محادثه ماسنجر تبكي

●¦[ الــفـــارس ]¦●

●¦[ الــفـــارس ]¦●

Well-Known Member
بسم الله الرحمن الرحيم

صباحكم //مسائكم ...نور وسرور أحبتي

محادثة ماسنجر تبكي من لايبكي يارب يارب احسن خواتمنا شي يخلي الواحد يبكي
الساعه 4 الفجر يوم الاربعاء جالسه علي النت سهرانه وصوت ضحكي مالي بيتنا كل الي فيه نامين الا انا...
فاتحه المسن الي اربع وعشرين ساعه عليه ... فجأه دخلت ساره...
ساره...اهلين دنو شخبارك؟
دانه.. هلا والله سوير
سارة :دانه طفشانه..؟؟
دانه :لاعادي ليه؟
ساره:بسوي لك انفايت مع هذاك الي قلت لك عليه
دانه :مين ياسر؟
سارة:ههههههههههههههههههههههههههههه لاياسر خلاص راح الغبي هذا نواف الخاقوق
دانه:هذاك المملوح الابيضاني
سارة: بالظبط
دانه :امانه اشلون جبتي ايميله..
سارة :مره حطه بالنت لوق حقه ولطشته
دانه:سويت له اد بالنت لوق ابغاه يصير من فرنديني عيا يقبل ياالله سوي انفايت خل اخليه يقبل
سارة:اوكي
****
سارة:نواف هذه دنو... دنو هذا نواف
نواف :ياهلاوالله بدنو
دانه:هلابك اكثر
مرت الساعه وحنا سواليف وضحك وحش وشوي شي مشفر
....
دانه:يوه اذن مالي خلق اروح المدرسه
نواف:غيبي خل نكمل سوالف مررره انتي كيوت
دانه:وانتي سوير؟
سارة :تصدقين انا نفسي اغيب
دانه: اجل برب اسكر الباب عشان مايزعجوني...وه ياحلوك يانواف انث وسوالفك
.....
جلسنا تقريبا نسولف لين الساعه7
دانه:يوه خلاص دخت بقوم انام...نواف نور المسن
نواف:بوجودك قلبو
دانه: انسدحت علي السرير وانا دايخه غمضت عيوني وفكرت بنواف الحلو اضفته اليوم
بدل عمر الفاشل خخخخخ سوالفه حلوه...اوووه
ماصليت الفجر بررد مالي خلق اتوضي...صح النائم حتي يستيقظ...!!
لاقمت انشاء الله بصلي ...
****

الساعه تسع ونص قمت من صوت مسج الجوال يووه من وقته هذا يرسل الحين...فتحت الجوال كانت من سارة تقول فيها"بسرعه ادخلي في هوشه"بالمسن تحمست بسرعه وفتحت لابتوبي وايميلي ماامداني دخلت الاسارة دخلتني انفايت فيه ناس اكثار وفهمت السالفه من سارة بمحادثه ثانيه واستهبلت وانا اتهاوش لين روقت
...خلصت الهوشه بعد ضحك طويل وانتظار واعتذار احد الشباب مع انه ماغلط..فتحت النت لوق حقي لو احط صورة فمي بس محد عارفني!!!
فكره والله شبابنا يخقون علي طرف عبايه وانا خلقه اهبل خخخخخ نزلت صورة فمي وقمت من علي جهازي وبدلت بجامتي وتوضيت وصليت الفجر الساعه 9ونص!!!
ورجعت للاب توبي وانا فيني نوم بس شفت نواف داخل جلست اسولف معه شوي ...فجأه كل شي بدا يجمد فيني الدنيا بدت تظلم كل شي ظلام وش صار...الاب توب فوقي وكأني نايمه مااسمع الاصوت المحادثه بس
سارة:دانه وينك؟
نواف :وين رحتي دانه
*اشارة تنبيه*
سارة :شكلها انشغلت المهم كمل السالفه
....
كل شي ظلام ابي اتحرك ابي اقوم..لاميته انا اللحين..يارب رجعني بس بصلي ركعتين...ربي رجعني بس بعيد صلاتي زين...وصورتي الي تونزلتها!!ونواف وعمر ومشاري وسعود الي في ايميلي؟والفيس بوك؟ياربي رجعني يارب
مر الوقت طويل وانا بس اسمع مصوت المحادثه
الباب يطق انفتح اسمع الخدامه تاتي تنادي باسمي وانا ماارد جلست تصرخ وتنادي بامي..لا انا اسمع تعالي ياتاتي نعالي بس بقول اسفه علي الصراخ الي تاخذينه مني كل يوم تاتي بس حللني ياربي قومني بس تحللني دخلت امي وقرب الصوت لعندي اكثر
امي ...
دانه..دانه حبيبتي قومي تكفين دانه
ياماما اشلون ارد تكفين ماماابي اقوم ليتني سمعت بنصيحتك يوم قلتلي اتغطي ليتني سمعت يوم قلتلي يكفي اغاني...!!
انا مت ..والاغاني الي حملتهابالاي بود وتوزعت علي كل الناس والاغاني الي ارسلتها لكل الناس...ياربي رجعني اصلي ركعتين يارب
شالوا الابتوب مني وغطوني بشرشف الصلاة بعد ما انهارت امي
مرالوقت ببطيء ودخل اخوي معاه ابوي يبكون شايليني اخوي وابوي وراه يبكي اخوي؟
والسهر ايام الاجازه بالملحق والرقص؟واستهبالك علي البنات الي اعطيك رقمهم يارب رجعني بس اصلي ركعتين ركبت السيارة ورا وانا ملفوفه بعبايتي الي كلها الوان وزخرفه وصلت المستشفي وانا اسمع صوت نفس اخوي وازعاج ناس حولي...
رفع الدكتور راسه بعد ماغطاني بشرشف ابيض وقال:
تشخيص الحاله..موت سكته قلبيه مفاجئه
سمعت نوحة ابوي وشهقت اخوي
ابوي:لاحول ولاقوة الاباالله لاحول ولاقوة الا بالله
اخوي:يبه قل لااله الاالله البكا مايفيد شي
دخلوني ثلاجة الموتي بعد ماغطوني بالكامل الاراسي وملفوفه بقماش ابيض..
مر الوقت كل شي ظلام وهدوء
ياربي رجعني اصلي ركعتين بس يارب
شوي سمعت صوت الثلاجه تنفتح طلعوني بعد ماغطوني بالكامل وركبوني سيارة الاسعاف وانا اسمع اذان صلاة الظهر...
يارب رجعني بس اصلي صلاة الظهر بس اصلي بوقتها يارب..ليتني كنت اصلي بوقتها
ليتني لما اسمع الاذان اترك كل شي حولي واقوم اصلي ليت...
دخلت غرفه وانا اسمع صوت ح****غسلوني بمويه بارده وحطوا علي بعض الاشياء وقسمت شعري اربع اقسام بعد ماغسلته وجدلته بس من قصره ماقدرت تسوي شي وانا اسمع الي اتغسلني تدعي لي دخلوا ناس علي..هذا صوت امي تبكي وتمسكني...هذا صوت اختي الي ياما وياما تهاوشت معاها...
خالاتي ...
بنت خالتي لينا ايام الاستهبال علي الشباب بالارقام والحش بكل خلق الله
هذي لمياء ايام ماكانت تنصحنا لاعلينا المسجل علي الاخير ونعاندها نزيد الصوت
هذي زوجة خالي احمد لما كانت تربط علي خصري وتعلمني كيف ارقص
وهذي وهذ وهذيك وذاك محد منهم راح ينفعني الحين يارب رجعني اصلي ركعتين يارب
وصلنا المسجد وحطوني قدام المصلين وانا اسمع الامام يقول:
"الصلاة علي الميت يرحمكم الله"
بدوا يصلون علي واسمع شهقات اخواني واهلي...خلصت الصلاة والكل قام يعزي
:عظم الله اجرك يابو فلان"
"الله يرحمها ويخلف علي شبابها بالجنه"
وهمهمات ابوي واخواني من البكي ماينسمع وش يقولون..يارب رجعني لو استغفر بس
دخلوني في سيارة الاسعاف ووصلنا المقبره وشالوني كثار واسمع اصوات رجال كثار والمميز بينهم شهقات اخواني الصغار الي كنت اعلمهم يحفظون بعض مقاطع الاغاني..يارب رجعني استغفر بس شالوني واسمع دعاء الكل...شالني اخوي وحطني في حفره ضيقه تكفي يا اخوي انا اختك الي ياما وياما استهبلنا اخر الليل لاتروح وتخليني في ذا الحفره فتحوا وجهي وطلعوايديني وحط الحجر والتبن واللبن ودفنوني والكل يدعولي"الله يرحمها بواسع رحمته يارب"
"الله يرحمها ويصبركم" اللهم بدلها بأهل غير اهلها واغسلها من الذنوب والخطايا"
هذاصوت خالي احمد هذا صوت عمي سلطان الي كان يعلمني كيف اشرب الزقاره بالخش والدس وبعدها ماشربت هذا صوت ولد عمي ثامر ايام المراهقه كنا سوا
هذا صوت وهذا صوت وهذا صوت...وش يفيدني اللحين راحوا وانا اسمع صوت رجولهم لاتروحون وتخلوني لا اااوصوري بالنت لوق؟!وكل شي سويته؟!لاغاني؟وتأخير الصلاة ليتني ارجع...كنت احسب دنياي طويله وامني نفسي اني لسه صغيره علي الموت والبنات الي بالمدرسه؟ الي مابقي احد ماحشيت فيه بيسامحوني؟معلماتي الي كلهم هبلت فيهم وتحسبوا علي بيحللوني؟ذنوبي كلها وش اسوي بها يارب ارحمني يارب
*****
بالعزا صياح ونياح وازعاج والكل يترحم علي قسم الحريم***وقسم الرجال كلهم يقربون لي...
وين صديقاتها؟!
وين الناس الي تكلمهم بالمسن؟!
وين وين وين وين وين ؟!
وين الي يحبونها؟وين حبيبها العاشق الهيمان؟وين وين وين؟!
**
بالمدرسه
انتشر خبر دانه الفلاني توفيت ...الكل حزن ودعوا لها..صديقاتها بجهة وبعضهم قال باابتسامه الله يرحمها ويغفر لها علي كل ماسوته لنا"
**
نواف؟!
سارة؟!
عمر؟!
مشاري؟!
سعود؟
الخ الخ الخ الخ
ثلاث ايام ...بكو او مجرد حزنوا...ورجعوا علي حالهم
وللحين صديقات دانه يناشدون اهل الخير كيف يحذفون بروفايلاتها بالنت لوق والفيس بوك...
*****
بس حطوا نفسكم مكان دانه وتخيلوا انتم بعيد الشر
محد يبغي يكون نهايته زي دانه!!
طيب ليه نسوي زي الي تسويه دانه بالظبط؟
لو يصير لنا نفس الي صار لدانه وش بنسوي؟!
وش موقفنا قدام ربنا؟!
قبل مانسوي الشي ليش مانفكر بالعواقب الدنياويه والاخره
صديقات دانه؟كلهم شهر وينسونها لانهم من نفس نوعية دانه
ليه بعد مايموت اي احد ندعي له بالرحمه؟ ليه قبل مايموت ننصحه وندعي له بالهدايه؟!​
 


[font=&quot]سلمت أناملك [/font][font=&quot]
للقصه الجميله
[/font]
[font=&quot]دام لنا تميزك وحضورك الرائع[/font]
​
[font=&quot]تقدير يليق بك :3:[/font]
 
يجب تسجيل الدخول أو التسجيل كي تتمكن من الرد هنا.
عودة
أعلى