السيرك

[mohamedabdalahf]

واتنصب السيرك
على ارض الجزيرة
اللى ياما حاربت الشرك
ايام وسنين طويلة
ودخلنا على بلاد العجايب
لقينا مولد وصاحبة غايب
حسن ومرقص اهم بالبندقة ماسكين
داخلين ينشنوا بس وهما مغمضين
وفجاة يظهر فالكادر كوهين
ينشن وكالعادة يصيب الهدف
يادى القرف
والبهلوانات اشكال والوان ماشيين عالحبال
اشى ببدلة واشى بعمة واشى بعقال
وكلة عاوز يتنطط عالحبل لوحدة برواقة
وفكل يوم لازم تقوم بينهم خناقة
اما صحيح شغل عيال
والبلياتشو راكب لوحدة عالبسكلتة
من تحت القناع بيضحك وكلة غبطة
ساعات يبانلك اسد وساعات يخاف من القطة
وكل ما يتزنق يطلع الفيتو من الشنطة
وغازية بترقص عريانة متكبلة رجلها
الكل طمعان ونفسة ينهش فلحمها
وهى ملهاش حيلة واية بيدها
بعد ما قتلوا راجلها وشردوا ابنها
و فى اثناء جولتى انا وموكبى
سمعنا صياحا
صقفة للنبى
كان واقف لوحدة راجل شجيع
بيبكى ويصرخ زى طفل رضيع
متكتف بالسلاسل بقالة تلاتين سنة
سالتة انتا مين قال: الشارع العربى انا
وادى بلاد العجايب
مولد صحيح وصاحبة لساة غايب

 

[محمد شتيوى]

أخى محمد عبد الله
قال النقاد قديماً إن أحسن الشعر ما لا يُستحى من إنشاده من أى طبقة من الطبقات
لا تملأ زجلك بصور العراة والغوازى , ولا بالمخالفات التى لا فائدة منها كـ ( صقفة للنبى )
نريد زجلاً راقياً ..

 

[لطفي الياسيني]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته
شـكــ وبارك الله فيك ـــرا لك ... لك مني أجمل تحية .

 

[محمد سراج]

جزاك الله كل خير