روايات وقصص رواية حقوق العشق محفوظة بقلم دروب المحبه ( رواية سعودية جريئة ) - روايه كامله

دنيا _ عمار وجعوو لو غرقت
عمار ميت ضحك عليها _ كيف تغرقي وحنا على الشاطيء
وصارت دنيا ترشه بالموية وهو بعد يرشها ويضحكو
دنيا _ خلاص عمار تعبت
عمار _ تعبتي خلاص اشيلك اكيد مافيكي تمشي
وفعلا شالها ودخلو البيت وهو شايلها وهيا تصارخ
دنيا _ عمور وجع لو طحت وتكسرت
عمار _ حبيبتي ماتقدري تطيحي وانا ماسكك
دنيا _ طيب وين حنروح انا جيعانة
عمار _ حياتي جيعانة الحين اطلعي البسي وعلى طول نروح
دنيا طلعت تلبس بسرعة زي الاطفال
دنيا خلصت وقعدت تستنى عمار
دنيا _ سنة عمور هيا
عمار _ كاني حبيبتي خلصت
دنيا _ حركات وش هالكشخة
عمار _ تسلمي عيون حبيبتي الحلوة اللي تشوف كل شي حلو ياعمري
دنيا _ يلا تراني جيعانة
عمار _ وااه دندون مو قبل شوي اكلتي
دنيا _ ياكذاب وجعع والله من اول ماصحيت مااكلت شي
عمار _ هههههههههه خلاص طيب
&&&&&&&&&&&&&&&&&&&&&&&&&&&&&&&&&
غرام _ حبيبي خلاص هيا روح نام لك يومين مانمت
بندر _ حياتي ودي اقعد معك اكثر
غرام _ والله حبيبي لمن تصحى اكلمك على طول
بندر _ طيب غرامي مع السلامة
غرام _ احلم فيني
بندر _ اكيد من غير ماتقولي ياغرامي انتي معاي في نومي وصحياني
غرام _ خلاص حبيبي تصبح على خير
بندر_ وانتي من اهله يلا مع السلامة
غرام _ في امان الله حبيبي
&&&&&&&&&&&&&&&&&&&&&&&&&&&&&&&
عمار يطالع في دنيا بحب
دنيا _ ايش فيك تطالع فيني
عمار _ ابغى املي عيني منك احبك وش اسوي
دنيا سكتت
عمار _ روحي وش رايك اطلب ايس كريم
دنيا _ امممم ايوا
عمار _ غالي والطلب رخيص
بعد فترة
عمار _ تدري دندونتي بكرة مسافرين
دنيا _ ايوا حاسبتها دارية
عمار _ ها بس ايش رايك في الايام اللي قعدناها هنا
دنيا_ حلوة
عمار _ نعيديها ولا يهمك الصيفية الجاية
دنيا _ ان شالله
&&&&&&&&&&&&&&&&&&&&&&&&&&&&
فرح _ يووه فهودي ليش تبكي
فيصل _ هههه كانه حيرد عليكي
فرح _والله دوبي مأكلته ومروشته وسويتله كل اشيائه
فيصل _ لا يكون تعبان بس
فرح _ بالله طيب بتصل على امي اقولها
فيصل _ وش رايك نروح للدكتور
فرح _ ماادري
فيصل _ طيب يلا البسي نروح لخالتي ونشوف نروح للدكتور ولا
فرح _ طيب
&&&&&&&&&&&&&&&&&&&&&&&&
ام فرح _ مافيه شي
فرح _ طيب يمى ليش يبكي والله جنني
ام فرح _ يابنتي في هالسن طبيعي يبكو يمكن مضايق من الحفاض
&&&&&&&&&&&&&&&&&&&&&&&&&
في الليل
دنيا _ يلا عمار احلف ماتجي السرير
عمار _ يالله كل يوم لازم احلف خلا مابجي
دنيا _ لا عمار احلف
عمار _ طيب والله مابجي
دنيا _ مابجي فين كمل
عمار _ والله مابجي السرير خلاص
دنيا _ ايو كذا
&&&&&&&&&&&&&&&&&&&&&&&&&&&
في اليوم التاني
عمار _ دنيتي يلا قومي
دنيا وهي دوبها تفتح عيونها تلاقي عمار مرررة قريب منها
عمار _ صباح الخير
دنيا _ صباح النور
وباسها على خدها وراح
بعد فترة
عمار_ تدري باقي ساعتين على الطيارة وحن لسة هنا
دنيا _ ياسلام عليك طيب قوم اتروش
عمار _ طيب
دخل عمار يتروش وخرج وهو بالمنشفة
دنيا _ عمار ماشفتني وين حطيت الشنطة البيضا
وانتبهت ان عمار بس بالمنشفة وقلبت وجهها على طول
عمار _ ماادري يمكن في الدولاب
دنيا _ انت واقف كذا ليش مالبست في الحمام
عمار _ اخاف ملابسي تتبلبل
دنيا _ ياسلام طيب روح البس باغرفة التانية ابغى ازبط الشنط هنا
عمار _ ماني لابس الا تختارلي لبس
دنيا _ ياسلام طيب روح المطار بالمنشفة ايش همني
عمار _ واااي وتروحي مع واحد بمنشفة
دنيا _ عمور البس انا مو امك اختارلك لبس
عمار _ يسعدلي اللي يقول عمور بس انتي زوجتي ومسؤولة عني زي مو انا مسؤول عنك
دنيا _ طيب عمار اما خليتك مهرج
وراحت وجابت برمودا ابيض مشجر ببنفسجي وبلوزة صفرا فيها نقشات اخضر وجاكيت من غير اكمام ازرق
عمار _ دندونتي معقولة البس كذا فشيلة اروح كذا المطار
دنيا _ مالي شغل مين قلك تقولي اختاريلي لبس
عمار _ حبيبتي حيستقبلونا ناس
دنيا تضحك _ مالي شغل
عمار _ طيب فداك لو البس لبس العاب مايهمني
وراح ولبس وطلع شكله نكتة
عمار _ اااخ يادنيا خربتي سمعتي في الكشخة
دنيا وهي ميتة ضحك _ بس شكلك حلو
عمار _ انتي الاحلا ياحلامن الحلو
دنيا _ والبس هالجزمة معاهم
عمار _ حراام دندونتي جزمة حمرا مع هالمهرجان موناقص الا شراب فوشي واصير مهرج
دنيا _ تصدق فكرة بس خذ هذا الشراب احلا
عمار _ الله بني مع جزمة حمرا عرفت ذوقك يابنت العم
ودنيا قعدت في الارض من الضحك
عمار راح مشط شعره
دنيا _ لا استنى انا اسويلك
واخذت المشط ومشطت له شعرهوعمار كان مبسوط لان دنيا مبسوطة وتمزح معاه وقريبة منه
عمار _ دندونتي كل شعري على جمب كأني من الستينات حرام عليك
دنيا _ لا كذا حلو عموري والبس ساعتك اللي جلدها اسود
عمار _ فديت اللي يقولو عموري الحين البسها ولا يهمك
في المطار
عمار _ شفتي دندونتي ارتحتي شوفي هالبزر كيف يضحك على شكلي
دنيا _ والله معه حق
عمار_ كمان انتي تضحكي ماصارت
دنيا _ هههههه طيب ايش اسوي والله شكلك نكتة
عمار _ طيب دندونتي يصير خير
&&&&&&&&&&&&&&&&&&&&&&&&&&&&&&&&
خلص هالبارت على كذا
عمار ودنيا رجعو وحيهم مكملة بس ايش حيصرلهم
والام الجديدة فروحة ايش حيصيرلها
ريم وراكان
بندر وغرام
نشوف في البارت لجاي​

​

 

البارت الثالث عشر
وصلت طيارة دنيا وعمار وكان في استقبالهم خالد وعادل واحمد
عادل + خالد + احمد _ ههههههههههههههههههههههههههه
عمار يكلم دنيا _ عاجبك كذا شوفيهم من بعيد يضحكوا على لبسي اروح شياكة واجي مهرج
دنيا وهيا ميته على نفسها ضحك _ هذا قرارك اتحمله ههههههههههه
عمار _ ياشيخة اروح شربة انا في هذي الضحكة
خالد _ هههههههههههههههه لوسمحت ياخ في واحد هنا رحلتوا وصلت اسمه عمار ومعاه اختي مالمحته ياعبد الحليم حافظ
عمار _ انت انطم عني وخلونا نخرج بسرعة من هنا
عادل _ ههههههههههههه وش فيك اخوي لهدرجة العرس خبصك رحت شياكة وجيت مهرج
عمار _ امشوا امشوا بس ويدف في العيال
احمد _ هههههههههههه دندون كيف قدرتي تركبي الطيارة مع لبس المهرج هذا

دنيا_ ههههههههههههههههههههههههههه
عمار _ طيب طيب اضحكوا اضحكوا
خالد يطلع جوالوا من الجيب _ تكفى لحظة يبغالك صورة وعلى طول على اليوتيوب
عمار يسوي حركات عشان يتصور _ هههههه يلا اكتب تحتها مهرج من سبب ضحكة
مشيوا كلهم ومحد فهم قصد عمار غير دنيا
ركبوا السيارة ووصلوا العرسان بيتهم وراح كل واحد بيته
&&&&&&&&&&&&&&&&&&&&
في بيت فرح وفيصل + فهودي
فرح _ فيصل والله تعبت بنام شوية
فيصل _ لالا تنامي ايش هذا الصغنون مااعرف اتصرف فيه
فرح _ فيصل خليه عندك بس نص ساعة
فيصل _ والله فروحة اخاف
فرح _ هههههههه ليه شايفه جني
فيصل _ والله انه قمر بس اخاف اشيله شكله وجسمه كذا صغير
فرح _ طيب روح جيب هنادي
فيصل _ ليه فين فهد
فرح _ عندوا مناوبة
فيصل _ طيب دحين اروح اجيبها
فرح _ فصولي شوف كيف يمد يدوا على فوق
فيصل _ ازيييييييينوا حبيب ابوه على بالوا ملاكم الاخ
فرح + فيصل _ ههههههههههههههههههههه
&&&&&&&&&&&&&&&&&&&
في بيت غرام
ام غرام _ السلام عليكم
غرام _ وعليكم السلام وشالت لاب توبها وطلعت الدرج
ام غرام _ طيب سلمي عليا على الاقل واجلسي معايا
غرام _ مو فاضية روحي اجلسي مع ام فلان وعلان
ام غرام _ من جد ماعرفت اربيك
غرام تضحك بسخرية _ مااعتقد ان كان عندك وقت
&&&&&&&&&&&&&&&&&&&
في بيت فرح
فرح _ جنني ياهنوده
هنادي _ واااااااي يازينو سمي حبيبي
فرح _ شوفي كيف يبتسم لك
هنادي _ ايوا هذا عشان سمع اسم سميوا
فرح _ مره واتقة الاخت
هنادي _ صح امي وصتني اسوي لك مرق
فرح _ هنوده تكفين لا والله طفشت من اول ماولدت وامي تاكل فيا
هنادي _ هذا عشان صحتك ياخبلة
فرح _ أي صحة شوفي كيف صرت دوبه مدري والله شكلي بتعب في الرجيم
هنادي _ هههههههههههههه
بين ضحكاتهم ومزحهم وكانوا مبسوطين مرة من شكل فهودي وحركاتوا
هنادي _ فروحة ايش فيك
فرح _ دايخة ياهنادي دايخة
هنادي _ بسم الله عليك يمكن من السهر مع فهودي روحي نامي وريحي انتي
وقامت سندتها وودتها على السرير وجلست هيا تلعب مع فهودي اللي كان مبسوط مع خالتو
&&&&&&&&&&&&&&&&&&&&&&&
في بيت عرساننا
دنيا الو مادخلت البيت انبهرت فيه لانها ماراحت واشرفت على الاشياء بنفسها كانت كل شوية تتعذر بعذر عشان ماتشوف عمار لكن عمار ماقصر كان ماثث من افخم الاثاث والذوق كان يجنن طبعا بيتها كان فيلا كل دور معزول لحاله الدور اللي فوق لعمار والدور اللي تحت كان لعادل بعد مايتزوج وهذا البيت حق ابوهم وهو اللي معطي كل واحد دور كانت الحديقة من احسن مايكون وفي مسبح والبيت من جوا يجنن كل شي كان حلو
عمار _ ها دندون ان شاء الله عجبك اثاث البيت
دنيا _ ايوا ماشاء الله حلو
عمار _ طيب تعالي اوريك غرفة نومنا
دنيا _ ...............
فتح عمار الباب اتفضلي ياعروسة
دنيا _ دخلت واعجبت بالغرفة مرة كان اثاث الغرفة باللون البنفسجي والغرفة مرة فخمة وواسعة وفيها بلكونة وكل شي كان حلو
عمار _ هااااااا شو رايك
دنيا _ حلوة
عمار _ بس هذي الكنبة راح نشيلها
دنيا مافهمت قصدوا _ لييش
عمار _ لاني بنام على السرير ظهري اتكسر من الكنب
دنيا _ ههههههههههه
عمار _ يسعدلي هالضحكة يلا قومي غيري خلينا ننام
دنيا _ عمار متى بروح عند اهلي
عمار _ بكرة اوديك ان شاء الله
دنيا _ فرحت وراحت تجري تاخذ ملابس عشان تغير
عمار _ ياحليلها حركاتها تهبل
خلصت دنيا وخرجت وجالسة تشرب عصير تستنى عمار
عمار خرج من الحمام وهو لاف المنشفة عليه
عمار _ دندون اعطيني ابيجامه
دنيا طالعت فيه واستحت رخت عينها على طول _ واعطتوا البيجامه
عمار جا بيفك المنشفة
دنيا _ هيييييييييييييييييييييي انت ايش تسوي
عمار _ اغير ايش فيه
دنيا _ مو هنا روح غير في أي مكان ثاني
عمار _ دندون ايش فيها انا زوجك
دنيا _ عمار بليييييييييز
عمار _ امرنا لله
خلص عمار وجا بيجلس على السرير
دنيا _ فيييييييين فييييييييين
عمار _ بنام ايش في لبس ولبست برا
دنيا _ بتنام على السرير وانت بهذا اللبس
عمار _ ههههههه ايش تبيني البس ثوب
دنيا _ دحين انت معتبر نفسك لابس شوف صدرك كلوا برا البس بلوزة
عمار _ ههههههههههههههه مااحب انا احب انام كذا
دنيا _ طيب تحب تنام كذا روح نام في مكان ثاني وبعدين انت مو مكانك الكنبة ليش جاي هنا
عمار بصوت كله حب وحنان _ دندونتي ارحميني والله تعبت ليا ثلاث اسابيع وانا انام على الكنبة ظهري راح فيها
دنيا حنت عليه بس سكتت
عمار _ خلاص دندون لاتجلسي تتدلعي عليا عشان احبك لمتى يعني انام على الكنبة
دنيا _ اممممممممممم طيب بس بشرط
عمار _ امري كم دندون انا عندي
دنيا _ نحط مخده بيننا
عمار _ طيب مو مشكلة
دنيا _ وكمان شي ثاني
عمار _ كمان
دنيا _ تلتزم ادب ولاتمد يدك
عمار فتح عيونوا الاثنين _ .................
دنيا _ هاااااااا ايش قلت
عمار _ يعني لازم لازم التزم الادب هذي
دنيا _ هذي اهم الشروط
عمار _ يعني ماينفع من هنا من هنا ويغمز لها
دنيا كانت ميته ضحك على شكلوا _ لاماينفع
عمار _ خلاص طيب رغم اني اول مرة اشوف واحد مع زوجته يلتزم الادب ولاكمان بينهم مخده
دنيا _ هذي شروطي تبغى حياك ماتبغى الكنبة موجوده
عمار _ لا مو مهم اهم شي اني جنبك يلا خلينا ننام

جلس عمار طول الوقت يفكر ليش دنيا تعاملو كذا رغم ان ماقصر معاها في شي بالعكس مدلعها وماتقول شي الا يسوي لها
ودنيا كمان كانت تفكر وتانب نفسها احيانا لانها مااتعودت تعامل احد بهذي القسوة كيف عاد عمار اللي شايلها على كفوف الراحة اللي بدت تحس بحبوا وحنانو كانت طول الفترة تكابر وتنكر انها تحبوا لكن تعاملوا معاه يجبر الصخر انو يلين كان حنون ومايزعلها كانت تحس معاه بالامان
&&&&&&&&&&&&&&&&&&&&
ملخص الاحداث
فرح وفيصل مشغولين بمولودهم الجديد
ريهام ووجدان تعبانين في حملهم
ريم وراكان حالتهم زي ماهي
غرام كل يوم تكلم بندر وصاروا متعلقين في بعض بزياده
بسام كان فرحان انه راح يرجع يشوف اسيل
اهل دنيا كلهم مبسوطين ان دنيا راح تزورهم اليوم
شهد وخالد مافي جديد غير دعاوي خالد على رهف وهيام واحمد لانه كل مايجي يكلم شهد يجي احد منهم
&&&&&&&&&&&&&&&&&
في بيت اهل دنيا
خالد _ يلا رهوفه بسرعة
شهد _ طيب ياخويلد يانذل ليه ماتبغى تاخذني معاكم
خالد _ قلت لك سبرايز ماينفع
شهد _ طيب خذوني معاكم المكتبة
خالد _ لالالا ماينفع
شهد _ طيب ياخالد ورمت الجهاز وطلعت فوق
خالد _ يازينك والله ياشهوده
رهف _ هيا خالد بسرعة خلنا نروح دحين دنيا بتجي
هيام جالسة مبسوطة ان دنيا بتجي وتغني
&&&&&&&&&&&&&&&&&
في بيت دنيا
فتحت دنيا عينها وفتحت معاه حلقها صراخ _ وااااااااااااااااااااااااااااا
عمار _ قام وشعروا مبعثر وقام نقز من فوق السرير ايش في ايش في
دنيا _ انت ياللي ماتستحي ليش لاصق فيا كذا
عمار يفرك عينوا _ دندون فجعتني احسب في شي
دنيا _ ايوا في شي عمار احنا ايش اتفقنا مو قلنا تلتزم ادبك
عمار _ طيب يادندون ايش سويت انا
دنيا _ ياسلام ماشاء الله طالع فوق المخده وحاضني وتقول ايش سويت
عمار _ طيب ايش اسوي انا واحد اتقلب اتقلبت وطلعت فوق المخده
دنيا _ عمار تحسبني هبلة لو انك تتقلب يدك كمان تتقلب معاك ايش يخليك تلف يدك عليا
عمار يضحك في نفسوا لان هو فعلا كان قاصد الحركة وكان نايم طول الليل بحضنها وهيا ماتدري _ خلاص دندون ماصار شي
دنيا معصبة مره _ ...............
عمار يلا قومي البسي واتجهزي الساعة 6 عشان نروح
دنيا نست كل شي وقامت تجري تجهز عشان بتروح لاهلها
قامت دنيا لبست وجهزت وعمار لبس واتشيك وخرجوا من البيت
&&&&&&&&&&&&&&&&&&&&&
في السوق
رهف _ هذا ريحته حلوة بس بتاخذوا لمين
خالد _ مالك شغل انتي بس اختاري
رهف _ خلود انت ايش سالفتك ماخذ حريمي بتعطيه مين
خالد _ قلت لك مالك شغل يلا مشينا
رهف _ براحتك بس ترى بتعزمني على حسابك انا مو جالسة اختار بلوشي
خالد _ طيب ولايهمك بس تعالي شوفي هذا المحل
دخلت رهف وخالد محل يبيع ذهب وجلست تختار رهف بين السلاسل للهدية اللي ماتدري اصلا حقت مين
خالد _ هذا كله تختاري
رهف _ في كثير حلوة بس انت تبغاها كيف
خالد _ يعني حق اختك انسانة تحبيها كذا من كل قلب يعني شي يعبر عن الحب
رهف _ ايوا قلتلي اختي صدقتك ياخلود
خالد _ ابتسم
رهف _ خلاص خذ هذي حلوة دام اختك وتحبها من قلب وتقولها بنبرة خبث
خالد _ ايوا حلوة كانت السلسلة عبارى عن قلب ومكتوب في love بطريقة مرة روعة
&&&&&&&&&&&&&&&&&
في سيارة عمار
عمار _ خلاص ساعتين واجي اخذك
دنيا _ لاعمور تكفى والله اشتقت لهم ساعتين مرة قليل
عمار _ طيب خلاص الساعة 11 اجي اخذك
دنيا _ فرقت يعني 4 ساعات
عمار _ خلاص دندون بعدين يوم ثاني اجيبك عندهم انا اليوم مسوي لك مفاجاءة
دنيا اتحمست من داخلها لانها كل مفاجاءة عمار كانت تعجبها _ طيب خلاص
نزل عمار ودنيا ودخلوا سلموا على الكل كلهم اخذوهم بالاحضان وهيام ودنيا سوا فلم هندي ودنيا وامه سوا فيلم مكسيكي ودموع وحركات يعني
خرج عمار وراح عند اصحابوا القهوة وجلست دنيا عندهم
سعاد _ ها دندون كيفك مع عمار
دنيا _ الحمد لله ياعمه
ام دنيا _ والله البيت من دونك يادنيا ماله طعم
دنيا _ اكييييييد ماله طعم مافي احد يضحكم على السفرة ولايتضارب مع الخبول عيالك حميد وخليد
هيام _ لاتخافين ترا انا قايمة بالواجب واكثر
دنيا _ ايه هذا العشم ههههههههه
دنيا _ وش فيك شهوده مبوزة
شهد _ ولا شي بس رهف وخلود راحوا ومااخذوني معاهم
دنيا _ هذا الزعل والتبويز كله عشان راحوا من غيرك
شهد _ بموت من القهر ودي اعرف ايش يسوا
هيام _ ماعليك منها دندون هذي ماعندها سالفة بزر تعالي نطلع فوق
شهد _ طيب ياهيوم انا اوريك
طلعت هيام ودنيا فوق وجلست دنيا تحكي هيام عن مواقفها مع عمار
هيام _ خلصتي ياختي
دنيا _ لاباقي شي واحد شكل عيونك تقول راح تغسلي شراعي
هيام _ لاكملي وبعدين نتفاهم
جلست دنيا وحكتها عن موقفها مع عمار قبل لايخرجوا من البيت
دنيا _ خلصت ياستي يلا ابدي الاسطوانه
هيام _ اقلك شي دندون
دنيا _ اممممممممم
هيام _ انت هبلة وحمارة ومخك زي البزران وراح تضيعي النعمة من يدك
دنيا _ الله كل هذا انا
هيام _ دنيا انتي هبلة بالله عليك مو حرام تسوي فيه كذا كويس منه انوا استحملك انا لو منوا اوريك العين الحمرا
دنيا _ كانت ساكته لانها هيا نفسها حاسة انها ظلمت عمار معاها
هيام _ دندون بسالك سؤال وامانة تجاوبيني بصراحة
دنيا _ هيوم انا من متى اكذب عليك
هيام _ دندون بعد افعال عمار وعشرتك ليه بالله ماحبيتيه
دنيا _ .......................
هيام _ دندون جاوبيني
دنيا _ الصراحة الصراحة
هيام _ ايوا
دنيا _ والله هيوم هو مره طيب معايا ماقد زعلني ويجلس يضحك ويمزح وفوق هذا كله مره حنون معايا ويعاملني كويس
هيام _ دنيا انتي ليش تكابري اعترفي انك حبيتيه
دنيا _ ...............
هيام _ والله دنيا عمار طيب شوفي كيف مهتم فيك ومدلعك دندون لاتضيعيه من يدك والله راح تندمي
دنيا _ هيام انا خايفة
هيام _ ليش
دنيا _ انا خايفة اني ابين حبي لعمار والله انا صرت احبوا بس ماابغى ابين له
هيام _ ليش ياهبلة والله لو عرف انك تحبيه راح يطير عقلوا من الفرحة
دنيا _ انا خايفة عليه
هيام _ خايفة عليه مافهمت
شهد _ يلا انزلوا تحت جيبنا بيتزا من بيتزاهت
دنيا _ الله والله مره نفسي فيها يلا
شهد بصوت واطي _ دندون لاتكوني حامل الله بتجيبي لنا نونو
دنيا وهيام _ ههههههههههههههههههه
دنيا _ لا ماني حامل ولاشي حرام اشتهي بيتزا
شهد مبوزة _ لامو حرام بس نفسي في نونو في البيت
نزلت شهد ودنيا وهيام جالسين يضحكوا على حركات شهد
هيام _ قال حامل قال
دنيا _ هههههههههههه حامل عن بعد
هيام _ ههههههههههههههههههههههه
نزلوا تحت وجلسوا ياكلوا ويضحكوا وعدت الساعات سريع
&&&&&&&&&&&&&&&&&&&
في السوق
خالد _ هيا رهوف ساعتين تاكلي
رهف _ ايش فيك خليني اكل براحتي لاترجني
خالد _ طيب بسرعة
رهف _ انت ليش مستعجل
خالد _ ماني مستعجل بس يلا اطفحي الساعة 11
خالد _ يوووه متى اروح واعطيكي الهدية ياشهودتي >> طبعا الكلام هذا في خاطره
&&&&&&&&&&&&&&&
في بيت اهل دنيا
دنيا _ خلاص طيب دحين بجهز استناك
هيام _ لاتقولي دندون انك رايحة والله لسه ماشبعت منك
دنيا _ ايش اسوي لو عليا اجلس ابيت هنا
هيام _ يارب يادندون يرضى لك تباتي عندنا عشان نجلس نفلها هنا
ام دنيا _ لامايصير تباتي هنا انتي عندك رجال ومسؤلة عنه
شهد _ يلا سوسو
سعاد _ يابت اهجدي لمن يجي خالد نروح معاه
شهد _ سوسو بليز ابغى اقهرهم ليش هما راحوا من دوني
سعاد _ لاحول ولاقوة الا بالله طيب كلمي راجوا
شهد _ يسسسسسسسسسسس الله اليوم راح يموتوا من القهر
شهد _ هيا هيوم روحي معانا
هيام _ والله مافيا اروح
شهد – تكفين روحي عشان تختاري معايا الاب توب
هيام _ يلا دندون معانا
دنيا _ اه ياليت ليت الشباب والصياعة تعود يوما عمار دحين بيجي
هيام _ هههههههه اهم شي الصياعة قبل الشباب
الكل _ ههههههههههههه
راحوا كلهم لبسوا عبايتهم وجلسوا يستنوا عمار يجي ياخذ دنيا ويودعوها ويروحوا يشتروا الاب توب لشهد
عند بوابة بيت اهل دنيا
عمار _ هلا خلود اخبارك وينك ماشفتك بالقهوة
خالد _ لارحت مشوار مع رهف
عمار _ اها
خالد _ اتفضل ادخل
عمار _ لاوالله انا جاي اخذ دنيا وبروح مستعجل
خالد _ ايوا دحين ماصرت تبغى تدخل عندنا ايش عليك حبيبة القلب معاك وش تبي فينا
عمار _ احلى شي انك فاهمني
خالد + عمار _ هههههههههه
دخلت رهف وسلمت على دنيا وزعلت انها بتروح كانت متوقعة انها بتسهر عندهم لين الفجر
خرجوا شهد وهيام والعمة وركبوا مع راجوا
ودنيا راحت تجيب شنطتها من فوق
خالد _ ياعمه تعالوا انا اوديكم
شهد _ خلود لا يعني لا مافي روحة لك معانا انت اجلس هنا
خالد _ طيب ياشهوده ليش ان شاء الله ماتبغيني اروح
شهد _ سبرايز ههههههههههههه
خالد _ ههههههههههههه براحتك
راح خالد يهرج مع عمار لين ماتنزل دنيا وواقفين في نص الشارع
في نزلت دنيا من البيت
دنيا _ طاحت شنطتها وراحت تجري لالالالالالالالالالالالالالااااااااااااااااااااااا اااااااااااا

ياترى ايش صار ليش دنيا تصرخ ؟؟؟؟؟؟؟
&&&&&&&&&&&&&&&&&&&&
في بيت اهل عمار
روان _ يمه عمور متى بيجي والله وحشني البيت من دونه مو حلو
ام عمار _ اليومر احوا بيت عمك اكيد بكرة يجونا
روان _ الله يصبرني والله مرة وحشني الوحش نفسي اشوفه
ام عمار _ والله حتى انا اشتقت له كان مالي علينا البيت
روان _ ليته يمه كان ساكن معنا واي عاد هو ودندون تجي معايا كملت من جد
ام عمار _ لايمه كيف مايصير لازم ياخذوا راحتهم
روان _ يمه وش رايك نقوم نطلع الحوش والله طفشت ماكان في احد يخرجنا ويمشينا غير عمور ودحين هو اتزوج لازم نشوف لنا سواق
طلعوا ام عمار وروان الحوش وجلسوا يسولفوا وانبسطوا شوي مايدروا ايش مخبي لهم الزمن ......................
&&&&&&&&&&&&&&&&&&&&&
في بيت فرح
فيصل _ ياقلبو عليه العريان انا
فرح _ فيصل جيب الولد لاياخذ برد واورط فيه
فيصل _ هاتي انا البسوا الحفاظ
فرح _ ههههههه خذ ها
فيصل جا يلبس فهودي الحفاظ فهودي جالس يرفس برجولوا
فيصل _ فروحة شوفي ولدك ايش يسوي فيني
فرح _ ياسلام هو ولدي بس
فيصل _ هههههههههههه خلاص بطلت ماعاد ابغى البس يالصغنون انت روح عند امك
كان فيصل وفرح كل حياتهم النونو حقهم يصحوا على سيرتوا ويناموا على سيرتوا
&&&&&&&&&&&&&&&&&&&&&&
روان _ يمه دقي على عمور
ام عمار _ لاونا امك مايصير شوفي الساعة 11ونص تلاقيه جالس مع حرمته دحين اخاف ازعجهم
روان مبورة _ طيب انا طفشانة ايش اسوي
&&&&&&&&&&&&&&&&&&7
قدام بوابة اهل دنيا
دنيا _ لالالالالالالااااااااااااااااااااااااااااااااااااا اااااااا
من صراخ دنيا صحي احمد ونزل والام لبست عبايتها خرجت
احمد _ خرج من البوابة واول ماشاف المنظر اللي قدامه وقف مصنم مو قادر يتحرك
ام دنيا _ احمد روح شوفهم ايش فيهم وصوتها كله بكى
احمد _ صحي من غفوته وصدمتوا وراح ركض
دنيا كانت واقفة تبكي وجامده في مكانها ماتقدمت ولاخطوة قدام
خالد _ شهههههههههههههههههههههههههههد
جا احمد وصل لمكان الحادث لقى هيام مرمية برا السيارة وشهد وعمتهم غرقانين بالدم
خالد _ يخبط على وجه شهد شهد شهد قومي شهد شهد انتي اكيد تمزحي تبغى تقهرني صح شهد قومي وجلس يبكي زي الاطفال
احمد كان يحاول يتماسك نفسوا مو عارف يتصرف قرب من عمتو وعس النبض لكن فات الفوت واعطت الامانة قرب من شهد لقاها خلاص قدها ماتت وقرب من هيام لقى فيها نبض
دنيا من كثر ماتبكي وماهي قادرة تتحرك جلست على الارض
عمار كان واقف ومومصدق اللي شافه منصدم مرة
احمد جا وغطى وجه شهد وعمتوا _ انا لله وانا اليه لارجعون
خالد _ لا احمد بعد شهد ماماتت هي تمزح معايا دوبها كانت تكلمني بعد كذا شهد ماتموت
احمد صار يمسك في اخوه المنهار _ اذكر ربك ياخالد كلنا رايحين في هذا الطريق
خالد وطى نفسوا لمستوى شهد وصار ياخذ من دمها ويخبط نفسوا بيه ويصرخ _ شهههههههههههد لاقومي قومي قولي انك تكذبي قولي انك تمزحي شهد انت مامتي صح شوفيهم مو مصدقين قولي لهم
احمد كان يحاول يقوم خالد عن شهد لكن خالد كان حاضن شهد بقوة
عمار فاق من صدمته وراح يجري على دنيا اللي كانت تبكي وطايحة على الارض
مسك عمار دنيا وحضنها ولاول مرة دنيا تدفن راسها في حضن عمار وتبكي
عمار _ خلاص يادندون لاتبكي البكى ماراح يفيد انا لله وانا اليه لارجعون
دنيا _ كانت تبكي من قلب عمااااااااااااااار هيام راحت ياعمار
عمار _ اذكري ربك واهدي دحين الاسعاف جاي ان شاء الله مافيها الا الخير
رهف كانت تهدي في امها وهي تبغى من يهديها
احمد _ ياخالد قوم ياخالد
خالد _ انا مو قايم من هنا لمن شهد تقوم معايا شهد تمزح شوفها كيف تضحك هيا تمثل علينا شهد قومي خليهم يصدقوا شهد والله انا احبك شهد من زمان بقلك هيا هيا شهد قومي انا جايب لك هدية مرة حلوة راح تعجبك شهد قومي قومي شهد خلاص والله انا اسف اني مااخذتك معايا شهد خلاص ماراح اعيدها شهد قوميييييييييييييييييييييييي
احمد _ بدل مايواسي اخوه صار يبكي معاه لان الموقف كان بالنسبة لهم فاجعة
رهف ماقدرتتتحمل وصارت تصرخ وتبكي باعلى صوتها ماقدرت تتحمل الصدمه شافت موتت عمتها وصديقة عمرها واختها شهد قدامها
عمار كان يحاول يهدي في دنيا اللي من كثر بكاها تبللت كل بلوزة عمار
خالد _ احمد بعد من هنا خليني ادخل شهد البيت كيف تجلس بالشارع كذا
احمد _ كان يبكي وساكت
خالد _ شهد يلا قومي لاتتدلعي شهد انا احبك والله احبك قومي
احمد _ ياخالد مايصير اللي تسويه اطلب لهم الرجمة​

 

خالد بصراخ _ انت ماتعرف شهد ماماتت شهد تلعب علي بس دوبي كنت امزح معاها دوبي كنت اكلمها مالحقت اللف كيف تموت انت كذاااااااااااااااااااب
احمد _ لاحول ولاقوة الا بالله
خالد _ شهد قومي قومي شهد خلاص قومي
احمد كان يحاول يسحب اخوه من كتفوا عشان يقوموا عن شهد اللي كان حاضنها زي الطفلة الصغيرة
خالد _ بعد عني انا بجلس هنا مع شهد
احمد _ ياخالد شهد ماتت خلاص اطلب لها الرحمة
خالد _ لاتقول انها ماتت شهد مستحيل تموت كيف تموت وهيا ماودعتني كيف تموت وهيا ماقالت لي مع السلامة لالالالا شهد الله يخليك قومي شهد قاعدين يقولوا انك متي قومي وقولي لهم انك تمزحي شهد قومييييييييييييييييييييييييييييييي
وصل الاسعاف واخذ هيام على المستشفى وشهد وامها على مغسلة الاموات لانهم خلاص فارقوا الحياة بحلوها ومرها فارقوا اعز الناس على قلبهم
خالد كانت حالتو تقطع القلب ملابسوا كلها غرقانه بدم شهد اللي كان يحضنها
رهف من الصدمه _ ماصارت تبكي ولاتهرج بس ساكته
دنيا كانت منهارة مررررره
ام دنيا جلست تبكي وتصيح لانها فارقت سعاد اللي تعتبرها اكثر من اخت لها
احمد وعمار كانوا يبكوا بس يحاولوا يصيروا اقوى عشان يصبروا البقية
خلصت الاجراءت والعيلة كلها عرفت بالخبر وكانوا راح يصلو الفجر على شهد وامها
خالد كان بس يبكي واللي يشوفه يقول مجنون
الساعة 4 الفجر في بيت ابو عبد العزيز
دخل الكل وسلموا على سعاد وشهد وهما بالكفن وودعوهم اخر وداع لان بعد هالمرة ماراح يلتقون
دخل خالد وكان هو اكثر واحد يقطع القلب سلم على عمتوا واول ماشاف كفن شهد طاح عليها وصار يحضن فيها
عبد العزيز واحمد _ يحاولوا يسحبوا خالد لكن ماسك في الكفن بالقوة ويبكي زي الاطفال الصغار
ابو عبد العزيز كان ماسك دموعوا من اول ماسمع الخبر اول ماشاف ولده وسمع كلامه صاريبكي هو كمان ويمسح دموعوا بالشماغ كل المجلس كان يبكي على حالة خالد
عبد العزيز وهو يبكي _ قوم ياخالد قوم مايجوز اللي تسويه
خالد بهستريا _ كيف اقوم واترك شهد اسمعوها تناديني شهد انا سامعك وعارف انك ماممتي بس قومي قومي قولي لهم مو مصدقيني شهد انتي مامتي صح شهد كلميني وصار يخبط على وجها
احمد وعبدالعزيز صاروا يسحبوا خالد لكن ماقدروا
خالد _ شهد قومي الله يخليك شهد قومي شهد انا احبك لاتروحي وتسيبيني ويصرخ شهههههههههههههد قومي شهد
قاموا الرجال كلهم يسحبوا فيه قام عن شهد وصار يبكي وحاضن ابوه ويبكي ويصرخ والله ماماتت شوفها تبتسم ليا اسمعوها تقول خالد ماماتت هيا تمزح وصار ماينسمع ير صوت بكائه
دخلوا الحريم وكل وحده ودعتهم دنيا كانت بس تبكي وطاحت على عمتها وشهد وتبكي وتودعهم
رهف ماقدرت تستحمل الموقف اول ماشافت الجنازتين سلمت عليهم وراحت جلست عند راس شهد
رهف اللي دام صمتها من يوم ماشافت الحادث يعينها _ ااااااااااااااااااااااااااااااااااه وصارت تبكي شهوده لاتروحي شهوده قومي شهوده انا وخالد كنا نمزح معاك والله رحنا السوق وكنا راجعين لك شهوده احنا بنرجع لك وانتي تسيبينا شهوده قومي مين راح ينام معايا مين راح يجلس معايا شهوده الله يخليك لاتروحي وتهز في كتوف شهد قومي قومي انا رهف انا صاحبتك شهوده يااجلسي معايا ياخذيني معاك وصارت تبكي
كل اللي في المجلس صاروا يبكوا
ابو عمار يمسح دموعوا _ يلا توكلنا على الله ياعيال
خالد _ لا لالالالالالالالالا شهد ماماتت لاتخذوها شهد تخاف من الظلام كيف تحطوها في القبر لا عمي الله يخليك خلوها يبا خلوها
ابو عبد العزيز _ صار يطبطب عليه
خالد _ ياناس انتم ماتشوفوا شوفها تبتسم اسمعوا صوتها تناديني والله تناديني شهد قومي خلاص شهد كافي مزح والله احبك ياشهد لاتروحي وتسيبيني
جنبوا العيال خالد على جنب اللي كان غارق في موجه بكي وغطوا الجنازتين وراحوا يصلوا عليهم
خلصوا الصلاة على الميتين وراحوا دفنوهم وكان كل واحد شايل حزنوا بيدوا ودموعهم ماوقفت
رجعوا البيت لقوا خالد اغمى عليه حاولو الحريم يفوقه لكن ماقدروا
اخذوه وعلى المستشفى على طول
في المستفى
دخلوا خالد وحطوا له محاليل واعطوه ابر وطلبوا من اهلوا انهم يسيبوا يرتاح لانهم عطوه مهدء
في بيت ابو دنيا
كان البيت كلوا صياح ونياح الا رهف اللي رجعت لحالة الصمت والكل كان خايف عليها لان سكوتها مو طبيعي
بدات التجهيزات للعزا في بيت ابو عبد العزيز
وجوا مزين كثير من اول يوم من ظمنهم صاحبات دنيا كلهم واهاليهم اللي ماقصروا وقفوا معاهم احسن وقفه
في غرفة دنيا
دنيا كانت تبكي ماتدري من فراق عمتها وشهد ولامن خوفها على هيام
دخلوا البنات عندها وحاولو يهدوا شوي لكن هما ماقدروا يتمالكوا نفسهم وصاروا يبكوا معاه
رهف كانت جالسة عادي ولادمعة نزلت من عينها من كثر الصدمة
الساعة 1 في الليل راحوا كل الناس بيوتهم مابقى غير اهل ابو عبد العزيز وبيت ابو عمار كلهم
دنيا كانت في غرفتها مانزلت ابدا حتى الحريم اللي جوا يعزوا مانزلت لهم نفسيتها ماتسمح لها
روان كانت تواسي في رهف اللي ساكته واي احد يكلمها ماترد عليه ولاتهرج ولاشي
طلع عمار لزوجته يبغى يعزيها ويواسيها شوي
فتح عمار الباب وجا جلس جنب دنيا وحضنها وللمرة الثانية دنيا ترمي نفسها بحضنوا وكانها تدور عن امان عن حنان عن اطمانان وكل هذا حصلتوا من احن قلب عليها قلب عمار
عمار _ عظم الله اجرك
دنيا _ اجرنا واجرك
عمار _ خلاص لاتبكي هذا قدر الله وكلنا رايحن من هذا الطريق
دنيا مازالت غارقة في موجه البكاء
عمار صار يمسح على ظهر دنيا وشعرها ويحاول يهديها
دنيا _ عمار
عمار _ سمي
دنيا _ هيام كيفها
عمار _ الحمد لله طيبة
دنيا _ ايش فيها
عمار _ بسيطة ان شاء الله لاتشيلي هم انتي
دنيا _ اليوم ببات عند اهلي
عمار _ افااااااا عليك يادندون ليه تحسبيني ماعرف في الواجب لو ماانتي قلتي كنت انا خليتك عندهم
دنيا _ مشكور عمار
عمار _ انا كم مره اقلك انا زوجك ومااحب هالرسميات مابيني وبينك يادنيا
عمار يلا ياقلبي انا اسيبك ترتاحي دحين قومي صلي وادعي لهم ونامي شوفي شكلك كيف
دنيا _ ان شاء الله
سلم عمار على دنيا وجا بيخرج من الغرفة
دنيا _ عمااااااااااار
عمار _ امري
دنيا _ عمار ممكن اطلب منك طلب
عمار _ انت تامري مو تطلبي لو تبغيى روحي ماتغلا عليك
دنيا ابتسمت من بين دموعها _ عمار اجلس نام عندي اليوم
عمار جلس ثواني مو مستوعب الكلمة _ ابشري
دنيا _ تسلم عمار معليس بتعبك
عمار كان نفسوا ان دنيا تطلب منوا هذا الطلب في مكان غير هذا المكان وزمان غير وظروف كمان غير _ تعبك راحة
عمار _ خلاص انا بروح اجيب لك ولي ملابس من البيت واجي
دنيا _ طيب بس لاتتاخر عمار وانتبه على نفسك في الطريق
عمار _ ان شاء الله توصي شي ثاني
دنيا _ لاسلامتك
خرج عمار وراح على بيتهم وطول وقته وهو يفكر ليش دنيا طلبت منه هذا الطلب غريبة هيا كانت ماترضى تنومه على السرير دحين تطلب منه ينام عندها جلس في دوامه افكار فكرة توديه وفكرة تجيبوا
&&&&&&&&&
في بيت غرام
غرام _ والله يابندر صعبانة عليا هيام ماادري كيف راح تتحمل الخبر
بندر _ لاحول ولاقوة الا بالله الله يصبرها هيا ايش قالوا عندها
غرام _ يقولوا ان حالتها مرة خطيرة هي في العناية دحين وبدت تبكي
بندر_ خلاص يالغالية لاتبكي قدر الله وماشاء فعل انا لله وانا اليه راجعون
غرام _ بندر هذي صديقتي من اولى ابتدائي وحنا مع بعض
بندر _ غرومة ادعي ان الله يقومها بالسلامة الدموع ماتنفع
غرام كانت نفسها ترتمي في حضن احد وتبكي لكن وين امها مع صديقاتها لاهية وبسام مسافر ومشغول بالدراسة مالقت غير بندر هو اللي يخفف عنها هو اللي يواسيها صار بندر في حياتها كل شي الصديق والاخو والحبيب والعشيق والام والابو كان نفسها لو بندر هنا تروح له وترتمي في حضنوا
&&&&&&&&&&&&&&&&&&&
في بيت اهل دنيا
رهف حالتها زي ماهي ملتزمة الصمت وماتكلم احد

ام دنيا كان قلبها يتقطع من جوا على موت اختها سعاد وبنتها اللي توهم بعز شبابهم وعلى بنتها وولدها اللي شوية ويتجننوا
ابو عبد العزيز _ كان صابر مع ان احيانا دموعوا تخونوا
احمد _ كان يحاول يخفف عن الكل وحاس نفسه انه بينهد نفسوا يبكي نفسوا يصرخ بس مو قادر
دنيا _ كانت طول وقتها تبكي ومحد مواسيها غير عمار
عمار _ كان قلبوا بينفطر على دنيا لانه مايرضى يشوفها زعلانة وكان يحاول يبان قدامها قوي مع انه هو مو مستحمل الموقف
في غرفة دنيا
عمار _ دندون واللي يعافيك خلاص والله دموعك قطعت قلبي
دنيا _ ......................وتبكي
عمار _ يلا حبيبيتي قومي خذي لك شاور وغيري عشان ترتاحي شوية شوفي عيونك كيف صارت زي الدم من البكي
راحت دنيا اخذت شاور وغيرت وهو نفس الشي
عمار _ ضم دنيا لصدروا وصار يمسح على ظهرها ويحاول يهديها
دنيا _ تبكي
عمار _ خلاص دندون الله يخليك لاتبكي والله البكي ماراح يفيد
دنيا _ عمار هذي عمتي كنا كلنا جالسين نهرج كيف تروح هيا وشهد كذا كيف هيام راح تتحمل الصدمه
عمار _ ماكان قادر يرد على دنيا عجزت الكلمات انوا يواسيها وكان يضمها اكثر على صدرو
دنيا كانت تبكي وتحضن في عمار اكثر كانت تبكي على عمتها وبنتها اللي ضاعوا منهم في لمح البصر تبكي على اختها واخوها اللي ماتدري ايش راح يصير فيهم تبكي على صديقة عمرها تبكي على نفسها لانها ظلمت عمار معاها صدت عنوا وبعدت عنوا وهو الوحيد اللي جالس يواسيها كان قلبوا حنون كانت تحس معاه بالامان كانت تجفن نفسها في حضنوا
عمار _ خلاص ياقلبي اشربي العصير وحطي راسك ونامي
دنيا _ ماليا نفس ماابغى شي
عمار _ عشان خاطري يلا حتى انا بشرب معاك
دنيا كانت تطالع في عمار بنظرات امتنان وشكر ليه ماتدري ليه حست ان الدنيا كلها ماتكفيها ولاراح تشيلها قد حضن وحنان عمار اللي ماقصر معاها كانت تلوم نفسها ليه كانت تعاملوا كذا
عمار _ يلا هممممممممممم ياجمل
دنيا ابتسمت لانه قاعد يشربها زي الاطفال
عمار _ شطورة حبيبتي يلا نامي ولحف دنيا باللحاف وقام
دنيا _ عمار فين رايح
عمار _ بنام تبي شي
دنيا _ فين بتنام
عمار _ على السرير الثاني
دنيا _ لالالالالالالالالالالالالالالالالااااااااااااااااا اا
عمار _ طيب طيب لاتعصبي ماراح انام على سرير هيام خلاص بنام على الكنبة
دنيا _ لاعمار الله يخليك تعال نام عندي
عمار _ طيب انا معاك وعندك ياعمري
دنيا بعدت نفسها وشالت اللحاف _ تعال نام
عمار كان فاتح عيونوا من هول الصدمة كان جالس يقول لنفسوا معقولة اللي انا اشوفه اكيد احلم اكيد صار لمخي شي من العزا معقولة دنيا تطلب مني انام جنبها وفي سرير لنفر واحد لا مو معقولة اكيد حلم
دنيا _ عماااااااااااار
عمار _ هااااااااااااااا
دنيا _ تعال
عمار _ اجي انام هنا عندك
دنيا _ هزت راسها لو ماعندك مانع
عمار _ لاماعندي مانع
جا عمار وانسدح جنب دنيا واخذها في حضنوا ونامت زي الاطفال ودموعها كانت مغرقة صدروا
عمار جلس طول الوقت سهران يراقب في دنيا خايف عليها ويفكر _ ايش اللي صار ياعمار اول كنت تتمنى تنام معاها بنفس السرير دحين هيا اللي تطلب منك هذا الشي وتنام بحضنك كمان اااااااااااااااه ياربي صبرني نفس اعرف ليش كذا يادنيا ليش كنتي تصديني ودحين تقتربي مني ليييييييييييييييش
&&&&&&&&&&&&&&&&&&&&&&
في المستشفى الساعة 3 العصر
العيلة كلها راحت تزور خالد ويطمنوا على حالة هيام
خالد فتح عيونوا بشويش كان يشوفهم بس بصورة مو واضحة
ام عبد العزيز _ مسكت يد خالد الحمد لله على السلامة يمه
خالد _ ش ش شهههههههههههد
ام عبد العزيز _ نزلت المعة من عينها على حال ولدها
ابو عبد العزيز _ ترحم عليها ياولدي
خالد يصرخ _ ااااااااااااااااااااااااااه يبا شهد ماماتت هيا تمزح معنا يبا روحوا جيبوا ابغى اشوفها ويبكي من قلب
كل اللي في الغرفة دمعت عيونهم من حالة خالد
عبد العزيز _ مايجوز لهم الا الرحمة ياخالد
خالد _ انتم ماتفهموا قلت لكم ماماتت والله ماماتت هي يوم تروح المدرسة تودعني كيف تروح من حياتي نهائي وماتقلي مع السلامة ورجع يبكي
ام عبد العزيز _ كانت تبكي على حالة ولدها اللي مقطع قلبها هو ورهف خايفه عليهم من الصدمه يصير فيهم شي
دنيا كانت تبكي وعمار كان يحاول يهديها
احمد ماكان قادر يتصرف ولايتكلم
عادل _ كان مو قادر يتحرك وجالس يبكي يحس انه بيموت من الحزن
روان كانت تبكي بصوت واطي
رهف كانت ساكته ولادمعة لسه في حالت صمتها الغريب
دنيا صارت تبكي بصوت عالي اخذها عمار وخرجها برا عشان ماتزيد على خالد
عمار _ خلاص دندون مايصير اللي تسويه في نفسك كذا
دنيا بصوت مبحوح من كثر البكى _ عمار ابغى اشوف هيام
عمار _ طيب امشي امشي
خالد _ كان جالس يبكي ويضرب نفسوا وكل كلمة والثانية تنزل على الكل صدمة كلهم نسوا اللي ماتوا وصاروا يفكروا في حالة خالد اللي شبه اتجنن لمن جات الممرضة واعطته ابره مهدئة عشان ينام ويرتاح
في قسم العناية المركزة
عمار _ لوسمحتي ممكن ازور المريضة هيام عبد الهادي ال .............
الممرضة _ ممنوعة الزيارة ياخوي
عمار _ طيب وين الطبيب المسوؤل
الممرضة _ اتفضل الحالة عند الدكتور امين
راح عمار للدكتور وسال عن حالة هيام
امين _ الحمد لله على كل حال هيا اصابتها جات على العمود الفقري ومااقدر اقلك شي لين مانتاكد من الفحوصات
عمار _ طيب يعني هيا حالتها مستقرة
امين _ نقدر نقول ان شاء الله
دنيا كانت تسمع لكلامهم وتبكي بس
عمار _ طيب لو سمحت دكتور ممكن نزوها
امين _ والله الزيارة ممنوعة
عمار _ تكفى يادكتور شوف اختها حالتها كيف
امين _ لاحول ولاقوة الا بالله الله يصبركم طيب خذ هذي الورقة اذن بالدخول
عمار _ مشكور جزاك الله خير
اخذ عمار دنيا وراحوا بسرعة جهت الغرفة واعطو الممرضة الورقة
الممرضة _ انت اتنين نفر يدخل
عمار _ ايوا
الممرضة _ طيب يلا عشان يلبس تعقيم
دخلوا على غرفة التعقيم
الممرضة _ مدام انت في حامل
دنيا على طول طالعت في عمار ولقت عمار برضوا يطالع فيها مايدروا ايش سبب هذي النظرات لكن ظلوا في صمت ويطالعوا بعض
الممرضة _ ها مدام في حمل
دنيا _ ...................
عمار _ لا مافي حمل يلا بسرعة
الممرضة لبستهم قفازات في يدهم وشي زي الشراريب في رجولهم وشي شبيه بالقبعة على روسهم
ودخلوا على هيام
&&&&&&&&&&&&&&&&&&
اسيل _ والله ياغرومة انا مو مصدقة كل اليل صار
غرام _ اااااااااه ياسيل والله انا احس كاني في حلم مدري كيف هيام راح تستحمل الخبر
اسيل _ ايوا والله امها وشهد كانوا لها كل دنيتها مدري كيف بتصبر
قاموا غرام واسيل الاثنين يبكوا وكل وحده تحاول تهدي نفسها
&&&&&&&&&&&&&&&&&
ي غرفة خالد
ابو عبد العزيز _ يلا ياحرمه جلستك هنا مالها داعي
ام عبد العزيز _ عبد الله هذا ولدي مقدر اسيبه في هذي الحالة
احمد _ يمه ماراح يمحون لك تجلسي وقت الزيارة انتهى
ام عبد العزيز _ قامت تبكي وبالقوة قدروا يخرجوها وراحوا يطمنوا على هيام ويشوفها طمنهم الكتور لكن لانهم مجموعة ماسمح لهم الدكتور يدخلوا لان الزيارات اصلا ممنوعة
&&&&&&&&&&&&&&&&&&&
في العناية المركزة
دخل عمار ودنيا عل هيام
دنيا اول ماشافت هيام زادت في البكى كان شكلها يحزن وجها مايل للون الازرق وجسمها كلو مكسر ورضوض فيه وحولها الاجهزة كثير
عمار صار يضم دنيا ويحاول يخرجها
دنيا قامت تمسك في هيام وتسلم عليها وتبكي
دنيا _ هيام الله يخليك قومي هيام الحياة من دونك والله مو حلوة هييييااااااااااااام
عمار خرج دنيا برا خاف عليها تنهار ولا شي واخذها على البيت
&&&&&&&&&&&&&&&&
بعد مرور اسبوع من الاحداث
خلص العزا وكل العيلة الا الان مو مصدقين الخبر
خالد خرج من المستشفى وكانه مجنون نفسيتوا زي الزفت ماصار ياكل ولايكلم احد وبس ماسك البوم الصور ويطالع فيها ويبكي يعني انغير عن خالد اللي اول اللي كانت الضحكة ماتفارقوا صار ينعزل عن الكل وكل يوم يروح البحر اخر الليل ومايجي غير الصبح يجلس يبكي ويشكي هموا للبحر صار مايهتم بنفسوا طلعت له لحيه صغيرة ولااهتم كان زي المجانين يكلم نفسوا ماكان في اسم على لسانوا غير شهد
رهف بعد ماخلص العزا انفجرت من البكى وصارت كل يوم تاخذ ملابس شهد وتحضن فيها وتجلس تبكي انقلب حالها صارت مرة وحيده كانت تبكي بدل الدموع دم على فراق رفقية عمرها
دنيا كانت كل يوم عمار ياخذها لهيام وتزورها وكان قلبها يتقطع كانت كل يوم تبكي وتنام في حضن عمار ماحست بالامان والحنان غير معاه عمار كان هو اللي يواسيها هو اللي ياكلها هو اللي يهتم فيها كانها طفله صغيرة
صارت عيلة ابو عبد العزيز وابو عمار كلهم حزنين والحزن باين على وجيههم
&&&&&&&&&&&&&&&&&&&
في بيت فرح
فرح _ الله يصبرهم والله
فيصل _ امين يارب والله مساكين صدمه لهم
فرح _ انت ماشفت رهف ودنيا كيف كانت اشكالهم تقول هما اللي ماتوا
فيصل _ لاحول ولاقوة الا بالله
فيصل _ فرررررررررررررررح فررررررررررررح قومي فرررررررررررررح
&&&&&&&&&&&&&&&&&
في المستشفى عند هيام
كانت حالتها زي ماهي مافي أي تقدم كانوا شاكين الدكاترة ان الصدمة جات على العمود الفقري والحبل الشوكي وخايفن يسبب شلل او عمى او أي شي اخر خايفين ياثر على المراكز في المخ
&&&&&&&&&&&&&&&&&
في البحر الساعة 2 في الليل
خالد كان جالس على البحر كعادته تعود من بعد وفاة شهد وهو يجي للبحر كل يوم ويسهر لحالوا
خالد كان يبكي ويرمي الحجار في وسط البحار
سمع صوت من بعيد صوت مو غريب عليه صوت سامعه قبل كذا صوت قريب منه صوت هو يعرفوا
دار خالد وجه وشاف قداموه _ .................................

بكذا انتهى هذا البارت وان شاء الله راح نشوف باقي التطورات بعدين
ياترى فرح ايش صار لها ليش فيصل يصرخ ؟؟؟؟
دنيا هل راح تعترف لعمار بحبها ليه ؟؟؟؟؟
خالد ايش الصوت اللي سمعوا وكان صوت مين ياترى ؟؟؟
&&&&&&&&&&&&&&&&&&&&&&​

 

البارت الرابع عشر


في المستشفى


فيصل _ فروحتي ردي علي فررررح


الممرضة _ لو سمحت استنى هنا


بعد فترة


الدكتور _ لازم نسويلها اشعة ظاهريا ماعندها شي


فيصل _ طيب دكتور هي صحيت الحين


الدكتور _ هي كان مغمى عليها فاقت الحين وممكن تطلع بس اهم شي الاشعة


فيصل _ ان شالله دكتور اليوم تسويها


دخل فيصل لفرح


فيصل _ كذا تقلقيني عليك وانت مافيك الا العافية


فرح _ ماادري حسيت الدنيا دارت بيا وطحت اسفة حبيبي تعبتك


فيصل _ ايش تعبتك وايش الكلام الفاضي هذا المهم سلامتك


فرح _ الله يسلمك


فيصل _ يلا بس قومي خلينا نسويلك الاشعة


فرح _ طيب فين فهودي


فيصل _ مع هنادي


&&&&&&&&&&&&&&&&&&&&&&&&&&&&&


خالد وعيونه تدمع _ جاااسر


جاسر _ سالت عنك احمد وقالي انك هنا عرفت اللي صار عظم الله اجرك


خالد وهويبكي _ على ايش شهد ما ماتت


جاسر _ ياخوي استهدي بالله وارضى بالامر الواقع


قام خالد ومسك جاسر من ملابسه وهومعصب _ شهد ماماتت انت ماتفهم ماماتت شهد موجودة انا حاسس فيها والله حاسس فيها تناديني جاسر شهد تحبني انت ماتسمع شوف تقولي احبك


جاسر _ خلاص ياخالد انت حالتك مرة صعبة تعال معي بس


وراح خالد معاه وهو منهار وهو يهاذي باسم شهد


&&&&&&&&&&&&&&&&&&&&&&&&&&&&



عمار دوبه داخل البيت _ دنيا دنيا وينك


دنيا _ انا هنا ايش صار


عمار _ دوبه عمي وابوي قالولي هيام حالتها تحسنت ونقلوها لغرفة عادية


دنيا _ بالله عمار من جد


عمار _ والله حبيبتي يمديكي تشوفيها دحين قد ماتبغي


دنيا خانتها دموعها وراحت جري على عمار وحضنته


عمار _ خلاص حبيبتي دحين لو شافتك هي وانتي منهارة هي ايش بتسوي


دنيا _ معك حق عمار يلا نروحلها


عمار _ يلا حياتي


&&&&&&&&&&&&&&&&&&&&&&&&&&&&&


في المستشفى في صالة الانتظار


ابو عمار _ الحين ياعبد الله كيف راح نخبرها على خبر امها واختها


ابو عبد العزيز _ والله مدري وهالخسيس ابوها مايفكر يجي الا ثالث يوم بالعزا ولا يزور بنته


ابو عمار _ الا نذل وحقير الله ياخده وايش يقول مادريت


عبد العزيز _ والله ياعمي دقينا عليه ومايرد وارسلناله كذا رسالة


ابو عبد العزيز _ وقت مافاق من سكره فكر يجي


ام عبد العزيز _ هلا حبيبتي دنيا كيفك


دنيا _ بخير يمى ليش مادخلتو لهيام


ام عبد العزيز _ يمى الحين هي نايمة لمن تصحى ندخلها


عمار _ طيب الصدمة مااثرت فيها بشي


ام عمار _ ماندري ابوك وعمك راحو يسألو الدكتور


دخل ابو عبد العزيز والدمعة نازلة من عيونه وابو عمار شكله متاثر


روان _ ايش فيه ايش قال الدكتور


دنيا الدموع تجمهت بعيونها _ يبى اتكلم الله يخليك هيام صارلها شي


ابو عمار _ الدكتور قال ان اعصاب رجولها ماتت كلها


ام عبد العزيز _ ايش وش تقولون انتو


سارة _ يبى فهمنا اكثر


ابو عمار _ يعني هيام انشلت ماتقدر تمشي بعد كذا


وماتسمع في المكان الا صريخ الفجعة من الخبر والبكا بصوت عالي


دنيا _ لا عمي مو معقول هيام مشلولة لاتقووول الله يخليك لا الدكتوووور كذاااااااااااب


ام عمار _ ياقلبي عليها فقدت كل شي


روان _ لا مااصدق هيام اللي تحب اللعب والحياة ماتقدر تمشي


ام عبد العزيز _ الله يصبر هالبنت يارب


الممرضة خرجت من غرفة هيام _ تقدرو تدخلولها الان بس بشرط من غير بكا ولا صراخ


دنيا _ طيب بس اهم شي نشوفها


عمار _ يبى حنقولها على الخبر


احمد _ ايوا صح اكيد حتسأل عنهم


ابو عبد العزيز _ الدكتور قال مصيرها بتعرف قولولها بس بهدوء ومن غير انفعال


ام عبد العزيز _ ياربي كيف حنقولها


ابو عمار _ الحين امسحو دموعكم وادخلو ويحلها ربي


ورهف طول الوقت هذا ساكتة وسرحانة


دخلو لهيام ودنيا راحت على طول جنبها وروان من الجهة التانية


ابو عبد العزيز _ كيفك يبى


هيام وهي مفتحة عيونها وماتشوف مررة زين وبصوت متقطع _ بخير عمي


دنيا _ حياتي هيام حمدلله على سلامتك وباستها


والكل سلم على هيام وباس جبينها


هيام _ عمي وين امي ووين شهد


كل الحريم اللي بالغرفة نزلت دموعهم ماقدرو يستحملو


ابو عمار _ يابنتي انتي قوية وهذا امر الله وكلنا في النهاية لها يابنتي امك واختك شهد في رحمة الله الحين ادعي لهم


هيام فتحت عيونها مزبوط وقامت شوي من السرير _ عمي ايش تقول انت وينهم ابغى اشوفهم مو معقول ماما تسيبني كل هالفترة بالمستشفى من غير ماتشوفني مو معقول انا كنت لو اسخن تسهر عندي طول الليل عمي ايش تقول انت شكلكم غلطانين وحشتني مرررة ابغى اشوفها وينهم


ابو عبد العزيز _ يابنتي الحادث مر عليه اكثر من اسبوعين الحين وطول الوقت هذا انتي كنت بالعناية


هيام تصارخ _ وييييييين امي اتكلمو وينها


ام عبد العزيز _ يابنتي امك واختك عند ربك ادعي لهم


هيام تصارخ _ لااااااااااااااا انتم تكذبو علي كيف يموتو ويسيبوني مالي غيرهم في الحياة هم اهلي كيف تروح امي وتسيبيني ماما ماترضى تسيبيني اعرفها ماتقدر على بعدي ولا انا كيف تروح من غير مااشوفها واودعها لاااااااا الله يخليكم قولو غير هالكلام


دنيا _ هيام حبيبتي حنا حواليك ماراح نسيبك


هيام _ دنيا دنيا انتي ماتكذبي علي قوليلي وين امي وشهد كيف يروحو ويسيبوني هما السوق لازم روح معهم كيف يروحو ويخلوني مايقدرو


دنيا وهي تبكي _ هيام حبيبتي اذكري الله امك وشهد ماتو بالحادث


هيام مسكت دنيا من ملابسها _ لااااااا دنيا لاااااا مايروحو ويسيبوني مايقدرو ليش مااخذوني معهم طيب حنا واعدين بعض دووم نبقى مع بعض ليش مامت انا معهم طيب


ابو عمار _ يابنتي حرااام تقولي كذا


وكل اللي بالغرفة دمعت عينه على شكل هيام اللي يقطع القلب اما رهف خرجت وتركت الغرفة ماتحملت وخرجت وراها وجدان وعبد العزيز


هيام _ وسعو ابغى اقوم اشوفهم ودوني لهم دنيا قوميني ماني قادرة اقوم دنيا مي وحشتني ابغى اروحلها ابغى اشوف شهد قوميني ماني قادرة حرك رجولي ساعديني ابغى اروحلهم ماماتو انتو ماتدرو هما مايقدرو يسيبوني


دنيا زادت بكا ماقدرت


وهيام تحاول تقوم وتبكي بحرقة _ عمييي قومني ابغى اقووووووم لاا ايش صار


احمد راح نادى الدكتور بسرعة لان حالة هيام صارت جنونية


هيام _ اييييش صار ايش فيني وين امي وين شهد الحياة اتقلبت فيني فهموني


بعدين صارت تضرب رجولها _ محد يفهمني غير امي ابغاها ابغى اروحلها قوموني مااقدر اعيش بدونها هي هواي وحياتي وسبب وجودي ابغى شهد ابغى اختي


ابو عبد العزيز مسك هيام وحاول يهديها وهي تبعده وتصارخ _ اتكلمو ايش صار ويييين امي ودوني لها ابغى اروح لامي امي خذيني الله يخليكي مااااماااااااااااااا عمييي وينها ووين شهد ليش راحو وسابوني ليش مايحبوني كيف جاهم قلب يروحو ويسيبوني


جا الدكتور ومسكوها الممرضات بقوة وهيا تقاومهم وهو يحاول يعطيها الابرة


هياام _ لاااااااااا سيبوني مابغى انام ابغى اروح لامي وسحبت المغذي اللي بيدها وتناثر الدم بكل مكان


ووقفو الممرضات النزيف اللي صار ومسكوها واعطوها الابرة


وغمضت عينها وهي تهاذي بامها وشهد


دنيا ماقدرت تستحمل وطاحت عليهم


عمار _ دنيا حبيبتي ايش فيكي


والممرضات اخدوها وحطوها بغرفة


عمار _ يادكتور ايش فيها


الدكتور _ مافيها شي بس حالة غماء من الضغط العصبي


ابو عبد العزيز _ يعني هيا بخير


الدكتور _ نعم هي بخير وممكن تخرج الآن كمان


دخل عمار وابوها وامها


دنيا تبكي وهي راقدة بالسرير


امها جات جنبها وحضنتها _ يابنتي كافي اللي فينا هذا قدر الله


ابو دنيا _ حبيبتي انتي لازم تكوني قوية عشان هيام تقوى بيكي وتتحمل الخبر


عمار _ حبيبتي انتي بخير حاسة بشي


دنيا _ ليش صار فينا كذا


عمار _ حبيبتي مايصير تقولي كذا حرام


ابو دنيا _ ايه حبيبتي لاتقولي كذا اذكري الله


وخرج ابو دنيا وم دنيا وسابو عمار مع دنيا


عمار _ دنيتي كافي


دنيا تبكي بحضنه _ عمار لاتخليني


عمار _ حبيبتي كيف اخليكي انا مقدر اعيش بدونك حياتي معاك


دنيا _ هيام قطعت قلبي ماني قادرة اشوف نصي الثاني وهي متعذبة وتعبانة واللي يقهر مافي بيدي شي اسويلها


عمار _ في يدك انك تساعديها تتخطى هالموقف وتكمل حياتها وتدعيلها بالصبر حبيبتي


دنيا _ تدري ياعمار لو منت موجود في حياتي في هالفترة ماادري ايش كنت حاسوي


عمار _ انا جنبك وراح ابقى جنبك طول العمر انتي دنيتي


&&&&&&&&&&&&&&&&&&&&&&&&&&&&&&


بعد ماخلصت فرح الاشعة


فيصل _ ومتى النتيجة الدكتور


الدكتور _ بعد 3 ايام ان شالله


فيصل _ ان شالله


فيصل وفرح وهما خارجين من المستشفى


فرح _ فيصل انا خايفة يكون عندي مرض خطير


فيصل _ بسم الله عليكي ياروح قلبي لاتقولي كذا


فرح _ بس اللي احس فيه يبين انه عندي شي خطير


فيصل _ حبيبتي لاتستبقي الاحداث ولاتفاولي عن نفسك لله يخليكي انا وفهودي مانقدر نستغنى عنك


فرح _ الله يجيب اللي فيه الخير


&&&&&&&&&&&&&&&&&&&&&&&&&&&&&


جاسر وخالد وصلو لخمارة


خالد _ انت ليش جايبني هنا


جاسر _ صدقني هنا راح ترتاح


خالد _ ايش ارتاح هذا حرام


جاسر _ انت بس جرب


وفعلا اخذ خالد كاس والكاس جرت وراها كؤوس


خالد وهو سكران _ تصدق حتى ماقلتلها احبك


جاسر وهو بعد سكران _ ههههههه وليش ماقلتلها


خالد _ عشان كان دايما يقاطعونا


خالد وهو يضحك _ وفي اليوم اللي قررت اقولها وجبتلها هدية


وسكت شوي ونزلت الدموع من عيونه


خالد _ راحت وسابتني وهي زعلانة مني بعد انا السبب لو اخدتها معي ماكانت خرجت


وصار يشرب اكثر ويقول _ انا السبب انا السبب


جاسر_ خلود خذ هاذي الحبة وماتصير انت السبب


خالد _ ياشيخ بالله ماااصير السبب


جاسر _ ايه جربها ماراح تصير السبب


واخذها فعلا وهو مايدري ايش هاذي الحبة


&&&&&&&&&&&&&&&&&&&&&&&&&&&&&&&


بعد مرور يومين


هيام عايشة في المستشفى على المهدأت والمنوم


في بيت ابو عبد العزيز


رهف قاعدة معهم وفي نفس حالتها


دنيا _ دوبي كنت عند هيام والله مرررة حزنتني كل مااروحلها احس قلبي بيوقف


ام دنيا _ والله حالتها صعبة الله يصبرها يارب


وجدان _ ياعمتي للأن مازارها ابوها


ام دنيا _ والله يابنتي لا اصلا هذا ابوها ماعنده قلب


روان _ والله حرام الحين فقدت حنان امها اللي كانت تعوضها عن ابوها


دنيا _ رهف حياتي تكلمي مو معقول كل هالفترة ماتتكلمي


رهف تطالع في الارض ووجهها شاحب وتحت عيونها اصفر ونحفت مررة في الاسبوين وحالتها بالبلا


دنيا مسكت رهف من كتفهها وصارت تهزها وبصوت عالي _ رهف اتكلمي اهرجي قولي اللي جواكي لاتسكتي كذا راح تموتي من التفكير رهف اتكلمي اتكلمي


رهف تطالع في دنيا وهي ذبلانة وساكتة وبنفس تعبير الوجه اللي مايوحي بشي


دنيا _ رهف تكلمي عمتي سعاد وشهد ماتو وهيام انشلت وهي بالمستشفى فوقي وشوف ييش صار للي حواليك


ام دنيا _ خلاص يابنتي سيبيها


دنيا _ لا مابسيبها لو سبتها حتموت بهمها خرجي اللي جواكي زينا شوفينا على الاقل فينا عقل الحين ونتحمل مو زيك ولا كانك معانا


واعطت دنيا رهف كف عشان يفوقها


رهف حست ان هذا الكف حسسها باللي صارلهم وصارت تبكي بحرقة وصوت _ شهد ماتت شفتها بعيني ميتة دنيا شهد ماتت ماتت


دنيا حضنتها _ ايوا حبيبتي ابكي صرخي خرجي اللي جواكي لا تسكتي حبيبتي شهد ماتت بس لو كانت موجودة كانت حتزعل على حالك وانتي كذا شهد تحبك وماتبغاكي توقفي حياتك


رهف _ دنيا راحت رفيقة دربي وصديقة عمري كنا نحط احلامنا مع بعض ونخطط لمستقبلنا وننام مع بعض كل شي نسويه بعض لكن الحين راحت وسابتني


وكانت تتكلم بصوت مبحوح وعيونها ماوقفت دموع


وكل اللي قاعد تأثر من كلام رهف


رهف _ دنيا راحت اللي تفهمني من نظرة راحت اللي كانت تواسيني راحت مخبأ اسراري وسعادتي راحت راحت


وبدت تتكلم وهي تصارخ


رهف _ شهد لاااا شهد ماني مصدقة شفتها بعيوني وماقدرت اسويلها شي


دنيا _ حبيبتي الحين ادعي لها بالرحمة تقدري تدعيلها وتتصدقي عنها وتكملي اللي هيا كانت تبغى تسويه رهف حياتي شهد كانت مرررة تحبك ماراح ترضى تشوفك منهزمة كذا


&&&&&&&&&&&&&&&&&&&&&&&&&&&&&&&&&&


في الليل


راحت دنيا لبيتها


ورجع خالد البيت ومحد شافه رجع سكران وحالته ماتسر وراح على غرفة شهد ورهف ودخل الغرفة وانفجعت رهف منه لكن هو راح على طول على سرير شهد ونام


نادت رهف امها وابوها


ابو عبد العزيز _ خلاص حبيبتي خليه ينام هنا لاتصحونه


ام عبد العزيز _ ياويلي على ولدي والله يقطع القلب


وبعد فترة سمع بيت ابو عبد العزيز صرخة هزت كل البيت


&&&&&&&&&&&&&&&&&&&&&&&&&&&&&


فرح في هاذي اليومين ماكانت قادرة توقف كانت طول الوقت بس تنام وتصحى حتى فهد امها صارت تهتم فيه


فرح بصوت تعبان _ فيصل بكرة النتيجة صح


فيصل _ ايوا حياتي انتي الحين نامي وبكرة انا اروح واجيبلك النتيجة


فرح _ لا فيصل انا ابغى اروح معاك لازم اعرف على طو ل


فيصل _ طيب حبيبتي نامي انتي الحين وبكرة نروح نجيبها


&&&&&&&&&&&&&&&&&&&&&&&&&&&&&&


غرام _ بسام جد انا مرة زعلانة منك


بسام _ خلاص حبيبتي والله انشغلت بالدراسة معك حق استاهل كل اللي تسويه فيني بس لاتزعلي مني


غرام _ الحين ياللي ماتستحي كل يوم تكلم اسيل وانا تكلمني بالاسبوع مرتين بس ولا عشان هيا خطيبتك يعني


بسام _ غرومتي والله اسف بس حتى انتي ماتدقي علي كثير


غرام _ تصدق حنا مقصرين مع بعض


بسام _ خلاص حبيبتي كلها كم يوم وراجع وسوي فيني اللي تبغيه


غرام _ وحشتني وحشتني موووت عدت علي هالسنة مدري كيف الله بس ساعدني وارسلي ناس يساعدوني


بسام _ مين الناس


غرام _ هاا مين حيكون غير اسيل وصحباتي اللي واسوني شوي من امي ولله بسام قلبي متقطع على هيام ودنيا حالتهم ابد ماتسر


بسام _ ايه قالتلي اسيل بس حبيبتي هذا قدر من الله وش نسوي


غرام _ الله يرحمهم ويصبر هيام يارب


بسام _ امين


&&&&&&&&&&&&&&&&&&&&&&&&&&&&&&


ام عبد العزيز _ بسم الله ياعبد الله الحق هذا صوت خالد


وراحو كلهم لخالد لقيو صحي وهو يصرخ


خالد _ يمى شهد تقولي انها زعلانة مني والله قالتلي كذا يمى شهد زعلانة مني ماتدري ان رحت اجيبلها هدية يبى يبى انا بتزوج شهد يبى اخطبلي هيا


احمد _ يكفي خالد شهد ماتت


خالد _ لا احمد انت ماتدري دوبها كلمتني وقالتلي انها زعلانة مني


سكت خالد وبعدين قال _ ااااه راسي يمى راسي بينفجر عندي صداااع


ام عبد العزيز _ رهف حبيبتي روحي بسرعة جيبي بندول لاخوكي


&&&&&&&&&&&&&&&&&&&&&&&&&&&&&&&&


دنيا _ تصدق عمار كل شي صار بلمح البصر بالله عمتي وشهد كانو قدامي وخرجو قدامي وفي لحظة دخلو بسيارة تانية واتقلبت السيارة وماتو


عمار _ ياحياتي هذا حال الدنيا وهذا يومهم وانتهى عمرهم في ذاك الوقت حتى لوماماتو بالحادث كانو حيموتو بطريقة تانية هذا قدر ربي حبيبتي


دنيا _ استغر الله العظيم يارب ارحمهم واغفرلهم وادخلهم الجنة وصبرنا على بعدهم وصبر هيام وابعث في قلبها السكينة


عمار _ امين يارب دنيتي انتي اليوم كله مااكلتي


دنيا _ والله حبيبي مين له نفس ياكل


عمار فتح عيونه وطار من الفرح دنيا قالتله حبيبي _ دنيتي بس عشاني خلينا ناكل ترا حتى انا طول اليوم مااكلت


دنيا _ طيب مع اني مالي نفس


عمار _ خلاص انا بفتحلك نفسك


دنيا _ ايش ارح تسوي


عمار _ بقطعلك سلطة ايش رايك


دنيا ضحكت شوي _ حركات عمور تعرف


عمار _ ايوا بس لاتدققي اذا اكلتيها


دنيا _ هههههه طيب


&&&&&&&&&&&&&&&&&&&&&&&&&&&&&&&&&


خالد رجع نام وكل اللي في البيت راحو ينامو


&&&&&&&&&&&&&&&&&&&&&&&&&&&&&&&&&


في اليوم التاني ​

فرح _ خلاص حنو لمن ارجع بطمنك

حنان _ بالله حبيبتي اول ماترجعي طيب ان شالله مافيكي الا العافية يارب
فرح _ امين يلا حبيبتي مع السلامة
حنان _ في حفظ الرحمن
فيصل _ حبيبتي خلاص شكلك تعبانة خليني انا بس اروح وارجعلك
فرح _ لا حبيبي عشاني دخيلك بروح
فيصل _ طيب فروحتي يلا
وصلو فرح وفيصل للمستشفى
فيصل _ لو سمحتي ظهرت نتيجة التحاليل حقت فرح جاسم ال ......
الممرضة _ ايوا وهي عند الدكتور تفضلو عنده وتعرفو النتيجة
فيصل _ طيب
فرح _ غريبة عند الدكتور مو دايما من هنا نستلمها
فيصل _ مدري
دخلو للدكتور
فيصل _ السلام عليكم
الدكتور _ وعليكم السلام
فيصل _ لو سمحت نبغى نستلم نتيجة التحاليل حقت فرح جاسم قالتلنا الممرضة عند الدكتور
الدكتور _ ايوا عندي بغيت اسالك من متى وانتي تحسي باعراض الدوخة والصداع والثقل
فرح _ والله من قبل سنة وانا كنت احس بصداع بس كنت ابلع بندول وصار يزيد علي صرت ابلع مسكنات قوية زي البروفين وفي هاذي السنة صرت ادوخ كثير بس حسبته من الحمل واحيان مااقدر اشيل جسمي واحس بثقل براسي
الدكتور _ وساكتة طول هالسنة على هاذي الاعراض
فرح _ جيت وانا حامل وقالولي اشعة بس خفت تأثر على الحمل وقبل كذا كنت احسبها اعراض عادية تعب عادي من السهر او الارهاق
&&&&&&&&&&&&&&&&&&&&&&&&&&&&&&&
دنيا _ عمار امي قالتيلي اليوم هيام بيخرجوها ابغى اروحلها المستشفى عشان اكون جنبها
عمار _ من عيوني يادنيتي من غير ماتقولي يلا البسي
دنيا _ تسلم عمار
عمار _ الله يسلمك بس على ايه حنا متزوجين مابينا هالشكليات
دنيا ابتسمت وراح تلبس
&&&&&&&&&&&&&&&&&&&&&&&&&&&&&&&&&
بندر _ غرامي باقي يومين واكون عندك
غرام _ والله ماني مصدقة وحشتني مرررة ابغى اشوفك
بندر _ انشالله اول ماارجع بخطبك
غرام _ انشالله يارب توصل بالسلامة
بندر _ الله يسلمك تدري حتى خويي بسام بيرجع معي
غرام _ بالله حلو والله
بندر _ اما بسام هذا صار اكثر من اخوي
غرام _ شكله اخلاق
بندر _ ايه والله
وغرام ماجا على بالها ان بسام اللي يهرج عنه بندر هو بسام اخوها
&&&&&&&&&&&&&&&&&&&&&&&&&&&&&&&&&&
فيصل _ يادكتور طمنا ايش طلعت النتيجة
الدكتور _ والله يااستاذ فيصل النتيجة ابد ماتطمن
فيصل _ ايش قصدك يادكتور اتكلم
الدكتور _ والله يااستاذ مدام فرح الخلايا السرطانية منتشرة بكثرة في دماغها والخلايا بتسيطر على مراكز المخ عشان كذا هي مهي قادرة تتحكم بجسمها
فرح فتحت عينها وحست ان عقلها وقف عن التفكير
فيصل _ يادكتور انت متأكد ان هذه نتيجة فرح يمكن ملخبطين ولا شي
الدكتور _ للأسف نتيجتها متاكد من كذا وللاسف الاكبر انها كشفت في المراحل الاخيرة يعني صعب نقاوم هاذي الخلايا
فيصل _ دكتور يعني بتقطع الامل قدامنا
الدكتور _ لا احنا دحين حنبتدي معها برحلة علاج ونعرف كيف نقدر نقاوم الخلايا السرطانية
فيصل _ يادكتور حنا مستعدين لاي علاج بس اهم شي فرح ترجع وتصير طيبة
الدكتور _ ان شالله
&&&&&&&&&&&&&&&&&&&&&&&&&&&&&&&&
حنان _ ياربي اشبها فرح ماترد
وسن _ ازعجتيها يمكن لساعها عند الدكتور
حنان _ والله خايفة عليها حاسة صوتها مايطمن
وسن _ فاولي خير ياشيخة
حنان _ يارب خير
&&&&&&&&&&&&&&&&&&&&&&&&&&&&&&&&&
دنيا _ ها يمى كيفها هيام اليوم
ام دنيا _ والله حبيبتي ياانها نايمة يانها صاحية وتبكي وتصارخ تبغى بامها واختها
دنيا _ طيب ولمتى حتبقى على ذا الحال
ام دنيا _ الدكتور حولها على دكتور نفسي
عمار ودنيا _ دكتور نفسي​

ام دنيا _ ايه والله لان حالتها ماتنفع كذا ماراح تقدر تعيش

 

دنيا _ يارب يشفيها طيب يمى دحين يمدينا ندخلها
ام دنيا _ ايوا ادخلي وجهزيها عشان تخرج
بعد مادخلت دنيا لحالها ماكان فيه احد غيرها هي وهيام
دنيا _ حبيبتي هيومتي كيفك الحين
هيام دوبها صحيت وعيونها دمعت على طول وقامت قعدت وحضنت دنيا
هيام _ دنيا في يوم واحد خسرت كل شي ليتني مت ولا شفت هاليوم
دنيا _ حبيبتي لاتقولي كذا هذا قدر ونصيب من الله
هيام _ دنيا انا ماصرت امشي حياتي خلاص تحطمت يادنيا
وكانت هيام تبكي بحرقة وصوتها مبحوح بالقوة يخرج من كثرة الصراخ
دنيا _ يلا حبيبتي البسي عشان نخرج من هنا
هيام _ ااااه يايمى وينك تشوفيني كيف انا ضعيفة الحين
دنيا _ خلص حبيبتي ارحمي نفسك شوي
ولبست دنيا هيام ملابسها وجات الممرضة عشان يحطوها على الكرسي المتحرك
وهيام كانت بس تبكي صعبانة عليها نفسهها
وخرجت هيام ودنيا تدف الكرسي المتحرك وكان برا مستنيهم ابوعمار وام عمار وعمار وابو دنيا وامها وروان ورهف
الكل باقوال مختلفة _ حمدالله على السلامة
هيام _ الله يسلمكم
روان _ خلاص يكفي دموع
هيام _ وليش ابطل دموع انا لو بكيت طول عمري مايكفي الحزن اللي جواي
ام دنيا _ خلاص حبيبتي اذكري الله
&&&&&&&&&&&&&&&&&&&&&&&&&&&&&&&&
فرح _ فيصل انا كنت حاسة اني عندي مرض خطير
فيصل _ لا حبيبتي راح تتعالجي وترجعي احسن من اول
فرح _فيصل خلاص انا حاسة بقرب اجلي خلاص
فيصل مسك فرح _ لا يافرحتي لاتقولي كذا راح ادفع عمري عشان تتعالجي
فرح _ فيصل انا ماابغى علاج كيماوي عشان يطيح شعري وشكلي يتغير خلي صورتي حلوة لكم قبل مااموت
فيصل بصوت عالي _ فرح لاتقولي كذا دخيلك انا مااعيش من غيرك لاتقولي كذا
&&&&&&&&&&&&&&&&&&&&&&&&&&&&&&&&&
حنان _ ياربي اشبها ماترد انا بتجنننننن
حنان _ وااه اخيرا ردت الووو فروحتي قلقتيني عليكي
فرح _ حنان تعالي على بيت اهلي انا رايحتلهم
حنان _ طيب الحين بروح بس قوليلي ايش صار على التحاليل
فرح _ انتي تعالي هناك وانا اقولك
&&&&&&&&&&&&&&&&&&&&&&&&&&&&&&&
في بيت ابو عبد العزيز
ام دنيا _ هلا حبيبتي ببيتك ووسط ناسك
هيام تطالع في البيت وتتذكر الاماكن الللي قعدت فيها مع امها واختها وتبكي اكثر
خالد نزل من فوق وشاف هيام جري عليها وقعد عند رجولها
خالد بلهفة وحزن _ هيام وين شهد اذا شهد ماتت ليش هيام عايشة وين شهد ياهيام قوليلي وينها
جا ابوه واخذه عشان لايجرح هيام بالكلام
خالد _ يبى ايش فيك دامها هي عايشة اكيد شهد حتكون عايشة وينها
هيام تبكي وتصارخ _ معاه حق المفروض انا اموت معهم مااااااااااااااامااا
دنيا _ لا هيام لاتقولي كذا حرام ياهيام حرام ربي يعاقبك على ذا الشي
&&&&&&&&&&&&&&&&&&&&&&&&&&&&&&
في بيت اهل فرح
حنان _ خالتي وينها فرح
ام فرح _ شوفيها جوا
حنان _ ماقالتلكم شي
ام فرح _ لا والله سألناها تقول لمن تجي حنان
حنان _ يلا ياخالة طيب
فرح _ كيفك حنان
حالة فرح كانت ماتسر تحت عيونها اسود وشكلها اصفر وشاحب وصوتها يطلع بالعافية
حنان _ انا بخير حبيبتي المهم انتي
ام فرح _ ايه حبيبتي طمنينا وش طلع معاكي في التحالييل
فرح _ انا عندي سرطان بالدماغ
ام فرح _ يمى ايش تقولي
حنان _ فروحة ايش السالفة من جدك تهرجي
هنادي _فرح لاتمزحي هاذي المواضيع مافيها مزح
فرح _ والله ماامزح كنت عند الدكتور وقالي المفروض تكشفي من بداية الاعراض وقالي الخلايا السرطانية منتشرة بدماغي
ام فرح دموعها نزلت _ياربي بنتي الصغيرة يصير فيها كذا الله يشفيك
هنادي _ لاحول ولا قوة الا بالله حبيبتي لاتخافي انتي حتتعالجي
حنان _ ايوا ياقلبي انتي لازم تتعالجي وكلنا حنوقف جنبك
فرح حضنت ولدها وسكتت
&&&&&&&&&&&&&&&&&&&&&&&&&&&&&&&&
خالد وهو قاعد على البحر
جاسر _ اووه انت صرت يوميا تجي هنا
خالد ساكت وما رد عليه
جاسر _ خلود وش رايك تجي معاي
خالد طالعله وقام وقال _ وش راح استفيد ياجاسر من ذاك المكان
جاسر _ راح تنسى وتنبسط شوية وماراح يضرك بشي يلا تعال معي ياشيخ انا صحبك وابغى اساعدك
خالد راح معاه من سكات
&&&&&&&&&&&&&&&&&&&&&&&&&&&&&&&
ام عبد العزيز _ ها دنيا نامت
دنيا _ ايوا الحمد لله نامت
دنيا راحت وقعدت جنب وعمار
دنيا _ عمار ينفع اقعد هنا اليوم عشان هيام
عمار _ طيب حبيبتي ولا يهمك
دنيا _ الله يخليك لي يارب
عمار _ ويخليكي ليا يادنيتي
&&&&&&&&&&&&&&&&&&&&&&&&&&&&&&
فرح صارت طول الوقت شايلة ولدها فهد وحاضنته وساكتة
وفيصل راح يلف بالسيارة وحاسس بالعجز والضعف على حالة فرح ودموععه مرافقته
ام فرح قعدت على سجادتها تدعي لبنتها بالشفا
حنان حالتها كانت بالهم بس تبكي
وهنادي ماكانت متخيلة الموضوع منصدمة وقاعدة جنب اختها
&&&&&&&&&&&&&&&&&&&&&&
في اليوم اللي بعده
فيصل _ صباح لخير
فرح _ صباح النور حبيبي بس ترا دارية انك مانمت
فيصل _ تدري حبيبتي انا احبك قد ايش انا احبك بصورة ماتتخيليها معك احس بالراحة والسعادة ولو غبتي عن ناظري احس بالضياع فروحي انا مااقدر اعيش بدونك لمن عرفت هالخبر حسيت ان الدنيا قفلت في وجهي والحياة انتهت وان مافي سبب لوجودي في الحياة اذا انتي صارلك شي
فرح _ حبيبي لاتوقف حياتك عشاني بعدين نسيت فهودي مين حيربيه بعدي غيرك
فيصل نزلت دموعه _ فرح الله يخليك لاتتكلمي بصيغة انك حتروحي فروحتي انتي حتتعالجي فرح انتي فرحتي بالحياة اذا رحتي مافي فرح بالحياة بعدك
فرح _ الله يعين يارب
داخت فرح
فيصل _ فررررح فررح
وحاول يفوقها وفاقت
فيصل _ ها حبيبتي كيفك دحين
فرح _ الحمدلله
&&&&&&&&&&&&&&&&&&&&&&&&&&&&&&&&
دنيا _ يمى اصحي هيام ولااسيبها
ام دنيا _ والله مدري طيب انتي ادخلي تطمني عليها يمكن صحيت وقاعدة على السرير
دنيا _ طيب
دخلت دنيا الغرفة ولقت فعلا هيام صاحية بس راقدة على السرير ماقامت وتبكي
دنيا _ هيومتي اشبك ليش مانادتيني
هيام _ دنيا حتى اذا صحيت مااقدر اقوم صرت ضعيفة ومالي هدف في الحياة صرت عالة عليكم
دنيا _ والله لو سمعت هالكلام منك مرة تانية راح ازعل منك ياهيومتي انتي اختي واكثر بعد ياهبلة ماتعرفي يلا عشان انا اليوم للي طبخت الغدا وانتي لازم تذوقيه اول وحدة عشان لو تسمم احد يكون انتي اول شي
هيام ابتسمت وطالعت في دنيا ومسحت دموعها
دنيا _ عاد الحين انا صرت مدام لازم اعرف اطبخ وانفخ راحت ايام بيومي الله يذكره بالخير
هيام ضحكت ضحكة خفيفة _ باين انها راحت
دنيا _ طبعا صرت حرم عمار ال .....
هيام _ اشوفك صرتي تفتخري
دنيا _ صارت تتطوارات اقولك عليها بعدين يلا دحين ننزل ناكل عشان انا بطني بتصوصو
دخلت رهف وشافتهم مبتسمين ويضحكو ارتاحت شوي
رهف _ لاتكوني يادندون حامل
دنيا _ هههههههههههههههههههههههه ابصملك بالعشرة لا
هيام تضحك لكن بعيونها حزن ودموع _ لسة بالكنبة
دنيا _ اسكتي بس لاتفضحيني قدام رهيف
ولبست دنيا هيام ونزلوها تحت
وكانت العيلة متجمعة عندهم عشان هيام
ام عمار _ ماشالله على الزين يارب يخلي هالابتسامة
ام عبد العزيز _ امين يارب
دنيا _ طبعا مو قعدت مع بيومي لازم تضحك
روان _ اوووه تذكرون ايام بيومي
رهف _ ايه حركات كانت هبلة وتتريق على فرح وشوفيها الحين مدام
روان _ يبغالنا ناخذ حق فرح ونتريق عليها
دنيا _ على سالفة فرح ترا هيومتي البنات بيجونا اليوم دقت علي غرام وحنان وقالو حيجو واسيل وفرح بيجون بعد
رهف _ وناسة
دنيا _ وانتي وش مدخلك صحباتنا ولا صحباتك انقلعي
هيام كانت بس تبتسم وكانت دنيا وره وروان يحاولو يمزحو عشان يغيرو جو المكان
&&&&&&&&&&&&&&&&&&&&&&&&&&&&&&
فيصل _ مو لازم حبيبتي تروحي
فرح _ حبيبي انا قلتلك على حلة هيام لازم اوقف جنبها وخلينا نروح نخفف عنها
فيصل _ طيب حبيبتي
&&&&&&&&&&&&&&&&&&&&&&&&&&&&&&
في بيت ابو عبد العزيز
دنيا _ الووو
عمار _ ياهلا وغلا بدنيتي
دنيا _ هلا فيك كيفك اتصلت اطمن عليك امس نمت لحالك
عمار _ اوحش يوم بحياتي بس عشان هيام يهون بس تمام ماتشيلي همي
دنيا _ طيب حبيبي بغيتك تجيبلي كم غرض من البيت
عمار _ على عيني آمري
وقالتله على الاشياء وبعدها
عمار _ ماني مصدق صارت تقولي حبيبي يارب يخليها لي تجننن
&&&&&&&&&&&&&&&&&&&&&&&&&&&&&&&
غرام _ هيومتي حبيبتي وحشتيني كيفك
هيام _ الحمدلله حبيبتي وانتي بعد
وكل البنات سلمو على هيام وحضنوها
حنان _ والله يابنات من زمان على لمتنا
دنيا _ ايه والله وحشتوني بعدين الحين انا وفروحة محد قدنا مدامات
اسيل _ احم احم وانا لاحقتكم ان شالله بسام بعد بكرة راجع
دنيا _ كذابة بالله
غرام _ ايوا حتى بندر راجع
دنيا _ ياحركات على كذا المدامات بيكثرو في الشلة
فرح _ يوصول بالسلامة ان شالله
اسيل _ الله يسلمك
غرام _ فروحة اشبك شكلك تعبانة
دنيا _ تلاقي هالكلبوز مطلع عيونها
اسيل _ ليه ماجبتيه معاكي
فرح _ يووه لو اخذته عز الله انبسطت
حنان _ ههههه ووين حطتيه
فرح _ مع امي
دنيا _ والله ياخوفي يحسبها امه وانتي اخته
فرح _ يجرب بس
هيام كانت طول الوقت تطالعلهم وتبتسم وقليل انها تقول كلمة
&&&&&&&&&&&&&&&&&&&&&&&&&&&&
في نفس الوقت عند الرجال
ابو هيام _ السلام عليكم
والكل من غير نفس _ وعليكم السلام
احمد _ خير في شي
ابو هيام _ انا ماني جاي اتكلم مع بزران
احمد _ انا بزر يا سكرجي يامنتف
ابو عبد العزيز _ خلاص يااحمد
ابو عمار _ خلصنا وقول ليش جاي
ابو هيام _ والله انا مو جاي اشحت منكم انا جاي اخذ بنتي
ابو عبد العزيز _ أي بنت لا والله ماتاخذها مجنون انا اعطيك هيا وانت اصلا من زمان راميها
ابو هيام _ كنت راميها مع امها بس الحين ماينفع اخليها في بيت كله رجال
عبد العزيز _ مررة على النخوة اللي طلعت فجاة
ابو هيام _ تراني ماني فايق اهرج معكم اعطوني بنتي وخلاص
ابو عمار _ اقول ماعندك بنت عندنا لو انك من زمان مهتم فيها كان ممكن لكنك كنت ولاتبغاهم
ابو هيام _ يعني هذا اخر كلام عندكم
عمار _ خوفتنا والله
ابو عبد العزيز _ ايه اخر كلام في شي
ابو هيام _ تراها بنتي وغصب عنكم باخذها كنت بعاملكم بالحسنى بس انتو مايثمر معكم يالكلاب
احمد _ حنا كلاب اللي ماتستحي على وجهك زين دخلناك بيتنا كان المفروض من البوابة تنطرد زي الشحاتين
وقام احمد يبغى يضربه لكن ابوه مسكه
عمار _ والله انك منت رجال الحين جاي تطلب بنتك وانت راميها في المستشفى
عبد العزيز _ يالخسيس حتى العزا ماتكرمت الا اخر يوم ولا كان العزا يخصك
ابو عبد العزيز _ اقول انقلع من بيتي واعلى مافي خيلك اركبه
خرج ابو هيام وهو معصب
&&&&&&&&&&&&&&&&&&&&&&&&&&&&&
فرح تكلم حنان في اذنها _ حنو انا تعبت ابغى اروح حاسة نفسي حاطيح
حنان _ طيب حبيبتي يلا نسلم على هيام والبنات ونروح
هيام _ اقعدو
فرح _ معليش حبيبتي بس قلقت على فهد لازم اروحله
دنيا _ طيب حنو انتي ليش بتروحي ولا عندك نونو من ورانا
حنان _ ههههههههه لا بس خلاص اصلا الوقت تاخر
وراحو البنات وحدة ورا التانية
&&&&&&&&&&&&&&&&&&&&&&&&&&&&&&
دنيا _ يبى متى موعد هيام مع الدكتور النفسي
ابو عبد العزيز _ بعد يومين
دنيا _ لان حالتها النفسية مدمرة
ابو عبد العزيز _ الله يخفف عنها يابنتي روحي انتي اليوم مع زوجك خلاص امك ورهف حولها وتعالي بكرة
دنيا _ طيب بس اروح اطمن على هيام
&&&&&&&&&&&&&&&&&&&&&&&&&&&&&&&
عمار _ حبيبتي اذا تبغي تقعدي اليوم عادي
دنيا _ لا خلاص اليوم هيام احسن بعدين انا الحين راعية مسؤولية وبيت لازم اهتم بمسؤولياتي
عمار ابتسم _ يلا طيب ياست البيت
دنيا _ ترا لاتتريق شفت الغدا اليوم ترا انا اللي سويته
عمار _ حبيبتي مو لازم تكذبي علي
دنيا _ والله مااكذب انا اللي سويته ترا اعرف اطبخ بس ماحب
عمار _ بالله انا على بلي عمتي سوته بس الصراحة فيه طعم حلو يجنن زيك
دنيا_ احم احم طبعا مو بيومي سوته
عمار _ ترا مااحب بيومي هذا لاتقولي عن نفسك كذا
دنيا _ هههههههههه اول مرة احد يكره بيومي الا دايما ينادوني بيه
عمار _ هههههههه
في السيارة
دنيا _ تصدق كمان ليش ماقعدت بالبيت عشان احس بالبيت كلهم ودهم احد يخفف عنهم وانا كنت شايلة هالمهمة وصرت امزح واضحك معهم وانا ودي احد يخفف عني
عمار _ ياعمري متحملة هم غيرك بعد
دنيا _ وش اسوي صرت ابغى اطلع اللي جواي قلت مالي غيرك انكد عليه
عمار _ ياستي نكدي علي قد ماتبغي فداكي
في بيتهم
دنيا _ بالله وله عين يجي ياخد هيام بعد
عمار _ والله مايستحي وجا يسب فينا تخيلي والله احمد بغى يسدحه ضرب بس عمي ماخلاه
دنيا _ وجععع الله ياخده ليته خلاه
&&&&&&&&&&&&&&&&&&&&&&&&&&&&&&&&&
فيصل _ ها حبيبتي شكلك تعبتي اليوم
فرح _ لا والله بس ماادري صرت اذا قعدت كثير احس اني بطيح
فيصل _ شوفي حنا بكرة نروح للدكتورة ونشوف كيف يبتدي علاج صح
فرح _ بس فيصل انا ماراح اسوي الكيماوي لو ايه
فيصل _ يصير خير بس لو هو علاجك الوحيد بتسوي يعني بتسويه عشان خاطري وخاطر فهودي
&&&&&&&&&&&&&&&&&&&&&&&&&&&&&&&&&
ريم وراكان متقابلين في حوش بيت ريم
راكان _ طيب خلينا ندخل جوة
ريم _ ايش ندخل جوة امي وابويا نايمين جوة مانقدر
راكان _ طيب انتي ليش ماتجي عندي بالبيت انا دايم اهلي مو بالبيت
ريم _ طيب حبيبي خليها مرة تانية
راكان _ وش رايك ناخد لفة بالسيارة ونرجع بسرعة بس خمس دقايق
ريم _ اامممم
راكان _ بدل مو احنا قاعدين هنا نتكلم زي الحرامية
ريم _طيب بس خمس دقايق
راكان _ ايوا بس خمس دقايق
وراحت معه السيارة وبعد راكان عن الحي
ريم _ ركوني خلاص هيا نرجع تراك مررة بعدت
راكان _ حبيبتي ايش رايك نقعد كذا في مكان
ريم _ وين
راكان _ هنا في شقة حقت صاحبي بس دايما نروح فيها تلاقيها فاضية الحين معي المفتاح ايش رايك
ريم _ لالالا راكان حبيبي مايصير اروح هناك بعدين شقة صاحبك ولاهي شقتك لا حبيبي ابد ماينفع الله يخليك عشاني بلاش
راكان في نفسه _ ياربي من هالبنت متى راح اطيحها
راكان _ خلاص طيب براحتك
ريم _ حبيبي طيب متى بتخطبني ونرتاح من هالمقابلات السرية
راكان _ ها عن قريب عن قريب
ريم _ ان شالله مستنية هاليوم بفارغ الصبر والله احلم فيه من الحين
راكان _ ياعمري وانا بعد بس الظروف
&&&&&&&&&&&&&&&&&&&&&&&&&&&&
وبكذا هالبارت خلص
ايش راح يصير لفرح وفيصل وهل راح تتعالج
هيام ابوها راح ياخذها ولا وحتروح للدكتور النفسي
دنيا وعمار اتقربو لبعض ايش راح يصير بذات انه منال لسة سايبتهم
وراكان حيطيح ريم ولا بعد وبسام وبندر راجعين​

 

البارت الخامس عشر
في بيت فرح
فيصل_ فروحه حبيبيتي حرام عليك اللي تسويه في نفسك وفي فهودي
فرح _ فيصل الله يخليك قلت لك وديه عند امي ماابغى اشوفه
فيصل _ فرح يافرح هذا ولدك مايصير كذا والله انتي كذا تعذبي نفسك وتعذبيني وتعذبيه
فرح _ صارت تبكي فيصل الله يخليك وديه انا ماابغى اتعلق فيه وهو يتعلق فيا وكلها كم يوم واسيبه وصارت تشهق من البكى
فيصل _ نزلت دموعه فرح لاتقولي كذا انتي راح تعيشي انا وفهودي مانستغنى عنك
فرح _ فيصل انا ماابغى اعذبكم معايا وديه الله يخليك انا مو ناقصة يافيصل
فيصل _ يافرح هذا ولدك
فرح _ ادري انه ولدي والله ادري انت تحسب انه هاين علي بس انا ماابغاه يتعلق فيني وبعدين وبعدين قامت تبكي بصوت عالي جدا ووووبعدين يتربى عند مرت ابو
فيصل حط يدوا على فم فرح _ اشششششششششششش لاتقولي هالكلام محد بيربي فهودي غيرك يافرح فاهمه انتي راح تعيشي راااااااااااح تعيشي
&&&&&&&&&&&&&&&&&&&&&&&
في بيت اسيل
ام اسيل_ يابنتي اهجدي
اسيل _ وااااااااااااي ياماما بسام بكرة جاي مو مصدقة وجالسة تنط على الكنبة
ام اسيل _ ههههههههههه خلاص والله ماصارت اكثر من عشرين مره قايله هالكلام
اسيل _ ماما فرحانه اذا مااعبر عن فرحي عندك اقول لمين هاااااااااا
في دخلت ابو اسيل البيت
ابو اسيل _ قولي لابوكي ياروح ابوكي انتي
اسيل _ مرحبا بابا نور البيت تعال تعال افرح معانا
ابو اسيل _ خير خير
اسيل _ بابا بسام بكره جاااااااااااااي
ابو اسيل _ ماشاء الله صدق
اسيل _ ايه صدق صدق وطلعت الدرج وهيا تغني ومبسوطة مره
ام اسيل_ يازينها اسيل اول مرة اشوفها فرحانه هالكثر
ابو اسيل _ ايه والله الله يديمها عليها
&&&&&&&&&&&&&&&&&&
في بيت اهل دنيا
كانت حاله خالد ماتسر لاعدو ولاصديق كان كل يوم يسهر للفجر مع اصحابه ويسكر ويشرب مخدرات على باله انه راح ينسى شهد يعني بالصريح ضاع مع شلة فاسده جدااااا
رهف بدت تتخطى مرحلة الحزن شوية لكن هذا لايخلوا من انها كل شوية تتذكر شهد رفيقت عمرها
هيام _ كانت حزينة على فراق اعز الناس على قلبها لكن رضت بالامر الواقع وسلمت امرها لربها ويمكن مخفف عليها وجود دنيا بجنبها ومعاملة خالها ومرت خالها والعيال كلهم لها
&&&&&&&&&&&&&&&&&
في بيت دنيا
في الصالة الساعة 2 الظهر
دنيا كانت جالسة وتكلم غرام بالتلفون
دنيا _ هههههههههههههه ايوا وايش سوى كمان
غرام _ جلست تحكيها عنها هيا وبندر ومواقفهم
دنيا _ والله انتم غلبتوا روميو وجوليت
غرام _ احم احم بسسسسسس
دنيا _ اقول غرومة ترى اليوم يوم عيد تعارفنا
غرام _ اممممممم ادري كل عام ونحن مع بعضنا يابيومي
دنيا _ احترمي نفسك انا دحين حرم عمار
غرام _ عشتوا ياحرم البش مهندس
دنيا _ طيب ايش سويتوا حجزتوا
غرام _ افاا عليك انا شيكت على بسيوني امس وحجزت
دنيا _ تمام طيب خلاص اليوم نتقابل ان شاء الله
غرام _ اكييييييييد ان شاء الله
دنيا _ اقول غرغر يلا روحي طسي عني قدري لاينحرق بس
غرام _ حركات احنا اللي صرنا نطبخ
دنيا _ ايوا ياختي انا دحين ست بيت ليه زيك انتي وروميو مقضينها جوالات
غرام _ هههههههه محد يحكيك شي على طول تمسكي عليه يلا قومي جهزي الغدا لس سيد
قامت دنيا وشافت القدر كان باقي شويه وتستوي اللحمه وجات جلست في الصالة وفتحت الاب توب تشيك على البريد
فتحت دنيا البريد ولقت رسالة من منال بعنوان قرب الاجل ياحرم عمار فتحت الرسالة وجات بتقرا
عمار _ دندونتي ليه ماصحيتيني
دنيا ارتبكت اول ماشافت عمار وسكت الاب توب _ قلت اخليك تنام شكلك تعبان
عمار _ امممم والله كنت مرة تعبان ايش الريحة هذي
دنيا _ حزر فزر
عمار _ هههههه ذكرتيني برمضان ايام زمان
دنيا _ ههههههه
عمار _ لامن جد ايش الريحة
دنيا _ والله شفت زوجي المصون غارق في النوم قلت اقوم اطبخ شي ناكله
عمار_ اوووووووه لااليوم مين قدي دندونتي طابخة لي
دنيا _ هههههه بس ترى أي حالة تسمم انا مو مسوؤلة
عمار _ ياشيخة لعيونك لو حالة وفاه عادي
دنيا في نفسها بسم الله عليك عساني انا مو انت _ يلا طيب انا بروح اجهز الغدا
دخلت المطبخ وعمار وراها وراح فتح القدر ويطالع _ يممممممممممم الاكل شكله يشهي مره
دنيا _ جلست تجهز الصحون
عمار _ خدمة شي يامدام
دنيا _ لامشكور ماباقي غير السلطو اسويها
عمار _ عاد السلطة انا تخصص سلطات هاتي انا اسويها
دنيا _ هههههههههههههه بس لاتكون زي المرة اللي فاتت كبار
عمار _ يطالع بنظرة تكبر انتي ماتدري ان سلطة عمار هذا مطلوبة عالميااااا
دنيا _ اووووووه
عمار _ ايوا بس دحين اذوقك احلى سلطة في العالم الناس كلها يستمنوها
دنيا _ ههههههههههه اهم شي انهم يستمونها مو يتمنوها
&&&&&&&&&&&&&&&&&&
في بيت حنان
حنان _ فروحة مايصير لازم تجي
فرح _ ماابغى ياحنونه احس اني بموت مو هاين عليا اشوف البنات واضحك معاهم وانا كم يوم وبفقدكم كلكم
حنان _ فرحه اعوذ بالله من شرك ليش تقولي كذا
فرح _ هذا الصدق ياحنو ليش اهرب من الواقع
حنان _ لاهذا مو واقع وبعدين كل شي وله علاج
فرح _ الله يعين
حنان _ يلا بس تعالي معانا احنا كل سنة واحنا نحتفل مع بعض مو حلو هالسنة ماتجي
فرح _ يصير خير ان شاء الله
وقفلوا من بعض فرح كانت نفسيتها زي الزفت حتى عن فيصل صارت تتهرب منه وتبعد عنه وفهد ودته عند امها وماعاد تبغى تشوفه رغم ان قلبها بيتقطع على فراقه
&&&&&&&&&&&
في غرفة حنان
وعد _ تاشر بيدها هيييييييييييييييييي انتي حنون وصمخ
حنان _ ها ها ها انتي تنادي
وعد _ حنجرتي انخلعت من مكانها وانتي ماتردي وين سرحانه
حنان _ اه ياوعد فرح مرة حالتها اتغيرت
وعد _ ياقلبي عليها والله ماتستاهل الله يشفيها يارب
حنان _ يارب صح ايش تبغى انتي
وعد _ ايه صح ذكرتيني كنت بقول لك انزلى الغدا من اول انحط
&&&&&&&&&&&&&&&&&&&&&
في مطبخ دنيا
دنيا _ عمور هيا ساعة الاكل استوى والسلطة ماخلصت
عمار _ خلاص بخلص بس احط ملح
راحت دنيا تجهز الصحون على الطاولة وعمار حط الملح وجاب السلطة
عمار _ وهذي السلطة ياستي دحين تشوفي ان ماقلتي لي كل يوم سوي ليه مثلها
دنيا _ لاشكرا ااذا كل يوم بتجلس ساعتين تقطع سلكة مشكلة
عمار _ ههههههههههههه
جلسوا ياكلوا
عمار _ دندون ليش حاطة سكر في الاكل
دنيا _ أي سكر
عمار _ طعم الرز سكر
دنيا _ عمار انا جالسة اكل منه مافي سكر
عمار _ طيب ذوقي ها هذا مو طعم سكر
دنيا _ ايوا والله صح وطالعت في عمار بنص عين
عمار _ ايش فيه تطالعي كذا السكر اثر عليك
دنيا _عماااااااااااار جيب السلطو اذوق
ذاقت دنيا السلطة لقتها غرقانه من السكر
دنيا _ عمار ايش حطيت في السلطة
عمار _ ملح وليمون ليش
دنيا _ من وين جبت الملح
عمار _ العلبة اللي جنب الكمون
دنيا _ ههههههههههههاااااااااااااااااااااااي
عمار _ خير
دنيا _ ذوق بالله السلطة حطيت سكر بدل الملح
عمار _ لاياشيخة وذاق السلكة لقاها فعلا سكر
عمار ودنيا _ ههههههههههههههههههههههههههههه
عمار _ السلطة طبق مكمل صح يعني ماله داعي كملي اكل واستري ماواجهتي
دنيا _ ههههههههههههههههه وين اللي اول طبق عالمي ويستمنوها هاااا هههههههههه
عمار _ ههههههههه لاهذي يسترموها مو يستمنوها
جلسوا ياكلوا وكانوا مبسوطين يضحكوا ويمزحوا وكله على راس سلطتك ياعمار
دنيا _ عمور ممكن اطلب طلب
عمار _ امري ياعمري
دنيا _ اليوم عيد تعارفنا انا وصاحباتي واحنا كل سنه نروح مطعم ....... ونحتفل فيه
عمار _ اممممممم
دنيا _ يعني فضلا وليس امراااااا تخليني اروح معاهم
عمار _ امممممم طيب مافي مشكلة
دنيا _ ياقلبي عليك انت ياناس
عمار فرح مرة _ طيب متى بتروحي ​

دنيا _ يعني بعد المغرب على طول نروح ناخذ هيوم وبعدين توديني
عمار _ خلاص ابشري ولايهمك ويلا خلينا نقوم نرفع بسرعة
دنيا _ هههههههههههه نرفع
عمار _ ايوا نرفع ترى عندي مواهب كثير مو بس اسوي سلطات ممكن اغسل صحون
دنيا _ هههههههههههه لامشكور والله مو متنازلين عن الاطقم كافي السلطة
عمار بتكبر _ بكيفك انتي الخسرانه
دنيا _ كمان الصحون يستمنوها
عمار + دنيا _ هههههههههههههههههههههه
&&&&&&&&&&&&&&&&&&&&&&&&&7
في غرفة خالد
خالد ماسك صورة شهد وحاضنها ويبكي
خالد _ شهوده ليه رحتي وخليتيني ليه لي يوم قلت لك خذيني معاك قلتي لاانت اجلس ليييييييييييييييييه وجلس يضرب نفسوا ياليتك اخذتيني وريحتيني من عذابي وبصوت كله حنان شهد انا احبك والله احبك حرام عليك تتركيني وتروحي
ام دنيا سمعت صوت بكى في غرفته ودخلت عليه
خالد ماسك الصورة ويبكي زي الاطفال
ام دنيا _ وبعدين وانا امك ترى البكى مايرجع اللي راح ادعي لها بالرحمة
خالد بهستريا _ يمه انا ابي شهد يمه راحت وتركتني لحالي
ام دنيا بدت تدمع على حال ولدها _ الله يرحمها مايجوز اللي تسويه بعمرك
خالد _ ااااااااااااااااااااااااااااااه يمه والله احبها شوفي يمه انا جبت لها هديه كنت بقلها انا احبك لكن راحت قبل لا اقولها انا كنت جااااي لكن الموت سبقني يمه
امدنيا _ صارت تبكي وتحضن في خالد اللي حالته تقطع القلب
&&&&&&&&&&&&&&&&&&&&&&
في غرفة غرام
غرام _ ياحياتي انت والله مو مضدقة انك بكره جاي
بندر _ اه والله ولا انا ابغى اجي بسرعة واخبطك من اهلك
غرام _ يالله بندوري والله مرة اشتقت لك نفسي اشوفك
بندر _ وانا اكثررررررررررررررررر تدري نفسي لو دحين يكون موعد الطيارة
دار حوار بين عشاقنا الحلوين وكل واحد كان يوصف للثاني مدى حبه وشوقه للقى اللي قرب
&&&&&&&&&&&&&&&&&&&&
في بيت ابو هيام
ابو هيام راح وخطب من ناس واعطوه واتزوج بنت صغيرة عمرها 27 سنة ونسي بنته اللي راميها ولاهو مهتم ولافكر يجي يواسيها وماجا طلبها من خالها اللي لانه يبغاها تصير خدامه عند مرته الجديدة دلال
&&&&&&&&&&&&&&&
في بيت دنيا
دنيا _ يلا عمور انا جاهزة ساعة تغير ملابسك
دخل عمار الغرفة وانبهر بجمال دنيا
عمار يصفر _ اووووه اووووه وش هالحلا كله لامقدر على كذا
دنيا استحت مرة من نظرات عمار لها واخذت العباية وجلست تلبسها
عمار _ طيب ياهو خلونا نتمتع شوي مو على طول تلبس العباية
دنيا _ ماعندنا وقت لسه نروح لهيوم
عمار _ اااااااااااااااه ياقلبي انا مدري كيف مقاوم هالجمال والا الان ماتهورت
دنيا على طول لبست الصندل وخرجت من الغرفة خافت من كلام عمار
عمار _ واااااااااااي ياقلبي تجنن ولا كمان لابسه قصير وماتبغاني اخق عندها لكن اليوم انا جايبها جايبها وين بتروح مني على بالها بتجلس بالعباية طول الوقت طبعا هالكلام كان في نفسوا
خلوني اقلكم عمار على ايش داخ عند دنيا
كانت لابسة تنورة جنز قصير مرررره نص الفخذ وفيها فتحة كمان يعني زياده الخير خيرين هههههه ولابسة عليها بلوزة خضرا توب وجاكيت صغير جينز نفس التنورة ولابسة صندل ربط لونه اخضر وحاطة جل في شعراها وروج وعدسات وكحل وطالع شكلها يجننننننننن
ركبت دنيا السيارة مع عمار اللي كان كل شويه يتلفت على جهة دنيا ويطالع فيها لمن وصلوا بيت اهلها
نزلوا سلموا وجلس عمار مع ام دنيا يهرج ودنيا طلعت فوق لهيام
دنيا _ هييييييييييييييااااااااااامو لسه ماخلصتي
هيام _ دندون قلت لك مو رايحة
دنيا _ اقول ترى غصب عنك بتروحي بسيوني يستناكي ياقمر ههههههه
هيام ابتسمت مجامله لدنيا _ والله مالي نفس
دنيا _ مافي مالك نفس ولا ترى اخلي عمار يسوي لك سلطة عشان تعرفي كيف تنسد النفس
هيام _ هههههههههههههه ليه سوى سلطة
دنيا _ ماراح اقول لك لمن تقومي معايا
وفعلا بعد محاولات من دنيا ورفض من هيام اقتنعت هيام وراحت ودخلوا المطعم لقوا بسيوني بالاستقبال
بسيوني _ كل عام وانتم مع بعض ياانسات >> لاتستغربوا البنات من يومهم وهما يجوا كل سنة في هذا اليوم هذا المطعم ويحتفلوا بعيد ميلاد صداقتهم وكانوا كل سنه يحجزوا طاولة رقم 6 الرقم المفضل لهم
دنيا _ تسلم يابيسو
بسيوني _ اتفضلوا اتفضلوا الانسات قوا
دخلت دنيا وهيام ولقوا اسيل وغرام وحنان وفرح اللي كان باين على وجهها التعب والارهاق
وبعد ماسلموا على بعض
اسيل _ يالله بنات هذا احلى يوم بالحياة
حنان _ ايوا والله صح دحين احنا كملنا مع بعض 12 سنه
دنيا _ عقبال العمر كله يارب
غرام _ فروحه وش فيك شكلك كذا
فرح ابتسمت مجامله _ لامافيني شي
اسيل _ مافيك شي تلاقيك تفكري في حبيب القلب
دنيا _ اسولة لاتغلطي المراهق حقها
فرح _ هههههههه وفي نفسها اه يافيصل كلها فترة وراح اسيبك
هيام كانت تحاول تفرح مع صاحباتها لاني زي ماقلت لكم بدت تتقبل الوضع شويه _ الا وين الكلبوز حبيبنا
فرح حست بسكين في قلبها ماكان ودها تذكر ولدها حشاشه جوفها اللي راح تفارقوا قريب
فرح _ عندي امي سيبتوا
دنيا _ والله ان ماعندك سالفة احد يسيب ابو خدود هذاك يازينو
فرح اه والله ماودي اسيبه طول العمر بس لازم اتعود ويتعود هو على غيابي
جلسوا البنات ضحك وسواليف
حنان _ ايوا ماشاء الله شاقين الابتسامة انتي واسولة
اسيل _ طبعااااااا خطيبي وحبيب قلبي جاي
غرام _ ايوا حتى انا ان شاء الله خطيبي مستقبلا جاي
دنيا _ وااااااي فريح طالعي مساكين المراهقات هذول اللي زيك ملهوفين على الخطوبة
الكل _ هههههه كانوا يضحكوا على شكل دنيا يوم قالتها
اسيل _ هييييييي لاتتكبري ياخت ترى حتى انا متزوجه بس على الورق
دنيا _ ههههههههههههه حتى انا مع ايقاف التنفيذ
الكل _ ايشششششششششششششششششش
هيام جلست تضحك على اشكالهم لانها عارفة سالفةة الكنبة
غرام _ دندون من جدك ايقاف تنفيذ
اسيل _ انتي تتكلمي من جد
حنان _ لالا ماصدق لك شهرين متزوجه والتنفيذ موقف
دنيا _ والله مااكذب عليكم هذا الصدق
غرام _ لالا مااصدق عمااااااااااااار لالالا مو داخله مزاجي
اسيل _ وليش ان شاء الله موقف
دنيا _ والله ياختاه كنت انا في البداية اطردوا وانوموا على الكنبة اول مااتزوجنا
الكل _ ايششششششششششششششششششششششش
هيام + دنيا _ هههههههههههههههههههه
حنان لالا هذي يبغى لها جلسة يلا حكينا وجلست دنيا تحكيهم من اول ماتزوجت الا الان
طبعا فرح كانت مو معاهم سرحانه
اسيل _ لالا انتي جبارة مدري كيف متحملك
حنان _ افهم من كلامك دندون انك صرتي تحبي عمار
دنيا _ اه ياقلبي عليه صرت اموت فيه مو بس احبه ياناس عليه طيب ومايرفض لي طلب ويعاملني كويس وشايلني شيل من على الارض
هيام _ شفتي مو قلت لك من اول ماانخطبتي
دنيا _ ايوا والله صدقتي
دنيا _ هيييييييي فريح وين وصلتي
فرح _ هااااااااااااا
اسيل _ بالله روحي لندن جيبي بسوم وتعالي
الكل _ ههههههههههه
حنان _ حست بفرح اللي الحزن كان كاسي وجها وعارفة ليش بس مابيدها شي تسويه لها
حنان _ بنات عندي لكم مفاجاءة تجنننننن
الكل _ ايش
حنان _ شوفوا
البنات بردود مختلفة واااااااااي ياسلام
غرام _ الله انا اليوم بجلس اسهر على الاربعة الاشرطة هذي
اسيل _ الله يابنات ذكرياتنا كلها الحلوة فيها
دنيا _ ايوا والله ايام تجنننننن
حنان _ ايوا من اولى متوسط هالاشرطة كل خبالنا فيها
فرح كانت حزينة وتفكر في صاحباتها وايامهم الحلوة اللي قضتها معاهم اللي راح تتركهم قريب
اسيل _ فروووووحة ايش فيك تبكي
فرح _ ابتسمت لاماابكي بس جلست اتذكر ايامنا الحلوة
غرام _ احلى يامرهفت الاحساس انتي اصلا مواقفنا تضحك مو تبكي
فرح في نفسها _ اه يازينكم وزين ايامكم ياليتني طول عمري اجلس معاكم
جلسوا البنات سواليف وضحك وكل وحده تحكي عنها وايش صار لها على الساعة 11 جابوا الكيكة وقطعوها واكلوا وجلسوا يهيصوا وبعد شوية كل وحده راحت بيتها
غرام واسيل راحوا ناموا لان وراهم بكرة استقبال بسام
حنان كانت تفكر بحال فرح
وفرح كانت تفكر في اسرتها الصغيرة وامها واختها واخوانها واهمهم فهودي ولدها اللي راح تودعهم بدون رجوع
ودنيا وهيام كانوا جالسين في الصالة مجتمعين وعمار معاهم وضحك وهرج
هيام تكلم دنيا _ اقول الحبيب عينه ماانشالت منك ايش الهرجه
دنيا _ ههههه ملاحظة ومطنشة ولاكاني شايفه
هيام _ انتي كمان والله انا فخوذك اغرتني كيف هو
دنيا _ اسكتي بس كلها شوية وبنروح
ام دنيا _ دنيا اخوك عبد العزيز جاي قومي غيري التنورة
دنيا تقول لهيام الحمد لله جات من الله
وطلعت هيا وهيام الغرفة هيام غيرت ودنيا جالسة تدور لها لبس
دنيا _ وجععععععع هيام كل بناطيلك ضيقة
هيام _ ايش اسوي لك البسي بيجامه
دنيا _ مافي بجايم ايش اسوي كلها بلايز عريان
هيام _ خلاص اجلسي كذا
دنيا _ لاوالله اجلس قدام عزوز كذا بايعة نفسي انا
هيام _ دبري نفسك
دنيا طيب اووووووووووف
بعد مرور خمس دقايق
هيام _ ههههههههههههههههههههههه لاتقولي بتجلسي كذا

دنيا _ ايوا ايش اسوي مافي غير بنطلون بيجامه
هيام _ هههههههههههههه امشي بس
نزلت دنيا الصالة مع هيام
ام دنيا + عمار + عبد العزيز _ههههههههههههههههههههه
جات دنيا تسلم على عبد العزيز
عبد العزيز _ هههههههههههههههههههه لاشكلك مو معقول هههههههههههههه ايش الشياكة هذي
عمار كان ميت على نفسوا ضحك
دنيا _ ايش اسوي للهبله هذي ملابسها ضيقة
امدنيا _ هههههههههههه عاد مالقيتي غير بنطلون بيجامه على بلوزتك
يزن _ ههههههههههههههههه عمه ليش كذا لابسة
دنيا مبوزة _ حتى الصغير يتريق عليا
ونزلت تسلم على يزن اللي كان جالس يضحك من قلب
عبد العزيز _ ههههههههههههه
دنيا _ خلاص عزوز والله ماصارت
عبد العزيز _ مو قادر هههههههههههه بلوزة توب خضرا وجاكيت جنز على بنطلون بيجامه اورنج ههههههههههههههه
عمار كان ماسك بطنوا من كثر الضحك
دنيا _ خلاص ياهو والله ماصارت لبس لبستوا
ام دنيا _ يلا يلا قوموا خلونا نعشى
راحوا على الطاولة
عبد العزيز _ وين رهف
دنيا_ الست نايمة ومقفلة الباب ولاكان حلت لي الازمة هذي اللي يشوفني يقول حرامية غسيل
الكل _ ههههههههههههههههههه
يزن _ عمه عمه اكليني
دنيا _ ياروح عمه انتي تعال وجلستوا في عبها وجلست تاكلوا
ام دنيا _ الله يرزق يادنيا بالذرية الصالحة الا مافي شي بالطريق
دنيا وجها قلب الوان وطالعت في عمار اللي هو كمان وجه تغير ميه لون
دنيا _ هااا هااااا
دنيا _ ها لامافي شي يمه لسه بدري ورخت عينها في اصحن وجلست تاكل يزن
ام دنيا _ يلا الله يرزقكم ان شاء الله
هيام _ يارب ودي اشوف البزر هذي لو خلفت كيف بتربي
دنيا سكتت لانها انحرجت مره خصوصا ان عمار وعبد العزيز جالسين ولاماتفوتها تهزيئة زي كذا
خلصوا عشا وجلسوا شوية على الساعة 3 عمار يلا دندون نروح البيت
دنيا _ يلا
وجات بتقوم تلبس العباية
هيام _ هييييييييي انتي وين رايحة
دنيا _ بروح البيت ليه تبغي شي تبغيني اجلس عندك كانت تتمنى دنيا ان هيام تقول لها ايوا لان نظرات عمار كانت ماتطمن
هيام _ لالالالا ايش ابغى بك روحي مع زوجك بس فصخي البنطلون حقي بسرعة
دنيا في نفسها والله لااوريك ياهيام ادري عشان تبغيني البس التنورة قدام عمار
دنيا _ اهجدي بس خلاص اروح البيت وبكرة اجيبها لك
هيام _ لالالالالا مااتنازل عنه بسرعة روحي غيري
دنيا _ هيااااااااااااااااااام
عمار كان مبسوط انها بنغير _ يلا دندون روحي غيري بسرعة
دنيا _ هيام خلاص قلت لك بعدين يعني باكل البنطلون
هيام _ انا مااعرف بسرعة
دنيا طيب اوف وشالت عبايتها معاها وطلعت غيرت ولبست التنورة حقتها ولبست العباية ونزلت سلمت على امها وعلى عبد العزيز وسلمت على هيام وخرجت
طول الطريق عمار مشغل المسجل وساكت وبس يعدل شعروا يرجعوا على ورا ويطالع في دنيا
دنيا في نفسها _ بسم الله الرحمن الرحيم ايش فيه هذا كذا
عمار في نفسوا _ متى نوصل البيت بسرعة
وصلوا البيت ودنيا نزلت رغم انها كان نفسها ان المشوار يطول لانها حاسة انه راح يصير شي
عمار فتح الباب وبابتسامه تطيح القلب _ تفضلي ياعروسة
دنيا في نفسها _ ياويلي فيها عروسة انا قايلة الليله هذي ماراح تعدي على خير الله ياقطعم ياهيام
دخلت البيت وفصخت العباية ودخلت على الغرفة على طول تطلع لبس من الدولاب
عمار دخل الغرفة وسك الباب وجلس على السرير
دنيا اخذت اللبس وبتدخل الحمام مسكها عمار من يدها على وين
دنيا ضربات قلبها شوية وتخترق القفص الصدري _ ها بروح اغير
عمار _ طيب اجلسي ابغاكي في موضوع
دنيا كانت عارفة ايش هو الموضوع _ طيب طيب اروح اخذ شاور واغير واجي
عمار _ لا استني تعالي وسحبها وجلسها جنبوا على السرير
دنيا صار جسمها كلوو يرجف _ ها خير
عمار كان ملاحظ رجفتها _ دندون مالاحظتي شي
دنيا تطالع في الغرفة _ الاحظ ايش
عمار _ ههههههه انا مااقصد شي بالغرفة
دنيا _ علامات استفهام على وجها اجل
عمار _ كلام عمتي
دنيا _ ...............
عمار _ ماتلاحظي ان الكل يسال انتي حامل ولا
دنيا _ ..............
عمار _ دندونتي لين متى هالصد هاااااا
دنيا _ جات بتقوم سحبها عمار من يدها
عمار _ ماخلصنا كلام لسه
دنيا _ ايش تبغى عمار خليني اقوم اغير انا تعبانه
عمار _ والله حتى انا تعبان بس تعبان من هالصد والبعد لين متى يادنيا واحنا متزوجين على ورق بس يرضيك حالنا هذا
دنيا _ ...............
عمار _ لو عندك أي سبب قولي لي مافي مشكلة لكن كذا تصدي والله مايصير
دنيا _ عمار الله يخليك خليني اقوم
عمار _ نوووووو مافي
وخلاص حدودنا لين هنا باقي علينا ندعي لهم بالتوفيق وبس
&&&&&&&&&&&&&&&&&
الساعة 3 العصر
في مطار لندن
بسام _ يوه بندر والله مو مصدق اني برجع اشوف اسولة
بندر _ ومن سمعك ياخي
بسام _ اااااااااه اخيرا خلصنا دراسة
بندر _ امشي امشي هذا نداء طيارتنا
&&&&&&&&&&&
في مطار جده ​