ودي أطيح من التعب في يدينه

[nanci taha]

يامن بنى له في خفوقي مدينه
لاغاب عنها فدوته كل من غاب​

له دمعتينٍ في المحاجر حزينه
وحلمٍ قديم من التعب مفرقه شاب​

وله عاشقٍ يفداه باغلى سنينه
وبخافقٍ من كثر ماشتاق له ذاب​

مدري ادين الوقت والا ادينه
ودي اشتكي له مدري اشكيه بعتاب​

ودي اطيح من التعب في يدينه
اصبحت اشوف الناس من دونه اغراب​

يمكن نسى السجَان صرخه سجينه
ماحس بالوحده ولا طيّر اسراب​

ياما رفعت الصوت واقول وينه
وياما صحى حلمي على غيبة احباب​

انا الغريب اللي فقد نور عينه
والعاشق اللي عن محبتك ماتاب​

حتى السهر هذي يدي في يمينه
ياقّل ماغمضت من بُعدك اهداب​

اسهرك شوق وفي يدي ياسمينه
واقول ياخوفي يجي الحلم كذاب​

في منتهى الرقه​

​

 

[● ـالآميـــرهـ≈]

سلمت يمنااااكـ
♥

 

[hadoota]

•●[ .. سلمت أناملك على الأبداع .. ]●•

يعطيك العافية ..

//
​

 

[The Legend222]

يـعـطيـك الـعـافـيـة


//​