مشكلة نقص حجم الهارد ديسك الرجاء المساعدة

الحالة
مغلق و غير مفتوح للمزيد من الردود.
A

adel1970

Member
السلام عليكم اخوتي 000 لدي مشكلة في الهارد ديسك في جهازي اللاب توب ماركة lenovo والمشكلة باختصار هو ان الهارد ديسك يقل الحجم الفري منه كل يوم بمعدل 1gb واحيانا اكثر مع العلم اني لم اخزن فيه اية برامج او بيانات الا اني اتصفح الانترنت كل يوم حوالي ثلاث ساعات مع العلم اني لا اقوم بالداون لوود الا لبعض الملفات والتي لا يتعدى حجمها 50mb وهدا الحال مند اسبوع من تاريخ الشراء اي انه خلال اسبوع فقدت من حجم الهارد ديسك حوالي 20gb فهل يعقل هدا ارجو المساعدة في تفسير هده المشكلة :(
 
وعليكم السلام و رحمة اللة وبركاتة
شوف ياسيدى إنت غالبا عندك ويندوز فيسنا و الهارد بتاعك بتلاقية عمال بيكبر كل يوم مع إنك مش بتحط علية حاجة و عارف كمان إن إنت لو إستنيت شوية حتلاقية فى يوم من الايام رجع تانى لحجمة العادى لوحدة و بعدين إبتدى يكبر تانى وهكذا. د ة نتيجة لوجود حاجة أسمها شادو فيلز فى الفيستا و دى عبارة عن إن كل شوية الفيستا تاخد كوبى من السيستم بتاعك و تحفظة على الهارد علشان لو حصل حاجة ممكن ترجع النظام زى ماكان فى وقت معين( حاجة كدة شبة الإكس بى بس احسن بكتير) والكلام دة بيتم من غير ما تشعر كل ماتحدث الملفات او تنزل أى برنامج جديد و مع مرور الوقت و نراكم الشادو فيلز القديمة و إلى هى على فكرة ليها مساحة مخصصة على الهارد(حوالى 30% من الهارد) بعد كدة بيقوم الكمبيوتر بمسح القديم و ذلك لإضافة المزيد و المزيد من هذة الشادو فايلز
عموما دى مش حتضرك فى حاجة لو سبتها غير إنها بتاكل 30% من الهارد و لن تزيد عن ذلك أبدا بل هى مفيدة فى إسترجاع النظام لو حصل فشل لاى سبب. لو مضايقك اوى ان الهارد شكلة مليان على الفاضى ممكن تمسح الملفات دى بأمان تام و مفيش مشكلة بس لازم تسيب أخر ملف أو إتنين إحتياطى ودة حيرجعلك كل مساحة الهارد بتاعتك زى الاول بس برضة بعد عدة أيام حتلاقى الموضوع بيكرر نفسة من الاول تانى


علشان تعمل كدة:
rt click on C-->property--> disc cleanup-->files from my computer-->wait till it finish-->select more options from the window that appear next-->system restore and shadow copies--> cleanup--> accept and Ok--> خلص الموضوع يامعلم


(إية جالك إحباط ولاإية وحاسس إنك إدبست فى الجهاز وإنك مضحوك عليك؟؟؟؟؟؟؟؟؟؟؟؟) ولايهمك إنت ممكن برضة نحدد بنفسك المساحة إلى الفيستا بتستخدمها احفظ هذة النوعية من الملفات وبلاش موضوع ال30% من الهارد دة لانة كتير بصراحة واحد فى المية كفاية قوى

لو الكلام دة ماشى معاك قولى علشان اكمل
​
 
السلام عليكم اخي الكريم واخوتي الكرام اولا شكرا على اهتمامك بالموضوع تانيا ان كل ماعرضته اخي معلومات قيمة نستفيد منها وتشكر عليها بالنسبة لنظام التشغيل عندي هو فيستا بيسك فهل من المعقول ان تاخد كل هدا الحجم يوميا اي تقريبا 1gb ؟ مع العلم مرة اخرى اني لم اضع اية برامج في الجهاز وشكرا مرة اخرى وارجو ان تكمل واسف على التاخير في التواصل معك وشكرا لجميع اخوتي في المنتدى وارجو منك اخي الكريم ان تكمل والسلام عليكم ورحمة الله وبركاته
 
ايوة و تاخد اكتر من كدة كمان لان كان عندى نفس المشكلة بس الحمدللة تخلصت منها, المهم عملت إلى قولتلك علية و لا لسة ؟؟؟؟؟؟؟؟ إدينى مهلة يوم لتحضير باقى الوصفة لمنع تكرار المشكلة مرة اخرى لانك بعد ما تحذف الشادو فيلز حيقوم الكومبيوتر بكل بساطة بإعادة تراكمها مرة أخرى
 
السلام عليكم ايوة ياعمي عملت الي قولتلي عليه وانا بانتظار باقي الوصفة وربنا يبارك فيك :gift: ( على فكرة رجع حجم الهارد ديسك زي مكان في الاول يعني رجع حوالي 20gb) ( قولي ياعمي انا الهارد ديسك بتاعي حسب المكتوب في مواصفات الجهاز هو 160gb وحسب معلوماتي انه لما تشوفه في الجهاز تلاقي الحجم 154gb طبعا السبب معروف لكن الي حاصل عندي ان الحجم هو143gb ممكن كان عندك فكرة تفسرلي الموضوع ده ؟ واسف على الاطالة والسلام
 
ماشى يا جميل دى خطوة حلوة, بالنسبة لسؤالك فدة لسببين

الاول : وجود الشادو فيلز دة بيستهلك مساحة من الهارد إنت مش بتشوفها بس الجهاز بيشوفها و بيخصمها من المساحة الكلية و يخليك مثلا لما تشوف المساحة الفاضية فى السى تلاقيها مثلا 30 جيجا و المساحة المستهلكة تكون مثلا 20 جيجا بس لما تفتح السى نفسة و تحسب و تجمع مساحة كل فيل على حدة حتلاقى المساحة الفعلية 13 جيجا بس مع إنة من برة بيقولك 20 جيجا مستعمل طب الباقى دة راح فين ؟؟؟ دى بقى مساحة الشادو فيلز ( دانا كنت حتجنن فى الاول من الموضوع دة) و دة يخلى الهارد شكلة صغير

الثانى: لما يكون الهارد 160 و إنت لسة شارية بس بعد ما تقسمة و تفرمتة و تعمل بارتيشن حتلاقية بقى 150 مثلا لان التقسيم بيستهلك من مساحة الهارد

أخر حاجة شوف الملف إلى رفعتهولك علشان تعرف إزاى تتحكم فى الهارد بتاعك (وتعلمة الادب) و متنساش تدعيلى و عموما الفيستا من احسن الانظمة إلى إنت حتشوفها فى حياتك و اوعى الشيطان يوسوسلك إن إنت ترجع للإكس بى تانى إدى الفيستا فرصتها

الفيستا دى عالم تانى و حاجة تانية خالص

http://rapidshare.com/files/244676826/To_reduce_disk_space_used_by_Windows_Vista_system_restore.pdf​
 
السلام عليكم كيف حالك اليوم اخي الكريم ____ والله اني ادعو لك ولكل من يحب مساعدة الاخرين واتمنى من الله ان يوفقكم لما فيه الخير ### والله شي جميل الملف الدي رفعته لي وفعلا عندما يعرف السبب يبطل العجب فعلا انقدتني من مشكلة كانت تؤرقني ومرة اخرى بارك الله فيك وربنا يديلك على قدر نيتك والسلام
 
مبروك عليك المساحة الجديدة و مبروك عليك الكمبيوتر الجديد. فاضل بقى تعرف إزاى تصغر الفيرتوال ميمورى (وتكسب مساحة تانية) و إزاى تسرع الفيستا بس دة حيبقى كتير عليك دلوقت انا حستنى لما تفوق من دى الاول
 
اظن اني فوقت دلوقتي بس مافيش مشكلة حتى لو مافوقتش فده مش حيمنع ان زيادة الخير خيرين ومنك نستفيد ياعم يلا ماتبخلش علينا بالي عندك يلا ياجدع يلا :)
 
حاضر من عنيا بس شوية وقت لتحضير الطبخة و إحضار المقادير و التوابل
 
ايه ياعم لسة الطبخة ماستوتش ولا ايه :D ازي الحال ياصحبي بهزر معاك انا في انتظار تجهيز الطبخة والسلام(hi)
 
الظاهر انو الطبخة كبيرة ---- ولا ايه الحكاية -- على الله ماتكونش نستني بس:|
 
والله بدايت اقلق انك نسيتني ولا ايه الحكاية ؟؟؟؟؟؟؟؟؟؟؟؟؟؟؟؟؟؟؟؟؟؟ :(
 
الحالة
مغلق و غير مفتوح للمزيد من الردود.
عودة
أعلى