mohamedabdalahf
New Member
يروى الحكيم بيدبة
انة فى يوم اجتمعت الحيوانات فى مادبة
للبحث فى القضايا الحالية وطرح السؤال
كيف ان الديب اتجرا واعتدى على الغزال
وقد تراس الجلسة البغبغان وقال
اللى بيحصل دة فوضى وعيب فحقنا
بكرة الديب يتدور ويخلص علينا كلنا
ولا بد من اخذ موقف من هذا الفعل المشين
واعلن من هنا اننا نشجب وندين
نفض القرد ايدية من قشر الفول السودانى
وقال: يادى النيلة...انتا تانى
وقد استفسر السيد ابو قردان عن الاسباب
التى قد دعت بعض الاعضاء الى الغياب
رد السنجاب:
اصل يا سيدى عقبال املتك الفار السندق
العيشة ارتاحت معاة وباعت توصياتة من الفندق
وعقب البغبغان اما الطيور التى غابت اليوم
فالحمام خلاص اندبح ومش طالبة غربان وبوم
وبعدين العملية مش مستاهلة دول كلمتين ونقوم
والنبى تصحى الاسد اللى جنبك دة باين علية عجز
ساعة يفوق وساعة ينام ومش عارف يركز
واشبالة يا عينى بقوا مساكين
شوية منهم فى الغيطان سارحين
بيحاولوا يزرعوا قمحهم ويجنوا قطنهم ومش عارفين
وشوية منهم اشتغلوا فالسيرك وبقوا مستانسين
وبعضهم محبوس فى الاقفاص او فى المعتقل
والبعض الاخر جالة زهايمر وبان علية الهبل
واستمر الجدال والنقاش
وطالب الحمار بمقاطعة الديب وولاد عمة التعالب الاوباش
ردت السحلية : وسيادتك حتعمل فيها قاضى
وبصت للزرافة وقالتلها :
متقولى حاجة ولا انتى بس طول عالفاضى
سايبة الجحش دة علينا يغلس
مش باقى غيرك انتا كمان يا مفلس
رد الحمار: هو كل حاجة عندك فلوس
الفيل قام وقال/ متصلوا بينا عالنبى
احنا جايين هنا نهدى النفوس
رفعت راسها وقالت النعامة:
لا يا شيخ ادينى امارة
قلع الارنب الحكيم النضارة
وتمتم بحسرة فسرة وقال يا خسارة
وابتدت الكلاب تهوهو
والقطط تنونو
وقامت كالعادة القديمة خناقة عظيمة
ونسيوا امر الضحية وامر الهزيمة
والحية طبعا ولا هى هنا عاملة بريئة
واعقب ذلك ان جاءت المطافى واخمدت الحريقة
البغبغان قام وعدل هندامة وقال ما معناة
ان اللى حصل دة حدث طارىء ولازم نسلاة
وهنا يصل الاجتماع الى منتهاه
واجمع الاعضاء على ارسال برقية للغزال فى كلمتين
البقاء لله
انة فى يوم اجتمعت الحيوانات فى مادبة
للبحث فى القضايا الحالية وطرح السؤال
كيف ان الديب اتجرا واعتدى على الغزال
وقد تراس الجلسة البغبغان وقال
اللى بيحصل دة فوضى وعيب فحقنا
بكرة الديب يتدور ويخلص علينا كلنا
ولا بد من اخذ موقف من هذا الفعل المشين
واعلن من هنا اننا نشجب وندين
نفض القرد ايدية من قشر الفول السودانى
وقال: يادى النيلة...انتا تانى
وقد استفسر السيد ابو قردان عن الاسباب
التى قد دعت بعض الاعضاء الى الغياب
رد السنجاب:
اصل يا سيدى عقبال املتك الفار السندق
العيشة ارتاحت معاة وباعت توصياتة من الفندق
وعقب البغبغان اما الطيور التى غابت اليوم
فالحمام خلاص اندبح ومش طالبة غربان وبوم
وبعدين العملية مش مستاهلة دول كلمتين ونقوم
والنبى تصحى الاسد اللى جنبك دة باين علية عجز
ساعة يفوق وساعة ينام ومش عارف يركز
واشبالة يا عينى بقوا مساكين
شوية منهم فى الغيطان سارحين
بيحاولوا يزرعوا قمحهم ويجنوا قطنهم ومش عارفين
وشوية منهم اشتغلوا فالسيرك وبقوا مستانسين
وبعضهم محبوس فى الاقفاص او فى المعتقل
والبعض الاخر جالة زهايمر وبان علية الهبل
واستمر الجدال والنقاش
وطالب الحمار بمقاطعة الديب وولاد عمة التعالب الاوباش
ردت السحلية : وسيادتك حتعمل فيها قاضى
وبصت للزرافة وقالتلها :
متقولى حاجة ولا انتى بس طول عالفاضى
سايبة الجحش دة علينا يغلس
مش باقى غيرك انتا كمان يا مفلس
رد الحمار: هو كل حاجة عندك فلوس
الفيل قام وقال/ متصلوا بينا عالنبى
احنا جايين هنا نهدى النفوس
رفعت راسها وقالت النعامة:
لا يا شيخ ادينى امارة
قلع الارنب الحكيم النضارة
وتمتم بحسرة فسرة وقال يا خسارة
وابتدت الكلاب تهوهو
والقطط تنونو
وقامت كالعادة القديمة خناقة عظيمة
ونسيوا امر الضحية وامر الهزيمة
والحية طبعا ولا هى هنا عاملة بريئة
واعقب ذلك ان جاءت المطافى واخمدت الحريقة
البغبغان قام وعدل هندامة وقال ما معناة
ان اللى حصل دة حدث طارىء ولازم نسلاة
وهنا يصل الاجتماع الى منتهاه
واجمع الاعضاء على ارسال برقية للغزال فى كلمتين
البقاء لله
