غمازتك اجرام "الله يجيرك"

[nanci taha]

ادفع ثلاث ارباع عمري لجـل يـوم ..
اجلس انـا ويـاك واخـذ كثيـرك

واليا حصل يومين الله مـن علـوم ..
واليا بغيت اسنين انـت وضميـرك

تراني استاهل وانـا منـك محـروم ..
لاتحرم اللـي منتظـر مـد خيـرك

تعبير وجهك يعتبـر طـارد همـوم ..
غمازتـك اجــرام " الله يجـيـرك "

بحات صوتك وانت صاحي من النوم..
تكره اللي كلمـك صـوت غيـرك

تنهيد صدرك وانت ضايق ومهمـوم ..
من حسها سلـم مصيـره مصيـرك

كلك على بعضك اليا جيـت مملـوم ..
ماتنحسد النـاس تحسـد عشيـرك

ياخي لحقني منك شره عتـب لـوم ..
قلبي كسيرك وانت تطعـن كسيـرك

شفني اخايل فالسمـا بـرق وغيـوم..
ضميان وانت تشح عنـي غديـرك

انا اعد من السهـر ضيـم ونجـوم ..
وانت تحضن مسندك فـي " سريـرك "

خلك على وضعك عسى وضعك يدوم..
بس ودي في بعض الامور استـشيرك ,,


اذا عتبرت اني اسيرك ومـن قـوم..
ماهو كـذا اصـلاٍ تعامـل اسيــرك

واذا فترضت ان فيه ظالم ومظـلـوم ..
تدري بلاش من افتراضـي يثـيـرك

واذا بحياتك شخص فيه انت ملـزوم ..
لاصار اهو اولـك مابـي اخيــرك ,, !

لاكن تأكد مـن عرفتـك الاهاليــوم ..
انا حيـاتي مابهـا " شخص غيرك
..​

​

 

[Techno]

بارك الله فيك وجزاك الله كل خير ..

الله يعطيك العافية ..

لك خالص الود والتقدير ..

:3:​

 

[●¦[ الــفـــارس ]¦●]

​