أنتصف ليلٍ جمعنا مع بعضنا ساهرين
والمشاعر ثايرة مرة ومرة خاملة
مثل سوق الأسهم اللي عقد المستثمرين
مرّةٍ أخضر ومرّة ينكب المتداولة
مر بنا وقتٍ طويلٍ جالسينٍ صامتين
كل منّا يجمع أفكاره والالسن غافلة
والنواظر يم بعضها مثل جندٍ والمين
للملاقا والنبل ما بينهم متبادلة
قالت النجمات شفهم .. قلت شفت النجمتين
شعلة منهم بقلبي من زمانٍ شاعلة
قالت أي نجمات تقصد .. قلت لا تتغافلين
تعرفين اني مولّع بالعيون القاتلة
قالت شرايك بلعبة .. قلت لا تتهربين
والا خفتي من سحايب قلبي يرمي وابلة
قالت اللعبة بالوووت ..وقلت ناقص لاعبين
قالت أدري .. قلت ودّك تقلبين الطاولة ؟؟
قالت ان كانك تحدّا بالخصم لا تستهين
قلت يالله وزعي .. قالت هذاني فاعلة
قالت اللعب محكوم .. وقلت يعني تعدلين ؟!
أصلاً انتي حاكمة قلبي ولا انتي عادلة
قالت عندي سرا .. قلت أنا عندي ثنين
قالت أركد عندي أكه وأنا قبلك نازلة
قامت تربّع ولا عندي سواهن حكمتين
والبلا أصغر ورق بالحكم ماهي آكلة
كبتت .. قالت لي وزع يالله حرك هاليدين
وبخبث قالت لا تحقن لا تظنّي جاهلة
قلت حكم ..وقالت أشكل.. يا متمشكلين
قلت مية قالت أربع .. وللسرا .. متنازلة
قلت لعبك مثل طبعك دايم اللي تغلبين
والعنا منك أذوقه عاشقٍ واستاهلة
حيث حبي لك تجاوز كل حدود العاشقين
لو درى قيسٍ بحبي ظن حروفه فاشلة
لو أبي أوصف حلاتك ما يكفي دفترين
قالت أوصف .. قلت أبوصف .. بس ترى بمغازلة
أضحكت .. قالت ترانا للغزل متعودين
لا تحسب ان القصايد منك ماهي واصلة
قلت يعني كل هالمدة طلعتي تطنشين ؟ !
أفهم أن ساعة لقى القلبين ماهي حاصلة ؟ !
قاطعتني .. قالت أقسم لك برب العالمين
ما طرى التطنيش مني ولا جلست مجاملة
أفهم المعنى وكمّل هات شعرك يالفطين
أوصف أنسانٍ تشوفه في حروفٍ عاجلة
قلت بك زينٍ يخوّف كل من يوصف بزين
بالمسابق ماحدٍ حولك لأنك هايلة
أظلمك لو قلت حلوة .. اصلا انتي تهبلين
خدٍّ .. وقد .. وليل ناثرٍ جدايلة
لو مكنك الزير سالم ما قعد طول السنين
كان صرتي له بدال الثار شغلٍ شاغلة
دايم المّح بحبي وأدري أنك تفهمين
والبلا أنك من غرورك للأسف متجاهلة
قالت أدري .. بس أبيه القول ياتيني مبين
يعلم الله لو تصارح ماني الي خاذلة
قلت أحبك.إيه احبك.أيه أحبك تسمعين ؟؟
قالت أسمعها وقلبي مرسلٍ قوافلة
،،
رآآقت لي
والمشاعر ثايرة مرة ومرة خاملة
مثل سوق الأسهم اللي عقد المستثمرين
مرّةٍ أخضر ومرّة ينكب المتداولة
مر بنا وقتٍ طويلٍ جالسينٍ صامتين
كل منّا يجمع أفكاره والالسن غافلة
والنواظر يم بعضها مثل جندٍ والمين
للملاقا والنبل ما بينهم متبادلة
قالت النجمات شفهم .. قلت شفت النجمتين
شعلة منهم بقلبي من زمانٍ شاعلة
قالت أي نجمات تقصد .. قلت لا تتغافلين
تعرفين اني مولّع بالعيون القاتلة
قالت شرايك بلعبة .. قلت لا تتهربين
والا خفتي من سحايب قلبي يرمي وابلة
قالت اللعبة بالوووت ..وقلت ناقص لاعبين
قالت أدري .. قلت ودّك تقلبين الطاولة ؟؟
قالت ان كانك تحدّا بالخصم لا تستهين
قلت يالله وزعي .. قالت هذاني فاعلة
قالت اللعب محكوم .. وقلت يعني تعدلين ؟!
أصلاً انتي حاكمة قلبي ولا انتي عادلة
قالت عندي سرا .. قلت أنا عندي ثنين
قالت أركد عندي أكه وأنا قبلك نازلة
قامت تربّع ولا عندي سواهن حكمتين
والبلا أصغر ورق بالحكم ماهي آكلة
كبتت .. قالت لي وزع يالله حرك هاليدين
وبخبث قالت لا تحقن لا تظنّي جاهلة
قلت حكم ..وقالت أشكل.. يا متمشكلين
قلت مية قالت أربع .. وللسرا .. متنازلة
قلت لعبك مثل طبعك دايم اللي تغلبين
والعنا منك أذوقه عاشقٍ واستاهلة
حيث حبي لك تجاوز كل حدود العاشقين
لو درى قيسٍ بحبي ظن حروفه فاشلة
لو أبي أوصف حلاتك ما يكفي دفترين
قالت أوصف .. قلت أبوصف .. بس ترى بمغازلة
أضحكت .. قالت ترانا للغزل متعودين
لا تحسب ان القصايد منك ماهي واصلة
قلت يعني كل هالمدة طلعتي تطنشين ؟ !
أفهم أن ساعة لقى القلبين ماهي حاصلة ؟ !
قاطعتني .. قالت أقسم لك برب العالمين
ما طرى التطنيش مني ولا جلست مجاملة
أفهم المعنى وكمّل هات شعرك يالفطين
أوصف أنسانٍ تشوفه في حروفٍ عاجلة
قلت بك زينٍ يخوّف كل من يوصف بزين
بالمسابق ماحدٍ حولك لأنك هايلة
أظلمك لو قلت حلوة .. اصلا انتي تهبلين
خدٍّ .. وقد .. وليل ناثرٍ جدايلة
لو مكنك الزير سالم ما قعد طول السنين
كان صرتي له بدال الثار شغلٍ شاغلة
دايم المّح بحبي وأدري أنك تفهمين
والبلا أنك من غرورك للأسف متجاهلة
قالت أدري .. بس أبيه القول ياتيني مبين
يعلم الله لو تصارح ماني الي خاذلة
قلت أحبك.إيه احبك.أيه أحبك تسمعين ؟؟
قالت أسمعها وقلبي مرسلٍ قوافلة
،،
رآآقت لي
