الدرس الثاني في دورة الثري دي ماكس:واجهة البرنامج

[osama0gamal]

السلام عليكم يا شباب​

أنا عارف ان انا اتفقت علي 3 حصص بالاسبوع بالكتير يعني المفروض ميعادنا بكرة بس اعمل ايه بقي وحشتوني :heart: و بعدين هو اللي فات امبارح ده أصلا يعتبر درس ده شوية كلام فاضي علي العموم هي الحته الأول في الدورة دايما بتبقي دمها تقيل و انا عن نفسي مش بحبها لان مفيهاش اي تطبيق بس اهوه لازم نقوله و نعرف الناس البرنامج وواجهة البرنامج و ازاي تتحكم في منافذ الرؤيه لان دي اوليات لازم تعرفها علشان تعرف تشتغل . علي فكرة احنا احتمال نحتاج الملف ده في الشرح يا ريت تنزلوه من اللينك ده :
http://hyperupload.com/download/023e7bbf95/Room_001.max.html
و علي فكرة مش أنا اللي عاملة بس أنا اخترته لأنه بسيط خالي من أي تعقيدات و فيه عدد لا بأس به من objects ممكن أي حد يتعامل معاها و كمان الصراحة أنا كسلت إني من أولها كدة أبدأ أعمل حاجات و فكر فقولت أكبر أحسن و أشوف حاجة جاهزة و خلاص بس تكون متميزه .
يمكنك من هنا رؤيةالدرس الأول​

:clap: بسم الله الرحمن الرحيم :clap:
نبدأ الدرس​

@طبعا شوفنا منافذ الرؤية في الدرس اللي فات بس لسه معرفناش ازاي نتحكم فيها طيب نشوف هنعمل ايه . قم بتشغيل برنامج الثري دي ماكس و بعد ان يعمل قم بفتح الملف الموجود بالاعلي و ذلك باحدي الطرق الاتية :
1- قم بالضغط علي file و منه اختار open ثم حدد مكان الملف اللي نزلته من فوق .

2- يمكن اختصارا الضغط علي زر Ctrl+o من الكيبورد بدلا من الطريقة السابقة و هي تؤدي نفس الغرض .

3-اسحب الملف الذي قمت بتنزيله و قم بالقاءه في البرنامج فتظهر لك قاءمه صغيرة يوجد بها ثلاث اختيارات هي #open لفتح الملف
# merge لدمج الملف بالملف الحالي
#Xref file لعمل اكثر من شخص"اجهزتهم متصلة بشبكه "علي نفس الملف

@طيب بعد ما فتحت الملف المفروض هتكون الصورة زي دي بالضبط

لو نظرت الي الدائرة الموجوده اسفل يمين هذه الصورة هتلاقيها محددة 8 ازرار هم دول ازرار التحكم في الرؤية طيب نشوف ايه هما الثمان ازرار دول

ملاحظه: هذه الازرار تظل كما هي اذا كان منفذ الرؤية المنظور prespective هو المحدد تلاحظ وجود مربع أصفر يحدده أما لو كان أي من المساقط الأخري محدد فسوف يتغير الزر الثامن
ملاحظة : قم بفتح الملف المرفق مع الموضوع لكي تتتمرن علي التحكم بمنافذ الرؤية بحرية .
1- zoom لتكبير و تصغير الرؤيه في المنفذ المحدد فقط ممكن ان تستغني عنه ببكرة الماوس "الفأرة" قم بتجربتها انقر كليك بزر الماوس الاوسط في اي منفذ ثم حرك البكره للامام و للخلف "مش كل ماوس فيه بكرة لذلك اللي عنده ماوس ببكره هتفيده و هتوفر عليه وقت كتير" .
2- zoom all لتكبير و تصغير الرؤية في جميع المنافذ معا .
3- zoom extents يجعلك تري المسقط المحدد كامل أي يجعل كل الاشكال تظهر في المنفذ "قوم بتجربته بان تقوم بعمل زووم ثم اضغط علي zoom extents لاحظ ما حدث"
4- zoom extents all نفس وظيفة الزر السابق و لكن يطبق علي جميع المنافذ .
5- maximize viewport يكبر المنفذ ليظهر هذا المنفذ فقط بملء الشاشة و عند الضغط عليه مرة أخري تعود باقي المنافذ كما كانت " مهم جدا عند الرغبة في العمل بدقة علي أحد المنافذ منفردا "
6- arc rotate يجعلك تدور حول الشغلة بتاعتك "اعذروني اصل في هندسه عودونا في الورش نقول علي الحاجة اللي بنشتغل عليها شغلة " بس لاحظ انك انت اللي بتدور حوليها مش هيا اللي بتدور لان في ناس بعد كده ممكن تتلخبط بينه و بين زر تدوير الاشياء
7- pan view تمكنك من التحكم في المنفذ "اذهب لاي من منافذ الرؤيه و اعمل زووم ثم اضغط كليك شمال ثم اضغط علي pan view و اسحب المنفذ يمين ويسار لتتمكن من رؤية باقي المنفذ" ملاحظه ايضا يمكن الاستغناء عنه ببكرة الماوس "اذهب للمنفذ و اضغط علي بكرة الماوس و اسحب يمين و شمال .
8- هذا الزر متغير فله حالتان :
# في منفذ الرؤية prespective يكون شكله كالاتي

و يكون اسمه Field-Of-View و هو يعمل زووم ايضا و لكن تخيل ان انت راكب طياره و بتقرب من الهدف و هو الذي سنستخدمه بكثره في هذا المنفذ و لا نفضل استخدام الزووم في هذا المنفذ .
# في اي منفذ اخر ما عدا السابق يكون شكله كالاتي

و يكون اسمه zoom region حيث تقوم بتكبير جزء معين من المنفذ .
تمرين : قم بفتح الملف المرفق و أقعد العب كده في المنافذ" مش هوصيك بقي علي اللعب ده احنا احسن ناس تلعب :d " يعني مثلا روح علي المنظور و اقعد لف حول الغرفة و اغمل مثلا زووم علي الكرسي و و بعد كده علي المكتبة و جرب تعمل arc rotate في احد المساقط العادية زي العلوي و شوف ازاي اسمه هيتغير من top الي user و حاول تكبر جزء معين من منفذ الرؤية الامامي مثلا لغاية لما تحس انك تمكنت من التعامل مع هذه الازرار .

الآن أتوقع انك تستطيع استخدام منافذ الرؤية بحرية لكن .....
@ماذا اذا أردت العمل علي مساقط اخري مثل المسقط الخلفي او جانبي يمين أو ....
@ماذا إذا أردت أن تعدل من وضعية هذه المنافذ كما بالشكل

@طيب في أي من المنافذ اضغط كليك يمين علي اسم المنفذ المكتوب ستفتح لك قائمة كما بالصورة
تجد فيها views لو ضغط عليها تظهر لك قائمة بأسماء المنافذ التي يمكنك استبدال هذا المنفذ بإحداها

تمام كده باقي اختيارات القايمة دي هنتعرضلها بعدين دلوقتي اركنها علي جنب:chris:
قشطه !!! :winkiss:
@طيب افرض انت عايز تغير الشكل العام layout لمنافذ الرؤية كما في الصورة اللي قبل السابقة هنالك ثلاث طرق :
# من القايمة السابقة اضغط علي Configure .
# اضغط كليك يمين علي أحد من الازرار الثمانيه المشروحه بالأعلي .
# اضغط من الشريط العلوي بالنافذه عليcustomize و من القائمه اختر viewport configuration ...
وفي جميع الأحوال ستظهر لك نافذه كالآتي

@و طبعا هتلاحظ إن النافذه فيها أكتر من تبويب Tabs و هي المشار اليها في الصورة و أحدها هو التبويب layout و هو يستخدم في تغيير التخطيط أو الشكل الخارجي لمنافذ الرؤية و ده طبعا ما بيبقاش حسب مزاجك و ارتياحك النفسي بس و لكن كمان يعتمد علي اللي انت بتعملة و احتياجك لكام منفذ في شغلك فممكن واحد محتاج انه يركز علي المنظور و و يشوف كذلك اللي بيحصل في ثلاث منافذ أخري و بالتالي هيختار مثلا اختيار من الاعلي
@طيب افرض انك مثلا عايز نفس الاختيار اللي فوق بس بترتيب مختلف لمنافذ الرؤيه يعني مثلا عايز أعلي اليمين يكون جانبي يمين Right و اعلي اليسار جانبي يسار left فرضا و اسفل اليسار علوي top و المنظور prespective كما هو يبقي تفتح النافذة اعلاه باحد الطرق السابقة و تضغط في الصورة الكبيره كليك يمين باماوس علي احد منفذ الرؤية اللي عايز تغيره و تختار اللي انت عايزه من القايمة اللي هتظهر .
اما باقي التبويبات أنا هنكلم عن الحاجات اللي فيها كل لما نحتاج حاجة منها .
@طيب دلوقت لو بصيت فوق هتلاقي شريط الادوات الرئيسي main tool bar بتاع البرنامج و شكلة الافتراضي كدة لو مكنتش انت لعبت فية

حاول تقف بالماوس علي حته فاضيه في الشريط ده لحد ما شكل الماوس يتغير من شكل السهم لشكل اليد ثم اضغط كليك شمال و احسب الشريط شمال و يمين هتلاقيه بيتحرك معاك و يظهرلك أجزاء ما كانتش ظاهرة في الأول و علي فكرة 99% من شرايط الثري دي ماكس هتلاقي فيها نفس الحركة دي و لو كنت لسه مبتدأ مش هتاخد بالك من الكثير من الخيارات المتوفرة لذلك تاكد دوما ان اي نافذة في الثري دي ماكس تعمل عليها ان ليس لها تكملة في الاول هتلاقيها رخمة و مش و هتعجبك بس يمكن بعد فترة تعرف إنها اختراع مفيد بيوفر في المساحة المعروضة قدامك .
@هنكلم دلوقتي عن بعض الأزرار الضرورية اللي موجودة في شريط الأدوات الرئيسي ده
1- زر التراجع Undo

"طبعا واضح من اسمه " له اختصار من لوحة المفاتيح Ctrl+Z
2- زر Redo

للتراجع عن التراجع الذي قمت به يعني عملت حاجه و بعدين تراجعت عنها بي undo و بعد كده عايز تتراجع عن التراجع أو يعني عايز تعملها تاني أيضا له
اختصار هو Ctrl+Y .
3- زر الاختيار Select Object

عندما يكون مفعل يعني لونه أصفر كما بالصورة السابقة تقدر تختار أي كائن . و علي فكرة ممكن تختار أكتر من كائن في نفس الوقت . و ممكن لو
انت مختار كائنات معينه و عايز تزود عليها كمان كام واحد كده اضغط Ctrl من لوحة المفاتيح و استمر بالضغط حتي يظهر بجانب الماوس علامة (+)"مش شرط يعني تستناها لما تظهر" و استمر بالضغط و انت بتختار بالماوس و لو عايز تشيل كائن من الاختيار اضغط من لوحة المفاتيح Alt و انت بتختار الكائن ده و هتظهرلك علامة (-) و انت بتنقص الكائن .
4- زر الاختيار بالاسم Select By Name

عندما تعمل علي أد الاعمال يكون المنفذ أمامك ممتلئ بالكثير من الكائنات لذلك يصعب عليك اختيار كائن بعينه بزر الاختيار العادي لذلك قامو بوضع هذه الاداة لتسهل عليك المهمة ولذلك يجب عليك أن تعرف من الان أنك يجب أن تسمي كل كائن تقوم بعمله باسم واضح مفهوم بالنسبة لك حتي يسهل التعرف عليه وسط العديد من الكائنات الأخري . قم بالضغط علي هذا الزر فتفتح لك نافذة كالاتي

علي فكرة في القايمة دي ممكن تتبع نفس طرق اضافة و انقاص الكائنات المتبعة في طريقة الاختيار العادية
ملاحظة : قم بفتح الملف المرفق بأعلي لنتمرن علي بعض الأزرار الموجودة هنا لتتعرف عليها بدقة .
5- زر rectangular select

يستخدم هذا الزر لتحديد طريقة الاختيار فلو كانت تلك هي الصورة الظاهرة فانك يمكنك ان تختار مجموعة من الكائنات داخل المربع الذي ترسمه باداة الاختيار و لو ضغط في اسفل يمين هذا الزر لفتره قصيرة ستفتح نافذه بها عدد من طرق الاختيار الاخري مثل الدائرية و المتعرجة و أخري

6- زر window/crossing

ولها خياران يتضحان من الصورة التالية

فاذا كانت الدائرة داخل مربع الاختيار فهذا يعني انه اذا كانت اداة الاختيار مفعلة و قمت برسم مربع فان أي كائن يقع داخل هذا المربع يتم اختياره و اي جسم لا يقع داخله أو يتقاطع معه لا يتم اختياره و ربما تكون اداه الاختيار ليست مربع ربما تكون دائرة " حسب ما انت عاملها ,اللي هو الزر اللي قبل ده علي طول. " فان اي كائن يقع داخل هذه الدائرة يتم اختياره اما اذا كان هذا الزر غير مفعل و الكرة تتقاطع مع المربع فهذا يعني أن أي كائن داخل المربع أو يتقاطع حتي معه و لو في نقطة يتم اختياره أيضا و فقط يتم تجاهل الكائنات خارج مربع الاختيار .
تمرين : قم بفتح الملف المرفق و اقعد جرب تختار بعض الكائنات بالطرق السابق ذكرها مرة بالاختيار المباشر و مرة بالاختيار بالسم و شوية روح لمنفذ اخر من منافذ الرؤية و اقعد اعمل اختيار بواسطة مربع الاختيار و مرة خليه دايرة كده يعني ظبط نفسك انت بقي و حاول تتدرب بضمير علشان ايدك تبقي حلوة كدة في الشغل .
​

الدرس ما زال لم يكتمل بعد
أخوكم في الله
م/أسامه جمال محمد عطية

 

[أحمد]

موضوع رائع
جزاك الله كل خير.....:d
وفي انتظار باقي الدرس غدا بإذن الله ..

 

[mostafa gamal]

الرووووم جامدة و الدرس روعة و تفاصيل مية مية شكرا يا مااااااااااااااااااااااااااااااااااااااااااااان

 

[محمد الفرح]

مشكور اخوي

وانا نزلت الشرح وبإنتضار التكملة

 

[الهاشمي]

تســــلم إيدك أخي على هذا المجهود الرائع
والله يعطيك العافية على الشرح الأروع
بارك الله فيك ولا تحرمنا من الدروس القادمه
تحياتـــــــــ وتقديري لك
يستحق التثبيت​

 

[no one]

موضوع رائع
وبإنتضار الدروس القادمة بفارغ الصبر
شكرا وبارك الله فيك أخي

 

[osama0gamal]

[MARK="FFFFCC"]
لماذا لا يمكنني التعديل في الموضوع الذي قمت بكتابته الدرس لم يكتمل بعد هل قام أحد بمنع تعديل المواضيع أم ماذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
حد يرد عليا بسرعة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علشان أعرف أبدأ درس جديد و لا في طريقة ممكن أكمل بيها الدرس ده ؟؟؟؟؟
[/MARK]​

 

[الهاشمي]

لماذا لا يمكنني التعديل في الموضوع الذي قمت بكتابته الدرس لم يكتمل بعد هل قام أحد بمنع تعديل المواضيع أم ماذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟
حد يرد عليا بسرعة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علشان أعرف أبدأ درس جديد و لا في طريقة ممكن أكمل بيها الدرس ده ؟؟؟؟؟

هنالك فتره زمنيه لكل رد يمكن التعديل عليها ......
لا مشكلة أخي أكتب باقي الدرس في ردك القادم وسوف أضيفه بنفسي الى الموضوع
ننتظر باقي الدرس...

 

[فرسان]

بارك الله فيك

 

[ahmed madkour]

السلام عليكم و رحمة الله و بركاته ,
ازيك يا اسامة شرحك رائع و جميل و فيه مجهود كبير.بارك الله فيه و منتظرين بقبة الدروس:clap:

 

[osama0gamal]

تأجيل دورة الثري دي ماكس لحد ما النت يرجع عندي في البيت

السلام عليكم يا شباب​

انا عارف إني اتاخرت عليكم في الدرس الاخير و كمان ما كانش لسه خلص بس ده لظروف و الله فالنت عندي في البيت فاصل من يوم الاربعاء الماضي و انا مش هاعرف اكتب اي درس الا لما النت ييجي لان مفيش و لا نت كافييه عنده البرنامج و مفيش و لا نت كافييه عنده جهاز نضيف اعرف اشغل عليه البرنامج ده طبعا غير الديب الفريز اللي هم بيحطوه و بذلك إن شاء الله الدورة هنكملها كاقصي سماحية يعني يوم الثلاثاء القادم و في خلال المدة دي انا هاجهز الدروس علي الجهازي بحيث سواء النت جاء او لا هنكمل دورة هاخد الدروس اللي انا جهزتها علي الفلاش ميموري و اروح اقرب نت كافييه و ارفع الصور و الدرس و ان شاء الله العملية دي هتكون ابطا و ارخم لكن مش مشكلة و اسف تاني لكن و الله الظروف هي السبب​

 

[fasoolia]

اخواني ارجو ان يضع احكم الملف الذي تم تطبيق الدرس عليه في المرفقات او يرفعه مرة اخري فاني اخواني لا استطيع تحميله

ولكم جزيل الشكر

 

[a327]

Good Job :clap:

 

[waeldady]

many thanks​

 

[safy]

[glint]بارك الله فيك وزادك من العلم ذلك لانك لا تكتم ما تعلم ولمزيد من التقدم
اخوك فى الله / صافى[/glint]

 

[samerdib]

مشششششششششششكور

 

[حلم البنفسج]

تسلم يا اخوي

 

[zikoooo]

جزاك الله خيرااااااااااااااااااااااا
واكثر من امثالك واعمالك