دورة فى ال GSM كاملة ان شاء الله

الموضوع في 'قسم تبادل الخبرات الهندسية' بواسطة bossnemo, بتاريخ ‏فبراير 16, 2008.

  1. SwordHamza

    SwordHamza New Member

    إنضم إلينا في:
    ‏يوليو 5, 2008
    المشاركات:
    3
    الإعجابات المتلقاة:
    0
    نقاط الجوائز:
    0


    مشكووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووووور
     
  2. أحمد جاد

    أحمد جاد New Member

    إنضم إلينا في:
    ‏يونيو 11, 2008
    المشاركات:
    5
    الإعجابات المتلقاة:
    0
    نقاط الجوائز:
    1


    بعد الشكر والتحية على مجهودك العظيم
    انت نسيت تتكلم عن الCDMA (code division multiple access) وده نوع مهم جدا من الطرق اللى بتتنقل بيها الاشارة
     
  3. bossnemo

    bossnemo Member

    إنضم إلينا في:
    ‏ديسمبر 22, 2007
    المشاركات:
    32
    الإعجابات المتلقاة:
    24
    نقاط الجوائز:
    8


    السلام عليكم ورحمه الله وبركاته

    انا اسف جدا جدا يا جماعة على التأخير ...انا فعلا اتأخرت كتير اوى بس معلش سامحونى

    وان شاء الله انا هكمل الكورس ومعلش استحملونى شوية

    الجماعة الى بعتولى على الخاص :: انا اسف تانى يا جماعة وان شاء الله الكورس هيكمل

    وبالنسبة للجماعة الى طالبين الكورس مكتوب فى ملف Word والله يا جماعة انا لسة معملتوش

    بس ان شاء الله اول لما يجهز هرفعه على طول باذن الله

     
  4. bossnemo

    bossnemo Member

    إنضم إلينا في:
    ‏ديسمبر 22, 2007
    المشاركات:
    32
    الإعجابات المتلقاة:
    24
    نقاط الجوائز:
    8


    CH 3


    [​IMG]


    [​IMG]

    بصوا يا جماعة الشبتر ده وببساطة بيتكلم عن الباند بتاع الموبيل وازاى بنقسمه وانواع ال Channels
    وشكل ال TS الى بيتكون منها ال Frame

    [​IMG]


    فى اوائل التسعينات فضل ال GSM 900 هو المستخدم للمحمول ولما الباند دة بقى مش مكفى الاعداد الهائلة الى انضمت للشبكة كان لازم ننتقل الى باند تانى وكان الباند ده هو ال GSM 1800 والباند GSM 1900 وطبعا الباندين مش بيستخدموا فى نفس الدولة لكن بيتم استخدام ال GSM 1800 فى دول وال GSM 1900 فى دول اخرى

    وبالنسبة لل 3G الباند بتاعه بيبقى فى ال 2.1 ميجا


    [​IMG]


    بالنسبة لل GSM 900 هو كان فى الاول اسمه Primary-GSM 900
    ولما تم اضافة الباند القديم اوى بتاع ال 1G اليه بقى اسمه Extended-GSM 900

    طيب وهى اية ال Uplink وال Downlink دى

    بصوا يا جماعة بالنسبة للباند بتاع ال E-GSM 900 هو من 880 ميجا الى 960 ميجا يعنى 80 ميجا
    طيب هنقسم الباند ده ازاى بقى . هو لما بيحصل اتصال بين ال BTS وال MS بيبعت على تردد معين حسب الاتفاق بينه وبين ال BTS مش كدة ده بقى بنسميه Uplink. وبالتالى هيتحدد تردد تانى علشان اتصال ال BTS بال MS وده بنسميه Downlink


    [​IMG]

    طيب هنقسم ازاى برده هنبدا من ال 880 الى 915 ودى هتبقى ال Uplink تمام كدة يعنى 35 ميجا
    ومن 925 الى 960 تبقى ال Downlink وطبعا هتبقى برده 35 ميجا تمام
    يعنى لو اعتبرنا ان ال MS هيتكلم على التردد 880 مثلا فى ال Time Slot رقم 3 يبقى ال BTS هترد عليه على تردد كام فى ال Uplink ?? ....... هترد عليه على التردد المناظر للتردد ده يعنى على 925 وعلى ال TS رقم 3 برده وده علشان يبقى فى نظام فى توزيع الترددات بين ال BTS وال MS ..
    يعنى الفرق بين ال UPlink وال Downlink بيبقى ثابت علطول وهو 45 ميجا ودى بنسميها ال Duplex Distance

    طيب احنا كدة عندنا 35 ميجا فى ال Uplink و35 ميجا فى ال Downlink طيب هما دول بقى بيتقسموا ازاى
    احنا لقينا ان افضل حيز من التردد ينفع نبعت فيه ال Frame بتاعنا هو 200 كيلو هرتز يعنى هنقسم ال 35 ميجا دول الى عدد من ال Carrier بحيث يكون كل Carrier 200 كيلو هرتز .....
    يعنى لو عاوزين نعرف احنا عندنا كام تردد حامل هنقسم ال 35 ميجا على ال 200 كيلو ..... يبقى احنا عندما 174 تردد حامل فى ال E-GSM 900 طيب هو اية الواحد الى نقص ده عبارة عن فاصل بين الباند بتاع ال GSM والانظمة الاخرى وفى واحد فى ال Uplink وواحد فى ال Downlink
    واحنا طبعا بنقسم ال Carrier بتاعنا الى 8 TS يعنى بكدة لو ضربنا 174 فى 8 يدينا 1392 الى هو عدد ال Channels او عدد ال Time Slot او عدد ال Users الى ممكن يتكلموا فى نفس الوقت فى ال Cluster فى ال E-GSM 900

    طيب وهو ليه احنا خلينا ال Uplink لل BTS وخلينا ال Downlink لل MS ؟؟؟؟
    فى ال Downlink ال تردد اكبر من ال Uplink وبالتالى وزى محنا عارفين كل لما التردد بيزيد ال Noise بتزيد وبالتالى هنضطر نزود ال Power علشان نتخلص من ال Noise دى وطبعا لما نزود ال Power فى ال BTS مش هتفرق انما لما نزود ال Power فى ال MS كدة هيبقى فى تأثير على المستخدم .

    طيب احنا كدة عندنا 80 ميجا زى ماقولنا فى باند ال E-GSM 900 منهم 35 ميجا فى ال Uplink و 35 ميجا فى ال Downlink يعنى 70 ميجا طيب هما فين العشرة الى فاضلين دول الى هما بين ال 915 وال 925
    اولا فى منهم 6 ميجا من 915 الى 921 فى ال Downlink ومن 870 الى 876 فى ال Uplink
    ودول لاجراء الاختبارات على النظام بالكامل

    طيب كدة لسة فى 4 ميجا من 921 الى 925 فى ال Downlink ومن 876 الى 880 فى ال Uplink
    دول بقى بتوع ال GSM - R
    بصوا يا جماعة الناس دى ماسبيتش حاجة الا لما فكرت فيها . يعنى مثلا لو فى واحد مسافر من فرنسا الى اسبانيا مثلا فى قطار الراجل ده خرج من حدود التغطية فى فرنسا طبعا هيشتغل معاه التجوال تمام لكن لو فرضنا ان القطار ده مشى قطعة معزلة مفيهاش تغطية اية الحل بقى . ولو حطوا Pico Cell فى عربيات القطار بتستخدم تردد من الترددات الى بتستخدمها ال Micro Cell هيحصل تداخل لو القطار عدى فى منطقة اخرى . يبقى الحل اننا نعمل باند خاص للقطارت عموما وده الى حصل وخلينا ال 4 ميجا دول خاصين بالقطارت بس . ولو حسبناها وقسمنا ال 4 ميجا على ال 200 كيلو هرتز وضربنا الناتج فى 8 هنلقيه 160 Channels ودول طبعا كفاية اوى ..


    [​IMG]


    [​IMG]

    تعالوا نفتكر مع بعض كدة ال TDMA احنا قولنا قبل كدة ان احنا بنقسم الباند الى Carriers
    وفى كل Carrier بقسمه الى 8 Time Slot وكل مستخدم بياخد Time Slot واحد
    هيبعت المعلومة بتاعته عليه والمعلومة الى هتتبعت دى بقى اسمها Burst
    يعنى لما نقول Burst يبقى اكننا بنقول Time Slot
    الفرق بس ان ال TS دى هى الى بتشيل ال Burst عليها زى ما هنشوف دلوقتى

    [​IMG]
    طيب متيجوا بقى نشوف ال Burst دى بتتكون من اية

    [​IMG]

    اولا هنلاقى انها بتتكون من 156.25 bits
    زى محنا شايفين فى الصورة الى فوق دى ال Data عبارة عن 114 bits
    وفى فى حاجة اسمها ال Hide Bits وال Tail Bits كل واحدة عبارة عن 3 bit ودول علشان نعرف منهم بداية ال Data واخرها
    وفى ال Training Sequence ودول علشان نعرف اذا كان حصل تأخير فى الاشارة ولا لا ولو حصل تأخير نعرف المشكلة فين ونصلحها .....افتكروا معايا كدة شبتر واحد من ضمن المشاكل الى بتتعرض لها الاشارة مشكلة اسمها Dealy Spread وكان حلها ان احنا نضيف ال Training Seq دول ....
    وفى تانى حاجة اسمها ال Stealing Flags ودى عبارة عن 2 bits بيحددوا نوع ال data المرسلة يعنى
    لو 0 0 يبقى المعلومة المرسلة عبارة عن كلام
    ولو 1 0 يبقى المعلومة المرسلة عبارة عن تحكم فى ال Power من ال BTS
    ولو 0 1 يبقى المعلومة المرسلة عبارة عن Timing Advance ( ارجع للمشاكل التى تواجه الاشارة فى شبتر واحد )
    ولو 1 1 يبقى المعلومة المرسلة عبارة عن Hand Over

    اخر حاجة هى ال Guard Period
    وهى عبارة عن مساحة فارغة بجوار ال Burst للفص بينها وبين ال Burst التى بجوارها وهى عبارة عن 8.25 bits ..... ووجودها بيحمى ال Burst اذا حصل اى تأخير او تقديم لها ...
    يبقى كدة ال Burst بتتكون من 156.25 bits


    [​IMG]

    تعالوا كدة نحسب شوية حسابات علشان نعرف الزمن بتاع ال Frame والزمن بتاع ال Time Slot

    الاول صلوا على النبى ............... طب زيدوا النبى صلى

    احنا ال Bit Rate بتاعنا فى ال GSM بيساوى 270.833 Kb/s
    وده هنثبته شوية كدة
    يبقى علشان نجيب ال Bit Duration الى هو الوقت الى بتستغرقه ال bit الواحدة
    يبقى نقسم واحد على 270.833
    يبقى 3.96 ميكرو ثانية
    طيب يبقى علشان نجيب الزمن بتاع ال Time Slot هنضرب ال 3.69 فى ال 156.25
    هنلاقى ان الزمن بتاع ال TS 0.577 msec
    وطبعا علشان جيب الزمن بتاع ال Frame كله هنضرب فى 8 هنلاقيه 4.615 msec


    [​IMG]

    هى اما physical الى هى ال Time Slot ودى بنشبهها بالطرق الى بتمشى عليها العربيات الى هى المعلومات
    وال Logic الى هى المعلومات نفسها

    [​IMG]

    ولما نشوف ال Logic Channels هنلقيها اما ان تكون Traffic Channel او Control Channels
    وال Traffic Channels دى عبارة عن المعلومات بتاعتنا الى احنا بننقلها
    اما ال Control Channels فهى عبارة عن الاوامر الى بتديها الشبكة لل MSs

    تعالوا نشوف انواع ال Traffic Channels الاول

    [​IMG]


    [​IMG]


    Full Rate -1

    بيكون ال Data Rate بتاع ال Speech 13 Kb/sec

    وبعد اضافة ال Redundancy بتبقى 22.8 Kb/sec
    وال Redundancy دى بتستخدم فى عمل تصحيح للاشارة وهنعرف لية بتتضاف وازاى بالتفصيل فى شبتر اربعة


    Enhance Full Rate -2

    وفيها بنزود ال Redundancy شوية

    Half Rate -3

    لما ال Capacity بتاعة الشبكة بتزيد بصورة كبيرة جدا بنضطر ان احنا نخلى كل واحد يا خد نص ال Rate الى المفرض ياخده وبنقسم ال TS على 2 User


    والمرة الجاية نكمل ان شاء الله

     
    1 person likes this.
  5. abdoud

    abdoud New Member

    إنضم إلينا في:
    ‏يناير 4, 2007
    المشاركات:
    4,352
    الإعجابات المتلقاة:
    1,502
    نقاط الجوائز:
    0
    مكان الإقامة:
    الـجــamourــmonـــزائر


    بارك الله فيك اخي على تكملة الدرس

    ننتظر منك بقية الدرس

    لكن من المستحسن تضيف باقي الكورس في مواضيع منفصلة و تكتب نفس العنوان و تكب تابع رقم ؟؟

    نحن في انتظارك


    تقبل هديتي +2
     
  6. ghabdou

    ghabdou New Member

    إنضم إلينا في:
    ‏يوليو 18, 2008
    المشاركات:
    34
    الإعجابات المتلقاة:
    0
    نقاط الجوائز:
    0


    جزاك الله خيرا على الموضوع
    لكن كان جيد لو وضعته في ملف pdf
    merci
     
  7. zohirey2

    zohirey2 New Member

    إنضم إلينا في:
    ‏ابريل 13, 2007
    المشاركات:
    4
    الإعجابات المتلقاة:
    0
    نقاط الجوائز:
    0


    والله انتا موجب معانا جامد
    بس لو ممكن تعملنا الكورس pdf
    عشان عايز اطبعه لحسن مبعرفش اذاكر من علي الكمبيوتر
     
  8. أحمد جاد

    أحمد جاد New Member

    إنضم إلينا في:
    ‏يونيو 11, 2008
    المشاركات:
    5
    الإعجابات المتلقاة:
    0
    نقاط الجوائز:
    1


    جزاك الله كل خير ياأخى ورزقك من حيث لاتحتسب
    :gift::gift::gift:
     
  9. bossnemo

    bossnemo Member

    إنضم إلينا في:
    ‏ديسمبر 22, 2007
    المشاركات:
    32
    الإعجابات المتلقاة:
    24
    نقاط الجوائز:
    8


    اولا متشكر جدا لحضرتك وان شاء الله البقية ستأتى

    بالنسبة لاضافة باقى الكورس فى مواضيع منفصلة ..........بصراحة لما بيكون فى واحد عامل شرح وبيخلى كل شبتر فى موضووع منفصل بتعذب عبال لما الاقى المواضيع كلها لانها بتبقى بعيدة فى الصفحات الداخلية ....

    مشكور يا باشا على الهدية
     
  10. bossnemo

    bossnemo Member

    إنضم إلينا في:
    ‏ديسمبر 22, 2007
    المشاركات:
    32
    الإعجابات المتلقاة:
    24
    نقاط الجوائز:
    8



    متشكر جدا يا جماعة ........... وان شاء الله ملف ال PDF هيبقى جاهز قريب ان شاء الله
     
  11. bossnemo

    bossnemo Member

    إنضم إلينا في:
    ‏ديسمبر 22, 2007
    المشاركات:
    32
    الإعجابات المتلقاة:
    24
    نقاط الجوائز:
    8



    اللهم امين
     
  12. bossnemo

    bossnemo Member

    إنضم إلينا في:
    ‏ديسمبر 22, 2007
    المشاركات:
    32
    الإعجابات المتلقاة:
    24
    نقاط الجوائز:
    8




    تعالوا بقى نشوف ال Control Channel

    [​IMG]

    [​IMG]

    اولا : BroadCast Channel

    [​IMG]

    ودى فيها ثلاث قنوات

    [​IMG]

    الاولى ال BroadCast Control Channel

    ودى يا جماعة عبارة عن قناة عامة ترسل لجميع الموبيلات فى جميع الاوقات وهى دى الى بتخلى الموبيل يكتب اسم الشبكة ويعرف اسم ال Location Area الى هو موجود فيه دلوقتى واسم ال Cell والترددات المستخدمة ودى بتبقى Downlink يعنى بتتبعت من الا BTS ومش محتاجة رد عليها .

    الثانية ال Frequency Correction Channel

    ودى بتعرف الموبيل بالتردد الاساسى علشان يعرف يتعامل مع ال BTS

    الثالثة ال Synchronization Channel

    ودى بتعرف الموبيل بتكوين ال Frame يعنى ترتيب المعلومات فيه وكمان بتعرفه البداية بتاعة ال TS
    والSCH وال FCCH مهمين جدا لاى موبيل يدخل جديد وبعد الاستقبال منهم يقدر بعد كدة يتعامل مع الشبكة ويرسل ويستقبل المكالمات. ودول برده Downlink بس


    ثانيا : Common Control Channels

    [​IMG]

    وتتكون من ثلاث قنوات

    [​IMG]

    الاولى Paging Channel PCH

    دى بقى يا جماعة هى المسؤلة عن البحث عن الموبيل الى جاياله مكالمة وبدور عليه عن طريق ال TMSI الخاص به
    ودى برده Downlink بس

    الثانية Random Channel RACH

    ودى القناة الى بيرد عليها الموبيل على ال Paging وهى فى ال Uplink وبس

    الثالثة Access Grand Channel AGCH

    لما الموبيل بيكون عاوز يجرى مكالمة لازم يعمل شوية حاجات علشان الشبكة تتأكد ان الموبيل ده مش مسروق مثلا وان الشريحة الى فيه مش مضروبة ..الحاجات الامنية دى الموبيل بيعملها فى حالات كتير اوى هنذكرها بالتفصيل بعدين المهم الحاجات دى الموبيل بيعملها على Control Channel اسمها SDCCh ال AGCH دى بقى هى الى بتقوله على SDCCH thضية علشان يستعملها ودى بتبقى فى ال downlink وبس


    ثالثا : Dedicated Control Channel DCCH

    [​IMG]

    وتتكون من ثلاث قنوات

    [​IMG]

    الاولى Stand_alone Dedication Control Channel SDCCH

    ودى الى بيعمل عليها الموبيل جمع الاجراءت من توثيق وتحديث الموقع وغيره ودى بتكون فى ال Downlink وال Uplink

    الثانية Slow Associated Control Channel SACCH

    بتقوم بتبليغ الموبيل بقيمة ال Power والوقت الى هيرسل فيه ودى بتكون فى ال Downlink وال Uplink

    الثالثة Fast Associated Control Channel FACCH

    ودى المسؤلة عن نقل بيانات ال Hand Over بين الموبيل وال BTS ودى بتكون فى ال Downlink وال Uplink

    طيب هى ال Control Channels دى بتتوزع ازاى وبتوصل للموبيل ازاى والموبيل بيرد عليها ازاى


    بصوا يا جماعة احنا عارفين ان ال Frame بتاعنا بيتكون من 8 TS وطبعا لازم يكون فى مكان لل Control Channels دى علشان كدة تم حجز اول 2 TS من كل Frame لل Control Channels دى وباقى ال Frame يبقى لل Traffic Channels يعنى لنقل البيانات

    [​IMG]

    طيب وهى بتتوزع ازاى فى ال 2TS دول

    [​IMG]

    اولا بالنسبة لل FACCH وال SACCH دول بيبقوا عبارة عن 2 bit والى بنسميهم ال Stealing Flag
    والى اتكلمنا عليهم فى مكونات ال Burst
    يعنى مثلا لو ال 2 bit دول 1 1 يبقى ال Burst دى عبارة عن معلومة عن ال Hand Over
    ودى الى احنا سميناها FACCH

    اما بالنسبة لال 2TS الاولى والثانية
    زى محنا شايفين فى الرسمة الى فوق بالنسبة لل TS0 فى ال Uplink هنلاقى ال RACH
    وفى ال Downlink هنلاقى ال BCH , FCCH , SCH , PCH , AGCH
    ودول يا جماعة احنا اتكلمنا عن وظايفهم
    وبالنسبة لال TS1 هنلاقى فيها ال SDCCH فى ال Uplink وال Downlink وده علشان دى زى ماقولنا بتبقى بيتم عليها عمل الاجراءت الاولية للمكالمة والى هنتكلم عليهم ادام شوية ان شاء الله

    وبكدة يكون شبتر 3 انتهى
     
  13. عبدالرحمن رضوان

    عبدالرحمن رضوان New Member

    إنضم إلينا في:
    ‏يوليو 23, 2008
    المشاركات:
    7
    الإعجابات المتلقاة:
    0
    نقاط الجوائز:
    0


    جزاك الله خيرا كثيرا وجعل هذا الجهد فى ميزان حسناتك .
     
  14. alaasab3

    alaasab3 New Member

    إنضم إلينا في:
    ‏نوفمبر 1, 2006
    المشاركات:
    16
    الإعجابات المتلقاة:
    3
    نقاط الجوائز:
    0


    مشكور اخوي على الموضوع ونحن غلى انتظار الجزء الثاني
     
  15. عبدالرحمن رضوان

    عبدالرحمن رضوان New Member

    إنضم إلينا في:
    ‏يوليو 23, 2008
    المشاركات:
    7
    الإعجابات المتلقاة:
    0
    نقاط الجوائز:
    0


    جزاك الله خيرا ياهندسة بجد ربنا يبارك فيك ويجعل هذا فى ميزان حسناتكوابشرك بقول النبى صلى الله علية وسلم(خير الناس انفعهم للناس). صدق رسول الله صلى الله علية وسلم . اخوك عبدالرحمن .جامعة الازهر
     
  16. alqadacy

    alqadacy New Member

    إنضم إلينا في:
    ‏ابريل 3, 2008
    المشاركات:
    14
    الإعجابات المتلقاة:
    3
    نقاط الجوائز:
    0


    السلام علیکم اخوی bossnemo واشکرک کتیییییییییییییییییر علی المجهود الرایع بس انا عندی مشکله هو انه الصور ما تطلعش عندی کیف احل ها المشکله؟
    اشکرک مجددا
     
  17. abedhamed

    abedhamed Guest



    لك تسلم لي يالنشمي واللة دورة اكثر من رائعة
     
  18. araesh2

    araesh2 New Member

    إنضم إلينا في:
    ‏أغسطس 6, 2008
    المشاركات:
    4
    الإعجابات المتلقاة:
    0
    نقاط الجوائز:
    0


    It's Best Thing happened have ever Keep Going , We all waiting you Next Lesson ..Good luck
     
  19. ابن عيسى

    ابن عيسى New Member

    إنضم إلينا في:
    ‏فبراير 22, 2008
    المشاركات:
    3
    الإعجابات المتلقاة:
    0
    نقاط الجوائز:
    0


    ياريت لو فى كورس cdma بس يكون بنفس الطريقة يكون جامد جدا
     
  20. عبدالرحمن رضوان

    عبدالرحمن رضوان New Member

    إنضم إلينا في:
    ‏يوليو 23, 2008
    المشاركات:
    7
    الإعجابات المتلقاة:
    0
    نقاط الجوائز:
    0


    جزاك الله خيرا اخى العزيز وتقبل الله منا ومنك بس عايز اعرف شبتر 4 حينزل امتى وشكرا(devil)
     

مشاركة هذه الصفحة