لفت على فهد تتأمله وهو نايم مآيدري شنو صآر من ورآه بالخفاء غمضت عيونهآ الحاره من تبعثر دموعها لمست يده بهدوء وكلهآ حزن وانكسآر ....بعد معآنآه من التفكير قدرت تهدأ وتنآم ...مرت سآعتين من سكون أنفآس هذآن الشخصين ظلآم حآلك + جو بآرد + انفاس منتظمه فجأه أنطلقت صرخآت مفجعه من أحدهمآ أهتزت لهآ الجمآدآت حولهم صرآخ بصوت محتد خآئف ..وَجِل ممآ رآئه صحت مرعوبه من صرخته القويه اللي افزعت قلبها ..فتحت الضوء بسرعه شوق بخوف شديد: فــــهــــد فهد بعد عنهآ وهو يشهق يبي يأخذ أكبر كميه من الهوآء وتسارعت أنفاسه ونبضآته شوق مسكت أكتافه: بسم الله عليك حبيبي ..أيش فيك فهد بفزع: مين انتي ...مــــــــيــــــــن ؟! شوق فتحت عيونها مصدومه: انا شوق ...بسم الله الرحمن الرحيم عليك فهد حط يده على صدره وهو يتذكر الكابوس اللي شافه: اعوذ بالله من الشيطآن الرجيم قامت بسرعه جابت له كأس مويه :أشرب ياقلبي ...جلست جنبه وقرت عليه المعوذآت بعدهآ بدأ يرجع طبيعي لكن انفاسه لسى مآ أنتظمت شوق تمرر يدها على خده وعيونهآ تتفحصه بنظرات خايفه: ايش فيك حبيبي قايم مفزوع فهد: شفت كآبوس الله يكفينا شره شوق:أكيد نمت بدون ماتقول أذكار النوم فهد طالع فيهآ بأحراج: هاه أيه صح ماقلتهآ ( على اللي حافظهآ اصلا ..استغفر الله العظيم واتوب اليه) شوق ضمته: الحمدلله انه كآبوس تعوذ من الشيطآن وأقراء الأذكار وان شاء الله تنام مرتاح فهد رفع راسها لوجه: انتي فيك شي حآسه بشي ؟ شوق ابتسمت له بحب: مافيني الا العافيه التقت عينه بعينهآ ..تذكر شكلها بمنامه بكآهآ وصرآخهآ كل توسلآتهآ له ظهور أمه وقتلها له اللي أرعبه لف يديه على ظهرها وحضنها لصدره: الحمدلله شوق كانت تسمع نبضات قلبه المتلاحقه بعدت عنه وطالعته بقلق:فهد قولي ويش فيك ؟ وجهك مصفر فهد : ولاشي..خلينآ ننآم أحسن رجع أنسدح ..وهي رجعت مكآنهآ وطفت النور..حست بقربه منها ويده اللي تلتف على خصرها قآبلته وباسته على خده شوق تبي تفرفش عنه شوي: يمكن كابوسك عشان ماقلت لك تصبح على خير فهد ضحك:والله يمكن مو طلعت ولقيتك نايمه ويمكن نمت زعلان عليك قرصته على خده بشويش:ايه اعترف انك زعلت علي فهد :آآآح قرصتك تعور شوق :يوووه نسيت انك حساس فهد يخرب شعرها: تتريقين علي يابنت القايد شوق قربت وجهها منه: افا انا اتريق على فهودي "سكتت شوي وبعدها قالت بنبره حلوه" فهد اذا جبت ولد ويش بتسميه؟ فهد تفاجئ من سوالهآ اللي ماتوقعه أبدآ :امممم انتي ويش خاطرك تسمين الولد؟ شوق: رآكآن فهد : اسم حلو ...بس ويش معنى راكان ؟ شوق تذكرت أخوهآ الوحيد اللي مآعآش الا اسبوع ولحق امه اللي توفت بعد مآولدته:على أسم أخوي الله يرحمه فهد سكت مصدوم بعد دقايق قال بصوت مندهش:كآن عندك أخ؟ شوق: امي مآتت بعد ماولدته وهو عاش أسبوع لان وقتها جاء وعمره 7 شهور وتوفى على طول فهد: أذا خاطرك بأسم رآكآن ان شاء الله اكون ابو رآكآن يآ أم راكان شوق ابتسمت: عاجبك الأسم فهدبنبره حلوه: عجبني حيل يكفي انه على ذوقك ...طيب أذا بنت شوق بسرعه قالت:ابي أسميهآ نجد فهد بأستغراب:ويــش نجد ..لالا ماعليش ماهو حلو غيريه شوق بدلع:ياسلام هو انت اللي بتتعب بالولآده وألا أنا يعني الحين وآفقت على راكان ورفضت نجد فهد يضحك:بالله هذآ أسم ..دوري غيره شوق كشرت: بس هذآ عاجبني فهد بأعتراض: لآ ...طيب ويش رايك بأسم نسـ.."سكت على طول" شوق فهمت قصده: حبيبي أذا تبي تسميهآ على أمك ماعندي مانع نسميهآ نسرين اسم حلو وسهل فهد: لا ماهو هذا قصدي ...ويش رايك نسميهآ جومانه شوق :وووع ماهو حلو ..شوف يانسرين أو نجد وآحد منهم فهد يضحك: طيب خلاص تأمرين أمر يأم ركوني شوق ضحكت:وآآآآو ياحلآته على لسآنك فهد يمسك خشمهآ:اللي محليته رآعيته ::: ::: :::
يوم ملكة سحر
الكل كآن مشغول بنفسه وتحضيراته بالأضافه للكوآفيره المتواجده عندهم عشان تجهز سحر شوق: انتم اذا خلصتوآ روحوا للاستراحه انا فهد بيجي يأخذني وسحر معاي مها: زين انا خلصت بشوف هنادي وسمر ورغد اذا خلصوآ شهد توقف: بروح البس ميشو يوسف رفض أروح مع جلالي مها تغمز لها: ولهان الرجال شهد حمرت خدودها وسوت نفسها معصبه: روحي شوفي شغلك مها ماتت ضحك على شكل شهد اللي تحول الي لون الدم ..طلت بشوق اللي مبتسمه لهآ مها :ديري بالك عليها شوق عقدت حوآجبها : مين ؟ مها تتخصر: سحر يعني مين شوق انفجرت ضحك:على بالي شهد شهد لفت وهي تزبط شعرها:ايش رايكم احط شعري على جنب والا لا شوق مسكت خصل عشوآئيه وثبتتها على جنب: كذا أحلى صدح صوت نغمة جوال شهد في الغرفه :هذا يوسف اكيد وصل ..ألقت أخر نظرة على نفسها وطلعت من الغرفه متجه الى غرفتها عشان تشوف مشاري شهد: هلا حبيبي يوسف: هلا وغلا بالزين كله ..بشري خلصتي شهد:لا والله حبي باقي شوي ..لا يكون وصلت تحت يوسف: لا بعد مامشيت من بيتنآ يمكن أوصل امي وغدير ..وبعدين أرجع لك شهد ابتسمت: زين ماتسوي يكون أنا وميشو خلصنا يوسف: نص ساعه واكون عندك تعرفين الآستراحه قريبه من البيت شهد تضحك: ايه نسيت انها قريبه من بيتكم ...يالله بخلص قبل توصل "قفلت الجوال وبدت تلبس ميشو وتجهز أغراضه "
في الغرفه الثانيه كآنت ميته من الخوف ومتوتره ..تهز برجولهآ بشكل فضيع وتقضم أظافرهآ من شدت الخوف والتوتر مسكت يدهآ بحنيه وعلى شفتاها ابتسامه هاديه:صلي على النبي وأذكري ربك ..ماله داعي الخوف أجل كيف بتكوني يوم الزواج سحر: بموت من الخوف أحس قلبي بيوقف شوقه اكيد حآسه فيني انتي جربتي من قبل نفس الأحساس شوق تغمض عيونهآ وتتذكر كيف كآنت مجبوره على زوآجهآ من فهد مشاعرهآ كآنت غير عن أي بنت في الدنيآ وقت ملكتهآ طردت كل الافكار اللي هجمت على مخيلتهآ وركزت بسحر اللي محتاجتهآ بهذا الوقت:اي حبي مريت فيهآ انتي بس استغفري وأدعي الله انه يبعد الخوف عنك ..لاتضيعين أحلى لحظات عمرك بأشياء مالها داعي سحر تأشر للكوآفيره توقف: لاتتركوني انا معرف أتصرف شوق ضحكت: من عيوني كلنا جنبك ..بخلي الكوآفير تكمل شغلها بروح اجلس بالصاله ارتاح شوي سحر: أوك أتجهت للصاله وشآفت مها لابسه عبايتهآ ومعهآ رغد وسمر وهنآدي اللي كآنت ملامحهآ متغيره 360 درجه بسبب نفسيتهآ المتدهوره والميك أب اللي محليهآ ومعطيهآ نعومه وبرآءه طفوليه مهآ تمسك بنتها: احنآ رايحين جلالي ينتظرنا تحت أنتبهي لسحر وقبل توصلون كلميني على الجوال شوق: طيب سمر :شفت شكلها وربي ميته من الخوف شوق ابتسمت:بيجي يوم ان شاء الله تكوني بنفس مكآنهآ سمر ترفع يديهآ:يآآآرب يكون قرريب هنادي تدفهآ: يالله عاد تأخرنا رغد :اي والله تأخرنا ..يالله خلصونآ طلعوآ كلهم وبقت وحدهآ في الصاله ..بدأ يرجع لهآ الألم من جديد يوخز جسمهآ أكثر وأكثر شوق ( يارب تعدي هذي الليله على خير ..يارب مابي فرحة خوآتي وفرحتي تخرب يـــآآآآرب) نست الآلم أو بالأصح تناسته لما سمعت صوت شهد ورآهآ شهد تدور شنطتها:اقولك ماشفتي شنطتي؟ شوق: لا انا رايحه ألبس سحر قريب تخلص وأنا لسى مالبست ولا سويت شعري شهد ابتسمت لها: طيب ترى انا شوي وخارجه يوسف وصل تحت شوق:اشوفك في الأسترآحه ..مشت للغرفه وشهد تدور شنطتها اللي ماتذكر وين حطتها بعد ربع ساعه لقتها ..رجعت للغرفه وشافت يوسف شآيل مشاري ويبوسه شهد (الله لايحرمني من شوفتكم):ويش رايك بميشو وهو كاشخ يوسف لف عليها صفر تصفيرة اعجابه لانه وصل ودخل الجلس على طول وماشافها:اكيد مو أحلى من أمه شهد حمرت خدودهآ:عجبك الفستان؟ يوسف رجع مشاري على السرير ومشى بأتجآه شهد: يجنن انتي اي شي تلبسينه تزيدنه حلى شهد نزلت راسها واشغلت نفسها بشنطتها اللي تدخل فيها جوالها وعطرها وبصوت مستحي: الحلا منك وفيك يوسف قرب منها وباسها على خدها:مشتاقلك ياغلاي شهد بعدت خصله متمرده عن وجهها:مو كثر شوقي يوسف ابتسم: ويش رايك بالرجعه ترجعين معي للبيت شهد فتحت عيونها على كبرها وشهقت: من جدك تتكلم؟ يوسف عقد حواجبه:ايه من جدي ليش ماترجعين خلاص مابقى الا اربع ايام وتخلصين الأربعين شهد كشرت: ماشاء الله عليك دقه بالحساب يوسف ضمها: الشوق ومايسوي شهد باسه على خده ومسحت روجها: يالله حبي تأخرنا يوسف يضحك: ياحبك للتصريف شهد تشيل مشاري واغراضه:انت شايف الوقت منآسب يوسف نغزهآ مع جنبهآ:ايه شايفه منآسب شهد ضحكت :طيب خذ ولدك وأنزلوآ بألبس عبايتي وألحقكم يوسف: لا تتأخرين
بعد سآعتين من هذآ الوقت الكل متوآجد في المكآن الذي سيشهد أول خطوه لحيآه جديده أبطالهآ شخصين لآثالث لهم سينفردون بذآتهم عن الجميع ويكون لهم مسآحه حره مولوده شرعآ ليبدوآ لحظآتهم الآولى بين أحضآن أهلهم وأحبائهم ...وبعدهآ يكملون مسيرتهآ التي ستكون عمرآ من أيام متكوره بالمجهول لآ أحد يعلم غيبهآ سوء الوآحد المعبود قلوب أجتمعت على وقت فرحه وسعآده كثيرآ مـآ أنتظروهآ بالأخص قلب عآشق متيم في حبهآ المجنون وقلب فآتنه تخوفآتهآ تكدر أحآسيس الفرح والحياء المتزآحم بنظرآتهآ خليط مشآعر يتفاعل مع أوكسجين الجو لِـ يخلق على رمشهآ دموع مالحه لآتجد حيله لتنفيس ألا بهآ..تشبتث يدآهآ وعينآهآ بالتي تقف أمآمآ لتسآندهآ في صعود أول خطوآت حيآتهآ الجديده التي تحمل لهآ كثير من المفاجئآت ..تستنجد بهآ روحياً وجودهآ معهآ يشعرهآ ببعض الأمآن الذي تلاشى ويُذكرهآ بأحضآن دآفئه أفتقدتهآ منذ الأزل شوق همست لهآ:سحر يالله وقعي البنت تنتظر والرجال برى ينتظرون سحر مسكت القلم وهي ترجف وبصوت يكآد لآيُسمع:بـ..بـسم الله ابتسمت وهي تتأمل حبر القلم يرسم توقيع الموآفقه على أرتبآطهآ المصيري بزوج وحبيب قد يكون الدنيآ بأسرهآ في عينهآ ..نزلت رآسهآ لمستوى جبين سحر وطبعت قُبله تحمل معآني الحنآن والآمومه الصادقه شوق: ألف مبروك حبيبتي ..الله يجمع بينكم على خير سحر نزلت رآسهآ بحيآء وخدودهآ تعلن حاله من الهيجآن الخجول مكتسيه لون الورود:الله يبارك فيك شهد ضمتهآ بقوه لصدرهآ بحب أخوي:على البركه حياتي الله يوفقكم مع بعض ويكتب لكم السعآده لينا بآستهآ على خدودهآ بقوه:مبررووووكـ سحورتي ألف مبروك "لفت على شوق وأخذت الدفتر منهآ ..طلت في ريم اللي تسلم على سحر وتبارك لهآ لينا:بروح أبشر حبيب القلب تلقين مغمي عليه الحين أم لينآ وخلآتهآ أمتلت زغآريطهم في المسآحه الضيقه بالغرفه المتوآجده فيها سحر مهآ تسلم على أم معآذ:الف مبروك الله يتمم على خير ام معآذ بأبتسامه رضا: أمين يارب "مشت لسحر وسلمت عليهآ بحراره وباركت لهآ ولشوق وشهد والبقيه رغد كآنت منتبه لهنآدي وتصرفاتهآ الغريبه ..ماهي عآدتهآ تكون أنعزآليه بمناسبه زي هذي بالعآده تكون خالقه جو حلو ..أفتقدت حسهآ ومرحهآ ..ملامحهآ تبوح بحزن لكنهآ تكابر وتحآول تروض طغيان مشاعرهآ الجآمحه مشت لهنادي وقربت منها لآحظت سرحآنهآ الغير طبيعي :هنوده هنادي فزعت لآنهآ كانت بعالم ثاني:هلا رغد رغد: خير حبي فيك شي كأنك متضايقه في شي مزعلك هنادي ابتسمت: ابد مافيني شي رغد مدت يدها:قومي يالله نسلم على سحر قبل تفقدنآ وتزعل علينا هنادي وقفت ومشوآ بأتجآه سحر ..ورغد تراقب هنادي بكل حركه تصدر منهآ بعد مآسلموآ عليهآ..طلعوآ لمكآن الحفله وبقية المعازيم ...بدأ الرقص على أنغآم الديجي اللي أضافه جو على السهره الحلوه ..وكل قلب من قلوب المتوآجدين ينبض بوآدي مختلف عن أي قلب أخر ..البعض يتألم والبعض يُحب والبعض يشتآق وقلب وآحد فقط يحتضر أخر اللحظآت بألم فآدح يسكن الجسد الضعيف ...جلست على كرسي بعيد عن الكل ..تتأملهم عن بُعد ابتسمت على نفسهآ وحركتها (شايفه ياهنادي كل وآحد لاهي بعمره ودنيته أذا أنتي مافكرتي بحياتك وكيف تغيرينها محد بيتهم فيك أو يغيرهآ لك ...ليش مآتخلين كل الموآزين تنقلب وتنحرف عن مسارهآ الصحيح ..ليش رآفضه دخول باسل في حياتك ..صحيح أنه دخل بطريقه غير مرغوب فيهآ لكن انتي بس تقدرين تخلين دخوله لصالحك مآهو ضدك ..فكري زين لآتتسرعين بقرآرآتك وأحبكي كل شي على مهلك وخلي السحر ينقلب على الساحر) حست بيد تنلف على رقبتها وصوت تقدر تميز صاحبه لفت راسهآ بتلقائيه للخلف وابتسمت بفرح :هلآ وغلا روآن توقعتك ماتجين روآن تبوسه على خدهآ: أقدر ارفض لك عزيمه ..كيفك اليوم حبيبتي؟ هنادي: الحمدلله مبسوطه ..انتظرتك تتصلين بعدين شفتك طولتي قلت اجل ماراح تحضر روآن ضحك: شوفيني قدآمك ..يالله على الكوشه نفسي ارقص لين أشبع من الرقص هنادي توقف: يالله نروح عشان اعرفك على خواتي وبنات عماتي اكيد راح تنبسطي زياده روآن بحماسيه: يالله هنوده أتجهوآ للكوشه وهم يسولفون مع بعض..مرت هنآدي من عند عبير اللي جآت مع امهآ بالغصب وشآفت هنادي اللي طنشتهآ وكأنهآ ماشافتهآ ولآ شالتهآ من أرضهآ أم عبير بصدمه:أيش فيهآ هنادي ماسلمت عليك ؟ عبير عقدت حوآجبهآ بأستغراب:ليه سلمت عليك ؟ ام عبير:أيه اول مآدخلنا سلمت علي وبسرعه رآحت ..ليه مآجآتك دآيم على طول تكونين معهآ عبير أرتبكت:هآه ..ايه حنا متهاوشين ؟ ام عبير رفعت حآجبهآ بحده واستنكار:انتم تتهاوشون خير ويش اللي صار؟ عبير:ولاشي زعلت مني على سبب تافه كها يومين ونتراضى ام عبير :ان شاء الله ..بس مين اللي معها الحلوه كأنهآ أجنبيه عبير:صديقتهآ بالجامعه يقولون البنات أن أمهآ فرنسيه مدري اوربيه الاكيد أنها ماهي سعوديه أم عبير بأعجاب: ماشاء الله
شوق كانت تراقب هنادي وصديقتها من بعيد وفرحت لما شافت هنادي مبسوطه وتضحك وعآيشه جوهآ بدون منغصات شوق(الله يوفقك ياقلبي واشوفك سعيده ومبسوطه ومافي شي يجيبلك الهم وينغص عليك حياتك) جات مها جلست جنبها وتتكلم معهآ عن ام معاذ وكلامها عن سحر اللي حبتها على طول
بالكوشه رغد ابتسمت:ماشاء الله اجل ابوكِ تاجر معروف هنادي : هي عايشه لوحده في قصرهم ماعندها اخوان ولاخوات وكل اهلهم في جده رغد حزنت على روان:ان شاء الله نكون مثل اهلها روان بحياء:والله حبيتكم ودخلتوا قلبي سمر: وانتي بعد تدخلين القلب روان:انتي ايش تدرسي رغد ما اشوفك بالجامعه ؟ رغد :انا ادرس طب والحين تدريب في مستشفى ..... روان بصدمه: والله هنادي ضحكت:ايش فيك انفجعتي مو قلت لك ان اختي تدرس طب روان:نفس المستشفى اللي ولد عمي يشتغل فيها؟ هنادي عبست:اي ولد عم انتي قلتي كل اهلك في جده روان ابتسمت: ايه نسيت اقولك ان ولد عمي جاء وكمان عايش معانا في البيت بس له قسم خاص فيه رغد: أيش يشتغل ولد عمك؟ روان :دكتور أسمه وليد الـراجح رغد انصدمت وشهقت :أيـــش؟ روآن استغربت ردة فعل رغد : الدكتور وليد الراجح رغد :مـتأكده ان الدكتور وليد ولد عمك ؟ روآن:انتي تعرفينه؟ رغد ارتبكت وتغيرت ملامحهآ بشكل ملحوظ:ايه اعرفه هو الدكتور اللي أتدرب عنده"حاولت ماتبين اي شي قدآمهم" أنصدمت لما قلتي انه ولد عمك روآن ضحكت:قآل لي أنو بينقل لجده في مستشفى التتخصصي عند مامته واهله رغد بعد سكوت طويل:كأني سمعت أنه متزوج روآن احتدت ملامحهآ وبعدهآ انفجرت ضحك:مين قصدك وليد ..أخر شخص يفكر أنو يستقر وليد ماعندوه مشروع زوآج ابدآ رغد ابتسمت:أهآ الله يوفقه بحياته روآن تغمز لها: رآح أوصيه عليك وأخليه يسآعدك رغد بحده:لآ "كلهم طلوآ فيها بصدمه تمالكت نفسها"قصدي مولازم انا اعرف أدبر اموري مشكوره حبيبتي "وقفت"عن أذنكم بشوف شهد وميشو روآن وهنادي تفضلي سمر جرت هنادي قريب منها وهمست:أيش فيها رغد هنادي تهز كتوفهآ بسلبيه: الله أعلم
في مكان الرجال الذي سيشهد حكآيه أخرى فهد ويوسف وأبو هديل جالسين جنب ابو مهآ اللي يسلم على الحآضرين من العآئلتين كآن خآيف أن باسل مآيحضر ويفشل كل اللي خطط له ...حس بجوآله يدق ..طلعه بسرعه ورد فهد بهدوء: هلا والله ...وينك فيه ؟..طيب بطلع لك الحين دقايق وطلع عند مواقف السيارات يستقبل بآسل ...اللي وصل بعد ثواني سلم عليه بحراره واشتياق:كيف حالك وكيف الشغل معك باسل ابتسم له: بخير انت شخبارك عسى امورك تمام؟ فهد:الحمدلله احوالي ماشيه باسل التفت على البوابه وبدأ اعصابه تتوتر:مين جوآ ؟ فهد ابتسم ومسك يده: يالله قدآمي انت ماتعرف احد فيهم بعرفك عليهم شخص شخص باسل اخذ نفس طويل ومشى للبوآبه خلف فهد اللي انبسط بجيته دخل وهو يتأمل الرجال اللي وقفوآ عن يمينه ..سلم على معاذ وأبوه واعمآمه ..بعد التبريكات والسلام وقف قبال ابو مها اللي أول مره يشوفه بحياته فهد: سلم على ابو مها عم شوق باسل فتح عيونه على كبرها وحاول يخفي ارتجافه وهو يشوف نظرآت ابو مها الحارقه له وعيونه على فهد اللي يعرفه على باسل بلباقه وأحترام وبدآخله خوف تبددت مساحته وطغت على كيانه
فهد ويوسف وأبو هديل جالسين جنب ابو مهآ اللي يسلم على الحآضرين من العآئلتين كآن خآيف أن باسل مآيحضر ويفشل كل اللي خطط له ...حس بجوآله يدق ..طلعه بسرعه ورد فهد بهدوء: هلا والله ...وينك فيه ؟..طيب بطلع لك الحين دقايق وطلع عند مواقف السيارات يستقبل بآسل ...اللي وصل بعد ثواني سلم عليه بحراره واشتياق:كيف حالك وكيف الشغل معك باسل ابتسم له: بخير انت شخبارك عسى امورك تمام؟ فهد:الحمدلله احوالي ماشيه باسل التفت على البوابه وبدأ اعصابه تتوتر:مين جوآ ؟ فهد ابتسم ومسك يده: يالله قدآمي انت ماتعرف احد فيهم بعرفك عليهم شخص شخص باسل اخذ نفس طويل ومشى للبوآبه خلف فهد اللي انبسط بجيته دخل وهو يتأمل الرجال اللي وقفوآ عن يمينه ..سلم على معاذ وأبوه واعمآمه ..بعد التبريكات والسلام وقف قبال ابو مها اللي أول مره يشوفه بحياته فهد: سلم على ابو مها عم شوق باسل فتح عيونه على كبرها وحاول يخفي ارتجافه وهو يشوف نظرآت ابو مها الحارقه له وعيونه على فهد اللي يعرفه على باسل بلباقه وأحترام وبدآخله خوف تبددت مساحته وطغت على كيانه ..مد يده بهدوء وثقه تخالف مآبدآخله بآسل: السلآم عليكم أبو مهآ ببرود ونظرآت حآرقه: وعليكم السلآم بآسل: كيف الحآل ابومهآ: الحمدلله ..كيف حآلك أنت بآسل غيرت نظرآته بأتجآه فهد تهرباً من ابو مهآ:بخير فهد بأبتسامه رضا:وهذا يوسف عديلي باسل ابتسم وسلم على يوسف ..والبقيه برحابة صدر ..بعدهآ مشى لكرسي بعيد وجلس أشر لفهد اللي جاء جنبه فهد : ويش فيك انعزلت تعال عندي انا ويوسف باسل :لا لا ماودي ازعجكم فهد: اقول يالله تعال عندي بسرعه باسل:فهد ترى ما تركت اشغالي والغيت الاجتماع الا عشانك يكفي تتأمر علي ..على فكره وصلني خبر ان ابوك بآع قصره وكل شي يملكه فهد: بجد ..متى صار هذا الكلام؟ باسل سحب له كرسي: أجلس اجلس ورانا هرج طويل فهد جلس جنبه: خير قول باين عندك اخبار كثيره باسل:كنت بقولك بعد ان الشركه اللي كتبتها لي وصلت اربآحهآ للنص فهد رفع حاجبه بأعجآب: ماشاء الله ..شاد حيلك باسل يغمز له: ولو ترى أعجبك رآعي شغل تخبرني فهد: أسمع بكره الصبح ابي أقابلك بمكآن في موضوع مهم ابي أحآكيك فيه باسل عقد حوآجبه بأستنكآر:خير ويش فيه؟ فهد حط يده على كتفه: كل خير بأذن الله اقولك بكره ..الحين بروح عند عمي بآسل ابتسم له وطالعه لين وصل لمكآنه بجنب يوسف اللي بدأ يقهوي الضيوف بمسآعده من بندر وأبو هديل بآسل( ويش بتسوي يافهد لو تدري اني تزوجت هنآدي ...الله يستر لايصير شي أنا ماحسبت حسآبه ) تذكر هنآدي طلع جوآله بسرعه واتصل عليهآ ..مآجآه رد من أول مره لكـن رجع كرر المحاوله عدة مرآت
بجآنب أخر من هذآ المكآن الصغير
كآنت مبسوطه بهذي المنآسبه رمت كل ألألـم خلفهآ خشية من تنتصر عليها ...كآنت ترقص مع روآن بفرحه والبسمه مآتفارقهآ ..عآشت هي والبقيه ساعتين من الفرحه والمشآعر الجميله التي ابعدت كل قلب عن مآيعانيه لبُرههَ من الزمـن هديل تصرخ:أي عليهم ..عآشت هنوده هنادي تضحك:بدل الصرآخ قومي ارقصي معنآ هديل تضحك وتدف خلود:يالله خشي أتحفيهم برقصك خلود تتخصر: يوم قربت الأغنيه تخلص منتِ صاحيه هنادي رجعت جلست مكآنهآ وعيونها على روآن اللي ترقص مع رغد وأنسجمت معهم ..حست بحركه جوآلهآ لآنهآ حاطته سآيلنت ..رفعت بتلقآئيه وارتسمت تجآعيد الكره على جبينهآ هنادي(ويش يبي ذآ بعد ..أووف منه ناشب لي) ...نزلت من الكوشه المصغره ومشت لمكآن بعيد محد يلمحهآ فيه ..قربت من الغرفه اللي جالسه فيها سحر وأنتبهت لغرفه صغيره فآضيه ..دخلتهآ وسكرت الباب وجلست على أقرب كرسي لهآ ..رجع دق للمره الالف عليهآ وردت هنآدي: نـعـم بآسل: مسآء الخير هنآدي ميلت فمهآ وسندت ظهرها على الكرسي ردت بدون نفس:مساء النور باسل:وحشتيني تجآهلت كلمته ومآردت عليه أبد ..مرت خمس دقآيق صآمته بين الطرفين وهي تنتظره يستكمل حديثه بآسل انقهر من سكوتهآ حس أنهآ كارهته ولآتبيه ابد تنرفز وحاول يكبت نفسه ولايزيد الطين بله: كيف الحفله؟ هنادي تمد صوتهآ بنبرة دلع: حلوه حلووووه مرررره بآسل: ان شاء الله مبسوطه فيهآ هنادي بنفس النبره: أيوه بشكل ماتتخيل بآسل حط رجل على رجل وهو يتأمل الرجال اللي جوهم هآدي مره: ويش رايك بعد الحفله تروحين معي هنادي فتحت عيونها وبنبره حاده:أيـــش؟! باسل يمد صوته بنفس نبرتها: تروحين مــــعــــي هنآدي: انت جيت هنآ؟ باسل بسخريه: تخيلي !! هنادي انقهرت منه: تستهبل أنت وألا أيش؟ باسل: أدري عنك ..ايه انا بالميدنه وقريب منك مابيننا الا كم خطوه هنادي:طيب والمطلوب يعني؟ باسل عقد حواجبه:اتوقع انك فاهمه بس تستهبلين هنادي بنبره جديه:شوف بآسل روحه معك لو تموت تعرف معنى لو تموت ماراح اروح معك ..بعد العشاء تقدر تمسك طريق جده وترجع لآنك مآراح تشوفيني فآهم باسل ببرود:بكيفك بس انآ بروح لأبوك واقوله أبًّيِ "يصر على اسنآنه بالنطق"زووووجتي هنادي بعصبيه:حشى والله انت ماتركت للأصول شي باسل: ادري عنك ترآنا زوجين يابنت النآس افهمي ذا الشي وألا انا بفهمك غصب عنك هنآدي:شوف يابسيل ...انت تزوجتني غصب عني ماهو برضآي ..ومن شروط الزوآج ترآضي الطرفين مآهو طرف وآحد باسل: عاد تزوجنآ وانكتب العقد وتوثق بالمحكمه يعني كل شي رسمي وعلى السنه هنادي بتأفف: وبـعـدين؟ باسل:ولآ قبلين ترى انا بنآم بشقتنآ بنتظرك هناك هنادي بحده: مآتفهم انت ترى اتكلم عربي انا باسل بنبرة تهديد: انتي حره ..لاتلوميني على اي تصرف بعدين هنادي أنقهرت منه نفسهآ تذبحه وترتاح منه ومن كلامه اللي يرفع ضغطهآ ويخليهآ ماتقدر تتمالك أعصابها : بحاول باسل: مدآم ابوكِ عارفه كل شي ماعاد للخوف دآعي يعني مالك عذر تتهربين مني هنادي بكره: الله يأخذك باسل ابتسم بمكر: يأخذني ويجيبني عندك هنادي عصبت منه: قفل الحين باسل تعلقت عيونه بشخص دخل وسلم على أبو مها بحراره وعلى البقيه ..ضحك:على فكره توقعي مين دخل قسم الرجال الحين ؟ هنادي زفرت أنفاسهآ بحرقه تبي تنهي هذي المكالمه بأي طريقه بدون وعي قالت: مـــيـــن؟! باسل بنبره خبث ومكر: مــآجد هنادي انصدمت وبشهقه غير أرآديه قالت: ميــن؟!...مــآجد !! باسل ميل فمه بقهر: ايه ماجد هنادي ببرود يُغلف أحقادهآ وكرههآ لهم جميعآ:ويش خصني فيه اذا جآء وألا مآجاء ؟ باسل ابتسم: قلت يمكن يهمك امره اكثر مني هنادي انقهرت:لاهو ولا انت تهموني باسل:متأكده أنه مايهمك هنادي عصبت:باسل ترى فاهمه قصدك زين ..ماله دآعي تلمح على شي ماهو موجود من الآساس باسل بلين: أنا مالمحت على شي أنتي تفهمين الامور غلط ..اخر الكلام اني أنتظرك بالشقه سامعه هنادي طرت في بالهآ فكره:خلاص بجي ..بروح قبل احد يحس بغيابي بآي باسل أستغرب ردهآ توقعهآ بتصر على رفضها :باي ( زين أنهآ وآقفت والا كنت بطنش فهد وأرجع جده احسن من الجلسه هنا بدون فايده) هنآدي قفلت الجوال ووقفت تأملت الشاشه وابتسمت( خـــلآص لحد هنآ وبس ..لآزم تمحين شكوك باسل وتخلينه يوثق فيك ..انتي طحتي ياهنوده وانتهى الأمر تقبلي الوضع ولاترفضينه يمكن يكون أحس من مآجد الحقير ..وبعد ما أثبت نفسي وأرجع لقوتي من جديد ياويلك ياماجد مني انت وعبير ) عدلت شعرها وأخذت نفس تجدد فيه أوكسجينآتهآ ..ورجعت للكوشه كأن شي لم يكُن ..تخفي خلفها الكثير والكثير
في أحد الفنآدق تعبت اليوم مع خوآتهآ وخآصة سحر اللي قضت أغلب وقتهآ معهآ ...شآفت فهد جالس يقلب بالقنوآت وبآين الملل عليه ..وقفت ورى الكنبه اللي جالس عليها شوق:فهودي فهد رفع رآسه وابتسم: عيونه شوق باسته على خده: تسلم لي عيونك حبيبي ...كأن الوقت تأخر ماتبي تنام؟ فهد عقد حواجبه:لا والله مافيني نوم لفت وجلست جنبه: أحس بالك مشغول بشي ..قولي يمكن ترتاح فهد ابتسم لها بحب صادق: لي صديقه أنخطبت وتبيني أسئل عن خطيبهآ أذا رجعت للرياض شوق طيرت عيونهآ فيه: مــيــن ..صديقه ؟ويش تطلع هذي ؟ فهد ابتسم على شكلها المتحول للعصبيه:ايه صديقتي ايام الدرآسه وابوهآ كآن صديق جدي الروح بالروح ..صعبه ارفض طلبهآ البسيط خصوصا انها عزيزه علي شوق رفعت حآجبها بكره:ماشاء الله صديقآت وابوها وجدك ...ألا أيش أسمهآ ؟ فهد بانت غمآزة خده:صفــآء ..ان شاء الله اذا جآت الرياض بعرفك عليها متأكد أنك راح تحبينها قلبها طيب وبنت حبوبه شوق بحقد:فهد لاتجيب لي سيرتهآ اصلا لو فيهآ خير ماكآن تتصل عليك وين ابوها واهلها عنهآ فهد انطلقت ضحكته بالصالون: لالاحبي لاتقولين عنهآ كذآ ..بعدين هي مجرد صديقه وبس ليش تتكلمين وتسبينها من ورآهآ البنت خلوقه مره وتعتبرني زي اخوها شوق تتخصر: لاتكون اخوها ولا عمها ..اذا تبي تتزوج يروحون أهلها يسألون عنه مو أنت فهد :بس الولد أعرف أبوه رجل اعمال وناس كويسين وهو دكتور يعني ترضين أعرفهم وما اقولها عنهم شي شوق بتأنين ضمير: طبعآ لا بس شوف ما اسمح لك تكلمهآ ..والله أزعل منك اذا كلمتهآ فهد ضحك: خلاص من عيوني بس اعطهآ خبر عنهم وبعدهآ مآ أكلمها شوق بتغير الموضوع:كأنك مآ سألت عن شي يخصني ؟ فهد بسرعه: تعبتي اليوم ؟ شوق ضحكة:بدري والله سؤآلك فهد بغرور: من عمرك حبيبتي بس تعرفين انا رجال مشغول ما أفضى اوقاتي محسوبه علي شوق بغيض:تصبح على خير فهد مسك يدها وهو ميت ضحك عليها:فديت اللي زعل علي شوق لفت عليه: اقدر ازعل عليك ...بس انا تعبانه مرره بروح انام فهد وقف وشالهآ: يخسي التعب وأشكآله الزم ماعلي صحتك شوق باسته بقوه:أحــبـــك
صبآح يوم الجمعه في بيت ابو مهآ ..قامت قبل الكل بسبب بكآء مشآري ..رضعته وبعدهآ رجع نآم قآمت من سريرهآ وطلعت تشوف من صحى ..دخلت غرفه سحر وشآفت سمر وسحر نايمين بهدوء انتبهت لسرير هنآدي فاض ..تنهدت بخوف وقلق شهد(غربه مارجعت الساعه بتصير 11 وهي بعدهآ نآيمه عند صاحبتها ..الله يسامحك ياعمي كيف تسمح لها تبات "تنام" في بيت نآس أغراب ) سكرت باب الغرفه وأتجهت للمطبخ تسوي لهآ فطور لآنهآ حست بالجوع ...بعد مآجهزت صينيتهآ الصغيره مشت لغرفة رغد ..فتحت الباب وشآفتهآ توهآ صاحيه شهد بأبتسامه:صباح الخير رغد تتمدد بكسل:صباح النور شهد:يالله قومي غسلي وجهك وتعالي أفطري معاي رغد بعدت البطآنيه عنهآ ولبست الشبش:دقآيق لاتأكلي قبل أرجع شهد :افا عليك ..بفتح الستاير وارتب شوي بالغرفه على بال ترجعين بعد دقآيق معدوده رجعت رغد ..وجلست على سريرهآ وأشرت لشهد تجلس قبآلهآ والفاصل الوحيد بينهم الصينيه شهد: كيف بعد أمس؟ رغد تحط الزيتون في فمهآ:زين ماشي الحال شهد اللي سمت وبدت تأكل بعد سكوت بسيط:رغد في شي مآهو عاجبني فيك؟ رغد رفعت راسها بأستغراب:زي أيش؟ شهد:أممم تصرفاتك متغيره ذآك اليوم لما رجعتي من المستشفى وجهك متورم من البكآء قلتِ لي اقولك السالفه بعدين ..ماجاء وقت مناسب نتكلم فيه رغد تذكرت قصتهآ مع الدكتور وليد وتعكر مزآجه: مآهو وقته شهد بأصرار:أنتي كل شي ماهو وقته ماراح اطلع من الغرفه الا لما تقولين لي رغد بقلة حيله:طيب بقولك السالفه من الألف الى الياء بس ابي افطر جوعانه شهد ضحكت: أيوه كذا اقدر افطر ونفس مفتوحه للأكل رغد تبي تقهرهآ قالت بصوت ساخر:اي منفتحه للأكل شوف كيف صايره زي البرميل شهد تقلب عيونها:مآتقدرين تشككين بحلاتي رغد بسخريه:كُلي وانتي ساكته
بمكآن ثآني بالمدينه قآم فهد بدري وأخذ له شور سريع ..بدل ملابسه بهدوء وأخذ جواله أتصل على بآسل لكن جواله كآن مغلق عصب من لامبالاة أخوه وعدم أهتمآمه ..جلس في الصاله حتى لآيزعج شوق المنغمسه في نومها والتعب باين عليها ...فتح لآب توبه وبدأ يشتغل وكل فتره يرجع يكرر محآولآته بالأتصال على اخوه
بآلشقـه
وش عليه ..! إن ضاع " عقلي " بين يديه
........... أوعصاني خافقي و روّح معاهـ وش عليه ..!!
إن بعتهم لأجل أشتريه
يزعل العالم و أنا .. .......... أنعم في رضاه
فتحت عيونهآ بشويش كآنت الرؤيه شبه غايبه عنهآ..بدت تميز اللي حولها ببطئ تبي تكمل نومتهآ لكن تحس بشي مضايقها وكابت حركتها لفت على جنبها وبدأت تتذكر اللي صار ميزت ملامحه المنغمسه بالمنام وابتسمت بدآخلهآ على شكله العفوي بدت تبعد فكرة أنتقامهآ منه وتكسبه لصفهآ أستغلت غيبوبته عن الوآقع حتى تحفظ ملامحه بكل تجعدآتهآ ومميزآتهآ هنآدي(والله مآهو شين زي ماكنت متصوره بس شكل من بغضي له صرت اشوفه شين ...وألا ملامحه تهبل ..عيوه سودآء وسآع ورموشه كثيفه وجسمه رياضي كل المواصفات اللي كنت اتمنآهآ تحققت فيه ...بس انا ليش رافضته ليش ماني قادره احبه ) رجعت غمضت عيونها حتى تتهرب من مصارحتهآ مع نفسهآ وهي بجنبه...مآقدرت تنآم قآمت بشويش ..واخذت بجآمتهآ فتشت بالدولآب وحصلت لهآ منشفه نظيفه ..أخذتهآ مع البجآمه ورآحت بسرعه للحمآم قبل يحس فيهآ ويصحى من نومه .. بعد نص سآعه من الآستحمآم والاستجمآم تحت المآء البارد ..وقفت قبال مرآية الحمآم ونشفت شعرهآ ولبست ملابسهآ طلعت بشويش زي مآدخلت وأنصدمت لمآشافت إضائه الغرفه والستاره مفتوحه وهو وآقف ولآف الفوطه على خصره ..سمع صوت خطوآتهآ المُقتربه منه وسكر باب الدولاب ..عقد حوآجبه بحده بآسل: مآشآء الله لي سآعه ادور منشفتي وانتي بكل برود مآخذتهآ معكِ هنادي ضيقت عونهآ ومدت لسآنهآ:كيفي أخذ اللي أبي "لفتهآ ورمتهآ بجهته..وبحركه سريعه منه مسكهآ ابتسمت وبدآخلها ناويه تقهره"..النآس لما تصحى تقول صباح الخير وانت على طول تهآوش بآسل ضحك: ولآتزعلين زي البارحه..يسعد صباحك ياروحي هنادي: تو النآس ..روح أتروش أحسن عشآن تروح تجيب فطور ميته جوع بآسل يرفع حآجبه:الحين يوصلك أحسن فطور"مشى لجوآله وأتصل على حآرس العماره عشآن يجيب له فطور من أقرب مطعم أو نوآشف من السوبر ماركت..وبعدهآ دخل يأخذ شور يروقه " وهو يستحم أندق الباب ..وراحت هنآدي تفتحه ..قبل تمد يدهآ وتفتحه هنآدي: ميــن؟ ..:أنا حنفي حارس العمآره ياست هآنم قايب أغراض سعة البيه هنآدي :طيب خليهآ عند الباب انآ أدخلها ..:عوزه حاقه ياست هانم هنادي: شكرا عم حنفي ..أنتظرت لما حست أن خطواته ابتعدت ونزل الدرج ..فتحت الباب ودخلت اكياس كثيره (ياربي الحين هذي ويش يرتبها في المطبخ والثلاجه ..يالله بصير شقرديه وارتبها بسرعه) ...اخذت الاغراض وراحت للمطبخ ورتبتها بسرعه مآتوقعتهآ ..وحضرت فطور سريع قبل صلآة الجمعه اللي باقي عنهآ ساعه ونص ..أخذت كآستين وصبت فيهآ عصير مآنجو وارعبهآ صوته ورآهآ باسل يصفر:وآآآآو ...أيش ذي الحلاوه؟ هنادي تسجب الكرسي وتجلس:افطر ياقلبي ورآك صلآة جمعه باسل طل فيهآ بأستغراب اول مره احد يكلمه على الصلاه:ايوه صح تذكرت انو اليوم الجمعه هنآدي :مطول وآقف بسول باسل ابتسم وسحب له كرسي:ايش صاير في الدنيا هنوده راضيه علينا اليوم هنادي كشرت:تبين انكد عليك من اولها ..ترى مستعده وابيها من الله باسل :لالا يحرم اهلك لا ...خليك كذآ لطيفه وتهبلين تحصلين اللي يرضيك هنادي تغمز له:من اليوم ورايح بتشوف وحده ثانيه اسمه تقبلت الوضع شوي باسل ضحك:كويس والله هنادي بحده: مؤقتا طبعا باسل جاريه: مؤقتاً مؤقتاً
في بيت أبو مهآ
صحوآ الكل عدآ سحر اللي منسجمه بنومهآ بعد الهم اللي انزآح عنهآ وتعوض ليالي القلق والخوف اللي سكنهآ قبل الليله الفائته مهآ تأكل بنتهآ: ألا هنآدي متى بترجع؟ سمر: علمي علمك رغد تضحك:وش حارقك انتي وهي خلو البنت على راحتها شهد اللي كآنت جالسه بالزآويه ترضع ولدهآ رفعت راسهآ:أيش على راحتها انتي الثانيه غلط البنت تنام برى البيت رغد: وووه شهد خليك في حالك انت وميشو سمر بتغير الموضوع: شهد متى ناويه تصبغي شعرك؟ شهد تفكر:اممممم مدري احتمال بكره لان يوسف مستعجل يبي ارجع للبيت طفش لحاله مها انفجرت ضحك:طفش لحاله وألا ولهان عليك شهد حمر وجهها من العصبيه:مهاوي ابلعي لسانك مها :يمه شوفوآ أيش تقول ..مو انتي ذابحتنا بيوسف حقك المفروض تفرحين اذا قلنا ولهان عليك شهد: انا فاهمتك زين مايحتاج تلفين وتدروين مهآ تبي تقهرها:اجل قلعتك روحي بيتك تخفيف ورحمه لنا سمر :وانتي مهاوي متى بتروحين بيتك؟ شهد ضحكة ضحكه رنانه:شفتي انط ضيف غير مرغوب فيه مها تقرص سمر بغيض:هين ياسمير انا اوريك شغلك عندي سمر تحك مكآن القرصه:أوووف ترى سؤال ماكفرت بالله اعوذ بالله ناس ماينقربون رغد بملل:ياربي ملل ومالي خلق افتح كتاب والا اذاكر ووراي مليون شغله وشغله شهد: خلي الملل عنك وروحي ذاكري محد نافعك بعدين لفوآ كلهم على جهة جوال مها اللي صدحت نغمه وتردد صدآهآ في المكآن لآن صوتها مزعج مره رغد بأنزعآج:غيري هذي النغمه اللي تفجع مهآ: أوووش هذي شوقه ...أرحبووو يالله حيها
على الطرف الثاني ضحكت على هبال مهآ وعفويتها:الله يحيك كيفكم اليوم؟ مها:ابد بخير ماغير رجولنا متورمه من سهرة البارح شوق اللي كآنت تتألم من ظهرها اللي صحت من شدة وجعه: اجر وعافيه ان شاء الله ..وسحر كيفها مها: نايمه للحين شوق:وايش تسوون انتي والبقيه؟ مها بتحشرها: ابو الفضاوه اللي انتي فيها زوجك وينه عنك مايقضبك عنا ..والا اقول تعالي لنا اطبخي الغداء شوق انفجرت من الضحك:اذا انت رجولك متورمه انا ظهري وبطني ورجولي يعوروني مها بشك: و بطنك وظهرك ورجولك شهد صرخت: شوووق اعترفي أنك حآمل باين عليك وعلى بطنك مها فتحت عيونها: شنو حامل؟ ..هيه انت شوقوه صح انك حامل شوق قررت انها تعترف لهم بس بحملها:اي حامل وبدخل الثالث بعد مها صرخت: ياويلي الثالث وماتقولين لنا يامفتريه ..الله وكيلك ياشيخه سمر ورغد بلقافه:ويــــش ؟! مها بعدم تصديق:شوق احلفي طيب الـ"مسكت لسانها قبل تزل بكلمه"..يعني صدق صدق حامل شوق تضحك:ليش منتي مصدقه والله حامل بس قلت بسويها مفأجئه بعد الملكه مها بعصبيه: مفأجئه بايخه زي وجهك شوق خافت :ليش قمتي علي هذا جزاي مها: الحين بتخشين الثالث وتقولين مفاجئه ..تعلمي من ريم على طول جات وعلمتنا مو انتي مالت عليك شوق كتمت ضحكها:طيب انا بقفل حاسه انك بتطلعين وتخنقيني ..بشوف زوجي مها بسخريه:طسي له ولا تدقين شوق :منتي كفو احد يدق عليك ..باي ضحكت في نفسها على مها وسمع باب الغرفه انفتح لفت بسرعه وشافت فهد عدل شمآغه ويقفل كبكاته ..وجزئيآت عطره اقترنت بكل جزيء اوكسجين بالمكآن شوق بأعجاب: ماشاء الله تبارك الله ..الله يحفظك من كل عين فهد رفع راسه وابتسم لها:ويش رايك ؟ شوق وقفت ومشت له: تجنن ياغلاي فهد مسك خدهآ: انتي اللي تجننين شوق :اللي يشوفك يحلف انك عريس بيوم زوآجه فهد يتنحنح: لالا كذا ينتفخ راسي شوق تعدل له ازرآره وتبعد شمآغه عن كتفه:أمم كذآ احلى .."باسته على خده بنعومه"تقبل الله مقدمآ فهد باسها على جبينها:منآ ومنكم صالح الأعمال شوق :يالله الحق الحرم قبل تبدأ الخطبه ..ولا تنسى أدعلنآ بالذريه الصالحه فهد :ابشري بس هذآ اللي تبين؟ شوق ضحكت: لامنع من دعوات أخرى فهد مشى للباب:ماتخافين ادعي عليك بدل ما ادعيلك شوق: اكيد قلبك مايطاوعك فهد قبل يطلع مع الباب:يمكن يطآوعني "ارسلها بوسه بالهواء وطلع وسكر الباب ورآه" شوق رفعت يديها:يارررب أكتب لنا السعاده والذريه الصالحه واكتب لي الشفاء عاجلاً غير أجل ..يآآآررررب فـ بيت ابو مهآ رغد بصدمه: شوق هذي ايش طنتها شلون ماتقول لنا انها حامل جد مجنونه والبارح طول الليل واقفه او سحر ماتراعي نفسهآ ابدآ شهد: كنت شآكه فيهآ بس متأكده وماقدرت أسئلهآ اعرفهآ اذا ماراح تقول مهآ بقهر: شلون مآحسيت عليها ..بجد يبي لها ضرب على عملتهآ فينا سمر ببرود:الحين انتم ويش دخلكم فيهآ تحمل تولد البنت حره في حياتها ماتبي تتكلم وأنتم غصب طيب تتدخلون فيهآ ..بجد لقافة حريم كلهم بصوت وآحد: أنـــطــمــي سمر عصبت عليها:ترى ماقلت ألا الصدق لقافة حريم يعني لقافة حريم ..مايستحون مها تأشر على باب غرفة سحر:تعرفين ذاك الباب ...طسي له سمر بسخريه:من زين الجلسه معكم تقصر العمر أروح أقرأ سورة الكهف احسن لي تركتهم في الصاله يكملون كلامهم شهد بقهر:طولآن لسآنهآ يبي له قص ..قال لقافة حريم قال رغد تضحك:تبون الصدق معهآ حق مهآتقلدهآ:معهآ حق ..ويش رايك انتي بعد تروحين غرفتك بكلم شهد كلام حريم ماينفع للعزآبيات رغد تربعت زين وحطت يدهآ على خدهآ:دآم فيهآ كلام حريم والله مآ أتحرك غير لمآ أعرف الهرجه تراني كبيره وفاهمه يعني خذي راحتك مهآوي على الأخير لاتستحين مهآ تضحك:والله الحياء رآح الله يخلف عليك ويكون بعون اللي يتزوجك ..الظآهر عندك يارغد بتنقلب الايه رغد تنحت:ويش قصدك مس مهآ مهآ تطالع بشهد وفيهآ ضحكهآ لآن شهد ميته ضحك وفاهمه مقصد مهآ:أبد سلآمتك ماقصدي شي ..اي شهد ..ويش تحضيرآتك للرجعه
::: ::: :::
بعد صلآه الجمعه أتصل على باسل اللي رد عليه بسرعه:هلآ فهد فهد: كيفك؟ باسل : الحمدلله فهد :وينك فيه الحين؟ باسل: طالع من المسجد صليت الجمعه فهد: قابلني بآلمطعم الـ... ابيك بموضوع مهم باسل عقد حوآجبه بأستغراب:خير ان شاء الله فهد بلين:بشآورك بموضوع فكرت فيه عشآن تكلم أبوك وتأخذ رايه باسل:بس انا برجع جده ماني راجع الرياض فهد بحده:أجل ليش مخترعين الجوالات ؟ باسل ضحك: طيب لاتعصب ..ربع ساعه واكون هنآك فهد ستعجله:لآتتأخر لآن زوجتي لحالها بالفندق مابي أتأخر عليهآ ..بسرعه تعال باسل:يالله هذا كله خوف عليهآ..سبحان مغير الآحوال اللي يشوفك مايقول تزوجت عليها وكنت نآوي تطلقهآ فهد انصدم من كلامها وبصوت مخيف: شفت لو أسمع هالكلآم منك مره ثآنيه والله غير تترحم على روحك "قفل الخط منه وضغطه وصل حده من كلام باسل المسموم " فهد: هذا مايترك حركاته وكلامه الغبي ..نشوف اخرتها معه
عند باسل أتصل على هنآدي وهو في طريقه للمطعم حتى يقابل فهد وبدآخله تخوفات من الموضوع اللي يبي يقابله عشآنه وحآس انه بيكلمه عن شي خاص فيه لآنه يعرف فهد مايطلب مقابلته الا لش مهم باسل:انا بتأخر ساعه ..ويش تبين اجيبلك معي هنآدي:ولاشي ..انا بتصل على جلالي يجي يرجعني لبيتنا باسل بتهديد:لاتروحين فاهمه ...انا ساعه بس او اقل ورآجع لك هنادي بتأفف:ويش اختلف يعني بكره وراي جامعه وماذاكرت ولاسويت ابحآثي كله بسببك وانت بعد وراك سفره لجده باسل :هنوده اسمعي كلامي وخليك بالبيت انا اليوم بجلس بالمدينه ماني راجع لجده هنادي بقهر نفخت عليه:اووف طيب بس شوف المغرب راح ارجع للبيت رضيت وألا انرضيت "وقفلت الخط بوجهه" طل بالجوال وشاف مدة المكالمه عصب: كل من هب ودب قفل الخط بوجهي والله حاله .."رمى جواله على الكرسي اللي جنبه وزآد سرعته حتى يوصل للمطعم بعد ربع ساعه وصل وشآف فهد جآلس على طاوله يقرأ بعض جرآيد هذا اليوم ..مشى بأتجآهه باسل سحب كرسي :السلآم عليكم فهد يطالع ساعته:وعليكم السلام ..صراحه وصلت بدري باسل بتأفف: اووف زحمه فظيعه ..وانت جايبني للمركزيه بعد ازحم وازحم فهد:ويش تشرب؟ باسل:سلامتك ..يالله تكلم بالموضوع لاني بسافر فهد حط الجريده على جنب وضع ديه على الطاوله أخذ نفس :بـآسل انت اخوي من لحمي ودمي واحب اشوفك مبسوط وسعيد ..بدون مقدمآت انآ .......
أنتظرته وقت طويل ومآرجع اتصلت عليه مآيرد ..بدأ يتسلل الخوف الى قلبها جلست على سريرهآ والآلم يزيد عليهآ تمدد وطلت في الساعه شوق :ياربي صارت الساعه 2 وفهد مآرجع ..ان شاء الله مايكون في شي فتحت المصحف تقرأ فيه لين يرجع ..نعست ونآمت في مكآنهآ بدون ماتحس مرت عليها نص ساعه بدون ماتحس ..دخل الغرفه وشآفها نايمه وهي جالسه قرب منها فهد بهمس:شوق ..شووق فتحت عيونها بسرعه: فهد ..وينك تأخرت ؟ فهد ابتسم: كنت مع باسل ..قومي يالله نطلع نتغدأ برى شوق بتعب:لالا مافيني تعبانه مره برجع انام فهد:طيب بكلم مطعم الفندق شوق :اذا انت بتتغدأ أطلب لحآلك بنطني تألمني بأخذ أدويتي وأنآم فهد: على رآحتك عند بآسل طول الطريق يفكر بكلام فهد اللي قاله له ..توتر زيآده لمآ قرب من البيت بآسل(معقوله عرف شي ..لالا مآ أتوقع كآن يتكلم معي كأنه ماعرف شي ..والحل يابآسل اذا رفضت رآح يزعل وبيفتح لي موآل مآله أخر واذا اعترفت له باللي صار بيصير شي كبير خصوصا ان هنآدي بنت عم شوق وطول عمرهم عآيشن مع عبض ..لاحول ولاقوة الا بالله أنآ لازم افكر زين "سكت شوي وتذكر أبوه" يوووه يمكن يجبرني أتزوج من بنات عمي الغيثات لالا مآلي ألا أنفذ كلآم فهد قبل أنفضح قدآم الكل ) نزل من السياره وطلع لشقته بعد مآسلم على أحد جرآنهم اللي ماشآفه قبل هذآ اليوم وتعرف عليه ..دخل لقى هنآدي بالمطبخ تأكل بآسل:سلآم لفت بسرعه وتركت الاكل على الطاوله:وعليكم السلآم بآسل :تبيني أوصلك بيت أهلك وألا تتصلي على سواقكم يجي يأخذك هنادي فتحت عيونها من الصدمه:شنو؟!..قلت لك لما اتصلت برجع ورفضت والحين تبيني اروح اكيد في شي باسل: بسافر جآني شغل ظروري هنآدي(فكه عسآه دايم الشغل ):طيب بروح البس عبايتي بس توصلني لبدآية الحاره وانا بعدين أمشي اخاف يشوفك أحد ويطلع علي كلام بآسل ميل فمه وضحك:قولي زوجي والا ماتقدرين تقولين هنادي كشرت وهي تقلد صوته:مشآء الله تبيني اقولهم زوجي وانت متزوجني بطريقه استغفر الله منها بآسل عصب من كلامها وبصوت حاد:يووووه علينا ماعندنا غير ذا الموضوع نعيد ونزيد فيه هنادي رفعت حآجبهآ:بالطيب أو بالغصب رآح تعلن زوآجنآ ياباسل ونشوف انا وألا أنت باسل ضربت الطاوله وهي خآفت منه ومن ملامح التعصيب اللي ارتسمت على جبينه:خير خير ..بديت افقد صبري عليك ..قومي ألبسي وخلصيني قامت بسرعه وراحت للغرفه قبل عصب بزيآده ..أخذت عبايتهآ وشنطتهآ ولمت أغراضهآ المتناثره على الارض من شدة ربكتهآ ولمتها بسرعه ...جاء ورآهآ باسل بعصبيه: خلصتي ؟ هنادي :ماتشوفيني ألم اغراضي باسل بتأفف تكى على الباب وعينه عليها تراقب كل تحركاتها ..خلصت بوقت قاسي ولبست عبايتهآ هنادي : خلصت ..يالله نمشي باسل تذكر اغراضه أتجه للدولاب واخذ اغراضه ومشى وهي مشت ورآهآ بتأفف ركبوآ السياره والصمت لغتهم الوحيده هنآدي( اكره تصرفاته الغريبه من شوي قول لاتروحين والحين يبي يوصلني بيت أهل ..أقص يدي اذا مآعنده سالفه وكبيره بعد) بآسل طلع من جيبه ظرف ومده لهنآدي اللي أستغربت من تصرفه هنآد :ويش هذآ ؟ باسل :فلوس نآسه انك زوجتي وواجب علي أصرفك هنادي بغرور:خل فلوسك عندك ماني بحآجتهآ باسل عصب وصرخ عليها:أمسكيهآ ...المره الثانيه ماتعصين كلامي سمعتي هنادي بتأفف:ماقلت شي عشان تعصب علي مافي أحد قدآمك ألا انا ماشاء الله عليك ماتقصر تحط كل حرتك فيني باسل ماله خلقهآ ولاحيل على نقآشهآ رمى الظرف في حضنهآ:خذي هذي الفلوس صرفي أمورك فيهآ لين اسويلك حسآب خآص فيك هنادي:ماقلت لك ماني باحاجتهآ بأي لغة تفهم ؟ باسل بقلة صبر:هنآدي اتقي شر الحليم اذا غضب "وقف السياره على جنب"..يالله انزلي بيتكم قريب أخذت الظرف ودخلته بشنطتهآ ونزلت من السياره متجهه لبيتهم ..دخلت بسرعه قبل أحد يشوفهآ سوآء من جيرآنهم اللي يسكنون نفس عمارتهم او من اللي حولهم ...دخلت حصلت رغد وشهد ومهآ وسحر اللي تحكيهم عن اللي صار يوم ملكتها ..جالسين بالصاله هنادي:السلآم عليكم الكل : وعليكم السلام رغد ابتسمت: حلو حلو ..توك وآصله مس هنوده هنادي قطبت بحوآجبهآ ورمت شنطتهآ على الارض ونزلت عبايتهآ وجلست:صبوآ لي شآهي شهد حطت ميشو على رجولها بعد مآنآم:كيف النومه عند صديقتك؟ هنادي تصرفهم ماتبي تدخل بتحقيق معهم: حلوه ماشي حالها رغد طلت فيها:هي مو تقول الدكتور وليد ولد عمهآ وساكن معهم في نفس البيت شلون تروحي عندها وتباتين هنادي:مدري ماركزت بكلامهآ رغد بنظره غريبه: ماركزتي والا مافيك تتكلمين هنادي ابتسمت بسخريه:مافين اتكلم .."غيرت السالفه "..اخر علومكم سحر: ولاشي هنادي تتكي على الجدآر:آآآخ ياظهري متكسر مهآ بعصبيه: رنومه آآآح هنادي:لاتعصبين عليها حرام شهد: بروح السوق مين تروح معي رغد :عند مذاكره مافي وقت اروح معك مها ابتسمت:اذا احد يمسك بنتي اروح معك شهد لفت على جهة هنادي:تكفين هنو انتبهي لميشو ورنومه احنا مانطول ساعتين بالكثير هنادي بأستسلآم:زين بنتبه لهم امري لله
ما أحبك ] لأني أصلاًصرت [أكثر من أحبك] ناوي أكتب لك كلام كثير ( عنّك ) , بس .. خايف ..!! أفقدك .. وإلا عيون الناس تحسدني ؟ بـقلبك ليش أفكّر في وصوفك ، وإنت " تمليك " الوصايف
صحت من النوم تعبانه نزلت للحديقه تفطر وتتسلى شوي تذكرت ندى أشتآقت لآخبارهآ نآدت لزآ تجيب لهآ جوآلهآ من الغرفه ...كآنت تقرأ اخبار اليوم وقآطعهآ وصول جوالهآ ..دقت على ندى على طول بعد رنين طويل وصلهآ رد ندى ندى: الــووو شوق: السلآم عليكم ندى: وعليكم السلام شوق: كيفك؟ ندى ببرود: الحمدلله بخير ..أنتِ كيف حالك شوق: بخير ..اخبار امك وأهلك ندى :كويسين شوق حست بنفور ندى منهآ: ندو حاتي فيك شي متضايقه من حاجه؟ ندى بسخريه:أبدآ مافيني الا العافيه ومبسوطه على الأخير شوق :ليش تحآكيني كذآ ندى: أسئلي فهد وألا أقولك أكيد عرفتي باللي صار شوق :اي عرفت لمآ كنت بالمدينه وماصارت فرصه أكلمك ندى بحقد:مآصارت فرصه وألا ماتقدري تكلميني وفهد موجود وتستغلين غيبته عشان لآحس بشي شوق بحده: فهد مآله دخل باللي صار ليش كل شي صير لكم تحطونه بفهد ندى:ويش تبين اقولك أنباع بيتنا وشركتنآ وكل شي نملكه وعايشين بشقة أيجآر شوق بصدمه:أيش أنباع بيتكم ؟ ندى بنبره حاده:ايه انباع والسبب أخوي اللي من لحمي ودمي شوق:وعمي ايش مسوي ندى:جالس في البيت لا شغل ولآشي حتى الذهب والمجوهرات بعنآهآ شوق بحزن:معقوله؟ ندى: أنتي مآشفتي شي من اللي شفنآهآ عل العموم مشكوره على أتصالك وسؤآلك عنآ حنا بخير دآمكم بعيدين عنآ ..ورجآء لاعاد تتصلين علي لأن ابوي لو درى بيذبحني ...مع السلامه قفلت الخط بوجهه قبل حتى تسمع ردهآ شوق: الله يسامحك ياندى ..أتصلت على فهد فهد: هلآ شوق شوق : متى ترجع اليوم فهد :لسى مطول برجعت يمكن على الساعه 3 الظهر شوق بتملل:اووف بموت من الطفش فهد يضحك:تونا مالنا يومين راجعين من المدينه شوق: ملل الجلسه لحالي فهد: وانا الشغل لراسي كله بسبب سفرتي لكِ شوق ضحكت: زين خليك في شغلك وانا برجع انام ..مع السلامه
نرجع للمستشفى أروى: يالله بنآت نرجع أكيد بدوآ رغد وقفت ولمت أغراضهآ:مشينآ مانبي الدكتور الجديد يسوي زي المتوحش ذآك أسيل تضحك بشويش:يـآلخوآفه مشوآ بأتجآه قاعتهم الصغيره المخصصه لهم ..شآفوآ أسمآء معلقه أروى: أيش قصة الأسمآء أسيل:سمعت انهم بيغيرون شويه بتشكيل القروبات من كل قروب طالبه رغد بحمآس :مين تتوقعون غيروآ منآ .."قربت من الورقه تشوف الأسمآء أنصدمت بأن أسمهآ غير موجود دورت بين كل الأورآق حصلته بقروب غير رغد بصدمه ممزوجه بعصبيه: حقآآره جت علي يعني ...قـــهــــر أسيل تتأكد بالأوراق: اي والله بس انتي اللي نقلوك رغد بحقد:اقص يدي أذا وليدوه مآكآن ورى ذآ الشي أروى بحسن نيه: أن بعض الظن أثم.. رغد بتحطم: أستغفر الله بس قهر يعني انا الوحيده اللي يغيروني يالله بروح ألحق ادور مكآن هذا القروب سيووو أسل :موفقه لآتنسي ترسلين مسج تعطينآ أخر الأخبار رغد تغمز لهآ:بس احصلهم ويوصلكم المسج تركتهم ومشت بين ممرآت المستشفى الطويله شآفت الدكتور وليد يدخل القاعه رغد(الله يعين اللي مستلمهم بيكونوآ في جهآد عظيم )..قربت من باب القاعه وما ادته أي اهتمآم راحت تمشي وقابلت طالبه رغد: لوسمحتي ممكن سؤآل ..:تفضلي رغد:فين قاعه قروب 3 ..:انا من قروب 3 تعالي معي رغد ابتسمت: يالله مشينا ...اتجهوآ لقاعه حافظتهآ عن ظهر قلب رغد ميلت فمها:هذي قاعتكم؟ ..:أي هذي هي .."دخلت البنت وتركت رغد ورآهآ مصدومه استسلمت وفتحت الباب بشويش ووقفت وعيونها متعلقه بالدكتور وليد اللي كآنت ردة فعله سلبيه جدآ د وليد:يمكن غلطانه بقاعتكم ..تراها بالجنب الثاني رغد بنظرة استحقار:انا منقوله لهذا القروب مد يده للكشف بتلقائيه ولقى اسمها موجود رفع راسه وبدون نفس:تفضلي جلست بأخر كرسي وطلعت كتابها وتستمع لكلامه وبدآخلها حقد عليه وهو مطنشهآ على الأخير كأنهآ مو موجوده نهآئيآ وحمد ربه ان اللي يبيه صآر بدون اي اعتراض
في الجآمعه روآن: بطلع تروحين معي هنآدي: لا والله بروح بيتنآ فيني نوم روآن بترجي: بليز هنوده روحي معي هنادي فتحت عيونها على الاخير:خير الحين والظهر مع الحر ..لالالا خليها في الليل نروح مع بعض روان ابتسمت:خلاص وعد هنادي:خلاص ايه : وانا بروح معكم وبقول لمنال روآن: أوك موعدنا في الليل هنادي لبست عبايتها:يالله اشوفكم في الليل...باي روآن :بآآي ..الله أيه أنآ كمآن خارجه باي أيه: موعدنآ في الليل روان تغمز لها: أكيد دآم هنوده معنآ بتحلو الطلعه أيه:هههههههه اكيد دآمك متيمه فيها
دخلت السياره وجلست بميله وجو السياره بارد عكس شدة حراره جو المدينه غمضت عيونها بتعب هنادي(آآآآآآه لي فتره مانمت مرتاحه وعوني تشكي من كثر البكآ محتاجة أنآآآآم وقت طويل طويل طويل)...تذكرت روآن (روآآآآآآن والف استفهآم ..الله بكره الأيام تبين الخآفي هي حبوبه وطيوبه وانا محتاجتها حاليا حتى مآ أبين لعبير اني ضايعه بعدهآ ولاهمتني ) ميلت راسها تنتظر سحر اللي تأخرت شوي بعدهآ دخلت سحر هنادي: بدري سحوره سحر بتعب:اسكتي بس اليوم تعب الحمدلله خلصنا على بدري والا بجلس للعصر هنادي :الله يعينك دق جوال سحر وردت :هلآ ..لسى مآوصلت البيت توي طالعه من الجامعه ..اوك اكلمك في الليل ..باي هنادي لفت عليهآ وكآتمه ضحكتهآ:هلآ هلآ "تقلدهآ"أوك اكلمك في الليل ..ياعيني على النعومه اللي انتي فاهمتهآ غلط سحر ضحكت: روقينا ترآني هلكانه وجوعانه وميته حر وفاطسه على الاخر هنادي : يآلطيف ألطف فيهآ بعد شهرين من ركود المشاعر وتبلد الأحآسيس ...حيث كآنوآ جميعا يزفرون أنفاسهم بهدوء ورآحه وأتسآع... حل السكون حتى على أحلآمهم وأمآلهم لآ يتطلعون الا على مايتوآجد في مدآهم ولآ يبتعدون عن سكتهم الشآئكه التي انكست بقليل من النعومه تمهيدآ لتغيرآت لايعرفها سوآء القليل ...ويتمسكون بمآ في أيدهم من فُتآت أحلآم تسمى بالزآئليه
{ شوق}
كل أهتمآمهآ متكور في المرحله الصعبه التي تعآيشهآ بأيمآن وأحتسآب الأجر عند ملك الملوك وتسئله في الغدو والأصال ان يرزقها من وآسع رحمته وفضله
{ فهد } لآيعترف ألا بوجود نفسه التي تتزفر انفاسه الحاره وأعمآله المتوآصله دون توقف حتى لأخذ الراحه
{رغد} تعيش أجمل اوقتها في درآستها الهادئه نسبيا لأيام مضت وكانها محآط بتحقيق حلم طفولتها وصباها ...مبتعده تمآمآ عن اي منغصات تُكدر صفو نفسها السآكنه
{شهد} عآدت الى حياتها وزوجهآ ..كلها انغمآس بتبربية مشاري الذي كآن الدنيا ومافيها بنظرهآ
{بآسل}
مبتعدآ عن هذه الساحه شهرين متوآصله لايكآد يظهر مهتم بشغله الذي سرقه عن الكل حتى عن هنآدي التي اصبحت لا تذكره ابدآ سوء بموجب عقدآ يفرضه عليهآ كزوج
{هنآدي} تعيش حياتها براحه وباسل مبتعد عنهآ ..لايفرض وجوده عليها او يذكرها حتى بأتصال عدآ مسجات بين أيام وأيام مستمتعه بصدآقتها الجديده التي اطلعتها على عالم لم ترآه عيناها من قبل ..وبدآخلهآ أنثى غير التي كُنآ نعهدهآ وأعتدنآ عليهآ
لـيت اعرف !!
..وش مخبي ؟؟ ....... وش شنهي اخر أسرارك,, رغم (ايامنا الحلوه)
..احس بقلب العتمه ...! آآمـــــــــــانهلا يجي عقبي حبيب يقلب افكارك ـ آذا بتخون لمح لي ..! ع ـشان تهون الصدمه
كآن نآيم من بعد يوم متعب وشآق عليه ..صحى مفزوع ويصرخ من المنآم اللي يتكرر عليه ..صحت بسرعه على صوت صرخآته خآيفه شوق: بسم الله الرحمن الرحيم ...فهد فيك شي كآنت انفاسه متلآحقه وسريعه أستوعبه أنه حلم وليس وآقع أخذ نفس طويل وحس بيد شوق تلمس كفوفه شوق: فــهــد ..سم بالله فهد بصوت مبحوح:بسم الله الرحمن الرحيم قآمت بصعوبه من مكآنه وخطوآتهآ ثقيله بسبب حملهآ الذي تضاعف حجمهم فتحت الثلآجه الصغيره الموجوده بأحدى زوآيا جنآحهم ..أخذت كأس وصبت له مويه ..قربت منه شوق: تفضل فهد أخذ الكاس حتى تكتسي انفاسه البروده وشربه بهدوء: الحمدلله شوق جلست جنبه: ويش فيك ياعمري صاير تقوم من نومك مفزوع فهد تنهد ومسح وجهه وكأنه يرمي ببقايا أحدآث المنآم الى القاع: الكوآبيس ماتفارقني هذي الأيام .."أخذ نفس وبعدهآ وقف"..بروح أتروش حآس اني بموت من الحر شوق ابتسمت له بذبول:نعيمآ رآقبته بعيونهآ ألى ان أختفى من قدآمهآ (فهد مآهو طبيعي في شي يحآول يخبيه عني كثرة كوآبيسه وقلقه وانشغاله عني طول الوقت يأكد لي هالشي..يارب ريح باله وهديه) نزلت للمطبخ المكآن هآدي وشبه ميت لآحيآه فيه ...دخلت المطبخ وفتحت الثلآجه حآسه بجوع ومآتبي ترجع تنآم قبل تصلي الفجر ..حضرت صينيه فيهآ نوآشف وعصير برتقال خآفت لمآ سمعت صوت ورآهآ لفت بسرعه وشآفت ميري اللي حست بحركه في المطبخ وجايه تشيك على الوضع شوق: الله يصلحك ميري خوفتيني ميري ابتسمت:مآمآ ايس سوي هنا شوق:أسوي أكل ماعليش ميري طلعيه فوق مآ اقدر اشيله مع الدرج ميري : أوك مآمآ مره ثاني اتصل على غرفة انا في سوي أكل جيب فوق انت تعبان آند بابا فهد قول ماما شوق لايسوي شي شوق ضحكت: طيب ميري ابشري بس طلعي الاكل ورآي
Ok I'm coming ميري:
طلعت للغرفه وميري ورآهآ اخذت منها الصينيه وحطتها على الطاوله الزجآجيه ...جلست على الكرسي تنتظر خروج فهد اللي خرج بعد دقايق بسيطه فهد عقد حواجبه وهو يطالع بالاكل: أيش هذآ ؟ شوق: جوعانه واكيد انت جوعان يالله تعال كُل معي فهد يعدل بلوزته:مالي نفس شوق عبست :طيب اشرب العصير على الأقل فهد جلس قبالهآ ينشف شعره: زين بشرب العصير عشآن أصحصح شوق تطالع ساعتهآ: اساسا مابقى شي على صلآة الفجر فهد أخذ الكأس وشربه :اليوم عندك موعد؟ شوق:أيه الساعه 9 فهد:لآتنسي الأشعه خذيهآ معك شوق حست بألم شديد ببطنهآ بآنت تجآعيد الوجع على ملامحهآ:اكيد بأخذهآ حس بتغير في نبرة صوتهآ رفع رآسه وشآف وجههآ المصَّفر:شوق حآسه بشيء شوق: ألم عآدي الحين يخف فهد بخوف: تبين أوديك المستشفى ؟ شوق: لآلآ مآيحتآج "راحت لدرج الكمودينه طلعت مسكن وأخذته"أخذت مسكن ألحين يخف فهد:ارتاحي طيب شوق : فهد بكلمك في موضوع فهد :خير شوق تعدلت بجلستها:أهلك فهد كشر:ويش فيهم بعد شوق خافت من نظرآته:هم مافيهم شي بس يعني أنآ أقول احنا عايشين في قصر ويش كبره وعندنا ملحق يساوي بيت كامل ايش رايك تقولهم يسكنون عندنا منها اتونس ويصير حياه في البيت فهد رفع حاجبه بحده:تبينهم يسكنون معنا هنا ؟ شوق: ايه اذا ماعندك مانع طبعا فهد :خليني افكر بعدين اقرر شوق مسكت يده: مهما صار بينكم يضلون اهلك ووآجب عليك ترفق وتحن عليهم الدنيا سلف ودين فهد بتأنيب ضمير(يمكن الكوابيس اللي تجيني بسبب ابوي كلام شوق صح لازم أحن عليهم):يصير خير شوق شآفت بعيونه نظرة لين:بأيش تفكر؟ فهد حط عينه بعينهآ:فيك شوق ابتسمت بحياء:يآبختي اذا تفكر فيني فهدميل فمه:بصراحه شوآقتي مستغرب طلبك انتي عارفه ان ابو مستحيل يوافق على شي مثل هذا خصوصا انه بيعيش مع ولده اللي اعتبره عدوه وبعد تدرن انه رافض زوآجنآ من البدايه شوق:أنآ أذا عشت اليوم يمكن مآ أعيش بكره فهد بصوت زآجر: استغفري ربك مآتملين من هذي الأسطوآنه شوق كشرت:وليش أمِل هذي الحقيقه اللي انت رافضهآ بس أنآ مؤمنه فيهآ مايصير تعادي أهلك عشآن مآضيهم وتتجبر بأنتقامك منهم ..ترضى اهلك يشحدون فهد : أكيد لآ شوق:ولايصير تعاديهم عشآن رفض أبوك لزوآجنآ ..حنآ تزوجنآ وأنتهينا وهذآ انا قدآمك حآمل وان شاء الله بتكون أب اذا ربي كتب لي ولطفلك عمر لف ذرآعه على كتفها وقربها منه:ابيع كل دنيتي عشآنك والله مآ أتخيل حياتي بدونك شوق حطت راسها على صدره:بس الوآقع غير يافهد غيرررر حط يده على فمهآ وسكتهآ:مابي أسمع هالكلام منك خلينا نعيش يومنآ بدون هم وكدر
صبآح اليوم اليوم الثاني فـ الجآمعه خلصت أول محآضرآتهآ ونزلت تتمشى اتصلت على روآن هنادي:صباح الخير يآقمر روآن بصوت ناعس:صباح النور هنادي :لايكون نايمه روآن: اي نآيمه ولارآح ادآوم اليوم هنادي بقهر:يعني اجلس اليوم لحالي يهون عليك تتركيني روآن :يآحيآتي أنتي وربي ماقدرت أدآوم تعبانه مرره وأمس طول الليل مآنمت هنآدي: أجر وعافيه حبي أنتبهي لنفسك أذا خلصت دوآمي يمكن أمر عليكِ روآن بفرح:من جد هنآدي بدلع:أفكررررررر روآن صرخت: بلآعبط تعالي أتغدي عندي هنآدي ضحكت:هههههههههه لدرجه هذي وحشتك؟ روآن:آآآآآآآآآآهـ ماتتصوري قد أيش هنآدي :هههههه خلآص بمر عليك اليوم أخلص بدري روآن:اوك استنآك مو تكنسلي هنادي :ولايهمك مآقدر على بعدك يوم روآن: أحبك يآهنودتي احبك مووووت هنآد: وأنــآآآ أحبك أكـــثـــر ...سيآآ روآن: سيآآآ لفت تبي ترجع قآعتهآ وأنصدمت من الوجه اللي كآن قبآلهآ عبير:سلآم بهذي اللحظة ماقدرت ترد عليها متفاجئه من جيتها لها ومصدومه بعد مآ أستوعب وحست بنفسهآ:وعليكم السلام...نعم ويش تبين ؟ عبير نزلت رآسهآ:هنآدي ودي أتكلم معك خلينا نجلس ونتكلم هنادي:ماعندي كلام أقوله ومآني مستعده أسمعك عبير بترجي:هنادي اعطيني فرصه افهمك وأشرحلك اللي صار هنادي بعصبيه:ويش تشرحين ياعبير..خيآنتك وألا تدميرك لي أنتِ مآتدرين ويش صار لي بسببك ندمت على الأيام اللي جمعتني بوحده خاينه وحقيره زيك عبير تجمعت الدموع بعيونها:الله يخليك اسمعيني بس هنادي بسخريه وأحتقار:صدق شين وقوي عين ..مابي أسمعك ولآ أشوفك قدآمي وفري التعب على نفسك وانقلعي عني عبير مسكت يدهآ وهنآدي سحبت كفهآ بقوه منهآ وصرخت فيهآ:بعدي عني وجـــــع عبير:هنآدي انا جيتك بس أسمعي اللي بقوله وبعدهآ سوي اللي تبين هنادي سكتت(أووووف شكلي بسمعهآ الى الأخير وبعدين اشرشحهآ وأطلع كل حرتي فيهآ وأكون ذليتهآ وهنتهآ وبردت كبدي):أوكِ بسمعك ورآح أطنش محآضرتي مو عشآن شي بس عشآن ابي أعرف اسبابك الغبيه اللي خلتك تخونيني مع حقيرك مآجد عبير:أوكِ خلينا نجلس في مكآن هادي
في مكآن مجهول للجميع
..: فهمت اللي تنفذه وألا أعيد لك كلامي ؟ ..:لآ فهمت طآل عمرك أول شي نبدأ المرآقبه ..:ايوه اولهآ تراقب عشآن لمآ تنفذ الخطوة الثانيه تكون عارف كل شي حولك ..:زين طال عمرك تأمر على شي ثآني ..:أيه فتح عيونك على فهد زين رآقب كل تحركآته وتصرفآته ابيك تجيب لي حتى عدد نبضآته في الدقيقه ..مابيه يغيب عن عيونك دقيقه ..:لآتوصي حريص هذآ شغلي ..:يالله من الحين تبدأ أنت وربعك لو حسيت بأي تقصير أو تهآون مآتكفيني أرقآبكم ..مع السلآمه ..: مع السلآمه
بآلمستشفى طلعت من القاعه مقهوره مطنش وجودهآ مآ عطيهآ أي فرصه حتى تثبت نفسهآ وشطآرتهآ جلست لحالهآ من أول ماجات لهذا القروب وهي وحيده فآقده أروى وأسيل اللي يخففون عنهآ طلعت جوالهآ وأتصلت على شهد شهد: اهلين رغد رغد بنرة زعل: وسهلين قلبي ..كيفك شهد حست بضقتهآ:بخير ..يؤؤؤ من قليل الذوق اللي مزعلك رغد بحقد:ومن غيره دكتور متوحش أكررررهه ياشهد ودي اقطعه بأسنآني بمووت مغتاضه منه شهد كآتمه ضحكتهآ:ماعليش حبي طول بالك شوي اصبر عليه ويش تسوين انتي طالبه عنده رغد شوي وتبكي:والله يقهر تصرفاته لآتطاق شهد : لازم تتحملي اقل شي عن درآستك رغد بتأفف: متحمله ثقالة دمه عشآن مستقبلي بس شهد:رووقي أنتي ماتسوى عليك تعصبي وتتضايقي رغد تنهدت وتهز رجلها بقوه حتى تفرغ بعض من عصبيتها:استغفرالله العظيم من كل ذنب عظيم ...شخبارك مع ميشو ويوسف شهد ابتسمت:وآآآآآآو نهبل مع بعض ...زي السكر رغد :ياعمري عليكم الله لايفرقكم ويخليكم لبعض شهد: تدرن عاد مشتاقه لك ولسواليفك رغد :بلا نصب عاد من كم يوم كنتِ عندنآ شهد شهقت:ماقلت لك وش اخر خبر رغد بحماس:لا يانذله تخبين عني بسرعه اعطيني اخر الاخبار قبل اقفل شهد:كوثر جابت بنت امس كلمتها رغد بصدمه:أيـــش ؟ شهد: خير صابك طرش اقولك جابت بنت يعني كانت حامل وولدت يعني خلفت يـعـ... رغد ضحكت:فهمت والله فهمت ههههههههههه ماله داعي تفسيرك المنطقي بالمره شهد بحده:اجل ليه متصله يالله باي رغد: بقفل اشوف متوحش قدآمي أكيد بنروح نطبق شهد: الله يعينك عليه تحمله ويش تسوين عاد رغد :ادعي ربي يغثني بصبر مثل صبر أيوب شهد من قلب:يـــآآآآآرب صبرهآ رغد :بــآي
وقفت بشموخ ممزوج ببعض من الغرور وبدآخلهآ حقد لم ينجلي رغم الرجآوي والأعذآر السخيفه بنظرهآ التي يطلق عليها "عُذر أقبح من ذنب" ...تجآهلت كلامهآ الذي استمر سآعه كآمله تريد أن تنقض عليهآ كالمستذئبه حتى ترتوي من دمآئهآ على وعسى أن تُطفى مرآرة دمآئهآ حُرقة قلبهآ الضعيف هنادي:انتهيتي؟ عبير وقفت بمجرد وقوفهآ:أي انتهيت هنادي لفت عليها وأرتسمت على شفآتهآ ابتسآمه ذآبله مصفره كأورآق الخريف الشآحبه لتخفي ورآهآ الألم الذي تجرعته والكره والأحقاد التي سكنتهآ:بسآمحك بس عشآن الأيام الحلوه اللي كآنت بيننا ..حتى تعرفين اني أكرم وأحسن منك عبير دمعة عيونهآ:لعب الشيطآن برآسي يآهنآدي وأنآ مابي نبتعد عن بعض وأحنآ زعلآنين هنادي:خلاص ننسى اللي صار ونفتح صفحه جديده عبير قربت منهآ ومسكت يدهآ بحب:من جدك تتكلمين هنادي نزلت عيونها ليدهآ اللي حآضنتهآ كفوف عبير رآودهآ أحسآس غريب لأول مره تحسه حتى مع باسل وقربه منهآ ماقد حست فيه:تشوفين انه وقت مزح؟ عبير بفرح: لآ ..اهم شي رجعنآ لبعض هنادي:شوفي ياعبير أي حركه تسوينها محسوبه عليك ولايمكن اسآمحك المره الجايه عبير:ماراح تشوفين مني الا كل خير هنادي ميلت فمهآ بأبتسآمه:اتمنى هالشي ..يالله انا خارجه مع السلامه عبير:مع السلامه
أتصلت على جلالي يجي لها حتى يوصلها بيت روان ..جلست على كراسي جانبيه تفكر بعبير وكلامها (لآيكون مآجد اللي أرسلها تعتذر مني حتى يخفف من شعوره بالذنب وتأنيب الضمير ... هو كذب عليها وقال لها انها بتساعدني وتوقف معي وهي بالمقابل أعجبت فيه وحبته..وأنا الغبيه ماحسيت بشي أبد ...كذب علي وقال يحبني حبه جني ازرق الحقير وكذب على عبير وفر لها مخهآ ماهي بعيده يكون ورى تأسفهآ مني وندمها ترجتني رجاء غررريب ماعمر احد ترجاني مثله ... بس الايام بيني وبينهم وانتي اللي بديتي يآعبير) طلعت بعد رنه من جلالي ومرت مطعم أخذت فطور لها هي وروان وبعدها اتجهت لبيت روآن القريب من الجامعه هنادي: الووو روآن :هلا هنو هنادي: افتحوآ الباب انا برى روآن:فتح لكم الحارس البوابه هنادي ضحكت: أيه خليهم يفتحون انشويت برى روان بسرعه: ثواني بس ...طلعت من جناحها المصغر ووقفت على السلم تنادي على الخدم يفتحون لهنادي ...بآنت هنآدي من خلف الباب الخشب الكبير ومعآهآ اكياس روآن: ياصباح الأنوآر هنادي تصفر: صباحك فل ..ويش الجمال هذآ روآن طلت بنفسهآ وأنتبهت للبجآمه :هههههههه يوووه نسيت ابدل ملابسي دقايق وانزلك هنادي تنزل طرحتها: لآ تتأخرين ميته جوع رآحت روآن تبدل ملابسهآ ودخلت هنادي لصالة الأستقبال تنزل عبايتها وشنطتها وتنتظر روآن
::: ::: ::: في بيت يوسف نومت مشآري وجهزت الفطور ..اتجهت للغرفه تصحي يوسف شآفته نآيم بسلآم قربت منه بشويش وبصوت هادي: يوسف ..يوسف حبيبي يالله أصحى يوسف بهمهمه:خليني نآيم تعباآآآآن شهد:حبيبي جهزت الفطور قوم أفطر معاي يوسف فتح عيونه بتكاسل وبعد الشرشف عن صدره:طيب بس أبي فطور دسسسسم شهد انفجرت ضحك:مآيصير كذآ يضر صحتك ..وعن الهرج الفاضي قوم غسل وألحقني حطيت الفطور في الصاله يوسف يتمدد :عدي لين عشره وتلقيني قدآمك شهد مشت للصاله وبشويش عشان لاتصحي مشاري: وآآآآآآحـــد ....أثنين يوسف بنبرة تميل لتهديد:بلا غش خذي شهيق وزفير ..شهيق وزفير بين الأرقام شهد تصر على اسنانها:قووووووم ..طلعت وتركته بعد دقآيق لحقهآ للصاله وسف بأبتسآمة رضآ:صباح الخير شهد تميل فمهآ: يآصباح النور..مابغيت جلس على الأرض قريب من السفره وتربع:اخيرا غيرنا عن طاولة المطبخ ..تدرين أن جلسة الأرض صحيه شهد فتحت عيونها على كبرها وشهقت:أحلف يوسف بضحكة شر: مآهو لآزم أحلف المهم هذي المعلومه خذيهآ من زوجك أكيده مليون بالميه شهد بسخريه:أعتمدنآهآ من اليوم أكلنا على الأرض يوسف: ايوه اريح حتى لي مآ أتضايق شهد أخذة قطعت توست:أممم متى دوآمك اليوم ؟ يوسف:الحمدلله ماعندي اليوم وبكره خفاره شهد: اجل بكره توديني بيت أهلي أشتقت لهم يوسف رفع حآجبه: بدري ترآك رزعتيني شهر وزيآده لحالي شهد : وربي حفظت اسطوآنتك على الطالعه والنازله تاركتني لحالي شهر ومدري كم بطِلهآ بالله عليك بطِلها يوسف مد يده على شرآيح الخيار وأخذ له حبه بزعل: افا يآ شهد معقوله شهر تبعدين عني مآحرك فيك شي ..مآأشتقتي لي ولسوآلفنآ ولطلعآتنآ وكلآمنآ الحلو شهد :قسم بالله مآ اقصد شي ..يوسف حبيبي لاتفهمني غلط وربي انت روحي وقلبي وهوآي اللي أتنفسه يوسف( والله لآ أجننك بس اصبري علي) كمل بصوت زعلان:ايه باين صرآحه وين كلامك أول وغزلك فيني وألا جآء مشاري ورآح الغزل كله له وأنآ صرت الفرآش حقكم شهد كشرت:ياعمري ليه تقول كذآ انت الخير والبركه..والله ياحبي أني أموت فيك وانت متأكد من هذآ الشي يوسف:أفعالك تناقض كلامك شهد شوي وتبكي:يوسف تشك بحبي لك وغلاك عندي ..هذا الشي الوحيد اللي المفروض تكون وآثق منه وماتسأل عنه أبد يوسف:أنآ ماسألتك قلت ماصرتي زي أول كل اهتمامك ..تنظيف وطبخ ومشاري وترضيع مشاري ونوم مشاري وبكاء مشاري شهد بصدمه: تغآر من ولدك يعني ؟ يوسف ابتسم: ويش قاعده تقولين اغار من بزر بس انا صرت اخر اهتماماتك ..ليتك تلاحظين كيف كنا ووين صرنا نزلت رآسهآ تحآول تخبي دموعها التي أوشكت على الأنهمآر يوسف: ويش فيك مآ تكملين فطورك ؟ شهد وقفت : انسدت نفسي يوسف ضحك: حبيبتي لايكون زعلتي شهد لفت عليه ونزلت دمعتها: ابدآ ما زعلت تركته لحاله بالصاله ورجعت الغرفه وشافت مشاري نآيم بسريره وقفت جنب سريره ولمست خدوده بشويش ..نزلت دموعها اكثر وأكثر وحست بخطوآت يوسف تقترب منها وقف ورآهآ وهمس:شهد خلينا نرجع للصاله حتى مايصحى مشاري شهد : مو أنأ أهتمآمي كله بمشاري والبيت خليني عنده يمكن يصحى "يمسك يدهآ ومشى لبرى الغرفه ..سكر الباب وجلسهآ على الكنب " يوسف :زعلتي ؟ شهد مسحت دموعها: بعد كلامك هذآ تبيني أضحك يعني؟ يوسف جلس جنبها وحضن وجههآ بين كفوفه:أنآ ابيك شهد الأولى اللي حبيتهآ وأموت فيها نزلت دموعها وصارت تشهق:أنت جرحتني بكلامك حسستني أني مآ اعرفك يوسف مسح دموعهآ: أسف والله أسف مآدريت أنك بتتأثرين ..بس ويش أسوي أمووت فيك وأحبك بجنون شهد ابتسمت من بين دموعها:غريب حبك لي يوسف باسهآ على خدودهآ: من اليوم لو أحسك مآتدلليني بزعل واروح عند امي شهد أنفجرت ضحك ومسحت ماتبقى من دموع على وجهها:انت جرب تزعل بس يوسف: ماشاء الله يعني انتي تزعلين عادي وانا لا شهد ضمته: مستحيل اخليك تزعل مني
عند هنآدي وروآن روآن:يآحياتي ياهنوده لو أحد غيرك مآفكر يجيني هنادي ابتسمت:مآعندي أغلى منك روآن ضمتهآ وباستهآ على خدهآ: أحبك هنآدي حمرت خدودهآ: حبتك العافيه ياعمري روآن مسكت يدها بقوه: بجد هنآدي أموووت فيك هناديأنحرجت من كلام روان وولعت خدودها: والله انا نفس الشي روآن ابتسمت:امم ويش رايك اليوم بعد المغرب نطلع السوق نتمشى هنادي :سوري حياتي مقدر تعرفين الحين أنا مسئوله عن البيت وللحين مارحت اسوي الغدآء "أخذت عبايتهآ" يالله توصي شي روآن كشرت:اجلسي شوي بدرري هنادي حطت يدها على خد روآن: مآعليش قلبي لآزم اروح تدرين ابوي محد يهتم فيه وأخوآتي مشغولآت بدرآستهم... الطب مو هين وانا اللي بوجه المدفع روان تتنهد بغيره:يابختهم فييك هنادي ضحكت: ويآبختي فيك ...يالله رونآ بآآي روآن مشت معهآ لحد الباب وودعتهآ بحب اكثر من قبل وبعدهآ طلعت لغرفتهآ تنآم
بعد ربع ساعه وصلت البيت وغيرت ملابسهآ ودخلت المطبخ تحضر طبق سريع للغدآء قبل وصول سمر وأبوهآ ..أثنآء انسجآمهآ بالطبخ دق جوالهآ هنآدي بتأفف: مين ثقيل الدم اللي متصل الحين ..اخذت جوالها بدون ما تشوف الرقم وردت ..الوو ...:السلآم عليكم هنآدي شهقت: بآآسل باسل بجفاف:قلنا سلآم هنادي ببرود: وعليكم السلام بآسل: كيفك ؟ هنادي وهي تكمل تقطع السلطه:الحمدلله "بتشديد" بخير وصحه وعافيه ..انت كيفك لك مده ما اتصلت باسل بنبره جافه جدا: يهمك اصلا اذا اتصلت ..مو مرت شهرين ماكلمت ولا مره كلفتِ عمرك واتصلتي على الاقل تسألين عن احوالي هنادي انشغلت بأختباراتي وحياتي ماكنت فاضيه باسل: وآضح أنك مآكنتِ فاضيه لو قلت ماحسبت بفرقاك يكون تبرير منطقي هنادي بعصبيه: يوووه علينا انت متصل غاوي نكد ..ترى بجد ماني فاضيه لسخافتك باسل:بتظلين كذا طول عمرك انانيه ماتهمك الا نفسك هنادي نفخت عليه: أنت تدري انك مفروض علي بالغصب ياخي ما أبيك أفهم مآآآآ أبيك بآسل انقهر من كلمتهآ ورد بصوت حاد:بس أنآ أبيك وانتِ ملكي أنا مو ملك أحد ثاني وحطي ببالك زين ياهنادي أني ماراح اخليك هنادي ببرود:المسأله أضن صارت تتعلق بالكرامه اول مره اشوف انسان يبي وآحد مايبغآه باسل عصب:ويش ناقصني مآتبيني يكون بعلمك أنآ بس أأشر بأصباعي يكونوآ البنات أكوآآم عندي هنادي:وينهآ الأكوآم ياحظي ؟ ماشفنا شي بآسل: رآح تندمين ياهنآدي أشد الندم لو خسرتيني هنادي بدت تعصب: اووووف منك كل ما تتصل تتلف أعصابي باسل بحده: مو كثري " قفل الخط بوجههآ" نزلت جوالها مو مستوعبه أنه قفل الخط بوجههآ طلت فـ مدة أنتهى المكالمه وكشرت:عسآهآ اخر مكالمه مالت عليه قال اندم يروح في ستين دآهيه حطت جوآلهآ على الطاوله وكملت تقطيع السلطة وسرحت لعالم أخر مخدره تمآمآ لآتشعر بمآ حولها دخلت بهدوء وقربت من باب المطبخ شافتها سرحآنه وقفت تتأملهآ عن قرب ملامح الحزن مرتسمه على وجههآ ممزوجه بدمعه شفافه سقطت سهوآ ريم : سلآم هنادي بسرعه رفعت راسها:وعليكم السلام ..ريم من متى جايه ريم سحبت الكرسي وجلست قبالها:امم من شوي ويش فيك زعلانه ؟ هنادي ابتسمت: والله ماني زعلانه"غيرت الموضوع"اي ويش جابك عندنا ريم كشرت: لايكون ماتبوني اجي ترى ارجع بيتي هنادي:هههههههه لا والله ماهو قصدي بس غريبه تجين الظهر ؟ ريم :سيف عنده عمل اليوم قلت اجي من الكليه هنا اغير جو عن البيت احس كرهت بتي والشغل وكل شي ابي بس اناااام هنادي تغمز لها:هههههههه يعنني حآآآآمل ريم:مالت عليك ..خلصتي من الغداء والا لا هنادي : باقي شوي على بال يوصل ابوي وسمر يكون خلص ريم مسكت بطنهآ وتغمض عيونهآ تشم الريحه:وآآآآو الريحه تشهي بس عسى الطعم زين هنادي تتخصر:ويش قالوآ لك معرف أطبخ مثلا ريم انفجرت ضحك:هذا اللي أذكره هنادي تأشر بالسكينه اللي في يدها: الدنيا تعلم وصرت أعرف اطبخ ريم بسخريه:كلها ساعه وأحكم بنفسي أذا تعرفين وألا من جنبها هنادي تمثل العصبيه:ويش رايك تروحين بالصاله احسن بديت أعصب ترى ريم وقفت: طيب بروح وسنعي شغلك زين
::: ::: :::
بعد ساعتين بآلمستشفى أنتهى الدوآم بدري على غير العاده ...اتصلت على جلال بسرعه عشآن يجي يأخذهآ وقفت تنتظره برى متغطيه بنقاب لأول مره شآفت سيارتهم من بعيد ومشت لهآ ..اول مادخلت رغد بتأفف:سلآلآلآم جلالي وسحر:وعليكم السلام رغد بتعب:جلالي بسرعه على البيت حاسه أني بموت من الحر سحر مستغربه من رغد وغطآهآ:من متى النقاب؟ رغد لفت على جهتها: من اليوم سحر ابتسمت:أيش جرى لك فجأه؟ رغد :ولاشي ربي هدآني وديني ألزم مآعلي سحر بأستغراب: لآلآ فيك شي منتي طبيعيه ؟ رغد :شوفي سحر اذا تبين ربي يوفقك لآزم تكوني مأديه وآجباتك على أكمل وجه بالله بعدين أيش بستفيد أذا كشفت وجهي غير الذنوب والفتنه سحر بأقتنآع: معك حق والله رغد :يعني فكره كشف وجهك أنسيهآ زين ..وحطي ببالك أنت متملكه ومعآذ مستحيل يرضى بهذآ الشي ..ماايحتآج اقولك عن مجتمعنآ وعآدآتنا أكثر سحر بقنآعه: والله معك حق خلاص بشيلها من راسي ذكرتيني بكلام شوق أول لمآ تنصحنآ وحنآ مانعطهآ بال رغد بحب: ربي يسعدهآ شوق صبرت علينا وعلى عنآدنآ يامآ حاولت فيني وفـ شهد نتغير لكن بدون فايده ..بس الحين لو يرجع الزمن لورى كم سنه كآن غيرت أشيآء كثيره بنفسي ولا أسمح لنفسي أرتكب أخطآء أندم عليها طول عمري سحر متعجبه من كلام رغد المُثبت لتغيرهآ الجذري: بجد مآني مصدقه اللي أسمعه رغد ضحكت: الدنيا ياسحر تعلم مصيرك تتذكري الكلام اللي أقوله كل اللي اقوله لك أنتبهي لنفسك ولآ ترتكبي ذنوب تندم عليهآ طول حياتك سحر نزلت رآسهآ:أن شآء الله جلالي: في وصل رغد : مشكور جلجل "نزلت من السياره هي وسحر متجهين لشقتهم..أول مآدخلوهآ شآفوآ ابو مهآ وريم جالسين في الصاله "..السلآم وعليكم ابو مهآ :وعليكم السلآم ريم: أهلين بالحلوووين أشتقت لهم رغد باستهآ على خدهآ: والله أنآ أكثر ...اخبارك أنت والبيبي؟ ريم بحياء: بخير يسلم على خالته رغد تضحك:سحر شايفه اللي أشوفه ريم تستحي ههههههههه ابو مهآ بدفآع: ريم حبيبتي قلبي دآيم خجوله مافي أحد مثلهآ بالحياء سحر بغيره: الحين بس ريموه الخجوله وأحنآ مالنا رب ابو مهآ :هههههههه والله ماقصدي يابنتي رغد تبي تفتح مجال للفتنه بينهم: يبه لآتتهرب اعترف انك بس تحب ريما وشوق عادي... ترى اخلاقنا سعوديه ابوهآ مآت ضحك على كلامهآ:خلي الفتنه عنك ريم :شكلكم جوعانين تبون احط لكم الغدآء سحر تميل فمهآ: تسوين فينا خير بجد تعبانه وقرفانه من الحر ريم تأشر على عيونها: كم سحوره ورغد عندي ..دقايق وسفرتكمم جاهزه بس ادخلوا غيروآ وغسلوآ سحر وقفت مع وقوف ريم : الله يوفقك ياريم بنت عم محمد ويفتحهآ بوجهك دنيا وأخره رغد: بنكثر لك الدعآوي ريوم على شرط كل يوم تحطين لنا الأكل ههههههههه ريم بتهديد:بس اليوم وألا غيره لو تنآقزون ما احط لكم كل وحده طول الحيط وتبون احط لكم بعد سحر تدفهآ: المطبخ لآهنتي ...وانت رغد خلصي بسرعه وألا بتجين وماتلاقين لقمه وحده أبو مهآ: لآ والله الجوع مسوي فيكم سوآيآ رغد: مآتتخيل قد أيش يبه ..يالله بروح اغير وارجع
العصر في الرياض بعد مآ أتغدى وأرتاح سآعه دخل الغرفه وشآف شوق تصلي ..مشى للحمآم"وانتم بكرامه" يتوضى ..بعد مآخلص طلع وشآفهآ منتهيه من الصلاه فهد:تقبل الله شوق ابتسمت له :منا ومنكم صالح الأعمال فهد: بعد مآ أصلي بروح لأبوي عرفت عنوآنهم الجديد شوق وقفت بصدمه وركزت نظرها فيه: بجد ..طيب بروح معك فهد بأعتراض:لا تعرفين أبوي يجرح بالكلام مايهمه شوق بترجي:عادي والله مآ أخذ على كلامه كل شي أتضح خلني اروح معك يمكن اقدر أقنعه انا فهد بأصرار:لا خليك اذا رفض أخذك معي شوق بأعتراض: فههههد .. بروح معك يعني بروح فهد سكت شوي :يصير خير ..بصلي شوق : تقبل الله .."مشت بأتجآه الدولاب وأخذت لهآ تنوره وآسعه أسود وبلوزه رمآدي كآت ورآحت تلبس بهدوء
شوق(معقوله عمي يرفض ..امم يمكن يكرهني ألا اكيد يكرهني ورآح يرفض بس أنا لازم أوآجهه وأكون قويه ابي ابعد عن الضعف والذل أبي أبعد ) وقفت قبال المرايا تمشط شعرها وتتكحل ..سمعت صوت فهد فهد بشك:بتروحين؟ شوق ترفع حواجبها:أكيد بروح معك وألا ماتبي فهد :اجل أذا سمعتي كلمه من ابو لاتزعلين شوق ابتسمت: تطمن ماراح أزعل يالله ألبس بسرعه عشان نروح ونرجع قبل المغرب فهد يضحك: طيب دقايق ألبس ثوبي وأجي
شوق أخذت شنطتهآ وجوالهآ وعباتها ونزلت تنتظره تحت ..مرت ربع ساعه ومشوآ لبيت أبو رياض..في الطريق كآن الصمت هو السائد بينهم ..دخلوآ حاره متوآضعه جدآ أغلب سكآنهآ فقرآء فهد بصدمه:معقوله أبوي وأخواني ساكنين هنآ شوق :ويش فيها اذا سكنوآ هنآ ممكن يكونون مبسوطين اكثر من بيتهم الأول فهد لف عليها: ويش فيك عصبتي شوق: ماعصبت انا اشوف ان الحي عادي تحس فيه حياه ...يكفي الاطفال يلعبون وعايشين حياتهم ومسون جو للحاره بحسهم ووجودهم فيها فهد وقف السياره طالع بالاولاد اللي يلعبون ومنسجمين بلعبهم: قليل أشوف أطفال يلعبون شوق:أمآ أنا ياكثر مآشفتهم ولاتنسى اني بيوم كنت عايشه مثلهم فهد حرك السياره:طيب شوي شوي علي ماكفرت شوق ضحكت: ههههههه ماقلنا كفرت بس الطريق طال زياده عن اللزوم اسرع شوي فهد وقف عند عماره عاديه جدا تعكس صورة لساكنيه: وصلنا نزلوا من السياره ووقفوآ عند باب العماره ماهو قادر ستوعب ان هذا المكان البسيط ضم عائله كانت ولازالت لها ماضي كبير يشهد لها شوق حست بتوقفه لفت عليه وسالته بصوت حنون: فهد ايش فيك ماتدخل فهد بتردد:خلينا نرجع احس ماني مرتاح شوق سحبته مع يده:يالله عاد وصلنا ماينفع تتراجع ...مابينك وبين ابوك إلا خطوه فهد أخذ نفس ومشى بخطوآت ثقيله وقف جنب الباب وطل بشوق :توكلنا على الله شوق مدت يدها للجرس وضغطت عليه ..ثوآني وأنفتح الباب هزآع بصدمه شلته عن النطق أكتفى فقط بالنظر فهد: السلآم عليكم هزآع وهو لازال مصدوم:وعليكم السلآم فهد: كيفك ويش مسوي؟ هزآع :الحمدلله .."حس على نفسه وأنتبه لشوق اللي وآقفه على جنب "حياكم تفضلوآ فهد دخل :زآد فضلك هزآع دلهم على الصاله ونآدى ندى بأعلى صوت ندى بعصبيه: خير ويش تبـ"أنصدمت لمآ شافت فهد " فـــهــــد فهد ابتسم لها بحب: ليه أنصدمتي ؟ ندى تجمدت ملامحهآ: ولآ شي بس مآتوقعت تجون هنآ بيوم من الأيام شوق :وهذآ أحنا جينا ندى : تفضلوآ أرتآحوآ بروح انآدي أمي وابوي دخلوآ الصاله وجلسوآ .. لف على شوق وقال:أتوقع ابوي ماراح يقآبلنآ شوق حطت كفهآ على يده:ماعليه اكيد لسى زعلان لآزم تتحمل أي شي يصدر منه وماتزعل فهد بتوتر وآضح عليه : عسى بس مآ يعصب بعد دقايق من الأنتظار جآء ابو رياض مع زوجته أم رياض بفرحه: ياحيا الله من جانا تو مانور البيت وقفت شوق ووقف جنبها فهد: الله يحيك سلمت على شوق بحراره :كيفك يابنتي شوق ابتسمت: بخير ياخاله انتي شخبارك وش مسويه؟ ام رياض:الحمدلله بصحه وعافيه فهد مد يده لأبوه : كيفك يبه طالع بيد فهد الممدوده له بكره ورفع عينه لوجه فهد اللي ينتظر رده: بخير فهد نزل يده بعد مآشاف عدم التجاوب من ابوه ورد بأنكسار :عساه دوم شوق : شخبارك عمي ؟ ابو رياض بجفاء: توي رآد على زوجك ام رياض تداركت الموقف:حياكم تفضلوآ أرتاحوا فهد:مرتاحين ياخالتي ..شخبار ندى ماجلست معنآ ولآ سلمت علينا ابو رياض:كيف تبيهآ تجلس معك وأنت خربت عليها حياتها ام رياض لفت على زوجها :ابو رياض ماهو وقته "طلت بفهد وشوق وقالت بتبرير"هي متضايقه من أمتحانها اليوم ماجآوبت ندى دخلت الصاله الصغيره وبعيونها نظرة شر وكره لأخوهآ: لا يمه متضايقه من الحياه اللي عايشين فيها وين كنا وكيف صرنا شوق تحاول تهديها: كله قدر ومتكوب لاتعترضين على قضآء الله وقدره ماتدرين يمكن خيره ندى بهجوم وعصبيه: البلا أن أخوي اللي من لحمي ودمي نهبنا فهد رفع صوته بحده: نــــــدى أنتبهي للي تقولينه ندى حطت يدها على خصرها: بعد ماتبي تعترف بالحقيقه يافهد ...اصلا كلنا انصدمنا من طمعك وجشعك كل هذا حقد على ابوي فهد بتهديد: أنتي مآتدرين عن شي احسلك تسكتين ابو رياض: وليه تسكت ماقلت غير الحق فهد بنبره عصبيه: يبه أنت مآتدري عن اللي صار بالشركه وأنا متأكد أنك لوتدري بتعذرني أبو رياض بعصبيه: أدري بويش؟..بسوآد وجهك يوم شمت كل الناس فينآ عدونآ وصديقنآ فهد وقف وبنبره حآده وصوت قريب لخيبة الأمل:أنا أشمت الناس في أبوي ...صحيح كنت بأنتقم لكرامتي وذلك لي بس مستحيل يكون علني وأهين ابوي قدآم الخلق واخلي اخواني يعيشون بحرمان لحظة صمت مرت على الجميع ..وكآن هنآك شخص يستمع بصمت من خلفهم ...لمآيدور في هذآ المكان قطع الصمت نبرة فهد المبحوحه: هذآ مفتآح بيتكم ..والشركه رجعت بأسمك يآبو رياض مآهو فهد اللي يتخلى عن أهله وهم بحآجته...تأكدت الحين أنك مو بس متخلي عني ولآ ألومك يوم تضن أني ماني ولدك ..ويش تبي بولد جبته بالحرام صدمة كلامه ألجمت الجميع ..تفاجئوآ بدخول ريآض فجأه وبعصبيه ريآض: وش تبي جآي عندنآ ماكفاك اللي سويته شوق غطت وجههآ بسرعه لآن دخوله كآن صدمه لهم وبعدت عنهم كل اللي كآنت متفقه عليه مع فهد تغير مآكانت تعرف اللي يدور براسه فهد بحده: أنا سويت اللي علي لكن محد أدآني فرصه احكي اللي صار ...يالله ياشوق قبل يتحرك خطوه وحده الى الأمآم مسكه رياض بلياقة ثوبه بقوه وكآن ثاير ومعصب لأخر حد ..جآء ابو رياض يحاول يحرر يد رياض لكن مآقدر فهد بنظرات ناريه: نزل يدك يارياض راض بحقد : تفووو عليك ..أنت أخ بالله .. جد اللي من حرام حرام عليه الأخوه أتسعت عيونه من كلمة رياض ..وحاول يبعده عنه لكن رياض كانت قبضته اقوى ابو رياض بصوت زآجر: ريآآآض فهد بحقد ونظرات شرسه:بعد عني والا بتترحم على نفسك جاء ابورياض وبعدهم عن بعض ..مشى فهد للباب ولحقته شوق بسرعه قبل يطلع فهد: أن سمعتوآ بوفاتي لآحد يترحم علي ولآيحضر عزآي .."لف على ابوه بنظرآت ودآع"لو أدفع كنوز الدنيآ وأبدل دم ولدي بدم نظيف كآن سويتهآ بدون تردد سكر الباب ورآه بقوه ...وطلعت شهقه صادره من قلب أم حنونه يحترق قلبهآ على من ترآه يُظلم منذ طفولته ودآئمآ يرحل مكتسي بالجرآح ..وبجآنبهآ قلب أب حلت عليه كلمآت أبنه كالصآعقه أعتصرت قلبه ولأول مره يشعر برحيل أبنه دون عوده له أبدآ .. هزآع دخل بفرحه:يبه شفت اخر الأخبار تفاجئ من وجيه الكل مكتئبه وامه اللي تبكي ..مالقى أي رد منهم ..كمل كلامه:يبه فهد " الكل تركزت اناظرهم عليه هزآع:اشترى من أحمد اللي دخل معنا بنسبه كبيره كل نسبته بأسم وهمي لأن أحمد كآن مختلس مبالغ كبيره مع عمي وناوين يتقاسمون الشركه بالنص بينهم بعدين أشترى نسبة عمي بمبلغ كبير وكتب الشركه بأسمه
::: ::: :::
بآلسياره وقف على جنب ومسك الدركسون بقوه وكأنه يفرغ كل طاقته فيه...أما هي كانت تتأمله وبعينها تتأرجح دمعه ..تسمع انفاس صدره المتسارعه وتنهدآته الحارقه شوق :فهد خلنا نروح البيت فهد نزل راسه وحطه على الدركسون حتى يستعيد قوته من جديد ..ثواني وحرك السياره بأتجآه مزرعته خارج حدود الرياض بقليل ...بعد مآوصلوآ ..مشى على طول لغرفته بدون مآ ينطق بحرف شوق: ميري ميري: يس مدآم شوق: سوي عصير ليمون أثنين وهاتيه لغرفتي ..بس بسرعه ميري: أوك مدآم طلعت الدرج وهي تحس بألم في بطنهآ ومغص يزيد ألمهآ أضعاف متضاعفه ..تحملت الألم وخبت أي تجآعيد توضح ألمهآ خلف ابتسآمه نقيه تشفي الجروح ...دخلت جنآحهم ونزلت عبايتها ..دورت فهد شافته جالس على السرير ومغطي وجهه بكفوفه ..ترددت بأقترابهآ منه لكن قلبها لا يسمح لهآ بآلأبتعاد في هذي اللحظة ...قربت منه وحطت يدها على كتفه شوق:حبيبي لآتفكر باللي صار ..مارد عليها مسكت يديه وبعدتهآ عن وجهه وتفاجئت بدموعه تنسكب على خده بسلاسه حارقه ومميته شوق بشهقه: تبكي يافهد ...تـــبـــكــي ؟! فهد صد بوجهه عنهآ ..بهدوء بآآآرد وأحساس بالألم يسكن قلبه المُصاب حطت يدهآ على وجهه ولفته بأتجآههآ ..مسحت دموعه بأصابعها الصغيره وهي تغتصب الابتسامه الشاحبه :مآ أشوف دمعتك ألا بسبب أهلك فهد نطق بكلمه: البلآ أنه أبوي مقدر ابعد عنه بس هو يجبرني اكرهه شوق بحنآن: صدقني بيعرف قيمتك قريب اللي صار كآن صدمه لنا كلنا وأنا أولهم فهد غمض عيونه بألم وتمردت دمعه كآنت متعلقه بين رمشه وخده كُتب لهآ أن تسيل على خده ...أستنشق هوآء حتى يسترد روحه المتعلقه بين السماء والأرض شوق مررت يدها على خده بنعومه وبنبره هاديه: فهودي أنت سويت اللي عليك لآتفكر بأحد ألحين الا نفسك فهد ابتسم من بين أحزآنه: ماعاد في شي يسوى أعيش له ألا أنتي وولدي وأذا على اهلي خلاص انا سددت أخر ديوني لهم شوق بحزن: ثوآبك عند رب العالمين ماهم صار يضلون أهل فهد تنهد:يحز بخاطري لما اشوفه يعاملني كأني عدوه ماني ولده ...الله يشهد علي ماسويت هذا كله ألا عشانه وعشآن اخواني شوق ضمته: بيعرفون قلبك الطيب ويندمون ..بيعرفونك على حقيقتك ويرجعون يرتجونك فهد نزل راسه: مابي منهم شي غير راحتي شوق بحب:خلاص حبيبي أنسى اللي راح مايرجع أندق باب الغرفه ورآحت شوق أخذت صنية العصير من ميري شوق: يالله اشرب الليمون يهدي اعصابك فهد يأخذ الكأس: جاء في وقته
في بيت ابو مها ريم بتافف: يوووه يالله أصحوآ كل هذا نوم هناد تغط وجهها:ريم لاتجين وتقلقينا نبي ننام ونشبع نوم ريم تفتح الستاره وتشغل الأضاءه وتطفي المكيف: يالله عاد مسويه قهوه وحلى قوموآ قرب المغرب وانتم لسسى نايمين سمر قامت معصبه: ياربي اكره عمري اذا جت مهاوي والحين ريم بتخليني اكره جيتها سحر تغطي عيونها ..صرخت: خلوني أنآآآآآم وراي مذاكره هنادي بعدت البطانيه عنها ونزلت رجولها بتافف:يعني لازم نقوم ريم بحماس:ايه يالله سمر: متى يجي زوجك يأخذك وربي انك غثاء ريم ردت بحقد:المفروض تخدميني لأني حامل مو انا اخدمك شرهتك على اللي غسلت مريوك وكانت تكويه سمر شقت الأبتسامه حلقها: جد والله ..لا كذا تصرين أحلى ريومه بالكون ريم تميل فمهآ بسخريه:وآضح هنادي :خلوآ سحر تنام مسكينه وراها مذاكره سحر بصراخ:شغلوآ المكيف أوووووف سمر :طيب لاتعصبين الحين نقفل الستاره ونشغل لك المكيف لا تنجلطين علينا ريم:انتظركم بالمجلس بروح اتصل على شهد اقولها تجي قآموآ يغسلون ويتوضون ..وريم تنتظرهم بالمجلس أتصلت على رقم شهد شهد: هلا وغلا ريم: هلابك ..يعني لو ما اتصل ماتتصلين شهد : ياحياتي والله منشغله مع مشاري حقك علي ماعاد اقطعك ريم :ياناس اشتقت له بالله بوسيه لي شهد :من عيوني ريم:اقول انا ببيت ابوي ايش رايك تجين عندنا مسويه حلى وقهوه يحبهم قلبك شهد صرخت: لآآآآ..حرام عليك شهيتيني ريم تضحك:خلاص اجل تعالي شهد بزعل: مقدر ..الحين جالسه ألبس بطلع لخالتي يوسف ملزم نجلس نتعشى عندهم لي فتره مارحت لهم مقدر ارفض طلبه ريم: ياهوووو ايوه هذي البنت الشاطره اللي تسمع كلام زوجها شهد تضحك: اكيد بسمع كلامه هذا عيوني وقلبي وكل حياتي ريم : أجل كملي لبسك ولا اوصيك بالكشخه..أهم شي ميشو قطعيه بالبوسات شهد :بروج وألا بدون ريم انفجرت ضحك: يمه منك ويش ذي جديده علي شهد بنبره تضحك: مافيني اشرح لك لاشفتك قلت لك ..على فكره بكره بجيكم من بدري لاترجعين بيتك ريم: لالا ماني راجعه بجلس يومين لان سيف بكره معزوم على كشته بالبر شهد: ايه اشوى ..يالله بعدين اتصل عليك أعطيك ألأخبار ..باي ريم: بااااي يام روج دخلت هنآدي على كلمة ريم الأخيره..جلست على الأرض هنادي: خير أي روج اللي تتكلمين عنه ريم ضحكت: شهد الخبله تقول....
في بيت يوسف حطت القلوس وتعطرت وكآنت هذي أخر خطوآت لبسهآ .. دخل عليها يوسف يصفر شهد تلف :ويش رايك بلبسي؟ يوسف فتح عيونه على الأخير: رهييييييييب شهد : يعني يجنن ؟ يوسف قرب منهآ: على قولتكم يالبنات ..روووووعه شهد ضحكت :انت الروعه فديتك كآنت لآبسه بنطلون سكيني ابيض وبلوزه طويله لنص الفخذ ملقمه بالأحمر والزيتي والوردي ورآفعه شعرهآ شينون خفيف ومنزله خصلات عشوآئيه مثبتتهآ بفيونكه أحمر صغيره ..وميك أب نآعم جدآ بارز ملامحهآ الجميله يوسف: أنا بأخذ ميشو وأسبقك فوق شهد بأعتراض:لآ الحين البس عبايتي ونطلع مع بعض يوسف :يالله معك خمس دقايق بس راحت بسرعه أخذت عبايتها وطلعوآ لبيت أم يوسف فتحت لهم غدير الباب:هلآ هلآ يوسف بغرور: بعدي لأميركم غدير كشرت حطت يدها على خصرها بسخريه: من هو أميرنا؟ يوسف يرفع مشاري:هالمزيون غدير سحبته من يد أبوه: أذا ميشو اميرنا ما بعترض شهد ضحكت: يعني لو غيره بتعترضين غدير تغمز لها:يس يس ..تفضلوآ أم يوسف: ياهلا باللي لفنآ ..هآتوآ لي مشاري غدير ترفعه لفوق:يآنآس يزنن شهد تسلم على خالتها: كيفك يآخآله ام يوسف: بخير الحمدلله ..انتي ويش مسويه شهد ابتسمت: ماشي حالي أم يوسف: كيف مشاري عسى ماتعبك شهد : لآ مايتعبني هآدي بسم الله عليه يوسف يقلب عيونه:طآلع على ابوه غدير:هههههههههههههههههههه ياقرآدة أمه أذا طلع عليك ام يوسف بسخريه: أنت اكثر وآحد طفشتني وانت صغير يوسف ضيق عيونه: يمه جاملي رقعي لي شوي شهد بشمآته: سوآياك فيها ماتترقع غدير تبي تقهره:تدرين ياشهد أن يوسف كآن أدشر وآحد بالحاره "فتح يوسف عيونه على الأخير" شهد ماتت ضحك على شكله:تعلميني فيه باين عليه أم يوسف لفت عليه: أنت اللي جبتهآ على نفسك يوسف يميل فمه: وآثق الخطى يمشي ملكا
بعد يومين كآنت جالسه بزآويه من زوآيا الجامعه الكبيره وحاطه راسها على صدر روآن اللي تلعب بشعرها وحولهم أيه – بدور – علياء- ريناد أيه: اوووف بتدأ محاضرت يالله سيو صبايا هنادي:ياختي اسحبي على المحاضره خليك معنا ايه تضحك:ايوه انا اللي اروح فيها روان: اوكِ روحي يالله لا يحسبوك أبسنت علياء: ماشاء الله على الدفاره خايفه على مستقبلها الكل:هههههههههههههههههههههههه هنادي: فكه اليوم بس عندي أنقلش وانتهيت منه روآن صرخت:جد يعني بتجلسين معي هنادي غنضت عيونها وبصوت محب:تخيلي روآن ضمتهآ : لآلآلآ مآني مصدقه علياء اقترنت حواجبها: ايووه وتقابلوا الحبايب مع بعض ..وأسفهونآ هنادي ترفع حوآجبهآ : بدأت الغيره اللهم ياكافي روآن تضم هنادي لحضنهآ أكثر: يحق لهم يغارون والقمر جنبي هنادي باستهآ على خدهآ:خلهم ينقهرون أنا لحبيبي وحبيبي ليا بدور فاطسه ضحك: بالله شوفوآ أشكالكم وانت ضآمين بعض علياء: مصدقين نفسهم وعاشين الجو روآن :الغيره تسوي أكثر بدور:بالله ليه نغآر وأنتم تحبون بعض الله يخليكم هنادي ابتسمت: ايه خليك كذآ ..يالله فطوركم علي علياء: يمكن هذي الحسنه الوحيده ...وقفوآ متجهين لمطعم الجآمعه هنادي: ويش تبون ؟ روآن: على ذوقك حبيبتي هنآدي:أوك أدخلوآ أحجزوآ طاوله وانتي بدور تعالي معاي نختار الفطور بدور بحماس: يالله بموت من الجوع روان: بنجلس في أخر طاوله وأنتم تعالوآ هنآدي: أوكِ
بعد ربع ساعه رجعوآ للبقيه اللي جالسين حول الطاوله ينتظرون هنادي وبدور بدور ترمي الي بيدها: تفضلوا أشبعوآ روآن ترسل بوسه لهنادي: تسلم دياتك هنوده هنادي ترمش بعيونها:الله يسلمك ياروحي جلسوآ كلهم يفطرون ويسولفون مع بعض ..حست بجوالها يتحرك في شنطتهآ ..طلعته من الشنطه وأنصدمت لمآ شافت رقمه روآن انتبهت لتغير وجههآ:خير هنو في شي؟ هنادي ابتسمت: لا بس ماني قادره ارد ازعاج بطلع اتكلم برى علياء: خذي راحتك طلعت بسرعه لمكآن هادي وأتصلت عليه هنادي:الوو باسل: صباح الخير هنادي اسندت ظهرها على الجدار وغمضت عيونها:صباح النور بآسل: بالجآمعه انتي؟ هنادي بأستغراب:أيه ليه تسأل؟ باسل: معك خمس دقايق عشان تطلعين لي هنادي شهقه بصدمه:أيش تقول؟أكيد انهبلت باسل:لا ابشرك لسى بعقلي ..شوفي بحسبلك خمس دقايق اذا ماطلعتي لاتلومي ألا نفسك هنادي: ومحاضراتي ؟ باسل بسخريه:انتِ ماعمرك أهتميتي بالدراسه ..يالله استناك برى "قفل الخط" وتركها مصدومه هنادي ( حشى أنجن الرجال "تذكرت انه كآن بجده" متى وصل من جده ..أوووف مو وقته مرره ايش اقول للبنات الحين حسبي الله ونعم الوكيل فيك ياباسل ) رجعت للمطعم وعلى وجههآ أبتسامه صفرآء بدور: ايش فيك ؟ هنآدي تشيل أغراضهآ:أسفه يابنات لازم أطلع كلمني ابوي وبرجع البيت روآن وعلياء:بدرري هنادي : ودي أجلس بس في ظروف في البيت ..اشوفكم على خير ..مع السلامه الكل: مع السلامه
كآنت طالعه مع الدرج متجهه لقروبها القديم مشتاقه لصديقاتها لها يومين ماشافتهم ...أنتبهت لأروى خارجه مع الباب رغد :ارووى ..ارووى لفت على مصدر الصوت ومشت لرغد بسرعه: أشتقتلك مووت رغد ضمتها: وربي انا اكثر ..بمكان واحد ولا نشوف بعض اروى كشرت بزعل: بدنا في الجد التطبيق كسر ظهري رغد سحبتها لزاويه: مو كثري تخيلي جالسه لحالي اكتئبت والمتوحش ناسي اني موجوه ف ذا القروب اتحدى اصلا اذا يشوفني اروى: مكن مضيعك بسبب النقاب هذا ههههه رغد قرصتها: احسن ودي يضيعني..المهم كيفك مع الدراسه اروى شوي وتبكي: يوووه قرفانه وتعبانه والله حتى النوم بالحسره يمكن بس ثلاث ساعات انام واصحى اذاكر ودافنه راسي بالكتب والترجمه وانتي ادرى بالهم اللي عايشينه رغد :تدرين افكر احول ..احس نفسيتي تعبت اروى بحده:انجنيتي انتي ؟ رغد: مستواي نزل شو رغم اني ما اخرج من غرفتي وربي خواتي ما اشوفهم الا من وين لوين اروى: الله يكون بالعون ..الله لازم ارجع مبسوطه ان شفتك رغد: وأنا بعد ..كان نفسي اشوف اسيل ..سلم عليها اوكِ اروى: اوكِ رجعت لقاعتهآ وهي متشآئمه سمعت صوت ورآهآ ولفت بسرعه ..كآن ينتظرهآ د وليد: رغد رغد: نعم د وليد: ملآحظ أن مستوآك ينزل صآير معك شي بالقروب؟ رغد: لآ د وليد:أجل ليش مآلك توآجد ..من فتره كنتِ تردين على معلوماتي وكأنك تتحدين والحين تغيرتي رغد تصرفه: كنت تعبانه وأنت مآ تعطني أي فرصه أثبت نفسي د وليد بصدمه : أنآ رغد : أيه .." بتنهي هذآ النقآش اللي كآن بنظرهآ سخيف جدآ" عن أذنك خلص وقت البريك دخلت ودخل هو ورآهآ ..نرفزته بكلامهآ ..طنشهآ وبدأ مع البقيه التطبيق
الظهر في بيت أبو مهآ ابو مها- ريم – سمر ..مجتمعين على سفرة الغدآء ريم: كأن هنادي تأخرت ابو مها: أتصلت علي معزومه على الغدآء عند صاحبتها سمر : والله تعودت رجل هنادي على الطلعه برى البيت ابو مها ضحك: خليها على راحتها ويش يضرك فيه سمر ميلت فمهآ: يابختهآ عندها صديقات عزمونها مو أنآ صدقاتي أردى مني ريم مآسكه ضحكتهآ: الأخلاق هي المهمه لايصير تفكيرك محدود سمر: ماقلنا شي بس غابطتها على صديقاتهآ أبو مهآ ( ياليتك ياسمر تدرين عن هنآدي وعذابهآ... حسب الله عليك ياباسل دمرت بنتي بغمضة عين ..الله ينتقم منك ) ترك الآكل ووقف : الحمدلله ..الله يديمهآ نعمه ريم: يبه ما أكلت شي ابو مهآ ابتسم لها: الحمدلله شبعت ..صحوني على أذان العصر ريم: ابشر يبه بعد مادخل غرفته ..لفت ريم على سمر بنبرة شك: احس ابوي مو طبيعي فيه شي سمر تهز كتوفها : مدري ..يمكن الله اعلم ريم تمسك جوالهآ :بتصل على سيف وحشني سمر ضحكت: بدري على الشوق من أول رنه وصلهآ صوته سيف: هلا بقلبي ريم حمرت خدودهآ: هلا فيك ..وحشتني سيف :آآآآآخ تراني مشتآق أكثر ريم: ليش مآ أتصلت سيف: توي صحيت وأنتي ماشاء الله عليك سبقتيني بالأتصال ريم: الشوق ومايسوي سيف بثقه: أكيد قلبك وله علي وماقدر نتظر أكثر ريم ضحكت: ماشاء الله مشعوذ بعد سيف: اسم الله علي من الشعوذه..الا طمنيني عليك ريم:بخير مآينقصني ألا شوفتك سيف: يومين ورآجع لأحلى ريم بالكون ريم: الله لآيخليني منك سيف تنهد: ولآ منك يآ روح الروح سمر وقفت وهي تشد شعرهآ وتمد لسآنهآ لريم بسخريه ..لمت السفره ورآحت للمطبخ تغسل الأوآني وترتبهآ
فـ الرياض فتحت عيونهآ بتكآسل .. تحس بألم بكآمل جسمهآ وبروده سكنت أطرافهآ ..زآد ألمهآ الذي أشبه بطعن السكين لم تعد لهآ قدرة على التحمل أكثر..لفت على يمينهآ وفتحت درج الكمودينه طلعت أدويتهآ وبلعت منها بدون أي أحسآس أو أنتبآه ..رمتهآ على الأرض وبدت ترتجف من شدة البرود اللي تحس فيهآ حآولت توصل لجوالهآ لكن مآقدرت كآن بعد شوي عنهآ ..حتى صوتهآ أصبح غير مسموع ..استلسمت لوسآدتهآ ورجعت تكورت على نفسهآ وتحاول تدفي نفسهآ بشرشف سريرهآ ..تخدر كل جزء بجسمها وغابت عن الوعي
اما هو وصل البيت بعد عناء العمل وطول وقته دخل البيت هدوء إعتاد عليه وسكون يمتزج ببعض الغربه ...شافت ليزا تنظف الستاره فهد: ليزا وين شوق؟ ليزا: فوق فهد: ما افطرت اليوم ليزا: لا بابا ماما شوق في نوم من بليل انا مافي شوف اليوم فهد عقد حواجبه بأستغراب ما ارتاح ابدآ طلع الدرج بسرعه وصار يعديه درجتين ..وصل لجناحهم ..فتح الباب بهدوء ..المكان مظلم لا حياة فيه بارد جدآ كل شي كمآ تركه في الصباح فتح الأضاءه شآفهآ بمكآنهآ نآيمه وأنتبه للأدويه المتناثره على الارض جن جنونه مآ يدري باللي حصل ..ركض لهآ وبعد الشرشف عنهآ فهد يهزها: شوق ..شووووق شوق فتحت عيونها بشويش وهي تهمهم بكلام غير مفهوم ..حط يده على صدرهآ وجبينهآ ..كآنت حرارتهآ مرتفعه مرره كأنهآ تغلي فهد : شوق ويش اللي صارلك ...ردي علي سمع صوت أنفاسهآ المضطربه طلع جواله بسرعه وأتصل على الأسعاف بعد ربع ساعه وصلت سيارة وشآلوهآ على المستشفى
{فهد} أول مادخلت الغرفه حسيت قلبي أنقبض لمآ شفتهآ على السرير جثه هآمده ..لما قربت منها ولمستهآ حسيت اللي بحضني جمرة من شدة أرتفاع حرارتها... لمآ سآعدة المسفين بشلهآ على السرير خفت أفقدهآ أصفرار وجههآ وبرودة أطرآفها ما تبشر بخير ..شوق هي دنيتي وكل أملي بعد الله .. دخلوهآ في الطوآري وانا انتظر على نآر في أستراحة الأنتظار ..احس روحي معلقه معهم ..خآيف عليها أكثر من نفسي ..طول الدكتور مآ طلع أو أحد الممرضين وهذآ اللي زآد خوفي أكثر
بعد ساعه ..خرج الدكتور ووقف قبآل فهد فهد بردت أطرافه حس أنه فقد شوق الى الأبد وقف ببطئ ينتظر كلمة من الدكتور أمآ تدمره أو تعيد له الأمل الدكتور: أنت زوج المدام؟ فهد :أيوه ..بشرني يادكتور الدكتور نزل راسه :مدري ويش أقولك بس الأفضل أنكم تتخلون عن الجنين لآن حالة الأم مرره متقدمه والورم زآد بشكل غير معقول كأنهآ حآمل بطفلين فهد فتح عيونه على الأخير: مافي حل غير العمليه ؟ الدكتور بأسى: للأسف وألا بنفقد الأم والجنين فهد بخوف: هي رآفضه تسوي العمليه حاولت معهآ بس رآفضه جدآ الدكتور: مآنقدر نسوي العمليه بدون موآفقتها وتوقيعها فهد:حآول تقنعهآ يادكتور هي عنيده الدكتور: أذا تخلت عن الطفل رآح تفقد أمومتهآ بقيت عمرهآ فهد نزل رآسه ومسح وجهه بكفه ..شعوره مثل التآيه وسط صحراء ظلمه لآ يعلم أن الطريق أسند نفسه على الجدار كل قوته رآحت وأنفاسه بدت تضيق الدكتور: مآلك الآ الدعاء ...مأجورين ان شاء الله رآح وخلآه وحيد تآيه مايدري وين النهايه ...جمع طرقاته مجهولة النهايه ..أخذ نفس طويل وأتجه للغرفه اللي متوآجده فيها ..فتح الباب بهدوء وشآف النيرس تعطيهآ أبرة مسكنه وشحوب ملامحهآ يزدآد بين حين وأخر ..اقترب منهآ يتأمل كل تفاصيلهآ ..حجم بطنهآ المُتضاعف الهآلات المحيطه بكِلتا عيناها ..يدهآ المتعلقه بأنبوب المغذي هدوء لآ يعكره سوى صدى نبضآت قلبهآ ..مرر يده الدافئه على خدهآ المُحمر من حرارة جسمهآ الملتهبه حست بيده الدآفئه فتحت عيونها ونظرآتهآ تبوح بالألم الذي يسكن أحشآئهآ ...ذرفت دمعه سآلت على خدهآ بحسره أمتزج بهآ تعب وعناء قلبها فهد مسك يدها بلطف ورسم ابتسامه باهته على شفايفه: قدآمك العافيه حبيبتي شوق غمضت عيونها واجتاح سيل من الدموع خدودها ..ترفض الحروف ان تُنطق :تــعـبآنه فهد : عسى التعب فيني ولآ فيك شوق تحاول تتحمل الألم بصعوبه: آآآآه أحس بألم فظيع ..ماعمري حسيت مثله فهد قرب منها وباسها على جبينها:وآفقي على العمليه وأرتاحي شوفي ايش يصير فيك شوق مسكت يده بقوه: أنآ وصلت لنص الطريق خلاص في السادس اتحمل شوي فهد بأهتمآم: والله خايف عليك...ماراح أسامح نفسي لو صار لك شي شوق تنهدت ومسحت دموعها: الله يكتب اللي فيه الخير "غمضت عونها وعضت شفايفها بقوه" فهد :تبين أنادي لك الدكتور ؟ شوق ابتسمت له من بن ألمهآ : لا حياتي الحين يخف فهد بأصرار:رآح أنآديه لك
:: ::
في الليل الساعه 10 لبست عبايتهآ بعد أتصال جلالي ..أخذ شنطتهآ بتطلع باسل: وين؟ هنآدي بتعب: على البيت بآسل يثني رجله: بس لسى مآ قلت لك روحي هنادي عصبت: من الصباح أكرف بذي الشقه المنحوس أنظف واطبخ وأغسل وأجهز لك اللي تبي ..وش تبي أكثر باسل: أبي أهتمآم أكثر هنادي بتأفف: موووت وفكني بآسل يرفع حآجبه بغرور ونبرة تهديد:كل يوم تجين هنآ لآني مطول بالمدينه يازوجتي العزيزه هنادي كشرت بوجهه: يصير خير على حسب فرآغي اجي باسل: أتركي الصياعه مع صديقاتك وبدل طلعاتكم للمطاعم والاسوآق والكوفيات تعالي هنا هنادي تتخصر: لآكون بتحرمني حتى من ونآستي ..تحلم وماتطول هالشي ياباسل بآسل ضحك بخبث: نشوف يآهنو العبره للي يضحك بالأخير هنادي لفت الطرحه وتغطت: بآآي طلعت من عنده معصبه وهلكآنه لأخر حد ... رتبت ونظفت الشقه من الغبار وخلتهآ تلمع وسوت له الغدآء والعشآء بحكم أنه مكسور ويحتآج عنآية أكثر..مجهودهآ كآن نفسي وجسدي شغل البيت أتعبهآ أكثر ركبت السياره وأستقبلهآ جلالي بسؤاله اللي صدمهآ: هنادي أنتي يجي هنآ ليه ؟ سؤآله زآد تعبهآ أضعاف أربكهآ وشتتهآ فكرت برد لكنهآ لقت كل المخآرج مقفله ولجئت الى الكذب: بيت صديقتي جلالي:بس هذا بيت انا يسأل حارس يقول كله شباب طيرت عيونها بجلالي ماعمرها حست بحركه دآخل هذي العماره الكبيره كآن أغلب ظنهآ أن سكآنهآ مسافرين : شـــبــآآب بس أنا عمري ماشفت شباب؟ جلالي: هذا حارس يقول مو أنا ...مافي بيت عوآئل هنادي ( الحين الشقه الفخمه الكبيره وكمآن بموقع استراتيجي ولا بعد خمس أدورآ سكنونهآ شباب مستحيل باين حقت عوآئل ..لآزم أستفسر): بس صديقتي ساكنه فيها مآ ادري عن البقيه جلالي: زين هذا شهد في يجي بيتنا هنادي بطفش وصوت خافت:يؤؤؤ ويش يفكني من لسانها ماخلصت من باسل تجي شهد الله يكون بعوني
باسل: هلا فهد ..كيفك؟ فهد: الحمدلله بخير ...شخبارك انت؟ باسل: ماشي الحال فهد: كيف رجلك تقدر تمشي عليهآ ؟ بآسل:ايوه ..لايكون بس قلت لزوجتك عن حآدثي فهد ضحك: لآتخآف ماقلت لهآ بس أنا مدري ليش تنبهني على هذا الشي بآسل بخبث: الحين لو تب تقول لهآ قول مآيههمني اول كانت لي أسبابي فهد بأستغراب: اللي هي؟ بآسل يغير الموضوع: تقدر تجي بكره المدينه ؟ فهد :لآ بآسل بخيبة أمل: لييييه؟ فهد: زوجتي تعبانه وبالمستشفى مقدر أتركهآ وأجي بآسل:سلآمتهآ والله ..ويش فيهآ؟ فهد تنهد :ابد سخونه باسل بشك: سخونه وبالمستشفى ..قول ويش صاير فهد: ولآشي ...ليش تبي أجي المدينه بآسل :عشآن الموضوع اللي قلت لك عليه أبوي ماعنده فرصه ألا بكره وبيجي هو وعمي فهد: كآن ودي أكون معهم بس يالله خيرها بغيرها ..الله يتمم لك على خير بآسل : أدعلي ياخوي فهد: الله يوفقك بآسل: اخليك الحين مع زوجتك فهد: اوكِ في أمآن الله باسل: مع السلامه
وصلت البيت والتعب باين عليها ..رمت نفسها على كنب الصاله بفتور ريم: يؤؤؤؤؤ ..خير ويش فيك ذبلانه كذا هنادي: تعباااااانه أبي أخذ دش بآرد وارمي نفسي على السرير شهد تتفحصها:سلامتك من التعب هنادي عدلت جلستها: الله يسلمك ..هاتي ميشو بلعب معه قبل انام شهد تطالع بولدها: توه نآم لو صحى بيرجك بالبكاء هنادي عبست: لا اجل خليك ينام احسن سمر حطت يدها على خدها وبصوت ولهان:مشتاقه لشوق ريم ابتسمت: وربي حتى انا هنادي بنبره طوييله:يارب لا تحرمنا منها وردها لهذا البيت شهد:لاتدعين عليها كذا حرام عليك هنادي قطبت بحواجبها: خير انتي ؟!..ليش ما ادعي لها شهد: تخيلي لو ترجع هنا بفال مو زين هنادي : يوووه على تفكيرك انا نيتي سليمه سمر ضحكت: قلبتوها نقاش ... كيف اروح انام وسحر تذاكر بالغرفه ريم: تروح غرفة مها وشوق تذاكر فيها احسن من انها تزعجكم هنادي : بروح اتروش وأنام تصبحون على خير شهد وريم: وأنتي بخير
جآت سحر تغير جو عن الكتب والمذاكره سحر: كيف الحلوين شهد تغمز لها: كويسين ..بشرينا عنك يا جولييت سحر بحياء: بخير ريم: سحر وربي انتي نذله لك مده ماتسولفين لنا عن زوجك سحر تذكرت :يووه ماشفتوآ الصور ريم وشهد بحماس: لآلآلآ سحر وقفت: دقايق وجايه شهد لفت على ريم: شفتي انهم نذلات ولا وحده فيهم تتصل تقول طلعت الصور ولايسولفون كل وحده همها نفسها استغفر الله أنانيه ريم بقهر: جد والله خصوصا سحر مسوية نفسها ثقيله علينا شهد: لاحرام تعرفين ماهو طبعها بس ماعندها وقت تجلس معنا وتسولف ورغد كمان والله وحشتني سواليفها وكلامها ..بجد فقدتهم مرره مالهم حس بحياتي ريم: رغد مرره معتزله العالم وعايشه بعالم غير عالمنا جآت سحر شآيله ألبوم شبكتهآ وعلى وجههآ ابتسامه خجوله :يالله قربوآ شهد تفكر يدها بحماس:متحمسه أشوف زوجك ماشفته من قبل ريم :ولا أنآ اتوقع يشبه لينا سحر جلست وقربت اكثر: شوفوآ واحكموآ فتحت أول صفحه وكآنت صوره لهآ لوحده وبدت تقلب بالصفحات ريم بصدمه: هذآآ معآذ سحر حمرت خدودهآ: ايه هذا زوج المستقبل..ويش رايك؟ ريم مسكت نفسها لا تضحك :حلوو شهد رفعت راسها بصدمه: مررره ماتوقعته كذا شين ولا كأن لنا اخته ابدآ سحر طلت بشهد : شين؟!..انا اشوفه عادي مملوح ريم انفجرت بالضحك:القرد بعين أمه غزآل سحر بحده: من زين زوجك يوم تتريقين أسمر يلوع الكبد ريم: أنا مايهمني الشكل اللي يهمني قلبه واخلاقه الحلوه سحر تميل فمهآ:ايه لانك عارفه ان الحلى شرق وهو غرب شهد بهدوء: بجد سحر ما الومه لو يموت فيك ريم كملت ضحك:شهد للحين مآهي مستوعبه ههههههههههههه سحر تحطمت: معقوله تشوفونه شين لهذي الدرجه شهد:انا قارنته بيوسف وفهد وبندر صراحه كلهم ازين منه والا زوج ريم زي طخته ريم تتخصر: الآ سيف حبيبي ما ارضى أحد يسبه سحر: فهد ويوسف يهبلون بس بندر مقبول شهد تطالعه بسخريه: مقبووول والله تبين الصدق احلى من معاذ سحر تقفل الألبوم: يالله بشل الألبوم مابيكم تكملون باقي الصور اذا من اول صورتين اخذتوه مصخره ريم: حنا قلنالك الحقيقه حتى ماتنصدمين وهذا الواقع ليش تزعلين سحر بغرور:أهم شي أنا احلى منه شهد: يبوس يده لآنك وآفقت عليه بعدن زي ماقلت ريم الآخلاق والحب هي الأهم ..الجمال بيزول مع السنين بس الأخلاق تبقى سحر:انا ماعلي مبسوطه معه ومقتنعه فيه خصوصا انه يحبني واحبه ريم تغمز لها : من متى تحبينه ياحلووه سحر نفخت علها: من يوم وقعت على ملكتنا شهد :لا سحر ابشرك مستقبلك زوجيا زاهر اذا من الحين قطعتينا بعدين ويش بتسوين فينا ريم: تقتلنآ ههههههههههه سحر كشرت: سخيفات الحق علي أنا اللي أوريكم
يوم جديد تبعث شمسه طيوف الأمل مع أشعتها الصفرآء المُذهبه ... ومشآعر قد تُكتب لهآ الحيآه وأخرى تموت قلب أن تُولد .. قلوب تتألم وتعآني مرآرة الصبر وقلوب تنعم بنعيماً وآفر وحيآه هآنئه وأخرى معلقه مآبين السمآء وقآع الأرض تجهل مقرهآ حينئذ
صحى على صوت المنبه اللي ازعجه مد يده وسكره ..فتح عينه ببطئ وخمول اخذ جوالها يشوف الساعه باسل:لسى الساعه 9 انام احسن من الطفش اللي انا فيه ...رجع انسدح وقبل غمض عيونه دق الجوال شاف الرقم ورجع جلس بأعتدال باسل: هلآ يبه ابو باسل: كيف حالك؟ باسل: بخير عساك بخير أبو باسل: انا وعمك وصلنا باسل: وينكم حتى اجي ابو باسل: لا يابوك بنروح نصلي الظهر بالحرم وبعدين بنزور صديق لنا العصر اكلمك بس الحين اتصلت اخبرك بوصولنا باسل: الحمدلله على السلامه ...يبه انت اتصلت على ابو البنت ابوه: ايه اتصلت ورحب فينا باسل: اجل العصر اتصل عليك ابوه: باذن الله ..مع السلامه تأمل جواله وهو يفكر (ياترى ويش بيرد علينا ..اكيد بيوافق الامر كله متعلق فيني بس عسى ما يرفض او يقول كل اللي صار لأبوي وقتها بتصير مشاكل مالها اول ولا تالي) قبل يحط جواله على الكمودينه اتصلت هنادي باسل شاف رقمها وابتسم: الوو هنادي: صباح الخير باسل: صباح النور هنادي :كيفك اليوم؟ باسل: الحمدلله بخير خصوصا بعد الاكل اللي البارح هنادي بغيض: ويش عليك انا اللي اطبخ واغسل وامسح لحالي ..على العموم اتصلت اتطمن عليك باسل: فيك الخير حبيبتي هنادي: محتاج شي اجيبه لك الظهر باسل: سلامتك هنادي:الله يسلمك ..بعد الصلاة اكون عندك بس ربع ساعه واروح بيتنا باسل: لاتتعبين نفسك روحي بيتكم على طول ماني محتاج شي هنادي بفرحه: اوكِ مع السلامه باسل: مع السلامه
شآفت روان جايه من بعيد ركضت لها وضمتها قدام الكل وصرخت: أحبك يا مجنونه روآن تضمهآ اكثر: وانا أمووووت على الأرض اللي تمشين عليها أيه تبعدهم عن بعض: بعدوا عن بعض انتي وهي فضحتونا قدام الخلق روان لفت يدها على خصر هنادي:خليهم يعرفون اننا نموت ببعض بدور ترمش بعيونها: لا لا لا حالتكم مستعصيه هنادي تضحك: متى نخلص من غيرتكم روان تبوس هنادي:ماعليك منهم يالحب هم بيموتوا قهر لأنك اخذتيني منهم علياء بصوت ساخر:روااان بلا كلام فاضي هنادي: ياعسى يومي قبل يومك ضمتها روان بقوووه ورجعت باستها:ايش اعمل اموووت عليك ايه تعطيهم ظهرها: هذول بيسوون فلم هندي جات عبير وشافت هنادي بحضن روان انقهرت وقربت منهم عبير بحقد: هنادي ابيك شوي هنادي بعدت عن روان: طيب روان مسكت يدها بقوه: وين مافي روحه مع هذي "تأشر بسبابتها على عبير" هنادي حطت يديها على خدود روان: ماعليه حبي شوي وراجعه روان بكره: لا تطولين هنادي تغمز لها : دقآيق بس "مشت لعبير وابتعدوا عن شلة روان شوي " هلا عبير تبين شي؟ عبير:هنادي اتركِ روان هذي ترى سمعتها ماهي حلوه بالجامعه هنادي بحده: ايش دخلك فيني انتي ..خليني على راحتي عبير: انت صديقتي وبنت جيراننا ما ارضى اشوفك تطيحين بالغلط واسكت هنادي رفعت اصباعها بوجهها:انت اول وحده طعنتيني بالظهر مالك اي حق تجين الحين وتحاسبني عبير بحزن: انا ماقلت هذا الكلام الا من خوفي عليك هنادي شبكت يديها ببعض وملت فمها:وهذا الخوف مابيه ..شوفي عبير انا اسوي اللي ابيه مو اللي انتي تبينه عبير :انا اسفه حقك علي ماتوقعت هذا الكلام بيزعلك لكن حبت اوصلك الكلام اللي ينقال عن روان هنادي رفعت حاجبها الايمن: وايش ينقال ؟ عبير: ما اضن يهمك..كنت جايه اقولك اني عازمتك اليوم على العشاء في بيتنا هنادي : اممم اذا صحيت بدري راح اجي عبير: الله يحيك ...باي هنادي تودعها: باي رجعت لمكان الشله ..أشرت لها روآن تجلس جنبهآ روآن: هنو مين هذي البنت مره ما ارتحت لها هنادي: صديقتي من الابتدآئي وبنت جيراننا بنفس الوقت روان بغيرة وآضحه ..هزت رجولها بتوتر وقهر: أيش تبغى؟ هنادي :عازمتني على العشاء اليوم ايه ابتسمت: عزآيم وحركات ماشاء الله عليك ياهنادي هنادي ضحكت: والله بس هي اللي تعزمني وكمان روان فديت قلبها ماتقصر روآن :هذيك البنت مآ حبيتهآ مرآ رجآء هنو اذا تحبيني بعدي عنها قلبي مآأرتاح لها هنادي سكتت وابتسمت ( آآآه ياروآن لو تدرين وش سوت فيني ..يالله مصيري برد لها الكف كفين والله يقدرني على هذآ الشي ..طبعآ بمسآعدتك أنتي بس خلي كل شي يمشي زي أنا مآ أبي )
في مزرعة فهد ترك دوآمه في الشركه وجلس في البيت حتى يهتم فيها ويكون قريب منها اذا تعبت نزلت من الغرفه ملت من السرير وجلستها فيه فهد : ليش نزلتي الدكتور قال ماتتحركي كثير شوق بتعب: مليت كرهت الغرفه وكل شي حولي ..قلت اغير المكان حتى ارتاح مسكهآ وجلسها على الكنب:عسى الألم خف عنك شوق ابتسمت له: الحمدلله بعد المسكنات أمس اختفى فهد بحزن: انتي لو تسمعين كلامي وتتركين العنآد عنك شوق بضقه: كم مره أقولك خليني على راحتي فهد: مدري نهاية عنادك وين بتوصلنا شوق ابتسمت: للخير بأذن الله فهد : عندي لك خبر ان شاء الله يبسطك شوق بأهتمآم: وش صار فهد: أهلي رجعوآ لبيتهم شوق بفرحه: صدق ..الحمدلله فهد: وبدأ يدآوم في شركته هو ورياض شوق: الله يوفقهم...متأكده انك كبرت بعينهم فهد نزل راسه: يمكن الله وحده اللي يعلم الغيب شوق: احس بملل مدري عشان التعب اللي احس فيه فهد: انا تارك شغلي عشانك وتقولين ملل تبين أذبحك الحين شوق: ههههههههههه امزح امزح فهد بنظرة غريبه: ايه وآضح شوق كشرت: فــهـــد وبعدين معك فهد ابتسم:بسكت بس خليني عاد اسمعك تقولين ملل شوق تحط اصباعها على فمها: توبه
المغرب أستقبلهم بمجلس بيته المتوآضع بالنسبه لهم ..وبعيونه نظرات حقد وكره للشخص اللي جالس بصدر المجلس ..يبغضه جدآ ووده يقتله ويرتاح من وجوده ..لكن الظروف تجبره على مسايرته أبو باسل: هذآ طلبنا وحنا جنا حسب الأصول وننتظر ردكم ابو مهآ طآل سكوته وعيونه تتفحص بآسل عن كثب: الله يكتب اللي فيه الخير عم باسل: يعني موآفقين ان شاء الله ابو مها ابتسم مجامله لهم: أنا ماعند مانع باسل رجال "لف على باسل وهو يشدد على هذي الكلمه اللي اجبرت باسل ينزل راسه"بس الشور والراي الأخير عند البنت ابو باسل: حنا مآجينا ألا عشان السمعه الطيبه وحقك تشاور البنت وتأخذ رائيها ابو مهآ: هذا كلام الشرع وانا مآ أتعدى عليه يومين ان شاء الله واعطيكم الرد بآسل: وأنا جاهز باللي تأمر فيه ياعمي ابو مهآ بكره: يصير خير عم باسل وقف ووقف معه ابو باسل: حنا نستأذن ونتمنى قبل نسافر يوصلنا الرد عشان نتطمن على ولدنا ابو مها : نقول ان شاء الله الكل : مع السلامه ابو مها: في أمآن الله وصلهم لحد باب العمآره وودعهم ..كآن أبو وعم باسل قمه في الأخلاق والطيبه لكن مخآوف ابو مهآ تتخطى هذا الشي ابو مهآ(الله يستر من باسل مان مرتاح له ابد ..بس ويش أسوي مجبور أوافق كله عشان مصلحة بنتي حتى لآ تنفضح والناس يحكون فيها ....آآآه يآهنآدي ما أحد بيضيع غيرك أنتي كسرتيني يالغاليه وكسري ماتبريه الأيام ) رجع للبيت وعلآمآت الحزن والتعب مرتسمه على جبينه ..شعوره بالذنب يؤلمه مآقدر يحافظ عليها وهو يجهل أيام تهورهآ التي رمتهآ في هذا القاع المُظلم طلعت هنادي من الغرفه وشافت ابوهآ بالصاله متضايق هنادي :يبه ..ويش فيك زعلآن أبوهآ :مافيني شي روحي غرفتك هنادي بشك: كل هذا ومافيك شي قول لي يبه ويش صار معك مين الناس اللي كآنوآ هنآ ابو مهآ بنظره جمود: بآسل وأبوه هنادي بصدمه: أيش ؟..بآآآسل ايش يبون جايين هنا ابو مهآ: يخطبونك هنادي بعصبيه : مجنون ذآ اكيد يستهببل أبو مهآ: لاترفعن صوتك ويسمعونك خوآته..اللي فهمته من هذي الحركه انه ندم على اللي سوآه ويبي يتزوجك هنادي شوي وتبكي: يبه افهمني انا زوجته الحين ابو مها: ادري يابوك ماني جاهل ..بس هو قصده يسوي عرس حتى تطلعون قدآم الناس متزوجين وألا عاجبك الخوف اللي عايشه فيه هنادي نزلت دموعها: أكيد ماهو عاجبني ابو مهآ: الناس يبون الرد ويش تبين أرد عليهم هنادي بأنكسآر: موآفقه طبعآ اصلا رآئي لاقدم ولآ يأخر بس حفله عشان عيون الناس ولايكثر الحكي ضمهآ لحضنه ومسح على شعرها: الله يوفقك يابنتي ويبعد كل شر عنك هنادي تشبثت بأبوهآ أكثر : آآآميـن
بمكآن مجهول
..: بشر ويش صار معكم ..:كل خير بس فهد ياطويل العمر مآراح الشركه اليوم ..: شلون مآ راح ؟ ..:مدري طال عمرك اللي صار انه البارح كآن بالمستشفى ألى اخر الليل واليوم ما راح للعمل ولاطلع من مزرعته للحين ..:شوف فتح عيونك زين ..ترى فهد مآهو سهل زي مآ نتوقع حنآ ..ابي الشنطه يعني أبيهآ ..:حاضر بسوي كل الل اقدر عليه ..:اللي تقدر واللي ماتقدر ..ابيهآ بأسرع وقت
أنقطع الخط وبدأت خيوط الحكآيه تتضح
دخلت الغرفه بدلت ملابسها وراحت لغرفة شوق ومها حتى تختلي بنفسها ..رمت نفسها على السرير وملايين الأفكار تستحوذ على تفكيرها تاره ترميها على شاطئ الأمل وتاره تدخل الخوف الى نفسها متذبذبة الحال والتفكير... سكنهآ الصدآع من شدة التوتر وأنشغالها بالتفكير ..شعرت بتشنج عضلآتهآ وتسارع انفاسهآ ونبضآتهآ لآ تجد من تشكو إليه علتها ...مآحست بنفسها الا بصوت الأنسانه اللي حبتها كثير روآن بهمس سآححر: آآآآآآآآه ياقلبي هنادي غمضت عيونها وابتسمت بذبول:سلامتك من الآهـ...كيفك روان: بعد ماسمعت صوتك صرت بألف خير هنادي:عساه دوم ياقلبي ...ويش تسوين؟ روان: لآجديد يذكر ولآ قديم يُعاد ..ألا أني بمطعم هنادي: ليش ماقلتي لي كان رحت معك روان بشهقه: ياحياتي انتي وربي طلعتي جات فجأه .. ايش فيه صوتك مرآ مو عآجبني هنادي بتوتر:ولاشي بس ضايق خلقي شوي روان: عساه عدوينك ..قولي لحبيبتك رونا حتى ترتاحي هنادي:مابي اضيق لك خلقك ساعه واروق ان شاء الله روان بشك: هنو لاتخبي علي هنادي تضحك: شي سخيف مايحتاج تقلقين ..كنت ابي اسمع صوتك غلاي يالله اتركك الحين روان:لما ارجع البيت حدق عليك حتى لو الوقت متأخر هنادي: أوكِ بعد مآ قفلت من روآن طلعت من الغرفه ومرت من جنب غرفة رغد سمعت صدى بكآئها قربت من الباب أكثر وتأكدت أنها تبكي وقفت دقايق قبل تدخل عليها وبدآخلها شعور يمنعها ..ضغطت على نفسهآ ودقت الباب بشويش ..مآ جآهآ أي رد أختفى صوت رغد الباكي رغد: تفضل فتحت الباب وتفاجئت بظلام الغرفه عدآ الأبجوره القريبه من سريرهآ..قالت بنبره حنونه: ايش فيك تبكين ؟ رغد رجعت كأنهآ طبيعيه:أنآ ابكي ؟..شكلك تتوهمين هنادي جلست على طرف سريرهآ:لآ مآ أتوهم..سمعتك تبكين بس انتي مآتبين تعترفين رغد بشك:هنآدي نظفي أذنك زين مآكنت أبكي ..حتى خلصت المذاكره وبنآم بكره وراي دوام طويل هنادي حطت يدها على راسها بشك: معقوله ؟!..اجل مين اللي يبكي ؟ رغد بخوف: بسم الله لآيكون سامعه شي ماهو زين هنادي أنتفضت :يمه لآتقولين كذا ترى اخاف ..على قولك يمكن أتوهم ..سوري اذا نكدت عليك..تصبحين على خير رغد : تلآقين الخير ..وانتي نامي الساعه صارت قريب وحده هنادي قبل تسكر الباب: أيوه بنام .."طلعت وقلت الباب ورآهآ تنهدت بتعب وأرهاق:الحمدلله ماحست بشي وألا ماتطلع الا لما تعرف السالفه رجعت انسدحت وعقلها وقلبها في مكان ثاني ( ياترى عبدالله ويش يسوي الحين ... زوجته ولدت وألا لا ..مشتاقه له كثير رغم كل اللي سوآه آآآآخ يآحبي الأول مهمآ حاولت أبعد وأقسى يرجعني له الحنين..يمكن لو اتزوج أنساه بس مستحيل انساه اذا كل هالفتره اللي عدت وانا أكابر واكذب على نفسي واقول نسيته وهو عايش بقلبي ) غمضت عيونها تبي تهرب الى عالم الاحلام عسى أن تجد ضالتها هناك
دخلت الغرفه وشآفت سحر وريم جالسين جنب بعض ...الغرفه هاديه والأضائه خآفته ..وسمر منغمسه بنومها ..انسدحت وغطت نفسها ببطانيتها سحر بصوت واطي:هنوده تعالي سولفي معنا كانت كاتمه انفاسه واحزانها خشية ان تسيطر نفوذها عليها:ابي انام روحوا بالصاله خذوا راحتكم ريم تغمز لسحر وبصوت قريب للهمس: خلنا نطلع عشان اقولك السالفه كامله سحر تدفها على قدام: يالله طيب..احلام سعيده هنو طلعوا وسكروا الباب...هنا ذرفت دمعتها بصمت ولهب انفاسها يكاد ان يحرق قلبها وأحشائهآ أستسلمت لواقعهآ المرير ولكن لم تسلم من وسآوس الشيطآن التي كانت اقرب الى تفكيرها قبل تنام وصلها مسج كآن محتوآه
فتحت عيونها بهدوء ... حست بحركه خفيفه بأحشآئها ابتسمت بحب ..حلم عمرهآ اقترب أن يتحقق ردت بنفسهآ (يارب تمم لي على خير وأرزقني بطفل يكون من عبادك الصالحين )بعدت الشرشف عنها ونزلت رجوله بشويش لبست الشبشب بهدوء أخذت مصحفها وسجادتها وطلعت من جنآحهم كله...توضت وصلت ركعتين بخشوع بعد انتهائها من الصلاه فتحت المصحف وبدت تقرأ بخشوع وترتيل سورة الرحمن ..استرجعت الأجوآء اللي كانت عايشتها انتهت من حزبها على وقت دخول صلاة الفجر بتوقيت الرياض ...صلت الفجر ونزلت تجهز الفطور لفهد قبل يروح للشركه ميري كانت تحاول تمنعها:ماما خلاص ارتاحي احنا سوي شوق:ماعليه ياميري انا ابي اسوي الفطور ليزا بأصرار:نو ماما روح انت صح بابا فهد شوق أبتسمت : طيب طلعت للغرفه وفتحت الباب بشويش ..قربت من الستاير وبعدتها منظر شروق الشمس يأسر العين ...تأملته لمدة دقايق وبعدها قربت من جهة فهد شوق بهمس: فهد ...قوم حبيبي فهد بتضجر:قفلي الضوء بنام شوق:قوم حبي كذا راح تتأخر على شغلك كافي امس مارحت له فهد فتحت عيونه ببطئ:يآآآلله كم الساعه؟ شوق: صارت سته ونص يالله حبي قوم ارتكز على ديكور السرير: يسعد صباحك شوق بأبتسآمه:صباحك احلى ياعيوني يالله حبي قوم بيطلع وقت الصلاة وانت ماصليت فهد يقوم: يالله بروح أخذ شور وأصلي شوق:وانا بجهزلك ملابسك على بال تخلص فهد يتمغط: زين ..مشى بأتجآه دورة المياه الجانبيه ..تركها تجهز له ثوبه وشماغه وباقي كمالياته
بعد ربع ساعه نزلوآ مع بعض فهد: شوق لاتنسي الدوآء خذيه بموعده شوق :بعد الفطور أخذ من الأدويه فهد بتهديد:لآترهقي نفسك وألا بيصير شي مآيعجبك شوق حطت يدها على فهمها حتى تكبت ضحكتهآ:أن شاء الله فهد لف على جهتها ومد لها يده طل فيها بنص عين:أحسك تأخذيني على قد عقلي شوق : لآ والله لاتظلمني ..بس ضحكني شكلك وأنت توصيني انت مصدق أني بأذي نفسي انا حريصه أكثر منك فهد تنهد: الله كريم ..يالله نفطر تأخرت على شغلي شوق تشبث يدهآ بيده: يالله جلسوآ حول الطاوله وبدأوآ يفطرون شوق تلعب بصحنها ماهي مشتهيه تأكل:فهد فهد: هلآ شوق: سمعتك وأنت نآيم تردد أسم صفاء على لسانك فهد عقد حوآجبه بأستغراب بنفس الوقت صدمه:صــفــآء؟! شوق رفعت راسها:ايوه صفاء مو هي اللي انخطبت وكذآ فهد :اي هي نفسها ..أنتي متأكده أني نطقت أسمها شوق بتضايق:أيوه متأكده ..يمكن شفتها بالحلم ..جايز كل شي يصير فهد هز كتوفه بستغراب: يمكن شوق بتغير الموضوع: مآقلت لك اني أحس بالجنين يتحرك فهد قطب بحوآجبه: صدق شوق ابتسمت:اي والله اليوم رفسني لما قال بس فهد:طول هالمده كان هاجد ..ويش عنده اليوم شوق تضحك:والله بيعذبني طالع على أبوه فهد كشر: رجعنا لنفس الموآل شوق ميلت فمهآ ورفع حاجبها الأيمن:يؤؤؤؤ لآيكون بتنكر انك ماعذبتني فهد ضيق عيونه بزعل:لا ماني نآكر هالشيء ..وبعد انتي ماقصرتي فيني يعني رجعتي حقك شوق تاشر عليه بالسكين:بالعكس ما أخذت لو جزء بسيط من حقي فهد :يكفي العز اللي أنتي عايشه فيه شوق تهز كتوفهآ بسخريه:أنت أكثر وآحد تعرف ان هالعز كله مآيهمني والفلوس مآتقوم ولآ تقعد عندي فهد بتفاجئ:عجيب كلامك شوق ابتسمت:كأن بتصير هوشه مالها لزوم ..على العموم نقفل هالسيرة لآنهآ تضيق خلقي وتذكرني بأشياء كئيبه مآودي أذكرها فهد فتح الجريده: محد قالك تجبين هالسيره تحملي الحين شوق كملت فطورها بهدوء وطنشته ..بدت تتوتر حطت حرتها كلها بصحنها وعصيرها ..بعد مآ شبعت وقفت بتطلع لغرفتها حتى تأخذ أدويتها ..أول مآوقفت ومشت خطوتين حست بألم فظيع صرخت وقبل تطيح مسكهآ بحركه سريعه منه ..أستندت عليه وتكت بظهرها على بطنه اللي لصق فيهآ كآنت بعيونه لمعة خوف عليها سألهآ بنبره متخوفه: ويش تحسين فيه؟ شوق ضغطت على ذراعه بقوه وهي تتحمل الآلم اللي ببطنهآ:ألم خفيف الحين يروح فهد :أتصل على الدكتور يجي شوق :لالا الحين اخذ الدواء ويهدأ ...بدت حركآت الجنين تزيد ..حس فيهآ لأنه لف يده على بطنها ومآسكهآ بيده الثانيه فهد ركز نظره على بطنها الكبير: هذآ اللي يألمك شوق هزت راسها بالأيجاب وعلى شفاتها ابتسامه بسيطه تخفي ورآها الألم :أيه ..بطلع للغرفه أرتاح لاتخاف علي فهد مسك يدها:بوصلك لحد الغرفه شوق ابتسمت: انا اطلع لحالي روح الشركه وراك طريق طويل فهد بأصرار:قلت أوصلك يعني أوصلك
