محمد الفرح
Well-Known Member
كام مرة وانت بتعمل chatting تفتكر نفسك بتكتب بالعربى وتقعد تعيد وتزيد وانت مش بتشوف انت كتبت ايه ايمانا منك انك كاتب كل حاجه صح وبعد ماتبعتها تلاقيها بالانجليزى ساعات بيحصلك تعب نفسى وتكسل تكتبه تانى لانك بقالك ربع نص ساعه عمال تكتب
او العكس برضه ممكن اللى انت بتكلمه يعمل كده وانت عارف لو استنيته يكتب تانى فيها لبكرة العشا ان شاء الله
حاله تانيه
فيه بعض الناس مش بيفهموا الانجليزى عربى (فرانك ارابيك - englo arabic)
او بمعنى ادق مش كويسين اوى فيه وطبعا بيحرجوا اوى يقولوا للطرف التانى لو سمحت اكتب عربى لانه مش فاهم اللى بيكتبه صح ولا انا غلطان
من الحالتين دول قعدت افكر اعمل ايه ..........اعمل ايه .......... اعمل ايه ......................
المهم انى لقيتها او بمعنى اصح صممتها
ايوة وبكل صراحه
برنامج ترجمه
بيترجم الانجليزى اللى انتا فاكر انك كاتبه عربى
وكمان المفاجاه الكبرى انه بيترجم الفرانك ارابيك
البرنامج من تصميمى وارجو انه ينول اعجابكم واتمنى اشوف ردود بعد التحميل مش زى thxxxxxxxxxxxx ومشكور اخى والحاجات دى اتمنى من كل واحد بعد مايجرب البرنامج يقولى انا عملت حاجه حلوة ولا لسه فيه حاجه وانا بحب النقد جدا يعنى فياريت ماحدش يحرمنى من اللحظه دى ......(طبعا هتقولوا ايه الواد العبيط ده ) عادى خالص وربنا يسامحه اللى هيقول كده
بس ياريت تجربوا وتحكموا بعد التجريب
وعلى فكرة دى المرحله الاولى منه انك بتعمل بس copy paste الطريقه الشهيرة فى المنتديات
اما المرة اللى جايه اوعدكوا ان شاء الله انه يكون blug in فى المسنجر والياهو وكل برامج المحادثه ان شاء الله
يارب يعجبكم
التحميل : من هنا
منقول للامانه
