مسيلمة الكذاب

[mohamedabdalahf]

مسيلمة الكداب ظهر وادعى النبوة والبشارة
فجاة فط ونط ولقيناة ماسك رئيس للوزارة
بيقول انة جايب لنا الجديد من الافكار
يوعدنا بالجنة وهو بيرمينا فالنار
ولكل واحد من رجالتة سلمة منشار
شوية يقطع فلحمنا وشويتين يغلى فالاسعار
ورجالتة اية تقولش مختارهم عالفرازة
احنا نشرب من الجردل وهما يشربوا من الازازة
نقف عالعلف طوابير وهما ياكلو جاتوة
ونشرب الشاى عالبوابير مهو حتى الغاز باعوة
شوية بط ووز
بان عليهم ال عز
واحنا على سناننا نجز
بيبيعوا فينا وفى بلدنا واحنا عليهم شهود
ويقولوا دة لمصلحتنا مهم فاكرينا هنود
ويكوموا فالارانب والاساتك
ولا الوزير بتاع التكاتك
فكل قرش من مال الناس عاوز يشارك
جوة البلد ظالمينا وبرة منها فاضحينا
يرضيك يا ابن الوليد
مسيلمة فينا بيقيد
عايزنا نبقى عبيد
دة بعدهم دة احنا برضة رجالة
بكرة راح نبقى اسياد البلد
وهما راح يبقوا عالة

 

[لطفي الياسيني]

اقف اجلالا لعبق حروفك وابحارك في مكنونات
الذات الانسانية فاجدني عاجزا عن الرد حيث
تسمرت الحروف على الشفاه جزيل شكري وتقديري
لما سطرت يداك المباركتان من حروف ذهبية
دمت بخير
تلميذك ابو مازن

 

[محمد شتيوى]

ولا الوزير بتاع التكاتك
فكل قرش من مال الناس عاوز يشارك

كل يوم تطلع حكاية جديدة لينشغل بها الشعب ويتحدث عنها
آخرها حكاية الورقة ذات الخمسمائة جنيه

أين أنت يا ابن الوليد

 

[mai saad]

بكرة راح نبقى اسياد البلد

بكره الساعه كاااااام
ههه
جميله اخى شكرا لك على هذه السخريه المريره اتمنى ان ينصلح الحال عن قريب