دق جواله ونزل من على الاحضان بنته

[nanci taha]

بعد خمس سنين مرت آهـ أنا بالسوق شفته..

صدفه جابتني لدربه من بعد خمسة سنين

والله إني من سمعته كـلم البايع عرفته..

إلتفت بلهفة اللي حيل مضنيها الحنين

لـِـكن الصدمه عظيمه (شايل.ن) بيديه بنته..


ومعه أم البنت تمشي شابكـِـه فيه اليدين..


وقتها دارت بي الدنيا وحزني ما احتملته..


حارت دموعي وأواسي نفسي: يا ريم ; اليقين

وصرت أفكـر يعني يعرفني مثل ما أنــا عرفته..


وإلا ناسي قلبي اللي مارضى بغيره ضنين


دق جواله ونزل .. من على الأحضآن , بنته


وخثعت بنته ونادى: ريم لا لا توقعين..

قمت أناظرها ودمع احتار بعيوني ذرفته

استوت هالدنيا عندي عادي لو موتي يحين..

انحنيت أبوس ريم وخدها الايمن لمسته

التفت لي وقال لي: ياهيه فيها وش تبين..

قمت أتجاهل واسوي نفسي كـِـني ماسمعته..

قال: يااختي ابعدي عنها ولاتستهبلين..

ويوم قرب لي, بعيني من ورا البرقع خزرته..

وإنـِـكسر صمتي وقلت: الله على الدنيا يعين..

طاح جواله, تلعثم قال: أنا( بحلم.ن) حلمته..

وإلا واقع فهميني ليه عني تبعدين..

ليه عني ماسألتي وأنا هذا الـِـكون بعته..

لجل عينـِـك ياعيوني وما أظنـِـك تجهلين..

أنا من بعدك يا ريمي حتى طاري العرس عفته..

ناظري فيني وشوفي كـِـيف من بعدكـ حزين..

والله إني ما أنام إلا وماضينا ذكرته..

أنتي وحدك من جعلتي قلبي القاسي يلين..

أقسم بربي غلاك بيوم ماعمري جحدته..

ماإلتفت لبنت غيرك ما سمعت العاذلين..

ماسهجت دروب غيرك دربـِـك اللي بس سهجته..

وش أسوي لجل ياروحي كلامي تصدقين..

حتى شوفي هذي أختي تشهد بصدق اللي قلته..

وهذي طفلتها على اسمك اسمها وتستاهلين..

صدقيني مانسيتـِـك حبـِـك الصادق حشمته..

حتى حرف الراء منك باقي له بإذني رنين..

قلت: عامر, قال: سمي, قلت: أنا والله صنته..

حبكـِـ اللي كان أصفى من ورود الياسمين..

كـِـم طلبني واحد ـن غيرك وأنا لجلـِكـ رفضته..

وكِـِـم تحملت الغثاء واسمع شماتة شامتين..

وكـِـم لجل عينـِـك بـِـكيت وحتى ليلي لك سهرته..

حيل ذابحني غيابكـِـ وفرحوا بي الحاسدين..

وأنت تدري بأن حبي ماأبالغ لو وصفته..

بأنه أصدق حب يحصل في حياة الصادقين..

قال لي: يا ريم ربي يشهد بدمع ـن نثرته..

ويشهد إني وافي لحبـِكـ ولاسراركـِـ أمين..

إرجعي لأبوكـِـ قولي: نصفي الثاني وجدته

واحتريني جايب ـن مهركـِـ و دبله باليمين..

إبتسمت وقلت في نفسي حرام إني ظلمته..

ثم طلعت من المحل والفرحه بعيوني تبين

وقمت أتمتم في طريقي : هذي أخته , هذي أخته..

وآآهـ يازين الوفاء.. لاصار بين العاشقين

ممآ رآق ليـ

​

 

[لهب شمعة]

يااااااااااااااه ابيات قمة الروعه

يعطيك الف عافيه

 

[DeleGnT]

/ / /

نسعد بمواضيعك المتميزة والمتجددة دوماً وأبداً

نستقبلها بباقات من الورود المعطره التي يفوح عطرها بعطآئك اللامنتهي

ننتظر بوح قلمك وشماعاته التي تنير لنا DeleGnT لتغرد بسماؤه من احلى الكلام واجزله

ونتمنى أن لا يجف قلمك النابض معنا دوماً وأبداً

/ / /​

 

[●¦[ الــفـــارس ]¦●]

​