مدى وقفت عند مكتب ضاري شوي..تبي تاخذ نفس تبي تعطي نفسها وقت عشان تستوعب الكلام اللي قاله ضاري لها" ضـــاري ...ولــــــــــد عمـــــــي!!"..
ياسر لاحظ وقفتها: مدى..آنسه مدى ..
مدى لفت عليه: هلا..
ياسر متعجب: فيك شي؟؟
مدى: احم احم.. لامافيني شي عن اذنك..
وصارت تمشي بالممر ورجولها مو قادره تشيلها ..تفكر بعد هالكلام..ايش راح يصير؟..
دخلت مكتبها وجلست على كرسيها وهي ساكته..
علياء وهوازن طالعوا بعض..
هوازن: مدى فيك شي؟..
مدى: لاياقلبي مافي شي..
علياء بأبتسامه عشان تغير الجو ..وايش صار معاك بالأجتماع ...
مدى: جاء وفد اجنبي واتفقنا على كل شي..
هوازن ضحكت : ههههه ياهووووووووووووووو ولله حركات ..تصدقين انك اول بنت تكون ماخذه شغله بالحجم هذا..
علياء تذكرت: ايوه ليه؟؟ما قلتي لنا ليش انتي بالذات!!
مدى وكأن احد معطيها كف خافت..وكأنهم يعرفون انها بنت عمه.."يكون اختارني عشان كذا؟؟"
علياء: ايش فيها هالبنت؟؟...مدى...مـــــــــــــــدى...
مدى: ها ..هلا..
علياء: لالا البنت فيها بلا...شكل جمال ضاري سحرها..
هوازن: هههه وهو كذلك..
مدى: سخفيات ..اختارني عشان المشروع بالحاره اللي اسكن فيها...
هوازن: اهااا..ممكن..
علياء ما اقتنعت: لا..مو سبب عشان تمسكي مشروع كااامل..
مدى: والله عاد يا ست علياء روحي أسأليه ...ليه اخترت مدى..!
علياء: مدى ترى ما اقصد شي ..بس حبيت اكتشف السبب..
مدى انفعلت عشان تخفي اللي جواها: والله هذا اللي عندي..
توتر الجو..وكل وحده مسكت نفسها وسكتت لحد ما يخف التوتر..
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&&&&&&&&&&&&&&&&
وصلوا دانا ولانا لبيتهم..
حصلوا البيت فاضي..
لانا: وين مامي؟؟؟
دانا وهي تمشي لـ الفت:اكيد طالعه..
وطلعوا لدور الثالث المخصص لغرف النوم..
دخلت لانا غرفتها وعلى طول اخذت لها شور سريع يبرد حرارة الجو شوي..
وجلست تنشف شعرها القصير قدام المرايه..
وسمعت موبايلها يرن...طالعت الرقم الغريب...
وردت: الوووو..
: يــــا هلا والله وغــلا..
لانا سرت كهرباء سريعه بجسمها من صاحب الصوت..
:إ....أيـــ..ايـــــــــــــــاااااد؟؟؟
اياد: ايوه اياد..ايش فيك ما انتي مصدقه ولا ايش؟؟؟
لانا بدت دقات قلبها تزيد: نعم....شنو تبي؟؟؟
اياد بخبث: ابيك انتي....
لانا استغربت اسلوب اياد ..اول مره يكلمها بالطريقه الواطيه هذي :بعيد عن شواربك انا...
اياد ببرود ينرفز: لالا...احنا ما اتفقنا على كذا...خليك شاطره يا بنت ومؤدبه...
لانا تحاول تمسك نفسها: اياد...قول ايش عندك ولا قفلت بوجهك..
اياد: بس اذا قفلتي بوجهي ازعل..واذا زعلت راح ازعّل الكل...
لانا حست لهجته واثقه: خير...وايش عندك متصل..؟؟
اياد: قلت لك...ابيك..
لانا: بس انا ما ابيك..
اياد: مو على كيفك...انا قلت لك الناس مو لعبه عندك..بعد ما تعلقت فيك واعجبتيني..تتركيني!! اكيد ما يحق لك..
لانا: والله ما عجبتني وابي اغيرك..انا حرة نفسي..
اياد: لنو..العناد هذا ما راح يفيدك...ابي لشوفك اليوم..
لانا: مصدق حالك انت...اقول باب.."وقفلت بوجهه"
والموبايل يرتجف بيدها..ودقات قلبها تضرب بقوه..
:ايش يبي هذا؟؟؟.....والمشكله انه واثق من كلامه.."بلعت ريقها"...لا يكون في باله شي...!!
وسمعت الموبايل يرن بيدها مره ثانيه بنفس النغمه الاجنبيه وحطته سايلنت...
وفكره توديها وفكره تجيبها...بعدها وصلها مسج..
"لانا ...ردي احسن لك....عندي كلام لازم اقوله لك..."
واتصل وحقرته..."يكون في شي بجد يبي يقوله"
ورجع يرسل لها مسج"لنو...مالد داعي اقول الكلام اللي بقوله لك لاخوك ضاري"
لانا شافت اسم ضاري طاح الموبايل منها..وحطت يدها على فمها وعيونها غرقت دموع
:لالا...كل شي ولا ضاري...الا ضاااري..
وصارت تروح بالغرفه وتجي....وشدت شعرها ودموعها سيل على خدودها..
:شلون نسيت انه شاف ضاري وشلون....ايش راح اسوي الحين...ايش راح اسوي..اكرهك يا اياد الكلب .الحقير..الxxxxx...الxxxxxx..
مدى رجعت البيت..
دخلت بكل هدوء على غير العاده...
: السلام عليكم..
نطوا عليها بدر ووداد..يبوسونها..وباستهم بسرعه وتركتهم..
ام سلطان: وش فيها بنتي؟؟
ابتهال: ما ادري..
سلطان: اكيد الشغل هالكها..
وبعد ما بدلت مدى طلعت ..وتغدوا كلهم وهي كانت الطرف الساكت ما بين سواليف ابتهال ومزح سلطان الا هي وكأنها ما هي معاهم بالجو..
بغرفتهم...مدى تحاول تنام لها كم ساعه...بس شكل النوم جافاها..
:مــدى !!
لفت على اختها : هلا..
ابتهال: ايش فيك؟؟
مدى: الشغل شوي تاعبني..
ابتهال قعدت زين: مدى لا تخبين علي ..انا اعرفك كويس..
مدى تنهدت وعدلت جلستها: ابتهال...........ضاري...طلع ولد عمي..
ابتهال انصدمت على قد ما كانت متوقعه: ولد عمــــي!!وشلون؟؟
مدى: هو بنفسه قالي... وبيموت على ما يعرف ليه اهلنا مخبين علينا..
ابتهال: اكيد...حتى انا ابي اعرف..
مدى: بس انا ما ودي..
ابتهال: ليه..؟
مدى: ما ابي اصدق انه ولد عمي...ما نبيهم وما نبي منهم شي...وعلى كلام امي..شكلهم عاملين فينا عمايل...
ابتهال: وضـــاري..؟؟
مدى فزت لاسمه وكشرت: ايش فيه..؟
ابتهال: ايش رايك فيه انتي..؟
مدى وهي تتذكر شكله: شخص مغرور...شايف نفسه..ودمه ثقيييل ..ويحسب الناس عبيد عنده..
ابتهال ضحكت: عاد وجهه ماله داعي تحكين فيه.."وطاحت على فرشتها"...خـــــقق..
مدى: الجمال مو كل شي..
ابتهال: مدى بالله عليك ما خقيتي عند هالطول والوجه..يا اختي لو انه انا كان فهيت بوجهه..
مدى: هذي انتي مو انا...بس اللي شايله همه اكثر ..ان انا معاه بالمشروع..
ابتهال فقعت ضحك: وتقول مو خاقه هههههههه وداخله معاه بالمشروع..
مدى ضربتها: هو مدخلني..
ابتهال: أي...اجل خق عندك...هو شافك؟؟
مدى: مره لما جاء بيتنا..
ابتهال مدت يدها: مبرووك..منه الملايين ومنك البنون..ههههههههههه
مدى دفت يدها: اقول ارقدي بس...لو قالوا خذي كنوز الدنيا ما اخذتــــــــــه..ما احبه ما اهضمه ما ينزل لي من هنا "وتأشر على حلقها"
ابتهال: تول مره اشوفك كارهه شخص..
مدى: انتي ما تعرفينه...ما علينا منه...البلا في المشروع يبي يشتري اراضي اهل حارتنا..
ابتهال: نعـــــــــــــم!!
مدى: مقابل انهم يشتغلون بالمصنع عنده برواتب حلوه..
ابتهال: مصدق نفسه هذا...مستحيل يوافقن..
مدى: لا بيوافقون ما دام انه بيدفع لهم مبلغ يشتري بيوتهم واراضيهم مرتين...ووظيفه كمان..يعني من الغبي اللي راح يرفض...
ابتهال انقهرت منه: وضاقت عليه وما لقا الا حارتنا...
مدى بكرهه: يقول انه يبي يفيدهم ما دام اني منهم...
ابتهال: بفيدهم صح...بس راح نتشتت ونتفرق وراح يضيعون...
مدى: عشان كذا انا بموت هــــم يا ابتهال بموووت..ومن اللي راح يقنعهم...انا..
ابتهال: انتي!! صدقتي لما قلتي حقير...عارف ا ناهل حارتنا راح يقتنعون منك بما انك منهم وفيهم..
سكتت مدى وراحت لبعيــــــــــــــد.....
مشاعل تردد ورا ابوها: عريس!!....لي انا؟؟؟
ابو عبدالله: ايوه لك...هو رجال وما عليه كلام..
مشاعل وقفت تقاطع ابوها: انا ماني موافقه...
وقف عبد الله وابوه..
عبد الله : ليه..؟؟؟
مشاعل لفت على اخوها : عبد الله انا صغيره..وما ابي اتزوج الحين...ولا افكر فيه حتى...
ابو عبد الله: أي صغيره...الحين بتتخرجين من الثانوي..ودراسة جامعه مافيه..مالك الا بيت رجلك..
مشاعل غرقت عيونها دموع: عبد الله تكفى فهمه ما ابي اتزوج..
عبد الله يغلي اخته وماله بالدنيا الا هي: يبه..خليها على راحتها..
ابو عبد الله: انا ما جيت اخذ رايها...انا جيت اقول لها واحط عندها العلم..والسلام عليكم..
ركضت وراه مشاعل وهي تترجى فيه ودموعها تطيح من وراها
:يبه الله يخليك ما ابيه...ما ابي اتزوج..ما هو غصب..
ابو عبد الله وهو يبعد يدها اللي تمسكت فيه: ومن قال ان البنات لهم راي..
وما حست الا باب الشارع يتسكر بينها وبين ابوها...
حست مشاعل ان كل الابواب تسكرت بوجهها..ليه الدنيا قاعده تظلمها..امها راحت منها...ابوها ما هو لها...اخوها نادر ما تحس بوجوده..خولها منبوذه عندهم..ما صفى لها الا جدتها..وايد وحده ما تصفق...
ما عمرها حست بالسعاده والفرحه..عمرها ما عاشت بأمان..الهم والقلق مالي قلبها...مصدر الامان رحل عنها بعيد...وخلتها وحيده...سندها بالدنيا هذي يحفر قبرها يوم عن يوم بيده...والحين شكله ناوي عليها خلاااص..
جلست عند الباب تلملم نفسها..اللي انجرحت..حتى حياتها هم يختارونها لها..طالعت اخوها عبد الله اللي واقف قدامها كم خطوه..
عبد الله نزل راسه مفتشل من اخته...ما بيده شي .. ولا يقدر يكسر كلمة ابوه..قرب منها ومد يده..
: قومي...قومي يا مشاعل...
مشاعل مسكت يد اخوها وقامت وسحبته لحضنها وهي تشاهق من البكي
:عبد الله تكفى...تكفى الله يخليك ابوس يدك...ما ابي اتزوج...ما ابي...
عبد الله حضنها بقوه وخلاها تفرغ اللي بقلبها ولا تكلم ولا كلمه..
: عبد الله ..انا عارفه اختيار ابوي...انا عارفه...اهم شي واحد يبي ياخذني وبس..يبي يفتك مني..عشان ما يدفع لي مصروف..قوله...قوله ما ابي شي..وربي مابي شي..
عبد الله سحبها لداخل..
ام ناصر جدتها شهقت: يمه بنتي وش فيها...؟؟
عبد الله بدون ما يفتح فمه بكلمه ..حط مشاعل في حضن جدته وراح...
ام ناصر وهي مخترعه على بنتها: وش فيك يمه...تكلمي..
مشاعل: يمه يبون يرموني...يبون يفتكون مني..
ام ناصر ما فهمت: وش فيه..؟؟..وش صاير وانا امك..
مشاعل رفعت عينها في عين جدتها: ابوي يبي يزوجني يا يمه يبي يغصبني..
ام ناصر انصدمت لثواني..مع انها ما استبعدت عن رجل بنتها شي..تعرف طبايعه واخلاقه..كان معذب بنتها في حياتها..
حضنت مشاعل بقوه: حسبي الله عليه..حسبي الله ونعم الوكيل...
مشاعل: جده تكفين لا تخلينهم ياخذوني منك...انا ما ابي ابعد عنك...
ام ناصر: واللي خلقني ما في احد يقدر يجبرك على شي وانا حيه...لا تخافين وانا امك بس.."بعدت وجهها عن صدرها ومسحت دموعها بيدها اللي كلها تجاعيد بس مليانه حنااااان.."....وقفي هالدميعات يمي..ولا تخلين احد ينزلها منك..وما دام راسي يشم الهوا ..ما راح يصير الا اللي تبيه حبيبة قلبي..
مشاعل مسكت يد جدتها وباستها وهي تشم ريحة الحنا اللي مخلوطه بدهن العود..
: الله لا يحرمني منك يا يمه..
وجلت بحضن جدتها ساعات..ما تبي تبعد عنها ثواني وهي تستمد منها القوه...
ضاري وصل للبيت....دخل الصاله....وما شاف الا مرت ابوه..
: السلام..
ام ضاري : وعليكم السلام..
ضاري كان بيطلع فوق...بس غير رايه وجلس قدامها...
ام ضاري استغربت منه :ما رحت تبدل ملابسك..؟
ضاري: بريح شوي واطلع....الا وين البنات.؟
ام ضاري: اكيد بغرفهم..الحين بينزلون عشان الغدا...
ضاري استغرب اسلوبها صايره ذربه معاه...
: اهاااا...واخبارك انتي...؟
ام ضاري بعلت ريقها حست انه وراه بلا: زينه....الحمد لله..
ضاري: طيب الحمد لله...انك بصحه وعافيه...لان في ناس الصحه تدهورت عندهم بسبة الهم والغم اللي شافوه..
ام ضاري فهمت قصده وسوت نفسها مو فاهمه..
: ايوه الحمد لله..الله يعطي الصحه لناس وياخذها من ناس..
ضاري وهو واقف: ويسلّط ناس على ناس..
وراح وتركها...
ام ضاري: الله يتخذ روحك يا ضاري وافتك منك...ما عيشني بخوف وهم الا انت..
ضاري راح غرفة لانا وما حصلها...ومشى لغرفة دانا...وهو بيفتح الباب..
:ريماس ..اقولك دبريني..ماني عارفه ايش اسوي فيه..والله لو عرف ضاري بيقطع رقبتي....
وقفت يده شوي...شنو اللي خايفه منه لانا...لانه عرفها من صوتها..
وسمعها تبكي...
فتح الباب بشويش...وشاف دانا واقفه عند راس لانا وهي متوتره..ولانا تبكي وهي تكلم..
دانا انتبهت للباب اللي انفتح...ووقف الدم بعروقها...وهي تشوف جسم ضاري واقف عند الباب ...تخيليت انه سمع شي ولا...اياد قال له شي...
همست:لانا...ضــ....ضـــــــاري,,,,
لانا بدون ما تلف وراها قفلت السماعه بوجه ريماس..وظهرها تصلب ..غمضت عيونها وحست ان كل خليه من خلاياها تموت وحده ورا الثانيه...
ضاري دخل اكثر..وهو مستغرب كل شي حوله..
: ايش فيه؟؟؟
دانا سكتت..لانا حطت يدها على فمها لا يسمع صوت بكيها..
ضاري: لانا تبكين...؟؟
دانا من الخوف امتلت عيونها دموع: ضاري ايش فيك انت..؟
ضاري: سمعت لانا تبكي...قلت اجي اشوف ايش فيها..؟
دانا وقف عقلها عن التفكير تبي تصرف ما عرفت..
:لانا ..تبكي لان....لان...
لانا لفت: ما في شي يا اخوي...شوية دلع بنات.."ومسحت دموعها"
ضاري وهو يطالع وجهها واااااااااااضح انها تبكي من زمان..
: اكيد دلع بنات...؟
دانا: اكيد..
ضاري يأكد : لانا انا اسألك انتي اكيد...؟؟
لانا خافت اكثر وبدت تحس ان كبدها بدت تقلب من كثر الخوف وان الدنيا تلف فيها..
: اكــ..اكــــيد..
ضاري: اوكي..الغدا جاهز...
دانا: طيب ثواني وننزل..
طلع ضاري وهو ما ارتاح لكلمتها"لو عرف ضاري قطع رقبتي.."
بالليـــــــــــــل..
سلطان راح للاستراحه على الموعد اللي بينهم..
سلم وجلس...
مهند: بما ان العدد اكتمل...راح اقولكم على الصيده الجديده..هالمره قلنا بنغير السيارات شوي..
سلطان: وايش راح نسوي..؟
مهند: راح نتعمق اكثر...مثل ما انتوا عارفين هالايام اجهزة الموبايلات ناااااار..ناخذ لنا محل باللي فيه..ونبيعها ونحصل ذهب..
الكل سكت...
عبد المحسن: ما تحس انها ثقيله شوي..
رائد: الا صعبه بعد..
مهند: بالعكس احنا قدها وقدود...في محل في بالي راقبته اسبوع واللي عليه هندي....يعني ضربه على راس ابو هنود والسالفه منتهيه..
ثامر: وموقع المحل..؟
مهند: موقعه ممتاز...مو واضح كثير ولا عليه ناس...
سلطان: وانت متأكد انك قدها....؟
مهند عطى سلطان نظره: وانت شاك..؟...انا ما اقول شي الا وانا قده..
سلطان: قلت يمكن تسوي في امها اني فاهم..
مهند يتطنز: لا انا اعجبك يا سيد سلطان..
عبد المحسن يبي يضيع الموضوع لا تبدا هوشه...
:ومتى العمليه..
مهند: بكره...
رائد: طيب فهمنا يا زعيم الخطه...
مهند شرح الخطه اللي مضبطها صح...وباين انها متعوب عليها...
سلطان استغرب تفكير مهند...ولو انه استغله في شي ثاني احسن له...يحسب السالفه بالثانيه..يعني مخ مدبر..ممكن يكون لنفسه افضل مشروع لو انه فكر تفكير سليم لو مره وحده بس...
واتفقوا على الخطه وشغلة كل واحد وعلى وقت التنفيـــذ....
اريام ما طفت لها نار...ولا هدا لها بال..
ومستحيل ترجع البيت وهي ماهي عارفه ايش فيه سامي..
ترددت كثير عند غرفته...كل ما جات تفتح الباب ترجع تغير رايها...
: يله يا اريام ...تجرأي ..وادخلي ..ومهما كانت ردة الفعل انتي قدها..
ضربت الباب ودخلت...
حصلته مغمض عيونه وشكله نايم...
فكرت تصحيه...بس كمان غيرت رايها...وحست نفسها مالها داعي لو تصحيه عشان تقول له ايش فيك علي...
: ما راح اتكلم..وارجوك اطلعي وسكري الباب...
اريام انبسطت لما تكلم....سامي ما هانت عليه تطلع وهو ما كلمها ولا دعها بقلبه على الاقل..
اريام: سامي بليز..فهمني ليه تغيرت...
سامي: انا حر....انا مريض نفسي..ما احب اثبت على شي...واحب التغيير وقلت اغيرك مع اللي غيرتهم...
اريام انصدمت من كلامه: تغيرني!!...ليه انا ما عملت لك شي..؟
سامي: حتى لو ما عملتي لي شي...انا مليت وابي اغيرك..
اريام جرحتها كلمته: سامي ...انت تتكلم بوعيك...!
سامي: قالوا اني مريض بالسرطان....بس الحمد لله مو في عقلي...وقلت لك اطلعي وسكري الباب معاك.."وغطى وجهه"
اريام ماهي مصدقه ان اللي قدامها سامي...مستحيل..هذا شخص ثاني..مو هذا اللي عرفته وعرفة طيبة قلبه...يكون كل شي كان مصطنع وتمثيل...يكون كان يلعب معاها وبس...
سكرت الباب وكأنها سكرت على قلبها...ما توقعت ان سامي ممكن يجرحها وتطلع هي الغبيه اللي قدر يحرك فيها لو شي بسيط ساكن فيها...يكفي انه قدر يستحوذ اهتمامها على الاقل...
شافت خالد...على قد ما جرحت فيه بالكلام الا انه ما زال يحبها ومتمسك فيها..
ابتسمت على القدر اللي حالف ما يجمع اثنين لبعض...
دخلت مكتبها وخذت اغراضها وطلعت من العياده وباقي قلبها اللي ينزف فيها...
مدى في مكتبها ومعاها فنجان قهوتها..
: ومن اللي مسوي الحلا انتي ولا خدامتكم!!
علياء: ههههههههه وربي كاشفتني وانا اقول بأتميلح..
هوازن: ههههههه ما يمديك كل شي واضح من عنوانه..السناعه من جهه وانتي من جهه ثانيه..
مدى: ههههه انا قلت ما يطلع منك شي...
علياء عصبت: عاد حرام عليكم مو لهدرجه..ترى فيني امل اصير سنعه..
هوازن: والله ما ظنيت..بس تسلم أيد خدامتكم على الحلا اللذيذ..
مدى: هههههههههههه
:ضحكونا معاكم...
علياء: هلا ياسر حياك..
ياسر: اشوف ضحك وسوالف كمان حلا.."ومد يده ياخذ وحده من على طاولة مدى"
هوازن:ذوق وعطنا رايك..
ياسر وهو يسوي نفسه ذايب مع الحلا: يمـــــي لذيذ تسلم يد سوته..اكيد فنانه..
البنات فقعوا ضحك..
ياسر: انتي يا مدى..؟
مدى: هههههههه لا..
علياء: الله يسلمك بس هاليد يد خدامتنا...
ياسر كشر:جــــــــد!! ما احب اكل من الخدامات..
هوازن: اكلت وخلصت وعجبك..والله انتم يا الرجال حالتكم صعبه..
ياسر اخذ منديل ومسح يده: بأبلعه بالقوه..الله لايسلم لها اصبع..وانتي ليش ما سويتيه..
علياء: حنيت عليكم وقلت خليها يوم الابعاء عشان محد يغتالني هههههه
ياسر: لا لا اجل مانبي شي منك..ما بعد مليت نفسي..الله يهديكم نسيتوني ليش انا جاي...مدى استاذ ضاري يبيك..
مدى اختفت ابتسامتها وانرسمت الجديه على ملامح وجهها..
:اوكي...
ياسر: يله تعالي معاي..
قامت مدى وقفت جنب ياسر وهي تعدل عبايتها اللي على كتفها ونقابها..
ومشت هي وياسر جنب بعض..
هوازن : ايش عنده ياسر..؟
علياء: ايش فيه..؟؟
هوازن: كأنه يبي يطيح الميانه مع مدى..
علياء تحاول تبعد الفكره: لا لا ما اتوقع..عادي ياسر يحب يطيح الميانه مع الكل...واكيد شاف مدى رسميه مره قال يفك الحواجز..
هوازن: ايوه يمكن...
>>>>>>>>>>>>>>>>>>>>>>>>>>>>>>>د
ياسر: كيف استعدادك للمشروع..
مدى بأختصار: تمام الحمد لله..
ياسر: على فكره الشغل مع استاذ ضاري مو سهل..
مدى: ربي يعين..
ياسر انقهر شويه مافي أي تجاوب..مستغرب هالبنت مررره شاده وحازمه..
: طيب عندي سؤال...؟
مدى وهي تدخل مكتبه وتوقف عند باب مكتب ضاري:تفضل..
ياسر: انتي قد سويتي مشروع ضخم قبل كذا..؟
مدى:لا..ليه تسأل..
ياسر: ههههه لا لا ..بس مجرد سؤال...لانو استغربت استاذ ضاري يثق بخبره جديده..
مدى ابتسمت: لا تخاف ..انا قدها وقدود..
وفجأه انفتح الباب...
ياسر انخطف لونه وهو يشوف ضاري مغمض عيونه وقاعد يعد من واحد الى عشره وياخذ نفس..
مدى عقدت حواجبها ما تدري ايش قاعد يسوي..
ضاري وهو يطالع المسافه بينها وبين ياسر: مــــــدى...ادخــــــلي..
مدى تطالع الباب اللي هو واقف عنده وتفكر شلون تدخل..
ضاري مد يده ومسك يدها وهو ضاغط عليها لانه موصله معاه ودخلها بالقوه..لدرجة انها لزقت فيه..
وسكر الباب بقوووه..
مدى تطالع يده اللي ماسكه كفها..ومطيره عيونها وقلبها بيطلع من كثر ما يدق..
ضاري اللي ما لاحظ انه ما زال مسكها بيد وماسك الباب باليد الثانيه لحد ما سحبت مدى يدها..
:انت شلون تتجرأ وتلمسني.."كانت عيونها باين فيها الخوف والرهبه"
ضاري اخذ نفس...وتقدم وجلس على كرسيه قبل لا يتهور ويسوي أي شي يندم عليه بعدن..
مدى انقهرت منه..كيف يمشي ويتركها ويجلس ولا تكلم ولا بكلمه..
راحت ووقفت قباله والفاصل بينهم مكتبه...
ضاري بدون ما يطالعها:اجلسي..
مدى: ما راح اجلس..
ضاري رفع عينه بكل هدوء عليها وقال بشده: مدى...قلت لك...اجلسي..
مدى وقف شعر جسمها من نظرته وخافت منه وجلست وهي ضغطها وصل مليون منه..
:يا استاذ ضاري..مره ثانيه ما راح اسمح لك تتحكم فيني وما راح اسمح لك انك تلمسني..
ضاري طالعها بعين قويه: وانا ما راح اسمح لك تقعدين تضحكين مع فلان وعلان وانا ساكت..
مدى انصدمت ما توقعت انه سمعها وهي تكلم ياسر
:بس انا ما كنت اضحك معاه ولا اسولف سواليف خاصه...هو سألني عن الشغل وجاوبته...
ضاري تنهد: على العموم مو هذا موضوعي...ابيك تجهزي نفسك بعد ساعه عندنا جوله اوكي..
مدى اللي ما تفاجأت من الطلب لان اكيد راح يكون في جولات وصولات عشان المشروع..
فـــــي العيــــاده..
اريام تمشي في ممرات المستشفى بدون هدف..تحس ان في شي ناقص..اكتشفت ان اغلب وقتها يروح مع سامي..
"لهدرجه انا متعلقه فيه"..
ما توقعت انها وصلت لمرحلة التعلق بسامي..في البدايه كانت تظن ان جلساتها معاه مجرد سواليف وتنفيس له...بعدين صداقه...واخر شي اعجبت بكم نقطه فيه...بس عمرها ما جاء على بالها انها لو ما كلمته يوم راح تضيع او تحس بأن شي ناقصها..
صحيح الايام اللي قضوها تعتبر معدوده..بس في ناس من اول لقاء تحسي انك تعرفيهم من زمان وهذا اللي صار بين سامي واريام "تجانس ارواح"
حصلت نفسها واقفه عند باب غرفته ما تعودت انها تمر من عندها مرور الكرام..تخيلت ان وراء الباب سامي بابتسامته ينتظرها مثل كل يوم..
ما تدري ليه خنقتها عبرة الم وجرح..
انفتح باب غرفة سامي...
اريام تنحت في الشخص اللي طلع من هذا الباب..
:اهلين دكتوره اريام كيفك...؟
اريام وكأن الاشياء وقفت حولها ومافي بالكون الا الشخص اللي قدامها..
: انتي ايش جابك هنا...؟
:انا المسؤوله الجديده عن حالته..
اريام وفيها حرة العالم: ومن سمح لك...؟
:واله يا دكتوره اريام هذي اوامر جاتني وانا ما علي الا التنفيذ...
اريام: بس يا دكتوره فاطمه انا مسؤوله عنه..
فاطمه وهي رافعه حاجب: كنتـــي....وكان فعل ماضي واحنا عيال اليوم...وانا صرت مسؤوله عنه..اتمنى ما تدخلي وتزعجي مريضي لانه شوي ونعطيه ابره مهدئه..
اريام عصبت: ومن قال انه يحتاج ابر مهدئه..حالته ما تستدعي..
فاطمه انفعلت:هذا مريضي وانا اعرف كيف اعالجه...وانا اشوف حالته تستدعي..
اريام دفتها:وخي عني وشوي...."وفتحت الباب"....ســــــامي..
سامي اشتاق لصوتها بس مارد عليها لانه مستغرب دخلتها المنفعله..
اريام قربت عنده : سامي...انك تكون كارهني هذا شي...بس انهم يعطونك علاجات انت مو في حاجتها هذا شي ثاني...
سامي ما فهم شي....وما زال على نفس صمته..
اريام حست انه ما استوعب: سامي الابر المهدئه ما تنفع لك راح تدمن عليها وتخليك في خمول وهدوء دائم...حرام تدمر صحتك..بليز ارفض هالشي..وربي لمصلحة صحتك..
سامي حس انها دقيقه لا تبكي: اوكي...خلاص ما راح اخذ شي...
اريام واخيرا تنفست: اوه..ايوه الحين ارتحت...عن اذنك...
وطلعت عند فاطمه.. :اتوقع سمعتي ايش قال..ابر مافي.."وراحت"
سامي عوره قلبه عليها...لهفتها عليه غير....خوفها عليه غير...نظرتها وطريقة كلامها له غير..ايش ممكن يكون تفسير كل هذا وهي مخطوبه لخــــــــــــالد!!
بالفسحــــــــــــه..
دانا تحاول تتهرب من البويه وشلتها قدر الامكان ماتبي تقابلها ولا تكلمها..
لمياء: دنو..وين راح توديني..
دانا وهي تتلفت يمين ويسار..:ابي مكان بعيد محد يشوفه..
لمياء وهي مستغربه: دااااااااااااااانا..ايش فيك؟...وين مكان بعيد والمدرسه مكشوفه على بعضها...
دانا وقفت عن المشي : ما ادري بس فكري معاي...
وحست بيد على كتفها: صباحو يا قمر..
دانا حست انها راح تنهار من البكي...ما هي رايقه ولا فاضيه لها..بالها مشغول مع سالفة لانا وتفكر ايش قاعده تسوي الحين...
مشى فيصل ووقف قبال دانا..
:كيف اصبحتي..
دانا وهي تحاول قدر الامكان ما تكشر في وجهها: تمام الحمد لله..
فيصل: في مجال اجلس معاك اليوم...؟
دانا: حاليا....لا..
فيصل: اجل متى اشوفك؟؟
دانا: بكره...
فيصل: لالا ايش بكره...انا ابي اكلمك واجلس معاك..
دانا بدون نفس: مثل ما انتي شايفه مافي وقت...
فيصل: اوكي...مو مشكله..اشوفك ببيتكم..
دانا بسرعه: لالا... ايش بيتنا...خليها وقت الطلعه..
فيصل ابتسم:اوك حبو...اشوفك الطلعه باي.."وراحت"
دانا: اووووووووووووف نشبه..
لمياء: دانا...بصراحه الله يعينك..
دانا وهي اعصابها تعبانه: يااااااااااااارب صبرني...
تمسح دموعها ترجع تطيح....
:خلاص يا حبيبتي والله قطعتي قلبي....
مشاعل: ابتهال...انتي مستوعبه اني راح اتزوج واحد ما ادري ايش اخلاقه...يعني ابوي ما راح يهتم ولا يفكر الا انه يفتك مني وبس..
ابتهال تهديها: طيب مو جدتك قالت خلي الموضوع علي...
مشاعل: جدتي ضعيفه ايش بيدها...يعني لو ابوي غصبني ما راح تقدر تقول له شي...
ابتهال احتارت معاها: لا شعوله تفائلي بالخير..
مشاعل بألم: من وين أتفاءل بالخير وانا ما شفت الخير من اقرب الناس لي وهو ابوي..
ابتهال: طيب يمكن يطلع رجال كويس..
مشاعل: من وين يطلع كويس وهو يعرف ابوي...اصلا مافي امل..
ابتهال: انتي اصبري..خلي الامور تمشي شوي عشان نعرف نتصرف..وصدقيني بأذن الله ما راح يصير الا الخيــــر..
مشاعل تحاول تقتنع بكلام ابتهال:ا نشا الله ..الله يسمع منك..
مدى تجهز اغراضها...
علياء: مين قدها..راح تطلع مع استاذ ضاري..
هوازن: اتوقع انها راح تنسى الشغل وتطالع فيه...
مدى: بصراحه ما ادري كيف تفكرون...بس ما اشرهه عليكم..وحده مجننها زوجها والثانيه تحلم بفارس الاحلام الورديه.."وقفت عند الباب"..يعني غاسله يدي منكم هههههههههههههه باي..
علياء: هههههههه الحين انحشتي...بس خليكي ترجعي عشان اتفهم معاك..
هوازن: والله هزئتنا ههههههههههههه
وقفت مدى عند اللفت وهي تضحك على خبالهم..
شافت ظلال طووووويل وعريض..اصلا عرفت الشخص بدون ما تلف من عطره ومشيته الثقيله..
اللفت طول ما وصل عندهم..
مدى توتر الجو عندها الجو...تحس ان قربه نااااااااااااار..
ومن كثر ماهي متوتره صارت تضغّط الزر حق اللفت بقوه تبيه يوصل..
ضاري فاهم قصدها..وحب يهبل فيها شويه...
: بشويش على الزر...وبعدين ضغطه وحده تكفي...يعني انتبهي لا يدخل ولا يطلع مره ثانيه...
مدى ودها تاخذ شنطتها وتصك راس هبها...
:مالك شغل فيني...اسوي اللي يريحني..
ووصل اللفت ..ودخلوا....وتسكر عليهم..
: مدى..انا ما احب احد يكلمني بالاسلوب هذا اكوي..
مدى في نفسها:" عاد يهمني وش تحب ولا ما تحب"
: احــــاول..
سكت ضاري عنها..لانه عارف انها أعند وحده بالكون..
ثوانيووصل للدور الارضي..ومثل العاده الحركه فيه دائمه...
بس بطلعة ضاري بدت تخف الحركه..وكأن هيبته عطر انتشر بينهم ويفرض وقفة تحيه..
مدى حست بالهيبه وهي تمشي معاه..واااااااااااثق من خطوته ومشيته...وما يطالع احد ولا يلتفت لاي احد...حست بشي حلو وهي جنبه تحس انه معطيها اهميه وان كل الانظار عليها..
"الحمد لله والشكر..علي تفكير غبي...بس يحق لي ولد عمي مدير الشركه...وناسه لو اكتب لوحه عشان الكل يدري..بس وجه الفقر فقر على قولة ابتهال ههههههههه"
عند بوابه الشركه كان في سيارتين..وحده عند الباب بالضبط والثانيه وراها..
مدى وقفت تطالع أي سياره ممكن تركب...
: انتي معاي..
مدى وهي ما ودها: بنفس السياره!!!
ضاري لف عليها نص لفه: اجل اخليك تركبين مع الرجال الغرب...
مدى: لا عطني سياره لحالي..
ضاري: مدى..انتي عارفه وين راح نروح مكان ما يستوعب سيارات فا اركبي معاي وخلصيني..
مدى"معاه حق..حارتنا ما يدخل فيها سيكل..بس اركب انا وهو بسياره وحده وشلون...!!!"
جاء السايق وفتح الباب لضاري..ضاري طبعا يحترم الجنس الاخر..
:تفضلي....
مدى ضحكت على نفسها وركبت..
ضاري راح للجهه الثانيه وركب ورا..
مدى لفت عليه بقوه توقعت بيركب قدام مثل سلطان اذا كانوا راكبين سيارة اجره..
ضاري حس بنظراتها ولا لف عليها..
لزقت في الباب اكثر...تبي تعطي اكبر مساحه بينها وبينه..
ضاري طفش منها: مدى وبعدين معاك...انا ولد عمك ماني غريب...
مدى: واذا ولد عمي...مو محرم لي....وتبقى غريب..
ضاري: انتي حره بس راح تتعبين..حاولي تكوني مرنه شوي...
مدى: انا كذا وطبعي كذا ..."ولفت للشباك تطالع الرايح والجاي"..
ضاري طلع جواله واتصل..
:ياسر بالنسبه لي اجتماع بكره حاول يكون متاخر اوكي...باي..
>>>>>>>>>>>>>>>>>>>>>>>>>>>>>>>>>>>
ياسر: باي.....الحين ايش فيه علي عشان اكل تهزيئه طويله عريضه...
طبعا يوم طلعت مدى من مكتب ضاري...رفع السماعه عليه..
:ياسر..... تعال...
ياسر انتفض من صوته اللي ما يبشر بخير: ابشر..
ودخل على طول..
ضاري: ياسر اتوقع انا قد انذرتك وانت ما اهتميت لكلامي...
ياسر عقد حواجبه: عن ايش طال عمرك..
ضاري وقف: عن البنات يا سيد ياسر..
ياسر: طيب طال عمرك نفذت اللي قلت لي عليه..
ضاري: ووقفتك مع انسه مدى قبل شوي...
ياسر بلع ريقه ...وسكت ..لانه لو ناقشه عارف مصيره...
ضاري: ياسر..آآآآآآآآآخر انذار لانك غالي وعزيز...البنات ومدى لا تقرب عندهم الا لما اقولك...وتقول لهم الكلام اللي اقوله وبس..بدون كلام جانبي..
ياسر وهو منزل راسه ومو عارف سبب كل هالعصبيه الغريبه..
:سم ..شي ثاني طال عمرك...!
ضاري: لا تفضل..
ياسر طلع واكبر علامة تعجب فوق راسه..اشتغل عند ضاري حوالي خمس سنوات من لما رجع من الماستر وتوظف بشركة ابوه..وهو كان اول سكرتير له..بس ما عمره قال له شي عن البنات..ولا علق..ايش معنى الحين!!..
شك في ان بين ضاري ومدى شي...بس الفارق بينهم بكل شي يستبعد كل الاحتمالات....
>>>>>>>>>>>>>>>>>>>>>>>>>>>>>>>>>>>>>>>>
طول الطريق ساكتين ولا واحد كلم الثاني..
ضاري قاصد الشي هذا بأول طلعه لهم...
وصلوا المصنع..وبدأ شغلهم بجد...اخذوا جوله فيه..عملوا احصائيه النقص بعدد العمال ..بكيفة الشغل وطريقة تقسيمه..واطمئنوا على ان المصنع كامل بس ناقصه ايدي عامله تشغله وتبدا فيه الحياة..
مدى تحمست شوي...لان فعلا لو مشى الشغل بيدر عليهم ذهب..
:الله يوفق..
ضاري وهو مبسوط بنتائج الجهد والتخطيط للمصنع: آمين..الحمد لله ..ما تصدقين قد ايش يا مدى ابوي تعب عليه ومو بس ابوي الشركه كلها تعبت فيه..
مدى تخيلت شكل عمها"يكون يشبه ضاري..ولا ابوي.؟؟"
:ربي يعطيكم على قدر تعبكم..
لف عليها ضاري: عاد الباقي عليك...
مدى تذكرت المسؤوليه اللي عليها: الله يقدرني..انا بحاول بكل جهدي..
ضاري ابتسم لها وبانت غمازه وحده على اليمين: انا اثق فيك..<<قالها بكل احساس..
مدى ضرب قلبها..حست بالخوف منه..ولفت وجهها للجهه الثانيه..
ضاري بعد عنها لا يتهور اكثر من كذا..وهو ما يبي هالشي..
لانا وريماس بالمول من الصباح...وما راحوا المدرسه..
لانا: ريماس خايفه..
ريماس: لنو..احنا ما نخاف من اكبر راس...خليك قويه..
لانا: انتي متأكده انك راح تحلي المسأله..
ريماس : انا بحاول..بس اتوقع اني اقدر..
ولمحوا اياد جاي من بعيد وراسم ابتسامه على وجهه..
لانا: ووووووووع اكرهه..احس اني برجع..
ريماس: ما كان هذا رايك فيه..مو كان ستايل..خليني اروح اشوف سالفته..
قامت ريماس..وراحت له...ولانا بتموت في مكانها من الخوف وبنفس الوقت ودها تعرف ايش قاعد يدور بينهم..
اياد: صباح الخير على الحلوين..
ريماس: يا صباح خفة الدم بس...
اياد: اوف اوف ليش معصبه...
ريماس: المشكله انو احنا الصباح..ومحد رايق لاحد..
اياد: بس انا مرووووووق على الاخر...وين لانا..؟
ريماس: مالك شغل بلانا ..وعلى فكره كانت ناويه تسحب عليك بس انا اللي رحمتك وقلت خلينا تشوف سالفته..
اياد: بس انا ابي لانا...
ريماس: انت ما تفهم...لانا ماتبي تشوف وجهك..
اياد: مو على كيفها..خليها تجي...ولا راح تندم...
ريماس: انت مستقوي بأيش...؟
اياد ابتسم ابتسامه خبيثه: باخوها ضاري..
ريماس بلعت ريقها من طاري ضاري: وايش تبي من لانا...
اياد: انا ابي نرجع مثل اول...
ريماس: بس هي ما تبي..
اياد: ريماس...خلينا حلوين..وخليها تجي بقولها كلمتين..
ريماس تبي تعرف ايش اخرتها معاه..طلعت موبايلها واتصلت بلانا..
:لنو...تعالي شوي..
لانا: لالا ما ابي اجي..
ريماس: لنو..تكفين ارحميه..بس بيقول كلمتين..
اياد عصب من اسلوبها بس سكت اهم شي النهايه اللي يبي يوصل لها..
لانا فهمت قصد ريماس وسكرت...وقامت لهم..كانت مغطيه وجهها عشان ما يعرفها وفتشت..
اياد ضرب قلبه لما شافها جماااااااااالها خرافي..انوثي طاغي..مع انها ما كانت حاطه بوجهها ولا شي مثل كل مره...بالعكس كان وكأنها مريضه..بس حلوه بنعومتها وسطوة انوثتها..
وصلت عنده وهي ساكته...
اياد ما قدر يقول شي...حس فعلا انها تعبانه..
ريماس طالعت اياد ...شكت فيه"يحبها ولا؟؟؟"
لانا رفعت عينها في عينه ..خافت من نظراته لها ونزلتها بسرعه..
:خير يا سيد اياد..
اياد وكأن احد صحاه: هلا ست لنو...زمااااااان عنك..
لانا بأستهزاء: هه..اخره مره..لما اكلت اكله من اخوي ضاري..
اياد انقهر: عشان كذا ..انا هنا..عشان ما تاكلين مثلها..
عرف اياد يسكت لانا..
ريماس: اخلص علينا..قول اللي عندك..
اياد:ابي لانا لحالها...
لانا:وانا ابي ريماس معاي..لا تفكر اجلس معاك لحالنا..
ريماس: ما راح اتحرك خطوه ..ولو تحركت فهو برا المول وعلى بيتنا..
اياد رضى بالامر الواقع: لانا...شوفي انا عشان افكك من المشاكل كلها ما ابي الا شي واحد بس...
لانا: شنـــــــو؟؟
اياد: نرجع مثل اول..
لانا استغربت..مو لهدرجه ميت عليها ويبي يرجع العلاقه..
: ليـــــــه؟؟
اياد: كذا...انتي عاجبتني وانا ابيك..
لانا انجرحت من داخل..مهما كانت ما ترضى احد يكلمها بالاسلوب هذا..هي ماهي واطيه للدرجه هذي..صح تكلم وتطلع وتستهبل..بس ما كانت تجلس هي وواحد لحالهم..او تروح بيوت وشقق..كان كلها فله وهبال وخبال..
بس عمر اللي كانت تسويه يسعدها....صح في اللحظه..بس بعدها ترجع لها نفس الضيقه والملل والطفش..وتروح تدور شي ثاني يسليها ..ما كانت لاقيه شي يملي فراغ بداخلها..ولا كانت عارفه ايش هم اللي يمليه...تجهل ان الذنوب وكثرتها هي اللي وصلتها للي هي فيه..حطت الاشياء اللي تسويها تحت مسميات خفيفه(وناسه فله هبال ووناسه)..لكن لو فكرت فيها لثواني بتكتشف انها زنا وفجور..وكبائر الذنوووب..
اياد قطع تفكيرها: لانا..يعني ما راح تخسري شي لو رجعنا لبعض..لانك لو رفضتي راح تخسري أكثر..
لانا شدت اعصابها ما تبي تضعف ..وما تقدر تقوي نفسها لان موقفها اصلا ضعيف..
ريماس: لانا..شكله ينرحم وافقي..."تبي ترقع لها رجعتها"
لانا فهمت ان مالها الا انها ترجع وتفتك منه..
:تتوقعين كذا ريمو...لهدرجه ميت علي..
اياد صح انقهر بس يمثل البرود: وهيماااان فيك يا قلبي..
لانا حست انها بترجع منه ومن شكله واسلوبه الوسخ..بس هي عارفه هذا حصاد عملها...
:اوكي ..بارجع شفقه عليك ورحمه...لا تنساها مني.."غطت وجهها تخفي دمعتها.."...يلا ريموو..
ريماس: يلـــــــه..
اياد ابتسم ابتسامه واسعه: بتمون يا ألبي بتموون..اسمعي اغنية اليسا لنوو..وباي..
:اوصلك لبيتكم..
مدى: لا وقفني هنا..
ضاري: وبعدين ايش راح تسوين..؟
مدى: راح اخذ تاكسي..
ضاري عطاها نظره...ووصف للسايق مكان بيتهم..
: يعني راح اتركك يوصلك الاجنبي وانا موجود..
مدى"الاخ متعمق شخصية ولد عمي"
:قلت ماله داعي تتعب نفسك وتدخل حينا اللي يضايقك وجوده..
ضاري ما رد عليها..وطلع اللاب حقه ولهى فيه..
مدى في نفسها وهي متنرفزه"مغروووووووووووور..بعد يحقرني ولا يرد علي...ضاري ما اهضمـــــــــــــــــك.."
ووقفت السياره اول الحاره لانها مستحيل تدخل...
نزلت مدى: مشكور استاذ ضاري.."وسكرت الباب"..
تفاجأت ضاري ينزل معاها: لا شكر على واجب..بس بوصلك لبيتكم..
مدى وهي تمشي: على فكره..كل يوم ارجع لحالي..ما يحتاج تتعب نفسك..
ضاري: من اليوم وطالع وخصوصا وانا معاك ما راح تكوني لحالك..
مدى: التعب عليك مو علي..
ضاري: راضي به.
ووصل عند باب بيتهم..
مدى: كان اقولك تفضل..بس بصراحه وجودك غير مرغوب فيه لا من ابوي ولا امي..العذر والسموحه<<تقولها بهزاء..
ضاري ينقهر من اسلوبها بسطبعا مثل الجليد بااااااارد وكأن ولا شي يهزه..
:اصلا عندي شغل ...باي..
مدى لما شافته يمشي:ما عنده كرامه مالت عليه..
ودخلت لبيتهم..وسكرت الباب..
الا ابتهال واقفه بوجهها..
:من اللي كان معاك..
مدى اخترعت: بسم الله علي الرحمن الرحيم..وانتي ايش عرفك..؟
ابتهال: كنت انشر الغسيل..من؟؟ ضاري.؟؟
مدى ضحكت على خبال ابتهال: ايوه..
ابتهال تسوي نفسها بيغمى عليها:تكفين ارحمنا يا جمااااااااااااااااااله.مدى وش هذا...جمال صاروخي..
مدى: وع...ما اشوفه فيه..
ابتهال: العميه بس ما تشوفه ولا امراءه بالغه عاقله تشوف الخقق اللي كان واقف عند بابنا..
مدى: الله يهنيك فيه خذيه .."ودخلت"
وقـــت الطلعـــــــــــه..
فيصل كان يستنى دانا تطلع من فصلها..
دانا اخذت اغراضها وشنطتها وطلعت ..تفاجأت بفيصل اللي واقف عند الباب..
:هـــأي..
فيصل: هلا والله وغلا..
دانا: هلا..
فيصل وقف جنب دانا ومسكها من خصرها: ممكن..؟
دانا انحرجت تقول لها لا بعد ما حطت يدها..وما قالت شي..
جلسوا على طوله دائريه وعندها كرسين بالساحه..
فيصل جلس وحط يده خده ويطالع دانا بأبتسامه..
دانا استحت من نظراته اللي ما تركتها لحظه..صارت تضبط شعرها تلف يمين ..تلف يسار..تصرف باي شي بس تلهى عنها شوي..
:دانا..انتي ارق بنت شفتها بحياتي..
دانا وقفت يدها عن الحركه فجأه وابتسمت بحيا: شكرا..
فيصل ضحك بصوت عالي: ههههههههههههه طيب عفوا ..وكمان مؤدبه..
دانا ابتسمت: اجل ايش اقول..
فيصل: أي شي منك حلو..دانا ما تصدقي قد ايش ارتحت لك وحبيتك..
دانا: والله ماني عارفه ايش اقولك..
فيصل: ما يحتاج تقولي شي..انا كذا اخر انبســـاط ما دام انك معاي..انتي موافقه على ان نكون اصحاب..
دانا: شوفي يا...ايش اسمك.؟؟
فيصل تنرفز: قولي شوف يا فيصل..مو شوفي..
دانا خافت: سوري..سوري..
فيصل: لا مو مشكله بس اتمنى ما تتكرر اوك..
دانا: اوك..
فيصل: موافقه..؟
دانا احتارت كثيــر..
فيصل: طلبي مو صعب..قولي انك ما تبيني وخلاص..
دانا: لا مو كذا ..انا ما اقصد..
فيصل فرح: يعني موافقه..
دانا استسلمت للامر الواقع وما حبت تجرحها: ايوه موافقه..
فيصل وقف وصرخ: وااااااااااااو..دنو...دنو بجــــــــــــد..واخيرا وربي احبك..
دانا تفشلت قدام البنات والاستاذات ..وسكتت..
فيصل: هالمناسبه يبي لها حفله وانتي ضيفة شرفها..يوم الاربعاء عندي حفلها انتي نجمتها..راح تجين مو..؟
دانا ما بعد استوعبت حركاتها عشان تستوعب حفلتها..
:مــا...مـــا ادري..
فيصل: شنو ما تدرين..حفله صغيره ومرررره حلوه ..راح تعجبك..
دانا: افكر..
فيصل: هي عشانك..اذا انتي ما راح تحضري ما راح يكون في حفله..
دانا: طيب اسأل مامي بس..!
فيصل :يا قلب اللي يستأذنون..اوك مو مشكله اسأليها مع انك كبيره وقرارك بيدك..بس انتي حره..
دانا: اوك..انا طالعه..جاء السايق..
فيصل وقف معاها:راح اوصلك..
وعند الباب قرص خدها وباس يده: احبك يا كيوت..باي..
دانا وهي تحس انها راح تنهار ماهي قادره تستوعب ايش ولا ايش ..طلعت ومخها مقفل..
بين طيات الظلام..
اجتمعت الشله..في المكان المحدد..الكل عارف ايش راح يسوي بالضبط...المحل على وشك انه يسكر..والدنيا هـــــاديه ومافي مخلوق يمر بالطريق ..
مهنــــــــد اعطى اشارة التنفيذ وكل واحد تحرك بسرعه...
سلطان وعبد المحسن دخلوا الاثنين مع بعض بسرعه قياسيه للمحل...ومسكوا العامل الاجنبي كل واحد من جهه..وهم مسكرين فمه...جاء مهند وعطاه ضربه على راسه قويه خلته يغمى عليه..
رائد بنفس الوقت قاعد ياخذ اكبر عدد من اجهزة الجوال بكل اشكالها وانواعها..
عبد المحسن ترك العامل وخلا سلطان يمسكه لحاله في فرض انه يصحى...
ثامر كان في مهمة المراقبه وهو على اعصابه..
رائد ومهند وعبد المحسن كل واحد يحط بكيسه أي شي تشوفه عينه..
مهند صرخ: سلطان بسرعه جيب السياره..
سلطان فز بسرعه وراح ركض لسيارتهم اللي ما تبعد عن المحل كثير وشغلها ودعس بنزين بسرعه ووقفها قدام المحل..
بسرعه طلعوا من المحل الثلاثه..واخر واحد يركب كان ثامر....
سلطان بأقصى سرعه انطلق عن مكان الجريمه..
>>>>>>>>>>>>>>>>>>>>>>>>>>>>>>>>>>>>>>>>>
بالاستـــــــــراحــــــه..
مهند مبسوط: والله الشغل كان مضبوط..
رائد وهو يجلس جنبه: واااااااو واخيرا بنحصل ذهب..
عبد المحسن:ومن راح يبيع الاجهزه..؟
مهند: سلطان...
سلطان وهو لسه جاي ويلاحق انفاسه: نعـــــــــــــم!!!!
مهند: ايوه انت اللي راح تبيعها..
سلطان جلس وبلا مبالاة:ما راح ابيع شي....
مهند بدا يعصب: على كيفك انت...انا اللي احدد...
سلطان يطالعه يعين قويه: وانا اقولك ما راح ابيع شي..انتوا بيعوها...
مهند: ثامر...فهم خويك..
ثامر رفع ايدينه: انا مالي دخـــل..
سلطان: لا تحاول...والله ما راح اعرض نفسي للمشاكل..
رائد: يعني احنا عادي نتعرض للمشاكل..
سلطان:حتى انتم حد جابرك على شي..واذا ما ودك تبيع لا تبيع..
عبد المحسن: سلطان...احنا ما اتفقنا على كذا..
سلطان وقف: على العموم متى ما اتفقتوا وجات الارباح اتصلوا علي اوك.."ومشى"
ما احس الا اللي صرخ من وراه.."سلطاااااااااااااااااااااان"
وفجاه واحد تعلق بظهره من ورا ولفه وعطاه لكمه قوويه..
سلطان حس ان فكه انفك من الضربه..رفع عينه يطالع من اللي تجرأ وضربه..ولما عرفه رجع له الضربه ضعف قوووتها...
ونشب بينهم عراك جاااااامد...وكانت قوتهم تقريبا مثل بعض..مهند ما كان اقل من سلطان لا من ناحية الجسم ولا النشاط...
ثامر: وانتوا ساكتين..تعالوا نفكهم...
حاولوا لكن محاولتهم فاشله..
ثامر وهو يحاول يمسك سلطان: سلطان خلاص هدي نفسك...
سلطان يتنفس بسرعه ويمسح الدم من فمه: فكني عليه اربيه من جديد..وكيف يتجرأ ويمد يده على اعمامه..
مهند وهو مثبت من رائد وعبد المحسن: تخسى انت تصير عمي..
سلطان: عمك وتاج راسك يا زباله..
مهند وهو يحاول يحرر نفسه وهو في قمة غضبه..
:فكوووني...انت على ايش شايف نفسك..
سلطان ببرود وهو ينظف ملابسه ويرتبها: لاني اشرف منك يا حقير..
مهند اعتمى من الغضب والنار تمشي بدمه..فك نفسه بقوه منهم وتقدم ومسك سلطان من ملابسه..
:شوف يا سلطان...صدقني لا اخلي خشمك اللي رافعه ينزل بالتراب..
سلطان مسك ايدين مهند ونزلها بقوه لدرجه ان القميص اللي عليه تقطعت ازاريره ..وبنظرة تحدي..
:لا انت....ولا عشره من اشكالك تقدر تنزل راسي.."ودفه"...انا طالع بدون رجعه...بس بأخذ حقي وما راح تشوفوني مره ثانيه...سلاااااااااااااام..
"وطلع"
مهند نار في قلبه تغلي...ما برد خاطره ولا شفى غليله..
:صدقني يا سلطان بدفعك الثمن غالي...انا مهند انضرب..راح اخليك تندم قد شعر راسك..سلطااااااااااااااااااااان...
وصل بيتهم على اذان الفجر..وهو لسه داخل..
:استغفر الله...
رجع طلع مره ثانيه وتوجه للمسجد..دخل دورة المياه(الله يكرمكم) غسل وجهه وايدينه من الدم ..وبعدها توضأ للصلاة..
دخل المسجد..وجلس بأول صف كاااان فااااضي وما فيه الا ناس تنعد على الاصابع ..سند راسه على الجدار..وفجأه نزلت منه دمعه...كانت حبيسه وتحررت غصب عنه..رفع رجوله لصده..حط راسه ما بين رجوله وحس انه مخنووووووق...نفسه يبكي لحد ما يطلع كل اللي في قلبه...اجرم في حق ربه كثير وبحق نفسه وامه وخواته وابوه..تربيته واخلاقه ومبادئه..وشلوون وصل للمستوى هذا..كيف نسى نفسه للحظه ودنس بياض دروحه بالشغله هذي..
ومع الناس الوسخه..وشلوون ضعف لنزوة شيطان..
حس بيد على راسه..
:اخوي....
سلطان قبل لا يرفع راسه مسح دمعته بسرعه ورفع راسه..
:هلا.....ابو عبد العزيز!!
الامام ابو عبد العزيز: سلطان!!..."وسلم عليه"...كيف حالك..؟؟
سلطان وهو مستحي منه: تمام الحمد لله...
الامام: فيك شي يا سلطان..؟
سلطان حس نفسه صغيييييييييييير...ايش اقول له..لو عرفوا اهل حارته ايش راح يكون موقفهم منه..وهم يعرفون انه مثال وقدوه لكل عيالهم..
:لا سلامتك مافي شي...
ابو عبد العزيز ابتسم له بحنيه: مهما كان اللي فيك يا سلطان..لا تنسى ان في رب كريم..يستنى عباده يطلبون ويتضرعون له..الجأ له في كل وقت وهو اعلم بأحاول عباده.."امن يجيب المضطر اذا دعاه"
سلطان رد له ابتسامه امتنان..بجد كلامه يشرح الخاطر..باس راسه.
:ربي يجزاك الف خير...
ابو عبد العزيز خجل من حركة سلطان:تبي تكبرني يا ولد..
سلطان: والله ما اعد كالا في مقام ابوي...
ابو عبد العزيز ربت على كتفه وراح يقيم الصلاة..
سلطان قرر يعيد كل حساباته من اللحظه هذي...وما راح يلتفت لوراء مره ثانيه...
صحـــت مدى تصلي الفجر...
ولسه سلمت وخلصت...سمعت صوت الباب الخارجي يتسكر...
:سلطان ما شفته اليوم..
طلعت له وتفاجأت من شكله..
:سلطان !!!....ايش اللي سوى فيك كذا...
سلطان ارتبك وما توقع احد بيصحى الوقت هذا ..
:مــــــــــــدى؟؟
مدى قربت منه وهي مخترعه وخايفه على اخوها..
:ليـــه كــــذا؟؟
سلطان بأرتبك:آآآآ,,تهاوشت اليوم..
مدى: مع مين..؟
سلطان يتهرب: يووووه سالفه طويله..اذا رجعتي من الدوام قلتها لك...الحين بروح انااام...تصبحي على خير..
وترك مدى على حالها...ما تدري وش قاعد يصير معاه..
مدى: لالا..سلطان فيه بلا....بسم الله على اخوي ..وش قاعد يصير له...وشنو اللي ماخذ عقله طول الاسابيع هذي..؟
اريام بمكتبها ومتعمقه بشغلها...
: ممكن ادخل...؟؟
اريام: ايوه تفضل دكتور خالد...
خالد بأبتسامه واسعه: يا صبــــاح الخيـــر..
اريام ضحكت عليه: يا صبــــاح النور..
خالد جلس عند مكتبها: اخبارك دكتوره ايام..؟
اريام: شوفة عينك...تمام..والشغل ما يخلص..
خالد: دوووم الصحه...بس على الشغل مستحيل يخلص...
اريام سكتت تستنى اللي بعد المقدمه..
خالد بدا يرتبك: دكتوره اريام...امممم..ما ادري ايش اقولك...
اريام عقدت حواجبها مستغربه: خير دكتور خالد في شي...؟؟
خالد: ايش رايك اشوفك تحت بالكافتيريا ..
اريام: اوك...مو مشكله..
خالد قام بسرعه: اوكي...اشوفك....باي..
اريام استغربت تصرفاته: باي...................
>>>>>>>>>>>>>>>>>>>>>>>>>>>>>>>>>>>>>
في غرفة سامي..
رايح جاي بغرفته..
: ابي اكلمها...نفسي احكي معاها...اشتقت لها...بس ....بس مالي وجه بعد اللي سويته..
فجأه حس بألم بكل جسمه...يحس ان في شي ياكله اكل..ينهش جلده وعظمه...اول مره يحس بالاحساس هذا...وبهذي القوه...دايم المه يكون خفيف..
تسند على جدار جنبه...وهو يتألم..
:آآه ...وش اللي جاني فجأأه..
حس ان روحه بتطلع...حاول يمشي كم خطوه..بس يبي يوصل لسريره..حس ان المسافه بعيده..اول مره يحس ان الغرفه كبيره...دايم يتذمر من صغر مساحتها بس اكتشف العكس..
جاهد نفسه لحد ماوصل السرير ورمى نفسه عليه بدون وعي وبكل حيله..ضغط جرس التنبيه لحالات الطارئه..
جات النيرس على طول...
>>>>>>>>>>>>>>>>>>>>>>>>>>>>>>>>>>>>>>>>>>>
اريام وهي تدور بين الغرف..شافت دكاتره تروح وتجي بدليل ان في حاله طارئه..تبعتهم ..تبي تعرف مين..
عورها قلبها وهي تحس انها متجهه لغرفته...
"لا ....يارب مو سامي..."
مشت بخطوات اسر عتبي تتأكد ..بس كل اماالها تلاشت لما شافت نفسها واقفه قد\ام باب غرفته..
"سامي تعباان.......زاد عليه مرضه اكيد...تاخر على العمليه كثير..ليه يا سامي ليه..."
بعدت عن الباب اللي انفتح وخرج من فوج من فريق الطبي..ثلاثه اخصائيين واثنين اطباء ومعاهم نيرس..
اريام قلبها يضرب بقوه...تأكدت ان حالته تدهورت فجأه..
دخلت بع\هم..حصلته مثل الجثه هامده...وباين عليه اثار التعب..
خنقتها العبره لحاله..
"مسكين سامي...اكيد انا السبب..هو بسبتي رفض العمليه..."
طلعت من الغرفه واتجهت للأطباء المؤولين عن حالته تبي تتطمن قلبها عليه..
لانا بالكلاس حقها...وحطه راسها على الطاوله...تحس بتعبي وارهاق كثير..
شهد: لنــو...تعبانه..؟؟
لانا: لا.....
شهد: لنو...وجهك يقول غير كذا...خليني اجيب لك عصير ولا شي يرد روحك..
لانا: شهد ما ابي شي ريحيني..
شهد سكتت عنها..ورحمة حالها...
وفجأه فزت: ما راح اسكت له...
شهد اخترعت: بسم الله علي...مين؟؟
لانا والحقد يلمع في عيونها: اياد...
شهد: وش راح تسوين..؟؟
لانا: مسوي راح يذلني...وربي لا اذله...واعلمه منو لانا...
شهد خافت منها وعليها: لانا تعوذي من ابليس..
لانا لفت عليها: وتشوفين من راح يغلب الثاني..
>>>>>>>>>>>>>>>>>>>>>>>>>>>>>>>>>>>>>>>>
: الوعد يوم الاربعاء....؟
دانا: ما سألت امي...
فيصل عامل حاله زعل: ليه؟؟؟...ما اهتميتي للموضوع؟
دانا: لا مو كذا....بس..
فيصل: دنو....شنو بس وما بس...ترى البارتي صغير بالمره..
دانا: اوك بحاول..
فيصل مسك ايدين دانا: دنوو..انا احبك..وابيك بكل حياتي...وابيك مثل روحي معاي وين ما اروح واجي..
دانا صارت ترتجف منها ومن حركتها: احنا قلنا صداقه..
فيصل: وزا صداقه....احنا روح بجسدين..
دانا تحاول تحرر ايدينها بهدوء وقلبها يدق بسرعه..
فيصل حس برجفة دانا: خايفه مني...؟
دانا ارتبكت: اخاف.....ليه اخاف..؟
فيصل قرب منها: لا تخافين وانا معاك....اوك..
دانا تصرفها: اوك..طيب ممكن اروح لفصلي...
فيصل باس يدها: بأشتاق لك...
دانا سحبت يدها بسرعه وراحت وهي تحس ان رجولها ممكن تخونها وتطيح..
ياسر ابتسم وهو خايف: ههه ادخلي بسرعه ولا تكلميني..
مدى ضحكت: ههههههههه طيب..
ضاري اول ما شاف طيفها حاول يخفي ابتسامه بداخله بعلامات جمود مصطنعه..
: هلا ست مدى..
مدى: يا الله صباح خير"..: هلا سيد ضاري...
وقف ضاري ومشى لعندها...خلينا نجلس على الكنب افضل...
مدى ما اعترضت..
فرز الاوراق قدامها على الطاوله..وبدوا يتناقشون بالشغل..
: ومن اللي اخترتهم..؟
ضاري سحب ملف: هذا كشف بقوائم اسماء اللي صالحين للعمل...يعني على الاقل يقرون ويكتبون وسنهم معقول...
ومد الملف لها...مدى وهي تطالع اوراق على رجولها..مدت يدها تاخذ الملف..وحست بكهرباء سريعه سرت بجسمها..
ضاري...حس بأدين ناعمه على اصابعه وما سكته..
تصلب ظهره فجأه من لمستها...حس ان احمرار وجهه راح يفضحه ...ترك الملف..وبنفس الوقت هي تركت يده ...وطاح الملف على الارض...محدث ضجه مع الهدووووووووووووء اللي سكن المكان...
ضاري حاول يستجمع نفسه ويخلي الوضع عااادي..نزل واخذ الملف ورماه على الطاوله عندها..
مدى ما قدرت تعدي الموقف وباين انها شاده على اعصابها..
ضاري ما خفى عليه هالشي: شوفي الاسماء...
اخذت مدى الملف وبانت رجفتها صارت تتصفح تبي تستوعب ايش مكتوب ما قدرت..
:اوك انا اطلّع عليه بعدين...في شي ثاني..؟
ضارب حب هو بعد ينهي اللقاء: لا ما في شي....بس بكره الجوله اكوي...
مدى وقفت: اوكي....عن اذنك..."وطلعت"
ضاري حس انه تايهه للحظه...لقى نفسه لما نزلت عينه وطالع يده...رفعها لعند وجهه وتأملها..
:قلبتي موازيني ....يا بنت عمي..
تحسس مكان يدها بيده الثانيه...وراح لمكتبه يبي يلهيه عنها ثواني...
>>>>>>>>>>>>>>>>>>>>>>>>>>>>>>>>>>>>
مدى طلعت وهي كارهه حركتها الغبيه...وندمااااانه انها صارت منها غصب
ابتهال: بترحون زواج بنت الجيران.؟؟
مرام: ما ادري لحد الان...وانتي يا مشاعل...
مشاعل في جو ثاااااااااااااني..
مرام: مشااااااااااااااااااعل..
مشاعل: ها...هلا..وش فيك..؟؟
ابتهال حزنت كثير على حال مشعل..مستحيل تستمر على حالها كذا...
: مشاعل...ايش فيك يا بنت...ترى لحد الان ما صار شي..
مشاعل تحاول تكون طبيعيه: لا...مو عشان السالفه..سرحانه بشي ثاني...ايش عندكم؟؟
ابتهال عارفه ان ما عندها الا سالفة الزواج اللي ابوها طالع لها فيها..
: بتروحين زواج لطيفه بنت الجيران..
مشاعل: ما ادري....وانتي؟
ابتهال: انا ما عندي فستان...
مرام وهي تتذكر: انا عندي واحد...جربيه..
ابتهال: بيجي قياسي؟؟؟
مشاعل: ابتهال ما في فرق بينك وبين مرام كثير....
ابتهال بغرور: بسم الله علي منها...انا احلى جسم..
مرام حطت يدها على خصرها: هه مسكينه يا البطريق..انا احلى منك..
ابتهال: طيب لا ينط في قلبك عرق..بأجي اليوم واخذ الفستان اوكي..
مرام: اوكي..
ابتهال: مو انا...اخوي سلطان...عشان بكره عندي اختبار..
مرام: انتي ولا اخوك..المهم يجي قياسك..
مشاعل دق قلبها على طاري سلطان..تمنت ان كل شي فجأه يتغير ويكون اللي يبيه ابوها لها زوج سلطان..
كثيره الاماني بس صعب تحقيقها ...وتبقى الاحلام احــــــــــلام..والاقدار هي الواقع اللي نعيشه برضا اوعدمه..
بعـــــــد ســـــــــــــاعـــــــــات....
صحى من بعد ما حس في لحظه انه راح يفارق الحياة...
حاول يتحرك ..لكنه يحس بخموووووول وصدااع غريب وتعب وكأن عظامه تفتت من الالم..
ما فكر الا بشي واحد...يبي يكلم اريام...حس بتأنيب الضمير..تخيل انه مات وهو مزعلها بدون سبب وظلمها بعذر هو ماله حق فيه..
ممكن تبتسم لنا اللحظه..وتحقق لك امنيه...
دخلت اريام عليه تبي تطمن على حاله..
قربت من عنده تظن انه نايم...وهو ضبط الدور...
: يا عمري يا سامي...وربي ما تستاهل اللي فيك..بس قدر الله وما شاء فعل...صدقني لك اجر كل آه صرختها ولا الم حسيته..
طالعته بألم وهي تتذكر كلام الدكتورعنه اللي تراجعت كثيييير..
: ربي يسمع منك..
فاجأها الصوت...
:ســـــــــــــامي...!!
فتح عينه بتعب: ايوه...كيفك يا دكتوره ايام..
اريام حست ان الحياة رجعت لها...ابتسمت ودها تضحك ودها تصرخ..شعور غريب اجتاحها ..ما تدري ايش هو..بس حلووووو...وحلوووو مرررره..
: انا مو مهم..انت كيفك؟؟؟ الحين تمام؟؟
سامي: الحين احسن...بس مو تمام...تعبان يا اريام تعباااااان..
اريام كبتت كلمات كثير بقلبها نفسها تقول سلامة روحك ...ياريته فيني ولا فيك...وكلام وكلام...بس كل الاشياء تمنعها واولها اخلاقها وتربيتها..
: ما تشوف شر ا نشا الله..اخر الالام ا نشا الله..
سامي: ا نشا الله..يجي الموت وياخذني ويرحني..
اريام غرقت عيونها دموع وفاضت: لا تقول كذا يا سامي...صدقني محد يموت قبل يومه..
سامي: بس ابيه يريحني..
اريام: بتتعالج منه ا نشا الله..
سامي سكت وما علق ولا حب يجادل في شي هو عارف نهايته..
دقايق هدوء مرت عليهم...بس ما كانت صامته...لغة العيون كانت تتكلم وتحكي..وما توقفت لحظه...
سامي يقرا في عيونها كلاااااااااااااااااام وبحور من الجمل..
بس في حلقه ناقصه...!!
:اريام انا اسف ما باركت لك...
طلعت بغصه من حلقه..
اريام ما فهمت قصده: الله يبارك فيك..بس على ايش...؟
سامي: على خطبتك..
اريام انصدمت وتفاجأت: انا؟؟؟؟؟؟؟؟؟؟؟؟؟
سامي حس وكأنها اول مره تسمع بخير خطوبتها: ايوه انتي...!!
اريام ما تدري وش تقول من الصدمه: متى.....اصلا من قاله؟؟؟
سامي ما فيه حيل لأي انفعال او صدمه..
: يعني انتي مو مخطوبه..؟؟
اريام بتأكيد: لا..
سامي: ودكتور خالد..؟
اريام مخها بدا يوقف: وايش دخله دكتور خالد..
سامي بينجن: انتي ودكتور خالد مو مخطوبين.؟؟؟؟؟؟؟؟؟؟؟؟
اريام انصعقت من الفكره: لااااااااااااااا مستحيل...
سامي تنرفز: ليه يقول لي الكلام هذا..؟
اريام بدت تربط الاشياء: هو قاله لك..؟
سامي : ايوه ...معقول......معقول يكذب علي!
"يا غبائي ....وانا معيش نفسي بوهم...كل الايام هذي راحت من عمري فيس وهـــــم؟؟"
اريام صارت النار تطلع من عيونها: وش صار بالضبط...
سامي حكى لها كل شي بالتفصيل..........
>>>>>>>>>>>>>>>>>>>>>>>>>>>>>>>>>>>>>>>>>>>
فتحت باب مكتبه بقوه لدرجه انه ضرب في الجدار اللي وراه..
: انت......انت من سمح لك تربط نفسك فيني...
خالد اخترع من طريقة فتح الباب ومن صراخها ..
:اريام...خير وش فيه..؟
اريام: أي خير يجي من وراك..
خالد: اريام ايش داعي الكلام هذا؟؟
اريام: انت من سمح لك تقول انو انا وانت مخطوبين...
خالد وكأن جبل طاح على راسه: آآآآآآ...من قال الكلام هذا؟؟
اريام: ما يهم من قاله...واللي يهمني...انك لو اخر شفت لو اخر رجال بالدنيا ما وفقت عليك...ولا تحلم في يوم من الايام...ترتبط فيني..انت عارف ايش سويت..انت ذبحت روح بأنانيتك...دمرت شخصين بسبة تفكيرك الغبي...انت حرام تكون بالمكان هذا..وحرام انك تكون مسؤول عن ارواح الناس..انت....انت...انت احقر شخص شفته بحيااااتي.."بدت تبكي"...روح شوف وش سويت بسامي..ما عندك ضمير ولا قلب ..
انا اكرهـــــــــــك.....اكرهــــــــــــــــــــــك..
وطلعت وخلته يستوعب كل كلمه قالتها له...خالد جلس على كرسيه وهو شبه منها..
: اريام...انا احبك..وربي احبك احبك...ليش تسوين فيني كذا...وانا ما عندي قلب...ما رحمتي حالي..ما تعرفين ليش سويت كل هذا...ليش دست على قلبي وضميري وقلبي وعقلي...عشان مين؟؟؟عشانك انتي وربي عشانك..
سند راسه بين ايديه بحسره...تندم على طريقته الغبيه...مفروض كسب قلبها بطريقه ثانيه...الحين كل شي ضاع منه ..اريام..قلبه..ضميره..عقله..ويمكن شغله كمان..
فتح الدرج اللي جنبه طلع علبه صغيره...
فتحها..ولمع اللي فيها بلمعه قويه..تذكر الموعد اللي حدده صباح اليوم...كان بيتقدم لها ويعطيها الخاتم الفخم اللي بريق الماسه عاكس نور الغرفه بكل بشموخ..
ليش ...ليش تحطم كل شي...اريام كنت راح اخطبك فعلا...
حس ان الدنيا تقفلت بوجهه من كل جهه وبقى هو الخسران الوحيد فيها...
رجعت مشاعل لبيتهم...
وصدمت باخوها عبد الله اللي مرتبك..
: وش فيك كأن لاحقتك جنيه..
عبد الله: جيتي؟؟....زين..امممممم..مشاعل ...شوفي..
مشاعل نغزها قلبها: قول وش فيك؟؟
عبد الله متوتر: ابـــــــوي..
مشاعل خافت: هنااااا؟؟؟
عبد الله بأسف: ايوه....معاه...احم ..زوجك..
مشاعل صرخت: زوجــــــــــــي؟؟...انا ما راح اتزوج لو على جثتي..
وراحت تدور جدتها تبي تحتمي فيها..
ابو عبد الله سمع صراخ مشاعل وتفشل من الرجال الي جنبه..
وطلع لهم: مشـــــــــــاعل..مشـــــــــــــــاعل..
مشاعل في حضن جدتها: تكفين يا جده..ما ابيه..تكفين..
ام ناصر: لا تخافين وانا امك...وربي معانا..
دخل ابو عبد الله غرفة الجده اللي تغطت بدورها بشيلتها اللي على راسها..
: مشاعل تعالي..
مشاعل مغمضه عيونها ودافنه نفسها بصدر جدتها..
ام ناصر: مالك شغل ببنتي والزواج ما هو غصيبه..
ابو عبد الله بوقاحه: انتي وش دخلك....انا حر في بنتي..
ام ناصر: احشمني يا ابو عبد الله...انا كبر امك..
ابو عبد الله: هاتي بنتي واحشمك...ولا بتشوفين شي تندمين عليه..
ام ناصر: ما راح يفك هالرقبه الا اللي ركبها...يعني وش رتح تسوي؟؟
ابو عبد الله بدا يطلع من طوره: ام ناصر...قلت لك...ما ابي اغلط عليك..وانتي يا مشاعل ما ابي امد يدي واخذك بالقوه..وأأذي جدتك...تعالي بالطيب..
ام ناصر حاوطت مشاعل اكثر بيدها : بنتي ما راح تتحرك من هنا..
ابو عبد الله تقدم بياخذ مشاعل بالغصب اللي ما حاولت تقاوم..وخافت على جدتها..
ودموعها سيل: يبه..تكفى ما ابي اتزوج ما هو غصب..
ابو عبد الله حاول يغير طريقته لا تفشله قدام الرجال..
: انتي شوفيه يمكن يعجبك...وترى فلوسه بتغنيك عن الدنيا..
مشاعل سكتت تحس ان كل قواها خانتها من جبروت ابوها..
وقف عند باب المجلس: اسمعي....حركه من هنا ولا هنا يا ويلك...هو بيشوفك ونخلص..وامسحي هالدموع بسرعه..
مشاعل تمسح دمعه من هنا ينزل بدالها اضعاف..
دخلت بمريول المدرسه عليه...ما همها يشوفها كاشخه ولا لابسه ولا حتى ما يلاحظ انها تبكي..
دخلت كم خطوه ورفعت راسها ...وانصدمت من اللي شافته..
شي مستحيل...لهدرجه انا ولا شي عند ابـــــــــــــــــــــوي!!!!
>>>>>>>>>>>>>>>>>>>>>>>>>>>>>>>>>>>>>>>>>>>>
:عبد الله واللي يرحم والديك..وبغلاة امي الله يرحمها تكفى تكفى فكني ولك روحي وحياتي..
عبد الله ضاقت فيه الوسيعه..ما يدري وش يسوي..
: وش اسوي يا مشاعل ما في يدي شي..
مشاعل ودموعها ماوقفت دقيقه من لما طلع ابوها وقال لها الخميس الجاي الزواج..
:دبرني يا عبد الله دبرني...
عبد الله قطعت قلبه اخته: جده...وش اسوي فيها ..
ام ناصر تمسح دمعتها: حسبي الله ونعم الوكيل...اشوف فيك يوم يا ابو عبد الله..اشوف فيك يوم...
عبد الله وقف: راح الاقي حل...وان شا الله ما راح يصير الا الخير..
وطلع وتركهم يبكون وينحون حظهم اللي بلاهم بواحد ظالم وجبّار ..ويستغل اللي اضعف منه بنته وحرمه كبيره بالسن..
المغـــــــــــرب..
جالسين العائله..ويشربون شاي مع شابوره مسويتها مدى لهم..
ابتهال: يمي لذيذ تسلم ايديك مدوووو
سلطان ياكل ثنتين: والله اني جايع ..كح كح...شكرا مدى..
مدى: ههههه اقول لا تموت علينا...اشرب عصير ولا شاي..
ام سلطان: يا جعل عيني ما تفقدكم ا نشا الله..
بدر ياخذ قطعه ويخليها تتفتت على الارض ويضحك..
ابتهال: هه طالعوا المجنون هذا وش يسوي..هيه انت يا خبل وش تسوي ...وسخت البيت..
وداد طالعته وراحت بتسوي مثله..
قامت ابتهال وخذت منهم الاكل..
: يله...يله انقلعوا هناك يا الدبب..
راح بدر يبكي على ظهر امه ووداد ساكته لانها ما بعد سوت شي..
سلطان: احلى يا قويه..
ابتهال ترز نفسها: تسلم اخوي...اعجبك...على فكره انا مهجده المدرسه...
سلطان: واضح..وكأني ما شفتك ذاك اليوم تنتفضين من وحده كانت تمشي جنبك بالشارع..
ابتهال: هههههههههه مهجده المدرس هالا هذي نسيت احطها استثناء..
مدى: ههههه اخاف بس انهم مهجدينك..
ابتهال شهقت: نسيت....مرام بتعطيني فستان اجربه لزواج لطيفه بنت الجيران..
مدى: طيب اشتري لك واحد....
ابتهال: لا اشتري لنفسك اذا كان مقاسي ماله داعي اشتري حرام...
سلطان: بسم الله على اختي ..تف تف تف ما شا الله عاقله ورزينه..
ابتهال متقرفه: وووووووع الله يقرفك بجامتي كلها اكل هههههههههههه
سلطان: عسل على قلبك..
مدى: ههههههههههه هواشكم ما يخلص..يله روحي جيبيه خلينا نشوفه..
ابتهال: خلي سلطان يروح..
مدى: لا فشله...روحي انتي خذيه وتعالي..
سلطان: يله بسرعه استناك برا..
راحت ابتهال ولبست عبايتها وطلعت..
ضربت الجرس وسلطان وقف بعيد عنها...وشاف عيال الحاره يلعبون كوره لعب معاهم ويهبل فيهم بما انهم صغار..
ابتهال واقفه وناشبه في الباب..
انفتح الباب..
: السلام عليكم وين......آآآآآ وين...........؟؟
: احم احم وعليكم السلام تفضلي..
ابتهال: لالا ما يحتاج ..بس قول لمرام ابي الفستان..
عزام ابتسم: ابشري من عيوني ثواني بس..
"وراح"
ابتهال: اووووه يارب اوكسجين...هوا هوا بدي هوا
جاء عزام ومد لها الكيس: هذا الفستان..وتقولك.."وحك راسه يتذكر"...تقولك مرام اذا ما جاء مقاسك والله ما ادري ايش قالت هههههههههههههه
ابتهال ذااااااااااااااااااااااااااابت مع ضحكته وبعفويه: عيدها.....
عزام ضحك: وش اعيدها الجمله؟؟؟
ابتهال تفشلت وخذت الكيس بالقوه :آآآآ مع السلامه..وسلم لي على مرام ..باي..
وراحت..
عزام ضحك على غبائه ودخل..
راحت ابتهال للبيت ونست سلطان..
: هيه انتي طيب قولي سلطان خلصت..شي..
ابتهال تغني..: من كلميتاه يما ما ادري اش حصل جواي
قلي يا قمره يا حلوه يا روح الروح عليتي انت يا زينه وسبب بلواي احرجني
سلطان باس يده: الحمد لله والشكر بس...
ووصلوا البيت وابتهال ما زالت تغني..
الاسمراني مر يا يما وقلي هاي من كلميتاه يما ما ادري اش حصل جواي
مدى: ابتهال أرئفي بحالي وحال امي واسكتي..
ابتهال تدور بالكيس: احب الزواجات..واحب المناسبات والفساتين وكل شي...
ام سلطان ضحكت: هاو...ابتهال وش فيك؟؟
ابتهال: ههههههههه بروح اشوف الفستان بس...انتوا ما تحسون فيني...
دخلت مكتبه..
: صباح الخير..
ضاري ما قدر يمنع ابتسامته على بداية صباحه الجميل بطلتها...
:صباح النور...هلا مدى..
مدى دخلت بهدوء وجلست..تقريبا بدت تتعود عليه..
ضاري: انتي عارفه جدولنا اليوم اكيد..
مدى: اكيد..
ضاري: تبين نجلس شوي ولا نبدا الحين..
مدى بتفكير: لا الحين احسن..
وقف ضاري: اجل يله مشينا..
وقفت مدى وطلعوا مع بعض..ونفس الشي كانوا بسياره وحده..وكان الصمت سيد الموقف..ضاري حس انه ما يقدر يكسر الحاجز..ومدى مستحيل تفتح حوار معاه بأي موضوع غير الشغل..
وصلوا حارتهم...
ضاري يطالع البيوت المنهده..واللي كأنه راح تنهار على اصحابها وبعضها مهجوره والبسس كانت ملجأها..
: من وين راح نبدأ...؟
مدى: راح نبدأ من هنا ..من هذي الحاره..خلني انا وواحد من الموظفين نتكفل بالموضوع..يعني لو عندك شغله............
قاطعها ضاري بسرعه: مجنون انا اخليك تدخلين هالبيوت لحالك..رجلي برجلك..
مدى صح انها ما تحب احد يفرض نفسه عليها...بس لاول مره تحس بأن وراها ظهر وسند قوي..يمكن لان سلطان اصغر منها وتحس نفسها مسئوله عنه..وسندها الحقيقي عمرها ما حست فيه ولا شعرت به..طالعت ضاري بأمتنان وكأنها تشكره على هالاحساس وتقدمت خطوه عنه..
:اوك يله..بدينا بأسم الله..
وفعلا كان قرار ضاري بأنه ما يتركها سليم..لانهم شافوا اشكال واجناس من الناس..بعضهم السئ ..وبعضهم الجيد..والبعض ماله ذمه ولا ضمير..وشافوا ردات فعل مختلفه..والاغلبيه موافقه..
مدى وهي تمشي لبيت في الزاويه في نهاية الشارع..
:بصراحه ما توقعت انهم راح يستجيبون لنا بسرعه..
ضاري والشمس عاكسه على نظارته الشمسيه وباين انه منزعج منها.
:وانا بعد..توقعت انه راح توافق مجموعه...وبعد فتره لما يسمعون بان اللي اشتغلوا وباعوا اراضيهم كسبوا..راح ينضموا البقيه...بس الحمد لله طلعت النتائج ايجابيه..
وقفوا عند باب البيت...
:اتوقع هذا اخر بيت من هذي الحاره..
ضاري: واخيــرا..
ضرب الموظف الجرس...بعد دقايق طلع ولد في العشرين من عمره..
فتح الباب وشاف الموظف مصري الجنسيه وجنبه مدى..
ولا شاف ضاري اللي كان مسند نفسه على الجدار..
الولد: هلا والله وغلا بالزين..
مدى: احنا مؤسسه(.....)وعندنا عرض لكم..
الولد: حياك..حياك واذا ما شالك البيت تشيلك عيونا..
ضاري وقف قباله فجأه: الله يحيك ويسلمك.."ودخل"
الولد اخترع من اللي وقف قدامه..يفوقه بالطول والعرض..وصوته يكفي انه يخلي الخوف يمشي بعروقه..
دخل ضاري وبعده الموظف ودمى...
وكان ضاري طول الجلسه على اعصابه من نظرات الولد لمدى..قرب من مدى شوي...
مدى حست انه لزق فيها..ورجعت لورا شوي..
ضاري: ايش رايك نطلع بس..ما اتوقع اني احتاج هالغبي..
مدى متوتره من قربه: براحتك...
ضاري وقف على طول من قررت مدى..
:اوكي يا الحبيب..عجبك العرض تعال المؤسسه ووقع..ما عجبك بينا وبينك سلام..
وقفت مدى معاه..
الولد: والمزيون بيكون في المصنع هذا...؟
ضاري ولع: انت...يا المزيون..احترم نفسك..ترى ما هضمتك...
الولد خاف بس ما زال يطالع مدى: اوكي نفكر...مو مشكله..
ضاري مسك مدى من كتوفها ودفها قدامه وصار يمشيها..
مدى وقف شعر جسمها من لمسته وقربه اللي تحس انه اقرب من ظلها
"وش عنده هذا...ما غير لازق فيني.."
واخيرا طلعوا من البيت..
ضاري: لا بارك الله فيك وفي الساعه اللي شفت فيها خشتك..
مدى ضحكت: ايش فيك حرقت اعصابك عشانه...
ضاري: ما شفتي نظراته لك..شوي وياكلك..
مدى وقفت تفكر" معقول يغار علي بهالجنون عشان اني بنت عمه بس!!"
ضاري: يا عبد الرحيم..خلاص اتوقع اليوم كفايه انت روح الشركه وضبط اوراق اللي وافقوا اوكي....
عبد الرحيم: حاضر يا باشا ..حاجه تانيه؟؟
ضاري: لا..شكرا...يله مدى نروح سيارتنا لان الشمس بدت تغلي...
مدى ابتسمت من تحت غطاها"مسكين ما تعود على الشموس هههههه"
في السياره..
: جوعانه!!
مدى: لا عــادي..
ضاري والجمود يغلفه: ممكن اعزمك على مطعم لاني جوعااااااان..
مدى ما تقدر تقول لا..لانه هو الجوعان..
: اوك مو مشكله..
فيصل جالس قبال دانا ولازق فيها بالضبط..
دانا: طيب من راح يجي بكره..؟؟
فيصل: يعني بعض شلتي وصاحباتهم...
دانا: واخواتك..؟
فيصل: ما عندي الا اخت وحده وراح تجي اكيد..
دانا حبت تتعمق فيها اكثر..
:وعندك اخوان؟؟
فيصل نزل راسه: لا....انا الوحيد..
دانا انصدمت من الرد..."انا الوحيد"..تقصد انها الولد والوحيد...
: احم...طيب وين راح يكون في بيتكم..؟
فيصل بسرعه: لالا..ايش في بيتنا..انا حجزت قاعه..
دانا: ليه مو في بيتكم...بما انها صغيره..
فيصل: الظروف ما تجي معاي...
دانا كان ودها تسأل بس سكتت..
فيصل: مرت ابوي ما راح توافق..يعني قد حصل موقف معاي منها وما راح اعيد نفس الغلطه..
دانا تبي تعرف ايش الموقف..
فيصل: ما ودي اغير جوك بمشاكلي...
دانا بسرعه: لا بالعكس عادي...خذي...اقصد خذ راحتك..
فيصل ابتسم على جنب: الغلطه لا تتكرر مره ثانيه..يعني قد سويت بارتي في البيت...وطبعا دخلت ست الحسن والدلال خربت كل شي وصغرت وجهيي قدام اصحابي..
"وتقلد صوتها": مجمع لي شلة الخراب...اطلعوا برى بيتي وسوا اللي تبون"
دانا: وايش سويت...؟
فيصل: صح الناس طلعوا من عندي...بس الله وكيلك علمتها درس عمرها ما راح تنساه..صح بعدها اخذت تهزيئه من الوالد..بس حرتي ما خليتها هههههه..اصلا انا مجننها في البيت..
دانا رحمت فيصل: وامك..؟
فيصل صد للجهه الثانيه: ايش فيها؟
دانا: وينها...؟
فيصل: خليها لاهيه بزوجها وعيال زوجها..
دانا تقريبا بدت تفهم ليش صار فيصل كذا...بس اكيد في شي اقوى خلاها تتقمص شخصية ولد وتتعمق فيها لدرجه هذي!!
دانا حطت يدها على يد فيصل بحنان ..رحمته ورحمة حاله.
:اوكي اكيد راح ننبسط في البارتي..
فيصل وأيده على يدها وهو مبتسم ابتسامه واسعه..
:ربي لا يحرمني منك يا بعد قلبي..
في العيــــــــــــاده..
رجعت الحياة لسامي من جديد..تغير 180درجه للافضل وخصوصا نفسيته..
اريام تحكي له عنها وعن اخواتها واخوانها..
سامي: وولد الغربه هذا وش يصير..؟
اريم ضحكت: سلمك الله هذا..اخوي تقريبا من سنين وهو برا المملكه..واااي نادر ما يجي السعوديه..
سامي: طيب ليه..؟
اريام: ما ادري ..ما يحب السعوديه..وكلمته"مستحيل اجي عند المتخلفن"
سامي :طيب ايش يسوي هناك؟؟؟
اريام: هو من تخرج من الثانويه راح يدرس..بس طبعا الفشل الذريع مرسوم على وجهه يعني لا شهاده ولا شي..ابوي اجبره يرجع ويكمل هنا..رجع يمكن شهر ولا تحمل الجو ولا الحياة ..وقرر يرجع وراح ودرس بجد هالمره..وفعلا سوى اللي براسه ودرس عشان بس ما يرجع هنا وكمل حياته هناك واشتغل بعد..والله يستر لايكون بعد متزوج..
سامي: بصراحه اخوك هذا غريب..
اريام:هههههه معاك حق..اغرب ولد في الحياة اخوي..امي سمته ولد الغربه لانه تعلق فيها بشكل مخيف..
بس تدري الحمدلله انه هناك...اذا جاء هنا يااااااااااا الله وجوده لا يطاااااااااق..دايم في مشاكل مع اخوي ضاري..يعني هو البنزين واخوي ضاري النار..
سامي ابتسم: رحمه لكم انه هناك..
اريام: الله يهديه لنفسه..بصراحه وجوده غير مرغوب فيه...
سامي غمز لها: وانتي...؟وش وضعـ......."وسكت فجأه"
اريام تطالعه مخترعه: سامي وش فيك؟؟
سامي غمض عيونه بقوووووووه ويحس انه جالس على نار تخليه يغلي..وما قدر يتكلم..
اريام بسرعه وقفت: ثواني...انادي النيرس..
وطلعت ورجعت بالنيرس ...اللي معاها ابره مهدئه..
دخلوا المكان المخصص للعائلات..
مدى تحسفت قد شعر راسها انها وافقت..الحين كيف راح تتصرف معاه..ما تقدر تخلي العلاقه رسميه"مدير وموظفه"...ولا تقدر تخليها ميانه"ولد عم وبنت عمه"..حست انها حطت نفسها في موقع غبي..
ضاري كانت الافكار تلعب براسه..متوتر وطبعا واكيد ما راح يبان عليه...فرحان انه واخيرا راح ينفرد في مدى في مكان بعيد عن المكتب والشغل..
سحب الكرسي لمدى: تفضلي...
مدى ضحكت بداخلها من ذوقه..يعني عمرها ما تخيلت انها تصادف شخص بالذوق الرفيع هذا..وخصوصا انه يحترم الجنس الاخر احترام مو طبيعي وتلاحظ هالشي من تعامله مع البنات في الشركه..
جلس قبالها..ما يدري كيف راح يمشي هاللقاء..وخصوصا انه الرجال ولازم يتحكم في مسار الاحداث على الموال اللي يبيه..
سكت شوي..ما خفى على مدى انه وده يبدأ او يقول شي..بس لحد الان جرأته ما اسعفته..
: اكشفـــــي...."قالها بسرعه"
مدى اخترعت من الطلب وتغير لون وجهها ..كذا بدون مقدمات..
ضاري بيلاحق الموقف: يعني حر وتعب....وخلي حجابك عليك..
مدى احمر وجهها..صعبه الفكره...شنو تكشف له..يعني ما قد حصلت لها ما قد كشفت لرجال ما عندها لا عيال خوال ولا عم..
ضاري حس انها راح ترفض ويبي يرد شوي من كرامته وطلبه الغبي..
:طبعا اذا ودك..والمصلحه لك..مو لي..
مدى رفعت يدها ببطئ وفكت الربطه حقت البرقع وهي منزله عيونها ..ما تقدر تحطها في عينه القويه...
ضاري ما صدق حركتها..لف للجهه الثانيه ناحية الشباك وكأنه مو متشوق لشوفة وجهها من بعد اخر مره شافها ..وهو يحلم بخدودها المورده الناعمه والمليانه..وتقاسيم ملامحها الناعمه..وحركة شعرها المبعثر من الهوا هبلته...
صار يهز رجله..هذا اكثر شي قدر يعبر عن توتره..
حطت مدى برقعها على شنطتها..وكان ودها تشوف وجهها بالمرايه..لانها ماهي حاطه ولااااااا شي في وجهها ..ما توقعت انها راح تضطر تفكه..متعوده انه عليها لحد ما ترجع البيت...
ضاري يبي يلف بس رقبته تشنجت..
مدى ما قدرت ترفع عينها وتطالعه..نزلت عينها على الطاوله..
لف بسرعه ضاري واخذ المنيو وحطه قدام وجهه..
:ايش راح تختاري انا جووووووووعان..
مدى بدا يخف حدة توترها لانه ما اهتم يشوفها..واخذت المنيو اللي قدامها...تطالع الاكلات..كلها ما قد جربتها..اصلا لو تجمع الفائض من راتبها كل شهر ممكن يمر سنه عشان تقدر تاكل من هذا المطعم..ببساطه اسعاره نار...والواحد يتحسف يحط فيه مبلغ هو بحاجته...
: انت ايش راح تختار...
ضاري بيستغل الفرصه ونزل المنيو:تبين اطلب لك على ذوقي..."وسكت يطالع فيها"
كانت عنده احلى من اول...وجهها اكثر حمره من الشمس..وشفايفها اكثر ورديه....والطرحه الملفوفه حول وجهها الدائري معطيها شكل ثاني..
مدى طالعته بتجاوب...بس ضاع الجواب في بحر عينه..انصدمت من عمق نظرنه لها...وكسرت عينها على طول..وانحرجت منه..جالس يتأمل فيها..
: اوك...ما عندي مانع..
ضاري حاول يجمع نفسه وما يخرب كل شي...طلع برا الحاجز وطلب واخذها فرصه يتنفس شوي...
راح الجرسون..وهو ما زال واقف برا..
"ضاري ايش فيك...مو من عوايدك تقلب كيانك بنت..انت شفت اشكال واجناس..ومنها الاحلى..لا تضعف عندها..لا تضعف"
اخذ نفس طاقه ودخل مره ثانيه...
حصل مدى مطلعه ملف للشغل وقاعده تتصفح فيه..
حمد ربه..على الاقل لاهيه عنه وما تكشف مشاعره وتقرا الكلام اللي بعيونه..
: كم عندك من اخت...؟
ضاري انبسط انها فتحت الموضوع العائلي هذا بالذات..
:عندي ثلاث...اريام 26سنه ..ولانا ودانا توأم 18 سنه..
مدى ابتسمت: ما شا الله..واخوانك؟؟
ضاري بدون نفس: واحد..
مدى استغربت حتى ما قال اسمه ولا عمره ولا حتى ابتسم على طاريه..
مدى تفكر:اريام اكبر مني بسنتين...دارسه جامعه..؟
ضاري: ايوه...هي اخصائيه في مستشفى..
مدى: حتى لانا وادنا كبر ابتهال اختي..ثالث ثانوي مو..؟
ضاري ابتسم: مو...<<يقلدها..
مدى رفعت حاجبها ما عجبتها الحركه..
:ومرت عمي...؟
ضاري: مرت عمك سيدة مجتمع<<كان واضح انه يقولها بأستهزاء
مدى تعجبت منه..هالرجال غريب في طاري امه واخوه مكشر...
ضاري: وسلطان كم عمره...؟
مدى: تقريبا 21 سنه..
ضاري بجديه اكثر: حلو..ليه ما يتوظف عندنا...
مدى قد طرت الفكره على بالها..بس بسبة المشاكل اللي بينهم وما تعرف اسبابها المجهوله ما حبت تقترح الاقتراح هذا على الجهتين..من ناحية ضاري او ناحية اهلها..
: ما ادري عنه...
ضاري: انتي ما تبين..؟
مدى تطالع بعيد: لا..مو انا...ما اتوقع اهلي راح يرضون لانهم اصلا معترضين على وظيفتي...
ضاري: عشانها عند ابوي...؟
مدى هزت راسها..
ضاري: مـــــــدى....
مدى تغير لون وجهها يقول اسمها بطريقه ثانيه..غريبه!!
: هـــــلا..
طالع عيونها: ابي اعرف اللي بينهم..ابي اكسر الحاجز هذا..وابيك تكوني معاي..
مدى بنفسها"لا حول الله...هذا وش فيه يكلمني بالاسلوب هذا...قلبي بيوقف خوف"
:انا ما راح ادخل نفسي في دوامه انا في غنى عنها..
ضاري بحنان: بس انا ابيك تساعديني..
مدى تطالعه وهي ماهي فاهمه ورى هاللهجه ايش؟؟...سكتت
ضاري يبي يتراجع لا يتعمق اكثر..
"ايش فيني..لا مو كذا..مو كذا...بشوية صلابه"
مدى: يعني مثل ايش..؟
ضاري: حاولي تسألي تدوري ومن هذا القبيل<<ورجع للاسلوب البرود..
مدى:ما راح يتغير شي..بس بحاول..
وعم الصمت المكان..دقايق وجاء الاكل وكانوا ياكلون بهدوء ..ضاري يسرق النظرات ويطالعها..
ومدى تفكير بعيــــــــــــد
"ليت اهلي معاي هههه بدال هالضاري المغرور"
ونفس المره اللي فاتت...رجع مدى لبيتهم وهو راح لبيتهم بدري...
دخلت مدى للصاله..
حصلت ابوها يطالع التلفزيون وواضح انه مو معاه..صار لها كم يوم ما تكلمت معه ..قررت تجلس وتسولف عليه عسى يعطيها وجه مو يعصب ويثور مثل كل مره..
جلست بعبايتها عنده..
: هلا يبه..
ابوها بدون ما يلف عليها: هلا..
مدى: يارب يرد علي....احم..اخبارك..؟
طالعها بنظره جامده..لان سؤالها بايخ بالنسبه له..
مدى بلعت العافيه.وقررت تغير السؤال...
: يبه...كان عندك اخت...؟
ابو سلطان ما عصب ..بعكس ما توقعت مدى: ايه..
مدى كانت متجهزه للنحشه.."الهروب لغير للناطقين النجديه"..
:آه الحمد لله.....ايش كان اسمها..
ابو سلطان وهو يحاول يتذكر ملامحها اللي بدا الزمن يمحيها من ذاكرته
:لطيفه..
مدى استغربت: هي لحد الان عايشه...؟
ابو سلطان: ما سمعت خير موتها....
مدى زادت غرابتها: وينها اجل...؟
ابو سلطان فجأه عصب ووقف: وانا وش دراني عنها..عسى ما اعرف عنها شي لاهي ولا اخوها...انا تركتهم من سنين وما ابي اسمع عنهم شي..صح ذاك نذل..بس هي ما سوت شي ولا قالت له شي وكأنه عاجبها اللي سواه فيني..وشوفيها ما سألت عني..ولا تدري هو لها اخو اسمه محمد ولا لأ..
مدى وقفت خايفه..مستعده لاي حركه مفاجأه...
:طيب ليش عمي سوا كذا...؟
ابو سلطان نسى انها ما تعرف السالفه: لانه غبي...وحقير ونذل...مشى ورا كلام حرمته..ونسى اخوه..غدر فيني الخوان..غدر فيني واخذ حلالي..
مدى عقدت حواجبها الافكار تتدافع لعقلها..
: حـــــــلالك...؟؟؟؟
ابو سلطان انفجر: ايوه حلالي...حمد ماله ولا يال..كل الحلال لي ..ابوي سجله بأسمي..بس اخ,,آخ في زمن الاخو يطعن ظهر اخوه.آخ في زمن ما تأمن نفسك مع ولد لحمك ودمك..وآه من دنيا فرقت بين الاخوان عشان فلوس...
مدى رجعت لورا: عمي سرق حلال ابوي!!!!!هذا السر اللي مخبا من سنين...وليش ساكتين...؟
ابو سلطان تقدم منها ومسكها من يدها بقوه: ولا تتكلمين بحرف انتي ما تعرفين وش صار لنا..ولا تعرفين وش راح يصير لنا لو طلع حرف..لا بارك الله فيك ولا اخوانك ولا أي واحد فيكم..
ودفها وطلع من البيت..
طلعت ام سلطان معصبه...
مدى:ما زالت الصدمات مأثره عليها: يمه....حلالنا..ليش ساكتين وراضين الظلم؟؟؟ليش احنا نعيش الفقر وهم يتهنون..ليه..."ورمت شنطتها"..اشوف عيشتنا واتحسر على اساس انو احنا فقراء ومساكين وما عندنا شي...بس اكتشف انه ماخذ حلالنا هو وزوجته وعياله عايشين بنعيم واحنا بجحيم..من يرضاها ..قولي لي مين..؟
ام سلطان والدموع تطيح من عينها وبحزم: مدى..اسمعي كلامي زين وحطيه على بالك..هذا الشي اكبر مني ومنك ومن ابوك...عمك ماسك ابوك من ايده اللي توجعه يعني لو بتتهورين بتخسرين ابوك..فهمتي...
مدى حست انها راح تنجن: يمه انتي وش قاعده تخربطين.وش ماسك على ابوي مخليه ساكت السنين هذي كلها..؟
ام سلطان وبدت دقات قلبها تضعف: ااسمعي يا مدى..الكلام اللي بقوله لك بيني وبينك ..وما ابي أي مخلوق يعرف عنه..احنا ما سكتنا سنين وتحملنا الجور والفقر والجوع عشان نجي اخر عمرنا خسرانين كل شي...
مدى وايديها ترتجف من الانفعال وقالت تتمسخر
: هه اكثر من كذا خساره..اذا انتوا خسرتوا حلالكم كله...بعد باقي شي تخسرونه..
ام سلطان: مدى...احترميني..
مدى تحاول تداري عبرتها: يمه حرام والله حرام..
ام سلطان: خليني اكمل كلامي...."وراحت تجلس لان رجولها بتطيح من نفسها لو ما جلست"..
عمك ماسك على ابوك شيكات بدون رصيد..وبمبالغ كبيره..لو دخل اوبك فيها السجن ما راح يطلع منها سنين تعرفين وش معنى سنين..
مدى حقدت على عمها وعياله ومرته وعمتها: معقوله يمه..اخو يهدد اخوه ويسرقه كمان...يعني ما كفاه انه سارقه يهدده..يمه تكفين وشلون سكتوا وصبرتوا"بدت تبكي."...طيب حاولتوا..
ام سلطان بنظرة المتحمل معاها ذكريات الماضي الجريح..الماضي اللي ما تحب تذكره ولا تحب تنبش فيه..ما راح يغير شي لو تكلمت فيه غير انه راح يزيدها قهر وغبنه وخساره..ذاقت المر في حياتها...وتجرعت الآه والويل..قررت هي وزوجها يمشون جنب الجدار..وعسى يسلمون من شر هالدنيا..
:يمه ابوك ارفع منهم اخلاق..ما اقدر يرفع على اخوه قضيه ولا يدخله محاكم..ما قدر يسوي شي..بس عرف يدمر عمره بعمره...شوف حاله يا يمه..هذا حال!! ابوك من كثر ما شاف بدنيته وحوش قرر يبعد عن هالدنيا الوسخه..غرق باللي يخليه ينسى اهله وعياله وحتى نفسه ..ابوك يا مدى ما كان كذا..ابد..كان رجال والنعم فيه وبأخلاقه..بس لو ما النفوس الضعيفه هذي كان احنا بخير...
مدى غرقت في بحر دمعاتها ..حست بالقهر حست انو في شي يطعن قلبها ويغرز سكينه ويخليه ينزف دم والم وآه..
تمنت انها ما سألت..تمنت انها ما درت وش ورى هالاسوارالعاليه..اللي بنوها سنين..تأكدت ان انها وابوها ما خبوا عنهم ا عشان ما يحسون باللي تحسه هي الحين..
كرهت الساعه اللي سمعت فيها كلام ضاري.لالا ..كرهت ضاري نفسه واهله واخوانه وابوه وامه وعمتها وكلهم كلهم تكرهـــــــــــم..دمروهم ودمروا عيشتهم
وكسروا فيهم كل مجاديف الحياة..
علــــــى الغـــــــــــــدا..
ام ضاري: دانا..لانا...اكلوا ايش فيكم..؟
دانا ابتسمت: اكل يا ماما..أكل..
لانا وهي تدخل الملعقه بفمها وتبتسم لامها..
ام ضاري لفت على اريام اللي بعالم ثاني..واستغربت حال عيالها..
:اريام!!
اريام كانت ساحه بعيد وهي تقلب الشوكه بالصحن ولا تدري وش فيه اصلا..
لانا نغزتها: قرقر...امي تبيك..
ام ضاري بنبره حاده: لااااااانا..!!
لانا تنهدت: طيب اسفه..
اريام لفت على امها وطنشت كلمة لانا: هلا يمه..
ام ضاري: وش فيكم اليوم مو طبيعين...!
اريام وهي تتذكر ايش كانت تفكر فيه"سامي...حالته مره متأزمه..يارب يسويا لعمليه ويخف يارب.."
:ابد يمه....سلامتك الشغل..
ابو ضاري واخيرا تكلم: الشغل ما يخلص وانا ابوك..والعمر يخلص لا تخلينه ياخذ عقلك..
ضاري كان الطرف الصامت لاول مره بدون تعليق..
ام ضاري بنفسها"حتى هو مو عادته ساكت وما علق..اخاف احسد نفسي وينطق الحين"
ضاري وقف:الحمد لله...لانا اذا خلصتي ابيك في موضوع..
لانا اختفى لون وجهها بان عليها ...وقفت بسرعه...ووجها اصفر بدون ملامح..
ام ضاري خافت على بنتها: لانا..كملي وش فيك..اذا خلصتي روحي معاه..
لانا تصرف: لا..............خلصت..."ولفت على دانا تنقذها.."
دانا وقفت: حتى انا الحمد لله..
ضاري غسل ايديه وجلس بالصاله الرسميه مو العائليه..ويقلب الجرايد اللي قدامه..
دانا عند المغسله مع لانا..
لانا والكلام يطلع معاها حرف حرف: دنو.....ما اقدر احتمل ...قلبي بيوقف..
دانا خافت اكثر من لانا...ضاري شي مرعب...كيف لو كان عارف شي كبير على لانا...
: انتبهي تقولي شي...انكري كل شي..
لانا تبكي: دنو تعالي معاي..
دانا: وين اجي معاك..واخذ تهزيئه...
لانا احتارت في نفسها ولا تدري ايش راح تسوي وكان فكره في راسها تدور مو مخليتها تفكر بشي..
"لانا..روحي اهربي ولا عاد ترجعين...اهربي بسرعه اطلقي رجولك"
طالعت دانا وكأن ودها تقولها عن اللي بتسويه..
دانا طالعتها ما فهمت عليها: لانا....فكره مجنونه؟؟؟
لانا: اهرب...!!
دانا: يا مجنونه فرضا يبيك بشي ثاني...؟
لانا: ايش راح اسوي..؟
دانا: ما لنا الا نروح...انتي روحي اجلسي عنده وانا بكون قريبه منك..
لانا بترجي: لا تتركيني..
دانا مسكت يد لانا واخذتها للصاله وهي ضاغطه على يد اختها..
ضاري شاف لانا وادنا جايين عنده...وطبعاولا تعبير على وجهه..
دانا تركت يد لانا وراحت جلست بالصاله الثانيه بس عينها عليهم مترقبه أي حركه..
لانا وقفت وبينها وبين ضاري مسافه...
ضاري طالعها مستغرب: تعالي!!!
لانا انتفظت:وين...؟
ضاري حس ان فيها شي: لانا تعالي...جنبي"وشدد على كلمة جنبي"
دانا قلبها قرب يوقف...ومشت وتحس الدنيا تدور فيها...
ابتهال تلفف شعرها بالبكرات في الصاله...
:وتخيلي يا مدى ابوها بيجبرها عليه..
مدى بالها مو معاها...بالها بسالفة ابوها والورث...
ام سلطان: هاو...وش فيه هذا استخف...؟
سلطان شده الموضوع: ومن اللي بياخذها..؟
ابتهال: واحد كسره"شايب"...تقول شكله فليم رعب..بس فلوسه تعيشها ملكه...
ام سلطان: والله عمر الفلوس ما كانت سبب للسعاده...وش راح تسوي مشاعل..
ابتهال تنهدت ورفعت اكتافها: ما ادري ..اخوها قال بحل السالفه..والله لو شفتوها تقطع القلب يمه...طول الوقت تبكي ما سكتت ابد..عونها صارت حمراء..حتى انا قعدت ابكي معاها...يعني عشانها ضعيف هابوها يتسلط عليها...
سلطان وجاته نخوة الرجوله: على كيفه هو...؟ كفايه ما اهتم فيها طول عمرها وجاي الحين بيرمها مثل اللعبه على الخبل الثاني عشان مصلحته...
ابتهال تحمست مع حماس سلطان: تكفى سلطان ساعدها وربي البنت تكسر الخاطر يتيمه وخوالها يبون الفكه منها....وترى يد عبد الله لحاله ما تصفق
سلطان وقف..:بروح اشوف عبد الله واتفاهم معاه..وان شا الله موضوعها محلول لو فيها دمي..."ومشى"...صدق ابوها انجن وقعد هالخبل..."وصفق ايده في بعض"
ابتهال نطت من الفرحه..تعرف موضوع فيه سلطان راح ينتهي بأذن الله...
ام سلطان مبستمه رغم انها تحس قلبها دقاته سريعه وخفيفه وكأنه بيطير...من بعد ما انفعلت مع مدى...
: الله يوفقك يا سلطان وين ما رحت ووين ما كنت..
ابتهال: امين...آآآآمين...بروح اتصل على مشاعلوه اقولها عن سوبر مان زمانه فديت قلبه اخوي...
وصلت وطالعت مدى وشافتها تفكر وباين انها وصلت لابعد بعيد..بس فرحتها بمشاعل خلتها تأجل سالفة مدى شويه...
قربت لانا من ضاري والدنيا تلف فيها..
وجلست بعيد عنه شوي..
ضاري حس ان فيها شي..
:لانا تعبانه..!!
لانا: ها...لا.
ضاري: طيب فيك شي..حسيتك مو طبيعيه..
لانا قلبها بيوقف وبصوت مو مسموع: لا عادي..
ضاري بانت تعابير الجديه على وجهه: اسمعي..لو فيه شي ..تعالي لي على طول..ما ابيك تروحين لغيري..اي مشكله تواجهك تجين تقولينها لي..ترى انا ما اكل البشر..
لانا حست ان الدم وقف في عروقها..ما تدري ليه تحس ان الدنيا والساعه والوقت كلها ثابته وفجأه اختفت وانقلبت الدنيا ظلاااااااااااام..
فــــــي الغرفـــــه..
:مدى...!!
مدى بتعب: هلا..
ابتهال: فيك شي..؟
مدى: لا...
ابتهال: مدى..لو في شي احكي لي..لا تخلينس كذا..
مدى عصبت وحست العبره بتخنقها من جديد..
:ابتهال خلاص..قلت لك مافي شي يعني مافي شي..
وغطت وجهها بالبطانيه وغرقت في بكاء صامت بينها وبين نفسها..
"والله يا ابوي ما تستاهل اللي يصير فيك..وربي.."
ابتهال تأكدت انه في شي و كبير كمان..بس تعرف انه مافيا مل تعرفه من مدى وهي بالحاله هذي..
فتحت عيونها وحصلت اريام على راسها..وهي حاطه يدها على جبهتها..
:لالا ما عليها حراره..
لانا: ايش فيكم..؟؟
ام ضاري قربت منها بلهفه:لانا....انتي طيبه..
لانا عقدت حواجبها وهي تحس بتعب ووهن في كل عظامها..
:ايوه..وش صار..؟
دانا ودموعها على خدها وضربت ايدها بخفه..
:خوفتينا عليك يا الشينه..
لانا تدور ضاري بعيونها..
اريام: لنو...ايش قالك ضاري وخلاك تطحين علينا..
لانا: ما قال شي...
ام ضاري وهي حاقده: الا قال...بس هين..والله ما اخليها له..
لانا: ماما والله ما قال شي..
ام ضاري حاولت تضبط انفعالها عند بناتها..
: اهم شي انك بخير الحين..؟
لانا: ايوه..بس ابي ارتاح بليز..
اريام غطت لانا..رغم كل شي بينهم تبقى اختها الصغيره..
وطلع الكل عنها..وتوجه غرفته ونام..والفضول ياكلهم يبون يعرفون ايش قال ضاري لها..
ضاري كان جالس بالصاله اللي فوق ينتظرهم يطلعون ويطمنونه.
مرت ام ضاري من عنده...
ضاري: صحت لانا..؟
ام ضاري قربت منه والشرر يتطار من عيونها ورفعت اصبعها السبابه بوجهه وبتحذير..
:شوف يا ضاري..ما راح اسمح لك تضر بناتي..الا بناااااتي...
ضاري مسك يدها ونزلها عن وجهه وعينه فيها نظرة تحدي..
:والله هذي اختي..واعرف اتعامل معاها..
ام ضاري سحبت يدها من يده: بس وربي اللي رفع سبع ان انضرت وحده من بناتي لا ادفعك الثمن غالي..
ضاري ضحك: هههههههه والله يطلع لك يا موضي...روحي نامي وريحي قلبك بس.
وراح وتركها تموت قهر في نفسها..
مر على غرفة لانا...ودخل عليها شافها نايمه..رجه يطلع..وهو يفكر بجديه اكثر في حالتها اللي كل يوم تسوء وخصوصا من بعد ما سمعها في غرفتها وهي تبكي وخايفه منه..بس قرر يعرف السالفه بهدوء وعلى طريقته..
قاعده في مكتبها تهز رجلها..تحس انها لو شافت ضاري ممكن تسوي حركه مجنونه..
ضاري في مكتبه يستنى دخلة مدى عليه...بس تأخرت مو من عادتها..رفع السماعه..
:ياسر..خلى الانسه مدى تجي بسرعه..
ياسر: ابشر طال عمرك..."وسكر"....اللهم سكنهم مساكنهم شكله معصب..
واتصل..
مدى: الوووو..هلا ياسر..
ياسر: مدى تعالي مكتب المدير بسرعه..
مدى تنهدت: اوكي باي..
ياسر لسه بيقول باي قفلت بوجهه...
:لا حول الله وش فيهم معصبين...يكون متهاوشين.؟؟
جات مدى بسرعه ووقفت على راسه..
: ادخل..؟
ياسر وهو خايف منها: بس تراه معصب..
مدى عصبت اكثر: جعله يحترق..."ودخلت"
وقفت عند مكتبه: سم...طلبتني..
ضاري وقف ولا عجبته لهجتها: ابيوه طلبتك..اجلسي...
مدى: ما راح اجلس..آمر..
ضاري بدا دمه يغلي: مدى اجلسي..
مدى ضربت الطاوله بيدها: ما راح اجلس..
ضاري وفجأه قلب لون وجهه احمر وكأن النار تمشي فيه
:مدى وبعدين.؟؟؟؟؟؟؟؟؟؟؟
مدى مرت صورة ابوها في وجهها وهو يشكي الظلم اللي شافه وتحس ان القوه والحقد تمشي بدمها...
: احب اقولك...شغل معاك ما راح اشتغل..
ضاري مسح بيده على وجهه بصوره سريعه ورفع اسه فوق واخذ نفس وبدا يعد من واحد لعشره..
مدى قد شافته يسوي هالحركه بس ماهي عارفه ليش وشنو هي بالضبط..
ضاري وهو ضاغط على اسنانه وما يطالعها: ممكن اعرف ليه..؟؟
مدى: بكيفي...واذا تبيني اقدم استقالتي يكون احسن..
ضاري صرخ: طيب ليــــــــــــــه..؟؟
مدى انتفظت من صرخته وهدت شوي: وانت ايش عليك..اسباب خاصه..
ضاري: استغفر الله العلي العظيم على هاليوم..انا سألت ليه واخر مره اسأل..
مدى جات على بالها هالجمله: بتــــــــزوج........
ضاري وكأن جبل طاح على راسه وقال باستحقار..
:تتزوجين؟؟؟؟؟؟؟؟؟؟
مدى تنرفزت: وليه ما عجبتك..ولا صح انا بنت فقر وما يحق لي..
ضاري بيجن جنونه جلس على الكرسي وحس ان في حلقه ماهو قادر يبلعه ولا هو قادر يخليه يتكلم...
ومازال الاستحقار اسلوبه:ومن هذا تعيس الحظ..؟؟
مدى لاحظت فجأه الهدوء اللي قلب عليه وكأنه ما اعجبها الوضع: واحــد..
ضاري رفع عينه في عينها وما تكلم..
مدى ارتبكت: انا طالعه......."ومشت لباب"...
ما حست الا ابيد مسكتها ولفتها لجهته..
: على جثتي راح تتزوجين سامعه.....
مدى انتفظت من لمسته ....وتنرفزت منه ومن اسلوبه المتسلط..
:انتوا كلكم كذا...تبونكل شي على كيفكم..تحسبون ابوي سكت انا راح اسكت..وربي لا اخذ حقنا في المحاكم وابهذلك انت واهلك..واعلم امك وابوك الاخلاق..
ما حست الا بضربه اليمه على وجهها..
:اول شي علمي نفسك الاخلاق..
مدى ثبتت في وضعها ثواني...بعدين لفت وعيونها غرقانه دموع بس قووووووويه..وفسخت برقعها اللي تحرك من مكانه..
:هه ...والله شي حلو...انا انضرب منك..بس ما عليه يا ولد الحرامي ..وروح قول لابوك..حلالنا بناخذه فاهم.."وطلعت",.
ضاري لسه ما استوعب مدة يده على بنت..
وشكل مدى وخدها احمر من ضربته..."الله يلعن الشيطان...الله يلعنه.."ومسك راسه وفجأه تذكر كلامها"....حلال....اي حلال؟؟؟؟...يكون ابوي ماخذ حلال اخوه!!! صح ليه ما جات هالفكره على بالي,,,خوف ابوي وموضي مو طبيعي..اكيد...اكيد لاعبين لعبه وسخه...لااااااااا..ليه ليه يا يبه..هخذا اخوك.."
حس ان الدنيا سوداء قدامه..رمى نفسه على اقرب كنبه يبي يستوعب كل شي قاعد يصير قدامه...
فـــــــي العيــــــــــــاده..
دخل مكتبها ما حصلها...دور عليها في الممرات ما لقاها..
في النهايه راح لمكتب المدير...
: السلام عليكم..
المدير: هلا وعليكم السلام...تفضل خالد حياك..
خالد: زاد فضلك..حبيت اسالك الدكتوره اريام وينها..؟
المدير: انت ما تدري انها نقلت لقسم ثاني..؟
خالد انصدم: أيــــــش؟؟؟
المدير: ايوه اليوم الثاني لها...انت ما عندك خبر..
خالد ارتبك: لا...الا..بس نسيت راحت عن بالي...
وطلع..
: اريام بعدت عني للابد ...ما عادا لك امل يا خالد انك تصحح شي..انت اللي ضيعتها انت..
"وربي كانت بين ايدي...كانت آآآآآآآآآآآآآخ"
اريام كانت واقف بعيد وهي تشوف خالد حاط وجهه على الجدار وباين انه سامع خبر سئ..
وراحت وهي تبعد كل الافكار اللي راح توديها له او تخليها تسأل عليه...
دخلت على مكتب دكتور سامي..
: السلام عليكم..
الدكتور: هلا دكتوره اريام وعليكم السلام تفضلي...
اريام بذوق: قلت اجيك قبل لا يبدا الدوام والحوسه..
الدكتور: لا عادي خذي راحتك..
اريام: احم...بالنسبه للمريض سمي...متى راح يقدر يسويا لعمليه...
الدكتور وهو يتذكر حالة سامي: والله يا دكتوره اريام ما راح اخبي عليك...بس سامي حالته تعدت العمليه...بما انه يعاني سرطان الدم فا كانت في بداية حالته نسبة نجاح العمليه كبير..بس الحين...للاسف اهمل نفسه قدر المرض يتكمن منه وينتشر بسرعه هائله فيه...
اريام والعبره واقفه في حلقها: يعني ايش...؟
الدكتور: والله يا اريام كل شي بيد الله..بس الحين مالنا الا الكيماوي الحل الوحيد..
اريام صارت تتلفت..تبي شي يلاقيها..حست نفسها ضايعه وتدور نفسها...طلعت ولا ردت على الدكتور او حتى شكرته..
راحت لدورة المياه النسائيه..وفتحت غطاها..طالعت نفسها بالمرايه..كان وجهه وحده روحها طلعت منها..نزلت دمعه منها وبعدها بدت تبكي وتبكي تبكي..وتغسل وجهها وترجع الدموع مره ثانيه..صارت مثل المجنونه تبكي وتشاهق وتغسل وجهها وكانها تبي تخفي كل الحقيقه مع دموعها والمويه..لحد ما انهارت على الارض وهي تتخيل ســـــــــــــــــامي يختفي من الدنيا هذي...
وقف بتهور...فتح الباب بقوه...وطلع بخطوات سريعه متوجهه لمكتبها..
: مــــــــــــــــدى..
مدى ما توقعت ابد انه راح يجي لعندها في المكتب..وطلعت له بسرعه بين نظرات علياء وهوازن..
مسك يدها وسحبها...ودخل اللفت وسكره...وانفتح مره ثانيه كان موظف يبي يدخل..
ضاري صرخ: ما تشوفه مليان..."وسكره"
مدى قلبها يدق رعب ومتحسفه انها قالت له..
"غبيه...ياليتني ما قلت له شي...اخاف يسوي شي لابوي"
ضاري ما زال ماسك يدها..ويهز رجله بعصبيه
وصرخ في عمق الهدوء: وانت يله بسرعه......
وصل اللفت للدور ارضي وطلع بسرعه وهو يجر وراه مدى اللي بصعوبه تلاحق خطواته...وما تجرأت تسحب يدها منه..
حصلت نفسها في parking..وقبال سيارته الرنج روفر..
فتح باب الراكب ودخلها فيه..وراح للجهه الثانيه وركب فيها...
ولف عليها: بسرعه احكي لي كل شي..
مدى ما قدرت تطالع عيونه: ما في شي احكيه..
ضاري مسكها من اكتافها : مدى لازم تقولي لي...
مدى حست بالجديه على ملامحه...سكتت شوي محتاره..
"اقوله...؟؟؟.....اخاف اقوله ويصير لابوي شي..."
صحاها صوته: مجى بسرعه تكلمي...انا ماني قادر اصدق الكلام اللي قلتيه.."وتركها وطالع قدام"...ابوي نا....ابوي يسرق اخوه..؟؟..."ورجع يلف عليها يبي جواب"..
مدى تذكرت ابوه: ايوه..شرق ابوي...حلال ابوي سرقه اخوه..تقدر تتخيل هالشي..تقدر تتخيل ان ابوي يعيش هذي العيشه عشان اخوه الحرامي يهدده..تقدر تتخيل احنا ليشم تعذبين وبسبب مين..بسبب امك..وابوك..وعمتك.."وبكت"..حرمتونا كل شي..حرمتونا ابوي..امي..اهلي..فلوسنا حياتنا .."وبكت اكثر"...انتوا ما تحسون...انتوا بشر...ابوي يعيش مظلوم مقهور مغبون ومذلول..والمستفيد انت واهلك..."وبحقد"..بس ما راح اسكت لكم والله لا اقوم الدنيا واقعدها عليكم...
ضاري حط يده على راسه وباين انها ترتجف...
"ابوي مزور وحرامي...ويهدد اخوه على حلاله..ما اقدر اصدق..اكيد مو منه...اكيد من موضي...موضي هي السبب في كل شي..."
وضرب هررررررررررررررررررررن بقووه وكان يبي يفرغ اللي فيه..
مدى خافت ولزقت في الباب اكثر..
ضاري لف عليها وعيونه فيها لمعه دمعه مخفيه..وبصرامه..
:مدى...انا راح ارجع لكم حلالكم..
مدى انصدمت: أيـــــــــــش..؟؟
لسه بتركب الباص..
: ابتهال...
لفت ابتهال تبي تعرف من ينادي عليها..
: سلطووووووووون؟؟
سلطان: ايوه ...تعالي انتي ومشاعل..
ابتهال دخلت الباص: شعوله...الفارس المغوار جاء يبينا..
مشاعل تلخبطت...اخذت شنطتها وطاحت منها ورجعت تاخذها مره ثانيه ...وهي تمشي من السرعه دعست على عبايتها وبغت تطيح ومسكتها ابتهال..
: ههههههههههه بسرعه بعدي عني ترى بطيح...
جاء سلطان قرب منهم واخذ شنطة مشاعل..
: هاتيها شكلها حايستك..
مشاعل تنحت وهي واقفه في باب الباص..
وحده من البنات: انتي يا اللي خاقه على المزيون بعدي هناك..
مشاعل تركت ابتهال...ولفت على البنت ودفتها..
:شغل الهياط مو عندي..
البنت: استغفر الله...بنات ما يستحون..
سلطان سمع وكأنه ما سمع...ما توقع ان حركته غلط..بس لف على ابتهال حصلها تطالعه وباين في عيونها الضحكه..
استحى على حركته..
:يله بسرعه انتي وياها..
وبعدوا عن الباص..
ورمى شنطتها عليها:خذي شنطتك ما تنعطين وجه..
ولف وجهه قدام...وتقدم عنهم شوي..
مشاعل حضنت الشنطه وتنهدت...
ابتهال ميته ضحك بس كان بينها وبين نفسها وفجأه فقعت ضحك
:هههههههههههههههههههههههههههه
مشاعل ضحكت من ضحكها: هههه خير؟؟؟ وش عليه تضحكين..؟
ابتهال ضحكت زياده: هههههههههههههههه
مشاعل ضحكت اكثر: هههههههههه وش فيك؟؟؟
ابتهال: وربي انتي وياه تحفه ههههه
مشاعل فهمت عليها وضربتها بالشنطه: هههههههههه سخيفه..
ابتهال: أي...مشاعل عيب عليك ..ليه ما قلتي لي من قبل انك تحبين اخوي...
مشاعل صرخت: ابتهاااااااااااااااال..
ابتهال تطنز: طيب طيب ادري تستحين بس امحق حيا..
سلطان: مشاعل...
مشاعل اخترعت: احم...سم..
سلطان: انا كلمت اخوك عبد الله...عن..."وسكت"..قطع عليه رنة موبايله وطالع الاسم وكشر..
مشاعل ابتسمت ابتسامه عريضه...وبدت الافكار تتخابط عليها.."يكون كلمه عني...يكون سواها...واخيرا يا سلطان حسيت فيني..."
ابتهال واللقافه تاكل قلبها:وش كلم اخوك عنه...؟
مشاعل انصدمت ان ابتهال ما تعرف: ليه ما عندك خبر...؟
ابتهال: لا..
مشاعل سكتت وزادت حيرتها...
سلطان: الووو..نعم..
رائد: ماتبي فلوسك..؟
سلطان ضحك: بعتوها..؟
رائد منقهر:ايوه..
سلطان يبي يقهره: ومن باعها..
رائد: قسمناها علينا الاربعه..
سلطان انقهر ان ثامر معاهم: اهااا ومتى اجيكم..
رائد: بكره الخميس بالاستراحه..
سلطان: اوك باي...."وراح تفكيره بعيد"
ابتهال ما قدرت تتحمل: ايوه سلطون كمل...ايش كنت تقول...
سلطان انقطع تفكيره: ايوه صح..ايش كنت اقول..
ابتهال: كلمت عبد الله اخو مشاعل...
سلطان: ايوه ايوه...بعدين انتي ايش عليك انا اكلم مشاعل..
مشاعل ضحكت..
ابتهال: ايوه ايش عليكم..كملوا سوالفكم..
سلطان: ههههههههه مشكلة اللي يغارون..المهم يا مشاعل انك راح تجين تنامين عندنا لحد يوم الجمعه..
مشاعل انصدمت: ليه؟؟؟؟؟
سلطان وقف ولف عليهم:اتفقنا انا وعبد الله نهربك..
مشاعل ابتسمت على حظها الخايب...يعني لازم تتمرمط وتعيش في حالة رعب عشان ما تتزوج واحد خبل ومجنون ومضيع...عشان تنقذ نفسها من مجهول راميها فيه ابوها....
سلطان وابتهال لاحظوا سكوتها...
ابتهال: مشاعل..ايش فيك...ماودك؟؟
مشاعل دخلت يدها تحت الغطا تمسح دمعتها
:لا عادي...اهم شي ما اتزوج ذاك الرجال..
سلطان: والله شفته يا مشاعل...بصراحه ابوك ما كان في وعيه وهو مقرر هالقرار..ان شا الله بنقدر على ابوك..وما راح يجبرك على شي انتي ما تبينه...ومالك الا اللي يرضيك..
مشاعل ارتاحت نسبيا.."بس انت اللي ابي...انت يا سلطان"..
وصارالصمت رفيق دربهم كله..
:أيـــــــــــــــش...؟
ضاري ما زال يطالع قدام: ايوه...راح ارجع كل شي لكم...
مدى ما استوعبت ضاري..ممكن يجبر ابوه يرجع حلالهم ..وسكتت..
دقايق مرت بينهم..هاااااااااااااااديه..بس مليانه افكار تخبط بعضها..
: يرضيك هالشي....؟
مدى لفت عليه تبي تعرف ايش قصده.."راح يسوي كل شي عشاني...؟؟"
ضاري عدّلها: عشان نكمل المشروع..
مدى استوعبت: اهااا..تبقى المصالح مصالح..ايوه يرضيني كذا..والحلال حلالنا في النهايه...
ضاري ما حب يضعّف نفسه..او يوضح لها شي...
:والعريس...مافي...
مدى: يعني تبتزني..
ضاري: انا قلت لك مافي شي بدون مقابل..
مدى بقهر: اصلا مافي عريس...
ضاري انصدم بس ما وضح شي"وقدرت تلعب بأعصابي والله...!! مدى الله يعين قلبي عليك"
مدى: طبعا ما راح ارجع الشركه اليوم..بعد الطريقه الحلوه اللي طلعتني فيها...ما ادري ايش اقول للبنات بكره...
ضاري: لا تقولين شي..خليهم كل واحد يحوس في نفسه...
مدى: اوك انا راح ارجع البيت...
ضاري قفل الابواب من عنده: انا راح اوصلك...
مدى تنهدت...ما زالت تعاني من اسلووووبه اللي يرفع الضغط..
:اهلين رهوم...
رهام: هلا والله بنت خالي القاطعه..
دانا: هههه هلا ببنت عمي الواصله..
رهام: اخبارك...ايش عندك متصله؟؟
دانا ياربي عليك دايم مستعجله...كنت بقولك اليوم في بارتي تجين معاي..
رهام: yes....اكيد ماعندي..شي..بس من راح يجي..؟؟
دانا: تتذكري البويه اللي قلت لك عليها..
رهام بحماس: ايوه..
دانا: هي صاحبة البارتي..
رهام: لالا...واخيرا طحتي في ايديها...
دانا: صارت شي ثاني..ما ادري حسيت انها طيبه وتنرحم..
رهام: ههههه طيب يا الرحوم...انا بلبس واكشخ واجي في بيتكم..
دانا: وريماس...؟
رهام: ريماس بتروح مع لانا....عندهم شي..
دانا" اكيد عن اياد"...
:المهم انا استناك..
رهام: اوك باي..
لانا: ريمو..استناك هناك اوك..
ريماس: اوك..وانتبهي لنفسك..باي..
لانا: باي..
طالعت نفسها بالمرايه..الميك اب over زياده عن اللازم..حست دمعتها حبيسة عينها..بس مارضت تنزل..
:كفايه دموع يا لانا..الحين جاء دور تاخذين ثمن كل دمعه..
رمت الماسكرا على التسريحه..وقامت تاخذ عبايتها وشنطتها ونزلت تحت..
دانا: على وين...؟
لانا بطفش: عندي مشوار مع ريمو..
دانا بحرص: لانا انتبهي لنفسك..
لانا دق قلبها...بس عملت حالها مو مهتمه: لاتخافين علي..هه انتي انتبهي لنفسك من هالفيصل...انا ما ارتحت له ابد...باي..
دانا تطالع لانا وهي تطلع" فيصل يخوف؟؟؟؟؟؟؟؟"
: يا حيا الله مشاعل..
مشاعل: ابتهال ترى كبدي لاعت منك.
ابتهال: وربي مبسوطه فيك يا البطريق..
مدى: امحق دلع ...وين سلطان..؟
مشاعل:اتوقع مع عبد الله اخوي...
ابتهال: احم انسه مشاعل...اتوقع السؤال عن اخوي مو اخوك...اذا سألتك وين عبد الله قولي مع اخوكم سلطان..
مشاعل تفشلت عند مدى: ههه عادي كلهم اخواني...
ابتهال: أي انشا الله...ويا حيا الله مشاعل..
مدى: خلااااااااااااااص ابتهال انا كبدي لاعت..
ابتهال: وناسه اليوم بنام مع وجه جديد هههههه
مشاعل فكرت في بكره"الله يعدي الايام الجايه على خير..."
دخل ضاري البيت..حصل ابوه ومرت ابوه جالسين بس وكأنهم ما يعرفون بعض كالعاده..
: السلام..
ابو ضاري طالعه: وعليكم السلام...تعبان..!!
ضاري حس انه تعبان بجد..بس في موال براس هيبي يخلصه ويرتاح..
: لا...."وجلس"
طالع ابوه..."بجد ما اتوقع يطلع منه شي ينزل الراس.."
ولف على موضي" اكيد المشاكل والمصايب من ورى راس العقرب هذي..
:يبه..
لفوا عليه اثنينهم..
: حلال عمي وينه.....؟؟؟
وكأن زلزال صاب السكون..ايش السؤال المفاجئ اللي هز كل لحظات الامان اللي حاول يعيشونها من سنين..اعصار يجتاح قلوبهم ويقلب كل مافيها رأس على عقب..
موضي بسرعه: أي حلال....؟
ضاري طنشها: اكلم ابوي..
ابو ضاري: ما عنده حلال...
ضاري: يبه كذا من النهايه حلال عمي وينه...؟
موضي وقفت ترتجف: محد له عندنا شي...
ضاري حط رجل على رجل وسند نفسه براحه: بس لو اكتشفت لعبتكم اللي ما ادري كيف لعبتوها...مو من صالحك يا مرت ابوي...
حمد خاف انه ينكشف عند ولده انه مزور اوراق..
: حلاله اخذه من زمالن..
ضاري: سبحان الله...وصرت انت غني وهو حافي ومنتف...
حمد: هو ضيع حلاله بالشرب..
ضاري: والله عارف كل شي عنهم."ووقف"..بس على فكره انا راح ارجع كل ريال لعمي اذا كان له حق..وتصبحون على خير..وايوه صح نسيت ..مرت ابوي ياريت ما تدخلين نفسك في سواليف انتي مالك علاقه فيها الا اذا كنتي.......ولا اقول بلاش اجرح مشاعرك واقول لك انتي دمرتي علاقة اخون وشئ من هذا القبيل..."وراح"
ابو ضاري: موضي بسرعه جيبي ابرة السكر..
موضي لاهيه في حالها...وحست انها تنهار وهي ساكته..
صرخ حمد: موضي بسرعه ابرة السكر..
موضي وقفت وبحقد: الله ياخذ ولدك وانت بعده,,,
ما قدرت تسمك نفسها طول اليوم...تراقبه وتحس انه ممكن يختفي من بين عيونها بأي لحظه..
كان نايم بسلاااااااااااا م وبرائه..
"ما ادري احمل نفسي ذنبك ولا ايش اسوي ..من السبب في اللي فيك..انا ولا خالد..ولا قدرك يا سامي...استغفر الله ايش فيني قمت اخربط...ربي يشفيك..سامي انت تستاهل حياة حلوه وسعيده..قلبك ابيض طاهر ونظيف...القلوب السوداء مفروض تروح وتختفي..آآآآآآآآه يارب ...يارب خفف عليه..ادري انه يتعذب كل يوم يارب..."
&&&&&&&&&&&&&&&&&&&&&&&&&&&&&&&&&&&&&&
دخلت القاعه...
وتطالع اللي فيها: رهام ايش هذا...؟؟
رهام منصدمه: ما ادري!!!!
&&&&&&&&&&&&&&&&&&&&&&&&&&&&&&&&&&
دخلت المول تتمخطر...
: ياهلا والله ومرحبا...
لانا ابتسمت له: اهلين...
اياد استغرب اسلوبها الهادي: هلا....محلوه اليوم!!!
لانا: من زمان وانا حلوه....
دخـــــــــلت القـــــــــاعه..
وتطالع اللي فيها: رهام ..ايش هذا؟؟؟
رهام منصدمه: ما ادري!!
بنات لبسهم اقل ما ينقال عنه لبس...وبويات اشبه بالرجال..اصلا يصعب عليك تقولين عنهم بنات والشك يملا قلبك وخوف انهم عيال...
دانا بلعت ريقها: نرجع!!!
رهام لفت عليها ما تقل عن صدمة دانا: بصراحه توقعت شي اقل من كذا..لالا هذا الشذوذ بعينه...
دانا طاحت على منظر ضرب قلبها مليوووون: ووووووووووع رهام شووووووفي..
رهام حطت يدها على فمها وتمسحه ومتقرفه: لا..لا ...لا "وتضرب الارض برجلها"..ووووع بنطلع..
ولفوا بيطلعون..
:دنــــــــــــو!!
دانا طاح قلبها: فيصل...!!
فيصل قرب من عندها لابس قميص سماوي وكرافه ازرق..وبنطلون ازرق والشعر السبايكي متعوووب عليه..ووجه الخالي من أي لمسة مي كاب..صح شكله حلووو وجذاب..بس يبقى غريب وما يتماشى مع الفطره..يعني مهما سوت لوك..راح تبقى في النهايه بنت...
رهام تطالع فيصل: هذا فيصل...؟
دانا حطت يدها على شعرها بربكه: ايوه هذا فيصل...فيصل هذي رهام بنت عمتي وبنت خالتي من الرضاع في نفس الوقت..
فيصل مد يده: اهلا وسهلا...تفضلوا حياكم...
دانا ما ودها: فيصل ...كذا جو البارتي..؟
فيصل حس فيها: ليه ما عجبك..؟
رهام تدخلت: بصراحه قلة أدب...
فيصل تغير لون وجهه ما توقع دانا ما قد حضرت حفلات كذا:..ها..طيب ايش اسوي..
دانا بتبكي: ما اقدر ادخل..
فيصل مسك ايدين دانا: لالا تكفين دنو...كلها عشانك ومسوي لك مفاجأه لا تخربيها...
دانا وهي تطالع الناس من داخل: بس هذا....يعني...احس نفسي في...ما ادري كيف اقولها...
فيصل: ولا يهمك حبووو..اضبط وضعك ..بس ادخلي..
رهام تطالعها تبي تدخل ..ما دام فيصل بيوقف المهزله..
دانا تنهدت بقوه..وقررت ترضى بالامر الواقع...وتدخل..
فسخت عبايتها..لابسه فستان رمادي قصير لنص الفخذ..وبالنص شريطه فوشي..وتحته كيلون فوشي..ومسويه شعرها "ويفي" روعه...والميك اب هااااادي وساحر..
رهام لابسه جينز وبلوزه توب طويله لونها اخضر وفيها كثير رسومات بالذهبي ..وما حطت مي كاب واكتفت بماسكرا وجلوس..وقصة شعرها تكفي تسوي لها ستايل حلوو..
فيصل انبهر من دانا وصفّر: واااااااااو..اروح جالكسي انا..
دانا استحت وما لفت عليه: عيونك الحلوه..ها رهوم نمشي..
رهام وهي تحرك شعرها: يله..
مشت دانا جنب رهام وفيصل وراهم..
فيصل قرب من دانا وهو ما نزل عينه عليها..ومد يده لها..
: ممكــــــن...!
دانا طالعت يد فيصل وخجلت من رهام...ومسكت يده..
فيصل دخلها بنص القاعه يتمخطر فيها..
رهام سحبت حالها وجلست في مكان فاضي تتفرج وتضحك وتعلق...
وصل عند المايك..:احم..ممكن شوي...احب اعرفكم على ستار البارتي دانا حبيبتي..."والكل صفق وصفر"..واحب اقولها بالمناسبه هذي..اني احبها موت ولو تطلب روحي عطيتها.."وزاد التصفير والتصفيق"...وابي اطلب منها طلب صغير.."لف عليها"....ممكن...؟؟
دانا هزت راسها: ممكن..."والخجل مالي وجهها وهي تشوف عيون العالم عليها"
فيصل ابتسم لها: ابي منها رقصة " ســلو".....ها قلبي موافقه..؟
زاد التصفير والتشجيع: وافقي ..وافقي..وافقي..
دانا طيرت عيونها "سلو....لالالالالالالالا"
فيصل جلس عند رجولها: بليز ما ترديني...
دانا لفت رهام تدورها بعيونها..شافتها منسدحه ضحك عليها...رجعت تطالع فيصل...
فيصل غمز لها وهمس: لا تفشليني تكفين...
دانا تحسفت انها وافقت على هالحفله من اصل: اوك..موافقه..
وامتلت القاعه تشجيع وتصفير...وانطفت الانوار وما بقى نور مسلط على المنصه الي وافقها عليها دانا وفيصل...
والانوار اللي على الطاولات كانت هاديه فا اعطى القاعه شكل خيااااااااااالي..
فيصل اشر لصاحبة الدي جي انها تبدأ الاغنيه..وفعلا ثواني ودخلت القاعه جو مع نغمات الاغنيه الهاديه...
فيصل قرب من دانا ومسك ايدينها وعلقها على رقبته..وحط ايدينه هلى خصرها..
دانا كل شي فيها يرجف...اقرب صاحباتها ما قربت لها هالقرب...اختها لانا...ما قد حاولت تقرب منها اوتسكها المسكه هذي...
فيصل داخل جووو...قرب فمه من عند اذن دانا
: دنوووو..
دانا منزله راسها: هلا..
فيصل: مرتبكه ولا خايفه..؟
دانا: اثنينهم...
فيصل قربها اكثر:الخوف هذا انسيه..انا معاك..ابيك تنسين كل شي حولك..ابي نكون انا وانتي وبس..ابي اعيش لحظاتي معاك..
دانا سكتت وما علقت...
فيصل باسها مع رقبتها: احبـــك..
دانا وصل قرفها حده..بعدت فيصل عنها..وعيونها دموع: انا ما ابي كذا...والله ما ابي..
فيصل خاف عليها وحط ايده على وجهها: اوك..اوك..لا تزعلين..
دانا تبكي: وربي ما ابي..."ورمت نفسها بحضنه"..
فيصل ضمها: دنو..فديتك وربي ما ابي ازعلك..انا ما غلطت بشي..انا احبك...
دانا حمدت ربها ان الدنيا ظلام: اذا خصلت الاغنيه خذني على اقرب دورة مياه..
فيصل دخل يده في شعرها وحركه بخفه بيخفف الجو: طيب يا دلوعه..
:وين نجلس فيه...؟
لانا تطالع المكان: أي مكان...
اياد ذاب على ملامح لانا...بجد اليوم غير..
:لو نجلس في مكان بعيد عن الناس احسن..
لانا لفت عليه بسرعه: يعني وين؟؟؟؟؟؟؟
اياد بسرعه: هنا...هنا بالمول...مو مكان غير..
لانا اخذت نفس وما حبت تبين خوفها: عارفه هنا بس وين..؟
اياد: ندخل مكان عائلات..
لانا ما قد دخلت معاه مكان مغلق...دايم تجلس معاه بأماكن الافراد ولا يهمها احد..
طالعته ..فكرت ثواني..
:موافقه...
اياد ما صدق: يعني نروح الحين..
لانا ابتسمت عرفت انه خاق عليها: ايوه...الحين...
اياد جاء يمسك يدها..
لانا خرتها بقوووه وطالعته بحقد وقرف: لو تلمسني مره ثانيه بتشوف شي ما يرضيك..
وتركته وتقدمت..
ودخلت قسم العائلات وجلست على طاوله فاضيه..جاء اياد بعدها وهو يحاول يجمع كرامته ويدخل وكأن مافي شي صار...سكر الحاجز وجلس..
لانا طلعت جوالها..واتصلت..
:ايوه...شوفتي قسم العائلات انا فيه...لالا عادي...ها..ايوه بسرعه...باي..
اياد: مين؟؟؟
لانا والوضع عادي:ريموو بنت عمتي..
اياد فهم ليش وافقت لانها ما راح تجلس لحالها..
:بس انا قلت ابيك لحالك..
لانا ابتسمت في وجهه: ايود..عادي واذا...احنا بناخذ راحتنا ..اصلا ريمو تعرف كل شي..يعني وجودها ما يضر..
اياد سكت..
لانا بخبث: اخبارك...تصدق احسك واحشني...
اياد: بجد لنو ولا تمزحين..
لانا: لا جد..وحشتني..."ونزلت راسها"..شوف ايود..صح انا غلطت..بس بجد بجد عرفت وحسيتا ني متعلقه فيك..
اياد تحمس: لانا صدقيني حتى انا عرفت بنات غيرك...بس ما حبيتا لا انتي..
لانا بنفسها" هههههه والله مسوي بيلعبها علي"..
:انت عارف ان عشان حبنا الوليد رجعت لك..كذا حسيت ان هالمشكله خيره لنا عشان نرجع لبعض..احسك انت الوحيد اللي اثر فيني..
اياد: وانتي كمان...اثرتي فيني كثيــــــر..
لانا حركت شعرها القصير الغريب بطريقه حلوه..
: ما ودك تضيفني..
اياد: اضيفك بس!!! المطعم كله تحت امرك..
لانا ضحكت ضحكه ماسخه: هههههههه وربي انك عسل...
دخلت ريمو: هاااي..اياد لا تنسى تطلب لي معاك..
لانا ابتسمت: يا هلا والله وغلا بريموو..
ريمو باستها: هلا فيك...كيفك..؟
اياد طالعهم شوي شافهم دخلو مع بعض جو في السوالف وخلوه على جنب..وقرر يروح يطلب لهم عصير وحاجه معاه..
لانا شافت اياد طالع: هههههههه وربي لا اطلع الشيب في راسه لحد ما يتركني..
ريماس:هيه انتي انتبهي لنفسك..ضحكتك سدحت اللي برا كيف اللي جوا..
لانا بحقد: دواه عندي الغبي..
مدى ومشاعل راحوا اخذوا فستان مشاعل..
مشاعل سلمت على جدتها ووصتها على نفسها..ولا تحاول تحتك في ابوها بكره..
جدتها تبكي:يا بعد حيي انتي..روحي ولا عليك مني..وانا متأكد هان ربك بيسهل..
لبسوا البنات وكشخوا...وقعدوا في الصاله ينتظرون سلطان يوصلهم..
مدى قربت لامها: يمه انتي بخير..؟
ام سلطان: بخير يمه..ما عليك مني..
مدى خافت...صوت امها مو مثل كل يوم..
: يمه..صدق ما فيك شي...اخذتي علاجك..؟
ام سلطان: مدى ما فيني شي لا تخليني اشك بعمري..والعلاج اخذته..انتي روحي وانبسطي وما عليك مني...
مدى سمعت سلطان يصرخ: يله يمه مع السلامه..
ام سلطان: مع السلامه..
>>>>>>>>>>>>>>>>>>>>>>>>>>>>>>>>>>>>>>>>>>>>
في الغرفه
ابتهال محتاسه: وين السندل الثاني..؟
مشاعل تضحك: لا يكون عند مرام..؟
ابتهال ضربت راسها: تخيلي...؟؟....لالا انا جايبته متاكده..
دخلت مدى: يله سلطان عصب..
ابتهال: مدى السندل الثاني ضاع..
مدى: ضاع؟؟...وين ضاع دوريه بسرعه..
وبدت عملية البحث بلا جدوى..
دخل سلطان معصب فتح باب الغرفه..
: قسم بالله لو ما طلعتوا لا اروح واخليكم..
انصدم ان الوجهه اللي قدامه وجه جديد ما يعرفه..تنح فيه ساعه..
مشاعل كان معاها لحاف رافعته تدور تحته وفجأه طاح..وعينها ما نزلت من عينه..
مدى تطالعهم وقانت للباب بسرعه: خير خير يا ابو الشباب..فيه بنات هنا..
سلطان ارتبك: من؟؟؟"وضرب راسه"...صح مشاعل هنا اسفين اسفين .."وراح"
مدى: ههههه الحمد لله والشكر..."ودخلت عليهم"...يا حليله اخوي يستحي..
ابتهال كانت ميته ضحك ومشاعل تضربها..
مدى: خلوا عنكم الهواش ودوروا السندل الثاني..
ما حسوا الا بكائن صغير تمشي وتعرج...وكاشخه..
ابتهال عصبت: اكرررررررررره نفسي..."ومسكت وداد"...انا كم مره قايله لك لا تجين اغراضي..
وداد بعين قويه: هذا حق ماما...
ابتهال: يا من صقعه في وجهك عشان تعرفين هو حقي ولا حق ماما.."وخذته منها"..يله انقلعي..
مجى: انا الله باليني بعائله مستخفه..انا طالعه..مشاعل تعالي معاي...
وطلعوا مشاعل ومدى ولحقتهم ابتهال وطوووول الطريق ساكتين..
وسلطان يتذكر الموقف ومفتشل..
مشاعل ميته من الوناسه"اهم شي شافني وانا كاشخه اخر كشخه.."
مشاعل ما كانت تحمل الملامح الجميله..بس هي سمراء مملوحه لا بعد حد...وروحها تجذب اكثر من شخصيتها..
دانا بعد ما عدلت الميك اب حقها..
فيصل: دنو...يارب ما تكوني زعلانه..
دانا: لا مو زعلانه..بس ما اتفقنا على كذا.."وخنقتها العبره من جديد"
فيصل: طيب طيب لا تبكين من جديد.. عندي لك مفاجأه احلى..بس بقولك عليها اخاف تتفاجئين وتزعلين..
دانا بنفسها" بعد في شي!!"
فيصل: فيه عاده عندنا..انا واصحابي..يعني لازم نسويها ..احم...يعني ما ادري كيف بقولك ..بس السالفه وما فيها انو في خاتم لازم البسك اياه...
دانا انصدمت: ايش؟؟؟....خاتم...طيب الهدف منه ايش؟؟؟
فيصل يبي يبسط السالفه لابعد جد: مول شي معين..يعني كذا عاده...لكل اثنين..احم يعني يحبوا بعض...او شي شبيه لهذا الشي...عاد انتي لا تدققي كثير...
دانا صدع راسها: فيصل..قلبي بيوقف..انا ما عندي استعداد لاي شي..
فيصل : دنو كلها خاتم وخلصنا السالفه...
دانا: بس والله احسه ما لها مناسبه..
فيصل قرب منها: وربي بيطيح وجهي لو ما اسويها..
دانا احتارت: خاتم بس..!
فيصل فرح: ايوه بس...
دانا: اوك...وامري لله.
فيصل باسها بقوووه: فديت الناس الحلوين انا..
دانا حبت حب فيصل لها..يعني ما قدر مر عليها شخص يدور رضاها او يسوي كل شي عشانها..من صغرها ..امها راميتها علا المربيه وحتى في التعامل تفضل لانا لانها اقرب لشخصيتها...اريام بعيده كل البعد عنهم وعن افكارهم وشخصيتها مستقله...صاحبتها العزيزه لمياء تعرفها من ايام الروضه وما تغير شي في حياتها..جاء فيصل وقلب كل موازين حياتها...وعلى قد ما تكره هالتغيرات الا انها في النهايه ترضي غرورها..
فيصل اخذ دانا لنص القاعه..وكان فيه عربه مغطيه بقماش احمر...
وتجمهروا الناس حولهم..
فيصل: واكيد في اول لقاء بيني وبين روحي ..راح اقدم لها هديه واتمنى من كل قلبي ما تردني...
دانا استحت من النظرات لها وتسمع همسهم لبعض...
: ما ينلام فيصل مع كل هالخقه..
وصوت خشن: وربي تجنن لو فيصل يحولها علي بس..
:وع حرام...اللي قبل كانت احلى..
دانا تسمع وتنصدم..في شي اكبر من كذا..او اكبر من انها تكون علاقه عابره..
فيصل فتح علبه صغيره قدام لانا..
: ممكن تقبيلنها..
دانا طالعت الخاتم وخااااااايفه..حست ان اللحظات وقفت وان هاللحظه الحاسمه وكأنه زواجها حقيقي...
هزت راسها في الاخير...والكل صفق...
فيصل ارتاحت تعابير وجهه وابتسم ولبسها الخاتم...وطلع الثاني عشان دانا تلبسه..
دانا فهمت المقصد..ولبست فيصل الخاتم..وزاد التشجيع..
الكل صار يصارخ: بوسه..بوسه..بوسه...
دانا اختفى لون وجهها...ولفت على فيصل...اللي بان عليه انه ارتبك وصار يحك راسها من الركبه..ورجعت تطالع رهام وشافت تعابير الصدمه عليها ..وتأشر لها بلا..
فيصل يبي ينقذ السالفه: واحلى بوسه لاحلى دنو..
قرب منها دانا خافت..رجعت لورا خطوه..بغت تطيح والتوازن اختل عندها..فيصل بسرعه مسكها من خصرها وباسها مع خدها ورفعها..
الكل ظن انها حركه جديده..وفيصل حمد ربه على ان الحركه هذي صارت صدفه وانقذته من الكلام اللي راح يجيه..
دانا حطت يدها على قلبها من الخوف...وتمنت ان الارض تنشق وتبلعها ولا تطلع من هالمكان باسرع وقت...
لانا جالسه مع ريمو...وماخذين الدنيا سوالف ومعطين اياد اشكل...
اياد بدا يعصب: لنو...ممكن دقايق..
لانا لفت عليه: خير حبو في شي...؟
اياد: نطلع شوي...ممكن" وشدد على كلمته الاخيره"
لانا: ايود فديتك من زمان ما شفت ريمو...يعني لا تزعل علي..
اياد طالع ريماس وابتسم لها مجامله: عن اذنك ريمو...شوي لانا..
طلعت لانا معاه جنب الحاجز..
: خير فيه شي...؟
اياد: وبعدين ما تكلمت معاك بحرف واحد..
لانا: ايود قلت لك من زمان ما شفتها وبعدين ادخل معانا بالسوالف القعده جماعيه وريمو ما تقول لا..
اياد: احنا جايين لبعض..
لانا سوت نفسها زعلت: واحنا مو لبعض...الا اذا قصدك اني اطرد بنت عمتي..
اياد تنهد: لا حو الله...امري لله..العوض ولا القطيعه..
لانا ارسلت له بوسه في الهوا: فديت الطيوب انا..
اياد خق عندها اكثر: لنو..اعقلي عني...ترى ماني ناقص..
لانا لفت عنه وتغيرت تعابير وجهها تهدد ولو عليها ارسلت له موية نار في الهوا مو بوسه...
فــــــــي الـــــــزواج..
شافوا مرام وجلسوا مع بعض...وكانت جلستهم روعه سوالف وضحك وهيصه...وهبال ابتهال يكفي...
مشاعل هي اللي كانت تضحك معاهم شوي ويروح بالها شوي ثاني..
رقصوا كلهم الا مدى ما تحب الرقص قدام الناس..
مرام: فاتك يا مدى..بصراحه الطق جامد...
ابتهال تاخذ نفس: رقصت رقص طلعت فيه كل طاقاتي الابداعيه..
مشاعل: ههههه الا بغت تروح ارواح ناس من رقصك العدواني هههههه
مدى: هههههه الله يسعدكم...عادي ما اهتم للرقص اصلا..
وبأخر الليل رجعوا مبسوطين..
مدى دخلت على امها: يمه...نايمه...
ام سلطان:ماردت..
مدى خافت وهزتها: يمه....يمــــــــــــه..
ام سلطان صحت : رجعتوا....؟
مدى رجعت الحياة لها: ايوه...كملي كملي نومك...تصبحين على خير..
ودخلت على سلطان بالصاله: يا الشيخ لا تنسى وتدخل غرفتنا مره ثانيه..ترى مشاعل عندنا..
سلطان نزل راسه: قولي لها اسف والله نسيت..اصلا بعد اليوم ما راح انسى...
طلت ابتهال وقربت جنبه.."سلطان!
سلطان: نعم..
ابتهال: بالله بالله ايش رايك بشعوله...تجنن مو..؟
سلطان ضربها: انقلعي يا اللي ما تستحين...اصلا مشاعل مثل اختي...
ابتهال انصدمت: اختك!!!
سلطان يبي يوضح الصوره: ايوه اختي...ولا في شي ثاني...
ابتهال ..."يقول هالكلام يصرفني ولا من جده...اما او ما كان في قلبه شي لها بيكون كارثه"...
راحت وهي تبعد الافكار من راسها...
مشاعل نامت من التعب...وتفكيرها ذبحها وشتتها...تفكر في سلطان ولا في بكره اللي تدعي ربها من كل قلبها يعطيها خيره ويكفيها شره...
مدى انسدحت على الفرشه حقتها...وسمعت صوت مسح من رقم غريب...
"انا لو املك الدنيا..ولو كان بيدي شي..
لسوي كل شي يرضيك ولا اخلى بنفسك شي..
بحقق كل رغباتك..
لان تكفيني بسماتك..
انا والله يا عمري..
ما اخلي بنفسك شي...."
قرت الرساله كم مره..في البدايه كان الوضع عادي...بس بعدين بدت تشك..."يكون ضاري؟؟؟"....بعدت الفكره بسرعه من بالها...اصلا لو يحبني بيطلع كارثه لاني اكـــــــــــــــره وجـــــــــــــــوده..
دانا...لحد الان بالحفله...
جالسه جنب رهام وايدها ترتجف..:رهوم بسرعه اتصلي على السايق...شوفي ايش قاعد يصير قدامنا..
رهام ما تقل خوف عن دانا..:تكفين هذا اخر الليل وراه بلاااااااوي...
دانا: انا بس بقزل لفيصل اني بطلع..
رهام: ترى السواق قريب..
راحت دانا لفيصل: انا طالعه.......
فيصل كان مع بويه وجالس يضحك معاه:جد..!!.....الحين؟؟
دانا استغربت: ليه باقي اكثر...
فيصل: توقعتها صباحي..
دانا: لالا أي صباحي انا عندي اهل ينتظروني...
فيصل: اوك جاتي معاك..
وقفوا عند باب القاعه...
دانا: خلاص ادخل عن الشارع..
فيصل: واذا؟؟ عادي انا ما اتغطى..
دانا في نفسها" حلو...الاخ مصدق حاله"..
فيصل ضم دانا..:الليله احلى ليله في حياتي...باحلم فيها طول عمري..
دانا:يسلمو على البارتي.....باي..
فكت نفسها من فيصل وركبت السياره..بعد ما شافت رهام ركبت ..
رهام: انا قلت لك صاحبيها بس الحين هونت..
دانا: ليه غيرتي رايك..؟
رهام: بعد اللي شفته..مافي امل اصاحب بويه...
دانا: بس فيصل غير...
رهام تطالعها بنص عين: أي غير....نسخه منهم لو معطتيه وجه..
دانا متمسكه برايها: لا ..غير مو مثلهم..
رهام سكتت عنها..
دانا تقنع نفسها" فيصل غيـــــــــر!!"
اريام واخيرا قررت تطلع من غرفة سامي...سكرنت الباب وهي تمسح دموعها...
: اريام!!!
اريام رفعت عينها: خالــــــــــــــد!!
خالد: اريام اسمعيني شوي..
اريام تعبانه: خالد واللي يعافيك..ما فيني حيل اتجادل معاك..
خالد: انا جاي اعتذر بس..
سكتت اريام...دققت في ملامح وجهه..تغير كثير..."اتوقع نقص وزنه..وشكله ما نام كم ليله.."
خالد: اريام انا اسف من كل قلبي على كل شي سويته...بس انا بجد كنت ناوي اخطبك..
اريام انصدمت بس ما زالت ساكته..
خالد: في نفس اليوم كنت ناوي اكلمك بالموضوع..بس صار اللي صار...اتمنى انك تسامحيني على اللي سويته فيم وفي سامي..ادرلاي اعتذاري ما يقدم ولا يأخر..بس هذا اللي اقدر اسويه..
اريام امتلت عيونها دموع: يمكن اللي سويته خيره لسامي..
خالد: شوفي اريام..انا شاريك لاخر عمري..انتظرك توافقي علي..هذي اعتبرها خطبه مبدئيه واذا حبيتي خطبه لا منتهيه..بس عشان اريح ضميري...قولي لاهل سامي ياخذونه لي المانيا..
اريام نست كل الكلام اللي قاله وما ركزت الا على نقطه وحده..
:المــــــــــانيا!!
خالد عرف ايش همها من كلامه...(سامي وبس)
: ايوه سمعت من كم طبيب انهم عالجوا حالات ميئوس منها...والاعمار والاقدار بيد الله..
اريام وكان الحياة بدت من جديد..
:ابي انقله باسرع وقت..
خالد: انتي؟؟...واهله..؟
اريام: ما عنده اهل...خالد اطلبك طلب..كفّر عن ذنبك ..ضبط اوراقه..
خالد نزل عينه المكسوره...واضح لمعة الحب في عيونها..جرح كبير بالنسبه له وهو من ثواني يكلمها عن خطبته..
:عشانك...راح اشوف موضوعه..
اريام بكت: وربي ما راح انسى لك هالمعروف..لو شايف وضعه..مره مره سئ..خالد شكرا..
خالد لف وجهه: العفو..."ورفع يده لفوق"...ســــــــــلام..
وراح..
اريام تجددت كل افكارها...وقررت قرارها المصيري...
صحت من النوم وهي مكسله..دخلت دورة المياه..وبعد دقايق طلعت تنشف شعرها..وتغني..
:ناويلك على نيه..بس انت اصبر شويه..اذا ما اعلقك فيني وهواك يصير بأديا..
وطالعت نفسها بالمرايه وضحكت: والله اني خطيره..بس هين يا اياد..صدقني راح تندم قد شعر راسك لانك تحديتني..
وباست نفسها بالمرايه وطلعت..
مرت على غرفة دانا...ودخلت عليها بعد ما ضربت الباب..
شافتها تكلم..
دانا وهي تطالع لانا: اوك..فيصل اكلمك بعدين..
لانا ما عجبها الوضع ورفعت حاجب: صباح الخير..ايش عندك انتي مع هالفيصل...؟
دانا: صباح النور...ثاني شي ايش فيه فيصل..؟
لانا جلست على سريرها: انتي من جدك تكلمين هذي...وتضيعين وقتك معاها..احس لو تكلمين ولد اصرف لك من هالمتخلفه..
دانا عصبت شوي: لانا..انا ما تدخلت فيك..فا رجاء لا تتدخلي فيني..
لانا: اوك..براحتك بس انا نصحتك ..شكل البنت مو طبيعيه..الناس اذا بتصاحب تتختار ناس عاقله مو هذي..
دانا سكتت وما ودها تقنع نفسها بأي افكار جديده..
لانا غيرت السالفه: الا كيف البارتي..
دانا: حلوووو..بس غريب يا لانا..
بالصـــــــــــــاله..
:اسمع دبرني انا ماني ناقصه اعيش اخر عمري في فقر..
:طيب وكيف بحل السالفه يا موضي...؟
موضي: وانا ايش عرفني..ترى ضاري اذا مسك الحلال بصفي على الحديده..
: طيب بشوف وشلون نحلها...تامريني بشي يا اختي..
موضي: لا سلامتك يا اخوي..بس حاول باسرع وقت..مع السلامه..
وبنفسها "ما ظنيت ان مبارك عنده سالفه..بس مالي الا هو .."وزاد قهرها" كله منه ولد السوريه هذا..ما ادري من مسلطه علي.."
وشافته نازل مع الدرج..."كملت جاي يبي يذبحني.."
ضاري نزل وشافها جالسه وضحك جوا نفسه..
"والله لا اطلع الشيب في راسك.."
وقفت..
:على وين يمه؟؟؟
موضي تدري انه يتطنز عليها: في مكان ما اشوف فيه وجهك..
ضاري جلس ببرود: لالا ما اتفقنا على كذا..خلينا حبايب..حاولي تضبطين اسلوبك..
ام ضاري لفت عليه وطالعته باستحقار ومشت بتطلع الدرج..
الا شافت ريم بوجهها..
:صباح الخير يمه..
ام ضاري معصبه: هلا صباح الخير..
اريام: بتطلعين فوق..؟
ام ضاري: ليه في شي..؟
اريام توترت شوي:ابيك في موضوع انتي وضاري...
ام ضاري عقدت حواجبها: خير وش فيه.؟؟
اريام مسكت يد امها:تعالي معاي افهمك..
ضاري اللي كان يشوفهم يتكلمون بس ما فهم شي..
اريام: صباحو..
ضاري: صبااحو..
اريام جلسن وجنبها امها..
:يمه..ضاري..انا قررت اسافر..
ضاري استغرب: على وين..؟
ام ضاري انصدمت: وين بتروحين له..؟
ايارم اخذت نفس: بروح المانيا...
ام ضاري: انا كفاني واحد برا..وما عندي استعداد اتعذب مع احد ثاني..
ضاري: وليه...؟
اريام: انا بروح اكمل دراستي..يمه بليز .. لا توقفين بوجهي محتاجه السفره هذي..
ام ضاري: لا...كمليها هنا...
اريام بتبكي: يمه بليز لازم اسافر...هذا مستقبلي وحياتي كلها...
ضاري: ومن راح يروح معاك؟..
اريام: لحالي..
ضاري: ومن متى نخلي بناتنا يرحون لحالهم..؟
اريام: ضاري...هذا انت رحت واخوك بعد..يعني جات علي..
ضاري: احنا عيال وضعنا غير...اما انتي بنت.
اريام: ما راح اكون لحالي..انا ومجموعه من البنات كلنا راح نروح ونسكن مع بعض..وهي كلها سته شهور او سنه بالكثير...
ام ضاري فكرت شوي..:خليني اسأل ابوك...هو الوحيد اللي له كلمه عليك..
اريام انبسطت: يمه بليز اقنعيه..راح ارجع بشهاده ترفع راسكم..
ام ضاري فكرت بالجانب الظاهري انه شي يفتخر فيه قدام الناس..
:والله ما ودي..بس عشانك يمه..وعشان اعرفك واعرف انا كيف ربيتك..
ضاري وقف: لا..مو على كيفها تسافر..
موضي عناد: ولا على كيفك...بنتي وانا حره فيها...
ضاري: واختي وما راح تسافر...
موضي: بتسافر...
اريام مسكت راسها..وعرفت ان شكل سالفتها بتسبب مشاكل..بس عشان سامي كل شي يهون..
ضاري تنرفز: اوكي..قولي اللي تبين ونشوف من اللي بيمشي كلامه...
وطلع غرفته..
موضي: روحه بلا رده ا نشا الله..
اريام: يمه لا تدعين على اخوي..
موضي: بتسافرين ولا يهمك..
اريام ما حبت تسافر وضاري ما رضى عليها..قررت تقنعه لما يهدا لان ضروري موافقته..
وطلعت للمستشفى...
حست بشي في اذنها فركتها ولفت للجهه الثانيه...شوي الا نفس الشي تحس انو في شي يمشي باذنها..
قامت: اووووووووووف..
:هههههه وربي شكلك تحفه..
عصبت منها: ابتهاااااااااااااال يا سخيفه..
ابتهال: يله يا سخيفه انتي نايمه لحد الان...!!
مشاعل مددت ايديها: ليه كم الساعه...؟
ابتهال: الحين الظهر يا الكسلانه...بس نوم واكل ولا شغله ولا مشغله..
مشاعل استحت: زين الحين اقوم...بس انتوا ما صحيتوني..
ابتهال: ههههه مشكلتها غبيه هالبنت تصدق كل شي...قومي بس..
دخلت مشاعل دورة المياه..ودقايق وطلعت..صلت الظهر وجلست جنب ابتهال..
: سلطان في البيت..؟
ابتهال بخبث: ليه...؟
مشاعل ببرائه: اسأل...!
ابتهال: لا للاسف راحت عليك..مو موجود..
مشاعل فهمت عليها وضربتها: ابتهال ..انتي وتفكيرك الوسخ..ايش فيك علي..بس ما سكه علي سلطان...
ابتهال بجديه: طيب خلينا نفرض فرضيات..لو كان سلطان يعدك مثل اخته..!
مشاعل في البدايه انصدمت من التوقع بعدين استوعبت..
"اصلا هو ما قد بين لي شي يدل انه يحبني"
:عادي..لاني انا بعد اعده مثل اخوي...بس اتمنى واحد مثله..
ابتهال سكتت شوي...وغيرت الموضوع..
:قومي لا تذبحني مدى بس..
بالليــــــــــــــــل..
اجتمعت العائله بالقصر...
لطيفه واحلام مرت اخو موضي بالصالون الرسمي..
والبنات بالثاني...
موضوي واقفه مع اخوها: بشر ايش صار معاك..
مبارك: كل الاوراق مع زوجك..لازم يكتب الحلال باسمك..هذا اضمن حل...
موضي: وحمد هذا غبي بيكتب الحلال باسمي..ما في امل يسويها..
مبارك: ما في يدينا حل..وضاري لو عرف بسالفة الورقه المزوره بيمسكم من يدكم اللي تعوركم..
موضي حست كل الابواب تسكرت بوجهها:وتعبي وجهدي كل هالسنين يروح..؟
مبارك: شوفي حمد وش راح يقول..؟
موضي كشرت : ما عنده سالفه..ولو ضغط عليه ضاري شوي عطى الحلال اخوه...
مبارك بخبث: انتي اذكى..اضغطي عليه بطريقتك..
موضي عجبتها الفكره بما انها الحل الوحيد الحين: انا لو اعرف من وين طلع لنا محمد بس...
>>>>>>>>>>>>>>>>>>>>>>>>>>>>>>>>>>>>>>>>>>>>
رهام: التووووبه افكر بالاشكال هذي...
مأثر: دنو كيف رحتي معاها...
دانا ومعاها لالي: عادي والله البنت عاديه..بس عندها مشاكل خلتها كذا..
مأثر: انتبهي لنفسك دنوو..
دانا سكتت..حست ان الكل ضد علاقتها بفصيل..بس كأن هالشي خلاها تتعلق فيها اكثر...
ريماس: ترى طفشني ها الاياد...حاكر عليك..
لانا: اجل انا ايش اقول...خايفه العب شوي يرجع يهددني وانا موقفي ضعيف ..بس بجد طفشني..
ريماس: ما عندنا سيره غيره..الا وين ضاري..
لانا: اليوم كله ما شفته..طول الوقت بمكتبه بغرفته ما طلع ابد..
ريماس تستهبل:ما فكر فيني..؟
لانا تكمل هبل: الا..قريت فكره في راسه فيها ريمو..
ريماس: ههههه بايخه..
سلطان طلع موبايله واتصل: هلا ثامر وينك...؟
ثامر: انا بالاستراحه..
سلطان: اوكي انا جايكم...باي..
دقايق ووصل الاستراحه..دخل شاف مهند معصب واللي معاها مكشرين الا ثامر..
: الســــــــلام..
الكل: وعليكم السلام...
سلطان يستهبل:سلامات...ايش فيها الوجيه مبتسمه..
مهند طالعه باستحقار..
ثامر كملها معاه: هههههه مشتاقين لك..
سلطان: هههههه المهم حتى انا مرررره مشتاق بس عطوني نصيبي وخلوني امشي...
عبد المحسن: عن اذنكم شباب..."وطلع"
مهند: طبعا انت ماخذ الجزء الاقل..
سلطان: يعني كيف التقسيم..
مؤيد: كلنا اخذ الربع الا انت اخذت اقل..
سلطان: اهاا..مو مشكله..بس المبلغ اكيد بيكون كبير لان اللي اخذناه مو شوي...
مهند رمى عليه فلوسه: خذها ولا عاد اشوف وجهك..
سلطان تعوذ من ابليس لا ينشب هو وياه في هواش جديد..واخذ فلوسه..
:ســـــــــــلاااام..ثامر تجي معاي..؟
ثامر : ايوه..
مهند: لا تروح معاه ابيك في موضوع..
ثامر طالع سلطان..
سلطان أكد عليه: ثامر تجي معااي؟
ثامر وقف: ايوه انا معاك..
وطلعوا مع بعض بسيارة سلطان اللي مستأجرها..
مهند: غبي هالثامر..
مؤيد: ما عليك منه..يروحون في ستين داهيه..
دخل عليهم عبد المحسن..
:كل شي اوووكي..
مهند ابتسم: حلوووو..كذا الشغل..
اخذ جواله واتصل...
>>>>>>>>>>>>>>>>>>>>>>>>>>>>>>>>>>>>>>>>>>>>
بالسيـــــــاره..
سلطان: الحمد لله اللي خلصنا منهم..
ثامر رفع ايده بحريه: واخيرت تحررنا ههههههههههه
سلطان ابتسم: بجد..كانت ايامي معاهم تجيب الهم..دايم على اعصابي وحاط يدي على قلبي لا تتمسك ولا نتورط..
ثامر: اهم شي الحين نفكر بمشروعنا الجديد..
سلطان: صح..لازم..ايش رايك لو نفتحة محل...........
وسمعوا اصوات سيفتي الشرطه وراهم..
سلطان اخترع: وش السالفه..؟
ثامر لف على ورى: ما ادري..في كم دوريه..
سلطان اختفى الدم من وجهه: يكون عرفوا عن اخر عمليه...؟
ثامر دق قلبه: ما ادري...بس حط رجلك شوي..
سلطان زاد السرعه..
ما حسوا الا بدوريه تحده على اليمين وثانيه على اليسار وحاصروه..
سلطان يصرخ: ثامر وش السالفه...؟؟
ثامر:ما ادري يا سلطان ما ادري..
ووفقوا على جنب..نزل سلطان وثامر....
ونزلوا العساكر..
:هات الرخصه والاستماره...
سلطان: ليه ايش السالفه...؟
الضابط: اخلص بسرعه...
سلطان رجع للسياره واخذ بطاقاته..
الضابط: فتشوا السياره..
ثامر وسلطان وقفوا جنب بعض وهم ضايعين بالطوشه..
جاء الجندي: سيدي..حصلنا هذي...
سلطان طارت بوهته...
:والله ما اعرف عنها شي...
ثامر انصدم ولف على سلطان..
سلطان طالع ثامر: ثامر وربي ما اعرف عنها وربي..
الضابط: بسرعه خذوهم..
جوا الجنود ومسكوا سلطان..
سلطان حاول يتحرر منهم: والله ما اعرف عنها..
ومسكوا ثامر: مالي دخل انا...انا مالي دخل..
>>>>>>>>>>>>>>>>>>>>>>>>>>>>>>>>>>>>>>>>>>>>
فـــــــي مركز الشرطه..
الضابط: بسرعه اعترف ..لا تخليني استخدم معاك اسلوب ثاني..
سلطان بيموت قهر: والله....والله ما اعرلاف عنها شي..
الضابط صرخ: لا تحلف بالله...قلت لك بسرعه قول لنا مع من متعاون ومن اللي اعطاك اياه..
سلطان بيبكي: وش اقولك..واحلف لك بايش اني برئ وما اعرف شي..
الضابط وقف وهو موصله معاه: انت شكل راسك عنيد...يا عسكري..
دخل الجندي: نعم سيدي..
الضابط: خذوه حطوه في التوقيف ونعرف كيف نخليه يعترف..
الجندي سحب سلطان...وسلطان ضاقت فيه الدنيا..ما يدري هالمصيبه من وين جاته..
رماه الجندي في التوقيف..طالع اللي فيه اشكال تخرع..واشكال بريئه..وناس خبيثه..
جلس بعيد...وضم رجوله"يارب ...يارب انت اعلم بي..هذا عقاب لي لاني عصيتك...استغفرك يارب...يارب توب علي..وفرج لي همي.....وش بيصير فيني؟؟؟؟؟؟؟؟؟؟؟؟؟؟"
:وينها ...بسرعه طلعوها لي....؟
عبد الله مرتبك: يبه ما ادري وين راحت...
ابو عبد الله: وش اللي ما تدري وين اختك...الرجال في المجلس ينتظرني مع المملك...وين اختك؟؟
عبد الله سكت..
ابو عبد الله والدنيا سواااد قدام عينه...دف عبد الله على ورى..وطلع للصاله...
:وين بنتي...؟؟ وينهاااااااااااااا
ام ناصر طلعت عليه بكرسيها المتحرك..
:مشاعل مو هنا..
ابو عبد الله: وين وديتي بنتي..؟
ام ناصر:راحت لمكان ما تشوف ظلمك لها..
ابو عبد الله قرب منها: وين راااااااااااحت؟؟
ام ناصر: يا الظالم بتزوج هالصغيره هالشايب..
ابو عبد الله: ام ناصر..ترى بتشوفين مني شي ما يرضيك..وين البنت؟
ام ناصر: ما ادري..
ابو عبد الله طلعت شياطينه ومسك كرسيها وهزه..
:ترى بقلب هذا على راسك..
جاء عبد الله ومسك يد ابوه
:يبه هد اعصابك..
ابو عبد الله لف عليه وعطاه كف: وانت يا الرخمه وين اختك..؟
عبد الله حط يده مكان الضربه ونزل راسه..
مسكه ابو عبد الله من ثوبه: انت مو رجال ولا يعتمد عليك انت رخمه.."وفسخ عقاله وضربه"..انت غبي..وين اختك.."وضربه"..وينهاا يا ابن xxxx xوينها الصايعه..
ام ناصر: بنتي اشرف منك يا الوسخ..يعني ناسي سواياك..نسيت ولا اذكرك..
ابو عبد الله لف عليها وجهه مولع نار: انتي اسكتي ولا كلمه..
ام ناصر: لا ما راح اسكت..بنتي اشرف منك..هذي تربيتي..
ابو عبد الله رفع يده بيضرب ام ناصر..حس بيد ما سكته..
:يبه كل شي ولا جدتي.."ونزل يده ابوه بالقوه"..اضربني انا..بس الحريم لا تفرد عضلاتك عليهم...جدتي تحملنا في الوقت اللي انت نسيتنا فيه ..وجاي الحين تبي تضيعنا واحد ورى الثاني..
ابو عبد الله: ترفع صوتك علي يا العاق...؟
عبد الله: يبه انت ابوي على عيني وعلى راسي..بس نصير عبيد عندك هذي لا..ومسألة تاخذ اختي للمجنون هذا بعد مستحيل..
ابو عبد الله سحب يده من يد عبد الله..
:عبيد...يا العاق انا اعرف اربيك..
وضرب عبد الله لحد ما طاح من طوله وبرد الحره اللي فيه..
عبد الله ساكت ومتحمل ..وفجأه قام وابوه يضربه..
وراح يركض لداخل المجلس وعيونه غرقانه دموع..والدم طالع منه في اجزاء من جسمه..
وصرخ: اطلع برا...بسرعه اطلعوا براااااا..وانت يا المجنون يا المخرف لك وجهه تاخذ بنات الناس..بسرعه اطلعوا برا بســـــــرعه..
وفعلا طلع الشايب والمملك اللي باين انه عصب من هالناس الهمجيه ومتأسف على حالهم لان الدموع واضحه في عيون عبد الله..
ورجع لابوه..:زواج مافيه..
ابو عبد الله يبي يلحق على الرجال: انا اعرف كيف احصلها...وانت شغلك بعدين يا XXXXXXX....."وطلع"
ام ناصر طول الوقت تصرخ وتبكي على ولدها اللي انضرب قدام عينها ولا تقدر تسوي له شي...
عبد الله من طلع ابوه طاح في حضن جدته يبكي..
ام ناصر تبكي معاه: رجال يا وليدي...رجــال..غصب عليه..غصب..
>>>>>>>>>>>>>>>>>>>>>>>>>>>>>>>>>>>>>>>>>>>>
مشاعل من الشباك..كانت تشوف ابوها طلع من بيتهم..
:ابتهال ابوي طلع..
ابتهال معاها متحمسه وخايفه وما يدرون وش قاعد يصير هناك..
:تتوقعين وش صار..؟
مشاعل: باين ان ابوي معصب..شوفي كيف حركة سيارته اللي يحبها اكثر مني ..
ابتهال: اكيد راح يعصب..انتي شايفه المعرس طلع وما اعرس..
مشاعل غرقت عيونها دموع:.....بروح لجدتي...
ابتهال هزت راسها تأيدها: روحي...
طلعت مشاعل بسرعه ودخلت بيتهم لان الباب كان مفتوح..طلت في المجلس شافت كاسات العصير طايحه على الارض...مشت شوي سمعت صوت بكي...بكي غريب عليها..
حطت يدها على فمها:عبد الله!!!!
راحت ركض لهم: عبد الله..يمه..."وحضنتهم"
ودخلوا في جو حميمي...مالهم الا بعض...
مشاعل لفت على اخوها..ومسكت وجهه بأيدها وشافت علامات الضرب..
:ضربك!!!
عبد الله مسح دموعه وعمل حاله قوي: عادي...اصلا مو شي..بس كان بيمد يده على جدتي..
مشاعل اخترعت: ضرب جدتي!!!
ام ناصر: يخسى وعندي عبد الله..
مشاعل ابتسمت وبعدين غرقت عيونها دموع وهي تشوف اثار العقال على جسمه ..وحضنته..
: لو ادري ما رحت وخليته يلسمك..لو ادري ما سويتها يا اخوي..والله ما اسويها....
عبد الله: مشاعل..لا تقولين الكلام هذا..انا ما راح اخلي ابوي يرميك على أي واحد..انتي تستاهلين رجال ولا كل الرجال..
مشاعل بعدت عن حضنه وباست راسه بقووووه..
:انت ابوي...واهلي كلهم..
واخذت يد جدتها وباستها: وانتي دنيتي كلها..الله لا يحرمني منكم..
عبد الله اخذ شماغه...:انا طالع...
ما حب يجلس بعد الدموع هذي قدام جدته واخته وكأه من الحريم..
ابتهال: راحت بيت اهلها...لسه ابوها طالع من بيتهم معصب..
مدى: الله يستر..تتوقعين ايش صار عليهم؟؟
ابتهال: علمي علمك..
ام سلطان: الله يعين قلب ام ناصر عليه..
مدى وابتهال بأسى: آمين..
وسمعوا التليفون يرن....
مدى: انا بروح ارد...الوووو
: السلام عليكم..
مدى: وعليكم السلام..
: هذا بيت محمد عبد العزيز آل..(.....)
مدى دق قلبها: ايوه..
:ولدكم سلطان عندنا بمركز الشرطه...
مدى صرخت: ليـــــــــه؟؟ وش فيه سلطان..؟
:خلي احد يجي المركز..
مدى: ما في احد يجي لكم..ابوي مو موجود في الرياض..
:طيب خلي أي احد يجي..
مدى: ما لنا احد..قولي وش فيه اخوي...؟
:سلطان متورط بقضية مخدرات...!
مدى:مخـــــــــــــدرات!!!!!!"ورمت السماعه"
ام سلطان حست ان كل عظم فيها يرجف: وش سلطان ...تكلمي يا مدى..
مدى ماهي قادره تصدق...
:يمه هذا يخربط..
ابتهال بكت: مدى...بسرعه تكلمي وش قال لك....؟
مدى تايهه:يقول...يقول "بكت" سلطان متورط بقضية مخدرات.......!
ام سلطان نغزها قلبها: ولدي انا...يتورط في قضية مخدرات.؟
ابتهال خافت على امها: يمه اكيد غلطانين.."ومسكتها"
ام سلطان ونغزات قلبها تزيد: سلطان....سلطان في السجن...ولدي....ولـــــ"واختفى صوتها"
مدى راحت ركض لامها: يمه...يمه..تكفين اصحي.."وضربتها على وجهها"...يمه...واللي يخليك تكلمي ردي علي..."صرخت"...ابتهال بسرعه مويه..
ابتهال بتجنن: ان...ان شا الله.."وراحت بسرعه ورجعت"
مدى د\موعها سيل على وجهها وترش المويه على امها وتضربها..
:يمه...يمه...يله اصحي.."وترش عليها وتهزها"...يمــــــــــه..يله ردي علي..
ابتهال تطالع مدى: ليه ما صحت......؟
مدى طالعتها بنظرات تايهه...وتهز امها: يمه.....يمه....ردي علي..
ابتهال: بروح اتصل بالاسعاف..
دقايق ووصلت الاسعاف...وطبعا سيارة الاسعاف ما قدرت تدخل بالحولاري هذي فا اضطروا ينقلونها على السرير لحد السياره...ووراها مدى..
: ابتهال انتبهي لاخواني..
ابتهال ميته بكي: طمنيني الله يخليك..لا تنسين.
مدى: طيب..
وطلعت واخذت تاكسي ولحقت امها للمستشفى..
>>>>>>>>>>>>>>>>>>>>>>>>>>>>>>>>>>>>>>>>
بالاسعـــــــــــــاف..
وصلت ام سلطان..على طول اخذوها على العنايه المركزه..
مدى ..رايحه جايه وتدعي ربها من كل قلبها.."يارب..يارب الا امي...مالي في هالدنيا غيرها..لا ابو..والحين حتى اخو ما عندي..ليه يا سطان ...ليه..مخدرات!!...يارب الطف فينا..ألطف فينا..."
ودقيقه ورا دقيقه..والساعه وراها ساعه ومحد طلع يطمن مدى على امها..
وابتهال كل شوي متصله تتطمن..
مدى: يارب...من الجأ له الحين...لا قريب ولا بعيد..مالي تحد..مالي احد...
قعدت على الكرسي وبكت..وبكت..وبكت وانفجرت بكي..
جوا عندها حريم يهدونها..
: بعدوا عني..ما ابي احد يهديني بعدووووا..ابي امي...ابي امــــــــــــــــي..
وفجأه طرى على بالها ضاري...
ووقفت: اتصل عليه...مالي الا هو..."وبسرعه طلعت جوالها"
وتنطره يرد: يله رد...رد..."
وما رد"
رجعت تتصل عليه وبسرعه رد ...وهو مستغرب..
:هلا مدى..
مدى تبكي: ضاري...مالي الا انت ساعدني..
ضاري اخترع: وش فيك يا مدى؟؟
مدى ما تدري وش تقول: سلطان بمركز الشرطه...وامي في العنايه المركزه...
ضاري وقف: انا جايك....جايك أي مستشفى..
مدى(.......)
ضاري: ثواني وانا عندك..
وفعلا ثواني الا ضاري بالمستشفى يدور مدى بين الاسياب وحصلها جالسه على الارض وسانده راسها على الجدار بتعب جنب غرفة امها...
ضاري: مدى!!
مدى طالعته: ضاري...
ضاريب مسكها من يدها ووقفها: وش فيكم....؟
مدى ما حطت عينها بعينه: سلطان بمركز الشرطه..وامي سمعت الخبر وطاحت علينا..
ضاري تنهد:لا حول الله...ان شا الله بتطلع بالسلامه بأذن الله..
مدى: ان شا الله...بس طولوا...لها ثلاث ساعات الحين..
ضاري انصدم وما بين: عاجي...شي طبيعي...ان شا الله بتقوم بالسلامه..
مدى سكتت..
ضاري جلسها على الكراسي: اجلسي هنا..
مدى صارت مثل اللعبه لو قالها ايش ما قالت لا...ما عاد فيها حيل تسوي شي...
جلس جنبها..وهو راحم حالها..وجلسوا نص ساعه ساكتين...
لفت عليه وهي تتكلم وماهي في وعيها..
:ضاري...لا تموت امي...لا تموت...
ضاري كسرت خاطره: ما راح يصير الا اللي ربي كاتبه لها..
سكتت مدى...وفجأه انفتح باب الغرفه...فزت مدى ووقف ضاري..
مدى ما قدرت تتقدم للدكتور..
راح ضاري لعند الدكتور وجابه عند مدى..
الدكتور: انت ولدها؟؟
ضاري طالع مدى:لا ...هذي بنتها..
الدكتور: وانت زوجها..
ضاري: لا ولد عمها..بس وش فيها ام سلطان طمنا..
الدكتور نزل راسه..
مدى عورها قلبها: امي وش فيها ..؟؟
الدكتور : احم.. نتيجة للإصابة بارتفاع ضغط الدم حصل انسداد الشريان ..حاولنا بكل ما فينا..
وانتوا مؤمنين بقضى الله وقدره......ادعوا لها بالرحمه..
مدى وقفت ساكته شوي....لسه ما بعد استوعبت اخر كلمه قالها الدكتور" اعدوا لها بالرحمه..." لفت على ضاري..
: امي...............ماتت!!!!!!
ضاري حس انها راح تنهار : مدى انتي بنت مؤمنه بقضاء الله وقدره..
صرخت مدى: امي مااااااااااااااااااتت..لا ...لا مستحيل..امي طيبه..امي عايشه..انتوا ما تعرفون ..
وراحت بتدخل الغرفه..
مسكها ضاري: مدى....اهدي...واذكري الله..
مدى: انت فكني..مالك دخل فيني...خلوني اشوف امي..
ضاري شدها بقوه: مدى قولي لا اله الا الله..
مدى تبكي منهاره: اتركوني...ابي اشوفها ..خلوني اشوفها...
ضاري سحبها: امشي معاي...
مدى سحبت يد وحده: اتركني.."وضربه باليد الثانيه" اتركني ادري انك انت واهلك ما تحبونا...اتركني...
ضاري شدها بقوه لعنده: خلاااااااااص مدى...تعوذي من ابليس انتي اقوى من كذا...
وحس انها ارتخت وطاحت من طولها عليه..
مسكها ضاري وسندها عليه: يا نيرس..بســــــــــــرعه تعالي..
سلطان كان ضام رجوله وساند راسه...ما يبي يشوف احد...شوي جلس جنبه واحد..
:خير يا الحبيب...
سلطان رفع راسه وطالعه...باين عليه راعي سوابق..كره نفسه وكره حياته..والساعه اللي عرف فيها مهند..
وانفتح باب السجن..
ودخل معاه ثامر..
سلطان وقف: ثامر...!
ثامر لف على سلطان:سلطان!! وش السالفه تكفى فهمني..
سلطان : ما ادري يا ثامر صدقني...انا والله ما اعرف عن الاشياء هذي انها بسيارتي..
وجلسوا..
ثامر: انا شاك بمهند...
سلطان سند راسه على الجدار بتعب: ما في غيره الوسخ...
ثامر: عشان كذا ما يبني معاك..
سلطان: وش الحل....؟
ثامر تنهد: شكل سالفتنا مطوله...ما ادري كيف نثبت برائتنا...قدامهم وقدام اهلي...
سلطان تذكر اهله: اهلي!!!....لو عرفوا وش راح يسوون....؟"ومسك راسه"..يا الله...يارب وش راح يكون مصيرهم وشلون راح يصدقون اني برئ...والحين لو عرفوا وش ردة فعلهم..
فتحت عينها وحصلت ضاري جنبها ويتأملها..
لمست خدها حصلت الغطاء مشيول عن راسها..
: لا تتحركين...
مدى: انا ليه هنا...؟
ضاري ما رد عليها ... ما يدري وش يقول لها يخاف يذكرها وتنهار عليه..
لكنها تذكرت والدموع نزلت على خدها...
: الله يرحمك يا يمه...تركتيني لحالي بالدنيا هذي...لا اخو ولا ابو ولا سند..
ضاري: مدى...الحين ارتاحي...انتي تعبانه وخليك من التفكير هذا...
مدى: امي راحت مني..وشلون ارتاح وشلون...!!
ضاري: ادعي لها بالرحمه ترتاح هي وانتي ترتاحي...
مدى بكت بصمت...
ضاري: وين اخوانك...؟
مدى تذكرتهم: في البيت...لازم ارجع البيت ابتهال لحالها..
ضاري: راح ارجعك لهم بس بعد مات يخلص المغذي اللي بيدك..
سكتت شوي ورجعت نامت مره ثانيه...
موضي بهمس: ترى محمد اخوك رجع من جديد...
لطيفه: محمد!!!
موضي: ضاري طلعه لنا...ما ادري من وين..؟
لطيفه وكأن السنين طمست اخوها من ذاكرتها..
: الا صح..وين كان هالسنين..مو قلتوا مسافر؟
موضي: الا كان مسافر..بعد ما اخذ حلاله تبرا منا..والحين رجع...
لطيفه: الله يا الدنيا...محمد!!....والله نسيت شكله...الله يهديه الفلوس عمت قلبه...
موضي: الا صادقه...
وصلت للبيت...
وقفت ساعه عنده..ما تدري وشلون راح تدخل...وتستقبل ابتهال بالخبر هذا..ولا تدري وشلون راح تدخل وتعصف بها الذكريات اللي ماليه البيت...ولا تدري وشلون راح تكمل حياتها من بعد ما راحت منها روحها...
ضاري شجعها: توكلي على الله...ابدخل معاك..
مدى بالوقت هذا محتاجه لاي شخص يوقف معاها مهما كان..فتحت الباب..ودخلت..
ابتهال سمعت صوت الباب وفزت ...ووقفت بنص الممر وجنبها بدر ووداد..
واقفه تنتظر مدى ومعاها امها...شافت مدى داخله وجنبها واحد..ولما قربوا شوي ميزته..
هذا ضاري...استغربت وجوده..بس هو مو همها الحين..
قربت لمدى: وين امي.....؟
مدى طالعت عيون ابتهال...كيف راح تقول لها..
ابتهال تبي أي جمله الا الجمله اللي تقراها بعيون مدى..
:في المستشفى تعبانه...؟
مدى ودموعها تنزل هزت راسها بلا..
ابتهال غرقت عيونها دموع وصوتها اختفى: اجل وينها...؟
مدى رفعت راسها فوق للسقف تبي تشوف روح امها..
:ابتهال......امي راحت..
ابتهال لفت على ضاري اللي كان منزل راسه وواقف ورى مدى..ورجعت تطالع مدى..
:مدى..بلا هبل وين امي؟؟....من شوي كانت طيبه وما فيها شي...لسه قالت لي اسوي القهوه...وقبلها كنا نسولف مع بعض..حتى انها دعت لجدة مشاعل ام ناصر تذكرين؟؟...والله ما كان فيها شي..
مدى بكت بصوت عالي: خلاص يا ابتهال..خلاص ..قلبي عورني..
ابتهال صرخت: مـــــــــــدى..امي...امي وينها؟؟لا تروح لا تخليني من لنا غيرها...
ضمتها مدى: ابتهال تكفين اسكتي..
ابتهال: القلب الحنون ما تقدر تخلينا لحالنا...ما تقدر تخلي بناتها..
مدى: الله يرحمها..
ابتهال صارت تصارخ وتشاهق ومدى ضامتها بقوه...
ضاري شاف وداد وبدر دخلوا في عالم الدموع وهم ماهم عارفين ايش اللي صاير...اخذهم وطلع معاهم للملحق ...وقبله مع مدى داخل...
"مساكين بنات عمي....والله عانيتوا كثير...."
ضاري بالصاله...ومدى وابتهال بالغرفه يعزون بعض..
ابتهال: وين ابوي..؟
مدى: ما شفته يومين..
ابتهال: لو عرف ....بيحس؟
مدى: ما ادري يا ابتهال..
وسكتوا شوي..
مدى: ضاري..برى..
ابتهال: خلينا نطلع له..
ولبسوا حجابهم وطلعوا له..
مدى: اسفين يا ضاري تعبناك معانا..
ضاري: لا تعب ولا شي...
مدى: كان تبي تروح...روح الله يجزاك الف خير....
ضاري: ما راح تركم هنا لحالكم..
مدى: ما لنا مكان ..هذا بيت ابونا..
ضاري: سلطان مو معاكم وما اقدر أئمن عليكم هنا...
مدى تذكرت سلطان: سلطان ما اجري ايش عليه.."وخنقتها العبره"
ضاري حس فيها انها راح تبكي: خلاص انا رتح اتكفل بموضوعه لا تخافين...بس الحين خذي لك كم غرض مؤقت..راح اسكنكم بفندق..
مدى: ماله داعي ضاري..ما راح يصير علينا شي..
ضاري تنهد: مدى...خلاص سوي اللي اقوله لك..
ابتهال أيدت فكرته تبي تبعد عن البيت شوي...تحسه خانقتها ريحة امها فيه..
: الا مدى نبي نطلع..
مدى سكتت...وراحت تجمع اغراضهم..
>>>>>>>>>>>>>>>>>>>>>>>>>>>>>>>>>>>>>>>>
بغرفه بالفندق....
ضاري بعد ما تطمن على كل شي..
: مدى تعالي شوي...
مدى قربت..بعد ما جففت دموعها اللي كل شوي تخونها وتنزل..
: هلا...
ضاري: على موضوع سلطان لا تشيلين هم...انا بشوفه اوكي..وثاني شي بالنسبه لي.....احم.....ام سلطان بكره اجي واخذك نروح لها ونصلي عليها زين...
مدى تجمعت الدموع في عينها وهزت راسها يعني اوكي...
طلع ضاري مكا تحمل منظرها...كسرت قلبها نصين...
مدى حست انها ضايعه تايهه...اكيد ان هذا حلم لحد الان حلم مو حقيقه...
فــــــــــــي المستشفــــــــــــى..
:سامي...لازم تسافر المانيا..
سامي: ليه؟؟؟
اريام: هناك العلاج افضل لك..
سامي بعفويه: مستحيل اسافر واخليك ..
اريام ابتسمت له من داخل: ومن قال اني راح اخليك...انا معاك...ايش قلت..؟؟؟
رجع لبيتهم محدود حيله..كان يوم حافل..
دخل حصل زحمه وازعاج..
"يا الليل..والله تعبااان"
راح لعند الصاله: السلام عليكم..
الكل: وعليكم السلام...
لطيفه: يا هلا والله ببعد حيي..
ضاري والتعب واضح عليه: هلا فيك..
لطيفه قامت له: ضاري فيك شي..؟
ضاري: لا..ما فيني شي..
لطيفه قربت منه اكثر: لا والله..وجهك يقول غير كذا..
ضاري تنهد: عمتي والله ما فيني شي...بس واحد من العيال متوفيه امه وكنت معاه..
لطيفه حزنت: لا حول الله..اجل روح ارتاح يا بعد قلب عمتك..
ضاري حاول يبتسم: ا نشا الله.."وطالع موضي"..تصبحون على خير..
موضي ما ردت عليه..وراح وخلاها..كان ناوي يعدي البنات..بس وين ..وفيه رهام وريماس..
ريماس: مساء الخير ضاري..
ضاري وهو يضغط اللفت: هلا هلا..
رهام: كيفك يا ولد الخال..؟
ضاري: بخير..
ووصل اللفت: يله عن اذنكم..تصبحون على خير..
واختفى عن عيونهم..
ريماس انقهرت: بس!! ما امداني اشوفه زين حتى..
لانا بجديه: شكله تعبان..
رهام: لا واضح عليه..
دانا: يا قلبي عليك يا اخوي...الشغل هد حيله..
مأثر: الله يعينه..
ريماس لفت عليها بقوه: ما ادري احس في ناس حاشره نفسها بالغصب..
مأثر ما ردت عليها..
لانا: ريمو...خير ايش الكلام هذا..
ريماس: يا اختي اخوك ينرفز..
>>>>>>>>>>>>>>>>>>>>>>>>>>>>>>>>>>>>>>>>>>>>
رمى نفسه على السرير بدون ما يبدل ملابسه..
:آآآآآخ..ظهري بينكسر...والله قطعتي قلبي يا مدى..الله يعينكم ويصبركم بس..
وراح في نومه بدون ما يحس باللي حوله..
النوم ماله مكان الليله بينهم..وهم عارفين ان الجاي اصعب من اللي راح..ايام مجهوله تخفي الكثر..وتحمل بين طياتها احداث ما تجي لا على البال ولا الخاطر..
مسحت دمعه نزلت غصب عنها...حاولت توقف دموع..بس الدموع رافضه ومعلنه التمرد..
: نمـــــــــتي..؟
مدى: لا..
ابتهال لفت عليها: مدى احضنيني....اشتقت لامي..اشتقت لها وربي..
مدى حضنت ابتهال والالم مالي قلبها..ونامت كل وحده في حضن الثانيه..
الليله بعد ما كانت هينه عليه..صعبه ينام في مكان مو له..وداخله ظلم واضطهاد..صار يتقلب وكأن الجمر تحته..
: سم بالله ونام...وبكره بأذن الله احسن..
سلطان تنهد من قلب: الله يسمع منك...الله يسمع منك يا ثامر..
فز من نومته: بسم الله ارحمن الرحيم..اعوذ بالله من الشيطان الرجيم..اووووف وش هالحلم...الله يستر..
قعد على حيله..شاف ثوبه عليه من امس..دخل دورة المياه واخذ له شور يرد روحه شوي..وبدل ملابسه ونزل..
مر في الصاله ما حصل احد..شافهم على طاولة الاكل يفطرون..
: صباح الخير..
الكل: صباح النور..
ضاري: انا طالع..بالعافيه عليكم..
ابو ضاري ما كلمه من اخر مره ..بس طالعه بعيونه..
ضاري عرف ان ابوه زعلان عليه..بس ما عليه من احد ..وهو حاط في راسه موال.."وطلع"
موضي نغزها قلبها.."وش عنده اليوم جمعه وطالع بدري..الله يستر من هالولد"
دانا: وين اريام..؟
موضي: ما جات الا متأخر ونايمه..
>>>>>>>>>>>>>>>>>>>>>>>>>>>>>>>>>>>>>>>>>>>
بعد الفطور..
جالسه تستنى الفرصه عشان تكلمه..
: الا اقول حمد..
حمد لف عليها: خير..
موضي: وش راح تسوي لولدك ضاري..
مد لف للجهه الثانيه: ما ادري..
موضي: طيب انا عندي حل..
حمد عارف حلولها فا ما اعطاها أي اهميه: وايش هو..؟؟
موضي: اكتب الحلال باسمي..
حمد انصدم: نعــــــــــم!!
موضي بلعت ريقها: عشان ما يكون في يد ضاري حل..الحلال حلالي..
حمد سكت" مجنون انا اكتبه باسمك..اعطي اخوي ولا اعطيك.."
موضي: ها ايش قلت...؟
حمد: اشوف..اشوف..
موضي.."مالت عليك بس"..
وصل مركز الشرطه..ودخل عليهم..وتفاهم معاهم وعرف ان سالفة سلطان ماخذه وقت..
: طيب ممكن اشوفه..؟
وبما ان ضاري عنده وسطات ومعارف فا كان وضعه ماشي..
سلطان يمشي في الممرات..وماهو عارف من اللي جاي يزوره..
"يعني ممكن يكون ابوي...؟"
وطاحت عينه عل ضاري واستغرب وجوده..
: ضاري...!!
الضابط: اخليكم براحتكم..."وطلع"
وقف ضاري وحضنه: هلا سلطان..
سلطان ما تفاعل معاه وسكت..
ضاري حس بسلطان: انا راح اتابع قضيتك لا تخاف..
سلطان بلهفه: اهلي تعرف عنهم شي..؟
ضاري اهتز كيانه..بس ما بين..ايش يقوله وايش يخبي عنه..ما يقدر يقوله امك توفت والسبب انت..ولا يقدر يسكت لان مفروض يعرف الشي هذا...
سلطان لاحظ صمته: ضاري...فيهم شي..؟
ضاري ابتسم وحط يده على كتفه: لا تقلق انا نعاهم..
سلطان: الله يخليك انتبه لهم..ترى مالهم في هالدنيا احد..
ضاري: هم بعيوني يا ولد عمي..
سلطان ارتاح نسبيا..ضاري واضح عليه ثقه..
: تسلم والله..تكفى يا ضاري ساعدني ابي اطلع من هنا وربي برئ ولا لي دخل بالسالفه..
ضاري: ايوه..انا ماشي في موضوعك ولا تخاف..وراح نعرف من دبسك بالسالفه..
سلطان: هو واحد مافي غيره..
ضاري انصدم: تعرفه....؟؟؟
سلطان: ايوه..واحد اسمه مهند..هو الوحيد اللي بيسوي فيني كذا..
ضاري طلع للضابط..وخله يرجع يفتح التحقيق من جديد..ويجيبون هذا اللي اسمه مهند ويحققون معاه هو وشلته الكريمه..
توجهه للفندق...وشايل هم ..كيف راح ينقل البنات عشان يودعون امهم للمره الاخيره..
ضرب باب الغرفه,,,شوي وانفتح..
ابتسم ابتسامه حلوه: يا صباح الخير..
مدى نزلت راسها: هلا تفضل..
دخل ضاري وجلس..
جلست مدى قباله ..
رفع عينه عليها..وجهها اصفر وبدون ملامح..خاف عليها..
:مدى اكلتي شي...!
مدى هزت راسها بلا..بعدين تكلمت: ما اشتهي..
ضاري وقف: لالا كذا ما يصير..
دخل المطبخ ورجع معاه عصير..
: اشربي هذا على الاقل يرد روحك شوي..
مدى بتبكي: والله مو مشتهيه..
ضاري رحمها: معليش اغصبي نفسك..تبين تطحين علينا...؟
مدى خذته منه وشربت شوي ومسكته..
طلعت ابتهال..وباين انها لسه باكيه لحد ما ورمت عيونها..
: لازم نروح بيتنا قبل..خلينا نشوف ابوي..
مدى خلاص العبره ذبحتها ماهي قادره تتنفس بس ماتبي تبكي..وتبكي ابتهال معاها..
: انا رايحه اجيب عبايتي..
جلست ابتهال..
ضاري بترجي: قوي نفسك عشانك وعشان اختك..
ابتهال كالعته وهزت راسها بـتأييد..
طلعت مدى متغطيه..وطلعوا كلهم للسياره..ومعاهم وداد وبدر..
مدى: انا بنزل اشوف اذا كان في البيت ولا..؟
ابتهال: اذا كان موجود خليني اجي معاك..
مدى: طيب..
فتحت الباب..وهي قد ما تقدر تسرع بخطواتها..دخلت للصاله ..وهبت عليها ريحة امها..حستها خنقتها..
لفت شافت ابوها جالس ونص صاحي...
رجعت لابتهال واشرت لها تجي معاها..
جلسوا الثنتين عند ابوهم وطالعوه..
ابتهال بهمس: الله يرحمك يمه..."وبكت"
مدى: ابتهال.. لا تفضحينا لحد ما افهمه السالفه..
حاولت ابتهال تمسك نفسها...
مدى: يبه..
لف عليها ابو سلطان..
مدى وعيونها امتلت دموع: يبه..امي...امـــ"وشهقت"
ابو سلطان حس ان في شي: وش فيها ام سلطان...؟
مدى ما قدرت تتكلم..
ابو سلطان احترق في مكانه: وش فيها امك...؟
مدى: تطلبك الحل...امي راحت..يا يبه راااحت..
ابو سلطان وقف: وش تقولين...؟
كان صوت بكي مدى وابتهال كافي يكون جواب وتأكيد له..
حس ان الدنيا تدور فيه..ام سلطان راحت..!! وشلون..؟
زوجته اللي حبها طول عمره..عاشت معاه مره اكثر من حلوه..ذاقت منه الويل..وتحملت معاه الالم والآه.....راحت!!
نزلت دموعه: الله يرحمها...."ونزل راسه"..دفنتوها...؟
مدى هزت راسها بلا..
ابو سلطان حس براحه شوي...على الاقل راح يدفنها...حس نفسه صغير...لهدرجه انا ما ادري عن الدنيا..لهدرجه وجودي والعدم واحد...زوجتي راحت وانا موجود وما اعرف الا اخر شخص..وبناتي يعانون لحالهم..
طاح على الارض ومسك راسه..."حرام اكو ناب...حرام اكون زوج...احرام اعيش انا وهي تموت...حرام"
وبكى...بكاء الرجال غير..يهز كيان البيت..يدمر قلوب البنات..ويأثر فيهم..دمعته دمعة قهر والم..ويمكن حقد على اللي كان السبب في حاله...
حضنوه ابتهال ومدى...وبكوا في حضنه لاول مره..
: عظم الله اجرك يبه...راحت للي ارحم منا..
ابو سلطان: ما شافت معاي يوم حلو..
مدى: ربي يعوضها الجنه ان شا الله..
>>>>>>>>>>>>>>>>>>>>>>>>>>>>>>>>>>>>>>>>>>>>
ضاري حس انهم تأخروا..
: بدر...وداد..خليكم عاقلين انا بروح شوي واجي زين..؟
الاثنين: زين..
نزل ضاري ودخل ..شافهم حاضنين ابوهم..اثر فيه المنظر..عمره ما حس بالحنان..لا ام..لا اب..بس فيه مرت ابو...علمته كيف القهر..زرعت في قلبه القسوه والحقد..دايم هو بعيد عنها وعيالها القريبين..عيالها ياخذون كل شي وهو ولا شي...
هو الغريب...المنبوذ...عمرها ما حسسته بالحب وشاف منها صدر حنون..لا في طفوله ولا مراهقه ولا شباب..
مدى بعدت عن ابوها: يبه نمشي...
ابو سلطان وعينه مكسوره: يله..
ضاري راح يسلم عليه: عظم الله اجرك يا عمي...
ابو سلطان رفع عينه بقوه: وش جابك انت...؟
مدى بسرعه: يبه..ضاري هو اللي واقف معانا...
ابو سلطان سكت...بس في باله...ان مستحيل يطلع من اخوه بذره صالحه..
اخذهم ضاري للمغسله وغسلوها وصلّوا عليها ودفنوها..
وصار العزاء في بيتهم..
:راح اجي لعندك في البيت..
دانا: لا..فيصل خلينا نلتقي برا,
فيصل: دنو..ايش فيها لو جيت بيتكم...؟
دانا: ما فيها شي..بس...يعني..
فيصل: اذا انتي منحرجه مني قولي..
دانا: لا والله مو منحرجه..
فيصل: اجل خلاص انا ابي اجي عندك..
دانا: اوك..خلاص حياك يا قلبي..
فيصل فرح: دقايق وانا عندك..
مشاعل ومرام جالسين جنب ابتهال يواسونها...وكان البيت زحمه من الحريم اللي جايين يعزونهم..
ابو سلطان قفل على نفسه الغرفه ولا قابل احد..
مدى كل مالها وتزيد همومها ومسؤولياتها..الحيد بدال ماهي مسؤوله عن معيشتهم بس..صارت هي الكل لهم..وتحاول تغطي مكان امها..
كان عزاء الرجال في بيت مشاعل اقرب بيت لبيتهم..والمسؤول عنه ضاري..
عبد الله: اجل وين سلطان...؟
ضاري: لسه ما عرف عن امه...
عبد الله: ليه..؟؟ مفروض تقولون له..
ضاري يصرفه: ما ندري وينه..وجواله مسكر..بس اكيد راح نقول له..
عبد الله سكت...ومع أنه ما اقتنع بالعذر.."سلطان وين راح يروح...؟"
بالليــــــــل..
ادنا لبست برمودا بيضاء وتشيرتاسود..وشوز اسود..وحطت مياك اب خيفيف وناعم ..
لانا: على وين...؟
دانا: بيجي فيصل..
لانا ما استوعبت: هنا....؟
دانا : ايوه..
لانا: ليش تخلينها تجي بيتنا...انا ما هضمتها برى عشان تجي عندي..
دانا: لانا..بليو لا تدخلي وهي جايه لي مو لك..
لانا: ما علينا...شوفتي اريام بتروح المانيا..
دانا انصدمت: ايش....؟ وليه.؟
لانا: تقول دراسه..بس انا اشك في هالبنت...طالعه لنا بحركات..
دانا: عيب عليك هذي اختك...وبعدين اريام عاقله..
لانا: الله يستر...بس بصراحه توقعت ابوي يرفض...
دانا: على اريام ما راح يقول شي...
لانا: معاك حق..ما يسمع في اريام..ما ادري على ايش...المهم انا رايحه لغرفتي..
دانا: اوك..."ونزلت"
وحصلت امها: هاي ماما..
موضي: هايات...على وين..؟
دانا: بتجي صاحبتي..."وسمعت صوت الجرس"...هذه هي..
فتحت الخدامه لها...
راحت دانا تستقلبها...احتضنها فيصل بطريقه غريبه مو مثل الحضن العادي طبعا..
وطالعها: اشتقت لك...
دانا: وانا بعد..
فيصل ابتسم بخبث: وانتي ايش...؟
دانا استحت: فيصل يله عاد..تفضل..
دخلوا عند موضي..
: ماما هذي صاحبتي..
موضي انصدمت ..تطالع الشعر..واللبس ...والاكسسوار اللي عليها..
:هلا..هلا والله..
فيصل صافحها: هلا فيك..
دانا: هذي ماما..يا ماما هذي..آآ...احم..."وطالعت فيصل"
فيصل: انا اشواق..
موضي: هلا حبيبتي كيفك..؟
فيصل: الحمد لله تمام..بس بصراحه باين وكأنك اخت دانا مو امها..
موضي انتفخ راسها: ههههههه ربي يسلمك قلبي...تفضلوا تفضلوا..
دانا: لا مامي...راح اروح غرفتي اريح لنا..
موضي: اوك براحتك..
دانا مشت جنب فيصل..
: بصراحه قصركم روعه..
دانا: ذوق مامي...
فيصل: اها...باين ان امك شي..
دانا: سيدة مجتمع مرموقه.."وقابلت اريام طالعه"..هلا اريام..اعرفك على صاحبتي..
اريام طالعت فيصل من فوق لتحت: صاحبتك..!! هلا والله وغلا..
دانا: اشواق..وهذي اختي اريام..
فيصل : هلا اريام..
اريام: تشرفنا...عن اذنكم الحين مستعجله..بس لي جلسه معاكم..ان شا الله الحق عليكم..
دانا: ا نشا الله..
وراحت اريام..
فيصل: هذي غير عنكم..
دانا: اريام شخصيه مستقله..بس هي تبي تشوفك بما انها اخصائيه تحب تدخل نفسها بكل شي ههههههه ولانا تكرهه هالنقطه ودايم تقول تفشلني لانها تتدخل في صاحباتي لما يجوا عندنا..
فيصل: ههههههههههه
ووصلوا لغرفتها..
دانا: وهذي غرفتي....لالي."وجات عندها..وهذي لالي..
فيصل شالها: واااااااااو..بصراحه شي..
لالي خافت منه..
دانا: لالي اعقلي..
تركها فيصل: شكلها ما حبتني..يحق لها بعدك ما راح تحب احد..
دانا ابتسمت له: ما توقعت اسمك اشواق..
فيصل عقد حواجبه: ما احب الاسم هذا...اسمي فيصل وبس..
دانا: بس توهقت مع امي ههههههه..
فيصل: عادي تصير..بس حلو امك تقبلتني..
وجلست على السرير..
شافت صور عائلتهم على الطاوله اللي جنبها..
: ما شا الله عليكم..حلوين مع بعض...بس من هذا..؟
دانا ابتسمت: هذا ضاري..
فيصل: بصراحه اخوك شي باين انه شديد..ومن هذا..؟
دانا: هذا ولد الغربه اللي قلت لك عليه..
فيصل طالع الصوره ما قدر يتركها...في شي جاذبه بالولد الغريب هذ..
دانا: خلي الصوره ..ما عليك منهم..
وكملوا السهره مع بعض...
اخـــــر الليــــــــل..
ابتهال: مدى تكفين كلي شي..الله احسك راح تموتين..
مدى: من وين لي نفس..تكفين ابتهال ابعدي عني هالاكل...
ابتهال: ما يصير..انا مالي نفس بس غصبت عمري..يله مدى..
وسمعوا صوت..احم احم..
ودخل ..السلام..
ابتهال: هلا ضاري ..تعال شوف مدى ما حطت شي في فمها من الصباح..
ضاري: لالا.ليه يا مدى ما اتفقنا ما تهملين حالك..
مدى تحس كبدها لايعه من كل شي ومن كل الناس..
:مالي خلق شي..
ضاري: على الاقل شوي..
مدى: والله ما اشتهي خلاص لحد يجبرني..
وسمعوا باب غرفة ابوهم يفتح...طلع وباين انه باكي لحد ما انفجر راسه..عليه ثوبه وشماغه بيده ومر من عندهم ساكت..
: على وين يبه..
محمد: ما راح تشوفون وجهي مره ثانيه..انا ما استاهل اني اكون ابوكم..
وقفت ابتهال ...وبعدها مدى..
: يبه لا تتركنا انت بعد..
محمد طالعهم: سامحوني يا بناتي..."وراح"
لحقته ابتهال : يبه..وقف ..وقف الله يخليك..
لحد ما تسكر الباب في وجهها وراح..
مدى طاحت على ضاري..
ضاري راح لها بسرعه وقرب من عندها..يبي يمسكها ما قدر..يبي يصحيها بس ما يقدر يلمسها...حس انه عاجز وما يدري ايش يسوي....
صرخ: ابتهااااااااااال..
جات ابتهال وشافت مدى طايحه على الارض واخترعت: وش فيها..
ضاري راح يجيب لها مويه من المطبخ..وصحتها ابتهال..
وهي تبكي: مدى اصحي...لا تخليني بعد انتي..
فتحت عيونها مدى..:ابتهال!!
ابتهال: هلا يا قلب ابتهال انتي...
مدى شافت عيون ضاري تراقبها بخوف..
: انا بخير...لا تخافون..
ضاري واخيرا تكلم: هذا اللي ما ياكل..
مدى ضاقت فيها الدنيا: وهذا ابوي تركنا بعد..ابتهال قولي لي من بقى لنا..؟
ابتهال سكتت..
ضاري: سلطان بيطلع.................وانا معاكم ما اكفي..
مدى سكتت وودها تقوله ترى ما دمرنا الا انت واهلك..
ضاري: شكل مالكم رجعه للبيت هذا..وانتوا مالكم احد هنا..خليكم في الفندق لحد ما يطلع سلطان ونتصرف..
مدى وابتهال سكتوا...ضاري الحين وليهم بعد الله..مالهم غيره..وخصوصا ان سلطان مصيره مجهول..
وفعلا نفذوا اللي قاله ضاري واخذوا اغراضهم كلها..وتركوا بيتهم للابد مع كل ذكرياته المره والحلوه اللي محسوبه عليهم..
سامي: انتي متأكده من قرارك..
اريام: ايوه..
سامي: طيب عندي لك طلب واتمنى ما تفهميني غلط..
اريام: تفضل...
سامي: ايش رايك اتقدم لك ونسافر......
اريام انصعقت من الفكره..:شنـــــــــــو....؟؟
جالسه هي وجدتها..
: يمه والله يرحمون..ابتهال قطعت قلبي..
ام ناصر: ما ينلامون يا مشاعل هذي امهم نور الدنيا...الله يغفر لها ويرحمها..
مشاعل خنقتها العبره: ما عاد لهم احد..انا الحمد لله يوم راحت امي ربي عوضني فيك يا جده وانتي تسوين كنوز الدنيا وما فيها..بس هم مساكين..
ام ناصر مدت يدها لمشاعل عشان تجي في حضنها: تعالي يا امي..ربك معاهم..الله يثبتهم ويصبرهم يارب..
دخل عبد الله وجلس..
: الله يعينهم بجد..حتى سلطان مو معاهم..
مشاعل بعدت بسرعه من حضن جدتها: وينـــــــــــــه..؟؟؟
عبد الله رفع اكتافه: ما ادري..ما فهمت كلام ضاري..يقول انه لسه ما عرف عن امه..
مشاعل وهي تمسح دموعها: مو معقول ما عرف..ابتهال ما جابت طاري سلطان ابد..ولا علقت على الموضوع..
عبد الله: يقول انه ما يعرفون وينه وجواله مسكر..
مشاعل والافكار توديها وتجيبها: لالا مستحيل سلطان يخليهم..هو عارف انهم بحاجته ولا عمره تركهم يوم....!
عبد الله: والله علمي علمك..
مشاعل ما تطمنت للموضوع..وحست ان سلطان فيه شي قوي مانعه من انه يحضر عزاء امه...
سكتوا شوي....
عبد الله: ترى ابوي اتصل علي..
مشاعل رفعت عينها على عبد الله خايفه: وش قال...؟
عبد الله: يسأل عنك...بيشوف رجعتي للبيت ولا؟
مشاعل: انا خايفه يطب علينا فجأه واروح فيها..
عبد الله: انا بتصرف مع الرجال نفسه مو مع ابوي..
ام ناصر: زين تسوي يا عبيد..
سامي: ايش رايك اتقدم لك ونسافر...!!
اريام انصدمت: أيــــــــــش.....؟؟؟
سامي نزل راسه وهو بدا يحس بالالام بكل جسمه: انا اسف..ادري انك ما انتي مجبوره ترمي نفسك على واحد مريض ولا في امل من علاجه..
اريام: لا سامي لا تقول كذا...انا ما قصدت..بس...بس انت فاجأتني..
سامي: طيب انتي فكري بالموضوع..وانتظر ردك..
اريام سكتت وراحت بعيد"السالفه ما فيها تفكير..حالتك يا سامي ما تسمح اطولها..وكيف راح تتقدم لي وانت تعبان..واهلي بيوافقون عليك...؟؟"
وقف تفكيرها عند النقطه الاخيره..وحست ان الدنيا ظلمت قدامها..اهلها هو الشي الوحيد اللي ما تظمنه..
سامي والألم اكل جسمه: اريام..خلي النيرس تجي تعطيني ابره..خلاص مو قاااااادر اتحمل اكثر..
اريام صحت من تفكيرها: طيب ثواني..."وطلعت"
راحت للنيرس وهي تكفلت بالموضوع..
وجلست على كراسي في الممر..
: دكتوره اريام!!
اريام رفعت راسها بشويش: هلا..هلا د\كتور خالد..
خالد حس قلبه عوره وحن لأيام اريام ..كان كل صباح يحس بشعور رائع لما يصبح بوجهها..تسعده لما تضحك له...يفرح لما يشوفها فرحانه..فجأه تغير حاله وحالها..دنيا دواره ما لها آمـــان..
: فيك شي.....!
اريام هزت راسها بلا....
:ايش صار على موضوع سامي..
خالد بدا يغلي من جوا..يسألها عنها تسأله عن سامي.."لهدرجه ماخذ عقلها"
:ايوه ...خلاص...رحلته بعد ثلاث ايام..
اريام وقفت: يوم الاثنين..؟؟؟؟
حست الايام سريعه وما تقدر تلحق فيها شي..وفكرت ان لو سامي تقدم لها افضل في انها تساعده وتكون ماخذه راحتها معاه..ولا يكون بينهم حواجز..
خالد: ايش راح تسوين..؟
اريام وهي تعدل نقابها:...بروح معاه..........
خالد حس ان قلبه وقف عن النبض.."تروح معاه"...وش عشانه ومن يكون وليه كل هذا....؟ ....بس مريض ويا ما مرضى مروا عندها ما سوت كل هذا ..يكون تحبه...!
: تحبيـنــــــــــــــــــــــــه....؟؟؟
جاء سواله مثل الضربه على راس اريام..هي انصدمت من السؤال وتلعثمت في الجواب..لانها ما تدري اصلا ليه هي قاعده تسوي كل هذا..ولا تدري ليش سامي اكبر همومها..وما تدري ليش مستعده تضحي بحياتها عشانه..
خالد طالع عيونها اللي فيها الحريه من حركتها السريعه..
عرف انها مو بوعيها وانها تركض ورا مشاعرها بدون ما تحس..
واخيرا تكلمت اريام: مشكور على اللي سويته...عن اذنك..
وراحت...وقلبها وجسمها يرجف"انا اعشق سامي مو احبــــــــــه"
كان اول شخص يحسسها بقيمتها..دكتور خالد ما حست معاه بشي مع انه كان واضح حبه لها..بس كانت مشاعرها تميل للكره اكثر..سامي غير..سامي الواعي..سامي المرح..سامي الحياة بجسمه..سامي الحنون الطيب الاخلاق الدّين..سامي صار دمها اللي يمشي بعروقها باختصار..قدر يسحب قلبها ويسلب عقلها..وعندها استعداد تفدي روحها عشان ترضيه..
لاهيه تلبس وتكشخ..وسمعت رنة موبايلها..
"ناويلك على نيه..بس انت اصبر شويه"
: اوووووف يا الله صباح خير..ايش يبي هذا؟
راحت لموبايلها وردت: الووو..
اياد يمووووت بصوتها الصباح: يا هلا والله وغلا..يا صباح الخير..
لانا: هلا صباحو.
اياد: اخبارك...؟
لانا: تمام....ايود مستعجله تأخرت على المدرسه..
اياد بجرئه: ابي اوصلك....!
لانا بنفسها" هذا اللي ناقص اروح معاه بروحي...ليه بايعه نفسي"
: ما اقدر بيبي انت عارف مررررررررره صعبه..
اياد: بس مشتاق لك موت..
لانا : وانا اكثر ...بس ما اقدر..
اياد: طيب لما ترجعي من المدرسه...
لانا: هم ما اقدر..
اياد: لنو...راح ازعل...انا ابي اشوفك..معاي مفاجأه لك..
لانا: بحاول..اكلمك لما اطلع من المدرسه...باي.....والله النشبه..بس ايش جايب لي..اكيد شي على مستوى..ابوه عنده ملايين..صح انه يعتبر في طبقتنا بس نستفيد ايش ورانا..
وابتسمت وطلعت من غرفتها..
نزلت حصلت امها وابوها ودانا...وجلست..
: وين البقيه....؟
شافت ضاري نازل مستعجل..ويسكر ازارير ثوبه وهو يمشي...مو عادته..بالعاده يكشخ فوق وينزل بهدوء..
مر من عندهم بسرعه: صباح الخير...ما راح افطر معاكم مستعجل..
محد رد عليه الا دانا ابتسمت في وجهه..
: وصلني معاك..
لف عليها: اريام مرررره مستعجل..
اريام: بس ابيك توصلني اليوم...ما راح يطير الشغل..
سكت ضاري شوي..وهو مستغرب اصرار اريام وحاس ان عندها شي..
:يله تعالي..
اريام: بالعافيه عليكم..يله باي....."وطلعوا"
موضي: وش عنده مستعجل...لا يكون هو اللي بيفتح باب الشركه للموظفين..
ابو ضاري استغرب السالفه بجد: اصلا من امس وهو ما داوم في الشركه..
موضي خافت: اجل وين يروح....؟
ابو ضاري: ما ادري عنه هالولد..
لانا ودنا سحبوا نفسهم وطلعوا..
موضي:والله العالم ان ولدك..بيسوي اللي في راسه والحين قاعد يمشي في موضوع حلال اخوك..يا حمد انت مستوعب ان تعبنا هالسنين كلها بيروح في الهوا..
حمد: ما في يدي شي...وش اسوي...؟
موضي بخبث: قلت لك...اكتب الحلال بأسمي..
حمد: بأكتب نصه..على الاقل اضمن شي..
موضي انبسطت: صح لو نصه...ولا نصفي على الحديده..الحلال كله حلال اخوك..ما راح يبقى لنا شي..
حمد وهو يسترجع الماضي: الله يهديه ابوي..
موضي بنفسها" محد قالك تاخذ اجنبه"
: الحين اللي راح راح..وخلنا نأمن مستقبلنا ومستقبل عيالنا..
صحت من نومتها اللي حستها ثقيله على صدرها كلها كوابيس واحلام مزعجه..
: لا اله الا الله.."تلفت حولها وتذكرت وينها فيه"...الله يغفر لك يا يمه ويجعل مثواك الجنه..
شافت بدر ووداد نايمين بكل برائه ..حسدتهم .صغر ما يفهمون ايش اللي صاير حولهم...اذا بكت بكوا معاها ..واذا سكتت سكتوا..يلعبون ويضحكون وما هم عارفين ايش مخبيه لهم الايام الجايه..
ومن الجهه الثانيه همها الاكبر...بنت في عمر الزهور عايشه حياة قاسيه..في البدايه ما عندها اب..وكانت تعاني..الحين لا ام ولا اب..كيف راح تقدر تسعدها ولا تعوضها..ولا تنسيها جروحها والآمها ..القدر قسى عليهم وما ترك لهم فرصه يشوفون حياتهم مثل باقي الناس..
دخلت دورة المياه...تبي شور باااااااااارد عسى يطفي لهيب قلبها شوي..ويمكن تزول كا احزانها وتصحى من كابوسها الاعظم ..وتكتشف ان اللي صار لها مجرد حلم..
دقايق وطلعت حصلت ابتهال جالسه وضامه رجولها لصدرها..ورايحه في تفكير عميق...خافت على اختها ما تبيها تفكر بشي.ولا تشيل هم شي..هي مستعده تشيل كل همومهم..
قالت بسرعه: ابتهـــــــــــال..
ابتهال اخترعت: نعم..
مدى تصرف: يله قومي...روحي دورة المياه..
قامت ابتهال وهي ساكته..وذبحت قلب اختها بسكوتها..مثل الشمعه اللي ذابت..
"يارب هون على المحزون ضيقاته......."
&&&&&&&&&&&&&&&&&&&&&&&&&&&&&&&&&&&&&&&&&&&&&&& &&& &&&&&&&&&&&&&&&&&&&&&&&&&&
دخل مركز الشرطه..وغي غرفة الضابط بالضبط..جالس ينتظر دخلة سلطان عليه...
جاء سلطان وهو مبتسم...حس ان ضاري هو الوحيد اللي واقف معاه..وهو اللي يمده بالامل لو حس ان اليأس سيطر عليه..
: السلام عليكم..."وسلم عليه"
ضاري: وعليكم السلام...اخبارك يا بطل...؟
سلطان تمام..."وجلس قبال ضاري"...انت علومك؟
ضاري : بخير بشوفتك..
وسكت...
اختفت ابتسامة سلطان..ضاري وجهه ما يبشر بخير..واول فكره جات في باله..ان التهمه لبسته وما راح يطلع منها..
: ضاري فيه شي..........؟؟
ضاري تنهد: والله ما اعرف ايش اقولك يا سلطان..
سلطان دق قلبه:خيــــــــــر!!
ضاري: سلطان انت رجال كبير وفاهم..ما يحتاج اقولك هالكلام..بس والله ماني عارف كيف ابدا..انت مؤمن بقضاءك وقدرك..ومصلي وصايم وما تجهل بربك..
سلطان مقدمة ضاري خلت كهرباء تمشي بعروقه..
: ضاري تكلم..ما فيني صبر..
ضاري رفع راسه فوق شوي...ونزله وحك راسه..ولا يدري وش يقول ..صعب عليه بالمره..
سلطان نغزه قلبه: اهلي فيهم شي....؟
لانه حس انه ضاري متوهق..فا ما في الا اهله اللي ممكن تلخبط ضاري اللخبطه هذي..
ضاري: احم...امك طاحت علينا..وووو نقلنها المستشفى وجلست بالعنايه المركزه..
وقف سلطان وهو يتابع شفايف ضاري يبيه يوقف لهنا وخلاص..لا يكمل..
ضاري: بس كان...كان يومها ....ادعي لها بالرحمه يا سلطان..
سلطان سند يده على مكتب الضابط حس انه بيطيح..وفجأه طاح جسمه على الكرسي..وطالع ضاري..
: امي.....امي انا.......ماتت!!
ضاري وقف وراح له: سلطان انت مؤمن بالله..وهذا يومها..وربك كاتبه لها من سنين..
سلطان رفع عينه في ضاري ومليااااااااانه دموع: ضاري..انا ذبحت امي...انا قتلتها انااااااااااا
وصرخ: امي مات بسبتي.."وقف بجون" امي راحت والسبه ولدها اللي حط راسها بالارض...ماتت واكيد مو راضيه علي...اكيد...
ضاري مسكه من اكتافه وشده: سلطان..وش الكلام هذا...امك تعبانه اصلا..وهي عارفه وش مربيه..انت رجال وما عليك كلام..ومحد يصدق فيك ..كيف امك..!
سلطان بكى..:صليتوا عليها..
ضاري نزل راسه: امس..
سلطان بكى اكثر واكثر واكثر..مثل النسوان..:الله يرحمك يا يمه..اللهيغفر لك..الله يرحمك"وحضن ضاري"
ضاري حضن سلطان وهو ضاغط عليه..حس بشعوره لما فاقد من الدنيا كل شي..وما بقى لك فيها ولا شي..
:خلاص يا سلطان..صلي عليها صلاة الغائب..وادعي لها..انت كذا تعذبها..
سلطان: وشلون يا ضاري وشلون..واخواتي من لهم بعد امي..انا يتمتهم يتمتهم..
ضاري بعده عنه..:سلطان ما يجوز الكلام اللي تقوله..استغفر ربك..هذا الشي لا بيدي ولا بيدك..بيد رب العالمين..
سلطان حاول يمسك نفسه ما قدر ..هذي امه عيونه اللي يشوف فيها...قلبه اللي عايش عليه..ذبحها بنفسه..قتل نفسه بنفسه..اخر شي سمعته عنه امه انه بالسجن...بتكون راضيه عليه.............؟؟
جاء الضابط..ومعاه الجنود..
: معليش بس الزياره انتهت..
ضاري رحم سلطان: بس دقايق..
الضابط: معليش يا ضاري اسمح لي..
جاو الجنود واخذوا سلطان وهو شبه منهار..حس ان الحياة انتهت عند لحظة وفاة امه..
يمشي بالممرات وهو يحس بالضياع والشتات..ما عاد للعمر قيمه..وما عاد للحياة طعم..كره نفسه وكره عيشته وحياته..والساعه اللي شاف فيها مهنــــد...
وكأن على هالطاري لمحه...شاف مهند يمر من جنبه..والجنود ما سكينه..
وبحركه سريعه وغير متوقعه فلت من ايدين الجندي وركض لمهند ولفه لجهته وضربه..
: بسبتك امي راخت..انت قتلت امي انت..
كااان منهااااااار ويضرب مهند بعشوائيه ومهند متفاجئ من اللي هجم عليه فجأه..
مسكوه العساكر.وهو يحاول يتحررمنهم: هو السبب مو انا..والله مو انا اللي ذبحت امي..والله هو النذل ..هو الحقير..
وابكى وهم يجرونه للسجن ورموه فيه..ذل هوان..عيشه مقرفه ..ما تشرف..راعي سوابق وسجون..ذبح امه..سرق..متهم بقضية مخدرات..ايش احسن من كذا سيره..
>>>>>>>>>>>>>>>>>>>>>>>>>>>>>>>>>>>>>>>>>>>>
ضاري طلع وهو يحس انه بينهار ..ما هو قادر يتحمل اكثر من كذا وهمومه من كل جهه ولا يدري وش يبيدي..
فـــــــــــي المدرســـــــــــه..
يتمشون بالساحه..
: ما ادري متى بتداوم..؟
مرام: الله يلوم اللي يلومها..اكيد راح تطول..
مشاعل: خايفه عليها يا مرام..لازم ترجع تعيش حياتها..يعني ما راح ترجع امها لو حزنت العمر كله..
مرام: اصبري عليها فتره..لحد ما تستقر واكيد بترجع..
مشاعل: اشتقت لها...اخذهم ولد عمهم يسكونون بفندق شكل مالهم رجعه لنا..
مرام ضاري صدرها اكثر: حتى احنا...
مشاعل انصدمت: وانتوا ايش؟؟؟
مرام: راح ننقل..نص الحاره راحت..وما بقى احد..
مشاعل: مرام..بتروحين عني بعد..!!
مرام غرقت عيونها دموع: والله رفضت..هنا تعودت عليكم وعلى الحاره وعلى الناس والجيران..بس غصب.. ابوي قرر وخلاص..واحنا مالنا راي..
مشاعل حضنت مرام: ليشب تخلوني وتروحون..؟
مرام دفتها وهي تضحك وتمسح دموعها: احد قالك بنهاجر من الرياض..اكيد بنكون قريبيين..وراح نزور بعض..
مشاعل وهي تمسح دموعها: حتى لو..فرق اشوفك كل يوم..وفجأه تروحين عني...
مرام ابتسمت لها: احنا نقلنا الحين؟؟ ..بس يخلص السمستر الاول بنطلع..
مشاعل انصدمت: ما بقى عليه شي............!!
واقف عند باب السويت..
: انا ضاري..
فتحت له مدى: هلا تفضل..
ضاري منزل راسه..ما يقدر يحط عينه في عينها..ولا يشوف بياض خدودها على حمره..ولا شفايفها الورديه..كل هذا ما يقدر يشوفه كل صباح..
: اخباركم....ان شا الله ارتحتوا..
مدى هزت راسها....وجلست قباله: الحمد لله..
دخلت ابتهال: السلام عليكم..
ضاري: هلا وعليكم السلام..
وجلست جنب مدى..
ضاري ما يدري ايش يقول: اجل وين بدر ووداد..؟
مدى: لسه نايمين..
ضاري لاحظ ان مدى اليوم جامده...في شي مخليها مثل الرجال الالي اللي يتحرك ويمشي بدون احساس..
: رحت لسلطان اليوم..
كلهم تفاعلوا معاه..
ابتهال: وش اخباره.......طيب؟
مدى: طنا عنه...؟
ضاري شاف لهفتهم وركسروا خاطره اكثر: لا بخير...وقضيته ماشين فيها صح..ان شا الله..
ابتهال غرقت عيونها دموع: عرف عن امي...؟؟
مدى لفت على ابتهال وبعدها على ضاري تستنى الجواب...
ضاري: احم...ايوه قلت له اليوم..
مدى بكت: وش ردة فعله بعد قلبي..
ضاري يبي يريحهم: لا الحمد لله كان قوي وثابت..ما عليه
ابتهال بكت: والله اشتقت ارجع بيتنا واشوف امي جالسه ويدخل سلطان علينا..
مدى حصت بغصه بحلقها: الله يغفر لها..ويعين ويصبر سلطان..
ضاري وقف: انا استأذن بروح الشركه..وانتبهوا لانفسكم زين...واذا حصل أي شي اتصلوا علي.. وبمر عليكم بعد الدوام..
"وطلع بدون ما يسمع رد منهم"
جلسوا يرثون حال اخوهم الوحيد اللي الحين يعاني بروحه..وحالهم صاروا يتامى وعندهم اب..صاروا يحتاجون الغريب غصب عنهم ومالهم غنى عنه..
: والله ضاري رجال..
مدى صدت عنها: يا قلبي يا سلطان...يا ليتك معانا ...هنا جنبي..
ابتهال مستغربه صدة وكره مدى لضاري..مع انه واقف معاهم وهي خصوصا...
دخلت عليه بالغرفه..
: لا الحمد لله كأن اليوم الوجه مشرق..
سامي ابتسم: بشوفة الغوالي..
اريام استحت وصرفتها: الجو اليوم حلو مو؟؟
سامي ضحك : هههههههههههه مو..
اريام طالعته" يا جعلي ما خلا هالضحكه يااااارب"
ولفت عليه بجديه: رحلتك يوم الاثنين..
سامي انصدم: الاثنين ...قريب مره!
اريام: كل ما كان اقرب كل ما كان احسن..
سامي بجديه: فكرتي.....!
اريام قررت والموضوع ما يتحمل التأجيل: ايوه...
سامي وهو على اعصابه: ايش قررتي؟
اريام سكتت شوي ودعت ربها انها ما تكون تهورت ..
: موافقــــــــــــــه..
سامي غصب عنه ابتسم: جد!! اريام موافقه...
اريام انحرجت: الامور هذي ما فيها مزح..
سامي: لا يكون راحمتني بس..
اريام: سامي ... ايش الكلام هذا؟
سامي فكر شوي: ما بقى الا يومين..كيف راح نتتصرف..؟
اريام: ما ادري...
سامي: ليوم الاثنين فتره قصيره...لو كان نهاية الاسبوع احسن..
اريام: لا ...تعال بكره وخلاص...
سامي: واهلك!! بيزوجونك في يومين؟؟
اريام نزلت راسها وهي تقريبا عارفه راي اهلها..:تعال ونشوف...
سامي: لو كنت لحالي عادي...
اريام هزت راسها: ايوه....."وانحرجت تقعد اكثر عنده"...الحين مضطره اطلع...اشوفك بعدين..
وطلعت...والعبره خانقتهال تدري انها بتسوي اكبر جريمه بحق اهلها لصالح نفسها...بس ما يدها حيله الا كذا..
سامي مستغرب اريام...وطريقتها.."اهلها راح يوافقوا بيومين!!"
يحاول يضبط ويسيطر على نفسه ما قدر..
وجنبه ثامر يهديه
: خلاص يا سلطان اذكر الله..
سلطان: الف من ذكره..بس ما اقدر يا ثامر ما اقدر..
ثامر: انت كذا تعذبها وهي محتاجه منك الدعاء ماتبي لا دموع ولا غيره..
سلطان: خلتي يا ثامر اطلع اللي فيني..
ثامر خلاه على راحته..
وبعد ربع ساعه..
: قوم توضأ للصلاه..وصلّي لك ركعتين ...وهدي نفسك وانا اخوك..
سلطان وهو قد هدا شوي..وساند راسه على الجدار..
: شفت مهند قبل شوي...وضربته بس ما امداني ابردحرتي فيه..
ثامر بدا الخوف يدخل قلبه وحس ان مصيرهم قرب ينحسم..
سلطان وقف وفعلا راح يصلي...عسى تهدى نفسه شوي وترتاح..ودعاء لامه من اعمااااااق قلبه..
مر على مطعم واخذ لهم اكل ..وتوجه لهم..
وضرب الباب..
فتحت له ابتهال بعد ما تحجبت..
:هلا ضاري..
ضاري: اهلين...اخباكم...؟؟
ابتهال تنهدت: عايشين..تفضل..
ضاري ما عجبه جوابها بس ما علق..حط الاغراض على طاولة الاكل..ودور مدى بعيونه..
:اجل وين مدى؟؟؟
ابتهال جلست على الكنب: تنوم اخواني...
ضاري: طيب ما تعشوا...؟
ابتهال: اكلوا خفايف وناموا..
وطلعت مدى بعد ما سمعت صوت ضاري..شافت الاغراض
: السلام عليكم...
ضاري فز قلبه ورفع عينه عليها حس انه اشتاااق لها..
:وعليكم السلام..هلا مدى..
مدى مشت بهدوء وجلست جنب ابتهال...
ضاري حس الوضع متوتر وحي يقطع الجو: ما انتوا جوعانين...؟؟
ابتهال بعد تبي تغير جو مدى: الا..انا ميته جوع..
مدى وملامح وجهها تعبانه: لا انا مو مشتهيه..
ابتهال لفت عليها: مدى وبعدين!!..الى متى وانتي ما راح تاكلي...
مدى: ابتهال مو مشتهيه لا تجبريني..
ضاري: لا...مدى بتاكل غصب...
مدى ولعت: شنو غصب؟؟؟ يعني بتجي وتأكلني غصب!!
ضاري استغرب اسلوبها..حيس انه له طاقه وينفجر..بس ابدا مو وقته ..رفع راسه واخذ نفس..حركته الدائمه..
: طيب براحتك......"وسكت شوي"......انا طالع امر عليكم بكره زين...تصبحو على خير...
حس انه لو قعد اكثر ممكن يصرخ او يتهور..ما تعود ان احد يرفع صوته عليه...وهم بوضع نفسياتهم تعبانه ومحد يلومهم..
لما طلع ضاري لفت عليها ابتهال..:انتي وبعدين معاك...ايش فيك على الرجال؟؟
مدى معصبه: ما ابي اكل يعني ما ابي...
وقامت ودخلت الغرفه بتنام..
ابتهال تنهدت: ياربي...متى تتعدل نفسياتنا ..تعبت وانا اجامل واحاول ابتسم..
وداخلين معاها جو..
من العصر ولحد الساعه تسع بالليل وهم بالسياره ومن مكان لمكان..
لانا: انت بألبي وجوا الروح ..حاسس بغرامك وين ما بروح .."وتلف على ريماس ويكملون مع بعض الاغنيه"
اياد جنبها وابتسامته واصله حدها من الفرحه..
: ها انبسطتوا....؟؟
لانا وهي تذكر الخاتم اللي بشنطتها: مررررره انبسطنا..
ريماس: لنو..ترى تأخرنا...ما رجعنا للبيت من لما طلعنا من المدرسه..ماما حرقت جوالي..
لانا: وانا دانا ذبحتني...
اياد: خلاص اوك...انا اوصلكم...
ومسك خط الرجعه...لبيت ريماس...
وصلت ريماس ونزلت..ما كان فيه مسافه بين بيت عمتها وبيتهم..
اياد حس انه واخيرا تحرر من ريماس من لما حرك من عند بيتهم...
:حبيبتي.....
لانا دق قلبها وبدت تحس انها لحالها والخوف يسري بجسمها وبس كالعاده تخفيه..
: هلا بيبي..
اياد: انا اليوم مره انبسطت معاك...احس اني فوق..فووووق بالسما..
لانا وهي تناظر الطريق: وانا كمان...
سكتوا شوي..
وقف اياد على جنب...
لانا اخترعت: ايش فيك وقفت...؟
اياد لف عليها: نفسي اجلس معاك شوي...
لانا: لا اياد بلييييز مره تاخرت...وبعدين انت طول اليوم معاي...
اياد: بس ما بعد شبعت منك..
لانا حاولت تبتسم له: وانا كمان...بس ايش اسوي..
اياد: لنو...ممكن بوسه..؟
لانا نشف ريقها واختفى الدم بعروقها وارتجفت اطرافها"هذا ايش ناوي عليه الوسخ؟؟؟"
وضحكت ضحكه ماسخه: هههههه مو الحين..
اياد تحمس: متـــــــــــى...؟؟
لانا غمزت له: بوقتها..بس الحين حرك...واوعدك لا اعطيك اياها..
اياد استسلم وحرك السياره..ووفقها بعيد شوي عن القصر..
لانا قلبها مو راضي يوقف...ما صدقت ان اياد اقتنع يمشي بدون ما يخذ اللي يبي..وزين طرت على بالها فكرة انها تسلك له لحد ما توصل لبيتهم بأمان..واول ما نزلت حست ان جبل انزاح عن قلبها..واخذت تاكسي تبي تحط رجلها في قصرهم وترتاااااح..
دخلت التاكسي جوا القصر..وفتحت لها الخدامه الباب الرئيسي ودخلت..
حصلت بوجهها ضاري..ملامح وجهها مو مريحه..اخترعت..
فجأها بصوته : وين كنتي لحد الان...؟؟؟
لانا قلبها بيطلع من مكانه...لسه ما ارتاح من اياد يجي لها الرعب الاكبر ضاري..وانبلع الكلام في حلقها...
ضاري كان معصب من مدى ومن اريام..ومن الهموم اللي على قلبه ومافي وجهه الا لانا..
قرب لها وصار قدامها وجها لوجه...هي بعبايتها اللي مليانه كرستال وتطريز وشنطتها الفوشيه وولون وجهها المخطوف..وهو بثوبه وشعره المنكوش بس روعه عليه...
: انا سألنك وين كنتي الى الوقت هذا..؟؟
لانا وهي تطالع عيونه...اللي زادت خوفها وكسرت عينها بسرعه على طول..ما تقدر تحطها في عينه .تحس انها راح تنكشف مع انو لانا من النوع اللي ما يكسر نظرته...
بلعت ريقها: احم..كنت مع...احم..."حست انها نست الكلام والاعذااااار كلها"
ضاري كتف ايدينه...وحس بخوفها...
لانا انقهرت من نفسها ما تدري ليش الكلام ما يطلع معاها...
ضاري حط يده على كتفها: مع مين؟؟؟؟؟؟؟؟؟؟؟
لانا انتفظت من لمسته وتجمعت الدموع من عيونها...حست ان هذا اجلها..اليوم نهايتها..
وصرخت بسرعه وهي مغمضه عيونها : مع ريمااااااااس..
ضاري شد كتفها: كذابه.........
لانا فتحت عيونها تطالعه" يكون يدري؟؟؟؟؟؟؟؟؟"
: لا ...كنت مع ريماس..ما صدقتني اسألها..
ضاري: ليش راجعه بتاكسي...وين السواق؟؟؟؟
لانا توهقت: لان سواقهم...احم...تعطلت سيارته بالطريق...واحنا ملينا ننتظر وقلنا نرجع بتاكسي..ايش فيها...؟
ضاري بتهديد غير مباشر: بس انا ما احب احد يتكلم على خواتي..ويقولون راجعين متاخر مع تاكسي...ايش راح يقولون الناس...بيقولون بنتهم تطلع مع شباب ولا اهلهم ما يدرون عنهم ولا سألين فيهم..وانتي ما ترضين هالكلام لآهلك..
لانا صارت تهز راسها لا ارادي بتأييد ولو طول معاها بتنهار عليه...
نزل يده عن كتفها...وراحت وهي ساكته...يحس ان وراها بلا...بس يبعد شكوكه"اختي مستحيل اشك فيها...عيب في حقي"
تلفت على بيتهم...حس انه على كبره..الا انه يخنق الواحد...وقرر يطلع غرفته...
دخل غرفته وافكاره توديه وتجيبه..
" مستحيل استمر على هالحال..مجى واخواتها ما يصلح يطولون بالفندق اكثر من كذا وانا كل يوم رايح جاي لهم...وما اقدر اخليهم لحالهم بشقه..آآآه ما ادري وين اوديهم..(ورمى نفسه على السرير)..اجيبهم هنا!! وسكت شوي...بس بعد ما ارجع حلالهم عشان ما يكون لاحد منّه عليهم.."
استقر على فكرته وغمض عيونه وناااااام بعمق..
فتحت الباب بهدوء وحصلته نايم...قررت تجلس عنده لحد ما يصحى من نفسه...تطالع ملامحه الهاديه..وحلوه بنفس الوقت...بس واضح التعب عليها من الهالات السوداء اللي تحت عيونه...وراح تفكيرها بعيد..
" ادري اهلي ما رتح يوافقوا عليك..بس انا راح اخليك تروح لهم عشان ارضي ضميري..لاني لو ما سويت هالشي يمكن اظل طول عمري ندمانه..انا احبك يا سامي وما ابي غير في هالدنيا...وابيك معاي وين ما انا...وانا معاك وين ما كنت حتى لو تحت التراب بأروح معاك"
قطع عليها تفكيرها حركته...ابتسمت من داخلها...مثل الاطفال الملائكه..
فتح عينه سامي..شاف اريام..حس انه يحلم..غمض ورجع يفتحهم..لا هذا حقيقه..ابتسم من جواه...قاعده عنده وهو نايم...يا الله قد ايش يحب هالبنت وتعلق فيها...مع انه دايم يجيه وسواس انه ممكن يجي يوم وتروح تخليه...بس اللي يطرد فكرته انه هو اللي ممكن يخونها ويتركها تصارع الحياة لحالها بعد ماربي ياخذ امانته..
وبصوت هاااااادي: يا صباح الخير يا احلى صباح بدنيتي كلهاااااا..
اريام: صباح الورد...اخذت نومتك..!!
سامي : اخذتها بس تحسفت..لو اني عارف انك راح تقعدي عندي وانا نايم..كان ما نمت ولا لحظه..ليش ما صحيتيني..؟؟
اريام: ما حبيت ازعجك..
سامي: اريام......انا................احبــــــــــكـ
اريام دوروها ما راح تلاقوها ..اختفت ..حست نفسها صغيره..والعالم وردي والدنيا تضحك والحياه ماشيه ولا فيها أي مشكله..وكل الامور بتمشي وراح تكون سعيده...
سامي حس بخجلها..وهو يشفها تفرك ايدينها في بعض..على انها متخصصه في اخفاء ردات فعلها...بس عند الحب كل شي يطلع عفوي...
رجع سامي يكسر الحاجز: متى اجي لبيتكم..؟
اريام: اليوم..
سامي توتر: واجيب معاي الممرض؟؟؟؟؟
اريام: يكون احسن...خليه بالسياره..
سامي : طيب...وايش تتوقعين بيصير..
اريام نزلت عينها:سامي بقولك حاجه...تحمل أي ردة فعل بتجيك..انا ما اقولك ان ممكن يصير شي مو كويس...بس ما اظمن ان الامور بتمشي تمام..
سامي: طيب ايش اقول.؟؟؟خطبة يوم واحد بس...
اريام: لا...ادري اللي بقوله شي صعب بس مالنا الا هالحل...قول انا معاها بالدوره اللي بتروح لها في المانيا..وابي اخطبها الحين..عشان اكن معاها..ولما نرجع نتزوج..
سكت سامي شوي...
: واحنا كذا بنسوي!!!
اريام بنفسها"ما عندك وقت يا سامي...اخاف تروح مني وما اخذتني"
: لا...احنا راح نتزوج انا كبيره ومسؤوله عن نفسي...
سامي حس ان كلام اريام متهور..بس فهم هي ليش تسوي كذا...عشان ما تظمنه هو راح يعيش شهر او شهرين..اقل او اكثر..ما يظمن ولا ثانيه قدام..
: اريام...ادري انك قاعده تسوي هذا عشاني...بس انا ما ابي تجبري نفسك على شي انتي ما تبينه ..
اريام غرقت عيونها دموع وهزت راسها بلا..
: سامي انا مقتنعه بكل شي...وانا ابيك انت...ومستعده اعيش وين ما كنا...وما يهمني الا انت...وانا اخذتك على سنة الله ورسوله وبعلم اهلي...
سامي: ولو اهلك رفضوا...؟
سامي يبي يحط كل الاحتمالات قبل لا ينصدم في أي قرار لا من ناحية اريام ولا اهلها...
اريام: حتى لو رفضوا...
سامي كبر حبه لاريام..لهدرجه تحبه...ما توقع انها وصلت للمرحله هذي ..عمرها ما وضحت له ولا بينت له...
اريام: سامي بقولك نقطه...انا مو راميه نفسي..بس انا لو اظمن اهلي ما راح يرفضوا ما قات لك هالكلام...لكن اهلي ما يقبلوا أي واحد وراح يجبروني في النهايه على شخص هم يبونه ..لانه غني او له مكانه في المجتمع..وانا لحد الان ما تزوجت والسبب هذا...انا ابي شخص اخذه لشخصه مو فلوسه...وابيه ياخذني لاني انا اريام مو بنت حمد....
سامي: عارف هالشي ..ومقدره..وانا اكثر واحد يعرف انك مستحيل تسوي شي ينزل راس اهلك...انتي يا اريام مثل الملاك اللي ما يخطئ..انا لحد الانا مشفت منك شعره وحده..وانا لو اظمن عمري دقيقه...ما رضيت بالشي هذا واخذتك من اهلك ولو بالجبر..
نزلت دمعة اريام..تبكي حبها الطاهر...واللي بيظل طول عمره طاهر...وشفاف مثلها..
حققوا مع مهند ومو راضي يعترف ولا بحرف واحد...
جابوا مؤيد وعبد المحسن واعترفوا بكل شي...من اول سرقه لهم مع سلطان الى اخر مره شافوه لما مهند دبر المخدرات وعبد المحسن حطها بسيارته..
العسكري عند السجن: سلطان محمد..
فز سلطان: نعم..
العكسري: يبيك الضابط..
مشى سلطان مع العسكري وهو ماهو متطمن...
دخل وجلسه الضابط..
: طبعا يا سلطان بعد تحريات وتحقيقات..اكتشفنا انك انت وثامر برئيين من المخدرات..
سلطان وقف من الفرحه: جد!! الحمد لله ..الحمد لله والشكر لك يارب..مشكور يا حضرة الضابط ..انا من زمان وانا اقولكم ان مالي علاقه...
الضابط: ايوه برئ من المخدرات...بس يا اخ سلطان انت متهم بعدة عمليات سرقه...
سلطان اختفت ابتسامته..حس ان الارض تدور فيه..وفرحته يتيمه مثله...فرحه ناقصه..
الضابط: وكل واحد بياخذ جزاءه...ومهند راح ياخذ جزائه...متهم بعدة تهم..سرقات..تهريب مخدران..وكثير اشياء وبلاوي...والاثنين اللي معاه مدخلهم بكل شي مسويه وهم على عماهم..
بس باين عليك انت وثامر..مالكم علاقه الا بكم عمليه..
سلطان نزل راسه وجلس على الكرسي مافيه حيل للوقفه...توقع ان الفرج جاء...بس الابواب كلها تسكرت بوجهه من جديد..
كمل الضابط: وحتى انتوا راح تاخذوا جزاكم...بس فيه فرق بين مخدرات وسرقه...
سلطان خنقته العبره: انا استاهل اللي يجيني...
الضابط واضح عليه انه متعاطف مع سلطان لانه لمس فيه الرجوله والشهامه والاخلاق ..وانه مستحيل يطلع منه كل هالاشياء السيئه والدونيه...
:مو كل صاحب يتصاحب يا سلطان...ولا عمرك تبرر غايتك بوسيلتك..انت تعديت حقوق الناس وانتهكت ممتلاكاتهم وحلالهم..ما فكرت قبلها لو كنت انت المسروق مو السارق ايش كان شعورك؟؟؟!!
ما فكرت انه ممكن يكون رجال كبير بالسن عايش على هالمحل...!!..ولا ولد ما يفدر يطلع حق سيارته اللي سرقتوها...؟ ..اتمنى انك تكون اخذت درس ..والحياة تجارب واتوقع تجربتك مره عليك..
وقف سلطان: تجربه كسرت فيني كل ذارت الحياة...وعملتني ان حتى بظلالي ما اثق..وايش اكثر من اني خسرت احترامي لنفسي...
صرخ الضابط للعسكري ياخذ سلطان للسجن...لحد ما يحدد محكوميته وايش راح تكون عقوبته هو ثامر...
: هذا ثالث يوم لها...
مدى: كأنه شهر..
ابتهال غرقت عيونها دموع: ربي يغفر لها...مدى خلينا نتكلم بجد شوي..
مدى لفت عليها : تكلمي...
ابتهال: وين راح نروح...وشلون بنكمل حياتنا!!
مدى ما تبي تفتح الموضوع لانه يتعبها ماهي لاقيه ولا جواب لاي سؤال..والالاف الاسئله غيرها..
: خلي الدنيا تمشينا على كيفها..
ابتهال: من وين راح نعيش...؟...وشلون راح نربي اخواني...سطان كيف راح يطلع ومتى؟؟
مدى حطت يدها على راسها وساكته...
ابتهال: وابوي وينه؟؟؟؟
مدى ما زالت ساكته..
ابتهال: راح نرجع بيتنا!!!
مدى غمضت عيونها: اسكتي...اسكتي.."وصرخت" اسكتي والله تعبت وما في ايديني شي...ليش تتعبوني ليش..."وبكت"
ابتهال بكت معاها: ولا انا..اهلكني التفكير يا مدى...احس اني ضايعه وابيك تدليني...انا ما اعرف نفسي ولا اعرف سلطان ولا ابوي ..كلكم تغيرتوا...صرنا مثل الاغراب...ذبجني الظلام والمستقبل المجهول...الى متى وانا خايفه ومشتته الى متى؟؟؟
مدى ما زالت تبكي بشبه انهيار: ابتهال انا ماني احسن منك حال...الحياة بدون ام صعبه..صعبه..كانت امي شايلتها لحالها...ما كنت تشكي ولا كانت تتكلم..بالعكس كانت تبتسم..ما ادري يا يمه من وين جبتي هالقوه...من وين..؟
سكتوا الثنتين ...حسوا براحه بعد ما طلعوا اللي بقلوبهم ..كل وحده كابته جواها..وارتاحوا بعد ما تكلموا..صح ما تغير شي,,,ما زالوا على نفس الجلسه ونفس الغربه والشتات والضياع اللي هم فيه...مازالوا خايفيين من الجاي الاعظم...
كل البنات تحت بالساحه..والدنيا مليانه ضحك وسوالف...
بصوت مضخم: ايش الوحمه هذي اليوم...؟؟
دانا: بجد ملاحظه..
فيصل:اقرفونا هالبنات..خلينا ندور لنا مكان فاضي..
دانا: يله..
وبعد كم لفه..
دانا: تعبت فيصل خلينا نجلس مافي مكان..
فيصل: شايفه كيف البنات على بعض..زحمه..
دانا حطت يدها على خصرها: يعني وين بروح مثلا...
فيصل مد يده على خصرها: تعالي اوديك لمكان هادي..
مشت دانا معاها ..طلعوا الدور اللي فوق..والمكان هااااادي..وفااااااضي..ودخلوا فصل..
: بنجلس هنا!!!
فيصل جلس على الكرسي وقرب كرسي ثانيه جنبه وخلاه لازق فيه
:لحد ما يجي سواقكم........تعالي يله..
قربت دانا وجلست جنبه..
فيصل يطالع دانا من فوق لتحت وكان قريب بالمره من دانا لدرجه مافي مسافه بين وجهه وجهها..
دانا كانت ساكته ومستحيه..
سحب ربطة شعر دانا...وخلا شعرها يتناثر على وجهها وظهرها..وحرك يده يضبط شعرها من قدام...وبعدين مرر يده بنعومه على خدها وخشمها وحتى فمها..
لفت عليه دانا...نزل يده لرقبتها وهو يقرب وجه لها..
جدانا غمضت عيونها..واستسلمت له...فيصل قرب لها ووصل لفمها..
وفجأه بعدت دانا وهي مرتبكه...وهي حاطه يدها على فمها...
: احم...انا بطلع...ونزلت بسرعه وشعرها يتناثر مع حركتها السريعه..
فيصل وهو يشوف دانا طالعه من الفصل...انقهر وضرب الطاوله بيده
:يلعنهااا...يلعنها حلوووووووووووووووه..
>>>>>>>>>>>>>>>>>>>>>>>>>>>>>>>>>>>>>>>>>>>>
: ريمو...وقف قلبي..ما تصدقي قد ايش خفت..وربي كنت راح اقوله كنت مع اياد..
ريماس ضربتها: لا انتي انجنيتي...ايش فيك ما عرفتي تصرفيها بسرعه..
لانا: اقولك لساني انربط..حسيته يدري..
ريماس بطفش: لو كان يدري ..ذبحك هالمتوحش......بس احبه...
لانا: حبتك القراده..عليك ذوق بايخ..ايش تحبين في الجليد هذا؟؟؟
ريماس: ما عجبني فيه الا انه جليد..اموت فيه..
لانا: مسكين قلبك...ايوه صح تذكرت...الوسخ اياد كان بستفرد فيني...
ريماس: تصدقين اول ما نزلت...قلت يارب ترجع بالسلامه...
لانا: شكلها اخر مره اروح معاه بالسياره..ما اظمن المره الجايه..
ريماس وهي تحرك شعر لانا وتعطيه حيويه: بس شوفي ايش حصلتي ..خاتم يطير العقل..
لانا باعجاب: والله روعه الخاتم...بصراحه شي.. بس صاحبه سبب لي رعب لا يوصف..
ريماس: ما راح يسوي لك شي..
سكتت لانا ..لانها تعرف ريمو مررررررررررررره متهوره...
: ياسر...ما تعرف ايش فيها مدى..؟
ياسر: الا امها توفت..
علياء انصدمت: بجد!!...حرااام الله يكون في عونها ..
هوازن: الله يصبر قلبها..
ياسر : امين..
علياء: وايش سالفته المدير..كل ما نسأل عنه طالع...؟
ياسر: شكله يعرفهم..لانه من بعد اخر يوم داومت فيه مدى وهو صار يغيب..
علياء لفت على هوازن: ما قلت لك يقرب لها...لهم نفس العائله..
هوازن: شكله..
سمعوا صوت وراهم..
: بنت عمي...عندكم اعتراض يا اخوات...!!
انتفضوا البنات...وخصوصا علياء..
: لا..
ضاري: اجل كل وحده على مكتبها ..تاركين الشغل وماخذينها سوالف..
وفعلا تحركوا الثنتين وعلياء تدف هوازن
:بسرعه قبل لايصير لنا شي ..."وطلعوا"
ياسر خاف يصرخ عليه بعد ما حذره انه ما يحتك في البنات..
:اسمع ياسر..
انتفض ياسر: هلا..
: ابي تدور لي واحد كفوا يحل مكان مدى بالشغل زين..
ياسر: ابشر طال عمرك..
ضاري: والحين انا طالع ساعه وراجع...أجل مواعيد الساعه هذي..
ياسر: سم طال عمرك..
وطلع ضاري من الشركه ...وتوجه لمركز الشرطه..
>>>>>>>>>>>>>>>>>>>>>>>>>>>>>>>>>>>>>>>>>
: سلطان متهم بقضية سرقه....!!!!!
الضابط: ايوه...هي كلها عمليتين..
ضاري عقد حواجبه: مو معقول...انت متأكد..
الضابط: الولد اعترف..
ضاري: لا حول الله..طيب وكم ممكن ياخذ عليه عقوبه..اذا هي عمليتين بسيطه...!
الضابط: تقريبا فيها سجن سنه مع الجلد..
ضاري تنهد: ولا في اقل..!!
الضابط: يا ضاري المجرم لازم ياخذ جزائه..
ضاري وقف: طيب انا استأذن ..واشكرك على جهودك بصراحه..
الضابط: العفو..وهذا واجبي...
طلع ضاري وحاله انقلب زياده مع سلطان...
"سنه!!"....خواته بيتحملون سنه..بس ليه يا سلطان...ايش اللي حدك على كل هذا...الفقر...الله يلعن الحاجه اللي تذل..."وتذكر ابوه"...بأرجع للشركه وراح ابدأ في اوراقهم اليوم...
وفعلا طلع من المركز وتوجه للشركه مره ثانيه..
: رحت له اليوم..وفهمته السالفه...
مشاعل فرحانه: ايش قلت له..
عبد الله: قلت له مالك نصيب عندنا ..وافهم البنت ما تبيك ومافي شي بالجبر..
ام ناصر: ربي يرضى عليك يا عبد الله وينور عليك دربك ويسعدك دنيا واخره..
مشاعل متحمسه: وايش قال هو...؟
عبد الله: استحى على وجهه وسكت..
مشاعل: الحمد لله يارب..افتكيت منه ومن وجهه اللي كله مطبات..خخخخ
عبد الله ضحك: ههههههههههه الله يلوم اللي يلومك انا ما تحمله كيف انتي..
ام ناصرضربتهم بالعصا: الحمد لله على كل حال...وخلوا الرجال في حاله..الذنب ذنب ابوكم..
علــــــــى الغـــــــــــــدا..
الكل متواجد الا ضاري..
ابو ضاري: ابشركم نجح مشروع لي...ودخل علينا ارباح كبيره....وناوي اسوي عزيمه بالمناسبه هذي...
لانا: واااااي دادي وناااسه...
موضي نافخه نفسها: راح اكبر العزيمه واعزم صاحباتي...
اريام ابتسمت: الحمد لله..عسى من توفيق لتوفيق..
دانا كانت في عالم ثاني..من لما جات من المدرسه وهي ماهي على بعضها من بعد حركة فيصل..
وبعد الغدا اجتمعوا على الشاي بالصاله..
لانا جلست جنب دانا: دنوو..
دانا: همممم.
لانا: ايش فيك...؟
دانا لفت عليها: ايش فيني!!!
لانا: انا اسألك...؟
دانا ارتاحت: مافي شي...
لانا فيصل مزعلك..
دانا صدت: لا...مافي شي..
لانا: براحتك...بس أي شي يصير قولي لي...لا تتهورين يا دنو.
دانا سكتت" اوووف ياربيه...كذا البنات اللي يحبون؟؟؟"
وسمعوا رنة موبايل ابوهم...واريام ركزت مع المكالمه..
حمد: الوو..هلا والله...ايوه معاك حمد ال (...)..سم بغيت شي...يا هلا والله تنور...طيب انتظرك..مع السلامه..
موضي: مين....؟
حمد: ما ادري ...واحد يبي يزورني ويقول ابيك في موضوع خاص...
لانا: بابا لا يكون يبي فلوس..
حمد: لا ما ظنيت انا اعرف الاشكال اللي تشحذ...هذا شكله يبيني في موضوع ثاني...
اريام ساكته ولا علقت على الموضوع...وبدت تقلق وتتوتر..
ضاري ومعاه محامي يساعده عشان يعرف الاشياء اللازمه ..عشان يقدر ينقل الحلال باسم عيال عمه..
المحامي: لازم يكون هناك اوراق رسميه تثبت ان لهم حق..
ضاري: اتوقع ان في اوراق..
المحامي: اذا كانت موجوده...فالشي هذا راح يسهل المهمه علينا..وما راح تاخذ وقت..
ضاري: حلووو...طيب ادورها واجيبها لك..
المحامي: اوكي..الحين انا استأذن..
ضاري: اذنك معاك...."وراح المحامي.."
سند ضاري نفسه على كرسيه الجلدي: يله هانت مابقى الا شي هين وكل الامور تتعدل..بروح الحين لهم واخليهم يعطوني الاوراق وربي يسهل..
ونفذ ضاري اللي وصله...والحين هو في الفندق بين مدى وابتهال..
: طبعا انا قلت برجع لكم حلالكم....
ابتهال انصدمت: أي حلال...؟
ضاري طالع مدى: ما قلتي لها...
مدى نزلت راسها: لا..
ابتهال ضايعه بينهم: ايش تقول لي...؟
ضاري: ابتهال..انتو لكم حلال عند ابوي من زمان...وضاع بالغلط وانا الحين برجعه لكم..
ابتهال ماهي قادره تجمع: احنا عندنا حلال!! وليه ابوي ما سأل عنه...
ضاري باختصار: لا تدخلين نفسك في متاهات ولا راح تضيعين..خلينا في المهم الحين...عندكم اروراق في بيتكم...؟
مدى: الا في صندوق بغرفة ابوي...فيه اوراق..
ضاري: عال العال...ابي هذا الصندوق...
مدى: ابروح اجيبه لك...بس خليه بكره عشان الحداد على امي...
ضاري: زين مو مشكله...
ابتهال مو مستوعبه: والله ماني مصدقه...ان لنا فلوس..طيب ضاري قدّرها ...يعني كم..؟
ضاري ابتسم: ملااااايين..
ابتهال انصعقت: مستحيل...ابوي عنده ملايين وعايشيين بفقر طول عمرنا..
مدى رفعت حاجب: والله ناس لقت ناس ضعيفه وكلوا حقوقهم..وناس عاشت وناس ماتت قهر وحسره..
ضاري تنرفز شوي...
ابتهال صارت مثل الغبيه: مدى فهميني...من اللي اكل حقوقنا...
مدى حطت رجل على رجل: اخو يجحد اخوه...ويطعنه في ظهره ويتخلس فلوسه وذبح اخوه وهو عايش..
ابتهال لفت على ضاري بالبطئ وفي نفسها" يعني عمي سرق ابوي!!"
ضاري شاف علامات الاستغراب والدهشه على وجه ابتهال وعيونها فيها الف سؤال وسؤال..ولا حب نظرة التأنيب اللي بعيونهم..
: ابشركم بنات...سلطان طلع برائه من قضية المخدرات..
مدى وقفت من الفرحه واخيرا سمعت شي يبسط القلب..
: والله!!! ومتى بيطلع ويجي...
ابتهال راحت عند ضاري من الفرحه: ايوه متى راح يجي سلطان...؟
ضاري بأسى: والله طلع من قضيه ودخل في ثانيه..
الثنتين لفوا على بعض...مستغربين..
مدى
: أي قضيه...!!
ضاري: طلع متهم بقضية سرقه...
ابتهال: مستحيل...سلطان يسرق مستحيل...
مدى سكتت واستوعبت التغيير اللي حصل على سلطان في الشهور الاخيره...وكم مره شافته متهاوش ويرجع متاخر ....ولا علقت..
ابتهال: مدى تصدقي في سلطان...!!
مدى ودمعت عيونها: لا كنت ملاحظه عليه..
ابتهال بكت: وايش راح يصير فيه..؟
ضاري: لحد الان ما ادري...بس هو ما عليه شي كبير...كلها اشياء بسيطه...واتوقع ما تتعدا الثلاث مرات..
مدى تحس ان مالها وجه ترفعه تشوف به ضاري...سلطان كسر في نفسها عزتها...اول تقدر تفتخر فيه ..الحين فخرها مجروح وينزف ..
ابتهال ما استوعبت ان اخوها سلطان العظيم في عينها ..الكبير بعيون الناس يسويها...يسرق!!...ليه يا سلطان ليه؟؟؟ في الايام الاخيره ما كنا محتاجين..
مدى تبي ترد شوي من قدرهم قدام ضاري ما ودها احد يشوف نفسه عليهم..
:حسبي على من كان السبب...عندنا خير ..واخونا يسرق..حسبي الله عليه ونعم الوكيل..
ضاري ما عاد تحمل اكثر: مدى..معليش مو قدامي..ادري انه غلطان ..بس مهما كان تراه ابوي..
مدى وقفت في وجهه: ابوك اكل حلالنا..حلال يتامى..احنا نعتبر بدون اب..
ضاري: وانا بصلح خطأ ابوي وبرجعه ...ولا بأمكاني اسكت عليه وانتوا بتكملون حياتكم مثل ماهي..
مدى: حلالنا باخذه بالطيب بالقوه..ومالك فضل علينا..
ضاري عصب ووصل حده: اسمعي...انا لما فكرت ارجعه مو لسواد عيونك...انا برجعه اكفر عن ذنب ابوي واصحح اللي سواه..قبل لا يندم وما ينفع الندم..ولا انتي ما تقدر تسوي شي لو اشتكيتي من هنا لاخر يوم في عمرك..
مدى انقهرت منه..بجد بدونه ما راح تقدر تسوي شي...سكتت بس نظراتها الحارقه كانت تكفي انها ترد على كلام ضاري اللي جرحها..
ضاري يطالعها بعين قويه..بس من داخل ضعيفه واحترقت ورمدت.. ما تحمل اكثر..طلع وخلاهم..
ابتهال تبعت منهم: مدى...ترى مو وقاك تقعدين تتهاوشين معاه...ما راح يطلع سلطان الا هو..ولا ودك يخيس بالسجن...ولا الحلال بكيفه ما نبيه..
مدى: ابتهال...ما راح اخليه ينقص من قدرنا..وخليه يعرف ان ما راح نضيع بدونه..حتى لو ما كان عندنا الا ام ولا ابو..
ابتهال وقفت: يله حليها...كيف راح نقدر نطلع سلطان بدونه!!
مدى: شنو من الضابط ضاري!!....مو هو اللي بيطلعه سلطان بيخلص اللي عليه والحكومه تطلعه..
ابتهال ضربت راس مدى بأصبعها السبابه: يا ذكيه ضاري له معارف ويقدر يختصر على اخوك سنين في شهور...
مدى عصبت: روحي زين....قالت ايش قالت ضاري...
ودخلت غرفتها..
ابتهال: انا ابي اعرف جايبه هالحقد من ين....؟؟؟
جاء الضيف المجهول واستقبله ابو ضاري..
: هلا والله يا..........
: معاك سامي ال(..)
حمد: هلا سامي...حياك تفضل...
سامي اخذ نفس ويدعي ربه انه يعدي هاللقاء بدون ما يألمه شي او يجيه أعراض..
: الله يحييك يا خال...
وجلسوا...سكتوا فتره...حمد مستغرب ايش يبي منه...وسامي مو عارف كيف يبدأ..
: والله يا خالي انا جايك وانا كلي شرف في اني اناسبكم واخطب كريمتك...وانا حاضر مستعد باللي تامر عليه...
حمد انصدم في البدايه: هلا والله فيك...والنعم فيك رجال ا نشا الله..وسيماهم في وجههم..واحنا لنا الشرف...بس مؤهلاتك ووظيفتك...يعني تكلم عن نفسك شوي..
سامي: انا متخرج من الجامعه هندسة كومبيوتر..ومتوظف بمستشفى..وناوي اكمل دراستي برا..
حمد اعجب مبدئيا: ما شا الله ...الله يوفقك...انت مذكور لك وحده من بناتي..!!
سامي: لا...انا مع بنتك اريام بالمستشفى..
حمد ما بلعها في الاول بس كملها: معاها!!...طيب ممكن سؤال..اهلك وين...يعني ابوك..؟
سامي: ابوي بديره ثانيه..وقلت اخليه يجي بعد موافقتك طال عمرك..
حمد: وابوك ايش يشتغل؟؟
سامي بنفسه" تحقيق هو؟؟": ابوي متقاعد الحين...
حمد: متقاعد من ايش...؟
سامي: موظف حكومي..
حمد فهم انهم مو من مستواهم: اهاا...والله انا عن نفسي الراي الاول والاخير للبنت..
سامي: بس انا يا خال..بسافر بكره للبعثه..مع دكتوره اريام..واتمنى ان يكون بينا شي رسمي..
حمد: طيب...عن اذنك ثواني..
طلع لاريام..
اريام رايحه جايه عند امها واخوتها ...شافت ابوها جاي لعندها...عدلت نظاراتها الطبيه حركتها المعتاده..
جاء حمد وقرب من اريام وعطاها كف بدون مقدمات...
: طاحيه لي حركات حب وغراميات..وجايبه هالمنتف لبيتي...
اريام انصدمت ما توقعت ردة فعل ابوها كذا ابدا...
موضي مستغربه اول مره مره حمد يمد يده على وحده من بناته...
حمد: خير وش فيه..؟؟
حمد: جايبه لي واحد ما ادري من وين يخطبها...معاها في المستشفى والبعثه بعد..
موضي ما استغربت: طيب واذا...؟؟
حمد: لا هو من مستوانا ولا مواخيذنا..
لانا حطت رجل على رجل: عشتوا...يعني ايش راح تجيب القرقر..
اريام ما زالت متماسكه بعد الكف اللي جاها..
موضي لفت على اريام: والله يوم جبتي كان جبتي شب صاحي..
حمد طالعها: موضي!!
موضي: وانا صادقه..
اريام واخيرا تكلمت:يبه ...انا ابيه..
حمد: نجوم السماء اقرب لك..
اريام: ماما ابيه..
موضي: اريام يمه..انهبلتي ازوجك واحد مو من مستوانا...
اريام: بس الولد دارس وشي كبير بالمستشفى وابيه..
حمد: قطع لسانك..لا تفكرين فيه...ولا تخليني اغير رايي فيك وامنعك من رحلتك بكره..
الا بدخله ضاري..
شاف التجمهر على اريام...والدنيا مو طبيعيه..
: خير ايش صاير..
موضي: شرف حلال المشاكل..لازم كل قضيه بيحلها..
ضاري ما عطاها وجه: يبه ايش صاير....؟
حمد: واحد في لمجلس متقدم لاريام..
ضاري طالع اريام: طيب!!
حمد: معاها في المستشفى والبعثه ..ايش معانها؟؟
ضاري طالع اريام شوي.....ورجع لابوه: احنا عارفين ايش مربين...غير الكلام هذا..انا متأكد ان اريام اكثر وحده صاينه نفسها في هالبيت...
"وطالع موضي"
حمد: ومو من مستوانا..
اريام غرقت عيونهها دموع: انا راضيه فيه..
ضاري فهم الموضوع وان كل السالفه عشان طبقته الاجتماعيه: انا بدخل عليه واشوفه..
دخل ضاري على سامي...
سامي انصدم لما شاف ضاري...جسم وعضلات ورزه بعكسه تماما نحيف شوي والمرض هده...وصحته متدهوره كثير..
ضاري سلم عليه وجلس جنبه وسولف معاه..
:انت في المستشفى.....دكتور ....ولا مريض؟؟؟؟
سامي اختفى الدم من وجهه............
في الجزء الســـابق...
} مدى وملامح وجهها تعبانه: لا انا مو مشتهيه..
ابتهال لفت عليها: مدى وبعدين!!..الى متى وانتي ما راح تاكلي...
مدى: ابتهال مو مشتهيه لا تجبريني..
ضاري: لا...مدى بتاكل غصب...
مدى ولعت: شنو غصب؟؟؟ يعني بتجي وتأكلني غصب!!
ضاري استغرب اسلوبها..حيس انه له طاقه وينفجر..بس ابدا مو وقته ..رفع راسه واخذ نفس..حركته الدائمه..
: طيب براحتك......"وسكت شوي"......انا طالع امر عليكم بكره زين...تصبحو على خير...
##########################################
سامي: اريام......انا................احبــــــــــكـ
اريام دوروها ما راح تلاقوها ..اختفت ..حست نفسها صغيره..والعالم وردي والدنيا تضحك والحياه ماشيه ولا فيها أي مشكله..وكل الامور بتمشي وراح تكون سعيده...
سامي حس بخجلها..وهو يشوفها تفرك ايدينها في بعض..على انها متخصصه في اخفاء ردات فعلها...بس عند الحب كل شي يطلع عفوي...
رجع سامي يكسر الحاجز: متى اجي لبيتكم..؟
############################################
الضابط: ايوه برئ من المخدرات...بس يا اخ سلطان انت متهم بعدة عمليات سرقه...
سلطان اختفت ابتسامته..حس ان الارض تدور فيه..وفرحته يتيمه مثله...فرحه ناقصه..ما قدرت تكتمل
###########################################
وفجأه بعدت دانا وهي مرتبكه...وهي حاطه يدها على فمها...
: احم...انا بطلع...ونزلت بسرعه وشعرها يتناثر مع حركتها السريعه..
فيصل وهو يشوف دانا طالعه من الفصل...انقهر وضرب الطاوله بيده
:يلعنهااا...يلعنها حلوووووووووووووووه..
############################################
علــــــــى الغـــــــــــــدا..
الكل متواجد الا ضاري..
ابو ضاري: ابشركم نجح مشروع لي...ودخل علينا ارباح كبيره....وناوي اسوي عزيمه بالمناسبه هذي...
لانا: واااااي دادي وناااسه...
############################################
ضاري باختصر:خلينا في المهم الحين...عندكم اروراق في بيتكم...؟
مدى: الا في صندوق بغرفة ابوي...فيه اوراق..
ضاري: عال العال...ابي هذا الصندوق...
###########################################
جاء حمد وقرب من اريام وعطاها كف بدون مقدمات...
: طاحيه لي حركات حب وغراميات..وجايبه هالمنتف لبيتي...
:انا قلت ما راح تاخذه..
موضي سكتت ولا علقت وخصوصا ان الولد مو من مستواهم اذا مالها دخل..
اريام ما زالت متأمله بضاري وانه ممكن يكون الشخص الوحيد اللي راح يساعدها قبل لا تتهور وتسوي شي يزعل الكل..
اريام عمرها ما عاندت امها بكلمه او ابوها..وعمرها ما سوت الغلط..ولا كان لها الوجود او الشخصيه في البيت..دايما تمشي في السليم وغارقه في دراستها وشغلها وبس..الحياة ما عاشتها ماهي مثل البنات اللي تهتم بالموضه او آخر صرعات الازياء والقصات او الصبغات ولا حتى المكياج..تتبع نفس الروتين والستايل ابد ما يتغير...من عرفت نفسها وهي في محل انتقاد امها واخواتها .. من ناحية التجديد والتغيير والتميز..
شخصيتها مستقله وسهله وصعبه بنفس الوقت..بس اليوم حاطه في راسها لو ما حصل اللي تبيه راح تقوم الدنيا ولا تقعدها..
>>>>>>>>>>>>>>>>>>>>>>>>>>>>>>>>>>>>>>>>>>>>
ضاري: انت في المستشفى دكتور...ولا مريض...؟؟!!!
سامي اختفى الدم من وجهه...وحس بنغزات في كل جسمه...وفجأه بدا يكح..
: كح كح ..احم..
ضاري مد له كاس عصير..
اخذه سامي وهو ما زال يكح...حس انه بعد العصير هدا شوي..بس عارف ان الاعراض راح تبدا مفعولها الحين..
:في الحقيقه.....مريض...
ضاري فهم: اهـــا..
سامي طالع ضاري بعين كلها امل ..وده ان الامور تمشي مثل ما يبي..
: ضاري...انا ما ابي استغل اختك...ولا ابي اضيع عمرها..صح انا مريض والمرض الي اعاني منه يمكن يستحيل علاجه ..بس وربي ما أثرت عليها ولا عمري بينت لها شي..او استغليت عطفها ورحمتها ولو اني حسيت انها راح تاخذني عطف ولا شفقه راح ارفض هالشي...بس اختك يا ضاري وربي يشهد علي انها محترمه وشريفه وطاهره وملااااك ولا مره قالت لي كلمه برا حدود شغلها..
ضاري بثقه: واثق في اختي...
سامي: وانا اقولك هي قدها..
ضاري: بس رحلتها بكره..!!
سامي بخجل من ضاري: انا معاها في الرحله...
ضاري فهم ان اريام اكيد راح تروح معاه والسالفه كلها عشانه..وهو بتفكيره المنطقي ما يبي يخسر أي طرف ويخلي الامور تمشي تمام...
: طيب الحين تبونا نزوجكم في يوم واحد..؟
سامي: على الاقل يكون في شي بينا رسمي..
ضاري: طيب لو أجلتوا الرحله ليوم الاربعاء ..عطونا وقت شوي...على الاقل نسأل عنك..
سامي ما قدر يتحمل اكثر..راح يتمدد بمجلسهم من الالم وتغيرت ملامح وجهه...
:براحتكم...
ضاري: انا أكلم اريام..والرد يوم الاربعاء..
سامي بسرعه وقف..:اوكي..يله انا استأذن.."وحس ان توازنه اختل"
مسكه ضاري بسرعه: فيك شي!!
سامي طلع موبايله واتصل على الممرض: لالا تخاف...الووو سالم..تعال بسرعه داخل..
ضاري سانده لحد ماشاف الممرض داخل..
سامي لف عليه ووجهه كله أسى..:اسف تعبتك معاي..
ضاري منصدم...وسكت..
جاء الممرض وسنده وطلعوا...
جلس ضاري يستوعب اللي قاعد يصير" الرجال مره مريض..كيف اعطيه اختي..ولو امنعه اكيد بكون سويت اكبر غلط في حقها..البنت تبيه بالحلال..ليش امنعها...وهي راضيه بعيوبه واكيد انها اكثر وحده عارفه بحالته الصحيه..."
تنهد وطلع لاهله..
شاف اريام واضح عليها ان الانتظار احرقها ..باين انها خايفه ومتوتره ولا تدري ايش ممكن يصير..
:الســـــــــــلام..
اريام لفت عليه بسرعه ..تنتظره يقول شي..
ضاري ما طالعها وجلس على الكنب..
:يبه ايش رايك بالرجال...؟
حمد معصب: ما عجبني..
ضاري: ليـــه..؟؟
حمد سكت شوي..ماله مبرر..:الرجال مو من مستوانا ولا هو قد بنتي..
ضاري: بس بنتك تبيه..
موضي: وابوك ما يبيه..
ضاري: يمه..اتكلم مع ابوي انا..
موضي بنفسها"يارب تاخذه وتفكني منه..مايقوي بناتي علي الا هو.."
حمد انفعل: تبيه ولا ما تبيه ما يهمني..
ضاري بهدوء: يبه..راح نسأل عن الرجال ونشوف..والرجال ما تنقاس بفلوسهم بأخلاقهم..
حمد سكت..لان موقفه ضعيف تقريبا..
ضاري لف على اريام: راح أأجل سالفتك ليوم الاربعاء زين...
اريام: والبعثه..؟؟
ضاري: انا بضبط وضعك واحجز لك الاربعاء..وانتي ضبطي امور المستشفى...حاولي"وغمز لها"
اريام على قد ما ودها تبتسم..على قد ما ودها تبكي وخايفه..وطلعت لغرفتها فوق..
دانا ولانا ..مالهم راي في الامور الكبيره هذي..
وهمست دانا: لنو...شكل المشاكل جايه بالطريق..
لانا مكشره: اختك من وين طلعت لنا بهذا بعد..كفايه هي مفشلتنا تجي بعد مع زوجها تكملها..
دانا: بس مو كأن ضاري موافق عليه..
لانا: عاد ضاري..اي شي يعاند امي بيسويه ما ادري ليه...
دانا نغزتها: خلاص اسكتي ..لا تجي لنا كلمه تطيح وجيهنا..
لانا: انا بطلع فوق..بشوف الغبيه هذي ايش قصتها..
وفعلا طلعت لانا لغرفة اريام ودخلت عليها...
اريام كانت الدنيا تدور فيها ماهي لاقيه حل او طريق..ما تدري وين راح توصل بها ولا راح وين توديها..سامي تبيه بأي ثمن..وابوها يهمها رضاه وما تقدر تزعله...هو الوحيد اللي يفهمها بالقصر الكبير هذا..مالقت في يدها حل غير انها تبكي على فراشها وتفرغ اللي في قلبها على وسادتها..
فتحت لانا الباب وشافتها تبكي..
: اريام!!
اريام سكتت وحاولت تمسح دموعها..ولا لفت عليها..
لانا رفعت حاجب: انتي من جدك بتاخذين هذا...؟ احنا ما حنا ناقصين احد ينزل راسنا ولا يقلل من مستوانا..انتي دكتوره وشي ..ما لقيتي الا الحافي المنتف؟؟
اريام بشده: لانا...والله ماني رايقه لك ..تكفين خليني بهمي..
لانا جلست عندها: اريام لا تفكري بنفسك وبس..فكري بأبوك واهلك..وشيلي من بالك الانانيه..وانتي عارفه نظرة الناس..ايش تبيهم يقولون عنا..؟؟
اريام رجعت وكأنها طفله: يقولون اللي يقولون انا ما يهمني..
لانا حست ان اريام تحبه: هو شنو وظيفته..؟
اريام سكتت...لو عرف ابوها انه بدون وظيفه وأنه مريض ومو مثل ما قالت دكتور كبير ..ايش راح يسوي..؟؟
لانا شافت القلق بعيونها: لا يكون فراش....؟؟
اريام عصبت: لانا..وبعدين معاك....ممكن تتركيني لحالي..
لانا: انا بطلع..بس لا تحلمي فيه كثير..وخلي حركات المراهقات عنك..هه مراهقات عجايز.."وطلعت"
اريام رجعت تبكي بحرقه اكثر..الكل ضدها ماهي لاقيه احد في صفها"ليه..ليه انا وش قلت غلط..انا ما جبت لهم العار ولا نزلت راسهم ..انا قلت لهم زوجوني اللي احبه وبس.."
وسمعت ضرب الباب..
:لانا..قلت لك ما ابي اسمع شي منك..
وانفتح الباب..
وبصوته الرجولي: انا ضاري..
اريام بسرعه مسحت دموعها واخترعت: ضاري!!
ضاري دخل وسكر الباب وراه..
: ايوه....."وجلس جنبها"....الحين ليش الدموع..؟
اريام غرقت عيونها دموع من جديد:ضاري انا سويت شي غلط...؟
ضاري سكت.....:أنا امشي وانا مغمض عيوني ومتأكد انك مستحيل تقربي للغلط..
اريام: ليه امي وابوي يحسسوني اني حطيت راسهم بالتراب..
ضاري: ما عليك من خرابيط ابوي..واللي تمشيه موضي..
اريام طالعته: امك!!
ضاري ارتبك: ايوه امي....الله يهديها..
اريام: وانت ايش رايك..؟
ضاري: انا راح اسأل عنه واذا هو رجال وكفو..ما راح اعترض...بس ..بس يا اريام انتي اكيد عارفه انه مريض ومريض مررررره..
اريام نزلت راسها ولعبت بأيديها: عارفه...وراح يتعالج.."لفت على ضاري"..وفيه امل انه بتشافى..
ضاري: يعاني من ايش..؟
اريام غصت بعبرتها: سرطان.....سرطان بالدم..
ضاري انصدم...ما قدر يبلعها..المرض هذا قاتل للمريض نفسه وللي حوله...يشوفون غاليهم يموت قدامهم ولا يقدرون يسوون له شي..
: انتي واثقه من قرارك..؟؟
اريام: ضاري بكون صريحه معاك..انا بحكم عملي اخالط كل الاجناس..رجال ونساء...عمري ما شفت بأخلاق سامي ولا شفت احد بأسلوبه..انا ما انكراني اعجبت فيه واسفه اقولها لك بوجهك بس ما عمري وضحت له وربي يشهد علي...
ضاري سكت..بحكم انه رجل شرقي غيووور..مهما كان الغيره بتحرق قلبه..كتم كل شي بصدره مدام المسأله في العلن مو الخفى والرجال جاي من الباب..
:واضح عليه.."ووقف"...على العموم ضبطي امورك ونتفاهم بعدين.."وباس راسها"..تصبحين على خير..
اريام ابتسمت له وحست انه بجد ريحها كثير وقبل لا يطلع نادت عليه..:ضــــــــاري!!
ضاري لف عليها وما حس الا هي راميه نفسها بقوه بحضنه..
:صدقني لو قلت انه ما يصلح لي..ما راح اخذه..
ضاري ما تعود يضم احد ولا عرف ايش يسوي...بعدها عنه ومسكها من كتوفها..
:ربي يكتب اللي فيه الخير..
وطلع...
اريام سكرت الباب وتسندت عليه..
:يارب اذا فيه خير سهل لي اموري..واذا فيه شر لي بعده عني يارب..
ضاري طلع من عندها حس انه هلكان..بس عنده امور في الشركه متعطله..راح اخذ له شور وبدل ملابسه وطلع من جديد للشركه..
>>>>>>>>>>>>>>>>>>>>>>>>>>>>>>>>>>>>>>>>>>
:ايش رايك بالكلام اللي قاله ولدك...؟
حمد: نشوف اخرتها معاه..
موضي: مو على كيفه يقوي البنت علينا...
حمد عصب: وانتي ترى محد فاضي لك..
موضي: لا تصرخ علي...اصلا انت مالك شخصيه..وولدك بياخذ حلالك ويمشي امور بناتك وانت تتفرج..
حمد: موضي...سكري فمك احسن لا اقوم اسكره لك..
موضي : استقوي علي بس...الحلال لو اقولك ايش سويت فيه بتقول ما سويت شي..وولدك هذا هو ليل ونهار يسعى لهم..
حمد تنهد: الشرهه مو عليك الشرهه على اللي يجلس ويقابل وجهك اللي ما يجي من وراه الا المشاكل.."وراح"
موضي كشرت: ياربي انا الله بلاني بواحد ماله كلمه وكل راي يمشيه يرفع الضغط اووووف..
على الساعه تسعه..
طلع موبايله واتصل..
: الوووو
مدى: هـــــــــــلا..
ضاري عرف انها معصبه لحد الان وقرر يتبع اسلوب جديد: الحين انا بمرك عشان تاخذين الاوراق من بيتكم..
مدى: طيب..
ضاري سكت ما يدري وش يقول: خلاص....مع السلامه..
مدى: مع السلامه..."وابتسمت"..الحمد لله والشكر...ما ادري من فينا مفروض يزعل..
ابتهال صحت من النوم: ضاري!!
مدى: الحين بيجي ياخذني ...تروحين معاي..
ابتهال: ايوه...ابي اروح لمشاعل..
مدى: اصلا ما اقدر اخليكم لحالكم..قومي البسي ولبسي اخوانك معاك..
ابتهال: ا نشا الله...
دقايق وعندهم ضاري..
ابتهال: راح نزعجك ونجي كلنا..
ضاري بدون ابتسامه ولا شي: لا عادي...يله مشينا..
وفي الطريق الكل ساكت وملتزم الصمت..
ولما قربوا حارتهم حنو لايامهم..ذكرياتهم الطفوله واللعب والضحك..المراهقه والمغامرات..وحتى المشاكل..الحين كل شي فيها يدعو للابتسامه قد ما يدعو للحزن..على قد ماهي حلوه على قد ماهي مرّه..فقدوا الضحكه اللمه الحلوه..الجيران ..الاحباب..فقدوا فيها حتى امهم وابوهم..
ابتهال خنقتها العبره: ضاري اذا سمحت حطني عند مشاعل اليوم..
ضاري: ابشري..
ومرت من عند بيت عزام..وحنت كثير له..ولأيامها وحتى لهفتهم لشوفته كل صباح..
وقف عند باب بيت ام ناصر..ونزلت معاها وداد وبدر..
وضربت الباب ..وفتح لها الخدامه حقت ام ناصر..
ضاري حرك سيارته الصغيره لبيت عمه....
مدى يتقطع قلبها ولا تدخل بيتهم مره ثانيه..حست انها بتقول لضاري لا تروح له..خلاص مانبي شي..بس لا توديني له..لكن كل الظروف ضدها وضد رغبتها..لازم تكافح لو مو عشانها عشان اخوانها..
وقف عند الباب..
: انزل معاك..
مدى بجفا: لا...."ونزلت"
ضاري بنفسه"آخ بس ...ودي اكسر لها خشمها"
فتحت الباب بهدوء تذكرت لما كانت تجي من الدوام..فتحت الباب الداخلي..وكأنها تشوف بدر يلحق وداد عشان اللعبه..وابتهال تطل عليها من الغرفه وتسألها"مدى جيتي..يله بسرعه بدلي جوعانه"..ومشت للصاله تخيلت ابوها لما كان صاحي في ذاك اليوم وكان مهتم لهم وسأل عنها..
راحت للمبطخ تخيلت امها بين القدور "يمه مدى وصلتي...يله يمه روحي بسرعه بدلي اخوانك ميتين جوع"
خلاص روحها بتطلع منها...كل الذكريات كأنها اشباح حولها مزعجه مخيفه..وفتحت لها كل الجروح..
وسمعت صوت سلطان وراها" ها مدى يا بنت الشركات متى الراتب؟؟"
تكلمت : سلطان!!!!!
وفجأه كل شي اختفى قدامها..الكل راح..وما بقى الا هي..وصدى الجدران..خلوها وحيده..تعاني وتتألم وتصارع الحياة..
تعوذت من ابليس...:بأخذ الاوراق واطلع بسرعه...
دخلت الغرفه وهي شبه مغمضه ما عاد تبي تتذكر شي..الفكره الوحيده اللي تبيها تطلع من هالبيت بسرعه..
حصلت الصندوق عليه قفل...خذته في يدها..دورت المفتاح بالدروج ولا حصلت شي..
: ما ادري وينه..."تلفتت حولها" بكيفه مو لازم..
وطلعت ركض..وفجأه تعكرت وصدمت بالي قدامها..وطاح الصندوق..
رجع على ورى يتألم: آآآآخ...ايش فيك طايره...؟
مدى حتى هي تعورت: أي...انت ايش اللي جابك..
ضاري رفع الصندوق عن الارض: تأخرتي..قلت اجي اشووفك..
مدى سحبت الصندوق منه: يله خلينا نطلع..
حس انها تركض تبي تطلع من بيتهم..ومشى وراها للسياره..
: نمر ابتهال ناخذها..؟
ضاري: خليها...انا ارجعها بعد ما تغير جو..
سكتت مدى..
ابتهال دخلت بيت ام ناصر..وهي متوقعه انها ما راح تحصل مشاعل لانوا كيد هي في المدرسه ولا عطتها خبر..
: السلام عليكم..
ام ناصر: وعليكم السلام..هلا والله يمه...تعالي تعالي يا بعد هلي انتي...
ابتهال راحت لحضنها بسرعه: هلا خالتي...
ام ناصر تمسح على شعرها بحنان: وشلونك واخبارك يمه...؟
ابتهال حست انها راح تبكي..حضنها دافي مثل حضن امها..
: بخير خالتي..انتي اخبارك واخبار مشاعل...؟
ام ناصر: بخير بشوفتك يمه...ومشاعل طيبه..شوفيها بغرفتها نايمه..
ابتهال ما توقعت: غايبه..؟
ام ناصر: أي والله غايبه ما عاد لها خلق للمدرسه...روحي صحيها اكيد بتفرح بشوفتك..
ابتهال فرحت: ا نشا الله..
وقعدت ام ناصر عند وداد وبدر هم يحبونها وهي تموت فيهم..
طلعت ابتهال فوق...في البيت اللي متعوده عليه...
وفتحت باب غرفة مشاعل وشافتها نايمه..حست ان الفرحه رجعت لقلبها من وجه مشاعل..مبتسمه وهي نايمه..
"ما شا الله عليك يا شعيل"
وراحت وقعدت عليها..
مشاعل انكتمت انفاسها...ما تدري من اللي ممكن يجلس عليها..
: من هذا الدوب...بعد عني..
ابتهال: ليش غايبه...؟؟
مشاعل فتحت عيونها ما استوعبت الصوت وصرخت صرخه مكتومه: ابتهااااااااااااااال؟؟؟؟؟؟
ابتهال ضحكت: ايوه يا الخايسه...
مشاعل: طيب بعدي عني خليني انتفس قبل لا اموت وانا ما بعد شفتك..
وخرت عنها ابتهال..
وقعدت مشاعل ..طالعت ابتهال تبي تتاكد هي علم ولا حلم..
وفجأه صرخت: ابتهاااااال "ونطت عليها"
ابتهال ضحكت: هههه طيب يا دوبه وخري عني...الحين انا بموت..
مشاعل بوست فيها: واحشتني وربي اشتقت لك..ابتهال الحياة بدونك سخيفه والله..
ابتهال دفتها: طيب بعدي عني عمى...اول مره تشوفين وحده حلوه..وبعدين ادري ان الحياة بدوني ولا شي..
مشاعل طالعتها بحب ورجعت ضمتها: احبك يا الشينه..
ابتهال ضحكت من قلب: طيب هههههههههه خلاص ارحميني شوي...
مشاعل ضربتها: من جابك...؟
ابتهال: ضاري..
مشاعل تبي توصل للسالفه: وسلطان....!
ابتهال اختفت ابتسامتها: سالفتنا طوووووووووويله..
مشاعل حست انو في شي: خير وش فيه...؟
ابتهال: انتي قومي ..بدلي ملابسك وصلحي لي فطور بعدين نتفاهم..
مشاعل سوت كل شي بسرعه ورجعت لها...
: ابتهال ايش فيه سلطان...؟
ابتهال حكت لها كل شي وهي تبكي من لما ماتت امها والسبب انها سمعت بولدها بالسجن الى وقتهم الحالي وكيف ضاري معاهم بالخطوه..
مشاعل تمسح دموعها:سطان!! ليه يا سلطان تسوي كذا..؟
ابتهال: اعرف اخوي ما سواها الا عشان شي كبير..
مشاعل: مهما كان....يسرق!!
ابتهال تنهدت: وهذا اللي حصل..
مشاعل : ومتى بيطلع..؟
ابتهال: علمي علمك..ضاري يسعى بالموضوع..
مشاعل سكتت شوي.. وفجأه : عزآآآآآم..
ابتهال اخترعت من الاسم: وش فيه...؟
مشاعل: نقول له..
ابتهال: ايش تقولين له.؟؟
مشاعل: عن سلطان..هو شي كبير اكيد يقدر يساعده..
ابتهال ترددت: وانا بفضح اخوي عند مرام..وعند اخوها..
مشاعل: لا بدون ما تعرف مرام..
ابتهال سكتت شوي وطالعت مشاعل بترقب: كيف....؟
مشاعل: من الراس للراس..
ابتهال احترقت اعصابها: ايوه وشلون..؟
مشاعل: كلميه عن اخوك..وهو شاهد وعارف ان سلطان برئ يمكن يقدر يساعده...
ابتهال سكتت تفكر..محتاره...اذا كان فعلا بيده شي مستعده تكلمه وتترجاه بس تخاف تحكي عن اخوها على الفاضي..
: مشاعل اخاف ما يقدر يسوي شي..
مشاعل: عزام رجال..ومو بزر يقعد يمشي ويقول السالفه للناس..كانه بيقدر بيسوي اللي عليه..واذا ما قدر على الاقل يتابع سلطان..
رجعت ابتهال تفكر..
مشاعل: ابتهال..كل شي راح نسويه عشان سلطان يطلع..
ابتهال بتبكي: الحياة بدونه صعبه...فقدت سندي بهالدنيا وفقدت اخوي وحبيبي والله..
مشاعل: طيب خلاص توكلي..
ابتهال تحمست: مستعده اسوي كل شي عشانه ..يله راح اكلمه..
مشاعل: انتظري..اذكر جدتي عندها رقمه..دايم تتصل عليه
ابتهال: وجدتك وش عندها تكلمه...؟
مشاعل: هههه صديق ولدها لا تخافين..من الحرص الزايد على عبد الله..تسال عزام كل يوم وين يروح ووين يجي ويسوي مخالفات شي ولا شي هههههه
ابتهال: والله جدتك تحريات..
مشاعل غمزت لها: لا تستهنين بقدرات امي..يله بروح اجيب موبايلها..
فــــــــــــي الفنــــــــــــــــدق..
:شوف هذي...!!
ضاري يطالعها: لا..
مدى تمد له ورقه ثانيه: وهذي!!
ضاري تنهد: لا..
مدى تعبت: الاوراق كلها مو مهمه...شكلها ماهي موجوده..
ضاري: دوري عليها اسم ابوي وابوك..
مدى فتحت ورقه وصرخت: هذي,....والله هذي..
ضاري وقف وجلس جنبها بعفويه: اشوف..
مدى لفت عليه ومدتها له..
ضاري يقرا الورقه بسرعه ..ورقه مصوره بان الحلال كله بأسم حمد..
ضاري ابتسم نص ابتسامه: ايوووووه..هذي......"ورفع راسه شاف مدى تطالع الورقه بأبتسامه ..بجد اشتاق للابتسامه هذي..وخصوصا ان خدودها صايره ورديه بسببها..."
مدى حست انه يطالعها...وانتبهت لفرق المسافه اللي بينهم..
ووقفت: باقي ورقه ثانيه..
ضاري: ما بقى الا الشيكات وهي عند ابوي..
مدى: ومتى راح تلاقيها..
ضاري: قريب..
سكتت مدى
وسكت ضاري..
: طيب يا مدى...عندي اقتراح..
مدى: شنو...؟
ضاري: ليش ما تجون عندنا بالقصر..؟
مدى بسرعه: مستحيل..
ضاري: ليه..؟..انتي راح تسكنين في بيت عمك..
مدى : مستحيل..اروح اسكن عند ابوك..
ضاري: ترى القصر جزء من حلالكم..بما انه حق جدي..يعني ما راح تسكني في بيت ابوي لحاله..
مدى: حتى لو..انا بأشتري لي بيت خاص لنا..
ضاري: لحد ما يطلع حلالكم...لان السالفه يمكن تطول شهور...
مدى سكتت
: رجعنا بيتنا..
ضاري بيتبع نفس اسلوبها: بيتكم راح للمشروع..
مدى سكتت ما تقدر تجبره يسكنها على حسابه وهي حتى الشغل ما تشتغل ..اصلا ما تقدر تترك اخوانها..
ضاري: مدى ..قلت لك هو بيتكم مثل ما هو بيتنا..
مدى: بأفكر..
ضاري: فكري وردي لي خبر...
فــــــي المدرسه..
دانا ....مستغربه..فيصل اليوم ما جاء عندها بالفسحه ولا مر عليها ولا حتى سلم عليها..
جاء وقت الطلعه ولا شافته...وقلقت..
: لمو...ما شفته..!
لمياء: يمكن غايب..
دانا: لا...صاحباته يقولون مداوم..
لمياء: غريبه..انتوا متهاوشين..
دانا تحاول تتذكر: والله ما اذكر اني قلت له شي يزعله...
لمياء: شوفيه..شوفيه..
دانا بسرعه وقفت: بروح له..
كان ماشي ناوي يطلع من المدرسه..
ونادت عليه: فيصل..
فيصل سمع ولا كأنه سمع
نادت عليه مره ثانيه ولحقته: فيصل..فيصل بليز وقف..
فيصل وقف بطفش..
قربت له دانا: فيصل...وينك اليوم..؟
فيصل لف عليها بدون نفس: خير ...ايش تبين؟؟
دانا استغربت اسلوبه: فيك شي...؟
فيصل صد عنها: لا..
دانا قربت له اكثر : لا بجد فصول فيك شي؟ انا زعلتك بشي؟
فيصل كتف ايدينه: ما ادري عنك اسألي نفسك..
دانا تحاول تتذكر: طيب قولي..
فيصل : يعني ما تذكري...؟
دانا: والله ما اذكر..
فيصل مشى: الظاهر انتي تعانين من مرض...روحي اكشفي..
دانا لحقته ومسكته: فصول قولي ايش سويت لا تخليني كذا؟؟؟
فيصل: حركتك امس اخر الدوام ما تذكريها...؟ لما رحتي وتركتيني كأني غبي..
دانا انصدمت: قصدك على الحركه اللي امس؟؟؟؟؟؟
فيصل: ايوه..اذا انتي ما تبي نحب بعض خلاص ننفصل انا تعبت وعلاقتنا مجرد صداقه..
دانا ما استوعبت: طيب....طيب ايش تبيني اسوي..؟
فيصل: اذا عندك استعداد نصير احباب ونعيش حياتنا مثل اللي يحبون تعالي..ما عندك..انا بطريق وانتي بطريق..
دانا بكت: فيصل لا تسوي فيني كذا..
فيصل: انا قلت لك وانتي حره...يله سلام يا حلوه..
وطلع وترك دانا حايره..
جاء خوي فيصل: دانا...فيصل يحبك..سوي أي شي يرضيه لا تزعلينه منك ترى راح تخسرون.. بعض عن اذنك..
دانا تطالعهم يطلعون وباين ان فيصل متضايق..
جات لانا عندها..
: ايش عنده عنتر معصب...؟
دانا لفت عليها معصبه: لنو..محد رايق لك..
لانا: هدي هدي..كل شي ولا فصول..مالت عليها الغبيه المريضه..شهد تكفين امشي ترى كبدي لاعت..
جات لمياء: ها بشري
دانا: زعلان...يقول يا نحب بعض يا نترك بعض..
لمياء: وانتي ايش رايك..؟
دانا: انا ابيه...حبيته وتعلقت فيه..
لمياء: انا من البدايه معترضه فا ما راح اعلق..
واقف برى يرن الجرس والشمس حرقته..
ابتهال تطلع بسرعه..
: يله شعوله..اشوفك زين..بحاول ازورك بين فتره وفتره..
مشاعل وهي تمشي معاها: والمدرسه..؟
ابتهال: ما ادري..."وفتحت باب الشارع ..وضاري بوجهها.."...تأخرت عليك..
مشاعل تخبت ورى الباب: عمى بغى يشوفني..
ضاري: لا عادي...عبد الله فيه؟؟
مشاعل من ورى الباب: لا والله مو فيه..
ضاري: سلمي لي عليه مع السلامه..
مشاعل: مع السلامه.."وسحبت ابتهال من عبايتها"..هذا ولد عمك.؟
ابتهال: لا ابوي..
مشاعل: ما شا الله ما شا الله الشي هذا ماركه تمشي بروحها....ايش الحلاوه هذي والكشخه..
ابتهال: احنا صرنا تجار يا قلبي..يله سلام..
مشاعل: ههه سلام..
وركبت في السياره ورى..
: غيرتي جو..؟
ابتهال وهي تجلّس اخوانها عشان ما يخربون شي: ايوه الحمد لله...ربي يعافيك ضاري..
ضاري ما يحب الرسميات مع ابتهال: أي وقت تبين تروحين لهم قولي لي...
ابتهال: ان شا الله.
ضاري: والمدرسه؟؟
ابتهال: ما ادري ما بقى شي على نهاية الترم الاول..ودي اكمل...
ضاري: كملي هذا السمستر بالمدرسه اللي هنا والثاني راح انقلك لمدرسه ثانيه...
ابتهال: وصاحباتي..؟
ضاري: فيه غيرهم...والقديمات لا تقطعين فيهم..
ابتهال تنهدت وسكتت..ضاري هو المسؤول وهو اللي يقرر وصعبه تفرض عليه وتجبره يوديها هنا كل يوم..المسافه مره بعيده عليه وصعبه..
وصلها الفندق وراح لما تأكد انها دخلت..
: السلام مدو..
مدى: هلا وعليكم السلام..اخبار مشاعل؟؟
ابتهال جلست جنبها و وداد وبدر ركضوا لحضن مدى
: والله غيرت لي جوي...بجد كنت محتاجه لها..ربي يخليها ولا يحرمني منها..حسيت لفتره اني ما اقدر اتنفس بس لما شفتها وحكيت لها احس اني ارتحت شوي..
مدى: عساه دوم الراحه...الله يغفر ويرحم موتانا وموتى الملسمين احس ان صار لامي دهر وهي وتاركتنا..
ابتهال: آمين.. كان نفسي اشوف ابوي.
مدى: كان ودي اقول لضاري عنه...بس حسيت انه ما يقدر يتنفس بسببنا..
ابتهال: قال لي داومي في مدرستك هالترم والجاي راح ينقلني..
مدى: صح ما بقى شي ويخلص السمستر..
ابتهال: بس احس مالي خلق دراسه احس اني تعبانه ونفسيتي دماار
مدى : بالعكس...راح تغير عليك جوك..يعني الحزن في القلب يا ابتهال مو في الافعال..يعني لو وقفتي دراسه وضيعتي سنه راح يتغير شي...بالعكس راح تزدينها
سكتت ابتهال وكأنها اقتنعت..
مدى: قالي راح نعيش في قصرهم..
ابتهال انصدمت: ليه؟؟؟؟؟؟؟؟؟؟؟؟؟
مدى: بيتنا راح ينباع..ويقول ان القصر اصلا بيتنا كلنا..يعني بيت جدي مثل ما هو بيتهم احنا لنا نصيب فيه..
ابتهال: ما يصلح نعيش لحالنا..!
مدى: ما راح يخلينا شوفي كيف حايس الحين وانا طلعتي صارت صعبه عشان بدر ووداد"وباستهم وهم ساكتين في حضنها"
ابتهال: قلتي له شي..؟
مدى: قلت بفكر واخذ رايك..
ابتهال: هومعاه حق..بس صعبه نروح نعيش مع ناس ما يعرفون عنا شي ولا نعرف عنهم شي..
مدى: لازم يتعودون مو احنا بناخذ حلالنا..
ابتهال: صح...الله يعين على الجاي بس...
اريام عدلت كل الاجراءات ليوم الاربعاء ...صح التأخير في حالة سامي له تأثيره..بس ايش تسوي وكل الظروف جات ضدهم..
دخلت عليه بعد لف ودوران وتعب..
: صباح الورد..
سامي : قولي مساء الورد..شوفي ساعتك أي صباح..
اريام: ههههه اسفه...بس قعدت أأجل كل شي ليوم الاربعاء
وجلست عنده...وشافت ورد..
: مررره يجنن..مين جابه..
سكت سامي..
اريام طالعته: مين...؟
سامي: ما عليك منه انتي احلى من الورد..
اريام: طليقتك؟؟؟
سامي ارتبك: ايوه..
اريام اشتغلت الغيره: ليش....لسه حضرت جنابها فكرت فيك...
سامي ما حب يخوض نقاش: اريام ما عليكي منها..
سكتت اريام..
سامي يغير الموضوع: ايش قال ضاري ...وابوك وامك وخواتك..
اريام حاولت تعدي سالفة الورد: ضاري معانا..وللاسف الباقي كلهم ضدي...
سامي انصدم : ليــــــــــــــه..؟؟
اريام حبت يكون بالصوره: اهلي انت ما تعرفهم على قد ماهم متفتحين ا لا الافكار الغبيه في روسهم..
سامي: لا تزعلي نفسك...اكيد راح يرضوا ويقتنعوا
اريام: اذا ضاري راح يسعى في موضوعي راح يمشي وانا بصراحه اثق فيه وفي رايه..
سامي: حتى لو قال لا...؟؟
اريام بعبط: حتى لو قل لا..
سامي ابتسم: اخ لو اقوم واعضك عشان تتأدبي..
اريام: هههه طيب انا طالعه عندي شغل ...اشوفك بوقت ثاني..
سامي ابتسم: لا تتأخري..
اريام وهي طالعه: ان شا الله..
: ايوه في مجال نتقابل اليوم...!!
: اكيد فيه في مجال..آمر يا ابو ضاري..
حمد: ابي اسجل نص حلالي بأسم ثاني..كم تاخذ الاجراءات هذي من وقت..
:لا ان شا الله كل شي راح يمشي تمام وماتاخذ وقت..
حمد: زين....اشوفك اليوم ونتفاهم بالتفاصيل..
: ان شا الله...
جالس ومعاه القران ..ويقراء بصوت خاشع..ودمعته حايره بين عيونه..اللي حصل شي ما يتوقع..من كان يصدق او يتخيل انه ممكن في يوم من الايام راح يكون قدره كذا!!
: صدق الله العظيم "ومسح وجهه ولف على صديق عمره اللي شاركه حتى وقت شدته"..ثامر..!
ثامر اللي كان منصت لتلاوة سلطان المؤثره ويحس بالراحه لما يسمع شي من القران الكريم بصوته..
: هلا سلطان..
سلطان: ثامر انا مليت ابي اطلع..ابي اروح لاهلي..
ثامر وهو حاس بنفس الاحساس والمراره: عند الله فرج يا سلطان..
سلطان اختنق صوته: ثامر انا مو مصدق اني سرقت..احس اني كنت في هذيك الايام احلم او في غيبوبه..
ثامر: الشيطان اعمى عيونا..عسى بس نقدر نكفر عن ذنوبنا..
سلطان سكت للحظات يدعي لنفسه ولثامر ولجميع المسلمين بالعفو والصفح بنية التوبه النصوح..
ثامر حط يده على كتف سلطان: الامل بالله يا سلطان الامل بالله...
>>>>>>>>>>>>>>>>>>>>>>>>>>>>>>>>>>>>>>>>>>
دخل على الضابط المسؤول عن قضية سلطان..
:السلام عليكم..
:هلا والله بعزام"وقام يسلم عليه"...كيف حالك؟؟
عزام: الحمد لله تمام انت كيفك..؟؟
الضابط: بخير الحمد لله..وين الغيبات..
عزام: والله مثل ما انت عارف الشغل والحوسه وهالايام انظمه وقوانين جديده يعني لخبطه..
الضابط: الله يعين الجميع..
عزام: بندر ...انا جايك وابي منك خدمه..
الضابط بندر: هلا آمر...
عزام: انا لي صديق عندكم متهم ولا ادري ايش قضيته بالضبط وابي اعرف ايش عنده...
بندر: من هو؟؟؟
عزام: سلطان محمد(...)
بندر عرفه على طول: ايوه ايوه سلطان صديقك!!!
عزام: ايوه صاحبي ..هو ايش عنده؟؟
بندر: هو والله يا عزام رجال وما عليه كلام بس عيال الحرام اغروه..اتهموه في البدايه بقضية مخدرات لما خلص مهمته معاهم..بس الحمد لله كل شي بان بس في الحقيقه هو متهم بالسرقه..
عزام: لا حول الله..طيب وكم عليه..
بندر: عليه سنه و جلد..
عزام : سنه!! طيب في مجال من هنا ولا هنا..انا عارف الرجال يا بندر مو راعي هالحركات..
بندر: والله انا حاولت يا عزام..بس مافي مجال..
عزام: طيب لو التزم او حفظ القران تختصر؟؟؟
بندر فكر: هو على حسب المادة 47: للجهة المختصة بناء على توصية من مدير عام السجون الإفراج عن أي مسجون حفظ القرآن الكريم أثناء قضاء الفترة المحكوم بها عليه.
ممكن نستغل النقطه هذي..
عزام : كم تصير؟؟؟
بندر: قول 6 شهور..
عزام فرح: حلوو
بندر : ان شا الله هو قدها..انا والله اني معاه هو وخويه ..
عزام: انا بروح اشوفه..ومشكور يا بندر..
بندر: العفو..وما سوينا الا الواجب ولو هو ما يستاهل ما تعنيت له..
عزام: يله سلام...
وتوجه لسلطان...
....: سلطان عندك زياره....
سلطان اول ما جاء في باله ضاري...وانصدم لما شاف عزام مبتسم وبنفس الوقت ارتبك وحس نفسه صغير قدامه..
عزام حضنه: هلا سلطان..اخبارك ان شا الله تمام..
سلطان وهو منزل راسه: الحمد لله بخير..
عزام بعد عنه وطالع وجهه: سلطان ارفع راسك..احنا عارفينك..
سلطان حاول بس ما قدر: عزام..انا انسان دنيئ ومنحط وفاشل والله ما استاهل نظرتكم هذي..
عزام رفع راسه بيده/ سلطان صدقني انت بعيونا كبير ومن اللي ما يغلط وبعدين ربك غفور رحيم..
سلطان: بس يا عزام خطاء عن خطاء يفرق..
عزام: اللي يفرق يا سلطان اللي يكفر ويصحح غلطه..انت سويت شي بسيط عند اللي سوو المصايب ولا حسوا بغلطهم ولا تابوا..
سلطان: الله يتوب على الجميع والله اني يا عزام متحسف قد شعر راسي ..واكثر بعد..
عزام مسح على راسه بأبتسامه: عندي لك بشاره.
سلطان: بشرني يا اخوك والله من زمان ما سمعت شي يفرح.
عزام: انا كلمت لك الضابط بندر وقال ممكن اقدر اساعده اذا حفظ القران كامل..
سلطان: يساعدني بأيش؟؟
عزام: محكوميتك سنه كامله....ممكن تصير 6 شهور..
سلطان طار من الفرحه: والله...
عزام انبسط لفرحته: والله.ههههههههههه
سلطان ما عرف يعبر: انا ...ههههه وربي مو مصدق....اصلا انا كنت ناوي ..وعسى ربي يكتب لي الاجرين الدنيا والاخره..
عزام: ان شا الله..
سلطان: الله يفرحك ان شا الله..والله ان هالخبر عندي بكنوز الدنيا...لحد الان ماني مصدق..
عزام: انت حبيبنا والله..
سلطان تذكر: وثامر...؟
عزام: حتى ثامر معاك..شدوا الهمه..
سلطان: ابشر وجزاك الله الف خير..
عزام: طيب يله انا استأذن..
سلطان: في حفظ الرحمن...
: بكره نروح المحكمه ونتفاهم هناك..
حمد: ازين...اجل بكره نلتقي...
المحامي: بأذن الله..
وطلعوا من المكتب..
حمد: اخوي..يا ليت كل شي يتم بسرعه..
: ليش العجله يبه...كل شي بالروقان حلو...
حمد بلع ريقه ما توقع جيته..
: خلاص يا صالح انت روح واحنا بكره نلتقي..
طلع المحامي صالح...وبقى الاثنين كل واحد مستعد للثاني..
حمد: خير وش تبي..؟
ضاري: وش ناوي عليه..؟؟
حمد: وانت ايش عليك لا يكون موكل علي...
ضاري ببرود: لا بس حبيت اقولك اني رحت بيت اخوك وحصلت ورقه يمكن اهم ورقه بحياتك موقع عليها..
حمد اخترع وارتبك: أي ورقه...؟؟
ضاري: نسيت الورقه اللي وقعت عليها اخوك بأن كل الحلال بأسمك..!!!
حمد وكأن السماء طاحت عليه" وشلون حصلها!!"
ضاري: اشوفك ساكت يبه..
حمد يتظاهر بالبرود: اشبع فيها ما ابيها..
ضاري: بس المحامي يقول غير كذا..
حمد: ضاري العب بعيد عني..
ضاري: انت اللي لا تلعب..حلال الناس بتاكله..يبه انا ما ابي ادخلك في محاكم ويقولون الولد العاق اللي جرجر ابوه في المحاكم...
حمد: وعندك نيه تسويها..
ضاري: يبه مال ايتاااام...
حمد: محمد عايش وين ايتام...وبعدين هذا حلالي تعبي وجهدي..
ضاري: والحق حق...بعدين تزور اوراق وتقول حلالي!!
حمد: انا ما زورت شي...
ضاري: على العموم يبه..انا راح اخلي الورقه عندي بس لو رحت بكره للمحكمه انا راح اعطي الورقه المحامي يتصرف..
حمد صرخ: ضاري انت ايش قاعد تقول ناوي توديني السجون..!!
ضاري بهدوء وعقلانيه: يبه انا ما ابي اخسر احد ما بعد حسيت انه جاء الوقت اللي تصحح فيه غلطك..يبه الفلوس وسخ دنيا فرقت بينك وبين اخوك..
حمد سكت..
ضاري كمل عليه: ما راح ينقص منك شي لو اعطيتهم حقهم..بس لا تتهور وتعيد نفس الغلطه..
حمد بدا يرجف: روح قولهم يجيبوا ابرة السكر بسرعه..
ضاري خاف على ابوه: ان شا الله.
وبسرعه راح للخدم..واخذ الابره واعطاها ابوه..
حمد جلس على اقرب مكان..بس يبي يتنفس..
: يبه..انا ما ابي اضغط عليك بس موضي لا تلعب عليك..
حمد فكر فيها شوي.. فعلا لو كان نص الحلال معاها واعطى اخوه حلاله بيبقى هو وعياله على الحديده...
ضاري حس انه قدر يأثر على ابوه وقرر ينسحب..
: انا طالع انام وتصبح على خير..وحكّم ضميرك..
طلع ضاري لغرفته وهو بيموت على ما يعرف ايش كان ناوي عليه ابوه..
موضي لسه داخله للبيت..وشافت حمد جالس وباين انه تعبان..
: السلام...ايش فيك..؟
حمد طالعها باحتقار ومشى وتركها ماله مزاج لها..
موضي: مالت...شايف نفسه بعد هالشايب..
>>>>>>>>>>>>>>>>>>>>>>>>>>>>>>>>>>>>>>>>>
دانا منسدحه على سريرها وعلى بطنها لالي تلعبها وبالهاااااا بعيـــــــد..
"يعني ايش تقصد بحب...اكثر من كذا وين تبي توصل...في البدايه قالت صداقه..وما اعتبر الشي اللي تسويه صداقه..كانت فتره تبي تعلقني فيها..وقدرت تخليني ما اقدر اعيش من غيرها بسرعه...آآآآآآآه "وانقلبت للجهه الثانيه"..بس انا حبيتها من جد..فيصل مالي علي حياتي عيشني بدنيا جديده..انا ما سويت شي غلط...حبيت وبس احسن من لنو ولا ابي اصير مثلها.."وقعدت على حيلها"..انا قررت ومستعده اسوي أي شي يبيه فيصل.............حبيبي.."
وفجأه سمعت صوت: ميآآآآآآآآآآآآآآآآآآآو..
وصرخت: لالي انزلي عن الدولاب...يله بسرعه come here now
>>>>>>>>>>>>>>>>>>>>>>>>>>>>>>>>>>>>>>
لانا قاعده على النت من موقع تعارف للثاني..وحاطه صورها بكل الحالات بس بدون ما تطلع وجهها..والقصد من هذا خوفا من احد يعرفها بس!!
وسمعت موبايلها يرن...
: اوووووف........ ياربي اياد........ احم هلا والله قلبي...
اياد: هلا روحي...هلا حياتي انتي...
لانا لايعه كبدها بس تجامل: ههههه يا لبى قلبك بس.
اياد: اخبارك واحشتني..لي يومين عنك.
لانا: لو وحشتك كان اتصلت..
اياد: انشغلت شوي..الوالد الله يهديه ملزم يعلمني الشغل من الحين..
لانا: شغل ايش...
اياد: بما اني الولد والوحيد فا مين راح يدير حلال ابوي...
لانا وهي تلعب بشعرها: اهاا ..وكيف الشغل..
اياد: هلااااااك..بس خلينا من الشغل الحين..ابي اشوفك مشتاااق لك موووت
لانا: وانا كمان....وين راح نلتقي..
اياد: لا تقولين مول...!
لانا: اجل وين؟
اياد: دوري غيره انا طفشت...
لانا: انا ما عندي اماكن غير المول...
اياد: طيب ايش رايك بالسياره احلى..
لانا خافت: لالا..السياره ما ابي ضيقة خلق..
اياد بخبث
: بالعكس احلى لما نكون اثنين مع بعض..
لانا: احنا مع بعض دايم يا قلبي احلى اثنين ..بس مو في السياره..
اياد ما حب يضغط مره: اوكي امري لله..اشوفك بكره زين قلبو..
لانا: اوك...باي حياتي.
اياد: باي.............آخ هالبنت جننتني..
لالانا: وع اله يقرفه خرب علي جوي...اوف الله يعيني بكره...متى راح افتك منه هذا دلوعة امه..
ورجعت للنت..ولمواقعها "الدونيه" وهي مبسوطه على التعليقات اللي تجيها لعورتها اللي مطلعتها قدام الكل من شباب وبنات بدون ما تفكر بعدين ان كل اللي سوته يعتبر زنا..
قال رسول الله صلى الله عليه وسلم: "إن الله كتب على ابن ءادم حظه من الزنا أدرك ذلك لا محالة فالعين تزني وزناها النظر"
قال تعالى"(( يا أيها الذين أمنوا قوا أنفسكم و أهليكم نارً وقودها الناس والحجارة ))
}الكلام في هذا الموضوع يطول ولكن اعتقد لو تدبرنا الحديث والايه الكريمه لا وصلنا الى الذي لا يمكن ان يصله كل الكلام{
>>>>>>>>>>>>>>>>>>>>>>>>>>>>>>>>>>>>>>>>>>
حمد رجع لمكتبه والف فكره في راسه..
"ارجع حلال محمد..!؟..محمد اخوي سكت عني سنين ولا قال شي..ليش الحين احرم عياله من حلالهم..الحمد لله ربي انعم علي .خلني اعطي غيري...ليش ما فكرت في لحظه اني ممكن اموت وفي رقبتي مال حرام..انا اكلت مال يتيم وهو اخوي من لحمي ودمي..حسبي الله على من كان السبب ..صدق ضاري الفلوس وسخ دنيا ...بس على الاقل اظمن حقي وتعبي ما ابيه يروح هدر ولعيالي بكره.."
>>>>>>>>>>>>>>>>>>>>>>>>>>>>>>>>>>>>>>>>>>>
ضاري فز من نومه..
: ما عشيت البنات...!!!!
وقام بسرعه وبدل ملابسه وطلع لهم...
دقايق ووصل لهم..
فتحت له الباب مدى..
: هلا مدى..
مدى طالعته وبنفسها"فيه شي متغير... لابس سبورت..روعه عليه اول مره اشوفه بدون ثوب.."
ضاري طالع مدى حس انها تطالعه...شافها بطرف عينه وشك بنفسه" يمكن عشاني لابس سبور ما عجبتها...يا ليتني لبست ثوب..انا ما احب حركات المراهقين والشباب"
مدى انتبهت واخير للي واقف على الباب: تفضل...
دخل ضاري وجلس: وين ابتهال...؟
مدى: داخل..
ضاري: ايش رايكم اعزمكم في مطعم تغيرون جو شوي..
: الا جد ضاري طلعنا احس اني بختنق..
مدى طالعت ابتهال بعصبيه: سلمي اول..
ضاري ابتسم لها: اجل يله...قومي بدلي..
مدى: لا ما يحتاج تتعب عمرك..عادي احنا ما تعودنا على الطلعات..
ضاري بياخذ مبدا التطنيش: والله ابتهال وانا نبي والاغلبيه على القله..يله ابتهال بسرعه بدلي..
ابتهال: مدو...يرحم والديك..ابي اتنفس..
مدى قامت مع ابتهال للغرفه..
: خير ..تمونين على الرجال...
ابتهال: الرجال هذا ولد عمي ..
مدى منقهره:ولد عمك انتي حره..بس ما نبي منه شي..
ابتهال: هو جايب لنا العشا جايبه..فا ايش فيها لو طلعنا وغيرنا جو..بعدين لو ما عشاني عشان اخواني تراهم ملوا في الغرفتين هذي اللي كأنها قفص..
مدى شافت وداد وبدر بجد اشكالهم تنرحم..ومحتاجين لطلعه مثل هذي...
وراحت تبدل ملابسها..
طلعت ابتهال وشافت ضاري حاط ايدينه ورى راسه وسانده على الكنب ويطالع فوق..وشكله مع الشعر جذاااااب..
جلست ابتهال ما انتبه لها..عنده الف فكره وفكره..وابتهال تطالع فيه..
طلعت مدى وفي يدها اليمين بدر واليسار وداد..شافت ضاري مسرّح..وابتهال مفهيه فيه..
تكلمت بشده: خلصنا...
نزل ايديه ضاري مخترع: جاهزين!!"وطالعهم ووقف"...اجل ليه مشينا..
طلعوا من الغرفه..
ضاري: هاتي بدر عنك.."ومد يده لبدر"
بدر مسك يدر ضاري وما فك يد مدى..
مدى: بدر روح مع ضاري يله..
بدر: لا..انا ابيكم كلكم..
ضاري طالع مدى بنص ابتسامه: خليه على راحته..
مدى عصبت اشكالهم وهم ماسكين بدر وكأنه ولدهم وهو الفاصل الوحيد بينهم..
ابتهال وراهم تضحك عليهم بجد اشكالهم لايقه لبعض..
دخلت اريام غرفته وفي يدها باقة ورد جديده..سامي يطالعها..دخلت بدون سلام ولا كلام ..
شافها تطلع الورد اللي جابته له زوجته الاولى وتحط الورد الجديد مكانه وبدون ما تطالعه..
ابتسم لها..
اريام لما خلصت: ايووووه..كذا اجمل.."وشالت الورد القديم" وهذا بالنفايه هههههههه
سامي يطالعها بحب: لا تعليق..
اريام: ليه ناوي نعلق بعد..
سامي: كنت بقول بس ترى انتي احلى منهم كلهم..
اريام استحت وسكتت.
ضحك سامي عليها...
اريام: لا تضحك..
وفجأه بدا يسعل: كح كح كح.
اريام اخترعت عليه حالته صارت اصعب...صار من يبذل مجهود يتعب..
: سامي...محتاج ابره..؟
سامي: لا خليني شوي..ابي اجلس معاك والابره تنومني وما تخلي فيني حيل..
اريام ابتسمت..حست انها مذنبه في حالة سامي تدهورت كثير في يومين ما عاد تتحمل اكثر..مفروض فكرت فيه وبس مو لازم تكون معاه..
سامي طالع عيونها: اريام..لا تشفقين علي..ولا ترحميني انا ما احتاج هالنظرات..
اريام: انا ما رحمتك بس انا احس اني السبب في حالتك..
سامي:اريام..انتي مالك علاقه بالموضوع..
اريام: مفروض خليتك تسافر يوم الاثنين..
سامي: ومن قال اني بسافر بدونك ولو فكرتي اني راح اروح لحالي انتي غلطانه..
اريام طالعته بحب..بجد انسان كبير وعظيم..ماني احد بالكون هذا ممكن يضحي بحياته عشان احد..
سامي يأكد لها: اريام..انا ما ابي من الدنيا الا انتي.. ما عاد بقى لي شي فيها حلو الا انتي...الدنيا كلها ظلام في سواد قاتل وانتي النور والملاك الوحيد..انا عايش لك بس...لك انتي...
اريام بكت كان ودها تحضنه: سامي انا ما ابي اكون الا لك بس...
سامي وبدت حالته تسوء: كح كح...اريام كح كح..
اريام: خلاص سامي لا تتكلم كل الحروف وكل الكلام ما تجي شي عند نظرتك لي..وهذا يكفيني انا بنادي النيرس وما راح اسمعك..
سامي شاف اريام وهي طالعه وابتسم بعدها دخل في حالة سعال مالها نهايه لحد ما جات الابره واخذت مفعولها...
في المطعم..
ضاري: ها..ايش قررتوا؟؟
مدى تطالع المنيو: اللي تبي..
ابتهال وفيها الضحكه لانها ما فهمت شي من المنيو بما انه كله انجليزي: انا اقول اطلب لنا على ذوقك ضاري ودي اشوف عندك ذوق ولا...
ضاري: اوكي مو مشكله..."وطلع يتفاهم مع الميتر او الجرسون.."
ابتهال تهمس لمدى: قسم نفشل.. ما فهمت شي..
مدى بنفس الهمس: انا فهمت كل شي..بس ايش عرفني بالطعم..انا ما رحت لمطعم الا مره وسلطان اللي طلب..
ابتهال ضحكت: سلطان........"وفجأه سكتت"..ايوه سلطان..
مدى غمضت عيونها تحيي ذكرى اخوها السجين...
وداد: مدى.....وين سلطان.؟؟
مدى فتحت عيونها عشان تداوي جروحها وجروح غيرها وتعيش المصير: سلطان سافر..
بدر جاء من وراها: طيب وين بيتنا...وامي...؟؟
مدى وقلبها ينعصر: راحوا بعيد..
بدر جلس في حضنها: يعني ما نشوفهم.؟؟
مدى: الا راح نشوفهم حبيبي بالجنه ان شا الله.."وباسته"..
لفت على ابتهال حصلتها تمسح دمعتها وتحاول تمسك عمرها..
دخل ضاري..وحس ان الجو مكهرب..
: بدر وداد تعالوا العبكم..
وطلعوا بسرعه فرحانين ولا همهم النزيف اللي سببوه لاخواتهم..
مدى تكابر: ابتهال..خلاص احنا قلنا نغير جو..
ابتهال : ما تحملت سؤال الضعيف...ماله ذنب يعيش بدون ام.
مدى: استغفري ربك يا ابتهال هذا قضاء وقدر..
ابتهال تاخذ نفس: استغفر الله..خلاص احنا ما جينا نبكي...جينا نغير جو..
وكأنها تعطي نفسها تعزيز ودافع للابتسامه..
دخل ضاري بعد شوي..
: تركتهم يلعبون شوي..وقلت اجي اكلمكم بموضوع..
مدى استغربت: خير وش فيه...؟
ضاري: لا مدى انا قد فاتحتك فيه..بس ابتهال بالنسبه ان نعيش مع بعض..
ابتهال طالعت مدى: انا رايي من راي مدى..
ضاري لف على مدى..
مدى طالعت ابتهال ورجعت لضاري: ما ادري...محتاره..
ضاري: مدى مثل ما قلت لك بيتكم مثل ماهو بيتنا..
مدى: اوك..خلاص على الاقل لما ناخذ حلالنا..
ضاري: براحتكم..ويطلع سلطان ان شا الله..
الثنتين: ان شا الله..
ضاري وقف: بروح اجيب الصغار عشان نتعشى.."وطلع"...وبنفسه"واخيرا واخيرا يا مدى ما بغيتي.."
مدى: الله يعينا على الجاي..
ابتهال تنهدت: الجاي اصعب..
في كل مره تقول لي صباح الخير حبيبتي..
ازداد نشوه ..وسعاده..وشغفا بحبك..
فأنت صباحي..ووقت ذروتي ومسآئي..
ولن اجد غيرك من يملئ علي كل اوقاتي....يآ حبيبي..
شتــــو..
^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^
بوقت الفسحه تدور عليها من بين البنات بلهفه تحس الشوق ذبحها من امس تتصل عليه وما يرد..
واخيرا حصلته وراحت له مبتسمه وبنعومه: فيصل...
فيصل فز قلبه من الصوت اللي جاي وراه وبدا ينبض..ولف بسرعه: دانا..
دانا مبتسمه ابتسامه حلوه: صباح الخير.....حبيبي..
فيصل طارت عيونه: انا....انا.....ايش؟؟؟
دانا استحت: حبيبي..!!
فيصل جن جنونه وصار يصرخ: دنو..انتي تتكلمي من جد؟؟؟!!
دانا هزت راسها بأيوه..
فيصل بسرعه حضنها بقوه: وانا احبك واحبك واحبك يا اهلي انتي كلهم..
دانا الدنيا مو سايعتها من الفرحه واخيرا فيصل حنّ ورجع لها..
فيصل بعد دانا: دانا انا ماني مصدق ما توقعتك..آآآ ما توقعتك..
دانا حطت يدها على فم فيصل: لا تكمل...اكتشفت ان احنا حبايب وانا احبك..
فيصل مسك يدها وباسها بنعومه: وانا مو بس احبك..انا اعشقك حد الثماله..
الشله اللي ورى فيصل تصفر وتشجع وتصفق..
ريماس: اختك انهبلت..
لانا: انا من شفتها ماشيه معاها وانا عارفه انها منهبله.
ريماس: وهالفيصل مسوي فيها شي..
لانا: يلوع الكبد المريضه..يا اختي حتى لما احكي عنها ما ادري احكي عن بنت ولا ولد...
ريماس: التنويع احلى هههههههههه
لانا: ههههه اقول ما علينا منهم..اياد يبي يشوفني اليوم..
ريماس: اليوم!!!
لانا: ايوه اليوم ايش عندك...؟
ريماس: مآآآره مشغوله..
لانا: فرغي نفسك مالي علاقه..
ريماس: لنو..انا ما اقدر اليوم ابد...وكفايه الحصار من امي هاليومين تقول الاختبارات قربت واسابيع المراجعه ما جات..
لانا:ما علي منك حاولي من هنا ولا هنا..
ريماس: دبري نفسك..لا تروحون اماكن ما فيها احد..خليكي على المول..
لانا: ايوه..هو المول..
ريماس: اجل ما عليك..لا تخافين..انا اليوم يا قلبو بالذات عندي موعد ضروري وفيه هدايا مجانيه وعلى مستوى..
لانا تستهبل: ترى بقول لضاري...
ريماس جاده: والله لو قال ضاري ابيك وربي مستعده لا اترك الدنيا عشانه..
لانا: ريمو...انتي ما بعد فقدتي الامل..ترى هو الخسران..انا بصراحه لو اموت ما اخذت مثل ضاري الرجل الفولاذي..
ريماس: انا ما راح افقد الامل لاخر لحظه...وما راح ياخذ الا انا وتشوفين..
لانا: نشوف...
دخل الممرات بسرعه ووقف عند الاستقبال...
: وين غرفة المريض سامي آل(....)
الممرضه: غرفة 112 الدور الثالث..
: اوك شكرا.
ووصل الغرفه المطلوبه ودق الباب ودخل..
: السلام عليكم..
رفع راسه سامي منصدم: وعليكم السلام ..ضاري!!!!!
ضاري دخل ولامح وجهه جامده كالعاده:ايوه ليش مستغرب ..
سامي حاول يسند نفسه: لا عادي مو مستغرب..تفضل حياك..
ضاري دخل وشاف ان حالة سامي ما كانت احسن من اخر مره شافه ..تدهورت بسرعه..
: اخبـــارك؟...
سامي وهو متفشل ما حب ضاري يشوفه بالحاله هذي وبملابس المستشفى..
:انا الحمد لله تمام ..اخبارك انت...اريام تدري انك هنا ...؟؟
ضاري: اذا يهمك حالي انا بخير واذا يهمك اكثر انك تعرف عن اريام..تراها ما تدري اني هنا....انا جاي لك..
سامي سكت يبي يعرف بسرعه ايش سبب الزياره المفاجئه هذي..
ضاري: جيت اقولك اني سألت عنك وانك رجال وكفو تاخذ اختي..تقدر تجي وتملك عليها..
سامي ما صدق: يعني اجيكم...؟؟
ضاري: اجل احنا نجيك..؟
سامي طار من الفرحه وابتسامته ملت وجهه : يعني انتوا موافقين..اجيكم بكره...!!
ضاري شاف الفرحه بعيون سامي وكل ماله يتأكد انه فعلا يحب اخته: شوف سامي كذا من الاخير وضعك انت واريام مره صعب..فا انا افضل انك بكره تجي العصر وتملك عليها وسيده على المطار وتروحون المانيا سريع سريع لان وضع اهلي ووضعك انت مره ما يسمح بالتأخير..وانا لو مو شايفك رجال ما عرضت كلمة ابوي..
سامي: الله يسلمك..ان شا الله اريام بعيوني..
ودخلت اريام...شافت ظهر رجال غريب عند سامي..
: هلا اخوي سامي...كنت راح اعطيك علاج اليوم..بس مو مشكله بوقت ثاني..
سامي مبتسم: تعالي يا دكتوره ما في احد غريب..
اريام مفتشله: لا وقت ثاني احسن...
لف عليها ضاري: يا اختي قالك عادي مافي احد غريب..
اريام طاح الملف اللي بيدها: ضاري!!!!!!!
ضاري: لهدرجه وجهي يخرع...
اريام اخذت الملف من الارض ودخلت الغرفه: ايش عندك وليش ما قلت لي...؟؟
ضاري ابتسم: انا جاي للنسيب مو لك..
اريام ما استوعبت: نسيب من النسيب...؟؟؟
سامي طالعها: شنو أي نسيب.؟؟؟
اريام فهمت وماتت حيا: طيب اخليكم انا طالعه..
سامي: ههههه شوف راحت..
ضاري وقف: اجل بكره بينا موعد زين...
سامي حس بمسؤلية بكره وقد ايش هو مصيري..
: ان شا الله ...الله يكتب اللي فيه الخير..
ضاري: ان شا الله ...يله سلام..
سامي: سلام..."وبدا يفكر في بكره يوم زواجه وعلاجه بنفس الوقت " وتنهد..
طلع ضاري وتوجه لمكتب اريام: يا دكتوره اريام..
اريام: هلا ...ليش ما قلت لي...؟؟
ضاري: مشكلتي مستعجل ومو فاضي لنقاشاتك...سامي لا تدخلين عليه اليوم...خلي غيرك يناوب عنك..ترى بكره بيجي يملك عليك وماله داعي تجلسون مع بعض...
اريام استحت: طيب..
ضاري: يله سلام..
اريام: سلام..
اريام مو مصدقه اللي صار...وخايفه من من اللي بيصير..بكره المواجهه بين اهلها كلهم وبين سامي حبها الاول والاخير الطاهر العفيف..
شاف موبايله يرن ورد..
: السلام عليكم ابو ضاري..
حمد: وعليكم السلام..
المحامي: بالنسبه لموعدنا اليوم..!!
حمد: احنا على الموعد..
المحامي: اوكي...اشوفك اليوم ..مع السلامه..
حمد: مع السلامه..
واتصل على ولده..
: ضاري..
ضاري: هلا يبه..
حمد: ابيك اليوم في المحكمه..
ضاري: خير فيه شي...
حمد: تعال...وكل شي راح تعرفه هناك..
ضاري: اوكي..
سكر من ابوه وهو مستغرب ايش يبي فيه عند المحكمه..
بدا همته وهو له غايتين وحده لاخره ووحده لدنياه...ومعزم بكل جهده انه يحفظ القران خلال وقت وجيز...
: ما قلت لك ان عند الله فرج..
سلطان: والنعم بالله يا ثامر...الله يتوب علي ويغفر لي ويغلسني بثوب العفو ويستر على دنيا واخره...ويجزي كل خير عزام واله ما قصر..
ثامر: امين...ويرحم مواتنا وموتى المسلمين..
تنهد سلطان: آمين..
ورجعوا يحفظون القران...
