القلب قلبك

[ماءالورد]

القلب قلبك .. والمشاعر مشاعرك
اجرح وعذب يا حبيبي حلالك

غالي ولوتخطي على القلب عاذرك
سو الذي يرضيك واللي في بالك

خابرني ميت في غرامك.. وخابرك
تموت في حب التملك .. وانا لك

ان كنت صاحي مع خيالك اسامرك
وان نمت في حلمي يجيني خيالك

يعني على كيفك وذوقك وخاطرك
اجيك انا كلي ... وكلي فدالك

اموت في غيضك وعقدة نواظرك
واموت في صدك واموت بوصالك

واموت في همسك ليا جيت احاورك
وفي دهشتك .. لاقلت ادور بدالك

واموت لاشع الضيا بأجمل صورك
واغيب معها .. وألتهي في جمالك

وتقول وش رايك؟ واقرب واشاورك
انت الله اعلم وش نهاية دلالك

وتضحك وتفرج بالسعاده سرايرك
وانا على ضحكة شفايفك.. هالك

ذوبتني http://forum.h00b.com/showthread.php?t=30505مابين ملحك . . وسكرك
واهديتني قلبك..وروحك..وحالك

أقدر جهودك في حبي .. وأقدرك
وأسكنك بين الحنايا .. لحالك

ومني جزيل الشكر والقلب يشكرك
على سموك يالغضي .. وإكتمالك

سبحان من كمل وصوفك وصورك
وخلا مجالي يندمج في مجالك

إن غبت عني قمت اهوجس وادورك
وأنشد عن ديارك .. واجي وآعنالك

وإن جيتني برضاك .. ماجيت مجبرك
يا مرحبا ... والقلب فز ودعالك

بس انت تكفى دامني صرت رهن امرك..
إن غاب زولك .. لا يغيييب إتصالك

 

[max_net]

يعطيك العافيه أختي العزيزه
تمتلكين زوقاً راقياً
لطرح ماهو مميز وجميل
ننتظر جديدك المتميز دوما :3:​

 

[●¦[ الــفـــارس ]¦●]

 

[● ـالآميـــرهـ≈]

كلمات روووعه
سلمت يمناك التي ابدعت
وننتظر جديدك
​

 

[سليماني خالد]

إحساس جميل
و كلمات أجمل
دام عطاؤك و ازداد جمالا

 

[nanci taha]

كلمآآآآآآت في قمه الروووعه
لآ عدمنآ جديدك
تحيتي