لا عبن بك لا الصوت يا صلني ولا أقدر أحاكيك! للحين أحبك والأماكن تحبك
والذاكرة ما زالت تجيب طاريك
رغـد ابتسمت : مبروك وأن شاء الله اخر مشآكلكم يوسف : آمـين رغد : والحين بقفل أهم شي تطمنآ عليهآ يوسف : أوكِ ..في حفظ الرحمن قبل يقفل سمع صوت رغد : يـوسف يـوسف يوسف : هــلآ رغد : اذا مآعليك أمر ابي أكلم شهد "مد الجوال لشهد اللي أخذت بقوه وهي مغتآضه " شهد : نعم رغد : أسمعي ترى بكره ابوي مسوي عزيمه بالمزرعه ونسيت أقول لزوجك قولي له ترآه معزوم وياويلكم ماتجون شهد : يصير خير رغد ضحكت على صوتهآ الزعلان : بآآي ياحلو قفلت جواله وحطه على الطاوله أمـآ هو عينه مآفارقتهآ وهو يتأمل ملامح التعصيب عليهآ شهد بحده : كيف تقول كلام من رآسك يوسف يحط رجل على رجل : ليه ؟!.. قلت شي حرام شهد عصبت منه وقالت بصوت عالي :مدري عن حضرة جنابك انا ماني لعبه تتحكم فيها بكيفك يوسف : تعوذي من ابليس يابنت الناس انا ابي افتح صفحه جديده معك وقلت رجعتي يعني رجعتي وأنسي انك تروحين عند أهلك مره ثآنيه شهد : أصلا انت منت حآسب حساب لي ولأهلي لو تبي ترجعني تروح بنفسك لأبوي وتكلمه مو تمنعني من رجعتي لبيت اهلي " وقفت وقالت بحده " ياللي تعرف في الأصول رآحت الغرفه وطلعت من الشنطه لبس وآسع لأنهآ متضايقه من البجآمه اللي لابستها كل اللي كان بدولابها طلع ضيق عليها مره اختارت لها قميص كت قطن لونه أبيض فيه رسومآت بالسماوي والوردي كان قصير شوي لكن مع بروز بطنها قصر أكثر شهد : أوووف مو وقته بالمره دخل وشآفهآ لابسه القميص وقال بصوت ساخر : يعني رضيتي بالامر الواقع شهد بدون ماتلف عليه: ويش يهمك اذا رضيت والا مارضيت يا سيد يوسف ...لوسمحت الوقت متأخر وبنام طفى النور يوسف : لالا مايصير ياشهوده شهد عصبت عرفت انه يبي ينرفزها لفت عليه وقالت بحده : ايش تبي الحين انت ؟..قلت ماراح تطلعين قلنا خلاص ماراح نطلع دخلنا الغرفه ماعجبك ..وبعدين معك يوسف قام يضحك : صبرك علي ..ليش معصبه كذا روقي.. روقي شهد جلست على السرير وسكرت الدرج بقوه: قلت بنام يوسف : حتى أنا بنام شهد تنسدح وتتلحف بالشرشف وتلف على الجهه الثانيه عشان ماتشوفه لانها ماهي طايقته ابدا ...اما هو لبس بنطلون بجآمـتـه وجاء انسدح جنبها يوسف : تصبحين على خير ..لفت على يسارها عشان تتحاشى انه تقابل وجهه وماردت عليه تذكرت أنهآ ماقالت له شهد : قبل أنسى بكره عمي مسوي عزيمه لفهد وجآمعنآ كلنا بالمزرعه يوسف : أنآ عندي دوآم شهد : مو شغلي أتصرف اهم شي توديني للعزيمه يوسف : يصير خير .. بدور احد يدآوم بدالي
{شهد }
يتصرف وكأنه مآسوى شي ويش يحس فيه ... ماحاول حتى يعتذر أوووف اكره غرورك يايوسف أكرهه ..احس اني بنفجر من القهر نفسي أبكي بس مابي أبكي قدآمه بعد ساعه حآولت تنام لكن ماقدرت ..قامت وطلعت للصاله عشان تخليه ينام على رآحته دخلت المطبخ تدور شي تأكله لأنهآ جوعآنه وماتعشت بعد مآسمعت كلام ريم مع البنات اللي قلب كيآنهآ وخلاها تتصرف تصرف مآحسبت حسآبه ابدا شهد بتأفف : يووه مافي شي ..ياربي شسوي جوعــآآنه كآن ورآهآ فجعهآ بصوته : ويش مشتهيه ؟ شهقت من الخوف ولفت بسرعه : بسم الله من وين طلعت يوسف : من الثلآجه ..يعني من وين؟!.. من الباب "قال بصوت هادي "البيت فاضي مآفيه شي شهد تقلب عيونهآ وتميل فمهآ : شايفه مايحتاج تتكلم يوسف يعطيها ظهره ويمشي : بروح السوبر ماركت ويش تبين أجيبلك باين انك مآتعشيتي شهد :لآ الحمدلله اتعشيت كنت ابي مويه بس يوسف ابتسم يعرفهآ اذا ماتبي تقول الصدق مشى للغرفه ولبس ثوبه وطلع من البيت بدون مايتكلم أو يحتك فيهآ أكثر من الآزم
::: :::
بغرفه رغد كآنت جالسه لحالها فقدت شهد وثرثرتهم مع بعض رغد : ماصار لها كم ساعه عند زوجها واشتقتلها البطه ...ياترى شتسوي لما كلمتها صوتها مايدل انها مبسوطه دخلت عليها سحر ورمت نفسهآ على سرير شهد وقالت : تـــعــبــآنــه رغد : سلامتك من التعب .. من ايش تعبانه ؟ سحر : مدري بس احس بتعب وأرهآق رغد : اكيد تفكرين بشي سحر لفت على رغد وقالت ابدا بس ريم توها راحت وهنادي على الاب توب وسمر نامت ومها وبنتها وشوق كان نايمين قلت اجي اجلس معك ندردش شوي رغد ابتسمت : كنت افكر بشهد سحر تضحك : وآآآي ؟ رغد : كلمتها بس شكلها زعلانه وماهي مبسوطه سحر تعدل جلستها : اقول شهد تموت في زوجها يلحس لها عقلها وبعدين ترضى رغد ترفع يدها للسماء : يارب يرزقك باللي يلحس مخك بكلمتين حلوين سحر انفجرت ضحك :ليش ماتدعي لنفسك انتي اكبر مني رغد انسدحت وضمة الدبدوب لصدرها :انا رافضه اني اتزوج بدرس واتوظف بعدين مين يتزوج وحده دكتوره سحر : طيب انا نفسك ادرس طب وراح اصير ان شاء الله دكتوره رغد : بس انا مابي اتزوج الزواج هم وغثاء سحر تتخصر : ياسلام يعني انا اللي ابي اتزوج رغد ابتسمت : ههههه يعني احنا الثنتين عازفات عن الزواج سحر تغمز لها: شكله كذا رغد: طيب لو جاء فارس احلامك توافقين ؟ سحر تفكر: على حسب بس ماعندي فارس احلام ..وانتي ؟ رغد ترفع الدبدوب وعيونها عليه بنبره حزينه :فارس احلامي مات وماله رجعه ابد ...لو انتظرته العمر كله تأملت رغد اللي عيونها بدت تلمع من الدموع لكنها تحاربها بشده حتى لا تتمرد وتحرق خدها سحبت الشرشف وغطت نفسها فيه وتبعثرت دموعها على خدها رغد :سحر بنام اذا طلعتي سكري الباب وراك قامت سحر بهدوء وراحت لغرفتها وتفكيرها كله مع رغد اللي اقلقتها كلماتها هنآدي تقفل الاب : خير ليش مكتئبه كذآ ؟ سحر بدون نفس : ويش دخلك هنآدي بقهر : اقول ويش صاير بينك يالخبله انتي ولينا ؟ سحر فتحت عيونها زين :ليش كلمتك ؟ هنآدي بتافف : لاتردين على السؤال بسؤال ..قولي ايش بينكم سحر تنسدح على سريرها : كل خير بس ليه تسالين هنادي عصبت : ويش فيك اليوم على الأسئله؟ اووف .. البنت تسالني عنك تقول ماعاد كلمتيها لاجوال ولا مسن وزعلانه منك مره سحر : اكيد بيوم ترضى ..انا مازعلتها هنآدي بشويه حده: تعلميني فيك أنت تجرحين وتخلي الناس يزعلون منك وتقولي ماسويت شي .. احسك متبلده سحر جلست وحطت يدها على خصرها : صدق والله من متى تفهمين بالمشاعر يا أم مشاعر هنآدي توقف : بالله اسكتي انتي الكلام ضايع معك الله يعين اللي بيتزوجك سحر : والله اللي بيتزوجك هو اللي في جهآد عظيم هنآدي تطفي الضوء :اقول اخمدي احسن لي ولك سحر : تصبحين على خير هنآدي جلست على سريرها وسحبت جوآلهآ من الكمودينه : وانتي بخير رفعته وشآفت مسج من رقم مآجد محتوآه ( ليش ماتردين يآهنآدي مسويه نفسك تحقريني شكلك رجعتي لعقلك وتركتي حركآت الخبال عنك وألا ما أشتقتي لشخصيه هآني ؟!) تنرفزت من الكلام اللي قرته ووصلت حدهآ من العصبيه قامت تقلب بالجوال وقررت انهآ ترسل له مسج ..بعد مآ ارسلت المسج رمت الجوال بدرج الكمودينه ودفنت رآسهآ بوسآدتهآ هنآدي ( ماسالتي نفسك ليه يركض ورآك ياهنو ؟!... لو مآهو خايف عليك مآكان يدق ويرسل مسجآت يشوف عقلتي والآ باقي ..بس تصرفاته لي مبهمه كيف أفهمهآ ؟الا تقدري تفهميهآ بس انتي مغمضه عيونك عنهآ شوفيها ياهنادي الحقيقه وآضحه أنــتـي... قطعت تفكيرهآ : لالا ويش اخبص أنـآ استغفر الله ..أنأم احسن من الهوآجيس اللي بدت تدخل راسي
::: :::
أمـآ شوق كآنت تتالم بصمت وتحاول تتحمل الألم قد مآتقدر وتحآربه لكن الألم كل شوي يزيد أكثر من قبل شوق (آآهـ ماني قادره أتحمل أكثر آحس أني بموت بموت لآزم أتصل على فهد ) أخذت جوآلهآ وأتصلت عليه وكآن انتظــار شوق :رد عليا مو وقته .. ثوآني وقبل ترجع تعيد اتصالها دق عليهآ فهد : هـلآ شوق شوق شوي وتبكي من الألم وبصوت مخنوق : فهد بطني توجعني فهد : أخذتي من الأدويه اللي أعطتكِ الدكتوره شوق بتألم : أي والله أخذت بس الالم يزيد مآيخف فهد : قومي البسي الحين جآيك شوق : لآ تتأخر الله يخليك أحس اني بموت فهد :يالله جايك ..مع السلامه قفل منهآ بسرعه ولبس له بنطلون جينز وبلوزه أبيض مخططه برمآدي ومشى بسرعه جنونيه بأتجآه بيت ابو مهآ
بهذآ الوقت ببيت ابو مهآ صحت مهآ على صوت انين شوق وشآفتهآ تلبس عبايتهآ شوي توقف وشوي تجلس بتعب قامت من مكآنهآ وقربت من شوق : شوقه حياتي ويش فيك شوق تمسح دموعهآ : ولاشي مها رفعت راس شوق وشهقت : شفيك ؟ صاير شي شوق : تعبانه شوي وفهد بجي يوديني المستشفى مهآ بخوف : انآ بروح معك مقدر أخليك تروحين بهذا الحاله شوق: خليك يمكن تصحى بنتك معاي زوجي مهآ تفتح الدولاب وتطلع عبايتها : بصحي رغد تنتبه لهآ انا بروح معك يعني بروح جهزت عبايتها وشنطتهآ وراحت لرغد اللي لقتهآ جالسه على النت تضيع وقتهآ لأن النوم مجآفيهآ رغد وقفت بخوف : ويش فيهآ شوق ؟ مهآ : تعبانه شوي وانا بروح معهآ رغد : طيب روحي انا بنتبه لرنومه مهآ : اذا صحت تبكي أعطيهآ حليب أوكِ رغد : عارفه تطمني بجيبهآ هنآ عشان انتبه لها زين .. مشت مع مهآ لحد غرفتهآ شوق توقف: يالله مهآ فهد تحت مهآ تلبس وتسند شوق على كتفهآ لأنهآ ماتقدر تمشي زين ونزلوآ للسياره كان وآقف جنب السياره ينتظر شوق تنزل عشان يسآعدهآ لكنه بعد شوي عنهم لمآ شاف مهآ معهآ ..فتح لهم الباب ومشى لمكآنه بآلسياره فهد : ايش يوجعك بالتحديد شوق بصوت مُتعب : نفس الألـم اللي زمآن لكن اقوى فهد : معقوله الآدويه مآنفعتك شوق : ابدآ فهد : خير ان شاء الله الحين نشوف ايش تقول الدكتوره شوق : ماعليش صحيتك من النوم فهد ابتسم : اذا مآصحت عشانك أصحى عشان مين مهآ كانت مآسكه نفسهآ ماتبي تضحك لآنهآ أحتمال بأي لحظة تنفجر بالضحك خصوصا انهآ ماتتخيل شوق بالموقف هذآ مع زوجهآ فهد تذكر : يووه نسيت ان معآنآ ضيوف
شوق ابتسمت بألم: هذي مهآوي بنت عمي الكبيره فهد : كيفك يآمهآ ؟ مها بحياء : الحمدلله بخير .. أنت كيفك فهد : الحمدلله على كل حال .. أسفين بنتعبك معآنآ مهآ : لآ عادي تعب شوق رآحه أهم شي تتشآفى شوق : فهد مهآ تعرف كل شي عن مرضي فهد : بس أنتي قلتي مآتبين احد من اهلك يعرف مهآ : عرفت بالصدفه وهذآ الشي مآينسكت عنه أبدآ وصلوآ المستشفى ونزلوآ بعد مآ تكلموآ شوي مع بعض فهد : استنوني هنآ شوي .. رآح وخلآهم مهآ : مشاء الله زوجك أحسه متحرر مره شوق تقرصهآ : أقوول ويش جابك معنآ هآه مها تضحك : ترآك تعبانه فكري بالوجع وألتهي عني شوق تجلس على الكرسي : آآهـ أحس بشي يتحرك جواتي مهآ شهقت : لآتكوني حآمل يابنت شوق : لالا مستحيل أكون حامل مهآ : هيه لاتقولي مستحيل... اكيد يسوون لك تحاليل ويكتشفون اذا انتي حامل والا لا شوق : قلت لك ماني حامل مهآ : ماشاء الله متأكده على العموم ياخبر اليوم بفلوس بكره يبقى ببلاش لمحوا فهد جآي من بعيد ومعآه ورقه صغيره بيده ومشوآ لقسم العيادآت
::: :::
ببيت يوسف تأخر مارجع للبيت لأنه راح يشتري كل الاغراض اللي ناقصه في البيت .. جاب له ولشهد عشاء اول مادخل شافها منسدحه على الكنبه وتقلب في القنوات يوسف : سلام شهد جلست بثقل: وعليكم السلام يوسف يمدلها كيس العشاء : حطي العشاء على بال انزل بقية الاغراض "اعطاها الكيس وطلع برى البيت وهي دخلت المطبخ تحضر العشاء وترتب السفره " بعد ربع ساعه كانوا يأكلون مع بعض يوسف : من زمان مآ اكلت بهناء زي كذا شهد بدون نفس وتحس أنهآ شايله عليه: عوافي على قلبك يوسف : الله يعافيك " وقف " الحمدلله كنت اتمنى اساعدك بشيل السفره بس النوم كبس علي تصبحين على خير طنشته وكملت اكل بعدها شالت السفره وغسلت الأواني وحست ان النعاس بداء يسيطر عليها قبل تدخل الغرفه شافته نايم كعادته بعشوائيه اللحاف بجهه وهو بجهه دخلت بهدوء عدلت اللحاف عليه لانه نايم عاري الصدر وممكن أزمة الربو تجيه بأي لحظة وبعدهآ نامت جنبه بهدوء وبدون مايحس فيها غمضت عيونهآ حست أنه تحرك ولف عليهآ يوسف : ليش لحفتيني " كان قاصد يحرجهآ " شهد : التكييف بارد بعدين نآسي ان صدرك تعبان يوسف : بس أنآ كنت مرتاح شهد كانت تتمالك نفسها عشان ماتعصب أصرت على اسنانها بقوه وقالت: أسفه رجعت غمضت عيونهآ وتحس بحركآت خفيفه ببطنها تجاهلتهآ ونآمت :: ::
ظهر اليوم التالي كآن ابو مهآ مستنفر في البيت صحى كل البنات عشان يطلعوون معه للمزرعه ويحضرون للعزيمه ويكتبون النوآقص هنادي تفرك عينها : كأنه بدري يبه ابو مهآ : وين بدري أذن الظهر وبعدنا ماتحركنا يالله روحي غسلي والبسي بنطلع رغد : أنا اغراضي مجهزتهآ من زمآن مهآ تطلع من المطبخ بسله كبيره : يبه خل جلالي يجي يشيلها سمر بكسل : حر اليوم رغد تضربها على راسها : صحصحي زين يا أدميه سحر كآنت متمدده على الكنبه : اذا خلصتوآ قوموني مهآ صرخت صرخه خلت الكل يفز منها: أنتي وهي قوموآ ساعدونآ هنآدي هربت للحمام وأنتم بكرامه وسحر وسمر نزلوآ السله في الدور الآول عند الباب عشان جلالي يأخذهآ ابو مهآ دخل غرفة شوق وشآفهآ صاحيه : يابنتي بتروحين معنآ شوق لفت عليه وابتسمت له بحب : لا ياعمي بيجي فهد يأخذني ونجي العصر ابو مهآ قرب منهآ وطبع بوسه على جبينها : الله يوفقك يابنتي ويرضى عليك دنيا وأخره شوق : امين يارب ..لاتحرمني من دعوآتك ياعمي ابو مهآ : الله يشهد اني ادعي لك بكل وقت شوق : الله لايحرمنا من طيبتك ابو مهآ: أمين .. اخليك تكملين شغلك وبشوف البنات ويش يسوون شوق : عمي اتصلت على عمآتي قلت لهم ابو مهآ : ايه واتصلت على يوسف شوق عقدت حواجبها توهآ تفقد شهد : وين شهد مآ اشوفها ؟ ابو مهآ : والله هالبنت مدري علامهآ رجعت لزوجها بدون مآتقولنا شوق أستغربت مره : والله غريبه مالمحت لي ..على العموم الله يوفقها ويسعدها طلع ابومهآ وراح يشوف البنات وباقي التجهيزآت وشوق لبست عبايتهآ وأخذت اللي تحتاجه معهآ ونزلت لفهد اللي يستنآهـآ
::: ::: :::
طلبتك ضمني ولمني يوم انا جيتك ضمني واحضن فـوادي بالكفـوف الدافيـه واسقني الشهد المصفى من مناحـل ريقـك ولارويت اضحك وقلي جعل فيـه العافيـهعوض الخافق عن غيابك وطولة صبـري وخلني باذوب في بحـر العيـون الصافيـه واعلم ان قلبي حلالك ما يـروووح لغيـرك ونفسي لعشقك ولو طـال انتظـاري وافيـهضمني واحضن فوادي واسقني من ريقك ولا رويت اضحك وقلي جعل فيـه العافيـه
صحت على صوته : ريمــآ ...ريومتي فتحت عيونهآ بتكاسل وتعب وهممت .. لمحت زوله وآقف جنبهآ ريم : سيف سيف جلس على طرف السرير : يآقلبه وعيونه وكل مافيه قامت وجلست بسرعه حمرت خدودهآ : صباح الخير سيف يضحك : يوووهـ طالعي شوفي كم الساعه ريم لفت على كمودينتهآ وشهقت : 2 وأنآ لسى نآيمه ...ليش مآصحيتني بدري سيف ابتسم : قلت أمس طولنآ بالسهره اخليك نآيمه ريم أرتبكت وضيعت الهرجه : بس ابوي وخوآتي أكيد محتآجيني سيف وقف وهو يضحك : طيب يالله اصحي عشان نلحق نروح بدري ونسآعدهم ريم بعدت الشرشف عنهآ : من عيوني سآعه وأكون جآهزه سيف : ماتبين تأكلين شي ؟ ريم : مو الحين بعدين " رآحت جري للحمآم وانتم بكرآمه كآن يرآقب كل تحركآتهآ وبدآخله ( والله أحبهآ ولا اقدر أستغنى عنهآ ... حسبي الله على اللي فرق بيننآ وحرمنآ أحلى لحظآت عمرنآ .. أوعدك ياريومتي مآفي شي يفرقنآ بعد اليوم مهمآ كآن حتى لو من أقرب الناس لقلبي )
بعد ساعه كآن تستشور شعرهآ وهو متمدد يرآقبهآ : ماتبي تلبس ترى بقى لي شوي واخلص سيف : بروح بلبسي هذآ لفت عليه وبيدهآ الفرشه ..بصوت حاد: شلون بهذآ اللبس ؟ سيف هز رآسه بالأيجآب أمــآ هي ردت عليه :لاحبيبي لو ايش تسوي ماتروح بجينز وتيشرت تلاقي أزوآج اخواتي كل وآحد أكشخ من الثاني وانت بينهم بجينز .. أبيك تكون أحلى وآحد فيهم سيف ضحك : مايهمني رآي الناس اللي يهمني اني أكون أحلى شخص بعيونك ريم : أنت بعيني مالك مثيل ..وأبي الناس كلهم يشوفونك زي مآ اشوفك سيف : ابشري طال عمرك ويش تأمرين عليه بعد ريم : مايأمر عليك ظالم ..بس هذآ اللي ابيه أبيهم يشوفون سوسي حبيبي بأبهى منظر قرب منهآ وطبع بوسه على خدهآ عالطاير وأتجه للدولاب يطلع أحسن ثوب عنده بناء على رغبة ريومته
بعد نص سآعه كآنوآ جاهزين أتصل على ابوه وأمه اللي بيروحون معهم ومشوآ بأتجآه مزرعة ابو مهآ
::: ::: :::
في المزرعه الكل منشغل بالتجهيزآت والترتيب والتنظيف رغد : هنآدي تكفين خذي العود والمبخره وبخري قسم الرجال هنآدي تركض : اشوى ..ترى مآراح اسوي غير أني أبخر سحر : انتي روحي الحين اخلصي بعدين نشوف سمر تترك اللي بيدهآ : انا بروح معهآ مهآ : لآ انتي انتبهي لرنومه وبـــس جزآك الله الف خير سمر ضحكت : اجل بأخذهآ عند الخيول على مايوصلون عماتي وعيالهم رغد : ياويلك تخربين أي شي سوينآه جهزت هنآدي البخور ورآحت لقسم الرجال اللي معزول عن مدخل قسمهم ...تغني ومزآجهآ رآيق على الاخير طولت جالسه بالمجلس تبخره وترتبه .. كانت في قمة أنسجامهآ دخلت عليهآ بشويش تسمعهآ تغني .. جآت ورآهآ وصرخت قامت تصرخ ورمت العلبه اللي بيدهآ لفت بسرعه وقلبهآ ينبض بسرعه رهيبه من الخوف هنآدي عقدت حواجبهآ وقالت بصرآخ : هــديلووهـ هين أوريك هديل اللي هربت بعيد عن هنآدي قامت تضحك : ياحرآآم شكلك يضحك وأنتي خايفه هنآدي تتخصر وتمثل العصبيه : تخيلي لو أنجنيت بسببك ويش بتنفعيني فيه هديل : اصلا انتي من زمآن مجنونه رسمي بس نآقصك شهآده تثبت هالشي هنآدي ترمي عليهآ الخدآديه :اصبري علي أخلص اللي بيدي وأنتقم منك هديل تمد لسانها: بروح عند أمي والبقيه وانتي سنعي شغلك زين لآ اوصيك هنآدي : يالله درب يودي ولآيجيب " كملت شغلهآ بسرعه ولحقتهم عشان يدخلون ابوهآ وزوج عمتهآ ينتظرون البقيه
أمــآ شهـد جهزت نفسهآ ولبست وأنتظرته وقت طويل وهو مآوصل .. جوالهآ نسته في بيت اهلهآ وماتدري كيف تكلمه عشان تسأله متى يجي شهد بعصبيه : اوووف شكله ماراح يوديني ..بيأذن العصر وهو لسى مآجاء قآمت رجعت للغرفه تدور لهآ شي تشغل نفسهآ فيه على مآيوصل ..سمعت صوت الباب تسكر عدلت نفسهآ ودخل الغرفه وباين عليه التعب يوسف يرمي ثوبه على السرير : سـلآم شهد بدون مآ تطالعه : وعليكم السلام يوسف: أبي كآس مويه شهد رفعت رآسهآ : ماعليش تدل المطبخ أنا تعبانه ولا اقدر اروح للمطبخ يوسف نزل بدلته ولبس بجآمته : زين أنك قلتي لي .."طلع يشرب مويه وتركهآ بالغرفه " شهد تفكر( معقوله مايوديني ..لآلآ والله أموت لو ما أروح ) رجع للغرفه وقال بصوت شبه ساخر يوسف : غريبه كآشخه على وين نآويه ؟ شهد طالعته بطرف عينها وكتفت يديهآ: كأنك نسيت أن عمي عزمنآ بالمزرعه يوسف توه تذكر :يؤؤؤؤؤؤ نسيت شهد تطالع ساعتها : الحين الساعه 4 على بالي انك متذكر متى راح نوصل اكيد المغرب يوسف رفع حآجبه وأبتسم : ومن قال إننآ بنروح شهد شهقت بصدمه: أيـــش ؟!... مــآ نروح ؟ يوسف يجلس على الأريكه الجآنبيه : ايوه ماحنآ رآيحين شهد بعصبيه وقهر حآولت تكبتهآ دآخلها ولفت عنه عشان تجلس على الكنب: أنآ بروح انت مو لآزم يوسف طالعهآ بأستغراب وقال : هـآه ويش قلتي ؟ شهد : من قال هـآه سمع يوسف يطنشهآ وبنره أمر: أنا بنآم لاتصحيني ألا العشاء زين شهد أنقهرت منه وضغطهآ ارتفع من حركته: يوسف لاتتمنذل معي كلهم مجتمعين يعني انا اللي اكون ماني موجوده بأجتماع خوآتي كلهم يوسف : عادي قولي زوجي أولى منكم وألا هم أولى مني ؟ شهد سكتت ماتدري كيف ترد عليهآ بعدهآ قالت : والحين بنروح وألا لا ؟ يوسف ببرود ابتسم : طبعآ لا خلينآ جالسين ببيتنآ نسهر مع بعض ويش نبي نروح عزآيم ودوشه رآس شهد وقفت بقهر وفتحت دولابهآ اخذت لهآ قميص قطني وطلعت من الغرفه ودمعتهآ متعلقه برموشهآ وبدآخلهآ برآكين تتأجج لكن ماتبي تفتعل المشآكل معه أو تحتك فيه وتتأزم الأمور بينهم وقررت أنهآ تشوف نهآيتهآ معه
دفت الباب بقوه ودخلت رمت ملابسهآ بالدولاب ووقفت قدآم المرآيآ تمسح الكحل والروج يوسف وعيونه متعلقه فيها: لاآآ ليش تمسحينه خليك كذآ حلو طالعته بنظرآت جامده وبشوية عصبيه: مو مهم تشوفيني بذآ الشكل وألا ماتعرفني ألا لما تشوفني كآشخه يوسف ضحك : ترى ماقلت شي عشان تعصبين شهد تلف على المرآيآ : ومن قال أني عصبت ؟ يوسف : شوفي شكلك وطريقتك كلآمك شوي وتقتليني شهد أبتسمت ابتسآمه صفرآء : أقتلك ؟! فكره حلوه صرآحه ارتآح منك وترتآح مني يوسف بيطفشهآ :مابي أرتاح منك عاجبني الشقاء معك شهد نرفزتهآ هذي الكلمه لفت عليه وشهقت : شــقاء ؟!.ايه عشان كذآ بتدور السعآده مع غيري دآمك شقيآن معي ليش ماتخليني أرجع بيت اهلي وتشوف سعآدتك اللي مآلقيتهآ معي يوسف وقف قال بصوت عالي شوي: انتي تفسرين الكلام على كيفك شهد وقفت وصارت قباله ومسافه بعيده فاصلتهم حطت يدهآ على خصرهآ وقالت: أنا افسر على كيفي ..ماتشوف نفسك كيف تتكلم من طرف خشمك ترى أنا ما اجبرك تعيش معي يوسف :ويش خص هذآ بذآ شهد صرخت بصوت عالي : لآ والله الظاهر منت داري ايش تقول يوسف عصب منهآ صرخ عليهآ : شوفي نفسك بالأول شهد نزلت دموعهآ تحس جسمهآ كله تشنج من كثر ماتحملت : أطلع من الغرفه مابي أشوفك ... أطـلــع يوسف : مآهو بكيفك أطلع وادخل البيت بيتي أنآ اذا مو عاجبك انتي اللي تطلعين مو انا " صرخ بصوت عالي " ســآمـعـه دفت الكرسي برجلهآ وطلعت بسرعه للمجلس وقفلت على نفسهآ وهلكت نفسهآ من البكاء أمــآهو رمى نفسه على السرير بتعب ونآم بدون مآيحس على نفسه
::: ::: بالطريق في سيارة فهد فهد : بشريني شوق خف الوجع عنك ؟ شوق : الحمدلله بعد الأبره اللي الفجر أرتحت من الألم فهد يضيق نظرآته الحاده: الظاهر ماتهتمين بنفسك وهآلكتهآ على الأخير ولاتاخذي الأدويه على موعدهآ شوق : لاوالله أخذهآ على موعدهآ لف عليهآ نزل نظآرته شوي وعلى وجهه أبتسآمه : حطي عينك بعيني أشوف شوق بأرتباك : قد مقدر أحاول اتذكر الموعد بس أحيآن ألتهي بالسوآلف والشغل فهد ضحك: قولي كذآ شفتي بس موآعيد الأدويه جددت الوجع كيف لو تهملي نفسك ..عالعموم مآبيك تهملين نفسك ومن اليوم ترجعين معي عشآن أشيك على أكلك وأدويتك شوق أبتسمت : الله لآيحرمني منك ومن أهتمآمك فهد : يآزينك وتدعين لي حمرت خدودهآ وغطت وجههآ : طالع الطريق لايصير فينآ شيء
بالمزرعه دخلت هنادي في الغرفه وشافت عمتهآ والبقيه جالسين قالت بحيره : ماجت شهد وزوجها رغد : يمكن يتأخرون شوي شوق وفهد بالطريق مهآ : اقول هنآدي تكفين وانتي واقفه جيبي لي مويه هنادي : طيب ام هديل : رغد اتصلي على شهد والله تأخروآ يمكن صآير لهم شي لآسمح الله رغد : جوالهآ معي امس نست تاخذه معها مها : طيب اتصلي على زوجها .." أخذت جوالها واتصلت على جوال يوسف لكن لقته مقفل " رغد بخوف : مقفل هديل : ياجماعه صلوا على النبي اكيد خلص الشحن او ماراح يجون رغد : كآن تتصل تقول مآراح تجي دخلت هنآدي وشآفت وجه رغد متغير : خير ويش في ؟! ريم : مافي الآ كل خير هنادي : لاتخبون علي قولوا ويش صاير ؟ مها : اتصلت رغد على يوسف وجواله مقفل يمكن ماراح يجون هنآدي تجلس : قولوآ كذآ من الاول على بالي في شي ثاني دخلت شوق وبصوت عالي قالت : ســـــــــــــلآم الكل : وعليكم السلآم مها : اخير وصلتوآ ريم : والله لو مسافرين أوروبآ وصلتوآ ترى كلها مشوآر ساعه الا ربع شوق تنزل عبايتهآ وتسلم على الكل : خلاص وصلنآ ليش تعطيني محآضره سحر توقف : أقول بنآت انا بطلع اتمشى من بتروح معي هنآدي : طبعآ انا اولكم ..وانضمت لهم هديل وخلود وريم وسمر طلعوآ يتمشون بالمزرعه وبعد نص سآعه قرروآ يجلسون على الأرض قريب من مكآن الأسطبل وكآن الوقت قريب صلآة العشاء خلود : بنات ويش رآيكم نلعب لعبة الصرآحه ؟ ريم : موآفقه سحر : وأنآ بعد هنادي :أجل كلنآ موآفقين سمر : لآلآ أنآ جبت لعبه جديده علمتني عليهآ صديقتي هديل بحمآس: شكلهآ رهيبه يالله أبدي فيهآ سمر ابتسمت بخبث :مين تبي تلعب أول شي " هنآدي نقزت من مكآنهآ " هنآدي:أنآ أنــآ اول شي يالله سمر: بسئلك كم سؤال وتجآوبين بصرآحه عشآن تكون النتيجه ص
00 % هنآدي : اوكِ موافقه سمر :حطي أسم بنت معين ببالك هنآدي:حطيت سمر : حطي ببالك أي أغنيه تحبين تسمعينهآ ؟ هنادي : حطيت سمر :حطي أسم ولد برآسك هنآدي :حطيت "سحبت كف هنآدي ومسحت عليه على جنب بخفيف وبعدهآ قالت سمر تغمز لهآ وعلى وجههآ أبتسآمة تعجب :مين مآجـد ؟ هنآدي أنلجمت عن الكلام ..أنقلبت ملامحهآ كليآ وشخصت نظرآتهآ بسمر اللي سألتهآ مره ثانيه وهي منصدمه من سؤالها اللي باغتهآ بوقت مآكانت تتوقع تسألهآ فيه خآصة بتوآجد بنآت عمتهآ وأخوآتهآ سمر : ويش فيك ؟!..ترى خطيبك مستقبلا أسمه مآجد والله أعلم هنآدي سحبت يدهآ بقوه وصرخت عليهآ وعلى وجههآ ملآمح صدمه أرعشتهآ : ويش التخريف هذآ لو دريت انه تنجيم مآلعبت معك سمر أستغربت ردة فعل هنآدي العكسيه :ويش فيك يابنت ترآهآ لعبه لارآحت ولاجآت هنآدي وملامحهآ زآدت حده :هذي لعبه ..هذي أعوذ بالله يدخل فيهآ نوع من الشرك يآ انسه سمر يعني حرآآم خلود تدفهآ : المفروض تفرحين اذا قالت لك بتنخطبين هنآدي صرخت على خلود :كيف تفكرين أنتي هــآه؟! "وقفت وهي ثآيره "أنآ قلت لك أنهآ حرآم والمره الجايه جيبي لنآ لعبه زينه مو سِحر وشعوذه رآحت وتركت الكل مستغرب من هيجآنهآ المفاجئ وزعلهآ اللي ماله سبب مقنع بنظرهم سمر عقدت حواجبها : بنآت سويت شي خطآء ريم أبتسمت لهآ :لاياقلبي مآسويتي بس أكيد هنآدي متضايقه من شي وعلى فكره ترى زي ماقالت لك هذي اللعبه حرآم لاتلعبينهآ مره ثانيه سمر كشرت وقالت بنيه صافيه: انا قصدي نتونس وبس سحر :كنتي جاهله والحين عرفتي هديل : اقول نلعب الصرآحه احسن يالله سووآ دآئره عشآن نلعب خلود تعدل جلستهآ:بعدهآ نعلب حُكم زين ريم بحمآس : يب يب لعبتي المفضله وبدوآ يلعبون مع بعض بأستثنآء هنآدي
{هنآدي } دخلت الغرفه المخصصه للنوم وقفلت الباب على نفسهآ جلست بالزآويه وسحبت التكآيه عشان تسند ظهرهآ عليهآ ..تربعت وهي تفرك يديهآ ببعض وقهر وكلام سمر يتردد على اذنهآ من أول وجديد تحس أنهآ ثايره ماتقدر تمسك أعصآبها او تتحكم فيهآ لمآ تجي سيرته غصب عنهآ تعصب من لآشي يذكر رغم انها تتجاهله لكن توقفت عند كلمه سمر " ترى خطيبك مستقبلا أسمه مآجد" " ترى خطيبك مستقبلا أسمه مآجد" " ترى خطيبك مستقبلا أسمه مآجد" غمضت عيونها ووحطت يدها على اذنهآ وهي تصرخ بدآخلهآ لالالا.. بأيش تفكرين ياهنآدي هذا كله وهم كلام سمر كله وهم وخيال وتوقعات مالها اي أسآس ليه كنتِ عنيفه بردة فعلك معهآ بس أنآ ماحب سيرته أكرهه كره الويل .. ليه يلآحقني بكل مكآن وزمآن ..معقوله يصدق كلام سمر! حطي هذا الاحتمال برآسك ياهنادي ربك مو عآجز انه يزوجك مآجد الحقير...لا يارب بآعد بيني وبينه كمآ باعدت بين المشرق والمغرب جآء صوت من اعمآقهآ " أكيد خآيفه منه ياهنادي لأنه كشفك في وقت جهلك ومرآهقتك " هنآدي ( لا ماني خآيفه منه بس هو يكرهني مقدر أستئمنه على نفسي بعدين أكيد انه يبي يأدبني على قولته بس يخسى مو أنآ اللي ترضخ له ) صحت على نفسهآ وفاقت من دوآمآت الأوهآم اللي أجتآحتهآ : ويش قاعده اقول انآ أكيد ضرب مخي عشآن افكر بذآ الشي ..خلوني اقوم أشرب شي بآرد ينسيني كل اللي صآر
بآلمجلس سآمر يصب القهوه للضيوف ابو مهآ : ياحي الله من جآنآ فهد : الله يحيك ياعمي سيف : هذي أول مره أشوفك فيهآ فهد أسمع فيك ولآ شفتك فهد أبتسم : أنت عديلي صح ؟ سيف : ايه انا سيف فهد ابتسم وقال : والله الدنيآ مشآغل وانآ مقصر معكم كثير ابو مهآ : ماحد يلومك يآولدي كل وآحد لآهي بدنيته الله يوفق الجميع ويرزقهم سيف: أمين أبو مهآ : ويش رآيكم نروح نتمشى بالمزرعه بدل جلستنآ هنآ فهد وقف : اي والله ودي أمشي ياعمي قآموا الرجال اللي مآيتعدى عددهم الـ 6يتمشون بأطرآف المزرعـه
بهذآ الوقت كآنوآ البنآت يلعبون ويصآرخون سمعوآ صوت ضحك الرجال وبسرعه وقفوآ ريم تعدل لثمتهآ : كأن هذآ سوسو حبيبي هديل قآمت تضحك : سوسو ووووع مو لآيق على ذآك الاسمرآني ريم تتخصر : هديلووهـ اتقي شر الحليم اذا غضب سمر :بالله ريوم انك تشوفيه حلو.. صدق المثل القرد بعين أمه غزال دفتهآ ريم بقوه : هيه أنتي وهي حدكم الآ سيف حبيبي أمشوآ ندخل جوآ خلود تهمس : اقول سحير اللي أطول المجموعه مين ماعرفته ؟ سحر بغمزه : فهد زوج شوق خلود طيرت عيونها وقالت : مشاء الله تبارك الله ويش ذآ الزين كانه محلو من بعد الزوآج والله ماعرفته متغير مره هديل تطب عليهم : تتكلمون عن مين ؟ سحر تضحك : عن فهد هديل نقزت : وينه بشوفه سمر تمشي قبلهم : هين والله بقول لشوق أنكم تغازلون زوجها هديل : اقول طسي بكحل عين بالزين تعبت وأنآ اشوف الشيون الكل : هههههههآآآآي ريم تدفهآ : فضحتونآ يالله أمشوآ وجع ..ويادوب خلتهم يمشون
دآخل البيت سمر تصآآرخ : شوووق الحقي الـــحــقــي شوق بخوف : ويش صار ؟ سمر تجلس جنبهآ وتمسك يدهآ بأهتمآم : هديل وخلود شوق بأستغراب : ايش فيهم ؟ سمر تطالعهم ومآسكه نفسهآ ماتبي تضحك : قطعوآ زوجك بنظرآتهم وكلام أستحي اقوله شوق شهقت ولفت بسرعه : خلود صحيح اللي تقول سمر خلود تحط رجل على رجل : أحــم نصه صح بس مو كله شوق : مشاء الله شايفه ياعمه ايش يسوون صدق جيل مايستحي هديل تغمز لها من بعيد : مشاء الله زوجك صآروخ شوق : بسم الله عليه هديل تكشر : قلنا مشاء الله بعدين عيني بارده شوق تضحك : ويش يضمن لي ان عينك بارده مو تلفي عليه وتتزوجيه هديل شهقت بقوه : أفــآ عليك "همست بشويش " خليني بس اخطط زين واتزوجه واصير خدآمه له شوق صرخت : ويش قلتي هديل تضحك : ابد سلآمتك اقول مايحتآج ضمان انتي ادرى ببنت عمتك شوق بنص عين : آهــآ قلتي لي ...المهم وين رغد أرسلتها تجيب مويه وطولت مرهـ ريم : اكيد عند هنآدي مريت المطبخ شربت مويه وشفتهآ بالغرفه هناك سمر بلقافه : غريبه ويش عندهم سحر : يالطيف عليك ياسمر ويش ذآ اللقافه ام خلود : والله من جيتوآ جآت الرجه معكم اهدوآ شوي جآت رغد تركض وبصوت عالي : يآهــوووه ألحقوآ لايفوتكم المنظر كلهم بصوت وآحد : خـيــــر رغد تضحك : ابوي مسوي سباق بالخيل بين فهد وسيف وسامر ومهآ وهنآدي بالبلكونه يتفرجون ..ونآسه بسرعه لايفوتكم كلهم قآموآ يركضون للغرفه عشآن يتفرجون
أمــآ بالغرفه هنآدي شآيله بيدهآ طرحتهآ وتأشر فيه من بعيد وتشجع وتصارخ : اهزمهم يآفهيدآن جآت هديل والبقيه يدفونهآ عشان تتفرجون خلود تصارخ : عليهم يآسآآمــــــر عــــلــيــهـــم شوق شوي وتبكي : تكفون بشوف زوجي بعدوآ لي مهآ تضحك : افتحي الشبآك اتفرجي كآنت أضآءة المزرعه كلهآ شغاله كأنه بالنهآر والشباب يستعدون للسباق وشآبين النآر على زآويه بعيده شوي حتى بعد السباق يبدون بالشوي
نرجع للمدينه وتحديدآ في بيت يوسف دق المنبه وبعد صرآع مع النوم والتعب صحى من ازعاج المنبه اللي وقته على صلاة العشاء لكنه ماصحى الا بعد معاناه بعد الشرشف عنه بكسل جلس شوي على السرير وهو يدعك عيونه ويحاول يصحصح شوي رفع جواله وشاف الساعه انصدم يوسف : أوووف الحين الساعه 10 والله راحت علي نومه قام بسرعه وراح اخذ له دش ع السريع طلع من الحمام ولف المنشفه على خصره وبيده منشفه صغيره يجفف فيها شعره وقف قبال المرايا حط كريم لوجه وتعطر سمع صوت بالصاله تذكر ان شهد بالبيت طلع بسرعه لكن مالقى احد قبل يرجع الغرفه شافها طالعه من المطبخ وبيدها كاسه ..كانت عيونها حمراء وخدودها حمراء دآكنه ومتورمه من كثر البكاء اللي ما هدت منه وعلى وجهها تجاعيد التعب والأرهاق يوسف : ليش ما صحيتيني بدري ماردت عليه ومشت للمجلس اللي كآنت جالسه فيه .. لحقهآ وهي مالفت او اعطته اي اهتمام ابد يوسف : ويــش فيك ؟! حطت الكآسه على الطاوله وجلست وبعد دقايق من السكوت قالت له : لو سمحت أطلع واتركني لحالي يوسف : ماراح اطلع لين تقولين لي ويش فيك؟ شهد اللي كآنت مصدعه جدآ حست بدوخه بسيطه : قلت مافيني شي تقدر تطلع ؟ يوسف قرب منها وقبل يجلس قالت بشويه حده : محتاجه اكون لحالي ممكن يوسف : يعني كل واحد جالس لحاله شهد : روح لأصحابك او عند امك فوق منت مضطر تجلس لحالك يوسف كان يطالعها وهي مارفعت راسها له عشان تتكلم معه :برآحتك انا خارج مع السلامه طلع من المجلس وسكر الباب ورآه أتجه للغرفه لبس وكشخ وطلع عند أمه يدور شي يأكله
ببيت أهله غدير بفرحه : صح رجعت شهد ؟ يوسف وهو منسجم بالأكل : ايه رجعتهآ أمه : وينهآ مآجات تسلم علينا والا مقاطعتنا يوسف رفع راسه : تعبانه يايمه اعذريها هي قالت بكره بتجيك امه تميل فمها : متأكد ؟ غدير : يمه قال لك تعبانه بعدين هي حامل المفروض حنا نروح لها أمهآ بعصبيه وحده:ويش دخلك انتي انطمي غدير كشرت وقامت راحت لغرفتها عشان تفتك من هواش امها اللي تدور على المشاكل امه : وانت ليش ماتعشيت عند زوجتك ؟ يوسف : هـآه "سكت شوي وبعدهآ قال " كانت نايمه وقلت مايحتاج اصحيها حرام امه : طيب كمل أكلك شكلك جوعان يوسف: اي والله ميت جوع يمه امه : بالعافيه ياولدي بروح أسوي لنا شاي يوسف ابتسم : جاء في وقته يالغاليه بعد ساعه كان نآزل مع الدرج من بيت اهله وقف عند باب شقته يوسف ( كيف اطلع وهي جالسه لوحدهآ حتى جوال ماعندهآ لو تحتاج شي مآ تقدر تتصل علي خلوني ادخل أشوفها قبل اروح ) دخل البيت وشآف باب المجلس مفتوح عرف انهآ بالمطبخ او بالصاله .. مشى بخطوات هاديه غير محسوسه للصاله الأماكن اللي مرهآ كآنت فارغه من توآجدهآ ... فزع من صوت شهقه كآنت جآيه من جهة غرفة النوم بدأت نبضآت قلبه تزيد يوسف ينادي: شـــهـــد .. ويــنــــك؟ ماجآه ردهآ أبدآ مشى بسرعه للغرفه سمع صوت شهقآتهآ بالحمآم وانتم بكرآمه ركض للحمآم ودف الباب شآفها جالسه على الأرض تستفرغ وماسكه بطنهآ وماهي قادره تتنفس يوسف بخوف : شــهــد ..." ركض لهآ بسرعه ومسك يدهآ اللي كآنت زي الثلج من برودتها غسل وجههآ بالمويه وشآلهآ لبرى الحمآم .. سدحهآ على السرير ونزل شماغه على جنب جلس جنبهآ وأخذ منآديل حتى يمسح وجههآ المبلول مسك يدهآ وحس بالبروده بدت تخف يوسف : ويش تحسين فيه ؟ شهد بهمس خافت : بطني ... توجعني أحس أني بموت ارتعب من كلمتهآ وفز من مكآنه يدور عباتهآ ارتبك مآعرف يتصرف طلع لأمـه بسرعه اللي نزلت معه وودوهآ لأقرب مستشفى
بآلمزرعـه خلص السبآق وفآز سيف على فهد سآمر يضحك : كأني أشم ريحة غش بالتحكيم سيف يرفع حوآجبه :لاتتبلى علينآ خلاص أنا فزت مافي غش ولاهم يحزنون فهد عقد حوآجبه وقال بصوته الرجولي الحآد : يعني انا اللي بشوي لكم ابو مهآ وعلى وجهه ضحكه : ايه انت اللي بتعشينا الليله فهد وقف :اجل بغير الثوب عشآن ارتآح بحركتي مشى للسيآره وطلع الشنطه أخذ منهآ بنطلون جينز وتيشرت رمآدي ورجع عند البقيه ابو سامر : ياسلام جينآ للجد يالله ابدأ بالشوي ترآني جوعآن فهد يضحك :ابشركم من الحين بيجيكم تسمم الكل : هههههههههههه سيف :ماعلينا المهم انك تشوي فهد وعلى وجهه ملامح عبوسه : طيب مافي استعانه بصديق سامر : ههههههه ليه دآخل من سيربح المليون سمعوا صوت بعيد وقدروآ يميزون انه صوت هنآدي هنآدي: يبه تكفى ترى نبي عمرنآ والله غير يجيب أجلنآ ولد صالح الكل فطسوآ ضحك على كلام هنآدي : ههههههآآآآآي فهد يمثل العصبيه :اوريك انا اجيب أجلكم هنآدي تتخصر :عن نفسي أنآ ابي أعيش لسى ماشفت شي من الحيآه وانت بتقضي علي وعلى البقيه فهد : اجل انتي اللي بتشوين لنا هنآدي صرخت :لالالا ..انا بسآعدك واحط لمسآتي عشان أضمن اننا بخير فهد لف على عمه ورفع حآجبه وابتسم : هاه ياعمي موآفق ابو مها :خلاص انت تأمرهآ وهي تنفذ فهد ضحك بصوت عالي : والله طاحت بيدي ويش يفكهآ مني هنادي : انا قدهآ وقدود يافهيداان دقتهآ سمر اللي كآنت معها :اووش وربي انك جريئه هنادي سحبتها ورجعوآ للبيت عشان يأخذون الأغراض اللي يحتآجونها
بآلبيت شوق تتخصر : وين رآيحين هنآدي تمد لسآنهآ : نسآعدك زوجك المصون شوق فتحت عيونها عالاخير : اقول انتي وهي بلا هبل ويالله رجعوآ كل شي مكآنه هو يطبخ مو انتم سمر ميته ضحك : يطبخ ؟!.. قصدك يشوي يالشينه ام هديل : طنشيهم هذول الكلام ضايع معاهم شوق: صدقتي ياعمتي كلامك كله دُرر مهآ تطلع أغراض السلطه : هديل سحر ريوم انتم عليكم السلطآت زين ريم جلست على الارض : طيب هآتو كل اللي نحتآجه تحت عشان نبدأ سحر تفتح الأكيآس : هديل خلود عليكم الغسل وأنا وريم التقطيع هديل وقفت بسرعه وقامت تضحك : أيوه اهم شي التقطيع عليكم مابي أخرب يديني الحلوه ريم : أخــص ويش ذآ التطور ياهديل اذكر عمتي كآرفتك هديل تكشر شوي وتبكي : لاتبكوني خلاص ذكرتوني بالايام الخوالي هنآدي : أخلصوآ علي وين الصينيه اللي نحط عليهآ اللحم عشآن ندخله بالأصياخ سمر تشيلهآ : أخذتها يالله جيبي الباقي شوق بسخريه : لاتخلون زوجي يلمس النآر أخدموه زيــن هنآدي تتخصر : وليش حضرتك مآ تخدمينه أنتي زوجته ووآجب عليك طآعته شوق ترفع حآجبهآ وابتسمت على جنب :انتم اللي عرضتوآ خدمآتكم عليه واكيد مآبيرفض سمر تدف هنآدي قدآمها : بس لا تتأمرين علينا أوكــي وطلعوآ للحوش في الجهه اللي جالس فيهآ فهد يجهز أغرآض الشوي اللي بيسآعدونه فيهآ فهد بدون مآيرفع رآسه أخذ الصينيه من هنآدي : تسلمين هنآدي : الله يسلمك فهد : يالله خذوآ الجزء هذآ وسووهـ وأنا بسوي الباقي سمر بلقافه : كأنك معطينآ الكثير ومآخذ القليل فهد انفجر ضحك : قصدك العكس ..يالله مابي تهآون من الحين نبدأ بهدوء وانصياع نفذوآ اوآمره مرت عليهم سآعـه بدون مآيحسون بنفسهم وكل وآحد منشغل بالشي اللي يسويه هنادي رفعت رآسهآ تعدل لثمتهآ وشآفت سامر جاي بأتجآههم طنشت ورجعت تكمل التتبيله سآمر : بشروآ قربتوآ تخلصون ؟ لفت سمر بسرعه وشآفته وآقف جنب فهد اللي بعيد عنهم وبآن الأرتباك على وجههآ
في هذآ الوقت { بالمستشفى } كآن ينتظر خروج الدكتوره أو أمه من غرفة الكشف ...القلق أخذ نصيب منه والخوف سكن روحـه على الأنسانه اللي يعشقها حد اللاوعي
{يوسف }
مستحيل أسامح نفسي أكيد أنا السبب شلون مافكرت بهذا الشي المفروض اراعيهآ مهمآ كآن هي حآمل بطفلي لآزم أحافظ عليهم اغلى شيئين بحياتي هم كيف أتخلى عنهم أو اكون السبب في تعبهم ....آآآهـ بس يارب قومهآ لي بالسلامه والله مقدر اعيش بدونها أحبهآ وأموت فيهآ
بعد ربع ساعه طلعت الدكتوره مع أمه ومشى لهم بسرعه يوسف : طمنيني يادكتوره زوجتي صار لها شي د : تطمن ان شاء الله مافيهآ الا كل خير امه : ريحينا يادكتوره الله يخليك د: انا كشفت على نبض الجنين الحمدلله مازآل عايش لكن لازم تدآوم على المرآجعآت خصوصا الشهرين الاخيره الجايه لان الأم جسمها ضعيف وماتتحمل وهذا السبب الرئيسي بنزول المشيمه عن الطفل وممكن يؤدي لفقدآنه ونفسية الأم تعبانه اتمنى تهتم فيها أكثر عشان ماتتعرض للولاده المبكره أمه بخوف : لا ان شاء الله يادكتوره حنا ماقصرنآ معهآ كانت ويش زينها د : الفحوصات تأكد ان تعبها نفسي أكثر من جسدي يوسف تغيرت تعابير وجهه للحزن وبانت علامات الضيق عليه : والحين يادكتوره ويش نسوي ؟ د : انا بكتب لهآ ادويه تأخذها بانتظام وهالفتره لازم تكون في حالة راحه نفسيه والحين تقدر ترجعون للبيت أم يوسف : يالله يمه روح جيب الأدويه وأنا بشوف شهد عشان أساعدهآ ننزلك بالسياره يوسف : طيب انا نازل شوي وادق عليك يمه دخلت ام يوسف لغرفة الكشف وشآفت شهد تلبس عبايتهآ ووجههآ مصّفـر والأرهاق أخذ من تقاسيم وجههآ كثير أم يوسف : بشويش يآيمه على نفسك جلست على الكرسي وبتعب: خاله أحس بحرآره بجسمي ام يوسف وقفت جنبهآ : يابنتي اهتمي بنفسك أكثر شوفي كيف تعبتي وللي تحسين فيه عادي شهد ابتسمت بذبول : الحمدلله على كل حال ام يوسف تعطيهآ طرحتهآ : يالله البسي طرحتك يوسف رآح يجيب الأدويه لبست وطلعت مع ام يوسف ونزول بعد معآنآه عند البوآبه كآن يوسف ينتظرهم بالسياره عند باب العياده ... وبعدهآ أتجهوآ للبيت بالسياره يوسف : شهد تحسي انك احسن ؟ شهد ردت بصوت خافت : ايه أحسن أمه : لا الحمدلله من صوتها صآرت أحسن ..يابنتي لاتتحركين بالبيت ارتاحي وكل شي يجيك أكلك انتي وزوجك علي شهد : لا يآخالتي مابي أتعبك ام يوسف : مافي تعب ومابي اي اعتراض كل شي بسويه لكم هذي وصية الدكتوره أنك ترتاحين شهد : تسلمين ياعمتي يوسف يوقف السياره : يالله وصلنآ امه : أنتبه لزوجتك ياولدي واي شي تحتاجونه تعال عندي يوسف ينزل ويمشي لجهة شهد ويفتح لها الباب عشان يساعدهآ تنزل وبعدهآ دخلوآ البيت ساعدهآ تمشي للغرفه عشان تنزلت عبايتهآ جلست على السرير بعد مآ نزلتها أمآ هو بدل ملابسه ودخل المطبخ جاب لهآ كوب مآء رجع للغرفه وشآفهآ منسدحه على السرير ومغمضه عيونهآ بتعب أخذ الأدويه وقرب منهآ يوسف بهمس : شهــد قومي خذي الأدويه فتحت عيونها بتكاسل وعدلت جلستهآ بمسآعدته أعطآها حبات من الدوآء وبعدهآ ساعدهآ ترجع تنسدح ...تعلقت عيونهآ فيه وهو يطالعها بنظرات مبهمه مافهمتهآ بعّد خصلات شعرهآ المتناثره على وجهها
أبيك تحب أبيـك تحن أبيـك تولــهـ مثل الأول آبىعينــك تناظرنـي و تـترقب لجيــاتي..!! أبيك تحس أبيـكتـــرد آبى البعــد ما يطـول أبيك تشوف حبي لك مع قلبي وفيذاتي..!! أبيك تلومني لين غبت أبيك تثور أبيـــك تزعـل وآبىأرضيك بخضوعي ومعك بكل غاياتي..!! تعال قول لي أنتغلطـان أبيك ما تخجــل تعال بلهفة العاشق تعال اسمعمناجاتي..!! تعال قول أنا احبــك آبى عروقـي بها تنبـل أبيكتكون لي الدرب و اقـرب مســافاتي..!! تعال اسقيني منحبك ترى جسمي بدى يذبل تعال وشوف كثر الهم بدى يظهربنظراتي..!!
{ شهــد} آآآآهـ من زمان مالمسني كذآ ...لمستك عندي بالدنيآ كلهآ يآ روحي .. فقدت حنآنك وحبك اللي يدفيني من رحت عنك وأنآ أتمنى رجعتي لك ..." أستندت شوي وصارت تطالعه بأستغراب "
شهد تبي تبدأ اي موضوع معه:ويش فيك تطالعني كذآ يوسف : ضآيقتك نظرآتي شهد ( ضآيقتني ؟!..ماتدري ويش سوت فيني نظرآتك ...تبعثرني وتجنني أحبك واحب كل شي منك ولآ استغنى عنك مهما يصير ) حست بسرحآنها في عيونه ونزلت عيونها بسرعه تحاول تتهرب من نظرآته والأجابه على سؤاله يوسف مسك يدهآ وقال بصوت هادي : اذا متضايقه مني قولي اروح وأخليك ترتاحين شهد تقشعر جسمها من لمسته وكلمته: لا ماني متضايقه بس احس بشوية تعب يوسف : حآس ان سبب اللي صار انك مارحتي عند خوآتك شهد رفعت رآسه : من قال ؟..انا مازعلت من اول كنت احس بتعب بس ماقلت لأحد وتقدر تقول انت زدت الطين بله يوسف عقد حوآجبه : خلاص صار اللي صار من اليوم ابيك تهتمين بنفسك اكثر وابعدي عن الزعل سمعتي ؟!!! شهد ابتسمت : انت لآتزعلني وانا اصير بخير يوسف فتح عيونه على الأخير : انا اللي ازعلك والا انتي تزعليني ؟ شهد ميلت فمهآ : بدينآ ترى توي جايه من المستشفى مافيني ارجع لهآ يوسف مسك يديهآ الثنتين وقال بلهفه : لاتكفين لاتقولين كذآ مآبيك تتعبين أكثر شهد فرحت من كلمته اللي بآين فيهآ الأهتمآم : أجل ريحني على الأخير ولآ تزعلني ومايصير فيني شي " رفعت حآجبها بحده "وألا انت خايف على الجنين أكثر مني يوسف كشر : أحسآسك ويش يقول ؟ شهد تهز رجولها وتسحب كفوفها من يده وبشوي حده : أكيد خآيف على ولدك أكثر مني جلس جنبها وقرب مره منها حط يده على خدهآ وقرب وجهه منها : أحسآسك غلطآن لأنك انتي كل الغلا وأذا ماخفت عليك اخآف على مين ؟ شهد حطت يدهآ فوق يده ومسكت كفه باليد الثانيه ودموعها متعلقه برموشها : من قلبك هالكلام كشر واحتدت ملامحه : تشكين بحبي لكِ ياشهد شهد : أبي أتأكد من حبك لي هالفتره أحسك شآيل علي ضمته وصارت تبكي بحضنه .. ضمها أكثر لحضنهآ وقال : شهودتي اهدي مآشبعتي بكاء طول اليوم وانتي تبكين شهد تبعد عنه وتمسح دموعها: كل شي حولي يجبرني أبكي يوسف مسح بقايا دموعها وحضن وجهها بين خدودها : دآمني جنبك مستحيل أسمح للدموع تنزل من عيونك..."بآسهآ على خدهآ وضمهآ لحضنه " شهـد تشده لنفسهآ وتتمسك فيه بقوه: يـــوســف رد عليهآ بصوت محب : لبيه يآروحــي شـهد رفعت رآسهآ وبنظرة لآمعـه : أحـــبــك
بآلسياره سمر : متى اخر مره رحنآ فيه بيت شهد سحر تحآول تتذكر : من زمآآآآآن مره مهآ تذكرت : يوووه نسينآ ندق على ريم سحر تحك : دقيت عليهآ وانتي توك تتذكرين هنآدي بتكاسل : الحين نلقاها قبلنا عند شهد رغد فطست ضحك : وربي لو تسمعك غير تقطعك سمر تطالع هنآدي اللي شكلهآ يوحي بالتعب : فيك شي ؟ هنآدي تفتحت وجههآ وتتلثم : لا مافيني شي سمرتتفحص عيونها : احس عيونك ذبلانه هنادي: ويش فيك علي غصب بتطلعين فيني شي سمرتكش عليهآ : يوه هذا جزاي اني خايفه عليك هنادي : مشكوره رغد : اووش خلاص وصلنآ يالله انزلوآ مهآ : هنوده تكفين هاتي الشنطه حقت رنومه اللي فيها اغراضهآ هنادي بتأفف : الحين ويش يجيبهآ من روآ غير أنقز لهآ نزلوآ كلهم عدى هنآدي اللي تنزل أغراض رنيم ...شآلتها ونزلت من السياره بتأفف قبل تدخل المدخل بأول خطوه لهآ على الدرج تبعثرت أغراضهآ وطآحت على الأرض من قوة الصدمه اللي افقدتها توآزنهآ ... حست بوجع في يدهآ اللي تألمهآ نزل بسرعه لمستوآها ومد يده لهآ عشان يساعدهآ تقوم رفعت رآسهآ بتألم وشآفت الشخص اللي تكره شوفته أنصدمت وطيرت عيونهآ فيه أول مره تشوفه من هذآ القرب ملامحه مختلفه عليهآ يمكن لأن ماسبق انها دققت بملامحه سمآرهـ حدة تقاسيمه وعيونه الوآسعه ..مآتدري كم من الدقايق مرت عليهآ وهي تطالعه ..أول ماحست على نفسهآ وأستوعبت أنها مازالت على الارض بعدت بسرعه عنه وقامت تنفض عبايتهآ اللي أمتلت غبار وهو يلم الأغراض اللي طاحت من الشنطه .. وقف قبالهآ والمسآفه لازالت قريبه جدآ بينهم ومد الشنطه لهآ ...سحبتهآ بقوه منه وقالت بصوت حاد هنادي : فتح عيونك زين ماجد بسخريه : الظاهر عيونك بجيبك... انتي اللي فتحي عيونك زين ثاني مره هنآدي ارتفع ضغطهآ منه وعيونها شوي وتطلع من مكآنها دفته عن طريقهآ ومشت لشقة أختها وهي تسمع صوت ضحكه يتردد صدآهـ داخل العماره هنادي دخلت بيت شهد وصفقت الباب ورآهآ ودموعهآ بعيونهآ جآت سحر تشوفهآ سحر بصدمه : ليش شكلك كذآ هنآدي ترمي اللي بيدهآ : طحت سحر انفجرت ضحك :ههههههههههآآآآي هنآدي تنزل عبايتهآ وهي معصبه مره صرخت على سحر : قلت شي يضحك سحر : شكلك يضحك ...خساره فاتني هنادي تجلس على الكنب وتحس بوجع في ظهرها : انقلعي عن وجهي لايصير لك شي مايرضيك سحر خافت منهآ باين الشر في عيونها وحابسه ضحكتها مشت للبنات في المجلس
دخلت المجلس وكملت مسيرة ضحكهآ عنده ريم : ياباسط ويش يضحكك ؟ سحر بصوت متقطع : هـ..ـنـ..ـآآدي طــ..ـآآحـ..ـت بآلشـ..ـآآرع الكل : هههههههههههههه مها : لا ما اصدق طآحت سحر : وعبايتهآ مغبره ووآصله معهآ شهد توقف : ياقلبي عليهآ لايكون تعورت سحر : مدري بس لاتروحين وربي تقتلك طنشتها شهد وطلعت لها في الصاله توقف الدم في عروقهآ لمآ شافت هنادي تبكي مشت لهآ بسرعه وجلست جنبهآ شهد : هنادي ويش فيك تبكين ؟ هنآدي تمسح دموعهآ : ولاشي شهد : في شي يوجعك ؟ هنادي تحاول تكابر : لا مافيني شي بس أبكي من الفشيله شهد تضمها : حصل خير المهم انك الحين بخير يالله قومي غسلي وجهك هنادي تكابر على نفسهآ وتتحمل الوجع اللي يألمهآ جدآ :طيب بروح اغسل واجيكم بالمجلس شهد تمشي بأتجاه المجلس :ننتظرك مشت للحمآم وأنتم بكرآمــه وقفت قبآل المرآيه غسلت وجههآ الذي أكتسى باللون الأحمر ( آآهـ ياظهري حسبي الله ونعم الوكيل فيك يآ مآجد كأنك جدر مو أدمي "هدى كل شي فيهآ لحظة " أول مره أدقق بملامحه حسيت أنه مو اللي أعرفه متغير حيل لالا هو نفسه بس أول مآ تفحصته ) سمعت صوت من أعمآقهآ ( كل يوم تشوفينه معقوله مآ أنتبهتي لعيونه ) غسلت وجههآ ورجعت عند خوآتهآ في المجلس شوق تضحك : بشرينآ كيف بعد الطيحه هنآدي تميل فمها : ربي لا يبلاك مهآ ميته ضحك : والله فاتني نص عمري ..اشرحي لنا كيف طحتي هنآدي تجلس وهي معبسه: صدمت وطحت كله من اغراض بنتك المنحوسه سمر تحط يدهآ عل كتف هنآدي : اهم شي انك بخير ومافيك شي هنآدي ترجع ظهرها لورى : تخيلو طحت على أخر فقره بظهري أحس ظهري أنكسر رغد : مآ اتوقع انه أنكسر هذا من قوة الضربه ..تبين أشوف ظهرك هنآدي : أذا اوجعني اقولك سحر :اكيد بيوجعك خلي رغد تشوفك هنادي : اذا رحنا البيت الحين بنسدح عشان اريح ظهري "رفعت صوتهآ " حسبي الله على عدوه كلهم بصوت وآحد : مــيــن ؟! هنآدي : اللي صدمت فيه شهد : مين اللي صدمتي فيه ؟ هنآدي ارتبكت وقالت : هــآآآهـ مدري ما أعرفه بس انه ولد شهد عقدت حوآجبهآ : لآيكون مآجد هنادي قامت من مكآنهآ بسرعه : لالالا ماهو مآجد اعرفه مآجد شهد : مافي احد أجل هنادي : خلاص خلاص اقول صبي لي شآهي مهآ بشك : ليه تصرفين ؟..أحس ورآك شي يابنت هنآدي عقدت حوآجبهآ : مهآوي علامك ماقلت شي يعني بالله ويش ترجين من ورآي مهآ بنظره شك مآخفت على هنآدي وخلتهآ تخآف أن مهآ تبحث ورآهآ : ابد بس احسك منتي طبيعيه في شي مخبيته عنآ والله وحده عالم فيه هنادي : لو في شي أكيد بقول لشوقه عنه " طآلعت شوق " صح شوآقتي ؟ شوق هزت رآسهآ بالأيجآب وعلى فمهآ ابتسآمه صآفيه ..دقت مهآ بخفه بعد أنشغال الكل شوق بهمس : مهآوي مايصير تقولين لهنآدي كذآ قدآم الكل ...مايصير اللي سويتيه مهآ : لآحظي تصرفاتهآ البنت تغيرت مره ماشفتي كيف حالتهآ في البيت بس شآرده وماهي معنآ وذبلآنـه باين انهآ مهمومه شوق ابتسمت لمهآ : كذآ تنفرينهآ منك مستحيل تجي تشكي لك أو تفضفض اذا هذآ اسلوبك معهآ هنآدي تجي بالحنآن خصوصآ أن شخصيتهآ صعبه وغآمضه لاتتوقعي تجي بيوم وتتكلم عن اللي فيهآ هي تكآبر و تخفي كل شي يخصهآ عنآ جيبيهآ بالسيآسه مهآ فكرت بكلام شوق :معك حق بحاول معهآ شوق مسكت يدهآ : خليهم يتعلقون فيك لآتبعدينهم عنك بشدتك وتعاملك الجآف معهم مهآ تنهدت : أذا ماشدينآ عليهم بيضيعون انا مآبي أحد فيهن يكرر غلطتي أو يصير لهم زي اللي صار لك شوق : مهمآ كآن هم بنآت يامهآ فاقدآت حنآن بتقنعيني أنهم مآيحبون ؟..أو لو بيسوون غلط مايقدرون يسوونه لو هم وسطنآ؟...أنتي قربي منهم تكلمي معهم بشكل غير مبآشر هذآ الشي يمكن يعقلهم شوي ويخليهم يعترفون لك بكل شي بدون مايحسوون على أنفسهم ..الله يصلحهم ويستر عليهم ويحفظهم مهآ من قلبهآ : أمين الله يسمع منك يآشوق ماتدرين قد ايش شآيله همهم وأبوي المسكين كل يوم يفكر فيهم لآ أخ يعتمد عليه أو يسآعده بمسؤليآتهم تجآههم أو أم قريبه منهم شوق بحزن : صدقتي الله يحفظهم هذا اللي نقدر نقوله مهآ بهمس : حتى رغد مآهي عآجبتني ورآهآ سالفه شوق عقدت حوآجبهآ بحده : علآمك اليوم أنتي صاير لعقلك شي ...أكيد مصخنه ماتركتي أحد بحاله مهآ : هههههههه لا تعصبي بطلت اكلمك مافيهم الا كل خير بس صبي شاهي شوق تبعد شعرهآ عن وجههآ : نآس مآتجي الا بالعين الحمرآء رغد بنظرآت شك : ويش بينكم أنتم تتهآمسون ؟ مهآ : هآه ولآشي رغد : باين ولآشي ..هيه شوق أيش فيهآ رقبتك كلــ....."قاطعتهآ سمر " سمر : بنآت سمعتوآ اخر خبر رغد عصبت : عيب تقاطعيني وانا اتكلم سمر تكشر : ماكلمتك أنآ اكلمهم شفتوآ عبير انخطبت كلهم بصوت واحد : عبير مين ؟ هنادي : بنت جيرآننآ اليوم العصر قالت لي بس نسيت اقولكم شوق : جد والله مشاء الله كبرت وصارت عروسه هنادي بنفس طويل : عــقــبآآآلــنــآآآ يــــــآآآآربـ ريم : في وحده لو تأشر بأصبآعها تنخطب من البكره بس العناد اللهم ياكافي صدق المثل اللي يقول من يبينا عيت النفس تبغيه ومن بغيناه عيا البخت لا يجيبه شهد ورغد بنفس الوقت : من قصدك ؟"لفوآ على بعض بحماس وهم يضحكون " ريم خافت من نظرات سحر اللي تتوعدهآ : أبد مقصد أحد مها بأصرار : والله ماتكلمتي من فراغ قولي مين قصدك سحر بعصبيه وتأفف : قالت ماتقصد احد يعني لازم تقصد احد ؟!..اوووف منكم شوق بحده : سحر احترمينا على الأقل كلنا اكبر منك عيب الأسلوب اللي تحاكينا فيه سحر بقهر : انتم اللي تعصبون الواحد ريم ترفع صوتها : بـــــــــــــس بـــــس سحر سحبت ريم لجهتهآ وقالت بهمس : هين شغلك عندي كنتِ بتوديني بمصيبه ريم : ماقلت شي يسبب لك مصيبه وبعدين ترى لينا كلمتني زعلانه منك مرره استحي على وجهك وكلميها مالها ذنب باسلوب اخوها سحر بعنآد : الفتره ذي لآ يمكن اكلمها بعد أسوبع ويمكن قبل الله اعلم على حسب نفسيتي وروقاني ريم انقهرت منها: انتي جربتي انك تحبي احد مآيحبك والولد شآريك صدقيني بالاول والاخير انتي الخسرانه والا هو الف وحده تتمناه سحر : يروح يدور وحده من الالف هذي بس يتأكد أنه مو انآ ريم عصبت منهآ ..بغيض : غــــبــيــه ...!!
بعد مآرجعوآ من بيت شهد كل وحده فيهم مشت لغرفتهآ سمر بتعب : اليوم كرفت ببيت شهد كرف سنه مهآ مشت للغرفه تنوم بنتهآ ولحقتهآ رغد اللي كآن فضولهآ مسيطر عليهآ رغد : مهآوي اذا نومتي رنومه تعالي بغرفتي خاطري أسولف ويآكـ مهآ ابتسمت وبهمس : زين بجيك بس اقفلي الباب ورآك طلعت من غرفة مهآ ومشت لغرفتهآ مرورآ بغرفته البقيه سمعت صوت هنآدي وسحر يتهآوشون ..فتحت الباب بقوه وبيدهآ عبايتهآ وشنطتهآ وعاقده حوآجبهآ رغد بحده : ويش بينكم كل يوم طالعين لنا بمشكله هنآدي تجلس على سريرهآ وتعدل بجآمتهآ وترفع شعرهآ بعشوائيه : اتكلم معها بخصوص ليونه رغد ميلت فمه : ويش بينكم ياسحر رآفضه تكلميهآ سمعت ريم تقنعك تتصلي عليهآ سحر بتأفف : مابيننآ شي سوء تفاهم ويعدي سمر تنزل بطانيتهآ عن وجههآ رفعت صوتهآ:ويش ذنبه أخوها اذا يحبك ويبي يتزوجك وربي لو أنآ منك اوآفق وانا مغمضه في أحلى من الحب في هالحيآه سحر اللي كآنت فاتحه الدولاب تدور لهآ بجآمه تلبسهآ لفت وعلامات الصدمه على وجههآ من الكلام اللي تفوهت فيه أختهآ ...رغد وهنآدي تعلقت عيونهم بسحر اللي انقلبت 180 درجه والتعصيب بان على وجههآ اللي تحول للون الأحمر كآن بجنبهآ علبه اكسسوآراتها اخذتهآ وبكل قوتهآ رمتهآ على سمر اللي تحآشت الضربه بحركه سريعه سحر صرخت بالغرفه : حقيررره ..وكذآآآآبـه سمر قامت وقفت على السرير وتخصرت: أنا كذابه "رفعت اصباعهآ وعيونها على رغد " والله اني صادقه هذي السالفه يارغوده سحر رمت اللي بيدها ومشت تبي تضربهآ لكن حاولت رغد تمنعهآ بس ماقدرت عليهآ لأنهآ كانت في ذروة هيجآنهآ من سمر سحر والدموع مجتمعه بعيونهآ: بعدي عني بوريهآ الحيوآنه هذي رغد دفتهآ بقوه: خلاص ياسحر مآقالت شي سحر انفجرت بوجه رغد وقآمت تبي بهستيريآ ...قربت منهآ رغد تبي تحضنهآ لكنهآ بعدت عنهآ ورمت نفسهآ على سريرهآ هنآدي قربت من سمر وهمست لهآ :شوفي ويش سويتي فيها قامت تبكي سمر حست بتأنيب الضمير مهمآ يكون هذي أختهآ شقيقتهآ قطعه من روحهآ ماتقدر تشوفهآ تبكي ومآ تسوي لهآ شي ...لكنهآ بنفس الوقت عارفه لو بتعتذر لهآ بهذا التوقيت ممكن ماتتقبل عذرهآ ضمت هنآدي وهي تحارب دموعهآ التي أوشكت على الإنهمآر
أمــآ رغد قربت وجلست جنبهآ على السرير وبعد دقآيق قالت: سحورتي ويش اللي يخليك تبكين ...معقله كلام سموره يسوي فيك كذآ ؟ سحر : خلوني بروحي رغد : مستحيل نخليك وبعدين كل البنات يفرحون لمآ احد يعترف لهم بحبه ليش أنتي عكسهم سحر : ربي خلقني كذآ رغد ابتسمت علي كلامهآ وبكل اساليبهآ جبرتهآ انهآ تجلس قبآلهآ مدت لهآ منديل وقالت بحنآن : يالله امسحي دموعك هنآدي كعادتهآ بخفة دمهآ : والله طلعتي ليلى العآمريه على غفله رغد ضحكت : ومين قيسك ياحلووه سمر بتتكلم لكن دقتهآ هنادي بقوووه خلتها تسكت سحر بتكشيره : لاتجيبون لي طاريه اتنرفز رغد عقدت حوآجبهآ : يوووووه امه دآعيه عليه أجل ..حكيني يالله من أول حاسه عندك شي وزين سمر تكلمت عشان نفهم منك القصه دخلت مهآ اللي استغربت شكل سحر المتورم والمايل للوون الأحمر :ويش صاير ؟ هنآدي تغمز لهآ : صايره سالفه رهيبه اجلسي اسمعي جلست على كرسي التسريحه : سحوره ليش تبكين رغد ابتسمت : هذآ ياستي يقولون في وآحد يحب سحر ويبي يخطبهآ وهي زعلانه مهآ انصدمت : أيـــش ..؟ سحر رجعت تبكي : والله مالي ذنب هو ..."قاطعتهآ مها " مهآ بعصبيه: لالالا هذي يبي لهآ جلسه محترمه ..قال يحب ويخطب سحر تمسح دموعهآ وتشهق:والله يامهاوي مالي ذنب هنآدي ميته ضحك : الله واكبر الحب صار ذنب مها طلت بهنآدي واعطتهآ نظرآت ناريه : نطقينا بسكاتك هنآدي تمد لسآنهآ : طسي بس يالله سحير اعطينآ السالفه متحمسه لها مررره
بآلفندق كآنت منسدحه جنبه مجآفيهآ النوم ماقدرت تنآم تحس بشي كآتم أنفآسهآ شعور غريب يرآودهآ وعجزت تحآربه ...قامت بشويش وطلعت توضت واخذت سجآدتهآ ومصحفهآ ومر عليهآ وقت طويل مآحست فيه وهي في مصلآهـآ ألا بأذن الفجر ينطلق من منآرآت الحرم ليتردد صدآه في أنحآء المدينه شوق تسكر المصحف : أصبحنآ وأصبح الملك لله وحده لآشريك له ...لا أله الا أنت سبحآنك أني كنت من الظالمين رجعت للغرفه وقربت من فهد وشآفته منغمس بنومه وبهدوء تام حآولت تصحيه بعد عشر دقآيق قام من مكآنه شوق : يالله حبيبي توضى مابقى شي على إقامة الصلاه فهد بكسل يتمدد ويفتح عيونه : زين بقوم اخذ شور سريع عشان بنزل للحرم اصلي شوق : اجل حتى انا بنزل معك بس اخلص بسرعه
بعد ربع ساعه طلعوآ من جنآحهم متجهين لساحة الحرم المزحومه عشان يصلون بعد مآخلصت الصلآه فهد مسك يدهآ وهم يمشون وكآن شكلهم ملفت للنظر : ويش رآيك نروح نفطر شوق : أمممم ماتبي ترجع تنآم ؟ فهد يفكر : لا والله احس شبعت نوم بعدين على 8 نرجع ماراح نطول شوق : طيب اصلا بديت أجوع بس غيّر مطعم الفندق مليت منه فهد :ههههههههه ابشري اختاري اي فندق قريب منآ نفطر فيه شوق : أمممم البستآن قريب وحلو خلنا نروح له فهد : طيب مشينآ بعد مآجلسوآ بالمطعم وطلبوآ فطور فهد : اقول شوق ليش مآنمتي ؟ شوق تعدل طرحتهآ : مدري جفاني النوم والحين احس اني ميته من النعاس فهد : بس نفطر نرجع عشان تنامي وجهك مصفر وباين الأرهاق عليك شوق بقلق : أنا خايفه على خواتي حالهم بالمره مو عاجبني فهد عقد حوآجبه بأستغراب : ليه فيهم شي ؟ شوق : لا الحمدلله بس أحس كل وحده عندهآ شي ماتبي تقوله وخايفه عليهم مرآآ فهد بعد مآشرب العصير قال بنبره استغربتهآ: يابختهم شوق خايفه عليهم شوق ابتسمت : يؤؤؤ لآيكون غيرآن منهم فهد يرفع حآجبه الأيمن وقال بصوت رجولي : أفآ أنــآ أغـآر ؟ شوق ميلت فمهآ وضيقت عيونهآ وبصوت متغنج : وليش مآتغار حبيبي يكفيك أني زوجتك فهد ضحك : يؤؤؤؤ زعلتي ؟ شوق تلف على الشباك الزجآجي وتتأمل النآس اللي بالساحآت: أسئل عمرك كلامك يزعل وألا مايزعل فهد مسك يدهآ وبآسهآ: يآعيب الشؤم بس أنآ مو بس أغآر وربي يجن جنوني ابيك تخآفين علي أنآ وبس شوق لفت قبآله وضحكت بعد صمت بسيط وقالت: فهد خلنآ ننقل المدينه شوف كيف مبسوطين هنآ مع أهلي وخوآتي مانبي نرجع الرياض الله يخليك فهد رجع ظهره وتكى على الكرسي: وشغلي ياشوق مقدر اتركه كل تعب عمري يروح ؟!صعب والله شوق عقدت حوآجبهآ : ويش تبي بالرياض أهلك وماتزورهم وأنت ادرى بالمشاكل اللي بينكم انا ماقلت لك هالشي الآ اني ادور على سعادتنا والأهم رآحتنا فهد تنهد: انا دآري انك متضايقه من جلستك هنآك ماتخرجين ولا تعرفين أحد وهالشي يحسسك بعزله بس شسوي ياشوق هذآ شغلي وأموآلي وتعب سنين مو سنه او سنتين شوق :خلاص اللي يريحك فهد رجع مسك يدهآ: أنــتـ... " قاطعهم وصول الفطور وجلسوآ يفطرون
::: :::
الكل كآن نآيم الآ هي صلت الفجر وعيونهآ لم تعرف طعم النوم في هذه الليله جلست على مكتبهآ الصغير وفتحت درجهآ طلعت دفتر مذكرآتهآ فتحت أول صفحه شآفت التاريخ أبتسمت بألم رغد : معقوله اليوم عيد ميلادي يآآآهـ... أول كنت أتذكر قبل اسبوع واليوم بالصدفه تذكرت كيف مآآت أحسآس قلبي كذآ " سكن كل شي فيها فجأه " كم سنه مرت علي من عرفته 4 سنين مرت وانآ عايشه شبه ميته أربع سنين مآنسيته بيوووم نزلت دموعهآ على خدهآ حطت رآسها على الطاوله وبكت بصمت ...سمعت صوت جوالهآ قامت بتعب وكسل رآحت جهة سريرهآ رمت كل جسمهآ عليه غمضت عيونهآ وسحبت جوالهآ رغد بصوت مبحوح : ألــــوووو ...:كل عام وأنتِ بخير فتحت عيونهآ مآقدرت ترد بحرف وآحد ...: كيفك ؟ أستجمعت قوآهآ وقالت : نعم ويش تبي؟ ...:اليوم عيد ميلادك اتصلت عشان أبارك لك رغد : شكرا تبي شي ..: ويش فيك زعلانه رغد : مين قالك اني زعلانه ..رجاء لا عاد تدق علي عبدالله: صايره قاسيه وجافه مآكانت عادتك يارغد رغد نزلت دمعه حاره على خدها : انت اللي خليتني كذا عبدالله تفاجئ من كلمتها: شلون خليتك كذا ؟ رغد : مصيبه اذا ماتعرف شلون ..رجاء عبدالله انا نسيتك وشطبتك من حياتي للأبد انت اخترت طريقك وأنا بعد اخترت طريقي مابي اشوفك بحياتي اشطبني من حياتك زوجتك مالها ذنب تخونها عبدالله:أنآ ماقصرت عليهآ بشي بس قلبي ماملكه غيرك رغد ضغطت على نفسهآ ماتقدر تستحمل كلامه وهمسه اللي تعشقه بكل حواسها: انت اثبت لي العكس "سكت تحاول تكتم شهقتها الممزوجه بدموع انهآرت من جفونها " عبدالله حس ببكآئها : ويش اللي يبكيك رغد بصوت واضح : ابكي ؟!..شكله يتهيأ لك أنامزكمه موأبكي عبدالله : انآ أعرفك أكثر من نفسي وأحس فيك والله ماغبتي يوم عن بالي كل شئ اقدر اتحكم فيه ألا قلبي ومشاعر اللي ملكتيهآ رغد انفجرت ماقدرت تكبت نفسهآ أكثر رمت الجوال جنبهآ..كانت تشهق شهقآت متلاحقه لم تترك لهآ مجآل للتنفس بكت بحده حست روحهآ بتطلع من كثر مآبكت مرت ربع ساعه ماحست بنفسهآ من شده بكآئهآ أمــآ هو كان يسمعها تبكي وقلبه يعتصر من الألم صوتها يعذبه ويزيد ألمه أنتظرها لما هدت سحبت جوالهآ وشافته ماقفل رغد بصوت متقطع:عبدالله خلاص لا تعذبني روح بدنيتك وخلني أحاول أعيش عبدالله : أنتي ماتقدرين تعيشين بدوني وأنآ زيك حيآتي ماله لون بدونك رغد تمسح دموعهآ:اذا صدق تحبني أدعيلي وأتركني أشوف حيآتي وأنت شوف نفسك وحيآتك حتى مآتندم بعد مايفوت الأوآن عبدالله بترجي :رغد أوعديني توآفقين واليوم أجي لأبوك وأخطبك رغد كآن قلبهآ يتألم وهي تنطق هالحروف:مستحيل أوآفق حتى لو أحبك وأموت فيك اللي أنكسر مآيتصلح ياعبدالله هذا نتيجة أختيارك عبدالله :فكري خذي وقتك رغد قاطعته: هذآ جوآبي الحين أو بعدين أرجوووك ياعبدالله ارجووووك أبعد عني ..مع السلامه قفلت الجوال وكملت مسيرة البكاء المؤلم...صرخت بدآخلهآ وهي تضم وسآدتهآ لحضنهآ اكثر " أطلع من عقلي وقلبي أطـــلـــع حرآآآآم اللي تسويه فيني والله حرآآآم "
::: ::: :::
على الجهه الأخرى قآمت على اثر الألم الساكن جسدهآ تحس بحركآت جنينهآ المضطربه حطت يدهآ على بطنهآ وهي تتألم ..شافت الساعه وتذكرت يوسف اللي نايم جنبهآ شهد : يوسف يوسف قوم تأخرت على عملك يوسف يلف على جهتهآ ويتمدد : خليني نآيم شهد حطت يدها على كتفه : قوم يالله الساعه 7 وانت لسى نايم يوسف يفتح عيونه بكسل : ياحوول انا بتقاعد خلاص قرفت من هالشغل اللي ينكد علي حتى نومتي شهد ضحكت : قوم يالله غسل وجهك وأنا بسوي لك فطور عشان تروح وأنت صاحي زين وقفت ورآحت المطبخ قآم بعدهآ وأتجهه للحمآم وأنتم بكرآمه ..جهزت فطوره على الطاوله وراحت تصلي بعد ربع ساعه رجعت ولقته جالس يفطر جلست قباله وافطرت معه يوسف : شهودتي ليش وجهك اصفر شهد :أحس بأرهاق مانمت زين البيبي سهرآن وسهرني معاه يوسف ابتسم: شقي من بدري شهد طالعته بنص عين : طالع على ابوه يوسف يفتح بكت الدخآن وعينه على شهد : الأيام رآح تثبت طالع على مين شهد كشرت : لايكون بتدخن هنا يوسف فتح عيونه على الأخير : ايه بدخن هنآ شهد عقدت حوآجبهآ : تبيني أتنفس هوآء ملوث أطلع برى دّخن كذا تضرني وتضر طفلك بعدين ليش مآتتركه ترتاح وتريحني انا ما اطيق الدخآن يوسف ترآجع عند اللحظة الأخير:مقدر أتركه تعودت عليه شهد زآد عليهآ الألم: انت اللي بتتضرر يا يوسف تعبت اقولك أتركه يوسف ابتسم : مستحيل أتركه شهد مسكت بطنهآ وبدت تتألم أكثر أنتبه لوجههآ اللي تغيرت ملامحه يوسف : شهد ويش فيك ؟ شهد تضغط على شفايفها بقوه:بطني وظهري يوجعوني يوسف مشى بسرعه لعندهآ اسندهآ على كتفه وودهآ لغرفتها : يوسف لاتتحركين كثير نسيتي الدكتوره أيش قالت لك شهد تتنهد:آآهـ انا تعبت مرره أبي أولد وأخلص يوسف أخذ جواله وطلع في الصاله يكلم عبدالله عبدالله : عسى مافيك شي يوسف : لا الحمدلله بس شهد تعبانه شوي ومقدر أتركهآ لحالها عبدالله يضحك ويقول بحده: مشاء الله متى رجعتها يوسف : تقريبا من أربع او خمس أيام عبدالله : يآظالم أشوفك مختفي لاحس ولآخبر وبالاخير تصير عندك هالتطورآت ولاتقولي يوسف بينرفزه:تحب تحشر نفسك يالله بس خبر العقيد وقوله انك مدآوم بدالي عبدالله عصب:والله لا اسوي بك نذاله يوسف ينعم صوته:يطاوعك ألبك تؤبرني عبدالله أنفجر ضحك :هههههههههه ويش مفطر أنت يوسف يضحك: توست بشرايح جبنه وشوية زعتر على شوية عسل من يد المدآم عبدالله:أقول روح شوف زوجتك مع السلامه يوسف بحماس : يعني بكمل نومتي يآســـلآلآم يالله في أمان الله عبدلله:أهب عليك مع السلامه قفل جوآله ورجع عند شهد ..شآفته جلس جنبهآ استغربت شهد: ماراح تروح للعمل؟ يوسف يرمي جواله:لا مارآح أروح أخذت أجآزه شهد عقدت حوآجبهآ: ليه ؟ يوسف أنسدح جنبهآ وصاريلعب بشعرهآ : مقدر أروح وأنتي تعبانه شهد حمرت خدودهآ:الله يخليك لي ولآيحرمني من حبك يوسف طبع بوسه على خدهآ:هذي الدعوآت اللي ترد الروح مع هالصبح والوجه الحسن لفت يدهآ على عنقه وقربته اكثر لهآ وهمست بنعومه: أحـــــبـــك بــجــنووووون يوسف حط رآسه على صدرهآ:وأنآ أموت فيك
رجعوآ للفندق كآنت مبسوطه لقربه منهآ غيرت بجآمتهآ ولبست قميص فيروزي طويل عآري الأكتاف مزين ببعض الدآنتيل فردت شعرهآ وحطت كريم شآفته جالس يقلب في القنوآت ..أخذت عطرهآ المفضل مس ديور وقفت ومشت له ولفت يديهآ على صدره ونزلت رآسهآ على كتفه شوق بنعومتهآ الأسره :بترجع تنآم حبي فهد :لآ نآمي أنتي انا أخذت كفايتي شوق مشت وجلست جنبه:تبيني أنآم وانت لسى مآنمت مايصير والله فهد ضحك : أنتي اللي بتتعبين وتسهرين وألا أنا شبعان نوم شوق قرصته وبوزت بشفايفهآ:هذا جزاتي اللي ابي أونسك منت كفو اسهر عشانك فهد زآدت ضحكاته وارتفع صوته مآل عليهآ وضمهآ لصدره:أفآ بس كشرتي عن أنيآبك ...خلآص بنآم عشانك شوق مسكته مع أنفه بقوه وبنبرة تهديد:طيب يافهيدآآن قربهآ اكثر ودآخ من عطرهآ:يآلبيه هالريحه تذكرني بحضنك الدآفي عدلت جلستهآ وحطت رجل على رجل بعدت عنه شوي وكشرت شوي: اللي بعده لوسمحت فهد رفع حآجبه تعجبه بدلعهآ وتغليهآ عليه : زين هاتي بوسه يالله عشآن أنآم شوق لفت عليه وشهقت :ويش قلت ؟! بوسه مآآفي عشان تحرم تزعلني فهد شد شعرهآ: قلت هآتي بوسه شوق تضحك :فكني بالأول ولك اللي تبي فهد ابتسم وتركهآ وغمض عيونه:يالله بسرعه معك لين ثلاث.. وآآحد ,أثنين , ثلآث ..وينهآ ؟! فتح عيونه يدور عليها تفاجئ انهآ هربت من جنبه لف وشآفهآ على السرير شوق تتلحف :لو سمحت طفى النور ابي أنآآآم وأنت عسى مآيجيك نوم فهد :هين يآشوق تذكري حركتك ذي بردهآ لك شوق لفت عن جهته وهي ميته ضحك بدآخلها عليه ( فديتك يافهودي أموووت عليك يآزينك وأنت رآيق الله يديم عليك هالراحه والبسمه اللي مآتفارق شفآتك ويكتبلنآ السعاده في دنيتنآ )
::: ::: :::
نآمت بعد صرآع طويل مع النوم المجافي لها بليلتها الماضيه ....كانت مستكينه وهآدئه على سريرها وبعالم أخر عن وآقعها المعادي لهآ ... صحت على أزعآج هنادي لهآ هنادي تشيل البطآنيه عنهآ وتضربهآ على فخذها :رغد رغوده رغيد يالله اصحي أذن العصر رغد تلف على الجهه الثانيه :يآزفت اتركيني ابي أنآآم هنادي تفتح الستآره وأجهر ضوء الشمس عينآهآ قامت تصارخ عليها: يادوبه أوريك كيف تنكدين علي هنآدي مصدومه من شكل رغد لأنهآ أول مره تشوفهآ بهذا الوضع المزري رغد بعصبيه : خير ليش تطالعيني كذا شآيفه شي غريب ؟ هنادي تأشر على رجولها :أيش هذآ رغد زآد تعصيبها :نايمه بشورت ابي ارتاح بذا الحر اللي يشوي فيها شي هنادي حطت يدها على خصرها : لامافيها شي بس اول مره اشوف سيقآنك اللي تقول خيزرآن رغد تشد شعرهآوهي ميته غيض من هنادي:بررررآآآ برررآ دخلت مهآ على صراخ رغد : ويش صاير على العصر رغد :شوفي اختك الغبيه ذي مهآ شهقت :رغد أيش فيهآ عيونك "قربت أكثر منهآ ولمحت مكآن بقع متفاوت بين الأحمر والازرق والأخضر " ووجهك رغد حطت يدهآ على وجههآ وقامت بسرعه للتسريحه وصرخت :كل هذآ بوجهي هنآدي:أشك أنك متضاربه مع أحد تذكرت بكآئها ونفسيتهآ التعبانه ..أنطلقت ضحكآت مها بالغرفه رغد وصل ضغطها مليون :خير انتي بعد ؟ مهآ تأشر عليهآ :ايش اللي لآبسته هنآدي تلف حول رغد: من وين جبتي ذي البجآمه رهيبه لو نروح مسبح رغد: أخذتهآ من شهد تقول ماتبيهآ ومالبستهآ هنادي تضحك :طيب شهد لو تشتريهآ أسمهآ متزوجه أمآ أنتي ليش لآبستهآ لاتقولين بتغرينآ وضحكت هي ومهآ رغد مسكت هنآدي مع شعرها :جآيه تستهبلين عندي هنآدي ميته ضحك لأن رغد مزآجهآ سيئ للغايه وزآدتهآ هنادي بتريقتها هي ومهآ مهآ تفك هنآدي اللي ماوقفت ضحك :خلاص يارغد غيري ملابسك والحقينآ بالصاله طلعوآ وسكروآ الباب لفت رغد للمرآيآ تشوف شكلهآ وأنصدمت لآن الشورت قصير مره فآضح اكثر من كونه ساتر وقامت تضحك على نفسهآ وغبائهآ
بآلصاله كآنوآ جالسين يتقهوون ويأكلون من الحلى اللي سوته هنآدي عشآن تغير جو التوتر في البيت هنآدي : ويش رآيكم بالله مو حلو سمر تمد لهآ الصحن :حطي مره ثانيه بصراحه اول مره تدخلين المطبخ وتبدعين هنادي ابتسمت لسمر :بالعافيه ع قلبك وأنت سحر تبين احط لك ؟ سحر بدون نفس :لا مابي مهآ حست بسحر اللي متضايقه من ليلتها السابقه:خير سحر ليه ساكته سحر: مافي شي سمر نزلت عيونهآ:ادري انك متضايقه مني بجد سحر انا أسفه مرره أسفه على اللي صار بس انا رآحمتك مهآ :شوفي سحر انتي غلطانه لينا مالها ذنب باللي سواه اخوهآ لاتخلطين الأمور مع بعض اعتذري منهآ وكأن شي مآصار وأذا على معاذ خلاص طنشيه اذا هو فعلا يحبك وشاريك بيجي ويكلم أبوي وأذا غير كذآ اللي يستر علينا وعليه "حطت يدهآ على دقن سحر ورفعت رآسها وأجتمعت الدموع بعيونهآ " صح كلآمي ؟ سحر أومت برآسهآ بالأيجاب ومسحت دموعها المتعلقه برموشها هنآدي( يآبختك ياسحر في أحد يحبك متى أحس بكيآني ودنيتي ودي أجرب الحب ..بس مآجد..) تفاجئت لمآ جآء هو ببالها على طول لحقت نفسهآ وطردت كل الأفكار من رآسهآ دخلت رغد عليهم ووجههآ شآحب مره: ويش ذآ الكسل والخمول تعب مره مهآ بنظرة تفحص : غريبه نمتي مافيك شي صحيتي كأنك مضروبه رغد تغيرت ملآمحهآ:أذا نمت وأنآ أبكي يصير فيني كذآ سمربلقافتها الدآئمه:أيش خلاك تبكين وتنآمين ؟ رغد نفخت عليها:شي مالك فيه ولآتتدخلين باللي مايخصك فهمتي سمر عقدت حوآجبهآ ورفعت صوتهآ على رغد :علامكم أنتم كل وحده تجي تفرغ فيني حرتهآ قدآمك جدآر طقي رآسك فيه رغد أعطتهآ نظره حآده ولفت على جهة رنيم بنت مهآ وصارت تلعبهآ ...بعدهآ بربع ساعه رآحت المطبخ تسوي لنفسهآ وجبه خفيفه تسد فيهآ الجوع
بهذآ الوقت أندق الباب ورآحت هنآدي بسرعه البرق تفتحه وأنصدمت من دخول عبير المفاجئ وبحاله مزريه هنآدي انفجعت:عبوره أيش صارلك ؟ عبير تضم هنآدي وتبكي : أبوي يآهنآدي أئههههئ هنآدي سحبتهآ للمجلس وجوآ البنات على صوت بكآهآ اللي أزعج البيت كله مهآ جلست جنبهآ :خير عبير ليش كل هالبكآء هنآدي :عبير تكلمي وربي طيحتي قلبي عبير تمسح دموعهآ وتحاول تستجمع قوآهآ:أبوي رفض ولد خالتي اللي خطبي كلهم بصوت وآحد :لـــيـــه ؟ عبير تهز كتوفهآ :مدري يقول مايحبه هو و أبوه أتخذ القرار بدون مآيشآورني أو حتى يسألني عن رآئي كآنه هو اللي بيزوج مو أنا مهآ لفت يدهآ على كتفهآ وقربت منهآ :شوفي ياقلبي هذآ قسمه ونصيب واذا ابوك رفض مآتدري يمكن خيره لك ويمكن سعآدتك مآتكون مع ولد خالتك بالعكس يمكن يعذبك وتندمي انك تزوجتيه الحين اهدي وريحي أعصابك عندنآ وأبوك أدرى مصلحتك يقول المثل أكبر من بيوم أعلم منك بسنه رغد : تأكدي أن ابوك يدور مصلحتك أولا وأخيرآ ومايبي لك الآ الشخص المنآسب اللي يسعدك ومآيخلي ينقصك شي أرتآحت شوي بعد كلام مهآ ورغد معهآ وجابت لهآ سحر قهوه عشآن تروق أعصابهآ وكلهم يحآولون يغيرون جوهآ الكئيب هنآدي تدقهآ:مشاء الله كل هذ عجله على الزوآج يآلمشفوحه مهآ : وربي لو تعرفون الزوآج ومسؤليته تكرهونه "وضمت بنتهآ "والآ تربيه البزرآن يووووه هم ثاني عبير تقرص هنآدي : ماني مشفوحه بس أنقهرت سحر تضحك :يالله بكره يجي اللي أحسن منه ويسعدك سمر ترفع يدهآ : عقبالنا يارب رغد تمسك سمر مع شعرهآ وتدفنه :هذي المشفوحه وربي مو عبير "ضغطت أكثر على سمر"أستحي يابنت عيب عليك صدق المثل اللي استحوآ مآتوآ
بوقت أخرى ومكآن أخر من مدينتي التي تحمل قلوب أبطآلي بين ثنآيآ شوآرعهآ ونسمآت هوآئهآ المترف أنغمست بنومهآ بعد يوم أتعبهآ بسهر ليله وأرهاق نهآره تتوسد أحلآمهآ على وسآدتهآ البيضاء النقيه وروحهآ مُستكينه وهآدئه لأبعد مدى دخل الغرفه وأستغرب ظلآمهآ وبرودتهآ لمحهآ على السرير على حالتهآ من تركهآ الصباح بدري فهد (غريبه شوق نآيمه للحين لآيكون فيهآ شي ) قرب منهآ وجلس على طرف السرير مرر يده على خدهآ النآعم لكنهآ ماحست بلمسته الخفيفه التي تكآد أن لاتذكر فهد بهمس :شوق ..شووق تحركت بهدوء وبعدت يده عنهآ وضمت الشرشف لصدرهآ أكثر فهد مسك يدهآ وبعد الشرشف بشويش :شوقه يالله أصحي صرنا العصر شوق:أممم أبي أنام فهد يحط يده الثانيه على خدهآ :شوق يالله قومي من الصباح نآيمه شوق بتأفف:فهد خلني نآيمه تعبانه فهد :رآح موعد الدوآء عليك يالله حبي أصحي حدي مشتآق لك وأنتي بسآبع نومه فتحت عيونهآ بكسل ومدت يدهآ على شعرها تبعده عن وجههآ:كم الساعه ؟ فهد أبتسم لهآ:الساعه 5 العصر شوق أسندت نفسهآ وصارت شبه جالسه:ليش مآصحيتني بدري فهد:كنت برى يالله قومي حبي بآسهآ ع جبينهآ وقآم للصاله الجآنبيه ينتظرهآ أمآ هي رآحت للحمآم وأنتم بكرآمه بعدهآ خرجت تصلي الظهر والعصر اللي رآحت عليهآ بعدهآ غيرت قميصهآ ولبست بنطلون أبيض برمودآ وبدي توب وردي ونعمت شعرهآ وتعطرت بعطر هآدي ولبست سآعه فضيه رآقيه ومشت بأتجآه فهد اللي طلب فطور لشوق وكوفي له شوق جلست على الكنبه بأرتياح:أول مره أنآم برآحه زي اليوم فهد يقلب بالقنوآت:مشآء الله هذآ مفعول أني مآنمت جنبك شوق ضحكة ضحكه سآحره:ياليت تكررهآ كل يوم وأشبع نوم زي كذآ فهد لف عليهآ:أدري مو من قلبك شوق تمد له لسآنهآ: وآثق من نفسك بزيآده كآن بيرد عليها لكن أندق الباب ورآح فتح وخذ الطلب اللي طلبه ودخله فهد : يالله أفطري لو أني زعلان عليك شوق عدلت جلستهآ وحطت يديهآ على خدودهآ بغنج: وآآآآو فهودي طلبت لي فطور يآعمري أنت فديتك يآقلب شوآقتك فهد أبتسم على كلامهآ وأخذ كوب الكوفي حقه وجلس قبآلهآ يتأملهآ وهي تأكل بهدوء ونعومه نسى نفسه وهو يتأمل ملامحهآ الحآده والآمعه من صفاء بشرتهآ وبيآضهآ النقي ..أول مره ينتبه لعيونهآ العسليه الوآسعه ورموشهآ الكثيفه ...وجههآ البريئ والطفولي اللي يوحي أنهآ بعمر المرآهقه وبدآية الصبا رفعت رآسهآ وطاحت عينهآ عليه وهو سرحآن فيهآ ومو منتبه لتظراته غصت بسرعه من حرآرة نظرآته وحدتهآ اللي أرعبتهآ وبنفس الوقت رآودتهآ مشاعر غريبه فهد: عــآفيه شوق شربت مويه بسرعه وبلعت اللقمه وكأنهآ تبلع مسآمير ..كملت أكلهآ بشويش وبعدهآ قالت : لآ تطالعني كذآ فهد حس بنفسه: مآكنت اطالعك شوق تميل فمهآ:أجل تطالع الجدآر اللي ورآي فهد ضحك:لآكنت أطالعك شوق انقهرت: بتنرفزني أنت ؟ فهد:هههههه لاجد كنت أتأملك شوق انقلبت ملامحهآ وبدت تحمر خدودهآ:ليش؟ فهد قدم على قدآم والكوب بين كفوفه وتكى على ركبه:أممم أتامل شكلك ماقد حسيت أنك أكبر من 22 سنه أحس اللي قدآمي طفله وأنآ اللي أكبر شوق ابتسمت وبكل حياء: أمآ 22 يوووه رجعتني كم سنه ورى يوم تزوجتني وقتهآ كآن عمري 23 وعليهآ فهد يتنهد :هههههههه سحرتيني بحلآك شوق حطت التوست بالصينيه:منت نآوي أكمل فطوري فهد :أقول كملي عشان تأخذين دوآك سحبتيهآ نومه والحين مآتكملين أكلك رجعت تأكل كم لقمه عشآن تأخذ أدويتها : اقول فهد وين رحت بعد مانمت ؟
فهد:رحت اشوف كم شغله هنآ واشيك على المحلات اللي فاتحها قروب الشباب اللي بجده من سنين ماشفتها شوق أنهت أكلهآ ورآحت تغسل وتأخذ أدويتهآ بعدهآ رجعت عند زوجهآ فهد بصوت ممزوج حده:أخذتي الدوآء أو نسيتيه شوق جلست جنبه وجطت رآسها على كتفه : أخذته ياقلبي فهد:ويش رآيك نطلع بعد المغرب شوق : اي ابي اروح السوق اشتريلي أغراض وابي أشتري لأختي شهد ملابس حمل أحسهآ متضايقه من ملابسها الضيقه فهد قربهآ منه وبآسهآ على خدهآ:فديتك يآحنونه أنتي شوق دققت بملامحه حسته متغير شوي حطت يدهآ على عوآرضه:ليش حلقته ؟ فهد يحك خده:ويش هو ؟ شوق: دقنك ليش حلقته تعرفني احب الستايل الخليجي عليك فهد ضحك وحط خده على خدهآ:وكذآ مآني عاجبك يآحياتي شوق بآسته بخفه وسرعه:بكل حآلآتك عآجبني
::: ::: :::
كآن نآيم أزعجه ضوء الشمس المتسلل من جزء الستاره المكشوف لف على جهتهآ ومرر يده على مكآنهآ الفاضي قآم أخذ له دش سريع وبعدهآ صلى الصلوات اللي فاتته ومشى برى الغرفه سمع صوت أزعآج وحركه بالمطبخ ... عرف أنهآ هنآك يوسف: لآ مو معقوله شهد شتسوين شهد فجعهآ صوته : بسم الله علي انت مآتعرف تسوي رجه قبل تدخل دآيم تفجعني يوسف جلس على الطاوله وأكل من قطع الخيآر اللي بالصحن :قلت ستشوين ؟ شهد :ويش تشوف انت ؟ يوسف : مآقلت لك ارتاحي أنتي نآويه تجننيني يابنت القايد شهد أبتسمت ولفت تكمل شغلهآ:الحمدلله مافيني الا العافيه ليه مآ أطبخ لروحي وحبيبي ودنيتي كلهآ من يدي الحلوه يوسف:أنآ لآ أمآنع من هالشي بس خايف عليك ياعمري مابي التعب يسرقك مني شهد :بيجي ولي العهد ويسرقني منك يوسف عقد حواجبه وجلس على الكرسي: من جد لو جآء بتكنسليني ؟ شهد أنفجرت ضحك ومشت له: أمآ أكنسلك تبي أموت على طول يوسف مسك يدهآ :يآلبيه هالضحكه والنغزه اللي بخده ...أذوب أنآ ع الشفه وعذبني حيل خصره شهد حمرت خدودهآ وفتحت عيونهآ: ويش هالاغنيه يوسف كشر :هذآ سلمك الله تعبير وآحد عآشق ولهآن حد الجنون شهد ضمته : الله لآيحرمني نظرة عيونه يوسف يجلسهآ على حضنه : لآ شهوده كذا ترى والله أمووت أخلصي علي بشي اكله ترى ميت جوع وألا أكلتك شهد تقرصه بخفه: جرب تقرب وشوف اللي بيصير ..قآمت تسويله فطور وهي حست بالجوع وصارت تشآركه فطوره
في بيت أبو مهآ مجتمعين كلهم في الغرفه اللي هي مكآن أجتمآعهم سمر:مهآ متى يخلص زوجك دورته أحس تأخر مره مهآ: هي ثلاث شهور يعني باقي له شوي أسبوعين او اقل هنآدي شهقت :وبتروحين عنا مهآ تتخصر : أجل اجلس عندكم هو بس يجي مآعاد تشوفون وجهي سحر:هههههه أعترفي انك مشتاقه له مهآ : آآآآآآآه وأي شوق اللي فيني شوق مو طبيعي هنآدي تغير الموضوع:يالله كل وحده تقول أمنيتهآ في الحيآه نبدا بمهآ مهآ:عارفه أنك غيرتي الموضوع وبمشيهآ عجبتني اللعبه ..أمنيتي أربي أولآدي أحسن تربيه وأكون أم مثاليه وبنفس الوقت صديقتهم يقولون لهآ كل شي هنآدي :في شي ثآني مهآ : أكون سعيده في حياتي وقريبه من الله في كل أحوالي هنآدي :وانتي رغد طلت فيهآ رغد بشرود:أكمل درآستي وأفتح لي عياده خاصه فيني هنآدي :بــــــــــس ؟! رغد ببرود:أيه بس هنآدي:وأنتي سحر ؟ سحر:مثل رغد تقريبا بأختلآف بسيط اللي هو أكون حيآه خاصه فيني مهآ ابتسمت : يعني تتزوجين ؟ سحر ضحكت : هيك شي هنآدي:دورك سمور سمر : كـح أحـم ..امنياتي كالتالي اولا اتزوج الي احبه ويحبني ويسعدني في حياتي ..ثانيا اشوف كل خواتي مبسوطات وسعيدات ثالثا اجيب توأم بنات وتوأم أولاد ثالثا أكون مصممة أزياء او ديكور مهآ :وأنتي هنادي جاء دورك هنآدي تفكر:أممم تصدقون مآعندي أي امنيه حالياً رغد: أحسن لك ليش تتمنين وهو غالبا مايصير مها:بس الحياه ماهي حياه بدون أحلام وأمنيات رغد:بالله أيش أستفدنا من الآحلام الا الحزن وضيقة الخلق اذا ماتحققت سحر:الحياه حلوه بس تبي اللي يفهمها رغد طلت فيهم ببرود وأخذت الريموت لأنها عارفه نهاية النقاش اللي راح يتسبب بمشكله لمحت لمعة الحزن بعيون رغد وتعبخآ اللي كل يوم يزيد أكثر مها :رغد ليش بعيونك نظره حزن؟ رغد أكتفت بالصمت لفت على جهة مهآ ورسمت ابتسامه ذآبله مصفره كأورآق الشجر في وقت الخريف: بالعكس مافيني حزن الحمدلله مهآ:حآسه ان بقلبك كلام كثير كآتمته ولاتبي أحد يعرفه نظرآتك حركآتك كلهآ تدل على هالشي احس فيك أنكسار ليش يجيني هالاحساس مدري هنآدي:أنا نفس الشي اشوفك دآيم سرحآنه ومهمومه أضحكي للدنيا الدنيآ تضحك لك وكشر لهآ تصفقك رغد ( ياليت تفكيري زيك ياهنآدي كآن الحين مبسوطه ولا في شي يكدر خآطري ):يتهيأ لكم أنا مبسوطه والحمدلله مهآ حطت يدهآ على كتف رغد بحنيه: ترى كثرة الكبت تولد الأنفجار وحنآ خوآتك سندك وعونك بكل وقت واللي يزعلك يزعلنا رغد وقفت تحاول تهرب منهم ومن أسئلتهم اللي تعذبهآ أكثر: أكيد اذا في شي بقوله لكم بس انآ زي ماقلت لكم مافيني الآ العافيه بروح غرفتي برآسي نوم صحوني العشاء اذا راحت علي نومه
مشت لغرفتهآ بسرعه وقفلت الباب على نفسهآ أخذت جوالهآ وأتصلت على تؤأم روحهآ شهد ردت عليهآ وهي تضحك:هلآ رغودتي رغد تبكي:شــــــهــــــــد ..أئههههئ شهد خآفت من نبرتهآ وبنبره حاده خايفه:رغد أيش فيك تبكين ؟ رغد تشهق:أنآ تعبانه ..تعــبــآنــه مررره شهد: ويش تآعبك ياقلبي تكلمي رغد:كل شي بدنيتي تآعبني أحس أني بموت شهد خآفت عليها:بسم الله عليك من الموت ياروحي في عدوينك ...ويش رآيك تجين تنامين عندي الليله تريحين أعصابك رغد تمسح دموعهآ:أخاف يوسف يتضايق انا محتاجتك مرره ياشهد ابيك جنبي شهد: أفا عليك يوسف مآراح يتضايق منك أبدا البيت بيتك حبيبتي تعالي عندي وكلمي أبوي ترى بتنآمين ماراح أخليك تروحين فهمتي رغد :خلآص بجيك العشاء يالله باي قفلت منهآ وتنهدت وحطت رآسهآ على مخدتهآ تفكر بحالتها اللي كل ماحست أنهآ تحسنت زآدت سوء
:: ::
ببيت يوسف
يوسف : خير شهد علآمهآ رغد شهد ابتسمت بذبول: مدري حالتها ماهي عاجبتني بالمره ذآبحه نفسها بالبكاء يوسف:ماتعرفين أيش مضآيقهآ ؟ شهد ميلت فمهآ: لا والله عشان كذآ قلت لها تجي عندي يمكن ترتاح شوي يوسف: زين مآسويتي قولي لهآ تأخذ رآحتهآ أنآ بنام عند أمي شهد شهقت : ويش تنآم فوق لالالا انا كذآ ازعل عليك يوسف يضحك:أبي اختك تأخذ رآحتها شهد: راح تزعل اذا نمت فوق عند خالتي وبتحس فعلا انك تضايقت بعدين كيف تتركني انام بدونك يوسف أبتسم لهآ بحب صادق:كل هذآ حب لي شهد ترفع حآجبهآ بحده:أنت أدرى رجع دق جوآلهآ وكآنت شوق يوسف : ويش ذآ الأهتمام صايره مهمه ضربته على يده وردت :هلآ شووقه حيا الله الغايبه شوق تضحك:سلآم شهد:وعليكم السلام شوق:انتي ببيتك ؟ شهد عقدت حوآجبها بأستغراب من سؤالهآ:ايه في بيتي وعندي زوجي شوق : اجل جهزي القهوه بنجيكم أنآ وفهد شهد:خير ويش الزياره المفاجئه هذي شوق :يوووه شكل غير مرحب فينآ شهد: لآوالله مو قصدي بالعكس البيت بيتكم بأي وقت تجونآ شوق :طيب يالله نص ساعه ونكون عندكم قفلت منهآ شهد : تصور شوق وفهد بيجوننآ الحين يوسف ضحك:لآلآ اليوم في شي مو طبيعي شهد توقف : انا بسوي القهوه وأنت بالله روح أقرب محل حلويات جيب شي نضيفه فهد أول مره يزورنآ من تزوج شوق يوسف يوقف :أبشري يالله بروح وانتي مو تتعبين نفسك قهوه بس لبس ثوبه وكشخ على الأخير ورآح لأقرب محل
المغرب وصلوآ شوق وفهد لبيت يوسف وأستقبلهم يوسف : حيآ الله من جآنآ .. تفضلوآ فهد بعد مآ سلم عليه: زآد فضلك عسى بس مآ أزعجناكم بجيتنا يوسف : البيت بيتك بأي وقت تجيه ..كيفك يآشوق شوق نزلت رآسهآ وبصوت خافت :الحمدلله يوسف : شهد جوآ تنتظرك دخلت شوق بالأكيآس اللي معهآ للدآخل وقابلتهآ شهد شهد ضمتهآ بقوه :وحشتيني يآلظالمه شوق تبوسهآ :والله أنتي اكثر شهد :ويش سر الزيآره المفاجئه شوق تضحك:بروح أشرب مويه واجي شهد : والله ماتروحين الحين اجيبلك بس نزلي العبايه دقآيق وشهد جآيه بصينيه القهوه والحلى وكأس مويه لشوق شوق : يؤؤؤ تعبتك شهوده شهد : تعبك رآحه ...اخير ذكرتينا انتي وزوجك وجيتونآ شوق تضحك :والله ياقلبي قلت لفهد بروح السوق وبعدين أمرك شهد تطالع الاكيآس: والمنآسبه؟ شوق:شفت كل ملابسك ضيقه قهرتيني مأنتي مهتمه للبسك مآتدرين انه مضر لك قلت اروح اشتري لك ملابس حمل شهد فتحت عيونهآ على الاخير:بس مابقى شي وأولد شوق :بالله بالسابع ومابقى شي تونآ باقي لك ثلاث شهور عسآك بتحشرين نفسك بالضيق شهد أنفجرت ضحك:ياعمري انآ فديت قلبك اللي يحس فيني شوق:وأشتريت شي للبيبي يعني كل اللي براسي جبته لك شهد تبوسهآ : الله يرزقك بالذريه اللي تسعدك وتريحك شوق من كل قلبهآ قالت: أمـيـــــن الله يسمع منك شوق تفتح الأكياس:يالله قومي قيسي بشوفهآ عليك شهد أعجبهآ ذوق شوق :ووربي ياشوقه يجنن تدرين عآد اذا طلع حلو علي بروح فيه لخالتي بكره شوق ترمي الأكياس عليهآ : يالله قيسي بشوفهم عليك
:: ::
لو قلت ../ أحبك..
أظلمـ الحب أنـآ فيكـ .. !! الحب أصلآ مايقـآس بوجـودكـ ..
مهمـآ أحـأول أرفعه
" مايوازيكـ "
ويطيح حظه .. وينكسر /
\
!! في حدودك !!
كآنت تجهز العشاء لجيه سيف من العمل ... بعد ربع سآعه وصل بعد طول أنتظآر ريم تضمه : أشتقتلك يآروحي سيف بوله : وأنآ أكثر ياقلبي ولهآن على شوفتك الله يخس الشغل اللي يبعدني عنك ريم ضحكت بحيآء:ياروحي كل هذآ شوق ليآ سيف يتنهد ويجلس على الكنب:وأكثر والله أكثر ريم جلست جنبه ومسكت يده:ياقلبي أكيد تعبان روح بدل ملابسك وأنآبجهز العشآء سيف وقف وقال: ثوآني وأنآ مرتز قدآمك رآح للغرفه رآقبته بعيونهآ لين أختفى عن نظرهآ مرت فتره مآحست بنفسهآ وقالت بقلبهآ (ياعساني مآ أنحرم من زوله وحبه لي ..خلوني احط العشاء قبل يسبقني ) وبسرعه أتجهت للمطبخ تحط العشآء على الطاوله دخل وشآف ألأكل اللي يشهي وريحته مآليه البيت سيف يبوسهآ على خدهآ:الله يسلم هاليدين اللي تنخدم برمش العين ريم حمرت خدودهآ:شكل منت نآوي تتعشى سيف رمى نفيه عل الكرسي تعب:والله ميت جوع ويمكن أكل كل اللي على الطاوله ريم تحط السلطه وكآسة العصير على الطاوله:صحتين وعافيه على قلبك سيف يمد يده: بسم الله
نرجع لبيت يوسف شوق : مشآء الله يهبل عليك ياشهوده شهد تلف وتشوف تنفسهآ بالمرآيآ:جد حلو احس مخليني دبدوبه شوق تضحك:ياشيخه حامل ويش تتوقعين تكوني نحيفه يعني شهد تتخصر: مآ أسمح لك تستهزئين بجسمي الرشيق الله يسآمح يوسف هو سبب هالشكل اللي وصلت له شوق أنفجرت ضحك:أحد قالك تطآوعيه شكله عآجبك الوضع شهد ولعت خدودهآ:شووووقووه وجع ان شاء الله شوق مآتت ضحك على شكل شهد:هذآ الصدق شهد لفت عليهآ ورمت البلوزه عليهآ:وانتي ليه مآتشدين حيلك وتحملين والا فهد مآيبي ترآكم شيبآن شووق ابتسمت بذبول( آآه ياشهد لو تدري عن حال أختك ومرضهآ ويش بتقولين):الله مآكتب لنآ والحمدلله أنآ رآضيه شهد جلست جنبهآ:شوق ترى الرجال مآينضمن جيبيلك ضنى يعزك ويسندك لاكبرتي شوق كشرت وتفتحت جروحهآ من جديد: مو بيدي هذي كلهآ ارزاق من رب العالمين شهد : ماقلنآ شي بس لآزم نأخذ بألاسباب بعدين شدي حيلك وجيبي بنوته أزوجهآ لولدي "وأبتسمت لشوق " شوق تتخصر:ومن قالك أن بنتي بتتزوج ولد تحلمين انتي وولدك شهد :ويش احمدي ربك أنت وبنتك اذا خطبهآ ولدي شوق تضحك:خليهآ تجي بالاول بعدين نتهاوش على كيفنآ شهد تغمز لشوق:كثري جرعات الرومنسيه بالليل ترى مفعولهآ سحري شوق انفجرت ضحك :يقلع ابليسك ياشهد والله فصختي الحياء مره وحده شهد بوزت:شوقه احنا خوات ومتزوجات يعني عادي لو شفتي نصايحي لريم اووف بس فاتك شوق غمزت لها:والله شاكه أنك خربتي ريم ورغد بكلامك شهد وقفت بتغير اللي عليهآ:وبالتفاصيل كمآن شوق فتحت عيونهآ ع الاخير: اقول الحقيني بالصاله بروح اشرب قهوه اعدل مزآجي شهد قامت تضحك لى شو اللي انصبغ وجههآ بجميع الالوآن وهي عافه أنهآ خجوله مره شهد :الله يعينك يافهد على حياء شوق الظاهر مطفشته شوق صرخت : سمعتك يالدوبه شهد ترفع صوتها : اللهم سكنهم في مساكنهم
::: ::: :::
بعد شهر
بدت سنه جديده من الدرآسه كل وآحد أنشغل بدرآسته وأعماله اللي شاغلته ووآجباته المفروضه عليه هنآدي بتأفف: مآتوقعت ان الجآمعه كذآ من الكذآب اللي قال سهله ابي اصفقه على عينه ريم تضحك:وأنتِ مصدقه انهآ سهله الجآمعه تعتمد على مجهود الطالبه وأنسي التأشير وهذا يجي وهذآ مايجي أعتمدي على نفسك ورآح يبان مستوآك صح سحر ترمي الكتآب اللي بيدهآ: أحمدوآ ربكم شوفوآ أنآ ورغد كيف متعقدين من الطب هذي أدويه نحفظهآ وهذي اعراض نعرفها وهذا تشريح ووووالــخ قسم بالله قرف سمر بخوف:سحر كيف تشوفي الجثث وتشرحينهآ سحر ببرود:عادي تعودت اشوفها زي مآ أشوفك والمسهآ واشرح صح بالاول تعبت مره ونفسيتي انهارت بس هذا اختياري ولازم أتحمل الشي اللي أخترته ريم:الحمدلله رياضيات وتخب عليا وماشيه فيها زي العسل هنآدي :ههههههه اقول ويش زين تخصصي تربيه خآصه سمر تضحك:هنادي انتي مآ تفاهمتي مع ناس بكامل قواهم العقليه كيف بتتعاملين مع معاقين هنآدي فطست ضحك:الله يعين ياشيخه بكمل درآستي وانثبر عندكم بالبيت ويش زين قعدة البيت تهبل
دخلت رغد اللي صآرت رآبع سنه طب:ويش تسولفون فيه سحر: عن الدرآسه رغد: كيف انتي مع الموآد صعبه صح سحر بتأفف: بقوه صعبه رغد: ركزي بثالث ترى رآبع كلهآ تطبيق على ثالث الحين جايه أخذ منك كتاب برآجع اعرآض الامرآض وعلاجآتهآ وطريقة الكشف احس بديت أنسآهآ ورآح ابدأ بالتدريب في المستشفى بعد كم يوم سمر :كأنه بدري شوي التدريب رغد: لا مو بدري خلاص خلصت حفظ باقي نطبق بالمستشفيات ونستلم حالات وربي رآح أتعب كثير بس الله كريم شي مو سهل هنآدي بسخريه: هذا الطب اللي متوآ عليه تحملوآ العوآقب رغد : لو كنت جالسه على الكيمياء كان احسن ريم توقف:ياكثر هذرتكم بروح اشوف مهآ بالمطبخ اكيد حايسه فيه سمر تبوس رنيم:ويش رايك نروح معها رنومه رنيم : يالله حالتو<<خالتو
بالرياض رجعوآ قبل شهر للريآض كآن منشغل بشركآته وأعماله والمشآريع اللي يعملهآ حاليا طول وقته بيزي وماله وقت فاضي أبدآ أمآ هي مهتمه بنفسهآ وصحتهآ عشان مرضهآ ومنتظمه على الادويه والمرآجعآت للمستشفى وصارت تهتم ببشرتهآ ولبسهآ أكثر من قبل بسبب فرآغهآ الدآيم شوق بتأفف: والله مآصارت يافهد كل وقتك مشغول حتى في البيت تجيب الملفات وتكمل بالمكتب وناسي انك لك زوجه ولها حق عليك فهد عقد حوآجبه:شوق ويش صآير لك... لك كم يوم تدورين المشآكل شوق ظربت الطاوله بقوه :طفشت بس قاعده بروحي بقصر ويش كبره مليت طول الوقت وحيده وانت مو حآس فيني ابد فهد عصب وقال بحده:يعني ويش أسوي شوق رفعت حآجبه وبصوت ساخر: ارقص على حبه ونص فهد جن جنونه من مزاجها المتقلبه هذا الآسبوع:وبعدين معك ياشوق ترى طفشتيني اذا على انشغالي بحاول أخلص اشغالي وأتفضى لك شوي شوق ابتسمت بأستهزآء:بتحاول وشوي ..كثر الله خيرك اللي فكرت والله قامت ودفت الكرسي بقوه وطلعت لغرفتها وهي ميته قهر منه ومن أنشغاله عنهآ مآصار يهتم فيهآ زي أول حتى صحتها ماعاد يسألها زي أول مرضها توترت علاقتهم شوي وصآر فيهآ نوع من البرود المتبادل من الطرفين هي تنتظره يحس فيهآ فضلت الصبر والانتظار على موآجهته لكن بعد كل هذآ الصبر فآض بها الكيل وماعادت تتحمل أكثر وبدت تثور لأي شي حولها حتى لو كان هو
{ شوق } أوووف ياربي متى يحس فيني كل وقته شغل × شغل هذي دبي وجده وتركيا يسافر لهآ كل ثلاث أيام وبعدين يعني مافي أمل أعيش معه مرتاحه كل مآقلت خلاص ياشوق ملكتي فهد وزآنت حياتك معه جآء شي ونغص حياتي من جديد صبرت عليه كثير حتى اهتمامه فيني انعدم وهالشي يقهرني اكثروأكثر شسوي بنفسي أنآ تاركه أهلي وخوآتي عشانه وعايشه معه بوحده فظيعه مايعلم بحالتي الا الله احس حالي مغتربه وانا في ديرتي لا انيس ولا ونيس ..طول عمري وحيده ..حتى بعد زوآجي اللي كل زوجين يستانسون مع بعض وأنا تاركني لحالي
نزلت دمعتهآ من القهر اللي فيهآ والضيقه اللي ماقدرت عليهآ ..دخل وشآفها جالسه على الأريكه متمدده ومنزله رآسها حس أنهآ تبكي بصمت قرب منهآ وهو يضغط على نفسه عشان يتحكم بأعصابه ..حست بخطوآته تقرب منهآ شوق بحده : شنو تبي لآحقني فهد:جآي أشوف سبب هجومك المفآجئ علي شوق رفعت رآسهآ ومسحت دموعهآ وبكل قوه: لايكون ظالمتك بس فهد ضحك في نفسه عليهآ باين أنها مقهوره من لاخر حد:حشآك يالغاليه بس ودي أعرف "جلس جنبهآ"هالدموع ليش نآزله على خدك شوق لفت عنه :مـنـك ومن عدم اهتمامك فيني تحسسني أني ديكور فـ هالبيت اللي ويش كبره زي أي تحفه موجوده فيه فهد لف يده على كتفهآ: افا عليك ياشوق مآتوقعت تقولين هالكلام انتي أميرة هذآ البيت وأميرة قلب صاحبه بعد شوق لفت وقالت: أميره على شنو على الفرآغ اللي فيه والا على الصدى اللي يتردد فهد حس بوحدتهآ من كلامهآ قربهآ منه وباس جبينهآ: أنآ أسف ادري اني أنشغلت عنك بس مو بيدي هذي طبيعة عملي المفروض تقدرين ياشوق وتريحيني بدل مآ تزيدين علي التعب شوق: انت تخلي فرصه أريحك كل وقتك برى وأذا جيت رميت نفسك على سريرك حتى كلام معي ماتتكلم قولي ويش ذنبي أتحمل تعب شغلك ترآني زوجتك مو خدآمتك فهد عصب :شوق ويش قاعده تقولين شوق عصبت منه:أسئل نفسك متى أخر مره جلسنآ وسهرنآ مع بعض ..متى أخر مره تكلمنآ مع بعض قولي أنك ماتذكر سكت ماقدر يرد عليهآ شوق وقفت : أنآ أذكرك اخر مره في أبرآج طيبه ..لمآ كنا في المدينه من رجعنآ وأنت سافهني موحاس بقلبي اللي يشتاقلك ويحن لك كل يوم اقول يمكن بكره عدى شهر وأنآ كل ليله أتحطم بسببك من أقول زآن حالنا ينتكس فهد تمآلك أعصابه وقف ومشى لهآ: الحين زعلانه عشآن مآ أسهر معك شوق طنشته وماردت عليه وعلى وجهها تعبيسه وأثار دموع على خدهآ ..قرب أكثر ولف يديه على خصرهآ وقربهآ لصدره وفارق الطول بينهم وآضح ..رفعت رآسهآ له شوق:مهمآ بررت ماراح أسامحك على تجاهلك لي فهد أبتسم :ماهقيت زعلك شين لذي الدرجه أبتسمي يالله شوق دفته عنهآ وقالت بحده:مآبي أبتسم عقد حوآجبه بحده وأنقهر من تصرفهآ مسكهآ مع ذرآعهآ بقوه لفهآ عليه:أشوفك قمتي تتطاولين علي ياشوق شوق خآفت منه وقام قلبهآ يرجف بس مابينت له خوفها:أنآ مابي منك الا تحس فيني وتحسسني أني زوجتك واضن هذآ من حقي والا غلطانه فهد:مآقصرت عليك بشي كل شي تبينه عندك شوق رفعت وجههآ له وهو يحس بأنفآسهآ الحاره:قصرت علي بمشآعرك "نزلت دمعه من عينهآ أعقبهآ سيل من الدموع" بعدت عنه وجلست على الكرسي تبكي ...أمــآ تركهآ تبكي وفتح الدولاب أخذ له شورت قطني للركبه ورآح للحمآم أخذ له دش سريع وطلع رمى البلوزه الحفر على السرير وبيده منشفه صغيره ينشف فيهآ شعره ..وقف قدآم المرآيآ تعطر ودهن يده ووجه بالوشن المفضل له شآفهآ على هيئتهآ مآتغيرت .. مشى لهآ ووقف عند رآسهآ فهد: قومي غسلي وجهك وبدلي ملابسك ودي أجلس معك شوق مآردت عليه ولآزالت على هيئتهآ ..جلس يمهآ وبعد يدهآ عن وجههآ وباسهآ على خدهآ وضمهآ لصدره ورجعت تبكي أكثر من أول فهد :لالا كذآ تعورين قلبي يالله حبي مآحب دموعك روحي غسلي وغيري أستنآك برى شوق هزت له رآسهآ وهو تركهآ بالغرفه
::: :::
عند أهل يوسف أم يوسف تقهوي شهد : بشري يابنتي مآعرفتي نوع الجنين يوسف يضحك وهو يطالع شهد بنظرآت: الا عرفت بس رآفضه تقولي تبيهآ مفاجئه غدير ماصدقت: قول انت ماتبي تقول أمآ أبو مايعرف جنس ولده يوسف:والله هالمفتريه رآفضه تقولي شهد تضحك :ايه مابي أعلم أحد حتى خوآتي مآدروآ مريم : ولآ رغد أعرف هي القريبه منك مره شهد : حتى رغد يالله مصير الكل يعرف أذا ولدت يوسف : يمه شوفيهآ لي شهر اطلبهآ وهي رآفضه ام يوسف :طول عمرهآ قويه شهد شهد (قويه بس ولدك جنني بحبه من أشوف عيونه تخدرني وتضعفي مدري أنآ بدونه ويش يصير فيني مآ أتخيل نفسي بعيده عنه أسب نفسي كل مآتذكرت بدآية حملي وزعلي منه كنت غبيه مدري كيف سمحت لنفسي أتركه ...يآربي من هاليوسف جنني بحبه كل يوم أتعلق فيه أكثر وأكثر أغار عليه حتى منك يآخالتي اغآر عليه من نفسي والهوآء اللي يتنفسه )كآنت سرحآنه فيه وبعيونه ماتدري عن كلام أمه الموجه لهآ غدير تتأمل شهد كيف تطالع يوسف والحب بآين بعيونهآ:يآبختك يآيوسف في وحده سرحآنه بعيونك وبسمتك شهد حست على نفسهآ وأنقلب وجههآ ألوآن وبنفسهآ تدعي على غدير اللي فشلتهآ أم يوسف برضآ تام عن شهد:وأنا اقول ليه ماترد عليا مريم :سحر يوسف طآغي لدرجه انهآ حاقرتنآ وتطالعه شهد حمرت خدودهآ وهي تسب نفسهآ على سرحآنهآ قالت بصوت هادي:مآعليش مآ أنتبهت ياخالتي يوسف بيزد عليهآ:يآعساني أتهنى وأنآ اخذ بالك وخيالك غدير تدقه بكوعهآ:وآثق انت يمكن مآتفكر فيك يوسف :مايحتآج انا أفهمهآ من عيونهآ بدون ماتتكلم ام يوسف : بس ترى عندي بنآت ماتزوجوآ مريم : الله يرزقنا شهد تضحك: أمين يارب يوسف وقف :يالله حنآ نستأذن الحين ورآنآ مشوآر ام يوسف: أجلسوآ تعشوآ معنآ شهد تلبس عبايتهآ: تسلمي ياخالتي بس عندي موعد وبعدهآ بمر خوآتي يوسف يضحك بنفسه (عاش المصرف ..يالبيه هالطول والخصر آآخ بس لو أمي وخوآتي ماهن موجودآت بس يالله الحين أتوحد فيهآ ):يالله مع السلامه أشر لشهد اللي مشت قدآمه ونزلت وهو لحقهآ للسيآره يوسف بحب :قلبي غطي عيونك شهد كشرت : أخاف اطيح يوسف:والله عيونك لحالها فتنه هي اللي علقتني فيك وكآنت حبل الوصول لك شهد ضحكت:مشآء الله بس عيوني عجبتك يوسف يسوق السياره:انتم يابنات القايد كل وحده تقول الزين عندي وعيونكم آآآه من عيونكم ذبآحه جابت روس الرجاجيل شهد ماتت ضحك على كلامه:فديتك أنآ يوسف مسك يدهآ وبآسهآ:آآخ بس متى نوصل المطعم أبي أضمك وأكسر ظلوعك شهد أبتسمت على كلامه:تدري يوسف اول مره شفتك فيهآ قهرتني كآن ودي أسطرك كنت أسبك عند رغد سب مو صاحي ماتوقعت بيوم أني أموت فيك وأعشقك بجنون ولا تخيلت اني اتزوجك يوسف ضحك ويتذكر أول مره شآفها فيهآ وكيف كآنت شرسه بالتعامل معه:تذكرين لمآ شفتك في السوبر مآركت وصدمت فيك يوووه كنت أضنك بتقتلين بنظرآتك شهد قرصت يده:ايه أذكر واذكر زين أنك تحرشت فيني والا نسيت أنفجر ضحك بالسياره:يووه مآنسيتي شهد تسوي نفسهآ معصبه: كيف أنسى حركتك الغبيه كنت ودي اطيح فيك واعلمك شلون تلمس صدري يوسف يغمز لهآ : خلاص الحين لمست لمآ شعبت ههههههههههههههه شهد انقهرت وقالت : وجع يوسف : زوجتي حلالي شهد بعصبيه : سوق بالله زين وخل السوآلف عنك يوسف بيقهرها:معك أحسن سوآق في السعوديه شهد :لايكثر وشوف طريقك ترى معك روحين يوسف يغمض عيونه ويصرخ: مآعذبني غير هالروحين ضحكت عليه وعلى حركآته اللي فيهآ هبال ودعت ربهآ مآيحرمهآ منه طول حيآتهآ واخير وصلوآ المطعم ونزلوآ عشان يتعشون
...: بشر شنو صآر بالموضوع ؟ ...:خلاص قربت النهايه ...:كل يوم تقول نفس الكلام الى متى رآح أصبر ؟ ...:قلت لك كلها كم يوم ويتم كل شي ...:شوف معك أسبوع وآحد بس عشان تنفذ اللي قلتلك عليه والا انآ بتصرف والمبلغ احلم فيه ...:لاحول ولاقوه الا بالله قلت لك خلاص كل شي رآح يتم ونهاية هذا الاسبوع بعد ...:اللي عندي قلته والباقي عليك والا راح اكنسل اتفاقنا صبرت عليك كم شهر ماعاد فيني صبر وانقطع الخط بين الطرفين
في بيت أبو مهآ كانت بالغرفه مقفله على نفسه وتسمع لأبو نوره ومنسجمه مع كل كلمه يقولهآ حست بمشآعر غريبه تحركت دآخلهآ ماتدري من نوع ..مشاعر كلهآ غموض مختلطه ببعضها لا تدري اين نهايتهآ او سببها ... قطع انسجآمهآ مسج وصل على جهازها توقعت انه من أحد صديقاتهآ ..فتحت المسج وهي تسمع صوت ابو نوره اللي يصدح في زوايا الغرفه بقلبها وعقلها وكل احساسها إفتقدتڪ ▪▪
شافت الرقم وأنصدمت لكن الصدمه الأكثر أنهآ ابتسمت للرساله وكآنها لمست اعمآقها المظلمه متلذذه بالشعور اللي رآودهآ بسبب هذا المسج ..بعد شعرها عن وجهها وردت على صاحب هذا المسج بمسج اخر كان محتواه
تعال ..
اعلمك كيف الحبايب لا غدو .. كفار !
يصرّون الوفا ملح ,
... وعلى جرحك يذرونه !
تعال ..
اعلمك كيف الغياب اللي غدا جبّار
وحط ابهامك بحلق الوداع و صكّت سنونه !
أستغرب مسجهآ ودق عليهآ ..ردت بهدوء هنآدي:نعم مآجد:سلآم هنادي :وعليكم السلام ..اخلص علي شنو تبي مآجد: مقصدك من المسج؟ هنادي :هذآك قلت مسج لارآح ولاجآء مآجد:طيب وبعدين معك هنادي بتافف:بعدين معك أنت ترى طفشتني مآصارت كل شوي ورآي
مآجد: الحب يسوي أكثر هنآدي سكتت مآتوقعته جريء لهدرجه قفلت بوجهه ماهي مستوعبه اللي قالها بعدهآ انفجرت بالضحك وقامت تنقز على السرير ..جآت رغد دخلت رغد: وين البنات هنآدي تجلس بأدب:على الـ Tv رغد:تبين تطلعين معي بروح أتمشى هنآدي بفرح :يس أفكورس رغد: بروح أشوف البقيه بيروحون أولآ بآلصاله سمر:جآت بوقتها الخرجه رغد: يالله قوموآ البسوآ بسرعه نبي نتمشى قبل الساعه 11 سحر: أنا بجلس مقدر اروح ابي أذاكر رغد: اوك يالله سمر انتي وهنآدي معي مهآ قالت بتسوي العشاء
عند شهد ويوسف بعد مآتعشوآ في المطعم أتجهوآ لشآرع الملك فهد شهد : أقول حبيبي أيش رآيك توديني أمشي في الممشى المخصص للحوآمل اللي في طريق الملك عبدالعزيز يوسف يفكر : زين دآمه مو بعيد بوديك تذكرت ان الدكتوره قالت لك لازم تمشي في الثامن والتاسع شهد مسك يده: يآعسآني مآ أفقدك انت وحنيتك يوسف يضحك:لآلآ كذآ تخليني ارجعك البيت اتجه للمكآن اللي تبيه ومآكآن بعيد مره بهذآ الوقت أتصلت رغد رغد : سلآم شهد:وعليكم السلام رغد: وينك ؟ شهد:رآيحه أمشي على طريق الملك عبدالعزيز رغد فرحت :حلو حتى أنآ والبنات رآيحين هنآك ..سيو شهد سكرت وهي تضحك يوسف:ويش في؟ شهد : رغد أتصلت تقول انهم قريبين من الممشى نتقابل هنآك يوسف أبتسم:حلو عشآن اجل بالسياره مافيني أمشي
بعد عشر دقآيق أتقابلوآ في نفس المكآن شهد : مشتآقه لكم مووت هنآدي تحط عينهآ في عين شهد: يؤؤ اشوف الكذب بعيونك لو صدق مشتآقه لنآ تركتي النشبه زوجك وجيتينا شهد تقرصه : لاتقولي على حبيبي نشبه سمر تعدل لثمتهآ:وع اكره كلمة حبيبي لآشفتك تقولينهآ لزوجك مو لآيق أبد شهد :اقول سمر انطمي ابرك لك أنآ واثقه بزوجي اذا يوسف ماينحب من ينحب أنتي وجهك
جآء يوسف قرب وكأنه سمع أسمه وابتسم جوآته عارف ان اخوآتها يحبون يناقرونها يوسف: كأن أحد حش فيني هنآدي كآتمه ضحكتها: أعوذ بالله عندك الحآسه السادسه يوسف فطس ضحك:جآي أسئل مين تبي أيس كريم مع هالجو الحار رغد اخيرآ تكلمت:تكسب أجرنآ والله ميته حر وابمشي مع هالنفيخه اللي جنبي شهد :اقول بروح مع زوجي أحسن من المحشآت اللي أخذها منكم على الطالع والنازل هنآدي تمسك يدهآ: دوعآبه دوعآبه الله لايهينك يوسف جيب لنآ بالشوكولا يوسف : لا شهد تحب الفانيلا مع الفرآوله سمر: أنت كريم وحنآ نستاهل جيب لنا على ذوقك يوسف ضحك: زين لاتبعدون مره عشآن لايسيح تركهم ورآح لمحل أيسكريم قريب وهم قآموآ يتمشون هنآدي:سمر امشي معي ابي اهرول من زمآن ماهرولت رغد بعد مآرآحوآ:فكه رآحوا النشبتين ذولآ ..اقول شهد اشوف يوسف طاير فيك الحمدلله تحسنت علاقتكم شهد:كثيررر فوق ماتتخيلي بجد يارغد أحسه أمي وابوي واخوي وزوجي وكل دنيتي رغد أبتسمت:الله لآ يغير عليكم وانتي بعد ماتفارقيه مدري علامك شهد:مابي أبعد عنه ابدآ هو عوني وسندي بعد الله رغد مسكت يد شهد وضغطت عليهآ:أقول من زمان عن فاتن وأخبارها تكلميها شهد : ايه قبل يومين كلمتهآ مره تعبانه من الحمل تقول ان زوجهآ مره طيب وحنون رغد :الحمدلله ربي ستر عليهآ بعد وفاة ابوهآ وأخوهآ شهد : على قولك ...متى رآح تبدين التدريب رغد بتأفف: ألأسبوع الجاي وربي شايله هم شهد: شدي حيلك ياقلبي ان شاء الله أنك قدهآ وربي يوفقك رغد من كل قلبهآ:أمــــيـــن
::: :::
كآنت منسدحه جنبه وحآطه رآسه على صدره العريض العاري شوق بهدوء:فهد بكره عندي موعد ابيك تروح معي فهد قربها أكثر لحضنه وكانه يدخلها داخل ظلوعه:ابشري ياعمري شوق أبتسمت وقالت بنبره غريبه :خآآيفه فهد عقد حواجبه : وايش سبب خوفك شوق نزلت رآسهآ بحياء:اللي صار الليله فهد :ماصار شي اتوقع عادي شوق بعدت عنه شوي وصارت شبه جالسه: الدكتوره اخر مره قالت لي ان حجم الورم زاد فهد جلس جنبها: متأكده شوق :ايه وكنت بقولك بس انت طول وقتك مشغول ...واخاف اللي صار يأثر علي فهد طل فيها وباسها على خدها وهو يحالو يبعد هذا الشعور عنها:لا ياعمري لاتقولين كذا ان شاء الله مايصير الا كل خير هذي وسوسة شيطان لا تأخذينها في بالك شوق : ياررب فهد: لاتفكري كثير بهذا الموضوع وخلينآ ننبسط في حيآتنآ شوق رجعت حطت رآسها على صدره ويدها على خده: أسفه يافهد عذبتك معي كثير فهد يمسح على شعرها بكل حنيه: أنآ اللي أسف حرمتك من أشياء كثير شوق رفعت رآسها: فهد اذا ودك تجيب أطفال أتزوج لآني مستحيل اجيب لك ضنى فهد ابتسم لها:انا سعادتي معك واخر همي يكون عندي أطفال بس أذا انتي أمك حبذآ واذا ربي ماكتب لنآ انا مقدر أعترض على أمر الله شوق :بس أنآ مستحيل أكون أم وما ابيك تنحرم انت كبر دخلت الـ 34 ويش تنتظر اكثر من كذآ اللي بعمرك ومستوآك الآجتمآعي عندهم 5أو 6 وانـ.. حطت أصابعه على شفايفها :أوووش مابي أسمع منك هذآ الكلام مره ثانيه انتي عندي بالدنيا كلها وين القى وحده بدينك وأخلاقك وجمالك ماعرفت للسعاده طعم الا معك صحيح عانيت شوي معك بس ربي عوض صبري خير وخلاني التقي بقلبك الطاهر نزلت دموعهآ بهدوء وانسيابيه غير معتاده مسحها بظاهر كفه وشدهآ لنفسه اكثر: مآ أحب أشوف دموعك ضمته أكثر وغمضت عيونهآ من التعب الي أهلكهآ وغطت في سبآتهآ
:: ::
بالمدينه بالوقت اللي البنات كانوا فيه برى وبقت سحر لوحدهآ مع مها وبنتها تذاكر..دخل أبو مها ابو مها : السلام عليكم مها وسحر:وعليكم السلام ركضت رنيم لجدتها اللي تحبه مره وضمته واخذها لحضنه: وين البقيه سحر: طلعوا يتمشون يقولوا طفشوا من المذاكره ابو مها:اشوى عشان نتكلم على راحتنا مها شدها كلام ابوها تركت الاوراق اللي في يدها:خير يبه ابو مها: يبه سحر اليوم جاني خطيب لك وانا لازم اشاورك القرار لك اولا واخيرا مها : من ولده وويش يشتغل ؟ ابو مها: اسمه معاذ اخو صديقتك لينا اللي ابوه دكتور في الجامعه كانت بالنسبه لها صدمه ولمها اللي كانت انه مجرد تسليه عابره وشكت بصدقه في كلامه مها : انت متأكد يبه ابو مها : ايه يابنتي انا اشوف الولد طيب ويصلي ومتخرج وفاتح له مشروع صغير على بال تجيه الوظيفه ومكون نفسه يعني مافيه عيب ابيك تفكرين زين وتستخيرين وخذي وقتك بالتفكير كانت ماهي مستوعبه كلام عمها تحس انها بحلم او كابوس ماتدري متى تصحى منه على وآقعها .. قام عمها وتركها مع مها اللي لا تقل صدمتها عن سحر بعد ربع ساعه من الصمت السائد بينهم مها :سحر الولد يبيك وشاريك فكري زين سحر: أحس أني أحلم مها ابتسمت لها:انتي جميله ومتعلمه عنده ذوق يوم اختارك وفوق هذا يحبك ويبيك رغم مشاكلك مع لينا وصدك لهم سحر:ماتوقعت ان الموضوع راح يوصل لهذا الشي مها قربت منها وضمتها:تمهلي وفكري كويس لا تندمين بالأخير انا اشوفه ماينرفض صراحه وزي ماقال ابوي القرار لك في النهايه سحر قامت للغرفه حاسه انها بدوآمه ماتدري متى تطلع منها جلست على سريرها وانهارت بالبكي ..محتاجه أمهآ وابوها حولها او وحده من شقيقاتها لكن للاسف كلهم بعدين عنها في هذا الوقت رمت نفسها على وسادتها وراحت في عالم البكاء والصراخ
عند البنات شهد تأخذ الآيسكريم:يابعد عمري تسلم هنآدي بلقافه : نردهآ لك بالافراح ان شاء الله يوسف : ان شاء الله ..انا بجلس في السياره وانتي امشي اذا خلصتي دقي علي اقرب لك السياره شهد بحب : من عيوني مشوآ هي وخوآتهآ لوحدهم وطاقينها سوالف والممشى مليان نآس هنآدي :اقول سمر تعالي نجلس ما اعرف أمشي وأكل رغد بتهديد:لاتتحركون خليكم هنآ نأخذ لفه ونرجع جلست هنآدي وسمر يسولفون وشهد ورغد يمشون شهد: كآن براسي سالفه بس نسيتها رغد بحماس : لاتكفين تذكري الله يخليك شهد: رغد لا تزعلين بس لازم اقول الخبر احس مقدر اخبي عنك رغد استغربت: أيش الخبر شهد : زوجة عبدالله حامل وقريب تولد رغد بقهر: ويش علي منهم انا يتهنوآ مع بعض ماعاد يهمني امره خلاص نسيته للأبد شهد ابتسمت وهي عارفه اللي داخل رغد: برآفوا عليك هذا اللي لازم تسويه من زمان وتأكدي ان ربي بيرزقك بوآحد أحسن منه مليون مره رغد: ان شاء الله بس حاليا شاليه فكرة الزواج من راسي لما اخلص دراسه افكر شهد ضحكت:يكون الخطاطيب مخلصين هههههه رغد تضربها على يدها:أسم الله علي لاتتفاولين على عمري شهد : أمزح ياربي ما ينمزح معك عند هنآدي وسمر كآنوآ يرآقبون يوسف اللي يلعب كوره مع مجموعه شباب ومتحمس هنآدي تضحك:والله طلع محترف كوره يوسفوه سمر:خساره لو شهد في تشوفه وهو يناقز تقول كنغر هنادي فطست ضحك:يمه لو تسمعك تقطعك تقطيع الشرانيه كآنوآ جنبهم بنات يأشرون على يوسف ويتكلمون عليه سمر بلقافه : امشي نقرب منهم احس حركاتهم ماهي طبيعيه هنآدي:زين امشي واجلسي جنبهم عشان نسمع ايش يقولون مشوآ بسرعه وجلسوآ قريب منهم بحيث يقدرون يسمعون كلامهم ..:روحي ياغبيه ارمي عليه الورقه اووف منك ..:استحي ..:بنت لاتروحينه عليك وربي مافي زيه يكفي جماله اللي يسحر ..:أول مره اشوف ولد جذآب زيه ..:خلاص بروح له بس اذا خلص لعب ..:وين جرآئتك والا طلعتي من جنبها ..:يووه قلت لك خلاص بروح له بس خليه يوقف لعب
هنآدي انخرست أمآ سمر :قليلات الادب ودي اتوطى ببطنهم صدق راح الحياء هنادي تسكتها: أووش خلينا نشوف ويش يصير أحساسي يقول في أكشن بيصير سمر بقهر:أخ بس بالله خليني اروح اسفل فيهم وامسح فيهم الارض هنادي تمسكها:أقول لا تجيبين لنا مصيبه سحبتها ورجعوآ مكآنهم وكملوآ ايس كريمهم دقايق وقرب منهم يوسف مو مره وتكى على عامود الاضاءه وفتح بكت دخانه وطلع له سيجاره وبدأ يدخن جآت البنت اللي كآنت جنب هنادي وسمر ..: السلام عليكم رفع رآسه وعقد حوآجبه بأستغراب:وعليكم السلآم ..:ممكن رقمك يوسف انصدم من جرآئتهآ وسكت ماقدر يرد عليها وهو لسى مصعوق من طلبها قربت سمر وقالت بحده : هيه أنتي ويش تبين البنت لفت على سمر:أيش خصك أنتي أتلهي باللي انتي فيه هنآدي انقهرت:هيه انتي قومي سفرقي عنآ لا اتوطى في خشتك البنت:لو سمحتي انا مآ كلمتكم ايش اللقافه هذي يوسف بأستحقار:نعم ويش تبين ؟ البنت بأبتسامه:رقمك سمر جن جنونها من وقاحتها:ياوقحه لك عين تطلبين رقمه بعد صدق انك واطيه هنآدي سحبتها مع عبايتها:أنآ اعرف اتصرف مع هذي الاشكال الرخيصه طسي يابنت الناس في طريقك لاتشوفين اللي مايسرك يوسف يهدي هنآدي:خلاص اتركيها مالك فيها البنت:انتم ليش تتكلمون وصاحب الشأن رآضي يوسف عصب عليها وصرخ بوجهها : تخسين ارضى لك أنتي وأشكالك يالله روحي في حالك ازين لك جآت رغد وشهد في هذآ الوقت واستغربوآ اجتماع سمر وهنادي ويوسف شهد تبعد هنادي :يوسف شنو صاير يوسف :ماصار شي حبيبتي يالله اركبي السياره هنادي تهمس للبنت :هذي زوجته ياغبيه قومي انقلعي لشلتك السافله مثلك ورجعت البنت مقهوره مره شهد استغربت: هذيك البنت ايش فيها سمر ترقع:طاحت مسكينه وجينا نساعدهآ وطلبنا يوسف يساعدنا شهد : أهآآ ..يوسف خلينا نمشي تعبت من المشي يوسف يمسك يدهآ ويمشي بأتجآه سيارته مار من عند شلة البنت اللي جاته فتح الباب لشهد وبعدهآ مشى لمكانه ورجع للبيت رغد تجلس على الرصيف : هيه انتي وهي تحسبون مرة علي تصريفاتكم ويش صار واحنا نمشي هنادي: احلفي ماتقولين لشهد رغد خافت يكون صاير شي كبير: والله ما اقول..خوفتيني شنو صار ؟ بعد ماحكوآ لها السالفه انقهرت ومشت هي وهنادي وسمر وقفت عند الشله رغد بأسلوب استفزآزي:أي وقحه بينهم ؟ ..:خير مضيعه الأخت رغد بحده:ماكلمتك انتي ..ابي أعرف اي وحده سوت الحركه البايخه هنآدي تأشر على البنت وهي فاطسه ضحك رغد تتأملهآ وهي كآشفه وجههآ وتخزها بقوه عين:سبحان الله شين وقوي عين ..عشنآ وشفنا ..يالله بنات مشينا تركتهم مولعين من حركتهآ وركبوآ السياره سمر وهنآدي ميتين ضحك على أشكالهم الغبيه سمر: آآآه يابطني ذبحني الضحك رغد متنرفزه:بجد ماعندهم اخلاق هذآ الزمن ينخاف منه هنادي:روقي يابنت الحلال هذا وهو ماهو زوجك سويتي كذآ اجل لو شهد ويش سوت رغد :أممم اتوقع تنتفهم اعرفهآ متهوره وتسويها بس الحمدلله انكم رقعتوها
بهذا الوقت هنآدي طلعت جوالهآ وأرسلت مسج سريع لعبير وقفلت جوالها وهي تحس بأقبال أملي على الحيآه وإتسآع انفآسها وارتيآحيه لم تشعر بها من قبل ..أخذت نفس طويل ونفثته ببطاء وكأنهآ تحاول أن تستنشق كل جزيء اوكسجين بأنفاسهآ ..غمضت عيونهآ وسرحت ببالهآ تتخيله قريب يشآركهآ أنفاسها شهيقهآ وزفيرهآ وحتى همسآتهآ ..يحسسهآ بأنوثتهآ المبتوره او بألاصح التي تتجآهلهآ لم تشعر بهذه اللذه الغريبه عليهآ والتي كآنت من المستحيلآت السبع بالنسبه لهآ
{ وآآآسفآه قد تـكـون هي القآضيـه لقلبك اليتيم أيتهـآ الـ هـنـآدي }
::: ::: :::
اليوم التالي لهذه الأحدآث
فتح عيونه بتكاسل يحس بثقل على صدره أتضحت رؤيته وابتسم وهو يشوفها كآنت نايمه على صدره كالطفله التي تبحث عن حضن دآفي يلم شتآتهآ الضائع ويكون ملجئ الامآن بالنسبه لها بهدوء سحب نفسه سحب الروب اللي كآن طآيح تحت لفه على جسمه ومشى لبرى جنآحهم ودخل قسم الحمام وأنتم بكرآمه ... بعد ربع ساعه طلع واتجه للدولاب طلع له بجامه سبورت ونزل ..بعد ماصلى مشى لغرفة الطعام وجلس على الطاوله كانت قهوته جآهزه والجرآيد كالعاده الصباحيه له ..تصفح الجرآيد وبعدها افطر كان يفكر بكل شي حوله واللي قاعد ينفذه بالوقت الحالي فرح لنجاح اخوه بنشاط اعمالهم وشاف أجتهاد باسل وقوته اللي خيمت على السوق وحصوله على صفقات كبيره جدا ونجاحه فيها فهد ( الله يستر من الجاي قلبي يقول ان شي بيصير لطفك يارب ) صحى من سرحانه على صوت ميري ميري: سير هذا سواق يقول في سوي حادث بسيط وسياره في ورشه لازم كلم انت فهد : زين قولي له بعد ما افطر اشوفه ميري :زين رآقبت عيونه ميري الى أن أختفت كان سرحان وخايفه من أعماله اللي بالخفاء ماحس الا بلمسه ناعمه على خده وبوسه هاديه كهدوء صباحهم شوق:صباح الخير فهد ابتسم لها:صباح الأنوآر ..الله الله ايش ذا اللون من الصباح شوق تضحك : افطر وعيَّن من الله خير فهد يطالعها بتفحص: أحمر والصباح مايصحش كده يابت كآنت لآبسه قميص لحد الركبه أحمر وعليه روب طويل احمر بتطريز ذهبي خفيف بارز صدرهآ وبايضها الصافي شوق بنبره ساخره: فهوود جوعانه ابي افطر فهد:خلاص بغمض عيوني والا اقولك بقراء باقي الاخبار ..ولاعاد تعودينها في الصباح هههههه شوق تبتسم:زين ماتسوي فتح جريدة عكآظ وانغمس بأخبارها ومساحاتها وهي مسنجمه بفطورها لانها جوعانه مره...بعد فتره من السكوت شوق: غريبه تأخرت بالروحه للشغل اليوم فهد ينزل الجريده عن عيونه شوي: ماني رآيح اتصلت على سلطان اعطيته خبر شوق فتحت عيونها بأستغراب وبنبره مدهوشه:غريبه والله فهد يضحك:والله مادري عنك انتي اذا انشغلنا قلتي ماتهتم فيني واذا تركنا الشغل قلتي غريبه ويش يرضيك علميني شوق ضحكت:ياويل حالي أنآ مارحت الشغل عشاني فهد:ايه عشآنك هو عندي أغلى منك شوق :بعد قلبي انت..أشوف وجهك منور ومبسوط اثاريك ناوي تهجر الشغل فهد :اقول خلصي أكل ترى الساعه 8 ومابقى شي على موعدك شوق ترجع لورى وهي شبعانه:أووف كرهت العيادات والمراجعات والاشعه والتحاليل وكل شي قرف فهد حزن عليها: ماعليه تحملي ويش قلنا حنا بدينا لازم نخلص هالشي اللي بديناه شوق تمسح يدهآ بالمنآديل الورقيه:الحمدلله بروح البس فهد يوقف معه ويترك كل اللي بيده ويمشي لجهتهآ ويمسك يدهآ: يالله عشآن نروح للموعد شوق تضحك :كمل جرآيدك على بال اخلص فهد يشدها ويمشي: عارف اللي ببالك بس أمشي لا أشيلك الحين شوق توقف وتتخصر:أتحدآك فهد لف عليهآ وبنظرة خبث:قدهآ شوق ترفع حآجبهآ وتحط يدهآ على خصرهآ:ايه قدهآ وقدود يابعدي شآلهآ وهو يضحك وطلع فيهآ لجنآحهم
::: ::: :::
في هذآ الوقت وتحديدآ بالجامعه هنآدي : وربي ياعبير قال كذآ عبير بحماس:قلت لك منذ مبطي بس أنتي ماتفهمين هنآدي:اقول اقضبي ارضك واركدي يابنت لاتفضحينا وخفضي صوتك ذآ عبير تمد لسآنهآ:مالت عليك هو في أحلى من الحب هنآدي تلعب بشعرهآ:ياربي عبير ياتبن اقفلي السيره لاتخليني أندم أني قلت لك عبير تضرب هنآدي:وجع يوجعك بس بالله قولي الصدق ويش شعورك حاليا ؟ هنادي حمرت خدودهآ:أممم مدري احس أني متخربطه كل شي فيني تخربط فجأه عبير:عشآنك حماره في أحد يعرف ان شخص يحبه ويتخربط جد جد تأكد انك حماره هنادي صرخت عليها : حمار يرفسك يالدب عبير تطالع البنات اللي لفوآ عليهم وأنفجرت ضحك هي وهنادي عبير: مهبوله بسآمحك هالمره كرمال احبك بس والا جربي تعودينهآ قسم لا انتفك يالبطه هنادي طيرت عيونها فيها: بجد انآ دبه عبير :اشوف اوقفي خليني اتأكد وقفت هنآدي ..ردت عليها: لا والله يجنن جسمك بس صدرك لازمه بوتكس هنادي تخنقهآ:أنطمي وجع في شكلك عبير تضحك:يعني عاجبك كذآ هنادي تنرفزت:عبير اتركي صدري في حاله الله يخليك وأمشي مابقى شي عن المحاضره عبير مشت وهي تضحك على هنآدي اللي صايره على اتفه شي تعصب وتدقق
بمبنى ثآني في الجامعه كآنت تشوف الجدول اللي نزل ومتضايقه منه مره لان فيه ضغط عليها رغد تبعد الكرسي وتجلس بقرف:شفتي الجدول الغبي أسيل شوي وتبكي:شفته حسبي الله ونعم الوكيل بس بنكرف كرف ...بس أحلى شي ان انا وانتي بنفس القروب رغد ابتسمت:ايه هذي الحسنه الوحيده أسيل تمد لهآ كأس عصير بارد:بردي على قلبك ..تدرين عاد متحمسه للعملي رغد رجعت على ورى وهي تحس بشي غريب:نفس الشي عندي بس أحساسي غريب شوي مدري ليه أسيل تضحك:هذآ قلق يالله اشربي وبعطيك سالفه على كيفك رغد تحمست :قولي معي نص ساعه بريك مو أكثر أسيل: طيب يالله أسمعي
كآنوآ طآلعين من الموعد ...مخبيه عيونهآ بنقابهآ الساتر ودموعهآ متعلقه برموشهآ الصمت هو السائد بينهم ...حرك السياره ببطئ وهو متضايق من الكلام اللي سمعه من الدكتوره فهد : شــوق نعم بحده : نعم أيش تبي بعد فهد عقد حوآجبه بأستغراب ولف عليها:خير علامك قالبه علي شوق بتأفف:مالي خلق أتكلم أجل الموضوع لو سمحت فهد يصبر نفسه:ويش مضآيقك شوق بصوت مخنوق: ويش تتوقع مضايقني فهد بحنيه: أذكري ربك ماتدرين وين الخيره لك شوق قامت تبكي:تدري أيش معنى زآد الورم يعني رجعت حالتي صعبه من أول وجديد فهد وقف بسبب الأشاره ولف عليها :شوق ياقلبي تحملي شوي ماكنتِ كذآ جزوعه وين صبرك وأيمانك شوق تلف على الجهه الثانيه وتكمل مسيره بكآئهآ بصمت مبتور تأملهآ وهي تبعد عنه بعض السنتيميترات بحجابها الكامل مو باين منهآ ولا شي بتاتا غمض عيونه وهو يتألم على حالتها اللي كل يوم تزداد سوء اكثر وأكثر فهد:وين ودك نروح؟ شوق : البيت اذا ماعليك أمر فهد :خلينا نغيـ.. شوق تقاطعه:أنا تعبانه وابي أرتاح في بيتي فهد:طيب بوصلك للبيت
ربع ساعه ووصلو للبيت بعد زحمه الشارع الغير عاديه ..نزلت بسرعه ومشت بأتجاه الباب الخشبي الكبير ودخلت اختفت عن نظره اعطى مفتاح سيارته لأحد العمال في الحديقه ولحقها في البيت ..دخل وسكر الباب انتقلت عيونه على الدرج الحلزوني لكنه ماشافها دورها بالدور الاول تاكد انها طلعت لجناحهم طلع بسرعه لها وفتح الباب بهدوء
::: ::: :::
جآت من الجآمعه تعبانه مره دخلت الغرفه ونآمت حتى غدآء ماتغدت رغد :ايش فيها سحر ماتجلس معنا على الاكل تنام واذا صحت تذاكر لين تنام مره ثانيه مهآ ابتسمت:يمكن خايفه على مستوآهآ اذا كانت جوعانه تسوي لها اكل هنادي:وكيف المدرسه يامهاوي مها :زينه الحمدلله اخر الأسبوع راح أرجع بيتي سمر:أفا ياذا العلم ليه بترجعين ؟ مها :زوجي بيرجع لازم اروح انظف وأبخر وأسنع البيت قبل يوصل رغد تضحك:أموت على السنع ياختي سمر:أحس من زمان عن ريم وشهد رغد :شهد كلمتها وأنا في الجامعه مها بأهتمام:كيفهآ ؟ رغد: الحمدلله مآعليها بس تعرفينهآ يوم تعبانه ويوم أحسن هنادي:الله يقومهآ بالسلامه الكل : أمين سمر بعد مآخلصت اكل: تدرون عاد امس قمت من النوم مفجوعه الكل لف عليهآ بأهتمام وبصوت واحد: ليش؟ سمر تتكي على الجدآر:شفت حلم غريب مره بشوق وهنآدي وشهد رغد :ايش الحلم مها بحده:اذا يخوف لاتقوليه مو زين سمر بخوف:بس أنا خايفه أحس قلبي قابضني منه هنادي: هذا كابوس من الشيطآن انسيه وقبل تنامين قولي الأذكار وفكيني من شرك لاعاد تتحلمين فيه سمر:أمممم مهآ أنا شفت أمي تقوم من قبرهآ وتوسع فيه سألتها ليش قالت شوق بتعيش عندي مهآ صرخت : أعوذ بالله منك كم مره اقولك لاتقولين الحلم سمر قامت تبكي:مقدر أنا لازم افسره اكيد له تفسير انا خايفه على شوق وهنآدي هنآدي بدت تخاف:سمور هذي وساوس لاتخليها تسيطر عليك رغد قامت ومسحت على سمر:حبيبتي اذكري ربك وأقري قرآن قبل تنامين وقولي الاذكار وماعاد تجيك كوآبيس هذا زي ماقالت هنادي من الشيطآن سمر اقتنعت بكلامها :طيب مها عصبت وحاولت تمسك أعصابها:سمر حبي اذا شفتي كوآبيس لاتقولي لأحد لآن الحلم برجل الطير واذا قلتيه يتحقق سواء شين أو زين سمر وقفت تبي تهرب منهم:بروح أنام مها ابتسمت لها:اوكي نوم العوافي ياقلبي
:: ::
بهذآ الوقت في بيت يوسف
جاء من الشغل تعبان وشافهآ جالسه تتفرج على مسلسل يوسف جلس جنبهآ وباسهآ على خدهآ : سلآم شهد :وعليكم السلام يوسف يتفحص وجههآ المصفر:كيفك اليوم شهد تغمض عيونهآ:الحمدلله يوسف حط يده على دقنهآ ورفع وجههآ:شهد ويش فيك باين عليك التعب شهد :مافيني شي بس أحس بأرهاق يوسف:قومي أوديك المستشفى شهد :لامايحتآج ..انت تعبان وغدآك جآهز يالله بدل ملابسك عشان تأكل يوسف :خليك مني احسك مو على بعضك صحت من الساعه 9 وهي تحس بألألآم فظيعه تنهشهآ وتقطع أحشائهآ و ظهرهآ وأوجاعهآ تزيد حده كل ساعه:قلت لك مآفيني شي يالله أدخل الغرفه ملابسك على السرير مجهزتهآ يوسف وقف ومشى للغرفه يبدل ملابسه وهي وقفت بكل عنآء ورآحت للمطبخ تحط الغدآء وكل دقيقه تحس بأنقباض حآد يكآد يقتلهآ ويقطع أنفآسهآ ...شآلت صحن السلطه بتحطه على طاولة الأكل طاح من يدهآ وصرخت بقوه من الانقبآض القوي اللي شد كل عضله في جسمهآ يــــــــــــــوووووســـــــــــف كآن طالع من باب الغرفه سمع صوت الصحن اللي طآح وصرختهآ وركض لهآ بسرعه دخل المطبخ وشآفها متمسكه بالكرسي اللي قبالها وتبكي بشده يوسف أرتعب :شهد أيش صار شهد تبكي وتصارخ بسبب الألم الحآد اللي تحسه يذبحهآ:بموت يايوسف بموت آآآآهـ يوسف تلخبط وقرب منهآ وجلسهآ على الكرسي:شنو تحسين فيه شهد تتمسك فيه وتصرخ فيه:آآآآهـ وجع فظيع سآعدني بموت مشى بسرعه للغرفه لبس ثوبه واخذ عبايتهآ وودآهآ لأقرب مستشفى وقلبه ينبض من شده الخوف واطرآفه ترتجف بشده مامرت عليه وانفاسه ضاقت عليه ويحس انه بينخنق
::: ::: :::
فتح الباب بهدوء شافهآ راميه عبايتهآ وشنطتها على الأرض ..جالسه على السرير ودآفنه وجهها بين رجولها وتبكي ..سكر الباب وقرب من السرير ..جلس على طرف السرير وحط يده على شعررهآ ومسح عليه بهدوء فهد: شوق يكفي بكاء كذا تتعبين نفسك زيآده شوق رفعت راسها وصرخت عليه:انت ماتحس ايش القلب اللي جوآتك أطلع برآ مابي أشوفك فهد عقد حوآجبه بحده وقال بصوت عالي:أيش ؟!..مآسمعت اللي قلتيه شوق بعدت عنه واعطته ظهرها:مابي أشوفك اللي فيني كله بسببك فهد مسكهآ مع ذرآعهآ بقوه ولفهآ عليه:هذآ جزآي ياشوق شوق كانت منهاره صرخت بوجهه: كل مالي أقرب من الموت أكثر وانت مو حاس فيني قامت بعيد عنه وشهقت من بكائها الحاد:مآ أضن يهمك زآد عمري وألا نقص لفهآ عليه وبكل قوته أعطهآ كف ...تعلقت عيونهآ فيهآ توقف كل شي فيهآ لثآنيه او لأجزآء من الثانيه فهد بعصبيه: مابقى فيك عقل وصعب التفاهم مع ناس مافيهآ عقل دفها بعيد عنه وطلع برى الجنآح كآنت شبه مصدومه كأنها غائبه عن الوعي ماتخيل ان فهد يتصرف معهآ هذآ التصرف ..سمعت صوت الباب يتسكر وسار على خدهآ سيل من الدموع الحزينه بصمت ...رمت نفسها على سريرها الاحمر الوآسع ضمت وسادتها لحضنها صارت تصرخ وتبكي ...لكن محد يحس فيهآ سواء أكوآم من الجمآدات التي تشاركهآ بعض من الزوآيا نزل منقهر منهآ ومن تصرفاتها معه ضغط بقوه زر المصعد انفتح الباب وطلع وصرخ في الصاله فهد:مــيــــري .....ليـــزآ دقايق وكآنوآ قدآمه اعطهم مجموعه تعليمآت ..طلع وتركهآ وحيده في القصر الشبه خالي الا من التحف النادره والمناظر التي توحي بذوق صاحبها الفريد والرفيع
بآلمدينه
كآن ينتظرهم برى والخوف هو الشعور المسيطر عليه كان يروح ويرجع يروح ويرجع ساعه كامله مرت عليه ماحس فيهآ وهو على هذا الحال وعيونه تحاول تسرق الانظار لكن دون اي فائده وقلبه مع زوجته اللي ملكت كل احساسه تعاني في دآخل هذا القسم من أشد الألأم التي قد تمر فيهآ أي انثى في هذآ الكون..أسودت الدنيا بعينه ضرب الجدآر بكفه سند رآسه عليه وتنهد ..غمض عيونه وأخذ نفس طويل ..ماحس الآ باب غرفه العمليات الاوليه مفتوح ..ركض للدكتور بسرعه يوسف:بشرني يادكتور د:اسف اني ابلغك المدآم حالتهآ صعبه مررره لاتتأمل أن الطفل يعيش لان الولاده متعسره يوسف طلعت عيونه قدآم مسك يد الدكتور:المهم عندي شهد يادكتور د:المدام جاتها ولاده مبكره والحين مانقدر نسوي لهآ عمليه مافي الا اننا ننتظر ونشوف يوسف :يعني ويش مافهمت ؟ د:زوجتك يا أستاذ من الصباح تحس بأعراض الولاده لكنها تجاهلتها وهذا الشي أثر عليها لو جات من بدري ماكآن صار اللي صار الحين مضطرين ننتظر لاتخاف معها دكتوره صباح وان شاء الله تحاول تساعدهآ في ولادتها يوسف جلس على الكرسي وخبى وجهه وكلام الدكتور يتكرر برآسه جلس يبكي .. فجأه طلعت نيرس سعوديه :دكتور ألحق علينا دكتوره صباح محتآجتك ..ركضوآ بسرعه لجوآ القسم وانقفل الباب ورآهم وتركوآ يوسف شبه منهآر من شكل الممرضه اللي يخوف ويبعث على الرهبه حس بقلبه يهوي من بين أضلاعه تذكر كل لحظآتها وهمساتها له
{يوسف } معقوله أفقد شهد معقوله مآعآد اشوفها بهذي الدنيآ ...انا مقدر أعيش بدونهآ ما أتخيل حياتي وهي مو معي ياررب ردهآ لي يارب لاتحرمني منهآ وكون معهآ في أشد لحظآتها حاجه لك
بعد ساعتين كانت مثل الدهر على يوسف طلع الدكتور والدكتوره ..قام لهم يوسف وهو مايحس بأي من أعضائه ينتظرهم يصعقونه بالخبر قرب أكثر من الدكتوره مسح دموعه بطرف شماغه الدكتوره:مبروك جآك ولد زي القمر مشاء الله يوسف حس بروحه ترجع له من جديد همس بصوت يكاد يسمعونه:وزوجتي ؟ الدكتور:زوجتك لازم تجلس في العنايه المركزه ثلاث أيام تحت الملاحظه والطفل طبعا يكون بالحضانه الين يكمل شهره التاسع يوسف:يعني زوجتي بخير الدكتوره ابتسمت له:ايه بس حالتها مو مستقره مجرد ماتستقر نخرجها يوسف فرح بالخبر:اقدر أشوفهآ الدكتور:بس يودوهآ للعنايه تقدر تشوفهآ
مشى من عندهم وفتح جواله اتصل على امه يبشرهآ بالخبر واتصل على ابو مهآ ابو مهآ بخوف:كيف شهد ولدت؟..بس هذا مو موقتها ولدي ؟ يوسف:جاتها ولاده مبكره بس الحمدلله هي بخير ابو مها:مبروك ياولدي وان شاء الله العصر جايكم يوسف:لاتعب نفسك ياعمي بيدخلونها العنايه ابو مهآ شهق من الخوف:ويش عنايه لايكون بنت اخوي بها شي يوسف :لا ان شاء الله ياعمي انا بشوفها وارجع اتصل عليك ابو مها:ماراح اقول للبنات لين تطمني ياولدي تعرفهم راح يتنكدون لو دروآ انهآ بالعنايه يوسف: زين ياعمي ارجع اتصل عليك الحين أنآ رايح لها ابو مها : الله يقومها لك بالسلامه ..مع السلامه قفل من عمه وأتجه لقسم العنايه المركزه ودخل عليهآ حس أنه غلطان اللي قدآمه انسانه ثانيه بتقريب الملامح وجههآ شآحب لدرجه غير معقوله والمغذي بيدهآ واليد الأخرى دم لانهآ نزفت كثير شعرهآ على وجههآ بشكل عشوآئي ..قرب منها وهو مو مصدق اللي يشوفها بعد شعرها عن وجهها وكانت نايمه ..مرر يده على خدها باسها على جبيتها مسك يدها اللي فيها المغذي رفعها بشويش لعند شفايفه وباسها بخفه ...كان جالس عندها ينتظرها تصحى مرت ساعه ونص وهي ماصحت راح للدكتوره وسألها الدكتوره:عادي الالم اللي مرت فيه مو طبيعي عادي لو تنام وقت طويل يوسف: اخاف مخدرينها ؟ الدكتوره ابتسمت:شكلك متزوجها عن حب ماقد مر علي زوج زيك يوسف انرسمت على شفايفه ابتسامه:مو أي حب يادكتوره اخذ من عمري واعطيها الدكتوره:الله يخليكم لبعض ويهنيكم تطمن اخ يوسف ان شاء الله ترجع تحصلها صحت رجع للغرفه وجلس ينتظرها تصحى بعد ربع ساعه فتحت عيونها شهد كانت شبه غائبه عن الوعي:يوسف ..فز بسرعه لها جلس جنبها وباسها: ياقلبه وعيونه الف الحمدلله على سلامتك شهد بدت تستعيد وعيها وتتضح رؤيتها:آآه بطني تألمني كل جسمي يوجعني يوسف:ياقلبي انتي توك خارجه من غرفة الولاده شهد عقدت حواجبها وحطت يدها على بطنها تتحسسها:انا ولدت ؟ يوسف ابتسم لها:ايه وجبتي ولد يجنن شهد مسكت يد يوسف وجلست تبكي ضمها لحضنه أكثر:ويش تحسين فيه ياقلب يوسف شهد تحس بجفاف :عطشانه ابي مويه راح صب لها مويه وشربها بعدها جاب لها اكل عشان تأكل شهد بدون نفس:يوسف شيله عني مالي نفس مو قادره أحرك اي شي بجسمي يوسف يغصبها:لازم تاكلين ياحبي مايصير انتي نزفتي دم كثير شهد:مابي شي ابي أشوف ولدي الله يخليك جيبه لي يوسف: ارتاحي بالأول وراح اجيبه لك ؟ شهد بتعب وترجي:يوسف الله يخليك جيبه أنآ ماشفته يوسف ماقدر يردها:ابشري ياعمري بروح اجيبه بس لاتتحركين لين اجي طلع للحضانه واتصل على ابو مها يطمنه على شهد
::: ::: :::
في بيت ابو مها رغد صرخت ..اما مها جلست تبكي وهنادي وسحر وسمر فرحانين رغد بخوف:يبه شهد كيفها؟ ابو مها:يقول يوسف انها بخير مها تمسح دموعها:ياعمري عليها انا بروح لها ابو مها:اجل البسي بأخذك معي أنا رايح لها رغد: وانا بروح سحر :خساره عندي اختبار ابو مها:انتي ياسحر وسمر وهنادي بكره تروحون ارجعوا ذاكروا واتصلوا على ريم وشوق بشروهم لبسوآ رغد ومها بسرعه وقبل يخرجون مها:هنادي انتبهي لرنيم اوك هنادي:سلموا على شهد وباركوا لها أتجهوآ للمستشفى مع أبوهم
عند شهد ويوسف جآب لها ولدهآ وكآن صغير مره وأحمر كل شي فيه صغير وعيونه مغمضه..شآلته بين يديهآ النيرس: مدآم لازم سوي رضاعه شهد ابتسمت لها: طيب برضعه بس خلوه عندي يوسف:مايصير رضعيه عشان يرجعوه للحضانه نسيتي انه ماكمل الشهر الثامن ولازم يكون بالحضانه النيرس:يس مدام لازم رجع بيبي حضانه شهد:طيب برجعه بس خليه شوي عندي يوسف لف للنيرس:خلاص روحي عشان مدام سوي رضاعه طلعت النيرس وساعدهآ يوسف عشان تجلس شوي يوسف:مرتاحه كذا شهد تحس بالم بأسفل بطنهآ وظهرهآ اللي مآتحس فيه بسبب المخدر: ايه اعطيني البيبي ..أخذته لحضنهآ وباسته وضلت دقايق تتأمله شهد: يوسف شوف كيف يهبل يوسف أبتسم لها وحط يده على كتفها وقربها أكثر لصدره:طالع على أمه اللي تجنن شهد :برضعه قبل تجي هالنيرس وتدوشني طلعت صدرهآ وبدت ترضعه صرخت على طول لف عليها يوسف يوسف:أيش فيك شهد :أتوجع خلاص مابي أرضعه يوسف عقد حوآجبه:اقول شهد رضعيه يالله رجعي صدرك له شهد عبست وتحملت الوجع اللي تحس فيه شوي وأختفى الالم وبدت تبتسم لطفلها بحنآن ماقد حست فيه وعينهآ ماتفارقه أمآ يوسف جنبهآ بعد شوي وصورهآ مع ولدها شهد عبست:يوسف مو وقته يوسف يضحك:شكلك يجنن وانتي ترضعينه شهد :طيب لوسمحت ابي ارضع طفلي ممكن تخلينا لوحدنا يوسف : بدينا انسي بس ...جلس جنبها وباس ولده على خده وطل في شهد اللي حمر وجههآ بعد خمس دقايق دخلت رغد ونزلت راسها على طول رغد اللي ارتبكت من اللي تشوفه قدآمه نزلت رآسها: أحم احم يوسف بعد عن شهد ووقف على جنب:ماتعرفين تدقين الباب رغد فطست ضحك وركضت شهد وضمتها :أنت ماتتركهآ بحالهآ حتى وهي وآلده وتعبآنه .."قربت منه "الحمدلله على سلامتك ياكل دنيتي شهد بحب لهذي الأنسانه اللي تعتبرهآ روحها:الله يسلمك رغد تطالع البيبي:ياناسوو هذا ولدك يجنن شهد:شوفي كيف صغير ...سحبته رغد لحضنها وباسته وبعدهآ باست شهد على خدهآ دخلت مها وأبوها :السلام عليكم الكل :وعليكم السلام ابو مها:الحمدلله على السلامه مبروك ماجاكم يوسف يسلم على عمه ويبوس يده وراسه:الله يبارك فيك ياعمي مها: مبروك يايوسف يتربى بعزك يوسف نزل راسه: الله يبارك فيك تسلمين ابوها سلم على شهد وباسها على جبينها واخذ الولد من رغد وجلس على الكرسي يأذن بأذنه ويقرأ عليه ... اما مها ضمت شهد وباستها وقامت تسألها عن الالم اللي تحس فيه رغد :مبروك يوسف يتربي بعزك وعز امه وعز خالته يوسف يضحك:بدري اول وحده دخلت انتي واخر وحده باركتِ رغد:يوه عاد توي تذكرت يوسف :ماعليش رغد ابي اكلمك برى شوي رغد استغربت وطلعت معه برى الغرفه رغد:خير في شي؟ يوسف: رغد ابي بكره امرك ونروح نشتري سرير لشهد تعرفين تعبانه وبتجي عندكم وابيك بعد تكتبين كل الاغراض اللي تحتاجها هي والبيبي رغد انحرجت:الاول مقدور عليه بس الثاني والله مدري شقولك ما اعرف ويش تحتاج بس بسأل مها وارسلك مسج فيه كل الاغراض يوسف:الله يسعدك يارغد حاولي تكتبين كل شي تحتاجه شهد بفترة النفاس ولا اوصيك عليها رغد: شهد بعيوني لاتوصيني عليها يوسف: نردها لك ان شاء الله رغد حمر وجهها: ان شاء الله في شي ثاني والا ارجع يوسف:لا انا رايح للدكتور قال لي امره رجعت عند شهد وشافتها تضحك اخذت الملف اللي جنب السرير وشافت معدلاتها الحيويه رغد:شهد ضغطك مره نازل لازم تاكلي وكمان عندك فقر دم حاد شهد:يوه رغد ما افتكيت من يوسف تجين انتي رغد قامت تضحك:توه يوصيني عليك والله ما افكك بعدين شوفي كيف صايره صفره مافيك دم اكيد اعطوك ابره شهد:ايه اعطوني مها: رغد دامك دكتوره تدربي فيها رغد :شكله كذا جات النيرس اخذت الطفل وجاء يوسف ابو مها:ليه بيأخذونه ؟ يوسف:لازم يظل بالحضانه اسبوع عشان يخلص الشهر الثامن بعدين نخرجه شهد تحسب:ايوه انا كان باقيلي اسبوع وادخل التاسع رغد :يبه انا بنام عند شهد الليله اكيد تحتاجني يوسف باعتراض:لا يارغد انتي وراك جامعه وطب مو سهل روحي انا اخذت اجازه اسبوعين وبنام اليوم عندها خصوصا انها غرفه خاصه مها: طيب براحتك بس بكره ترى انا بنام عندها شهد:يبه كلم شوق قولها اني ولدت يمكن يجيبها زوجها ابو مها : ابشري يبه
::: ::: :::
الساعه 9 بتوقيت الرياض نزلت تاكل لها شي لانها هلكت نفسها في البكاء من الصباح الين المغرب وبعدها نامت بدون ماحس والحين صحت ميته جوع ...طلبت ميري تسوي لها اكل ورجعت للغرفه تصلي العشاء وتقرا قرآن ..طلعت لها الاكل في جناحهم وبعد ماخلصت اخذت الادويه الجديده وبدت فيها ..طلت في الساعه وكانت 10 استغربت ان فهد مارجع للبيت وتأخر بعدها جلست على الـ tv
أما عند فهد ماحب يرجع البيت تذكر اخته أم ليان مرالسوق يأخذ لـ ليان هديه بمناسبة ولادتها من فتره لكنه هو أنشغل ومازآرهآ هو وشوق ...مر بيت أخته أخذ نفس طويل وانفتحت البوابه الحديديه ودلخخ بسيارته لحديقه قصر أخته ...ثوآني وكان عند الباب فتحت له الخدآمه فهد: وين أم ليان ؟ الخدآمه : ماما مع ضيوف مدام ليان فهد مد لها أكياس الهدآيآ : طيب وصلي لهآ هذي الأغراض قولي من فهد سمع صوت أخته ام ليان بصدمه: فهد ؟..ياحيا الله اخوي حياك تفضل دخل فهد وسلم عليها بحراره: كيفك يام ليان ويش أخبارك ؟ ام ليان : بخير وعافيه انت كيفك وشخبارك من زمان ماشفناك ولامريت علينا قطعتنا اعوذ بالله فهد ابتسم لها : انشغلت تدري كل وقتي سفريات ما افضى ام ليان: حياك تفضل خلنا ندخل بالصاله الداخليه فهد:مابي اعطلك عن ضيوفك ام ليان : لا والله ماتروح ماحسبت بشوفتك يالغالي .. تفضل عشاك اليوم عندي تفضل انت بروح أنادي أمي وندى عشان يسلمون عليك فهد ابتسم لها ومشى للصاله الجانبيه وبعد مسيره طويه وصل لهآ وجلس ينتظرهم جات الشغاله وضيفة عصير بارد ندى بفرحه : فهودي أخوي ..,ركضت له وضمته بقوه فهد "ياحبي لك ياندى والله انك أبرك العائله كلهآ":كيف حال قمرنآ ندى:بخير انت كيفك وينك ماصرنا نشوفك انت وزوجتك يالقاطعين فهد:مشاغل ..جات خالته وسلمت عليه ام رياض:يمه شخبارك والله اني مشتاقه لك فهد يبوس يدها:تشتاقلك العافيه ام رياض:وينك يايمه لاحس ولاخبر مايصير اللي تسويه فهد ابتسم لها: الدنيا الهتني ياخالتي ام رياض:قولي يمه ليش طلقة رزان واختفيت من بعدها ؟ فهد عقد حواجبه وتغير مزاجه وبدأ يعصب:خاله لاتجيبين لي سيرتها اصلا زواجي منها غلطه ندى بكره:احسك وقتها مو بعقلك او انك مستخف والا ذيك الحيه أحد يتزوجها ولا بعد مرتزه جوآ عند ليان مسويه رآعية وآجب امها بتهديد: ندى ماتعرفين تسكتين فهد يضحك:خليها تطلع اللي بقلبها ندى:اقول فهد مشتاقه لشوق شخبارها ؟ فهد : بخير الحمدلله مادرت اني جاي هنا والا تجي
ام رياض:والله مبطين عنها ياولدي جيبها خلنا نشوفها فهد:أبشري ياخالتي ان شاء الله بجيبها لليان وانتي بعد زورينا ماعمرك جيتونا ندى:حنا ندري عنكم انتم بالرياض والا على كوكب الأرض اصلا فهد انطلقت منه ضحكه رنانه: هههههههههههههههههه ندى : ياباسط ماقلت شي يخليك تكركر كذآ ام رياض توقف :بروح أجيب لك بنت ليان تشوفهآ بعد دقايق جآت ليآن ومعهآ بنتهآ ...كآنت لابسه قميص وردي مزين بدانتيل سكري وبنتهآ نفس لبسهآ وورآهآ الشغاله الخاصه فيهآ تساعدهآ ليان تسلم عليه بشوق وحراره:مشتاقه لك ياخالي فهد:والله حتى انا ياليان مشتاق لجلستكم ليان تمد "ريتال" بنتها وابتسمت لفهد فهد يشيلهآ : بسم الله مشاء الله ويش هالزين والحلا تهبل الله يحفظها لك ليان :عيونك الحلوه ياخالي أم رياض:عقبال ما اشيل عيالك بين يدي ياولدي وافرح فيهم فهد ( آآآخ ياخالتي لو تدرين ان شوق مريضه وكل اللي ابيه بهالدنيا انه تتشافى ) :الله يسمع منك ياخالتي ندى: فهيدآآن شد الهمه وجيب لنا واحد مزيون مثلك يطيح قلوب البنات فهد :ههههههههههه ابشري ليان:شوف خالي اذا جبت ولد تزوجه بنتي المثل يقول اخطب لبنتك قبل ولدك فهد ضحك من قلب على كلامهم :خلاص تم طلع من محفظته ثلاث ألآلآف ريال وحطها جنب ريتال وبعدهآ قام وأعطاهآ ليان وباسها على خدها ومد لهآ كيس فخم يحتوي على علبه فيها عقد المآس ليان :ليش كلفة على نفسك ياخالي فهد :لا كلفه ولاشي اذا مااهديتلك انتي وبنتك أهدي لمين دخلت ام ليان : ماتقصر ياخوي عساك على القوه ان شاء الله فهد: أنا استئذن تأخرت على البيت ..توصون على شي الكل :سلامتك ندى:سلم على زوجتك القاطعه ام رياض وام ليان:خلها تزورنا فهد ابتسم لهم وهو يودعهم : ابشروآ اشوفك على خير ...طلع من عندهم وسكر الباب القصر ورآه شآف رزآن واقفه على جنب تنتظر سوآقها مع امها ام رزان:هذا الواطي طليقك رزان كانت كاشفه وجهها لعلمها ان فهد موجود وتمنت انها تشوفه بالصده وتحققت امنيتها ...تلاقت عينه بعينها حس انه توتر وبدأ يعصب بس من مجرد شوفتها قدامه ..نزل الدرج بيمشي لسيارته رزان : السلام لله فهد بدون نفس: السلام عليكم رزان وامها: وعليكم السلام رزان: كيفك يافهد فهد بدون مايلف عليها كان واقف: زي ماتشوفين بألف خير ام رزان:دامك مع حية التبن اكيد بتكون بخير لانك تبيها ياحسرتي على بنتي اللي رميتها زي الخرقه الباليه فهد عصب: أسئلي بنتك عن سواتها الشينه بعدين استحي على وجهك انتي وبنتك ولاتضنون اني غبي وتمشي حركاتك الغبيه علي رزان: سبحان الله غيرتك السحليه ذيك مدري ويش عاجبك فيها فهد: ابرك منك مليون مره ..استئذن طنشهم ومشى لسيارته وهو حاس نفسه مخنوق من شوفتها هي وامها ومشى بسرعه متجه لقصره ...اخير دخل حدود قصره نزل يلف شوي بالحديقه قبل مايدخل القصر ينتظر وقت نومها عشان يتحاشى أي احتكاك معها ممكن يأزم الأمور بينهم أكثر طالع ساعته اللي صارت 12 ونص ..طلع لجناحهم فتح الباب وشافها جالسه على الأريكه تقرأ مجله وتتابع برنامج تضيع فيه طفشها وتغير جوها المشحون ..رفعت راسها وشافته قبالها دخل على طول قسم الملابس ودخل الحمام اخذ شور سريع ولبس له بجامه قطنيه شافته ماشي بأتجاه السرير متجاهلها تماما رجعت تتابع برنامجها وكأنه مو موجود أبدآ بعد ساعه طفت التلفزيون والأضاءه ورآحت للقسم الثاني وشافته شبه جالس على السرير كانت تضن انه نام لكن انصدمت لما شافته صاحي ..قربت وانسدحت في مكانها واتحلفت بالشرشف طفت الابجورآت فهد:بعدك زعلانه ؟! ماردت عليه وطنشته لانه قهرها لما ضربها كف وهو عارف ان نفسيتها كل مالها في تدهور مستمر ...عرف أنها تطنشه وماتبي ترد عليه انسدح بعد يوم متعب وشاق تفكيره محصور فيها وبنفسه وحيآتهم الغريبه
{فهد} مابقى بعمري شي المصايب تجيني ورى بعض شغلي وأعمالي وحتى حياتي الخاصه مشاكلها تكبر اكثر...ودي أكون عائله ابي أشوف عيالي يكون عندي بنات وأولاد ارجع من شغلي ألعب معهم وأسافر وأستمتع بتربيتهم ...طول عمري وحيد تزوجت أمي وتركتني عايش لحالي بين المربيات وجابت باسل وتركته يعاني مثلي ولكن بمعاناه أقل مني جدي ماقصر علي بعرف العز والاموآل هذي كلها بتروح لمين بعدين ؟..اشتغل واتعب وأكون ثروه وكلها مالها وريث أخوي ابوه مستشار وجدي كون له جزء خاص فيه وانا احترفت بالتجاره وصرت رج أعمال مشهور بس كلها مافادتني بشي ..تزوجت وانا نآوي أنتقم منهآ وأعذبها وأذلها لكن تغيرت حياتي من دخلت فيها خلت لها طعم ولون تعذبت معها لكن ارتاح بقربهآ مقدر أحملها شي هي مو قده هذي قسمتي معها أننا نعيش محرومين... أحبها وأحترمهآ لكن أحيان تقهرني بتصرفاتها اللي مالها مبرر الله يصلحك ياشوق تعصبيني وتخليني امد يدي عليك وأزعلك
مقدر يظل جنبهآ وهو يحس بتأنيب الضمير ...قام ورآح لغرفه ثانيه عشآن ينام ويرتاح لانه لو جلس عندهآ مستحيل ينام وراح يظل طول الليل يفكر فيهآ رآقبته لين طلع من جناحهم قهرها تصرفه ..جلست تبكي ضمت وسادته ودموعها بللتها
{شــوق} ليه يافهد تقلب علي فجأه بدل ماتخفف عني تزيد أوجاعي ...عشقت وحبيتك لكن للأسف كل يوم تطعني أكثر ..لو حضنتني سآمحتك وأعتذرت منك بس تصرفآتك غريبه أكره غرورك وغبائك ..مآشفت بحيآتي مثلك ولآ رآح أشوف غيرك أحبك وربي أحبك
غمضت عيونهآ وقامت تبكي أكثر دفنت وجههآ بوسآدتهآ البارح كآن يقآسمهآ الفرآش واليوم تركه لهآ خالي ...بكت على حظهآ وندبته مليون مره مرت ليلتهآ طويله مؤلمه وكئيبه لأن عشيقهآ المتفرد بحبهآ له أبتعد عنهآ وتركهآ وحيده تعاني من قسوته وجفاه لهآ
::: ::: :::
صبآح اليوم الثاني
كل شخص مشغول بنفسه ودرآسته عبير: مبروك هنوده الف مبروك هنادي والبسمه على شفايفه الورديه:الله يبارك فيك حدي ولهانه أشوفه عبير تدقهآ :يؤؤؤؤ كل هذآ لهفه اصبري شوي بتجي عندكم وتغثكم هنادي:هههههههههه اي والله ماكذبتي عبير: بشري مآ اتصل أمس ؟ هنادي ميلت فمهآ: لالالا عبير ضحكت: هههههههههه الله لايبلانا اركدي مسكتي طرف الخيط اصبري بتشوفين بعدهآ النتيجه هنادي لفت عليها وقالت بأهتمآم:عبير تهقين ان اللي قلت لك عليه يصير عبير :شوفي هنادي هذا احساس ممكن يصيب ممكن يخيب هنادي :يمكن بس كل الأشياء تخليني متأكده من أحساسي مليون بالميه عبير :انتي أدعي واللي فيه الخير بيصير ماتدرين الخيره وين هنادي تتنهد وتغمض عيونها:احسك تقولين دُرر ..تدرين عبوره احس اني أحلم بس أخاف اصحى من الحلم على وآقع مر وصعب عبير : تفائلي بالخير ولاتسيطر عليك الوساوس هنآدي ضحكت : صايره غريبه هذي اليومين عبير :قومي نروح نتمشى مليت من الجلوس هنآدي توقف : مشينآ
بزآويآ ثانيه { سحر } أنآ ضايعه مشتته ماني قادره أركز بأي شي خايفه أتخذ قرآري وأندم في الأخير ..واخاف اضيع هذي الفرصه من يدي واكون خسرت خساره فادحه في حياتي ...استخرت كثير بس أحس ماني قادره أعرف ميولي ..هو اثبت لي صدقه وخطبني بس متردده ...آآآه ياربي ويش أسوي انا لازم اقرر خلاص وأعطي عمي الجوآب يآ أيه أو لا صحت من سرحانها على صوت رغد وأسيل رغد: وين وصلتي ياعسل سحر رفعت رآسها وأبتسمت لها:قريب ياقلبي ...بشري أسيل :خلاص من بكره بنروح على المستشفى ونتدرب سحر :الله يوفقكم يارب رغد تمد لها عصير:تفضلي سحر بحب:الله يخليك لي يارغودتي رغد : امين يارب أسيل : تدرون أغبطكم على علاقتكم احس علاقتكم أقوى من الأخوه وبينكم حب وتفاهم رغد تضحك: ياحبي لك يعني تصير مشاكل بس خفيفه أسيل المشاكل ملح الحياه اتمنى عندي خوآت كثيرات مو وحده ومتزوجه بعد رغد وسحر:ههههههههههههههههههه سحر: لو تدرين ان طول اليوم مناقره وهواش على الفاضي والمليان اسيل:اسمه عندك احد كرهت اني اخر وحده متى اتزوج وافتك رغد: غني ياليل ما أطولك سحر توقف:يالله شوي وتبدا محاضرتي سيو
بآلمستشفى يوسف :هلا يمه حيآك ام يوسف : مبروك يمه مبروك ماجاك يوسف:الله يبارك فيك يالغاليه ام يوسف تسلم على شهد وتبوسها: كيفك ياشهد شهد والتعب باين عليها: الحمدلله ياخالتي بخير ام يوسف:يمه وجه زوجتك مصفر يوسف: ايه فيها فقر دم واليوم بيحطون لها كيس بعد ام يوسف: الله يقومك بالسلامه يابنتي عاد لما تطلعين تجين عندي فترة نفاسك شهد : لا ياخالتي بروح عند خوآتي مابي اثقل عليك ام يوسف:انتي مرة ولدي ولازم اقوم فيك خواتك يدرسون ماهم فاضين لك شهد بعناد:لا ياخالتي هم مجهزين لي الغرفه واغراضي كلها هناك ويوسف بيجيب لنا شغاله شهر من المكتب يعني الحمدلله مافي شي ام يوسف: على راحتك يابنتي بس ترى كل يوم وأنا عندك..وانت يمه كل اللي تحتاجه مرتك تجيبه لها مو تهملها يوسف:افا عليك يالغاليه هي بعيوني وقلبي ام يوسف: ويش بتسمون الولد شهد ويوسف بنفس الوقت: مشاري "طلوا ببعض مستغربين هي ماشاورته وكانت مخبيه عليه جنس الجنين وهو كان يبي يفاجئها ويقولها انه يبي يسمه مشاري لانها كانت متعلقه بميشو الله يرحمه " ام يوسف: أجل متفقين على الأسم شهد تضحك: ايه خالتي متفقين أم يوسف:وينه مشاري ابي أشوفه يوسف: بالحضانه مانقدر نطلعه عشان الفيروسات وهو مناعته ضعيفه اسبوع ويخرج ام يوسف: اهم شي أنه بخير وعافيه شهد: أقول يوسف مآقالوآ متى أخرج يوسف: أحتمال بكره أوبعده شهد: على خير أن شاء الله
::: ::: :::
على طاري ,, صباح الخير[ وكوب القهوه المرّه !! فـ بٌعدك : ماعرفتالخير ,, و لاصبّحت .. بـ المرّه !!
أخذت لهآ كوب حليب وطلعت للحديقه وجلست قريب من المسبح طول الليل مآنآمت تفكر بفهد وبنفسهآ وحيآتهم التي تزيد سوء ...أنتبهت لنغمه جوآلهآ شوق : هلا وغلا بمهآوي مهآ:صباح الخير شوق: ياصباح النور ..كيفك حبي مها:بخير انتي كيفك ؟ شوق:الحمدلله كيف خوآتي شخبارهم مهآ: كلنآ بخير دآقه ابشرك أمس شهد ولدت شوق انتفضت وكأن كهرب لمستهآ:ايش تقولي شهد ولدت ؟ مهآ:اي هي بخير وكمان طفلها شوق نزلت دموعهآ:بس هذآ مو شهرهآ شلون ولدت مهآ: ولدت زي كل بنت ماتولد ايش فيك ياشوق بعدين هي بالثامن وعلى أخره والحمدلله قامت بالسلامه شوق صارت تبكي:اكيد صار معهآ شي اللي خلاها تولد بدري مها:شوقه وربي مافيهآ الا كل خير بس حست بألم وأنتهت شوق: مهآ لا أوصيك عليهآ حطيهآ بعيونك مهآ:ابشري مابقصر عليها بس قلت اتصل اقولك ..يالله انا في المدرسه الحين مع السلامه شوق قفلت الجوال وبدت تبكي اكثر وأكثر ...حست بأحد ورآهآ فهد: خير مين كان يكلمك ؟ شوق رفعت راسها ومسحت دموعها: محد فهد:سمعت كل شي ويش فيها اختك "سحب الكرسي وجلس " شوق:اختي شهد ولدت وابي اروح للمدينه فهد يفتح الجريده :مبروك بس الروحه أجليها شوي لما اخلص اشغالي وأوديك شوق:متى بالتحديد؟ فهد: مدري على حسب شوق مسحت دموعها وكملت كوب الحليب اللي في يدها وهي تتأمله وهو يقرأ بالجريده ويشرب من كوب الكوفي حقه ..وقف بيمشي لف عليها ووقفت فهد: تبين شي؟ شوق :سلآمتك فهد :مع السلامه ...مشى لحد الباب الزجآجي شوق بلهفه: فهد رآح تجي على الغدآء فهد : لا ...مشت بأتجآهه وهو مشى لدآخل القصر ولحقته بسرعه شوق: يعني أتغدى لحالي فهد بينهي الموضوع :أيه شوق :طيب ماراح ترجع ترتاح فهد :برضوآ لا ..مع السلامه "طلع وسكر الباب الخشبي الكبير ورآه "
شوق انقهرت منه (معقوله مافهم قصدي الآ اكيد فهمه مو غبي لهذي الدرجه بس نآوي يجفاني ..هين يافهد أنا أوريك ) طلعت الغرفه وحدهآ معصبه من تصرف فهد معآهآ جلست بالغرفه وطلعت جوالهآ وأتصلت على شهد شهد :هلا وغلا شوق:السلام عليكم شهد بلهفه: وعليكم السلام شوق تهدج صوتها:الحمدلله على سلامتك ياقلبي شهد: الله يسلمك شوق: بشريني كيف صحتك شهد : بخير...آه ياشوق ماتوقعت أن الولاده كذآ شوق نزلت دموعهآ على خدهآ وارتسمت ابتسامه على شفتهآ من كلام شهد:ليش على بالك لعب أطفال شهد تضحك: كنت متوقعه ألم لكن مو كذآ وربي شفت الموت ماظنيت أني أعيش شوق:بسم الله عليك من الموت لاتقولي كذآ شهد :انتي أخبارك ويش مسويه بحياتك شوق: الحمدلله على حطت يدك ماتغيرت شهد :شوقه صوتك مو عاجبني فيك شي شوق تضحك: كنت ابكي عليك شهد :الله لايحرمني من طيبتك ومن قلبك الكبير فديت قلبك لاتشيلين همي انا بخير شوق :يالله لاتتعبين عمرك وانتبهي لنفسك زين شهد: أن شاء الله شوق : مع السلآمه ياقلبي شهد: مع السلآمه غمضت عيونهآ بعد ماحطت الجوآل على الكمودينه وتذكرت كآبوسهآ اللي دمرهآ كآنت تعاني كثير لحالهآ محد كآن يشاركهآ ألامهآ حتى أصعب لحظآت حيآتهآ خسرت أبوهآ وقطعه من روحهآ حتى وأن كآنت حرآم شوق(يوم كآن بالحرآم مآبغيته ..يوم صآر بآلحلآل بغيته يآرب فرح قلبي بطفل يملي علي حيآتي وأهديه أحلى أوقاتي يآآآرب ) بعد مآتعوذت من الشيطآن قامت ورتبت غرفتهآ وغيرت شرشف السرير كالعاده وفتحت النت تشوف جديد الصحف هذآ الصبآح وبعدهآ أخذت تتجول بين المنتديآت وتضيع وقتهآ بشي يفيدهآ ويغير جوهآ البآرد ...مآحست بنفسهآ الا يأذن الظهر قآمت وتوضت وصلت بعدهآ قرأت حزبهآ اليومي من القرن الكريم والأذكآر طوت سجآدتهآ وحطتهآ في مكآنهآ وقفت قبآل المرآيآ تتأمل وجههآ الصآفي وخدودهآ المتورده حست بشوية حر قررت أنهآ تأخذ لهآ شور يروقهآ ويبرد عليهآ
أمآ عنده {فــهــد} خلصت كل أشغالي بدري اليوم ..الوآحد اذا كآنت معصب يخلص كل أشغاله بسرعه مآ يتوقعهآ ابدآ ..طيب الحين بجلس في الشركه لحالي لالا لازم ارجع البيت أتغدى وارتآح شغل اليوم ماعآد بقى منه شي ..تذكرتك يآشوق فآهم أنك تبين تتقربين مني بس مو بذي السهوله أسامحك على كلامك وأتهآمتك بكل الأحوال لي طلع جواله من جيبه وأتصل عليهآ ..وقتها كآنت خارجه من الحمام وتنشف شعرهآ راحت لجوالهآ وأستغربت اتصاله عليها شوق : الو فهد:السلام عليكم ؟ شوق:وعليكم السلام فهد: جهزي الغدآء الساعه 2 اكون في البيت شوق:زين اللي تأمر فيه فهد: مع السلامه قفلت منه وهي تحس بجفافه وتتوعده في نفسهآ ...طلت في شكلهآ كان باقي ساعه الا ربع على وصوله يادوب تسوي اللي في رآسهآ
::: :::
في المدينه تحديدآ في بيت أبو مهآ على سفرة الغداء هنآدي :دآيخه والله مآ أشوف من الحر بحط رآسي وأنآم سحر: نسيتوآ اننآ بنروح لشهد سمر: بس مو قبل المغرب نروح لانهآ بجنآح الخاص مهآ:يالله أنتم نآموآ الحين ولما تصحون نتفق رغد تقوم عن السفره: الحمدلله ...يالله بروح أنآم هنآدي تشيل صحون السلطه :وأنآ بعد بغسل الاوآني وانام سمر تساعدهآ بسرعه عشآن تنآم وترتاح بعد المجهود اللي بذلته أمآ مهآ كانت تجهز غرفة شهد لما تطلع من المستشفى وتكون جاهزه ..بعدهآ راحت تاخذ لها غفوه هي وبنتها
نرجع للرياض التي تجمع أقوى قلبين في اوراقنا كآنت بغرفتهآ سمعت صوت البوري "الزمار" لسيارته قربت من الشباك الزجاجي الكبير وبعدت الستاره التي تحول بينها وبين رؤيته .. رآقبته لما اعطى المفتاح لأحد خدمه في قصره الكبير شافت ملامحه الحآده حتى وهو تحت الشمس بنظارته السودآء المغطيه معظم ملامحه خلفهآ دخل القصر ركضت للمرايا تعطرت وغرقت نفسهآ فيه وهي تلقي أخر نظره على شكلهآ الفاتن طلعت من الغرفه وسمعته يكلم ليزآ فهد : طالع اغير ملابسي ابي انزل واحصل الغدآء جاهز اوكِ ليزآ :أوكٍ سير وقفت على أول الدرج الحلزوني بعدت شعرهآ البني اللي مجعدته ورآفعته من قدآمه بنفخه خفيفه ركزت عيونها فيه وحست أنه رآيق مو معصب شوق وهي بمكآنهآ: مسآء الخير رفع رآسه لمصدر الصوت المرتفع شآفهآ وآقفه على بدآية الدرج مشى للدرج وبدأ يخطي اول خطوآته عليه فهد: مسآء النور ..تفحصها بنظرآته اللي شوي وتأكلهآ كانت لابسه بجآمه برمودآ عودي سآتآن مفتوح من عند الجوآنب وعلى طرفه فيونكه سكري صغيره وبدي عاري سكري فيه تطريز فخم بالعودي وشعرهآ مجعدته بعشوآئيه وحاطه ميك أب بسيط وروج أحمر لآمع وبلاشر مشمشي وريحه عطرهآ تفوح بكل المكآن شوق: احط لك الغدآء فهد يتعدى من جنبهآ وكأنه يتجاهلها:ياليت شوق : طيب لاتتاخر عشان لآ يبرد ...نزلت وضغطها مرتفع منه ومن بروده اللي يتصنعه دخلت غرفه الطعام وجلست على الكرسي وعصبيتها مجنونه ميري حطت جنبهآ صحن صغيره عليه دوآهآ وجنبه كوب مويه شوق ابتسمت لها: ميرسي ميري ميري: مآمآ انت وآجد حلو زي ماما نسرين شوق حطت يدها على خدها اللي حمر من الأحراج وبدآخلها فضول: ماما نسرين كان حلو ميري: مره كآن حلو زي بابا فهد بس بابا فهد في أسمر شوي ماما لا شوق ضحكت:عندك صوره لها ؟ ميري تهمس لها:يس في صور كثير بعدين يروح بابا انا في جيبي بس هو مافي يعرف بعدين في عصب كسر بيت شوق ابتسمت: طيب خلاص يالله جيبي الغدآء ميري بعد عشر دقايق اكتملت السفره بوجبه الغدآء طلت في ساعتها حسته تأخر ثوآني مرت ودخل سحب الكرسي وجلس بهدوء شوق : تبي كبسه ؟ فهد يطالعها وهو مستغرب تصرفاتها:أيه وحطي جنبها سلطه ...حطت له طلبه ومدته حطت لنفسهآ وجلست شوق: بسم الله ...بدأت تأكل وهي تتنحرق من نظرآته اللي ماتغيب عنهآ وكأنه فريسه قدآمه وهو يفكر كيف يفترسهآ شوق تبي تقطع توترها والصمت:غريبه قلت انك مو جآي للبيت ايش اللي غير رآئيك فهد ببرود يطالع في صحنه:خلصت شغلي بدري قلت اجي أتغدى وأرتاح في مكان رآحتي شوق: أنآ قلت غريبه كيف تخليني أتغدى لحالي مو من عادتك فهد بيقهرها: لو ماخلصت شغلي كان ماشفتيني هنآ عرفت انه يبي يقهرها طنشته وكملت أكلهآ بعدهآ اخذت دوآهآ ووقفت شوق: بروح أنآم عن أذنك .. مشت وعينهآ في عينه وقفت قبل تطلع شوق:شآيف شي غريب قدآمك ؟ فهد أبتسم:لآوالله بس مبطي مآ شفت هالقوآم الرشيق بذآ الشكل شوق رفعت حآجبهآ:هو أنت شآيفني أصلا طنشته ومشت لغرفتهآ بدون مآتزيد أي كلمه ...فتحت باب غرفتهآ حست بدموعهآ مجتمعه في عيونهآ لكنهآ تمآلكت نفسهآ ومآسمحت لدموعهآ تتمرد وتسقط بسبب شي او اللأشي جلست على طرف السرير وهي تخمن أنه بيلحقهآ أو بيتركهآ شوق( ماراح احسسه أنه كل دنيتي لازم هو يركض ورآي مو أنآ أركض ورآه كذآ راح يحس بضعفي ويذلني بحركته كل مآزعل مني ويأخذهآ طبع من اطبآعه الي تعذبني) صحت على صوت الباب ينفتح دخل وسكره ورآه فهد وقف عند قسم الملابس نزل بلوزة البجامه ومشى بأتجآههآ ...أمآ هي جلست في مكآنهآودخلت رجولهآ تحت الشرشف وسحبته لنص بطنهآ فهد :صحيني الساعه 5 شوق : هذ أذا أنآ صحيت ...أنسدحت وهي خايفه من ردة فعله عليهآ أنسدح في مكآنه بدون مآيرد عليهآ بعد دقايق قال:مو من عادتك تنامين الظهر شوق تطالعه بنص عين: عاد اليوم نعست عندك مآنع فهد ضحك:ليه أمآنع ودي تنآمين جنبي بذي الكشخه اللي تخلي الوآحد يحلم بأشياء حلوه شوق بحده: وقــح فهد عقد حوآجبه:خير ان شاء الله ليش وقح ؟ شوق تصر على اسنآنهآ:مدري عنك شوف قصدك ايش؟ فهد قرب منهآ وحط اصباعهآ على رآسهآ:شسوي لك أذا هذآ"يقصد تفكيرهآ" خربان شوق عصبت:خربآن ..الحين تفكيري خربآن ..دفته على صدره بعيد عنهآ فهد صرخ بحده: آآآه أوجعتي قلبي شوق بسخريه: أفا انا الرقيقه اوجعتك اجل ويش فايدة ذي العضلات والا بس منظر بدون فايده فهد رجع انسدح في مكآنه وهو ماسك نفسه لا يضحك عليهآ:والله عاد منظروالا غيره عاجبتني شوق تلف عنه وتعطيه ظهرها:زين ادوشت رآسي ابي انآم رجاء اسكت فهد يسحب الشرشف ويحوسهآ فيه:طيب فكيني من شرك ماتشبعين نكد انتي شوق جلست وبعدت الشرشف وشعرها ووجهها احمر:أنآ اللي ما أشبع نكد وألا أنت ؟ فهد جلس قبالها:طيب فهيني ويش أرتكبت عشآن تنقلبين علي؟ شوق جلست على ركبهآ ولمت شعرهآ على جنب وقربت منه حيل وخدهآ قبال وجهه شوق:وهذآ أمس شنو سويت فيه والا ماتذكر؟ فهد بآسهآ بقوه على كآن الكف: كذآ سويت فيه شوق بعدت بسرعه عنه وقالت بحده:تستهبل حضرة جنابك فهد يضحك:شنو أسوي لك طيب ؟ شوق:لاتظن أني بنسى كفك أو نومتك أمس برى ذآ المكآن فهد عقد حوآجبه:زين لاتنسين برآحتك اذا علي نسيت كلامك لي ولا أخذت عليك لانك تعبانه شوق تتخصر:صدق والله فيك الخير فهد احتد صوت:شوق تسنعي وأنت تكلميني شوق تميل فمهآ:فهمني ليش أمس تركتني لحالي فهد : لآني لوجلست رآح تزيد الطين بله اعرفك اذا اخلاقك خايسه تدورين اي شي عشان تتمشكلين فيه قلت ابعد انتي ترتاحين وانا بعد ارتاح من كلامك اللي ترمينه علي بدون رحمه شوق حنت عليه: بس عشان كذآ فهد :بعدين شلت همك عشان مديت يدي عليك شوق تقلب عيونهآ:ايه صح مو أنت متى مآطن برآسك كفختني ...شوف فهد أنا اتحمل اي شي منك الا شي وآحد ما اقدر اتحمله فهد ضحك:عارف اني امد يدي عليك بس انا اذا عصبت مآ أحس بتصرفاتي شوق بدلع:يهون عليك تضربني فهد ابتسم لهآ يموت عليهآ وعلى غنجهآ ونعومتها:لآ والله مآيهون علي يأميرتي أمد يدي عليك عساها للقص شوق بخوف قربت منه وضمته: بسم الله عليك لاتقول كذآ على نفسك فهد يلف يديه عليهآ:يعني صافيه لبن شوق ضحك: عسل يآ قشطه
::: ::: :::
العصر الساعه 5 ونص صحوآ البنات
سمر: متى نروح لشهد ؟ هنآدي: بعد المغرب نصلي ونروح سحر: أيه عشآن لمآ نرجع يكون عمي موجود هنآدي: ليش ويش تبين بأبوي ؟ سمر ابتسمت بخبث:لايكون وآفقتي على معآذ سحر توردت خدودها:مالك صلاح سمر نقزت:شفتي أني اكشفك على طول هنآدي بفضول:يعني وآفقتي والا لا بسرعه جاوبي سحر:الشور شور عمي سمر تضمهآ:يعني موآفقه بلا في شكلك سحر تضحك وتبعدهآ لآنها خنقتها:بعدي بتقتليني هنادي تبتسم وتبوس سحر:الف مبروك الله يقدم لك اللي فيه الخير سحر من قلب قالت: عقبالكم ياررب دخلت مهآ وهي تشوفهم مبسوطين وفرحانين:دوم الفرحه بس شنو السبب؟ سمر:سحر وافقت على معاذ مها فرحت :صدق سحر متأكده من قرآرك سحر هزت رآسها بالأيجاب وزآد أحرآجهآ ...قآمت من عندهم ورآحت للغرفه تكلم ريم اللي لهآ فتره ماكلمتهآ ريم:أحلفي ..مآني مصدقه أنك وآفقتي سحر :ههههه لاصدقي ريم :نفسي أصرخ من الفرحه مابغيتي سحر تضحك:خلاص ياختي لآ أتراجع عن قرآري ريم بسرعه ولهفه:لالالا ماصدقنا ياختي من زمان مافرحنآ هذي شهد ولدت من جهه وأنتي وآفقتي من جهه سحر:ياساتر اذكري ربك لاتطقينا عين ونتدهور ريم : بسم الله علينا اللهم صلي على سيدنآ محمد لاتتفاولين علينا سحر:أقول متى بتجينا ترى لك اسبوع ماشفنا وجهك ريم :خلاص بطلب سيف واردلك خبر سحر بعصبيه: ياحبكم لأخذ الأذن اووف بس يالله بروح اتجهز قبل يروحون عني ريم:باي
صحت رغد على أزعاج خوآتها معصبه رغد تصارخ على سمر: يعني الواحد مايرتاح في نومته أووف يآآآه سمر خافت منها لانها اذا صحت من النوم تكون شرسه مره:لابس ادور اغراض لشهد في درجها رغد تغطي رآسها ببطانيتها:اخلصي علي ولاتزعجوني ابي انام وراي مذاكره تهد الحيل وطلعه للمستشفى من بدري سمر: أيه نسيت ان بكره يبدأ التدريب يالله خلاص ماعاد نزعجك الأغراض واخذتهآ رجعت للصاله بعد مآسكرت باب غرفة رغد وأخذوآ الأغراض اللي موصيتهم عليهآ هنآدي:يالله تأخرنآ سحر تلبس عبايتهآ هي وسمر ويلحقوهآ للسياره
