هندسة صناعية مشروع تصنيع الفنيك المطهر من الألف إلى الياء كأنك تراه ...........

الموضوع في 'قسم تبادل الخبرات الهندسية' بواسطة ممدوح الجيار, بتاريخ ‏يناير 12, 2009.

  1. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    3_ أيضا من المواد اللتى سيتم تحضيرها مادة اسمها (تايلوز) (tylose) واسمها العلمى هو هيدروكسى ايثيل سلليلوز"hydroxy ethyl cellulose"
    وهى معروفة عند شركات الكيماويات والمنظفات بهذا الإسم تايلوز وسعر الكيلو زى ما قلنا قبل كده ب 45 جنية المانى المنشأ معروف باسم تايلوز ألمانى مائة ألف وحدة لإن المائة ألف واحدة بيدوب بسرعة ومبيكلكعش معاية
    واحنا هنحتاج هنا لتضريبة البرميل السوبر السائل اللى ذكرناه ال 200 كيلو هنحتاج حوالى 200 جرام أو 250 جرام طبعا النسبة دية تقديرية حسب اللزوجة اللى انا هعوزها يعنى ممكن تقل وممكن تزيد على حسب اللزوجة اللى انا عاوزها بس طبعا هنتكلم على سلبيات الزيادة فيها ايه لإنها بتأثر على حاجات تانية عندى فى التضريبة ومعلش اعذرونى انا مش هفصل فى المسألة دية دلوقتى علشان انا هأذكرها بالتفصيل وهتكلم على خواص كل مادة من المواد الخام الداخلة فى التركيبة والنسب المسموح بها فى كل منها من كام لكام وايه السلبيات وايه الإيجابيات وايه هى البدائل اللى ممكن توضع مكان بعض المواد او ايه المواد الخام اللى ممكن استغنى عنها خالص فى التضريبة وحاجات من هذا القبيل بس نسيبنا دلوقتى من التفريعات علشان ننجز التضريبة ولا نجعل الأذهان تتشتت
    نرجع لموضوعنا يبقى قلنا اللى هنحتاجه 200 جرام من التايلوز
    ويتم تحضيره بالطريقة التالية :
    طبعا هو له أكتر من طريقة فى التحضير بس احنا هنذكر طريقة سهلة منهم وبرده هنخلى الكلام على الطرق التانية مع التفريعات وقت التفصيل
    فخلينا دلوقتى فى الطريقة اللى هأذكرها الأن وهى :
    هنحضر بستيلة زى اللى هوريها لكم فى الصورة ونوزن فيها 20 لتر ماء بوزن الكيلو يعنى 20 كيلو ماية بعد كده نحضر ال 200 جرام تايلوز ونضعهم فى كيس زى اللى فى الصورة اللى انا رفعها هنا ونخرم الكيس خرم صغير بحيث اقدر انزل منه التايلوز على خفيف كأنى برش ملح طبعا كل ذلك مع التقليب جيدا من لحظة ما برش التايلوز علشان لو التايلوز اترش مع عدم وجود تقليب يقوم يكلكع فى الماية فى لحظتها ولذلك انا برش التايلوز لحظة ما بقلب والتقليب يكون جامد وسريع على قد ما اقدر
    المهم هتنينى اعمل كده ارش التايلوز لحظة ما بقلب والتقليب يكون جيد جدا وبسرعة زى ما قلنا لحد اما الكيس كله يترش وبعدين ادوب 100 جرام صودا فى شفشق ماية واضعهم على البستيلة اللى فيها التايلوز بالتدريج مع التقليب لحد اما ألاقى الماية لزوجتها بتعلى معاية خلاص ممكن ما أضفشى باقى الصودا ( فطالما حصلت على اللزوجة ممكن ما أضفش باقى الصودا اللى دوبتها فى الشفشق )


    هلاقى فى النهاية الماية بقت لزوجتها عالية جدا جدا يعنى لزوجة قريبة من جل الشعر بس سايلة شوية عن جل الشعر
    المهم الرش يكون خفيف خفيف لحد اما ارش التايلوز كله
    والمهم انه يدوب كويس وميكلكعش


    والصورة هى :



    [​IMG]

     
    أعجب بهذه المشاركة البروفيسور طه جاويش
  2. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    4 _ أيضا من المواد اللتى سيتم تحضيرها :
    ( فينول كريستال )( phenol crystal )

    وهو بيأتى فى برميل وزنه 200 كيلو وفيه منه كذا منشأ فى السوق زى ما قلنا قبل كده ألمانى ساسول وإيطالى وجنوب أفريقيا وكورى وكذا منشأ

    إحنا هنجيب بتاع جنوب أفريقيا المنشأ أرخصهم وأنا صراحة جربته ممتاز جدا
    وهو بيأتى من الشركات السابق ذكرها عند الكلام على القلفونية والصودا والتايلوز
    انا طبعا بجيب بالبرميل أوفر وضمان انه مبرشم ومن بلده
    وفيه فى القاهرة فى شارع الجيش شركات كتير بتبيع الفينول بالكيلو بس صراحة انا معرفشى منشأه اللى بيتباع سايب بالكيلو ولا سعره ولا إذا كان مضمون ولا لأ لإنى مجبتوش سايب بالكيلو قبل كده المهم ممكن تذهب إلى هناك وتسأل الشركات كلها اللى فى شارع الجيش وعلى رأسهم شركة مروان جروب اللى ذكرتها قبل كده وشركة سمير نيرول على ما سمعت إن حاجتهم مضمونة
    وعندك برده الشركات التانية اللى انا ذكرتها زى اللى فى قويسنا واللى فى طنطا وغيرهم كتير وممكن انتا تلاقى شركات تانية فى محافظتك انتا دور واسأل

    المهم سواء جبت بالبرميل أو جبت بالكيلو المهم انه بيبقى عبارة عن قطع صغيرة على شكل الكريستال فاحنا بنحوله للحالة السائلة
    وله أكثر من طريقة لتحويلة من الحالة الصلبة وهو كريستال صغير الى الحالة السائلة
    وبرده هنخلى الكلام على الطرق التانية مع التفريعات وقت التفصيل
    فخلينا دلوقتى فى الطريقة اللى هأذكرها الأن وهى :
    هنحضر البرميل ونفتحه من فوق بأجنة وشاكوش زى ما هو موضح فى الصورة علشان يبقى سهل اننا ناخد منه بعد كده وسهل كمان نقلبه المهم بعد اما نفتحه هنضع تحته شعلة يعنى هنولع تحته نار علشان يسيح ولا نعلى النار على الأخر علشان مايتلسعش البرميل من تحت فنخليها نار معقولة المهم هنسيب النار تحته ونسيبه يغلى لحد 70 درجة مؤية وهى كافية لتحويله الى الحالة السائلة طبعا هنحضر ترمومتر حرارى اللى هو بيقيس لحد 100 درجة مؤية علشان اول ما يسخن ويوصل عند 70 درجة مؤية عن طريق القياس بالترمومتر هنطفىء النار ونقلب البرميل تقليبه كويسة على السريع وبعدين نضع فى البرميل فوق الفينول من 15 الى 20 لتر ماء بوزن الكيلو يعنى من 15 الى 20 كيلو
    ثم نقلب تانى تقليبة كويسة وهذا المقدار من الماء كافى لعدم رجوعه مرة اخرى الى الحالة الصلبة فنسبة الماء دية اللى بنضعها فى البرميل بتخليه يفضل سائل على طول وطبعا نبقى نغطى البرميل بعد كده وكل اما نعوذ منه نبقى ناخد وبعدين نغطيه علشان استنشاقه بيتعب الصدر شوية
    وده طبعا اللى هنعمله فى البرميل هنعمله فيما لو جبناه بالكيلو
    يعنى مثلا لو اشترينا 20 كيلو هنقوم نضعهم فى جردل صاج ونسيحهم على النار برده نار هادية علشان متمسكش فى الجردل او تلسعه ولما يوصل الى 70 درجة مؤية نطفىء النار وبعدين نقلبه وبعدين نديله من 1.5 كيلو ماء الى 2 كيلو ماء وبعدين نقلب تانى كويس

    وطبعا الفينول بنسيحه مرة واحدة فقط اول ما بنجيبه فهى مرة واحدة بس اللى بنسيحه فيها بهذه الطريقة اللى ذكرتها او بطرق اخرى هنبقى نتكلم عليها بعد ذلك وبعدين يفضل على كده سائل طول عمره الا لو طالته رطوبة جامدة وخلته يتجمد فممكن يتجمد تانى بس برده عمره ما هيبقى جامد قوى زى ما كان من الأصل ساعتها نبقى نعمله حمام ماء ساخن من بره يطول فيها البرميل كله فلو حصل معانا كده اكتر من مرة نبقى برده نعمله حمام ماء ساخن ونحاول ألا نعرضه للرطوبة

    وصورة برميل الفينول هى :

    [​IMG]

    تحذير هام :
    الفينول كريستال هذا من المواد شديدة الخطورة اذا لامس الجلد ومن المواد الكاوية يعنى اكون لابس جوانتى سميك طويل يغطى أغلب ذراعى زى اللى رفعت لكم صوره له قبل كده وهو معروف بجوانتى احماض سميك
    وبرده وانا بقوم بتقليب البرميل اكون حذر والبس نظارة واقية زى نظارات البحر العادية والبس كمامة واتجنب استنشاقه على قدر المستطاع لإنه بيتعب الصدر
    وبرده اضعه فى مكان كويس ثابت بحيث انه ما يقعش على رجل احد واغطيه على طول


     
    أعجب بهذه المشاركة البروفيسور طه جاويش
  3. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    طيب نبتدأ طريقة التصنيع متوكلين على المولى سبحانه وتعالى :
    1_ أول حاجة هنجيب برميل صاج بعد أما نغسله كويس من جوة من البراميل اللى لها غطاء وأفيز زى بتاعة الفازلين او أى برميل صاج حتى لو مقفول بطبات المهم نفتحه ولو بأجنة وشاكوش لإننا هنضرب فيه التركيبة بتاعتنا ونضعه نثبته يا إما على حجرين بحيث اننا نقدر نضع تحته شعلة زى اللى هوريهولك فى
    الصورة رقم (1) ويا إما هنضعه نثبته على الشاسية الحديد اللى به 3 شعل اللى رفعنا له صورة قبل ذلك زى ما هوريهولك فى صورة رقم (2)

    صورة رقم (1)

    [​IMG]


    صورة رقم (2)


    [​IMG]


     
    أعجب بهذه المشاركة البروفيسور طه جاويش
  4. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    2_ هنوزن 5 كيلو زيت بذرة القطن اللى تكلمنا عليه قبل ذلك كما فى صورة رقم (1) ثم نضعه فى البرميل الصاج ولا بأس بشطف ما هو متبقى فى الجردل اللى لاصق فى قعره من الزيت لابأس بشطفه بماء ثم سكبه بعد ذلك فى البرميل .

    صورة رقم (1)

    [​IMG]

    3_ هنأخذ ال 11 كيلو القلفونية اللى قلنا قبل كده اننا هنكسرهم ونعمهم ونضعهم فى البرميل الصاج فوق الزيت .

    4_ هنولع النار تحت البرميل ولكن تكون نار معقولة لا عالية قوى تقوم تلسع البرميل ولا ضعيفة لا تنجز بل نار معقولة كما فى صورة رقم (2)

    صورة رقم (2)


    [​IMG]

    5_ هنسيب النار شغالة تحت البرميل لحد اما القلفونية تسيح تماما ونتأكد كويس انها دابت تماما لإن بيبقى فيه قطع صغيرة من القلفونية لاصقة فى قاع البرميل فنتأكد من انها دابت تماما عن طريق خشبة طويلة نجس بيها قاع البرميل لحد اما نتأكد انها دابت تماما كما فى صورة رقم (3)

    صورة رقم (3)

    [​IMG]

    6 _ نقلب بعد ذلك كويس .


    وهذه صور لمراحل دوبان القلفونية :

    [​IMG]

    [​IMG]

    [​IMG]


     
    أعجب بهذه المشاركة البروفيسور طه جاويش
  5. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    7_ بعد التأكد من دوبان القلفونية كلها تماما فى البرميل هنقلب كويس البرميل وبعدين نهدى النار شوية ( نار هادية أقل من النار اللى كنا مولعينها على القلفونية ) وبعدين نضيف بستيلة التايلوز كلها اللى كنا مجهزينها ولكن تدريجيا كما هو موضح فى الصورة :

    [​IMG]


    ولكن أهم حاجة انى بقلب كويس لحظة ما بأضيف التايلوز علشان لو نزل التايلوز فى البرميل من غير تقليب ممكن يكلكع فيكون التقليب لحظة ما بأضيف التايلوز والتقليب يا اما بخشبة عريضة تقلب معاية كويسة جدا يا اما اركب للبرميل ماتور يقلب هو زى اللى كنت رفعت لكم صور له قبل ذلك

    8_ بعد اما اضيف التايلوز كله فى البرميل أزود النار شوية واسيب التايلوز يسخن شوية علشان يندمج مع القلفونية والزيت لإنه بيندمج كويس فى وجود تسخين واسيب النار لمدة ربع ساعة تقريبا
    مع التقليب كل شوية لو بقلب بخشبة ( مش شرط تقليب مستمر ولكن كل 3 دقائق او 5 دقائق تقليب لحد اما التايلوز يسخن شوية مع القلفونية والزيت )


     
    أعجب بهذه المشاركة البروفيسور طه جاويش
  6. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    9_ بعد أما التايلوز يسخن شوية مع القلفونية والزيت أطفى النار وأبتدى أجهز بستيلة فاضية زى اللى ههوريهالكم فى الصورة وأوزن فيها 2.180 كيلو صودا قشور اللى تكلمت عليها قبل كده ثم أضع عليهم 6.540 كيلو ماء وأقلب كويس بعصاية خشب لحد أما الصودا تدوب كما فى الصورة

    [​IMG]

    [​IMG]


     
    أعجب بهذه المشاركة البروفيسور طه جاويش
  7. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781


    10 _ بعد اما اطفى النار واتأكد ان النار مطفية أخد بستيلة الصودا اللى انا جهزتها وابتدى اضيف محلول الصودا فى البرميل الصاج بشفشق صغير زى ما هو موضح فى الصورة و اضيف سنة بسنة ( سرسوب سرسوب ) يعنى نظام حقن باحقن بالصودا سنة بسنة علشان التفاعل يتم من غير ما يحصل فوران لإن التفاعل بيطرد الحرارة فى صورة بخار والصودا فيها حرارة كامنة جواها فلما بيتم التفاعل وخاصة فى اول نزول الصودا فى البرميل بيبقى التفاعل شديد فأخلى بالى علشان ميحصلش فوران للبرميل ينكب على الأرض ويهدرلى شغلى او انه ينكب على اللى بيحقن الصودا فى البرميل يلسعه فى جسمه
    فأصب الصودا بالشفشق سرسوب سرسوب لحد اما الحرارة تهدى ويتم التفاعل ممكن ساعتها تحط باقى الصودا مرة واحدة بس برده خليك طالما انتا فى الأول لسه اول مرة تضرب فنيك خليك حطها حقن على طول سرسوب سرسوب على طول علشان ميحصلش فوران منك
    طيب لو لقيت هيحصل فوران ألحقه بخرطوم الماية افتح خرطوم الماية فى البرميل لمدة دقيقة مثلا او أقل حسب قوة الفوران يقوم يهدى الفوران ويخليه ميحصلش

    يبقى لما احقن بالصودا فى البرميل احاول يكون قريب منى خرطوم الماية علشان لو حسيت انه هيحصل فوران مش هقدر اوقفه اوقفه بالماية بسرعة
    بس اهم حاجة ما احطش ماية كتير لأ على قدر تهدئة الفوران فقط

    واهم حاجة انى لما بضيف الصودا لحظة ما بأضيف الصودا يكون فيه تقليب فى لحظتها يا اما عن طريق الماتور أو انى بقلب بخشبة المهم يكون فيه تقليب

    واهم حاجة اكون لابس الجوانتى بتاعى وكمامة على أنفى علشان بخار الصودا وعلشان الصودا متلسعشى ايدى لو لقدر الله وقعت عليها
    والصودا المخففة دية بالماء طبعا مش زى الفينول فى خطورتها على الجلد بس بتلسع جامد لإن طبعا دية صودا مخففة بالماء ولكنها بتعمل احمرار جامد للجلد ( لسعان جامد ) فطبعا اخلى بالى وألبس الجوانتى امان لإيدى وألبس حذاء كويس بحيث ان مفيش حاجة تنكب على رجلى وألبس كمامة برده ولو حبيت ألبس نظارة ماشى علشان لو عندى حساسية فى العين من الأبخرة

    [​IMG]


     
    أعجب بهذه المشاركة البروفيسور طه جاويش
  8. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    ملحوظة :
    تكملة للكلام السابق طبعا لما ذكرت لكم ان لو حصل فوران الحقه بخرطوم الماية بسرعة مش معنى كلامى ده ان وانا بحقن بالصودا فى البرميل كل اما ألاقى الخليط اللى جوا البرميل بيرتفع شوية او بيغلى فى بعضه جامد انى اقوم فاتح عليه الماية واقول ان علشان ميحصلش فوران لأ طبعا انا ما قصدت ذلك لإن طبيعى كل اما هتضيف من محلول الصودا وانتا بتحقن هتلاقى تفاعل فى صورة حرارة شديدة وغليان وهتلاقى الخليط بيرتفع شوية
    فهذا مش معناه انه هيحصل فوران لأ ده طبيعى انه كل اما بياخد صودا يرتفع سنة وبعدين ينزل تانى لإن فيه تفاعل بيتم



    انما الفوران اللى اقصده اللى قلت انه لوحصل الحقه بخرطوم الماية ده بيبقى واضح ان بلاقى قدامى ارتفاع شديد جدا للخليط فجأة وبسرعة جدا جدا ده اللى اقصده انى افتح عليه الماية سنة لحد اما الفوران يهدى سنة اقوم اقفل عليه الماية علشان البرميل ميخدشى ماية كتير انا مش محتاجها فى التفاعل بتاعى

    وهقولك على حاجة علشان تتجنب انه ميحصلشى فوران :
    ضيف محلول الصودا على مراحل
    بمعنى انك تضيف أول شفشق سنة بسنة وبعد اما تضيف اول شفشق انتظر دقيقة وبعدين ضيف الشفشق التانى سنة بسنة برده وبعد اما تضيف الشفشق التانى انتظر دقيقة وبعدين ضيف الشفشق الثالث سنة بسنة وهكذا الى آخر شفشق من محلول الصودا اللى فى البستيلة

     
  9. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    11_ بعد أما أضفت محلول الصودا كله بكده أصبح الخليط كله اللى فى البرميل متصبن ولهذا بنطلق عليه صابونة الفنيك وده يعتبر أول مرحلة فى تصنيع الفنيك
    لإن أنا بصنع الفنيك على 3 مراحل :
    أول مرحلة وهى عمل صابونة الفنيك
    وهنلاحظ ان الخليط اصبح شبه عجين نتيجة للتصبن
    12 _ هنوزن 10 كيلو كيروزوت زى ما هو موضح فى الصورة رقم ( 1) وبعدين نضعهم فى البرميل الصاج وبعدين نملى ماية فى البرميل لحد قبل حذ التلت التحتانى من البرميل تقريبا زى ما هو موضح فى الصورة رقم ( 2)
    وطبعا الماية اللى انا بحطها دية علشان تفك الصابونة شوية بحيث انى اعرف اقلبها ولإنى كمان هغليها وهقعد أقلب فيها كل شوية

    صورة رقم (1)


    [​IMG]


    صورة رقم (2)

    [​IMG]

     
  10. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    13 _ طبعا بعد اما هضيف الكيروزوت والماية هقلب كويس وبعدين هولع النار تحت البرميل ( نار وسط ) كما ذكرنا قبل ذلك وكل شوية هقلب مش شرط تقليب مستمر ولكن كل شوية هدى تقليبتين تلاتة لحد أما الصابونة تغلى او لو هقلب بالماتور يبقى اسهلى بدل ما كل شوية هقلب بإيدى كل ده حسب راحتك انتا
    14 _ اول ما الصابونة تغلى وطبعا هى بتغلى عند 97 درجة مؤية _ 100 درجة مؤية أطفى النار وأخلى بالى برده لإنها لو عدت ال 100 درجة مؤية تبتدى تفور فأخلى بالى منها وأكون مراقبها كل شوية وعينى عليها وأقيس بالترمومتر كل شوية
    والترمومتر ده ب 5 جنيه بيقيس لحد 100 درجة مؤية هتلاقيه عند أى شركة مستلزمات طبية ودية صورة ليه هو طبعا مش واضح قوى لإنه متعلق فى أوكرة الباب بس اللى يدقق النظر هيشوفه


    [​IMG]


    وبكده يبقى انا عملت تانى مرحلة من مراحل تصنيع الفنيك وهى تسوية صابونة الفنيك فطالما الصابون استوت يبقى تقدر دلوقتى تقبل باقى الإضافات المتبقية

     
  11. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    14_ يبقى كده فاضل لنا آخر مرحلة من مراحل الفنيك : ودية بتتم كلها على البارد

    بعد أما الصابونة استوت وطفينا النار


    وهى اننا هنبرد الصابونة بالماية فهنملى ماية فى البرميل لحد نصف البرميل تقريبا أو أقل بشوية ونقلب كويس وبعدين نقيس درجة الحرارة بالترمومتر فالشاهد اننا هنملى ماية فى البرميل لحد اما نقيس درجة الحرارة بالترمومتر نلاقيها أقل من 50 درجة مؤية فالدرجة اللى احنا عاوزينها فى التبريد ( ألا تقل عن 40 درجة مؤية وألا تزيد عن 50 درجة مؤية ) يعنى ( من 40 _ 50 درجة مؤية )
    15 _ ثم نوزن 26 كيلو قطفة فينول ونضعهم فى البرميل ثم نقلب جيدا
    16 _ ثم نوزن 2 كيلو فينول كريستال من اللى سيحناه ( اللى أصبح سائل ) ونضعهم فى البرميل ثم نقلب جيدا جيدا ( تقليب كويس جدا جدا )
     
  12. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    17 _ ثم نوزن 4 لتر من الجاز الأبيض ( يعنى 3.200 كيلو جاز بوزن الكيلو ) ثم نضعهم فى البرميل ثم نقلب جيدا جيدا ( تقليب كويس جدا ) وطبعا وقت التفصيل هبقى أقولكم أنا بحط جاز ليه وايه مقداره فى الشتاء وايه مقداره فى الصيف وامته مضعش جاز خالص كل ذلك سنتكلم عنه بالتفصيل
    18 _ ثم نكمل باقى البرميل ماية لحد قبل ال 200 كيلو بشوية لإنى لسه هضع محلول البولى ولسه هسمر بالصودا

    وهذه صورة لحد ملو الماية تقريبا فى البرميل وطبعا كل برميل بيختلف من آخر يعنى انا عندى البرميل الصاج لما بملاه لحد 200 كيلو بيبقى فيه حوالى 15 سنتى فى البرميل زى ما هو موضح فى الصورة
    وانا هنا هملى ماية لحد قبل ال 200 كيلو بشوية بحوالى 2 سنتى قبل ال 200 كيلو لإنى لسه هضع محلول البولى ولسه هسمر بالصودا زى ما هو موضح بالصورة

    [​IMG]


     
  13. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    19_ هنوزن 1 كيلو صودا فى جردل بلاستيك أو بستيلة بلاستيك صغيرة ثم نضع عليهم 9 كيلو ماية ثم نقلب جيدا حتى تمام ذوبان الصودا


    ملحوظة :
    فيه نقطة نسيت أذكرها وهى ان قبل ما أوزن ال 1 كيلو صودا اللى قلت عليهم انى اشوف الفنيك الأول لو لونه أسمر وده طبعا بعد ما اقلب البرميل كويس جدا لو لونه أسمر وفيه شفافية كويسة زى ما هو موضح فى الصورة يبقى كده خلاص مش هحتاج انى اضيفله من محلول الصودا
    انما هضيفله من محلول البولى فقط هضيفله من 10 _ 15 ملو شفشق صغير اللى بيزن 1.5 لتر من الماء من محلول البولى ثم أقلب جيدا ولو حبيت ازود فى عدد شفاشق محلول البولى مفيش مشكلة بس هيحتاج منى تقليب كويس جدا جدا
    كل ده يرجع للزوجة اللى انا عاوزها بس برده مكترش اوى من محلول البولى علشان ميرسبش منى فى آخر البرميل لإنى كل اما ازود من محلول البولى بحتاج قصاده تقليب كتير جدا جدا جدا علشان ميكلكعش تحت فى اخر البرميل ويرسب فلو هقلب كويس جدا جدا جدا جدا ماشى حط من محلول البولى لحد اما يديك اللزوجة اللى انتا عاوزها
    والشفافية المطلوبة واللون الأسمر كما فى الصورة



    [​IMG]

     
  14. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    20 _ انما لو اللون مش أسمر ( لون الشاى بلبن مثلا أو لونه لون الكاكاو أو لونه بنى غامق بسه لسه لم يقارب السمار)
    يبقى هنحتاج نسمره بمحلول الصودا اللى عملناه يبقى آخر مرحلة خالص التسمير بمحلول الصودا

    21 _ يبقى هنضيف من محلول الصودا اللى عملناه سنة بسنة مع التقليب جيدا لحظة ما تنزل الصودا فى الفنيك

    وخلى بالك أنا مش هضيف محلول الصودا كله انما انا هملى ربع شفشق مثلا من محلول الصودا واصب فى البرميل سنة بسنة مع التقليب ( وطبعا أنا مش بقول سنة بسنة علشان الفوران لأ هنا مفيش اى تفاعلات خالص و انما بقول سنة بسنة ليه علشان لو الصودا زادت منى فى الفنيك ممكن يفتح لونه خالص بعد ما اسمر ويبقى من الصعب انى ارجعه الى اللون الأسمر تانى الا بطرق تانية وشغلانة تانية ولذلك انا بقول سنة بسنة علشان كده وطبعا لما اضيف ربع الشفشق لا أحكم على اللون من أول مرة انما اقلب كويس جدا واشوف اللون واشوف الشفافية لو لسه عاوز صودا تانى املى المرة دية اقل من ربع الشفشق من محلول الصودا وأصب سنة بسنة واقلب كويس جدا واشوف اللون تانى والشفافية وهكذا الى ان يسمر الفنيك ويكون له شفافية معقولة
    تانى بقولها اخلى بالى من الصودا لو زادت فى الفنيك ممكن تفتحلى اللون تانى بعد اما انظبط واسمر وتعملى مشاكل فى الفنيك من حاجة اسمها تلميس لوش الفنيك وطبعا هنبقى نفصل فى الكلام ده وقت التفصيل فآخر مرحلة دية مهمة جدا جدا
    يبقى هاخد من محلول الصودا على قد التسمير فقط واللى هيتبقى من محلول الصودا فى البستيلة أغطيه واخليه لتضريبات تانية

    ودية صور لمراحل اسمرار الفنيك والشفافية

    [​IMG]

    [​IMG]


    [​IMG]

    [​IMG]

    [​IMG]

    [​IMG]

     
  15. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    ثانيا: تركيبة 200 كيلو من الفنيك السوبر المركز ولكن أقل تركيزا بشىء لا يذكر من التركيبة السابق ذكرها وكذلك أقل تكلفة وممكن بيعها بنفس سعر التركيبة السابقة أو أقل
    وطبعا طريقة تصنيعها نفس طريقة التركيبة السابق ذكرها مع اختلاف المقادير طبعا


    والمقادير هى :


    5 كيلو زيت محمض ( مرتفع الحموضة )



    11 كيلو قلفونية



    200 جرام تايلوز أو 250 جرام



    100 جرام صودا لسرعة تخمر التايلوز واذابته



    2.180 كيلو صودا قشور تركيز 98 % ويفضل بتاعة شركة النصر للكيماويات ( بتاعة شركة القوات المسلحة الشكارة الصفراء اللتى ذكرناها قبل ذلك )



    9 كيلو كيروزوت




    22 كيلو قطفة فينول



    3 كيلو فينول كريستال



    4 لتر جاز أبيض ( يعنى يساوى 3.200 كيلو بوزن الكيلو لإن اللتر يساوى 800 جرام )



    من 10 _ 15 ملو شفشق صغير اللى بيزن 1.5 لتر من الماء من محلول البولى
     
  16. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    ثالثا: تركيبة آخرى 200 كيلو من الفنيك السوبر المركز ولكن أقل تركيزا بشىء لا يذكر من التركيبتين السابق ذكرهم وكذلك أقل تكلفة وممكن بيعها بنفس سعر التركيبات السابقة أو أقل
    وطبعا طريقة تصنيعها نفس طريقة التركيبتين السابق ذكرهم مع اختلاف المقادير طبعا

    والمقادير هى :

    5 كيلو زيت محمض ( مرتفع الحموضة )


    11 كيلو قلفونية


    200 جرام تايلوز أو 250 جرام


    100 جرام صودا لسرعة تخمر التايلوز واذابته



    2.180 كيلو صودا قشور تركيز 98 % ويفضل بتاعة شركة النصر للكيماويات ( بتاعة شركة القوات المسلحة الشكارة الصفراء اللتى ذكرناها قبل ذلك )


    9 كيلو كيروزوت



    21 كيلو قطفة فينول


    2.5 كيلو فينول كريستال


    4 لتر جاز أبيض ( يعنى يساوى 3.200 كيلو بوزن الكيلو لإن اللتر يساوى 800 جرام )


    من 10 _ 15 ملو شفشق صغير اللى بيزن 1.5 لتر من الماء من محلول البولى


     
  17. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    رابعا:تركيبة آخرى200كيلو من الفنيك السوبر المركز
    ولكن أقل تركيزا من الثلاث تركيبات السابق ذكرهم وكذلك أقل تكلفة وممكن بيعها بنفس سعر التركيبات السابقة أو أقل يعنى ممكن يباع الطن فيها لمحلات الجملة ب 3250 جنيه وللقطاعى ب 3750 جنيه
    وطبعا طريقة تصنيعها نفس طريقة التركيبتين السابق ذكرهم مع اختلاف المقادير طبعا

    والمقادير هى :


    5 كيلو
    زيت محمض ( مرتفع الحموضة )


    11 كيلو
    قلفونية


    200 جرام
    تايلوز أو 250 جرام


    100 جرام
    صودا لسرعة تخمر التايلوز واذابته



    2.180 كيلو
    صودا قشور تركيز 98 % ويفضل بتاعة شركة النصر للكيماويات ( بتاعة شركة القوات المسلحة الشكارة الصفراء اللتى ذكرناها قبل ذلك )


    8.5
    كيلو كيروزوت



    20 كيلو
    قطفة فينول


    2.5 كيلو
    فينول كريستال


    4 لتر
    جاز أبيض ( يعنى يساوى 3.200 كيلو بوزن الكيلو لإن اللتر يساوى 800 جرام )


    من
    10 _ 15 ملو شفشق صغير اللى بيزن 1.5 لتر من الماء من محلول البولى


     
  18. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781
    طيب لو مفيش قطفة فينول او فنيك خام فى شركة الكوك ولكن فيه كيروزوت فقط
    السؤال : ينفع اصنع فنيك من الكيروزوت والفينول فقط واستغنى عن قطفة الفينول او الفنيك الخام ؟
    الإجابة : ان شاء الله ينفع وينفع كمان حاجات تانية كتير هنقول عليها فالبدائل كتير والحمد لله وسنشرح كل شىء فى موضعه

    طيب : هنتكلم على تركيبة فنيك من الكيروزوت والفينول فقط مفهاش قطفة فينول او فنيك خام

    أولا : تركيبة 200 كيلو فنيك سوبر مركز بالكيروزوت والفينول كريستال

    المقادير :


    5 كيلو زيت بذرة قطن خام


    11 كيلو قلفونية


    200 جرام
    تايلوز أو 250 جرام


    100 جرام صودا لسرعة تخمر التايلوز واذابته



    2.180 كيلو صودا قشور تركيز 98 % ويفضل بتاعة شركة النصر للكيماويات ( بتاعة شركة القوات المسلحة الشكارة الصفراء اللتى ذكرناها قبل ذلك )


    20 كيلو كيروزوت


    8 كيلو فينول كريستال


    3 لتر جاز أبيض ( يعنى يساوى 2.400 كيلو بوزن الكيلو لإن اللتر يساوى 800 جرام )


    من 10 _ 15 ملو شفشق صغير اللى بيزن 1.5 لتر من الماء من محلول البولى

     
  19. ممدوح الجيار

    ممدوح الجيار Member

    إنضم إلينا في:
    ‏يناير 12, 2009
    المشاركات:
    88
    الإعجابات المتلقاة:
    11
    نقاط الجوائز:
    8
    الوظيفة:
    مشرف فى مصنع للفنيك والمطهرات
    مكان الإقامة:
    جمهورية مصر العربية _ طنطا _ تليفون : 0114699781

    سنتكلم الآن عن تضريبات للفنيك الوسط التركيز
    أول تضريبة للفنيك الوسط :
    وهى تمتاز بأنها غنية بالفينول وقوية بالنسبة للموجود فى السوق من الفنيك الوسط بل إنى وجدت من يبيع ما هو أقل تركيزا منها بسعر أعلى مما تباع به هذه التركيبة وممكن بيعها لمحلات الجملة الطن من 2800 جنيه إلى 2900 جنيه وللقطاعى ب 3250 جنيه

    والمقادير هى :

    3.5 كيلو زيت محمض ( مرتفع الحموضة )


    8.5 كيلو قلفونية


    200 جرام تايلوز أو 250 جرام


    100 جرام صودا لسرعة تخمر التايلوز واذابته



    1.650 كيلو صودا قشور تركيز 98 % ويفضل بتاعة شركة النصر للكيماويات ( بتاعة شركة القوات المسلحة الشكارة الصفراء اللتى ذكرناها قبل ذلك )


    7 كيلو كيروزوت



    15.5 كيلو قطفة فينول


    3 كيلو فينول كريستال


    1.5 لتر جاز أبيض ( يعنى يساوى 1.200 كيلو بوزن الكيلو لإن اللتر يساوى 800 جرام )


    من 10 _ 15 ملو شفشق صغير اللى بيزن 1.5 لتر من الماء من محلول البولى



     
  20. ahmed elngar

    ahmed elngar New Member

    إنضم إلينا في:
    ‏سبتمبر 10, 2012
    المشاركات:
    1
    الإعجابات المتلقاة:
    0
    نقاط الجوائز:
    1
    الجنس:
    ذكر
    مشكوووووووووووور يا أخى
     

مشاركة هذه الصفحة