محتويات مقالاتي أركان المعتمر لحجز فنادق مكة والمدينة صحيفة البوابة مختلفون بالشفا متجر فوريفر دروبلاي new capital compounds كوبون فوري موقع نادي العرب خدمة الرقم الموحد موقع الرهيب دروبلاي كوبونات فورسيلز تقسيطك الصفحة العربية عسل بري

كيمياء تحليلية طرق تحديد الاملاح ونسبتها فى مياة الشرب ( موضوع مهم وشيق)

الموضوع في 'قسم الكيمياء' بواسطة chem4ever, بتاريخ ‏فبراير 15, 2009.

  1. chem4ever

    chem4ever Member

    إنضم إلينا في:
    ‏يونيو 7, 2008
    المشاركات:
    51
    الإعجابات المتلقاة:
    18
    نقاط الجوائز:
    8
    الوظيفة:
    كيميائى
    مكان الإقامة:
    ام الدنيا


    كان فى طلب من اخ معنا بيسال عن تحليل الاملاح الجوفية

    وكان يريد شرح باللغة العربية

    وطبعا النوع هذا من الشروح بيكون صعب تواجدة باللغة العربية لكن ممكن نشرح مع بعض طرق التحليل للاملاح

    =====================

    اولا معرفة اسماء التحاليل المتعرف عليها


    T.S total solids
    T.D.S total dissolved solids
    T.S.S total suspended solids


    وهى الاملاح الكلية
    والاملاح الذائبة الكلية
    والاملاح المعلقة الكلية

    وطبعا الوحدة المستخدمة فى القياس والمعدل الطبيعى بيكون ب ppm يعنى mg/l

    وبيكون بالنسبة لمياة الانهار النسبة دة تقريبا 180- 300 ppm

    اما فى المياة الجوفية فتكون نسبة الاملاح دة عالية عن كدة بمراحل عادة بتكون فوق 700 ppm

    ==================

    طرق القياس

    =================

    طبعا الطريقة الشائعة عندنا هى الربط بين التوصيلية الكهربية conductivity

    والاملاح الذائبة القلوية لتهسيل عملية القياس اليومية


    والطريقة بتتطلب منك وجود توصيل كهربى ومعرف النسبة اللى هتضرب فيها للحصول على نسبة تقريبا للاملاح الذائبة وعادة بتكون النسبة دة بين 0.5 - 0.9

    والنسبة بتخلتلف على حسب مقدار التوصيلية وطبعا علشان احنا بنشتغل على النيل


    ومعدل التوصيل فى النيل بيكون من 300- 500 فاحنا بنضرب فى نسبة 0.66 ودة بنان على كرفات احنا عملنها قبل كدة

    مثال

    تم وضع عينة من مياة النيل وكان التوصلية الكهربيه لها 380 us

    احنا بنضرب القيمة دة فى 0.66 ونقرب لاقرب رقم صحيح ليكون 251 ppm او mg/l

    وهكذا

    وطبعا الطريقة دة ليها ميزات وعيوب

    اهم ميزتها انها تستخدم لطرق تحليل سريعة يومية وكتيرة

    واكتر عيوبها عدم الدقة فى النتيجة يعنى ممكن تكون النتيجة خارج المعقول بنسبة 10 %

    وفى البوست القادم نشر طرق التعين للاملاح عن طرق التجفيف المذكرة فى الاستندر
     
  2. chem4ever

    chem4ever Member

    إنضم إلينا في:
    ‏يونيو 7, 2008
    المشاركات:
    51
    الإعجابات المتلقاة:
    18
    نقاط الجوائز:
    8
    الوظيفة:
    كيميائى
    مكان الإقامة:
    ام الدنيا


    اولا يجب معرفة ان T.D.S + T.S.S = T.S

    الاملاح الكلية هى مجموع الاملاح الذائبة الكلية و الاملاح المعلقة

    ومن هنا ممكن نقوم بقياس اثين فقط ومنها نحصل على الثالثة :D

    اولا T.S

    =======

    الادوات

    ميزان حساس 4 ارقام عشرية

    بوتقة بورسلين 150 مل

    سلندر 100 مل

    مجفف لدرجة حرارة 105 سلزيوس

    ========

    العمل

    نحضر عينة متمثلة للموقع المراد قياسة ( يعنى مجبش عينة فى رمل او شوائب او عينة مياة راكدة واحكم بيها على الموقع كلة )

    نقوم بوزن البوتقة وليكن الوزن w1

    ناخد 100 مل من العينة بواسطة السلندر ونضعها فى البوتقة

    ثم نضع البوتقة فى المجفف حتى تجف تمام ونقوم بوزنها وليكون الوزن w2

    طيب حطة حلوة 8) هتقولى ازاى اعرف انها جفت تمام

    هقولك لما تلاقى البوتقة جفت بالعين المجرد خدها اوزنها وبعدين حطها فى المجفف تانى لمدة دقيقتين

    ووزنها تانى لو لقيتها وزنها بينقص يبقى هى مكنتش جفت تمام فى المرة الاولى وهكذا حتى تحصل على

    مرتين الوزن فيها ثابتة

    كدة حلو انت معاك دلوقتى وزن البوتقة فاضية ووزنها وهى فيها الاملاح المتبقية من تجفيف 100 مل من العينة

    هنطرح الوزن الاول من االتانى


    T.S (ppm)
    10 * ( w1 - w2 =


    جميل جدا هتقولى جت منين ال 10 اللى ضربنا فيها بعد طرح الوزن هاقولك دة علشان احنا خدنا 100 مل فقط من العنية واحنا هنسسب النتيجة للتر كامل هنظطر نضرب فى عشرة


    ==============================================


    T.D.S
    =========
    الادوت

    نفس الادوات السابقة زيادة على ذلك

    فمع تشريح وورقة ترشيح

    ========

    العمل

    نفس الخطوات السابقة

    فقط نرشح العينة قبل الاجراءت السابقة


    ============

    T.S.S
    =======

    طبعا نطرح الاملاح الكلية من الاملاح الذائبة هيدينا نسبة الاملاح المعلقة
    :gift::gift::gift::gift:

     
    1 person likes this.
  3. chem4ever

    chem4ever Member

    إنضم إلينا في:
    ‏يونيو 7, 2008
    المشاركات:
    51
    الإعجابات المتلقاة:
    18
    نقاط الجوائز:
    8
    الوظيفة:
    كيميائى
    مكان الإقامة:
    ام الدنيا


    طبعا من الطبيعى اننا نكمل كلامنا لزيادة الفائدة

    =================

    هنتكلم عن الاملاح اللى موجودة فعلا فى مياة الشرب والانهار


    طبعا كل من لها دراسة علمية يعرف انه اى ملح بيتكون من شقين


    الانيون الشق السالب والكاتيون الشق الموجب

    مثالا NaCl ملح كلوريد الصوديوم بيتكون شق انيون سالب وهو الكلوريد وشق كاتيون موجب وهو الصوديوم

    وعند الكشف عن هذة الاملاح كشف كيفيى ومش كمى زى الشرح اللى الاول


    بنكشف عن الانيونات لوحدها وبنكشف عن الكاتيونات لواحدها

    =========================

    ودة ترتيب الكاتيونات اللى فى مياة الشرب والانهار بالترتيب حسب الاكثرية

    Ca كالسيوم
    Na صوديوم
    K بوتاسيوم
    Mg ماغنسيوم
    Fe حديد
    Al الومنيوم
    Mn منجنيز
    ودوووول كلهم بنكشف عنهم بواحدات عالية ppm = mg/l

    وبيجى بعدهم

    Zn زنك
    Cu نحاس
    Hg زئبق
    Ni نيكل
    Cr كروم
    pb رصاص

    ودول كلهم بيتقسوا بوحدات اقل من ppm وتسمى ميكرون يعنى ال ppm = 1000 micron



    ============

    نخش على اكثر الانيونات الموجود فى المياة الشرب والمحيطات

    CO 3 , HCO3

    كربونات والبيكربونات وبتسمى فى القياسات القلوية الكلية للمياة

    SO4

    الكبريتات

    Cl

    االكلوريد

    SiO2

    السليكات

    PO4

    الفوسفات

    F
    الفلوريد

    NH4 , NO2 ,NO3

    الامونيا والنيريت والنترات ودول مظاهر وجود تلوث عضوى على المياة


    =================

    وللحديث باقية (hi)

     
  4. chemistry

    chemistry مستشار كلية العلوم النهرالخالد إداري

    إنضم إلينا في:
    ‏فبراير 5, 2007
    المشاركات:
    12,892
    الإعجابات المتلقاة:
    5,631
    نقاط الجوائز:
    128
    الجنس:
    ذكر


    بارك الله فيك أخى الكريم .....كلام مهم تقبل تقديرى وأحترامى
    +3
     
  5. يوسف حتحوت

    يوسف حتحوت New Member

    إنضم إلينا في:
    ‏نوفمبر 2, 2008
    المشاركات:
    3
    الإعجابات المتلقاة:
    0
    نقاط الجوائز:
    1


    واللة يارب ربنا يباركلك فى حياتك على قدر ما انت انسان محترم لا تبخل على اخوتك
     
  6. يوسف حتحوت

    يوسف حتحوت New Member

    إنضم إلينا في:
    ‏نوفمبر 2, 2008
    المشاركات:
    3
    الإعجابات المتلقاة:
    0
    نقاط الجوائز:
    1


    واللة الموضوع شيق جدا ياريت تكملة لينا عشان احنا لسة فى بدايتة
     
  7. chem4ever

    chem4ever Member

    إنضم إلينا في:
    ‏يونيو 7, 2008
    المشاركات:
    51
    الإعجابات المتلقاة:
    18
    نقاط الجوائز:
    8
    الوظيفة:
    كيميائى
    مكان الإقامة:
    ام الدنيا


    الاخ كيمسترى شكرا ليك المرور و +3 وجزاك الله كل الخير


    ==================

    الاخ يوس حتحوت الموضوع كبيرررررررررررررررررررررررررررر اووى كل الاملاح اللى قمت بذكرها لها اكثر من طريقة للتحليل والحمد لله انا اشتغلتهم كلهم بس انا ممكن انتظر اسئلة

    او حتى اكمل المهم منها والشائع زى القلوية الكلية والعسر الكلى وعسر الكالسيوم وعسر الماغنسيوم

    وانا شاء الله هاكتبهبهم بالحسابات والتحضيرات للافادة العامة
     
  8. chem4ever

    chem4ever Member

    إنضم إلينا في:
    ‏يونيو 7, 2008
    المشاركات:
    51
    الإعجابات المتلقاة:
    18
    نقاط الجوائز:
    8
    الوظيفة:
    كيميائى
    مكان الإقامة:
    ام الدنيا


    نتكلم عن الطرق السهلة واللى ممكن كتير منا يقدر يعملها فى معمل صغير

    ===============================================

    تعين نسبة الكلوريدات فى عينات مياة

    وطبعا دة من طرق التحليل الحجمى

    Volumetric determination of chlorate with silver nitrate after



    =======================

    المواد الواجب توافرها

    1- نترات الفضة AgNO3
    2- كرومات البوتاسيوم K2Cr2O7
    3 - كلوريد الصوديوم


    التحضير ..


    اولا تحضير محلول نترات الفضة 0.0141

    نذيب 2.395 جرام من نترات الفضة فى لتر من المياة المقطرة وطبعا نذوب فى اقل كمية ونكمل الى لتر

    وبعدين المحلول دة لو انا شاكك فى نقاوة نترات الفضة ممكن اعملة معايرة مع كلوريد صوديوم علشان اتاكد من عيارية كويس


    محلول كلوريد الصوديوم للمعايرة 0.0141

    نذوب 0.824 جرام من كلوريد الصوديوم المجفف لمدة ساعة عند 140 درجة سلزيوس فى لتر من المياة المقطر


    محلول كرومات البوتاسيوم ( دليل المعايرة )

    نذيب 50 جرام فى اقل كمية مياة مقطر ثم نضيف قطرات من محلول نترات الفضة حتى نرى لون احمر خفيف يظهر فى المحلول ثم نترك المحلول لمدة 12 ساعة ونرشحة ونكملة الى لتر بالمياة المقطرة




    ===================

    طريقة العمل


    باخد 50 مل من العينة المياة المراد تحليلها واضيف عليها قطرة او اتنين من كرومات البوتاسيوم نجد ان لون المحلول اصفر زى دة (yawn) بعدين نعاير العينة بواسطة محلول نترات الفضة 0.0141 حتى نحصل على اول قطرة تحول اللون الى احمر خفيف (devil)


    وبحسابات كتير قراءة السحاحة * 10 تساوى كمية الكلوريدات ب ppm او mg/l

    يعنى لو السحاحة 2.7 مل يبقى الكلوريدات 27 mg/l





     
  9. chem4ever

    chem4ever Member

    إنضم إلينا في:
    ‏يونيو 7, 2008
    المشاركات:
    51
    الإعجابات المتلقاة:
    18
    نقاط الجوائز:
    8
    الوظيفة:
    كيميائى
    مكان الإقامة:
    ام الدنيا


    العسر الكلى

    Total Hardness

    ================

    اولا يا جماعة لازم نعرف يعنى اية عسر مياة وبعدين اية مشاكل العسر دة وازاى نقيسة

    بيعرف العسر فى جميع الكتب على انة قياس قدرة المياة على ترسيب الصابون



    بمعنى البلدى انة كل ما بيزيد العسر فى المياة الصابون ولا اكنة لية لازمة ولا بيعمل رغوة ولا اى حاجة

    طيب وبيجى منين العسر دة ان شاء الله :D


    هاقولك بيجى من املاح المعادن ثنائية التكافؤ طبعا اهمها على الاطلاق الكالسيوم والماغنسيوم

    وعادة بيكون فى صورة كربونات وطبعا فى معادن اخرى بتسبب هذا العسر لكن نسبتها فى المياة اقل

    بكتير من نسبة الكالسيوم والماغنسيوم


    ومن الكلام اللى فات دة نعرف نقول تقربيا والمتبع عالميا


    العسر الكلى = عسر الكالسيوم + عسر الماغنسيوم :nostd:


    ومن الطبيعى علشان ابدا ادور على طرق القياس لازم اكون الوزن الجزئى لكلمة عسر كلى يعنى لازم

    نحدد مركب معين اشتغل علية واقول هو دة المسبب الرئيسى للعسر فطبعا كان CaCO3 الكالسيوم

    كربونات

    والوزن الجزئى لمركب الكالسيوم كربونات = Ca 40 + C 12 + O3 16* 3 = 100


    هنتكلم بعد كدة عن التحضيرات والتحليل والحسابات :x



     
  10. chem4ever

    chem4ever Member

    إنضم إلينا في:
    ‏يونيو 7, 2008
    المشاركات:
    51
    الإعجابات المتلقاة:
    18
    نقاط الجوائز:
    8
    الوظيفة:
    كيميائى
    مكان الإقامة:
    ام الدنيا


    المواد الواجب توافرها

    =============

    1- اديتا EDTA
    2- هيدروكسيد الامونيوم
    3- كلوريد الامونيوم
    4- هيدركسيد الصوديوم
    5- ايركورم بلاك تى EBT
    6- ميروكسيد ( امونيوم بريربورات )
    7- كربونات الكالسيوم
    8- كلوريد الماغنسيوم
    ==============================

    المحاليل اللى هنحضرها

    - محلول منظم Buffer solution

    نذيب 16.9 جرام من كلوريد الامونيوم فى 143 مل من هيدروكسيد الامونيوم ونضيف 1.25 جرام من الماغنسيوم اديتا وطبعا دة مش متوفر اوووى فنعمل اية

    هنجيب 0.644 جرام من الكلوريد الماغنسيوم + 1.179 من الصوديوم اديتا ونذوبها فى 50 مل مياة مقطرة

    ونضيف ال50 مل دوول بدل 1.25 جرام ماغنسيوم اديتا


    - محلول الاديتا 0.01 M

    نذيب 3.723 من الاديتا ثنائية الصوديوم فى لتر من مياة المقطرة طبعا بذوب فى اقل كمية واكمل الى لتر بعد الذوبان

    هذا المحلول يعاير مع محلول كربونات الكالسيوم 0.01 M

    والمحلول دة هو 1 جرام من كربونات الكالسيوم نذبها فى اقل كمية من 1: 1 HCl ثم نكمل المحلول الى 500 مل وبعدين نضع قطرة من المثيل البرتقالى طبعا اللون هيبقى احمر علشان المحلول حمضى
    هنضف قطرات من هيدروكسيد الامونيوم بحذر حتى يصل الى البرتقالى ثم نكمل المحلول الى 1000 مل



    - ايركروم بلاك تى

    0.5 جرام من الدليل يطحن جيدا مع 100 جرام من كلوريد الصوديوم ويوضع فى علبة شبة الملاحة بتاعت اللاكل

    - الميروكسيد

    0.5 جرام من الدليل يطحن جيدا مع 100 جرام من كلوريد الصوديوم

    - محلول هيدروكسيد الصوديوم 4 N

    نذيب 40 جرام من الهيدروكسيد الصوديوم فى اقل كمية مياة مقطرة ممكنة ثم نكمل المحلول الى 250 مل مياة مقطر


    يتبع






     
  11. مهند حازم

    مهند حازم Well-Known Member

    إنضم إلينا في:
    ‏يناير 6, 2008
    المشاركات:
    1,036
    الإعجابات المتلقاة:
    40
    نقاط الجوائز:
    63
    الوظيفة:
    طالب جامعي
    مكان الإقامة:
    لبنان


    مشكور على المعلومات القيمة
     
  12. semamedo

    semamedo Active Member

    إنضم إلينا في:
    ‏يوليو 3, 2008
    المشاركات:
    331
    الإعجابات المتلقاة:
    99
    نقاط الجوائز:
    43
    جزاك الله كل خير
     
  13. chemistry

    chemistry مستشار كلية العلوم النهرالخالد إداري

    إنضم إلينا في:
    ‏فبراير 5, 2007
    المشاركات:
    12,892
    الإعجابات المتلقاة:
    5,631
    نقاط الجوائز:
    128
    الجنس:
    ذكر
    جزاك الله الجنة أخى العزيز ...بوركت
     
  14. hala samir

    hala samir New Member

    إنضم إلينا في:
    ‏ابريل 28, 2009
    المشاركات:
    4
    الإعجابات المتلقاة:
    0
    نقاط الجوائز:
    0
    مش عارفين نشكرك ازاى بسم الله عليك جزاك الله خير وازادك علما :)
     
  15. hala samir

    hala samir New Member

    إنضم إلينا في:
    ‏ابريل 28, 2009
    المشاركات:
    4
    الإعجابات المتلقاة:
    0
    نقاط الجوائز:
    0
    انا عاوزه حد يقولى كيفيه تقدير الحديد فى المياه بدون اجهزه بالمعايره وكمان النسب المفروضه انا بشتغل للغلايات
     
  16. مهندس كيميائي

    مهندس كيميائي New Member

    إنضم إلينا في:
    ‏مايو 5, 2009
    المشاركات:
    5
    الإعجابات المتلقاة:
    0
    نقاط الجوائز:
    0
    الله عليك ياشيخ مشكور ---زادك الرحمن علما من عندة ----ننتظر المزيد :gift:
     
  17. chem4ever

    chem4ever Member

    إنضم إلينا في:
    ‏يونيو 7, 2008
    المشاركات:
    51
    الإعجابات المتلقاة:
    18
    نقاط الجوائز:
    8
    الوظيفة:
    كيميائى
    مكان الإقامة:
    ام الدنيا
    تلات طرق لقياس الحديد فى عينات المياة

    الاولى - بواسطة ثيوسيانات الامونيوم ودة مقارنة لونية بدون استخدام اجهزة

    الثانية بطريقة 1-10 فيناانثرلون والطريقة دة بتحاج جهاز سبكتروفوتومتر يكون فى لمبة بتغطى منطقة الفزبول

    الثالثة وهى بواسطة icp وطبعا دة مش موجود كتير


    اما الغلايات ؟؟؟؟؟؟؟؟؟؟؟؟؟ فهل انتى تقصدى غلايات المصانع ولا اية غلايات اية ؟؟؟
     
  18. chem4ever

    chem4ever Member

    إنضم إلينا في:
    ‏يونيو 7, 2008
    المشاركات:
    51
    الإعجابات المتلقاة:
    18
    نقاط الجوائز:
    8
    الوظيفة:
    كيميائى
    مكان الإقامة:
    ام الدنيا

    تحت امرك اي اخى


    بس لو عند حضرتك سوال معين حول الموضوع يكون احسن لانى الموضوع كبيرة جدااااااا

    ومتفرع وانا فعلا مشغول جدا الايام دة

     
  19. مهندس كيميائي

    مهندس كيميائي New Member

    إنضم إلينا في:
    ‏مايو 5, 2009
    المشاركات:
    5
    الإعجابات المتلقاة:
    0
    نقاط الجوائز:
    0
    اولاً شكرا جزيلاً على تكرمك بالرد عليا مع انك مشغول كما قلت وهذا ان دل على شيئ فإنما يدل على كرم اخلاقك ثانياَ اذا حصلت على وقت وانت غير مشغول نرجو ا منك التكرم بتعريفنا بكيفية قياس الصوديوم والبوتاسيوم والحديد في مياة الشرب وهل يمكن قياسهما بالمعايرة مثلاً وبصراحة اعتذر منك على التطفل عليك يا استاذي العزيز (على راحتك مش مشكلة التاخير)
     
  20. hala samir

    hala samir New Member

    إنضم إلينا في:
    ‏ابريل 28, 2009
    المشاركات:
    4
    الإعجابات المتلقاة:
    0
    نقاط الجوائز:
    0
    جزاك الله خير وازادك علما لاهتمامك بالاخرين انا بشتغل بشركه اغذيه ومعالجه مياه الغلايات من اختصاصى فاذا كان هناك تفاصيل اكثر والنسب المسموح بها فساكون شاكره جدا
     

مشاركة هذه الصفحة