almrsal 6y0f

دورة فى ال GSM كاملة ان شاء الله

الموضوع في 'قسم تبادل الخبرات الهندسية' بواسطة bossnemo, بتاريخ ‏فبراير 16, 2008.

  1. araesh2

    araesh2 New Member

    إنضم إلينا في:
    ‏أغسطس 6, 2008
    المشاركات:
    4
    الإعجابات المتلقاة:
    0
    نقاط الجوائز:
    0


    Mashallah ... Rbna yazedek men el3alm 2d ma bet2deer ... 3anjad Roo3ah

    Keep Going

    Allah ma3oooo
     
  2. Sayed.G

    Sayed.G New Member

    إنضم إلينا في:
    ‏أغسطس 12, 2008
    المشاركات:
    3
    الإعجابات المتلقاة:
    0
    نقاط الجوائز:
    0


    شكرا جدا جدا جدا وياريت شرح OFDM
     
  3. yassersgad

    yassersgad New Member

    إنضم إلينا في:
    ‏يوليو 2, 2007
    المشاركات:
    2
    الإعجابات المتلقاة:
    0
    نقاط الجوائز:
    0


    احب اشكر اولا الاخ بوسنيمو على الشرح الاكثر من رائع ده و يا ريت يرفع لنا الكتب و البوربوينت اللى بيستخدمها علشان اللى محتاج الحاجات دى بسرعة و لو حتى يرشح لنا بعض الكتب و احنا نبحث عنها و انا باشكره جدا(inlove)
     
  4. heba512

    heba512 New Member

    إنضم إلينا في:
    ‏أغسطس 21, 2008
    المشاركات:
    2
    الإعجابات المتلقاة:
    0
    نقاط الجوائز:
    0
    مكان الإقامة:
    مصر


    جزاك الله كل خير و وفقك ف كنت فى امس الحاجة الى هذة المعلومات الله يبارك فيك

    ونحن فى انتظار المذيد...........................................:gift:
     
  5. amira1982

    amira1982 New Member

    إنضم إلينا في:
    ‏أغسطس 18, 2008
    المشاركات:
    2
    الإعجابات المتلقاة:
    0
    نقاط الجوائز:
    0
    الوظيفة:
    مهندسة الكترونيات واتصالات
    مكان الإقامة:
    مصر


    السلام عليكم احب اشكرك جداجدا على الشرح الرائع دة وياريت تقدر تنزل الشبترين اللى فضلين باقصى سرعه لو سمحت لانى محتجاهم جدا جدا ارجوك

    ولك جزيل الشكر ويارب يجازيك خير على هذا العمل
     
  6. bakheit

    bakheit New Member

    إنضم إلينا في:
    ‏مارس 13, 2008
    المشاركات:
    3
    الإعجابات المتلقاة:
    0
    نقاط الجوائز:
    0


    مشكور ياهندسة ربنا يجعله في ميزان حسناتك
     
  7. aduls

    aduls New Member

    إنضم إلينا في:
    ‏أغسطس 29, 2008
    المشاركات:
    1
    الإعجابات المتلقاة:
    0
    نقاط الجوائز:
    0


    ما شاء الله عليك يا اخي وبارك الله فيك
    استمر ولك الاجر والثواب ان شاء الله
     
  8. aboelmish

    aboelmish New Member

    إنضم إلينا في:
    ‏أغسطس 30, 2008
    المشاركات:
    4
    الإعجابات المتلقاة:
    0
    نقاط الجوائز:
    0


    السلام عليكم ورحمة الله
    شكرا اخى الكريم على هذا المجهود الرائع
    ويارب يجعله فى ميزان حسناتك يوم القيامة
    ويارب نتمنى انك تكمل الكورس لانه افادنى كتير جدا والله
    وربنا يكرمك ...
     
  9. medoreda88

    medoreda88 New Member

    إنضم إلينا في:
    ‏سبتمبر 15, 2008
    المشاركات:
    2
    الإعجابات المتلقاة:
    0
    نقاط الجوائز:
    0


    ياريت تكتبلي اميلك واكلمك
     
  10. ياقوت شمس

    ياقوت شمس New Member

    إنضم إلينا في:
    ‏فبراير 21, 2008
    المشاركات:
    3
    الإعجابات المتلقاة:
    0
    نقاط الجوائز:
    0


    السلام عليكم ورحمة الله
    شكرا اخى الكريم على هذا المجهود الرائع
    ويارب يجعله فى ميزان حسناتك يوم القيامة
    ويارب نتمنى انك تكمل الكورس لانه افادنى كتير جدا والله
    وربنا يكرمك ...
     
  11. bossnemo

    bossnemo Member

    إنضم إلينا في:
    ‏ديسمبر 22, 2007
    المشاركات:
    32
    الإعجابات المتلقاة:
    24
    نقاط الجوائز:
    8


    والله يا جماعة انا مش عارف اقولكم اية انا عارف انى مقصر معاكم جدا جدا بس الموضوع ده غصب عنى والله وربنا اعلم بالظروف . بس ان شاء الله هكمل الكورس والنهرده هضيف شبتر 4 . وعلى فكرة يا جماعة فى ناس كتير فاكرة ان الكورس جاهز عندى وانا بخلان بيه . والله يا جماعة انا لسة مخلص شبتر 4 النهرده . بدأت فيه من بعد العشاء وخلصته دلوقتى الساعة ستة ونص بعد الفجر . انا اسف تانى على التأخير واى حد يلاقى مشكلة فى فهم اى جزء . يبلغنى وان شاء الله اجاوبه ..
    لا تنسونى من صالح دعائكم​
     
  12. bossnemo

    bossnemo Member

    إنضم إلينا في:
    ‏ديسمبر 22, 2007
    المشاركات:
    32
    الإعجابات المتلقاة:
    24
    نقاط الجوائز:
    8


    CH 4

    [​IMG]


    [​IMG]

    فى الشبتر ده يا جماعة هنعرف ان شاء الله العناصر الاساسية المكونة لجهاز المحمول وطبعا العناصر الى تهم الاتصالات
    وهنعرف اية الى بيحصل فى الاشارة من اول دخولها كأشارة صوتية الى وصولها الى الشبكة ثم الى المستقبل


    [​IMG]


    زى محنا شايفين فى الصورة الى فاتت دى . دى المراحل الى بتمر بيها الاشارة من اول مهية اشارة صوتية لغاية لما تتبعت فى الهواء

    همتكلم عنها بسرعة كدة ونقول وظيفة كل جزء من الاجزاء دى وبعدين نتكلم عنهم بالتفصيل

    طبعا احنا شايفين الاخ الى بيتكلم ده لما بيتكلم الاحبال الصوتية بتاعته بتعمل تضاغطات وتخلخلات فى الهواء فينتج عنها الصوت بتاعنا ده يعنى اشارة صوتية Acoustic Signal

    الاشارة الصوتية دى بتدخل على الميك بتاع الموبيل . الميك دة يحول الاشارة الصوتية دى الى اشارة كهربية
    Analog Electrical Speech Signal

    طبعا احنا بنتعامل مع اشارة Digital مش Analog
    يبقى احنا محتاجين حاجة تحول الاشارة بتاعتنا دى الى اشارة Digital
    علشان كدة هندخلها على ال Speech Encoder الى هيحولها الى اشارة Digital
    وهيقطعها وهيضغطها وهتخرج منه اشارة ال Bit Rate بتاعها 13 kb/sec
    وهنقول لية ...

    بعد كدة هتدخل على ال Channel Encoder
    هو ده الى بيضيف ال Redundence Bits وبكدة يبقى ال Bite Rate بتاعنا 22.8 kb/sec

    بعد كدة هتدخل على ال Interleaver الى بيعمل تشتيت وتفريق لل Burst علشان نقدر نعمل ال
    Error Detection And Correction الى هو تصحيح الاشارة

    بعد كدة هتدخل على ال Ciphering عملية التشفير

    بعد كدة على ال Burst Assembling And Multiplexing
    الى بيضيف ال Tail Bits وال Hide Bits وال Stealing Flags
    وطبعا بعد الاضافات ال Bits دول الاشارة هتبقى ب Bit Rate يساوى 33.85 kb/sec

    بكدة تكون الاشارة بتاعتنا جاهزة للأرسال يعنى مش فاضل الا عملية التحميل Modulation
    والارسال

    [​IMG]

    طبعا وزى ماهو فى اى نظام ارسال واستقبال هنحتاج نعكس الاجراءت الى احنا عملناها فى الاشارة فى الارسال علشان نوصل للاشارة الصوتية نفسها الى تم ارسالها ...

    تعالوا بقى نتكلم عن المراحل دى مرحلة مرحلة وبالتفصيل

    [​IMG]


    Speech Encoder - 1

    احنا قولنا انه بيعمل تلت عمليات . بس تعالوا الاول نشوف اية الخصائص الى احنا هنحتاجها فى ال
    Speech Encoder الاول

    اول حاجة لازم يكون بيخرج الاشارة ب Bit Rate قليل يعنى تكون مضغوطة بشكل كويس علشان احنا زى محنا شايفين عندنا شكلة فى اعداد ال Channels فطبعا احنا مش ناقصين كمان ان الاشارة تكون كبيرة ومحتاجة Band
    Width كبير

    تانى حاجة انه يكون بيخرج الاشارة بجودة محترمة ومش معنى انى عاوز اضغطها انها تيوظ

    تالت حاجة ان يكون تكلفته مش عالية اوى علشان ده هيبقى موجود فى الموبيل وبالتالى الناس هتشتريه وبالتالى لازم يكون سعره معقول..

    فى جملة مكتوبة تحت كدة انتوا اكيد شايفينها .. حد فاهمها ؟؟؟؟؟
    الجملة دى بتقول ان ال GSM بيرسل معلومات عن الصوت مش بيرسل الصوت نفسه ..والموضوع ده ان شاء الله هنشرحه بالتفصيل...

    احنا قولنا ان ال Speech Encoder ده بيعمل تلت حاجات اول حاجة هى التحويل من Analog الى Digital


    [​IMG]

    احنا هنا فى ال GSM بنستخدم ال Pulse Code Modulation علشان نحول .

    وال PCM ده ليه اربع خطوات هنتكلم عنهم بسرعة علشان طبعا احنا كلا خدناهم قبل كدة احنا هنذكر بيهم بس

    الخطوة الاولى Bandlimiting


    [​IMG]

    ودى بكل بساطة يعنى بنعدى ال الاشارة بتاعتنا على Low Pass Filter
    وده علشان يشيل شوية الترددات الى ملهاش لازمة وبكدة كون قللنا ال B W
    شوية

    الخطوة الثانية Sampling


    [​IMG]

    فى المرحلة دى بنمرر الاشارة على Electronic Switch
    بتردد 8 khz فى الثانية معنى كدة اننا هنحصل على 8000 sample / sec

    [​IMG]

    وده لان فى قانون بيقولى انى علشان اعمل sampling لاى اشارة لازم يكون تردد السويتش اكبر من او يساوى ضعف تردد الاشارة
    والاشارة بتاعتنا هنا بقى هى الصوت الى تردده 3.4 khz يعنى لازم تردد السويتش يساوى 6.8 khz على الاقل
    احنا بقى هنستخدم سويتش بتردد 8 khz

    الخطوة الثالثة Quantizing


    [​IMG]

    بعد عملية ال Sampling هنلاقى ان القيم الناتجة عندى قيم كتير اوى وعلشان كدة هعمل تقريب للقيم دى لاقرب ليفل محدد . وطبعا ده هينتج عنه مشكلة فى الاشارة والحل انى ازود عدد ال Levels بس مش هيبقوا كتير اوى والا هنكون معملناش حاجة ... علشان كدة هخليها 2 اس 23 يعى هتساوى 8192 Levels
    وده هيدينا 13 bits /sec

    الخطوة الرابعة Encoding

    [​IMG]

    بعد عملية ال Quantizing احنا بقى عندنا مجموعة من ال Levels هى الى بتعبر عن الاشارة
    كل Level منهم بنعبر بيه ب مجموعة من ال bits
    علشان كدة احا هدخل الاشارة بتاعتا على ال Encoder علشان يحولها الى مجموعة م ال bits
    وال Rate بتاعة هيبقى 104 kb/sec

    نيجى لتانى حاجة بيعملها ال Speech Encoder وهى ال Segmentation

    [​IMG]

    اخنا كدة خلاص يا جماعة وصلنا اننا حولنا الاشارة الى مجموعة كبير من ال bits
    طيب وبعدين طبعا مش هينفع بعتهم كدة لان انا عندى B.W محدود الى هو ال TS
    يبقى لازم اقطع المجموعة دى الى مجموعات
    طيب هو انا هقطعهم ازاى واية الى هيحكمنى فى عملية التقطيع .
    بصوا يا جماعة احنا لينا احبال صوتية ليها تردد معين زى محنا عارفين طيب .
    احبالنا الصوتية معندهاش القدرة على التغيير فى التردد ده بسرعة كبيرة .
    يعنى على سبيل المثالواحنا بنتكلم لو خرج تردد مقداره 1.4 khz
    هيفضل هو نفس التردد لمدة 20 msec
    وبعد كدة تقدر احبالا الصوتية تغييره الى تردد اخر .
    يبقى احنا هنقطع الاشارة بتاعتنا الى مجموعات الزمن بتاع كل مجموعة هو 20 msec
    ولما شوفنا كل 20 msec فيها كام bit لقيناهم 2080 bit
    وده لان احنا قولا ا ال rate بتاعنا هو 104 kb/sec
    يعنى لو عاوزين عرف ال rate فى 20 msec هتيقى سهلة مش كدة.
    ال 2080 bits دول هما عبارة عن ال Frame بتاعنا وطبعا احنا قولنا قبل كدة ان احنا بقسم ال Frame ده الى
    8 TS يبقى احنا محتاجين نضغط ال 2080 bits دول فى TS يعنى محتاجين نضغطهم بسبة 1 الى 8
    وبكدة هيبقوا 260 bits فى كل TS

    Predictive Coding

    [​IMG]

    بصوا يا جماعة
    واحنا بتكلم فى الموبيل مش بنتكلم علطول طبعا احنا بتكلم ونستنى الرد ونرد ونستنى الرد وهكذا
    معنى كدة ان المرسل بيبعت المعلومة ويفضل شغال على الفاضى مش كدة .
    وطبعا ده مش منطقى علشان كدة عملنا ال Predictive Coding ده
    بعد خروج الاشارة م ال Speech Coder بتروح لل Predictive Coding
    بتروح مها عينة لل Voice Activity Detection VAD
    وده بيخرج اشارته الى ال Discontinuous Transmission DTX
    يقول لل DTX الاشارة دى عبارة عن كلام ولا Noise
    طيب وهو ال VAD ده بيعرف ازاى اصلا ان الاشارة الى جاية دى بتحتوى على كلام ولا لا
    ايوة تمام . عن طريق التردد لان زى محنا عارفين ان تردد صوت الانسان فى الحيز من 0 الى 3.4 KHZ
    المهم اول لما ال DTX يعرف انها اشارة تحتوى على صوت يقوم بتشغيل المرسل
    ولو الاشارة الى جاياله من ال VID بتقوله ان الاشارة عبارة عن Noise وال Noise الى احنا قصدنا عليها هنا هى عبارة عن الفراغ او اى صوت مش فى الحيز بتاع الكلام
    طيب ولو الاشارة الى جاية لل DTX من ال VID بتقوله ان الاشارة بتاعتنا عبارة عن Noise هنا سيقوم ال DTX بأغلاق ال TX وهنا هنلاقى اننا قمنا بالحد م استهلاك البطارية وكمان هنحد من ال Co - Channel Interference مش كدة .
    طيب وهو لو احنا قفلنا ال TX الراجل الى معايا على التليفون ده مش هيسمع حاجة خالص ولا اية الى هيحصل
    فى الحالة دى الموبيل هيعمل حاجة حلوة اوى .
    اول ال DTX ميحس ان الصوت او الكلام وقف هيوقف المرسل وهياخد الاشارة الى جاياله من ال
    Silence Descriptor SID


    [​IMG]

    تتولد ال SID Frame فى المرسل من القياس المستمر لخلفية المعلومة الصوتية (Noise ) . ويرسل هذا ال Frame بعد الكلام مباشرة وفى بداية توقف الكلام يتعرف المستقبل على نهاية الكلام ويقوم بتفعيل خاصية ال Comfort Noise
    ولكن بالمعلومات التى قد تم ارسالها عن ةطريق ال SID Frame فى المرسل بتاع الموبيل الاخر
    والى عبارة عن تسجيل لاخر Noise بعد كدة بيقوم ال SID بعمل Update لل Noise يعنى بعد فترة معينة يقوم ال SID بتسجيل لل Noise ويبعتها لل DTX الى بيقوم بأرسالها ويسكت شوية وبعدين يقوم ال SID بتسجيل لل Noise ويبعتها لل DTX وهكذا
     
  13. bossnemo

    bossnemo Member

    إنضم إلينا في:
    ‏ديسمبر 22, 2007
    المشاركات:
    32
    الإعجابات المتلقاة:
    24
    نقاط الجوائز:
    8


    تابع ال Predictive Coder

    [​IMG]

    ال Bad Frame Replacement
    فى حالة حدوث خطأ فى اى Frame مرسل يقوم Bad Frame Replacement
    بتغيير هذا ال Frame بواحد اخر متناسب معه .
    والذى يقوم بأخباره ان هذا ال Frame به خطأ هو ال Bad Frame Indicator BFI

    تعالوا بقى لتانى حاجة بعد ال Speech Coder

    ال Channel Coding

    [​IMG]

    طبعا احنا عارفين ان احنا بنقوم بالارسال فى وسط مليان Noise و Interference
    واحنا اصلا بنبعت ال Data بتاعتنا مضغوطة زى مشفنا . فلو حصل اى Error فى الاشارة هتبقى مشكلة كبيرة لان بيانات كتير هتضيع . علشان كدة يبقى لازم يكون موجود عندنا حاجة بتعمل Error Detection and Correction
    ال Channel Coding بيضيف ال Redundancy Bits علشان نعمل ال Error Detection and Correction
    زى ما هنشوف دلوقتى ان شاء الله

    الحاجات الى بتعمل Error Detection and Correction كتير اوى احنا بنستخدم اتنين منهم فى ال GSM هما :

    1 - Block Coder

    بيقوم بعمل Error Detection عن طريق اضافة 3 Bits بسميهم Parity Check Bits

    Convolutional Coder - 2

    يقوم بعمل Error Correction

    تعالوا بس الاول نشوف ال Data بتاعتنا بنقسمها الى اية الاول من حيث الاهمية


    الداتا بتتقسم الى ثلاث اقسام
    الاول وهو ال Very Important Data
    وده اهم جزء عندنا لانه هو القسم الاكبر فى ال Power وده بيبقى حوالى 50 bits

    الثانى وهو ال Important Data
    وده عبارة عن جزء ال Power بتاعته اقل شوية من الاول ولكن عدد ال bits فية اكبر شوية وهو 132 bits

    الثالث وهو ال Non Important Data
    وده عبارة عن جزء ال Power بتاعته قليلة جدا وبيبقى عدد ال bits فيه 78 bits

    طيب وهو احنا بنقسم ال Data بتاعتنا كدة لية اصلا
    احنا هنشوف دلوقتى انا علشان نعمل Error Correction بنضاعف ال Data وطبعا مش هنضاعف ال Data كلها على الفاضى يبقى احنا كدة زودنا ال B.W على الفاضى علشان كدة احنا بنختار احسن جزء فى ال Data واعلاه فى ال Power علشان نضاعفه وهو ال Very Important الى بيبقوا 50 bits
    صح احنا مقولناش ايه هما ال 50 وال 78 وال 132 .. طيب جمعهم كدة .... تمام هيبقوا 260 الى هما عدد ال Bits الى موجودين فى ال Frame بعد ماضغطناه الى هى ال Data بتاعتنا المبعوته فى المرة الواحدة.

    تعالوا بقى نشوف ال Convolutional Coder ده بيشتغل ازاى

    [​IMG]

    احنا قولنا ان فى 50 bits هما اهم ما فى الاشارة علشان كدة هنعاملهم معاملة خاصة
    هندخلهم الاول على ال Block Coder علشان يضيف ال Parity Check Bits الى عددهم 3 bits
    والى هيعمل بيهم Error Detection .. يبقى هيخرجوا من ال Block Coder
    53 bits
    بعد كدة هندخلهم على ال Convolutional Coder هما وال 132 bits الى قولنا عليه Important Data
    وكان هندخل معاهم 4 tail bits عبارة عن 0000 ودول هما الى بيرجعوا ال Convolutional Coder الى ال Initial State بتاعته
    المهم ان ال Convolutional Coder ده هيجمعهم كلهم ويضاعفهم . كدة هيبقى خرج ال Convolutional Coder عبارة عن 378 bits
    ال 378 bits دول هيخرجوا يتجمعوا على ال 78 bits الى قولنا عليهم Non Important Data
    وبكدة هيكون خرج ال Convolutional Coder عبارة عن 456 bits
    يعنى هيبقى عدد ال bits فى ال 20 msec يساوى 456 bits يعنى هيبقى عدد ال bits فى الثانية 22.8
    kb/sec
    يعنى بكدة فى زيادة بمقدار 9.8 kb/sec عن ال 13 kb/sec الى هما ال Redundancy Bits الى احنا اتكلمنا عليهم فى انواع ال
    Traffic Channels فى الشبتر الى فات .
    وترسل ال 456 bits الى ال Interleaver

    Interleaver - 3

    هو لو حصل مشكلة اثناء نقل الاشارة من المرسل الى المستقبل هتحصل فى مجموعة متتابعة من ال Bits
    معنى كدة انا هنفقد جزء متتابع من الكلام الى احنا بعتناه وبكدة الجودة هتقل جدا
    وظيفة ال Interleaver هى عمل تفريق لل Data بالكامل وبالتالى تفريق لل Error
    يعنى لو حصل مشكلة فى الاشارة بعد عملية ال Interleaving هلاحظ اننا بعد عمل عملية
    ال Deinterleaving فى المستقبل هنلاحظ ان ال Error بقت عبارة عن مجموعة من ال Bits متفرقة بيهم مسافات كبيرة وبكدة هنلاقى اننا مش هنتأثر بال Error اوى .
    تعالوا بقى نشوف ال Interleaver ده بيشتغل ازاى


    يتكون ال Interleaver من

    1- Block Interleaver

    [​IMG]

    وده بيتكون من 8 بلوكات بنرتب ال Data فيهم افقيا يعنى زى محنا شايفين فى الصورة هنلاقى ان اول بلوك بيحتوى على ال Bits ارقام 1, 9 , 17 , 25 , .......... , 449
    ولما نيجى نبعت الاشارة هنبعت 2 بلوك فى ال Burst وبكدة لو فرضنا انه حصل مشكلة فى البلوك رقم واحد يعنى ال Bits من 1 الى 449 حصل فيهم Error عند الاستقبال ولما نعيد ترتيب المعلومة تانى هنلاقى ان ال Errors اتفرقت فى وسط المعلومة وبقت مش ظاهرة غير لو حصل مشكلة فى مجموعة مجتمعة من المعلومة .
    لو لاحظنا يا جماعة هلاقى ان طول كل بلوك 57 bits الى هى ال Burst/2 ... عرفتوا لية بقى خلينا ال Burst عبارة عن 57*2 bits

    Burst Interleaver - 2

    [​IMG]

    هو احنا لو بعتنا 2 بلوك متتابعين فى Burst واحدة وال Burst دى ضاعت مش احنا كدة بقى فقدنا 25 % من المعلومة لان زى كحنا عارفين ان ال 20 msec بيتكونوا من 8 بلوكات .. ودى مشكلة .
    علشان كدة احنا هناخد او بلوك من اول 20 msec ونخليه فى ال Burst الاولى وناخد اول بلوك من تانى 20 msec ونخليه فى ال Burst التانية ...وناخد تانى بلوك من اول 20 msec نخليه فى ال Burst الثانية وناخد اول بلوك من تانى 20 msec ونخلية فى ال Burst التانية .. حد فهم حاجة

    يعنى لو اعتبرنا ان فى Burst كاملة ضاعت يبقى كدة هيضيع 12.5% بس من ال 20 msec

    ولكن وفى هذه الحالة هيضطر الموبيل انه ينتظر ال 20 msec التاليين علشان يقدر يرتب المعلومة بالشكل الصحيح
    والتأخير ده مش هيبقى ملحوظ علشان أذن الاسان لا تاحظ التأخير الا اذا تجاوز ال 100 msec

    Ciphering - 4

    [​IMG]

    تعالوا بقى نتكلم عن ال Security فى ال GSM

    هو بيقول ان اى تعرض لهاك هو عبارة عن وعين اما Passive وهنا يعنى بيقوم المهاجم بأخذ كوبى من المعلومة
    او Active يعنى يقوم المهاجم بتغيير المعلومة بالكامل


    [​IMG]

    لو اعتبرنا ان C ده عبارة عن المهاجم فى او حالة هنلاقى ان C بياخد المعلومات وفى نفس الوقت المعلومة بتوصل من A الى B

    وفى الحالة التانية هلاقى ان C انتحل شخصية B واصبح هو الى بيستقبل المعلومة من A

    وفى الحالة التالتة هنلاقى ان C اتحل شخصية A واصبح هو الى بيرسل المعلومة الى B

    وفى الحالة الرابعة هلاقى ان C عمل عملية Block للمعلومة ومنع وصولها الى B
    وده على سبيل المثال زى عملية ال GSM Gaming الى بتوضع فى الاماكن الممنوع استخدام الموبيلات فيها

    تعالوا بقى نشوف الطرق الى بيستخدمها ال GSM للحفاظ على الامن والامان داخل الشبكة

    [​IMG]

    [​IMG]

    [​IMG]

    [​IMG]

    اولا عندما يتم تشغيل الموبيل هيرسل ال IMSI بتاعه للشبكة فتقوم الشبكة بأنتاج ال Triplet فى ال AUC
    زى ماقولنا قبل كدة
    فاذا نجحت عملية التوثيق فى ال AUC نتقل الى عملية ال IMEI Check

    [​IMG]

    ودى برده اتكلمنا عنها قبل كدة ودى الى بنتأكد منها ان الموبيل ده مش متبلغ عن سرقته
    ولو العملية دى تمام نروح لعملية ال Ciphering

    [​IMG]

    وهنا بقى هستخدم ال Kc فاكرينه . الى كان بيتج من ضرب ال Ki فى ال Rand
    عن طريق ال A8

    [​IMG]

    تعالوا كدة يا جماعة شوف بقى عملية ال Ciphering دى خطوة خطوة

    * تم توليد ال Kc فى ال MS وال AUC فى الشبكة

    * يقوم ال AUC بارسال ال Kc الى ال VLR

    * يقوم ال VLR بتوليد ال Cipher Mode Command CMC

    * يقوم ال VLR بارسال ال Kc وال CMC الى ال BTS

    * تقوم ال BTS ببالاحتفاظ بال Kc وتقوم بارسال ال CMC الى ال MS

    * يقوم ال MS بضرب ال CMC وال Kc وال FN عن طريق ال A5
    ال FN هو عبارة عن ال Frame No ودى طبعا قيمة متغيرة
    ال A5 هى لوغاريتم موجود فى الموبيل زى ال A8 وال A3

    * يقوم ال MS بارسال التيجة الى ال BTS الى عندها مسبقا ال Kc وال FN

    * تقوم ال BTS بعكس العملية . والمفروض ينتج لها ال CMC

    * لو نتج لها ال CMC مطابق لل CMC المخزن فى ال VLR اذن قد تمت عملية ال Ciphering بنجاح



    [​IMG]

    وفى عملية التشفير يتم ضرب ال c وال FN عن طريق ال A5 ويتم ضربها فى المعلومة المرسلة.
    فينتج معلومة مشفرة يتم ارسالها بأمان

    وفى عملية فك التشفير يكون ال Kc وال FN معروفين مسبقا وال A5 ثابتة وبذلك يتم اتاج المعلومة مرة اخرى ..


    5 - Burst Assembly and Multiplexing

    وهنا تيم اضافة ال Training Seq وال Flags وال T.B وال H.B

    Modulation - 6


    [​IMG]

    وهنا يتم تحميل الاشارة على الموجة الحاملة ويستخدم ال Gaussion Minimum Shift Keying

    وبكدة يكون شبتر 4 كمل باذن الله ونتقابل ان شاء الله فى شبتر 5 والاخير
     
  14. zohirey2

    zohirey2 New Member

    إنضم إلينا في:
    ‏ابريل 13, 2007
    المشاركات:
    4
    الإعجابات المتلقاة:
    0
    نقاط الجوائز:
    0


    ماذا تنتظر مني
    ان اشكرك
    ان ادعوا لك
    فذلك جزاء من هو دونك في العطاء
    ولكن اقول لك

    (يحشرقوم من أمتي يوم القيامه على منابر من نور يمرون على الصراط كالبرق الخاطف نورهم تشخص منه الأبصار لاهم بالأنبياء ولاهم بصديقين ولاشهداء.إنهم قوم تقضى على أيديهم حوائج الناس).
    حديث شريف.
     
  15. bossnemo

    bossnemo Member

    إنضم إلينا في:
    ‏ديسمبر 22, 2007
    المشاركات:
    32
    الإعجابات المتلقاة:
    24
    نقاط الجوائز:
    8


    جزاك الله خيرا اخى على الدعاء
    اللهم ادخلنا الجنة بلا سابقة حساب
    اللهم امين
     
  16. amrsoft

    amrsoft Member

    إنضم إلينا في:
    ‏فبراير 7, 2007
    المشاركات:
    30
    الإعجابات المتلقاة:
    7
    نقاط الجوائز:
    8


    thanks very match
     
  17. عبدالرحمن رضوان

    عبدالرحمن رضوان New Member

    إنضم إلينا في:
    ‏يوليو 23, 2008
    المشاركات:
    7
    الإعجابات المتلقاة:
    0
    نقاط الجوائز:
    0


    جزاك الله خيرا وجعل هذا السعى والجهد فى ميزان حسناتك
     
  18. عبدالرحمن رضوان

    عبدالرحمن رضوان New Member

    إنضم إلينا في:
    ‏يوليو 23, 2008
    المشاركات:
    7
    الإعجابات المتلقاة:
    0
    نقاط الجوائز:
    0


    تسلم بجد ياهندسة وربنا يبارك فيك معلشى بنتقل عليك بس ياريت اعرف شبتر 5 هينزل امتى
     
  19. TaMeRToJ

    TaMeRToJ New Member

    إنضم إلينا في:
    ‏نوفمبر 17, 2008
    المشاركات:
    1
    الإعجابات المتلقاة:
    0
    نقاط الجوائز:
    0


    السلاعليكم ورحمة الله وبركاته يا حلوين

    طبعا انا عضو جديد زي ما انتم شايفين وسجلت في الموقع عشان اقدم لكم هدية بسيطة

    واساعد صاحب الموضوع لأنو بصراحة ما قصر معنا وتعب جدا في كتابه الموضوع

    وانا نقلت الدورة لغاية الفصل الرابع في ملف ورد عشانكم

    وبعد اذن صاحب الموضوع

    تفضلو الرابط وحجم الملف 14 ميقا تقريبا

    حمل من هنا

    والموضوع جميل جدا ومفيد جدا واحب اشكر صاحب الموضوع من كل قلبي على مجهوده

    ولا تبخلو بالدعوات عن ظهر قلب فقط


    تحياتي
     
  20. albayati79

    albayati79 New Member

    إنضم إلينا في:
    ‏سبتمبر 10, 2008
    المشاركات:
    1
    الإعجابات المتلقاة:
    0
    نقاط الجوائز:
    0


    والله يا اخي لقد اردت الاشتراك في الموقع ليس فقط لاجل الفائدة الموضوعه فيه وانما لا شكرك ولاكن اي كلمه اقولها لكي تعبر عن فرحتي بهذه المعلومات القيمة والتي ساعدتني كثيرا في امتحان الاختبار للتسجيل في شركة ما خاصة بمجال ال GSM .
    واني ادعو الله جل علاه ان يجعل هذا في ميزان اعمالك الصالحه ويجعله من العلم الذي ينتفع به الناس وتكون فائدته الى الابد .

    حفظك الله من كل مكروه

     

مشاركة هذه الصفحة