سجون المعاصي انواعها كثير

خ

خفايا

<img src="http://www.delegnt.net/vb/newstyle-200/D

​

​

سجون المعاصي أنواعها كتير.. ​

فيه ناس مسجونين في "سجن الشهوة" ..​

وده سجن قضبانه شديدة ..واقفاله كتيرة ..​

ومحدش بيخرج منه بسهولة ابدا.. ​

بس فيه ناس خرجت..فيه ناس كسرت كل الاقفال والقضبان وخرجت..​

فيه ناس قالت لأ وقاومت شهوتها وانتصرت..​

ناس عرفت ان الشهوة لذة دقايق وبتنتهي ..​

ناس عرفت ان اللذة الدايمة في طاعة ربنا .. فكان لازم تهرب من سجنها​

وفينا ناس مسجونين في سجن "الحب والغرام" .. ​

وده سجن أسواره عالية..​

وفيه تعذيب للقلوب كل دقيقة..القلوب اللي اختارت حبيب وفضلته على ربنا..​

فكان لازم تتعذب بالحب الحرام! بس فيه ناس قدرت تهرب..ايوه ،​

فيه ناس قدرت تقتحم السجن وتخطي كل الاسوار وترجع تاني بقلب أبيض مليان حب ..​

بس حب من نوع تاني..أطهر حب في الوجود ..حب الله.. ​

وفيه ناس بقالهم سنين في "سجن المخدرات" ..​

يمكن مدخلوش سجن المخدرات بتاع الحكومة في الدنيا ..​

بس المعصية دخلتهم في سجنها.. ​

وسجن المخدرات عليه حراس كتير ومعاهم اسلحة بيجيبوك من كل مكان لو حاولت تهرب..أصدقاء السوء..​

اللي بيشدوا اي واحد بيحاول يخرج ويرجعوه ..اللي بيعزموا عليك بحاجات فيها الهلاك في الدنيا قبل الاخرة!​

سجن صعب اووووووووووووووي ..بس فيه ناس قدرت تخرج منه..ايوه ،​

فيه ناس قدرت تقتحم السجن وتهرب من كل اصحابها وتبدأ حياة جديدة..بجسم نضيف وقلب نضيف..​

مسجاين كتير ماتوا جوه سجن الغفلة وهما على طريق ملهوش نهاية غير جهنم! ​

بس فيه ناس فاقت..ايوه فيه ناس فاقت وعرفت ان الشيطان ضعييييييييف...​

بس الموضوع محتاج انك تحط هدف قدام عينيك..​

رضا ربنا والجنة..وانت هتكسر كل التحصينات وتخرج للنور من تاني​





سجون المعاصي كتير ..والمساجين اكتر.. ​

بس لازم يهربوا...مفيش حل تاني.. ​

لازم يحصل لازم يحصل اقتحام لسجون المعاصي​



اللهم ما كان من خير فمن الله و حده .. ​

و ما كان من شر فمني و من الشيطان ​


اللهم إنا نتوسل إليك بك ونقسم عليك بذاتك أن ترحم وتغفر وتفرج كرب وتسعد الكل وترحم الاموات ​

والاباء والامهات رَبِّ اغْفِرْ لِيَّ وَلِوَالِدَيَّ رَبِّ ارْحَمْهُمَا كَمَا رَبَّيَانِيْ صَغِيْرَا يارب يارب يارب ​



وأن ترزقنا صحبة النبي في الجنة ولا تجعل منا طالب حاجه إلا أعطيته إياها​

فأنك ولى ذلك والقادر عليه وصلى اللهم على حبيبك ونبيك محمد أمين.... ​


اللهمَّ ارْزُقْنِا الْفِرْدَوْسَ الأعلى مِنْ غَيْرِ عِتَابٍ ولا حِسَابٍ ولا عَذَابْ الامل كبير فيك ​

​
​
 


الف شكر لكل من عطر موضوعي برده الكريم
لا عدمت طلتكم​
 
يجب تسجيل الدخول أو التسجيل كي تتمكن من الرد هنا.
عودة
أعلى