nanci taha
New Member
قصة شاب كان عاق لامه ...
كان في ولد سنة اولى متوسط وكان ماشاء الله عليه شاطر في
دراسته دايم يجيب الاول والا الثاني بس كان الولد هذا في حاجة وحدة
مو حلوة هي انه ما كان بار بامه ودايم يصايح عليها ويسبها وبعض
الاحيان يلعنها (والعياذ بالله بس الام قلبها طيب ولو فيه كلمة تدل على
اكثر على طيبة قلبها بس لا توجد كلمة تدل على رحمة الام) .... ولكن
الولد لما يهدى يروح للأم ويعتذر منها وتسامحه الام ... وتمر الايام ويكبر
الولد وماشاء الله يتخرج من المتوسطة ويدخل الثانوية وكل يوم يزيد
عقوقه عن اليوم اللي قبله .. ولا اللي يزيدك قهر لما يتصل عليه زميله او
صاحبه يرد عليه ببشاشة وضحك ووناسة ولما تتصل امه تعال شوف
كأنها قتلت ابوه مو امه يصايح عليها ويسكر السماعة في وجهها ..
وحتى لما يروح يدويها المول يصايح عليها قدام الناس .. والا الناس
يناظرونه كأن مافي حاجة .. وتمر الايام ويتخرج الولد من
الثانوية ويقدم على الجامعة طب بس ما ينقبل .... ويحاول في جميع
الجامعات بس ما انقبل .... ويقدم خارج بلده .... وينقبل هناك .. ولما
خلاص ودهـ يحجز ويسافر عشان دراسته .. الام من كل ما جاها من
ولدها الا هي تروح وتحجز معاه وتروح معاه .. وتترك عياليها الصغار ..
وتقول كيف اتركه هناك مين يغسل ثيابه ومين يسوي له الاكل .. ولكن
الولد لم يقدر هذه النعمة .. ولا يعامل امه كأنها ثقيله عليه وانها جايه تنكد
عليه .. ومثل العادة يصايح على امه ويسبها ... والام تتحمل تقول ان شاء
الله ربي يهديه ... وبعض الاحيان تجلس الام تبكي وتقول اننا تاركه
عيالي هناك وجايه معاه وهو يعاملني كذا .. بس ما تقول الا الله
المستعان الله يهديك ياولدي ... ولما خلصت السنة رجعووا بلدهم
وينتظروا النتايج .. وتهدىء الاوضاع والولد يدعي ربه ان النتيجة حقته
يطلع فيها ناحج << من فين يشوف النجاح وهو عاق امه ....ويطلع اخونا
راسب يعني دوور ثاني ... ورجع يبي يذاكر ويدرس بس هذه المرة بدوون
امه والحين هو يدرس خارج بلده بدوون امه ويقول:
والله اني ما كنت اشوف امي الا اذا كنت ابيها وانا الحين اني اكلمكم وعيوني تدمع على كل ما سويته في امي .. واني متندم على كل لحظة وياليت ارجع بسرعة لاقبل راسها ويديها ورجليها .... اه ياأمي والله ما كنت احس بالغربة لانك كنت بجواري . اه ثم اه ثم اه
وعلى فكرة :
هذا حال معظم شبابنا فياليت تأخذوا العبرة من هذه القصة وعلى قول اهل المثل ( ما تحس بالنعمة الا لما تسلب منك )
