآآآآ جلالي: والله مافي يدري مدام انا في مستشفى .... شوق تبكي: طيب لا ترجع احنا بنجي الحين ... سكرت الخط وكلمت فهد فهد: تجهزي الحين اخذك شوق: طيب دقايق واكون جاهزه مها تبكي: بروح معك شهد : وانا بعد شوق : لا مايصير لازم وحده تجلس بالبيت مع البقيه ...مهوي انتي ابقي هنا شهد بحرقه: أي مو كل اللي صار بسببها ريم : خلاص مو وقته شوق: ميري انتبهي لراكان رضعيه ونوميه ميري: أوكِ اتصل فهد ونزلت هي وشهد واتجهوآ للمستشفى وسبقهم وليد وعمه حتى يتطمنون على رغد
بـ المستشفى ظلوآ وقت طويل في الأنتظآر .. حاول وليد يدخل ويتطمن عليهآ لكن ماقدر .. طلع الدكتور د: وين اهل المريضه شوق وشهد قاموآ بسرعه له: إحنآ يادكتور شهد تبكي: ريح قلبي الله يريحك دنيا وأخره د: الحمدلله هي بخير الحمدلله لكن مافاقت من الأغمآء لسى ولي: كيف مآ فاقت ؟ د: أسف دكتور وليد بس المريضه بسبب الزعل هبط الضغط عندهآ وسببهآ لهآ إغماء كلهآ سآعه وتصحى بإذن الله وقتها بتطمن عليها اكثر وليد: أقدر أدخل اتطمن بنفسي د: اذا سمحوآ لك أهل المريضه فهد يطالع شوق اللي تنتظر رده هو لأنه بمقام الأخ لهم : طيب وليد أدخل شوف بس لآ تتأخر علينآ شهد لمحته يبتعد عنهم وقالت: شلون تسمح له هو سبب اللي رغد فيه فهد : بس هو دكتور وعارف شغله خليه يشوفها شوق استندت على الجدار ومن قلب قالت: الله يقومها لنا بالسلآمه الكل: آآآمين انتبه لعم وليد يأشر له مشى له وابتسم: هلا ابو روان: كيفهآ البنت .. صارت أحسن ؟! فهد: نقول إن شاء الله أبو روان: الله يسمع منك ياولدي هذا وليد ماتخيلت يطلع من كل هذا الشي راح اتكلم معه وأفهم الموضوع ياليت تخبر أخوآتها ان كل شي راح يتصلح فهد: لاتشيل هم يابو روان سوء تفاهم ويتعدل مع الوقت
عند شهد وشوق شهد بهمس: اصلا هو من زمان يتحرش فيها ويسبب لها مشاكل هي في غنى عنها وزوجك خربها وخلاه يدخل جوا الله يعلم ويشب يصير شوق بتهديد: شهد مو وقته هذا الكلام الله يسعدك لاتزيدين الطين بله شهد بحقد: انتي شفتي كيف واثق من نفسه وكأنه المجني عليه شوق بتأفف: اووه شهد ويش كنت اقول توي شهد زفرت اوف حاره : طيب سكتنا لمحوه يقترب منهم وتعلقت كل العيون فيه ... مشى بثقه وشجاعه وكأن شي لم يكن فهد: بشرنا ؟ وليد هز راسه: الحمدلله هي بخير ..بس لازم تكون 12 ساعه تحت الملاحظة الكل تنهدوا براحه فهد: يعني نقدر نرجع ؟ وليد: ايه تقدرون شهد تهمس لشوق: أنا بظل عندها شوق بأعتراض: لا تعب عليك شهد بإصرار: قلت بكون معها وماأقبل أي نقاش انتي وزوجك ارجعوا وخلوني معها شوق أستسلمت للأمر الواقع: طيب اللي يريحك بي طمنينا عليها وكلمي زوجك شهد: زين بس انتبهوا لميشو شوق: ابشري تفرقوآ الكل عدآ شهد اللي توجهت الى الغرفه الموجوده فيهآ رغد وجلست على الكرسي تنتظرهآ تستفيق من اغمآئتهآ المفاجئه لهم
فتح باب السياره وهو يشوف نظرات التهديد بعيون عمه ركب بهدوء وهو ينتظر عمه يفجر كلماته بوجهه ويطلب منه التبرير ... حرك السياره بهدوء وكله خوف من ملامة عمه له
{ وليد }
أيش هذي الورطه ؟!.. ماتوقعت الأمور بتوصل لهذا الدرجه كلها كلمه أعجآب وتصرف طايش بلحظة مافكرت بعواقبها ... ياربي ايش قاعد يصير كأني بمسلسل والله بمسلسل بغمضة عين تقولي تعال اخطبني وانا اللي احاول فيها من شهور بس تعطيني ريق يشجعني أتجراء وأطلب هذآ الطلب ... لكن الحين تغيرت الامور لو بترضى فيني بس عشان تبري نفسها من ظلم اختها اللي مدري ويش مسويه فيهآ وجننها مو حبا فيني او تقدير لمشاعري ... بس ياترى انا برضى اكون زوج وانا عارف انها ماتحمل لي أي ذرة مشاعر ممكن ترسم لنا حياه زوجيه سعيده ... آآآآخ بس جبت الشقى لعمري
ابو روان: فين سرحت ؟! وليد ابتسم: مين قال سرحت بالعكس معآآك عمي ابو روان: لا تتوقع اني بتغاضى على اللي صار ...انت غلطة ولازم تكفر عن غلطتك وليد بملامح جديه: بأي كفاره ؟ ابو روان: تروح لأهل البنت وتوضح لهم كل حاجه كانت بينكم وتعتذر لهم وليد : بــس يا عني ابو روان بحزم: بدون بس .. ياولدي اكثر شي يجرح الشخص انو يطيح من عيون أهله ويفقد ثقتهم بيتوه وتظلم حياته لآنهم مابيشوفونه بالعين اللي كانوا يشوفوه فيهآ وليد بلع ريقه واخذ نفس: إن شاء الله ابو روان: بصراحه مستغرب عليك تصرفات الولدان هذي انت ياوليد .. انا اللي كنت اشوفك واعي وعاقل ومثقف يطلع من تصرفات زي كذا .. ليش ايش الأسباب أكتفى بالصمت على سؤال عمه وعيونه مركزه بالطريق والسيارات اللي تتجاوزهم ... ضغط اكثر على الدركسون ودعس اكثر على البنزين وزآد سرعته ابو روان: شوف ياولدي انت ولد اخوي ومكانتك في قلبي كبيره اذا تبي تستقر في حياتك وتتزوج من بكره نخطب لك بس أنت تكون مستعد انك تفتح بيت وتتحمل المسؤوليه وحياة العزوبيه والتوهان تسيبها وتشوف نفسك وليد: لما اكون مستعد بأجي واكلمك ياعمي بس بالوقت الحالي هذي الفكره خارج نطاق افكاري ابو روان طالعه بنظره استفهام: الله يستر من نطاق افكارك
::: ::: :::
في بيت أبو مها أخذ الخوف من وقتهم الشي الكثير ... ومر الوقت عليهم مرور المتثاقلين بعد وصول شوق استلموها بالأسئله وكأنهم في حضرة تحقيق .. ابتعدت عن الكل وقبل تدخل الغرفه لفت شوق: مها ابيك شوي " دخلت الغرفه" لحقتها وهي مدركه لبوادر ما سيدور بينهم ... سكرت الباب واستندت على التسريحه: نعم شوق: الله ينعم عليك ..انتي عارفه ويش بقول مها نزلت راسها: داريه ويش بتقولين اني متهوره وما اعرف اتصرف وامتص اخطاء الغير شوق بحده: مو بس كذا يامها احيان احسك جاهله ما استفدتي من تعليمك ولا شي مها طيرت عيونها اكثر: كييف ؟ شوق تسترسل بكلامها: اللي سمعتيه بكون صريحه معك انتي خليتي الموضوع يسلك طريق غير اللي مفروض يسلكه .. ويشب يضرك لو اخذتيها بغرفه لوحدكم وسألتيها وعرفتي أصل السالفه وحاولتي تساعدينها .. الحين شوفي كيف الفضيحه صارت بجلاجل تهورت هي الثانيه وراحت للرجال والله يعلم ويش صار مها غضت شفايفها: ماقال لك زوجك ويش صار ؟ شوق: لا ماقال ولا لي وجه اسئله اصلا ويش بقوله بالله مها خربت الدنيا وظلمتها وهي ماقدرت تستحمل ؟ حرام يامها حرررااام تقربي منها لا تبعدينها عنك مها شوي وتبكي: وربي قصدي اني خايفه عليها تسوي شي بنفسها مجنونه تسويها رغد شوق: رغد مو طفله الحين صارت راشده تعرف تميز صحيح الغلط مانسكت عنه ولازم تتعاقب عليه لكن مو بذا الاسلوب كذا انتي تفضحينها بدل ماتسترين عليها مها تنهدت: والله اني ندمانه وراح اراضيها وهي بعد المفروض تقول لنا اللي يصير معها شوق: هي كتومه وما تفضفض الا لشهد لانها تسمعها وماتلومها وتخليها تطلع كل اللي بقلبها شوفي شهد عارفه كل اللي صار وواقفه معها مها: يارررربي والله قلبي يتقطع عليها شوق: مهوي احنا الكبار وإحنا اللي لازم نكون القراب لهم اتمنى انك تتعلمين من اللي صار وما نكرر الخطأ ممره ثانيه مها : توبه ماعاد بتلقف بخصوصيات شوق انسدحت على السرير: آآآآآه ياظهري مها بخوف: ويش فيك؟ شوق: ظهري يوجعني اليوم بذلت مجهود على غير العاده مها: الله يعينك اجل ارتاحي الحين وانا بشوف البقيه بنأكل شي خفيف وننآم شوق تطالع الساعه" أيه تأخر الوقت بكره جمعه خلونا نصحى بدري مها ابتسمت : طيب " طلعت من الغرفه وخلت شوق لوحدها والتعب مسيطر عليها " مهآ: ريم انتي وسحر حطوآ شي نأكله قبل ننام ريم: بسوي لنآ سندويشات توست ..قومي سحر معي سحر: ياحياتي شهد ما أكلت شي واكيد ماراح تنام بالمستشفى من الازعاج ريم: الله يكون بالعون مشوآ للمطبخ وأخذت مهآ مشاري ترضعه قبل ينامون : رنومه آآآح اتركيه رنيم تلعب بشعر ميشو: سعروه حلوو ماما مها : أي حلو بس اتركيه رنيم: ماما ديبي زيوه مها تطالع بمشاري : طيب بكره اجيب زيه بس روحي عند سمر
:: :: الساعه 1 بعد منتصف الليل فتحت عيونهآ بتعب وهي تحس جسمها مرهق جدآ ... تأوهت بتوجع وبدأت تتضح الرؤيا لها حست بيد شهد تلمس جبينها وتسمي عليها شهد: هاه حبيبتي ويش تحسين فيه ؟ رغد تغمض: راسي يوجعني مصدعه حيييل شهد: ارجعي نامي وارتاحي رغد رجعت فتحت عيونها : وين انا ؟ شهد مررت يدها على خدها: بالمستشفى رغد كشرت: المستشفى ؟! لييش شهد: تعبتي شوي وجبناك هنا.. خلاص لاتتكلمين كثير وارجعي نامي غمضت عيونها وعآدت لسباتها وعيون شهد مآ تفارقها .. سمعت دق ع الباب وطلعت شهد: هلا حبيبي يوسف : بشري كيف صارت ؟ شهد: الحمدلله صحت وتكلمت معي يوسف بفضول: ويش صار لها ؟ شهد طالعته بجمود وبعد دقايق قالت: مدري فجأه طاحت علينا ..يقول الدكتور سوء تغذيه مع سهر وارهاق تعرفها ماترحم نفسها يوسف: يالله قدامهآ العافيه .. قلت امركم بالطورآي اشوف اذا تبين شي شهد: تسلم ياعمري ارجع نآم ورآك دوآم بكره يوسف: الله يسلمك .."غمز لها" أشوفك بكره إن شاء الله شهد ضحكت: إن شاء الله بس احتمال ابقى ببيت اهلي يوسف فتح عيونه: ويش؟!! انسسسي الليله وبـــس شهد : سوسي يرضيك اخليهآ وهي محتاجتني يوسف: أيه يرضيني .. لاتحاولين بأي طريقه مآفي يعني مافي بكره اجي أخذك شهد: اصلا احتمال اذا صارت كويسه نرجع الصباح للبيت يوسف: يكون أحسن بعد عشان امرك على طول شهد:اوك .. برجع لرغد يمكن تصحى وتبي شي يوسف: طيب انا رايحه مع السلامه فتحت باب الغرفه ودخلت بشويش عشآن ماتضايقها ... جلست ونزلت طرحتهآ ولفت بسرعه لمآ سمعت صوتهآ تبكي قربت منهآ بسرعه وحطت يدها على راسها بحنيه: رغودتي تبكين ؟! رغد فتحت عيونهآ الممتلئه بالدموع :أي ابكي مالي حل غير البكاء شهد: حبيبتي خلاص انسي رغد ابتسمت بالأم: أنسى ... بعد كل اللي قالته لي وتبيني أنسى مهآ جرحتني يا شهد جرحتني حيييل شهد: يوووه بتأخذين على كلامهآ .. الأنسان لما يعصب مايعرف ويش يقول بس صدقيني تلاقينها الحين ميته على ماتعتذر منك رغد: وجرحهآ لي بالصميم بيمحيه أعتذار ؟! شهد تمرر يدها على شعرها: لاتصيرين حقوده اللي فات مات " سكتت لثواني أعقبت كلآمهآ بـ" رغد ليش رحتي لـوليد رغد بجمود وهي تتذكر كلامهآ له: مدرري بس حسيت أني ابي أعاقبه لأنه خلى مهوي تشك فيني شهد بفضول قاتل: ويش قلتي له ؟ رغد طالعتهآ بنظرآت دآمعه: يخطبني شهد شهقت: مجنونه ...اكيد مآنتي صاحيه لمآ قلتي له رغد تهز كتوفهآ ببرود: مآعآد يهمني شي انا تعبت كل شي ضدي تفهمين ويش معنى ضدي " وصارت تبكي بصوت عالي " ضمتهآ لصدرهآ وربتت على كتفها: لازم تقولين له أنك مآنتي وآعيه لما طلبتي منه هالشي وكنتِ معصبه وماتدرين ويش تقولين رغد دفتهآ ودموعهآ على خدها: بس أنــآ من جد ابيه يخطبني
رغد دفتهآ ودموعهآ على خدها: بس أنــآ من جد ابيه يخطبني شهد وعلى وجههآ تجآعيد الصدمه: شنوو ؟!.. وليييه يارغد انتي الحين بوقت مضغوطه فيه قرارك هذا لما تهدين بتتراجعين عنه رغد جلست ومسحت دموعها بأطراف اصابعها: ماراح أتراجع عن قراري هذا شهد تسايرها: طيب لما يصير وقت هذا الكلام نتكلم فيه بس الحين نامي
في بيت باسل مر اليوم بثقل وكسل عليهآ .. فتورهآ زآيد هذا اليوم انبسطت برجوع أم فهد حتى تتنشط وتسولف معهآ .. بعد ما الكل دخل غرفته بقت هي وأم فهد بالصاله أم فهد: هنآدي رغد اختك وإلآ بنت عمك هنادي استغربت سؤالها: أختي أم فهد: كم عمرهآ ؟! هنآدي: امم الحييين بحدود الـ 25 او 26 أم فهد: ماشاء الله الله يحفظهآ هنادي: ليش تسالين خالتي ؟! أم فهد ابتسمت: مجرد فضول حبيبتي لو كآن عندي ولد قدهآ خطبتهآ له هنادي تضحك: أصلا هي رافضه الزواج قبل ما تخلص دراستهآ أم فهد هزت راسهآ: الله يوفقهآ بدراستها هنادي ( غريب ليش تسألني عن رغد بالذات اكيد ورى سؤالهآ مغزى .. بس ياترى ويش هو مدري !!..لايكون من جدهآ نآويه تخطبها ..بس لمين ماعندها غير مراد وصغير يمكن براسهآ شي هالحرمه ... يالله مصيرنآ نشوف ) : تبين أسويلك شي خالتي ؟ ام فهد وقفت: تسلمين حبيبتي رايحه أنام تصبحين على خير هنادي : تلاقين الخير انتظرتها لين دخلت ودخلت هي غرفتها طلعت جوالها واتصلت على البيت وهي تعدي ان سمر ترد عليها ..: الوو هنادي: صباحوو سمر : هلا هنوده هنادي : أوووش وطي صوتك .. كيفكم سمر تنهدت: الحمدلله .. وينك اليوم ماجيتي والا اتصلتي فاتك الأكشن اللي صار هنادي عقدت حواجبها بحده نبرة سمر ماريحتها:خير ويش فيكم سمر : صارت مشاكل كبيره في البيت هنادي شهقت : اوووف مشاكل ويش؟! سمر بنبره اقرب للهمس: بين مها ورغد .. والحين رغد بالمستشفى طلعت من البيت واغمى عليها ووصلها جلالي للمستشفى هنادي حطت يدها على قلبها: يؤؤؤ وكيفها الحين ؟ سمر: شوق رجعت من عندها تقول بتظل للصباح تحت المراقبه مدري ويش وبتطلع عاد هنادي بحده: كل هذا يصير وماتتصلون علي صدق مافيكم خير سمر بخوف: خفت من مها تسويلي سالفه تصدقين صايره متوحشه هنادي: طيب ليش تهاوشوا سمر: دقيقه بسكر باب المجلس عشان اتكلم زين هنادي جلست على السرير وتربعت وانتظرت سمر ترجع تكمل لها الحكايه سمر: الو هنادي: كملي يالله سمر: بيني وبينك لاتقولين سمر قالت هنادي عصبت: اخلصي سمر: رغد كانت تكلم واحد ومها عرفت بالسالفه وقلبت البيت على راسها هنادي شهقت: أفـــآآآآ رغــــد سمر: شوفي هي السالفه طويله بس هذا اللي عرفته بقية الموضوع عند مها وشوق وشهد وطبعا رغد هنادي: طيب طيب بكره راح اجيكم إن شاء الله ولاتقولين اني اتصلت سمر: طيب .. يالله باي سكرت الخط وحطت الجوال على الكمودينه وسرحت لبعيد
( عشان كذا سألتني عن رغد ... بس معقوله عرفت بالسالفه والله فضيحه لو تدري .. ولا بعد تكمل زين لو تدرين بقصتي مع باسل بتصير درآآمآ لا يُعلى عليها ) أتصلت على شهد لكن أعطتهآ مشغول .. دخل باسل باسل: ويش تسوين ؟ هنادي تميل فمها وتلعب بشعرها: استناك تجي باسل: انا بسهر مع فهد نامي انتي هنادي هزت راسها: زين تصبح على خير باسل يطفي النور: وانتي بخير
:: ::
ظهر اليوم التالي صحت على صوت جوالها وكانت شهد تخبرها بجيتهم للبيت بعد الصلاه شوق: ميري غيري شرشف سرير رغد عشان ترتاح اكثر واقفلي الشباك والستاره ميري: أوكِ مدام شوق لفت على مها اللي تحضر الغداء وفكرها مشتت بين رغد وكيفية اعتذارها وقبولها له شوق : مها اتمنى ماتزعلينها او تضايقينها بكلمه مها هزت راسها: طيب شوق: اذا شفتيها تصد عنك خليها على راحتها لسى النار ما طفت مها اخذت نفس طويل: تدرين عاد ... بتصل على بندر يجي ياخذني انا ورنيم لبيت اهله منها انا اريح اعصابي ومنها تهدأ الأمور بيني وبين رغد شوق رفعت حاجبه: اعتبره هرووب؟! مها: هروب رحيل اللي هو انا بعد متضايقه شوق ميلت فمها: اذا يومين اوكِ بس اكثر لا مها: بروح اتصل عليه يمكن يجي قبل يوصلون شوق: طيب حاولي تلحقين عليه طلعت بسرعه لغرفتها واخذت جوالها ... بعد نص ساعه كانت جاهزه لبست عبايتها ولبست بنتها وشالت شنطتهم الصغيره اتصل عليها عشان تنزل .. وقفت بأخر الصاله مها: انتبهوا لنفسكم والله الله بشوق ترى محتاجه تراعونهم ريم وسحر وسمر: إن شاء الله مها: مع السلامه" مسكت يد رنيم " وقبل يوصلون للباب أنفتح ودخلت شهد وهي ماسكه رغد بيدها وأثر المغذي فيها .. تلآقت نظرآتهم وبدأ الموقف يزدآد سوء كل وحده ترمي للأخرى نظرآت كبرياء وزعل .. تداركت شهد الموقف شهد: السلام عليكم الكل: وعليكم السلام مهآ تصد بوجههآ عن رغد اللي بعد صدت عنهآ: عن أذنك شهد زوجي تحت وتأخرت عليه شهد وسعت لها: تفضلي انقذت ريم الموقف: هلا رغد الحمدلله على سلآمتك "قربت منهآ وضمتهآ "خوفتيني عليك رغد ابتسمت بذبول: تسلمين ياعمري سحر : تعالي اجلسي تبين نجيبلك شي رغد: كأس مويه الله لا يهينك شهد جلست على الكنبه وهي حاسه بتعب وأرق: وانا بعد هلكانه على الأخير سمر تمسح على وجه شهد: يؤؤ باين عليك التعب ادخلي نامي شهد هزت راسها: ايه بنام مآ أشوف طريقي"طالعة رغد" حتى رغد محتاجه ترتاح وتنام شوق : هلا وغلا برغوده ..الحمدلله على سلامتك رغد: الله يسلمك جات سحر : تفضلي شربت كأس المويه ومدته لسحر ووقفت: عن إذنكم بروح ارتاح غمزت ريم لشهد اللي قالت: وأنا بعد ببدل ملابسي وأنآم شوق: مابترجعين بيتك؟ شهد: لا يوسف طلع دوامه اليوم طويل ... يالله بروح انام وانتبهوا لميشو شوق: اوك حبيبتي
بالغرفه دخلت وشافتها تبعد شرشفها عن السرير وتنسدح شهد: ماتبين تأكلين شي ؟ رغد بدون نفس: اذا صحيت أكلت شهد تقفل الضوء: براحتك رغد بعد ماغمضت عيونها: وين راحت مها ؟ شهد :مدري والله
بعد صلاة العصر دخلت الغرفه ولقته يرتب شنطته بهدوء ... سكرت الباب وتكت عليه هنادي بنبره هاديه: باسل وديني عند خواتي اشتقت لهم باسل بدون مايرفع راسه: بكره بتروح وتشبعين منهم لآننآ بنمشي بكره الصباح هنادي كشرت: بس ابي اروح لهم اليوم " وشددت بنطقها " باسل طالعها : هنادي قلت لك بكره بنمشي وبتجلسين عندهم يعني لازم تروحين اليوم هنادي مشت وجلست بزعل: ايه لازم اروح اليوم وانا جالسه طفشانه هنا باسل بحده: قلت بكره يعني بكره لاتخليني اخذك معي لجده هنادي طالعته بقهر وتخصرت: ماشاء الله تهددني بعد باسل بحده رمى بنطلونه بالشنطه: ايوه اهدد مين حضرتك عشان مآ أهددك ؟ هنادي ردت بنفس حدته: باسل لآ تكلمني بهذا الأسلوب ...انا ماني صغيره تنفخ عليها باسل بنفس حدته: دآمك تعرفين أنك مو صغيره افهمي كلامي من أول مره هنادي بتأفف: أنت صاير لآ تطاق أنصدم من كلمتها وصرخ: أنــآ لآ أطاق ... وإلآ أنتي اللي لا تطاقين هنادي ميلت فمهآ وقالت بنبره ساخره:كل واحد عارف نفسه ... مايحتآج المح لك مشى لهآ بسرعه وعصبيه مسكهآ مع كتفهآ وشدهآ عشآن توقف وعيونه تطلق نظرآت بركآنيه .... بدون أي مقدمآت صفقعهآ كف صرخ عليهآ بصوت عالي سمعوهآ كل المتوآجدين بالبيت أشر على الباب: تبين أهلك روحي لهم... أنتي طالق تعلقت عيونهآ فيه بعدم تصديق .. مآ تخيلت بيوم أنه يلفظ هذي الكلمه لأجل كلمآت أتفه من أن يكون هذآ عقابهآ ... نزلت دموعهآ من قوة صدمتهآ شهقت بألم مشت للكمودينه سحبت جوالهآ ,اتصلت على جلالي هنادي بصوت باكي: جلالي تعال بيتي بسرعه جلالي: مين انتي ؟ هنادي تصرخ: هــنآآدي " رمت جوالهآ على الأرض وتبعثر لكِسر ... طالعهآ بعين محتقِره وطلع من الغرفه وسكر الباب ...كآنت بالصاله مع مرآد وسمعوآ صوته وهو يصرخ عليهآ طلع على وجهه معالم العصبيه الجنونيه عض على شفايفه بقوه وضرب الطاوله الخشبيه برجله المُصابه بقووه سحبت مرآد ومشوآ لعند فهد بالمجلس وتركوه لحاله حتى يهدأ شوي بعد ربع ساعه كآن الهدوء هو المسيطر على البيت ... والكل بأنتظار مجهول أندق الجرس وفتح مرآد ..:السلام عليكم مرآد: وعليكم السلام ..: وين هنآدي ؟! مرآد: مين أنت ؟ ..: أنآ جلالي مرآد ابتسم: طيب الحين اقول لماما تقولها " دخل واعطى امه خبر " وهي بدورها مشت للغرفه ودقت الباب لكن مآجآه رد .. فتحته وشآفتها تسحب شنطة ملابسهآ ورآميه ملابس باسل على الأرض ولابسه عبايتهآ هنآدي تبكي: بعدوآ عني أم فهد بحزن: أستني حبيبتي هو كآن معصب اكيد ندمآن هنآدي تبكي بصوت عالي: ندمآن وألا مو ندمآن انا قرفت منه مابيه .. مابيه الحمدلله أنهآ جات منه مو مني كآن جالس على الكنب ومتمدد بحيث انهآ ماتشوفه وسمع كلامهآ اللي طعن قلبه أم فهد تحاول تمنعهآ: صلي على النبي يابنتي ... كل شي بتصلح هنادي بتعدهآ عن طريقها وتسحب شنطتهآ:اللي أنكسر مايتصلح .. مـــآ يتصلـــح هو كسر كل شي فيني ..مشت لحد الباب وسحب جلالي منهآ الشنطه ونزلت وهي تبكي بحده وصوت بكآهآ يتردد بالمكآن دخلت السياره وزآد بكآهآ اكثر ... مره تشهق ومره تصارع كتمآنهآ ..وصلت للبيت نزلت من السياره وطالعت البيت وأنهمرت دموعهآ بغزآره ...دخلت للمدخل ومرت من شقة أهل عبير تسمع صوت ازعآج ورجه وقفت وهي تتذكر كيف تزوجت من باسل .. ضغطت على نفسهآ وطلعت الدرج وجلالي ورآهآ ساكت ... فتحت باب الشقه ودخلت رمت طرحتهآ بعيد وجلست في بدآية الصاله منزله راسها.. كآن طالعه من المطبخ بالصدفه وشافتهآ شهقت ريم: هنآآآآدي ؟.. متى جيتي ماردت عليهآ وهي تبكي بصمت ... قربت منها ونزلت لمستوآهآ رفعت راسهآ وأنصدمت ريم بتردد: هنادي ويش فيك ؟ هنادي أبعدت يدهآ عنهآ ووقفت ودخلت غرفتهم المشتركه رمت عبايتهآ على الأرض وأنسدحت على سريرهآ غطت نفسهآ ..وأشهمت في بكاء متواصل دون رحمه دخلت عليهآ شوق اللي اتصل عليها فهد ووقال لها عن اللي صار خوفا منه على هنادي شوق بصوت اقرب للهمس: هنادي هنادي تبكي: طلقني ياشوق شوق دمعت عيونها بحزن : ماعليش حبيبتي شده وتزول قالها بلحظة غضب هنادي بعدت البطانيه عنها وجلست تبكي: بعد كل اللي صار يطلقني ؟! عشان ابي اجي هنآ يطلقني ... قليل الخاتمه مافيه خير شوق : لالا هنوده مهما كان هذا زوجك وابي طفلك مايصير تقولين عنه كذا هنادي تبكي: مايصلح يكون أب والله مايصلح شوق قربت منهآ وجلست جنبها وحطت يدها على كفها: هنادي انتي الحين معصبه وزعلانه وكلامك من قهرك وغضيك صح هو غلط بس كمان انتي غلطتي يعني اثنيناتكم غلطانين بعد يومين كل واحد بيعرف غلطه وتتصالحون هنادي : مستحيل ارجع له لو يمتر لي البحر مارجعت له اصلا انا كرهته اناني ومايهمه ألا نفسه مابيييه شوق: انتي الحين اجلسي مع نفسك وراجعي أخطائك ويصير لنا حكي ثاني هنادي بحزم: كلامي واحد ماراح يتغير شوق سآيرتهآ وطلعت عنهآ .. ودقت على فهد شوق:سلام فهد بعصبيه:أكلمك بعدين .. قفل الخط بوجهها رمى جوالها ومسك باسل مع كتفه بقوه: تستهبل انت ؟ مافي سفر قبل تصالح زوجتك باسل يدفه بقوه: ويش دخلك بيننا أنت .. بساقر اليوم وخلها عند أهلها عشان تتربى رفع يده بيضربه لكن وقفته امه اللي تكلمت بصوت حآد: بس أنت وهو ... مآ نقص ألا تتضاربوا مع بعض باسل يأشر لفهد: أسمع فهد مشآكلي لا تتدخل فيهآ انا عارف ايش اسوي فهد ميل فمه بسخريه: تطلق بدون سبب وتقول عارف ؟.. انت مدري ويش صار لعقلك نسرين: باسل اذا تبغى نسافر الليله بنسافر فهد يطالع امه بنظرات ناريه: ويش هذا التصرف اللي يطلق زوجته ويتركها ويهرب لمدينه ثانيه نسرين: فهد الحين الجو متكهرب خل نفوسهم تهدأ بعدين بيرآضوا بعض فهد يطالع باسل: مآ أضن باسل يرفع حاجبه:مايخصك .. امي جهزي نفسك انتي ومرآد بنمشي بعد العشاء فهد يجلس على الكنب ويحط رجل على رجل: درب السلامه
بعد العشاء كآنت واقفه بالمطبخ تطبخ العشاء وهي سارحه ... صحت على صوت ميري تسحب الصحن منها ميري بترجي: مدآم انتي تعبان روحي انا اطبخ شوق ابتسمت: لا خليني كذآ مرتاحه ميري برفض وأصرار: لآ مدآم بابا فهد يزعل شوق أتسعت ابتسامتها اكثر: طيب بس انتبهي للعشاء لا ينحرق ميري تهز راسها: أوكِ مامي
طلعت من المطبخ ووقفت ببدآية الصاله البيت هآدي لأبعد حـد الكل في مرحله سكون مفاجئ ... استندت على الجدآر بعد مآحست بألم يعآودهآ من جديد .. تحملت الالآم المفاجئه ومشت بخطوآت متثاقله لغرفتهآ ... مشت في ممر الغُرف وقبل توصل غرفتهآ مرت من غرفة رغد وشهد ...جذبهآ طرف الحديث الهآمس بينهم شهد: رغد فكري زين لاتتسرعين رغد :شهد ويش قلت أنا من البدايه ؟..هذا قراري وانا مقتنعه فيه شهد: لا مانتي مقتنعه فيه انتي تبين تثبتين لمهآ انهآ غلطانه وبس وبحركتك هذي ترى بتخلينهآ تتأكد انه فعلا كان بينكم شي فعلا رغد تنهدت:أنا عارفه اللي هو يبي من زمآن ويحاول لمح لي فيه حتى بنظراته انا جبتهآ له على طبق من ذهب شهد بعصبيه: رغد لا تجننيني انتي كذا تقللين قيمتك بعينه بكره بيقولك انتي اللي خطبتيني رغد بسلبيه : عادي واذا ؟ شهد بترجي: رغوده حبيبتي الامور هذي مصيريه تعرفين ويش يعني ؟! رغد بحده: شهد لآتحاولين انا شايفه انه بيكون زوج مناسب لي ويش اللي يمنع اني اتزوجه شهد ردت بنفس حدتها: طريقتك المجنونه ... تتوقعين لو عمي عايش بيسمح بذا الشي ؟ رغد يتأفف: يووووه منك ماصارت بشوف حياتي شهد وقفت بتضجر: قلعتك أنتي وحياتك وانا ويش ينوبني الا وجع الراس اووووووف
:: ::
بمكآن أخر من المدينه مخصص للجلسات على الطريق العام ... وقف سيارته على جنب فتح الباب وأخذ نفس طويل وكأنه يُنفس كل خليه بجسمه ... جلس على مقدمه سيارته ويده تحت دقنه وجُل تفكيره بمآ مضى في أمسه بكره تجي تخطبني بكره تجي تخطبني بكره تجي تخطبني آآآآآآه ياربي ايش هذي الحيره ..راسي بينفجر من امس قد مافكرت وفكرت ما أطلع بنتيجه ماني قادر اقرر ...هي قالتها بلحظة غضب واكيد ماتقصد يعني لو بتقدم لها بترفض وتعتذر واساسا كيف برتبط فيها وقلبها ما يميل لي لو وآحد بالميه ...اممم يمكن مع الايام بتحبني لو حست اني احبها واحترمها يالله هي الوحيده اللي حسيتها تناسبني فيها اشياء كثيره تخليني اتعلق فيها اكثر واكثر وما أضيعها من يدي .. انا لازم اتأكد من رغبتها وبعدها اكلم اهلي ويصير خير كلام عمي ريحني شوي ولو انه كله تلميح اني اتزوج من غيرها وانساها ...آآآآآآه ياربي هي اللي سكنت قلبي بس جفافها بالتعامل معي يرددني كثير ... كثير غمض عيونه وتذكر شكلها بالأمس ولآم نفسه انه كان سبب في حزنها وتعبها ... رجع ركب سيارته ومشى بأقصى سرعه
كآنت منسدحه على سريرها بعد ما حست باللآم مرت عليها اخذت من ادويتها وارتاحت لفتره من الوقت .. مدت يدها للجوال وتاففت من تاخره بالاتصال بدأ قلبها بالقلق ودب فيه الخوف شوق: عسى ماشر ياليته يدق ويريحني مآ أنتهت من لفظها لجملتها والا واهتز بكتفها معلن رنينه برقم من أسر قلبها شوق بلهفه: هلا فهد .. خوفتني عليك ليش تاخرت مااتصلت فهد تنهد: كان في سوء تفاهم بيني وبين باسل شوق بنبره حزينه: وطلاقهم ويش صار عليه ؟ فهد: موعشان كذا تهاوشت معه ... خليهم يومين يروقون وينسون بعدها نصالحهم شوق: الله كريم فهد: انتي كيفك وكيف ركوني شوق ابتسمت: الحمدلله كلنآ بخير فهد: تراني مشتاق له بعدين بمر اشوفه شوق: خلآص فهد: وبعد ماراح نطول بنسافر للرياض شوق شهقت: ليييش؟ فهد: خلاص امي وباسل قبل شوي سافروآ لجده بس بحاول اصالح باسل على زوجته نسافر شوق كشرت: اللي تشوفه فهد ابتسمت:كأنك زعلتي شوق: توي ماشبعت من اهلي ومن المدينه فهد: امم خلاص بطولها أسبوع مو اكثر شوق ابتسمت: اوكِ
بعد خمسة أشهر مرت ببطئ مُميت للبعض ... او بسرعه البرق للبعض الأخر كآنت مليئه بخليط من المشآعر والأحزآن ولآ ننسى الأفرآح .... صقلت بدآية لحيآة أُناس وتوقفت عليهآ حيآة أخرين ...بعضهم أستوحد بنفسه وأستقل بعزلته والبعض طغى عليه فرحه ومؤثرآت حيآته الأيجآبيه خمسة أشهر غيرت الكثير والكثير ...مرت ولآ يمكن أن تعود
بـ الرياض نزل من الدرج وهو مبتسم والفرح يسكن قلبه وكأنه بنتظآر شي مآ يسعده ... وقف قبال المرآيا الذهبيه التي على مقربه من الباب الخشبي والقى أخر نظره على أناقته الهآدئه رفع يده وعدل شمآغه بحرص قفل أعلى أزرآر ونآظر في كبكآته ..تنحنح ولف لجهة الدرج ورفع صوته فهد: شـــوق الساعه صارت 9 ونص يالله تأخرنآ نزلت مع الدرج وبيدهآ عبايتهآ وشنطتهآ الفضيه الصغيره وخلفهآ ميري شايله راكان وصلت لأخر الدرج وبعدت شعرهآ عن كتفهآ وسألته بحيره: كيف كذآ فهد تنهد: والله حلوه تجننين شوق تمرر يدهآ على شعرهآ ضيقت عيونها الفآتنه بعد وضع الكحل عليهآ: وشعري ؟ فهد قرب منهآ : والله والله والله حلوو يالله تأخرنآ على الزواج شوق تلبس عبايتهآ: يالله خلآص جهزت .. هيآ ميري اركبي السياره دقآيق ومشوآ للقآعه اللي فيهآ زوآج ندى على حآزم وهزآع على لينآ في السياره رقت نفسهآ وطفلهآ ولفت على فهد: فهد أقرأ على نفسك عن الحسد والعين فهد: ويش هذي الخرافات شوق بحده: مو خرافات يالله ارقي نفسك فهد ابتسم: طيب طيب شوق : لايكون ماتعرف فهد ضحك:ههههههههههه أي والله ما اعرف شوق بعصبيه: لاحول ولاقوة الا بالله شلون ماتعرف ..أقراء المعوذآت وأية الكرسي فهد: طيب خلاص بقراها لا وصلنا وقبل أنزل شوق : مو تنسى فهد يهز راسه: والله ماراح انسى ان شاء الله
وصلوآ للقاعه بعد نص ساعه من مشوآر طويل نزلت ودخلت مع البوآبه المخصصه للنساء نزلت عبايتها وشيكت لأخر مره على شكلهآ .. سمت بالله وطالعه في ميري شوق بهمس: روحي بزآويه اجلسي ميري هزت راسها: اوك مدام شوق: أذا بكى راكان تعالي لي ميري:اوكِ ..راحت لكراسي جانبيه وجلست وحطت راكان على الكرسي اللي بجنبها لمحت أم رياض وبناتهآ واقفين في الأستقبال قربت منهم شوق: السلام عليكم الكل: وعليكم السلام شوق سلمت على الكل وباركت لهم وجلست جنب أم فهد وصفاء بالأستقبال صفاء : اهلين بشوق كيفك حياتي شوق: الحمدلله بخير .. شخبارك انتي ؟ صفاء تأشر على بطنها: زي مانتي شايفه شوق تضحك: الله يقومك بالسلامه حبيبتي ..كيفك خالتي ام فهد : بخير حبيبتي .. طمنيني عنك وعن فهد شوق: كلنا بخير ام فهد: انشغلت ماقدرت ازوركم شوق : عاذرينك الايام جايه المهم ماترجعين جده قبل ماتزورينا
في المدينه وقفت جنب الشبآك تسمع كلام اخوآتهآ وضحكهم وتخيلآتهم عن خجل لينآ اللي كآنت تنتظر زوآجهآ بفارغ الصبر ..تأملت الشارع الشبه خالي من الحركه والنآس ريم أنتبهت لشرودهآ وبعدهآ عنهم:هنوده ليش واقفه عند الشباك تعالي اجلسي هنادي لفت وعلى شفاتهآ ابتسآمه ذابله: شوفيني جايه رغد ميلت فمهآ: خساره لو صار العرس هنآ ونآآسه سحر تطالع الجوال :شوفوآ معآذ ويش راسل لي شكله بيحسر فيني من صدق اجتمعوآ جنب سحر اللي توريهم صور القاعه اللي راسلهآ معآذ وسائط ريم كشرت: من جد خطيبك هذا نذل سمر :انتي ريم المفروض طلبتي زوجك تسافرون للرياض تحضرين عرس لينا ومنها تزورين شوق ريم ميلت فمهآ: ياربي منك ياسمر زوجي لو طلبته بيرفض سمر تتخصر:أجل اسمه زوج على أيش رغد تمد لسآنهآ: على الفاضي الكل:هههههههههههههههههههههههه سحر لفت على هنآدي اللي باين عليهآ الضيق: هنوده ويش فيك اليوم ؟! هنادي : والله مافيني شي ريم حطت يدهآ على كف هنآدي: زعلآنه علشان باسل مآ أعتذر أو حآول يرجعك ؟ هنادي تمالك دموعها التي على وشك الآنهيار..ردت بتضجر:خلاص لاتجيبون سيرته رغد: هنادي ليش كارهه سيرته مهما صار بينكم يضل زوجك وابو الطفل اللي قرب يجي للدنيآ قبل تنطق بكلمه دق جوال رغد ورفعت راسهآ بأستغراب: يوسف متصل ؟ سحر بشك: ردي لايكون صاير شي ردت :اهلين يوسف يوسف : هلا فيك رغد .. كيفكم رغد: الحمدلله بخير ... انت كيفك وكيف شهد من امس ماكلمتني يوسف يضحك: متصل أبشركم صارتم خالات للمره الثانيه رغد نقزت بفرح: صـــــــدق ؟!! قووول والله يوسف: والله شوفيني أنا وميشو بالمستشفى ننتظر يطلعونهآ رغد بربكه: لآ ميشو .. هآآآه .. يوسف جيبه عندنآ ريم تدقهآ بخوف: ويش في يوسف: طيب بجيبه لكم بس ماكملت لك الخبر رغد استغربت: باقي شي مآ اعرفه ؟ يوسف :ههههههههههههههه ايه رغد بتوتر: يوسف طيحت قلبي قول يوسف: شهد جآبت توآئم أولاد رغد صرخــت: لآآآآآ ريم وعيونهآ مدمعه: ويـــش ؟ هنادي بتوتر: رغد قولي ويش صار؟ رغد تبعد الجوال بفرحه: شهد جآبت تؤآئم سحر بلعت ريقهآ: شنوو؟!! توآئم ؟! رغد: يوسف خلآص جيب ميشو عندنآ عشآن أروح معك اتطمن عليهآ يوسف: طيب ربع ساعه واجي لكم تبون شي اجيبه ؟ رغد : لا بس لا تنسى اغراض ميشو يوسف : اوكِ قفلت الخط والكل مو مستوعب حتى هي سمر تبكي: تؤآئم ؟.. حرام والله
رغد بفرح: وجع ليش تبكين افرحي وزغرطي يختي سحر بعصبيه: شلون تفرح يامجنونه وهم مو كآملين نآسيه انو باقي شهر على موعد ولادتهآ ؟ رغد سكتت وردت : أي صح نسيت .. عآد اهم شي ولدت بالسلامه هنآدي وقفت: سلمي عليهآ واتصلي طمنينآ رغد وقفت بعد: أوكِ بس انتبهوا لميشو عآد اوك ريم: لآتشيلين هم ..الآ تعالي بكره عندك جآمعه رغد: شبعآنه نوم بروح موآصله وبكره وحده فيكم يانتي يا هنادي تروح لهآ هنآدي: طيب ماعندي مانع بروح أنآم الحين تصبحون على خير سحر: هنوده بدري أجلسي معنآ هنآدي ابتسمت بذبول:تعبانه شوي بروح ارتاح ريم: على راحتك حبيبتي
بعد سآعتين وصلت المستشفى .. ووقفوآ برى القسم رغد بقلق: غريبه مآ طلعوهآ للغرفه بعد العمليه يوسف بخوف: أنــآ خآيف عليهآ من العمليه رغد تهديه: لآ هي أسهل عمليه وبسيطه مره لاتخآف يوسف: الله يسمع منك رغد تبي تغير جو القلق اللي هم فيه: مآ قلت لي ويش بتسمونهم ؟ يوسف : محمد وتركي رغد طالعته بتعجب : محمد !!! يوسف ابتسم: ايوه حآب اسمي وآحد فيهم محمد على أسم العم محمد الله يرحمه ويسكنه الجنه رغد : الله يرحمه يارب ... اكيد بيطلع يجنن زي جده يوسف يضحك: ليش مآيطلع يجنن زي ابوه ؟! رغد تأشر بسخريه: أنت وشهد مدري على ويش شايفين نفسكم الله يرئف بكم ياشيخ يوسف انطلقت ضحكآته وطلوآ فيه الممرضآت مستغربين وحآول يكتم ضحكته: يالله على الحقد رغد: مآني حآقده ولآشي بس تقهروني قبل يرد عليهآ دق جواله رد بترحيب:هــلآ ابو عآبد .. كيفك عبدالله: بخير كيفك أنت يوسف: الحمدلله بخير عبدالله: مبروك التوائم يوسف ابتسم: الله يبارك فيك عقبالك عبدالله: وينك الحين ؟ يوسف: والله بالمستشفى ابي اشوف عيالي عبدالله يسخريه: ياناس على الحنان الزايد ..ارحمنا يوسف:هههههههههههههه الله يقع شرك ياعبدالله ويش فيكم اليوم علي انت ورغد ماخذيني مهزله طالعته بنظره غريبه مافهمها لكن ادرك معناها متاخر وحاول يرقع اللي قال:أي خلاص عبدالله استغرب: خلاص ويش .. انت معك رغد ؟! يوسف: طيب يمكن اجيكم مو اكيد ...يالله سلام قفل الخط وطالع رغد ونزل عيونه رغد بتردد: كيفه عبدالله يوسف استغرب سؤالها رفع راسه ورد: بخير رغد تطالع الناس: اكيد مبسوط بحياته يوسف ميل فمه: الله يوفقه بحياته رغد : امين ...شوف الدكتور واسئله بديت اقلق يوسف: طيب بروح اشوفه خليك هنا رغد هزت راسها: طيب اختفى من عندهآ وأتصلت على اورى رغد: اهلين اروى كيفك اروى: بخير .. فينك مآشوفتك اليوم ؟ رغد: طلعت بدري اروى: بكره لازم اشوفك اوكِ رغد : اصلا انا بالمستشفى شكلي مطوله هنا اروى: سلآمآت رغد: الله يسلمك بس شهد ولدت وجايه اشوفها اروى: على البركه يختي على بالي في حاجه رغد:اوك اشوفك بكره توصين على شي ؟! اروى: لا سلامتك .. سيو رغد :سيو ... شافت يوسف رجع وقامت له ..بشر ويش صار يوسف: يقولون ممنوع احد يشوفها اليوم بكره الصباح عادي رغد ميلت فمهآ:يعني جلستنا مالها داعي يوسف بتافف: خلوني اوقع على فحوصات للاطفال رغد بلهفه: مانقدر نشوفهم يوسف كشر: لا رغد بقهر: اجل جلستنا بدون فايده بتصل على جلالي يرجع ياخذني يوسف: تبين اوصلك؟ رغد: لالا خلك هنا وانا بتصل على جلالي يوسف: على راحتك
صباح اليوم التالي صحت على صوت بكاء راكان ...فتحت عيونها بكسل وقامت شالته من السرير أستغربت عدم وجود فهد .. بعد مارجعت نومته طلعت جوالها ولقت مكالمآت من هنآدي دقت على طول عليها .. بعد رنين طويل وصلهآ صوت هنآدي الناعس شوق: صباح الخير هنادي بهمس: صباح النور شوق: نآيمه ؟! هنادي: ايه شوق: لقيت لك مكالمات .. في شي؟! هنادي: كنت بقولك ان شهد ولدت شوق شهقت: ويش ولدت ؟! جلست على السرير وعدلت مخدتهآ خلفها: ايه وجابت توآئم اولاد شوق بصدمه: من جــــد ؟ هنادي تضحك: ايه شفتي اختك النذله مآقالت لآأحد انها حامل بتوائم شوق بحنيه: ياقلبي عليهآ متى ولدت هنادي: اممممم مدري بس بعد العشاء اتصل زوجها قال لنا الخبر شوق: وانتي كيفك وكيف حملك؟ هنادي تطالع بطنها وحطت يدها على بطنها: زينه الحمدلله شوق :اممم ايوه واخبارك ؟ هنادي: ابد ماعندي اخبار شوق : يالله بروح افطر اتصل عليك بعدين هنادي : شوق قبل تقفلين شوق ردت: هلآ هنادي بتردد: أسـ..ـئلي شوق: فهد عن باسل ؟! هنادي تنهدت: ايه شوق ابتسمت عليها: هنادي اذا جآء وطلبك ترجعين توافقين ؟! هنادي: مدري ...اللي سواه مو شويه طول الشهور اللي فاتت ماكلف نفسه يسال علي شوق ضحكت: تطمني وربي كل يوم يتصل على فهد عشان ياخذ اخبارك منه هنادي بعدم تصديق: احلفي شوق: والله يعرف كل شي عنك بس مشكلتكم تكابرون مدري ليش هنادي: هو ماجرب يعتذر وانا لو يموت مارجيته لانه هو اللي غلط علي شوق : كلكم غلطانين وصراحه طلاقكم سخافه المفروض انتي تسايرينه هنو هنادي كشرت: ليش هو مآ يسايرني شوق بتضجر:هنو ويش فيك أنتي ؟! كبري عقلك شوي هنادي: خلاص خلاص انسي اللي قلت شوق: طيب حبيبتي لا تضايقي نفسك ..اخليك ألحين هنادي : طيب مع السلامه قفلت منهآ وبقلبهآ ألم عليهآ ... غيرت بجآمتهآ ونزلت قبل تكمل نزول الدرج سمعت صوت ضحك من الصاله الدآخليه رجعت لجنآحهم وأخذت طرحتهآ ونزلت بشويش دخلت غرفة الأكل ونادت على ليزآ شوق بهمس: مين دآخل ؟ ليزآ: بابا باسل وبابا فهد ومدآم نسرين شوق بأستغراب: ليش جايين بدري ليزا تهز أكتآفهآ بسلبيه : مدري شوق: طيب جهزيلي شي خفيف ليزآ: أوكِ
بـ المدينه كآنت جآلسه تتصفح بعض الأورآق مع أسيل وأروى ...رآح الوقت بدون مآتحس طالعت الجوال وشهقت رغد: تأخرت يالله أشوفكم بعدين اروى تسحب منهآ الأوراق: الحين خليتك تأخذينهآ يالله روحي رغد تتوعدهآ: شغلك بعدين .. سيوو مشت بالممر ودقت على وحده من زميلآتهآ تسألهآ عن موقعهم قبل تكمل طريقهآ سمعت نبرته خلفهآ ..: لوسمحتي لفت وعيونهآ من تحت الغطاء : نعم وليد نزل راسه: ابي اتكلم معك رغد: بس انا تأخرت ومابيننآ كلام وليد بأصرار: ألا بيننآ ... حددي وقت نتكلم فيه رغد لفت عنه: افكر .. طنشته ورآحت عنه أنقهر ولحقهآ وقال بحده: أنتظر بعد الدوآم اعطته نظره قويه ودخلت مع بوابه حديديه وهو دخل ورآهآ بمآ أنه الدكتور المشرف عليهم
بعد أنتهآء الدوام كآنت طالعه من المصعد ومتجهه لبوآبة المستشفى الرئيسيه وشآيله شنطتهآ وكتبهآ وقفت برى تنتظر جلالي ...لمحته يقرب منهآ وينزل نظآرته عن وجهه رغد بتافف: ياربي ويش جايبه ذا قرب منها أكثر وقال: ســلآم رغد تصد : وعليكم السلام وليد : رغد لازم نتكلم رغد: لو سمحت روح عني لا أحد يشوفنا وتصير علوم وليد : اوكِ بجلس بالسياره وامشي وراكم رغد طالعته بصدمه: ويـــش؟! وليد: قلت لك لازم نتكلم رغد تطالع في اروى واسيل اللي طالعوا ووقفوآ لما شافوهم: طيب طيب خلاص روح تركهآ بعد ماشاف ارتبآكها من شوفة اسيل واروى وركب سيارته البعيده عنهم وطلع من الباركنج الخاص بالمستشفى وانتظرهم بعيد شوي بحيث محد يشوفه جوآ اروى واسيل رغد: اهلييين صبايا اسيل بشك: خير ليش دكتور وليد كآن هنآ رغد باربكه: مدري جاء ينافخ علي وراح أروى : أنتبهي منه ترى هالدكتور مدري ليش تصرفه معك غير يختي شديد معنآ كلنا بس انتي احسه غير رغد بشك: كيف يعني ؟ اروى بصراحه: احس وراه شي والايام بتثبت لك رغد بنبره حاده: ويش بيكون مثلا اروى تسايرها: ولاشي رغد ميلت فمهآ وشآفت سيارتهم :عن اذنكم وصلت السياره اروى واسيل: الله معك مشت للسياره وقلبهآ يرجف من الخوف .. وطلعوآ من حدود المستشفى لمحت سيارته السودآء تنتظرهم قبل الأشاره رغد: جلالي وقف على جنب جلالي : ليييش رغد رغد بحده: انت وقف وبــس وقف السياره خلف سيارته ...اتصل على جوالهآ وردت :نعم وليد: بتنزلين وألا أنـآ أجيك ؟ رغد بعصبيه: يامحلاني واقف قدام سيارتك اذا ينفع الكلام بالجوال ياليت تقوله وليد: رغد مرت 5 اشهر مآ جد مافيهآ أي جديد بيننا رغد ببرود: أي لأن مافي شي من الأسآس وليد انقهر: ناسيه ايش سويتي اخر شي ؟ رغد غضت على شفايفها: ايه نسيته لاني كنت معصبه وتعبانه وليد:بس انا اخذت الموضوع بجديه ..وحآب اني اتقدملك رغد سكتت : بـس انا كنت من جد مو عارفه اللي أقوله اذا عشان اللي صار خلاص اللي فات مآت وليد: لآ مو عشآن اللي صار رغد همست: عطني وقت افكر وليد: خذي وقتك بس رجاء لاتتأخرين بالرد رغد : يصير خير باي.. قفلت الخط وعينها على سيارتها تحركت سيارتهم ومشوآ بأتجاه البيت... وبراسهآ الف فكره وفكره صحت على صوت جلالي: وصلنا رغد: يسلموو جلالي نزلت ودخلت بيتهم...طلعت الدرج بكسل وتعب لقت الباب مفتوح وأستغربت دخلت وشآفت ريم وهنادي لابسين عبياتهم رغد بأستغراب: وين؟ ريم: بنروح لشهد ؟ رغد تطالع الساعه: تونا الساعه ثلاث هنآدي: على مانوصل المستشفى تكون بدأت الزياره ....ترى سمر تأكل ميشو انتبهي لهم رغد تنزل عبايتها بقرف: والله ميته نعآس وتعبانه بحط راسي وأنــآم هنآدي : خلاص نامي اصله مانطول بالمستشفى رغد: أوك ... رايحه انام ريم: ترى سحر نايمه بس سمر اللي صاحيه رغد: اوك
دخلت الغرفه ولبست بجآمه مريحه ورمت نفسها على السرير بقوه وكآنهآ ترمي بهمومهآ عليه ...تذكرت كلامه وتنهدت رغد بحالميه: مقعوله اوافق واصير زوجته ؟ يعني بيكون زوجي وشريك حياتي وفارس أحلامي ؟!..هذي الفرصه جات لحدي مقدر اضيعهآ من يدي غمضت عيونها تهربا من وآقعهآ
بـ الرياض كآنت جالسه بالدور العلوي تتفرج على برنامج ديني يزيد ثقافتهآ الدينيه ..حست بخطوآت على الدرج وخفضت بصوت التلفزيون .. لمحتهآ وابتسمت على طول شوق وقفت: هلآ خالتي .. كيفك بعد امس نسرين تسلم عليها: هلا حبيبتي الحمدلله بخير
شوق : حياك تفضلي نسرين:ايش الحلاوه اللي امس ابهرتيني شوق بخجل: عيونك الحلوه حتى انتي بصرآحه كنتِ نجمة الحفله والآ رقصك شي ثاني نسرين تضحك: نسترجع الشباب شوي وبعدين هذا ولد زوجي لازم ارقص وافرح له خصوصا انه مآخذ أخت فهد حبيب قلبي شوق : ياعيني نسرين : تركت راكان مع ابوه وعمه تحت شوق ابتسمت: راح يتعبهم نسرين تغمز لها: خليه يتعبهم وأحنآ ندردش شويه شوق: صآدقه نبي ناخذ راحتنآ بالكلام نسرين بجديه: شوفي حبيبتي انا جايتك ابيك بموضوع شوق: امريني نسرين: انا وباسل بنروح المدينه يبغى يرجع مرته شوق ميلت فمهآ: امممم نسرين: أبغآكِ تكلميها وتخبرينها حتى يسهل الموضوع علينا شوق: بصراحه خاله انا اتكلمت معآهآ شكلها بتمارس عنآدهآ نسرين كشرت: طيب والولد ايش ذنبه هيا لسى ماطلعت من ذمته وزوجته شرعا شوق هزت اكتافها: ادري بس هي عنيده نسرين: عقليهآ ياشوق إحنآ بنروح لمدينه عشانهآ بس شوق : ان شاء الله ماترفض نسرين: الله يسمع منك يابنتي والله حرام ينخرب بيتهم على شي فاضي ومايستاهل شوق: لحظة غضب
بالمستشفى دخلوآ الغرفه وتحمدوآ لهآ بالسلامه ... ردت بذبول: الله يسلمكم هنآدي: يتربون بعزكم شهد ابتسمت بتعب: آمين ريم : كيفك الحين ؟ شهد: حآسه بشوية تعب هنآدي مررت يدها على شعر شهد: مالومك ياقلبي ريم بلهفه: وينهم الصغار بشوفهم شهد: بالحضآنه ريم : خساره ودي اشوفهم شهد: بنادي النيرس تجيبهم حتى أنآ ماشبعت منهم والله هنآدي بحمآس: ياليت ضغطت زر قريب منهآ ودقآيق جآت لهآ النيرس ..وطلبت أطفالها ريم شافت باقة الورد: ياحياتي ورد واحمر شهد ابتسمت: هذآ من زوجي الله لا يحرمني منه هنآدي: الله يخليكم لبعض يارب وربي انه آدمي وولد حلال هـاليوسف ريم ضيقة عيونها: حتى زوجي ولد حلال وطيوب لبى سمآره هنادي تضحك: يعني حتى بالمدح تغارين روقينآ بس شهد مسكت يد هنآدي: وانتي متى نآويه تحلين مشآكلك ؟ أضطربت ملامحهآ وانقلبت للنقيض ردت بهمس: شهد مو وقته شهد: الله يهدي قلبك ويسعدك ياهنوده هنادي: آآآمين شهد : اذا كلمك وآفقي وأرجعي له ترى اذا انفصلتوآ محد بيضيع غير الولد اللي ماله ذنب فكري فيه هنآدي كشرت: شههههد خلاص مو وقته دخلت النيرس وهي تدف السرير .. سمعوآ صوت بكآهم المشترك ريم نقزت من مكآنهآ وصرخت: مآشاء الله يهبلووون هنادي قربت منهم: بسم الله عليهم يهبلون ريم: شوفي كيف صغار كأنهم فيرآن شهد: مآ أسمحلك تغلطين على عيالي ريم تدف السرير وتقربه لشهد: بالله شوفي كيف صغار ما أقدر حتى اشيلهم من صغرهم شهد طالعته بعيون دآمعه: ياحياتي عليهم طبيعي يجون صغار اولا انهم توائم وثاني شي ناقصين هنادي :بيضلون زي ميشو بالحضانه؟ شهد: أي تخيلي هنادي شالت وآحد وباسته : ياحليله فمي اكبر من وجهه كله هههههههههههه شهد: هنو بشويش عليييه هنادي: بحطه وي
شوق بترجي: ويش قلتي هنوده ؟! هنآدي بحده: قلت لآ ياشوق لآ شوق:هنو حبيبتي فكري زين تكفين ترى حتى انا جايه للمدينه عشان شهد هنادي: لو العالم كله يجي ماني راجعه له هو طلقني بكيفه وانا ارجع له بكيفي شوق بزعل: هنو اخاف تبين ترجعين له ويكون الوقت راح هنآدي بحده: مو يبي ولده .. خلاص أنـآ اذا ولدت يجي ياخذ ولده ويربيه ويفكني شوق بحده: ويش تقولين أنتي اكيد أنهبلتي هنادي بتأفف: شوق وبعدين يعني نعيد ونزيد بالموضوع على الفاضي ؟ اللي عندي قلته شوق: طيب عشان خاطر خالتي نسرين هنادي: لا ياشيخه هي اللي متطلقه وألآ أنا ..هذا الموضوع خاص فيني لحالي وبس شوق بقلة حيله: هنو ترى بتصحين بعد مايفوت الفوت هنادي ضحكت بسخريه:ههههه يفوت الفوت ماعاد في شي اخسره ياشوق جآت على الطلاق يعني اصلا انا كرهت وماعاد له مكان بقلبي اكتفيت من جروحه لي اكــتــفييييت شوق : الله يصلحك ويهديك الكلام معك ضايع هنادي بزعل حاد: اذا ضايع لآعاد تدقين " قفلت جوالها ورمته على السرير قدآمهآ وشهقت ببكآئها ..حست بألم في بطنهآ من رفسة جنينهآ حطت يدهآ ولمست المكآن وبصوت باكي " أنــت بعد معهم " تكت على ديكور سريرها وتفكيرها كله بباسل وطلاقها الذي ربما يكون ابدي دون رجعه
بالغرفه الثانيه سحر تكلم معآذ: اوك حبي اذا خلصت مذاكره كلمتك .. مع السلامه رغد رفعت راسها: سحر سحر: هــلا رغد: عندك بكره اختبار ؟ سحر تفتح الكتاب اللي بيدها: لا بس ابي اذاكر شوي رغد تطالع في الباب وتتأكد من خلو الممر: بقول على سالفه سحر قفلت الكتاب وبأهتمآم: قولي رغد: بالاول سمر وين ؟! سحر بهمس: تغير لميشو وبترضعه رغد تربعت زين: اشوى ...تعرفين دكتور وليد ؟ سحر فتحت عيونها على الاخير: هذاك ماغيره اللي سوت.." وسكتت" رغد بتكشيره: ايه هو اللي مها سوت لي سالفه عشانه سحر: ويش فيه ؟ رغد: يبي يخطبني .. هو كلمني قال فكري واتخذي القرار عشان يتقدم رسمي سحر بصدمه: وانتي موافقه ؟
رغد بحيره: والله مدري اوافق والا ارفض يعني بصراحه هو يلمح لي من اول ويلاحقني بعد بس انا كنت سافهته وماني معطيته وجه .. لكن بالفتره الاخيره حسيت انه من جد يحبني ويبيني سحر رفعت حاجبها: انتي تحبينه ؟ رغد ميلت فمهآ ورفعت حوآجبها: لا بس الحين اكذب عليك اذا اقولك ما احترمه واميل له سحر: خلاص اجل ويش تستني يشحذك وافقي وشوفي حياتك رغد: ودراستي ؟ سحر: هو متعلم وواعي اكيد ماراح يبعدك عنهآ رغد: يعني استخيرك ؟ سحر طالعتها بنص عين: على بالي انك مستخيره قومي استخيري ربك واطلبيه الخيره في امرك رغد تركت اللي بيدها : بروح الحين وانتي ادعي ربي يكتب لي الخير سحر ابتسمت:شكلك حابته من قلب رغد قبل تطلع من الغرفه: لا رجعت اوريك دخلت سمر: ويش في ؟!! سحر: ولاشي
بهذا الوقت في الرياض قالت لهم عن رد هنآدي ... كآنت جالسه بعبايتها وغطآهآ خافت من ردة فعله المجنونه باسل يصرخ: يعني أيش؟ امه وقفت ومسكته مع كتفه: أهدى حبيبي باسل: كيف أهدى ماسمعتي أيش قالت لأم راكان ؟ شوق بهدوء: استهدى بالله ياباسل وان شاء الله مايصير الا اللي تبيه فهد برواقه: مثل ماقالت شوق اهدى الامور ما تنحل بالعصبيه والقوه باسل جلس وهو يهز رجوله بقوه: يعني كل الشهور اللي فاتت مآ أثرت فيهآ ولآغيرت لها رائيها وخلتها تندم ؟ امه: كيف تبغاها تندم وانت اللي غلطت ... لازم تتحمل غلطتك باسل بحده:بس انا مابي الموضوع يوصل للانفصال معآهآ لحد الولاده عشان تتراجع امه: يمكن لو تروح انت تتكلم معهآ بدون أي واسطات ترضى باسل نزل راسه وضرب رجله بقوه على الارض وقفت وتركتهم يتناقشون بأريحيه أكثر وطلعت غرفتهآ طالعت الساعه تأخرت بأخذ علآجهآ .. فتحت الثلاجه الصغيره وطلعت لها علبة مويه وشربت منهآ وبلعت خلفهآ اقراص من أدويتهآ المعتآده
أتصلت على بيتهم وردت عليهآ سحر سحر: أهلين شوق وحشتيني شوق : وأنتي اكثر حبيبتي ..كيفكم ؟ سحر: الحمدلله بخير انتي كيفك شوق : بخير ولله الحمد ..شهد شخبارهآ والبيبيآت كيفهم سحر: كلهم بخير .. هنآدي مصورتهم صغآآآآر بشكل ماتتخيلينه جآت رغد بعد غيابهآ لفتره ليست ببسيطه :تكلمين مين ؟ سحر ابتسمت: شوق سحبت منهآ السمآعه بدون مقدمآت: حي الله أم راكان وحشتينا شوق ضحكت: لو صدق وحشتك كان تدقين تسالين على الأقل مو كل شوي انا ادق عليكم رغد: سآمحيني منشغله بدراستي شوق : ذبحتينآ بذا العذر بس يالله بمشي لك بكيفي رغد: اقولك عندي موضوع مهم بشآورك فيه شوق : شنو ؟! بدأت تقول لهآ سالفه وليد من البدآيه
بعد مآكلمتهآ حسيت براحه كبيره أنهآ مرتاحه لوليد وحآبته كشخص ومتقبلته كزوج وبما انه صديق فهد من زمآن هنا يجي دوري أسئل عنه وان شاء الله يكون يستاهلهآ وربي ييسر لهم زوآجهم ... ماراح انآم قبل مآ اسئل فهد عنه غيرت لبسهآ وجلست تستنآه بعد دقايق بسيطه دخل فهد والتعب على وجهه شوق: الله يعطيك العافيه حبيبي فهد : الله يعافيك شوق : بتنآم ؟! فهد جلس على الكنب وتمدد: مدري والله حاس جسمي يوجعني شوق جلست جنبه: فهد بسئلك عن صديقك وليد فهد باستغراب: وليد ؟!... ليييش؟ شوق تفرك يديها ببعض: بسئلك عن اخلاقه انت صديقهم وتاكيد تعرفه زين فهد بنفس الأستغراب: طيب ليييش؟ شوق: يمكن يتقدم لرغد عشان كذا حابه اعرف عنه كل شي تدري رغد غاليه على قلبي واتمنى ترتبط بشخص يستاهل فهد: بصراحه وليد رجال وماعليه كلام وحركات النسوان ماهي عنده شوق تضحك: شمعنى هالشي قلته فهد: ههههههه عشان ترتاحين صح عمله يفرض عليه الآختلاط لكن هو انسان عملي جدا وشديد في عمله واسئلي رغد عنه اكيد عارفته هي بعد ... واهله كمان ناس طيبين امي تعرفهم اسئليها عن امه شوق بمكر: يبيلي اسئلهآ صح نسيت انه ولد اخو زوجها فهد يرجع راسه لورى: ياطول اللفه اسئليها وبتجاوبك شوق: هههههههه .. اقول فهد متى نسافر فهد: انا عندي شغل تبين تسافرين لحالك براحتك شوق: أي أي ابي فهد يرفع حآجبه ويقلدهآ: أي أي ..افكر وأشوق شوق بترجي: فـــهـــد عآآآد فهد بنذاله: بنام وأصحى يمكن يتغير رائي شوق: لا عااااد ويش هذي النذاله فهد يضحك: طيب مالك الآ اللي يرضيك
بدأ سكون الأروآح يجتآح أروآحهم وتهدأ أيامهم ويبتسم لهم زمآنهم .. بدوآ كمآ لم يكونوآ في بدآية العمر ... تهآوت قوآهم وشكلتهم الظروف بتركيبه لم تعتآد النفس عليهآ ... لكل حيآه بظروفهآ ومشآكلهآ تبدل الحال من سيء إلى أفضل أو من سيء الى أسوء
{ فهد & شوق } تجآنسوآ وتحآبوآ بعد مآ كآن الكره والبغض طآغي على أيامهم في حين لم يغب عنهم الماضي بألم ذكرآه الذي تنآسوه لأجل أن يهتنو بحيآه أفضل وأجمل
{ يوسف & شـهـد} حكآيه لحب لم يخلو من الزمآن وأحساس صآدق مآزال يسكن أهل القلوب الوفيه المخلصه لمشآعرهآ وأحاسيسهآ
{ رغــد } عآنت من تقلب أيامهآ العاصفه التي جردتهآ من بعض معتقدآتهآ الوآهيه واجبرتهآ على تقبل الحياه بحلوهآ ومرهآ .. تخطت كل عتباتها التي تركت أثر ملحوظ في مسيرتهآ لكن قوتهآ وأرآدتهآ اقوى
{ هنـآدي & بـآسل }
صُدمت احلامهآ بمرآرة وآقعهآ التي لم تحظى بتحقيقهآ لو بالقليل ... أغتصب الحب في قلبهآ واجبرهآ على عنآق حبه لهآ ..أستسلمت لرغبته والأن هي على مفرق الطريق
بعد يومين من وصولهم للمدينه بدأت تسترد عآفيتهآ تدريجيا تحسنت نفسيتهآ للأحسن ... تعلقهآ براكـان أزدآد شيئآ فـ شيء تكره ابتعآده لو للحظآت عن أحضآنها مُستلقيه على وسآدتهآ التي تعشقهآ بجنون منذ أيآم سهرهآ عآنقتهآ بالدموع والفرح والحزن تحوي ذكريآت لآتنسى أيام ونسآئم من مآضي يرتعب قلبهآ له ..نقلت عينهآ إلى طفلها الذي بجوآرهآ .. بدأ يتغير وتزدآد ملامحه براءه و حِده واقرب شبه له أبيه لمست خده الوردي بنعومه لآ تُذكر ابتسمت على تجآعيد الضيق التي أرتسمت على جبينه طبعت بوسه خفيفه على جبينه وتفكيرهآ بمن تشآركهآ أوكسجينآت هذآ المكآن ..لفت وشآفتهآ ترمش بعيونهآ شوق بهمس: ليش مآ تنآمين ؟! هنادي مسكت بطنهآ: مدري ماجايني نوم شوق: تبين اسويلك شي ؟! هنادي : تسلمين حبيبتي .. وانتي بعد ليش مآتنآمين شوق لفت كامل جسمهآ على جهة هنآدي: امممم افكر بفهد تتوقعين بينآم لحاله بالفندق؟ هنادي تضحك: اووه ويش هذا الآهتمآم ؟ شوق : طبعا لازم اهتم فيه هذا زوجي وابو ولدي يهمني يكون مرتاح هنادي لآزالت مبتسمه: الله الله شوق تجلس: بشوف رغد شكلهآ مآنآمت وتفكر ببكره هههههههـ هنادي توقف: بروح معك النذله ما انتظرت شهد مستعجلين على الملكه والزواج وقفوآ ورآحوا لغرفة رغد دقوآ الباب ووصلهم ردهآ رغد: تفضلوآ شوق فتحت الباب بشويش وشآفتها لابسه وكآشخه على الأخير: ماشاء الله تبارك الله ... ليش مسويه بنفسك كذآ رغد تلف : ويش رآيك ؟! هنادي تتكي على الجدآر: نعوم الفستآن رغد ابتسمت: قلت بمآ اني ماراح أنام اسوي بروفه لبكره شوق : اهم شي أنتي مرتاحه له ومستخيره رغد بملامح جديه : الحمدلله مرتاحه شوق جلست على طرف الكمودينه: الحمدلله هذا اللي نبيه انك تكونين موافقه بكامل قناعتك وبدون أي ضغط رغد نزلت عيونها وجلست على السرير وهزت رجولها: حآسه بخوف وتوتر .. شعوري غريب ماقدر اوصفه هنادي ضحكت: مرينآ بهذا الشعور طبيعي تكونين متوتره هذي خطوه بتغير لك كل حياتك شوق تنهدت براحه: الحمدلله كل وحده فينآ مشت في حيآتهآ مابقى الا سمر الله يوفقهآ .. صدق اللي قال هم البنات للممات رغد : تصدقون حاسه بيصير شي بكره يخرب الملكه وجية اهل وليد هنآدي وشوق: اعوذ بالله منك شوق بتكشيره: تفائلي بالخير هنآدي رفعت حوآجبها بكره: بديتي تهلوسين من الحين رغد تطالع الفستآن وغيرت الموضوع: بالله تقولون الفستآن حلو؟ شوق ضحكت: حلو والله حلو ارحمينا الف مره سألتينا اليوم رغد توقف وتتخصر: ارحمكم هآه .. يالله لو سمحتوا بغير ملابسي
:: ::
..: ويش قآعد تقول أنت أكيد أنهبلت والا صار بعقلك شي ..: أيه صار بعقلي ألف شي ... مستحيل أخلي الموضوع يمر على خير ..: أشك أني اعرفك .. انت ويش اللي صار فيك ؟ ..: قلبي تعرف ويش معنى قلبي بيروح مني ؟..قد شفت أحد عآيش بدون قلب ..: لاحول ولاقوة الا بالله انت اكيد انجنيت ..: اوووف منك صاير زي الحريم بس تزن علي ..: شوف ويش قاعد تقول الحين .. صدقني لو صار اللي قلت عليه بيكون اخر يوم تشوفني فيه ..:بس هذي حب عمري متمسك فيهآ لأخر لحظة
في بيت بآسل فهد يقفل الجوال ويطالع بأمه وبآسل امه: ميين ؟ فهد: أم رآكان باسل بتحطم: خساره ماسألتهآ عن هنادي فهد يطالع امه: امي بكره بتحضرين ملكة رغد ؟ أمه تركت المجله من يدها: أكيد بحضرهآ وإلآ أيش رايك ؟ فهد يضحك: حبه حبه علي بس عشآن أحسب حسابي تروحين من بدري امه ضيقة عيونهآ: كيف اروح بدري عيب ايش يقولو النآس عني ؟ فهد: هذا كلام شوق تقول خل خالتي من بدري تكون عندنا امه بأريحيه: اذا كآن كذآ ماعليش اروح من بدري بآسل بتودد: امي حاولي بهنآدي شوي يمكن معك توآفق أمه تميل فمهآ: بحآول والله كريم يا ولدي
بـ النسبه لرغد نزلت الجوال من يدهآ بعد مآ قرأت المسج .. عضت أبهآمهآ بقوه من كثر القهر والغيض الساكن قلبها رغد: ويش الحظ النحس هذآ حتى بيوم اكون على وشك أفرح أتنكد .. يارب يارب يسر ولآ تعسر ياكريم
نزلت راسهآ بتألم تنهدت وهي تتذكره بكل تفاصيله خوفهآ بدأ يزيد اضعآف وقلقها يزداد نزلت دموعهآ بصمت ... أشياء كثيره تفتقدهآ في فرحتهآ .. ابيهآ الذي ودع الحياه قريبآ وأم لم تزف أحدى عرآئسهآ الى بيوت كآنت بمخيلتهم من خزف " يارب أحفظ لي خوآتي اللي بدونهم حيآتي مآ تستآهل أتنفس فيهآ ..يارب لاتحرمني الفرح وأبعد عني شر كل ذي شر يارب ..يارب ..يارب " قطع تفكيرهآ أتصال اروى المتأخر .. اخذت نفس طويل تجدد معه أملهآ وثقتهآ بالله عز وجل رغد: اهليين أروى: هلا والله .. اموت على السحبات اللي كذا رغد بأستغراب: أي سحبه ؟ اروى: ماتتصلين علينا شفتي نفسك علينا من البدايه خلآص رغد: هههههههههههههه حرام عليييك عاد مالقيتي إلآ انا أشوف نفسي وأتكبر اروى تضحك: يالبى الضحكه والله لو تضحكين هذي الضحكه غير يموت دكتور وليد رغد بتلقائيه: بسم الله على قلبه .. لاتتفاولين عليه اروى ماتت ضحك: ايوه اطلعي على حقيقتك كلكم ميتين على بعض بس ياكرهي للي يكابرون رغد كشرت: رورو بدون نغزات بليييز اروى:اوك خلاص ..بشريني كيف استعدادتك رغد: ماشيه الحمدلله تعرفين فكرتي بكون سمبيل في كل شي اروى: أحسن والله خلي الكشخه زين في الليله الكبيره يعني كلها شهر وانتي في بيته رغد بتحطم: يؤؤ لاتذكريني ترى اخاااف اروى: الا اقولك مين عزمتي رغد: انتي واسيل وفاتن صديقتي من زمان وطبعا اخواتي وأهله بس اروى: حلو تكون عائليه مالك ومال كثرت الناس رغد بتهددي: ايوه بس خليك ماتجين اروى: لا وربي جايه إن شاء الله من الحين مجهزه اغراضي ما ناقص الا انام واصحى واجيكم رغد:زين بس مو تجين من صباح الله خير اروى بحده: عـــــمــــــى رغد :هههههههههههه اروى: روحي موتي رغد شهقت: وه يآني ..تبغين دودي حبيبي يموت ورايآ اروى بنرفزه باينه على صوتها: ووع مولايق مو لايق ووووع رغد ميته ضحك عليها: بشويش لا يصير فيك شي اروى : اقول عاد نجي للجد كيف تتوقعين بكره د وليد ..أمم يعني شكله مرتبك ثقيل زي العاده رغد غمضت عيونها: تصدقين ماخطر ببالي يالله قفلي عشان افكر واحلم وأطيرر لبعيد اروى: انتبهي بس لا تطيحين رغد: وجع يالله عاد ماني فاضيه اروى: هين يجيلك يوم سيوو تومورو رغد: سيو بيبي قفلت بعد هذي المكالمه اللي ريحتهآ وأبعدت عنهآ كل حزن والم كانت تشعر فيه سابقآ وسبحت في تفكير وخيآلات بطلهآ " وليد " متخيله ردة فعله وشكله وووو..الـخ
برآ الغرفه عالم من الأزعآج وتوآفد البعض هنآ تبدأ مرآسم الضيآفه والفرحه أم هديل: يالله يابنآت جيبوآ البخور وحطوه على الطاوله قبل يوصلون أهل العريس هديل تدق أمهآ: يمه دبريلي عريس تكفين سحر تسحبهآ: ياقليلة الأدب وتقولينهآ عيني عينك خلود وهي تضحك: هذي الحياء بجهه وهي بجهه هديل تضربهآ: اقول ترآك مكشوفه ودك تقولين وأنآ بعد سحر ميته ضحك: تعالوآ معي اللي يطآوع كلامكم مآ يسوي شي ام هديل تأشرعلى سحر: شوفوآ البنآت مآهو أنتم ياحظي هديل تتخصر: ويش فينآ بعد ؟ ام هديل: ابد الله يخليكن لنآ روحوآ مع سحر روحوآ شوق تهمس بسخريه: زوجيهآ ياعمه يمكن تركد شوي مهآ: هههههههههههه والله لو تسمعك غير تموت من الفرحه أم هديل: اقول خلوآ بنتي في حالهآ وشوفي خالتك قهويهآ لآتزعل عليك شوق وقفت: ياويلي والله نسيت مشت لأم فهد وبآست راسهآ: حيآ الله من جآنآ زآرتنآ البركه ويش هذي الحلاوه ياخاله أم فهد بحياء: عيونك الحلوه يابنتي كيفك اليوم شوق شالت دله القهوه وبدأت تضيفهآ: الحمدلله بخير بشريني عنك وعن مرآد أم فهد: الحمدلله بخير تعرفينه مآ يبي يجي حرم يطلع من جده هههههههههه شوق ترفع حآجبه: مآ الومه عذبه فهد هههههههههه.. تفضلي ام فهد: زآد فضلك .. ألآ فين هنآدي مآ أشوفهآ شوق : لسى ماجات من المشغل راحت مع صديقتهآ روآن ام فهد:ايوه .. وروآن بتجي ؟ شوق : شكلهآ مو يصير ولد عمهآ ام فهد تضحك: ايوه والله نسيت ههههههههـ شوق : يووه بدري ع النسيان عند غرفة شوق دخلت بتشيك على الميك أب فتحت الباب وأنصدمت من اللي تشوفه مهآ بصدمه: هنآآآآآآآآدي ؟!! هنآدي لفت على جهتهآ: هــلآ مهآ سكرت الباب وقربت منهآ: ويش مسويه بنفسك ؟ هنادي توقف : ماسويت شي مهآ تأشر على شعرهآ: وين شعررررك ؟! هنآدي تلعب بشعرهآ القصير مآ يتجآوز نصف رقبتهآ:ويش رايك بالنيو لوك مهآ بخده: هذآ تسمينه نيو لوك .. ليش خربتي شعرك حرام عليك شعرك طويل وحلو ليش تقصينه كذآ ؟ هنادي بتأفف: تجديد يعني مآ يصير أجدد بشكلي مهآ شوي وتبكي: بس مو بهذآ الشكل حآسه أني مآ اعرفك مآ أعــــرفك هنادي بحده: مو لازم تعرفيني " تعطرت وعدلت حبآل روب الحمل اللي لآبسته وطلعت من الغرفه " دخلت على البنآت بالمطبخ هنآدي: هآآآي لفوآ كلهم وبصوت وآحد: وآآآآآآآآآآآآآآآآآآآآآآو ضحكت: سبرآيز صـــح هديل تلعب بشعرهآ: يامجرمه كيف طآوعك قلبك تجزينه كذآ هنادي ترفع حوآجبهآ وبأبتسامه: طاوعني وانتهينا سحر تطالعهآ بذهول مو مصدقه انها قصت شعرها هنادي ابتسمت لها: ويش فيك تطآلعيني كذا ؟ سحر تنزل رآسهآ: ابد بس مستغربه شوي هنادي: وين البقيه ؟ سمر: جوآ بالمقلط هنادي: طيب بروح اشوفهم واجي طلعت من المطبخ ووقفت بنص الصاله تعدل روبهآ السكري طالع شكلهآ نعوم حييل خصوصا بعد مآ قصة شعرها ..برزت ملامح وجههآ الطفوليه أكثر .. لمحت الباب اللي يفصل بين قسم الرجال وباقي البيت مفتوح ومشت بتسكر وقفلت نصه ودخل جزء من شيفون الروب بطرف الباب هنآدي: يووه مو وقته .. دنقت بكآمل جسمهآ وحاولت تطلعه بعد عدة محآولآت طلع وتكرمش عدلت وقفتهآ ورفعته من عند صدرهآ .. غطت خصلآت شعرهآ الآمآميه على عيونهآ وحركت رآسهآ ع اليمين وبعدت شعرهآ وأنصدمت من الشخص الوآقف أمآمهآ مذهول بمن يرآهـآ .. سكنت كل جوآرحهآ من صدمتهآ ... تعلقت عيونهآ فيه تغيرآت جذريه حدث فيه منذ أخر مرة رأته فيه .. والأجمل أنه لآ يزآل يحتفظ بجآذبيته السمرآء وعينآه السودآوآن .. أمآ بالنسبه له لآ تختلف أنطبعآته عنهآ ..تغيرآتهآ بآتت وآضحه نظره الحزن في عينآهآ ...أنضم شخص ثآلث لهُنـآ ..تعقلت الأعين به بعد نحنحه أصدرهآ زُلزل كيآنه يكآد يحلف بربه أنهآ ليست من كآنت بيوم زوجته ..يشتآق الى رويتهآ كُله أمل بآن تعود أمه بخبر عودتهآ التي لطآلمآ أنتظرهآ طويله ... تغيرت بشده بعد فرآقه تنقلت عينآه بينهم ....عند إفآقتهآ من غيبوبة صدمتهآ سكرت الباب بقوه وأستندت عليه وأنفاسهآ تتعالى بصدرهآ ... سمعت صوت تحركهم ابتعدت هآربه وفي بآلهآ يتكرر الموقف ألف مره ..كلتآ العينين لآ تنسى نظرآتهآ ..عين مذهوله وعين مشتآقه ..الأولى معجبه والآخرى مُحبه
بمجلس الرجال سبقه في الدخول ووبدأ بالسلآم على المتوآجدين ... دخل بعده بفتره الموقف لا يبارح تفكيره رمى عليه نظرآت شراريه يكآد يفتكه الجنون ممآ حدث .. سلم وأنتهى وعيونه مآتفارقه مآجد الذي يرد له النظرآت النآريه بنظرآت ثلجيه بحتآ
دخلت المقلط وبصوت مرتجف: السلام عليكم الكل: وعليكم السلام شوق بصدمه: هنآآآدي هنآدي ابتسمت وقلبهآ يخفق بشده ...سلمت على أم فهد وجلست جنبهآ ام فهد: كيفك يابنتي ؟ هنادي وتفكيرهآ باللي صار قبل لحظآت: الحمدلله شوق : ليش قصيتي شعرك ؟ هنآدي: تجديد بليز لا تحطموني ام فهد تلمسه: بالعكس مره حلو لآيق عليك هنآدي بخجل : تسلمين كلك ذوق سمعوآ صوت الجرس يرن شوق وقفت: أكيد أهل العريس وصلوآ .. بروح أشوفهم هنآدي: انا بجلس مع خالتي ابتعدت عنهم وأصبح المكآن لا يحوي سوآهم .. حست بأنه الوقت المنآسب التفت على جهتهآ ولمست يدهآ بحنيه أم فهد: هنآدي ابي اتكلم معك بخصوص باسل هنادي تعلقت عيونهآ بنسرين وهي تشوف نظرآت الحنآن بعيونهآ أم فهد: يابنتي لآ تخربين حيآتك عشآن شي مآ يستآهل أنتم لازم ترجعون لبعض عشآن خآطر الطفل اللي بينكم وان شاء الله بتصير حيآتكم احلى هنادي وعيون بآسل قبل دقآيق لآ تغيب عن مخيلتهآ نزلت راسهآ وردت بهمس مُستسلم: موآفقه ام فهد بفرحه: موآفقه ترجعين ؟! هنآدي هزت رآسهآ: ايه موآفقه لو يبي الليله أرجع برجع ضمتهآ لحضنهآ بقوه ودموع الفرحه تخونهآ: الله يوفقكم يابنتي ايوه كذآ فرحينآ برجعتك لبيتك وزوجك هنآدي ابتسمت: إن شاء الله بعدت عنهآ وقالت بنبره فرح: اكيد لما يعرف بيطير من الفرحه كآن ينتظر هذا الخبر بفارغ الصبر قآطعهم دخول أهل العريس بالأضآفه لأم وليد وأخوآته شوق: حيآكم تفضلوآ .. زآرتنا البركه أم وليد: تسلمي حبيبتي أم هديل: نورتوآ البيت بجيكم ام وليد: منور بأصحآبه ام فهد توقف: أهلييين بأم وليد زمآن عنك ام وليد: هلآ فيك .. ايش الصدفه الحلوه اللي جمعتنآ روآن تغمز لهنآدي وتأشر عليهم .. وأكتفت هي بأبتسآمه .. سلمت عليهم وطلعت من الملقط وأشرت لروآن اللي لحقتهآ أجتمعوآ البنآت بالصاله ينتظرون أنتهى صلآة العشاء وعودة الرجال من الصلآه ريم تزين لبسهآ: بروح أشوف رغد واجيكم سحر وقفت: بروح معك هديل: وأنآ كمآن همست لهآ بصوت غير مسموع: حبي ليش زعلآنه هنآدي : ابد ماني زعلآنه بس حآسه بشوية تعب روآن مررت يدهآ على خد هنآدي : اعرفك زين الحزن باين بعيونك كآبته نفسهآ ماتبي تضعف وتبكي بوقت غير منآسب: قلت لك مآفيني شي .. الآ ويش رايك بالوك علي روآن : يخرب بيتك طلع احلى منه علي هنادي تضحك: وانتي تبين تكونين مزيونه مثلي روان تتخصر: شوفوآ كيف .. يالله روحي الحق علي اللي أتكلم معك قآطعهم دخلوآ اسيل وأروى وأستقبلتهم مهآ وأم هديل روآن: هنو شوفي البنات ؟ هنادي: اكيد صديقات رغد .. دخلت ورآهم فاتن ومعهآ بنتهآ وقامت هنآدي تسلم عليهآ
بعد الصلآه رجعوآ الرجال من المسجد القريب من بيت ابو مهآ وأمتلى المجلس فهد – بندر – يوسف – باسل – أبوهديل – ابو سامر – ماجد – سيف – ابو سيف -أبو عبير – وليد – ابو وليد – أعمآم وليد " أبو روآن " "أبو حآزم " – الممِلك الممِلك يمد الدفتر لوليد: لو سمحت ياولدي أكتب أسمك ووقع وليد : أبشر .. ثوآني ورد له الدفتر الممِلك: ياليت لو تتكرمون توصلون الدفتر للبنت حتى توقع تحت اسمهآ فهد وقف : أبشر طآل عمرك دقآيق وراجع لكم اتصل على شوق تقابله عند الباب ... أعطآهآ الدفتر وبقى بمكآنه ينتظر رجوعهآ عند رغد بالغرفه كل البنآت وآقفين عند باب الغرفه اللي تتريق وتضحك واللي تنتظر توقيع رغد مهآ: يالله عآد سمي بالله ووقعي رغد تمسك القلم وهي ترتجف ..طاحت عينهآ على أسم وليد وتوقيعه عضت شفايفهآ نزلت دمعه يتيمه من عينه شوق حطت يدهآ على كتفهآ: يالله قلبي وقعي عشآن يشوفونك أهل العريس يسألون عنك من أول هديل : يالله عآد بنشغل الأستريو ونرقص أعلان للفرحه بكِ يافتاه رغد أخذت نفس وقالت: بسم الله توكلت على الله .. ووقعت مدت الدفتر لشوق وحضنت مهآ بقوه وكآنهآ تهرب من اللي سوته .. صفقوآ الكل بحمآس وصفرت هديل وسحر شوق تبوسهآ: الف مبروك حبي الله يهنيك مهآ تضمهآ: الله يوفقك ياعيوني واشوفك سعيده بحيآتك هنآدي: ع البركه رغودتي الله يهنيك مهآ تدفهم برى: يالله عآد ابيهآ تهدأ عشآن ندخلهآ عند اهل العريس أروى وأسيل: بنقعد معهآ
مهآ: انتم لكم الصلاحيات تجلسون ركضوآ لهآ وضموهآ .. وبكت بحضنهم اسيل: بلا دلع يالله من قدك صرتِ حرم د وليد بدأت ترتجف من طآري أسمه: خآآيفه اروى تضمهآ: عادي عادي تصير بس هدي نفسك ورآك مشوآر الليله اسيل تجلسها: هدي نفسك شوي وبنطلعك برا تشوفين الناس وتفرحين وترقصين رغد كشرت: لا بجلس بغرفتي اروى: لا ياشيخه يالله عآد عطيناك وجه بالمره ثوآني وأنفتح الباب ودخلت شوق ... صفقت : يالله يالله جآء الوقت بنزفك رغد تتمسك بأروى: لالا ابي اجلس هنآ شوق تضحك: رغد ويش فيك ؟!.. الناس يستنون جيتك والولد بعد " مسكتهآ مع يدهآ وسحبتهآ لجهة الباب " رغد نبرة رجاء : الله يخليكم لا تخلوني لحالي عندهم اسيل وأروى : بنسبقك هنآك أجتمعوآ الكل مآبين الصاله والمقلط وأشرت شوق لريم تشغل الأستريو وبدأ صوت الأغاني يرتفع شوق تهمس لهآ: يالله سمي بالله وأمشي حطت يدهآ على قلبهآ بدأت ترتجف أكثر والربكه وآضحه عليهآ مشت بحياء وعيونهآ على اخوآتهآ واللي حآضرين ... الكل مبسوط فيهآ وسعيد وهي الوحيده بينهم المتخوفه دخلت المقلط ونزلت راسهآ بحياء مآقدرت تشوف المتوآجدين .. مآحست الا بيد تمسكهآ وكآنت أخت وليد الكبيره سهآم سلمت لعيها وباستها : الف مبروك حبيبتي رغد بهمس: الله يبارك فيك ام وليد قربت منهآ تسلم: مبروك يابنتي والله طلع ولدي مآيعرف يوصف أحلى بكثير من الوصف طلت بمهآ اللي ميته ضحك وتأشر بحركآت تضحك ضمتهآ وباستهآ : تعالي حبيبتي أجلسي أخت وليد: ياحياتي عليهآ خجلانه ام فهد: الله يهينكم يابنتي ويوفقكم رغد: تسلمين ياخاله بدأ يرتفع صوت الأغاني والزغآريط من جديد والكل يرقص عدآ هنآدي وشوق المتفرجآت عن كثب روآن تسحب هنآدي مع يديهآ: يالله بس ميلي شوي هنآدي تضحك: والبيبي أم فهد ترجعهآ: بلا جنآن انتي وهيآ ..تبغينهآ تتعب روآن كشرت: عمتوو بليز هنآدي تمد لسانها: يالله أقلبي وجهك ارقصي لحالك روآن تتوعد فيهآ: أوريك يانذله شوق تضحك:ههههه حرام كسفتيهآ هنادي: مآتشوفين بطني طايره بحلقي سهآم تسحب رغد: يالله ياعروسه نبغى نشوف رقصك رغد بإحرآج: سوري مآ اعرف ارقص مهآ تسحبهآ بقوه: ارقصي يالله عيب تفشلين حمآتك رغد وعيونهآ تطلق شرآر لمهآ همست بغيض: بعدين اوريك رقصوهآ وصوت الزغآريط يصدح بالمكآن بين حين وحين الكل بصوت وآحد: ألف الصلآة والسلآم عليك ياحبيب الله محمد .. كلووووووش أم وليد تهمس لشوق: ماشاء الله عليهآ أختك قمر يابختنآ فيهآ شوق: تسلمين كلك ذوق ياخالتي ..صارت بنتكم ام وليد بأعجآب: ونعم البنت ماشاء الله .. ماشاء الله الله يحفظهآ بنتهآ الثانيه: شآيفه يا أمي كيف ام وليد: شآيفه ياحبيبتي سهآم تأشر لمهآ اللي جآتهآ على طول مهآ: أمريني سهآم : مآعليش بس وليد حآب يشوفهآ ويلبسهآ شبكتهآ مهآ ضحكت: ولو الحين اطيرهآ له كم وليد عندنآ سهآم بضحكه: راحت علينآ أحنا مهآ: هههههههه أي جاء الدور عليهم ..ألا ماقال لك وين جآلس ؟ سهآم: يقول دخل بغرفه جنب المجلس كلهآ كنب مهآ: ايوه خلآص الحين اكلم زوجي يسكر باب المجلس عشآن تمر رغد ونتفرج من بعيد لبعيد سهآم تغمز لهآ: هذا المهم
وقفت عند الباب اللي يفصل قسم الضيوف عن باقي البيت طالعتهم بعيون دآمعه وبجنبهآ أم زوجهآ وسهآم ريم: يالله رغد امشي للغرفه مشت بشويش وتردد وكلهآ خوف وحياء كآنت لآبسه فستآن وردي توب نآعم طويل مزين ببروش فضي على جنب والصدر دآنتيل وردي رآفعه شعرهآ بلونه الطبيعي من قدآم ببوف بسيط وباقي شعرهآ تآركته على طول ونعومته ومزين بخصل كيرلي والميك آب نآعم جدآ وكآنت متعمده النعومه بشكلهآ حتى تبرز ملآمحهآ أكثر ... دخلت الغرفه وريحة عطرهآ تسبقهآ رفع عينه وهو يشوفهآ متوسطه بين أمه وأخته ومنزله رآسهآ بحياء .. وقف وعدل المشلح على كتفه وسلم على أمه امه: الف مبروك ياحبيبي الله يهنيكم وليد: الله يبارك فيك ويخليك تآج على راسي يالغاليه سهآم: ماتبي تسلم على عروستك وليد بجراءه: أكيد هذي نور العين .. مشى لحدهآ وبانت رجفتهآ ماقدرت ترفع راسهآ ابد مد لهآ يده وليد: الف مبروك علينآ .. مدت يدهآ وهي ترتجف وماقدرت ترد عليه تفاجئت من ضمته لهآ .. ابتعد بسرعه حتى مآ يحرجهآ قدآم اهله وطبع بوسه على خدهآ سهآم تجلسهآ على الكنب: يالله وليد لبسهآ الشبكه والدبله وليد: من عيوني
كآنت مستسلمه للأمر الوآقع .. وعيون الكل تراقبهم من بعيد .. فتحت له أمه طقم الشبكه وعلبة الدبل الفخمه أمه: بسم الله يالله حبيبي أبدوآ مد يده للدبله ومسك يدهآ البارده وهي ترتجف بين كفوفه الدآفيه ولبسهآ الدبله .. بعدهآ جآء دورهآ لبست الدبله بسرعه بدون مآتحس ... أخذ القلآده ولبسهآ أياهآ وليد: بعدي شعرك حتى ألبسك الحلق رغد بخجل : لا مو لازم سهآم : على راحتك .. يالله نخليكم تأخذون راحتكم طلعوآ وسكروآ الباب عليهم ... كآن مآسك يدهآ وقريب منهآ حيل رفع كفهآ وبآسهآ وليد: الله يقدرني وأسعدك يا رغودتي مآ قدرت تتمآلك نفسهآ وأنذرفت دموعهآ بهدوء سآكن وليد بتكشيره: ليش الدموع من اليوم مابي أشوف دموعك رغد تسحب يدهآ بشويش: أنـ...ــآ ..أنـآ وليد بيعد شعرهآ عن وجههآ وقربهآ له اكثر: أنتي أيش ياقلبي ؟ رغد تبكي: أنآ ظلمتك كثير ... سآمحني وليد : لالا يارغد مآ عمرك ظلمتيني ..ع العموم اليوم مابي اشوف دموعك ابيك تكونين سعيده وبس رغد مسحت دموعهآ: إن شاء الله وليد : طيب ارفعي راسك بشوف وجهك اللي جنني رغد أبتسمت بحياء .. مد يده لدقنهآ ورفع رآسهآ وبنبره أسرتهآ:يآآآآآه كم تمنين عيونك مآتشوف غيري وشفآيفك مآ تنطق غير أسمي رغد نزلت عيونها: هذآ يسمونه تعذيب ضحك: ههههههآي قصدك يسمونه حب جنوني قرب منهآ أكثر ولمس خدهآ بشويش: رغد ويش شعورك ..جآوبيني بصرآحه رفعت راسهآ وحطت عينهآ بعينه ...صدقه وحبه وآضح بعيونه حست أنهآ مآلكه قلبه وهو حق خآص فيهآ ... رمشت بعيونهآ وردت عليه: فرحآنه
وليد بشك: بجد ؟! رغد مسكت يده بقوه وقالت: وليــد وليد: هــلآ رغد نزلت راسهآ: الله يقدرني وأكون لك زوجه وحبيبه وليد شد قبضته على يدهآ وردت بصوت مبتهج: آآآمييين ..آآآمين
:: ::
بعد ما أنتهت الحفله ... الكل رجع لبيته مبسوط لكن هي اللي صار اليوم مآ يغيب عن بآلهآ لحظة .. شآفت رغد طالعه من غرفتهآ ولآبسه بنطلون جينز وبدي أحمر هنآدي: على وين رغد:دودي حبيبي عآزمني هنآدي بأستغراب: عآزمك .. والليله ؟! ويش صاير لكم أنتم ؟ رغد والفرحه غآمرتهآ: حآب يخلينآ نغير جو ونقرب من بعض أكثر هنادي ترفع حآجبهآ: شوق ومهآ عارفين انك بتطلعين ؟ رغد تهز رآسهآ: يس افكورس .. يالله مآ راح أطول هنآدي : اصحك يلعب بذيله هذول مآلهم أمآن رغد كشرت: هنو عيب عليك تقولين لي كذا تراني فاهمه مايحتآج توصين هنآدي تضحك: طيب يالفاهمه روحي الله ييسرلك طلعت من البيت وكلهآ شوق لشوفته رغد ( ياربي هذآ من أول ليله صار فيني كذآ اجل بعدين ويش بيصير آآآه ياربي صدق اني هبله من زمآن يحبني وماني شآيفته ... صدق لآ قالوآ العمى عمى القلب والبصيره ) تلثمت وطلعت ولقته وآقف جنب الباب مشت بشويش ترددت عند أخر خطوه لكن سبقهآ وفتح لهآ الباب وليد: تفضلي حبيبتي ركبت وسكرت الباب: تسلم وليد يحرك السياره: كذآ حآف ؟ لفت عليه: كيف يعني ؟ وليد: يعني مآفي حبيبي قلبي عيوني ومشتقاتهآ رغد بشوية جفاف: تونآ ماصار لنآ ساعتين او ثلاث متملكين وليد: لو صآر لنآ دقيقه خلآص الحين أنآ زوجك شرعآ رغد نزلت راسهآ: عارفه وليد: على بالي ماتدرين رغد لفت عليه وضيقة عيونها: تستهبل؟! وليد يطالعهآ: توك مستحيه مسرع رجعتي رغد اللي خبري فيهآ رغد استحت : مآقصدي بس طلعت مني عفويه وليد: آآآآآه يالبى العفويه رغد : وليد وليد: ياعيونه رغد بتمهيد : يعني بمآ إنا صرنا زوجين قصدي قريبا بنصير زوجين أكيد هذا الشي ماراح يأثر على شغلك وعلى دراستي صح ؟ وليد : صــح أحنآ زوجين بالحياه العآميه لكن بالحياه العمليه أحنآ زملاء عمل وبس رغد بعفويه: ياقلبي انـآ فديتك وليد بصدمه: ويش قلتي ؟!.. عيدي بالله حطت يدهآ على فمهآ وغمضت عيونها وليد بيزيد أحراجها: لالا كذآ ماينفع الزوآج بعد اسبوعين سكتت مآ ردت عليه خآفت تقول شي وتجيب العيد معه وكلهآ ثقه أنه يبي يستدرجهآ بالحكي
في بيت بآسل جهز له كوفي يروق فيه أعصابه جلس قبال الـ Tv وأشعل سيجآره ينفث منهآ بشده ومآ حدث لآ يغآدر مخيلته .. قلبه طُعن بسكين مسمومه يكآد يتفطر قلبه لمآ حدث ..كآنت تحلف له أيمآن مغلظه لكن الحقيقه كآنت عكس أيمانهآ له .. كُشف الستار بغضب جآمح {بـاسل } هذي الحقيقه المُره ليه مآني قادر اتقبلهآ ... شفت كل شي بعيني ماعاد باقي دليل يثبت لي عكس اللي صار... عيونهم آآآآه ياعيونهم سهم طعن قلبي ...لييش لييش يصير معي كذآ ؟.. طيب انا حبيتهآ ويش ذنبي ...خلآص مآعآد باقي لهآ مكآن بقلبي اللي شفته اليوم خلاني اعرف قيمتي ورخصي عندهآ ...مآعآدت تبيني ولآ أنآ أبيهآ سمع صوت خطوآت أمه واخفى ملامح غضبه وأستيائه عنهآ ... جلست جنبه وعلى وجههآ أبتسامه ام فهد:جايبه لك اخبار حلوه باسل ببرود: سمعيني اخر التطورات نغزته على جنبه: هنآدي تجمدت ملامحه وبنبره قاسيه: ايش فيهآ ؟ أمه: كلمتهآ اليوم وقالت لي أنهآ موافقه ترجع باسل وقف وأطفى سيجآرته بعنف: يصير خير دخل الغرفه وسط تعجب أمه من ردة فعله الغريبه ...سكر الباب ورمى نفسه على السرير بقوه وصورة مآجد وهنآدي بباله
عند هنآدي يؤرق تفكيرهآ مآ يؤرق بآسل ...قلِقه من تفهمه لموقفهآ ..جفآهآ النوم تقلبت يمنه ويسره دون جدوى ... أستجمعت قوآهآ وأخذت جوالهآ وطلعت من الغرفه للمجلس ..اغلقته بأحكآم حتى تبتعد عن الجميع ..دقت عليه رآجيه تجآوبه ..أعآدت المحآوله الآلآف المرات لكن دون أي نتيجه تذكر
امآ بالنسبه له كآن يتألم من وجع الخيآنه شعوره يكاد لايوصف خليط من خيبة الآمل والصدمه التي ألمت به أزعجته اتصالاتهآ المتكرره ..سحب الجوال وصرخ : خيييير هنآدي ارتجفت من صرخته : خير بوجهك بآسل بعصبيه: خلصيني ماني فاضي لأنسآنه فارغه وخآينه مثلك هنآدي شهقت: خآآآينه ؟ باسل بحده: أيوه خآينه وأنآنيه ولآ فيك ذرة أحسآس هنادي بصوت باكي:ليش تقول عني كذآ... مآسويت شي باسل بنبره تحرقهآ وتزيد توجعهآ: الله وأكبر عليك يالئيمه ... وتنكرين أنآ شفت كل شي بعيني ...بــــعـــيــنــي بس تعرفين الحمدلله اللي عرفتك على حقيقتك الكذآبه قبل مآ أرجعك وابتلي فيك وفي خيانتك هنادي بترجي : لآ تظلمني أنت فاهم غلط باسل بسخريه:ههه فاهم غلط ...بعد اللي شفته تقولين فاهم غلط ؟ هنادي تبكي : خليني افهمك انــآ باسل يقاطعهآ بحده: انا فاهم كل شي صح .. شوفي يابنت النآس ولدي اللي ببطنك رآح أخذه واربيه ما يشرفني وحده زيك تربي ولدي وانتي تنقلعين من حيآتي للأبد مابي أشوفك أو اسمع عنك شي فآآآآهمه هنادي بترجي: الله يخليك ياباسل اسمعني وربي انت فاهم غلط باسل يصرخ عليهآ: بـــس مآبي اسمع منك ولاشي ولآشي " صرخ بقوه" ولآآآآشـــي سكر الخط بوجههآ وصرخت: بـــآآآســل .. بآسل رد علي ..بــآآسل طآح جوالهآ وغرقت عيونهآ بالدمع المآلح ليكوي وجنتآهآ ... تكورت على نفسهآ وبكت بحرقه وألم تخنقهآ ..مرت عليهآ الساعات بدون أي وعي منهآ
تبدل لون السمآء من السوآد الى القرمزي ليتدرج ويختفي ببطئ لتُزف أشعه دآفئة يتجدد معهآ العمر ليبدأ أول لحظآت يومه بأمل وفرح بغض النظر عن بعض القلوب التي تتوجع وتزدآد المآ على ألم ...جددت حيآتهآ بقربهآ من الأله ختمت صلآتها بالسلام وبقت كـ العآده في مصلاهآ تستغفر وتحمد ربهآ الذي أمد بعمرهآ يومآ فوق الأعوآم العشرين التي طوتهآ نزلت جلال الصلآه وقربت من سرير مها وهزتهآ بخفه حتى لا تصحي راكان ورنيم بصوته شوق:مهآوي يالله قومي اذن الفجر مهآ بتعب: خمس دقايق بس شوق بأصرار: قومي صلي وارجعي نامي ... يالله قومي مهآ تفتح عيونها بكسل: طيب شوقه الحين اقوم شوق: بروح أصحي البقيه يالله استعجلي وتوضي فتحت باب الغرفه ومشت بالممر دقت على رغد الباب وتفاجئت انهآ صآحيه شوق : ماشاء الله من متى صاحيه رغد تنزل الجوال من أذنها: مآنمت شوق بحده: صليتي ؟ رغد تغمز لهآ وتهمس: أحم أحم شوق : تكلمين مين رغد بفرحه غامرتها : دودي شوق ضحكت: وصار اسمه دودي رغد تأشر لها تطلع ورجعت تكلم وليد: ويش كنا نقول ؟ وليد : اممم نسيت رغد : الله يسامح شوق اللي قطعت جونا وليد:هههههههه
دخلت المطبخ ولحقتهآ ريم تسآعدهآ بتحضير الفطور شوق وهي تطبخ الحليب: ليش مارجعتي لبيتك ؟ ريم: يختي مالي مزآج والصباح سيف عنده عمل مايجي الا اخر الليل ليش اروح لحالي شوق تضحك: ياحبيبي ريم تتخصر: لايكون ماتبيني ؟! شوق: ابد ماقلت كذا ريم تفتح الثلاجه: ويش أحط ؟ شوق: كل الي موجود حطي منه ريم تفتح المربى: شكل هنو مانآمت مالقيتهآ بسريرهآ ؟ شوق لفت عليها: والصاله مافيهآ أحد ريم: تلقينهآ تصلي شوق : انتبهي للحليب بروح اشوفهآ واقول لسحر تحط السفره بالصاله ريم: طيب طلعت من المطبخ ومرت على غرفتهم ومالقتهآ ..دورتها بكل البيت ومآلقت لهآ أثر كآن أخر املهآ المجلس فتحت بابه والآنوآر وشآفتهآ منسدحه ونآيمه ...انرعبت من هيئتها ركضت لهآ ولمستهآ شوق بخوف: هنآدي .. هنـــآدي تحركت بألم وفتحت عيونهآ المتورمه: هممم شوق تحآول تجلسهآ: هنآدي ويش صار لك ..ردي علي مسحت وجههآ عن بقايا الدموع وتنهدت..ردت بصوت مبحوح من البكاء: ولآشي شوق : ليش وجهك متورم .. اكيد تبكين هنآدي تتمسك فيهآ: سآعديني اوقف وقفت وسآعدتهآ .. اسندت نفسهآ على شوق وهي حاسه بدوخه وتتوجع من رفسآت جنينهآ وصلتها للغرفه وسآعدتهآ تنسدح على سريرهآ وغطتهآ ..رجعت تبكي وبصوت مسموع جلست على طرف السرير ومسحت على شعرها القصير : قوليلي ليش تبكين؟ هنادي تخبي وجهها في وسآدتهآ: خليني لحآلي شوق استجآبت لرغبتها وطلعت من الغرفه تركتهآ .. قابلتهآ مهآ مهآ بخوف: ويش فيهآ؟ شوق: مآ ادري ماتبي تتكلم مهآ بقلق: ياربي ويش صاير معهآ شوق : تعالي نفطر مصيرهآ بتتكلم بس خليهآ تهدأ
بعد شهر ونص أنطلقت صرآخت لـ طفله ولدت حديثاً لآ تعلم بمآ يدور حولهآ .. عآنت الكثير في حملهآ وتضآعف العنآ لحظة ولآدتهآ كآدت تفقد روحهآ ثمناً لوجودهآ ...ضعف بُنية جسمهآ وترآكمآت الهموم أثرت بالسلب على حآلهآ ... صحت على لمست كفهآ النآعم لوجههآ ريم تبكي: الحمدلله على سلآمتك هنآدي والوجع يسكن جسمهآ تأوهت بألم: آآآآه ريم مآقدرت تتحمل شكلهآ المُتعب: بسم الله عليك تبين أنآدي الدكتور هنآدي تبلع ريقهآ وتهز رآسهآ بمعنى " لآ " دخلت مهآ وبيدهآ باقه ورد كبيره وعلبة شوكولآ فآخره ..باستهآ على جبينهآ مهآ: الحمدلله على سلآمتك ياقلبي الف مبروك البنوته طالع تجنن زي أمهآ هنآدي دمعة عيونهآ: وينهآ بشوفهآ ريم: شوي وهم يجبونهآ لا تخآفين هنآدي بترجي وصوت باكي: لآحد يقول لبآسل أني ولدت .. تكفون مهآ تكدرت من كلام هنآدي لآنهآ من قبل موعد ولادتها تنبهم على هذا الشي :هو أبوهآ لآزم يعرف هنآدي زآدت حده بكآهآ: لآ الله يخليكم لآ أحد يقول له مابيه يدري مآبيه ريم تهديهآ: خلآص هنوده اهدي مآراح نقول له هنآدي : لا انتم تكذبون علي أكيد بتقولون له ..بيأخذ بنتي مني بيآخذهآ مهآ تطالع ريم بأستغراب: هنآدي ويش قاعده تقولين أنتي ..خلاص اهدي ونآمي هنآدي بأصرار: لآ ابي بنتي جنبي اخاف يجي ويخطفهآ ريم أنهبلت من كلامهآ: هنوده اكيد انتي تعبانه ..ارتآحي هنآدي تبكي وتصرخ: أبي بنتي .. بنـــتــي مهآ : طيب طيب الحين نخليهم يجبونهآ دخلت روآن وعلى وجههآ الفرحه ضمت هنآدي بقوه : الحمدلله على السلآمه هنآدي: الله يسلمك روآن تتأمل وجههآ الذآبل : مبروك البنوته الف مبروك هنآدي: الله يبارك فيك مهآ: ارتاحي هنو لا ترهقين نفسك روآن تمسح على شعرهآ: الله يقومك بالسلامه ياقلبي هنآدي لفت على جهت ريم: ريم بالله بشوف بنتي من ولدت مآشفتهآ مهآ تطالعهآ بنظرآت حنيه: اوكِ الحين اكلمهم بس لاتقلقين أنتي هنادي تهز رآسهآ كـ الطفل ..غمضت عيونهآ وكل أشتياق لطفلتهآ طلعت مهآ ورجعت والبنوته معهآ مهآ: هنوده شوفي ويش جبت لك فتحت عيونهآ وعدلت جلستهآ بمسآعدة روآن وريم .. مدت يدهآ وأخذتهآ تأملت كل قطعه فيهآ .. عيونهآ أنفهآ خدودهآ ويديهآ الصغيره .. ضمتها لصدرهآ بحنآن لآ يوصف ومشآعر جيآشه وحب من أصدق الأحآسيس ..ذرفت دمعتهآ وتلآهآ سيل من الدموع روآن متمالكه دموع الفرحه: ياقلبي ليش البكآء النونه صآرت بحضنك هنآدي تشد بضمتها لهآ حطت خدهآ على خدهآ الصغير: يارب لآ تحرمني شوفتهآ مهآ حطت يدهآ على فخذ هنآدي: الله يبلغك فيهآ وتشوفينهآ عروس ريم مآقدرت تتحمل وطلعت برآ تكمل بكآئهآ تأثرت من موقف هنآدي وضمتها لطفلتهآ الرضيعه دق جوال مهآ وضحكت: الآستخبارات لفوآ عليهآ هي وروآن بأستغراب مهآ: اهلييين شوق شوق بلهفه: كيف هنآدي مهآ بتكشيره: طيب أسئلي عنآ بالاول والا حنآ مالنآ رب ؟ شوق: كيفكم شخباركم ويش مسوين .. كيف هنآدي والبيبي الجديد مهآ: يجننون شوفيهآ قدآمي شوق: عطيني بكلمهآ مهآ تمد الجوال: هنو شوق بتكلمك روآن تأخذ البنوته من هنآدي .. اخذت الجوال هنآدي: هلآ شوق: الف مبروك ياقلبي الله يبلغك رضآها هنآدي: تسلمين شوق: بشريني عنك كيفك الحين ؟ هنآدي: تعبآآنه الالم لآ يطآق شوق : ياقلبي عآدي فتره ويروح هنآدي: ان شاء الله شوق :كيف البنوته ؟ هنآدي لفت على روآن وهي تشوفهآ تلاعبهآ بهدوء: حلوه حيييل شوق: ويش بتسمينهآ ؟ هنآدي بدون تفكير: فرح شوق بأستغراب : فــرح ؟! هنآدي دمعت عيونهآ: أيه عسى ايامهآ تكون فرح شوق فهمت قصد هنآدي : آمييين حبيبتي .. يسلم عليك فهد ويتحمدلك بالسلامه هنآدي: الله يسلمك ويسلمه شوق: أنتبهي لنفسك ولفرح هنآدي: شوق بطلبك طلب شوق: أمريني حبيبتي ؟ هنآدي: بآسل لآ يدري أني ولدت شوق: بس هو درآ من اول هنآدي بخوف: أيـــش درى ؟ شوق: ايوه وبعد بيجي المدينه الليله عشآن يمشي الأجراءات هنآدي : بــس شوق: هنآدي بدون بس هذآ ابوهآ حرام عليك تفكرين بحرمآنه منهآ أستسلمت لعلمه بـ ولآدتها لطفلته
ترآتيل من فرح وعبق الخزآم يعآنق اروآحهم .. في عتيم الحيآه سلكوآ الدروب وآجهوآ الأقدار بإيمآن وعزيمه ...صُدموآ كثيرا وصبروآ كثيرآ.. قد أفلح صبرهم وحصدوآ مبتغآهم حب ووئآم وحيآه تغمرهآ السعآده ...تجآوزوآ مرآرة الفقد المؤلم وخسآرتهم لقلوب لآ تعود لهم يومآ هكذآ هي الحيآه معآدله يجب أن توزن وتصآغ ... حيآه مكونه من محطآت لآ حصر لهآ واليآئس من توقف عند عتبه لم يستطع تجآوزهآ وذلك بمحض إرآدته فالغير استطآع أن يبني أحلام من وهم تعآنق السمآء بأمتدآدهآ فنهآرت كومة أحلآمه وعآد من جديد ليغزل أحلام أخرى مستفيدآ من حلمه الذي لآ يُنتسى بشر لآ نملك الكمآل فـ أخطآئنآ بعدد ذرآت الرمال وبغزآرة قطرآت الأمطآر
رست سفينتهم على مرسى الحيآه بعد أعصآر وتقلبآت أموآج الأقدآر ...عآنوآ قسوة أيامهم وتحملوآ جفاء ظروفهم .. في ظلام اليأس وجدوآ نور الأمل وفي قمه الألم تذوقوآ لذة الصبر تبقى حيآة أبطآلنآ في استمرآر مالم تُسلم الروح إلى بارئهآ
تحت سماء المدينه التي أحتضنتهم ثلاثة أعوآم كآنت تسرح لهآ شعرهآ وتغني حتى تسليهآ بوحدتهم هنآدي : شوفي كيف صرتي عروسه قربت وجههآ من المرايا ولمست شعرها بأعجآب: مرآآ حلو مآمآ هنادي تضحك: عشآنك حلوه شعرك حلو زيك ضمت عروستها: مآمآ انا طفشآنه ابي اروح عند رنيم فوق " خلآل هذي السنوآت نقلت مهآ للمدرسه قريبه من بيتهم وسكنت هي وزوجهآ بالملحق بعد مآ رمموه " هنآدي: لا حبيبتي اكيد نآيمين لسى مآ أذن العصر خلينآ نروح المطبخ نسوي حلى فرح مسكت يدهآ وقومتهآ بفرحه وبراءة طفوله: يالله مآمآ يالله مشت معهآ للمطبخ وبدأت تسوي حلى على السريع ...بعد مآ شيكت على غرفة سحر ولقتهآ نآيمه هي وسمر بسلآم
:: :: بـ الرياض تأملت شكلهآ بالمرآيا وابتسمت عآدت لشبآبهآ وروحهآ المتفائله أنهت أناقتهآ برشة عطر هآدي ..كآنت لابسه فستآن موف غآمق قصير اكمآمه جبآنيز بنفخه بسيطه ..وتاركه شعرهآ منسدل على أكتآفه بعد مآ عآدت له حيويته ولمعآنه .. سمت بالله وطلعت من الغرفه ..كآنت نآزله مع الدرج وتسمع صوت افلآم الكرتون عآلي ويصدح بأركآن البيت شوق: ركوووني ..وينك ؟ طلعت ليزآ بوجههآ: مع بابا في الصاله دخلت عليهم وشآفته منسدح على الفرشه ويتفرج بأنسجآم على توم آند جيري وفهد جالس على الكنب يقرأ الجرآيد قربت منه وباسته على خده بشويش وهمست: ويش فيه كأنه زعلآن ؟ فهد يضحك : عيدي الحركه واقول ويش فيه شوق جلست بأعتدآل: يالله عآد ويش فيه ؟ فهد: يبي يطلع الأخ " يقلد كلمته " طفسآآن شوق: ههههههههههههههه طيب خلنآ نطلع نتمشى فهد بنظرآت حآده: وين نروح ؟ خلينا هنآ بس والله مافيني اروح مشوار شوق بتكشيره: فهودي يالله وافق بليزز فهد بجديه: لآلآ لآ راكان اللي كآن يسمعهم لف وقال: دوزك هذا مآ أحبه " جوزك هذا ماأحبه" شوق فتحت عيونهآ: عيب ركون هذا بابا مايصير تقول عنه كذا رآكآن بنظرات حآده مطآبقه لنظرات فهد: لا مآ أحبه هو مايحبني ولآ يمشيني فهد بحده: طيب قوم لغرفتك لا أشوفك هنآ راكان يوقف بدون تأثر: أروح احسن من اسوفك شوق بنظرات جديه: راكــآن تعال يالله سامح البابا راكان طنشهم وطلع لغرفته ..لفت على فهد وقالت بنبره لآيمه: فهد لاتصير قاسي عليه هذآ وحيدنآ فهد : مآتشوفينه كيف عنيد واللي براسه يسويه شوق تميل فمهآ: بعض ممآ لديكم فهد ضحك: ههه كله كوم ودوزك كوم ثاني مآ كأني ابوه ودي مره يقول بابا مايقول فهود شوق: هههههههههه عجزت عنه ولدك عليه عنآد " وقفت" بروح اشوفه وارجعه يعتذر غصب عنه فهد يرفع حواجبه : ايه اذا اعتذر اوديكم شوق : دقايق ويكون عندك
نرجع للمدينه اخذت جوالهآ وسط الأزعآج اللي في البيت شهد بعصبيه: أجلسوآآ " بقلة حيله" يوسف شوف عيالك جننوني يوسف يصرخ بصوت عالي: أقعد أنت ويآآه وألا قسم بالله مافي روحه هدأ المكآن وابتسمت بنصر دقت على جوال هنآدي ووصلهآ ردهآ على طول هنآدي: اهلين شهد شهد: كيفك ؟ هنادي: الحمدلله مافي شي جديد شهد: أقولك بنطلع أنآ ويوسف نمشي العيال تروحين معنآ ؟ هنآدي تطالع فرح: لآ روحوآ انبسطوآ انتم ..بقعد عند سحر وسمر شهد بزعل: هنآدي ترى اتصلت على مهآ وبتروح معنآ هي ورنيم وزوجهآ يالله البسي وتجهزي عشآن تروحين معهم يختي غير جو على الأقل وخلي سمور وسحر بحالهم هنآدي تضحك: اوك عآد من حظكم مسويه حلى وقهوه شهد: والله هذا وقته يالله لا تتأخرون أحنآ بنسبقكم هنآدي : طيب بروح اجهز الأغراض بسرعه باي
قفلت الخط ولفت على أولآدهآ: يالله كل وآحد يروح يلبس صندله وبشويش فآهمين بدون أزعآج محمد: مآمآ بنروح برى شهد: ايه بس اذا سويتوآ رجه نرجع مشاري يرفع سبابته: والله مآنسوي والله يوسف : هيا روحوآ البسو زي ماقلت امكم "ثوآني وأختفوآ من قدآمهم " شرآيك بشخصيتي عليهم شهد تضحك : تهبل تؤبرني يوسف: ماتبين نجيب وآحد رابع شهد شهقت: لا خلآص أخذت كفآيتي خلهم يكبرون ويدخلون المدرسه بعدين افكر اعيد التجربه قرب منها وشآلهآ: لآ إن شاء الله الرابع بالطريق قرصته على خده بشويش: يهون عليك أتعب دخل مشآري وغمض عيونه: عيييب عييييب يابابا يوسف ينزل شهد وبعصبيه: ويش جآيبك هنآ يالله استنى عند الباب شهد:هههههههههههههههه روح معهم لا يسوون بأنفسهم مصيبه تعرف عيالك الشقاوه بدمهم يوسف يمشي لمشاري ويقرصه على أذنه: منت فالح الا بالتنكيد قم يالله اركب السياره مشاري عند الباب: سيبني ااااي والله اقول لمآمآ يوسف شاله وحطه فوق رقبته وبتهديد: تقول لآمك ؟ مشاري يضحك: أكذب عليك يوسف: ايوه كذآ انت ولد أبضآي
ربع سآعه ونزلت لهآ مهآ ورنيم .. وسبقهم بندر على السياره مهآ : يالله انزلوآ قبلنآ هنآدي بتهديد: رنيم انتبهي لفرح مو تضربينهآ زي كل يوم رنيم بغرور:أنا اضرب وحده اصغر مني ؟ مهآ تميل فمهآ : لا ماتضربينهآ بس يالله انزلوآ وأحنا وراكم نزلوآ وتحركوآ لـ الحديقه التي سيمكثون فيها بعض من الوقت .. افترشوا الحريم بجهه والرجآل والأطفال بجهه أخرى مهآ وبطنهآ قدآمهآ: أحسن مآسويتوآ ياشهد على الآقل نغير جو
شهد : والله جنني ميشو قلت نطلع نتمشى يمكن يهدأ شوي هنآدي :ولدك هذآ سفاح بنتي بس تشكي منه شهد بدافع: عاد بنتك دلوعه على طول تبكي مهآ: يووه بالله جايين نسولف مابي شي يخرب جلستنا هنآدي تفتح صينية الحلى: يالله بذوقوكم الحلى من الطفش سويته شهد تضحك: بأخذك عندي بس تطبخين وتكنسين هنآدي بتخصر: استني لمآ اجي اخدمك
بجهه أخرى اجتمعوآ مع بعضهم وبدأ أزعآجهم من جديد .. رنيم وفرح يلعبون مع بندر ويوسف وأولآده الثلاث مع بعض مشاري: رنيم تعالي هنآ بنسوي طيرآن يوسف بتهديد وقسوه: يابزر اجلس لآ ارجعك البيت مشاري سكت وهو مطنش يوسف فرح: عمو يوسف ركبني هنآ " أشرت على مرجيحه طويله عليها شوي وماتقدر تطلعها يوسف يشيلها: حاضرين للحلوين .. تبين أدفك ؟ فرح تضحك: ايوه تركي يسحب ابوه: لا بابا تعال معاي يوسف: استنى خلني ادف فرح تركي بأزعآج: لآلآلآ دوري أنـآ دوري بندر يغمض عيونه بدأ يصدع من الرجه: الله يدوخك يايوسف انت وعيالك عليكم رجه ماشاء الله تبارك الله يوسف بطفش: ويش أقول انا ياخي حتى النوم مآ اتهنى فيه واحد فوقي واحد جني واللي يركب على ظهري آآآخ بس شكل بيجي يوم ابكي فيه بندر يضحك: الله يعافينآ ولآ يبتلينآ الله يعينك انت وامهم يوسف ينزل لمستوى فرح: هاه فروحه خلص دورك بعدين نرجع نبدأ من جديد نزلت بهدوء وبدون أعتراض .. مشت لجهة رنيم ومشاري اللي يلعبون لحالهم مشاري: ابي ايسكريم رنيم توقف عن اللعب: طيب بروح اشوف بابا عشان يجيب لي مشاري يمشي معهآ: وانا كمآن فرح ببرآءه: وانا كمان بقول لعمو بندر رنيم لفت عليها وتخصرت: لآ روحي عند أمك هذا ابوي أنآ فرح كشرت: بس كمان عموو رنيم : انتي مآعندك أب زينا روحي دوري على اب مشاري يسحب شعرها: ايوه روحي عند امك مانبيك معنآ فرح مشت وطنشتهم راحت لبندر ركضت له وهي تنآدي: عمو بندر لف على جهتهآ وشاف عيون رنيم الناريه وهي تلحقها بسرعه محاوله ابعادها عن ابوها الذي تعتبره حق خاص لها دون الغير : هلا حبيبتي فرح : عمو نبغي أيسكريم بندر : ابشري الحين نجيب لكم بس انتم كملوا لعبكم بالأول فرح لفت على رنيم ومدت لسآنهآ: ياحرام طلبته قبلكم مشاري بحقد: روحي عنا رنيم تقرصهآ بدون محد ينتبه: لاتقربين من بابا روحي جيبي أبوكِ مشاري : اصلا أحنآ عندنآ أم وأب وأنتي لا واللي ابوه مو مع ابوي وعمي بندر مانبيغاه يمشي معانا سحبوهآ ورى السياره وضربوهآ ومشوآ عنهآ وجلست تبكي على الأرض .. ظلت وقت طويل تبكي لكن محد حس فيهآ ... بعدت عن السيارات وجلست على الرصيف نزلت راسهآ على ركبهآ وقصة بكاها مستمره شآفهآ على الرصيف شكلهآ بث الحزن في صدره جسمهآ الصغير ووضعيتهآ الباكيه إسترقت قلبه ..نزل من سيارته ومشى لحد مآ وصل لهآ حط يده على شعرهآ البندقي النآعم وبلمسة حنآن فائق ..: ايش فيك ياقمر رفعت راسهآ وبانت عيونهآ الوآسعه بلونهآ العسلي الفآتح وهمست بشفآيفها الورديه الصغيره: مافيني حآجه ..: طيب ليش جآلسه لحالك هنآ ؟ رجعت تبكي وبصوت متقطع وقلة حيله: ضربوووني ..: مين اللي ضربوك ؟ زمرت شفآيفه وهي تتنفس بسرعه: رنيم وميشو ..مايحبوني ..: في قمر زيك محد يحبهآ ؟ ردت بصوت طفولي: همآ مايحبوني ..: ليش ؟! مسحت دموعهآ المتسآقطه : عشآن مآعندي بابا زيهم
عند الحريم أجتمعوآ الكل عند أمهآتهم عدآهآ هنآدي تتلفت بكل الجهآت: ويــن فرح ؟ رنيم بدون نفس: ما ادري كآنت تلعب معنآ هنآدي بتأفف: ياربي مدري وين راحت " وقفت وعدلت طرحتهآ ولثمتهآ ولبست صندلهآ عشآن تدور عليهآ "
دورت بكل مكآن ومالقتهآ زآد قلقها وتسارعت خطوآتهآ سمعت صوت خلف سياره يوسف الفارغه قربت أكثر ولمحتهآ من بعيد وبجوآرهآ شخص غريب ..:طيب وينه أبوكِ؟ فرح رفعت عيونهآ للسماء : مآمآ تقول بآبا سافر " شددت على نطق الحروف " بعييد ومن زمآآآآآآآن .. بس كمآن مآمآ تقول أنو بابا بيجي في يوم ويأخذني ..:وأنتي تروحين مع أبوكِ لوحدك طلت فيه بصدمه: لآ لآزم مآمآ تروح معآيا حرام اخلي مآمآ لوحدهآ ..:بس انتي تبكين عشآن تروحين مع بابا هزت راسهآ بنفي: لآ انا ابغى بابا وماما معاي.. اصلا مآمآ دآيم في الليل تبكي تقول ماتبغى بابا يأخذني عشآن ماتسير لوحدها ..:وأيش تقول مآمآ بعد ؟ فرح ابتسمت: تقول أن بابا حلو وطيب زي عمو فهد وهيآ تحُبه وتستنآه زيي ..: طيب اذا جاء بابا ايش تبغين يسويلك ؟ فرح وقفت وتأشر: يشتريلي ايسكريم وقف وشآلهآ: طيب يالله نروح نشتري لف بيمشي وأنصدم من شوفتهآ قدآمهم ..صدمتهآ فيه لآ تقل عن صدمته ..سنين بآعدت بينهم وأنستهم الحيآه بعضهم سآر كلاهمآ بطريق مختلف ليكمل حيآته لكن هي لآزالت تتألم منه ومن أتهآمه لهآ بالخيآنه ..حتى الثوآني كآنت شبة عديمة المرور كل منهمآ يتأمل الأخر بنظرات غريبه واليمه ..وخوف من عودة المآضي ليسرق اجمل هديه لهم من السماء قآطعتهم صرختهآ : مآمآ نزلهآ وركضت لأمهآ وضمتهآ لكن عيون أمهآ لآ تتعدى المآثل أمآمهآ ..لفت يديها عليها والخوف سرى بكل خليه في جسمهآ تحركت بتمشي لكن يده كآنت أسرع لهآ نزل لمستوآهآ بعيونه لمعة حنآن مافهتمهآ لصغر سنهآ: ماراح تبوسيني ؟ ضمته وباسته على خده ..بعدت عنه وقالت بصوت طفولي: باااااي ابتسم لها وقلبه يتفطر عليهآ: باااي حبيبتي سحبتهآ من يدهآ بقوه ورجعوآ وهي تصرخ عليها: كيف تكلمين وآحد غريب فرح: مآمآ هو جآء عندي كان بيشتري لي أيسكريم هنآدي بعصبيه: خليك عآد تروحين لأي مكآن فهمتي لفت وشآفته يراقبهم بعيونه ضمتها اكثر وكلها خوف منه ورجعت لعند مهآ وشهد هنآدي والأرتباك باين عليها: شهد خلينآ نرجع البيت خلاص مو لازم نجلس مهآ: بدري ياهنادي خلينا نجلس هنادي :لا بالله قولي لزوجك نرجع احسن شهد: تونآ الحين يأذن المغرب ونمشي جلست عندهم وكل شوي تتلفت تخآف احد يشوفه او يتجرأ ويجي عند الرجال ..خابت ظنونهآ لمآ مآ لقت له أي أثر ..وتنهدت بأرتياح
الساعه 10 في البيت أنتبهت لشرودهآ وكثرت اخطآئهآ وقلقهآ المتضح على تصرفاتها مها : هنادي ويش فيك اليوم منتي على بعضك ؟ هنادي: شكلي تعبانه شوي مها: بس اللي فيك مو تعب ..لما رجعتي انتي وفرح وحالك منقلب صاير معك شي؟ هنادي: لا ابد بس لقيتها تلعب على الطريق العام وخفت عليها تعرفين صغيره ماتفهم مها : اها الحين بطلع بيتي اشوفك بكره مشت ورآهآ وقفلت باب الشقه ...رجعت للصاله ولقت فرح نآيمه شآلتهآ لسريرهآ وطلعت عنهآ بهدوء شغلت التي في حتى تشغل نفسهآ ..جآت سمر وشافتهآ لحالهآ سمر: أزيك ياقمر هنادي ابتسمت: زي ماتشوفين .. ويش ذا النوم يابنت لا يموت قلبك سمر : يختي وراي زواج خليني افلهآ بالنوم هنادي : كيفه سامر من زمآن عن أخباره ؟ سمر تكت على الجدآر واخذت نفس طويل: بخيييير جنني هالولد هنادي تضحك: طالعه من قلب سمر ابتسمت وبصوت عالي: ســحـــر تعالي عندنآ سحر جآت تمشي وترقص: بالله مآ أجنن ؟ هنادي: مو مهم رائينآ أهم شي رائي معآذك سحر : ههههههههههههههههههههه وانتي تبينه يسبني والله لو أقوله الحليب اسود بيقول اسود بدون نقآش سمر تضرب فخذهآ: شوفوآ كيف الثقه الحين يقول اسود بكره لاتزوجتوآ بيقولك الحليب احمر بتقولين احمر غصب عنك هنآدي:هههههههههههههههآآآآآآي والله أنك صادقه ياسمر تصدقين يجي منك سمر بضعف: هو يجي مني بس انتم ما تعطوني فرصه سحر : بالله روقينآ .. تعالوآ بقولكم على فكره لزفتي هنآدي بتغير جوهآ: هآتي خلينآ نتسلى بدل ذا الطفش
بعد أنتهى العزيمه وهدوء الأجوآء مابقى الا فهد في بيت أبو مهآ وأخوآت شوق دخلت عليه في المجلس: دريت بعزيمه يوسف؟ فهد : أي حلفت عليه بس تعرفينه راسه يابس قربت منه وحطت يديهآ على كتفه وتكت برآسهآ على صدره: ولو أنت قدرك أكبر من كذآ فهد ضمهآ: لو دريت خليتهم من أول يعزموني اذا بسمع منك كلام حلو شوق:ههههههههـ يوووه لهدرجه وآحشك كلامي ؟! فهد جلس وجلسهآ بجنبه: وآحشني وبس ..من زمآآآآآآآن ياشووق مآ ارويتي قلبي بحنآنك رفعت عينهآ لعينه : فــهــد ... تحبني ؟! رفع يديهآ لشفآيفه وقبلهآ بقُبله طوويله رفع راسه وألتقت عيون مُحبه عآشقه بلآ نهآيه: انتي اللي علمتيني معنى الحب ..علمتيني معنى الأخلآص والوفاء .. انتي ياشوق علمتيني الصبر والأيمآن ...غيرتي حيآتي خليتي لحيآتي هدف وطعم ولون .. لو مآ أشوفك في كل صبآح أضيع ..لو أفقد بسمتك أتوه انتي امسي ويومي ومستقبلي أنتي أغلى من سكن قلبي .. لآ عآد تسألين بـ أحبك ..أسئلي يآعشقي ويش سوى فيك حبي بدآية ارتبآطهآ فيه كآنت على وشك القسم بأنهآ لن تسمع أي كلمه تحمل في طيآتهآ معنى المحبه منه ..تبدلت حيآتهآ وأصبح كل أملهآ ومرآدهآ بلآ مقدمآت عشقت جنونه ..غموضه ..وقسوة أحسآسه ..أجبرته على حبهآ بروحهآ المؤمنه وتحملهآ لجفآئه وشدة معآملته لهآ في المآضي ..الأن لآ يسعى الآ لرضآهآ لا يعشق سوآه بآتت أنثآه الوحيده التي لآ يستبدلهآ بأغلى الأثمآن لمعة عينآهآ بلمعة لا يعرفهآ سوآ العآشقون ارتسمت على شفتآه المتورده بسمه تخفي خلفهآ قلب مجنون صرخآته تهز أعمآقه وتهوى معهآ خفقآته ..حضوره يجذب كل جوآرحهآ فهد همس: يعذبني سكوتك شوق نزلت رآسهآ بحيآء ومُبعد دمعه لآ تدرين مآ سببهآ:مابقى كلام أقوله ..أنآ مفضوحه عقد حوآجبه وبنبره استغراب ممزوجه بحده: مفضوحه ؟!!... بــأيـش ارتفعت يدهآ لتمسح دمعتهآ لكن أوقفتهآ يده ونظرآت عيونه الحآده...يآكم تعشق عينآه تأخذهآ لـحيث اللآوعي ... حضنته بقوه وبكت : أحـــبــك والله أحــبـــك رد عليهآ وهو يمسح على شعرهآ بحب وحنآن: اوعديني مآتبخلين علي بمشآعرك شوق تبكي: كلي لك قلبي وعمري لك فهد: الله يخليك لي ويكتب لنآ السعآده بصوت مبحوح: سعآدتي معك انت بحلوهآ ومرهآ معك قآطعهم دخول رآكآن منزعج من فرح وأزعآجهآ له .. وقف يتأمل امه وابوه ..بعدت عنه ومسحت دموعهآ شوق: تعال ماما في شي ؟ راكان مشى لآمه وعيونه على ابوه وبضيق وآضح عليه: ماما لآتجلسين عنده شوق كشرت: لييش ؟ راكان: تعالي قوليلي حكآيه قبل النوم ونامي عندي شوق: طيب " وقفت" يالله حبيبي فهد: لاتتاخرين علي شوق تضحك: اوكِ راكآن بعصبيه: لآآآآ ..أنتي تنامين معآي شوق: طيب طيب بنآم معآك رآكان: كل يوم تنامين عند هذآ " ويأشر على ابوه " خلآااص الحين دوري شوق تطالعه مصدومه من كلامه : بس هذا بابا .. ويش راك كلنا ننآم معاه ؟ راكآن: لا انتي تنآمين معي وبس ..أنتي امي مو أمه يروح ينام مع أمه هوآ انطلقت ضحكآتهآ هي وفهد بالمجلس :الله يصلحك ياركوني يالله نروح ننآم طلعت من الغرفه وهي تضحك قآبلتهآ سحر سحر: الله يديم هالضحكه .. بس ويش السبب شوق تغمز لها: شي ماينقال سحر: يعنني ..روحي نومي ولدك مزعجني من أول شوق: والله مآفيكم خير أجل أخوات على أيش ؟ سحر : على بطيخ دخلت غرفتهآ القديمه وسدحت رآكآن على السرير وأنسدحت عنده شوق ضمته لصدرهآ: هآه مامي ويش تبي احكيلك ؟ راكان: مابي حكايه شوق: اجل يالله قول بسم الله وغمض عيونك وتخيل أنك بالجنه راكان رد عليها: ماما ليش مآعندي أخوآن زي حمودي وميشو وتروك ؟ انصدمت من سؤآله سكتت لوقت طويل وبعدهآ قالت له: خلاص حبيبي انت نآم وبعدين اقولك ليش راكان: لا قولي الحين انا بس لحالي وهم دايم يلعبون مع بعض شوق تنهدت: ياماما لما تكبر راح يصير عندك أخوآن كثير ..واصحاب تلعب معآهم راكان : يعني لما اصير كبير يصير عندي أخوآن ؟ شوق دمعة عيونها: ايوه بيصير عندك .. يالله نآم حبيبي غمض عيونهآ وهمس بصوت طفولي: بسم الله الرحمن الرحيم ترددت في أذنهآ كلمه ماما ليش مآعندي أخوآن ماما ليش مآعندي أخوآن ماما ليش مآعندي أخوآن
كنت أشوفك فداخلي نظره ألم صرت لي النظر وأنمحى كل الوهم انت باقي الأمل في سنيني والحلم انت الأمآني الحآضره والمآضيه دعيت في عتم الليالي ولطف الصبر الله ينور دنيتي بطلتك يآ أثمن حلم
" بقلمي "
{ شوق } كنت مآرآح تكون يانور عيني بس الحمدلله اللي ربي رزقني فيك لولآك ماعاد لي رغبه بالحيآه .. انت املي ياحبيبي الله يحفظك لي ويبلغنا فيك أنتظرته الى ان غط في نومه .. بدلت ملابسهآ بهدوء وطلعت من الغرفه شافت هنآدي جالسه بالصاله وتشرب كوفي : هنوده ليش مانمتي بكره ورانا طلعه هنادي ابتسمت: مافيني نوم شوق جلست جنبها: الظآهر في شي شآغل بالك هنادي تطالع بجآمتهآ: لا بس روحي لزوجك كآشخه مو لله شوق ضحكت: خليك من زوجي وقوليلي اللي فيك ؟ هنآدي : آبد ياقلبي مافي الا كل خير شوق عبست: بقولين وألا كيف ؟ هنادي أخذت رشفات من الكوفي وردت بهدوء: بــآسل شوق فتحت عيونهآ: ويش فيه ؟! هنادي : جاء يشوف فرح شوق شهقت: ويش ؟ هنادي : ياليت على كذا وبس تخيلي أخذهآ لما كآنت تلعب بالحوش بدون مآ ادري كنت بأنجن دورنآ عليهآ ومآحصلنآهآ بالاخير رجعت تقول مآمآ صديقي أخذني شوق بصدمه: معقوله بآسل يسوي كذا ؟.. طيب يجي يقول بشوف بنتي لكن مو بهذا الأسلوب هنادي بكت: شوق اخاف يأخذهآ مني .. انا بعد فرح اضيع اموووت مدري ويش يصير فيني يمكن أجن مو يمكن الا اكيد شوق حضنتهآ وربتت على ظهرها: لآتخافين حبيبتي صدقيني هو ابوها ماراح يضرها ابد .. يمكن اشتاق لهآ مهمآ كآن هذي بنته قطعه منه هنآدي تتمسك فيها: لا عيونه تقول بيأخذهآ .. بيبعدهآ عني خلوه يأخذ روحي بس تبقى فرح معي هي فرحتي وكل دنيتي شوق تهديها: بسم الله عليك ياقلبي انتي أهدي ..كل شي وله حل هنادي تبعد عنهآ: خلاص روحي انتي شوق: لا بجلس معك هنادي بحده: والله ازعل منك اصلا الحين بروح انام شوق باستهآ على جبينها: الله يريح قلبك هنادي من قلب : آآآآآميييييين يارررب
في بيت وليد تقلبت في مكآنهآ لكن النوم مجآفيه همست : ولــيــد رد بصوت نآعس: نـعـم رغد مررت يدهآ على شعره: ابي أتكلم معآك وليد بنعآس : ايش تبغي رغد ومآزالت يدهآ بشعره:يعني أنا بسئلك .. حآب يكون عندنآ بيبي التفت لجهتهآ وعلى وجهه علامة أستغراب: بس أحنا حكينا بهذا الموضوع من قبل رغد تتذكر أولآد أخواتهآ: بصرآحه دودي اليوم لمآ شفت أولآد أخوآتي يلعبون ومسوين جو في البيت فكرت وقلت ليش أحنآ حارمين نفسنآ من هآلشي وليد أبتسم: يعني تبين نجيب أطفال رغد بوزت: وهالمقدمه ويش معنآتها وليد: ههههههههههههه " تعدل بجلسته" بس عندي شرط رغد وعيونهآ متعلقه فيه: اللي هو ؟! وليد: نجيب مربيه أنا وأنتي شغلنآ بيشغل كل وقتنآ رغد : طيب مو مشكله وليد يخرب شعرهآ: ونآسه يصير في أحد يزعجنآ بدل الهدوء المييت هذا رغد تبعد يده عنهآ: هههههه بس هذا اللي يهمك وليد: أي هذآ اللي يهمني رغد كشرت: مافي شي ثاني يهمك ؟ وليد يفكر: امممم لا والله خليني ارجع أنام بكره عندي دوآم رغد تحضنه: يارب يخليك لي وليد بحب: ولآيحرمني منك يادنيتي
:: ::
مساء اليوم التالي جهزت نفسهآ وبنتهآ وكشخت على الأخير ..طلعت من الغرفه وشآفت البقيه جآهزين سحر تشيل شنطتهآ: يالله تأخرنا قرب أذآن العشاء وإحنا ما تحركنا سمر تلف طرحتهآ: خلآص جآهزين وجلالي ينتظرنآ تحت هنآدي تتلفت تدور على شوق: وين راحت شوق ؟ مهآ: سبقونآ يالله نروح فحر تدف أمهآ: يالله مآمآ لبسوآ عباياتهم وطلعوآ بـ أتجآه الأستراحه بعد ربع سآعه وقفوآ قبال الأستراحه المكونه من قسمين . قسم خآص للرجال ويحوي ملعب كورة قدم وتنس وخيمه شعبيه ومسبح جآنبي .. وقسم للنساء مكون من غرفتين وصآله كبيره حوش مزدوج مع حوش الرجال يطل على ألعاب للأطفال وملعب كرة القدم .. بالأضافه الى جلسآت بلآستيكيه موزعه بعشوآئيه بقسم النسآء مهآ: يسلم يوسف ع الجمعه الحلوه هذي أم يوسف: أي والله يابنتي من زمآن مآ أجتمعنآ جمعآت حلوه كذآ غدير توقف على جنب: اقول تراني جايبه لكم حتة أستريوآ كأنه ديجي نبي نرقص ونستانس هنادي بحمآس: يختي انا مدري ليه احبك على جنآنك والا تفكيرك هديل تقرب من هنآدي: انتي فله يا غدووش فللله كأنك حاسه اننا نبي نرقص وننبسط غدير ترمش بعيونها بغرور: اصلا من يومي فله خلود: بس بس لاتشوفين نفسك علينا غدير بتهديد: الكل بيرقص نبي نسوي جو مو تسوون نفسكم ثقيلات الرجال ماهم دارين عنك شهد بمؤآزه:ابشري بس خلينا نتقهوى ونشعلل الطاقه شوي وبتشوفين العجب مهآ تميل فمهآ: بدأت حركات المراهقه شوق :ههههههههه مهآوي قولي خيرا أو أصمتي مها بحسره: شآيفين كرشتي قدآمي تحسرون فيني ليه ؟ مريم تضيفهآ: خليك منهم حنآ بس نبي نسولف ماحنآ من مشجعين الرقص مها بتحطم: على قولك .. هنادي ارقصي عني وعنك هنادي : حشى والله لو أني أخطبوط سمر وقفت عند الشباك الزجاجي وبعدت الستاره تتفرج على الأطفال ... وشهقت لما شافت راكان يبوس فرح ويلعبهآ لحالها سمر بنبره ضآحكه لفت على خلود وغمزت لها خلود جات ركض: ويش فيه سمر : فاااتك موقف أباحي على كيف كيفك
خلود فتحت عيونها: أمــآآ بالله قولي ويش صار ؟ سمر: تخيلي راكان يبوس فرح ..ياعيني بدأت قلة الأدب من الحين خلود تدقها: يختي مشاعرهم شريفه وبرئيه مو زي بعض الناس اعوذ بالله من تفكيرهم
جآت هديل ونطت عليهم: ويش عندكم اكيد سالفه قولوهآ يالله قولوهآ سمر : والله مافي شي نتريق بس هديل تكش عليهم: كش عليكم والله اروح عند هنو ازين من هالوجيه "حركت شعرها بغرور حتى تقهرهم ورجعت لهنآدي اللي كانت تكلم روآن " هنادي بهمس: والله عادي يالله تعالي بلا تناحه روان : لا احراج بيقولوا ليش حاشره نفسها الأدميه هنادي : بقول انا عازمتك يالله ياويلك ماتجين نبي ننبسط مع بعض روان :امممم طيب امري لله بأجي هديل ابتسمت: وناسه خويتك بتجي ؟ هنادي هزت راسهآ ووقفت: بروح اساعد شهد تجين معي ؟ هديل: لالا ابي اخزن طاقتي للرقص والهيصه هنادي: بكيفك .. مشت لحد ماوصلت عند شهد ورغد وجلست بينهم: أي خدمه من هنا من هنآك شهد: تسلمين ياقلبي " سكتت شوي بعدها قالت بصوت اقرب للهمس" تخيلي اليوم يوسف من شاف ؟ هنادي باهتمام: مييين ؟ شهد : بآسل تجمد كل شي فيهآ طالعتها بعيون مرعوبه: أيــ....ـش؟ شهد : ويش فيك أقولك باسل .. وعزمه أتوقع يجي لهنآ هنآدي بتهرب وتصطنع البرود: براحته جآت غدير تصفق: يالله أستعدوآ بيبدأ الطرب ارتفعت صوت الموسيقى وتشجعوآ الكل وبدوآ الأغلبيه بالرقص رغد تصفق: عآشوآآآ الحلوييييين هديل ترسل لهآ بوسآت: تقصدني يافديتك بس شهد سحبت هنآدي وصآروآ يرقصون مع بعض هنآدي: ههههههههههه شوي شوي لا تتحمسين دخلت روآن بعبايتهآ سحبوهآ معهم بدون مقدمآت وأرتعبت من حركتهم وصارت ترقص بعبايتهآ أم يوسف: اقول شوق هذي صديقة هنآدي ؟ شوق:أيوه وتصير قريبة وليد زوج رغد .. بس ليش تسألين ام يوسف ابتسمت: تبين الحق البنت عآجبتني نآعمه وحلوه ابي اخطبهآ لولدي مآجد شوق ابتسمت: الله يكتب اللي فيه الخير مآراح تلاقون له أحسن منهآ ام يوسف تتنقل عيونهآ بين هديل وروآن وبدآخلهآ تقارن بينهم حتى ترسي لخطيبه لأبنهآ غدير تنكس: هنو تعالي معي شآركتهآ هنادي الرقص .. وأنتشر جو الفرح بين الكل
سمعوآ اصوآت أزعآج الأطفال وهِتآفاتهم البريئه .. ركضت سمر للشباك وصرخت سمر: حمآآآآآآس ركضوآ الكل للشباك وشآفوآ كل الشباب يلعبون كرة قدم ومقسومين لفريقين شوق تضحك: ياحليلهم يلعبون شهد تدفهم: بعدوآ بشوف عيالي يشجعون أبوهم وألا لا " طلت مع الشباك وشآفت اولآدها ورنيم وفرح ورآكآن جالسين على طرف الملعب يشجعون هديل تحمست من اللي تشوفه : خلونآ نلبس عباياتنا ونتفرج عليهم ثوآني وطلعوآ كلهم لبرى وفرشوآ لهم فرشه كبيره وجلسوآ يتفرجون رغد ترفع صوتهآ: سجل هدف ياولـــيــــد شهد : لآلآ يوسف وبـــس مهآ تضحك: الحمدلله والشكر اقول استريحي أنتِ وهي بندر وبـــــس والباقي خس أم يوسف وغدير ومريم بصوت وآحد: يــــوسف .. يوســـف جآء مشاري ومعه محمد: شجعوآ بابا معاي شوق تهمس لهم: فهد بفريق مين مشاري: بفريق بابا ارتفعت أصوآت المشجعيين الآ صوتهآ السآكن لمحته من بعيد يمشي والبسمه على شفآته عيونه تلمع بلهفه وشوق طآحت عينه عليهآ وطريقة جلستهآ المريحه تبدل حالهآ من شوفته وقف على طرف الملعب وفتح يديه لأستقبال قطعة قلبه ..كآنت تجري له والفرح يلفهآ ..أسمهآ اقتسمت منه نصيبا في هذه الأثناء .. ضمهآ وصآر يدور فيهآ وصوت ضحكآتهآ الطفوليه تتعالى .. توقف الكل عن اللعب والعيون متعلقه بـ أثنين لآ ثالث لهم هـــنــآدي & بــآســل فرت هآربه من العيون التي تلآحقهآ ... رمت نفسهآ على الكنبه بقوه وارتفع صوت بكآهآ منظر فرح وهي تعآنق أبوه ألمهآ وجدد أحزآنهآ أقتربت لحظة رحيلهآ عن حضنهآ لحقتهآ روآن وشوق .. رفعت راسهآ وصرخت : لآآآ يـــأخــــذهـــا مــنــي ...لآ يأخذهآ جلسوآ بجآورهآ متنقله تآره بين أحضآن شوق وتآره بأحضآن روآن
في الخآرج فرح : عمو فهد شوف هذآ صديقي فهد قرب منه وابتسم: لآ فروحه هذآ بابا فرح طلت في باسل بعيون بريئه: بــابــا ؟! بآسل حضنهآ بقووووه لصدره وهو يتمنى يمحي كل لحظة فقد ووحده كآن يعنيهآ بدونهآ : بابا يافروحتي
شهد تمسح دموعهآ: ياربي قطع قلبي هـ الباسل رغد توقف: تعالي نشوف هنآدي ام يوسف: لا خلوهآ لحالها يابنتي رغد جلست وعيونهآ على الباب اللي دخلت منه هنآدي لفت على مهآ وسألتهآ :مهوي ويش فيك سآكته ماتتكلمين مهآ لفت عليهآ وابتسمت: افكر بالحيآه..وين كنآ ووين صرنآ ..الحين كل وحده همهآ الوحيد حيآتهآ واطفالهآ شهد: الحمدلله على كل حال أهم شي التوفيق والسعآده ردت شوق من ورآهم: والصحه والأيمآن جلست عند مهآ وهمست: خلآص بيبدأ روتين الحيآه ..عآنينآ وبكينآ وضحكنآ وأنبسطنآ هذي هي الحيآه مرت على الجميع ذكريآتهم المُره .. السعيده .. الجميله .. المؤلمه هنآ كآن للصبر مع شوق حكآيه ... وللألم مع رغد نصيب ..التحدي والعنفوآن أتسمت به مهآ ... والكتمآن الآ نهآئي كآن يتمحور بـ هنآدي ...الحب الصادق والحيآه المريحه كآن الجزء الأكبر منهآ لشهد ... أمـآ سحر كآنت شخصيه شفآفه متسآمحه وفآرضه لنفسهآ الأحترآم ... ريم خيوط من حكآيا الهدوء وروتين الحيآه يملئ أيامها ..سمر هي عنوان البراءه وتهورآت لبعض من جوآنب المراهقه علآقة أخوه كآنت أسمى واعذب العلآقات أختلطت دموعهم سويا ... عآشوآ افراحهم سويا وآجهوآ بعض المشآكل التي تخللت حيآتهم وأحدثت فجوآت بينهم أجتمعت قلوبهم على المحبه الصادقه كره شهد لـشوق في بدآية حيآتهآ لسودآوية مآضيهآ الذي لم يكن لهآ أي رغبه به.. طغت عليه فطرة الحب الأخوي ومحت أي بصمه سودآء تلوث ثوب النقاء مهآ وقسوة كلمآتهآ التي قد تجرح ولا تدآوي وعنفوآنها الدآئم ..وقصة زواجهآ المستمر الى هذه اللحظة
روح إنتمآئهم الى بعض مسيطره الى الأن على احسآس قلوبهم اكثر من صدآقه اكثر من قرآبه علاقتهم لآ توصف شفآفيتهآ بتآتآ ..أرتبط اسم شهد بـ رغد روح مقسمه بجسدين كآنوآ لا يفترقون بالرغم من عدم توآفق افكآرهم في حين وطوفآن المشآكل في حين آخر كآنت تضيف على حيآتهم رونق خآص بوجودهآ ...تقلبآت حيآتهآ أثرت على جوهم الذي لا يزدآن الا بحضورهآ ... في بدآية حياتها عآشت في تهور وشخصية ابغضهآ البعض فحين بدأت أحلامهآ بالنمو صُعقت بالتغيير الذي سكن حيآتهآ وأحدث بهآ التقلبات .. عآشت في شتآت الرغبه وضياع المشآعر تلك هي المحبوبه من الجميع هنآدي ريم & سحر ... عآشوآ حيآتهم برضآ تام دون التسخط على أي من أقدآرهم أحلآمهم بسيطه لا تتجآوز اسره صغيره تملئهم فرح سمر اتسع قلبهآ للجميع تحملت جنونهم ومدآفع السنتهم السامه بطيبة نفس وروح الأخت الصغرى ...كآنت جديه في حيآتهآ و تصدم احلامهم بحضرة الوآقع وهذا مآ يستفزهم
كآن القآسي الغآمض من بين الجميع تكره حروفي وصفه لغموض قلبه ...الفهد بدأت حيآته بغموض وأنتهت بوضوح ..كـ الغمآمه الرمآديه تخللت حيآته مآ لبثت حتى أختفت دون عوده صدق أحسآسه وأمن بمشآعره وأحبب أن يكمل حيآته بلا نزآع او كره لأحد الأطرآف توآجد أمـه وأتضح مآكان محى كل بقعه سودآء على أورآق الزمــآن
تغزل لنآ الحيآه وسآئد من حقآئق لآبد أن نؤمن أيمآناً تآم بهآ ... عوآصف أوهدوء سآكن يجتآح أيآم نعيشهآ ولكن لآ سلطة لنآ على القدر فهو بيد القآدر
{شــوق} الحمدلله اللي مَّن علي بالصحه ورزقني بطفل يسوى دنيتي ومآفيهآ .. وزوج كآن يرهقني توآجده والأن وجوده يدآوي جروحي التي لآ تبرأ ... أزدآنت حيآتي بعد مآ غلبني اليأس والآلم والنظره السودآويه للحيآه .... الأيمآن والأمل هو سر الحيآه السعيده وحـسب
{ رغــد}
مآضي تخطيته بصعوبه أيام عشتهآ لا أود العوده حتى إن كان طيف الذكرى يجبرني إلي اجترآرهآ ... الفشل لآ يعني نهآية الحيآه الأجمل ان نتخطآه ولا يكن عتبه لآ نستطيع تجآوزهآ بسلآسه
{ مهــآ} بعض الأسرآر يُفضل أن تكون حبيسة الروح لآ يجوز الأفصآح عنهآ ... المهم أني اعيش بسلآم وأمـآن في كفن عآئله متمآسكه محبه لبعضهآ
{ شهـد} لآبد في الحيآه من التضحيآت والأجمل أن تكون التضحيه لمن هم قطعه من الفؤآد .. حينهآ ستكون لتضحيآتك ثمن
{ فــهــد } القسوه لآ تعني البرود او بلآدة الأحسآس .. فـ الحيآه تُركبنآ بظروفهآ واحدآثهآ وزمآنهآ ..يؤلمني مآ كنت عليه في المآضي لكن الأن رآضي تمآم الرضا عن نفسي وحيآتي يكفي ان معي أنسآنه اكسبني الزمآن قلبهآ وتضحيتهآ خير مآكآن
أمــآ { هـنـآدي } وقفت عند الشبآك تتأمله من بعيد ... أبتسمت على ثنآئيتهم رق قلبها له من جديد بالرغم من جروحه التي لم تبرأ .. تعآندهآ الصدف في حيآتهآ ويؤلمهآ تفكيره الغير منصف لهآ مسحت دمعتهآ اليتيمه التي انهمرت من جفن أضنآه السهر ..أنتبهت لروحهآ تعود لهآ وبيدهآ ورقـه بلعت غصتهـآ جلست على طرف الأريكه بتعب ..بدأت في مرحلة اللآوعي .. خبت وجههآ بحزن كآسح .. قربت منهآ ولمست خدهآ بنعومه .. رمشت بعيونهآ الوآسعه والسعآده تغمرهآ مدت لهآ الكرت الأبيض فرح: مآمآ هذآ من بابا طالعت روان بعيون كلهآ دمع اللي شآلت فرح وقالت لهآ بحب: هنآدي قبل تفتحين الكرت أتخذي قرآرك الأخير والخيره فيما اختار الله غمضت عيونهآ ونزلت راسهآ وهي تقلب الكرت خآيفه تكون نهآيتهآ بقرآءة حروفه ولكن بصيص الأمل على عودة حيآتهآ لمآكآنت عليه يدب من جديد ...غمضت عيونها وقوت نفسهآ .. قرارهآ لآرجعه فيه ليس لأجل قلبهآ بل لأجل الطفله التي تتمنى حيآه كـ البقيه مترفه بوآفر الحب والسعآده ..وأبتسمت لأيآمهآ القآدمه
دعـيت الله في سـجودي يـبرد حرتي مآدريـت أني بـشـوفتك بأموت كـلـي ليل ونهآر أتمتم بكرهي وسوء ظني عرفت الحب من بعد طيفك يامعذبي رددت فـي عـتـمة لـيلي يـآ خآطـفي الله وحـده يدري ويـش بخــاطـري لكن مآهـقيـت أنك بتـصـيـــــــر فـــي يـــوم عـــاشــقـــي
أنسدل الستآر على مسرح { يآخاطفي وين القى عزتي في زمـآن المذلـه }
أنتهت قصة التنهيد ..الألم .. المعآنـآه ..ليعيشوآ الحيآه بفرح ووئآم وأنسجآم البعض مر ولم يترك أثر والبعض كآنوآ هم أصل الحدث أمتزجت أحآسيس الكل وإئتلفت قلوب لم يكن متوقع لهآ الإئتلاف ... تضارب مشآعر وخليط من الأحاسيس اللآمعقوله ... أستكآنت اروحهم لينعموآ بأكفان الحب والسعآده والوئآم .. نهآيه لحيآه مفتوحه كل الأمل ان يبقوآ سويا حيثمآ كآنوا كل الأمل ان يبقوآ أبطالي يعيشوآ بسلآم وهنآء ..وتعآنقهم سحآئب الرحمه والغفرآن
يآ اخر أحرفي سلآمـاً لهم من القلب حيث كآنوآ .. وحبآ قابع بين زوآيا أضلُعي لمن بآت أياماً هنـا
