mohamedabdalahf
New Member
ماشى حسن يتقمع ببدلتة الزيتى
وقف يعدل الكاب وفى رجل البنطلون
يلمع فى جزمتة الكحيتى
ودخل ابو على عالحارة
شاف الزينات والفوانيس
ملعلعة على اعمدة الانارة
اية..ما اصعبك يا فراق
وفطريقة يوقفة عم عبدة الحلاق
وفعنية شبح دمعة
بقولك اية يا دفعة
هو احنا مش حنحارب
جة يقولة : حرب اية يا ابة انسة
رجع وقالة: لا يا حج شوية لسة
مسكين دماغة رايحة منة من وقت النكسة
وسابة ومشى
يا اخى اختشى
متبحبح ايدك فى الميزان شوية
ولا فاكرنى مش شايف
بص لقى زبون بيقاوح مع عم امين اللى واقف
قدام النصبة بتاعة الكنافة والقطايف
والزلابية اللى تدوب بين الشفايف
ريحتها طالعة منها تهفهف
شوفى يا اختى الراجل
الصيام خلاة يخترف
دى حريم بتتساير وفى الملوخية بتقرطف
وهما قاعدين قدام بيوتهم عالحصيرة
ويكمل ابو على المسيرة
رمضان كريم يا حسن
سلم على امك وخليها تسال علينا
اللة اكرم من عنيا يا ام مينا
ما اجمل اهالينا
ويوصل لبيتة اللى قدامة بنات حلوة صغيورة
بتلعب الحجلة وولاد بتلعب بالكورة
يلمحها واقفة قدام العشة
وهى نازلة كنس بالمقشة
تشوفة وشها يحمر وتبتسم فى دلال
صدق اللى قال
الحب اقوى من الرجال
تندة عليها اختها الضغيرة وتشدها
يلا يا بنتى المدفع خلاص حيضرب
قال لنفسة امتى باة البعيد يقرب
ويدخل ابو على البيت وهو فرحان
الكل يجرى علية وياخدة بالاحضان
وبعد السلامات والتحيات
يفرشوا الطبلية ويقعدوا مستنيين الادان
امة تقولة ابقى شقر على خالتك سمارة
ان شاء اللة وهى عاملة اية بجد
واللة حالتها مش ولا بد
لساها يا كبدى حزينة على ابنها
اللى غرق فالعبارة
ويعلو صوت المؤذن بالاذان
الكل يمسك البلح ويبدا يدعى
وفجاة تهتز الاركان
ويعلا صوت الصريخ فى كل مكان
الناس بتجرى بسرعة من فوق بعضها
مش عارفة دة زلزال ولا اية حصلها
وحسن بيصرخ فى اية
يقع حجر على راسة ويغمى علية
ويفوق يلاقى كل شىء من حوالية اتهد
يدور على عيلتة مش لاقى منهم حد
يبص يلقى حبيبتة عالارض والناس عليها بتدوس
ميتة وفحضنها اختها وفى ايديها حاضنة فانوس
وعلى وشها ضحكة بريئة
ازاى الخراب دة كلة حل
بس فدقيقة
وانا راح اعمل اية قوليلى
متردى يا دويقة
******
فى زاوية صغيرة تحت الحادثة المشهورة
لقتيلة كانت مطربة مغمورة
نشرت الصحف فى اقتضاب ما حدث
للمنطقة المنحوسة
حتى الحوادث فيها كوسة
هى دى مصر المحروسة
راكب القطر حسن وماسك الجرنال
لقى حبيبتة حلمها اتحقق وبلغت المحال
صورتها اهى منشورة ويا المشاهير ورجال الاعمال
بكى فسرة وقال
يادى المصيبة
ورجع العريف جندى مجند عالكتيبة
وجواة مية سوال مين السبب ولماذا
وعلى فين هاروح
لما يجى وقت الاجازة
وقف يعدل الكاب وفى رجل البنطلون
يلمع فى جزمتة الكحيتى
ودخل ابو على عالحارة
شاف الزينات والفوانيس
ملعلعة على اعمدة الانارة
اية..ما اصعبك يا فراق
وفطريقة يوقفة عم عبدة الحلاق
وفعنية شبح دمعة
بقولك اية يا دفعة
هو احنا مش حنحارب
جة يقولة : حرب اية يا ابة انسة
رجع وقالة: لا يا حج شوية لسة
مسكين دماغة رايحة منة من وقت النكسة
وسابة ومشى
يا اخى اختشى
متبحبح ايدك فى الميزان شوية
ولا فاكرنى مش شايف
بص لقى زبون بيقاوح مع عم امين اللى واقف
قدام النصبة بتاعة الكنافة والقطايف
والزلابية اللى تدوب بين الشفايف
ريحتها طالعة منها تهفهف
شوفى يا اختى الراجل
الصيام خلاة يخترف
دى حريم بتتساير وفى الملوخية بتقرطف
وهما قاعدين قدام بيوتهم عالحصيرة
ويكمل ابو على المسيرة
رمضان كريم يا حسن
سلم على امك وخليها تسال علينا
اللة اكرم من عنيا يا ام مينا
ما اجمل اهالينا
ويوصل لبيتة اللى قدامة بنات حلوة صغيورة
بتلعب الحجلة وولاد بتلعب بالكورة
يلمحها واقفة قدام العشة
وهى نازلة كنس بالمقشة
تشوفة وشها يحمر وتبتسم فى دلال
صدق اللى قال
الحب اقوى من الرجال
تندة عليها اختها الضغيرة وتشدها
يلا يا بنتى المدفع خلاص حيضرب
قال لنفسة امتى باة البعيد يقرب
ويدخل ابو على البيت وهو فرحان
الكل يجرى علية وياخدة بالاحضان
وبعد السلامات والتحيات
يفرشوا الطبلية ويقعدوا مستنيين الادان
امة تقولة ابقى شقر على خالتك سمارة
ان شاء اللة وهى عاملة اية بجد
واللة حالتها مش ولا بد
لساها يا كبدى حزينة على ابنها
اللى غرق فالعبارة
ويعلو صوت المؤذن بالاذان
الكل يمسك البلح ويبدا يدعى
وفجاة تهتز الاركان
ويعلا صوت الصريخ فى كل مكان
الناس بتجرى بسرعة من فوق بعضها
مش عارفة دة زلزال ولا اية حصلها
وحسن بيصرخ فى اية
يقع حجر على راسة ويغمى علية
ويفوق يلاقى كل شىء من حوالية اتهد
يدور على عيلتة مش لاقى منهم حد
يبص يلقى حبيبتة عالارض والناس عليها بتدوس
ميتة وفحضنها اختها وفى ايديها حاضنة فانوس
وعلى وشها ضحكة بريئة
ازاى الخراب دة كلة حل
بس فدقيقة
وانا راح اعمل اية قوليلى
متردى يا دويقة
******
فى زاوية صغيرة تحت الحادثة المشهورة
لقتيلة كانت مطربة مغمورة
نشرت الصحف فى اقتضاب ما حدث
للمنطقة المنحوسة
حتى الحوادث فيها كوسة
هى دى مصر المحروسة
راكب القطر حسن وماسك الجرنال
لقى حبيبتة حلمها اتحقق وبلغت المحال
صورتها اهى منشورة ويا المشاهير ورجال الاعمال
بكى فسرة وقال
يادى المصيبة
ورجع العريف جندى مجند عالكتيبة
وجواة مية سوال مين السبب ولماذا
وعلى فين هاروح
لما يجى وقت الاجازة
