متى على الله نطوي العفش ما شين ..

[nanci taha]

ياضيقه(ن) ولي من الصدر تكفين
وشلك بشخص(ن) دمعته ماكناها

غريب دار وفوقها فقد غالين
ومالوم عيني يوم هلت بماها

ويالله انا طالبك ياربي اتعين
تعين عبداً ركعتة مانساها

وتغفر لابي وامي وربعي الادنين
وتزيل هماً ضيق ارضي وسماها

والبارحه مابين بسري وعلى وين
من ضيقت(ن) وصلت بصدري مداها

قمت اتوجد واصفق يسار بيمين
واقنب قنيب ذياب جوعً طواها

سبَت رساله جات في يوم الاثنين
هاضت خفوقي للديار وقراها

وقريتها والدمع في محجر العين
بيت(ن) وحيد(ن) كان في محتواها

متى على الله نطوي العفش ماشين
يم الديار اللي ذبحنا غلاها​

​

 

[max_net]

سلمت يداك أختي العزيزه
ذكريات طفله
على الكلمات الجميلة

:3:
​

 

[nanci taha]

يسسلمو ع المرور

 

[● ـالآميـــرهـ≈]

يعطيك آلعافيه
//

 

[nanci taha]

يعافيك آلرحمن
نورتي

 

[The Legend222]

يـعـطيـك الـعـافـيـة


//​