تسمحلى اكون اول مريض عندك

المصدر: تسمحلى اكون اول مريض عندك
في منتدى : عيادة المنتدى

بسم الله ​

السلام عليكم ​

اخى الكريم دكتورنا الكريم ابو ليندا شكرا على العياده الجميله دى وكمان ببلاش ما شاء الله ​

تسمحلى اكون اول مريض عندك فيها ​

بتقول ايه انك زعلان شويه علشات مفيش زباين ​

لا لا ولا يهمك ده لسه اول يوم وبعدين الناس لمل تعرف العياده هتتملى وهتسهر للفجر وربنا يديك الصحه ويمللك العياده مرضى ​

غير كده العياده بسم الله ما شاء الله واسعه وفى مكان محترم . سيبها لله وبكره تتملى زباين وخصوصا لما يعرفو انها بلوشى .

بتقول ايه ابطل رغى وامدد على الشيزلونج ؟ .
ماشى يادكتور
بس ياريت وانت ابو الكرم تخلى التمرجى يجيبلى حاجه ساقعه علشان الجو حر النهارده شويه
. ده انا ممهمزه بخمسه جنيه قبل ماادخل . علشان يدخلنى الاول
مع أن مفيش مرضى غيرى !!.

بتقول ايه اقولك عمرى كام و أحكيلك بشكى من ايه ؟.​

ماشى العمر تحت التلاتين و الحكايه اللى بأعانى منها هى أنى بأعانى منتنميله فى أرجلى الا تنين منذ 5 سنوات للان وما اعرفش ليها سبب ​

بتقول ايه يعنى أيه تنميله فى رجليا الاتنين .
مش عارف اقولهالك علميا لكن بالمصرى ( طول النهار والليل رجليا الاتنين منمله )​

بتقول أيه انا أقف كتير طول اليوم .
أه بقف حوالى 12 ساعه فى اليوم طبيعة شغلى كده لانى كيميائى والله يعينا بنشم كيماويات للصبح طول اليوم

لكن التنميله دى معايا ليل نهار حتى ولو نمت 24 ساعه فى اليوم مفيش جديد وموش مرتبطه بالاجهاد او عدمه
بتقول ايه هتقيس الضغط .
انا ممكن اقولهولك قبل ما تقيسه ضغطى على طول واطى 100 على 80 ومهما اخدت من منشطات دوره دمويه يبقى طبيعى وبعد ما توقف الدوا يرجع زى ما كان واطى ويثبت على 100 على 80

آه شكرا جدا على الحاجه الساقعه . لو الز باين تعرف كرمك ده العياده هتتملى .
يا سلام كشف وحاجه سقعه ببلاش ده ولا فى الاحلام وياريت الدوا يبقى ببلاش ربنا يبارك فيك .

ماشى هبطل رغى واجاوب على أسئلتك .​

بتقول ايه باخد اى أدويه
لا و الحمد لله ومابشربش اى حاجه اكتر من كباية شاى او اتنين فى اليوم وما بصدقش كلام الدكاتره ( الوحشين بس ) موش اللى بحبهم زيك .

بتقول ايه المشكله ظهرت ايمتى و عملت فحوصات ولا لأ ورحت لدكاتره ولا لا لأ وقالولى أيه .؟​

ماشى أقولك بس يا ريت وحياة والد ك تخلى التمرجى بتاعك يعملى كباية شاى علشان ما شربتش النهارده خالص

المشكله ظهرت من خمس سنين طول اليوم رجليا كلها من تحت لفوق حاسس فيها بتنميله تزيد شويه او تقل شويه أه لكن ما بتروحش خالص ​

من ناحية الفحوصات عملت تحليل دم كامل اكتر من مره وكله تمام ورحت لدكتور امراض باطنه قاس الضغط وقالى لا ده ضغط واطى وهات يا ادويه ترفع الضغط
هنا اذكرلك اسم العقار وليس الاسم التجارى وهى ​

midodrine hydrchloride 2.5 mg بمعدل 3 مرات يوميا
و دوا كده علشان لو زعلان شويه يخلينى كويس اسمه
amineptine hydrochloride 100mg بمعدل مرتين يوميا​

وشوية فيتامينات وزى ما قلتلك تبطل المنشطات دى ترجع ريمه لعادتها القديمه .اسبوعين ورا اسبوعين وزهقت بعد شهر ووقفت العلاج .

ويرجع الضغط واطى زى ما كان . القصد سيبت الدكتور ده لما لقيت انه مش عارف تفسير ونصحنى اروح لدكتور مخ وأعصاب .
وده كان أول دكتور دوخته معايا ودو بته . وأعتقد اته اعتزل المهنه بعد كده .​

ماشى خلاص هبطل لماضه وهكمل .
بس عايز أقولك ​

الله يكرمك شكرا جدا على الشاى . كباية شاى 100% . كلك كرم واخلاق ​

بتقول أيه عملت ايه بعدها ؟ ​

رحت لدكتور مخ وأعصاب نزل فيا فحص حوالى ساعه وبعدين قالى انت يا ابنى أعصابك زى الفل وأعصاب رجليك 100% ومش محتاج أى حاجه من ناحية الاعصاب خالص . والله كان كلامه جميل خالص . سألته طيب يا دكتور تفتكر أيه السبب قالى احتمال الدوره الدمويه بتاعتك عاوزه شوية تنشيط وعطانى شوية أدويه بعد ما عمل تحليل دم كامل وسكر وبول وستول واملاح كمان تانى ومفيش فيها حاجه وحشه والسكر تمام وكله تمام عدا ان ضغطى واطى كالعاده 100على 80

ونصحنى اتجوز علشان ألاقى حد يرفع لى الضغط ( والحمد لله للان ما سمعتش النصيحه )

وعطانى شوية ادويه تنشط الدوره الدمويه منها
هنا اذكرلك اسم العقار وليس الاسم التجارى وهى
vincamine 30mg بمعد ل 3 مرات يوميا
nicotinyl alcohol as tartarate 150 mg بمعدل 3 مرات يوميا ​

وكالعاده شوية فيتامينات عاشان تنعنشنى
وبالمناسبه ألاقيش عندك يا دكتور اى نوع فاكهه علشان انا لسه ما اتغديتش وموش راضى اقولك غدينى؟​

بتقول أيه مفيش أحنا فى عياده موش مطعم ؟.
خلاص يادكتور ماتزعلش نفسك . نتحمل وخلاص (هو كشف وبحلقه)

المهم يا دكتور اجيبلك المفيد . قعدت عند دكتور الاعصاب ده اسبوعين وانا باخد العلاج اللى قلته لك من شويه

وفى النهايه زهق منى وقالى روح لدكتور أمراض باطنه تانى وأسمع كلامه للاخر

وفى يوم بعدها بشهر وانا ماشى فى الطريق عديت على عيادته قلت اسلم عليه قالولى ده قفل العياده
من شهر وساب البلد وطفش . وده كان تانى دكتور دوبته وتوبته من المهنه .

خلاص يادكتور ابو ليندا ماتزعلش نفسك هخلص واجيب من الاخر .

خدت بعضى ورحت لدكتور تالت أخصائى أمراض باطنه بعدها بشهرين واخدت التحاليل والفحوصات خلافه حتى الادويه وكالعاده طلب منى تحليل دم كامل جديد وبول وستول ووظائف كبد وكلى وسكر وكله طلع تمام وقاس الضغط لقيه 100 على 80

قالى سيبك من كل اللى فات ده انت ضغطك واطى لان دى طبيعتك ربنا خلقك كده
ودى حاجه عاديه لما يكون الضغط 100 على 80 موش معناه ان ده مرض
قلتله ماشى طيب تنميلة رجليا دى تفسرها بأيه وأيه علاجها قالى ده قصور فى اعصاب الرجلين وعطانى دوا ​

اسمه العلمى sulbutemine 200mg بمعدل قرص قبل الفطار​

واخر اسمه المصرى التجارى thiotacid 600
والاسم العلمى
thioctic acid ( alpha , lipoic acid ) 600mg + (diabetic polyneuropathy , neuritties , polyneuritis , optic neurititis , encephalopthies ) 600mg
بمعدل مرتين يوميا
وانا هنا نقلت لك الاسماء العلميه من كتاب ادويه عندى ​

وماتزعقش ليا يادكتور كده وتقولى خلص العياده مليانه
دا انا بحبك وانا جيلك فى الكلام اهوه

و صراحه لما لقيت الدكتور ده بتاع امراض باطنه و بيفتى فى الاعصاب ودكتور الاعصاب نفسه وهو استاذ ورئيس قسم فى الجامعه قال لى انى تمام من ناحية الاعصاب .
ما سمعتش كلامه وحرمت أروح لحكمه تانى ​

وده كان تالت دكتور معايا وخلانى تبت اروح لدكاتره وعشت مع مشكلتى كأنها موش موجوده والصحه بمب والحمد لله وما بخدش اى ادويه وكله تمام . وما زالت المشكله موجوده . فما تفسيرك يا دكتورنا ابو ليندا الغالى؟

ساعتها دخل التمرجى علينا انا وابو ليندا ومعاه 3 شنط فيها خيرات الله من الفاكهه فأذا بأبوليندا يقولى بعد مابص فى ساعته .

مع السلامه انت بقى يامحمد الكشف خلص والعياده زحمه قوى بره وعلشان تعرف الاجابه قابلنى ​

على عيادة منتدى كتاب العرب . ​

فخرجت وانا هموت من الغيظ ونفسى را يحه لشنط الفاكهه وعينى هتطلع عليها وجئت هنا أحكى لابوليندا ولكم حكا يتى يرضيكو يعمل كده مع اول زبون.​

;(;(;(;(;(;(;(;(;(;(;(;(;(;( ;( ;( ;( ;( ;( ;( ;(;(;(

 

اخى الحبيب ودكتورنا الكريم ابو ليندا​

بعد السلام عليكم ​

شكرا لك على الاهتمام بالاجابه وربنا يبارك فيك ويكتر عيانينك

والحمدلله انى كما قال اخى غانو ( فلا تكن الثالث فتهلك )
​

وأرجو ان تكون تقبلت طرحى للمشكله بشكل دعابه بصدر رحب​

فأنا أحبك جدا وأحب المنتدى وأعرف انك أطيب أعضاؤه وقصدت من هذا الاسلوب مداعبتك و مداعبة الاعضاء
( فهذه طبيعتنا نحن المصريين )

وكل سنه وانت طيب والاعضاءو المشرفين كلهم بخير.
​

اما من ناحية الاسباب لما شرحته لك سابقا فلم اقل لك ما يلى :​

1 - كلما ذهبت لطبيب من السابقين اعطانى نوع من الحقن عباره عن vitamine B 12
اسمه المصرى التجارى​

Debovit B12 بمعدل مرتين اسبوعيا ​

او نوع اخر من فيتامين ب12 او الحقن للاعصاب فى صوره زيتيه ​

ولكنه طويل المفعول لذا يؤخذ مره اسبوعيا​

او اقراص
vitamine B complex بمعدل 3 مرات يوميا
ولم اكن استمر على اى منهم اكثر من اسبوعين ولم يكن هناك اى تحسن يذكر

اما من ناحية التنميله هذه فهى كانت وما زالت متزبذبه بالزياده او النقصان حتى انه احيانا لا اكاد اشعر بها لكنها مازالت موجوده

2 - بالنسبه للدوالى فقد اهتم بفحصها جيدا دكتور الاعصاب ولم يجد عندى او سبق معاناتى منها وليس لها اى اثر فى ارجلى الاثنين نهائيا
​

3- طلب منى دكتور الاعصاب ايضا اشعه عاديه x ray
على فقرات الظهر خاصه الخلفيه منها فلم يجد اى مشكله
ولم يسبق لى ان اشتكيت من ظهرى او اى الم به نهائيا
وعندما وجد الطبيب ذلك ان ظهرى بالاشعه العاديه تمام رفض عمل اى نوع اشعه تانى مثل اشعة الرنين المغناطيسى على الظهر

4- بل انى للتأكيد اكثر على سلامة الظهر قمت بعمل اشعه x ray عاديه تانى مره فى اكبر مستشفيات مصر وهى مستشفى عسكرى وبأحدث الاجهزه وايضا الاشعه تقول ان فقرات الظهر تمام وليس هناك مشكله فى الديسك او اى شىء

5 - عرضت لثانى مره هذه الاشعات على طبيب علاج طبيعى صديق فلم يجد بها اى مشكله وكان ينوى اخذى عنده فى المستشفى الجامعى الذى يعمل به لاداء بعض الجلسات على جهاز حديث جدا لديهم بالمستشفى
وعندما وجدنى تمام رفض ذلك وقال لى (انت بتدلع وما عندكش حاجه وبطل تروح لدكاتره وكفايه دلع الاشعه بتقول كده )
ونصحنى بعدم عمل اى اشعه على الاعصاب الطرفيه
(رسم عصب) للارجل لانى كنت بفكر بذلك
​

6- اما الان فأنا لا اتناول اى ادويه نهائيا ولاعب كره طائره هاوى اى رياضى جدا واعيش كأن ليس هناك مشكله
​

هل هناك اى شىء كان يجب فعله ولم افعله سواء من اشعه اوغيره او ادويه يلزم تناولها ولاى مده ؟​

ومن من الاطباء اصدق ؟​

وهل اذا تجاهلت المشكله وعشت عادى قد يؤثر ذلك على مستقبلا.؟
وماذا يجب على فعله يا دكتورنا الكريم بارك الله فيك؟​

دمت فى حفظ الله
(inlove)(inlove)(inlove) ​

 

شكرا اخى ودكتورنا الكريم ابو ليندا فبحق انت بلسم المنتدى

ولا تقلق فانا زى الحصان وسوف اسمع النصيحه وبعدين احنا فى

عيادة منتدى كتاب العرب

فين نصيبى فى الفاكهه

:biggrin::biggrin::biggrin::biggrin:

​

 

اخى الحبيب ومستشارنا الغالى / المهاجر

انا سعيد بمعرفتى بك وبكل اعضاء ومشرفي منتدانا الكرام وربنا يبارك فيك وبفضله ان شاء الله
يشفى زوجتك ولى نصيحه اوصيك بها اعطها ماء زمزم مع الاعتقاد التام فى الشفاء وبفضل الله تشفى

و يا حبذا يكون ده طوال شهر رمضان و لو سهل لك الحصول عليه اجعلها لا تستعمل اى ماء فى اى شىء
الا ماء زمزم فقد سافر قريب لى يعانى من امراض ليس لها عدد الى العمره فى رمضان وعاد لا يتناول من الادويه الا القليل جدا الذى لا يكاد يذكر وذلك بفضل اعتماده على ماء زمزم و فيه احاديث نبويه كثيره صحيحه
ولها منا جميعا الدعاء
​

(و أطالب أخونا العزيز محب الله بخيمة رمضانية لا تخلوا
من الفاكهة و العصائر للإهتمام بأعضاء المنتدى و المرضى منهم خاصة ..... ههههههه)


اما هذا الطلب فأنا معك فيه ومستعد ان اتطوع واكون انا مدير هذه الخيمه فأ ى اداره فيها أكل تعجبنى جدا

فأرجو تزكيتى عند أخى محب الله ورسوله فى هذا الطلب ( ومتخفش هبقى اشوفك)

وكل سنه وانت طيب
وبارك الله فيكم جميعا ودمتم بكل خير

(inlove)(inlove)(inlove)​

 

الحمد لله أخي محمّد على الصحّة و العافية. انا أعرف دواك.زوجة صالحة ويذهب كلّ التنميل.فعجّل بالزّواج.

 

اخي و صديقي و عزيزي المهاجر
أكثر الناس آبتلاء هم الأنبياء ثمّ الأولياء ثمّ من والاهم في الدّرجة. أجرك عظيم عند الله و أجر زوجتك أعظم. عافاها الله من كلّ داء ورزقها الصحّة و العافية لتكمل المشوار معك في تربية الأبناء و الفرح بهم. و إذا عجز الطبّ و هذا يحدث كثيرا فأنا أضمّ صوتي لصوت اخي محمّد و أنصحك بالإلتجاء إلى الدّعاء والرقية الشّرعية والماء المقروء عليه والعسل ومن الأفضل ان يكون ماء زمزم فتطلي بهما ساقيها يوميّا مع الإعتقاد التّام في قدرة الله على شّفائها وربّنا قادر على كلّ شيء سبحانه امره ان يقول للشيء كن فيكون.
لا يأس أخي من رحمة الله. شفاها الله و عافاها ورزقكما الصّبر.
دمت اخي في حفظ الله.

 

اخى الحبيب لطفى ربنا يكرمك على النصيحه

ولكن بعلاجك هذا الضغط هيرفع ماينزلش ابدا

فلن افعل هذه الفعله الشنعاء لانى ما زلت فى كامل قواى العقليه
موش كده ولا ايه ؟

:biggrin::biggrin::biggrin:

:biggrin:​

 

بصراحة خيو محمد
عليك خفت دم ماحصلتش
ربنا يشفيك ويحميك
ان شاء الله طهور
حوار اكثر من رائع
اخي الكريم المهاجر
الله يشفيلك مرتك ان شاء الله طهور
هدا المرض نتيجة تلف في الاعصاب بالاخص غطاء الخارجي للخلية العصبية
يمكن في هادي الحالة فيتامين بي كمبلكس يفيدها طبعا لا تاخد بكلامي كتير لازم تستشير دكتورها اكيد
يارب الله يحميها وواضب على ماء زمزم
طهور ان شاء الله


دمتم اجمعين بكل خير

 

​

شكرا ا خوتى الكرام امل و زين الشرف وبارك الله فيكم ​

جميعا على الزياره الكريمه​

اما اختنا الفاضله الطيبه زين الشرف ​

فلا تقلقى فلم تفوتنى ملاحظاتك القيمه وكشف على اكثر من​

صديق من حفظة كتاب الله والمعالجين ولا يوجد اى اثر لعين او​

غيره بفضل الله لانى والحمد لله لا انسى تحصين نفسى جيدا​

من كتاب الله وسنة نبيه واواظب على ذلك ​

اما انت اخى الحبيب المهاجر​

فأعانك الله وأعان زوجتك على ما بها وشفاها بفضله ان​

شاء الله ​

فلا تيأس انت أو هى من رحمة الله ولا تنسى أن الابتلاء دائما ​

يكون للصالحين من العباد وقد أبتلى الله من قبل ​

سيد نا أيوب عليه السلام وهو نبى فصبر فكان له الشفاء من​

الله و ألتمس أى أمل للشفاء من عند الله ​

وداوم على ماء زمزم حتى يمن الله على زوجتك الكريمه ​

بالشفاء من عنده ​

و أبدا لا تيأس من رحمة الله فهو أرحم الراحمين ولن ننسى ​

الدعاء لزوجتك بالشفاء بفضل الله ​

تحياتى لك و أن شاء الله سلمت من كل شر أ نت وزوجتك ​

(inlove)(inlove)(inlove)(inlove)​

 

أنا بس حبيت أشكركم على روحكم المرحة جداً...

المشكلة انطرحت بأسلوب جميل جداً
م اني بصراحة
ما كنت فاكراها مشكلة، فكرتها نكتة...إلا لمن شوفت رد دوكتورنا...

هههه
مودتي وتقديري
(استوني لمن أعيا)​

 

شكرا اختنا الكريمه على الز ياره


هى حقا مشكله ولكن طرحتها


بأسلوب به مداعبه للاعضاء ولاخى وصديقى


الحبيب ا بو ليندا بمناسبة افتتاح العياده


كنوع من تغيير الجو الرو تينى فى الحوار


ودمتى بكل خير


(inlove)(inlove)(inlove)​