روايه دفنت روحي بالثرى معاك يا ولد العم - روايه كامله

..::]][[ الحفنه الخامسه عشر ]][[::..

(لعبت بكل شي فيني .. وذبحت بلعبتك انسان )



طالعته مندهشه مب مصدقه .. يعني كل هالفترة الي عشتها جذب × جذب .. تمثيل في تمثيل؟؟! يعني .. بلعت ريجي بألم .. يعني كان يقص علي؟؟! صحييح يقص علي؟ يحسبني لعبه يلعب علي؟

صرخت فويهه مشمئزة من قربه بعدت راسه عن شعري بعصبيه : انته انسان جذاب .. حقييـــر .. اشلون هانت عليك تقص علي ؟! .. هذا وببدايه زواجنا باديها بجذب ..

مسكت راسي مب مصدقه : منصور انته من صجك تتكلم .. يعني انت مب مريض مافيك شي ..

صرخت بعصبيه : لييييييييييييييييييييييش سويت جي ليييييييييييييييش

وقف وشكله معصب .. وتحرك بيطلع ركضت لعنده ووقفت جدام الباب

قال لي بعصبيه : وخري قبل لا اصكج كف يعدل لسانج هذا .. في وحدة تكلم ريلها جذي؟؟

قلت بعدم استيعاب : وفي حد يسوي سواتك .. انت خدعتنا كلنا كلنا .. مب بس انا .. اشلون طاوعـ...

سد حلجي .. طالعته ودموعي فعيوني .. ترك شفايفي وانا كنت متصنمه.. و سحبني من يدي .. وتوجه فيني بقوة للسرير .. قعدني عليه .. وقعد حذاي .. : سارة .. انتي اشتبين بالضبط؟؟

طالعته معصبه من برودة ياناااااس ماجفت انسان بهالبرود بعد كل الي سواه ويسال بكل بساطة وكأنه بريء مب مسوي شي ؟؟ مب كأنه يخدعنا طول هالشهرين .. حسيت صداااعي زاااد ..

ضغطت على يبهتي عشان استوعب الي يصير لي .. مب معقول مب معقول هذا الي يصير ؟؟! |..

تنهد وهو ينزل يدي ويمسكهم .. كان يتنفس بالقو .. تحجى بدون ماانطق انا بحرف .. كنت اطالع ويهه متألمه .. اشلون جذب علي ؟؟ اشلون انا الغبيه مااكتشفت هالشي واشلون وايد اسأله كانت بكل بساطة تتراكم فمخي .. طالعت عيونه انشد الصدق ودموعي بدت تنزل مني لا اراديا .. من الضغط النفسي الي كنت عايشته هذيج الفترة .. : كنت حالي حال اي شاب ..يتمنى يتزوج وحدة ويكون اسرة وعيله ..ريااال وطبيعي يبي يتزوج .. مرة من المرات وانا طالع مستعيل من البيت بالسيارة دعمت وحدة .. مب قمر؟ .. الا ملاك .. ماتعورت لان اصلا مادعمتها فعليا .. كنت راح ادعمها على بعد خطوات \.. تحركت من جدامي ودخلت بيتهم .. كانو جيرااانا .. بيتهم مجابل بيتنا .. انبهرت بهالانسانه .. وبديت اجوفها فكل مكان .. انجذبت لها مثل اي شاب يحب الجمال .. بعدها بديت اتعرف عليها .. ويشهد ربي ان نيتي كانت صافيه .. حبيييتها .. حبيتها واااايد .. وقررت فيوم من الايام اخلي اختي تتعرف عليها .. ولكن اختي ماكانت تيي وياي ليش؟ لان بنت عمها المصون تحرضها علي .. كانت دوم اختي عندها .. طبعا مايحتاي اقول بنت عمي (كمل بس بمصخرة)تموت فيني وانا اموت فيها .. (عقدت حياتي من كلامه بس كمل وهو يرفع ويهي له ) ولا واحد فينا يطيق الثاني ..فترة وعدت وبعدها قلت لابوي اني احب هالبنت وابي اخطبها ولا خلاني .. لين ماطارت هالبنت من يدي ... وتزوجت \.. وقتها عصبت حييل ..مرت سنين وبعدها قرروا امي وابوي يلاقون لي حل ..عزوفي عن الزواج(كنت اسمع قصته وانا مسبهه اول مرة ادري عن هالشي) وكالعادة الحل هو الزواج من وحدة ثانيه .. ماكنت ابي اتزوج .. تعبت هذاك اليوم وودوني المستشفى .. ولان ولد خالتي هناك ترجييييته يخليني يوم زيادة حتى مااجابلهم ..خصوصا انهم يبون يزوجوني بااسرع طريقه .. كان فهاليوم مريض يزور ولد خالتي بس تصرفاته كانت شوي غريبه .. اسئلته هاديه وبريئه ماله خص فااحد.. يحب الاشياء الالكترونيه .. استغربت من حالته .. وسألت فهد عنه .. قال لي انه تعرض لصدمة عصبيه فحياته كانت وايد قاسيه عليه .. فكانت مقاومته للي صار له ضعيفه .. ورد مثل ماكان وهو ياهل .. قررت اني اسوي نفسه لعل وعسى ينقذوني من هالزواج الي ماابغيه .. ومااقدر اعترض ..ببساطة لانها بنت عمي وتكلم ابوي .. يبيها لي ولو رفضت بيطلعون كلام عنها! .. المهم ..فهد عارض وايد وقال انه بيكون تلاعب ولكن على مسؤليتي .. قلت له ان اهلي مستحيل راح ينشرون الخبر خوفا على سمعتهم وفعلا محد يدري عن شي .. حتى انتو ماقالو لكم عن الي فيني ,, .. مرت الايام وقررت اتقنص هالشخصيه .. شخصيه الي مضيع وومايدري عن الدنيا .. جفت الي حولي عدل .. انا وايد اشياء صدمتني واايد وماتوقعتها .. وانتي ياسارة بعد ماتوقعتج جذي ابد .. توقعت راح اجوف منج اشياء كثيرة كنت اجوفها سلبيه فيج لكني ابد ماجفتها فيج من يوم تزوجتج .. فالبدايه توقعتها شفقه بس مستحيل هالشفقه راح تستمر شهرين .. سكت شوي .. ورفع راسه يكمل .. انا كنت ناوي اكمل الي بديته ..واليوم عند سالم بالذات ناوي اكمل الطريج الي خذته .. بس ماقدرت ضعفت اليوم .. ماقدرت يوم .. يوم جفتج جذي..مسك يدي وهزها وكأنه يهز مشاعري معاه .. انا مهما يكون رياال .. اول مرة اتزوج ... ضغطت على نفسي وايد وايد .. ماتدرين اشلون كنت اتعذب .. ارقد ووياي انثى كامله مكمله .. واصبر .. اقهر فنفسي .. اقوم نصايف الليالي واروح اركض بس عشان ارد هلكان تعبان مايكون فيني حيل اسوي شي ..
كل يوم اجابل هالانثى ليل وصبح .. ولا اقدر المسها ..حسيت ويهي يطبخ من الاحراج ,.وسحبت يدي بقوة .. ولا اقدر حتى ابوسها ابسط شي ! ..رد مسك يدي .. وبعدت يدي بسرعه بكرهه .. تنهد وقال .. جفتي ؟ من عرفتي اني سالم ومافيني شي رديتي لطبعج .. وين قبل ووين الحين؟..سكت

وانا اطالعه مصدومة قلت بكرهه : حتى لو .. هذا مب سبب .. ومب معناته كل واحد يه بيهرب من حياته وبيجوف اشلون بتكون مرته وياه جي يسوي .. سواتك الخايسه !

فجأة طرى فبالي انه من شهر كان يمثل عليهم انه رد طبيعي .. عقدت حياتي وقلت له بحقد: من بعد يعرف ان ماكان فيك شي ؟؟ ولا انا اخر من يعلم؟؟

رفع حواجبه وقال : اعتبر هذا تدخل؟!

تحجيت بسرعه بدفاع: مب مرتك ومن حقي اعرف عن ريلي "شخرت بسخريه" هه

طالعني من طرف عينه .. وقال لي : فهد واخوج وانا وبس !

فتحت عيوني على اخرها .. حسيت بغصه كبيرة داااخلي مب قادره ابلعها او انزلها .. يجذب علي .. ويهيني .. يبعني لـ منصور .. حرام عليهم والله حرااااااام.. صرخت باانفعال مندهش: مااااااااااااااااااجد؟!!!!!!!!

طالعني وقال بهدوء : اي

وقفت متفاجأة ..منفعله وبسرعه : السخيييييييييف وليش رضى من الاساس اني اتزوجك


صحت بقهر .. تذكرت يوم كنت اتصل له وكان يطنش .. ومسجاتي .. وايميلاتي .. اشلون ماجد جذي خذلني .. وليش؟؟ لييييييييييش .. حرام ..

غطيت ويهي وصحت وايد وايد على حياتي .. كنت احس بشتات يلمني بهدوء .. ليش ليش

حسيت فذراعه وهو يلمني .. قاومته ودزيته بعصبيه وصرخت عليه .. كنت احس اني ابي احطم شي .. ابي اطلع الطاقه الي تكونت فداخلي من دقايق .. صدقوني .. لو حطيتو جدامي عصى كان كسرتها من حرتي .. احس بحرررة تحرق يوووفي .. صدقوني ماتقدرون تحسوون فيها .. انخذلت من اقرب الاشخاص لي .. اخووووي .. ياناس اخوووي .. وريلي الي المفروض مايكون بيني وبينه كل هالكذب .. دمعت عيوني وصرخت اعبر عن بعض انفعالي : اطلع برع من الغرفه .. اطلللللللع برررره

سمعت اعتراضه : ســارة ...اسكتي ..!

صحت وصرخت بعصبيه وانا ادزة من صدرة وهو ماتزحزح من مكانه : اقوووووووولك روح .. مابي اجوفك .. انا اكررررررهك ..مسكت صدره ادزة وانا اصيح بألم ..: تفهم شنو يعني اكررررررهك .. ا ك ر ه ك ..

غطيت ويهي وصحت بعمق .. حسيت نفسي لعبه رخيصه وتسلايه .. تسلى فيها منصور .. وماجد هو الي اهدى هاللعبه له .. صحت مقهورة مقهورة اشلون هنت على اخوي اشلون ..

بعد يديني عن ويهي وهو يقول لي: بس انزين .. خلاص صرتي اتخرعين مع هالدموع وكحلج سايح



صرخت بعصبيه من كلامه انا فوييين وهو فـ وييين: كيفي كيفي انته مايخصك فيني .. قلت بضعف ..ياخي اكرهك انت ماتفهم .. جفت علبه الفاين وعلبه الماي الي مشروب نصها .. خذت الفاين وفلعته وبديت افلع عليه كل الي موجود ع الكوميدينو حتى الابجورة ماسلمت يرتها بكسرها .. بس هو يراها وعدلها .. وحاولت مرة ثانيه وانا اصيح بضعف وحسيت اني مااقدر اجرها مثل مساعه .. فجأة صارت .. وايد ثقيله .. اما هو فكان يضحك .. يحسب اني العب وياه؟؟

طحت ع الارض مقهورة وصحت من قلب وانا اردد فنفسي .. غبيه .. غبيه .. غبيه .. حسيت بالضياع .. والغرفه كانت باردة .. قرب من عندي ويراني وهو يمسح دموعي ..

وضحك وهو يقول : اوبيه تخرعين ..

بعدته بعصبيه : قلت لك لا تكلمني ولا تحاجيني اوففف .. اكرهك واكره اسمع صوتك يالجذاب يالمنافق يالممثل .. اشلون قدرت تجذب علينا .. وانا الغبيه الي صدقت كلنا كنا اغبياء ولا انت الي اجدت الدور؟ اكررررررررهك وخر عني ..

بس هو اظاهر ماقام يسمع .. قعد يرتب شعري ويمسح دموعي الي كل شوي نازلين من اتذكر اخوي ماجد الي خلاني تسلايه لهم.. اكرررهك منصوور .. اكرررهك .. مستحيل اسامحكم .. مستحيييييييييل ..كان يبوسني برقه على خدودي ..دزيته بالقوو.. ماجد .. ماجد اي كرهته كرهته وكرهت منصور اكثر واكثر .. مقهووورة ياناس ..

ابتعد عني وراح للتسريحه اما انا قمت من على الارض وقعدت بقهر على السرير وانا الاحداث الي صارت لي في فترة زواجي كلها تمر على بالي .. كل المواقف الي صارت لي ويا منصور مرت فبالي ...جفته رد يقعد صرخت عليه : انته ماتفهم غبي؟؟ مينووووون؟؟

فتح الماسكرا جدام عيني وهو يقول متجاهل جملتي المستفزة: حق شنو هذي؟؟؟

يريت الماسكرا من يده بعنف: مايخصك .. انجللللللللع!

ضغط على يدي وقال وعيونه حمرر .. وشكله متمالك نفسه من العصبيه: احترمتج وايد وصبرت وايد .. تحجي عدل وياي .. انا مب منصور الي تهاوشينه بهذيج الفترة ومايفهم

قلت مقهورة : يعني طول هالفترة كنت تجذب انا الغبيه اشلون صدقت اشلون ؟؟!تدري؟ نصيحه روح طلع مواهبك في المسلسلات مب فالبشررررررررررررر لانك اتعل الواحد... محد يعرف صجك من تمثييييييييلك

تحركت باقوم من السرير لكنه رزعني بالقو : قعدي .. (كنت اشاهق بين الفترة والثانيه .. وامسح دموعي بقوة من على خدي .. قعدت اتأمل فالسرير بألم وقهر .. وبعد فترة صمت .. ) هذي حق شنو ؟؟ اشر ع الماسكرا الي فيدي

رفعت عيوني له .. وقلت بعصبيه من القهر الي احس فيه .. من الخذلان .. من الكذب .. ليشش ؟؟ .. ليييش ؟؟ .. هالسؤال كان يعيد ويزيد فبالي مع كل شهقه اشهقها غصب عني من صياحي القوي: حق الشعر الابيض الي فراسك ولحيتك

مات من الضحك بكل برودة اعصاب .. وطل على نفسه فالتسريحه وهو يتحسس قمه راسه الي غزاها الشيب واطراف من عارضه الخفيف المرتب وهو يمسك كم شعره بيضه .. ويقعد جدامي من يديد ... مد يده وقرص خدي وانا بعدت يده الي استقرت على خدي بعدتها بكره : ياحليل مرتي .. تصدقين مادريت انج تحبيني هالكثر .. حط راسه على ريلي وكمل .. يعني تحبين ريلج وتهتمين فشكله وماتبينه يكون الا انيق لدرجة انج ملاحظة الكم شعره البيضه الي براسي وناويه تصبغينهم لي ههههههههه..تحسس شعره ورفع عيونه لي ولازال راسه ع ريلي


دزيت راسه من ريلي وقمت واقفه مقهورة من هالانسان البارد الي مايحس .. ااااااااااخ يقهر ..انا الي اعرفه الريايل حارين وعصبين مادري هذا من وين طالع لي باررررد وبلييييييييييد ماعنده مشاعر مايحس ذي؟؟ اوفف
اقوله اكرهه يتكلم لي عن اشيا ثانيه .. جوفوه مب يبط الجبد ويقهر


اخ يالقهر اخ

تحركت ورحت الحمام غسلت ويهي .. وطبعا مايحتاي اقول لكم ان الماسكرا ساحت .. مسحت ويهي اكثر من مرة لان صوب عيني كان يمليه السواد خصوصا ان الماسكرا كانت مب ضد الماء مسكرا عاديه يعني تسيح وروجي كان مثل مااهو ..كانت اصيح وانا احاول امسح ويهي .. شعور محبط كنت احس فيه .. شعور .. شعور .. ماعرف اشلون اقدر اوصفه لكم .. ان شاء الله ماتحسون بهالشعور فحياتكم .. لانه صعب صعب .. مسحت ويهي .. و تذكرت ان هالروج مايروح الا بالكريم الي يزيل المكياج لان عليه مثبت ومايروح بالماي بسهوله

طلعت من الحمام وانا لازلت معصبه .. ومحتره من الي صار لي مقهورة بااختصار .. قررت اواجه اخوي ماجد لانه بااختصار كرهته بعد موقفه خذلني .. خذلني بكل معنى هالكلمه

مشيت للتسريحه معصبه .. وبسرعه .. وبحذر خصوصا اني طلعت وليت الغرفه مصكر ..والابجورة الي من جهتي هي الوحيدة الي مفتوحه ومنورة جزء ضئيل من الغرفه

سمعته يقول : يمه يمه هدي هدي ...

طنشته ..وسمعته يغني : هدي هدي .هدي هدي. اخدعوك وصرت ضدي .. لا اتسرع في قرارك وتاخذ القصه تحدي ..

جفته بخياس نفس ولفيت عنه وقعدت احوس ادور على كريم الميك اب .. والفاين الخاص فيه

سمعته يقول من يديد : شتدورين؟؟

قلت وانا مشغوله بالتدوير : مايخصك


ارتعبت من سمعت حسه شوي عالي : سااااارة ..!

قلت بعيله ونرفزة: اوووه .. ادور على كريم .. خلاص ارتحت؟؟

وقف هو بعد .. وحسيت فيه وهو وراي : كريم شنو؟؟

طنشته .. لقيت الفاين ..ويت باامسح الروج .. بس هو سحبني من يدي .. : لا تمسحينه حلو ..

يريت يدي من يده بس ماقدرت اشلها من يده: كيفي .. ابي اشله.. انته مايخصك .. اصلا اشلون تسمح لنفسك تقول رايك .. "كملت بااستهزاء " لا وياريت راي بعد يتأمر؟

رفع حاجبه اليمين .. ومال علي متجاهل كل كلامي ومركز على جملتي الاولى..طق يبهته بيبهتي : عناد ولا عناد؟؟

طالعته بتحدي : سمه الي تسميه

طالعت عيونه الي دوم تجذبني .. حسيت بكره شديد .. وانا اطالع عيونه حسيتهم متغيرين نظرة البراءة الي كنت اشوفها بعينه ماقمت اجوفها الحين .. كانت فيهم نظرة خاصه مافهمتها .. سحبني وهو يقول: عنج يامرتي العزيزة .. انا بشله لج .. وسحبني للسرير

حاولت ابعد يده بس سمعته يقول : مب تبغين تمسحينه؟ خلاص انا امسحه لج بس بطريقتي وابتسم ابتسامه كريهه


...............

"علي"

للحين واقف ومتنح .. مادري وينها هالبنت .. تحركت بسرعه وانا استشعر الهدوء الي يملي الغرفه .. تحركت يمين يسار لعل وعسى اجوف شي منها .. تحركت بتوتر .. وضغطت على يبهتي .. فتشت جيب ثوبي .. وطلعت احد موبايلاتي .. واتصلت ع رقمها .. مرة واثنين وثلاث واربع .. وانا احوس بغرفتها .. .. ورديت اتصل واتصل .. ولان الغرفه كانت مظلمه وباااردة صقيع .. كنت شوي واموت .. خايف لايكون احد خطفها ولا سوى فيها شي .. لاحظت نور يشع من طرف السرير ..

هرولت له بسرعه .. وماكان الا موبايل "امل " يرن ع السايلنت .. بدون صوت .. ضوء فقط ..

"عزوتي"

حسيت بالذنب من قريت الاسم .. اشلون اهملتها هالكم يوم ..

ثواني وحسيت باب الحمام ينفتح .. والنور من وراه يشع .. اما هي فكنت اجوفها سواد فسواد ,.. نظرا للنور الي وراها اعمى عيوني .. اما هي شهقت وهي تقول بخوف : مـــ ن ؟؟

التفت لها بقوة : امل ...؟ انا علي اشفيج؟؟ يعني من بيدخل عندج الغرفه غيري؟؟

حكت طرف يبهتها .. وانا مشيت وفتحت الليت ..من انتشر الضوء فالمكان حتى تبين لي شخصها وهي واقفه بتعب .. وبانطلون بجامتها الوسيع الطويل حاضن اطراف الارض .. وقميصها مبهدل عليها .. وشعرها مبهدل ومعفوووس .. ومن وصلت عيني لطرف ويهها .. انفجعت من جفت ويهها .. كااان احمر احمر احمر قاتم .. وعيونها غزييييرة بالدموع .. وخشمها كان وكأنه مليان دم من لونه الاحمر القاتم ..

تحركت بسرعه لها متخرع: اموله حبيبتي اشفيج ..

صاحت امل بسرعه .. واانا طالعتها مصدوووم .. قعدتها على السرير .. اما هي من دخلت السرير واستلقت فيه .. وغطيتها بالفراش حتى دخلت في نوبه من البكااااء الحاااد ..

قلت وانا مصدوم وزامسح على شعرها .. وتكلمت بحنااان غزير : حبيبي امل .. اشفيج ؟؟ .. ليش تصيحين .. تعبانه ياعمري؟ .. قومي خل اوديج المستشفى

صاحت زيادة وهي تهز راسها علامة الرفض وشعرها يمسح على المخدات بنعومه.. ​

​

 

مسكت يدها وانا اضغط عليهم بخوف وحنان : ياقلبي اشفيج .. قومي قولي لي .. تعبانه من شنو؟؟.. اشفيج حبيبتي قومي ..

عدلت نومتها اما هي فصاحت زيادة .. وضمتني بقوة وهي تقول بصوت متقطع من الصياح : انا .. تـ ع ـبانه !



وردت تصيح وتهذي بكلام غير مفهووم .. مافهمت ولا كلمه .. الا .. اسفه !!!



...................


"روضه "

قعدت من النوم وانا احس بحركات حد على ويهي .. وشعري .. فتحت عيوني.. رمشت بخفه .. حسيت الحركة انعدمت .. صكرت عيوني براحه عشان ارد ارقد مرة ثانيه .. بعد فترة بعد حسيت بهالحركات .. فتحت عيوني .. جفت يد سمراء ممدودة لخدي .. وتداعبه بوردة وبرقه عميقه .. صكرت عيوني .. شكلي اهلوس واحلم .. تذكرت هاليد .. دايما كنت امسكها .. وكنا نركض .. كنا نحلم .. نمسك ايدين بعض ..

فتحت عيوني بعده فترة .. وجفت وردة طايحه ع الكوميدينو .. والغرفه كانت هاديه .. تحركت بهدوء من ع السرير .. مسكت الوردة .. وقربتها من خشمي .. شميت ريحتها .. وتنفست بعمق .. امبلا نفس الريحه الي حسيت فيها وانا راقده؟؟

لالالا شكلي كنت اتخيل .. مشيت للحمام بااهمال .. تسبحت بكل حذر ..عشان مااضغط ع الجرح .. ولا يصيبه ماي ..

تسبحت بعد المعاناه .. واخيرا طلعت ونشفت شعري .. وسشورته حتى قصته تبين واضحه .. طلعت بعدها لبرع الغرفه .. جفت حمدوه وحمدان .. منبطحين ويتابعون "توم& جيري" ابتسمت لهم .. وهم اول ماجافوني .. نقزوا وياو سلموا علي .. وردوا انبطحوا متجاهليني وهم مندمجين فالرسوم ..

ناديت حمدان .. وهو كان يرد بآاليه .. وعيونه مسمرة ع التلفزيون : شوووو مااماا


ترددت اسأل عن ابوهم او لا .. خصوصا وان ماله حس اليوم كلش .. نزلت خصل شعري على ويهي .. ويت بحركهم واردهم ورا اذني بس حسيت بيد حانيه تمسك هالخصل وترفعهم

رفعت عيوني لهاليد .. وجفت صاحبها .. كان نفسه .. سعيييد .. شمهم بخفه .. ورد حطهم ورا اذني : سوري .. بس اشتقت لهالخصل

انحرجت وماحبيت ابين له ان حركته اثرت فيييني واااايد .. تذكرت تعليقه قبل كمن يوم على ستايلي اليديد .. حاولت اكبت شبح الابتسامه الي مرت على طرف ويهي .. من تذكرت نظراته .. ولهفته الواضحه ..

سمعت صوته وهو يحاول يخلق حوار بيني وبينه : صباااح الخير ... ان شاء الله رقدتي عدل؟؟

عقدت حياتي بخفه .. وانا افكر بالمغزى من كلامه .. وقلت بهدوء متكاسل : صبااح النور ..

مادري ليش تثاااوبت ... وتعمدت اضرب يدي بيده وانا اتمدد : سوري ماقصدت ..

مسك يدي قبل مااحركها وخلاها بيدة : لاعادي .. اشدعوه يبه ! .. حسيت بيدة وهي تتحسس اصابيعي.. مسرى عروقي .. اطراف اصابعي .. حاولت اسحبهم .. بس هو قال : خليهم ..

سكت متبعثرة من حركته الي تذوب الجليد الي ابنيه بيني وبينه ..

سمعته وهو يقول : اليوم بودي حمدان وحمده الــ ملاهي .. ودج اتين ويانا؟؟

عقدت حياتي ومسكت بطني بخفه وانا احس بنغزات بسيطة : لا ..

حسيت بضغطه ع ايدي .. فتحت عيوني بهدوء .. وارتسمت جدامي ملامحه والقلق الي بارز على ويهه : رواضي تعبانه؟؟

صكرت عيوني وانا انفض راسي بـ "لا " ..

رديت افتحهم .. وطالعته .. سحبت يدي .. وخليها ترتاح ع ريلي .. وطالعت التلفزيون متجاهله وجوده .. وانا احس بدقات قلبي بتوقف من كثر سرعتهم .. كنت بين الثانيه والاخرى احاول اكتم نفسي واضبطه .. خايفه انه يحس انه يأثر فيني بكل هالقوى والاثر والمدى .. على الرغم من كل الي سواه ..

صكرت عيوني وعقدت حواجبي لا اراديا .. وانا احيط طرف بطني بيدي اليمين وكأني احاول احميه من الالم الي بدأ يسري فهالمنطقه .. حسيت بيدة .. تضغط على يدي الي على ريلي .. سمتعه يهمس : يعورج وايد؟؟ ..

فتحت عيوني .. وقلت له بنقمه : مب كثر مايعورني هاي "اشرت ع قلبي" .. المه بسيط على الي تجرعه قلبي منك ..

كنت قاصدة هالجمله بكل محتواها .. من الم حبه .. والم طعناته .. تحركت متوجهه لغرفتي .. اخذت الدوا .. وانبطحت ع السرير .. رفعت طرف قميصي .. ولان ابانطلون كان ويست فكان يحتاي انزله شوي عشان الجرح يبان بأكمله؟؟ مررت اطراف الكريم على اطراف الجرح الاحمر .. غطيته مرة ثانيه بشاش يديد .. صكرت بانطلوني .. وتركت القميص مرفوع شوي .. حطيت يدي على اطراف خواصري .. متألمه شوي .. صكرت عيوني بقوة .. وكأني بهالحركه اقلل من اثر الم بطني .. وانا اتنفس بعمق .. حسيته ريحني ..

نزلت قميصي .. وجيت بااقعد .. حسيت بسعيد وهو يرتب وياي القميص الحريري .. عقدت حياتي وقلت بشوي من الغضب : سعيد من سمح لك تدخل الغرفه ..

رفع حياته .. وانسدح على السرير .. : انا سمحت لنفسي ..

قلت بعصبيه : اظن بينا اتفاق ..محد يخالفه من الطرفين ..

صكر عيونه متجاهل كلامي .. اما انا هالحركة ثورت براكيني : سعييييد انا اكلمك ..!!

فتح عيونه .. وبعد ذراعه عن عيونه .. استقام فقعدته : امري يالغلا .. يا كاندل السهره ..!!

طالعته بسخريه .. وقلت : مايليق ..!!

عقد حياته : شنو؟؟

قلت بااحتقار :مايليق عليك تمثيل دور الغرام والهيااام ..!!

طالعني بصمت .. ويوم بغى يتكلم قلت : سعيييد .. نحن بينا شروط وانت وافقت عليها .. ومن ضمنها محد له دخل بحياة الثاني .. فكيف تسمح لنفسك تنقض هالشرط وتدخل علي وانا احط كريمي ؟؟

قال بسخريه : حبيت اساعدج وبس ؟ .. لا تصدقين شي ماصار ..؟!

طالعته بااحتقار .. وصديت طالعه من الغرفه .. وانا في قمه النرفــــــزة !


...................
"حمدة"

كنت قاعده ادخل البيانات .. رن تيلفون مكتب خوله .. وكانت قاعده ع المكتب .. وفاضيه .. ردت ع التيلفون .. : الو ..هلا .. اي اي .... حمده؟؟ .. اي موجودة .. "رفعت عيوني بااستنكار واستغراب .. من هذا الي متصل لها؟ ويعرفني؟؟!! .. انتظرتها تناديني عشان ارد اذا احد طالبني؟ .. لكنها كملت ولاكأنها ذكرت اسمي " .. هههههههه .. افا عليك .. "طلعت عيوني من مكانها ؟؟ ... رياااال؟؟! " .. شووو؟؟ .. هيييه .. همممم .. اوكي؟؟ .. خلاص .. فداعه الله ..

صكرت التيلفون .. والتفتت علي وانا كتا اطالعها قالت لي : اشعنه اطالعيني جي؟؟


قلت بقهر : لا ابد .. سلامتج .. ترمسون عني؟؟

طالعتني بااستخفاف وماردت .. اما انا قعدت ادخل البيانات مقهورة .. وطرا على بالي غيث اخوي \.. حسافه .. حسافه يوم يكون "حاميها حراميها"

كنت احس بنظراتها تحرقني .. وكان ودي .. اطل عليها واقول نعـــم ؟ بصوت عاااالي يطلع كل الي فخاطري من صوبها .. تقهــر .. انتو معاي صح؟؟

حسيت باارتباك .. خصوصا يوم سمعتها تقول : مدير العلاقات العامه ... يباااج ..!

طالعتها بسرعه مب فاهمه شقصدها ؟؟ .. عقدت حياتي لا اراديا وقلت بتساؤل: عفواٌ؟؟

قالت واسلوبها حسيته حقييير : ماتسمعين انتي ولا شو؟؟ تستهبلين عليه؟!

قلت بسرعه : لو يباني بيتصل ع مكتبي هب يطرشج!؟

وقفت ووتحركت من مكتبها بكل بطئ وعيوني تتبعها بفضول وقرف .. وصلت لمكتبي وتساندت عليه : موتي واعرف انتي شو مسويه ابهم؟؟ مطلقه فلتاااانه

طالعتها مب فاهمه قصدها ..ومن كملت جملتها فتحت عيوني ع اوسعها ... شو قصدها بفلتانه؟؟"صايعه" عقدت حياتي وحسيت عيوني انحقنت بالدموع: انتي شو تقولين؟!؟

شكلها غيضت وراحت بسرعه ع مكتبها وانا اسمع دوسها ع الارض بقوة وصوت كعبها سبب لي صداع وهو يرج فالاركان بكل قوه .. صكرت عيوني وانا خايفه تطيح دمعتي ..

ووقفت عن تدخيل البيانات .. تحركت رايحة لـ مدير العلاقات مريت ع مكتب خوله وطالعتها بااحتقار .. طلعت من المكتب .. وصكرت عيوني وسمحت ليدي تمسح عيوني .. تحسست من كلمه "مطلقه فلتانه" .. ليش يعني كل المطلقات هب زينات؟؟ .. بلعت ريجي بحزن .. تحركت متوجهه لمكتب مدير العلاقات وانا اتسائل شو يبا؟؟..


............


"سلوى"

رن تلفوني .. وكانت "العنود " .. ابتسمت وانا احس بخجل كبييييير .. رديت بخفوت :هلا ...!

سمعت حسها وهي تضحك : ياهلا ياهلا .. شخبارها مرت الشيخ فيصل

ابتسمت بخجل .. ولعبت فطرف المخده : عندووه عن المصااااخه ..

ضحكت وهي تقول : ياناس فديت الي يستحون ..

كنت مستحيه مووت وحبيت اغير السالفه \:انزين شخبارج؟؟

ضحكت بصوت عالي .. قلت بخجل كبير : عندوه والله اصكر فويهج

ضحكت هالمرة بخفوت : لا يامعودة لا خلاص خلاص اتوووب .. المهم .. شخبارج؟؟

ابتسمت بخجل : بخير .. وانتي اخبارج؟؟

تنهدت بعمق: تمااااام .. اقول سلوي .. بديتي تجهزين صح؟؟

قلت بخجل كبييير .. وبصوت باليالله طلع : اي ..

حسيتها تبتسم : واللهـ زين زين .. اهممممم .. باجر وين بتروحين؟؟

قلت بخجل : باجر اوف .. اختي سلطون بتروح بدالي

قالت بتفهم : آآآها .. لاني كنت ابي اروح وياج ..

قلت بااعتذار لطيف : خلاص ولا يهمج .. بعد باجر باروح انا ..!!

حسيتها استانست من نبرة صوتها : صـــــــــــــج ؟؟ .. اوك اوك ..

مادري ليش قلت لها : همممم .. عندوه .. بسافر لبنان .. بتيين؟؟

ضحكت وهي تقول : لا ياقلبي احنا بنسافر اوروبا .. اتعرفين انتي صيف .. وانا صراحة مااقدر اتنقع فهالحر .. !

هزيت راسي بتفهم .. واستوعبت انها مب معاي وقلت بهمس : اها ..

قالت العنود بشقاوة : بس لا تخافين .. بااتشررررررررى لج .. خصوصا ان الحبيب فيصل موصينا عليج .. اقول اقول سلوي .. انتي متى جافج فصول؟؟

قلت بااستغراب وخجل : اممم .. هو اليوم يبي ايي يسلم على اخوي .. ويتحمدله السلامة .. "كملت بخجل فضيع" ويمكن اجوفه! .. "كملت بغباء" تبين اقول له شي ؟!

ضحكت وهي تقول : لاللالا اذا ابي شي بقول له .. مو تراني مجابلته عشرين ساعه .. اسولف عنج خخخخخخخخخ

انحرجت .. وظليت ساكته ..مب عارفه بـ شنو ارد .. بس احس الغرفه ضاقت علي .. ومب قادرة اتنفس عدل .. واخ قلبي .. قلبي يعورني من الدق الغير طبيعي .. تنفست بسرعه .. وحاولت اخذ نفس طويل حتى اخفف من تنفسي السريع والمضطرب .. ​

​

 

سمعت حسها : ياعيني ع المستحييين .. زين ماقلتي لي ..

قلت بهمس : شنو .. ؟!

قالت بعبط : وين جافج فصول وتخبل عليج؟؟ اعترفي اعترفي .. تراج خبلتي فيه .. تقولين مب اخوي الي اعرفه ..

قلت بحييرة : يعني مب انتي الي رشحتيني؟؟!

ضحكت : لالا .. هو الي قال لنا اخطبو لي سلوى سلطان الـ .... عارفج بالاسم .. خخخ ..

سكت منحرجة .. وقلت بخجل : صج .!

قالت : اييي .. مابتعترفين؟؟

قلت بصدق : والله ماادري .. اانا مااتذكر اني جفته .. من قبل ..! ..

انحرجت من كملت جملتي

قالت عندوه وهي تضحك : انا اقول لج .. تذكرين .. قبل امتحان النهائي بااسبوعين؟؟ .. كان اخوي نازل لقطر .. عنده اجازة .. المهم .. رجع .. وكان فهالايام اييي ياخذني لان الدريول .. كان مسافر .. وابوي مسافر مثل ماتعرفين ..!

سكت منحرجه .. يعني .. هو .. يحبني؟؟ ... من تبلورت الفكرة فراسي حسيت بااحراااج كبير |.. وكأن الغرفه تضيق علي اكثر .. تنفست بعمق .. وخفت ازفر وتحس فيني العنود ..

سمعتها تصارخ : لااااااااااااااااااااااااا بااجي ..صبري هنود .. سلوي قلبي اكلمج بعدين اوكي ... ؟!

قلت بخفوت : اوكي .. بااي ..!

العنود :باي


وصكرت بسرعه .. وشكلها مستعيييله .. تنهدت .. وانا ارد استرجع كلامها .. معقوله .. فيصل يحبني .. اي .. صح .. لو مايحبني ماكان جذي رومنسي .. ويزورني على طول .. والاتصالات ماتوقف منه .. والاهم مااقال حبيبتي .. يوم الملجة .. ابتسمت بخجل وفرحه وانا اتذكرها ... تذكرت اشكثر كنت منحرجه .. وشكثر كنت مستغربه .. ليش قال لي حبيبتي وهو اول مرة يجوفني .. طلع الاخو جايفني وشابع مني ..

رن موبايلي .. وابتسمت بخجل .. ورفعته اجوفه .. وكان رقم غريب .. بس كان مألوف .. عقدت حياتي لا اراديا ... انا توقعت المتصل فيصل .. ! .. بس تفاجأت بالاتصال .. ارتبكت .. وخفت ..

سمعت دق ع الباب .. : سلواااااا تعال هذا هازبن يجي ..!

تحركت بسرعه وانا اسمع الطرف الثاني يتكلم : يعني سويتيها ها .. سويتيها وتزوجتي ..؟؟

ارتبكت .. و .. و .. و طاح تلفوني من يدي .. تجمدت فمكاني وانا خااايفه .. نزلت انظاري للموبايل .. وصكرت الخط وانا اسمعه مستمر في الكلام والتهديد .. خايفه .. خايفه وايد .. حطيت يدي على حلجي وانا احاول اكتم صيحتي .. ضغطت على عيوني بالقو حتى مااصيح .. حسيت بتوتر بالغ .. سمعت دق ع الباب .. ارتعبت .. ووقفت في مكاني .. ارتجف .. سمعتهم يتسعيلوني .. مسكت موبايلي بقوة .. وياني مسج .. بس ماجفته .. خفت .. خفت افتحه .. اخاف هالمينون يسوي شي فيني .. او فـ فيصل .. او يفركش خطبتنا .. اصلا اخاف انه يشوه سمعتي ..!!رن موبايلي .. وطالعته برعب .. بس كان رقم بيتنا .. وكانت امي .. محمقه ... وتستعيلني ..رحت الحمام .. غسلت ويهي .. ورجعت الغرفه وانا احس ويهي شاحب .. مسكت الكحل .. وكحلت عيوني ع السريع .. وحطيت غلوس .. وكنت راح اطلع لولا اني لاحظت فرشه البلاشر .. مسحتها بخفه على ويهي .. .. ونزلت تحت وانا ارتب شيلتي .. وقفت على اخر دريه .. وانا اسمع امي تقول بعصبيه : .. شلي شيلتج .. ناويه تطفشين الريال انتي؟؟ .. انتي مرته الحين يعني ماله داعي الشيله ..!!!

طالعتها بصدمه .. وتجمدت يدي فالهوا .. هــــــــا ؟؟ .. يعني انا ناقصتج يايمه .. ناقصتج؟! ..

قربت امي مني بعصبيه .. وسحبت شيلتي .. وطالعتني بغضب وقالت لي : كم مرة اعلم فيج ؟؟ .. انتي بنت سفير .. بنت ناس راقيه .. هاي كلاااس ..

عقدت حياتي لا اراديا ..بروحي الي فيني مكفيني لا تزيدي هم فوق همي يمه .. صكرت عيوني متألمه.. ليش بنات الهاي كلاس .. لازم الحيا يكون معدوم عندهم؟؟ ..فتحت حلجي بـ ارد .. بس امي .. راحت للفت .. وطلعت غرفتها وهي متنرفزة .. وتتحلطم .. ومعاها شيلتي .. وانا .. واقفه ع اخر دريتين .. نزلت يدي وانا افرك يبهتي .. امي شسوت .. اشلون جي اطلع له ..! ,, استحي ..

نزلت عيوني .. وتنهدت بقلق وحزن واحراج .. سمعت صوت خطوات سريعه .. رفعت عيوني .. ولقيت سالم ينزل من ع الدري وبيده تيلفونه ..

رفع عيونه .. وطالعني .. ابتسم وهو يأشر على تلفونه : ريلج متصل .. يقول وصل .. يالله نروح

طالعته باانحراج .. وانا احس ان ويهي يحترق من الاحراج

اشرت على رقبتي بدون قصد وقلت بلخبطه : امي الي قالت لي ..!! .. والله !

طالعني وعقد حياته : ها؟ شنو؟!

بلعت ريجي وانا خايفه ومنحرجه : .. آآآآ .. اقصد .. امي .. يعني .. هي الي شلتها .. والله يعني

قاطعني وهو يقول : بسم الله عليج اشفيج .. مسك يبهتي ..

بعدت يده بااحراج .. وقلت بتوضيح : امي الي ..

تنهدت وانا اكمل بااحراج .. هي الي خذت شيلتي والله .. انا ...

ضحك سالم : شيلتج؟؟ ليش ريلج مب غريب؟؟ .. عادي يعني ...!!

طالعته بعدم فهم.. وبااحراج .. واندهاش .. يعني يرضى اطلع جذي بدون شيله جدام فيصل .. وهو للحين ماتزوجني .. مجرد انخطبنا وملجنا ..!!

حاوط جتوفي .. وهو ينزلني من اخر دريتين ..: يعني ياحبيبتي .. هو ريلج .. بس للحين ماسوينا حفله العرس .. بس مب معناته انه مب ريلج .. عقد حياتي وبوز بنفس طريقتي .. وداعب خشمي بغشمرة .. انا لو مرتي تلبس شيله واتيني على طول اطلقها

فتحت عيوني بدهشه .. اما هو ضحك .. وهو يخربط شعري .. : يالله امشي جدامي ..

مشيت باانحراج وانا فخاطري اجوف شكلي .. واستحي اعدل شعري جدام سالم .. اخاف يفهم غلط .. !! يعني .. احم .. ماعرف شااقول لكم .. منحرجة ..!!

احس شكلي غلط..ومنحرجه اعدل شكلي .. تقدمت من الميلس الداخلي بتردد واضح .. اما سالم فـ ابتسم لي بحنيه وهو يفتح الباب .. ويدخل ويقول لي : تعالي لا تستحين ..

انحرجت زيادة .. وانحشرت فمكاني مابي ادخل .. انحشرت صوب زاويه الباب .. وانا اهز راسي بالرفض .. ضحك وهو يمد يده ويسحبني للميلس ..

حسيت بااحراج بالغ .. نزلت راسي .. وجفت الارض .. منحرجه موووت .. وخصوصا ان سالم موجود .. وان .. واني .. اني بدون شيله .. صكرت عيوني بالقو .. من الاحراج ..

رفعت عيوني لثانيه وجفت عيون فيصل الي تتابعني باانبهار .. نزلت عيوني بسرعه منحرجه .. ومسكت يد سالم بالقو .. قعد سالم وهو يضحك .. بعد ماسلم على فيصل .. وجه وقعد عندي .. وانا تمسكت بيده السليمه بالقو ..

كانو يتبادلون اطراف الحديث .. وكان سالم بين الحديث والاخر يتعمد يكلمني ويدخلني فكلامهم

رن جواله فجأة .. وطلع .. بعد مااستئذن .. مسكته ناويه اخليه يقعد بس .. تكلم وياي بأدب .. واشر لي بعيونه على فيصل .. وانه بيتضايق .. برطمت بخفه .. وطلع هو ..




سمعت حسه وهو يقول لي بصوت مبحوح من مشاعره : اشلونج سلوى ......!

رفعت نظري له ..وتعلقت عيوني بعيونه .. خايفه .. بااختصار .. وضايعه ..!! .. مادري شـ اسوي .. نزلت عيوني بااحراج بعد ماابتسم لي : بخير .... كملت باارتباك .. وانت ..

قعد عندي .. ومارد .. رفعت عيوني له .. وابتسم ابتسامه خطيييرة .. : اليوم متغيره ..!!

قلت بااحراج وانا احسه يقصد شيلتي .. قلت بسرعه وبتبرير : والله العظيم امي الي خذت الشيله مني والله .. انا مـ

قاطعني وهو يبتسم ويمسك يدي : زين سوت .. خلني اجوفج .. "كمل بمزح" بعد مايصير تغشوني .. واخر شي يطلع شعرج خشن ؟!

طالعته بااستفهام وتعجب من رده علي ..!!

ضحك وهو يمد يده .. ومسك خصل شعري .. وبعدها ابتسم وهو يقول : ممكن؟؟ ..

عقدت حياتي لا اراديا اما هو .. فاابتسم .. وكشر .. رفع يده ومسك ويهي : ليش هالتكشيره ؟؟ .. وعقد حياته زيادة وكأنه يقصدني ..

نزلت عيوني .. وانا اعقد حياتي زيادة لا اراديا .. رفع ويهي له .. وقال وهو مبوز : لا تكشرين عاد ..!!صايره شينه مع هالتكشيره

طالعته متفاجأة من جرائته فالكلام .. شنو صايرة شينه .. وفتحت حلجي مفهيه وطالعته ..!! ..

ضحك وهو يقول : فديت هالويه والله .. تدرين سلوى اكتشفت شي ..

طالعته بتعجب .. وقلت بهمس : شنو ؟!

عض شفايفه وهو يتنهد ويقول بهمس : اني اتحجى واتحجى .. وانتي ساكته ماتردين لي الصوت ..!

سكت هو .. وانا سكت .. رفعت عيني له .. وانحرجت موووت وانا اتلقى نظراته المتأمله .. قلت باارتباك : تشرب جـ

قاطعني وهو يبتسم : لاء مابي اشرب شي .. ماجفتيني مساعه اشرب جاي ويا سالم؟؟ ..

هزيت راسي بـ اي ..

رن موبايلي .. وطالعته .. وكان نفس الشخص الي يهددني .. حسيت باارتباك وخوف .. رفعت عيوني بسرعه لـ فيصل .. كان واقف بضيج .. وقال لي : اشفيج ماتردين؟؟ ..

ترددت اقول له .. ولا ...؟! .. بس تذكرت تهديده .. وخفت .. خفت وايد .. وقلت باارتباك : ها .. لا .. اقصد رقم غريب مااعرفه ..!!

رفع حاجبه اليمين .. وقال لي : زين .. مرة ثانيه ماابيج تردين ع الارقام الغريبه سامعه؟؟!!

هزيت راسي بطاعه وبسرعه ..قرص خدي بمزح : فديت مرتي .. يالله حبيبتي مابطول .. مع السلامه ..

حبيبتي ,!! .. يعني .. انحرجت وحمر ويهي زيادة ..كنت خايفه يسمع نبضات قلبي الي تدق بجنون .. اخافه يدري .. اني انا بعد احبه ..!

وقفت بااوصله للباب ..كان هو يتقدمني .. بس التفت علي فجأة.. وقفت .. وهو تراجع خطوتين .. حتى وقف مجابلني .. طالعته مستفهمه ..

وقال لي : نسيت اقولج شي ..

طالعته بااستغراب وبفضول : شنو ..؟!

يوم حسيته طول وهو يتأملني .. انحرجت ويت بتراجع خطوه بس هو مسك يدي .. :اشفيج مشيرة اليوم على شنو؟؟ .. ماسمعت منج الا بخير وانت وشنو ..؟؟!!!

ضحك .. وانا ابتسمت بااحراج .. وانا احك طرف رقبتي بااحراج .. قربت يده من ويهي .. رجع قذلتي ورا اذني .. وهو يقول : قدلتج ذي باقصها انا .. ذبحتني من مساعه مغطيه ويهج .. ولا جفتج ..

فتحت عيوني متفاجأة من مساعه وهو يتأمل ولا جافني؟؟ .. عيااار ..! .. وضحكت برقه .. وكمل هو : نسيتيني شكنت بااقول ..

قلت بااهتمام : شنو .. طالعته مبوز .. وضحكت وقلت بخجل .. اقصد .. امر ..!!

ضحك وهو يقول : اي جي .. خلينا نسمع نطق الكلامات منج .!! .. ابتسم لي .. وكمل بطلب .. مرة ثانيه يوم بتدشين تسلمين .. ياخي قربي سلمي ع الاقل باليد .. ع الخد .. اشدعوه اشدعوه ..!!

انحرجت .. وسكت مب عارفه شـ اقول .. عضيت طرف شفايفي بااحراج ..طاحت قدلتي على عيوني ..وقلت : سوري نسيت .!

حسيته مبتسم .. تنهد .. رفعت عيوني له .. وعين وحدة مغطيه بقدلتي .. قرب من ويهي .. وصراحة وااااااايد خفت .. قلبي طاح فبطني .. مب متعودة .. ريال يكون قريب مني جي .. باس يبهتي واطراف من قدلتي كانت طايحه على يبهتي .. باسني فوقهم بعمق .. وابتعد بسرعه وهو يقول : مع السلامة..

طلع .. وقلبي احسه يرتجف .. يدق بالقو بالقو .. تراجعت وقعدت ع الكرسي وانا اشم ريحه عطره .. انتبهت اني قاعده مكانه .. صكرت عيوني وانا ازفر واشم ريحه عطره الرهييبه .. رن تيلفوني وافزعني ..وسلب مني كل المشاعر الجميله .. واحتل الخوف محلهم وقلبي لازال ينبض بالقو .. كان هو نفسه الي يهددني ..!!!



............

امل ..


كنت اصيح .. اصيح بقو .. اسبوعين .. اسبوعين بعد الي صار .. و حمـــد .. ماله حس .. ماله وجود .. صحت بقهر على نفسي .. صحت مقهورة .. رخيصه .. رخيصه انا ..

صحيح .. انا للحين عذراء .. بس .. بس الي سويته ماتسويه عذارا .. اشلون طاوعته ودخلت غرفته .. اشلون سمحت له يمد يده ويتلمس ويهي .. اشلون سمحت له يبوسني .. اشلون .. اشلون ...!!

غطيت ويهي بالقو .. وانا اتذكر اني طلعت بسرعه مصدوومة من قبلته .. ورجعت غرفتي .. تذكرت الاسبوع الي قضيته هناك مريضه .. ولا حتى سأل عني ..وتيلفوني مفتوح ليل نهار اتمنى بس اسمع اعتذاره .. اتذكر بالضبط ان علي كان مصر يعرف اشفيني وليش فجأة مرضت .. والصخونه تروح وترد علي بااستمرار ..

ومن يوم رجعنا وامي تحن علي اوافق ع المعرس الي متقدم لي قبل لا اسافر دبي .. صحت باانهيار .. اشلون اتزوج وانا قلبي مع غيري .. اشلون .. واشلون .. انا انا .. قذرة .. رخيصه .. رضيت على نفسي .. اشلون ارضى اخدع الي جاي وخاطبني .. حرااام ...

اتصلت فيه للمرة المليون ؟؟واخيرا رد ببرود : نعم ؟؟

قلت بلهفه : حمد .. صحت بقهر .. ليش يطنشني .. ليش مايرد علي ..!؟

تافف : اشتبين خير ؟؟!

قلت بخوف يقطع قلبي : حمد اشفيك علي ..!! ليش تغيرت ..

زفر بضيج : اوففف .. اشتبين انتي الحين فكيني؟؟ .. انا ماتغيرت انا مثل ماانا .. وانتي ماتهميني .. انتي بس كنتي هه تسلايه ..

تسليه ؟!! ... صحت بعمق وانا اقول له : ليش .. ليش ..

قال وهو معصب : جوفي انا ماعندي وقت اضيعه ويا حقارتج وناس مثلج .. الي ترضى تبيع عمرها ياقلبي لا تسال بعدين ليش ضيعتوني وهي الي ماده يدها بكل قوة للضياع ..!! .. اي وعلى فكرة .. انا انسان خاطب .. وخطيبتي اشرف منج بمليون مرة وعرسنا قريب.. ويالله فارجي ..


صكر التيلفون فويهي ..

غطيت شفايفي وانا اصيح بكل قهر .. وقفت بقوة جدام المنظرة .. وصطرت نفسي بقوة .. انا غبيه .. غبيـــــــه ..

غطيت ويهي وانا اصيح .. طحت ع الارض منهارة .. انا وسخه .. انسانه ماتستاهل اتعيش .. حقيييرة .. خربت سمعه اهلي .. نزلت راس اخوي ... اكرهــــــــــــــج لولوة .. اكرهـــــــــــــــــــج .. انتي الي ضيعتيني .. انتي ..


دقيت على رقمها .. وتذكرت انه عند علي .. اتصلت على رقمها الثاني .. رن .. ورن .. وانا اصيح واشاهق .. ليش مادري ليش اتصل لها .. بعد كل الي سوته فيني ..

ردت اخيرا .. وصحت بقهر .. : ليييييييييييييييييش يالولوة .. لييييييييييييييييش؟؟

قالت بااستفهام .: امل ؟؟ اشصاير؟؟ بعد كل هالشهور الحين متصله فيني؟؟ اشتبين؟؟ ..


صحت مقهورة : ليش ضيعتيني ليش .. ؟؟ انا شضريتج فيه؟؟ ..

هدوووء ساحق هذا الي سمعته منها .. صحت زيادة باالم : ضيعتيني .. حرام عليج .. حسبي الله عليج ونعم الوكيل

ت1كرت يوم شجعتني اني استمر ويا حمد .. واني مااخاف واعطيه رقمي .. خصوصا انه يحبني .. ويغار علي .. من كلامه .. واكيد انه يبي يخطبني .. مادريت ليش بالضبط لولوة ضيعتني ؟؟ .. ليش؟؟ ... انا احبها .. حرام ليش مانصحتني .. ليش ماقالت لي ان درب الجات غلط .. لييييش ماوقفت وياي ... ليش شجعتني ليييش لييييش؟؟


قالت بعصبيه : لا اتحسبين علي .. اي .. اي انا الي بغيتج تضيعين .. مب بس انا الي اضيع .. مب بس انا الي ضعت .. مب بس انا الي اعاني .. ليش انتو بعد ماتعانون معاي .. ليش ماتحسون فيني بعد .. ليش بس انا الي تتشوه سمعتي .. ليش بس انا الي اصير رخيصه .. انتي بعد صيري رخيصه .. انتي بعد ..


شاهقت باالم .. اشدخل ..قصدها يعني انا .. صايعه؟؟ .. بس انا مااكلم شباب .. انا بس كلمت حمد .. بس والله بس ..يعني انا .. حالي حال الي يكلمون 100 شاب .. هذي شتقول ؟؟ : انتي شتقولين ؟!!

قالت بعصبيه وصياح : يعني بتفهميني ان اخوج ماقال لكم اني نفسج الحين .. ههههههههههه .. مب بس انتي النجسه .. هههه .. انا كنت قبلج " صاحت بقهر" .. انا تعذبت سنين وسنين .. واخوج زاد عذابي زيادة وطلقني .. يعني انا .. انا ,,, شذنبي .. انا بعد .. ضحيه ..

كملت وهي تضحك : هههههههه حتى انتي مب بنت الحين .. مب بس انا هههههههههه .. يا شماتي فيك يا علي .. ههههههههه .. ويقول اختي اشرف منج .. هههههه .. كلنا فالهوى سوى ... صاحت وهي تقول .. بس الفرق انج مب متزوجه .. يعني بتبيرين خههههههههههه .. وانا تزوجت ..صاحت بحزن ..وخذت واحد على عيونه .. مايدري الي خذاها بنت ولا ... مايدري عن مشاعرها .. مايدري عن مأسيها .. تدرين؟ .. اشكر اخوج صراحه .. خخخخخ .. تدرين ؟؟ .. ينفع يستر ع البنات |.. سلمي عليه .. ولا تدرين ؟؟ .. انا بسلم عليه .. واقوله عنج .. اقصد ابارك له على ضياعج ههههههه ..


صكرت الخط بويها وانا اصيح بندم .. ليـــــــــــــــــش يالولوة ليــــــــش .. يعني بس خلتني اروح هالطريج بس عشان اصير نفسها ماتبي احد يكون احسن منها .. غطيت ويهي وانا اصيح بكل قوة .. انا ضعت وانتهيت .. والي ضيعني خاطب وبيتزوج قريب ..

مسكت تيلفوني.. وانا اصيح باانهيار .. مدام انه خطب .. ويحب زوجته ليش ليش ضيعني .. صحيح مالمسني بس .. بس صحت وانا اتذكر اني انا الي ضيعت نفسي .. وطرشت له


امسح الارقام الي عندك
ولاتحاول تتصل ثاني
انتهى ياصاحبي عهدك
مالفاني منك يكفاني
قلي بالله وش حدك
اتعمد جرح وجداني
ذا جزا الانسان الي يودك
تنكر عهوده والايماني
الغلا يا زين الي بدك
ماعطيته لواحدن ثاني
لين صرت تقول من قدك
من خلق شرواتك انساني
كم شكى الفواد من صدك
وكم وليله اسهر اعياني
حتى قال من الوسى حدك
لين متى بااعيش بااحزاني
ما انتظر ياصاحبي ردك
اقنعت نفسي بهجراني
لو يسيل الدمع ع خدك
امسحه يا زين وانساني
طرشته .. ورن تيلفوني على طول .. وكان .. علي .. رديت بسرعه : انا موافقه ,,,!!

وتلاه تلفون من حمد .. تلفون وحييييد ... صكرت عيوني متألمه .. انا صرت لغيرك ياحمد .. وانتهينا ..!

 

كل واحد معطي الثاني ظهره .. ويفكر ..

"سارة " ..

كانت دموعي تنزل بضعف .. وانا كاتمه صيحتي بالقو .. بعد الي صار بيني وبينه .. وبعد ماعرفت عن كذبه .. مستحيل اسامحهه .. ومستحيل اسامح ماجد .. طاح من عيني خلاص .. ومابي اكلمهم .. مااحبهم .. خلاص .. كانت الغرفه سابحه في الظلام .. ماعدا النور البسيط الي جاي من اطراف الستاير .. كنت منحرجه اقوم .. واطلع اجوفهم .. كنت مستحيه من نفسي .. ومن الي صار بيني وبين منصور .. يعني خلاص انا زوجته .. الي الكل كان يشوفها زوجته من شهرين .. احس نفسي منحرجه .. احس اني ماابي اجوف احد .. مستحيه من نفسي .. اشلون استسلمت .. كان المفروض .. كان لازم امنعه .. لاني اعرف مصيري وياه .. عبست وانا احس عيوني تحرقني من يديد .. وانا احاول اكون هاديه ومااصيح .. اخافه .. يكون قايم ومب راقد .. ويحس فيني وفضعفي .. لا مستحيل ابين له .. انا اصلا لازم ابين له انه حتى بعد الي صار ويانا .. اني اكرهه .. واستحقره اكثر من اول .. لازم ابين ان هالشي مااثر علي .. اصلا هالشي ماااثر علي .. اي انا اعرف عن نفسي .. هالشي اصلا مااثر علي ..

صحت وانا مب قادرة امسك نفسي زيادة ..

تحركت بسرعه من السرير ... ورحت الحمام .. تعثرت قبل لا اوصل الحمام .. بفانيله منصور .. !! .. رفعتها وانا اقبض عليها بقوة واعفسها بين يدي .. مسكت حلجي امنع شهقتي ..

ركضت للحمام .. وصلت الحمام .. دخلته برجفه .. صكرت الباب .. وتساندت عليه .. نزلت ع الارضيه وصحت بقوة وانا ادفن ويهي فركبتي .. صحت بقوة .. مادري اشفيها مشاعري متلخبطه .. شميت ريحه منصور ..وخفت انه دخل الحمام بس تذكرت اني قفلت الباب عيل هالريحه من وين؟؟ .. ويوم فتحت عيني لقيت فانيلته بين يدي .. صحت زيادة .. وانا احس باانحراج كبير من نفسي ..


............

"منصور "

ماقدرت ارقد او ارتاح بعد الي صار بيني وبينها .. عضيت على شفايفي بندم .. اكيد حست بحاجتي لها ورغبتي فيها .. غبي غبي غبي .. اكيد تتوقع ان لها مكانه فقلبي ؟ لا طبعا لا تحلم اصلا انا مااحب الا لولوة .. اخ يالولوة وينج وينج اختفيتي عني سنين .. من يصدق .. تنهدت بتعب وانا امسح طرف ويهي .. اشلون ماقدرت اتحكم فنفسي .. يعني خنت لولوة .. لالا .. هذي زوجتي وهالشي مفروض يصير من زمان.. بس .. بس لولوة ..؟؟

هزيت راسي وانا انهي الصراع الي اعيشه بداخلي ..توجهت لغرفه الملابس بغير ثيابي وبطلع .. مااقدر اواجهها مااقدر .. احس اني منحرج ومستحي منها .. عضيت على شفايفي وانا اسمع صوت صياحها .. عورني قلبي .. بس طنشت لبست ثيابي وطلعت من غرفه الملابس وانا ازرر ثوبي .. وتوجهت للتسريحه .. مشطت شعري بمشطها .. وتسبحت بالعطر .. توجهت للكوميدينو وخذت بوكي ومفتاح سيارتي ..

وطلعت من الغرفه .. مشيت بهدوء بطلع من البيت .. سمعت حس سالم معصب وهو يتحجى بالتلفون .. اشر لي اروح الميلس اسلم على ريل سلوي .. اوف مب متفرغ لـ احد .. بروحي الي فيني مكفيني ..

مادري ليش احس اني مهموم من الي صار وبنفس الوقت احس اني فرحان .. مادري اشلون اعبر لكم .. تنهدت .. دخلت سيارتي .. وفتحتها .. وانا اتذكر يوم وديتهم حديقه اسباير .. اشكثر كانت حلوة الرحله .. صكرت عيوني وانا مبتسم .. ورديت فتحتها وانا اسمع رنه التيلفون تتصاعد برنين نوكيا المعتاد قطعت تفكيري فهالانسانه الي عجزت افهمها .. فكل شي مختلفه ولها ردات فعل مب طبيعيه بالمرة .. عمري ماتوقعت شي وصار صح بالنسبه لها

فتحت الخط وانا عاقد حياتي .. رقم غريب .. وسمعت حس اشتقت له وااااايد واااايد : حبيبي .. وحشتني ..



صكرت عيوني بألم احتفظ بهالكلمات .. اخ يا لولوة محتاجج .. محتاجج وايد وايد .. استمرت تكمل: ليش اختفيت من حياتي مرة وحدة .. منصور .. انا تطلقت بس عشان ارجع لك ..(وقالت بقهر) لاني اكتشفت اني مااقدر اعيش من دونك


فتحت عيوني مفجوع .. تطلقت ؟؟ .. عشاني ..!! .. ياحبيبتي يالولوة .. ضحت بريلها .. ومستقبلها واسمها .. عشاني .. ياحبيبتي .. صرتي تحملين اسم مطلقه بس عشاني .. تفاجأت .. معقوله للحين تحبني مثل ماانا احبها ..
ياريت يا لولوة قلتي هالشي من قبل .. قبل لا المس سارة.. واضيعها معاي ..! .. ياريت ..!

..............


"حمدة "

كنت اسمع كلامه متفاجأة .. رمشت بالقو .. هذا شيقول ؟؟ .. طالعته متفاجأة .. وانا اشم ريحه السجاير ..

قعد على كرسيه الوثير ..وافتر نص التفاته وهو يقول : من يوم دخلتي هالمكتب .. وانتي داشه خاطري ..

حسيت اني تجمدت في مكاني .. وخفت .. بلعت ريجي ..







شـ يقصد ..!؟

​

 

..::]][[ الحفنه السادسه عشر ]][[::..
(بعثرة مشاعر)

"حمدة "

كنت اسمع كلامه متفاجأة .. رمشت بالقو .. هذا شيقول ؟؟ .. طالعته متفاجأة .. وانا اشم ريحه السجاير ..

قعد على كرسيه الوثير ..وافتر نص التفاته وهو يقول : من يوم دخلتي هالمكتب .. وانتي داشه خاطري ..

حسيت اني تجمدت في مكاني .. وخفت .. بلعت ريجي .. شـ يقصد ..!؟

طالعني وثبت نظراته علي : بـ كم الليله ..!؟

استوعبت الي يبغيه .. وانغرزت دموعي غصب فعيوني .. وقفت بسرعه .. : انـت .. انـت ..

سكت مب عارفه ايش اقول .. دموعي ملت عيوني .. صكرت عيوني بكل الم .. انا هب رخييييصه .. هب قليييله ادب .. ليش جي يقول لي؟؟ .. انا مب بنت ليــــــل !

قام من مكتبه .. ووقف مجابلني .. : 10000 يسدونج ولا تبين زيادة ؟؟

طاحت دموعي وقلت بكره : انته حقير ..وانا بستقيل ..!


التفتت باطلع .. مسك يدي بالقو ولفني لجهته : 30000

رفعت يدي وصفعته بقوه وقهر : وهذا ردي عليك ..

شكله عصب .. وقال لي : انا جي تقولين عني ...!؟

قرب مني وانا مب مستوعبه .. مسك ويهي وباسني .. بعدت يديه عني وانا ادزه .. انفج الباب .. وانصك بسررعه ..

مسحت شفايفي بقوة وغيض وانا اصيح .. اما هو قال لي : جفتي كيف فضحتينا؟؟ .. حق شو الصراخ يعني؟ ..

تحركت بقهر باطلع من المكتب .. وانا اصيح بالقو .. سمعته يقول : مطلقه شو تترين ريال بيي يخطبج يعني ..؟ تعالي ماتفاهمنا .. ماعجبج ال30 .. ازيدهم لعيونج 50 ..

ركضت بسرعه لمكتبي .. دخلت بسرعه ... ومسكت شنطتي ..توجهت للحمام .. غسلت ويهي وايد .. مادري كم .. بس وايد .. حتى ان شفايفي تشققو واحمر حنجي .. ونزلت تحت وانا اصيح بكل غيض وقهر والم .. لاني مطلقه .. لاني مطلقه ..

اتصلت ع عفاري .. وقلت لها ابا الدريول .. بس الدريول طالع ويا ام عفاري.. اتصلت ع حميد .. وانا منهارة ..

اما حميد .. فـ تخرع وهو يحاول يفهم شو السالفه .. وصل بعد حوالي ربع ساعه .. وانا هب راضيه ادخل المكتب مع ان خوله اتصلت عليه مرتين تزفني عسب ايي اكمل البيانات .. وانا صرخت فيها .. خلاص طفح الكيل ..

من لمحته .. صحت زيادة .. ودخلت السيارة وانا منهاره .. وحميييد متخرع : شصاير .. حمده .. ليش تصيحين .. بلااااج ..



.............
"سالم"

قعدت ع الكرسي تعبان .. احس يدي شوي تعورني اذا حركتها وايد ... خصوصا اني اليوم داومت في شركة محمد اخوي .. ابتسمت وانا اتذكر السكرتيره الصارمه .. كانت تتعامل بكل جفاف معاي .. وكانت تعاملني وكأني موظف عادي .. تحترمني وبس ... لا تكلمت مني ولا مناك ..

عجبني موقفها وايد .. ويوم قريت ملفها بالدس .. انصدمت حييييل ... مطلقه ..!!! ...... بس اصغيرة صغيرة وايد ... تخيلو عمرها 18 .. ومطلقه ... مادري ليش يات فبالي سارة.. خفت منصور يطلقها .. معقوله وهي صغيرة تتطلق .. انا صحيح .. كنت ابغيها كـ زوجة .. بس هي .. راح تتحمل هاللقب .. وانا ادري فمجتمعاتنا القاسيه الي ماترحم ... قعدت افكر لو سارة تطلقت لاسمح الله .. ورحت تقدمت انا لها ... بتوافق؟؟ .. وبعد الي قلته لها ... اخ ... اكتشفت اني وايد وايد كنت حقير .. وكانت تصدر من تصرفات غير مسؤله وغير مباليه ... يمكن لوجود سارة في بيتنا خطوة كبيرة فحق حياتي ... غيرت حياتي
وصحتني من غفوتي


فسخت غترتي وفلعتها ع الكرسي .. وتوجهت للسرير .. انبطحت عليه وانا حتى مالي بارض افسخ ثوبي .. مادري ليش حسيت اني لازم اتزوج ... اول شي عشان اصون نفسي من الحرام ثاني شي .. لان حياتي كلها جفاف في جفاف .. احتاج وحدة تحن علي .. تسأل عني .. تحبني .. تراعيني .. تجوف شنو ابغي شنو ماابغي .. تشتاق لي اذا غبت ... تحس فيني اذا مرضت .. ابغي وحدة .. ماتخوني ... ابغي وحدة .. اذا حبت تحب بصدق ..ابي وحدة ماتكون قويه راس .. ولا ضعيفه ... ابي وحدة ... غير ... ابي وحدة طاهره ... نظيفه ... عفيفه ... مالها غيري حبيب ... مالها فسوالف الحب والخرابيط .. ولا عندها مغامرات عاطفيه ... ابي اكون الاول والاخير في حياتها
ابغي اكون محور اهتمامها .. وابغيها تحتويني واحتويها .. ابغيها لا غلطت تصحح اغلاطي .. ابيها لا جافتني ندمت تمسك بيدي .. وابيها لا تعبت تزيل همومي ...
بس بس .. ماراح تعتبر خيانه لذكريات حياة؟؟ ..

حياة حياة حياة ..


رحلت من سنين .. وانا كنت عايش فعز معاها ... عرفت الحب والحنان والامومه والدلع كل هالاشيا الي ماعرفتها بحياتي الا معاها .. كنت قاسي عليها اي نعم اعترف .. بس انا طول حياتي عشت جلف .. جاف .. مااعرف اعبر .. حياتي عودتني اكون جذي .. اشلون خلال شهرين ثلاثه تبغيني اصير رومانسي واعبر عن اهميه وجودها في حياتي

انا تعودت فحياتي على الكتمان .. صعب علي جدا اني اعترف ولو بااهميتها وقيمتها عندي .. لاجيت اعبر ... غصب عني قسيت ...انا حياتي فهالبيت بدون مشاعر علمتني اتجرد من مشاعري .. علمتني اكتم مشاعري لاني لو بحت فيها ضعفت ...

تنهدت بتعب وانا محتار ... اتزوج ... ولا لاء؟؟
طرت ع بالي البنت الي ويانا بالشركة .. ليش .. ماادري ..!!


...............



"منصور"

رديت الباب وانا هلكان وتعبان .. جفت سلوى قاعده فالصاله وتهز ريلها بتوتر .. ابتسمت بحنان لها .. باافقدها وااايد .. بتسافر الليله لبنان .. تجهز لعرسها .. ابتسمت.. بس سرعان مااختفت بسمتي وانا احس بمكانها ووجودها فهالبيت .. يعني معقوله بتغيب عن هالقصر الكبير .. وتتركه خالي من المشاعر .. يعني ع الغدى بس انا ومجود وعيال محمد واحيانا سالم .. بااشتاااااق لها وااايد ..

طالعتها بحنيه كبيرة .. وحسيتها متوترة .. عقدت حياتي وانا اقول : السلام عليكم ..

رفعت راسها بسرعه وهي تقول : وعليكم السلام .. انته رديت .؟؟ ..

ردت بدفعه وحدة .. عقدت حياتي .. ومادري ليش طرا فبالي اتصال سارة يوم كنت تعبان الظهر .. وكنت منسدح ع الكنب .. همممم .. كان عندهم امتحان فلسفه ؟؟ .. اي .. تتذكرون؟؟.. من بعد ذيج السالفه نحست علينا ..!! ..ابتسمت من ردت لي السالفه ..


التلفون يرن .. يرن .. يرن ..الصاله هدوء يقطعها صوت الرنين .. انتبه من سرحانه الي شاغل كل وقته .. حس عضلات ريله متبنجه وماله بارض يتحرك ويرد .. طالع الساعه لقاها 3 الظهر .. من الفاضي الي متصل هالحزة؟ تكيسل يقوم .. واول ماهم بالقومة .. توقف التلفون عن الرنين .. ماتعب نفسه بالتفكير وانسدح اول ماغمض عينه رن التلفون .. عصب .. وقام شال التلفون توة بينطق وبيلعن الي متصل الا تاكله بلسانها: ساعه؟ ساعه لين تردون؟ من ساعه وانا اتصل؟ لا صباح الخير جان مارديتوا؟ .. بسرعه ودي التلفون لماما سلوى

طالعت الشاشه رقم جوال .. من هاذي؟ قليله الادب الي متصله هالحزة وتتهاوش بعد : خيـر اختي؟ ..

حس بالحركة الي كانت تصدر من التلفون هدت .. والبركان الي انفجر من شوي استقر .. قالت بعد فترة قصيرة : ا .. ا .. هذا مب بيت سلطان؟؟؟

عقد حواجبه: ايه نعم ؟

حسها مفتشله وهي تقول: .. احم .. السلام عليكم .. ممكن سلوى؟

حسها ثقيله دم .. ومن استوعب الرقم كشر بويهه : ايه لحظة ..



ابتسمت على هالذكرى ..و قعدت بتعب ع الكنب : اي رديت .. اشفيج مفجوعه ..

طالعت وراي وكأنها تتأكد من شي ..قلت بااستغراب : شتدورين؟؟ ..

قالت بحذر : سارة مب وياك؟؟ ..

عقدت حياتي مستغرب .. صج تعالو .. وينها .. كل يوم اجوفها ترتز ويا سلوي ومن سوق لسوق عشان جهازها او منخشين هالثنتين في غرفه سلوي .. قلت بااستغراب : لاء مب وياي .. هي مب وياج؟؟ .. (تذكرت الي صار وانحرجت بيني وبين نفسي ..مادري ليش حسيت اني راح ابتسم .. بس مسكت ابتسامتي ..وينها ليش مب ويا سلوى .. اكيد مستحيه تنزل ..؟؟ )

قالت وهي تبوز : لا .. من اول ماطلعت من جناحكم .. هي طلعت .. وراحت بيتهم ..

فتحت عيوني مصدوم : اي بيت؟

عقدت حياتها: اشفيك بيت ابوها .. تعال .. صج انت ليش ماتنتبه لها ها؟؟؟

انصدمت من كلامها ..وعصبت .. يعني معتبرتني ولاشي حتى ماقالت لي انها بتطلع من البيت .. وسكت ماعرفت شاارد .. لكنها كملت : مسكينه طاحت من السرير ولا ساعدتها واعليه زنودها تعورها ..!!



عقدت حياتي .. طاحت من السرير؟؟ .. وزنودها تعورها؟؟ .. مساعه يوم كنا ويا بعض ماكان فيها شي .. تذكرت الي صار بينا .. وانحرجت .. واستحيت .. نزلت عيوني لتحت ورديت رفعتهم : من العصر الي طلعت انا هي طلعت؟؟

قالت لي بااستغراب : اي شفيك؟ .. ماقالت لك ؟؟ .. انا يوم كلمتها قالت لي انها قالت لك .. !!

ارتبكت .. ووقفت اغطي ارتباكي : اي امبلا تذكرت .. خلاص باروح اجيبها ..

نزلت تحت وانا عاقد حياتي .. سارة طلعت من البيت بدون ماتقول لي ؟؟ .. انا زوجها والمفروض انا اول واحد يدري عن تصرفاتها ..عصبت من تصرفها الصبياني اللا مسؤوول اكيد راحت لانها ماتبيني ... مب بكيفها .. احنا ماقاعدين نلعب .. وبعدين .. وبعدين .. انا .. انا اليوم احتاجها .. ماقدر ..

وصلت لبيتهم وانا مفووول ع الاخر .. اتصلت لمجود .. وسمعته يضحك وهو يقول : حياك حياك تحت .. احنا فوق .. الا مرتك الدلوعه وامي وولدي .. خخخخخخخخ

ابتسمت .. وقلت وانا اهدي من اعصابي : اي ماخذ راحتك ها

ضحك ماجد وهو يقول : ياخوك شنسوي من زمان عن المرة .. ملتهين .. خذ مرتك لازنطها .يالله بصكر يوعان بتعشى .. حياك

ابتسمت بخفه واستهتار: ليش؟؟.. اوه تتعشى بالعافيه

ضحك وهو يقول : ياخي لاصقه فـ امي طول اليوم .. يقول تبي حنان خخخخخخخخ .. اقولك انا بزي لا اتطول السالفه بطني قارصني من اليوع

تجمدت ابتسامتي وانا اسمع جملته الي يقول تبي حنان .. قلت بعد سرحان: يعني ادخل امان؟؟ ولا مرتك تحت؟

ماجد قال بااستعيال: دش دش .. اقولك انا ومرتي فوق .. يالله فارج

وطبع الخط بوييهي .. مب هين ولد العم دخلت البيت .. وانا احس بخجل طفيف منهم .. ام سارة .. احبها هالانسانه ..؟ وايد احبها .. اتذكرت يوم كنت امرهم كنت دوم اجي اسلم عليها لانها انسانه وايد زينه .. وصلت للصاله الي يقعدون فيها يوم اجيهم ..

بس كانت خاليه .. عقدت حياتي .. وقعدت على طرف الكنب وانا ناوي اتصل ع سارة .. سمعت حس ضحك من الصاله الثانيه .. الي نادرا .. مايدخلوني اياها ..

توجهت بحذر للصاله .. وكان الباب مردود .. "يعني مب مصكر .. ولا مفتوح ع الاخر .. مابين وبين " ترددت اطل او لاء .. بس تذكرت ان ماجد قال لي ان مرته فوق .. طليت بهدوء .. واندهشت .. كانت الصاله قعده عربيه .. يعني "مساند وقعده ع الارض" كانت سارة حاطه راسها ع ريول امها وتلعوز يوسف .. وامها تكلمها بحنان ... وتلعب بشعرها الحريري الي طايح ع ريول امها .. والتلفزيون مفتوح .. بس صوت ضحكهم وسوالفهم مغطيه ع صوت التلفزيون ياتني رغبه عارمه بااني امسكها واضمها بقوووة ... والعب بشعرها واشده .. ذهلني منظر شعرها الي يتراقص بين اصابع امها بنعووووومة بالغه وكانه شلال ماي عذب

هالمنظر اثار فيني مشاعر غريبه .. اول مرة احس فيها .. الفه .. حب .. مادري .. احساس .. ماعشته .. بأنانيه .. دخلت وتنحنحت .. قامت سارة بسرعه .. وقعدت وهي ترتب شعرها وتصكره طالعتني مصدومة ..لاحظت ان شعرها طولان عن بدااايه زواجنا ..زواجنا؟؟ هه.. نزلت عيونها على طول .. وعقدت حواجبها .. وهي تطالع الارض وكأنها ماتبي تجوفني .. او تتهرب مني .. وكأن الي صار بينا .. حرام..وكأنه عـار .!

سلمت على ام سارة .. طبعا بست راسها وكانت عمتي مستحيه كالعادة يوم ابوس راسها.. ابتسمت بداخلي على حيا عمتي .. وجفت سارة الي كانت مستمرة تطالع الارض .. واذا رفعت نظرها شتته بين يوسف .. والاثاث .. حتى امها ماطالعتها ..

بعد شوي .. تحركت سارة ويات قعدت عندي همست لي فنفس الوقت الي امها كلمتني : اشلونك يا ولدي ..

سمعتها تهمس وهي تقول : اشيابك ؟؟ ..

طالعتها وانا عاقد حياتي .. وطنشتها .. رديت على خالتي ام سارة باابتسامه رقيقه : هلا والله .. انا تمام ..انتي شخبارج؟؟

ابتسمت وهي تقول : بخير ..وينك ياولدي ماتنجاف ..

ابتسامتها الحلوة ذكرتني بماجد .. نفس الابتسامه .. تحسهم ناس طيبين .. بريئين .. مالهم في هالدنيا .. مايحبون لا المشاكل ولا عوار الراس ... مسالمين .. عكس بنتهم

سمعت سارة تقول بقهر هامس : انا طرشت لك مسج .. قلت لك ابي ارقد هني .. يعني لازم تحرجني ..! .. اوففف

طالعتها بطرف عيني .. خبيثه .. تتكلم بالوقت الي تتكلم فيه امها عشان ماتحس فيها .. بس متى طرشت لي مسج؟ .. ماقريته ؟! .. وليش من الاصل تبي ترقد هني .. لاحظت انها ماحطت عينها بعيني ابد .. ابتسمت لخالتي وقلت : والله موجود .. مشاغل وجي ..

سمعت سارة تقول بهمس : عشتاو ..

رفعت حاجب وحبيت احرجها : سارة ماسمعتج اشقلتي سامحيني كنت اسمع امج.. ​

​

 

طالعتها ويه بويه .. وجفتها مفوووله ع الاخر .. وويها قلب احمر ... حطت عينها بعيني وحسيت عيونها ترسل شرار.. كتمت ضحكتي ..بس ابتسمت لاني ماقدرت اخبي ابتسامتي ..

سمعت عمتي ام سارة تقول : سارة يمه قومي صبي جااي حق ريلج

جفت سارة وهي محمقه .. ومعصبه .. ابتسمت اكثر .. بس قلت : لا .. لا تتعبينها"طالعتها من طرف عيني وهي تستريح اكثر فالقعدة وتستند ع المساند" مابي اشرب شي .. بس جاي اسلم عليكم .. جفت ملامح سارة استكانت وارتاحت .. رفعت حياتي وكملت .. واخذ سارة ..

كانت فهالوقت تشرب من الماي الي بيدها .. ومن سمعتني غصت وبدت تكح بصوت عالي .. حتى عيونها انترسوا دموع من غصتها .. وظلت تكح .. وويها قلب حمر .. ضربت ظهرها بخفه .. اما هي طالعتني ناقمه ..

قالت امها وهي تأكل يوسفوه ملتهيه عنا : والله ماتروحون ياولدي الا وانت شارب جايك وتتعشى معانا.. سويير ..قومي صبي لريلج

طالعتني سارة معصبه وابتسمت باانتصار .. ارفعت حاجبها وقالت : يمه مايبي غصب ..

امها قالت بحدة وهي تطالعها : سااااارة ..

توسعت ابتسامتي وانا اجوفها معصبه ..تحركت سارة وانا احسها تتحرك بالغصب .. وراحت تصب لي استكانه جاي .. والخسيسه ماحطت لي شكر ..

ام سارة : سارة حطي شكر لريلج ..

طالعتني وقالت بخبث : لا منصور مايحب الشكر ..

فتحت عيوني .. انا ؟؟؟ ... انا اصلا احط 2 ونص شكر لي .. قربت وقعدت عندي .. وعطتني الاستكانه .. خذيت الاستكانه من يدها .. وتلامست اطراف اصابعنا .. شدت يدها بسرعه .. قبل لا امسك الاستكانه عدل .. وطاحت الاستكانه من يدي .. على ريلي..

تأوهت لاني ماتوقعت الاستكانه تطيح على ريلي .. وخصوصا ان الجااااي .. ضــــو ..

صرخت سارة متفاجأة ..وبسرعه امها قالت لها : روحي يبي ثلج .. حسبي الله على ابليسج من بنت .. ماحاسبتي زين جي حرقتي ريلج ..!!

اما سارة فكانت واقفه متجمده وهي تطالعنا .. وبعدها استوعبت وبغباء ركضت للجهه الثانيه من الباب .. وفتحته .. وكملت بغباء : اوه هاي الحمام ..! .. وبعدها ركضت برع ..

تحركت وانا عاض على طرف شفايفي .. وقلت لعمتي : اسمحيلي عمه .. بغسل ريلي .. تحركت وانا احس ريلي تحرقني .. وحاااااااااااااره ضووو .. دشيت الحمام .. وكان متوسط الحجم .. توجهت للبانيو .. فتحته .. وكان الماي دافي .. حطيت ريلي تحت الماي .. وبسرعه بعدتها لاني حسيتها تحترق من الماي .. وخصوصا فالصيف الماي يصير حااار حتى لو فتحت البارد .. ثواني وسمعت حس ساروه الغبيه .. يابت كيس مليان ثلج ..

حطته ع ريلي .. وطلعت من الحمام .. وانا احس بخنقه .. طلعت وقعدت برع وعيون سارة وعمتي ام سارة وحتى يوسف الصغيرة تراقبني وتجوف ريلي كل ساعه .. سمعت عمتي ام سارة تقول لسارة : قومي انجبي عشا حق ريلج .. يمه منصور الحين انت احسن؟؟

قمت واقف بسرعه وحلفت قبل لا تحلف: لا والله متعشي .. الحمدلله احسن بوايد..غيرت وجهة نظري وطالعت سارة ... يالله سارة .. ؟

طالعتني مستغربه وكأنها تقول على وين .. يعني كل هالسالفه الي صارت بسبة سارة وييتها وبعد تسأل غبيه ! .. : بنرد البيت؟؟

عقدت حياتها وقالت بااعتراض : لااا .. برقد هني اليوم ..

طالعتها وانا معصب من نفسي ومنها .. : لاء.. يالله ..!

بوزت .. ومن استوعبت ان هاي انا منصور .. وسرحت شوي .. وبعدها قلب ويها احمر بشكل فضيييع .. كل واحد يقدر يلاحظ هالاحمرار الي صار بوييها .. تحركت بسرعه .. وراحت فوق .. اماا انا تحركت ببطئ للسيارة .. بعد ماودعت ام سارة .. وبست يسوف هالياهل عجيييب .. صاح اشكثر يبغي ايي وياي بس يدته مارضت

قعدت ع الكرسي وانا احرك الكيس بخفه ع ريلي .. تأخرت سارة .. وخمنت انها متعمده تطفشني .. فتحت المسجل .. وكانت اغنيه



القوس قوسك والسهام سهامك
مالي على رمش"ن" تسله قوه

انفتح الباب بقوة .. ودشت ساروه وهي تتأفف وتتحلطم بس بصوت واطي.. قعدت ..وصكرت الباب بقوه حتى اني صكرت عيوني من قوة تصكيرتها للباب .. لكن عندت وماتحركت .. طالعتني وكأنها تسأل ليش؟.. كنت كاتم عصبيتي .. بس اشرت ع الحزام وانا اسمع صوت المغني يعيد

انا اسيرك واقف"ن" قدامك
والي تبا تسويه فيا سوه

تحركت عن بيتهم .. ووقفت صوب الاشارات .. وكان صوت المغني هو الوحيد الي ينسمع في السيارة وغير اصوات الهرنات الي ماليه الشارع من الزحمه .. ومع زحمه الدوحة .. فكنت متأكد ماراح نوصل البيت الا بعد نص ساعه ع الاقل .. التفت لها وكانت تطالع الشوارع من الدريشه .. تنهدت ..

وثقت في قلبك وطيب انسامك
ماظني تظلم وانت فيك مروة
قلبي رهيف ولا يروم هيامك
توه تعلم كيف يعشق توه

عقدت حياتي اسمع الكلمات .. توه تعلم كيف يعشق توه ؟.. انا اول مرة اسمع هالمقطع ..!..
قلبن خطفته لا ترص احكامك
خفف على قلبن حكمت بجوه
يفداك لكنه يشيل احلامك
ملكك ولالي منه غير مخوه

تأملت اصابعها الصغيره الي ماسكه يد شنطتها .. والثانيه عاقدتها على بطنها .. وشكلها معصبه وهي تطالع برع عضيت شفايفي كاتم فيهم ابتسامه من شكلها المعصب .. شكلها يحلو اذا عصبت.. رجعت اطالعها بتأمل وانا اسمع المقطع الي بعده ..

بك زين من راسك ايلين ابهامك
والليل ياخذ من صباحك ضوه
مايحجب الويه الصبوح لثامك
طلتك دايم يالحلا محلوه

فتحت الاشارة .. وطافو الناس .. بس للحين ماوصل دورنا .. لان صج صج الشارع زحمه .. وانا تعبان ومب فاضي لهالتأخير ..

اتبعتها اغنيه على طول .. وكانت توصف حالها

حلوة منك حلوة منك حلوة منك
يعني زعلان انته مني ..
يعني انك ..

حلوة منك مره احبك حلوة منك
يعني زعلان انته مني
يعني انك
مااصدق كل هذا من غيابي
ياعساني مااخلا في يوم منك
ابتسمت ع الاغنيه .. وع الكلمات ..
حلوة منك حلوة منك .. يعني زعلان انته مني .. يعني انك
وين ظنك
راح قلبي وين ظنك
قلبي الي دوم مشتاق ويحنك
مافي غيرك في حياتي ياحياتي
اعشقك واموت في عشقي لفنك

التفتت لي بعصبيه وهي تقول : قلت لك ابي ارقد فبيتنا ..

تفاجأت لكن قلت ببرود : ماقلتي ..

قالت بعصبيه : طرشت لك مسج ..

رفعت تيلفوني ببرود .. وفتحته .. وفعلا كان فيه 3 مسجات .. 2 من "عذاب الروح ".الي هي لولوة. وواحد من" بدون اسم" والي هي سارة .. نسيت اغير اسمها من بدون اسم لين سارة! .. فتحت مسج بدون اسم " انا بنام فبيتنا "

رفعته لها وانا اقول لها : هالمسج ؟؟ ..

قالت بعصبيه : تستهبل؟؟

قلت ببرود : لاء .. انتي كاتبه فبيتنا .. وانا يت اخذج .. لبيتنـــــــا ..

يوم كنك ماتبيني يوم كنك
طفل بااحضاني واشيل الحزن عنك
انتشي بك وانتظر في دلالك
واتهنى واتمنى ضحكة منك

صكرت المسجل بعصبيه وهي تسمع هالمقطع وردت تقول بعصبيه اكبر : انا اقصد بيتنا .. مب بيتكم

قلت ببرود وانا انتبه للاشارة الخضرة : انتي قلتي بيتنا .. وجمعتي .. ودامج جمعتي .. وانا ريلج ..(حركت راسي وخذت اللفه ولفيت وانا اكمل ببطئ شديد وكأني ناوي العب بااعصابها) فالمكان الي ارقد فيه ترقدين فيه .. والبيت الي انا فيه بيتج .. اما بيت ابوج .. فتقولين بيت ابوي .. مب بيتنا ..!!

صفقت هي بمصخره : ايوا ايوا شاطر .. من وين حفظت هالكلام ..

طالعتها ببرود وانا فاهم قصدها زين ماازين .. وصديت عنها وانا الف .. رن جوالي .. ورفعته كانت " سلوى" : هلا .. تمام .. اي ... الحين.؟؟ .. همممم .. زين .. الله وياكم .. اول ماتوصلون اتصلو .. طالعت سارة الي صاده ورديت اطالع طريجي .. اي يات .. لا مابنلحق عليكم ..انتو توكلو .. زين .. وانتي من هله .. يبلغ..

قالت سارة : بيروحون؟؟ ..


قلت ببرود : اي ..


قالت مرة ثانيه : الحين ؟؟ ..

سكت ومارديت عليها .. ردت تسأل مرة ثانيه بعصبيه : اكلمك انا .. الحين بيسافرون؟؟ ..

طالعتها باستخفاف .. ولفيت .. قالت بعصبيه اكبر : منصوووور ..!

قلت ببرود: مابتلحقين عليهم .. وكملت بااستخفاف .. ولا من زود المحبه ؟؟ ..


طالعتني بعصبيه .. وقالت : روح بسرعه .. ابي اسلم على سلوي ..

طالعتها وقلت ببرود: اطير يعني؟ ماتجوفين الشوارع .."كملت بمكر وانا اطالع ملامحها المحمره من العصبيه" اصلا هم تحركو .. \

قالت سارة بعصبيه : كللللله منك .. كانت بتمرني سلوي قبل لا تسافر .. كله منك ..

طنشتها .. ولفيت .. وكانت جدامي "مرة" تسوق .. وماتعرف تسوق .. وبصراحه بطت جبدي .. كل ساعه توقف .. ولا تضرب اشارات وتروح العكس .. سندرتها بالهرنات .. وقلت بعصبيه : هااااي الي يسلم القيد والمقيد للمرة .. حد يعطي مرة تسوق .. من هالحماااار الي عطاها ليسن ..

ضربت لها هرن واشرت لها انها توخر وتاخذ الطريج الثاني لان الطريج الي خذته سريع .. والطريج الثاني للي يمشون بالبطيء وهي الغبيه مب راضيه تفهم وبروحي اعصابي تلفانه سمعت حس سارة وهي تقول : والله يازين سواقه الحريم .. ولا سواقه الريايل تقول قاعد على جمل


صرخت معصب: سااااااااااارة انكتمي احسن لج

طالعتها وجفت عيونها الوسيييعه مصدومة وهي تأشر على صدرها وكأنها تستفسر " انا؟؟" .. لفيت بالقو وانا اسمع شهقه سارة ..

صكرت عيوني بتعب .. وانا احس ان حيلي مهدود .. سمعت صوت شهقه قويه .. فتحت عيني مفجووووع اذا صار بسارة شي على مسؤليتي .. صج اني غبي .. جفت سارة تصيح .. وهي مغطيه ويهها .. الحمدلله ماصار فيها شي .. انا اشلون نسيت ان سارة وياي بالسيارة .. تطمنت عليها .. وانا اير يدها عن ويهها .. مسحت دموعها بيدي .. اما هي فكانت مستسلمه تصيح بخوف لكن بدون صوت.. نزلت يدي عنها وتحركت من السيارة ورفعت كيس الثلج عن ريلي.. طلعت وقعدت على الرمل .. شوي وحسيت بباب السيارة ينفتح وتطلع سارة .. وتقعد قريب مني .. على الرمل .. وظلت نفسي تتأمل بصمت البحر .. مادري اشكثر قعدنا .. حطيت يدي فجيب ثوبي حتى اشوف الساعه كم ؟؟ .. ولاحظت ان موبايلي مب فمخباي.. تحركت للسيارة وانا احس ان احنا طولنا واحنا قاعدين .. دخلت السيارة .. بدون ولا كلمه .. فتحت السيارة .. وفتحت ليتات السيارة .. منتظر سارة تتحرك ..وكانت صامده وماتحركت .. رفعت حاجب واحد .. وضربت لها هرن .. التفتت .. وكأني صحيتها من سرحانها .. قربت للسيارة بعد ما نظفت ريولها وعباتها ..توجهت للبيت واحنا في حاله صمت ..

رفعت جوالي على رنة المسج .. وكان من سلوى .. تقول فيه اننهم وصلو لبنان .. طالعت الساعه .. اوووه ... ساعتين ونص مرو .. بدون لااحس فيهم .. وصلنا البيت .. نزلت سارة بدون اي كلمه .. وراحت للجناح .. اما انا فـ تنهدت .. وسندت راسي بتعب على المقود ..تنفست بعمق .. وطلعت من السيارة وبيدي كيس الثلج .. وقطيته بااقرب زباله.. توجهت للجناح على طول .. لان محد في الصاله ...وماجد مسافر مع امي وسلوى .. وابوي كالعادة محد .. سالم للحين مارد .. ومحمد وعايلته مالي خص فيهم .. فتحت باب الجناح وكان الهدوء هو اسير الجناح .. تحركت بتردد للغرفه .. وفتحت الباب .. دارت عيوني فالغرفه .. ادورها .. واستقرت عيوني عليها وهي واقفه جدام التسريحه .. وتطالع نفسها وكأنها تبي تتعرف على شكلها لاول مرة؟ .. تحركت حتى وصلت لعندها .. لفيتها لي .(وتذكرت هالموقف .. هالموقف مر علي اليوم الصبح وياها).جفت عيونها وانا احس بـ انجذاب لملامحها البسيطة بالنسبه للولوة ..لكن ويهها فيه شي غير .. فيه شي غير يجذب مدري نظرة البراءة ولا عيونها الحاده الواسعه .. ولا تصرفاتها المتهورة الصبيانيه .. تأملت ويهها .. وتنهدت بعذاب .. وبـ حيرة .. هديتها وتوجهت لغرفه الملابس بعد ماشفت تكشيرتها ..

تسبحت ع السريع ماخذا من وقتي 5 دقايق .. طلعت لبست صروالي وفانيلتي .. وتوجهت للتسريحه وين ماكانت تمشط شعرها .. ووقفت يدها وهي تشوفني متوجه لها .. وبسرعه تحركت وطلعت من الغرفه .. قعدت على الكرسي وانا اتسائل لين متى بتتهرب مني ...؟؟ ..

تنهدت .. ومسكت مشطها وبلعانه مشطت فيه شعري .. ادري فيها تعصب لا درت اني مشطت من مشطها .. بس .. عادي .. اهون من انها تتم جي ساكته وماتتكلم معاي؟؟ ..

لمعت فبالي فكرة .. مدام هي طلعت للصاله .. وراها وراها .. خل اطفرها شوي .. ابتسمت بوسعه .. وتحركت ووصلت للباب باطلع .. وقبل لا افتح الباب .. غصبت نفسي اني اكشر .. لان سارة .. كل ماتساهلت وياها تدوسك ..

هذا الي اكتشفته ..

طلعت لقيتها منسدحه .. واول مادخلت قامت قعدت وعدلت قعدتها .. رفعت حاجب واحد .. وبعدين يعني .. متى بترد طبيعيه .. وليش ساكته .. ليش ماتتحجى تتكلم تتحلطم اي شي .. بس بلا هالهدوء ..

جفتها مطنشتني وتطالع مسلسل لبناني .. ومندمجه في الاحداث .. قايست المكان الي بنسدح فيه .. وحكيت لحيتي وانا اروح لعندها .. لااما هي تلفتت يمين يسار حتى تشوف الشاشه لاني سديتها عن الشاشه .. انسدحت على نفس الكنبه وتحت راسي مخدة .. رفعت عيوني لها .. وكان راسي قريييب وايد من ريلها الي ثانيتهم وفحظنها مخده ضامتها وهي تشوف المسلسل بااندماج ..

دققت في ويهها .. وملامحها .. صكرت عيوني وانا احس بتناقض فداخلي .. رديت فتحتها .. وطالعت المسلسل وياها .. كان المسلسل يتحجى عن صحفيه تنفجر فيها الطيارة .. وتفقد ذاكرتها .. وويلاقونها اهل البنت الي كانت حاظنتها في الطيارة معتقدين بـ ان هذي هي ام هالبنت .. كان اسم المسلسل " غريبه" هذا الي قريته وهم يحطون الاعلانات .. رفعت عيوني لها .. وكانت متسمرة عيونها على التلفزيون ويدها تتحرك بتوتر على المخده الصغيرة الي فحضنها .. ابتسمت على حركتها ..




























انتهى




















لاء مب البارت ..


















انتهى الفاصل الاعلاني .. وابتدى المسلسل .. ولاحظت علامات التركيز في ملامح سارة .. وانها مطنشتني تماما .. تأملت في ملامحها .. يالله سبحان الله .. اشلون الله قدر يحط عينين مب ثلاث .. خشم .. وشفايف .. واشلون نسق بينهم وفي اماكنهم ووظايفهم .. سبحان الله .. نزلت عيوني لذقنها الي ساندته على يدها الصغيره .. يالله اشكثر صغير كفها .. وبعدها امتدت عيوني لرقبتها بلعت ريجي وانا اتابع بقيه جسمها .. صكرت عيوني وانا احس بسكرة لذيذه .. وبنفس الوقت الحرج الي تولد فيني من الي صار ويانا .. حسيته راح وانتهى .. وماله سبب ..

حركت راسي بخفه .. وشليت المخده من تحت راسي .. وبخفه تسللت وحطيت راسي ع المخده الي حاضنتها بيد وحدة واليد الثانيه سانده فيها ذقنها .. حاولت بقدر الامكان مايكون راسي مرتخي ع الاخر حتى ماتحس بالثقل ..بثقل راسي وتنتبه اني راقد فحظنها

صكرت عيوني وانا اعض شفايفي وماسك يديني بالقو .. اخاف .. اخاف اتهور .. راح فيني الخيال لبعيد .. وفتحت عيني \.. وكانت سارة للحين مب منتبهه لراسي الي تقريبا فحظنها .. رفعت عيوني لها .. وماقدرت امنع نفسي من اني اقوم واخرب عليها اندماجها .. واطبع بوسه عميقه على جبينها .. تحركت بسرعه لغرفه النوم بدون لا اشوف ردة فعلها ..دخلت الغرفه وصكرت الليت ..كنت احس بارتجاج في مشاعري .. و عم الظلام فالغرفه ..وياريته يعم الظلام والسكون في داخلي .. كنت احس ببراكين بتتفجر هالحين .. لو تميت زيادة عندها .. وخذيت دقايق اتنفس بصعوبه واختناق .. بعدها

توجهت للسرير بخفه وانا احرك يديني حتى ماادعم شي فوسط هالظلام .. وصلت للسرير بعد ماطقيت ساقي بطرف السرير .. انبطحت على جانبي .. وتذكرت ان سارة .. ترقد على الجانب المعاكس لوجهي .. عشان جذي قررت ارقد مكان سارة حتى انها ماتقدر ترقد الا مجابلتني .. اي .. اي ... تحركت لجهة سارة .. صكرت الابجورة .. وانا فعلا دايخ .. وتعباااااان .. بس سارة .. ماتحس ..

.................

"سارة "

عيوني طلعت من مكانها .. مسكت يبهتي اتحسس مكان بوسته .. وانا .. وانا احس بـ شتات .. مشاعري ماعرف شـ اعبر ولا شـ اقول لكم عنها .. احس احس .. بضياع .. عمركم حسيتو بـ هالاحساس؟؟ .. زين .. فهموني .. انا .. اقصد .. يعني .. اااا .. ليش باسني؟؟ ... اشيقصد ... ؟؟ .. ارتجفت شفايفي وغصب عني صكرت عيوني وانبطحت على المخدة .. وانقلبت على بطني .. دفنت ويهي فالمخده .. وانا اتذكر ملامحه .. كنت الاحظه يحاول يلفت انتباهي .. ويحاول يعصبني .. بس طنشته .. لاني اولا واخيرا .. مستحيه من الي صار لنا اليوم .. احس بخجل .. واحس احس .. مادري .. تنهدت بعجز .. مب عارفه اشلون اوصف لكم شعوري واحساسي ..

صكرت عيوني بقوة وانا اتذكر بوسته تحسست جبهتي .. ودفنت ويهي اكثر فالمخده .. وبست المخدة .. بستها بكل احساس .. كنت مصكرة عيوني ..وخايفه افتحها والاقي منصور طلع وجاف حركتي .. حسيت بتوتر .. معقوله .. معقوله طلع وجاف حركتي .. لاء .. لاء اخاف يفهمني غلط


قمت بااندفاع من على المخدة .. وهديت .. وحسيت براحه نفسيه عاااليه وانا المح الصاله خاليه وباب الغرفه موصد .. تطمنت .. وحطيت يدي على صدري اهدي نبضاته السريعه ..

ترددت ادخل الغرفه ولا لاء ؟؟ .. اخر شي قررت ماادخل .. وقعدت اتابع المسلسل وانا عقلي فوااادي .. والمسلسل فوااااااااااااادي اخر تماما ..
من خلص المسلسل وانا احس الذروة فداخلي عدت المليون .. والعداد فداخلي يعد نبضات قلبي .. ترددت .. ادخل الحين ولا اتأخر زيادة ..

عقدت حياتي وانا اشجع نفسي : دشي سارة عادي .. اصلا انتي تبين ترقدين .. ماتبين تجوفينه؟ .. اصلا من زين ويهه .. المخادع الكذاب الممثل .. اي .. اي .. لا تنسين سارة .. هو .. يحب غيرج .. وكل الي سواه بس عشانج انتي تطلبين الطلاق ويكون القصور منج .. فتحت عيوني على وسعها .. معقوله ؟؟ .. معقوله جي يفكر .. زين يا منصور .. عناااااد .. حامض على بوزك .. ماراح اطلب الطلاق .. تبي العيب مني ... هييين ..

مشيت بغرور للغرفه وانا احس بااحتقار لمنصور .. ولماجد اخوي .. ولفهد ... حقيرين .. مخادعين .. وكذااابين .. اشلون رضوو اشلون .. اليوم بطوله ماجفت ماجد الا يوم دخل مستعيل رايح لجناحهم حتى انه ماسلم على امي .. كنت ناويه اروح وانفجر فيه .. من يوم مارحت لهم وانا اترقب حظورة .. حتى اعرف سببه .. ليش باعني برخيص .. خذلني فعلا .. تذكرت احلامي الي بنيتها على ثاني .. تذكرت طفولتي .. وتذكرت كل شي .. كل مشاعري الحلوة .. قضوا عليها ثلاثه .. منصور وماجد وفهد .. يوم رضوا يتلاعبون فيني .. دمعت عيوني على هالذكريات ..

ومشيت وقلبي متشبع حقد لهالثلاثه .. دخلت غرفه النوم .. وارتجفت كان البرد يفتت العظام ..

توجهت للسرير .. ويوم يت بنبطح حسيت بحد راقد مكاني .. فزيت بسرعه قبل لا يرتخي جسمي .. وفتحت الابجورة بعصبييييه ... اشلون يتجرأ وينام مكاني .. اشلون يتجرأ ينام على مخدي ويتلحف بفراشي .. عصبت .. ويوم انحنيت بهزه .. تراجعت يدي بسرعه بعد مالامست ظهره العاري .. ارتجفت يدي .. وبسرعه ضميتها لصدري اطمنها .. سكت مب عارفه اشلون اتصرف؟؟ ..

خل انام .. وباجر حسابي معاه هالنذل .. الجذااااب .. الممثــــل الوسيـــــــــــــــــــــــــــــم .. ليش هو حلو ليش؟؟ .. احس انا ولاشي عنده .. ماجفت ريال حلو مثله ... احس يوم انا عنده .. صفر على الشمال


توجهت للطرف الثاني من السرير وانبطحت عليه بعد ماصكرت الابجورة الي فتحتها برجفه..يت بـ اتلحف .. لقيت لحاف منصور منعفس وطايح تحت ريله فتحت ابجورة منصور سابقا .. وابجورتي فالوقت الحاظر .. وانتثر النور في الغرفه بعد ماكانت حالكة السواد .. يريت اللحاف بقوة .. وماتحرك منصور .. اظاهر انه راقد .. تأففت بصوت عالي وقلت بعصبيه قاصدة اقومه من رقاده ..: اووففف .. على كيفه يرقد مكان غيره ... اوفففففففففففففففف .. ماعرف ارقد هالصوب .. الله يخس ابليييسك .. مع هالحكرات الئررررررررررررعا "القرعه "

لكن مالقيت اي ردة فعل .. لاحظت انه ضام مخدة ويدة الثانيه تحت مخدته ممتده للمخدة الثانيه الي برقد عليها .. حركت يده وانا احس بكره ومشاعر ثانيه مب قادرة احددها فقلبي .. بعدت يده اخيرا .. وتلحفت وانا ارتجف .. وارجعت سبب ارتجافي لبرودة الغرفه .. صكرت الابجورة .. والافكار اتيني من كل صوب .. وكاني قاعده فحصار .. شهقت بقوة وانا احس اني انسحب ؟.. غطيت شفايفي خايفه .. ولقيته منصور ... زادت دقات قلبي .. و وحسيت ان جسمي يتصبب عرق من الخوف ... حررت نفسي بهدوء .. وانا اسمع نفس منصور المنتظمم العميق ... تقلبت وايد لين ما غفت عيني بعد هاليوم الطويل .. ​

​

 

.....................

" روضه "
كنت قاعده اصب خليط الكيك الي سويته في البايركس .. التفتت مرة وحدة عندي ادور على قفشه .. وطاحت المسكه الي كانت جامعه شعري .. وانتثر شعري بتدرجاته الكثيفه مغطي ويهي ماعدا شفايفي وخشمي .. حركت راسي يمين يسار .. حتى تبعد الخصلات عن عيوني .. لاني مب قادره احركهم .. ويوم عجزت احركهم .. مديت ذراعي وحاولت امسح فيهم على شعري وابعدهم عن عيوني بدون ماامسكهم بااصابعي ..

حسيت بدفى يد تنتشل خصلاتي من عيوني .. وتجمع شعري على ورا .. خمنت انه سعيد .. خصوصا يوم شميت ريحة عطر رجالي.. تنرفزت بداخلي يعني بعد سواد ويهه ياي ويبي يكمل معاي .. ومايكفيه يبي يرجعني بقوه له مثل اول .. هه .. تنرفزت اكثر وانا استنشق ريحه عطره.. يعني جدام الي فالشركه جي متعطر .. ليش متعطر بهالعطر .. يعني عشان يجذبهم له؟؟ ..

حبيت العب بااعصابه مثل مايلعب بااعصابي بتصرفاته : رييييتا شكرا ..(مسكت القفشه وبديت اصب الخليط بتروي) بس نادي حمدان وحمده .. يبون يشوفون الكيك وهو يستوي بالفرن ..

بعد ماصبيت الخليط كامل حسيت بااصابعه ترسم رسوم عفويه على رقبتي ..توترت .. والتفتت له بسرعه .. ابتسم لي وقال : يعطيج العافيه .. طوق خصري بعد مارتب شعري على جانب من كتفي .. خصل كثيرة ردت تتمرد وترد لجهة ويهي الثاني ..

قلت بعصبيه : فج يدك..

رفع حاجب واحد :: واذا مافجيت .. ؟؟ ..

قلت بعصبيه اكبر وانا احس باارتعاش في مشاعري .. : بس انا قلت لك فج .. مااطيجك ..!

طبع بوسه على رقبتي الي ردت الخصلات تحيطهم .. توترت .. وحسيت باارتباك .. وزدت عصبيه وقلت له : هذا ماكان اتفاقنا ..؟؟ ..

قال لي : بعد ماكان اتفاقنا نجرح بعض

قلت باانكار: مااظن شرطت هالشرط من قبل ..!

تنهد بتعب وهو يقول : اشتقت لاستقبالج لي كل مارديت من الشغل ..

صكرت عيوني بحنين لذيج الايام الي كنت احسب عودته بالدقايق .. وبالثواني .. بس شنو الرد على تصرفاتي وياه .. يتزوج غيري .. ويحب غيري .. وين سنين الحب الي عشناها وين؟؟ .. يعني عشان دلع بنت في مراهقتها .. يتعلق فيها .. صياعتها .. هذا الي عاجبه؟؟ .. عقدت حياتي وانا احس ان كل الريايل جي .. بس يشبعون منج .. يدورون على غيرج .. متناسينج .. ومتناسين شعوركم وسنينكم .. وعشرتكم مع بعض طوال هالسنين .. آآآآه .. منهم .. آآه

فتحت عيوني ولقيته مب موجود والمطبخ فاضي ..تنهدت بحزن .. وفتحت الفررن .. وحطيت بايروكس الكيك ..فيه ..غسلت يدي .. ونزلت لتحت اخذت شباصتي ورفعت فيها شعري ..وتحركت للصاله .. جفت سعيد منبطح وحمدان وحمده قاعدين ع بطنه يلعبون .. وهو راقد بعمق .. معقوله انا سرحت لهالدرجة .. يوووه .. او اظاهر هو الي تعبااان .. ناديت حمدان وحمدوه ..وتحركو مستانسين للمطبخ ..سبقوني .. وانا بطئت خطواتي وانا اتأمل ويه سعيد التعبان الي نايم بعمق ..

صكرت عيوني بقوة ورحت للمطبخ مطنشته .. نص ساعه وخمس دقايق وحتى ظهرت ريحة الكيك .. طلعت الكيك وخليته يبرد .. وخذت اليهال ورحنا لغرفه المطعم عشان نتغدى .. رحت بتردد لسعيد .. اقومه ولا لاء ..

بس من جفته متعمق برقاده .. رجعت لغرفه المطعم بعد ماقعدت قريبه من عنده .. كنت متردد اقومه يرقد ع الكنب او يروح الغرفه ينسدح ع السرير بدال رقدة الارض اليابسه!

بس فالاخير رجعت غرفه الطعام .. بدون لا ااناديه


...................

"سلوى"

قمت من النوم وانا احس ان المكان غريب .. صكرت عيوني اكيد احلم .. ولا وين يطلع هالمكان .. فجأة طرت فبالي فكرة ان مابقى على عرسي الا كم اسبوع متى بلحق اكمل جهازي ماادري ..

فتحت عيوني بسرعه على هالفكرة .. وتحركت للحمام بكسل .. وتذكرت تفاصيل يوم امس المتعب .. من اول ماوصلنا وامي مارضت نرتاح .. فرفرت فيني فالسوق لين مادار راسي .. وكنا نتنقل من مصمم مشهور لاخر مشهور .. ليش؟؟ .. عشانج بنت السفيييييييييييير مايصير تكونين اقل من غيرج من بنات الشيوخ والسفراء والوزراء .. وعشانج بتاخذيج ولد السفير السابق الوزير الحالي ..! .. هه .. عمري ماحسيت بـ ان اسم السفير والوزير غيروا شي فيني .. يمكن بالعكس نفروا وايد ناس مني .. تذكرت اني صحت اشكثر ثالث اعدادي مصره يطلعوني من المدرسه الخاصه .. ابغي اروح مدرسة حكوميه .. اتذكر دوم ويه سارة وحياة واتذكر كلام سارة عن رفيجاتها ومغامراتها وياهم

اما انا .. فما كانت عندي ذكريات .. ماكانت عندي صديقات صديقات مقربات .. مجرد صداقه زماله و "مصلــــــحه " لا غير .. شي حلو يوم تحس بااحد يهتم بوجودك فالصف لنفسك .. مش عشان يتفاخر عليك بنسبه وحسبه وفلوسه وكم ارض له ..

كان يومي نفس الامس ونفس بكرا .. اللهم .. ان البنات يزيد جذبهم ويزيد غرورهم وتكبرهم .. وانا كنت اكره هالصفات .. وخصوصا صفة النفاااق الي فيهم ... لاحظت ان اغلبيتهم يتصفون بهالصفات من جدامج يمدحونج ومن وراج يذمونج ..ماكانو الكل .. لكن كان من النادر هناك تلاقي لك احد يكون بسيط في تعامله .. لان هذيك المدرسة كانت معروفه انها للـ "كباريه" ..

ابتسمت على ذكرياتي الي تغيرت في الثانويه من دخلت مدرسة حكوميه حالي حال البنات العاديين .. تذكرت في البدايه نظرة بعض البنات .. وتعليقاتهم ونغزاتهم .. لكن ماكان يهمني هذا الشي وايد .. خصوصا لاني كنت فرحانه .. وكنت مكتفيه اني مع سارة " وبنت عمي المفضله " وياي بنفس المدرسة .. وبعدها كنت حابه انقل وياها بنفس الصف بس امي مارضت .. خصوصا ان مستوى عايله عمي .. ماكانت بنفس مستوى عايلتنا على الرغم من الشركة الي يمتلكها عمي وشراكه بينه وبين ابوي .. لكني كنت احس امي ماتحب خالتي ام سارة .. وابوي ماكان يحب يسمع طاري عمي ابد .. ليش وشالسبب انا ماادري ..

وحتى سارة .. كانت في البدايه مب متقبلتني كـ بنت عم .. بس بعدين بدت هي تتقرب مني حتى انها طلبت من الوكيله " الي كانت تحب سارة ووهبالها ونشاطها الدايم " تنقلني لصفهم وفعلا نقلتني على بدايه الكورس الثاني .. وكنت فرحانه بشكل ماتتصورونه .. وبنات صفهم كانو مشاغبين وايد
ماانكر اني كنت في البدايه هاااااديه ومنطويه .. بس بعدين قمت اسولف واضحك بس كنت اعتبر الاهدئ بينهم .. وخصوصا اني مالي خص بسوالف المشاغبه ,,, عكس بنت عمي .. كانت هي وشلتها .. واغلبيه بنات الصف يستعملون قاعده " نعم لتطفيش الابلوات"

كانو المدرسات يكرهون حياتهم اذا درسوا صفنا خصوصا ان احنا كنا بنات اول ثانوي وبس كان فيه 3 صفوف للاول الثانوي في المدرسة .. نظرا لصغر حجم المدرسة وكبر عدد البنات .. كان صفنا يحتوي على 40 طالبه تقريبا

ابتسمت على ذيج الذكريات وحسيت بالحنين والحب لهذيج الايام .. ياني مسج .. وتلهفت افتحهه وانا امشط شعري ؟.. واحكم القبضه على ربطة شعري .. كان المسج من العنود .. كانت مطرشة مسج .. تخرعني بموعد قرب العرس .. ابتسمت .. ان شاء الله تكون العنود زينه .. صراحة انا مو خايفه من العنود .. انا خايفه من عمي بو فيصل وخالتي ام فيصل .. اخاف ام فيصل تكون شريرة .. خصوصا اني سمعت انها عصبيه شوي .. كنت متخرعه .. وخايفه اعيش معاها ..


ابتسامتك تجلي كل هم يكون
ياامير المشاعر ياسمو الهنا
فز لك نبض قلبي واطلبتك العيون
واندفع لك خفوقي ياالغلا وانحنى
امتلكت المشاعر واعشقتك بجنون
وازهر العمر بااسمك واحتويتك ضنى
مايخونك خفوقي لا حشى مايخون
كيف يقدر يخونك وانت كل المنى
من يوصف جمالك ضيعته الظنون
كل لحظة تزيدك ياحبيبي سنا
فيك رقه ونعومه وفوق هذا حنون
والله يديم وصل"ن" فيه انته وانا
كل عمري فدا لك وانته والله تمون
ياشريك المحبه عنك مالي غنا
ساعه دون شوفك يالحبيب الفتون
مالها اي داعي جعلها للفنا
ابتسامتك تجلي كل هم يكون
ياامير المشاعر ياسمو الهنا


ابتسمت وانا اسمع هالكلمات العذبه .. هذا المتصل " فيصل " .. من اخر مرة زارنا وانا حسيت هالاغنيه تلح علي من اجوفه .. فغيرت نغمته لهالاغنيه .. احسها احسها مكتوبه له .. هالانسان .. صج صج .. حبيتــه ..


حسيت بخجل كبير من اعترافي لنفسي .. معقوله انا حبيته ..فهالفترة البسيطة .. أأخ يا فيصل.. دخلت قلبي من اوسع ابوابه

صكرت عيوني وانا لازلت اسمع الاغنيه تتردد في اصداح الهوى .. فتحت عيوني .. وابتسمت ... بس مارديت .. لازم خلاص ماارد عليه .. مابقى شي على الزواج الا كم اسبوع يفصلنا عنه ..

سمعت حس امي تستعيلني عشان نروح السوق .. تنهدت .. غريبه امي صاحيه بسرعه اليوم ؟؟ .. تحركت وتوجهت للباب وانا ارتب شيلتي وعباتي ..

حاست ويهها يوم جافتني ارتب عباتي .. : اشحقه العبايه؟؟... مايبتي البالطو مالج؟؟

سكت افكر .. وقلت بكذب : لاء .. مايبت معاي الا عبي ..!!

نـورة : زين .. يالله امشي ..

كانت امي انيقه بالعبايه المزخرفه والي تبين انها من جد راقيه .. ومشتغلين فيها .. امي .. ويهها مايفضى من المساحيق ... بس لاحظت انها بس حاطة كريم اساس .. وخط اي لاينر يزين عيونها الواسعه .. امي بطبيعه بشرتها بيييضه وااايد .. ووانا ومحمد ومنصور .. خذنا عنها هالبيااااااض .. اما سالم وسلطانه وماجد .. فكانو مثل ابوي ..بشرتهم اسمر منا .. بس سلطانه ومنصور وسالم اخوي .. خذو لون عيون ابوي العسليه .. يوم كنت بالثانويه .. لالا يوم كنت بالاعداديه .. كنت اغار وايد يوم يقولون ان اخوانج احلى منج .. رفيجاتي بالمدرسة .. اتذكر شكثر كانو يرتبون في نفسهم يوم اخوي سالم يجي ياخذني .. او منصور .. كانت عيونهم تبين انها ذايبه وهيمانه في جمالهم .. وفي مرة وحدة تهاوشت معاي .. لانها كانت تبي تشبك مع اخوي .. وعبالها انا حبيبته .. خصوصا ان منصور ماكان يعطي البنات ويه ..! .. كان لما يجي ياخذني .. يفتح الجريدة ويقرا .. والبنات ميتين عليه .. خصوصا انه كان وقتها اولى جامعه .. وملامحه بدت تكبر وتحلو اكثر واكثر .. اما اخوي سالم .. فكان مطيح كل بنات المدرسة من كبيرهم لاصغيرهم .. لانه بااختصار اوسم واحد جافوه وخصوصا فذيج المرحله الصغيره .. اما انا فكنت اشتعل غيره .. ماكنت ابغي اي احد يقول عن اخواني حلووين .. او انهم احلى مني بوااااااااااااااااااايد ..

كانو اخواني الشباب يفوقون جمالي وجمال سلطون اختي .. لكن سلطانه كانت بعد جميييله .. انا ماانكر اني انا جمييله .. ويمكن اكثر من كلمه جميله بمراحل كثيييرة .. بس .. في فترة الاعداديه .. كنت حساسه بزيادة .. اتذكر شكثر كنت اجوف شهد بغيرة .. لانها خذت اخوي محمد اخوي .. خصوصا ان محمد اخوي كان قريب مني وايييد في فترة الاعداديه .. ومن تزوج .. وهو يبتعد .. حتى صار بيني وبينه حاجز كبير .. اما اخوي سالم .. فهذي قصه ثانيه .. ​

​

 

اكثر واحد كان ممكن تعتمد عليه فبيتنا هو اخوي سالم .. لكن سالم بعد تغير .. من دخلت انا الثانويه وهو تغير تغير تغير .. ماعرف ليش .. ماكان انسان مستهتر .. ولا كان بارد .. ولا كان انسان مايهمه الا نفسه ... كان انسان متكامل فعيوني .. كان .. كان انسان نادر ..كانت متناقض يمكن .. فيه نزعه الشر والطيبه .. كان الغرور هو الي يميزه ويميز منصور معاه .. كانو الاثنين رافعين خشومهم وانا مااقدر انكر هالشي .. بالاخص منصور ..

منصور كان يكره عيال عمي .. اقصد .. سارة .. لان ماجد .. كان ويا منصور فكل شي ..كان منصور وماجد .. جسم لا يتجزء .. فكل شي فيه ماجد فيه منصور .. وكل شي فيه منصور فيه ماجد .. وبعدها بسنين .. يوم ابتدو دراستهم الجامعيه .. افترقوا عن بعضهم .. لان ماجد ياته بعثه للخارج .. ومنصور اخوي لا .. وكان بمقدور اخوي منصور يروح ويدرس برع .. بفلوس ابوي وعلى حساب ابوي ... بس منصور اعتبرها اهانه من الدوله .. انها ماتعطيه هالبعثه ... خصوصا انه دخل علمي .. واجتهد .. وجاب 81 .. وهذا كان اعجاز فعايلتنا .. خصوصا ان اخوي محمد وسالم .. نجحو على حافه النجاح .. واحد جاب 72 وهو نفس توقعاتكم .. نعم .. محمد ... اما سالم .. فلا تسألون عن نسبته .. من دخل الثانويه ونسبته منحطة .. بعد ماكان يجيب الامتياز .. قام مايحصل الجيد .. سالم اخوي تغير مثل ماقلت لكم .. حتى مااهتم بالنسبه الي حصل عليها ... جاب .. 58

كنت حاسه ان وراء تغير اخوي شي صار له .. بس ايش هالشي ماندري ... وليش تغيرت مفاهيمه واخلاقه ماندري .... يوم رحت الثانويه ويوم خذت مادة علم النفس .. بديت اخمن .. انه كان يبغى يلفت انتباه ابوي .. الي التهى بشركاته .. وبـ شراكته مع عمي ..

كان ابوي بينه وبين عمي شي .. كان ابوي مايحب يزور عمي وايد .. الا في المناسبات .. بالاصح .. عمي هو الي يجي لنا ... ابوي بنى حاجز كبير بينا وبين عيال عمي .. بس ايش السبب انا ماادري .. ؟!؟ ..

كنت دايم يوم اسأل امي .. تزفني .. وتقول مالج خص بهالسوالف .. امي .. امي عكس كل امهات الدنيا ..

للاسف كل بنات الدنيا يفتخرون باامهاتهم .. كلهم حسو بحنان امهاتهم .. الا احنا .. اي نعم .. الا احنا .. اقولها وقلبي يتقطع مليون على هالكلمه

امي عمرها ماحسستنا بالامومه .. كنت دوم احسد عيال خالاتي وانا صغيرة على امهاتهم .. امي من يوم واحنا صغار كانت قاطتنا ع الخدم .. تصدقون يوم سافرت مربيتي انا ومنصور وسلطانه وسالم صحت عليها واااايد .. صحت حتى اني مرضت اسبوع وانا اصيح عليها .. ابغيها .. كانت هالمربيه موجودة من عمر سالم ومنصور من يوم كانو صغار .. ومن يوم وانا لي يوم .. كانت هي الي تهتم فيني ..

امي هالانسانه الي عمري ماقدرت افهمها .. انسانه للاسف مايهمها الا المادة .. الجشع والغرور اعموا عيونها ..

امي كانت ولازالت مثل مااهي ماتغيرت .. يمكن فهالسنه ابتديت احس انها تغيرت ولو بجزء ضئيل .. عمرها امي مااهتمت مرضت ولا صحيت؟؟ .. قمت ولا قعدت؟؟ .. حزينه ولا سعيدة .. لا فيني ولا فـ اخواني .. كانت امي وابوي وجهان لعمله واحدة .. عمله اللا مبالاة والماديه والجشع والانانيه ..

يؤسفني ان اهلي بهالشكل .. بس .. بس انا مابيدي حيله ابد في تغيرهم .. حاولت وحاولت .. وياما فشلت .. وكان سالم دايم يسخر مني .. ويقول لي .. عمر الحديد مايلين من ضوء الشمس .. كنت دوم اسأل اشيقصد بكلامه هذا .. ومافهمته الا متأخر .. متأخر وايد ...

كنت دوم اروح لخالتي ام فهد .. كنت دوم ارقد فبيتهم .. بس عشان احس بااحساس بناتها .. ماكان عندها الا بنت وحدة .. والله اخذ امانتها من يوم كانت صغيرة .. ومن يومها وانا احب اروح ارقد عندهم .. رغم ان مافيه احد كبري هناك الا اني كنت احب انام فبيتهم ..

كنت احس بشعور غريب .. كنت استانس وايد يوم احس فيها فنص الليل تجي وتقعد عند راسي وتمسح على شعري .. وتبوسني .. تعدل لحافي .. وتطلع .. فـ ايام الاعداديه .. احرموني من خالتي ام فهد .. وكان هالشي تعبني جدا جدا .. حتى اني مرضت .. استمريت كل اسبوع اسخن بااستمرار .. ومحد عرف هالسبب .. الا انا .. كنت مابي افقد خالتي ام فهد .. لانها كانت الام بالنسبه لي ..

كل بيتنا عاش بتشتت .. كل بيتنا تعلق بـ شخص معين ورحل عنه .. منصور تعلق بعمتي فاطمة .. الي تركت بيتنا وراحت قعدت عند عمي .. لان امي كانت سليطة اللسان .. ولان امي ماكانت تحب احد يشاركها فـ اي شي ..منصور بعد ابتعاد عمتي الي كانت بلسم لجروحنا .. الي كانت تلم شتاتنا وشملنا .. انهار .. انهار وايد .. وصار اكثر عدوانيه .. كانت تصرفاته تدل على العدوانيه الكبيرة ..كان اغلبيه الايام يحطم اكبر المزهريات الي موجودة فالبيت واثمنهم .. وكانت امي تعصب عليه وايد .. ومرات تحبسه في السرداب ..

كنت اخاف اقرب من منصور ساعات .. اخاف يفج غيضه وعصبيته فيني .. قرر ابوي يدخله مركز التكواندو .. حتى يخفف من عدوانيته .. لكن عدم اهتمام امي وابوي فينا .. خلا منصور يتمرد .. يتمرد وايد .. فـ فترة من الفترات .. منصور كان يكره عيال عمي .. ويكره عمي ... لانهم خذو عمتي منه .. عمتي الي كانت الام لمنصور ..

اخوي محمد مالحقت على تشتته .. لانه كان اكبر مني بوايد .. مدري بـ من تعلق وتركاه .. حتى يكمل معانا .. مرحله الشتات ... اخوي مجود .. تعلق فيني .. وفعيال اخوي محمد وايد وايد .... ومن فترة لاحظت انه متعلق بسارة ومنصور وااااايد .. واااايد .. حتى انه بات عندهم مرتين قبل لا يرد منصور طبيعي .. اما اخوي سالم .. فهذا الي كان سر غامض بالنسبه لي .. ماكان مثل منصور يعبر عن غضبه وغيضه بالكسر والضرب .. كان كثير الطلعات .. ماكنت اجوفه يستقر فالبيت الا وقت الغدا والي وجبه محببه لعايلتنا مانجتمع الا ع الغدى ومب اي يوم بعد .. هه .. كان سالم كثير السفر .. ماكنت اعرف ليش وسبب سفراته .. لكنه كان مع منصور .. كان هو بعد يكرة سارة .. مادري ليش ..

ياترى سارة كانت لهالدرجة مب زينه؟؟ .. اجوف الكل يكرهها فعايلتنا .. اخوي محمد مااعرف مشاعره .. لانه بعيد عنا وايد وايد وايد ... اما سالم .. فكرهه واضح لسارة بس ايش السبب ماادري .. بس اخوي سالم مثل ماقلت لكم تغير تغير وايد صار قاسي .. مادري ليش صار قلبه جذي .. يمكن من كثرة الحرمان .. كان دايما يفج غيضه فسارة .. وكان يكره ولد خالتي فهد كره العمى .. خمنت لان ولد خالتي فهد شاطر وناجح .. واهو فشل في شي معين .. ولان كانو دايما يقارنون بينهم .. ومنصور ماكان يحب سارة ولا يطيقها .. بس الحين احس ان منصور يحبها وايد وايد ..

ركبنا السيارة .. وشغل السواق اغنيه لبنانيه .. خلتني اسرح مع كلماتها
نسم علينا الهوا من مفرأ الوادي
ياهوا دخل الهوا ... خدني على بلادي
ياهوى ياهوى .. يالي طاير بالهوا
في من ترى بطائه وصورة
خدني لعندون ياهوا
فزعانه يائلبي .. تكبر فيها الغربيه
ماتعرفني بلادي خــــــــــدني ..
خدني على بلادي ..
شو بينا شو بينا ؟؟ ..
ياحبيبي شو بينا؟؟
كنت وكنا اتظلو عنا وافترئنا شو بينا؟؟
وبعدا الشمس بتبكي .. ع الباب وماتحكي
تحكي هوا بلادي .. خدنــي ..
خدني ع بلادي

يااااني مشتاااقه لقطر .. مع انه ماصار لي يومين رايحة عنها الا اني اشتقت لها .. سرحت بقطر .. وبااهل قطر ..

انتبهت من سرحاني على صوت امي وهي تتناقش مع المصمم على اختيار القطعه .. انتبهت على اناقه امي .. امي تقدرون تاخذونها كـ قطعه فنيه للجمال .. قطعه .. بدون مشاعر .. امي مستحيل تحمل اي نوع من انواع المشاعر .. عمري ماجفتها تضحك من قلبها .. او تصيح من قلبها ... ماجفت شعورها .. اصلا مااجوفها .. اغلبيه يومها مع صديقاتها .. هه .. تقدرون تاخذون راي امي في الجمال والموضه وسوالف الفشخره لانها حريفه فهالامور .. اما في حصص المشاعر والامومه والحنان .. فخالتي ام فهد بلا بديل .. وخالتي ام سارة .. هالانسانه الي تحسها مليانه حب وحنان .. انسانه على الرغم من جسمها الغير متناسق .. المحمل بالدهون .. تحسه مليانه حنان وحب وطيبه .. وامي على الرغم من رشاقه جسمها وتماثل تقاسيمه .. الا انه اذا حضنتها ماتحس الا بالبرود ..

البرود الي يشعرك بالتجمد .. برود يرغمك تتعمق في الحضن تدور الدفى لكن تضيع بين الصقيع .. تضطر تبتعد قبل لا تتجمد .. وتطيح قطعه ثلج .. ! ..

....: سلـــــــــوى .. جوفي هاللـــــون على هذا المودييل بيطلع بيرفكت !

رفعت عيوني لها .. وانا اوافق على مضض .. امي ذوقها رفيع وتقدر تتخيل شكل القطعه ع موديلات مختلفه .. بس انا عقلبي بعيد .. عقلي وقلبي كلهم .. يدورون .. الحنــان والحــــب .. ياترى بتسقيني يـا فيصل ؟؟ .. بـــتروي هالشعور الجاف الناقص الي اعاني منه؟؟!


....................
" علي "

..: الو .. هلا والله من معاي يالشيخ؟؟

....: اي والله ياهلا .. علي؟؟

ابتسمت : وصلت خير يالغالي .. خير؟؟ ..

....: ممكن تظهر شوي .. في ظرف خاص لك ..

عقدت حياتي : ابشر .. وين القاك؟؟ .. ممكن اعرف بخصوص شنو؟؟ ..

...: الظرف على سيارتك يالغالي .. فداعه الله

: لحظة .. انت من؟؟ .. الو .. الو ؟؟؟ ..

رفعت الموبايل من على اذني وطالعته بااستغراب .. بدون رقم ... "مكالمه" .. شكله واقف من كباين الاتصالات او شي ؟؟ .. ليش مو ظاهر الرقم ؟؟ ... وملف ايش الي يخصني؟؟ .. شنو داخل الظرف؟؟ ..

اعتراني الفضول .. وطلعت .. خذت الظرف البني .. ودخلت داخل.. من يعرفني .. لدرجة انه يوصل لي ظرف خاص؟؟ .. عقدت حياتي .. واجريت اتصال لـ جاسم ..

: الو هلا والله ..

..: هلا والله بو حسن .. شخبارك؟؟ ..

ابتسمت .. : تمام الله يسعدك .. وانته شخبارك؟؟ ..

جاسم : بخير الحمد لله .. ها اجوفك متصل .. انشالله خير؟؟ ..

ابتسمت وقلت بحب : لا متصل ابشرك .. الاهل وافقو .. يعني تقدرون تزورونا بأي وقت ..

حسيت جاسم مبتسم وهو يقول : الله يبشرك بالخير .. نسبكم والله ينشرى يالغالي .. استأذنك عيل ابشر الوالده



صكرت وانا مبتسم : اجوفك على خير .. فمان الله .. طاحت عيوني ع الصور .. ودق قلبي ..


فتحت عيوني مفجوووع .. وانا اطالع .. صورة .. ورا صورة .. رفعت راسي بحدة على دخله مريم ..وبسرعه جمعت الصور داخل الظرف .. وتحركت بااقوى سرعه عندي متجه لفوق ..

............

" منصور "

مسحت بخدي اكثر على ملمس الحرير .. اكثر واكثر .. فتحت عيوني مبتسم .. بس عقدت حياتي لان هالحرير ماكان الا خصلات شعر سودة .. وهالخصلات ناعمه .. ناعمه وايد .. دققت فصاحبه هالشعر .. كانت راقدة .. قريب مني .. وذراعي بين يدينها اسيرة .. عيونها وخدها كان مغطيهم الخصلات الناعمه .. وجزء من ويهها مدفون في المخده .. شفايفها العذبه كانت مرسومه بضيق .. يتناسب مع عقده حواجبها .. رفعت حاجب .. شكلها تحلم حلم مب زين .. هههه .. قربت عندها اكثر .. وبلعت ريجي و انا ارتب قميصها الي كان اخر زرين فيه مفتوحين .. ابتسمت على نومتها المعفوسه ..عدلت الفراش عليها .. وبعدت خصل شعرها عن عيونها .. ورفعت الخصل الي كانو طايحين تحت خدي وضميتهم للخصل الي رفعتهم .. تأملت ويها .. من شهرين .. من شهرين وانا ارقد قريب من عندها .. ساعات كنت اتهور وابوسها .. بس سرعان ماكنت اقوم من الفراش فعز تعبي .. واروح اركض فالليل .. اخاف اخرب كل الي سويته .. تعودت خلال هالشهرين ارقد وياها .. النوم بدونها متعب .. على الرغم انها طول ماهي راقدة تتحرك وتتقلب مليون مرة .. وساعات كانت ترفس ..! .. لكن كل شي يهون على سبيل التعود عليها .. خلاص هذي حياة .. وعشره .. مب مسأله يوم ولا يومين ..


الزواج شي مقدس .. والانفصال بيكون صعب .. خصوصا اني بديت اتــــــــــعود على وجودها في حياتي .. وخصوصا ان الحمدلله .. مافي مشاكل كبيرة تصير بينا .. وخصوصا ان سارة من امس بس الي درت عن جذبتي .. ياترى شبتسوي .. انا متأكد ان سارة ماراح تسكت .. سارة مب من النوع الي يسكت .. سارة اندفاعيه وايد ..

مسحت على شعرها وانا احس بمشاعر يديدة تتراكم فقلبي .. اكيد انها مشاعر التقبل .. والود .. لان .. لان سارة حبوبة .. وتدش القلب .. صحيح .. كنت احقد عليها وااااااااااااااايد .. خصوصا انها خذت امي .. "عمتي فاطمة " .. هالانسانه الاولى في حياتي .. هالانسانه الي من فتحت عيوني وهي تهتم في وجودي .. هي .. وميلان .. ميلان خدامتنا السابقه .. وبعدين خذتها يدتي .. ومن بعدها يات مربية ثانيه .. بس بعد ماتعلقت فيها مثل ميلان .. تذكرت عمتي فاطمة .. تذكرت من كم يوم .. يوم ياو عندنا .. ضحكت وهي تقول .. من يوم كنت اجوفك تيي تزورني وانا ادعي الله انه يزوجكم انته وساروة هالبنت العنيدة .. ابتسمت فخاطري .. هي عنيدة عنيدة ..! .,,

تذكرت عمي .. عمي يوم توفى كنا مسافرين انا وسالم ومحمد وابوي له .. خصوصا ان خالتي ام سارة .. اتصلت لنا تقول لنا ان عمي يبي يكلمنا .. وانه تعبان وايد وايد ..
عمي خسر الكثير من فلوسه وخصوصا بعد المناقصه الي رست لصالح منافسينهم .. وماكان هذا الي طيحه .. كانت الاشاعه الي ظهرت بـ أن ابوي هو الي سرب المعلومات للشركة المنافسه .. وهالكلام كان جذب .. لان ابوي مهما وصل فيه حقده وكرهه لاخوه الي من ابوه بس من ام ثانيه .. ماراح يساعد على فشل شراكته ويا عمي .. لان ابوي بعد كان له اسهم كثر عمي واكثر .. عمي كان يمتلك 46 من الاسهم ... لكن ابوي يملك الاكثر 48 وشريك ثالث .. كان من الدول العربيه .. ويملك 6 من الاسهم وشرى هالاسهم من عمي .. عمي كان يملك اكثر من ابوي .. لكنه باع 6 من اسهمه لرفيجه العربي .. ورفيجه ماكان كثير الزيارة لقطر .. لكنه كان يساهم وايد بالمعلومات وغيرها من امور الشركة ... كان رفيج عمي يتكلم مع رفيجه عن ربحهم وطموحهم في تطوير شركتهم .. وان المناقصه اذا رست عليهم بيرتفع دخلهم .. وكان الانسان الي يكلمه .. سكرتير الشركة المنافسه ..
كان رفيج عمي مب قاصد ينشر هالمعلومات .. كان مجرد يسولف مع زميل معاه .. لكن هالزميل كان ذكي .. واستغل طيبة رفيج عمي .. واستغفله واخذ المعلومات عنه بطريقه احترافيه .. تبين فيها انه موظف صغير ناوي يستفيد من خبرته ..
وطعن فيه .. وفي عمي وابوي .. اما عمي .. فـ وصله ان ابوي من وصل له هالمعلومه .. خصوصا ان ابوي بعد يوم واحد من قالو لعمي الخبر .. سافر لاستراليا .. لان شركته الثانيه كانو متعاقدين مع شركة استراليه ..

عمي يومها كان مسافر ويا عيلته لندن .. سياحه .. ياته نوبه قلبيه .. طيحته على الفراش .. ولان كان معاه القلب .. فكانت حالته خطيرة جدا .. وصلنا له .. بعد اسبوع .. يوم اتصلت لنا مرته .. وكانت صدمة لنا بأن عمي تعبان وايد وايد .. ابوي هو الي دخل لعمي .. اما انا وسالم ومحمد وماجد وخالتي ام سارة .. كنا فقاعه الانتظار برع .. لان عمي طلب من ابوي يكلمه على انفراد .. حتى بدون وجود زوجته ..

سارة فهاليوم ماجات معانا الصبح .. لانها كانت مريضه .. يومها رديت انا قبلهم للبيت .. وللحين اتذكر الموقف بحذافيرة .. كنت راجع توني واصل لبيتنا " الي فلندن" اتصل لي ابوي ..وبلغني برحيل عمي .. عمي ..؟! .. يقصد ابوي الثاني .. اي نعم .. هو ابوي الثاني .. كان لي الاب .. والاخ .. كان دومة قريب منا .. مني ومن ماجد .. كان قريب من الكل .. ماقدرت الا اني اصيحه .. هالانسان يملك مقدار كبير فقلبي .. وبلغني ان ام سارة منهاره .. وماجد وياها .. وهو بالمستشفى يكمل معاهم الاجراءات .. وسالم .. مايدري وينه ..! .. من درى ان عمي توفى .. وطلع على طول .. بدون اي ردة فعل .. سوى انه شد على كتف ماجد .. وانسحب ..

وكانت القشه الي كسرت ظهر البعير يوم وكلني امر تبليغ سارة .. خصوصا ان الكل ملتهي .. وسارة مب موجودة .. توجهت بثقل لشقتهم الي كانت قريبه من المستشفى .. حسيت عيوني تحرقني .. صعب تكون بهالمهمه الصعبه .. انك تفجع بنت فـ ابوها .. انك تبلغ اليتيم بيتمه .. انك تسلب الحب والحنان والوطن والامان من قلب طفل صغير ... رن الجرس وايد .. وكنت على اعصابي .. اعصابي كانت منشدة وايد .. طال وقوفي عند الباب .. وطالت ذكرياتي مع صاحب هالشقه .. معقوله ماراح نجوفه من يديد؟؟ .. معقوله ماراح يلعب معانا مباراة مثل ماتعودنا دوم .. معقوله ماراح نتسابق معاه .. ماراح نسافر معاه؟ .. نروح كشتات معاه .. نتغشمر ونطبخ وياه في الكشتات؟؟... انفتح الباب وقطع سيل ذكرياتي دمعه طاحت من عيني .. بس شكل الي فتحت الباب مب مهتمه .. فتحت الباب ودشت داخل الشقه ..

كانت لابسه عباتها وشيلتها وبريلها جوتي .. وريلها الثانيه حافيه ,,, لبست دلاغها بكل حماسها الطفولي .. ودنعت تربط جوتيها وهي تقول : وين ميود اخوي؟؟ ...

طالعتها بـ اسى .. تفقد عزوتك .. تفقد عمود البيت شي صعب .. عمود الخيمه اذا طاح ماترد الخيمه تقوم الا بعمود بديل .. وعمود خيمتهم طاح .. وماله رجعه .. : ابوج ... مات ...!!!

ماتأثرت ابد .. والتفتت لي بعيون صقيعيه ورفعت يدها بتهديد : تكرهيني .. اكرهني .. بس انك تقول جي عن ابوي ..! .. لا تتعدى حدودك .. انت سامعني ..

كررتها : مات ..!

ركضت بااندفاع صوبي .. وحاولت تصكر الباب فويهي وهي تقول: انا اكرهك اكرهك ..ومستحيل اصدقك ..ادري انك تكرهني .. وماتحبني .. بس لا تدعي على ابوي .. صاحت هني ..

قلت بقلب مفطور : والله ماادعي عليه ... ادعيله بالرحمه ...

ردت فتحت الباب : منصور .. منصور انت اتحب ابوي .. ليش جي تقول عنه؟؟

طالعت فعيونها الغرقانه دموع وجفونها الي تحولت للون الحمر .. وخشمها الي سرعان ماستشف رغبتها بالصياح وقلب احمر.. ووييها الي احتقن بالاحمرار ..
قلت بعطف غصب عني : سارة ..

صاحت اكثر وهي تقول لي: منصور لاتجذب علي

غصب عني طاحت دمعه لحالها .. لرحيل عمي .. لتشتت عايلته الصغيرة ..

من لمحت دمعتي انهارت تصيح بصوت عالي .. طاحت عند باب الشقه ودفنت ويهها في ركبها وهي تصيح بقوة : لالا .. ابوي ما مات .. ابوي حي ... رفعت راسها ومسكت يدي بترجي ... قول انك تكرهني ومسوي هالمقلب فيني .. قول انك تقص علي .. قول ان ابوي حي ... قول .. رصت على يدي بالقو وهي لازالت قاعده ورافعه راسها بترجي .. قووول قوووول ..

ويوم مانطقت بكلمه .. تركت يدي بأسى وردت دفنت راسها بين ريولها وهي تصيح : يبه ليش تروح .. يبه ليش؟؟ .. يبه انا ابيك؟؟ .. يبه انا بنتك؟؟ ... اهون عليك؟؟ .. انا .. انا .. سارة يبا .. يبا يبا .. اهئ اهئ ...

قعدت عندها وانا احس بالضياع .. اذا انا الي مهب ولدة جي منهار .. عيل سارة .. شتقول ... اكيد مشاعر البنت تختلف عن مشاعر الريال .. الريال صبور في هالمسائل بس البنت لا .. البنت تظل بنت ..! ترددت ارفع يدي واضمها ... بس مسكت يدها وضغطت عليها بمواساه : سارة ... ادعيله

صاحت بقوه وهي تقول بهستريا : مابـــــــــــــــــــي مابـــــــــــــي ... مابي ادعيله مابي ... هو اصلا حي .. انته اصلا تجذب علي .. صح ؟؟ ...

طالعت عيونها المنتفخه ودموعها الي تسيل على خدها .. : سارة ...

صاحت زيادة وهي تقول : لا تقول لي سارة .. لا تحاجيني بهالطريقه .. انته اصلا ماتدري ابوي في المستشفى .. انتو توكم تيون ماتعرفون شنو حاله ابوي ؟؟ ... اصلا انا امس كلمت الدكتور .. وقال لي انه مع الراحه راح يرد نفس قبل بس شلل نصفي ... صاحت بقوة ... وردت التفتت علي ... والله انا مابقول شي .. خله يكون فيه شلل نصفي بس لا يروووووووووووح ... لا يروووووووووووووووووح عني ... لا يهدني ... رفعت راسها وكأنها تناجي ربها : يالله انك تقومه بالسلامة .. يالله انك ترده لنا ... يالله .. يالله ... شهقت بقوة وهي توقف : منصور ابي اروح المستشفى

تعلقت فيدي : ادري انك تكرهني بس ارجوك ودني حق ابوي ... هذا ابوي .. ابوي .. بروح اتطمن عليه ... هزت راسها تأكد .. اكيد انت سمعت غلط .. ابوي اصلا مافيه شي ... ضحكت وهي تأكد والله الدكتور امس قال لي انه احسن ... وردت تصيح : منصور ودني حق ابوي ...

قطعت سيل الذكريات حركه يد سارة الي تركت يدي ... ملت عليها .. وبستها برقه ...وابتعدت بسرعه .. دشيت الحمام .. وخذت دش سريع .. طلعت من الحمام ووللحين هي راقدة ... ابتسمت .. ياكثر ماترقد هالبنت ... امس .. رقدت بعدها ... سمعتها وهي تتحلطم .. وحسيت بتقلباتها ... لين ماهدت ونامت .. ساعتها التفتت لجهتها .. وحاولت انام ... لكن خيال جسمها فالظلام ... خلاني ارتجف غصب عني ... قربت لعندها .. ضميتها لي مثل كل ليله ... ونمت ...

تعطرت ... وعدلت غترتي للمرة الاخيرة ... وطلعت من الجناح .. ورحت لبرع الجناح ... رن موبايلي .. رقم غريب .. بس مب غريب علي .. كأني جفته من كم يوم؟؟وحتى اني غيرت الاسم .. اي نعم .. غيرت الاسم .. صار مايحمل سوى " بو لولوة " بعد ماكان " عذاب الروح "

.......

" لولوة"

هزيت ريلي بتوتر .. ليش مايرد .. يالله رد .. رد ... ثواني وياني صوته ::: هلا والله ...

ابتسمت بغنج .. اشتقت له .. الله على ايام زمان .. معقوله انا كنت احب منصور وانا مب حاسه .. انا غبيه اشلون ضيعته من يدي عشان علي .. غبيه ... "هلا حبيبي ... شخبارك؟؟؟

تنهد : بخير ...وانتي

حسيت قلبي يدق بالقو : بخير حبيبي .... وحشتني ...

كح وهو يقول : كح كح .. آآ .. كح ..

قلت بعيله : حبيبي بسم الله عليك .. اشفيك ..

سمعت صوته متغير ::: وانتي بعد ... وايـــد ...

فكرت شقصده ... وتذكرت الي قلته ... وقلت بحالميه : حبيبي والله ..... متى نجتمع ..!؟

قال لي : قريب حبيبي ...

جفت مشاعل مقبله ... وحسيت بغصه ... : زين منصور ... اكلمك بعدين .. باي ..

تلفت عشان ماتشوفني .. بس شكلها كانت قاصدتني لانها يات لعندي ومسكت يدي وهي تقول : قعدي .. ابي اكلمج فموضوع ..

ارتجفت فداخلي ويريت يدي بعصبيه وانا اقول : نعم ؟؟ ... موضوع ايش؟؟ انا علاقتي فيج انتهت من زمان من اكثر من 3 سنين

غمزت لي وهي تقول : لا لولوة .. نسينا الصور والافلام الي بينا والعيش والملح ...؟؟! انصدمت من كلامها وبديت ارجف للحين محتفظة فيهم .. بس .. بس .. وعدتني انها تحرقهم ...!!!

انترست عيوني دموع واشرت على واحد شكله ماكان غريب حسيت ويهه مألوف .. تذكرت هذا هو الي جفته في المستشفى .. يه وقعد عندنا ع الطاوله ...



فتحت عيوني على اوسعها .. انا انا .. خلاص .. مابي ارد لنفس الطريج ... انا ... ابي منصور .. مابي غيره ..




دارت فيني الدنيا وانا اسمع اتفاق مشاعل مع ... مع الريال

​

 

..::]][[ الحفنه السابعه عشر ]][[::..
( تهت انا وروحي غريقه .. في بحر ماله مواااني )
بعد اسبوع ...~

"سارة "
كنت قاعده وياه بالغرفه بروحنا ... طلبت منه يجي لاني ابغي اكلمه .. حسيته يتهرب مني ... ورحت لبيت ابوي ... ويوم جفته بالجناح .. طلبت اكلمه على انفراد .. صحيح انصدمت مرام من طلبي .. بس ماابغيها تنصدم بريلها الي خذلني ... خذلني وكسر قلبي ...

قلت بعتاب ودموعي تنزل سيلان على خدي : اشلون رضيت تزوجني وانا اختك الوحيدة
قال لي بخجل : سارة .. سارة انتي ماتعرفين شي ..
قلت بعتب اكبر : وبعد مااعرف انك تدري عن حاله منصور .. وانه مستغفلني ومستغفلنا كلنا .. وانته ساكت وراضي ... ماجد .. انت طحت من عيني ... خيبت ظني فيك ... ماتوقعتك بتخذلني " شهقت بصياح"
مسك جتفي يهديني.. وانا رفعت يده عن جتفي وكملت : انته حطمت مستقبلي ...اشرت على صدري بألم وانا اكمل .. حطمت احلامي وامنياتي ... رفعت عيوني الغرقانه فالدموع لعيونه ... انته مب بس حطمتني .. حتى هو حطمته ... ماجد ... اشلون رضيت اني اتعذب .. وانت عارف ان الزواج مب يوم ولا يومين .. مب يوم ولا يومين ... عشره ..! ... عشره عمر ... اشلون رضيت تزوجني بدون ماتاخذ رايي ..نزلت جتوفي بخيبه امل .. انته كنت داري اني بااتزوج ..رفعت راسي له وقلت باانفعال .. ليش ماكنت ترد على تلفوناتي ... ليش ماترد على ايميلاتي ... صحت بخذلان وقهر وانا اضرب المخدة الي عندي.. تتوقع اني بااعيش سعيده وانا ادري اني مفروضه على هالانسان؟؟ ... بعيش سعيده مع انسان انا ماقدرت اختاره فحياتي .. ؟؟
سمعته يقول بسرحان : يوم الي توفى ابوي .. دخل له عمي .. مارضى ابوي حد فينا يدخل .. كان يوصي عمي علينا بوصايا كثيرة ... من ضمنها انتي ياسارة ... تتوقعين ياسارة انا بـ ارضى ازوجج بدون مااشاورج ... تهقين يعني باارضى انج تعيشين تعيسه؟؟ ... سارة .. انا نفسج .. حالي من حالج ... عانيت من ضغوطات كثيرة من عمي ... انا واجهت عمي ورفضت ازوجج لولده حتى وان كان رفيجي .. بدون مااخذ بشورج .. بس ياسارة ابوي وصى انج تاخذين واحد من عيال عمي ياسارة ...
طالعته مصدومة ... مستحيل ... مستحيل ابوي يدري ان عمي مايحبنا .. ومايحبه ... ليش يبي يزوجني من واحد من عياله ؟؟ ... ابوي يدري ان عمي باقه "سرقه" .. ليش عيل يبيني اخذ ولد الحرامي .؟؟ ... طاحت دموعي من عيني : ماجد لا تقعد تبرر وتجذب علي ... انتو ليش تخدعوني .؟؟ ... ليش ماتحبني ياماجد ولا تحب لي الخير ..
مسك يدي وضغط عليها بالقو : والله ياسارة اني ماكنت برضى والله شاهد علي .. بس يوم قريت وصيه الوالد سكت ورضيت بالامر الواقع .. ابوي كان يبيج لمنصور بالتحديد .. هو كاتب فوصيته يزوجج لاحد من عيال عمي .. بس يوم راح له عمي المستشفى قال له زوجها منصور .. وعمي اجل الزواج لفترة عشانج بالمدرسة .. صدقيني سارة انا مستحيل اقبل تعيشين بتعاسه .. مستحيل .. لو الحين انتي ماتبينه والله مايردج الا لسانج .. انا ماسويت هالشي الا تنفيذ لوصيه الوالد ياساره ..
صحت مقهوره .. لماني ماجد لصدره وصحت وايد وايد .. حسيت اني ظلمت اخوي ماجد وايد .. انا توقعته بس بغا يزوجني لرفيجه انحياز لرفيجه وحتى مايكسر خاطر رفيجه .. وعشان المصلحه ويا عمي .. طلع ان ابوي موصي هالوصيه ... معقوله يبه تحكم علي اتزوج بدون ماتاخذ شوري وتجوف جاني ابغيه ولا لاء ...



يات فبالي ذكريات مغيمه .. يوم كنت اصغيرة فبدايه الاعداديه .. يوم كنت احس بااعجاب صوب منصور ..وكيف كنت اتلهف على جوفته .. خصوصا انه كان جميل وكان فهذيج الفترة بالثانويه بثالث ثانوي يعني ريال واللحيه خطت ويهه الجميل وزادته وسامه ولاني كنت صغيره فشي اكيد الشكل كان عندي مهم .. وانعجب فيه .. اتذكر يوم كنت اسأل ابوي عن منصور اذا جى يدرس مع ماجد واتجسس عليهم خلسه .. اتذكر يوم مرة رحت ابي اسمع رايه في قصه شعري اليديدة .. لكنه استهزئ فيني .. واني مسترجله ... بعدها بديت اكرهه .. وبديت اتجنب اشوفه .. وصرت مااطلع ولا اروح بيتهم لاني حسيته يكرهني وانا كنت اكن له مشاعر خاصه .. بعدها بكم سنه .. لفت انتباهي ثاني .. الي حسيته يبادلني مشاعر وديه .. وبديت انعجب فيه ... ويمكن اني كنت احبه ..
شدد ماجد من احتضاني وانا حسيت اني ارتحت يوم عرفت ان ماجد ماكان يبي يتخلص مني وماكان شايفني هم قاعد على قلبه .. حسيت اني ارتحت .. صعب تحس بالخذلان من اقرب شخص بالنسبه لك .. والاصعب والامر .. ان تنجبر تتعايش مع هالخذلان ولا كأن صار شي ..
ابتعدت عنه وانحرجت اشوي .. بس كان يداعب خدي وكأني ياهل : يالله عاد يالدلوعه لا تصيحين .. فاتحه لي مناحه
مسحت خدودي وقعدت وتذكرت شي : انزين انته كنت تدري ان منصور طبيعي ليش ماقلت لي ... ليش عيشتوني فوهم ... حرام عليكم... انتو وايد تلاعبتو فيني ...

طاحت دموعي من يديد ..وحاوط جتوفي وهو يقول لي : هالفكرة كانت فكرة منصور .. وانا كنت بقولها لج .. بس يوم جفت ان منصور مرتاح وانتي مرتاحه ومتقبلته جذاك .. ماكنت بخرب ... عشان تتعرفون على بعض احسن
قلت بقهر واحساس بالظلم: بس هو كان يجذب علي .. اسلوبه كان اسلوب يهال ... يعني انا ماعرفت عنه اي شي .. سوا انه مغرور وكريه ..
ضحك ماجد ... : انتي ماتتوبين مع هاللسان الطويل ها؟؟ ... فديتج ياسارة والله ان منصور طيب وحبوب .. بس مادري ليش انتي جذي تجوفينه .. صدقيني اذا شليتي هالفكرة من بالج بتجوفينه صح .. انتي ليش تجوفينه كريه ومغرور؟؟ ...
سكت ماعرف اشلون ارد عليه ...رد يلمني مرة ثانيه : مب زعلانه حبيبتي
قلت بصدق : للحين زعلانه .. اجذب عليك اذا قلت لك ماشلت بخاطري ... ترا وايد وايد زعلتني وخيبت ظني
ضحك وهو يبوس راسي : فديت الي خايب ظنهم .. والله ياحبيبتي ماكان هالشي بيدي والله ..
سكت وانا حسيته متلوم ... ومتعذب ... حتى اني لاحظت هالات سود خفيفه تحت عيونه ... وخطوط ارهاق باينه فوجهه ... معقوله توني الاحظ ان اخوي تعبان من اول ماتزوجت ... ياحبيبي يااخوي ... سندت راسي على جتفه وانا اقول : زين اشلون بتراضيني ...
ابتسم وهو يقول : بعزمج
بوزت وقلت : مابي عزيمه ... تبي تراضيني لازم تسفرني
ضحك وهو يقول : ياعمري احين انتي متزوجة يعني اراضيج واراضي ريلج فوقج؟؟ لا ياعيوني مااقدر عليج وعلى ريلج مرة وحده
بوزت زيادة : مايخصني
قرص خدودي : ولايهمج بطلعج البر وباحجز لنا في الشاليهات
ابتسمت بفرحه : صـــــــــــج الـــــــــــــــلاي متـــــــــــــــــى؟؟؟
ويوم حسيت بنفسي وانا جي اتحجى بكل هالاندفاع رديت استعدلت فقعدتي وسويت نفسي مب مهتمه : بس توديني الشاليه والبر هاي رضوتك يعني؟؟؟ ...
ضحك ماجد وهو يقول لي : امري وين تبين بعد ...؟؟؟
سكت افكر واكتفيت اني اهز جتفي : جوف اول شي نروح البر والشاليهات وبعدين يصير خير
ضحك ماجد : يالعياااارة ... تبين تسافرين وتروحين وتردين على حسابي ...
ضحكت وانا اقوم وابوسه فوق راسه : متى بنروح؟؟
حك يبتهته وهو يقول : احنا ترانا متفقين ويا عيال خالتي نروح باجر ... بس احنا الشباب بدونكم يعني ... بس ولايهمج بنغير الرحله عشانكم ... باجر نروح البر .. والي عقبه نروح الشاليهات ... زين انـــّـا حجزنا اكثر من 4 شاليهات ولا جان توهقنا ...

.................
"سالم "
قال لي منصور عن رحلتهم ... للبر والشاليهات .. وترددت اروح ولا لاء ... اخاف اروح .. واخرب على سعادة سارة .. خصوصا وانا ادري فيها تكرهني .. واذا مارحت اخاف اتندم .. قررت اروح وياهم البر .. واما الشاليهات مالي حايه فيهم ؟...
قعدت فالصاله .. وسمعت حس سارة وهي تتكلم ... شكلها داشه الصاله ومب منتبهه على وجودي : ههههههههه لالا يالعبيطه .... مممممممممممم .. اتعرفين يعني انا بزنس ومن وماعندي وقت .. طالعت اظافيرها وردت تكمل .. يعني تعرفين شركاتي ماليه الدنيا وماعندي وقت احك راسي عشان اسجل وياج دورة ايلز ... انتي من صجج؟؟ .. يالله زيـــــــــن مب متفرغه لهم ... ضحكت وهي تقعد ع الكنب : لا انا فبيت عمي ... وي وي .. حلفــــــي ؟؟ ... متى؟؟ ... ماقالت لنا .. زين يصير لها؟؟ .. وييييييي .. اللاااااي فللله ... باركيييييييييييلها .. يحليلها ... الا اقول شيوم ..مابتسافرين هالاجازة؟؟ ... والله؟وين؟؟.... اممممم ... قلتي لي ... عيل بتروحين تجهزين لعرسج .. ياسلام ... انا ..!؟؟ .... حسيتها ارتبكت وهي تقول .. آآآ .. اي مادري .. اممم .. اسمعهم ينادوني بكلمج بعدين ... هههههههههههههه لالا والله .. زين... ممم باجر لا رايحين البر .. ياسلاااام .. خخخخخخخخخ حياج افا عليج عيوني اوسع لج من المكان .. لاوالله عادي .. شيوم ترا صج بازعل لاتقولين هالحجي ؟..لا يوم بيي ريلي بقول لج ما بستحي منج .. ياربي شيووم ...هههه اوكي حبيبتي يالله باي ...

رفعت راسها ولفت تتأمل الصاله ويوم طاحت عينها بعيني .. شهقت بالقو .. ووقفت بسرعه بتطلع من الصاله ..
بدون شعور ..وقفت بسرعه وتحركت اسرع منها .. ووقفت عند باب الصاله : ابي اتفاهم وياج

صرخت بعصبيه وعيونها مليانه دموع ..والمسافه بينها كبييييييييرة .. انا عند الباب وهي تقريبا بنص الصاله : مافي كلام بيني وبينك .. والله يا سالم لو مابعدت عن طريجي لاصرخ واسويك فضيحه .. اعنبوووو استح على ويهك ... طاحت دموعها على خدودها .,.. انا بنت عمك قبل لا اصير مرت اخوك ...
قلت بعطف : سارة سمـ...
ياني صوت من وراي : ســــارة ؟؟ .... سالــــــم ؟!
التفتت




وكان




كان








































كان محمد .. ومعاه مرته الي تطالعني بعصبيه .. وتجوف سارة بحقد ... طالعت سارة باارتباك .. اخاف يظنون فيها ظن السوء ... ولاني اعتبر سارة .. اخت .. غالــــــــــــــــــــــــيه علي جدا .. مابي يمسها كلام ... او حتى شك ..!!
دخلت وقعدت ع الكنب قال محمد وولحين هو واقف عند الباب : اشفيج سارة ... ليش اتصيحين ...

اما سارة فكان وييها جامد .. ملامحها مب مبينه ولا ينعرف شنو يدور فداخلها .. بصراحة خفت وارتبكت .. هزيت ريلي باارتباك .. خايف لا تتكلم شهد وتفضحنا ...
اما شهد فكانت تطالعني بحقد وغضب وعصبيه كنت احس عيونها تشتعل فيها نيراااان غضب .. ياكرهي لهالانسانه .. طنشتها .. والتفتت لسارة اطالعها .. قالت سارة وهي تمسك طرف ويهها وتدعكه باارتباك : لا ولاشي .. بس ... التفتت طالعتني .. وردت طالعت محمد ... وتجاهلت شهد الي اتوقع ان سارة ماتحبها ...

​

 

تحركت بسرعه وانا اتابعها بنظري .. وحتى محمد الي عقد حياته .. اما شهد .. فتحركت على طول بعد سارة
شسالفتها هذي؟؟ ... ترددت اقول لمحمد عن شهد مرته .. اخاف مايصدقني ... ؟! ... اصلا صعبه اشلون ابتدي وياه .. شـ اقول له؟ .. بأي ويه ؟؟ .. واذا قلت له ..
قلت لمحمد بعد مالاحظت شكله المبهدل : محمد ... صاير شي؟؟ ..
قعد ع الكرسي وتنهد بتعب : لا .. مو صاير شي ... ليش؟؟؟
قلت بتردد وانا المح الهم فملامح ويهه الي يحاول تكون طبيعيه ...: لا بس .. حسيتك تعبان؟؟
ضحك بسخريه : هه ... من متى نحس فبعض ياخوي؟؟ ...
انحرجت .. صحيح من متى؟ .. من زمااان واحنا ماندري عن بعض .. من زمان وكل واحد لاهي بعالمه .. من زمان وكل واحد حاط له حدود مايبغي احد يتعداها .. ليش صرنا جي؟؟ ... ليش كنا جي ... قلت بشفافيه : صحيح ماكنا قراب من بعض ياخوي .. بس .. ليش مانحاول من يديد ..
قاطعني : مابقى شي من العمر .. الحين تبينا نحس فبعض؟؟ هه عقب ماصار عندنا عيال؟؟!
حسيت بلوعه من كلامه .. كلامه حسسني بغصه كبيره .. اشلون كان يجمعنا بيت واحد .. بيت واحد .. وكل واحد مايدري عن الدنيا .. ولايدري عن اخوه واخته ... : وليش مانعيش العمر الي بقى لنا .. قراب من بعض ..
وقف محمد وهو يقول : فات الاوان وايد ... سلوى وبتطلع .. سلطانه وطلعت ... وانت ماتبي احد يتدخل في حياتك .. واخوك لاهي ويا مرته واخوك الصغير ..
قلت بحيرة : وانته ؟!؟
حسيته يسأل بـ ألم .. استشفيته من ملامحهه الغامضه : انا؟ .. انا شفيني؟؟ ... عايش حياتي ومرتاح .. ابتسم ابتسامه جانبيه .. حسيتها سخريه من حاله ..
اشفيك يامحمد ..اشفيك .. ياترى شفيك ياخوي؟؟ ..

انتبهت اني كنت سرحان وان محمد طلع من زمان فوق .. صعدت فوق .. وترددت .. توجهت لجناح محمد اخوي .. ابغي اكلمه .. سمعت صراخ حاد من الجناح وتخرعت .. كنت بافتح الباب اجوف اشصاير وليش هالصراخ
بس تداركت نفسي .. انا مالي خص فيهم .. خصوصا يوم سمعت محمد يقول : شهـــــــــــد قصـــــــــري حسج ترانـــــــــي وايد استحملتــــج وداريـــــت عليـــــج بـــــس لانـــــج ام عيـــــــالي ..!ولا الغـــلا والمشـــاعر الحلـــوة الي كانــــت بينــــا انتهــــت من زمــــان ... من زمــــــان وايد ..
سمعت صراخ شهد بس كلامها ماكان واضح ... الا .. انها بتروح بيت ابوها .. احسن فكه .. من ويهها ... السباله الحقيــــرة .. تحركت ورحت جناحي .. وانا افكر في حياتنا ... واشلون تسامحني سارة ... لاني اعتبرها اختي .. اختي الي مقامها من مقام سلوى ..

..................
"سارة"
وقفت وانا اسمعها تقول بعصبيه : يعني انتي مصره؟؟ ..
التفت لها بغضب .. تراها واصله لخشمي .. خل تبتعد لا اكسر راسها .. كفايه الحقير الي تحت .. قلت بعصبيه ونرفزة : جوفي شهد .. انا مرة متزوجة وعيب عليج تشكين فيني وفـ ابو اعيالج .. سامعه
قالت لي بغضب : انا جايفتكم بعيوني ..
حسيت اني بــــ أستين"اصير مينونة يعني" .. انا متى قعدت مع ريلها عشان جي تتكلم وجي تقول: متى؟؟ ..
قالت بعصبيه كبيرة وغيره : توه ..
قلت بسخريه : لا يكون غيرانه ليش سألني عن حالي؟؟ ...
طالعتني بنظرة غريبه : ليش كنتي تصيحين .؟؟ .. اشسوى لج سالم؟؟؟ ..
هالاسم اينرفزني .. حسيت بشياطين الدنيا فوق راسي .. مسكتها بقوه وبعدتها عن ويهي : سمعيني زين يا شهد .. اذا انتي راسج عود ومحد قدر يكسره .. ان شاء الله تكسيرته على يدي .. فاابعدي عني احسن لج .. اذا انتي شرانيه .. فـ انا اكثر منج ..
فتحت عيوني لها بوسعه : سامعتني؟؟؟

هديتها بغيض وتحركت لجناحي .. غبيه وكريهه .. اشلون تظن فيني وفريلها؟؟ .. هذا اخو ريلي .. وولد عمي فنفس الوقت .. اشلون تظن اني بااخون عايلتي .. وعايله عمي .. وريلي؟؟ ...
ليش ماتفكر هذي؟؟


..........

"حمدة"
كنت افكر في حميد .. حميد الرجل الي حطم كل المواصفات الي كنت احلم فيها .. كان فوق الخيال .. اشلون يفكر فيني ؟؟ .. انا مب قادرة استوعب .. ليش ياترى خطبني وهو الكامل .. ويتزوجني انا .. انا المطلقه .. طرت فبالي اغنيه ياما سمعتها بس احسها .. هذي .. غير ..

ماتمنيتك
ماتمنيتك لإنك كنت
أبعد من خيالي
ماخطر في بالي مره
إني ممكن أوصلك
كنت أشوفك مثل نجم
في السما ساطع وعالي
يابعيد وجابك الله
لين عندي وصلك
جيتني مثل الشروق
اللي محا عتم الليالي
جيت فرحة للحزين
اللي من همومه هلك
جيتني وإنت يحبك
ألف محبوب بدالي
سخرك سبحانه اللي
في عيوني كملك
هو صحيح إحنا التقينا
هو صحيح إنت قبالي
هو صحيح إني حبيبك
كان لي حق أسألك
كانني أحلم طلبتك
خلني هايم لحالي
خلني بالحلم عايش
فيه دامي به معك
ممتلي بالحب قلبي
وغير قلبي قلب مالي
أهدني قلبك حبيبي
خلني فيه اعشقك
سمعت صوت عفاري وهي تحايل فيني عشان انزل .. بس انا ماكنت ابغي انزل .. فتحت ليت الغرفه : قلت وانا اصكر عيوني : صكري الليت عفاري

يات وقعدت عندي : افا ليش عاد؟؟

مارديت عليها .. وغطيت ويهي بين ريولي ..::حمده لين متى بتمين حابسه نفسج؟؟ .. انزين اشفيج ؟؟ قولي لنا شي ع الاقل صار لج اسبوع ونص مادري اسبوعين ماتداومين .. حد قايل لج شي في الشغل؟؟

انترست عيوني دموع وحاولت اسيطر على نفسي : مافي شي صدقيني ..

سمعت تنهديتها ؟: لو صج .. جان جطيتي عيني بعينج .. حمدوه .. صج اشفيج لايكون متضايجه عشان سالفه حميد ولانه خطبج؟؟!!

رفعت عيوني بسرعه لها وقلت ببلاهه: لا؟! ...

قالت بصدق وهي تطالع فعيوني مباشره : عيل ليش متضايجه؟؟ .. وماتردين تنزلين تحت؟؟ .. حد قالج شي؟؟ .. شموه؟ عيالها؟؟ .. انا ؟؟ امايه ولا حميد؟؟؟

هزيت راسي بالنفي وقلت بعد فترة بكذب .. : شاغلني اخويه غيث ... ؟!

عقدت حياتها وقالت : خلج منه .. مايقدر يسوي شي غناتي ..

تنهدت بتعب .. وانترست عيوني بالدموع .. يتيمه .. بدون اب .. ولا سند .. اخو مسافر معاه عياله ولاهي مع حرمته ..! .. من سنيييين طويله .. طويله طويله .. من يوم وانا فالاعداديه وهو مسافر يدرس فالخارج ..! .. راح ولا اهتم ولا اتصل فينا .. لا يسأل عن اب ولا حتى اخت ! هه ... وذياب البشر حولي .. تنهشني بلا رحمه .. لاني مطلقه .. ويتيمه .. شنو ذنبي اني تطلقت؟؟ ... لي دايم نظرتهم سلبيه للبنت المتطلقه ؟؟ ... بتقولون مجتمعنا تطور؟ .. الا فهالشي مستحيل يتطور .. مستحيل يتغير ...

صكرت عيوني بندم .. للحظات حسيت بندم من طلاقي لولا طلاقي ولا ماكان الي صار صار .. ارتجفت شفايفي وحسيت برعشه تسري فداخلي ونوبه قويه فالبكاء تلح علي .. وعفاري يالسه مجابلتني مااقدر اصيح وازيدها هموم .. شـ بقول لها؟؟ .. اقول لها مديري تجرا وباسني؟ .. صكرت عيوني باالم .. تحاملت ع نفسي .. ورحت للحمام .. طحت تحت البانيو والماي ينكت علي كت .. ودموعي تطيح غصب عني .. ليش لـــيش ليـــــــــــش؟؟


شباسوي؟ .. شـ اقول؟؟ ..وموضوع علي؟؟ .. علي يستاهل الافضل مني ..

صكرت عيوني متألمه .. حياتي كلها عذاب فـ عذاب .. الم فـي الم .. متى ارتاح ,.. متى؟؟!

حمــيد .. اي حمـــيد .. هو الي بيشلني من هالعذاب .. هو السند والاخو وابن العم والاب .. بس بس .. ترددت ... اذا هو خطبني شفقه .. ولا .. ولا ستر .. ولا ايش بالضبط؟؟؟

بس السؤال الي لازال يدق فقلبي وعقلي
استاهله؟؟؟؟
.............

"لولوة"
طالعت المكان بكره وغيض .. مجبورة اجي هني مجبورة .. انا قلت اني مابرد لهالدرب مرة ثانيه .. ماراح ابيع جسدي مرة ثانيه .. صحيح .. صحيح الي صار اول مرة .. هو السبب في جري لهالرذيله .. بس بس كان غصب عني ... حسيت بغصه في بلعومي ومب قادرة ابلع ريجي من كبر الغصه .. ااااااااااااااااه اااااااااااااااااااااااااه .. ياليتني ماعرفتج يا مشاعل ياليت ماشكيت لج وحدتي .. ياليت ماكنت بنت بريئه تصدق كل شي ينقال لها.. ياريت ياريت ..
تذكرت اني من الثانويه وانا اطلع ويا الشباب واكلمهم .. تذكرت خوفي .. وترددي .. تذكرت يوم صحت بندم .. وتذكرت يوم مشاعل مسكت يدي وسلبتني برائتي .. تذكرت لحظة اغتصابي تذكرت هاللحظات وارتجفت مشاعري .. وحسيتها انهزت بالقو .. اه اه .. ومن بعدها فقدت شرفي .. فقدت اغلى شي عندي .. بعد مافقدته جاتني حاله هستيريه .. كنت كله اصيح واصارخ واخاف انام في الظلام .. لاني انغصبت في الظلام .. لكن .. لكن .. بعدها انغمست فذيج الرذيله .. حتى اني كنت ارقد مع اي احد بدون مااعرف شي عن نفسه .. صار عندي ادمان على هالرذيله .. صار وقتي كله مايشغله الا هالشي .. فكري مايشغله الا هالامور .. ماقمت اعرف نفسي .. انا الطالبه المتفوقه الي كانت تجيب نسبه فالتسعينات صارت مب قادرة تنجح .. الكل تسائل عن السبب .. والكل ارجح هالشي لفقداني جدي بهذيج الفترة .. صحيح تأثرت بموت جدي وااايد .. بس الي صار لي .. وعفافي الي انتهك .. كان هو السبب.. لا .. مشاعل هي السبب ..

سمعت صوتها وهي تقول : افا يا لولو .. نسينا هالغرفه .. مب غرفتج .. غرفتج الثانيه؟؟

صكرت عيوني بألم وانا تنعاد على ذكريات اغتصاب برائتي .. ذكريات دمرتني .. حطمتني .. وانا .. وانا الحين نفس الشي ارجع لنفس المصير .. بخطوات خايفه مرتجفه .. هالمصير الي من زماان تركته .. من بعد ماتزوجت علي ماقمت ارقد ويا احد ثاني غيره الا في الضرورة القصوى .. بس .. هذا ماكان يمنع من التبوس والاحضان وتبادل العناق ..
اااه ااه كم كنت حقييييره .. لاء .. لاء الحقارة كانت جزء بسيط مني .. تعلمت الخبث .. تعلمت الحقد والمكره والجذب والنفاق والمصلحة .. حياتي صارت اساسها هالاشيا .. والمااادة .. الماااادة رغم ان ابوي كان وزير سابق .. وحالتنا الماديه عاليه جدا .. بس .. صرت ماديه .. صرت مااعطي شي الا بمقابل .. هذا الي تعلمته من مشاعل
وتغلب التلميذ على استاذه .. كانت شهور تحاول تطيح اكبرها واسمنها .. لكن لاني كنت اتميز بجمااااال حاد يفوق اي جمال رأته عيون .. كان نصيبي هالهامور .. الي طاح بيدي .. ولسوء حظي ماقدرت اسحب منه الكثير .. لانه سافر يكممل دراسته .. حقدت علي مشاعل يومها اكثر .. وقامت تعرضني اكثر واكثر.. وبعدها تزوجت .. والخسيسه .. كانت مصورة كلشي يصير معاي .... كانت كاميرة المراقبه الي تعمل في الظلام شغاله على طول .. حتى من قبل لا اغتصب .. ومن قبل لا اعرف عن مشاعل الكثير .. كانت لي صور كثيرررة ,. خليييعه .. ولي صور وانا .. في موقف محرج جدا .. مش بس صور .. فيديوكليبات .. صوت .. كل شي .. حتى صوت وصورة وحركة ..
كانت مشاعل تهددني خصوصا يوم اني تزوجت ومارضيت ارضخ لطلباتها من يديد .. مارضيت ارقد من يديد خصوصا اني تزوجت علي .. الا يوم كان يسافر علي .. والا يوم يطول عن البيت .. ساعات كنت احتاجه بس اهو محد .. وينه؟ بالشغل ..

قلت بحقد وكره بعد ماانتبهت من سرحاني : وبعد هالمرة راح تعطيني الكاسيتات والاشرطة ولا صدقيني يا مشاعل ماراح تجوفين خير !
ضحكت بااستهزاء : بتعلمين علي يوقفني عند حدي؟؟ ولا بتبتلغين الشرطة؟؟ هه ؟؟
صكرت عيوني بالم وحنين لطاري علي .. ياااه ياني اشتقت له ولطيبته ولقلبه الكبير .. لحبه واهتمامه ودلعه ..
فتحت عيوني على صوت رجولي .. ارتجفت ... وناظرت مشاعل الي كانت مبتسمه بخبث .. طلعت من الغرفه وهي تقول : تجهزي ياعروووسه ..

...................

"امل "
حسيت بغصه وانا ادخل الميلس .. تنفست بعمق .. وزفرت بضيج ..امس كانت الملجه .. وكانت عائليه .. وريلي مارضى يدخل .. وانا اصلا قلت لهم اني مابيه يدخل .. احس بالخوف والبرود ..خايفه يدري عن .. حمــد .. وخايفه من نفسي ومشاعري نفس الوقت .. دخلت .. سلمت : السلام عليكم ...
وعليكم السـ ـلام ..!

حسيت بخوف مو طبيعي هالصوت سامعته .. صوته يذكرني بحمد .. معقوله من حبي لحمد قمت اتخيل صوته ..
رفعت عيوني شوي شوي .. خايفه .. طاحت عيوني فعيونه .. و

طحت مغمى علي ..!!

​

 

"علي "

طلع الدكتور والتمينا حوله .. قال لنا انها تعاني من فقر دم .. وهذا الي سبب لها الدوخة ..ولازم ناخذ حذرنا ونهتم بأكلها .. انا لاحظت انها في الفترة الاخيره ماقامت تاكل عدل .. وحتى امي كانت تغصبها ع الاكل .. وكانت تاكل كم لقمه تسكت فيهم امي ... ياترى ليش؟؟... معقوله هي ماتبي خطيبها .. انزين ليش مارفضت؟؟ .. هي بلغتني بلسانها انها موافقه ... عيل اشفيها؟؟ ..

رفعت نظري لريلها .. جاسم .. كان موقفه غريب .. ساكت .. هادي.. او يمكن مب مهتم .. عمره 26 سنه .. يشتغل فـ احدى المؤسسات الحكوميه .. انيق .. طوييل حبتين .. اخلاقه عاليه .. وحيد امه .. اخلاقه حلوة ..

تفاجات يوم سمعته يتصل فيني ويقول لي اختك طاحت ..!!! .. ويوم دخلت جفته قاعد عندها بتردد ويحاول يصحيها ... شلناها ويبناها المستشفى ..والحين يحطون لها مغذي ..

قلت لجاسم : مشكور يالنسيب .. والله مفتشل منك ..!!

رد علي بهدوء : العفو ولو .. لا والله ماصار شي عادي ..اشلونها الحين؟؟

طالعت باب الغرفه : بخير .. قايمه .. تحب تدخل؟ ..

وقف جاسم وقال لي : لا .. وقت ثاني ان شاء الله .. تعرف هي تعبانه .. ومب حلوة ادخل الحين .. كمل بمزح .. خبرك البنات يحبون يطلعون شي فعيون ازواجهم .. واذا رحت الحين بخرب خطتها .. وغمز لي


ضحكت .. وبعدها سلمت عليه وطلع .. مادري ليش يـا فبالي طيف لولوة .. انسلبت ابتسامتي غصب عني .. وحل محلها الجمود .. تنهدت .. وحركت راسي امنعها من تفكيري .. دخلت عليهم .. وكانت امي موجودة وتأنب امول على اكلها ..
اختي مريوم نفس الشي .. طبعا ماكانت تخلو السوالف من احراج امول اختي

مريوم : يووه امول ماصدقت يجيها معرس راحت تتطمن اذا صج هو معرس ولا خيال .. وتنصدم ويغمة عليها

امول بتأنيب : مريووووووووم .. انا جي؟؟

ضحكت مريوم وابتسمت انا على حجيها .. : ماتذكرين قبل لا تدخلين اشكثر لولشتي "زغرطتي" وقمتي ترقصين من الفرحه؟؟

طالعتني امل بصدمه وهي تقول والدمعه معلقه فعيونها : جذاااابه والله

ام علي : مريوم بسج .. من اول مادشيتي وانتي طايحتن فهالمسكينه

ضحكت مريوم بقوه وهي تقول : يمه جوفيها اغير جوها .. قامت تتحجى ولا من مساعه وهي ساكته مادري شيدور فمخيخها

ابتسمت .. وقلت لامول : حبيبتي .. يسلم عليج جاسم ...

رفعت عيونها لي وقالت بااستغراب ..: من جاسم؟؟ ..

مريوم : خلف الله علي .. يعني انها ماتعرف .. ريلج منو بعد؟؟ ..

قالت بغرابه : اسمه جاسم؟

قلت لها : اي.. اشفيج .. قلت لج انا اسمه من قبل ..؟؟

قالت بااحراج : سوري .. يمكن وقتها ماكنت منتبهه ..

ردت تسرح .. شالي يدور فعقلج يــــا امل .. شنو؟؟؟

تذكرت قبل كمن يوم يوم جاني ظرف .. فيه صور .. لـ لولوة .. صحيح عصبت .. لكن .. تنهدت .. خلاص انا مالي سلطة عليها .. ترد ويا مشاعل .. ولا غيرها؟ ..تروح ويا علانه ولا فلانه ..انا مايخصني.. بس واجب احذر بدر؟؟.. لا بس انا مايخصني .. اي مايخصني .. هو اخوها .. واكيد بيدري .. بس .. بس من هذا الي مطرش لي الظرف .. واشقصده؟؟ .. قصده اني انبه بدر ...ولا ايش بالضبط؟؟؟



..................

"منصور"

رديت من برع .. كنت طالع ويا فهد .. كلمني ماجد وقال لي اني معزوم وياهم .. بيطلعون البر باجر .. هم وعيال خالتهم .. وقال لي اعزم محمد وسالم بعد .. سالم احتمال ايي .. بس محمد ماراح ايي .. مابغيت اضغط عليه .. انا اول شي ماكنت بروح .. بس جفت نفسي احتاج اغير جو من جد .. خصوصا بعد الضغط الي صار بيني وبين سارة .. اثنينتنا نحتاج نغير نفسيتنا .. وخصوصا ان ماجد قايل هالطلعه عشان ساروة .. واني لو مابغيت ايي .. اسمح لسارة تروح وياهم ..

دخلت الجناح .. وحطيت موبايلي وبوكي ومفتاحي ع الطاوله الرخاميه الي مجابل باب الجناح .. مشيت لين وصلت الصاله .. وكانت الصاله هااااديه ..

فجيت ازراري الاول والثاني .. وفلعت غترتي ع الكنب الي عندي .. حكيت شعري .. حسيته متيبس .. لمست شعري .. حسيته خششن .. اي طبعا خشن .. من يمسك نعومة شعر سارة مو بس يقول عن شعره خشن الا ليفه ..! .. انا شعري مو ناعم ولا خشن .. متوسط يعني .. وجااااف وايد ..يميل للخشونة.. ابتسمت يوم تذكرت ملمس شعر سارة .. اليوم الصبح يوم قمت .. ماخليت شي فخاطري ههه .. حتى شعرها ماسلم مني .. واحسن شي احسن شي ان سارة يوم ترقد ماتحس بالي حولها .. ابتسمت يوم تذكرت انها كانت متعلقه فذراعي .. وشعرها الناعم مغطي عيونها وخدها .. وجزء منه تحت رقبتي .. اخ بس .. عضيت على شفايفي .. لايكون ماردت من بيت ابوها؟؟؟ ..

طلعت موبايلي اتأكد .. اذا كان فيه مسج ولا مس كول؟ ... كان فيه مس كول من ساعتين من موبايل سارة .. اتصل ع تلفونها .. ورن هني فالصاله .. يعني ردت البيت؟؟ .. حلو حلو ..

رحت المطبخ لانه ع طريجي ... وماكانت موجودة ؟ .. لا في الصاله ولا في المطبخ؟ .. اكيد بالغرفه .. توجهت للغرفه .. فتحت الباب .. وتميت مسبه اطالعها .. هذي شمسويه؟؟


الغرفه بااختصار كانت عفيييييسه .. ومن قلــــــب بعد ..!! .. هاند باق مرمي على السرير بااهمال .. وبانطلون جينز طالع منها .. وتحت الشنطة .. كم قطعه بلايز مرميه ..

ومب هاي المصيبه بس؟؟ .. المصيبه كانت عند الي واقفه على حافه الكبت تطلع لها ملابس .. وترميها بكل بساطة على الارض ..

نزلت نظري للارض .. ولقيت اكوام من الملابس .. الي جينز .. والي تيشرتات .. والي بجامات .. شصاير؟؟ .. وين بتسافر؟

عقدت حياتي ... والاخت للحين مشغوله .. ناديت عليها .. وطنشت .. عصبت .. اكره شي عندي التطنيش ..

قربت لعندها .. ويريتها من يدها حتى انها طاحت من على حافه الكبت ع الارض بس لاني كنت ماسكها بقوه كانت ريلها ع الارض .. وجزء من جسمها مايل مع حركة يدي .. لاحظت علامات الدهشه والخوف .. وصرختها البسيطة الي طلعت بعد شهقتها القويه يوم يريتها .. لاحظت سماعات الاذن الي كانت حاطتهم .. وصوت الاغاني المزعج دق راسي دق .. عشان جي ماسمعتني ..يالله .. فشله جي يريتها ..

لاحظت تعقيدة حواجبهاتدريجيا .. نزلت السماعات وتخصرت بعد ماحررت يدها : خيـــــــــــــــر داش جنك اعصار توسونامي؟؟؟

عجبني شكل شعرها المبعثر ..شكل ويهها بشكل عام والاحمرار الي ساكن خدودها .. نظرة غريبه ساكنه عيونها .. وروح الشطانه تلمع فعيونها .. صكرت عيوني .. ويريتها .. بست خدها وقلت : جي الحريم يستقبلون ريايلهم مب يعطونهم الاذن الصمخه؟؟

احمرت خدودها وتخصرت وهي تتجاهل خجلهاوتقول بصوت شوي عالي وكأنها تقول لي ترا انا مااستحيت : والله ماسمعت زين؟ .. والله بس يبي يتهاوش .. اشرت ع السماعات الي فأذنها .. اسمع من الـ mp3 .. برطمت وطنشتني .. ردت تعفس فالكبت ؟؟ ..

تخصرت وانا اجوفها مطنشتني : ياسلام ؟؟ .. والمرة العاقله تعطي ظهرها لريلها؟؟

قالت بصوت واطي : مشغوله اانا الحين .. بعدين يصير خير

ابتسمت غصب عني .. وحاولت اخشن صوتي : شتسوين انتي ها؟ ليش عافسه الغرفه جذي؟؟

التفتت لي وقالت ببراءة : اشفيك انت؟ اشحقه معصب؟؟ ..ابي اروح ويا اخوي رحله ..

قررت العب فعقلها شوي : نعم حبيبتي عيدي عيدي؟ ... وين تبين تروحين؟؟؟

قالت لي وهي مستغربه : ماقال لك ماجد؟؟

سويت نفسي غشيم : يقول لي عن شنو؟؟؟ ..

رفعت عيونها للسقف وهي تكلم روحها .. قلت بصوت عالي شوي : شتقوووولين؟؟

مسكت اذنها وهي تقول : ايه ايه تراني احذاك مب فالشمال؟؟ قصر على صوتك ترى صمختني ..

ياتني الضحكة بس مسكت روحي .. طالعتها بطرف عيني : لا تتهربين من السؤال ليش معفسه الغرفه جذي؟؟

ردت تتعبث في القمصان : مااتهرب .. قلت لك ..بروح ويا اخوي .. رحله .. بتيي ويانا؟؟

قلت بعصبيه مقصودة : تروحين ويا اخوج وبأذن من ان شاء الله؟؟

طالعتني بدهشه : ها؟ وبسرعه قالت .. انا مو محتاجه اذن من احد ..



مسكت باب الكبت وملت لجهتها: ليش مو متزوجه؟

التفتت لي : امبلا بس اشله خص الحين؟؟ .. مابروح ويا ريال غريب ويا اخوي؟!

قلت بعصبيه : ريال غريب .. والله هاي الي قاصر بعد ..

وقفت وتخصرت : انت شمشكلتك اليوم؟؟ .. اشتبي ياي تتهاوش يعني ؟؟ ..

هذي مايفيد الاخذ والعطا وياها .. كان ودي اخذها واعضها عض عشان تتأدب .. هديتها ورحت غرفه الملابس .. وكانت نفس الشي معفوسه ..هزيت راسي بـ لاحول.. دشيت الحمام .. تسبحت وطلعت وهي الحبيبه للحين تعفس فالكبت .. كانت واقفه على حافه الكبت .. واتير القميص لانها ماتطال .. ابتسمت بخفه .. ورحت وراها .. يريت القميص الي تبيه وعطيتها اياه : تفضلي ..

عقدت حياتها .. وخذت القميص بهدوء : شكـرا ..


رحت للسرير .. يريت الشنطة وخليتها ع الارض .. حاولت ارقد بس بدون فايدة مافيني النودة وخصوصا ان الليت مفتوح .. ياخي مادري شفيني .. فيني حفووز مب طبيعي ..

قلت : صكري الليت .. ورتبي عفستج ابي ارقد ..

سمعت حسها وهي تقول : انزييييين ..

مرت خمس دقايق وانا مصكر عيوني .. عشر دقايق .. ربع ساعه .. فتحت عيوني .. لقيتها ترتب شنطتها .. هذي من صجها؟؟ .. الا يوم الي بيروحون فيه البر ويومين بيروحون الشاليه؟؟ .. شنطة هالكبر حق شنو؟؟ .. ولا ياريت حاطه فيها ملابسي .. ولا شي يخصني .. بس لها .. هذي تبي تروح تبيع ولا شسالفه؟؟ ..

صراحه عصبت انا تعبان .. طول اليوم بالشغل .. واخر شي الخانم لين هالحزة تعفس فااغراضها .. اوففف .. الواحد مايرتاح يعني .. صكرت عيوني وانا دايخ فعلا وتعبان :انتي تفهمين ولا لا؟ .. اقولج تعبان صكري الليت ابغي ارقد ..

سمعتها تتحلطم ..ويات لين عند السرير وقالت لي : اشمعنى راقد مكاني .. انا مااعرف ارقد فهاي الجهه .. قالتها بقهر ..

احسن لاترقدين .. : انا من قبل زواجنا وانا ارقد هالصوب .. رقدي الصوب الثاني .. شهرين متنازل لج عن هالمكان .. ورقادي معفوس فوق تحت بس بسبتج ..

تأففت : اوففف

قلت لها وانا اغمض عيوني : لا تتأففين؟؟ .. ويالله خلصينا ولا مافي روحه ..

تحركت بسرعه : زين زين .. احين بااخلص ..

اي مو لله .. للطلعه .. مادري جم مر من الوقت حتى يات ع السرير بعد ماصكرت الليتات ومادري جانها رتبت عفستها ولا لاء .. بس كنت تعبان .. ومع ذلك ماقدرت انام ..

رقدت فجهتها اليديدة .. وانا ابتسمت بيني وبين نفسي .. يعني مايصير زوجين وكل واحد صاد عن الثاني .. من شهرين وانا ارقد وهي صادة عني .. ولاني مااعرف انام الا ع الجهه الي هي ماعطتني ظهرها .. غيرت مكانها حتى نصير متجابلين .. ..

استقرت ع السرير .. وظلت تتقلب مرة يمين ومرة يسار .. لعوزتني .. بس مع هذا سكت .. بعدين جفتها ترتب مخدات بالطول .. عقدت حياتي وقلت وانا ااشر ع المخدات : حق شنو ذيلا بعد ؟؟

شكلها تفاجأت لانها سألتني : انته مارقدت ؟؟ ..

فتحت عين وحدة من يديد : لا .. (صكرت عيوني وانا اقول بطنازة) وانتي تخلين الواحد يرقد ..

سكتت .. ورديت سألت : ليش حاطتهم؟؟ ..

​

 

قالت بعبط : الحدود بين منطقتي ومنطقتك

ياسلام حتى في السرير في حدود؟ : حدود فعينج .. يت باارفعهم .. بس هي حطتهم وهي تقول : مب كيفك .. خلهم .. انا ابي ارقد جي ..

طالعتها وكانت عيونها تلمع تحدي وعناد وسط الغرفه الي شبه مظلمه مع نور بسيط من الابجورة.. قررت اسكت عنها .. وقلت بطنازة : ئال ايه حدود ئال ..

قالت بعناد : اي .. حدود الله .. ومايصير اي احد فينا يتعداها .. كل واحد يرقد فمنطقته ..

قلت بطنازة : لا؟؟ .. صج عاد ..

طنشتني يوم حست فيني اتطنز .. صكرت عيوني .. سمعتها تقول : منصور .. تدري ان احنا بنروح البر والشاليهات

ابتسمت : اي ادري .. "وكملت بكذب" توني ادري منج

قلت بااستفسار : وبتيي ويانا؟؟؟

قلت : اي .. ليش ماتبيني ايي؟؟

قالت : مب عن جي .. اسأل شنو حرام بعد اسأل؟؟

قلت بغيض : صكري ابجورتج صكري لاقوم اخنقج الحين ..

صكرتها وهي متخرعه ماتدري ليش عصبت .. ياخي تبط الجبد .. كل مايت بسولف وياها .. وقلت انها تغيرت عن قبل .. ترد اخس عن قبل .. وحدة تحب تتحرش وتتهاوش شسوي فيها يعني؟؟ .. اوف منها ..

ردت سألت : انزين .. من بيي بعد من بيتكم؟؟؟


اشتبين توصلين له ياسارة بالضبط؟؟ .. ليش كل هالاسئله اكيد وراهم شي ؟؟ .. قلت بغموض : رقدي احسن لج

سمعتها تقول : انـ..

قاطعتها بحده : ساااارة ابي ارقد .. انتي طول النهار راقدة وانا مارقدت الا كمن ساعه ورحت الدوام

قالت بغيض :محد قالك اتداوم .. وبعدين امس رقدت من وهل اشلون مارقدت الا كمن ساعه؟؟

لاني ماقدرت ارقد الا يوم رقدتي .. ماقدرت ارقد الا يوم رقدت حذاج مثل كل ليله .. قلت : مايخصج .. وانخمدي .. لوعتي جبدي .. الواحد مايقدر يرقد هني؟؟

قالت : اي مثل ماانت ماتخلي الواحد يرقد فمكانه

ابتسمت .. يعني تردينها يا ساروه .. يام راس يابس؟ .. زين .. نجوف ..

تأففت من يديد : وبعدين وياج ماتخلين الواحد ينام يعني؟؟ ..

شكلها عصبت لان صوتها كان متنرفز : تدري اني اكرهك

ابتسمت ابتسامه جانبيه .. وحتى لو ابتسمت ابتسامه كامله ماتقدر تجوفها فهالظلام : شعور متبادل .. وارقدي خلصيني ..

قالت بعصبيه : انزين لاتزف .. شوي وتاكلنا ..

شلت المخدات الي حاطتهم وقلت بعبط : يالله احين باكلج ..

تخبطت يدها بيدي وبعدها يرت المخده وحطتها بيني وبينها : مب تبي ترقد \.. تصبح على خير .. بعدين ماترقد وماتخليني اروح ..

ضحكت وانا اقول : تطمني .. مب مانعج من الروحه ويا هلج ..

سكتنا فترة وانا احاول ارقد بس مب قادر وانا اسمع تنفسها الهادي .. سمعت صوتها وهي تقول بااستفسار : منصور رقدت؟؟ ..

قلت بهدوء : لا ...

قالت بتساؤل : منصور .. يعني صج .. انت مافيك شي ..

ابتسمت عليها : تبين اثبت لج اكثر من الاثبات من الايام الي راحت؟؟ ..

ماردت فترة بعدين قالت : انزين عيل اشلون انجرحت ريلك .. يوم .. يوم كنا بالشاليه .. يعني اقصد آآآآ .. اممم .. اول ماتزوجنا ..!

تذكرت هذاك اليوم .. يوم رحت تهاوشت مع الريال الي كان يكلم سارة .. كانت هوشه جااايدة من قلب .. طحنا ع الحصى وقتها .. وريلي انجرحت .. وماقدرت اقوم بعدها .. فرقوا بينا الشباب .. واصروا ياخذوني للمستشفى بس انا مارضيت .. اشلون اخلي سارة بروحها هني بالشاليهات .. وبين هالذيابه بعد .. اكملت ؟؟ ..

: ولاشي .. تهاوشت هوشه بسيطة ورديت ..!

سمعت شهقتها القويه وفتحت الابجور الي عندها وطالعتني بخوف : صج؟؟ .. ليييييييييييييييييييييييييش؟ .. اشلون تهاوشت .. غطت يدها حلجها المفتوح بصدمه .. وليش ماقلت لي .. تعورت وايييد ..

كانت نظرة عيونها .. هي الي خلتني ابتسم ..قمت وتسندت على يدي وانا ملتفت لها: اشفيج .. ماصار فيني شي .. وغمزت لها .. نسيتي اشلون داويتيني؟؟ ..

احمر ويها .. وردت حطت راسها ع المخدة وعطتني ظهرها وهي تصكر الابجورة :.. سخيف .. نام نام .. احسن لك ..

ضحكت وانا اقول لها : مافيني النودة ..

قالت : اشششش ابا ارقد فيني النودة انا

قلت بعند : وانا مافيني ..

حسيتها تخصرت وهي تقول : لاوالله ومن الي مساعه يتهاوش ابي انام ابي انام تعبان >< قلدت صوتي

وضحكت على طول .. :ههههههههههههههههههههههاي

حسيت بيدها تتلمس ويهي وكأنها تدور شي .. تكهربت فمكاني .. استقرت يدها على عيوني ..: يالله غمض عيونك ونام ..

عضيت على شفايفي .. وحطيت يديني الثنتين تحت رقبتي عشان ماامسكها .. لمستها كهربتني .. واستانست على يدها الي على عيني .. ويوم حسيتها بتشل يدها قلت وانا للحين ارص على يديني تحت رقبتي : خليها .. مابي اجوف النور

قالت : اي نور؟ قمت تخرف .. االغرفه ظلام اتخرع

قلت بمسكنه : نور الجناح .. ماصكرت الليتات قبل لا ادش نسيت .. ومالي بارض اقوم اصكرهم ..

سمعتها تقول بخوف ويدها ارتجفت بخفه فوق عيني : ولا انا .. تدري مرة جفت ريول عند باب الجناح

ابتسمت على خوفها .. قامت تتخيل اشيا مب موجودة : كنتي تعبانه وتخيلتي هالشي .. يالله نامي عاد تأخرنا فالنوم ..

قالت : زين ماعرف انام ويدي جي ممدودة ..

قلت لها : بس شوي .. لين انام ..

حركت ويهي اعدل راسي ع المخدة وسمعتها تقول : اييي .. ويهك اينغز .! ..

ابتسمت : اول امس محلق .. عشان جي بدى يطلع الشعر ونغزج ..

قالت : زين بشل يدي .. ابي ارقد ..

رفعت يد وحدة من تحت رقبتي ومسكت يدها : لاء ..

شكلها تعبانه .. عشان جي ماردت .. ويدها للحين على عيني .. صكرت عيوني وانا احاول اكتم نفسي .. الي حسيته يتصاعد .. ومابي سارة تسمعه .. مر وقت ماحسيته قصير لين ماحسيت بسارة نايمه ومنقلبه لجهتي .. ولامه المخدة الي على قولتها الحاجز .. ويدها الثانيه مرتخيه على عيوني .. شليت يدها عن عيوني وحطيتها على شفايفي بستهم .. ورديت حطيتها على عيني ... وغفت عيني ..




....................

" روضه "

قمت من النوم وانا احس بنشاط مو طبيعي .. اخذت علاجي الي قبل الاكل .. ودهنت مكان العمليه .. رحت للمطبخ .. وسويت الريوق مع الخدامات .. كنت طول الليل افكر .. سعيد لين متى بظل اعاقبه ..خصوصا وانه يترجاني ويحاول يستسمح مني ويرضيني .. ماابغي اكون قاسيه عليه وايد .. لان القسوه ممكن تنزع الود بيني وبينه ..

حسيت بااحد واقف يراقبني من باب المطبخ .. لمحته من طرف عيني .. وعيون مصكرة وعيون مفتوحه .. وحوالينه عيالنا .. ماقدرت والتفتت لهم .. ابتسمت لحمدوه الي متسنده على ريله ومغمضه عيونها .. حمدان الي كان متشبص بذراع ابوه وعيونه تتصكر وترد تنفتح من يديد ..

ابتسمت غصب عني .. ورفعت عيوني له .. اما هو فعقدة حياته .. وسحب يده من يد حمدان وبدا يمسح فيه عينه .. وكأنه مب مستوعب ..

قلت بهدوء : صباح الخير حبايبي؟؟ ..
حمدان وحمده قربوا مني بهدوء نزلت لمستواهم بستهم .. واثنينتهم راحو ع طاوله الطعام .. حمدان سند راسه ع الكرسي وصكر عيونه .. اما حمدوه فـ سندت راسها بكسل على الطاوله وغطت ..

سمعت حسه : صباح النور .. حبيبي ..

التفت له متفاجأة .. لكنه رد علي : كنت نعسان .. وكلمتج كانت السحر .. حبايبي .. انا من ضمنهم صح؟؟ ..

رفعت عيوني له .. وكانت نظرته مليانه رجاااء عميييق ..

قلت بهدوء : صح ..!!


لمعت عيونه بفرحهه .. ويا بيلمني .. بس انا ابتعدت : الريوق جاهز ..

توجهت لغرفه الطعام وحطيت بعض الصحون ورديت المطبخ بشل الباقي بس جفت سعيد محتاس وهو يحاول يشلهم كلهم مرة وحدة ..ضحكت عليه .. وهزيت راسي بلا .. رحت عنده وطقيته بخفه ع ايده : ناوي تكسرهم وتيوع اليهال؟؟

ضحك سعيد وحك رقبته بوهقه : قلت بساعدج .. اشدراني عاد .؟؟ ..


تقاسمنا الصحون ورحنا غرفه الطعام .. تريقنا .. وبعدها قلت لليهال يروحون يلبسون ملابسهم .. وينزلون حتى امشطهم وارتبهم ..

بس سعيد فاجأني لما قال لهم : البسو لبس رياضي .. لان بنطلع اليوم بنغيييييييب


وكأن هالكلمه السحريه هي الي طيرت النعاس من عيونهم وصرخوا بقوة : هيييييييييييييييييييييييييييييييييه

وظلو يتناقزون مستانسين ويلمون بعض .. طالعت سعيد بعتب بعد ماطلعو اليهال رايحين يبدلون : ليييش؟؟ .. انته جذي بتعودهم ع الكسل ..


قال لي سعيد : مافيها شي هم مشتركين بمعهد للغه مش مدرسة يعني مب اجباري الدوام .. واليوم خميس .. خليهم يستانسون .. وعلى فكرة بتطلعين ويانا؟؟


رفعت حواجبي بااستغراب : امر؟؟ ...

قال لي باابتسامه لطيفه : لاء .. بس جفتج مستويه طيبه اليوم وابتسمتي لي .. قلت استغل الموقف واطلعكم


ضحكت من قلب على كلامه .. اما هو ابتسم .. تداركت نفسي وهزيت راسي بـ اوكي ..

طلعنا وتمشينا في المجمع وبعدها خذنا اليهال للالعاب .. حسيت ان سعيد يحتاج مو بس زوجة .. يحتاج وحدة تفهمه وتحاول تجوف شالي بخاطره بااستمرار .. سعيد يحب وحدة متجددة .. ماتكون على نفس النمط كل يوم .. زين ياسعيد .. كان قلت لي بدال هالحوسه كلها .. ..!!


.......................
"سلوى "

..: يمه اي واحد احلا؟؟

طلت امي وياي :اجوف؟؟ .. اشرايج هاللون اللؤلؤي احلا صح؟؟ ..

طالعت اللون .. وحسيته فخم وشوي مبالغ فيه : يمه ماتحسينه تو مااج على بطاقه عرس؟؟

امي : لا مب توماج .. سمبل ..

كانت البطاقه من خيوط الساتان السكريه .. ومرتبه بطريقه راقيه .. على طرفها فيونكة ذهبيه .. كانت نوعا ما غريبه .. ومفصصه بالكرستال ...

طالعتها بعدم اقتناع .. : يمه احسها وايد دفشه ..

تأففت امي : سلوى هاي احلى شي .. انتي فستانج ابيييض .. وصعب تلاقين بطاقه بيضه حلوة

قلت حق امي بملل : بس انا مسكتي مافيها شي سكري ..ماراح يكون حلو؟؟ .. ومتناسق ؟!

قالت امي لي : انا ادبرها .. اوكي .. ؟

هزيت راسي برضوخ : اوكي ؟؟ ..


طلعنا من المحل الاماراتي المشهووور في عمل بطاقات الافراح .. صراحة البطاقات الي جفناهم في لبنان ماكانت وايد حلوة .. كانت موديلات غريبه صح بس انا ماتستهويني .. امي كانت بتسوي على كيفها بس انا تدخلت في اللحظة الاخيرة يوم انصدمت بالبطاقه ابدا ماعجبتني .. وقلت لها اني ماراح اخذ بطاقه من لبنان .. اليوم راح نروح جدة.. مدحولي جدة كثييير خصوصا في تجهيز العرايس .. وبعدها انا برجع قطر بس امي بتروح فرنسا عشان الفساتين الي طلبناهم وحجزناهم .. وبيني وبينكم .. تبغي تروح تشتري ملابس .. ليش مادري هالكثر ..؟؟ .. اوففف .. تكسرت ريلي صراحة ..

.................



"سارة "

من الصبح وانا عندهم سمعت حسه كالعادة : دلال القهوه وياكم؟؟

رديت بآاليه : اي اي . كل شي وديناه .. اشفيك ..

سمعته يقول : زين.. المكسرات والجبس وهالسوالف

قلت بملل : كل شي

ماجد : زين ردي اتصلي فثاني جوفيه جاب البطابط وياه؟؟

تسبهت .. ثاني .. يوووه من زمااااااااااااااااااااااااااااااان عن حس ثاني .. خذت نفس بعمق .. واتصلت له .. الارقام حافظتها ياما اتصلت فيه هو وعبود ..وياما كنت اتصل اطلب منه يشتري الشي الفلاني والفلتاني ..

بعد فترة رد : هلا والله ..

ابتسمت بشقاوة يوم سمعت صوته : اهليييييييييين وسهلين .. شخبارك ثنوي؟؟ ..

تنحنح ثاني : هلا هلا سوير .. شخبارج يالقاطعه شعلومج؟؟ خلاص يعني تزوجتي وقمتي تتغلين ..

ضحكت بخجل : هههه .. يالله يالله .. وينكم؟؟ من الصببببببببببببببببح واحنا ننتظركم ؟؟

رد ثاني : احنا عند الباب .. وين الي جاهزين؟؟

ضحكت بغباء : اقصد جاهزين بس قاعدين داخل .. عبوووووود وياكم؟؟

ثاني وشكله يكلم الي عنده : اي اكاهو لعوزنا .. ياخي فج والله سوير مب خطيبتي,,, عله تعلك ماقاعد اغازل .. يالدب


خطيبته.. ؟؟؟ .. حسيييييييييت بغيييييييييره .. لايكون بتيي ويانا بعد ؟؟ اوففففففف اكملت ؟؟ .. حست حلجي يمين ويسار وقلت بدون نفس : زين يالله باي ..


صكرت فويهه مقهورة .. مادري شنو شعوري بالضبط ... انتبهت على صوت منصور وهو يقول لي : مطوله؟؟

طالعته مصدومة .. متى يه؟؟ .. وصلني الصبح بيت ابوي قبل لايروح الشركة .. هذا متى يه؟؟ .. عقدت حياتي وقلت بااستغراب : انته يت؟؟ ..

ابتسم وهو يقول .. : من الصبح واحنا ننتظركم؟؟ ... تنتظرون من؟؟!

​

 

..::]][[ الحفنه الثامنه عشر ]][[::..

(احب البر والمزيون واحب البدو والاوطان .. واحبك حب قبل لا يدرون اهلي واهلك ولا الجيران)

"سارة "
من الصبح وانا عندهم سمعت حسه كالعادة : دلال القهوه وياكم؟؟

رديت بآاليه : اي اي . كل شي وديناه .. اشفيك ..

سمعته يقول : زين.. المكسرات والجبس وهالسوالف

قلت بملل : كل شي

رد يقول (ماجد اخوي) : زين ردي اتصلي فثاني جوفيه جاب البطابط وياه؟؟

تسبهت .. ثاني .. يوووه من زمااااااااااااااااااااااااااااااان عن حس ثاني .. خذت نفس بعمق .. واتصلت له .. الارقام حافظتها ياما اتصلت فيه هو وعبود ..وياما كنت اتصل اطلب منه يشتري الشي الفلاني والفلتاني ..

بعد فترة رد : هلا والله ..

ابتسمت بشقاوة يوم سمعت صوته : اهليييييييييين وسهلين .. شخبارك ثنوي؟؟ ..

تنحنح ثاني : هلا هلا سوير .. شخبارج يالقاطعه شعلومج؟؟ خلاص يعني تزوجتي وقمتي تتغلين ..

ضحكت بخجل : هههه .. يالله يالله .. وينكم؟؟ من الصببببببببببببببببح واحنا ننتظركم ؟؟

رد ثاني : احنا عند الباب .. وين الي جاهزين؟؟

ضحكت بغباء : اقصد جاهزين بس قاعدين داخل .. عبوووووود وياكم؟؟

ثاني وشكله يكلم الي عنده : اي اكاهو لعوزنا .. ياخي فج والله سوير مب خطيبتي عله تعلك ماقاعد اغازل .. يالدب


خطيبته.. ؟؟؟ .. حسيييييييييت بغيييييييييره .. لايكون بتيي ويانا بعد ؟؟ اوففففففف اكملت ؟؟ .. حست حلجي يمين ويسار وقلت بدون نفس : زين يالله باي ..


صكرت فويهه مقهورة .. مادري شنو شعوري بالضبط ... انتبهت على صوت منصور وهو يقول لي : مطوله؟؟

طالعته مصدومة .. متى يه؟؟ .. وصلني الصبح بيت ابوي قبل لايروح الشركة .. هذا متى يه؟؟ .. عقدت حياتي وقلت بااستغراب : انته يت؟؟ ..

ابتسم وهو يقول .. : من الصبح واحنا ننتظركم؟؟ ... تنتظرون من؟؟!

سكت وانا استرجع كلامي معاه .. لايكون قلت شي .. لحظة .. لحظة ..هو وصل يوم انا قلت .. من الصبح واحنا ننتظركم ... هممممممم .. يعني مايدري اكلم من؟؟ .. اجذب عليه؟؟ لالا .. امممم ..

سمعت ماجد يقول : الشييييييييييييييييييييييخ منصور .. فكنا عاد خل المغازل بعدين .. يالله تعالو بنحـرك ..!

اي مغازل ياشيخ ..! .. هذا حده بس يسأل .. ماتغيرت عادته كله يسأل اوففف .. اشر لي عشان امر من جدامه .. والله شكله بيفتح تحقيق الافضل اروح ويا ماجد

وابتسمت على هالفكرة .. وبسرعه رحت سيارة ماجد .. بدون لا اعطيه اي مجال عشان يتكلم .. ودخلت السيارة .. كانت امي قاعده ورا .. ومرام تحاول فيها تقعد جدام ..

جافتني امي مستغربه : يمه سارة؟..

قلت بدفاع : اهليييييييييييييين >< حاولت اسوي روحي توني اجوفها .. هلا يمه .. تصدقين توني اجوفج .. وحشتيني .. ضميتها بدلع .. وانا اضحك على ويه امي المصدوم


امي : بسم الله عليج حبيبتي .. وين توج تجوفيني ومن الصبح من طلع قرون لي

ضحكت وعضيت شفايفي وقلت بدلع :يــــــــــــــــــــــــــــــمه .. انا جي؟؟ .. وبرطمت

ضحكت مرام وقالت بخبث : خالتي قصدها مشتاقه لمنصور وتوها تجوفه بس اتعرفين بنتج ماتعرف اتعبر

فتحت عيوني بدهشه وانا اشر على مراموه : ايييي انتي لا تطلعين اشاعات زييين؟؟ .. مسكي ولدج لا افره الحين

ضحكت مرام وكملت بنفس الخبث : ول ول ول .. كل هذا يسويه الشوق لمنصور؟؟ ..

حسيت ويهي يطبخ .. ومن العصبيه دخان بيطلع من ويهي قلت بتهديد: مرامووووو ابلعي لسانج احسن لج

ضحكت مرام واستفزتني .. قلت بنرفزة : يمه جوووووفي مرت ولدج ؟؟


صحكت امي وهي تقول لي : يالله انزلي ..

فتحت عيوني مفجوعه : تطردييييييييييني يمه عشان مرت ولدج افااااااااااااااااااااااااااااااااااااا (كملت بمثيل )والله ماهقيتها منج .. ضربت صدري وقلت .. يالهوتي انا تئولي لي كده ؟؟ .. انا يبنت يا مريم .. طب يا مريم .. وعشان مين؟؟ .. عشان مرات ابنك ؟؟ .. وانا ؟؟ مش بنتك برضو ؟؟ ..

ضربتني امي على راسي : بسج بسج .. يالله انزلي ..

كشرت : يمه شفييييييييييييييييييييييييييييييج علي؟؟ ..

ضحكت امي .. وانا حكيت راسي : يمه مايصير تهدين ريلج واتيين ويانا؟؟

قلت مقلدتها : وليييييييييييش مايصير يا يدووة

طالعتني امي متنرفزة من تصرفاتي : انتي مب ويه حد يكلمج بالعدل .. فتحت الباب ويرتني بثقل : يالله اطلعي اطلعي


ضحكت بصوت عالي .. ودخلت امي السيارة واشرت لي اروح .. اما انا وقفت اطق الجامه عليهم .. فتحت لي مرام الجامه .. وتسندت على الجامه بالاحرى تعلقت بالجامه .. وانا واقفه على المكان الي يحطون ريلهم عليه قبل لا يركبون السيارة : انزين يا مريوووم .. انزين ..

ضحكت امي على خبالي .. وكملت وانا اقول : مب تييين بعدين عندي؟؟ .. ترا متبريه منج .. وسويت روحي اصيح .. هئ هئ .. انا في مسكين .. واجد مسكين .. فكيرر .. مافي فلوس .. ارباب مافي سفر انا .. انا عندي بجااه .. عندي كولش مريز بنت مال انا

ضحكت مرام وهي تقول لامي : خالتي هذي من وين اطلع هاللهجات .. وطالعتني وقالت بمسكنه .. خلاص سارة انا ياخذ انتي بيبي سيستر حق ولد مال انا مافي صيح خلاص .. حركت راسها يمين يسار .. مافي خوف انا ياخد انتي

طقيتها ع راسها : جبي جبي .. مصدقه روحج مع ويهج ..

ضحكت مرام : مب انتي تتمسكنين من مساعه ؟؟ خخخخخخ

قلت وانا مبوزة .. : مااحبـــــــــــكم

قالت مرام بخبث : اي خاشه الحب حق واشرت بحواجبها ع الي وراي ... التفت وراي وجفت منصور ..؟ وشهقت وانا امسك طرف الدريشه بغيت اطيح .. حسبي الله على ابليسج يامرام ..

مسكني منصور وهو يقول : اشفيج بسم الله بغيتي تطيحين .. يالله نزلي ..

طالعتهم معصبه .. وحاولت اسحب يدي من يده .. بس هو اصلا فج يدي من انتبه انه ماسكني .. قلت بقهر : لا بروح وياهم ..

رفع حاجب واحد وقال : لا امشي يالله ..!

حركت حلجي يمين يسار مب عاجبني .. يتأمر بعد؟؟

نزلت من السيارة وانا اطالعهم معصبه وقاعده اتحلطم بداخلي .. سمعته يقول بنرفزة : ترا انتي ياهل جي متعلقه بالسيارة؟؟ .. اصحي ياماما احين انتي مرة متزوجه .. وهالحركات خليها عنج

اوف ياكرهي لك يالمليييييييييييييييييييييييييييييييييييق .. اوفف ماادانيه .. وكرهته زيااادة لانه استغفلني .. اكرهه اكرهه .. اشلون رضى يسوي فيني جي ؟؟ .. انا انسانه مب لعبه فيده .. طاح من عيني ..!

ركبت السيارة وانا متجاهلته ..وكان ودي انزل واروح وياهم .. بس امي شبتقول .. اخاف صج تحس ان بيني وبين هالنحيس عداوه مستمره |... خل يدرون وشنو يعني؟ . والله .. حتى الحب بالغصب يعني؟؟

تجتفت وكنت اطالع الشوارع من الدريشه .. السيارة كانت هاااديه واااايد .. سمعت رنة تلفونه .. رد : الو .. هلا والله .. صباح النور .. اي يالله طالعين .. نمرك؟؟ ... هممممممم لالا .. انته تدل؟؟ .. زين ..؟ .. مادري رحتها مرتين ثلاث مااتذكر اي صوب بالضبط .. لا ماشي ورا ماجد .. زين ؟؟ .. اوكي فحفظ الله انتبه لا تسوق بسرعه اعرفك .. ياهلا



جفته يرد يتصل بااحد : الو.. هلا والله بويوسف .. اي وراك .. ههههههههههه الله يقطع ابليسك .. زين بتوقفون عند المحطة .. بو نخله؟؟ .. اي اي اي ... ولايهمك .. ياهلا ..

قلت بلقافه : محمد بييي؟؟؟ ..

التفتت علي وقال بهدوء : لاء

كملت : وسلطانه؟؟

رد بنفس الهدوء: لاء

ياشينك .. تتكلم بالقطاره يعني ؟؟ ..

هممممم .. اذا محمد مابيي .. وسلطانه لاء .. يعني اكيد الي كلمه سالم .. مافي غيره ..!! اوفففففففففففففففففففففففف

ياخي شنو هاللزقه .. انسان كريييه ماادانيه .. كلمة حقير شويه عليه ..عيل يحط عينه ع مرت اخوه شنو هالحقااارة ..

سمعت منصور يقول لي : تبين شي؟؟ ..

انتبهت انه احنا واقفين صوب محطة .. وان ماجد نزل ومعاه يسوف الي يأشر على الدكان .. رفعت عيوني له .. وكان لابس نظارته الشمسيه .. كانت نظارته سودة .. ومايبين من عينه شي .. هزيت راسي بـ لا ..

بس يوم طلع تذكرت .. فتحت دريشتي .. وناديت عليه يوم جفته يبتعد ع السيارة وقريب من الدكان : منصوووووووووور


جفته رد التفت .. ويه للسيارة .. بس حسيته معصب من طريقه مشيته .. وقف عند دريشتي .. وقال بعصبيه : صكري الدريشه ...

عقدت حياتي .. ويوم استوعبت ..صكرت الدريشه .. وكان فهالوقت .. قاعد ع الكرسي الي حذاي .. ومرفع النظارة ع شعره .. وتعقيدة حواجبه واضحه بالقوة ... لايكون معصب وايد ..يمه .. شكله يخرع .. بلعت ريجي .. يوم سمعته : يعني عدله تصارخين في الشارع؟؟ .. مب عيب؟؟

بلعت ريجي .. وحسيته نااااااشف .. بلعت ريجي مرة ثانيه .. احس اني عطشانه .. وريجي جف منه .. قلت بااحراج : كنت بناديك ..


قال لي بعصبيه : ماتجوفين الشباب تارسين المحطة .. ولا هاي .............!!

وسكت .. عصبت انا .. وقلت بعصبيه .. : اشتقصد ؟؟..

نزل نظارته على عينه وهو يقول : اخلصي .. اشبغيتي؟؟ ...

اسلوبه كان خااايس .. ماحبيت اسلوبه .. ولا طريقته .. كانت طريقه حستتي بالذنب .. وبالقهر |.. ليش جي يكلمني؟؟ .. قررت اطنش .. واحقره ..

تميت ساكته ..لين سمعته يقول بعصبيه : ساااارة .. حركات اليهال هاي خليها عنج .. خليها للبنات .. مب للمتزوجات ..انتي الحين محسوبه مرة .. ولاتسوين هالحركات السخيفه لو سمحتي ..!!

كنت متنرفزة .. واهز ريلي .. مب مكلمته .. مب مكلمته .. تنهد بملل .. وهو يقول بحزم : اخر مرة اقول لج اشبغيتي ..

 

قلت بعصبيه : مابي شي ..

سمعته يقول : يعني عشان قلت لج شنو الي لازم تسوينه .. وان حركات اليهال تخلينها عنج زعلتي ؟؟؟ ..

قلت بعصبيه : منصور انا مااسمح لك تتكلم معاي بهالطريقه سامع؟؟ .. والله مابقى غير ميانين ينصحون هه

جفته فووووووووووول وعصب .. نزل بسرعه من السيااارة .. وصكر الباب بالقووو ..

صكرت عيوني مع تصكريته للباب .. وطالعته مفجوعه .. والله العظيم وقسم بالله .. ان قلبي من كثر دقاته .. بيوقف ..
جفته توجة لبابي .. ارتجفت غصب عني .. وانترست الدموع فعيوني .. هذا شبيسوي .. فتحت حلجي مصدووومة .. يوم فتح بابي .. ومسك يدي .. نزلني ...

ارتجفت .. وحسيت اني بطيح ..او بيغمى علي .. هالمينون شبيسوي ... التفتت بخوف لسيارة ماجد ... وجفت ماجد ظاهر من الدكان وبيده يسوف ركبه السيارة .. لالا .. لاتروحون وتخلوني معاه بروحنا .. هذا .. مريض نفسي .. يعني مينون .. بيسوي فيني شي .. لا ارجوووكم .. ارجوك ماجد .. افهمني وتعال لعندي .. ارجوووك ..

سحبني .. وياه .. وانا هني ارتعبت .. صكرت عيوني وخلاص .. حسيت انه بيفجر فيني المحطة .. ارتجفت ..وتخيلت يسبحني بالبترول ويشب فيني الضو .. ارتعبت .. بديت اييير يدي من يده بالقوة .. وفلتها .. فتحت عيوني مفجوعه .. خايفه انه كسر يدي .. وماقمت احس فيها وعبالي انه فلتها .. لا مستحيل ايفلتها .. انا جفت عيونه ...وكأنه شياطين الدنيا تتراقص فعيونه .. والله خايفه .. حسيت اني قاعده ارتجف .. ارتجف ومب قادرة اسيطر على نفسي من خوووفي...

: سااارة ..

فتحت عيوني بسرعه وبخوف .. وجفت ماجد واقف عندي بااستغراب : ليش واقفه ؟ منصور دخل؟؟ ..

قلت برجفه كبيرة .وباارتعاش :منـ منـ آآآ (مب قادرة انطق .. كنت بقول له اني خايفه من منصور .. اخاف والله اخاف ... مابي اتم وياه .. اخاف يذبحني .. انا ليش جي قلت .. بلعت ريجي .. وحاولت انطق .. صكرت عيوني بعجز ورديت فتحتهم ) بـ بـ بـ ... بـ بـ

ماجد بااستغراب : بسم الله عليج ... اشفيييج ؟؟ .. سروي اشفيج ..

قلت باارتجاف / بـ بـ بـروح .. مـ مـ مـعاكم .. "واندفع الكلام مرة وحدة مني " مابي اروح وياه .. ابي اروح معاكم ..

غطيت حلجي وصحت ..

طالعني ماجد بصدمة : بسم الله عليج .. اشفيج سارة ليش تصيحين؟؟ .. منصور قالج شي .. تبين شي؟؟ .. اشفيج سارة تحجي ..

مسحت دموعي وانا احاول اهدي نفسي .. واحس ان جسمي .. يهتز من كثر رجفتي : بروح وياكم .. ابي اروح وياكم .. ماجد .. لا تقول لا .. بروح وياكم .. يعني بروح ..

جفت منصور من داخل الدكان يطل علينا .. هزيت ريولي بخوف .. وبسرعه تحركت لسيارة ماجد .. فتحت الباب .. وكان يسوف متعلق فالباب .. شكله كان يبي ينزل .. صرخت عليه عشان يوخر .. وبسرعه اندعس عند امي خايف .. دخلت السيارة بسرعه وانا للحين ارتجف ..

قعدت وسميت بااسم الله .. وانا اسمع مرام وامي يسالوني ويكلموني .. بس انا مب قادرة اسيطر على نفسي .. كنت وايد وايد خااايفه ..

وبعد ماهديت اشوي .. سمعت امي تقول : ساروة .. يمه .. اشفيج؟؟ ..

بلعت ريجي وقلت بهدوء : ها .. لا مافيني شي .. اشفيني يعني؟؟..

عقدت امي حياتها : متأكدة؟؟ .. اكاهي غدور من مساعه تأشر عليج .. وانتي مطنشتها؟؟ ...

رفعت عيوني ..لسيارتهم .. جفت غدير .. وابتسمت لها .. وسويت لها هاي .. حسيت ابتسامتي كانت باردة .. ياناس .. كنت ميته من الخرعه وين انتبه لغدور؟؟ .. انتبهت ان ثاني نازل من سيارتهم .. وياي لسيارة ماجد ..وانتبهت ان عبدالله .. ومرته هم بعد يااين ..ومعاهم .. موزة ..!! .. انصدمت .. موزة !! .. اشيايبها .. غريبه؟؟ ..
اكيد تسألون من غدور .. غدور الله يسلمكم اخت ثاني ..!! .. اصغر مني بسنتين .. واختها عبير .. اكبر مني بـ خمس سنين ... وحياة اختهم .. الي توفت .. يووه .. وحشتني حيوووت .. الله يرحمها .. كانت تحب هاطلعات والتجمعات الي تصير .. بيننا .. وخصوصا لو كان ويانا عيال عمي .. يوم كانت خطيبه سلوم .. وويوم تزوجته .. بس ابغي اعرف هالانسان اشحبت فيه؟؟ .. مافيه شي ينحب ؟؟ .. مافيه ولا حسنه .. ولاشي ولاشي .. الا اللهم وسامته الملفته وبس .. ولاشي ثاني مافيه ..انسان مليان عيوب .. ماجفت من وراه ولا خير ..!! .. ولا اظن اني بااجوف ..

خالتي ام ثاني .. وخالتي ام عبدالله .. بعد كانو يايين ..مع عبدالله .. ياحليلك يا عبووود .. والله وحشتني .. انتبهت ان في احد دق الدريشه .. دريشه امي ..

التفتت .. لقيته ثاني : هلاهلاهلا خالتي .. وبعد هلي كلهم ..

دققت فيه كان شوي متنان .. رديت التفت بقهر لسيارة عبدالله .. وجفت موزة تطالعنا .. فريت ويهي عنها .. مااعرف ليش .. حسيت اني مااستلطفت مويز .. مع ان قبل كنت عادي معاها وسوالف .. بس مادري ليش الحين احس بفتووور ناحيتها ..

حسيت بتوتر .. وخصوصا وانا اجوف منصور طالع من الدكان .. وراح لسيارته .. ودخلها .. قعد شوي .. وبعدها التفت لسيارتنا .. بسرعه التفتت لمرام .. وسويت روحي اعدل شيلتي حتى مايدري اني كنت اطالعه ..!! ..

انتبهت ان ثنوي .. كلمني : ها ... امممممم مافي غيرها جامعه قطر طبعا ..!!

ثاني : خخخخ اما تدشين جامعه ثانيه احش ريولج قبل يحشها ريلج ..!! ..

قلت بااعتراض : لا واللـــــــــه؟؟ .. ويعني انت تدرس بكليه الشمال " كليه الشمال الاطلنطي" .. يات علي انا؟؟؟

ثاني : يايبه الريال غير .. والبنت غير .. وبعدين انا خلاص هذاك الكورس تخرجت من هناك .. لادشيتي انتي حضرة جنابج من بيجوفج ؟؟

فتحت عيوني على وسعها : نعم نعم نعم؟؟ .. ليش اتجوفني انشالله؟؟ .. ياهل ولا ياهل؟؟ .. لا قول ياهل قول قول ..

ضحك ثاني وهو يأشر على عقله بمعني مينونة..: انتي لللحين جي "واشر ع عقله بانه مافي عقل" .. ماعقلتي حتى بعد ماتزوجتي؟؟ ..


بوزت .. ونقزت يوم سمعت طق قوي ع دريشتي .. التفتت وانا للحين مبوزة واتحلطم ع ثنوي .. وانصدمت وانا اجوف منصور .. كان لابس نظارته .. صراحة تشائمت من النظارة كل ماجفتها صار لي شي خخخخخخخخ .. يوه وقته الغشمرة يا سارة؟؟ .. اشر لي انزل .. عقدت حياتي بمعنى مابي .. بس هو طنش .. وفتح لي الباب .. وتسند عليه : هلا بو محمد شخبارك؟؟ ..

يقصد من؟؟ بـ بومحمد؟؟ ..

سمعت صوته : هلا والله .. شخباره معرسنا ؟؟ ..

التفتت .. كان ثاني الي يكلم منصور .. اشرت لي امي انزل ويا منصور .. عاد انا هني قلبي وقف من الخوف .. من تذكرت الي قلته لمنصور .. طالعت منصور بطرف عيني .. وكانت ملامحه جامدة كالعادة .. مايبين شي منهم .. بس .. النص ابتسامه .. ريحتني شوي .. نزلت .. ووقفت عند منصور .. وبان فرق الطول بينا والحجم .. منصور ماشاءالله عررريض .. وطووويل .. وانا ضعيفه شوي "متعقدة من ضعفي.. الي غعندها نظام غذائي يمتن لا يقصر خخخخ " .. وطولي يميل للقصر .. مش طويله ولا قصيييرة .. مناسب طولي لكن يميل للقصر اكثر منه للطول .. سولف معاهم شوي منصور .. وانا عيوني تتنقل من منصور .. لـ يسوف الي كان دايخ ومسند راسه على يد امي.. لـ ثاني الي كان متسند ع باب السيارة .. والدريشه مفتوحة وطل براسه من الدريشه ..


استأذن منهم منصور .. واضطريت امشي معاه .. ارتجفت وانا افتح باب السيارة .. ودخلت وانا ابلع ريجي .. وتذكرت ييوم اني نرفزته .. طول الطريج كان الهدوء هو الي يعم المكان .. تمللت .. وكنت ماسكة موبايلي .. والعب لعبه فيه .. ومركبه السماعات واسمع شعر ..



وين أنت ياللي كل ما قلت وين أنت
حتى السؤال يقول وين الأجابه

عامين ضايق و أنت لليوم ما بنت
و هي حالتي بين الحزن و الكابه

ليش أنت بعيون المخاليق ما شنت
في عين من حبك سرابه سرابه

لو لا الغلا يا صاحبي ما تمكنت
صدرا من الهجران صاير خرابه

عود علي وأنا أترياك لاهنت
الحال واحد والظروف أتشابه

إذا سألت تحبني قلت لي كنت
وأنا ابتسم من باب حب الدعابه

وأن خنتني أعلم ترى ما بعد خنت
ألا معك لكن خونت ذرابه

خنتك مع طيفك بعد ما تيقنت
أنك علي بعد الثرى و السحابه

أكبر خطأ محبتك وأنت ما صنت
حبا يخلده المشيب أ لشبابه

تدري آيش يغيض الرجل في هوى البنت
أنه يعيش في واقعا ما درابه

لكننا وشو أنا وانت وويش أنت
هذا السؤال إللي يبيله إجابه

:فزاع: للشيخ حمدان


انسحبت السماعه من اذني .. طالعته .. مافي غيره .. وقلت بااستغراب : ليش؟؟ ..

قال بهدوء : ملل .. قلت اسولف وياج لين نوصل ..؟!

طالعته .. بااستغراب .. و بـــدهشه .. يعني .. ااا .. افهم من كلامه انه سامحني ويبي يكلمني؟؟ .. ومازعل من الي قلت له .. اممم .. : نسولف فـ شنو ؟؟؟ ...

قال بهدوء : دراستج ..مثلا ؟ ...

قلت بهدوء : اي ؟؟ .. اشفيها؟؟ ..

قال لي بااستغراب : ماتبين تكملينها؟؟ ..

قلت بصراحة : اممم .. اذا يبت التوفل او الايلز اي .. واذا لاء مايبتهم .. مابعور راسي بقعد في البيت .. او بشتغل بالشهادة الثانويه ..

قال بحدة : شغل انسي .. وخصوصا انج ماخلصتي دراستج .! .. وحتى مايبتي لا التوفل ولا الايلز .. في شي اسمه محاولات .. لا تيأسين من اول مرة ..

قلت بصدق : بس كل البنات الي اعرفهم قدموه ... حتى الي احسن مني مايابوه .. انا بيبه يعني؟؟ .. وبعدين مادري .. انا كنت بقدم طبعا .. بس .. مب متحمسه .. احس مادري .. يعني صعب .. !!

التفت لي : من قال صعب؟؟ .. جوفي .. اذا انتي حطيتي الهدف جدامج .. بتوصلين له ..!!

قلت له : بس الحين حاطين معوقات كثيرة .. وكأنهم مايبونا ندرس !! .. يعني احنا دوله عربيه ... اشحقه التوفل والايلز .. احنا مادرسنا لا فـ امريكا ولا فـ لندن .. عشان جي يحطون هالنظام .. انته تدري .. رفيجتي تخرجت ذيك السنه .. وراحت بريطانيا .. ودرست بجامعه ***** وهاي ترا جامعه راقيه .. تدري كم الايلز الي يبونه .. 3 .. 3 انته تتخيل؟؟ .. 3 بس عشان يدخلون الجامعه .. بس لازم كورس مكثف انجليزي .. و6 ونص عشان

​

 

البكالوريوس .. والدرجة الي اعلى منها الي هي الماجستير .. واحنا .. 5.5 والي مب متأسسين من يوم احنا صغار .. صراحة ظلم لنا .. اظلمونا وايد ...

قال لي : انا معاج .. انهم صعب فيوم وليله يحولون كل شي انجليزي وخصوصا ان انتو تعودتوا تدرسون عربي .. بس ماتدرين اكيد وراه هدف .. يبون يأسسونكم ويخلونكم مثل الانجليز .. ليش هم يتميزون عنكم ..

قلت بعصبيه من كلامه .. ليش يدافع عنهم لييشش؟؟ اصلا مالهم مبرر .. الانظمة الي حاطينها صارت من اكبر الحواجز الي تمنع الطلاب يدخلون الجامعه : يبونا نتميز اوكي ماقلنا شي .. بس مايحطون هالكثر معوقات تعيقنا من الدراسه .. هم جي يدمرونا مش يقدمونا .. جوف جامعه الملك سعود او عبدالعزيز .. السعوديه .. يدرسون بالعربي وكل شي بحدود العقل .. واطلعت من اهم الجامعات العربيه الي اعلنوا عنها في التلفزيون .. ليش مايتخذون هالجامعه مثال لهم .. ليش اتجهو للغرب مباشرة .. اوكي انته تبغي تستفيد .. بس ياخي ترجمه بالعربي .. خل الي يدرسه يستفيد ويتقن هالشي .. مش دراسه والسلام بس عشان الشهادة ..

ضحك منصور : هدي هدي .. جوفي اكيد لـ هالخطة اهداف بعيدة

قلت بعصبيه : لا اهداف بعيدة ولا قريبه .. اصلا هم مايجوفون ابعد من خشمهم .. صدقني النظام بيفشل .. اشكثر بنات طلعو من الجامعه وماكملو دراستهم بس عشان هالشي ...

قال لي منصور بسخريه : وانتي ماتبين تجربين وتروحين على طول تحكمين ع نفسج من تجارب الغير

قلت : ليش احطم نفسي ؟؟ ..

قال لي منصور : جوفي سارة .. شغل .. ماراح تشتغلين الا اذا خلصتي دراستج اذا بغيتي تشتغلين طبعا .. لكن تشتغلين وانتي مب دارسه لا .. وحتى قعده فالبيت مافي ..

قلت بعصبيه : وليش انشالله؟؟

قال لي منصور : انزين كل المبررات الي قلتيهم .. لنفرض انها صح .. في شي اسمه دورات .. مادورات .. هاي كلها وين راحت؟؟ .. وبعدين هم حاطين برنامج التأسيسي عشان يأسسكم؟؟ ...

قلت بملل : زين غير السالفه لاعت جبدي من الجامعه .. بروحي اتنافض من اسمها

ابتسم.. وهو يقول ويركز ع الطريج من يديد بعد ماخطف علي بنظرة سريعه.. : امرج .. ولا امر الحكومة ..!!

ابتسمت غصب عني .. ولفيت ويهي اطالع الشارع .. فتح الراديو .. وكانت اغنيه اول مرة اسمعها ..


بتعدي في حته .. انا ئلبي بيتكسر مية حته
افضل في مكاني .. انشاالله لسته الصبح بفكر فيه
تئابلني في سكه ئصادي تفوت .. ببقى انا على تكه ومش مزبوط
حد يئولي اعمل ايه .. يحكمني عليه
ليه يا حبيبي من يوم ما ئابلتك .. وانت في كوم والدنيا في كوم
ليه عمري اللي فات والماضي ئبلك .. كان فاضي ومالوش ولا اي لزوم
آآآآه عملتلي إيه يوصلني للي انا فيه .. الله يجازيك..الله يجازيك
---
لا في بينا لا عشره ولا معرفه .. وابصم بـالعشره
خلاص بـالشفا انا من دلوأتي ورايح .. مجنون بيك
هافضل ورا منك .. الف وادور
انشاالله ان روحت لمية دكتور .. يا حبيبي دوايا ان انا استنى عينيك
ليه يا حبيبي من يوم ما ئابلتك .. وانت في كوم والدنيا في كوم
ليه عمري اللي فات والماضي ئبلك .. كان فاضي ومالوش ولا اي لزوم
عملتلي إيه يوصلني للي انا فيه .. الله الله يجازيك..

ضحكت وانا اقول لمنصور : شهالاغنيه الغريبه؟؟ ..

ابتسم منصور .. وقال لي : بس حلوة ..؟؟ ... فتحي الكيس .. طلعي لي ريد بول



قلت بعبط : لا ارجوك مب بايعه نفسي ..

طالعني بااستغراب : ها؟؟

قلت بعبط : مب تبي ريد بول؟؟

اشر لي بـ اي .. وهو يلف .. ويضرب هررررررررررررن " بووووووووووووري" ..وقال معصب وهو يأشر للي جدامه : ياخي دق اشاره يمين .. تلف مرة وحدة .. الله يلعن شيطان الي عطاكم ليسن .. انته ويه سياره؟؟ .. حمار وايد عليك " يكرم السامع"

ضحكت عليه .. وفطست من الضحك وانا اجوف ويهه محمر من العصبيه .. ياحليله هالابيض .. ابتسم وهو معقد حواجبه : اشفيج ؟؟ ..

قلت له : ليش انته تعصب فالسواقه مع انك بليد

رفع حاجب : بليد؟؟

خفت .. وقلت بسرعه : لالالا اقصد .. شسمه .. شيسمونه

قال يوهقني : شسمه؟؟ ...

قلت اغير السالفه : اي مب قلت تبي ريد بول؟؟ .. هاك ..

عطيته ريد بول .. قال لي : ليش مب بايعه نفسج؟؟

قلت بعبط : ريد بول بيعطيك جوانيييييييييح .. وبعدين اتطير انت وانا اتوهق .. خخخخخخ

ابتسم ابتسامه صغيره .. وماعلق .. اوف .. هالانسان بارد .. وجدي .. وبلييييد .. والضحكة عقب عشرين سنه تطلع منه .. اوففف .. انا مب متعودة اقعد ويا شخص جذي اربع وعشرين ساعه .. ياخي اتملل .. تطق جبدي ..

تنهدت بملل .. وانا ارد اطلع برع ..

يات اغاني وايد فالراديو .. بس هو كان مقصر ع الصوت .. وفاتح دريشته .. ومطلع طرف يده من الدريشه .. وهو متسند ع طرف الدريشه ..

قلت له : صكر الدريشه ..

قال لي : ليش ازعجج صوت برع؟؟

قلت ببرود : لا .. بس مااحب احد يطلع يده ..

عقد حياته .. وقال لي : انا بعد مااحب اقعد فالسيارة والدرايش كلها مصكرة .. او دريشتي مصكرة .. احس بخنقه ..!

طالعته .. من يوم تزوجته وانا مب ملاحظة كل هالاشياء البسيطة عليه .. ياترى ليش انا جي .. هل انا انسانه بليدة ماتهتم .. او .. شنو ؟؟ .. يمكن لاني مااحبه .. عشان جي مااهتم في هالتفاصيل عن زوجي وشريك حياتي ..

انحرجت يوم وصل بي هالتفكير .. زوجة وماتعرف اي شي عن زوجها .. زين مو ذنبي .. هو الي كذب علي .. يعني انا مالي خص .. اي صح .. انا مالي خص .. هو .. هو السبب ..

قال لي : انتي غريبه يا سارة .. غريبه .........!



..................


"امل"

مصدومة ..مصدومة .. يعني حمد .. هو نفسه جاســـم .. انزين ليــــش ؟؟ .. ليــش .. مو هو .. قال لي بيتزوج وحدة اشرف مني بمليون مرة .. مو هو .. لعب علي وقص علي .. ليش خطبني .. يكون يبي يكفر عن ذنبه؟؟ .. تذكرت ان هالشخص .. تقدم لي قبل لا نسافر دبي بااسبوعين .. يعني قبل لا اكلم .. حمد .. اوه .. اقصد جاسم .. قبل لا اكلمه ..

معقوله خطبوني له .. قبل لا ااكلمه ... وكلمته .. و ... احس بصداع ... بااصيح .. وهو .. اشكانت ردة فعله ؟؟ ..

اكيد قلب الدنيا فوق راسهم .. يوم عرف .. ان زوجته .. مب .. مب بريئه .. لها سوالف خايسه .. ليش ياربي ليييش ؟؟ ..

آآآه .. قلت بسلم من ناره .. اثاريني وسطها سمعت طق ع الباب ..

اعتدلت في فراشي .. وقلت : تفضل ..

دخل علي .. وابتسم ابتسامته الحنونه : صباااح الخير لاحلى اموول ..شخبارج ياورد ..

طالعته وسرحت .. حسيت اني باصيح .. انا مااستاهل هالمعامله ياعلي .. انا .. نزلت دموعي .. وصحت بقوة .. يه لعندي علي .. وقعد عندي ع السرير .. ويراني لحضنه ولماني ومسح على شعري بحنان : ياامل .. تعبتيني وياج .. قولي لي وريحيني .. اشفيج .. ليش هالصياح كله ..

طالعت ويهه كان صفحة مرسوة بالندم والذنب .. قلت بكذب وبحزن : لا .. بس .. ولا شي ..
صحت زيادة وانا احس بحنانه .. انا مااستاهل.. مااستاهل .. انا .. انا .. خنتكم ... آآآآآآآه ياعلي آآآآآآآآه ياريت .. ياريت مارحت وياك .. ياريت .. ياريت مادخلت الشات .. وياريت .. ياريت ماسويت الي سويته ليش .. ليش كلمت حمد .. اقصد جاسم .. ليش؟؟! ..

صحت بمرارة وانا احس بحنانه .. قعد يقرا علي صور كثيرة من القرأن حتى يهديني

وهى من أقوال الامام جعفر الصادق "ع"

إن مفزعات الحياه عند الإنسان ..... الخوف والغم والهم والضر وزوال النعمة

فقال عجبت لمن خاف ولم يلجأ إلى قول الله سبحانه وتعالى (( حسبنا الله ونعم الوكيل ))

مصداقاً لقوله تعالى (الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَاناً وَقَالُوا

حَسْبُنَا اللَّهُ وَنِعْمَ الْوَكِيلُ)(آل عمران:173)

فقد قال الله تعالى بعدها قول ( فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ يَمْسَسْهُمْ سُوءٌ )(آل عمران: الآية174)

-----------------------------

وعجبت لمن أبتلى بالضر ولم يلجأ إلى قوله تعالى

(( أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ)(الانبياء: من الآية83)

​

فقد سمعت الله بعدها يقول

(( فَاسْتَجَبْنَا لَهُ فَكَشَفْنَا مَا بِهِ مِنْ ضُرٍّ )(الانبياء: من الآية84)
-----------------------------

وعجبت لمن أبتلى بالغم كيف لم يلجأ إلى قوله تعالى

(( لا إِلَهَ إِلَّا أَنْتَ سُبْحَانَكَ إِنِّي كُنْتُ مِنَ الظَّالِمِينَ)(الانبياء: من الآية87)

فقد سمعت الله بعدها يقول

(( فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنْجِي الْمُؤْمِنِينَ)(الانبياء:88)
-----------------------------

وعجبت لمن أضير ولم يلجأ إلى قوله تعالى

(( وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَاد)(غافر: من الآية44)

فقد سمعت الله بعدها يقول

(( فَوَقَاهُ اللَّهُ سَيِّئَاتِ مَا مَكَرُوا وَحَاقَ بِآلِ فِرْعَوْنَ سُوءُ الْعَذَابِ)(غافر:45)

-----------------------------
الّذِينَ قَالَ لَهُمُ النّاسُ إِنّ النّاسَ قَدْ جَمَعُواْ لَكُمْ فَاخْشَوْهُمْ فَزَادَهُمْ إِيمَاناً وَقَالُواْ حَسْبُنَا اللّهُ وَنِعْمَ الْوَكِيلُ * فَانْقَلَبُواْ بِنِعْمَةٍ مّنَ اللّهِ وَفَضْلٍ لّمْ يَمْسَسْهُمْ سُوَءٌ وَاتّبَعُواْ رِضْوَانَ اللّهِ وَاللّهُ ذُو فَضْلٍ عَظِيمٍ * إِنّمَا ذَلِكُمُ الشّيْطَانُ يُخَوّفُ أَوْلِيَاءَهُ فَلاَ تَخَافُوهُمْ وَخَافُونِ إِن كُنتُمْ مّؤْمِنِينَ{ [آل عمران :173-175]
} إِذْ تَسْتَغِيثُونَ رَبّكُمْ فَاسْتَجَابَ لَكُمْ أَنّي مُمِدّكُمْ بِأَلْفٍ مّنَ الْمَلآئِكَةِ مُرْدِفِينَ * وَمَا جَعَلَهُ اللّهُ إِلاّ بُشْرَىَ وَلِتَطْمَئِنّ بِهِ قُلُوبُكُمْ وَمَا النّصْرُ إِلاّ مِنْ عِندِ اللّهِ إِنّ اللّهَ عَزِيزٌ حَكِيمٌ *إِذْ يُغَشّيكُمُ النّعَاسَ أَمَنَةً مّنْهُ وَيُنَزّلُ عَلَيْكُم مّن السّمَآءِ مَآءً لّيُطَهّرَكُمْ بِهِ وَيُذْهِبَ عَنكُمْ رِجْزَ الشّيْطَانِ وَلِيَرْبِطَ عَلَىَ قُلُوبِكُمْ وَيُثَبّتَ بِهِ الأقْدَامَ { الأنفال [9-11]
} وَقَالَ لَهُمْ نِبِيّهُمْ إِنّ آيَةَ مُلْكِهِ أَن يَأْتِيَكُمُ التّابُوتُ فِيهِ سَكِينَةٌ مّن رّبّكُمْ وَبَقِيّةٌ مّمّا تَرَكَ آلُ مُوسَىَ وَآلُ هَارُونَ تَحْمِلُهُ الْمَلآئِكَةُ إِنّ فِي ذَلِكَ لاَيَةً لّكُمْ إِن كُنْتُم مّؤْمِنِينَ{[البقرة –248]
} ثُمّ أَنَزلَ اللّهُ سَكِينَتَهُ عَلَىَ رَسُولِهِ وَعَلَى الْمُؤْمِنِينَ وَأَنزَلَ جُنُوداً لّمْ تَرَوْهَا وَعذّبَ الّذِينَ كَفَرُواْ وَذَلِكَ جَزَآءُ الْكَافِرِينَ{ [التوبة:26]
} إِلاّ تَنصُرُوهُ فَقَدْ نَصَرَهُ اللّهُ إِذْ أَخْرَجَهُ الّذِينَ كَفَرُواْ ثَانِيَ اثْنَيْنِ إِذْ هُمَا فِي الْغَارِ إِذْ يَقُولُ لِصَاحِبِهِ لاَ تَحْزَنْ إِنّ اللّهَ مَعَنَا فَأَنزَلَ اللّهُ سَكِينَتَهُ عَلَيْهِ وَأَيّدَهُ بِجُنُودٍ لّمْ تَرَوْهَا وَجَعَلَ كَلِمَةَ الّذِينَ كَفَرُواْ السّفْلَىَ وَكَلِمَةُ اللّهِ هِيَ الْعُلْيَا وَاللّهُ عَزِيزٌ حَكِيمٌ { [التوبة:40 ]
} هُوَ الّذِيَ أَنزَلَ السّكِينَةَ فِي قُلُوبِ الْمُؤْمِنِينَ لِيَزْدَادُوَاْ إِيمَاناً مّعَ إِيمَانِهِمْ وَلِلّهِ جُنُودُ السّمَاوَاتِ وَالأرْضِ وَكَانَ اللّهُ عَلِيماً حَكِيماً { [الفتح:4]
} لّقَدْ رَضِيَ اللّهُ عَنِ الْمُؤْمِنِينَ إِذْ يُبَايِعُونَكَ تَحْتَ الشّجَرَةِ فَعَلِمَ مَا فِي قُلُوبِهِمْ فَأنزَلَ السّكِينَةَ عَلَيْهِمْ وَأَثَابَهُمْ فَتْحاً قَرِيباً { [الفتح:18]
} إِذْ جَعَلَ الّذِينَ كَفَرُواْ فِي قُلُوبِهِمُ الْحَمِيّةَ حَمِيّةَ الْجَاهِلِيّةِ فَأَنزَلَ اللّهُ سَكِينَتَهُ عَلَىَ رَسُولِهِ وَعَلَى الْمُؤْمِنِينَ وَأَلْزَمَهُمْ كَلِمَةَ التّقْوَىَ وَكَانُوَاْ أَحَقّ بِهَا وَأَهْلَهَا وَكَانَ اللّهُ بِكُلّ شَيْءٍ عَلِيماً { [الفتح:26]
} الّذِينَ آمَنُواْ وَتَطْمَئِنّ قُلُوبُهُمْ بِذِكْرِ اللّهِ أَلاَ بِذِكْرِ اللّهِ تَطْمَئِنّ الْقُلُوبُ{[الرعد :28]
} قَالَ رَبّ اشْرَحْ لِي صَدْرِي * وَيَسّرْ لِيَ أَمْرِي * وَاحْلُلْ عُقْدَةً مّن لّسَانِي* يَفْقَهُواْ قَوْلِي{[طه:24–28]
}إِنّ الّذِينَ قَالُواْ رَبّنَا اللّهُ ثُمّ اسْتَقَامُواْ تَتَنَزّلُ عَلَيْهِمُ الْمَلاَئِكَةُ أَلاّ تَخَافُواْ وَلاَ تَحْزَنُواْ وَأَبْشِرُواْ بِالْجَنّةِ الّتِي كُنتُمْ تُوعَدُونَ{ [فصلت:30]
}وَقَالُواْ الْحَمْدُ للّهِ الّذِيَ أَذْهَبَ عَنّا الْحَزَنَ إِنّ رَبّنَا لَغَفُورٌ شَكُورٌ{ [فاطر:34]
}أَلَمْ نَشْرَحْ لَكَ صَدْرَكَ * وَوَضَعْنَا عَنكَ وِزْرَكَ * الّذِيَ أَنقَضَ ظَهْرَكَ * وَرَفَعْنَا لَكَ ذِكْرَكَ * فَإِنّ مَعَ الْعُسْرِ يُسْراً * إِنّ مَعَ الْعُسْرِ يُسْراً * فَإِذَا فَرَغْتَ فَانصَبْ * وَإِلَىَ رَبّكَ فَارْغَبْ{
}لإِيلاَفِ قُرَيْشٍ * إِيلاَفِهِمْ رِحْلَةَ الشّتَآءِ وَالصّيْفِ * فَلْيَعْبُدُواْ رَبّ هَذَا الْبَيْتِ * الّذِيَ أَطْعَمَهُم مّن جُوعٍ وَآمَنَهُم مّنْ خَوْفٍ{
فعلا حسيت براحه عجيييبه من بعد ماقرا علي هالايات .. حسيت اني مذنبه .. اشلون .. هجرت القرآن كل هالفترة الي طافت .. فعلا هو الدواء لكل داااء .. حسيت براحة نفسيه عجيبه وطمأنينه ..

تنهد علي بحزن من حالي وقال بعد فترة صمت من بعد ماقرا علي هالايات العجيبه.. : جوفي ياامل .. اذا ماكنتي مرتاحه لجاسم .. رغم اني اجوفه ريال .. والنعم فيه .. صدقيني محد راح يجبرج .. تتطلقين قبل الزواج .. احسن من بعد الزواج لا سمح الله .. لاتحسبين اني اقول كلمة الطلاق وانا مستانس .. لا ياامل .. مافي اخو يتمنى التعاسه لاخته .. وعشان جي .. "تنهد " انا ابي مصلحتج .. كلميني .. صارحيني .. اعتبريني .. صديقه لج .. مب اخو .. اعتبريني اي شي .. بس صارحيني .. ليش انقلب حالج جذي فجااة

هزيت راسي بـ لا .. وقلت بحزن : رفيجتي مااتت ..

لماني بقوة لحضنة : ياحبيبتي وليش ماقلتي لنا .. تبين تروحين تعزينها؟؟



قلت بصوت مبحوح : لا .. عرفتها من النت .!!

سكت شوي وبعدين باس راسي وقام وهو يقول : زين .. يالغاليه طيارتي الحين .. لازم اروح للمطار .. تامرين بشي من دبي؟؟

حسيت اني بااصيح وانا الذكريات تهاجمني بشراسه .. هزيت راسي بلا .. وطاحت دموعي .. باسني علي وراح .. وانا ظليت افكر .. ليش ماقلت لعلي وفكيت روحي .. يمكن خفت ان جاسم يفضحني .. انتفضت بخوف .. علي مايستاهل جي اسوي فيه .. علي هو ابوي واخوي .. ليش خذلته ... ليش؟؟ ..

تندمت اني دخلت الجات .. وتندمت اني كلمت جاسم .. وسمعت كلام لولوة ..ضيعت نفسي .. ضيعت نفسي ..


............



" حمدة " ..


طلعنا من المول وصدمت فواحد طوووويل ... اجنبي اتوقع .. من شكله واستايله .. كان لابس جينزلو ويست .. وقميص اصفر .. وفيدة سلاسل كثيرة .. وشعره مسويه شكل مقرف .. مش حلو ..

طالعته بااحتقار .. والي فهمته من كلامه انه يتأسف ويتحلطم عليه .. طنشته .. ومشيت لعفاري .. بس وقفت مبهوته وانا اطالع انسان .. يعني لي الكثير والكثير والكثير .. نعم .. خالد .. كان واقف ويرمس حرمه ويغمز لها .. لمعت عيوني .. وكرهته زيادة .. فريت ويهي بقوة .. ودخلت السيارة .. وانا كلي عزم ع الي اتخذته من خطوة .. حميد .. هو السند لي .. بس .. اوففف ... رن موبايلي .. وكان رقم غريب .. اول مرة يدق علي ..

طنشت .. لكن المكالمه ماخلصت .. ورن .. ويرن الموبايل .. لاكثر من 20 مرة

عفاري : حمدوه ردي .. بلاج ماتسمعين؟؟

قلت بملل : رقم غريب .. مااعرفه ..

سكتت عفاري وقالت بعدين : يمكن حد يعرفه ولا مب معقوله هالكثر متصل ومايندرى من هو؟؟ ..

قلت بملل : خله يرن لين ينفجر . انا مااعرف احد الا انتو ...

حسيت دموعي تعلقت فعيوني .. صدق .. انا ماعندي ربيعات شرات العالم والناس .. ماعندي الا عفاري بنت عمي .. وشموه اختها .. وبس .. مالي علاقه فـ احد حتى بنات الجامعه كانت المعامله بينا سطحيه ماتتعدى حدود المحاظرة ... منو بيتصل فيني يعني؟؟ .. اكيد واحد مشبه ع رقمي ..

وصلنا البيت .. ودخلناه .. وكان في شخص ماعطينا ظهره .. انا متأكدة انه مش حميد .. حميد مش عريض لهالدرجة .. وبعدين هذا شكله طويل .. وحميد اقصير عيل امنو هاه؟؟ وليش داخل الصاله هني؟؟ ..

كيف يسمح لنفسه يدخل .. كان لابس بانطلون ومعاه قميص .. التفت لنا .. وانصدمت .. وقفت مبهوته ..

هذا .. هذا .. هذا غ ي ث


غ ــــــــيث اخويه !!!



.......................



"روضه "

قمت من النوم .. بكسل .. وتوجهت للحمام .. تذكرت ليله امس .. سعيد كان هادي .. ومايندرى عن ردت فعله .. عقب مارديت ارقد وياه بنفس الغرفه .. وبدون اليهال .. لاني رديت انام فووق .. من 3 ايام .. بس الغريبه ان سعيد مابادر بـ اي شي .. مع اني توقعت انه بيبادر بـ اي شييخل بالشروط الي حطيناها قبل رجوعي هني ,..

خذت لي شاور .. وغيرت ملابسي .. نزلت تحت .. ويلست اتعبث في التلفزيون .. رن تيلفون البيت .. وكانت عذوب .. عازمتنا في مطعم .. بدون مناسبه .. صكرت من عذوب .. وانا افكر ..

رن التيلفون مرة ثانيه : الو ...

..: صباح الخير .. شحالج ..؟؟

ابتسمت : صباح النور .. بخير يسرك الحال .. ومن صوبك؟؟ ..

..: تمام .. اتصلت بج عذبه ؟؟ ..

قلت مؤيده : هييه اتصلت .. خبرتك؟؟

سعيد : اي .. اممم .. بتروحين ؟؟ ..


قلت باابتسامه : شو رايك؟؟ ...

سعيد اونه يفكر : شوفي من ناحيه تروحين عادي .. اهم شي ع حساب عذوب هههههههههه

ضحكت غصب عني : هههههه يالله يالبخيل..!

سمعت حسه وهو يهمس : فديت هالضحكة .. رفع صوته احم .. دوم .. شو بتروحين ولا ..

انحرجت وسويت روحي ماسمعت .. : هممم .. هي .. وانته بتروح؟؟ ..

سعيد يقلدني ؟: شو رايج؟؟

ضحكت بخبث : رايي .. تمسك عيالك وتيلس فالبيت

سمعت ضحكته المعترضه : افااااااااااااااااااااااااااا .. هذا وانا ابالج الوناسه

قلت بمكر : وانا ابالك الراحة .. ترد وترتاح .. شو تبا اكثر من جي؟؟ ..

ضحك وهو يقول : غلبتيني .. خلاص برايج جان بتروحين ..

قلت بااستفسار : مابتخطف عليه؟؟

سعيد : امبلا .. باخذكم وبوديكم المطعم .. حمدان وحمدوه بعد بيون اكيد

قلت : وانت ..

سعيد : انا شو ؟؟ ..

قلت : بتيي؟؟ ..

سعيد : ويهمج؟؟ ..

قلت بدون مااحس .: اكيد ... وصححت غلطتي .. اكيد عسب مايشكون فينا ..!! ..

قال بخيبه امل : اهــا .. لا مابا اضايقكم ..

قلت : مافيها مضايقه بوحمدان .. اذا مارحت .. هب رايحه ..

حسيته ابتسم : خلاص ولا يهمج .. رايح ان شاء الله .. يالله بسير عندي اجتماع .. شفتي كيف نسيتيني الدنيا ومافيها ؟؟ ..

قلت بجرح : شو .. نسيتك الدنيا ومافيها؟؟ .. كيف وشمسه؟؟ ..

قال بعتب : روضه .. طوينا هالصفحه .. لا اتمين اتذكريني فيها ع طول .. ترا ورب البيت مليت مايسوا عليه ..

تنهدت وقلت: اسفه .. يله اترخص .

قال بحمق: وداعة الله ..

يوه غبيه يا روضه لازم ماتذكرينه كل ساعه .. اي صح لازم مااذكرة كل مرة ..



..................


سلوى

" ردي "

" مابي "

" ليش عاااد "

" بس .. ماباقي شي ع العرس"

" لا باقي اسبوعين .. حرام عاد ماسامع صوتج من متى "

" لا مب حرام "

" حياتي .. يالله ماكسرت خاطرج"

"لا"

" زين ردي .. بس اسمع انفاسج "

"لا"

" اوفف .. عنيدة .. ردي .. بس انا الي بتكلم .. اسمعيني وصكري "

" فيصل .. بعد اسبوعين كلمني ع راحتك"

" حبي .. مايمانع اكلمج .. "

"............"

" كفااااااااااايه من زمان ماشفتج .. وماقعدت وياج الا كم مرة بس "

لا رد ... وبعد طول انتظار ياني مسج

" زين .. براحتج "

اتصال ... وابتسمت .. هو ...

" يعني معندة ها ؟؟ "



" زين .. مصيرنا بنتلاقى "

ضحكت بسعادة .. وضمت التيلفون لصدرها .. وانتبهت انها في مقهي .. انحرجت بالقو .. وحست ان عيون الناس كلها عليها رغم ان الناس كلهم كانو ملتهين في امور عدة .. ولا حاطينها فبالها ..

بلاد ماتعودت تلقي اهتمام بالناس ككل .. ولا تنتبه ع تصرفاتهم وتنقد عليهم .. تعودو ع الحريه .. ايطاليا نعم .. كانت قاعده بروحها .. امها طلعت تطلب لهم نظرا لانها تعرف الايطاليه .. اما سلوى.. فـ عربي .. وانجليزي ويخب عليها بعد خخخخ



................

"سارة "

هههههههههههههههههه ضحكت بالقوة .. وانا ادووووووووس .. والبطبطة .. شوي وتطير من السرعه ..

وانا ميته من الضحك .. وواسمع صراخ البنات يطلبون مني اهدي ..

وقفت البطبطة .. وانا ميتة من الضحك .. واحس نفسي مقطوووع .. يوووووووه ياحي الحيييييييييياة والله ههههههههههه

رتبت شيلتي وفتحت عبايتي الي كنت رابطتها ع خصري .. وضحكت وانا اضرب كفي بكف غدور المتهورة : ياسلاااااااااااااااام عليج يا بنت الخاله ..

رفعت عبايتي من جدام وكأني احيي جمهوري : شكرا شكرا جمهوري المتألق ..

ضربتني غدور .. وصرخت متألمه : ااااااااااااااي يعلج يالدفشه .. كسرتي ضلوعي ..

مر هالموقف في بالي .. موقف يوم دزني منصور .. وقلت له كسرت ضلوعي .. واستفسر عن كلمه ضلوعي ..

حسيت بالحزن .. معقوله .. كان يمثل علي .. معقوله انا كنت غبيه لهالدرجة .. وانا الي معروفه بذكائي .. قدر منصور .. يكذب علي .. شهررررين .. شهريين وهو يكذب علي ..ذكي .. ولا خبيث؟؟ .. حسيت الدموع تترقرق في عيني .. واشرت للبنات اني بروح اتمشى بروحي ..

تلقفت غدور وقالت بتيي تتمشى وياي .. بس يوم شافت البطبطه فاضيه طنشتني وراحت .. وتبون الصج احسن .. ابي اتمشى بروحي ...


تمشيت شوي . بحيث ماابعد عن الخيم الي منصوبه .. المكان صراحة وااايد روووعه .. فيه 4 خيم .. خيمه للشباب .. وخيمه للمطبخ .. وخيمه للحريم.. وخيمه لنا احنا البنات .. وكانت في جلسه بعد موجودة من الخشب .. وفيها مساند وقعده عربيه وااايد روووعه .. وفي مكان ثاني مسوينه الشباب لتخييمهم .. حق الشوي وهالامور .. وغير الحمام .. الي مسوينه .. يعني فعلا شبابنا وراهم فايده ههههههههههههه مايفكرون الا فهالامور .. خهههه ..

قعدت ع الرمل مب مهتمه اذا بتتوسخ عباتي ولا لاء ...

انسدحت بعدها ع الرمل .. وبديت اشوف السما وافكر .. افكر فكل شي .. فحياتي ..امي .. ماجد.. وابتعادي عنهم .. الحياة الاسريه الي افتقدتها وبشدة .. الحنان والترابط والالفه .. احس بدالهم حل البرود .. وخصوصا في قصر عمي .. مافيه حياة مافيه اي شي ..

منصور .. شهد .. سلوى .. محمد .. وسالم الكريه .. ماجد ... عمي .. خالتي ام منصور ... ليش حياتهم جذي .. ليش كل واحد منفصل عن الثاني ..ومحد يفكر في غيره .. كل واحد له حياة خاصه .. ماله خص في الي وياه .. مريض ولا صاحي .. راقد ولا تعبان .. شبعان ولا يوعان ... حياتهم كئيبه .. باردة .. احس في شي ينفرني من بيتهم .. بس شنو هالشي .. يمكن عدم الالفه بينهم ..

رن تيلفوني الي ببنطلوني .. وقفت نفضت عني التراب .. طلعت الموبايل .. وقعدت اسولف .. كانت شيوم رفيجتي تعاتبني ليش ماسجلت الدورة وياها ... سولفنا في امور كثيرة .. حسيت بااحد يقعد قريب من المكان الي انا قاعده فيه .. توقعتها وحدة من البنات .. صكرت من شيوم بعد شوي .. والتفتت للبنت الي قعدت قريب .. وانصدمت






كانت

























اقصد كان
























سالم ..



!!!!

 

..::]][[ الحفنه التاسعه عشر ]][[::..

(يعني انته تظلمني وانا ماتكلم ..
واذا انا اخطيت صارت جريمه؟ ..
يعني انت تتألم وانا ما تألم ..
انا على فكرة .. حياتي اليمه )

وقفت متنرفزة : انته اشلون تسمح لنفسك تيي وتقعد احذاي بعد ..

ارتجفت بخوف .. وحسيت بنرفزة عميييقه .. انسان .. كريه .. جريء .. خبيييث .. و و ماله خص بالعادات ولا الدين .. انسان وقح !!

وقف بسرعه : سارة .. لحظة اسمعيني ..

قلت بعصبيه وانفعال/ اسمع شنو .. انته الي اسمع .. جوف ياهيه ياانت ..اذا مرة ثانيه كلمتني .. ولاطاح لسانك فلساني .. والله (ورفعت سبابتي عند حلجي وانا اعيد حلفتي) والله انه مايردني عن منصور شي .. والله اني اخبره بكل شي .. وبنجوف ساعتها شبتسوي ..

وقف بطوله الفارع : اسمعي

طالعته بااحتقار .. هه .. وله ويه بعد يتكلم .. قليل الخاتمه .. حتى بعد ماجاف الموت بعينه وبعد مايتوب .. صج ان بني ادم مايملي عينه الا التراب .. اخ بس اخ .. مقهورة .. هالانسان من شنو مصنوع انا مادري ؟؟ .: انته احقر انسان في الوجود..

تحركت بسرعه .. وسمعت سالم يقول :: سارة وقفي .. اكلمج .. عيب عليج اكلمج وتطنشيني .. ياهل الاحقج انا؟؟

وقفت بعصبيه والتفت له : ليش انته تعــــــــــــــرف العيب اصلا؟؟؟

طالعته بااحتقار وصديت ..

نزل راسه .. هه .. يمثل انه مستحي .. ياحرام .. لايكون عباله صدقت انه مستحي .. هالعايله مادري عندهم حب تمثيل ولا شسالفه ؟؟ .. ماورثوه من غريب .. ياما ابوهم مثل انه يحب ابوي .. صج انه ياما تحت السواهي دواهي .. : يمكن لو قلت لج اني غلطان .. فـ انا تعديت الغلط بمراحل كثيره

قاطعته وقلت بااحتقار : يعني اتعرف عن نفسك .. حتى حتى ماراعيت اخوووك .. ولا راعيت الدم الي بينا .. (فتحت عيوني بااوسعها وانا اكمل بكل كره) انته مااستحيت على ويهك وعلى دمك وانت تتلفظ بذاك الكلام ؟؟

حسيت بقشعريرة فجسمي .. اشلون فكر فيني جذي ؟؟ .. واشلون يرضاها علي ؟؟ .. على بنت عمه... عرضه .. لحمه ودمه ..

قلت والدمعه تلمع بعيني : انته مو بس طحت من عيني .. انته اصلا صار مالك وجود فحياتي .. ومابي اي صله تربطني فيك .. اذا انت يا ولد عمي .. وجي فكرت فيني .. اشخليت للناس؟؟ .. صج صج صدمتني ..


................

"سالم"

شعور بالذنب والخزي .. شعور بالاستحقار ..منحرج من نفسي وااايد ... انا اشلون تجرأت وقلت لها الكلام .. انا اشلون فكرت هذيج الحزة .. يالله سامحني .. سامحني .. انا تماديت وايد .. غلطت وااايد .. آآآه .. شقول لج يا سارة .. ماقدر اسكت اكثر .. قلت افضفض لاكثر انسانه تكرهني .. : انا كنت اعصي الله وايد .."حسيتها بتقاطعني فكملت " لا تقاطعيني .. خليني افضفض حتى لو تحتقريني .. انا احتاج لاخت افضفض لها .. سلوى رقيقه حساسه .. ماتستحمل اقول لها .. وسلطانه مع ريلها ومااحب الهيها .. انا يا سارة كنت اتمرد على كل شي .. ماعندي احد يوجهني .. كل الي كان اييني الفلوس وبس .. ولا مرة حسيت ان في احد يهتم فيني .. ولا مرة حسيت اني شخص مهم .. توجهت لطريج خطأ .. وماكان فيه اي احد يمسك بيدي ويدليني ع الطريج الصح .. ابوي ملتهي بالشركات والسفرات .. امي مع سيدات المجتمع .. من مكان لمكان .. من حفله للثانيه .. محمد متزوج وماله خص بااحد .. سلطانه ولها بيت بروحها .. سلوى منعزله .. منصور كان يهيج على اقل شي .. ومحد كان يحاجيه نظرا لان نفسيته كانت تتعب وايد .. ماعندي احد يوجهني .. ماعندي احد ينصحني ..
مرة جفت وحدة بالمزرعه بالغلط .. جذبتني وايد .. خصوصا نظرة عيونها .. ويها كان يشع براءة .. غير عن البنات في ذاك الزمان .. يمكن ماحبيتها ... بس حبيت شخصيتها وبرائتها .. شدني هالشي لا شعوريا لها .. قررت العب عليها .. واكتشفت انها تصير لي .. كنت كل مرة احاول ابعدها عن تفكيري .. اشوفها ترد له .. سألت عنها ..طلعت بنت خالتج .. قررت اجي بيتكم بااستمرار .. وهالشي ماكان يمنعني من اني انرفزج .. واقلل من ثقتج بنفسج .. كنت اعاني انا من عدم الثقه بنفسي .. كنت اتظاهر بالثقه والغرور .. وانا من داخلي اجوَف فاضي .. مافيني اي شي .. مافيني ذرة ثقه .. ادري صيحتج وايد .. بس كنت ارتاح وانا اجوفج متعذبه .. ارتاح يوم اجوف غيري متعذب .. كنت اكرهج .. واكره اخوج ماجد .. واكره فهد .. لانكم كنتوا اكثر الشخصيات الي اواجههم في حياتي \.. فهد دايما كانو يقارنوني فيه .. وهو الشاطر الناجح .. وانا الكسلان الصايع ... كنت دايم انقهر من التفرقه .. كانت امي ساعات تفرق بينا وتقول لي صير مثله .. وانا كنت اعاند .. حتى اني عدت صفوف كثيرة بس عشان احرج اهلي جدام الناس .. كنت ابغي ابين لهم انهم مايستحقون نجاحي .. لانهم مايساهمون فولا شي من حياتي .. تنهدت بتعب وانا استرجع الذكريات ..مرة المدير اتصل فـ ابوي .. وقاله عن الشغب الي اسويه فكل حصه لنا .. وقال له عن رسوبي المتكرر .. تدرين شردة فعل ابوي ؟؟ .. حرمني من المصروف شهر .. وحبسني يوم واحد بعد ما اكلني العقال .. حسيت بالقهر .. والكره اتجاه ابوي .. قررت اتمرد اكثر واكثر .. انا ماكنت اعبر مثل منصور بالكسر .. والهواش .. صحيح .. كنت ساعات اتهاوش ويا اولاد المدرسة بس عشان يوصل الامر لابوي ويتفشل .. كنت ابغي الفت انتباهه .. بس ابوي ابد ماالتفت لي .. اهملت دراستي وايد .. وفالاخير اضطروا ينجحوني حتى يفتكون من ويهي .. الي كل سنة مسبب لهم مشاكل .. ورغم واسطات ابوي الكثيرة .. الا انه ماكان يتدخل في امورنا .. وكأنه جابنا ونسانا ..

تنهدت وانا اكمل .. واجوف ابعد نقطه في البر جدامي : كنت اسافر وايد .. احاول اغير من روتيني .. على الرغم من كثرة اصدقائي الا انه ماكان عندي صديق مقرب لي .. يحمل اسراري .. يشاركني همومي ... كنت وحيد ... ساعات كنت افكر فـ منصور .. وانه يحتاج هالشي مثلي .. بس دايما كنت اتردد .. واهون .. سمعت بعد فترة .. ان البنت الي جذبتني .. وقصيت عليها اني احبها .. انخطبت .. ين ينوني .. حسيت اني بموت لو راحت عني .. مش عشان اني احبها او اموت فيها .. لا .. بس كنت ابي امتلك انسانه مثلها .. شفافه,,, وبريئه .. وتزوجتها .. عانت معاي وايد .. وخصوصا مع تقلباتي الكثيرة .. وكانت كلها ترجع لـ ردات فعل .. اي شي كانت تسويه .. كنت ادري ان وراه شي .. لكن اكتشفت انها اسمى من انها تسوي شي عشان يكون وراه شي ثاني ..

راحت عني بعد مابثت فيني مشاعر مااعرف ايش اسميها .. يمكن حب ..لا..مادري.. بس شي يفوق الحب .. بعد ماراحت .. اكتشفت اني احتاج لها .. احتاج لها وايد .. ادمنت على شي اسمه بنات .. صارت عندي هلوسه اسمها بنات .. ادور وادور .. يمكن الاقي شخص حياة فيهم .. لكن مالقيت .. لين .. لين جفتج .. اسف .. انا غلطت بحقج كثير .. بس كنتي دايم فعيني صورة حياة .. كنت دايم اجوفج حياة .. رغم الفرق بينكم ... سارة .. انا صج .. ندمت .. ندمت على كل المضايقات الي عرضتج لها ..

صدقيني سارة ..والله انا .. ندمان .. ندمان ..انا صج صج ماكنت اقصد الي قلته .. انا .. انا والله ماقصدت اسيء لج .. ياسارة .. والله وهذاني احلف لج .. اني ماكنت ابي شي غير اني احميج مب بس من منصور ومن بيتنا .. حتى مني ومن نفسج يا سارة ... ساره .. سارة انا .. انا ندمت على كل شي فحياتي .. انا احتجت اني افضفض .. اتكلم .. اصرخ واقول واعبر ... بس مافي احد يسمع لي .. الكل ضدي يا سارة .. الا منصور .. وسلوى ... سارة .. سارة انا .. انا اسف .. واسف لاني ضايقتج بكلامي ..

تحركت وانا متنرفز .. ومتضاااايق .. مشيت بهدوء .. وببطئ يمكن فأي لحظة تقول لي وقف سالم .. انا سامحتك .. لكن ماقالتها .. ماقالتها ..

التفت لها وطالعتها بحسره وندم واسف .. ايش يفيد الندم ايش؟ ولاشي غير الحسرة الي تشعل القلب نيران.. شفتها قاعده وهي تطالع الارض .. تعابيرها ماكانت واضحه .. تنهدت بحزن .. ليش فضفضت لج يا سارة .. ليش ؟؟ .. تنهدت بتعب .. لو اني فضفضت لفهد ابرك لي .. كان يمكن ينصحني ..


بس سارة .. نفس الكل .. دايما ضدي .. آآآآآخ يا خوي يا منصور .. ياريت لو تدري اشكثر جرحت مرتك .. وجرحت فيك .. واستغفلتك .. تذكرت البجامات الي تخلصت منهم .. واغراض سارة .. الي قطيتهم من عندي .. بس عشان اكفر عن الي سويته .. انا غلطان

وغبي .. ومليون غبي .. كتمت وكتمت وكتمت واخر شي ابوح عن هالكتمان للانسانه الي تكرهني .. لاكثر انسانه تتمنى زوالي .. غبي .. غبي ..



.....................


"امل "

حسيت اني مصدومة .. جاسم تحت؟؟!! .. اشيبي ؟؟ .. ارتجفت .. وحسيت بخوف غير طبيعي .. ليش ياي ؟؟؟ .. اهو اهو مايبيني .. ليش؟؟ .. مـ مـ مـ مـعقوله بـ بـ بـيطلقني؟؟ .. اكيــد اكيــد .. صكرت عيوني بألم .. حياتي كلها قلبت مأساه عشان غلطة وحدة .. هي الي جرتني لكل هالاشياء .. هي المستنقع الحقير الي جرني لهالمصير ..

نزلت عيوني من المنظرة وقلت لـ مريم : بس انا مب مستعدة اليوم ..



سمعت مريم تقول بغرابه : اموول .. شنو مب مستعده بعد؟؟ .. تستعدين ليش رايحه عرس انتي؟؟ كلها كلها بتنزلين .. ربع ساعه وبتردين .. يبغي يقول لج كلمتين ويظهر

كلمتين؟؟ .. اكيد .. انتي طالق ...

بلعت ريجي بحسرة .. وقلت لمريم : مابي انزل .. قلت لج مابي انزل ..


وبديت اصيح بشكل هيستيري .. جافتني مريوم مصدومة وبعدها يات لي لمتني وهي تقرا علي .. وتقول لي : تعوذي من ابليس اموول .. حياتي بس خلاص لا تصيحين ..

صحت زيادة وانا ادزها ابي اطلعها من الغرفه .. مابي اشوف احد مابي .. ومابي اشوفه .. يبي يطلق خل يطلق .. مابي اجوفهم مابي .. مابي يفضحني .. حرام عليه ..

كل دقيقه عايشتها في ترقب خايفه من الفضيحه .. خايفه يقول مابي بنتكم .. ماتشرفني مثل ماقال لي ع التلفون


صحت بعمق .. لالا .. حرام .. حرام .. مابي مابي انفضح

ليش ليش ..

آآآه .. سمعت طق ع الباب صرخت وانا ارد اصيح : روحووووووووووو مابي اجوفكم ماااااااااابي ..


غطيت ويهي ورديت اصيح بقوة .. وفجأة رفعت راسي من ع السرير .. وركضت بسرعه للموبايل .. وانا رايحه للتسريحة .. جفت نفسي .. وخفت .. كنت متغيره وايد .. جسمي مصفر .. وضعفااان .. مش ضعف ريجيم ولا ضعف عادي .. لا ضعف ايبين فيه المرض .. شعري متهالك وفقدت الكثير منه .. من حالتي واكلي القليل .. السواد الي تحت عيوني كان اكثر شي شدني له .. كان متواجد تحت عيني مثل الظل ... كان يخرع ..


مسكت الموبايل بااصرار ..


وطرشت مسج ..




ورديت ع السرير وانا ارتجف .. ونوبه بكاء ثانيه غرقت فيها وانا اسمع امي وخواتي ومريم يترجوني افتح الباب .. صكرت عيوني بضعف ووهن .. يالله .. عفوك ..!!



........................

قبل ايام ..


صراخ مالي البيت وبالاخص الغرفه الي فوق : اشلــــــــــــــون تخطبون هذي لي اشلووون؟؟ .. انتي مب قلتي اسمها ايمااان؟؟

ردت بخوف وهي ترتجف : لا .. قلت رفيجتي ايمان امدحتها وانا جفتها و و و وعجبتني .. و سألنا عنها ..لي لي ليش ماعجبتك؟؟


صرخ بقوة : انا مااابيهـــــــــــا ..

ردت برجفه : يعني .. اشلون .. ما بتتزوجها؟؟ ..

صرخ بعصبيه : طبعا لا ..

ظلت ساكته ومحتاره .. شنو قصده بطبعا لا .. طبعا لا بياخذها؟؟ .. ولا طبعا لا مابيتزوجها ؟؟ .. ظلت محتاره .. يعني معقوله شكلها ماعجبه .. مع ان شكلها كيووت .. انزين لو ماعجبه الشكل .. ليش جذي متنرفز .. شسالفه .. يكون كان يقص علينا ونخطب له ويفشلنا مثل كل مرة .. ويفج الخطبه .. بس هالمرة .. ملج .. يعني ماراح تكون مثل قبل فسخ خطوبه .. بيكون فسخ عقد بعد .... ارتجفت بخووف .. وهي خايفه من كلام الناس عليه .. مايعجبه شي .. دايما مايعجبه شي ..


اندق الباب .. : يمه شفيكم صراخكم واصل لين تحت ؟؟ ..


تنفس بقوة .. وزفر بضييييج ..شد شعره القصير لورا وهو يحاول يمسك اعصابه .. امه كبيرة بالسن وماتستحمل .. اخر شي كان يتوقعه .. انها تكون اهي .. ليش؟؟ لييييش .. معقوله .. يتزوج وحدة بايعه شرفها مثل هذي ..!!! ​

​

 

"ماجد"

صرخت عليها بعصبيه : ردي ..ردي اقووووووووووولج ..

سمعت ضحكتها وهي تقول بعناد : لالا .. برد بس بشرط ماتضربني ..

قلت بعصبيه واضحه : بتردين السيارة ولا اشلون ..

سمعت صرختها وهي تقول : على شرررررررررررررررررط


قلت بعصبيه : اخلصي علي .. بيأذن الظهر وابي اقوم اصلي .. ورانا غدى ننجبه

ضحكت وهي تقول : احلف انك ماتسوي فيني شي واردها

ضحكت عليها .. هالانسانه عنيدة ماينقدر عليها : زين يالله مب مسوي لج شي

قالت بطفوله : احلف اول

ضحكت عليها .. ياناس ياحبيبتي والله .. حسيت بالذنب ساروة للحين صغيرة ع الزواج والمسؤوليه .. اخاف ان احنا ظلمناها بالزواج .. واكيد منصور الضحيه .. ابتسمت يوم تذكرت منصور .. والله انه داهيه وخبيث ولد العم .. اشلون لعب ع الكل .. يعني لو انا مرة ماسمعته وهو يكلم فهد و واحد ثاني معاه فالشركة .. كان مادريت انه صاحي .. وكان لعب علي مثلهم .. تذكرت يوم يوم عصبت عليه وتهاوشنا .. بس ماوصلت للايادي .. بس كانت هوشه كلاميه .. كنت معصب فيها .. حسيت منصور يستغلنا .. وانه يكذب على اختي هذي كبيرة وايد .. لكنه فهمني .. انه يحاول يخفف من حدة الموقف بينه وبين سارة .. خصوصا وهو يدرك كره ساره له



صراحه كبر بعيني .. هالانسان .. غريب ... اشلون مشى امورة .. واتقن كذبته .. قال لسارة انه يروح مدرسة للاميه .. تقريبا وهو هالوقت يداوم في الشركة ... والغريب ان سارة ماسألت واهتمت كالعادة .. اخبر سارة تهتم فكل شي بتفاصيله خصوصا اذا شي تحبه .. اوووه صح .. نسيت سارة ماكانت تستلطف منصور ... واتوقع كل هاي لانها عرفت من منصور ان ابوي توفى ..

آآآآه يا بوي .. ياريتك ويانا .. والله الحياة صعبه بدونك .. انتبهت من سرحاني ع سيارتي الي موقفه بالعرض بعيدة عني .. والاغاني تصدح فيها


ابتسمت على هباله ساروه .. الشيخه بايقه سيارتي .. ورايحة تدور فيها هي والبنات .. منصور عصب يوم عرف انها ماخذه السيارة .. وخصوصا .. لانه مايدري ان سارة حريييفه في السواقه ..

توجهت لسيارتي وخذتها .. وانا راجع للمخيم .. وقفت السيارة بحيث تغطي الجانب المفتوح ... من الخيم .. احنا صافين السيارات محاوطة الخيم حتى لو احد مر .. مايجوف الحريم والبنات ..

جفت عبود وثنوي .. يضحكون بخبث .. رفعت حواجبي مستغرب .. وتوجهت لهم بعد ماعدلت تيشيرتي الرياضي .. وغسلت يديني ..

جفتهم الخبيثين مخلين منصور يقطع البصل وهم يقطعون واحد يقطع خيار والثاني يقشر باذنجان .. ومنصور .. واقف وهو معصب ... واغلبيه شباب عايلتنا يخلصون بقيه امور الغدى ..

احنا يوم نطلع البر .. يكون شغل الغدى والعشا على الشباب .. والحريم على قولتهم ماخذين اجازة .. وماغير سوالف ويكسرون حب !! ..

سمعت صراخ يسوووف ... والتفت له .. جفت ثنوي يدعس قطعه بصله فحلجه .. وهو يصارخ ميت من الصياح ..

رحت لعند ثنوي وفريت اذنه : انته وبعدين وياك ها؟؟ .. ريال الي كبرك وياهم عيال .. وحاط دوبك من دوب ولدي

ثنوي ضحك : ههههههههههههههههههههه ولدك يقول لي مااحبك احب منصور اكثر .. قاعد ااكله الي قطعاه منصور .. وابيه يفرق بين الي يقطعه منصور والي اقطعه انا ... عشان يحبني اكثر


ضحكت وانا ادزة من جتفه واشل يسوف الي من جافني رفع يدينه الثنتين وهو يصيح ويقول : بابا .. اول ماشلته تعلق برقبتي ومات من الصياح وهو يأشر على ثاني : ماهبه ماهبه ...بابا تكه ماهبه ..

ثاني بعبط : ياسلام مجود صرت كباب مشهور .. ماجد تكه .. مش كباب تكه

ضحكت وانا اتوجه بيوسف للبنات : ههههههههههههههههه يعني تنكت حضرتك

ثاني بعبط وهو يضم عبدالله ويفتح حلجه ويدخل داخله البصله : لا احاول


سمعت صرخه عبدالله : ثنووووووووووي يالزززززززززززفت جايفني مرتك تلمني .. لاتعال بوسني .. تكفى


ثاني وهو يضحك : لالا.. ترجاني اكثر .. بفكر اذا ببوسك ولا لاء

ضرباه عبدالله وهو يقول : وصمخ لا تضحك فااذني ..قوم زين .. صاير متين ويعه كسرت ظلوعي

التفت عنهم وانا اضحك واهز راسي بضحكه .. متعودين على خبالهم هالاثنين .. طالعت منصور .. وجفته يطالعهم مندهش من تصرفاتهم .. طبطبت على ظهر يوسفاني الي يهمس لي انه مايحب ثنوي .. ويحب منصور اكثر منهم كلهم ..

دخلت المطبخ متوقع اجوف مرام هناك .. لكني سمعت حس بنات داخل وقررت ماادخل بس شدني شي : آآآه حتى وهو متزوج ومعاه ولده .. بعد احبه .. مب قادره انساه يا شيخة مب قادرة ... تغير وايد .. وايد ...

عقدت حياتي .. من هذي؟؟ .. صوتها مب غريب .. بس من؟؟ .. ومن هذا الي تحبه ؟؟ ..غريبه !! ..

طلعت موبايلي .. واتصلت لـ مرام .. تجي تاخذ ولدها ..


وجفت سارة طالعه تركض من الخيمه واسمع صرخه وحدة من البنات وراها ..ومن جافتني .. صرخت وهي تحاول تشرد من جهة ثانيه .. تكون بعيدة مني ..

ابتسمت وهزيت راسي بيأس .. مستحيل تعقل .. ولاكنها متزوجه ..

جفتها لفت بترجع .. وركضت ومسكتها وهي صرخت متفاجأة اني مسكتها .. ماتت من الضحك وهي تحلف : والله حلفت عليك ماتطقني

ضحكت وانا افرصها : ماطقيتج فرصتج .. كم مرة قايل لج استأذني ولا تبوقين ها؟؟ ..

ضحكت وهي تلهث بقوة وهي تقول بصوت عالي : انا فـــــــــــــ امااااااااااااااااااااااااااااااااااااااااااااان ماتقدرين تقربين مني

وضحكت زياده وهي تنخش وراي .. هزيت راسي وانا اقول : مابتعقلين انتي

ضحكت وهي تهز راسها بالنفي وتأشر علي وهي تقول : امااااان ههههههههههاي

ابتسمت وانا اجوف منصور واقف وراها ويطالعها وهو عاقد حياته .. وشكله مب عاجبه شي .. فضلت انسحب ..

: زين وخري ماتنعطين ويه خنقتيني

ضحكت ساروه وهي تسوي لي باي .. بس منصور وقفها : سارة ..


انسحبت .. ياني مسج من مرام .. ابتسمت ..


ليه احس اني معاك انسان ثاني واني اسعد شخص في هذا الوجود
وان بيديني مفاتيح الاماني
كل درب امشيه مفروش بورود
بكل ماشفتك تسمرت بمكاني
كن في عيونك لخطواتي قيود
كلمتين وكني مضيع لساني
نظرتين وكل مافيني يجود


...............



أكرهك وأحبك ولا أبيـك وأبيـك
لخبطت فكري ماعرفت الحقيقـه

ماتوقعت أعشقك في يوم وأغليك
لين ماحبك أشعل بقلبي حريقـه

تاهت بحوري وأنا أدور موانيك
والروح بغيابك وبعـدك غريقـه

والقلب يتبع بالمشاعر خطاويـك
ودروب غيـرك تشكـي الظيقـه

راضي بتعبك وأتحمـل بلاويـك
وماطيق غيرك ولا حتى دقيقـه

انسى اني أكون بيـوم ناسيـك
محد(ن) بعد المحبه ينسى عشيقه

يفز قلبي لاجابو الناس طاريـك
حبك قدر عمري ونورك طريقـه

أهديك كلي وانا وكلـي لمعاليـك
وأهديك كل الورد واحلى رحيقـه

من قال ماحبك ولاأبيـك وأبيـك
هذي خرابيط شاعر بحكم السليقه

ولا الحقيقه تراني مبتلـي فيـك
مثل ظامي يحتري من يبل ريقـه

واخرها تذكرني ليا هلت لياليـك
انت حبيب القلب وانت صديقـه
"منصور "

ضحكتها هي الي شدتني لولوة مطرشة مسجات عتاب .. ابتعدت اقراهم .. ولفتتني ضحكتها الحلوة .. بس عصبت شوي .. اشلون تضحك بكل هالسهوله جدام الكل .. وبهالصوت الرفيع .. ولو سمعوها الشباب .. ؟

قلت بهدوء: سارة ... التفتت لي متفاجأة ..

كانت خدودها محمره .. وخصل من شعرها الناعم ظاهره من شيلتها .. وعيونها تلمع بنظرة مليئه بالفرحه .. وكان ويهها اكبر دليل على تفاجأها من وجودي ..

قالت بمرح : هااا .. بسرعه بسرعه وراي شغل..

ابتسمت عليها وقلت : ايوا يا بزنس ومن .. شوراج؟؟ ... مديت يدي ودخلت خصل شعرها ...

كملت بمرح :وراي ضرب بالخمس ..استحت يوم دخلت خصل شعرها .. وابتعدت شوي عني وهي ترتب شيلتها باانحراج

ضحكت على تعليقها وقلت : حشى متزوج ريال مب بنت ..

طالعتني مصدومة ثواني .. ومفهيه وهي تطالع ويهي بالاحرى عيوني ... بعدها ..ابتسمت بألم وقالت : مسترجله ..!!


وراحت بسرعه .. وقفت مصدوم ..فتحت عيوني مب مستوعب ... للحين متأثرة بالي كنا نقوله لها .. ماعرف ليش حسيت قلبي انعصر من جفت ابتسامتها .. مادري ليش حسيت بحزن ..

عقدت حياتي وانا افكر ...وسمعت صراخ البنات .. وهم يقولون ..:/ رجعي .. رجعي سارووو ..

طالعت الخيام .. وسمعت ضحكة ساروه وهي تقول : والله ماارجع الا يوم تغيرووون .. مب مسويه مب مسويه ؟؟؟


تسوي شنو؟؟ .. التفت .. باارجع لخيمه الريايل الي كانت ابعد خيمه .. وسمعت مرام تقول : مافي ساروه .. تراها لعبه .. يالله قومي ..

سمعت حسها المعصب : مابي .. مابي .. انتو ماتستحون .. مابي ياقليلات الادب

ضحكوا البنات .. وانا عقدت حياتي وابتسمت .. رجعت للشباب .. وانا اهز راسي .. متقلبه يا سارة متقلبه .. ​

 

"سارة "

رجعت متألمه من منصور .. حسيت بحزن .. سمعت صراخ البنات .. وتذكرت .. انا قاعدين نلعب لعبه الغرشه .. دشيت المطبخ شربت ماي .. ورجعت للخيمه .. لعبنا شوي وتفاجأت بالطلب

قلت وبااحراج : بعدو عني .. بعدو عني .. قليللات ادب

ضحكت غدور بخبث : مايصير مايصير هاي لعبه ولازم تنفذين

قلت مقهورة وانا اتخصر : انتي جب .. اخر وحدة تعلق .. هي بروحها ماتسمع كلامنا .. وتبيني اسمع كلامها .. مساعه مااجوفج رحتي تقطعين بصل ..

ماتت غدور من الضحك : هههههههههههههههه .. انا مااعرف اغسل السجين تبيني اقطع بصل؟؟ .. بس انتي عاد سهله .. كل يوم موزعين بوسات

فلعتها بالمخده وانا اقول : جبي ياحمارة .. والله .. والله بروح ..

ضحكو البنات .. وقالت مرام : مافي ساروو .. تراها لعبه يالله قومي ..

عصبت من قلب .. وقلت بااحراج وانا افلعهم : مابي مابي .. انتو ماتستحون ؟؟ ... مابي قليلات الادب .. والله هاي الي قاصر .. اروح لخيمتهم وابوس ريلي .. يالله زين .. انا فالغرفه ماسويتها

ضحكو البنات وانسدحو من الضحك .. وانا طلعت معصبه منهم ..

شوي .. وكلهم ياو .. وبدينا نستعد لـ سباق البطابط ..

مرام : انا مب لاعبه ..

موزة توافقها : وانا بعد ..

طالعت موزة بطرف عيني .. اوفف .. صايرة ثقيله دم .. وقلت فداخلي احسن ..

وبديييييينا السبااااق .. غدور السباله .. لفت علي كم مرة .. وانا اصارخ عليها .. طبعا كنا مبتعدين عن الخيااااام وايد .. عشان ناخذ راحتنا .. وكلنا شلينا الشيل عنا .. لان المنطقه خاليه .. هذا اولا .. ثانيا بعيدة عن المخيمات وااااااااااااااااااااااااااااااااااااااااااااايد ..

غدور لفت علي ومشت جدامي ..

صرخت منفعله : غدوووور يالدبه .. لاتلفين علي .. غش .. والله غش ..

ضحكت غدور .. ودريت انها متعمده تيي جدامي حتى انفعل واتكلم واخفف من سواقتي .. دزيت نفسي شوي ع جدام والهوى يطير شعري .. وشعور البنات وياي ..

صرخت عبير وهي تقول بخوف : غديييييير .. لا تيين جدامي .. حرام عليج ..


التفت لها لقيتها مصكرة عيونها بخوف ومخففه سرعتها وااايد .. مت من الضحك عليها ..

غدور خبيثه .. لفت ع الكل عشان تسبقنا .. وفعلا سبقتنا .. وبعدها هي خففت سرعتها ليش ماادري .. المهم .. بقينا انا وهي نتسابق .. وبعدين يت بااغش واختصر الطريج .. وغيرت من اللفه .. ورحت ورا الشيره .. وسقت لصوب اليمين ..


انتبهت ان محد لا غدور ولا عبور وراي .. وقلت اكيد اني اختصرت وايد من الطريج .. ضحكت بخبث .. ورن موبايلي فهاللحظة .. طلعت الموبايل وكانت غدور .. اعرفها تبي تاخرني حتى تسبقني .. لكن مب علي يا غدور ..

:آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآه

اهتز جسمي لجدام .. وتحرك بكل قوته وانفلت ع الارض .. والبطبطه انقلبت وتوايرها للحين تتحرك بسرررررعه كبيرة ع الرغم من انقلابها ..

انفجعت من منظر البطبطه .. وجفت نفسي طايحة ع الارض ..رعب تملكني وانا اسمع حركة العجلات السريعه .. صكرت عيوني بألم .. و حاولت اقوم بس ماقدرت ..آآآآآآي...اه .. حسيت ان العظمة الي فريلي "فالكاحل.. فاللوزة " اتعورني وااااايد .. وانفجعت من جفت الدم والتراب مغطيهم .. حاولت امسك روحي عشان مااصيح .. ايييي اتعورني .. عضيت على شفايفي بقوة ...و لفيت ادور على موبايلي .. مالقيته .. حسيت اني باصيح خلاص مااقدر .. ريلي تحترق واتعوووورني وااااايد ..



انتبهت ان موبايلي مفرور بعييييييييييييييييييييييد .. تقوس حلجي وكنت على وشك اني اصيح .. سمعت صوت .. رياااال ..


وانفجعت .. خفت واااايد .. فالبر .. وبمكان بعيد عن خيمنا ... وريلي اتعورني مااقدر اقوووم .. والدنيا ظهر وحر .. بااحترق فهالشمس .. وغير هاي .. اذا طلع .. هالريال .. مب جنتل .. شاسوي .؟؟ .. ماراح اقدر ادافع عن نفسي اقل شي ..

حسيت بررررعب من هاللحظة خصوصا وانه بدت تتوضح ملامح الريال وانا اسمعه يقول : مـــــــــن هني؟؟؟ ..


صرخت بفرررررحة .. : عبووووووووووووووووووووووووووووووووود الحقني ..


من جفت ملامح ويهه من بعيد وانا استبشرت .. وعلى طول ناديت عليه .. يه لعندي .. وهو متخرع ..

قعد عندي متخرع ومفجوع : ساروة .. اشفيج اشايبيج هني بروحج ؟؟ ..

انتبه على البطبطة الي تتحرك عجلاتها للحين .. وانتبه ع الدم الي فريلي : آآ .. شصار؟؟ ..

قلت وانا اشوي واصيح .. : كنت اسوق بسرعه ومانتبهت على الحصااايه .. آآآآآآآآآآآآآآآآآآآي لا تهوس"تضغط" على ريلي اتعورني ....

وقف وهو يساعدني اوقف .. تسندت عليه .. وانا مثنيه ريلي ودموعي فعيوني بس زاخه نفسي ومابي اصيح ..

عبدالله : تقدرين تمشين ولا اشلج ..

تمسكت فذراعه بقوه : لالا اقدر .. اي اي .. ااه .. تحترق .. اتعووورني عبوود ..

سحب يدي وحطاها ورا رقبته يحاول يمشيني .. وانا اتأوه .. وهو كان يسولف وياي يغير من الجو .. وحتى انسى العوار


ثوواااني كنت اضحك واندمج وياه فالسالفه وثواني مااسمعه من الحرقه الي احس فيها

:ههههههههه ... صج؟؟ .. والحين شخبارها ؟؟؟ ...

عبود : تسلم عليج .. خخخ .. من مساعه اتصل فيها والحبيبه مطنشتني ..

ضحكت عليه .. وصكرت عيوني متألمه شوي ..

سمعت صفقه والتفت عبود .. وشي بديهي التفت وياه لانه يدي ورا رقبته .. ايي .. احس يدي انجلعت من مكانها اخ ..

فتحت عيوني على اوسعها وانا اجوف منصور واقف جدامنا .. وعيونه ماتبشر بالخير .. يووووه لو تجوفون عيونه .. اااااه عذااااب |..

لونهم خطييير مع اشعه الشمس .. ولا احلى .. >< الناس وين .. وهي وين؟

تخرعت من نظرته .. وماحسيت الا وهو ايرني من يد عبدالله ... حتى اني تعثرت بغيت اطيح .. بس وقفني بدفاشه : مو ناقص الا نسوي فلم لكم .. ؟ ..

طالعني بكرة .. وحقد وغضب ..

قلت بسرعه : منصور انت فاهم غلط .. و


قاطعني وهو يقول بااستهزاء : فاهم غلط؟؟ .. اجذب عيوني يعني ؟؟ .. شوي ويشلج .. وفاهم غلط ؟؟ .. وبعدين شهالعباله يعني ؟؟ .. بس قاطة الشيله .. جان قطيتي العباة مرة وحدة .. يعني عشان تاخذين راحتج اكثر ..

عصبت ويوم بغيت ارد قال عبدالله : استأذنكم .. شكله في نقاش .. ومب حلوة اكون موجود وياكم ..

منصور قاطعه بحده : وقـــــــف .. للحين ماتصافينا يالحبيب .؟؟

عبدالله عقد حياته : نتصافى على وشو ؟؟ ..

منصور بعصبيه : على الوقفه الحلوة .. واللقطه الاروع ..

عبدالله قال وهو للحين معقد حياته : واحد ويساعد اخته فيها شي؟؟ ..

منصور وهو يبتسم بااستهزاء : اختهـ.؟؟ .. اخبر بنت خالتك مب اختك ..

والتفت علي بحدة .. ولا شرايج يا مدام ؟؟

قلت بعصبيه : عبود رووح

فتح عيونه .. ورفع حاجبه بااستهزاء .. وعلى شفايفه ابتسامه استهزاء وبهمس لي: لا ؟؟ .. صج تخافين على الحبيب الولهان .. وماخفتي على روحج ... اقدر لج وفائج واخلاصج !!

قلت بعصبيه : عبود اخوي بالرضاعه ارتحت؟؟ ..

طالعني متشكك .. ورجع طالع عبود : لا تحاولون ترقعون ..

عبود : منصور .. يعني انته اتشك بمرتك ؟؟ .. واتشك فيني ؟؟ .. لا ياخوي .. ماهقيتها منك افــــــــا والله ..

منصور بعصبيه : انا عمري ماسمعت انك اخوها بالرضاعه !! وايي اجوف ريال لام مرتي شوي ويشلها .. تبيني اصفق لهم يالغالي؟؟؟

عبود بصدق : الكل يدري اني اخو سارة .. ومادريت انك ماتدري ولا كان سويت اعلان من قبل " وابتسم بغباء"

عقد حياته منصور .. وظل ساكت .. انسحب عبدالله بعد مااستأذن وعيونه مليانه خيبه من منصور .. اما انا فكنت متجتفه .. واحس ريلي تحترق ومب قادرة اوقف .. احس اني بطيح خصوصا اني واقفه ع ريل وحدة ..


منصور : صج الكلام الي قلتيه ولا ترقيعه ؟؟؟

قلت بعصبيه : لا اجذب .. تحركت باروح لخيمتنا .. وفقدت توازني لاني دست ع حصايه .. وطحت .. انفتحت ربطة شعري

وتناثر شعري بغجريه على ويهي وجتوفي ..احين هاي وقته؟؟ وقتك ياشعري المليق تنفتح الحين وانا حالتي حاله.. حسيت بفشيله .. ويدي مليانه رمل .. مااقدر اقوم واصكر شعري .. حاولت انفض ويهي من شعري .. لانه نغزني .. واحس بالحرارة تزداد .. خصوصا انه حررر \..وطولت وانا واقفه مساعه .. وبديت اعرق .. وشعري متلصق بيبهتي .. يعني شكلي بااختصار .. ايفششششششششششششششششششششششششل

ساعدني منصور .. وهو يعدلني وينفض معاي الرمل .. رفعت جتفي اليمين .. وحكيت فيه رقبتي ابعد شعري عن ويهي ورقبتي .. حـــــــــر حــــــــــــر حــــــــــــــر .. وريلي تحترق والله ..

مسك ريلي من الركبه ويراها قعد يتفحصها .. وهو يعدل قعدته : اشلون طحتي ..

صديت مابي اكلمه .. بعد كل الي سواه ويشك فيني اني بنت مب زينه .. واني اخونه .. حتى لو مااحبه .. مو معناته .. اروح اخلي ريال غريب ايي يساعدني .. بهالطريقه ..!! .. ماتوقعتها منك يامنصور ..

فر ويهي بيده وتناثر شعري على ويهي وعلى يده : يوم اكلمج .. لا تتصيمخين ..

قلت بعصبيه : ولك ويه تتحجى ؟؟ ..

منصور : لازم انتي الي مايكون لج ويه تتحجين مب انا ..

عصبت زيادة هالانسان بينني .. والله بينني .. اوف اوف اوف .. : اشتبي .. خلني ابي اروح ..

بعدت يده عن ويهي ومسحت يدي على عباتي الوصخة من الرمل .. صارت بيضا .. مسحت عليها ابعد حبات الرمل الي متعلقه بيدي .. قعدت انفض يدي .. ويوم تخلصت اصابعي من حبات الرمل .. بعدت شعري عن ويهي .. لانه مضايقني .. عاد نفس جملته : ماقلتي اشلون طحتي؟؟ ..

قلت بملل : كنا نسوي سباق .. وابتعدت عنهم وماانتبهت للحصايه .. وانقلبت انا والبطبطة .. في شي ؟ .. خلصت التقرير .. وريلي اتعورني ..

​

 

شق خلقه متوسطة من قميصه ولف ريلي فيها .. وانا اطالعه مدهوشه .. اشلون شق قميصه .. هذا صج مينون ..!!!! ..

قلت بغباء : اشلون بترد لهم جي ؟؟ ..

قال بضحكه : اشدعوه مفصخ؟؟ .. برتب نص القميص داخل البنطلون ونص برع .. يعني اونها حركة ..@@؟؟

طالعته مفهيه .. وقام وقف .. ومد يده لي .. وانا للحين اطالعه بغباء .. نقلت نظري بين يده .. وبين ويهه ..

ابتسم لي : يالله قومي ولا اعجبتج درجة الحرارة تحت الشمس؟؟ ..


انتبهت لحبات العرق الي كانت فيبهته .. وتذكرت خصل شعري المتلصقه بيبهتي .. وافشيلتاه .. بسرعه حركت قدلتي يمين يسار حتى ماترد تتلصق بيبهتي.. حركت قدلتي بتوتر وحركتها لليمين ولليسار حتى ماترد تتلصق فيبهتي.. اما منصور فـ فطس من الضحك .. قالت بااستغراب : اشفيك ..

مسك طرف بطنه وهو يقول ...: شكلج يضحك هههههههههه .. ليش جي مسويه.... مكششه قدلتج؟؟

بوزت على طول .. وانا احاول ارتب قدلتي والمشكله انها ترد تطيح مرة ثانيه على يبهتي وترد تتلصق فيهم .. احس شكلي كأنه وحدة هنديه تارسه شعرها دهن .. : مايخصك ..

وقفت وانا متجاهله يده .. بس هو ريح يده على جتفي وكأنه ماانتبه على تجاهلي ليده عمدا .. وقلت له : ايه ايه ايه .. شيل يدك .. والله انا المتعوره وهو الي يتسند علي ..

ابتسم وهو يقول : افا يالمتعورة .. اشلج اذا تبين .. (حاوط خصري وكمل وهو يجوف عيوني) .. بس ..( بعد شوي عني وهو لازال ماسكني وتفحص جسمي ).. متنانه اخاف تكسرين ظهري ..


حسيت ويهي يطبخ من الشمسس .. ومن الاحراااج ... نظرته .. تقهرررررررررررني .. طالعته بعصبيه وقلت له : امش امش .. يوعاااانه ..

ابتسم وهو يقول : ماقلت لج متنانه .. ههههههههههههههههههه

طالعته .. اول مرة يضحك جي .. انتبهت .. ضحكته وايد وايد حلوة ..

ابتسمت بداخلي ..


مشينا وااايد ..وكل شوي اخرط عليه ان ريلي قامت تعورني .. بس فعلا كانت تحرقني .. بس بس .. بس احس قلبي ينتفض ويدق بسرعه .. مب قادرة اخذ نفسي .. يالله اشفيني .. رفعت عيوني .. وانتبهت انه .. يالله شوي ونوصل الخيمه ..


......................


"روضه "

يلسنا في المطعم .. وكان فخم .. ومرتب .. واهم شي ان اكلاته هنديه .. لاني احب الاكل الهندي .. يلسنا .. وحمدان وحمدوه يطالعون المكان مبهورين .. وكل ساعه يأشرون ع الحديقه التابعه للمطعم يبون يروحون يلعبون ..


: ماما بنثير نلعب .

حمدان : اوفف عموه عذبه ليش قلتي لهم ايبون حمدوه .. اتفشل ماتعرف تتكلم

حمدوه بزعل : حمدان اثكت انته ماتعرف تتكلم ..

حمدان : انتي ماتعرفين .. قولي .. سارة سارت المدرسه اتحداااج .ز

حمدوه بتحدي : ثارة ثارت المدرثه

حمدان : شفتي كيف ماتنطقين السين صح

حمدوه : ثيييييييييييييييييييييييييين

حمدان : غلط ... ابويه سر ود بنتك عالجها ماتعرف ترمس ..

ابتسم سعيد وهو يطالع عياله .. انتبه اني اطالعه وغمز لي .. انحرجت ..وطالعت القائمه الي فيدي

ابتسمت غصب عني .. وطلبت "كاري ربيان " .. وحمدان وحمدونه .. طلبنا لهم برياني بدون سبايسي .. سعيد "كاري سمج " .. واخيرا عذوب .. " برياني سبايسي دياي|"

قعدنا نسولف في امور عامه .. ونضحك .. لين ماجابو لنا الغداء ..

سعيد كان مجابلني .. وحمدان ع يساره .. وحمدوة ع يميني واحذال حمدان .. وعذوب بيني وبين سعيد .. كانت الطاوله دائريه ..

واحنا ناكل .. حسيت بااحد يضرب ريلي .. رفعت عيني .. وكان سعيد .. واشر لي بالغلط .. ابتسمت وماعلقت .. ورديت اكل .. وعاد نفس الحركة .. وهالمرة ابتسمت واشرت له انه متعمد واني فاهمه انه متعمد .. ضحك فجأة ..

عذوب التفتت له بااستغراب : بسم الله عليك اخوي .. لا يكون بين السمج نكت بدال الشوك؟؟

سعيد وهو مبتسم : لاغناتي ماشي .. اكلي الربيان عدل ..

عذوب بااتسغراب : شو؟؟ انا طالبه دياي .. بلاك نسيت ؟؟ ..

ابتسم سعيد وهو يقول : هيه .. نسيت ...!

ابتسمت .. ورديت اكل .. اعرف انه يقصدني ..

التفت لحمدوه : مااما خلثت ايثير اروح العب؟؟

حمدان يتأفف : اوففف .. شو هاي اتفشلني ماباها اتيي وياي

تخصرت حمدوه : ليث ماتباني؟؟

حمدان بعبط : ليث فبيتهم .. ابويه .. تعرف شو معناة ليث؟؟

ابتسم سعيد : هيه .. اسد

حمدان : اي .. شي صبي ويانا فالصف اسمه ليث .. واقول له ان دايما اذكره ونحن فالبيت

سعيد بااستغراب : شو خصه؟؟

حمدان : حمدوه اختي كل ساعه تقول ليث .. اتذكره يا ريال ..!

ضحك سعيد ع حمدان الي يحاول يكون اسلوبه مثل اسلوب الرريايل ..

رن موبايلي وكان خلوف اخويه .. رديت عليه وانا مبتسمه .. وعيوني على حمدان وحمدوه وهم بالحديقه جدامنا .. التقت عيني بعين سعيد .. وكان يطالعني وبيده الشوكة والسجين .. انتبهت ان عذوب .. راحت الحمام ..

صكرت من خليفه : ليش ماتاكل؟ ..

تنهد سعيد .. ورد يطالع صحنه .. واكل : اكل .. خليفه؟

هزيت راسي بهدوء

قال سعيد : روضه .. لين متى ...!!

كنت ابغي اقول له اني خلاص سامحته .. بس مب عارفه كيف .. فكل مرة اقول بقول له .. مااقدر .. احس نفسي مااتهون

احس انه صعبها علي .. التزمت الصمت .. وتنهد مرة ثانيه .. شفته .. كان صاد ويطالع ع جنب ..

قلت له : توعدني ماتتكرر ..

طالعني وعقد حياته ..

طالعت صحنه .. وقال : افهم شو .. انج .........؟

هزيت راسي بـ اي ... واستحيت يوم مسك ايدي : صج؟؟ ..

ابتسمت : صج .. لكن ..

قاطعني : اوعدج ..


وابتسم ..




...................


" عذوب "

طلعت من الحمام .. وكنت قاصده هالعزيمه عسب اقرب منهم .. شهرين وهم يعانون .. خلاص حرام .. خلهم يردون لبعض ..

وانا طالعه شفت سعيد ساير لعياله .. ويضحك وياهم بفرح .. اما روضه فكانه تاكل ايسكريم ..

شكله سعيد طلب لنا ايسكريم .. سرت وقعدت عندها

واخذت ايسكريمها واكلته بغيض ..

ضحكت هي بقوة .. ورفعت حياتي مستغربه ..

انتبهت انها تأشر ع خشمي .. عقدت حياتي وبوزت : شووو؟؟ ..

ضحكت : شوفي ويهج مليان ايسكريم ..

فتحت عيوني مصدومة وانا اشوف الريال الي شفته فالمبزرة .. يوم سرنا وزف ساروة .. يطالعني وهو كاتم ضحكته .. ويمسح خشمه ..

انحرجت ومسكت الفاين بسرعه يالله يالله .. كل مرة اشوفه في موقف محرج اكثر من الي قبله ..

الي قبل نضحك ع يسوف وهو يصيح .. والحينه .. كأني مهرج .. احرااااااااااااااااااااااااااااااااج


مسحت ويهي .. وحسيت انيي بااصيح من الاحراج .. اما روضه فكانت تضحك بهدوء ..قرب سعيد .. وابتسم وهو يسلم على الريال



الرياااااااااااااااااااااااااااااااااال صاحب المبزرة .. اقصد الي شفناه فالمبزرة .. يعرفه؟؟ ... امبيه فشللللللللللله ..

حسيت اني ويهي تقطع من الاحرااااااااج

يه سعيد ..


ومشينا كلنا بنظهر من المطعم ..بعد ماحاسب سعيد لانه مارضى ادفع انا .. خوش انا اعزم وهو يدفع !! .,, عيل كل مرة بااعزمهم وهو يدفع هم ارفه عن نفسي وهم هو يدفع هههههههههههه اتغشمر اتغشمر ..

يلسنا في السيارة .. وانتبهت ان .. الريااااااااااال حرك هو الثاني من المطعم ..



سرحت فيه .. يااااه .. صدق احسه ريال .. بس ليش نظرة الالم بعيونه؟؟ .. مادري ..مادري ..



.................


"علي"


يالله شهالصدف .. هاي ثالث مرة اشوفها .. مرة في المبزرة .. ومرة في المطار .. والحين هني .. وطلعت اخت سعيد .. اي اخته .. وليش مش مرته؟؟ همممم .. اي لان مافي فيدها دبله .. اي صح .. صح ..

اخطبها؟؟ .. لالالا علي اشفيك توك ظاهر من تجربه فاشله .. وتبغي تتزوج


بس هالبنت غير.. انا حاس انها غير

مثل احساسك بأن لولوة غير .. كشرت من طاريها ..

لالا لولوة .. كنت احس باتجاها باحساس غير .. وهالبنت .. شي ثاني .. مب حب اكيد .. بس مااعرف مشاعر وديه صافيه احسها اتجاهها ..

وبعد احسها مب راعية شباب .. اممم .. اي .. من التزامها بااحجابها .. وحتى انها ماحاطة ميك اب ..

مممم ... يعني اتوكل ؟؟ .. اي ليش لا ... انا ريال .. وابغي اجوف عيالي .. وحتى لو من وحدة مااحبها

بس اهم شي ارتاح لها

ونسبهم يشرف

واخلاقها عاليه ..






يالله بتوكل .. والباقي ع الله

​

 

..::]][[ الحفنه العشرون]][[::..
(ذكريات لاتنسى)

"سارة "

كنت قاعده وانا مستانسه حدي .. كل شوي حد دلعني .. ليش اني متعورة .. لاحظت ان طرف يبهتي وشفايفي منفوخين .. شكله والله من الطيحة .. اخ اخ اخ .. الحمدلله ماصار فيني شي .. ملت براسي على جتف امي وانا مبتسمه .. واحس فيها وهي تقرا على راسي .. صكرت عيوني مستمتعه بدلع امي .. احس اني انحرمت منها طول هالشهور .. عقدت حياتي وانا اتذكر بيت عمي .. هادي بااارد .. خالي من كل شي ..

..: يمه .. سارة يمه .. اشفيج سرحانه ..

انتبهت .. وابتسمت بخجل : لا ولاشي افكر بسلوي .. وحشتني .. بااتصل فيها ..

ابتسمت لي امي .. اما انا قمت شوي .. وانا اعري "اعرج" .. :هلااااااااا شخبارج

ياني صوتها الرقيق : تمام .. اخبارج انتي .. شمسويه؟؟ ..

ابتسمت من قلب : بخييييييييير والله .. انتي اخبارج واخبار جهازج ..؟؟

تنهدت وهي تقول : ساروه ميته من الخرعه والله .. مااقدر اتخيل مابقى غير اسبوع ونص ... احس اني باصيح

ضحكت وانا ااشر لـ غدور : لا لا يايييييييييه يايه ... احم هلا سلوي ؟؟

سلوى بااستغراب : انتي مب فالبيت؟؟

ابتسمت وقلت : للا لا .. وقلت بحماااس .. احنا فالبــــــــــــــــــــر

سمعت صرخة حماس من سلوى : لا عاد لا تقولييييييييين .. متى رحتو ؟؟ .. وليش مانطرتوني يالخوووووووونه

ضحكت وانا اقول|: خير العروس؟؟ .. نوديج البر نردج قطعه افحمه؟؟

ضحكت سلوى : جب يالله جب .. "حسيتها انحرجت من صوتها" .. مايسوى علي صرت عروس كلكم من كل صوب تذكرووني ؟..

ابتسمت وقلت اصرف سلوي : زين انتي الحين ماعندج شي انا وراي هيصه ولعب هني .. فالليل بنرد

شهقت سلوي : ايا الي ماتستحين .. انا مشتاقه لج وانتي اتصرفيني يالدبه

ضحكت بقوه :ههههههه اي عشانج اخت ريلي لازم عداوات اشفيج ههههه

سلوي : اي ضحكي ضحكي مع ويهج خلاص زعلت مب يايبه لج صوغه

ضحكت وقلت بخبث : افا افا افا يالذا العلم تزعلين من بنت عمج حبيبتج .. سوسو ؟؟ ..

سلوى بعيارة : اي عادي تراها تصرفني

ضحكت وقلت بمكر : افا افا افا وقمنا نزعل خلاص اطرش لج فيصل بكبره يراضيج



سلوى بااحراج : ساروه وجـــــــــع

\طووط طووط طوووط

رفعت الموبايل من على اذني ومت من الضحك .. ياربي فديت سلووووووووووووي والله .. وحشتني الدبه وايد وايد وايد .. فديتها

صكرت من سلوي وتحركت من ورا السيارات ابغي ارد وانا للحين اعرج

سمعت : سـارة..

التفتت .. وكان .. سالم : خير اشتبي؟؟

ملامحة ماكانت واضحه مع هالظلام : دريت انج تعبانه .. سلامات ..

مارديت عليه انتظر النهايه وياه؟؟ ...

تنهد وبعدين قال : سارة .. لاتصيرين ضدي؟؟

طالعته بحدة ... لكن الظلام كان كفيل بانه يغطي على ملامحنا ..

: انا اعتذر عن كل شي بذر مني .. سارة .. خلينا نتصافى .. انا .. انا اعتبرج اخـ اختـي احم .. واي شي يقصرج لاتترددين وتقولين لي .. ومنصور .. منصور خليه فعيونج .. واذا بدر منه اي قصور .. وماقدرتي تقولين له .. انا موجود .. وماراح اقصر

...: تقصر فـ ايش؟؟

التفت للصوت .. وكان منصور .. الي ملامحهه مطموسه بين الظلام .. دب الرعب في قلبي .. منصور وسالم .. وانا ...

بلعت ريجي .. وبللت شفايفي بطرف لساني .. سمعت سالم : اقصر في مساعدتكم .. انا مثل اخوها ..

حسيته معصب وهو يقول : سارة ردي صوب الخيم ..


بلعت ريجي وهزيت راسي بـ اوكي .. واستوعبت انه مايجوفني في هالظلام : ا اآآآ او اوكي ..

تحركت بسرعه حتى حسيت ان شي كان تحت ريلي وتحرك صرخت مرعوبه .. وماوعيت الا وانا مسحوبه .. سمعت صوت من وراي : اشفيج ؟؟ ..

قلت بخوف ورجفه : ما ما مادري .. شي كان تحت ريلي .. تعلقت فيده اكثر .. منصور رجعني اخااااف ..

مسكني وقال : زين زين .. هدي مايحتاي تخافين .. روحي الطريج نفس مااهو ماتغير ..

مسكت يدة بخوف اكثر : لا مابي .. وصلني ..

سمعت حس سالم وهو معصب : امشي انا اوصلج .. دام ان منصور مب راضي يتحرك

حسيت منصور يقول بحده وهو ايرني : امشي ...راجع لك يا سالم ..

كنت ماسكه يده بكل قوة .. وميتة من الرعب اخاف اتحرك .. منصور حاول شوي يبعدني بس انا لصقت فيه ميتة من الخوف .. حسيته كارهني ومايبيني اوقف احذاه .. بس انا احين خايفه .. ومافي مجال ابعد مستحيل اصلا ..

منصور بغموض : اشيايبج هني ؟؟؟

تعلقت فيده اكثر وانا احسه يحاول يحرر يدة : منصور لا تهدني والله اخاف من الظلام .. كنت اكلم سلوي وماانتبهت اني بعدت عن الخيام

سكت وماعلق ... اول ماوصلنا للخيام .. قال لي : لاتبعدين مرة ثانيه عن الخيام وفهالليل سامعه؟؟

هزيت راسي بخوف من الي صار وقلت : انشالله

تنح شوي وهو يطالعني خصوصا ان الليتات الي حوالين الخيام والنار الي مشعلينها كانت منورة شوي من الظلام الحالك

انتبهت انه يطالعني .. انحرجت ومشيت بعرجه خفيفه .. ووصلت للقعده .. الكل كان موجود سواء بنات ولا شباب .. بس الشباب كانو ملتمين على المشاوي يشوون .. والي يكمل تقطع السلطة .. اما البنات فكانو مريحين وسوالف وضحك .. ولعب ..

رحت لامي وقعدت عندها ودفنت ويهي بجتفها ..

سمعت غدور تقول بغيره : جوفو الياهل انتو .. ياهل انتي ياهل شوي ونعطيج مرضاعه

قلت بدلع وانا الم امي اكثر : محتره ..

غدور : وي عشتااااااااااااااااااااااااااااااااااااااو احتر من وشو مع ويهج؟؟ .. اقول مويز لعبي لعبي ابرك

كشرت .. ولفيت صوب الريايل وانتبهت ان ثاني متنح وهو يطالع جهة البنات وبالاخص صوب غدور وموزة .. حسيت بغييييييييييض .. وقمت متعمده ورحت لهم .. وسويت روحي مااجوف ودست ع الاونو .. سمعت صراخهم ..

قعدت فالوسط بين غدور ومرام .. وقلت بغيض : اشرايكم نلعب انسان جماد حيوان ..؟؟؟

البعض وافق والبعض لا .. موزة : لا عاد قديمه اللعبه

قلت بخياس نفس : الي مايبي يلعب لا يلعب

تبادلو البنات النظرات ... وخزتني غدور .. وهي تأشر لي بـ ليش؟؟ ..

طنشتها .. وطالعت موزة من طرف عيني بااجوف تأثير جملتي عليها .. وفعلا كانت مصدوومة .. ودموعها متحجرة بعيونها من الاحراج .. لهالدرجة كلمتي محرجة ؟؟ ..


قامت موزة وانسحبت .. ومرام راحت لولدها .. عبير قامت بسرعه ورا موزة .. ومابقى من البنات الا انا وغدور


غدور بعصبيه : ليش قلتي لها جذي؟؟

هزيت جتفي ببراءة : ماقلت شي يزعل؟!

غدور بعصبيه : اتعرفين زين اشقلتي .. ابي اعرف اشغيرج على موزة؟؟ .. ليش جي تكلمينها؟؟ من الصبح وانا ملاحظة طناشج لها

يمكن عشان ثاني فضلها علي .. وخلاني اروح لمنصور .. سكت منحرجة من موقفي السخيف .. وعندت وقلت لها اني ماقلت شي غلط .. حسيت اني شريرة .. ولئيمه .. اوففف .. مابعتذر منها وماراح اعتذر يعني ماراح اعتذر .. تولي مايخصني فيها

غدور : تغيرتي سارو

طالعتها بعصبيه : انا مثل ماانا ..

غدور : لا ,,,,تزوجتي .. وتكبرتي .. يعني عشان تزوجتي واحد غني جي صرتي؟؟

ترقرقت الدموع فعيوني .. انا جي ؟؟ معقوله غدور تطالعني بهالنظرة .. انا متكبرة ومغرورة بس عشان تزوجت واحد غني؟؟

وقفت وقلت لغدور : ماظنيتها فيج يابنت الخاله


ورحت بسرعه مطنشتها .. رحت لامي وقعدت بضيج عندها .. جفت الريايل متحمسين ويشوون .. ركزت على منصور .. كان بعيد عنهم نوعا ما

قاعد على قطع خشب .. وبيده عصا ويقلب فالنار .. ووهج النار مرسوم على ويهه .. وعيونه السرحانه ..تسندت على جتف امي وتنهدت بعمق .. صكرت عيوني .. غفيت من التعب ع جتفها .. وانتبهت بعدها بشوي .. ان البنات كلهم موجودات والكبار يسولفون .. صكرت عيوني .. وقلت لامي اني بدخل خيمه البنات بنام ..

دخلت الخيمه وانتبهت لحركه فيها .. كانت موزة ...

سكت كنت مستحيه من نفسي .. اشلون كلمتها جذي .. كسرت عيوني .. وسويت روحي مو شايفتها .. تحركت لزوايه الخيمه .. وبديت افتش في شنطتي .. طلعت لي جلابيه

طلعت موزة .. وبدلت .. انبطحت ع الباق سليب الي فارشينه .. اول شي ترددت ارقد .. وخفت من الحشرات وهالخرابيط .. صكرت عيوني .. وحسيت بشي يمشي على جسمي ..ووقف ... ورد يمشي ع جسمي .. تخيلته ضب او حيه او حتى عنكبوت !!؟.. فزيت بسرعه وشعري تناثر على ويهي بعشوائيه .. حركته من على ويهي وعيوني .. انتبهت ان الحركه كانت بااطراف اصابع ناصعه البياض مع الاضاءه الخفيفه للخيمه .. رفعت عيوني والتقت بعيونه العسليه : عشا ....
تنفست براااحه عميقه .. وانا ارد انبطح .. وحطيت يد وحدة تحت راسي وانا اطالع خلق الخيمه الي فوقي : مابي

حسيت بحركة صوبي .. التفت ولقيته منسدح صوبي .. ومقلد حركتي .. ويطالع الخيمه فوقنا : ليش؟؟ .. عشان مساعه؟؟؟

عقدت حياتي ؟؟ .. ليش اشصار مساعه؟؟ .. تذكرت انه ماكان يبي يرجعني ويكلم سالم فـ شي .. قلت بملل : لا مب عشان مساعه .. بس انا شبعانه كثرت من الجبس والفلفل مساعه ومب مشتهيه ..

لف ويهي لجهته وانا انصدمت من حركته : ولا عشان قلت لج متنانه الصبح؟؟ ..وتبين تسوين ريجيم؟

التقت عيني بعينه .. ومع الاضاءة الخفيفه للغرفه .. غرقت فسحر عيونه ..سبحـــان الله شهالعيووون .. رسمة عينه .. رموشه السوودة الكثيييفه .. ولا لون عينه .. شي ثـــاني ... ​

​