المصدر: سالفة وقصيدة - في منتدى : منتدى اللغة العربية سالفة وقصيدة - مرشد سعد البذال الرشيدي من أبرز شعراء الكويت والخليج، علم من أعلام الشعر الشعبي وإحدى مدارسه، طرق جميع جوانب الشعر وبحوره، وأبدع وأجاد فيها، عاصر فطاحل الشعراء وبرز بينهم، يتميز شعره بالسهل الممتنع والعمق في معانيه، ويغلب على أشعاره طابع الحكمة وكذلك الغزل العفيف، ومن قصائده الخالدة كانت وصية لأبناءه، حيث روى محمـد بن علي الشرهان 'السالفة والقصيدة' وقل أن الشاعر المرحوم مرشد البذال كان يخاطب عياله، والعيال أول يسمونهم 'غوش' اذا كانوا أربعة أو خمسة وهم صغيرين متوالين وراء بعض، وكان شاعر الكويت (يسند) على ولد له اسمه عبدالله ويصغره ويسميه عبيد وهو 'كفيف' والبذال رحمه الله كان يقصد بالقصيدة هذه ان ينصحه وينبهه على عدة أمور ويعلمه فيها، طبعا يشرح أول شيء بقوله انتبه وانا ابوك واحذر النميمة والغيبة، والصغير فعلا ودك تعلمه من الصغر وتحذره من الغيبة والنميمة أو أنه ينقل الكلام، ولا تشجعه اذا جاء وقال يابوي فلان قال وفلان قال. ثاني شيء القصيدة تعلمه إحترام الناس واللي هم أكبر منه، وعلى أنه يعطي الناس حقوقهم ولا يأكل حلال أحد وباقي القيم والمثل والسلوم اللي حث عليها ديننا الحنيف، وفي هذه الأبيات وصية خالدة تصلح لكل زمان، وفيها يقول الشاعر مرشد البذال رحمه الله: يالله يارب الضعوف المساكين اللي لك المخلوق يحسن صلاته تستر على غوشن صغارن مكفين أكبرهم العارف دليله عصاته لا يا عيالي كلبوكم حبيبين عندي وعند الناس كلن وذاته عندي غلاكم يدفن الزين والشين وعند العرب كلن تشاف اخملاته يا عبيد أنا خابرك ورعن لهالحين داو بغبات الجهل وظلماته لاشك علمي لك محبه وتفطين تسمع الوالد وثبت وصاته وصاة مخلوقن يعرف القوانين مافات عمره بالجهل والهياته يا عبيد أنا أوصيك مني بثنتين ثنتين هن سوء البشر وحسناته أوصيك لاتبحث سدود المغيبين ولاتجهر اللي غارقن بغفلاته ترى النميمة تمحق الرزق والدين والمنزل العالي تهدم اطبقاته لاتحسبن أهل الظليمة بخيتين كلن يوافق ما عمل في وفاته وانذرك عن حق الضعيف المسيكين اللي على حقه يهل اعبراته ترى الضعيف اليا غدى الليل ليلين يدعي وعند الله توافق ادعاته الظلم فان الظلم يفنى السلاطين ياويل راعي الظلم من مقبلاته وانذرك عن ربعة رخومن هياسين اللي سوالفهم بوده وهاته ويا عبيد الأقشر لوصفا لك نهارين نهار ثالث جاك يرفع عصاته والله عندي ربعة الناس الأقصين ولا صديق يبلشك في حياته ترى الرجال ابهم فهود وحياوين جاك الكلام اللي صحيح ثباته ان كان ما تدري ترى الناس دراين الرجل مدحه بالمجالس طراته رجلن تعلق به رجالن مسمين عز الرفيق ولابته والحماته ورجلن تشوفه جسم وعيون ويدين ولولا الشعر ما تفرقه عن خواته كم واحد بالبيت يضرب بسيفين وان جاء حزم كلاب قبّع عبادته والحلم عن الغيض ينجي الشياطين يكفيك شر إبليس هو ودحراته
جزاكم الله خيرا اخى الحبيبمن الجيد التنوية والتنبية بالشعراء الخليجينفانا ارى انهم غير معروفين الا فى بلدانهملا اعرف هل برجع ذلك لطبيعة شعرهم وطبيعة لهجتهم التى لا يعرفها الا اهل الخليجاما انا فأجد صعوبة فى فهم الشعر الخليجى مكتوبا وافضلة منطوقاتحياتى لك
