دورة فى ال GSM كاملة ان شاء الله

[yahya alnaggar]

السلام عليكم
جزاك الله خير الجزاء يا استاذنا القدير
ربنا يرجعك لنا بالسلامة

 

[waleedelsafoury]

اللة ينور عليك يا بشمهندس طيب ما تكرمنا بكرمك وتكمل حضرتك الكورس

اكيد هنكون سعداء انى نتعلم من الاستاذ الكبير يعطيك الف عافية وكل سنة وحضرتك طيب

وانت بكل خير ولكن أعتذر لضيق الوقت وكفاية معاكم الأستاذ الصغير

 

[bossnemo]

السلام عليكم ورحمة الله
أنا المهندس وليد الصافورى اللي كان لي الشرف أن أشرح الكورس للتلميذ النجيب Boosnemo
أنا سعيد أن في حد فهم الكورس كويس مني بالشكل ده وأتمني أنك تتصل بي
بأنتظار ردك السريع إن شاء الله

والله العظيم انا الى لية الشرف ان حضرتك رديت على موضوعى ...

واسف جدا على التأخير فى الرد بس غصب عنى والله.

وانا ليى الشرف انى اسمع صوت حضرتك واتصل بحضرتك وانا تحت امرك .

قولى على وسيلة الاتصال وانا هتصل بحضرتك فورا ان شاء الله.

ومتشكر جدا جدا يا باشمهندس على مشاركتك فى الموضوع .

اقسم انى احبك فى الله

منتظر رد حضرتك . واسف مرة تانية على التأخير فى الرد

​

 

[zohirey2]

حلوة اوي وصله الحب دي
يعني رديت دلوقتي
الناس بقالها سنه بتسأل عنك
كنت ممكن تقول معلش انا مشغول
لكن ليه لو حد مهم بس هترد عليه

 

[bossnemo]

حلوة اوي وصله الحب دي
يعني رديت دلوقتي
الناس بقالها سنه بتسأل عنك
كنت ممكن تقول معلش انا مشغول
لكن ليه لو حد مهم بس هترد عليه

يعنى هو ده رد حضرتك علية بعد تعبى فى الموضوع ده

لكن ومن غير حلفان انا بقالى كتير مدخلتش المنتدى . الدليل على كدة ان المهندس وليد رد قبل كدة على الموضوع ده بتاريخ 25 /1 /2009 وانا لو برد على الناس المهمين بس زى ماحضرتك مابتقول كنت رضيت عليه من يومها .

وعموما متشكرين على زوق حضرتك فى الرد .............. وارجوا انك تكون استفدت من الشرح بتاعى وهو ده الى انا شرحت الكورس ده علشانه . انى انشر العلم ومن غير انتظار شكر من اى حد ..

متشكر جدا من تانى على رد حضرتك

والسلام عليكم ورحمه الله وبركاته
​

 

[yahya alnaggar]

السلام عليكم ورحمه الله وبركاته

المهم الحمد لله انك رجعت لنا
جزاك الله خير على كل الشرح الرائع
شكرا لك

 

[الهدوي]

أتقدم بالشكر الكثير
إلى الأساتذة الكرام
صاحب الكورس المهندس / وليد الصافوري
والمدرس المهندس / bossnemo
(نريد إسمك لو تكرمتم)
---------------
على عملهم الرائع
يكيفيهم شرفا أننا لم نفهم الـ GSM إلا منهم
فشكرا لكم كثــــــــــيرا
-------------------------
حبذا لو ترفعوا لنا الـ Sildes
فنحن بحاجة لها قوي
الذي معايا الآن هي CH2 و
CH5 Protocols
وأريد البقية
---------------
ولكم جزيل الشكر
وجعل الله هذا في ميزان حسناتكم
-------------------
تحياتي
------------​

 

[bossnemo]

أتقدم بالشكر الكثير
إلى الأساتذة الكرام
صاحب الكورس المهندس / وليد الصافوري
والمدرس المهندس / bossnemo
(نريد إسمك لو تكرمتم)
---------------
على عملهم الرائع
يكيفيهم شرفا أننا لم نفهم الـ GSM إلا منهم
فشكرا لكم كثــــــــــيرا
-------------------------
حبذا لو ترفعوا لنا الـ Sildes
فنحن بحاجة لها قوي
الذي معايا الآن هي CH2 و
CH5 Protocols
وأريد البقية
---------------
ولكم جزيل الشكر
وجعل الله هذا في ميزان حسناتكم
-------------------
تحياتي
------------​

والله انا الى متشكر جدا على رد حضرتك

انا اسمى محمد محسن مهندس كهرباء قسم اتصالات والكترونيات جامعة الاسكندرية

بالنسبة لعرض البوربوينت ان شاء الله انا هرفعهم كلهم وسبتر خمسة انا شغال فيه وربنا المستعان بس معلش اصبر معايا شوية ..... اسبوع بالكتير ان شاء الله ...

 

[hamasa_28]

مشكورجدا

 

[الهدوي]

مشكورين كثير كثير أخي محمد ( لا بل معلمي محمد)
على هذه المعاملة ... اللي ما في مثلها
---------
منتظرين على أحرمن الجمر
--------

تحياتي لكم
-------
​

 

[zizozoro]

المهم انك رجعتلنا
ومستنيينك بفارغ الصبر

 

[مساعد مهندس]

نشكر المهندس محمد محسن على جهوده
وحقيقة استفدنا كثيرا منك
وبانتظارك
وفقك الله في الدارين

 

[bossnemo]

ده يا جماعة الجزء الاول من شبتر 5 وان شاء الله الجزء الثانى خلال يومين ان شاء الله

 

[bossnemo]

CH 5​

الشبتر ده هو الاخير بأذن الله وهو اصغر شبتر واسهل شبتر . بس عاوز شوية تركيز
وهنا هنتكلم عن بروتوكولات التعامل بين جميع اجزاء النظام

Transmission - 1

هى نقل ال Voice Data او ال Signaling Data بين جميع اجزاء النظام


2 - Radio Resource Management

Power Control - 1

هى تقليل او زيادة ال Power المرسلةسواء من ال MS او م ال BTS
وده حسب المسافة بين ال MS وال BTS

طيب وهو الموضوع ده بيفيدنا فى اية . بيفدنا فى التقليل من التأثير الضار على الانسان لاننا بكدة بنقلل ال Power الى بيتعرض ليها المستخدم
وكمان بنحافظ على بطارية الجهاز . وكمان بنقلل من ال Interference الى بيبقى بين ال Cells الى بتستخدم نفس التردد .

* لا يتم استخدام ال Power Control فى ال Pico Cell لان المسافات بتكون متساوية تقريبا فيتم تثبيت ال Power المرسلة

* يتم التحكم فى ال Power Control فى ال Uplink وال Downlink كل واحدة منهم على حدى وذلك بواسطة ال BTS الذى يصله معلومات ال Power Control من ال BTS

* يتم قياس ال Power بين ال MS وال BTS كل 480 ميلى ثانية
ويتم قياس ال Signal Quality وال Signal Strength ويتم ارسال هذه القياسات الى ال BTS

* اذا لم يتم تشغيل خاصية ال Power Control فسيظل كلا من ال MS وال BTS يرسل ال Max Power طوال الوقت

لما بيكون ال MS فى اقرب مسافة من ال BTS بتكون ال Power المرسلة منه ومن ال BTS اليه هى اقل Power ممكنة وذلك بالطبع اثناء الاتصال

هنفرض ان ال MS فى المطقة A والمنطقة دى هى اقرب مسافة بينه وبين ال BTS
يبقى هنا ال Power المرسلة والمستقبلة هتبقى فى اقل قيمها .
طيب هنفرض بقى ان ال MS هيتحرك مبتعد عن ال BTS وزى ماقولنا ان ال
MS وال BTS بيعملوا قياسات كل 480 ميلى ثانية وبيرسلوها لل BSC
اول لما يوصل ال MS لمسافة حرجة يحس فيها ال BSC ان الاتصال كدة ممكن ينقطع وده طبعا وفقا للقياسات المرسلة له من ال MS وال BTS .
يقوم ال BSC بارسال امر الى كلا من ال MS وال BTS بزيادة ال Power بمقدار 2 db

Hand Over - 2

هو تحويل اتوماتيكى فى حالة المكالمة من TCH الى TCH اخرى

Hand Over Types

من الممكن عمل H.O داخل نفس ال Cell وذلك اذا كان هناك تداخل لهذه ال TCH مع اخرى فى Cell اخرى تستخدم نفس التردد . وايضا فى حالات عمل الصيانة .

لما بيبقى ال H.O داخل نفس ال Cell بنسميه Intra BTS
ولو كان ال H.O من Cell الى Cell اخرى داخل نفس ال BSC
بنسميه Inter BTS - Intra BSC وهكذا

طيب وهى امتى تكون ال H.O بتاعتى تبفى تمام التمام ويبقى مفيهاش اى مشاكل

Execution Speed - 1

السرعة مهمة جدا جدا فى عمل ال H.O علشان زى محنا قولنا انها بتم اثناء المكالمة يعنى مش هينفع تبقى بطيئة علشان لو حصل فيها بطء ولو قليل هيبقى فى تقطيع فى الكلام وممكن المكالمة تقطع وده غير مسموح به طبعا

Reliability - 2

منعملش ال H.O بأفراط يعنى معملهاش عمال على بطال علشان ده كله تحميل على الشبكة . يعنى لازم نحدد امتى نحتاج عمل ال H.O بدقة وميتعملش الا لما نكو فعلا محتاجينه .

لا تحدث متأخرة . لان لو حصلت متأخرة شوية ممكن الاتصال ينقطع بين ال MS وال BTS قبل مانعمل الH.O علشان كدة هنعمل حاجة حلوة اوى . هنخلى ال MS يعمل ال H.O وهو لسة فى نطاق تغطية ال BTS القديمة وهنشرحها دلوقتى بالتفصيل .


Transparent To Users - 3

لازم الراجل الى بيتكلم ميحسش ان فى H.O بتحصل ولا يحس بيها خالص

Service - Dependent - 4

التفريق بين اذا كانت عملية ال H.O بتاعتنا هتتعمل على Dataولا هتتعمل على Voice

تعالوا بقى نشوف ال H.O بتتعمل امتى

زى محنا شايفين فى الرسمة الى فوق دى ال MS بتاعنا ماشى فى منطقة تغطية ال BTS القديمة وهو بيعمل مكالمة ووصل لمنطقة تساوى ال Power المرسلة م ال BTS القديمة وال BTS الجديدة هنا هنعمل ال H.O .......استنى استنى هو مش ممكن ال Power بتاعة ال BTS الجديدة تسقط او تضعف عند لنقطة دى ال Equal Point صح . وهنا هيكون ال MS بتاعنا فى النقطة الحرجة ..
طيب وبعدين .... بسيطة اوى هنخلى ال MS بتاعنا يبفضل يرسل ويستقبل مع ال BTS القديمة لغاية لما نتأكد انه دخل فى منطقة تكون ال Power بتاعة ال BTS الجديدة كبيرة شوية علشان نتأكد ان عملية ال H.O هتم بجودة عالية .. وهنا هنعمل ال H.O عند منطقة هنسميها H.O Margin
وهنا هتمون ال Power المرسلة من ال BTS الجديدة فى حالة جيدة ...

وهنا ييجى ادامى سؤالين مهمين ...
الاول : هو ال BTS القديمة مش ال Power بتاعتها انتهت هنا عند ال Equal Point ?????
ثوانى ثوانى ... هو ال BTS بتاعتنا متعرفش تزود ال Powerالمرسلة منها شوية . لا تعرف طبعا بس احنا الى مخليين ال Power بتاعتها فى حدود معينة علشان ال Co - Channel Interference فاكرينه ولا اية.....
يعنى وفى حالة ال H.O هنخلى ال BTS القديمة تزود ال Power بتاعتها شوية لغاية لما توصل ال MS بتاعنا الى بر الامان فى نطاق تغطية فيه Power كويسة من ال BTS الجديدة .

السؤال التانى : طيب هو لو ال MS بتاعنا ده وصل لل H.O Margin داخل نطاق ال BTS الجديدة وتم تسليمه لها وال MS ده رجع فى كلامه ورجع تانى فى اتجاه ال BTS القديمة .... ياترى ال H.O هنا هتحصل ازاى .... عادى جدا برده مش هيحصل H.O الا لما يوصل لل H.O Margin داخل نطاق التغطية لل BTS القديمة ...


تعالوا بقى نشوف اية الى بيخلينا نعرف ان ال MS محتاج يعمل H.O واية انواع ال H.O

ال MS بيحسب شوية حاجات من ال Downlink زى قوة الاشارة المرسلة له من ال BTS وجودتها . وكمان بيحسب قوة الاشارة الى جاياله من اقرب 6 BTS

ال BTS بتحسب قوة الاشارة المرسلة لها من الا MS والجودة بتاعتها . وبتحسب المسافة بينها وبين ال MS

وبعد اجراء كل الحسابات دى يقوم كلا من ال MS و ال BTS بأرسالها الى ال BSC وهو الى يقرر اذا كان ال MS محتاج لعملية H.O ولا لأ

تعالوا بقى نشوف انواع ال H.O

Soft H.O - 1

ودى بيكون ال MS فيها ممسك باتنين Channel فى نفس الوقت وده بيحصل فى ال CDMA بس علشان الطريقة دى محتاجة Capacity عالية بس طبعا كدة احتمالية سقوط المكالمة بسيط جدا


Hard H.O - 2

ودى بيكون ال MS على قناة واحدة بس يعنى بيبقى على قناة ولما يتم عمل ال H.O يتم الانتقال الى قناة اخرى زده طبعا فى احتمالية كبيرة لسقوط المكالمة .. والنوع ده بيحصل فى ال GSM


Softer H.O - 3

فى النوع ده بيكون ال MS ممسك ب 3 قنوات فى نفس الوقت .....



طبعا يا جماعة احنا عارفين ان عملية ال H.O دى ممكن تحصل كتير اوى فى نفس المكالمة وخصوصا لو الواحد موجود فى منطقة زحمة اوى زى نص البلد والمكالمة مطولة اوى وكمان راكب عربية ده بقى ممكن يعمل اكتر م 10 او 20 H.o ..
وطبعا مينفعش كل شوية المكالمة تقطع ويرجع يتكلم تانى .. من هنا جت اهمية ال H.O ..

ففكروا انهم يحجزوا قوات تفضل فاضية علطول وجاهزة لعملية ال H.O وده مش هينفع علشان كدة كان فى شوية مقترحات ....

N-time retry - 1

فى الاقتراح ده قالوا انهم هيعملوا H.O لأكتر MS فى عدد الطلب لعملية ال H.O ..... وده طبعا مينفعش .لان لو فى MS خارج من Cell ورايح على Cell تانية وماشى بسرعة بطيئة وهو بيتكلم وقرب من ال H.O Margin وطلب عمل H.O 10 مرات مثلا .. وفى MS تانى فى عربية طلب عمل H.O لمرة واحدة ودخل خلاص لمنطقة التغطية لل Cell الجديدة يبقى الاولى انى اعمل H.O لل MS السريع مش لل MS البطىء يبقى الاقتراح ده مش هينفع

Handover Queue - 2

عمل طابور لل MSs المحتاجين لعمل H.O

Sub-rating algorithm - 3

فى حالة عدم وجود اى قناة فارغة لعمل H.O عليها نقوم بأستخدام خاصية Half Rate يعنى بدل ميتكلم MS واحد على Full Rate هيتكلم 2 MS على Half Rate وذلك لاهمية ال H.O .....


تعالوا بقى نشوف ال H.O بتتعمل ازاى

تعالوا الاول نشوف ال H.O من Cell الى Cell اخرى داخل نفس ال BSC

"صلوا على النبى محمد صلى الله عليه وسلم"

1 * اعتمادا على التقارير المرسلة اليه من ال MS وال BTS يقوم ال BSC بأخذ قرار عمل عملية ال H.O . فيقوم ال BSC بأرسال اشارة لل New BTS
لحجز Tch لل MS

2 * يقوم ال BSC بأرسال معلومات ال New BTS لل MS عن طريق ال Old BTS

3 * يقوم ال MS بأرسال ال Access Burst لل New BTS لمعرفة خواص الارسال من قوة الاشارة والزمن المرسل فيه ..

4 * تقوم ال New BTS بالرد على ال MS بأرسال معلومات ال H.O وهى ال Power وال Timing Advance ...

5 * تقوم ال New BTS بأرسال اشارة لل BSC تبلغه بأنتهاء ال H.O ...

6 * يقوم ال BSC بأبلاغ ال Old BTS ان عملية ال H.O قد انتهت وتستطيع ال Old BTS ترك ال MS ....

*** يقوم ال MS بعمل Framreplacement لل Fram الذى يقوم فيه بأرسال او استقبال ال Control Data على ال Control Channel


تعالوا نشوف ال H.O هتتعمل ازاى بين 2 Cell فى 2 BSC مختلفين

1* يقوم ال Old BSC بأخد قرار عمل ال H.O ونظرا لان ال New Cell تنتمى ل BSC اخر فيقوم ال Old BSC بأبلاغ ال MSC التابع له

2 * يقوم ال MSC بالبحث عن ال Cell المطلوبة فيجدها تقع فى نطاق BSC تابع له فيقوم بأرسال معلومات ال H.O له

3 * يقوم ال New BSC بأرسال رسالة الى ال New BTS بمعلومات ال H.O فتقوم ال New BTS بحجز Tch

4* تقوم ال New BTS بأرسال رسالة لل New BSC تقوله انها حجزت Tch
وتبعت معلومات ال Tch دى يعنى التردد وغيره . فيقوم ال New BTS بأرسالها لل MSC ويقوم ال MSC بأرسالها لل Old BSC فيقوم بأرسالها لل Old BTS فتقوم بأرسالها لل MS وبكدة يكون ال MS عرف المعلومات الكاملة عن ال Tch ...

5 * يقوم ال MS بأرسال ال Access Burst لل New BTS

6* تقوم ال New BTS بأرسال معلومات التعامل بينها وبين ال MS زى ماقولنا قبل كدة ال Power وال Timing Advance

7 * يقوم ال MS بأرسال رسالة لل New BTS بأنه قد تعرف على برتوكول التعامل فتقوم ال New BTS بأرسال اشارة لل New BSC تبلغه بأنتهاء ال H.O وبدوره يرسلها الى ال MSC

8* يقوم ال MSC بأرسال اشارة الى ال Old BSC بأنتهاء ال H.O وبدوره يرسلها الى ال Old BTS لتترك ال MS ....


طيب لو ال Old BSC بعت لل MSC اشارة ال H.O وبالبحث بواسطة ال MSC وجد ان ال New Cell تنتمى ل MSC اخر ...

هى هى نفس الخطوات ولكن سيكون الاتصال بين ال Old MSC وال New MSC عن طريق شبكة ال PSTN[/SIZE]

 

[shankotte]

بارك الله فيك وجعلها في ميزان حسانتك

 

[Amany Arafa]

جزاك الله خيرا علي هذا المجهود الرائع
بارك الله فيك و نتمنى أن تستمر فيها و في بقيه الدورات التي و عدتنا بها ..

 

[asdfzxcv]

الشكر قليل في حق

بصراحة الشكر قليل في حقك ولكن اقول جزاك الله خيرا على هذا الجهد الرائع والمميز فقد وفرت علينا الكثير من الوقت والعناء ونامل في المزيد​

 

[bossnemo]

بصوا يا جماعة النظام بتاعنا نظام بيعتمد على الحركة فى الاساس يعنى لو الواحد قفل موبيله دلوقتى وبعدين فتحه فى مكان تانى الشبكة هتعرفه ازاى .طيب واحنا ماشيين وبنتحرك بين ال Cells اية الى بيحصل احنا قولنا لو بنتكلم بيحصل H.O طيب واية تانى بيحصل معاها طيب اية الى بيحصل لو الموبيل مفتوح فى جيبى وبتنقل من مكان لتانى .... تعالوا نشوف

تعالوا نشوف الحاجات دى حاجة حاجة

IMSI Attach and Detach - 1

عند فتح ال MS يقوم بأرسال ال IMSI الى الشبكة وهى الحالة الوحيدة التى يقوم فيها ال MS بأرسال ال IMSI الى الشبكة وهنا تقوم الشبكة بعمل جميع الاجراءت الى قولنا عليها زى ال AUC وتقوم بتوليد ال TMSI لل MS وتبعتهوله وبمجرد ارسال ال TMSI لل MS يعرف ال MS انه قد تم قبوله فى الشبكة .
عند غلق ال MS يقوم بأرسال اشارة الى الشبكة لأبلاغها انه قد تم اغلاقه
ولا يتم الرد من الشبكة عليه ولكن تقوم الشبكة بتسجله مغلق ..


Location Update - 2


اذا خرج ال MS من Cell الى Cell اخرى مجاورة لها وهى فى نفس ال Location Area لا تيم عمل اى اجراء

اذا خرج ال MS من Cell الى Cell اخرى ولكن فى LA اخر يتم عمل Location Update

تعالوا نشوف الاجراءات المتبعة لو ال MS خرج من LA الى LA اخر ولكن فى نفس ال MSC/VLR Location Area

*** ال MS علطول بيفضل مستمع لل BCCH والى بتتغير من LA ل LA تانى وبمجرد سماع تغيير فى معلومات ال LA الى ماشى فيه يقوم بأرسال ال TMSI علشان يعمل Location Update

1* ال BCCH فى حالة ارسال مستمر للتعريف بال LA وال Cell

2* يقوم ال MS بأرسال ال TMSI لل New BTS ثم الى ال VLR
وطبعا ال VLR هيلاقى ال TMSI ده عنده لان ال MS مخرجش بره ال MSC/VLR Area

3 * يقوم ال VLR بأرسال ال TMSI لل HLR فيقوم ال HLR بأرسال ال IMSI الى ال AUC لعمل ال Authentication وبنجاحها يقوم ال HLR بأبلاغ ال VLR

4 * يقوم ال VLR بأنتاج TMSI جديد ويقوم بأرساله الى ال MS
وهكذا وبتغيير ال TMSI يعرف ال MS انه قد تم عمل Location Update له وقد تم تسجيله فى ال VLR

* وبالطبع يقوم ال VLR بتغيير المعلومات الخاصة بهذا ال MS داخله


تعالوا بقى نشوف الاجراءات المتبعة لو ال MS خرج من LA الى LA اخر ولكن فى MSC/VLR Location Area اخرى

*** الفرق هنا عن الحالة الى فاتت ان لما ال MS يبعت ال TMSI بتاعه الى ال New BTS ثم الى ال New BSC ثم الى ال New VLR الاخير لن يجد ال TMSI ده متسجل عنده . طيب وبعدين الراجل ده هيعمل اية ... بسيطة اوى هيبعته لل HLR وهو بقى يتصرف .. هيدور فى جميع ال VLRs
وبمجرد ايجاد ال TMSI فى ال Old VLR يقوم ال HLR باحضار ال IMSI بتاع ال MS ده علشان عملية التوثيق وغيره .... وهى نفس الاجراءت الى فاتت بالظبط يعنى ال New VLR هيبعت لل MS ال TMSI الجديد ويسجله عنده ويتمسح من ال Old VLR ...


Periodic Registration - 3

هى عبارة عن اشارة بيبعتها ال MS بأستمرار كل 6 دقائق الى ال BTS . واذا لم يقوم ال MS بأرسال هذه الاشارة الى ال BTS تقوم الشبكة بتسجيله مغلق .

واذا خرج ال MS عن نطاق التغطية يقوم بمجرد رجعه واتصاله بالشبكة بأرسال الاشارة الى الشبكة وتقوم الشبكة بعمل Location Update له ..


Mobile Terminated call

1 * نفرض ان فى واحد بيطلب موبيل من خط ارضى هيكتب اية . تمام هيكتب ال MSISDN لل Local Exchange وطبعا الاخير هيعرف من ال MSISDN هيروح لاى شبكة محمول . ثم الى ال GMSC

2* يقوم ال GMSC بأرسال ال MSISDN الى الHLR علشان يعرف ال MSRN المقابل له

3 * ال HLR هيعمل Search على ال IMSI المقابل لل MSISDN

4* يقوم ال HLR بعمل Search على ال VLR الموجود به هذا ال MS ثم يقوم بأرسال ال IMSI لل MSC/VLR علشان يعرف ال MSRN الخاص بال MS علشان ال MSRN ده مش موجود الا فى ال VLR

5* يقوم ال VLR بأرسال ال MSRN الى ال HLR ويقوم الاخير بدوره بأرسال ال MSRN الى ال GMSC

6* ال GMSC بكدة عرف ال MSRN المقابل لل MSISDN المرسل اليه فيقوم بأرساله الى ال VLR . بكدة ال VLR عرف ال MS المطلوب

7 * يقوم ال VLR بأخراج ال TMSI المقابل لل MSRN ويقوم بأرساله لل BSC

8 * يقوم ال BSC بأرسال اشارة لل BTSs الى فى النطاق بتاعه للبحث عن ال MS المطلوب وده على ال PCH .. فاكرين ال Control Channels ..

9* ال MS هيسمع اسمه بيتنادى على ال PCH هيرد على ال RACH فتقوم ال BTS بأبلاغ ال BSC بالتوقف عن البحث

10 * يقوم ال BSC بتحديد SDCCH لل MS لعمل Setup عليها . فتقوم ال BTS بتبليغ ال MS بال SDCCH التى سيستخدمها لعمل Setup على ال AGCH

11* هنا ال MS عرف ال SDCCH الى هيستخدمها لعمل ال Call Setup فيقوم بعمل ال Call Setup لتتم المكالمة بنجاح....


Mobile Originated call

يقوم ال MS بأرسال طلب لعمل مكالمة على ال RACH الى ال BTS ثم الى ال BSC الذى يقوم بتحديد SDCCH لل MS لعمل ال Call Setup ويقوم بأرسالها الى ال BTS ثم الى ال MS على ال AGCH فيقوم ال MS بعمل ال Call Setup على ال SDCCH وبعد نجاح ال Call Setup يتحدد له Traffic Channel ...

=================================================================================

وبكدة نكون والحمد لله تعالى خلصنا الشبتر الاخير وخلصنا الكورس بالكامل والحمد والفضل لله تعالى اخوكم المهندس محمد محسن خليفة​

 

[عبدالرحمن رضوان]

جزاك الله خيرا على الجهد الرائع أخوك/عبدالرحمن جامعة الازهر

 

[mohmmed salah]

بارك الله فيك